సునీత ఆఫీస్‌ పని ముగించుకొని ఇంటికి చేరుకునే సరికి రాత్రి 10 అవుతుంది. అయితే ఆ సమయంలో తమ వీధి అంతా నిర్మానుష్యంగా ఉండడంతో రోజూ బిక్కుబిక్కుమంటూనే ఇంటికెళ్తుందామె. రెండు రోజులుగా తనను ఎవరో ఫాలో అవుతున్నట్లు వినీతకు అనుమానం వచ్చింది. కానీ మూడో రోజు మాత్రం ఆ వ్యక్తి ఆమెపై నేరుగా దాడి చేసే సరికి ఆ షాక్‌లో ఆమెకు ఏం చేయాలో తోచలేదు.

శ్రీజ గత ఐదు నెలలుగా ఇంటి నుంచే పనిచేస్తోంది. ఉదయం పదింటికి లాగిన్‌ అయ్యిందంటే, లాగౌట్‌ అయ్యే సరికి రాత్రి 10 అవుతుంది. ఇక ఆ తర్వాతైనా విశ్రాంతి తీసుకుంటుందా అంటే అదీ లేదు. అర్ధరాత్రి దాకా ఫోన్‌లో ఫ్రెండ్స్‌తో అచ్చట్లు, ముచ్చట్లు! దీంతో గత కొన్ని రోజుల నుంచి ఆమెను తీవ్రమైన మెడనొప్పి, నడుంనొప్పి వేధిస్తున్నాయి.

ఈ కరోనా ఏమో గానీ రోజులో ఎక్కువ సమయం శానిటైజేషన్‌కే సరిపోతోంది మన మహిళలకు. ఇక వృత్తి ఉద్యోగాల రీత్యా బయటికి వెళ్లొచ్చే అతివల సంగతైతే చెప్పక్కర్లేదు. అసలే ఓవైపు ఇంటి పనులతో తీరికే దొరకదంటే.. మరోవైపు తమతో పాటు తీసుకెళ్లిన వస్తువులన్నీ శానిటైజ్‌ చేసేసరికి వారికి తల ప్రాణం తోకకొస్తుందని చెప్పడంలో సందేహం లేదు. ఈ క్రమంలో ఒక్కోసారి విసుగొచ్చి ‘ఇక ఈ శానిటైజేషన్‌ నా వల్ల కాదు.. ఏదైతే అదైంది..’ అనుకొని వాటిని పక్కన పడేసేవారూ లేకపోలేదు. కానీ ఈ ప్రతికూల పరిస్థితుల్లో మనం ఎంత జాగ్రత్తగా ఉంటే అంత మంచిది. కాబట్టి కాస్త ఓపిక తెచ్చుకొని ప్రతి వస్తువునూ శానిటైజ్‌ చేసుకోవాలి. అయితే అందుకు కూడా పెద్దగా కష్టపడాల్సిన అవసరం లేదు. ఎందుకంటే ఇంట్లోని ప్రతి వస్తువునూ శానిటైజ్‌ చేయడానికి విభిన్న డిస్-ఇన్ఫెక్టెంట్ గ్యాడ్జెట్స్‌ ప్రస్తుతం మార్కెట్లో అందుబాటులో ఉన్నాయి. తక్కువ ధరల్లోనే లభించే ఆయా పరికరాల్ని ఒకసారి కొని ఇంటికి తెచ్చుకున్నామంటే ఏ వస్తువునైనా నిమిషాల్లో శుభ్రం చేసేసుకోవచ్చు. మరి, ఇంతకీ ఏంటా గ్యాడ్జెట్స్‌? అవి ఎలా పనిచేస్తాయి? రండి తెలుసుకుందాం...

వ్యక్తిగత పరిశుభ్రతలో భాగంగా శ్రావణి తన ఇంట్లో వాష్‌బేసిన్‌ దగ్గర ఓ హ్యాండ్‌వాష్‌ బాటిల్‌ను ఏర్పాటుచేసింది. అయితే ఇంట్లో వాళ్లంతా బయటి నుంచి వచ్చి అవే మురికి చేతులతో ఆ బాటిల్‌ను తాకడం ఆమెకు నచ్చలేదు. ఈ క్రమంలోనే ఆటోమేటిక్‌ హ్యాండ్‌ సోప్‌ డిస్పెన్సర్‌ ఏదైనా ఉందేమోనని ఆన్‌లైన్‌ షాపింగ్‌ వెబ్‌సైట్స్‌లో వెతకడం మొదలుపెట్టింది.

