ప్రస్తుత తరంలో సోషల్‌ మీడియాకున్న ప్రాధాన్యాన్ని ప్రత్యేకంగా చెప్పక్కర్లేదు. అందులోనూ వెండితెరపై వెలిగిపోయే సెలబ్రిటీలకు తమ వృత్తితో పాటు సోషల్‌ మీడియా కూడా ముఖ్యమే.

సామాజిక మాధ్యమాలు ప్రతి ఒక్కరి జీవితంలో ఎంత భాగమయ్యాయో ప్రత్యేకంగా చెప్పక్కర్లేదు. ఇక వెండితెరపై వెలిగిపోయే సెలబ్రిటీలకు తమ వృత్తితో పాటు సోషల్‌ మీడియా కూడా ముఖ్యమే. ఎందుకంటే తమను ఆరాధించే అభిమానులకు మరింత చేరువయ్యేందుకు సామాజిక మాధ్యమాలు వారధిగా ఉపయోగపడుతున్నాయి. తమ వృత్తిగత, వ్యక్తిగత విషయాలను ఈ వేదిక ద్వారానే ఫ్యాన్స్‌తో పంచుకుంటున్నారు. ఇదే సమయంలో తమ అభిమాన తారల గురించి తెలుసుకోవడానికి చాలామంది వారిని ఫాలో అవుతున్నారు. ఈక్రమంలో సోషల్‌ మీడియాలో హైపర్‌ యాక్టివ్‌గా ఉన్న శ్రద్ధా కపూర్‌ ఇన్‌స్టాగ్రామ్‌ ఫాలోవర్ల సంఖ్య తాజాగా 56.5 మిలియన్లకు చేరుకుంది. తద్వారా ఇన్‌స్టాగ్రామ్‌లో అత్యధిక ఫాలోవర్లు ఉన్న ఇండియన్‌ సెలబ్రిటీల్లో మూడో స్థానానికి చేరుకుందీ ముద్దుగుమ్మ.

ప్రపంచవ్యాప్తంగా కరోనా విజృంభణ కొనసాగుతుండడంతో ఈసారి ప్రజలు మాతృ దినోత్సవ వేడుకలను తమ ఇళ్లలోనే జరుపుకొన్నారు. అయితే లాక్‌డౌన్‌ కారణంగా చాలామందికి తమ తల్లులను స్వయంగా వెళ్లి కలుసుకోవడం వీలు కాలేదు. దీంతో ఫోన్‌, వీడియో కాల్స్‌ ద్వారానే వారికి పరోక్షంగా మదర్స్‌ డే శుభాకాంక్షలు చెప్పి సరిపెట్టుకున్నారు. ఈ క్రమంలో సినీ పరిశ్రమకు చెందిన పలువురు తారలు కూడా సోషల్‌ మీడియా ద్వారా తమ మాతృమూర్తులకు మదర్స్‌ డే విషెస్‌ తెలిపారు.

కరోనా ప్రభావం తీవ్రంగా ఉండడంతో దేశ వ్యాప్తంగా లాక్‌డౌన్‌ కొనసాగుతోంది. దీంతో ప్రజలంతా సామాజిక దూరం పాటిస్తూ ఇళ్లకే పరిమితమవుతున్నారు. అయితే ఈ లాక్‌డౌన్‌ వల్ల తమ వృత్తిగత జీవితానికి బ్రేక్‌ పడకూడదన్న ఉద్దేశంతో చాలామంది ఇంటి నుంచే విధులు నిర్వర్తిస్తున్నారు. అప్పటిదాకా ‘వర్క్‌ ఫ్రమ్‌ హోమ్‌’ ఆప్షన్‌ లేని సంస్థలు కూడా ఈ కొత్త పని సంస్కృతికి శ్రీకారం చుట్టాయి. అయితే మనమే కాదు.. సినీ పరిశ్రమకు చెందిన కొందరు ముద్దుగుమ్మలు కూడా ఈ లాక్‌డౌన్‌ నేపథ్యంలో ఇంటి నుంచే తమ వృత్తిగత బాధ్యతలను నిర్వర్తిస్తున్నారు. ఈ క్రమంలో చక్కటి పని వాతావరణాన్ని ఏర్పరచుకొని మనందరికీ వర్క్‌ ఫ్రమ్‌ హోమ్‌ పాఠాలు నేర్పుతున్నారు. మరి ఇంతకీ వాళ్లెవరు? వాళ్లు చేస్తోన్న పనులేంటో తెలుసుకుందాం రండి..

