నెలలు నిండుతున్న కొద్దీ అతి సుకుమారంగా తయారవుతుంటారు గర్భిణులు. కడుపులోని బిడ్డకు అసౌకర్యంగా ఉంటుందేమోనన్న ఉద్దేశంతో కొన్ని కఠినతరమైన పనులు చేయడానికి సంకోచిస్తుంటారు. ఇక ఈ సమయంలో వ్యాయామం మంచిదని చెప్పినా దాని జోలికి వెళ్లని వారూ లేకపోలేదు. ఇంట్లో ఉండే కొందరు పెద్ద వాళ్లు కూడా గర్భిణులు ఏది చేస్తామన్నా ససేమిరా అంటుంటారు. కానీ వీటన్నింటినీ అధిగమించి వ్యాయామాలు చేస్తూ, మారథాన్‌లలో పాల్గొంటూ నలుగురిలో స్ఫూర్తి నింపే ప్రయత్నం చేస్తున్నారు ఈ తరం మహిళలు. అలాంటి వారిలో ఒకరే బెంగళూరుకు చెందిన అంకితా గౌర్‌. ప్రస్తుతం ఐదు నెలల గర్భిణి అయిన ఆమె తాజాగా టీసీఎస్‌ వరల్డ్‌ 10కె రన్‌లో పాల్గొంది. గంటలోనే పది కిలోమీటర్లు పరుగెత్తి.. గర్భంతో ఉన్న వారికి పరుగు మంచి వ్యాయామమని చాటుతోంది. తొమ్మిదేళ్లుగా పరుగునే ఊపిరిగా మార్చుకున్నానని, ఆ ఉత్సాహమే గర్భంతోనూ తనను పరిగెత్తేలా చేసిందని చెబుతోన్న ఈ న్యూ మామ్‌ తన గురించి ఏం చెబుతుందో తెలుసుకుందాం రండి..

మహిళలకు మాతృత్వం ఎంత గొప్ప వరమో... బిడ్డను కనడం కూడా అంతే అగ్ని పరీక్ష. పురిటి నొప్పులను భరించి బిడ్డను ప్రసవించడమంటే ఆ తల్లికి పునర్జన్మ లాంటిదే. మరి సాధారణ సమయాల్లోనే ఎన్నో కాంప్లికేషన్స్‌ ఎదుర్కొనే మహిళకు విమానంలోనే పురిటి నొప్పులు మొదలై... అక్కడే ప్రసవం చేయాల్సిన పరిస్థితులు తలెత్తితే...??

స్నాతకోత్సవంలో ఒక్క బంగారు పతకం సాధిస్తేనే ప్రపంచాన్నే జయించినంత సంబరపడతాం. మరి అలాంటిది ఏకంగా ఒకేసారి 18 బంగారు పతకాలు సాధిస్తే...ఆ ఆనందానికి ఆకాశమే హద్దవుతుంది. ప్రస్తుతం అలాంటి ఆనందోత్సాహంలోనే మునిగి తేలుతోంది కేరళకు చెందిన యమునా మేనన్‌. ఇటీవల బెంగళూరులోని ఎన్‌ఎల్‌ఎస్‌ఐయూ(నేషనల్‌ లా స్కూల్‌ ఆఫ్‌ ఇండియా యూనివర్సిటీ) నుంచి న్యాయశాస్త్రంలో డిగ్రీ పట్టా అందుకున్న ఈ చదువుల తల్లిపై ఉపరాష్ట్రపతి వెంకయ్యనాయుడు, లోక్‌సభ స్పీకర్‌ ఓం బిర్లా వంటి ప్రముఖులు సైతం ప్రశంసల వర్షం కురిపిస్తున్నారు.

సుధామూర్తి... సామాజిక సేవకు పర్యాయ పదంగా నిలిచి, ఎంతోమందికి స్ఫూర్తిగా నిలిచిన ఈమె గురించి ప్రత్యేక పరిచయం అవసరం లేదు. ఇన్ఫోసిస్‌ ఫౌండేషన్‌ ఛైర్‌ పర్సన్‌గా, సామాజిక కార్యకర్తగా, రచయిత్రిగా ఆకాశమంత ఎత్తుకు ఎదిగినా సాదాసీదాగా ఉండడానికే ఇష్టపడే ఆమె వ్యక్తిత్వం ఎందరికో ఆదర్శమని చెప్పవచ్చు. ఓవైపు ఫౌండేషన్‌ బాధ్యతలు సమర్థంగా నిర్వహిస్తూనే సామాజిక సేవా కార్యక్రమాల్లో చురుగ్గా పాల్గొంటారు మిసెస్‌ మూర్తి. తన సామాజిక సేవలకు గుర్తింపుగా పద్మశ్రీతో పాటు ఎన్నో పురస్కారాలు అందుకున్న ఆమె తాజాగా మరో అరుదైన గౌరవం దక్కించుకున్నారు. వన్యప్రాణుల సంరక్షణలో భాగంగా సుధామూర్తి అందించిన సేవలకు కృతజ్ఞతగా బెంగళూరులోని ఓ ఉద్యానవనంలో పుట్టిన ఓ బుల్లి ఏనుగుకు ‘సుధ’ అని నామకరణం చేశారు.