‘ఇంటిని చూసి.. ఇల్లాలిని చూడు..’ అన్నారు పెద్దలు. ఇంటిని శుభ్రంగా ఉంచిన విధానం.. ఇల్లాలి స్వభావాన్ని తెలుపుతుందనేది ఈ సామెత అర్థం. అంతేకాదు.. అపరిశుభ్రంగా ఉన్న ఇల్లు ఎన్నో వ్యాధులకు ఆలవాలమవుతుంది కూడా! కాబట్టి ఇంటిని పరిశుభ్రంగా ఉంచుకోవడం ద్వారా జబ్బులు వ్యాపించకుండా నివారించుకోవచ్చు. కానీ.. ప్రస్తుతం బిజీ బిజీ జీవితాల వల్ల ఇంటిని ప్రతిరోజూ శుభ్రం చేయాలంటే వీలుకాకపోవచ్చు. ఇక ఒకేసారి మొత్తం ఇల్లంతా అంటే కాస్త కష్టంతో కూడుకున్న పనే. అలాంటి వారి సమస్యకు చెక్‌ పెట్టడానికి ఈ ఆధునిక ‘ఫ్లోర్‌ క్లీనర్స్‌’ని డిజైన్‌ చేశారు. ఈ గ్యాడ్జెట్స్‌ని ఉపయోగించడం వల్ల మీ టైం ఆదా అవడంతోపాటు.. నిమిషాల్లో నేలతో పాటు, గోడలు, సింక్‌ లాంటివి కూడా శుభ్రం చేసుకోవచ్చు. మరి, మీ ఇంటి పనుల్లో మీకెంతగానో ఉపకరించే వివిధ రకాల మోడ్రన్‌ ఫ్లోర్ క్లీనర్స్‌ గురించి ఇప్పుడు తెలుసుకుందాం రండి..

మేకప్‌ టూల్స్‌ని శుభ్రం చేయడం కాస్త శ్రమతో కూడుకున్నందు వల్లే చాలామంది వీటిని శుభ్రం చేయడానికి బద్ధకిస్తుంటారు. కానీ ప్రస్తుతం మార్కెట్లో లభ్యమవుతోన్న మేకప్‌ క్లీనింగ్‌ గ్యాడ్జెట్స్‌ని వాడితే ఎలాంటి మేకప్‌ టూల్‌ అయినా చిటికెలో, ఈజీగా శుభ్రం చేసేయచ్చు. అయితే.. సాధారణంగా ఇంట్లో లభించే వస్తువులతోనే మేకప్‌ టూల్స్‌ని శుభ్రం చేయచ్చు కదా అనుకునే వారూ లేకపోలేదు. కానీ వాటివల్ల మీ మేకప్‌ టూల్స్‌ డ్యామేజ్‌ అయ్యే ప్రమాదముంది. కాబట్టి అలా జరగకుండా నివారించడానికి ఉపయోగించేవే ఈ మేకప్‌ క్లీనింగ్‌ గ్యాడ్జెట్స్‌. అలాంటి కొన్ని మేకప్‌ క్లీనింగ్‌ గ్యాడ్జెట్స్‌ గురించి, వాటి వాడకం గురించి ఈ వారం ప్రత్యేకంగా తెలుసుకుందాం రండి..

