పెళ్లంటే పది కాలాల పాటు నలుగురూ మాట్లాడుకునేంత అంగరంగ వైభవంగా చేసుకోవాలనుకుంటారు. కానీ ఏ దుర్ముహూర్తాన ఈ కరోనా మహమ్మారి పుట్టుకొచ్చిందో అప్పట్నుంచి పెళ్లిళ్ల స్వరూపమే మారిపోయింది. అందరూ ఒక్కచోట చేరి ఆడిపాడే సందళ్లు కరువయ్యాయి. మనసారా మాట్లాడుకుంటూ విందు భోజనం చేసే అవకాశమే లేకుండా పోయింది. ఈ క్రమంలో తమకు

కొత్తగా పెళ్లైన జంటలు ఏకాంతంగా గడపడానికే ఇష్టపడుతుంటారు. ఈ క్రమంలో వారికి నచ్చిన హనీమూన్‌ స్పాట్స్‌కి చెక్కేస్తుంటారు. ఎంజాయ్‌మెంట్‌తో పాటు ఎనలేని మధుర జ్ఞాపకాలను మూటగట్టుకొని మరీ తిరిగొస్తారు.

పెళ్లంటే బంధువులు, స్నేహితులు, సన్నిహితుల్ని పిలిచి అంగరంగ వైభవంగా చేసుకోవాలనుకుంటారంతా! అమెరికాలోని ఇల్లినాయిస్‌కు చెందిన ఓ జంట కూడా తమ వివాహం ఇంతకంటే ఘనంగా జరగాలని కలలు కంది. అంతేనా.. వచ్చే అతిథులకు పంచభక్ష్యపరమాన్నాలు సిద్ధం

ప్రేమలో ఉన్నా, రిలేషన్‌షిప్‌లో ఉన్నా, పెళ్లి చేసుకున్నా.. చాలా జంటలు ఒకరి కోసం మరొకరు తమ అభిరుచుల్ని మార్చుకుంటాయి.. అలా చేస్తేనే ఒకరిపై ఒకరికి ప్రేముందని నమ్మే జంటలూ లేకపోలేదు. అయితే ప్రేమంటే అటవాట్లను, సంప్రదాయాలను మార్చుకోవడం కాదని, ఒకరి అభిరుచుల్ని మరొకరు గౌరవించడమే అసలైన అనురాగం అంటోంది బాలీవుడ్‌ డింపుల్‌ బ్యూటీ కల్కి కొచ్లిన్‌. ఇజ్రాయెల్‌కు చెందిన మ్యుజీషియన్‌ గై హెర్ష్‌బెర్గ్‌తో గత మూడేళ్లుగా డేటింగ్‌లో ఉన్న ఈ ముద్దుగుమ్మ.. ఈ ఏడాది ఫిబ్రవరిలో సాఫో అనే ముద్దుల పాపకు జన్మనిచ్చింది. అప్పట్నుంచి అమ్మతనాన్ని పూర్తిగా ఆస్వాదిస్తోన్న ఈ చక్కనమ్మ.. సందర్భం వచ్చినప్పుడల్లా తన వ్యక్తిగత విషయాలను సైతం సోషల్‌ మీడియాలో పంచుకుంటుంది. ఈ క్రమంలోనే తన బాయ్‌ఫ్రెండ్‌ గైతో ఏర్పడిన తొలి పరిచయం దగ్గర్నుంచి.. ఈ మూడేళ్ల అనుబంధంలోని కొన్ని తీపి గుర్తుల్ని నెమరువేసుకుంటూ ఇన్‌స్టా వేదికగా సుదీర్ఘ పోస్ట్‌ పెట్టిందీ అందాల తార.

