ప్రపంచవ్యాప్తంగా కరోనా విజృంభణ కొనసాగుతుండడంతో ఈసారి ప్రజలు మాతృ దినోత్సవ వేడుకలను తమ ఇళ్లలోనే జరుపుకొన్నారు. అయితే లాక్‌డౌన్‌ కారణంగా చాలామందికి తమ తల్లులను స్వయంగా వెళ్లి కలుసుకోవడం వీలు కాలేదు. దీంతో ఫోన్‌, వీడియో కాల్స్‌ ద్వారానే వారికి పరోక్షంగా మదర్స్‌ డే శుభాకాంక్షలు చెప్పి సరిపెట్టుకున్నారు. ఈ క్రమంలో సినీ పరిశ్రమకు చెందిన పలువురు తారలు కూడా సోషల్‌ మీడియా ద్వారా తమ మాతృమూర్తులకు మదర్స్‌ డే విషెస్‌ తెలిపారు.

లాక్‌డౌన్‌ కారణంగా సోషల్‌ మీడియా వినియోగం విపరీతంగా పెరుగుతోంది. అందరూ ఇంటికే పరిమితం కావడంతో స్మార్ట్‌ ఫోన్లను క్షణం కూడా వదలట్లేదు. సామాన్యుల నుంచి సెలబ్రిటీల వరకు అందరూ గత జ్ఞాపకాలతో పాటు, లాక్‌డౌన్‌లో దిగిన ఫొటోలను సోషల్‌ మీడియా వేదికగా పంచుకుంటున్నారు.

లాక్‌డౌన్‌ కారణంగా సామాన్యుల నుంచి సెలబ్రిటీల వరకు అందరూ ఇళ్లకే పరిమితమవడంతో ఈ ఖాళీ సమయంలో ఏం చేయాలో ఎవరికీ పాలుపోవట్లేదు. దీంతో కాలక్షేపం కోసం ఒక్కొక్కరూ ఒక్కో దారిని వెతుక్కుంటున్నారు. ఇక సెలబ్రిటీల గురించి ప్రత్యేకంగా చెప్పనక్కర్లేదు. మునుపెన్నడూ లేని విధంగా ఇంత ఖాళీ సమయం దొరకడంతో ఎంచక్కా ఇంటిపట్టునే ఉంటూ రకరకాల ఛాలెంజ్‌లను విసురుకుంటున్నారు. లాక్‌డౌన్‌ మొదలైన దగ్గర్నుంచి సోషల్‌ మీడియాలో వైరల్‌గా మారిన బోలెడన్ని ఛాలెంజ్‌లను మనం చూసే ఉంటాం. ఇదే విధంగా - ‘పిల్లో ఛాలెంజ్‌’ పేరుతో మరో కొత్త ఛాలెంజ్‌ నెట్టింట్లో వైరల్‌ అవుతోంది. ఇంతకీ ఏంటీ ఛాలెంజ్‌? దీన్ని ఎవరెవరు స్వీకరించారు? రండి.. తెలుసుకుందాం..

తండ్రి వారసత్వంతో ఇండస్ట్రీకి ఎంట్రీ ఇచ్చినా తనకంటూ ఓ ప్రత్యేకతను సంపాదించుకుంది నటి శృతి హాసన్‌. కేవలం నటిగానే కాకుండా గాయనిగా కూడా ప్రేక్షకులను ఆకట్టుకుందీ చిన్నది. కొన్నేళ్లుగా సినిమాలకు దూరంగా ఉన్న శృతి.. రవితేజ హీరోగా తెరకెక్కుతోన్న ‘క్రాక్‌’ అనే సినిమాతో మళ్లీ ప్రేక్షకులను అలరించడానికి సిద్ధమైంది.

ఒక వ్యక్తి బయటి ప్రపంచానికి ఎంత గొప్పవాడైనా.. భార్యకు మాత్రం ఎనలేని ప్రేమాభిమానాలను పంచే భర్తే. అందుకు తాజా సాక్ష్యం మన మగధీరుడు రామ్‌ చరణ్‌.

మందు లేని కరోనా మహమ్మారిని అంతమొందించాలంటే ప్రజలంతా కలిసికట్టుగా పోరాడాల్సిందే.. ఇంకో మార్గం లేదు. ఈ క్రమంలోనే అంతా ఇళ్లకే పరిమితమవుతూ కంటికి కనిపించని ఈ వైరస్‌పై యుద్ధాన్ని ప్రకటించారు. ఇక సెలబ్రిటీలు కూడా ప్రజల్లో అవగాహన కల్పించడానికి తమ వంతు కృషి చేస్తున్నారు.