ఎండాకాలం వస్తోందంటే చాలు అందరూ మొదటగా కంగారుపడేది నీటి కోసమే. ఎండలు ముదిరే కొద్దీ నీటి ఎద్దటితో ఇబ్బందులు పడడం కామనే. ఇక ఉదయాన్నే ఆఫీసులకెళ్లే వాళ్లైతే బకెట్స్, పెద్ద పెద్ద కంటెయినర్లలో నీటిని నిల్వ చేసుకుంటూ ఉంటారు. ఇంకొన్ని మారుమూల ప్రాంతాల్లో మహిళలు కిలోమీటర్ల మేర నడిచి నీళ్లు తెచ్చుకుంటుంటారు. ఇలా వేసవిలో నీటి కష్టాల గురించి ఎంత చెప్పుకున్నా తక్కువే అవుతుంది. అయితే ఏది ఎలా ఉన్నా.. వేసవి సెలవుల్లో ఇతర ప్రదేశాలకు వెళ్లడం, టూర్లకు ప్లాన్‌ చేసుకోవడం.. మనలో చాలామంది చేసేదే. ఈ క్రమంలో కొంతమంది ఎక్కువ మొత్తంలో నీటిని ఇంటినుంచే మోసుకెళ్తుంటారు. అందుకోసం ఎక్కువ బరువుండే పెద్ద పెద్ద క్యాన్స్‌ని తీసుకెళ్లడం మనకు తెలిసిందే. అయితే ఇకపై వాటి అవసరం లేకుండా తేలిక పాటి వాటర్‌ బ్యాగ్స్‌, బకెట్స్, క్యాన్స్‌ని డిజైన్‌ చేశారు డిజైనర్లు. అంతేకాదు.. వాటి వాడకం పూర్తయిన తర్వాత వాటిని మడిచి లగేజ్‌ బ్యాగ్‌లో పెట్టేసుకోవచ్చు.. లేదంటే సులభంగా పట్టుకోవచ్చు.. ఇలా మడతెట్టేశాక ఇంట్లోనూ తక్కువ ప్రదేశాన్ని ఆక్రమిస్తాయివి. ఇలా ఎక్కడికెళ్లినా నీటిని సులభంగా మోసుకెళ్లి.. ఆపై వాటిని చిన్నగా మడతపెట్టేలా డిజైన్‌ చేసిన తేలికపాటి వాటర్‌ క్యారిబుల్‌ & వాటర్‌ స్టోరేజ్‌ బ్యాగ్స్‌ గురించి ఈ వారం ప్రత్యేకంగా తెలుసుకుందాం రండి..

వంటింట్లో వాడే కొన్ని రకాల పాత్రలకు కొన్ని సంవత్సరాల తర్వాత తుప్పు పట్టడం సహజం. ఆ తుప్పును శుభ్రం చేయకుండా అలా వదిలేస్తే క్రమక్రమంగా పాత్రలకు రంధ్రాలు ఏర్పడే అవకాశాలున్నాయి. ఇవే కాకుండా ఇంట్లోని కొన్ని పనిముట్లు కూడా తుప్పుపట్టడం వల్ల వాటిని ఉపయోగించుకోలేం. అయితే వీటిన్నింటి తుప్పు వదలగొట్టే గ్యాడ్జెట్స్‌ ప్రస్తుతం మార్కెట్లో అందుబాటులోకొచ్చాయి. వీటిని ఉపయోగించి మీ పాత్రల తుప్పును ఎంతో ఈజీగా వదిలించేయచ్చు. మరి, ఇంతకీ ఆ రస్ట్‌ రిమూవింగ్‌ గ్యాడ్జెట్లేంటి? అవెలా ఉపయోగించుకోవాలి? రండి.. తెలుసుకుందాం..

ఏదైనా పార్టీ అయినా.. ఫంక్షనైనా.. కొత్త దుస్తుల దగ్గర్నుంచి యాక్సెసరీస్‌ వరకూ అన్నీ మ్యాచింగ్‌ వేసుకుని అందరి ప్రశంసలందుకోవాలనుకుంటారు అమ్మాయిలు. కానీ దుస్తులకు జతగా కొత్త చెప్పులు కొనాలంటే మాత్రం కాస్త ఆలోచిస్తారు. ఎందుకంటే కొత్త చెప్పులు వేసుకున్నప్పుడల్లా కాలి వేళ్లు, మడమల భాగంలో గీసుకుపోవడం, ఎరుపెక్కడం.. వంటివి జరుగుతుంటాయి. తద్వారా ఆ భాగాల్లో విపరీతమైన నొప్పి వస్తుంటుంది. ఒక్కోసారి ఆ చెప్పులు వేసుకునే కంటే వేసుకోకపోవడమే మంచిదనిపిస్తుంది. ఇక నుండి ఇలాంటి ఇబ్బందులు ఎదుర్కోవాల్సిన పనిలేదు. ఎందుకంటే అలా చెప్పులు కరవకుండా మీ పాదాల్ని సురక్షితంగా ఉంచే పూచీ నాదంటూ ప్రస్తుతం ఓ గ్యాడ్జెట్‌ మార్కెట్లోకొచ్చేసింది. కేవలం అదొక్కటే కాదు.. చెప్పులు గట్టివైనా పాదాలకు మెత్తదనం అందించేలా, మడమలు పగలకుండా.. ఇలా పాదాల రక్షణ కోసం బోలెడన్ని గ్యాడ్జెట్లు అతివలకు అందుబాటులో ఉన్నాయి. ఇంతకీ అవేంటి? వాటితో ఎలాంటి ఉపయోగాలుంటాయి? ఈ వారం ప్రత్యేకంగా మీకోసం..