అర్ధాంగి అంటే భర్త జీవితంలో అర్ధ భాగం కావడమే కాదు.. వారి ప్రతి అడుగులోనూ తోడుండాలంటారు. ఈ మాటలు కాబోయే అమెరికా మొదటి మహిళ జిల్‌ బైడన్‌కు అచ్చు గుద్దినట్లు సరిపోతాయి. జోతో ఏడడుగులు నడిచిన క్షణం నుంచి ఆయన మొదటి భార్య పిల్లలకు తల్లయ్యారు జిల్‌.. ఆపై అటు తన ఉపాధ్యాయ వృత్తిని కొనసాగిస్తూనే.. ఇటు అమెరికా రెండో మహిళగా తన బాధ్యతల్ని సమర్థంగా నిర్వర్తించారు. ఇక ఇప్పుడు అధ్యక్ష ఎన్నికల ప్రచారంలో భర్తకు ప్రతి అడుగులోనూ తోడుంటూ జీవిత భాగస్వామికి అసలు సిసలైన అర్థం చెప్పారామె. ఎన్నికల్లో భర్త విజయాన్ని సెలబ్రేట్‌ చేసుకుంటూ ‘ఆయన మనందరి కుటుంబాలకు కాబోయే అధ్యక్షులు’ అంటూ ట్వీట్‌ చేసిన జిల్‌.. జో ప్రేమ ప్రతిపాదనను ఆరోసారి అంగీకరించారన్న విషయం మనలో చాలామందికి తెలియదు. అంతేనా.. ఇటు కుటుంబాన్ని, అటు వృత్తినీ బ్యాలన్స్‌ చేసుకుంటూనే.. మరోవైపు ఎన్నో సామాజిక కార్యక్రమాల్లో సైతం భాగమయ్యారామె. మరి, అమెరికా మొదటి మహిళగా త్వరలోనే శ్వేత సౌధంలోకి అడుగిడబోతోన్న ఈ పవర్‌ఫుల్‌ లేడీ గురించి, జో-జిల్‌ అందమైన ప్రేమకథ గురించి కొన్ని ఆసక్తికర విశేషాలు తెలుసుకుందాం..

సాధారణంగా పెళ్లి చేసుకునే జంటలు బంధువులను, స్నేహితులను ఆహ్వానించి వారి ఆశీస్సులు తీసుకుంటూనే.. వారికి చక్కటి విందు ఏర్పాటుచేయడం మనకు తెలిసిందే. ఈ క్రమంలో అతిథి మర్యాదలకు ఏమాత్రం లోటు రాకుండా ఎంత డబ్బు ఖర్చు పెట్టడానికైనా వెనకాడరు చాలామంది! కానీ ఒడిశాలోని భువనేశ్వర్‌కు చెందిన ఓ జంట ఇలా అందరిలా ఆలోచించలేదు. తమ పెళ్లికయ్యే ఖర్చును సమాజ సేవ కోసం వినియోగించాలని నిర్ణయించుకున్నారు. ఈ క్రమంలో గుళ్లోనే చాలా సింపుల్‌గా దండలు మార్చుకొని.. పెళ్లి ఖర్చులకయ్యే మొత్తాన్ని అక్కడి ఓ వీధి కుక్కల సంరక్షణా కేంద్రానికి విరాళంగా అందించారు. ఆ మూగ జీవాలకు కడుపు నిండా ఆహారం పెట్టి సంతృప్తి పడ్డారు. ఇలా ఈ కొత్త జంట చేసిన పనికి, వారు చూపిన దాతృత్వానికి ప్రస్తుతం సోషల్‌ మీడియాలో ప్రశంసల వర్షం కురుస్తోంది.

ఒకప్పుడు పెళ్లైన అమ్మాయిని ‘గంపెడు మంది పిల్లల్ని కనమ్మా’ అని ఆశీర్వదించేవారు. ఇప్పుడైతే ఒకరిద్దరు పిల్లల్ని పెంచి పెద్ద చేయడానికే తలలు పట్టుకుంటున్నారు తల్లిదండ్రులు. అలాంటిది ఒకరు కాదు.. ఇద్దరు కాదు.. ఏకంగా పది మందికి తల్లైంది అమెరికాకు చెందిన ఓ మహిళ. ప్రస్తుతం పదకొండోసారి గర్భం ధరించిన ఈ మహిళ.. దీంతో పాటు మరో పాపాయిని కూడా కంటానంటోంది. ఇలా మొత్తంగా పన్నెండేళ్లలో పన్నెండు మంది పిల్లల్ని కనడమే లక్ష్యంగా పెట్టుకుందీ అమెరికన్‌ మామ్‌. అయినా కచ్చితంగా ఇంతమందే పిల్లల్ని కనాలని ఎవరైనా అనుకుంటారా? అని సరదాగా అడిగితే.. దీని వెనుక ఒక చిన్న కథ ఉందని చెబుతోంది. మరి, ఇంతకీ ఎవరా మహిళ? ఆమె చెబుతోన్న కథేంటి? తెలుసుకోవాలంటే ఇది చదవాల్సిందే!