పాయల్‌ రాజ్‌పుత్‌. సినిమాల్లో తన అందంతో అభిమానులను కట్టిపడేసే ఈ అందాల తార ప్రస్తుతం ఇంట్లో ఖాళీగా.. ఏం చేయాలో తోచని పరిస్థితుల్లో ఉంది. గృహ నిర్బంధంలో ఉన్న సమయంలో తాను ఏం చేస్తుందో అభిమానులతో పంచుకుందీ లవ్లీ గర్ల్‌. టీవీ చూస్తూ, ఏదో తింటూ, నిద్రపోతూ, మొబైల్‌ ఫోన్‌ ఆపరేట్‌ చేస్తూ.. ఇలా రకరకాల ఫొటోలను ఒకచోట చేర్చిన ఫొటోను పోస్ట్‌ చేస్తూ.. ‘తినడం.. నెట్‌ఫ్లిక్స్‌లో సినిమాలు చూడడం.. పడుకోవడం.. మళ్లీ వీటినే రిపీట్‌ చేయడం’ అని అర్థం వచ్చేలా ఓ ఆసక్తికరమైన క్యాప్షన్‌ను జోడించిందీ అమ్మడు.

సోషల్‌ మీడియా విస్తృతి రోజురోజుకీ పెరిగిపోతోంది. ఈ క్రమంలో అందరూ ఏ చిన్న విషయం పంచుకోవాలన్నా సోషల్‌ మీడియానే ఆశ్రయిస్తున్నారు. మరీ ముఖ్యంగా సెలబ్రిటీలు సామాజిక మాధ్యమాల ద్వారా తమ అభిమానులతో నిత్యం టచ్‌లో ఉంటున్నారు. ఈ క్రమంలోనే టిక్‌టాక్‌ యాప్‌కు ఎంతటి ఆదరణ లభిస్తుందో ప్రత్యేకంగా చెప్పాల్సిన అవసరం లేదు. సినీ తారలు కూడా ఇందులో ఖాతాలు తెరిచి తమ ఫ్యాన్స్‌కు మరింత చేరువవుతోన్న విషయం తెలిసిందే.

అటు నటనలోనే కాకుండా సింగర్‌గా కూడా మంచి పేరు సంపాదించుకున్న అందాల భామ శృతి హాసన్‌. చిన్నప్పటి నుంచి సంగీతంపై తనకున్న ఆసక్తే తనను గొప్ప గాయనిగా మనందరికీ పరిచయం చేసిందని చెప్పుకోవచ్చు. ఇప్పటికే పలు సినిమాల్లో పాటలు పాడిన ఈ చిన్నది.. మ్యూజిక్‌ ఆల్బమ్స్‌ని కూడా రూపొందిస్తుంటుంది. ఇలా తాను ఎంత బిజీగా ఉన్నప్పటికీ సోషల్‌ మీడియాలో అనునిత్యం అభిమానులతో టచ్‌లో ఉంటూ.. తన సినిమా అప్‌డేట్లతో పాటు తాను పాల్గొనే లైవ్‌ మ్యూజిక్‌ కన్సర్ట్‌ విశేషాలను కూడా షేర్‌ చేస్తుంటుంది. ఈ క్రమంలో శృతి తన చిన్ననాటి ఫొటో ఒకటి తాజాగా ఇన్‌స్టాలో పంచుకుంది. ఇందులో భాగంగా స్కూల్‌ యూనిఫాం ధరించిన శృతి.. ప్రముఖ గాయని ఆశా భోంస్లే ముందు కూర్చొని పాట పాడుతున్న ఫొటోను ఎవరో షేర్‌ చేయగా.. దాన్ని తిరిగి రీపోస్ట్‌ చేస్తూ.. ‘నేను స్కూల్‌ యూనిఫాంలో పాట పాడుతున్న ఈ ఫొటో అంటే నాకెంతో ఇష్టం.. ఓ దిగ్గజ గాయని (ఆశా భోస్లే) సమక్షంలో ఎంతో నెర్వస్‌గా పాట పాడిన ఈ రోజు నాకు బాగా గుర్తుంది. అదొక మధుర జ్ఞాపకం. ఈ ఫొటోని షేర్‌ చేసినందుకు ధన్యవాదాలు..’ అంటూ పేర్కొందీ స్లిమ్మీ బ్యూటీ.

తెలుగులో ‘అఖిల్‌’ సినిమాతో సినీ పరిశ్రమలోకి అడుగుపెట్టిన లవ్లీ గర్ల్‌ సాయేషా సైగల్‌. ఈ సినిమాలో తన క్యూట్‌ లుక్స్‌తో తెలుగు ప్రేక్షకుల హృదయాలను దోచుకుందీ ముద్దుగుమ్మ. ప్రస్తుతం వివిధ కన్నడ సినిమాల షూటింగులతో బిజీగా ఉన్న ఈ అమ్మడు.. సోషల్‌ మీడియాలోనూ యమ చురుగ్గా ఉంటుంది. ఈ క్రమంలో ఓ సినిమా షూటింగ్‌లో భాగంగా నాట్యం చేస్తున్న వీడియోని ఇన్‌స్టాలో పోస్ట్‌ చేస్తూ.. ‘డ్యాన్స్‌ అంటే నాకు ప్రాణం..’ అంటూ రాసుకొచ్చిందీ క్యూట్‌ బ్యూటీ.