ప్రస్తుతం చదువులు, ఉద్యోగాలు అంటూ చాలామంది తమ కుటుంబాలకు దూరంగా హాస్టల్స్‌లో, రూమ్స్‌లో ఉండడం కామనైపోయింది. ఇలా బయట ఉండాల్సి వచ్చినపుడు ఒక్కోసారి సరైన ఆహారం లభించక చాలా ఇబ్బందిపడుతుంటారు. హాస్టల్స్‌లో ఉంటే ఫుడ్‌ గురించి ఆలోచించాల్సిన పనిలేదని చాలామంది భావిస్తుంటారు. కానీ అక్కడే సమస్యంతా మొదలవుతుంది. హాస్టల్‌లో పెట్టే ఫుడ్ తినలేక .. అలాగని ప్రతి రోజూ బయటి ఫుడ్‌ తినాలంటే.. ఖర్చుతో పాటు అనారోగ్యం పాలవడం ఖాయం. కేవలం హాస్టలే కాదు.. రూమ్‌లో ఉండే వారి పరిస్థతి కూడా అంతే. ప్రతి రోజు రెస్టరంట్లో తింటూ పోతే మిగిలేది ఏమీ ఉండదు... పైగా వాటి వల్ల ఆరోగ్యం చెడి అదనపు ఖర్చులవుతాయి. అందుకే ఈ కాలంలో ఆడ, మగ అని తేడా లేకుండా ప్రతి ఒక్కరు స్వయంపాకానికే ఓటేస్తున్నారు. కానీ ఇంట్లోలా పెద్ద పెద్ద గ్యాస్‌ స్టౌలు రూమ్స్‌, హాస్టల్స్‌లో పెట్టుకోలేం. అలాంటి వారి కోసమే ఈ ‘పోర్టబుల్‌ గ్యాస్‌ బర్నర్స్‌’ ప్రస్తుతం మార్కెట్లో లభ్యమవుతున్నాయి. మరి అవెలా ఉంటాయో.. ఎలా పనిచేస్తాయో తెలుసుకోవాలంటే ఇది చదవండి..

అందమంటే ముఖం, చేతులు, జుట్టు.. వీటిపైనే ఎక్కువ శ్రద్ధ పెడతాం. కానీ పాదాల విషయానికొచ్చే సరికి అంతగా పట్టించుకోకుండా నిర్లక్ష్యం చేస్తుంటాం. కొంతమందైతే కనీసం నెలకొకసారి కూడా పాదాల్ని సరిగా శుభ్రం చేసుకోరు. కానీ, వాటిని అలాగే వదిలేయడం వల్ల వాతావరణంలోని దుమ్ము, ధూళి చేరి పాదాలు పొడిబారిపోయి అంద విహీనంగా కనిపించడం, కాలి వేళ్ల మధ్య అలర్జీలు రావడం.. వంటి పలు సమస్యలు తలెత్తే అవకాశముంటుంది. ఇలాంటి సమస్యలన్నింటికీ పరిష్కారం చూపాలంటే పాదాల్ని ఎప్పటికప్పుడు శుభ్రం చేసుకోవడం ముఖ్యం. అందుకోసమే ప్రస్తుతం విభిన్నమైన పెడిక్యూర్‌ గ్యాడ్జెట్స్‌ మార్కెట్లోకి అందుబాటులోకొచ్చేశాయి. అవి పాదాల సమస్యల్ని తొలగించడంతో పాటు పాదాలకు మెరుపును కూడా అందిస్తాయి. మరి, ఏంటా గ్యాడ్జెట్స్‌? వాటిని ఎలా ఉపయోగించుకోవాలి? రండి.. తెలుసుకుందాం..

