ఆకట్టుకునే రూపం, అంతకుమించిన అద్భుతమైన గాత్రంతో తెలుగు సినీ సంగీత ప్రియుల మనసుల్లో చెరగని ముద్ర వేసింది గాయని సునీత. క్యూట్‌ స్మైల్‌తో ‘ఝుం ఝుం మాయ’ అంటూ మనందరినీ మాయ చేసిన ఈ బ్యూటిఫుల్‌ సింగర్‌ తాజాగా మూడుముళ్ల బంధంలోకి అడుగుపెట్టింది. మ్యాంగో మూవీస్‌ అధినేత రామ్‌ వీరపనేనితో కలిసి ఏడడుగులు నడిచింది. అతి కొద్దిమంది కుటుంబ సభ్యుల సమక్షంలో జరిగిన ఈ వేడుకలో వధూవరులిద్దరూ సంప్రదాయబద్ధమైన దుస్తుల్లో మెరిసిపోయారు. తమ పెళ్లిలో ప్రతి ఘట్టం ప్రత్యేకమే అన్నంతలా సందడి చేసిన ఈ న్యూ కపుల్‌ పెళ్లి ఫొటోలు, వీడియోలు ప్రస్తుతం సామాజిక మాధ్యమాల్లో వైరల్‌గా మారాయి.

తన మధురమైన గాత్రంతో తెలుగు వారి గుండెల్లో చెరగని ముద్ర వేసుకున్న సునీత కొత్త ఏడాదిలో కొత్త జీవితం ప్రారంభించబోతున్న సంగతి తెలిసిందే. ప్రస్తుతం సింగిల్‌ పేరెంట్‌గా పిల్లల బాధ్యతలు చూసుకుంటోన్న ఆమె ప్రముఖ వ్యాపారవేత్త రామ్‌ వీరపనేనితో కలిసి వైవాహిక బంధంలోకి అడుగుపెట్టనున్నారు. ఇప్పటికే ఇరు కుటుంబ సభ్యుల సమక్షంలో దండలు మార్చుకుని నిశ్చితార్థం చేసుకుందీ జంట. ఈ క్రమంలో వివాహ సమయం దగ్గరపడుతుండడంతో స్నేహితులు, సన్నిహితుల కోసం వరసగా ప్రి వెడ్డింగ్‌ పార్టీలు ఏర్పాటు చేస్తున్నారు సునీత-రామ్‌. కొద్ది రోజుల క్రితం ఓ ఫైవ్‌స్టార్‌ హోటల్‌లో టాలీవుడ్‌ నటీనటులు, సింగర్స్‌కు గ్రాండ్‌గా పార్టీ ఇచ్చిన వీరు తాజాగా మరోసారి పార్టీని ఏర్పాటు చేశారు. గచ్చిబౌలిలోని ఓ ప్రముఖ హోటల్‌లో ఏర్పాటుచేసిన ఈ కార్యక్రమానికి పలువురు సినీ ప్రముఖులు హాజరయ్యారు.

చూడగానే ఆకట్టుకునే రూపం, తేనె కంటే తియ్యనైన తన అద్భుతమైన స్వరంతో గాయనిగా తెలుగు వారి గుండెల్లో చెరగని ముద్ర వేశారు సింగర్‌ సునీత.

తన గానామృతంతో ఆబాల గోపాలాన్ని అలరించిన ఎస్పీ బాలు మరణాన్ని యావత్‌ భారతావని జీర్ణించుకోలేకపోతోంది. ఈ గాన గంధర్వుడి మధురమైన గాత్రాన్ని ఇక వినలేమనే వార్త సంగీతాభిమానులకు తీవ్ర శోకాన్ని మిగుల్చుతోంది. ఇక సినీ, సంగీత ప్రపంచంలో బాలుతో కలిసి ప్రయాణం చేసిన పలువురు తారలు, గాయనీమణులు ఆయనతో ఉన్న జ్ఞాపకాలను గుర్తుకు తెచ్చుకుంటూ భావోద్వేగానికి గురువుతున్నారు. ఈక్రమంలో ప్రముఖ సింగర్‌ సునీత ఈ సంగీత చక్రవర్తితో తనకున్న అనుబంధాన్ని నెమరువేసుకుంటూ ఫేస్‌బుక్‌ వేదికగా ఓ వీడియోను పోస్ట్‌ చేశారు. ఈ సందర్భంగా తీవ్ర భావోద్వేగానికి గురైన ఆమె బాలు గురించి ఇలా చెప్పుకొచ్చారు.

తన శ్రావ్యమైన స్వరంతో సంగీత ప్రియుల్ని అలరించే బ్యూటిఫుల్‌ సింగర్‌ చిన్మయీ శ్రీపాద. సందర్భం వచ్చినప్పుడల్లా మహిళా అంశాలపై స్పందించే ఈ గాయని.. తన సేవా భావంతోనూ అశేష అభిమానుల్ని సంపాదించుకుంది. అయితే తన సంగీత కళను ప్రస్తుత కరోనా ప్రతికూల పరిస్థితుల్లోనూ సేవ కోసమే వినియోగిస్తోందీ సూపర్‌ సింగర్‌. తన ప్రియమైన అభిమానులు అడిగిన పాటలు పాడుతూ, వారికి విషెస్‌ చెబుతూ లక్షల కొద్దీ విరాళాలు సేకరిస్తోందీ ముద్దుగుమ్మ. ఇలా పోగైన మొత్తాన్ని ఈ కరోనా సమయంలో కష్టాల్లో ఉన్న వారిని ఆదుకోవడానికి వినియోగిస్తోంది. ఇలా మరోసారి తన సేవాభావంతో అందరి మన్ననలు అందుకుంటోందీ అందాల గాయని.