ప్రేమ.. రెండు మనసుల్ని ఒక్కటి చేసే ఈ మధురమైన భావనకు కులమతాల తారతమ్యం లేదంటారు.. రూపు-రేఖలు ఎలా ఉన్నా పట్టించుకోదంటారు.. వయసుతో అసలు పనే లేదంటారు. ఇలా అన్నింటా ప్రేమదే అంతిమ విజయం. కానీ పరువు దగ్గరికొచ్చే సరికి మాత్రం దీనికి ఎప్పుడూ ఓటమే ఎదురవుతుంది. ప్రేమతో ఒక్కటై ‘ఇక నిండు నూరేళ్లు నీతోనే నా బతుకు!’ అని బాస చేసుకున్న జంటల ఆనందాన్ని ఆవిరి చేస్తోందీ ఎందుకూ కొరగాని ఈ పరువు. అర్థం చేసుకునే వ్యక్తి దొరకడం అదృష్టమంటారు. అలాంటి వ్యక్తిని ప్రేమిస్తే తప్పా? అతనితో జీవితాన్ని పంచుకోవడం నేరమా? పెద్దల దృష్టిలో వారికి నచ్చని వారిని ప్రేమిస్తే పరువు పోతుంది కానీ వారు ఆ ప్రేమను చంపేసి నలుగురిలో హంతుకులుగా మారితే అది పరువు తక్కువ కాదా? ఇలా పరువు-ప్రతిష్టల పేరుతో ప్రేమను చంపేసి ఏం సాధిస్తారు? అంతులేని దుఃఖం తప్ప! అంటూ తన మనసులోని ఆవేదనను పంచుకుంటోంది ఎంతగానో ప్రేమించిన తన భర్తను పోగొట్టుకున్న ఓ అభాగ్యురాలు. మరి, ఆమె హృదయరాగమేంటో మనమూ తెలుసుకుందాం రండి..

పెళ్లంటే ఎవరికైనా ప్రత్యేకమే! అందుకే బంధువులందరినీ పిలిచి తమకు ఉన్నంతలో ఘనంగా పెళ్లి చేసుకోవాలనుకుంటారు అందరూ..! ఇంగ్లండ్‌కు చెందిన ఓ జంటా ఇందుకు అతీతం కాదు! మా పెళ్లి అలా జరగాలి.. అంతమంది బంధువుల్ని ఆహ్వానించాలి.. వివాహానికి ఇలా ముస్తాబు కావాలి.. అంటూ ఎన్నో కలలు కంది ఆ జంట. కానీ అంతలోనే కరోనా ఎంట్రీ ఇవ్వడంతో వారి ఆశలన్నీ ఆవిరయ్యాయి. అయినా సరే.. పెళ్లి వేడుకల విషయంలో ఏమాత్రం రాజీ పడలేదా కపుల్. ముహూర్తం తేదీ మార్చుకున్నా అతిథులందరినీ పిలిచి అంగరంగ వైభవంగా కల్యాణమాడారు. పైగా వాళ్లందరితో కలిసి ఎంచక్కా ఫొటోలకు పోజులు కూడా ఇచ్చారీ న్యూ కపుల్‌. అలాగని కరోనా నిబంధనల్ని పాటించలేదనుకుంటే మీరు పొరపాటు పడినట్లే! మరి, అటు అన్ని నిబంధనల్ని పాటించారంటున్నారు.. ఇటు అతిథులందరినీ పెళ్లికి పిలిచారంటున్నారు.. పైగా వాళ్లు దిగిన ఫొటోలు కూడా వైరలయ్యాయంటున్నారు.. ఇవన్నీ ఎలా సాధ్యమయ్యాయంటారా? ఇదిగో ఇలా..!