‘ఆర్‌ఎక్స్‌100’ సినిమాలో విలక్షణ నటన, అందంతో యువ హృదయాలను కొల్లగొట్టింది నటి పాయల్‌ రాజ్‌పుత్‌. ఆ తర్వాత పలు విజయవంతమైన సినిమాల్లో నటించిన ఈ చిన్నది ‘వెంకీమామ’ చిత్రంతో మరో మెట్టెక్కింది. ఇక సినిమాలతో ఎంత బిజీగా ఉన్నా సరే సోషల్‌మీడియాలో నిత్యం యాక్టివ్‌గా ఉంటుంది పాయల్‌. తన వ్యక్తిగత విషయాలతోపాటు లేటెస్ట్‌ ఫొటోలను ఎప్పటికప్పుడు సామాజిక మాధ్యమాల వేదికగా అభిమానులతో పంచుకుంటూనే ఉంటుంది. ఇక తాజాగా షార్ట్‌ హెయిర్‌లో సరికొత్త లుక్‌లో దిగిన ఫొటోలను ఇన్‌స్టాగ్రామ్‌లో పోస్ట్‌ చేసిన పాయల్‌.. ‘మళ్లీ స్కూల్‌ రోజుల్లోకి తిరిగి వెళ్లినట్లుంది... ఈ లుక్‌లో నేను బాగున్నానా? బాలేనా?’ అంటూ రాసుకొచ్చింది.

‘ఆర్‌ఎక్స్‌-100’ సినిమాతో కుర్రకారు మతి పోగొట్టింది నటి పాయల్‌ రాజ్‌పుత్‌. ఈ సినిమాలో తన అందం, హాట్‌నెస్‌తో తాను పలికించిన హావభావాలు ప్రేక్షకులను మెస్మరైజ్‌ చేశాయని చెప్పవచ్చు. ఇక తెలుగులో ప్రస్తుతం వరుస అవకాశాలు అందుకుంటోన్న ఈ ముద్దుగుమ్మ సోషల్‌ మీడియాలోనూ చాలా క్రియాశీలకంగా ఉంటుంది. సినిమా విశేషాలతోపాటు, తన వ్యక్తిగత ఫొటోలను ఎప్పటికప్పుడు నెటిజన్లతో పంచుకునే పాయల్‌ తాజాగా ఇన్‌స్టాగ్రామ్‌లో కొన్ని ఫొటోలను పోస్ట్‌ చేసింది. చేతిలో గోల్‌గప్పా (పానీపూరీ) పట్టుకొని దాన్ని చూస్తూ కొంటెగా కన్ను కొడుతున్న ఓ ఫొటోను పోస్ట్‌ చేస్తూ ‘గోల్‌గప్పా... వీటిని తినేటప్పుడు ఇకచాలని నేనెప్పుడూ అనలేను’ అంటూ రాసుకొచ్చిందీ అందాల తార.

మాస్‌ మహారాజా రవితేజ హీరోగా వి.ఐ.ఆనంద్‌ దర్శకత్వంలో తెరకెక్కిన చిత్రం ‘డిస్కో రాజా’. సైన్స్‌ ఫిక్షన్‌ నేపథ్యంలో రూపొందిన ఈ సినిమాలో పాయల్‌ రాజ్‌పుత్‌, నభా నటేష్‌, తన్యా హోప్‌లు హీరోయిన్లుగా నటించారు. తాజాగా విడుదలైన ఈ చిత్రం పాజిటివ్‌ టాక్‌ను సొంతం చేసుకోవడం విశేషం. ఈ సందర్భంగా ఈ సినిమాలో నటించిన అందాల భామలు పాయల్‌, నభా.. ఒకే విషయంపై ఇన్‌స్టాలో షేర్‌ చేసిన కొన్ని పోస్టులపై మీరూ ఓ లుక్కేయండి.

తన అందం, అభినయంతో కుర్రకారు మతిపోగొడుతున్న అందాల భామ పాయల్‌ రాజ్‌పుత్‌. ‘వెంకీ మామ’ సినిమాతో తెలుగు ప్రజలకు మరింత చేరువైందీ అమ్మడు. సోషల్‌ మీడియాలో ఎంతో చురుగ్గా ఉండే ఈ ముద్దుగుమ్మ తన లేటెస్ట్‌ ఫ్యాషన్‌ లుక్స్‌తో పాటు తన సినిమా విశేషాలను కూడా షేర్‌ చేస్తుంటుంది. ప్రస్తుతం పాయల్‌, రవితేజతో కలిసి ‘డిస్కో రాజా’ సినిమాలో నటిస్తోంది.