కుక్కర్‌.. ఇది లేని వంటిల్లు ఉండదనడంలో అతిశయోక్తి లేదు. ప్రస్తుతం ఉన్న బిజీ జీవితంలో తొందరగా వంట ముగించాలంటే కుక్కర్‌ తప్పక ఉండాల్సిందే. మరి ప్రతి వంటింట్లో ముఖ్య భాగమైన ఈ కుక్కర్‌లో.. ఇప్పుడు కేవలం అన్నం, కూరలు మాత్రమే కాదండోయ్‌.. అన్ని రకాల వంటకాలూ చేసేసుకోవచ్చు. అందుకోసమే ప్రస్తుతం మార్కెట్లో అందుబాటులోకొచ్చాయ్‌ ‘మల్టీ ఫంక్షనల్‌ కుక్కర్స్‌’. ఇవన్నీ ఎలక్ట్రిక్‌ రైస్‌ కుక్కర్స్‌లా కరెంట్‌తోనే పనిచేస్తాయి. వీటిని కొని మన వంటింట్లో చేర్చుకున్నామంటే అన్నం, కూరలతో పాటు ఆమ్లెట్‌, పాస్తా, పిజా, దోశ.. ప్రతి ఒక్కటీ ఈజీగా చేసేసుకోవచ్చు. అరే భలే బాగున్నాయే.. ఈ కుక్కర్స్‌ అనుకుంటున్నారా? మరి ఇంత ఉపయోగకరంగా ఉన్న ఈ మల్టీ పర్పస్‌ కుక్కర్స్‌ ఎలా పనిచేస్తాయో తెలుసుకోవాలని ఆతృతగా ఉంది కదూ!! అయితే ఆలస్యమెందుకు.. అసలు విషయంలోకి వెళ్దాం పదండి..

టీవీ చూసేటప్పుడైనా.. థియేటర్‌లో సినిమా మధ్యలో బ్రేక్‌ వచ్చినా.. ఫ్రెండ్స్‌తో బాతాఖానీ వేసేటప్పుడైనా.. టైంపాస్‌గా ఏదైనా తిందాం అనగానే అందరికీ ముందుగా గుర్తొచ్చే స్నాక్‌ ఐటమ్‌ ‘పాప్‌కార్న్‌’. ఎన్ని తిన్నా ఇంకా ఇంకా తినాలనిపించే అద్భుతమైన రుచి వీటి సొంతం. అలాగని బయట చేసిన పాప్‌కార్న్‌ తెచ్చుకుంటారా ఏంటి? ఆ అవసరం లేకుండానే ఇంట్లోనే చిటికెలో వీటిని తయారుచేసుకోవచ్చు. అలాంటి బోలెడన్ని పాప్‌కార్న్‌ మేకింగ్‌ గ్యాడ్జెట్స్‌ ప్రస్తుతం మార్కెట్లోకొచ్చేశాయ్‌. వాటిలో కార్న్‌ గింజలు వేసి సర్వింగ్‌ బౌల్స్‌ చేతిలోకి తీసుకునేలోపే ఇవి సిద్ధమైపోతాయి. అంత త్వరగా పాప్‌కార్న్‌ను తయారుచేస్తాయీ గ్యాడ్జెట్స్‌. ఇక వీటిలో కావాలంటే నూనె వేసుకోవచ్చు.. లేదంటే ఆయిల్‌ ఫ్రీగా కూడా రుచికరమైన పాప్‌కార్న్‌ తయారుచేసుకోవచ్చు. మరి, చిటికెలో పాప్‌కార్న్‌ను సిద్ధం చేసే కొన్ని పాప్‌కార్న్‌ మేకర్స్‌ గురించి ఈ వారం ప్రత్యేకంగా మీకోసం..

గోళ్లు బాగా పెంచుకుని నచ్చిన ఆకృతిలో కట్‌ చేసుకోవడమంటే చాలామంది అమ్మాయిలకు ఎంతిష్టమో! ఇలా తీరైన ఆకృతిలో కట్‌ చేసిన గోళ్లకు నెయిల్‌ పాలిష్‌, నెయిల్‌ ఆర్ట్‌తో సొబగులద్దుతూ మరెంతో అందంగా మెరిసిపోతుంటారు నేటితరం అమ్మాయిలు. అయితే నెయిల్‌ పాలిష్‌ వేసుకోవడమంటే చెప్పినంత సులభం కాదు.. పాలిష్‌ గోళ్లపై సమానంగా పరచుకునేలా చూసుకోవాలి.. ఈ క్రమంలో గోరు చుట్టూ అంటుకోకుండా జాగ్రత్తపడాలి.. అది ఆరేదాకా వేళ్లను కదిలించకుండా ఉండాలి.. నెయిల్‌ ఆర్ట్‌ గోళ్లపై చక్కగా వేసుకోవడంలో నైపుణ్యముండాలి.. ఇలా గోళ్లకు పాలిష్‌ వేసుకోవాలంటే ఎన్ని ఆపసోపాలు పడాలో! ఈ శ్రమంతా మాకెందుకులే అనుకొని నెయిల్‌ ఆర్ట్‌ కోసం బ్యూటీ పార్లర్లను ఆశ్రయించే అమ్మాయిలూ లేకపోలేదు. దీనివల్ల సమయమే కాదు.. డబ్బూ వృథా అవుతుంది. అలాకాకుండా ఇంట్లోనే ఈజీగా నెయిల్‌ పాలిష్‌, నెయిల్‌ ఆర్ట్‌ వేసుకోలేమా? అంటే.. చాలా సింపుల్‌గా వేసేసుకోవచ్చు. అందుకోసమే ప్రస్తుతం మార్కెట్లో బోలెడన్ని గ్యాడ్జెట్లు అందుబాటులోకొచ్చాయి. అలాంటి కొన్ని నెయిల్‌ గ్యాడ్జెట్స్‌ గురించి ఈ వారం తెలుసుకుందాం రండి..