తాము త్వరలోనే తల్లిదండ్రులం కాబోతున్నామని తెలిసిన మరుక్షణం నుంచీ ఆ జంట ఆనందానికి అంతుండదు. ఇక తమకు పుట్టబోయేది పాపో / బాబో తెలుసుకోవాలన్న ఆరాటం కాబోయే పేరెంట్స్‌కి ఉన్నప్పటికీ అది మన దేశంలో చట్ట విరుద్ధం. కానీ విదేశాల్లో మాత్రం దీన్నో వేడుకలా జరుపుకొంటారు తమకు పుట్టబోయే బిడ్డ ఎవరో తాము తెలుసుకోవడమే కాదు.. తమ బంధువులు, స్నేహితులకు పెద్ద పార్టీ ఇచ్చి మరీ సర్‌ప్రైజ్‌ చేస్తారు. ఇలాంటి వేడుకనే అందరికంటే భిన్నంగా జరుపుకొని, జీవితాంతం గుర్తుండిపోయే మధుర జ్ఞాపకంగా మలచుకున్నారు దుబాయ్‌కి చెందిన ఓ జంట. ‘జెండర్‌ రివీల్‌ పార్టీ’ని అంత ప్రత్యేకంగా జరుపుకొన్నారు కాబట్టే ప్రస్తుతం వారి వీడియో ఇంటర్నెట్‌లో ఓ సెన్సేషన్‌ని క్రియేట్‌ చేసింది.

పెళ్లి.. జీవితంలో ఒకే ఒక్కసారి వచ్చే ఈ పండగను కలకాలం గుర్తుండిపోయేలా జరుపుకోవాలని జంటలు ఆరాటపడడం సర్వసాధారణం. అయితే కరోనా వచ్చాక పెళ్లిళ్ల స్వరూపమే మారిపోయింది. అనుకున్న ముహూర్తానికి వధూవరులు, వారి కుటుంబ సభ్యులు ఉంటే చాలనుకుంటున్నారు. ఆ అక్షతలేదో వారి నెత్తిన చల్లేస్తే పనైపోతుందనుకుంటున్నారు. ఇలా కరోనా ఎఫెక్ట్‌ అమెరికాకు చెందిన ఓ జంట పెళ్లిపై కూడా పడింది. ఎంతో అంగరంగవైభవంగా జరుపుకోవాలనుకున్న తమ పెళ్లి కాస్తా సింపుల్‌గా జరిగే సరికి తీవ్ర నిరాశపడిన ఆ జంట.. తమ పెళ్లి రోజుకు ఏదో ఒక ప్రత్యేకత ఉండాలనుకుంది. అందుకోసం అందరికంటే వినూత్నంగా ఆలోచించింది. ఈ క్రమంలోనే ఓ సూపర్‌ డూపర్‌ ఫొటోషూట్‌ తీయించుకొని అందరినీ ఒక్క క్షణం భయపెట్టింది. అసలు ఈ కరోనా సమయంలో కొత్త జంట ఫొటోషూట్‌ ఏంటి? అది చూసి అందరూ భయపడడమేంటి? ఏమీ అర్థం కావట్లేదా? అయితే వివరాల్లోకి వెళ్దాం రండి..

పెళ్లి.. రెండు మనసుల్ని ముడివేసే వేడుకైతే, పెళ్లి రోజు ఆ మనసుల మధ్య సాగుతోన్న దృఢమైన దాంపత్య బంధానికి నిదర్శనంగా నిలిచే పండగ రోజు. అందుకే మ్యారేజ్ డే అనగానే మలి వయసులో ఉన్న దంపతులు కూడా తమ పెళ్లి నాటి జ్ఞాపకాల్ని, మధురానుభూతుల్ని ఓసారి జ్ఞప్తికి తెచ్చుకొని మురిసిపోతారు. కొత్త పెళ్లి జంటలా ముస్తాబై సిగ్గుల మొగ్గలేస్తారు!