కరోనా లాక్‌డౌన్‌తో నిత్యం ఉరుకులు పరుగులతో బిజీగా గడిపే మానవజాతికి చిన్న విరామం దొరికింది. అత్యవసర విభాగాలకు చెందిన ఉద్యోగులను మినహాయిస్తే.. దేశ ప్రధానుల దగ్గర నుంచి సాధారణ కూలీ వరకు అంతా ఇళ్లకే పరిమితమవుతున్నారు. ముఖ్యంగా వృత్తిగతంగా క్షణం కూడా తీరిక దొరకని సినిమా తారలకు ఇదొక అరుదైన అవకాశమనే చెప్పాలి. అందుకే ఈ సమయాన్ని కుటుంబ సభ్యులతో గడిపేందుకు, తమ మనసుకు నచ్చిన పనులు చేసేందుకు వినియోగిస్తున్నారు. అంతేకాదు, తమ వ్యక్తిగత పనులతో పాటు ఇంటి పనులు సైతం తామే స్వయంగా పూర్తి చేసుకుంటున్నారు. మరి ఈ క్వారంటైన్‌ సమయంలో కొంతమంది తారలు ఏం చేస్తున్నారో మీరే చూడండి.

కరోనా నుంచి మానవాళిని రక్షించేందుకు యావత్‌ ప్రపంచం తీవ్రంగా కృషి చేస్తోంది. ఈ వ్యాధి బారిన పడిన వారికి తగిన వైద్య సేవలు అందించేందుకు వివిధ దేశాల ప్రభుత్వాలు విపరీతంగా ఖర్చు పెడుతున్నాయి. మన కేంద్ర ప్రభుత్వం కూడా ఈ సమస్యపై పోరాడేందుకు కోట్ల రూపాయలను వెచ్చిస్తోంది. ఈ క్రమంలో తమకు తోచిన నగదును ‘ప్రధాని సహాయ నిధి’కి విరాళంగా ఇవ్వమని ప్రధాని నరేంద్ర మోదీ ప్రజలకు పిలుపునిచ్చిన సంగతి తెలిసిందే. ఈ నేపథ్యంలో కేంద్ర, రాష్ట్ర ప్రభుత్వాలకు సాయం అందించేందుకు సామాన్యులతో పాటు వివిధ రంగాలకు చెందిన సెలబ్రిటీలు సైతం ముందుకొస్తుండడం విశేషం. ఈ ఆపద సమయంలో దేశ ప్రజలకు అండగా నిలుస్తూ వాళ్లు తమ మంచి మనసును చాటుకుంటున్నారు.

ప్రస్తుతం ప్రపంచం ‘కరోనా’ (కొవిడ్‌-19) కోరల్లో చిక్కుకుపోతోంది. వైరస్‌ బారినపడుతోన్న వారి సంఖ్య రోజురోజుకీ పెరిగిపోతోంది. షేర్‌ మార్కెట్లు మునుపెన్నడూ లేని విధంగా పతనమవుతున్నాయి. సినిమా థియేటర్లు మూతపడ్డాయి, స్కూళ్లు, కాలేజీలకు సెలవులు ప్రకటించారు. రోడ్లన్నీ జనాలు లేక నిర్మానుష్యంగా మారుతున్నాయి. ప్రజలంతా ఇళ్లకే పరిమితమవుతున్నారు. అత్యవసరమైతే తప్ప ఇంట్లో నుంచి బయటకు రావొద్దని ప్రభుత్వాలు కూడా సూచిస్తున్నాయి. సెలబ్రిటీలు కూడా ఇంటికే పరిమితమవుతున్నారు. అయితే ఎప్పుడూ షూటింగ్‌లతో, వివిధ ప్రోగ్రామ్స్‌తో బిజీగా గడిపే సెలబ్రిటీలు ఇప్పుడు ఇంట్లోనే ఉండడంతో ఖాళీ సమయంలో ఏం చేస్తున్నారనే ప్రశ్న సహజంగానే ఉత్పన్నమవుతుంది. స్వీయ నిర్బంధంలో ఉన్న కొంతమంది సినీ తారలు సోషల్‌ మీడియా వేదికగా తాము ఇంట్లో ఏం చేస్తున్నామో.. అభిమానులతో పంచుకుంటున్నారు. అనుకోకుండా దొరికిన ఈ ఖాళీ సమయాన్ని మన సెలబ్రిటీలు ఎలా ఉపయోగిస్తున్నారో మనమూ తెలుసుకుందామా.?

సెలబ్రిటీ కపుల్‌ శిల్పాశెట్టి- రాజ్‌కుంద్రాలు ఇటీవలే సరోగసీ ద్వారా పండంటి ఆడబిడ్డకు జన్మనిచ్చిన విషయం మనందరికీ విదితమే. తమ కుటుంబంలోకి లిటిల్‌ ఏంజెల్‌ ‘సమీషా శెట్టి’ అడుగుపెట్టిన విషయాన్ని సోషల్‌ మీడియా ద్వారా అభిమానులతో పంచుకుందీ అందాల తార. ఈ క్రమంలో శిల్ప తాజాగా తన బుజ్జాయికి సంబంధించిన మరొక పోస్ట్‌ను షేర్‌ చేసింది. తన బుజ్జి పాపాయి పుట్టి నిన్నటితో (మార్చి 15) నెల రోజులు పూర్తిచేసుకున్న నేపథ్యంలో ఒక అందమైన ఫొటోను ఇన్‌స్టాలో పంచుకుంది. తనతో పాటు భర్త, కుమారుడు, పాప ఒకరి చేతిలో మరొకరు చెయ్యేసినట్లుగా ఉన్న ఈ ఫొటోను పంచుకుంటూ.. ‘ఇదే నీ మొదటి మైలురాయి.. నా లిటిల్‌ ప్రిన్సెస్‌ సమీషా.. నువ్వు పుట్టి నెల రోజులైన సందర్భంగా నీకు శుభాకాంక్షలు. నిన్ను అన్నింటికంటే ఎక్కువగా ప్రేమిస్తున్నాను..’ అంటూ ప్రేమతో రాసుకొచ్చిందీ బ్యూటిఫుల్‌ మామ్‌.