ప్రపంచాన్ని పట్టి పీడిస్తోన్న కరోనా ప్రస్తుతం భారతదేశంలో ఉగ్రరూపం చూపిస్తోంది. ‘అన్‌లాక్‌’ అంటూ ప్రభుత్వం లాక్‌డౌన్‌ సడలింపులివ్వడంతో కరుణ లేకుండా అందరిపై విరుచుకుపడుతోంది. నిరంతరం అప్రమత్తంగా ఉంటూ ఎన్ని జాగ్రత్తలు తీసుకున్నా సరే.. సామాన్యులతో పాటు వివిధ రంగాలకు చెందిన సెలబ్రిటీలు ఈ వైరస్‌ బాధితుల జాబితాలో చేరిపోతున్నారు. తాజాగా ప్రముఖ బాక్సర్‌ లైశ్రమ్‌ సరితా దేవి, బయోకాన్ ఛైర్‌పర్సన్‌ కిరణ్‌ మజుందార్‌షా ఈ మహమ్మారి బారిన పడ్డారు.

సినిమా రంగంలో ఉన్న వారిద్దరూ అనుకోకుండా పరిచయమయ్యారు. మంచి స్నేహితులుగా మారారు. అభిప్రాయాలు, అభిరుచులు కలవడంతో పదేళ్ల పాటు ప్రేమలో మునిగి తేలారు. అనంతరం పెద్దల ఆశీర్వాదంతో పెళ్లి పీటలెక్కారు. తమ ప్రేమ బంధాన్ని మరింత పరిపూర్ణం చేసుకునేందుకు ఒక పండంటి బిడ్డను కూడా తమ లైఫ్‌లోకి ఆహ్వానించేందుకు రడీ అయ్యారు. అయితే వారి అన్యోన్య దాంపత్యాన్ని చూసి కాలానికి కన్ను కుట్టిందేమో! నిండు నూరేళ్లు కలిసి జీవించాలన్న వారి కలలను కల్లలు చేసి ఇద్దరినీ విడదీసింది. ఇటీవల గుండెపోటుతో కన్నుమూసిన కన్నడ నటుడు చిరంజీవి సర్జా, ఆయన సతీమణి మేఘనా రాజ్‌ల అందమైన ప్రేమకథ ఇలా మధ్యలోనే విషాదాంతమైంది. అప్పటివరకు తనతో కలిసున్న సర్జా హఠాన్మరణం మేఘనకు తీరని శోకాన్ని మిగిల్చింది. అందుకే అంత్యక్రియల సమయంలో ఆమెను ఓదార్చడం ఎవరి వల్లా కాలేదు.

‘వైద్యో నారాయణో హరి’ అంటూ వైద్యులను సాక్షాత్తూ ఆ భగవత్‌ స్వరూపులుగా పోల్చారు మన పెద్దలు. కనిపెంచిన తల్లిదండ్రులు, విద్యాబుద్ధులు నేర్పించే గురువు తర్వాత దేవుడిగా భావించేది డాక్టర్లనే. ప్రస్తుతం ప్రపంచాన్ని పట్టి పీడిస్తోన్న కరోనాకు పగ్గాలు వేసేందుకు డాక్టర్లు, నర్సులు పడుతోన్న శ్రమను చూస్తుంటే ఈ మాటలు గుర్తుకురాక మానవు. ఆపత్కాలంలో అహర్నిశలూ వైద్య సేవలు అందజేస్తూ అందరి మన్ననలు అందుకుంటున్నారీ సూపర్‌ హీరోస్‌. ఇక విదేశాల్లో స్థిరపడ్డ భారతీయ వైద్యులు కూడా కరోనాపై అలుపెరగని పోరాటం చేస్తున్నారు. ప్రాణాలను సైతం లెక్కచేయకుండా కరోనా రోగులకు వూపిరిపోస్తున్నారు. ఈనేపథ్యంలో వైరస్‌ వ్యతిరేక పోరులో భాగంగా తనవంతు సహాయం చేసేందుకు బ్రిటన్‌కు పయనమవుతోంది బెంగళూరుకు చెందిన డాక్టర్‌ రూపా వెంకటేశ్‌. గతంలో అక్కడ వైద్యురాలిగా సేవలందించిన ఆమెకు బ్రిటన్‌ నుంచి పిలుపు రావడంతో ఈ ప్రతికూల పరిస్థితుల్లోనూ తన ప్రాణాలకు తెగించి మరీ వెళ్లడానికి సిద్ధమవుతోందీ లేడీ డాక్టర్‌.