కూరగాయలు, పండ్లు, మాంసం.. ఇలా వంటింట్లోని పదార్థాలను కట్‌ చేయడానికి వేర్వేరు కత్తుల్ని/చాకుల్ని ఉపయోగించడం మనకు తెలిసిందే. అయితే వీటిని కట్‌ చేయడానికి ప్రస్తుతం మార్కెట్లో విభిన్న రకాల కటర్స్‌, స్లైసర్స్‌.. వంటి ఎన్నో రకాల గ్యాడ్జెట్స్‌ అందుబాటులో ఉన్నప్పటికీ కత్తి లేని కిచెన్‌ అసంపూర్ణమనే చెప్పుకోవాలి. మరి, కత్తి లేదా చాకుకు వంటింట్లో అంతటి ప్రాధాన్యముంటుంది. అయితే అటువంటి కత్తి పదునుగా లేకపోతే.. ఇక పనైనట్టే..! మరి, దాన్ని సానపట్టించాలన్నా, కొత్త కత్తి కొనాలన్నా కాస్త సమయం పడుతుంది. మరి, అనుకున్నదే తడవుగా.. ఇంట్లోనే నిమిషాల్లో కత్తిని పదునెక్కించే గ్యాడ్జెట్స్‌ ఏవైనా ఉంటే బాగుంటుంది కదూ!! అలాంటివీ ప్రస్తుతం మార్కెట్లో అందుబాటులోకొచ్చేశాయ్‌. అంతేకాదు.. మీరు ఉపయోగించే చాకు లేదా కత్తిని ఎంతగా కావాలంటే అంతగా పదును పెట్టుకొనే అవకాశం కూడా ఈ గ్యాడ్జెట్స్‌లో ఉంటుంది. వీటి గురించి చదువుతుంటేనే ఎంతో ఉపయోగకరం అనిపిస్తున్నాయి కదూ!! ఇంకా వీటి గురించి పూర్తిగా తెలుసుకుంటే వెంటనే కొనేస్తారేమో!! మరి, కత్తులకు పదును పెట్టే అలాంటి కొన్ని నైఫ్‌ షార్ప్‌నర్స్‌ గురించి ఈ వారం ప్రత్యేకంగా మీకోసం..

ఆహా! మసాజ్‌ చేస్తుంటే ఎంత హాయిగా అనిపిస్తుందో కదా! అవును మరి.. మసాజ్‌ చేయించుకుంటుంటే అటు శరీరానికి, ఇటు మనసుకు ఎంతో ఆహ్లాదంగా అనిపిస్తుంటుంది. అంతేకాదు.. ఈ బిజీ జీవితంలో ఒత్తిడి నుండి తక్షణ ఉపశమనం అందించే ప్రక్రియల్లో ఇదీ ఒకటి. ఇక ఒంట్లోని అదనపు కొవ్వును కరిగించుకోవడానికి సైతం ఈ ప్రక్రియ చాలా బాగా ఉపయోగపడుతుంది. అందుకే వీకెండ్‌ వచ్చిందంటే చాలు.. చాలామంది మసాజ్‌ సెంటర్లను ఆశ్రయిస్తుంటారు.. ఈ క్రమంలో బోలెడంత డబ్బు ఖర్చుపెట్టడానికీ వెనకాడరు. అయితే పైసా ఖర్చు లేకుండా ఇంట్లోనే మసాజ్‌ చేసుకుంటే బాగుంటుంది కదూ!! కానీ చేసేవారెవరు.. అంటారా? ప్రస్తుతం మార్కెట్లో లభ్యమయ్యే వివిధ రకాల మసాజ్‌ గ్యాడ్జెట్లుండగా, వేరే వాళ్లతో పనేముంది. పైగా ఈ గ్యాడ్జెట్స్‌తో ఏ శరీర భాగానికి కావాలంటే ఆ భాగానికే ఈజీగా ఎవరికి వారే మసాజ్‌ చేసుకోవచ్చు. ఆ ప్రదేశంలో పేరుకున్న కొవ్వును సైతం ఇట్టే కరిగించేయచ్చు.. తద్వారా అందంగా, నవయవ్వనంగా మెరిసిపోవచ్చు. మరి, ఇటు రిలాక్సేషన్‌ని అందిస్తూనే, అటు కొవ్వునీ కరిగించి మన అందాన్ని ద్విగుణీకృతం చేసే అలాంటి కొన్ని మసాజర్స్‌ గురించి ఇప్పుడు తెలుసుకుందాం..