డెబ్భై ఏళ్లు దాటినా పెళ్లి చేసుకోకుండా మిగిలిపోయిన బ్రహ్మచారి ఒకరు.. భర్త మరణంతో వితంతువుగా మారిన వారు మరొకరు.. వీరిద్దరూ తొలి చూపులోనే ‘చూసీ చూడంగానే నచ్చేశావే’ అంటూ ప్రేమించేసుకున్నారు. మలి వయసులో మనసులు ఇచ్చిపుచ్చుకున్నారు. కట్‌ చేస్తే.. తన ప్రేయసి వేలికి ఉంగరం తొడిగి ప్రేమ ప్రతిపాదనను తెలియజేశాడా ఓల్డ్‌ లవర్‌. అంతే.. ఈ తాతగారి రొమాంటిక్‌ ప్రపోజల్‌కి ఫిదా అయిపోయిందీ బామ్మ. ఇలా వీరిద్దరి ప్రేమాయణం, లవ్‌ ప్రపోజల్‌కి సంబంధించిన ఫొటోలు, వీడియోలు ప్రస్తుతం సోషల్‌ మీడియాలో ప్రతి ఒక్కరితో లైకులు కొట్టిస్తున్నాయి. ‘బ్యూటిఫుల్‌ కపుల్‌’ అంటూ అందరితో కామెంట్లు పెట్టిస్తున్నాయి. మరి, ఈ ఓల్డేజ్‌ లవ్‌స్టోరీ ఏంటో మనమూ తెలుసుకుందామా!!

మెగా వారసురాలిగా తెలుగు చిత్ర పరిశ్రమలోకి అడుగుపెట్టినా.. తనదైన నటప్రతిభతో టాలీవుడ్‌లో తనకంటూ ప్రత్యేక గుర్తింపు సంపాదించుకుంది మెగా ప్రిన్సెస్‌ నిహారికా కొణిదెల. తన చలాకీతనంతో, క్యూట్‌ ఎక్స్‌ప్రెషన్స్‌తో మనింట్లో అమ్మాయిగా మెలిగిన ఈ మిస్‌.. త్వరలోనే మిసెస్‌గా ప్రమోషన్‌ పొందబోతోంది. గుంటూరు ఐజీ జేవీ ప్రభాకర్‌రావు తనయుడు, వ్యాపారవేత్త అయిన జేవీ చైతన్యతో నిహారిక నిశ్చితార్థం తాజాగా జరిగింది. హైదరాబాద్‌లోని ఓ హోటల్‌లో కేవలం ఇరు కుటుంబ సభ్యుల సమక్షంలో గ్రాండ్‌గా జరిగిన ఈ ఎంగేజ్‌మెంట్‌ వేడుకలో కాబోయే వధూవరులిద్దరూ ఉంగరాలు మార్చుకున్నారు. ప్రస్తుతం వీరి నిశ్చితార్థపు ఫొటోలు సోషల్‌ మీడియాలో హల్‌చల్‌ చేస్తున్నాయి. ఈ నేపథ్యంలో ఫ్యాన్స్‌ దగ్గర్నుంచి ప్రముఖుల దాకా ఈ కొత్త జంటకు శుభాకాంక్షలు చెబుతూ ఆశీర్వదిస్తున్నారు.

మనసుకు దగ్గరైన వారికి ఏ చిన్న సమస్య వచ్చినా మనం అల్లాడిపోతాం. అమితమైన ప్రేమ కురిపిస్తూ వారి ఆవేదనను షేర్‌ చేసుకుంటాం. ఆ బాధ నుంచి వారు బయటపడేలా ఎన్నో ప్రయత్నాలు చేస్తాం. ఈ మాటలను నిరూపిస్తూ తన ప్రియురాలి కోసం జుట్టును కత్తిరించుకున్నాడు ఓ యువకుడు. ‘అలొపేసియా’ కారణంగా జుట్టు కోల్పోతున్న ఆమె బాధను పంచుకోవడం కోసం తనకు తానే గుండు గీయించుకున్నాడు. ఎదుటివారి వారి ఆవేదనను పంచుకోవడంలోనూ ఎంతో ఆనందముందని నిరూపించిన ఈ సంఘటనకు సంబంధించిన ఓ వీడియో ప్రస్తుతం నెటిజన్ల మన్ననలు అందుకుంటోంది.

