కొంతమంది వారి కెరీర్‌తో సంబంధం ఉన్నా, లేకపోయినా కొత్త కొత్త విద్యలు నేర్చుకోవడానికి ఉత్సుకత చూపుతారు. అదే మరికొందరు తమ కెరీర్‌లో దూసుకుపోవడానికి ఎంత కష్టమైన నైపుణ్యమైనా ఇష్టంగా నేర్చేసుకుంటారు. అలాగే ఓ నటిగా తాను కూడా కొత్త కొత్త విద్యలు నేర్చుకోవడానికి ఆసక్తి చూపుతానంటోంది బాలీవుడ్‌ ముద్దుగుమ్మ దియా మీర్జా. పర్యావరణమంటే ప్రాణం పెట్టే ఈ చక్కనమ్మ.. తన ఆరోగ్యకరమైన లైఫ్‌స్టైల్‌కీ అంతే ప్రాధాన్యమిస్తుంటుంది. ఈ క్రమంలో తాను పాటించే ఆరోగ్య రహస్యాలు, ఫిట్‌నెస్‌ చిట్కాలను అప్పుడప్పుడు సోషల్‌ మీడియాలో తన ఫ్యాన్స్‌ కోసం పంచుకుంటుంటుంది దియా. ఈ క్రమంలోనే తాను కలరిపయట్టు అనే యుద్ధ విద్య నేర్చుకుంటోన్న ఫొటోను ఇటీవలే ఇన్‌స్టాలో పోస్ట్‌ చేసిందీ బాలీవుడ్‌ బ్యూటీ. మరి, ఇంతకీ ఉన్నట్లుండి ఇంత కష్టతరమైన యుద్ధ కళను ఈ ముద్దుగుమ్మ ఎందుకు నేర్చుకుంటోందో తెలుసుకుందాం రండి..!

‘భావ ప్రకటన స్వేచ్ఛ’ ఉందంటూ సోషల్‌ మీడియాలో కొంతమంది నెటిజన్లు సెలబ్రిటీల మనోభావాలు దెబ్బతినేలా కామెంట్లు పెడుతుంటారు. అదేపనిగా వివిధ సామాజిక మాధ్యమాల వేదికగా వారిని ట్యాగ్‌ చేస్తూ విమర్శల బాణాలు సంధిస్తూనే ఉంటారు. ఈ క్రమంలో కొందరు తమపై వచ్చే కామెంట్లను చూసీ చూడనట్లు వదిలేస్తుంటే.. మరికొందరు మాత్రం తమపై నెగెటివ్‌ కామెంట్లు చేసిన వారికి తగిన రీతిలో బుద్ధి చెబుతున్నారు. తాజాగా ఆస్ట్రేలియా స్టార్‌ క్రికెటర్‌ గ్లెన్‌ మ్యాక్స్‌వెల్‌ ప్రియురాలు వినీ రామన్‌కు ఇలాంటి అనుభవమే ఎదురైంది. ఈ సందర్భంగా తనను, తన ప్రియుడిని ఉద్దేశించి అసభ్యకర కామెంట్లు చేసిన ఓ నెటిజన్‌కు తనదైన శైలిలో సమాధానమిచ్చిందామె.

భవిష్యత్‌పై బెంగ... మదిలో మెదిలే లేనిపోని ఆలోచనలు... పోనీ కాసేపైనా బయట తిరుగుదామంటే కరోనా భయం... ప్రస్తుతం ఎవరిని చూసినా ఏదో ఒక రకంగా సతమతమవుతున్నారు. ఇక చాలామంది కరోనా కారణంగా మానసిక కుంగుబాటుకు గురవుతున్నారు. ఈక్రమంలో ఇలా లాక్‌డౌన్‌ వేళ పలు సమస్యలు ఎదుర్కొంటున్న వారికి తన మాటలతో స్ఫూర్తినిస్తోంది మనీషా కొయిరాలా. లాక్‌డౌన్‌ కాలంలో సోషల్‌ మీడియా పోస్టులతో తన ఫ్యాన్స్‌లో సానుకూల దృక్పథం నింపుతున్న ఆమె... మానసిక ఒత్తిడిని అధిగమించేందుకు తానేం చేస్తుందో తాజా ఇంటర్వ్యూలో షేర్‌ చేసుకుంది.

మానసిక ఆందోళన... ప్రపంచంలో ఎక్కువమంది ఎదుర్కొంటున్న ఆరోగ్య సమస్యల్లో ఇది కూడా ఒకటి. హార్మోన్ల స్థాయుల్లో మార్పులు, పలు ఆరోగ్య, వ్యక్తిగత, ఆర్థిక పరమైన సమస్యలు, పని ఒత్తిడి.. వంటి ఎన్నో కారణాలు ఈ సమస్య తలెత్తడానికి దోహదం చేస్తున్నాయి. మనిషిని శారీరకంగా, మానసికంగా ఎంతో కుంగదీసే ఈ ఆరోగ్య సమస్యను మొదట్లోనే అడ్డుకోవాలి. లేకపోతే ఒకానొక సమయంలో వీటిని భరించలేక చాలామందికి చనిపోవాలనే ఆలోచన కూడా వస్తుంటుంది. అందుకు తాజా నిదర్శనమే సుశాంత్‌ సింగ్‌ రాజ్‌పుత్‌ బలవన్మరణం. బాలీవుడ్‌తో పాటు సినిమా పరిశ్రమను కుదిపేసిన అతడి మరణం అందరికీ షాక్‌ ఇచ్చింది. ఈనేపథ్యంలో మానసిక ఒత్తిడి కారణంగా గతంలో తమ మదిలోనూ ఇలాంటి ఆలోచనలు మెదిలాయంటున్నారు ప్రముఖ తారలు ఖుష్బూ, షమితా శెట్టి. ఈ సందర్భంగా వీరిద్దరూ సోషల్‌ మీడియా వేదికగా డిప్రెషన్‌కు సంబంధించిన తమ అనుభవాలను షేర్‌ చేసుకున్నారు.

ఒక విధంగా చెప్పాలంటే కరోనా లాక్‌డౌన్‌ మనిషి జీవన విధానాన్నే మార్చేసింది. దీనివల్ల ఎంతోమంది ఎన్నో రకాల ఇబ్బందులను ఎదుర్కొంటున్నారు. ఇందులో భాగంగా కొంతమందిలో ఆరోగ్య సమస్యలు కూడా తలెత్తుతుండడం గమనార్హం. ఈ క్రమంలో లాక్‌డౌన్‌ కాలంలో ఎక్కువమంది మలబద్ధకం సమస్యతో బాధపడుతున్నారని ఓ అధ్యయనంలో వెల్లడైంది. మరి ఈ సమస్యకు నిపుణులు చెప్పిన కొన్ని కారణాలు, పరిష్కార మార్గాలేంటో తెలుసుకుందామా..!

కూరలో కరివేపాకులా అని తేలిగ్గా తీసిపారేస్తాం కానీ... దానిలోని పోషకాల గురించి తెలిస్తే పొరపాటున కూడా ఆ మాట అనం.... కరివేపాకుని కృష్ణనింబా లేదా తీపి వేప అనికూడా అంటారు. దీంట్లో కొవ్వు ఉండదు, పీచు ఉంటుంది. వ్యాధినిరోధక శక్తిని పెంచే విటమిన్‌ ఎ, బి, సిలతోపాటూ క్యాల్షియం అధికంగా ఉంటుంది. నువ్వులతో సమానమైన క్యాల్షియం కరివేపాకు నుంచి అందుతుంది.