అయ్యో.. ఉప్పెక్కడ పెట్టానో కనిపించడం లేదే.. కప్‌బోర్డ్‌లో ఎక్కడో ఒకచోట ఉప్పు డబ్బా పెట్టడం, ఇలా రోజూ దాని గురించి వెతకడం ప్రత్యూషకు అలవాటే. నేహ తన కిచెన్‌లో పప్పులన్నీ ఒకే తరహా డబ్బాల్లో భద్రపరుస్తుంటుంది. అయితే అవి ట్రాన్స్‌పరెంట్‌గా లేకపోవడంతో ఏ పప్పు ఏ డబ్బాలో ఉందో పదే పదే మూత తీసి చూడాల్సిందే! రాగిణి ఆఫీసుకెళ్లే హడావిడిలో గిన్నెలన్నీ తోమి ఆదరాబాదరాగా ఓ టబ్‌లో వేసేస్తుంది. ఇక సాయంత్రం ఇంటికొచ్చాక అందులో టీ గిన్నె ఎక్కడుందో వెతుక్కోవడానికి రోజూ కాస్త సమయం వృథా అవుతుందంటోంది. ఇలా మనం కిచెన్‌ని ఎంత చక్కగా సర్దుకున్నా.. కొన్ని కొన్ని పదార్థాలు, వస్తువుల కోసం రోజూ వెతుక్కుంటూ ఉంటాం. మరి, ఇలాంటి కన్‌ఫ్యూజన్‌కి చెక్‌ పెట్టాలంటే ‘కిచెన్‌ ర్యాక్స్‌’ని మన వంటింట్లో భాగం చేసుకోవాల్సిందే! గరిటలు, గిన్నెల దగ్గర్నుంచి పప్పులు, స్పైసెస్‌.. వంటి పదార్థాల వరకు అన్నీ వేటికవే సెపరేట్‌గా అమర్చుకోవడానికి ప్రస్తుతం ఇలాంటి బోలెడన్ని మల్టీ పర్పస్‌ ర్యాక్స్‌ మార్కెట్లో అందుబాటులోకొచ్చేశాయి. ఏ ర్యాక్‌లో సర్దేవి ఆ ర్యాక్‌లో అరేంజ్‌ చేస్తే పని తగ్గడంతో పాటు సమయమూ ఆదా అవుతుంది.. అంతేనా.. కిచెన్‌ కూడా నీట్‌గా కనిపిస్తుంది.. పైగా వీటికంటూ ప్రత్యేకంగా కాస్త స్పేస్‌ కేటాయించాల్సిన అవసరం కూడా లేదు. గోడలు, చిన్న చిన్న ఖాళీ ప్రదేశాల్లో ఇట్టే ఇమిడిపోయే ఇలాంటి కొన్ని విభిన్న కిచెన్‌ ర్యాక్స్‌/మల్టీ పర్పస్‌ ర్యాక్స్‌ గురించి ఈ వారం ప్రత్యేకంగా మీకోసం..