తల్లిదండ్రులవడం అనేది జీవితంలో ఒక మెట్టు పైకెక్కడం లాంటిది. అందుకే అమ్మానాన్నలుగా ప్రమోషన్‌ పొందిన దంపతులందరూ ఎనలేని ఆనందోత్సాహాలకు లోనవుతుంటారు. ప్రస్తుతం అలాంటి ఆనందంలోనే మునిగి తేలుతున్నారు హార్దిక్‌ పాండ్యా-నటాషా స్టాంకోవిచ్. మెటర్నిటీ ఫొటోషూట్ లో భాగంగా ఇటీవలే ఎంతో సంతోషంగా ఫొటోలు తీయించుకున్న ఈ సెలబ్రిటీ కపుల్‌ ఇంట్లోకి ఓ పండంటి బాబు అడుగుపెట్టాడు. ఈ క్రమంలో సోషల్‌ మీడియా వేదికగా తన సంతోషాన్ని షేర్‌ చేసుకున్నాడు హార్దిక్‌. చిన్నారి చేతిని పట్టుకుని ఉన్న ఫొటోను ఇన్‌స్టా వేదికగా పంచుకుంటూ ‘మేం తల్లిదండ్రులయ్యాం. మాకు బాబు పుట్టాడు’ అని చెప్పుకొచ్చాడు.

చిట్టిపొట్టి చేతులు, బుజ్జిబుజ్జి పాదాలు, ముట్టుకుంటే కందిపోయే చర్మం.. ఒక తల్లి తనకు పుట్టబోయే పాపాయి గురించి కనే కలలు, ఎదురుచూపులు ఏమని చెప్పగలం. ఇక పుట్టబోయేది తొలుచూరు బిడ్డ అయితే ఆ తల్లిదండ్రుల ఆతృతకు అంతే ఉండదు! మరికొన్ని రోజుల్లో తమ గారాల పట్టిని ఈ లోకంలోకి తీసుకురాబోతోన్న సెలబ్రిటీ కపుల్‌ హార్దిక్‌ పాండ్యా-నటాషా స్టాంకోవిచ్‌ కూడా ప్రస్తుతం ఇంతకుమించిన ఆనందంలో తేలియాడుతున్నారు.. తమ ఆనందాన్ని పంచుకోవడానికి మాటలు సరిపోక ఫొటోల రూపంలో తమ ఫ్యాన్స్‌ ముందుంచుతున్నారు. తాము త్వరలో తల్లిదండ్రులం కాబోతున్నామని ప్రకటించిన మరుక్షణం నుంచే ఆ మధుర క్షణాలను ఫొటోల్లో బంధిస్తోన్న ఈ బ్యూటిఫుల్‌ కపుల్‌.. ఇటీవలే మెటర్నిటీ ఫొటోషూట్‌కు కూడా పోజిచ్చింది. ఆ మధురానుభూతుల్ని ఒక్కొక్కటిగా సోషల్‌ మీడియాలో పంచుకుంటూ తెగ మురిసిపోతోంది.