కరుణ లేని కరోనా ఎవరినీ వదిలిపెట్టడం లేదు. పేద-ధనిక, ఆడ-మగ, చిన్నా-పెద్దా...ఈ తారతమ్యాలేవీ చూపించకుండా అందరిపై విరుచుకుపడుతోంది. అందుకే ఇంట్లోనే ఉండి ఎన్ని జాగ్రత్తలు తీసుకున్నా సరే..సామాన్యులతో పాటు పలువురు సెలబ్రిటీలు కూడా ఈ మహమ్మారి బాధితుల జాబితాలో చేరిపోతున్నారు. ఈ క్రమంలో తాజాగా పాప్‌ సింగర్‌ స్మిత కరోనా బారిన పడింది. ఈ విషయాన్ని స్వయంగా సోషల్‌ మీడియా ద్వారా వెల్లడించిన ఆమె... త్వరలోనే కరోనాను జయిస్తానంటూ తన అభిమానుల్లో ధైర్యాన్ని నింపారు.

తన పాటలతో తెలుగు రాష్ట్రాల ప్రజల మనసులు దోచుకున్న మంగ్లీ అసలు పేరు సత్యవతి రాఠోడ్. గాయనిగా, బుల్లితెర యాంకర్‌గా, నటిగా మనందరికీ సుపరిచితురాలు. బంజారాలో పుట్టిన బంగారు బొమ్మ ఆమె.పాలమూరు పిల్ల. తనకు చిన్నప్పటినుంచి పాటలు పాడటం అంటే అమితాసక్తి. మంగ్లీ నాన్న బాలూ నాయక్ జానపద పాటలు పాడేవారు.అలా తండ్రిని చూస్తూ పెరిగిన మంగ్లీకి కూడా పాటలంటే ఇష్టం కలిగింది. ఆమె ఆసక్తిని గమనించిన ఆయన ఆమెను పాటలు నేర్చుకుని, పాడేలా ప్రోత్సహించారు. అయితే కేవలం సంగీతమే కాకుండా భరతనాట్యం కూడా నేర్చుకుందామె.

గతేడాది విడుదలైన ‘సాహో’ సినిమాలోని ‘ఆగడిక సైకో సయ్యా’ పాట ఎంత పెద్ద హిట్టో ప్రత్యేకంగా చెప్పక్కర్లేదు. సోషల్‌ మీడియాలో ఎంతో క్రేజ్‌ సొంతం చేసుకున్న ఈ సాంగ్‌ను 4 భాషల్లో నలుగురు మేల్‌ సింగర్స్‌ పాడారు. కానీ ఫిమేల్‌ వెర్షన్‌ మాత్రం 4 భాషల్లో ఒకే అమ్మాయి పాడింది. ఆమే ధ్వని భానుశాలి. ఇప్పటికే నేపథ్య గాయనిగా ఎన్నో బాలీవుడ్‌ సినిమాల్లో పాటలు పాడిన ఆమె పాప్‌ సింగర్‌గానూ సత్తా చాటుతోంది. మ్యూజిక్‌ ఆల్బమ్‌లు రూపొందిస్తూ యూట్యూబ్‌ రికార్డులన్నింటినీ కొల్లగొడుతోంది. ఈ క్రమంలో కేవలం 22 ఏళ్లకే సంగీత ప్రపంచంలో ఎన్నో సంచలనాలు సృష్టించిన ఈ యంగ్‌ సెన్సేషన్‌ కీర్తి కిరీటంలో మరో పురస్కారం చేరింది. ఇందులో భాగంగా ఇటీవల మిర్చి మ్యూజిక్‌ ‘లిజనర్స్‌ ఛాయిస్‌ ఇండిపెండెంట్‌’ పురస్కారాన్ని సొంతం చేసుకుందీ బ్యూటిఫుల్‌ సింగర్‌.

జ్ఞానమనేది అనంతమైనది.. ఎన్ని విద్యలు నేర్చినా, ఎన్ని విషయాలు తెలుసుకున్నా ఇంకా నేర్చుకోవాల్సింది, తెలుసుకోవాల్సింది ఎంతో ఉంటుంది. అందుకే కొందరు ఎన్ని విషయాలు తెలిసినా, ఇంకా ఇంకా కొత్త విద్యలు నేర్చుకోవాలని తపన పడుతుంటారు. అద్భుతాలు సృష్టించాలని, అందరిలోనూ ప్రత్యేకంగా నిలవాలని ఆశపడుతుంటారు. ఇదిగో ఈ రెండో కోవకే చెందుతుంది భారత సంతతికి చెందిన పదమూడేళ్ల సుచేతా సతీష్. దాదాపు భారతీయ భాషలన్నింటిలో ప్రావీణ్యం సంపాదించి తన గాత్రంతో సంగీత ప్రేమికుల్ని ఓలలాడిస్తోన్న ఈ యంగ్‌స్టర్‌కు నేర్చుకోవాలన్న తపన రోజురోజుకీ రెట్టింపవుతోంది. అందుకు నిదర్శనమే తాజాగా తాను అందుకున్న ‘గ్లోబల్‌ ఛైల్డ్‌ ప్రొడిజీ (ప్రపంచ బాల మేధావి)’ అవార్డు. భారతీయ భాషలతో పాటు విదేశీ భాషలపై కూడా పట్టు సాధించి.. ఇలా మొత్తంగా 120 భాషలు ఔపోసన పట్టడంతో పాటు అన్ని భాషల్లోనూ పాటలు పాడగల నైపుణ్యం సొంతం చేసుకున్నందుకే ఈ అవార్డు ఆమెను వరించింది. ఈ నేపథ్యంలో ఈ బాల మేధావి గురించి కొన్ని విశేషాలు మీకోసం..