అప్పటికప్పుడు అనుకొని ఏదైనా పార్టీకి వెళ్లాలన్నా.. ఫంక్షన్‌కి తయారవ్వాలన్నా.. తాత్కాలికంగా మెరుపునందించే ఫేస్‌ప్యాక్‌లు, మాస్కులు వేసుకోవడం కామనే. వాటి కోసం బ్యూటీ పార్లర్లను ఆశ్రయించి బోలెడంత ఖర్చు పెడుతుంటారు ఈ తరం అమ్మాయిలు. కానీ, ప్రతిసారీ అలా చేయించుకోవడం వల్ల ఎంతో సమయం, డబ్బు వృథా తప్ప దానివల్ల చేకూరే ప్రయోజనం అంతంతమాత్రమే. అలాకాకుండా మనం అనుకున్నదే తడవుగా అప్పటికప్పుడే తక్కువ ఖర్చుతో ఇన్‌స్టంట్‌ గ్లోని సొంతం చేసుకోవాలంటే.. ప్రస్తుతం మార్కెట్లో లభ్యమవుతోన్న ఇన్‌స్టంట్‌ బ్యూటీ మాస్కులు ట్రై చేస్తే సరి. పైగా ఇవి అందుబాటు ధరల్లో లభిస్తూ.. మంచి ఫలితాలను కూడా అందిస్తున్నాయంటున్నారు సౌందర్య నిపుణులు. మొత్తం ముఖానికే కాదు.. నుదురు, ముక్కు.. ఇలా వివిధ ముఖ భాగాల్లో వేసుకోవడానికి వీలుగా ఏ భాగానికి ఆ భాగం.. అంటూ సెపరేట్‌గా లభిస్తున్నాయి కూడా! సో.. మీ సమస్యకు తగ్గట్టుగా వీటిని ఎప్పుడైనా, ఎక్కడైనా ఈజీగా ధరించేయచ్చు.. అంతే ఈజీగా తొలగించేయచ్చు. అంతేకాదండోయ్‌.. ఇవి వేసుకున్న అరగంటలోనే మీ చర్మం మెరుపును సంతరించుకుంటుంది. మరి అలాంటి కొన్ని ఇన్‌స్టంట్‌ ఫేషియల్‌ మాస్క్‌ల గురించి ఈ వారం ప్రత్యేకంగా మీకోసం..

ముఖారవిందం అనగానే.. అందరికీ చక్కటి మోము, కలువరేకల్లాంటి కళ్లు, దొండపండులాంటి అధరాలే గుర్తుకొస్తాయి. కేవలం ఇవే కాదు.. అందాన్ని ద్విగుణీకృతం చేయడంలో ‘ముక్కు’ పాత్ర కూడా కీలకమే. అందుకే కవులు సైతం ‘కోటేరు లాంటి ముక్కు’, ‘సంపంగి లాంటి నాసికం’ అంటూ ముక్కు అందాన్ని వర్ణించారు. మరి అంతటి ప్రాముఖ్యం గల ముక్కు చక్కటి ఆకృతిలో ఉన్నప్పుడే మరింత అందంగా మెరిసిపోతాం. అలా ముక్కు తీరైన ఆకృతిలో తీర్చిదిద్దుకోవడానికి ప్రస్తుతం మార్కెట్లో బోలెడన్ని గ్యాడ్జెట్లు అందుబాటులో ఉన్నాయి. ఆశ్చర్యపోతున్నారా? అయితే అలాంటి కొన్ని గ్యాడ్జెట్ల గురించి తెలుసుకోవాల్సిందే!

స్ప్రౌట్స్‌ (మొలకలు), మైక్రో గ్రీన్స్‌.. ఈ ఉరుకుల పరుగుల జీవితంలో శరీరానికి కావాల్సిన పోషణ అందించగలిగే ఔషధాలివి. అంతేనా.. బరువు తగ్గించడంలోనూ వీటికి సాటి మరొకటి లేదనడంలో సందేహం లేదు. అయితే ఇవి తినడం వరకు బాగానే ఉంది కానీ.. తయారుచేసుకోవడమే కాస్త శ్రమతో కూడుకున్న పని అంటూ దాటేసే వారే మనలో చాలామంది ఉంటారు. అలాంటి వారికోసమే ఈజీగా మొలకలు, మైక్రో గ్రీన్స్‌ తయారుచేసే గ్యాడ్జెట్లు ప్రస్తుతం మార్కెట్లో అందుబాటులోకొచ్చేశాయి. ఇక మీరు వాటిని ఉపయోగిస్తే కాటన్‌ క్లాత్‌, విత్తనాలు నానబెట్టడం, అవి మొలకెత్తే వరకు వాటిని పదే పదే నీటితో తడపడం.. వంటి పనులేవీ చేయాల్సిన అవసరం లేదు. మరి, ఎంతో సునాయాసంగా స్ప్రౌట్స్‌ని తయారుచేసుకునే ఆ స్ప్రౌట్‌ మేకింగ్‌ టూల్స్‌ ఏంటో చూసేద్దామా??