మనం ఏ విషయంలోనైనా రాజీ పడతామేమో గానీ పెళ్లి విషయంలో మాత్రం అస్సలు రాజీ పడం. వరుడి దగ్గర్నుంచి.. కల్యాణ మంటపం దాకా అన్నీ మనకు నచ్చినవే ఎంచుకుంటాం. ఇక ‘నా పెళ్లికి అంతమందిని పిలవాలి.. ఇంత ఘనంగా చేయాల’ని మన పేరెంట్స్‌కి ఆర్డర్‌ కూడా పాస్‌ చేస్తుంటాం. అయితే కరోనా రాకతో అందరి పెళ్లి కలలు తారుమారైపోతున్నాయి. ఈ క్రమంలో కొందరు ఏదో తూతూ మంత్రంగా పెళ్లి తంతు కానిచ్చేస్తుంటే.. మరికొందరు ఈ వేడుకను వాయిదా వేసుకుంటున్నారు. ఇంకొందరేమో సింపుల్‌గా పెళ్లి చేసుకొని.. మిగిలిన డబ్బుల్ని కరోనా బాధితుల కోసం విరాళంగా అందిస్తు్న్నారు. ఈ మూడో కోవలోకే చెందుతారు మహారాష్ట్రకు చెందిన ఓ కొత్త జంట. అందరూ బాధలో ఉన్న ఈ పరిస్థితుల్లో తాము వేడుకగా పెళ్లి చేసుకోవడం తగదని.. సింపుల్‌గానే మనువాడి.. తాము పెళ్లి కోసం పోగు చేసుకున్న మిగతా సొమ్మును ఓ కొవిడ్‌ సెంటర్‌కు విరాళంగా ఇచ్చారు. అలా ఈ కొత్త జంట దాతృత్వం ప్రతి ఒక్కరినీ కట్టిపడేస్తోంది.

పెళ్లంటే.. వధూవరులు, ఇరు కుటుంబ సభ్యులు, అతిథులు, అక్షతలు.. ఇలా జీవితంలో ఒకేసారి చేసుకునే ఈ వేడుకను ఎంతో అంగరంగ వైభవంగా జరుపుకోవాలనుకుంటారు ప్రతి ఒక్కరూ. అయితే ఈ కరోనా కాలంలో పెళ్లి చేసుకునే వారికి అంత అదృష్టం కరువైందని చెప్పుకోవాలి. లాక్‌డౌన్‌, సామాజిక దూరం పేరుతో చాలా పెళ్లిళ్లు తూతూ మంత్రంగానే జరిగిపోతున్నాయి. వధువు ఒక చోట, వరుడు మరో చోట ఉంటే ఫోన్‌కే తాళికట్టి పెళ్లైందనిపించే రోజులొచ్చాయి. అంతేనా.. వధూవరులిద్దరూ ఒకే చోట ఉండి, కుటుంబ సభ్యులు వేరే ప్రాంతాల్లో ఉంటే వీడియో కాలింగ్‌ యాప్స్‌ ద్వారా అందరినీ ఒక్కచోట చేర్చి మరీ అక్షతలు వేయించుకుంటున్నాయి కొత్త జంటలు. ఇదిగో.. తమ పెళ్లీ ఇలాగే జరిగిందంటోంది ఓ నవ వధువు. ఉద్యోగ రీత్యా వేరే ప్రాంతంలో ఉన్న తమకు ముందుగానే పెళ్లి ముహూర్తం నిశ్చయమైనప్పటికీ.. కరోనా కారణంగా స్వస్థలాలకు వెళ్లలేక ఉన్నచోటే పెళ్లి చేసుకున్నామంటూ తమ పెళ్లి ముచ్చట్లను మనతో పంచుకోవడానికి ఇలా మన ముందుకొచ్చేసింది.

కరోనా వైరస్‌ను కట్టడి చేయడంలో భాగంగా ప్రపంచవ్యాప్తంగా చాలా దేశాల్లో లాక్‌డౌన్‌ కొనసాగుతోంది. ఈ క్రమంలోనే మనమంతా సామాజిక దూరం పాటిస్తూ ఇళ్లకే పరిమితమయ్యాం. అయితే ఈ లాక్‌డౌన్‌ కారణంగా షాపింగ్‌ మాల్స్‌, సినిమా థియేటర్స్‌, రెస్టరంట్లు.. ఇలా జనసందోహం ఎక్కువగా ఉండే ప్రాంతాలన్నీ మూతపడ్డాయి. ఇలాంటి పరిస్థితుల్లోనూ సామాజిక దూరం పాటించాలన్న నియమంతోనే ఓ రెస్టరంట్‌ను ప్రారంభించారు స్వీడన్‌కు చెందిన ఓ జంట. రెస్టరంట్లో సామాజిక దూరం.. అదెలా సాధ్యం అనేగా మీ సందేహం? అయితే అసలు స్టోరీలోకి వెళ్లాల్సిందే..