పదిమంది జరుపుకొనేది పండగ కాదు..! పదిమంది కలిసి జరుపుకొనేదే పండగ..! ఈ మాటను తు.చ తప్పకుండా పాటించే వారిలో ముకేష్‌ అంబానీ కుటుంబం కూడా ఒకటి. వినాయక చవితి, దీపావళి, న్యూ ఇయర్‌.. ఇలా పండగేదైనా స్నేహితులు, బంధువులను తమ ఇంటికి ఆహ్వానించి, వాళ్లతో కలిసి ఆనందంగా జరుపుకోవడం అంబానీ ఫ్యామిలీ స్టైల్‌. అయితే అంబానీ వారసులు కూడా ఇప్పుడు ఇదే పద్ధతిని ఫాలో అవుతున్నారు. ఈ క్రమంలో ముకేశ్‌, నీతూ అంబానీల ముద్దుల కుమార్తె ఈషా అంబానీ ఇటీవల హోలీ పండగ సంబరాల్ని ఘనంగా నిర్వహించింది. శుక్రవారం జరిగిన ఈ వేడుకలో అంబానీ కుటుంబ సభ్యులు, స్నేహితులతో పాటు ప్రముఖ బాలీవుడ్‌ సెలబ్రిటీలు సైతం పాల్గొనడం విశేషం.

తెలుగులో ‘అఖిల్‌’ సినిమాతో సినీ పరిశ్రమలోకి అడుగుపెట్టిన లవ్లీ గర్ల్‌ సాయేషా సైగల్‌. ఈ సినిమాలో తన క్యూట్‌ లుక్స్‌తో తెలుగు ప్రేక్షకుల హృదయాలను దోచుకుందీ ముద్దుగుమ్మ. ప్రస్తుతం వివిధ కన్నడ సినిమాల షూటింగులతో బిజీగా ఉన్న ఈ అమ్మడు.. సోషల్‌ మీడియాలోనూ యమ చురుగ్గా ఉంటుంది. ఈ క్రమంలో ఓ సినిమా షూటింగ్‌లో భాగంగా నాట్యం చేస్తున్న వీడియోని ఇన్‌స్టాలో పోస్ట్‌ చేస్తూ.. ‘డ్యాన్స్‌ అంటే నాకు ప్రాణం..’ అంటూ రాసుకొచ్చిందీ క్యూట్‌ బ్యూటీ.

ఎంతో అన్యోన్యంగా ఉంటూ తమ ప్రేమను ఎప్పటికప్పుడు తెలియజేసుకునే సెలబ్రిటీ కపుల్స్‌లో షాహిద్‌ కపూర్‌- మీరా రాజ్‌పుత్‌ జంట ఒకటి. షాహిద్‌ వృత్తిపరంగా ఎంత బిజీగా ఉన్నా తన కుటుంబానికి తగిన సమయం కేటాయిస్తుంటాడు. ఇలా కుటుంబంతో గడిపిన మధుర క్షణాలను ఫొటోల్లో బంధించి ఇన్‌స్టాలో పోస్ట్‌ చేయడం షాహిద్‌ బెటరాఫ్‌ మీరాకు అలవాటే. నేడు షాహిద్‌ పుట్టినరోజు. ఈ సందర్భంగా మీరా ఇన్‌స్టా వేదికగా శ్రీవారికి బర్త్‌డే విషెస్‌ తెలిపింది. వీళ్లిద్దరూ కలిసున్న ఒక అందమైన ఫొటోను ఇన్‌స్టా స్టోరీలో పోస్ట్‌ చేస్తూ.. ‘నా ప్రియమైన వ్యక్తికి పుట్టినరోజు శుభాకాంక్షలు..’ అంటూ ప్రేమగా రాసుకొచ్చిందీ వైఫీ.

ఫ్యాషన్‌ షోలు, అవార్డ్స్‌ సెలబ్రేషన్స్‌.. అంటూ వరస కార్యక్రమాలతో బాలీవుడ్‌ తారా లోకం బిజీబిజీగా గడిపేస్తున్నారు. ఇటీవలే లాక్మే ర్యాంప్‌పై హొయలొలికించిన అందాల భామలు.. ఫిలింఫేర్‌ అవార్డ్స్‌లో తమదైన స్టైల్స్‌తో రెడ్‌ కార్పెట్‌ని హీటెక్కించారు. తాజాగా ‘నైకా ఫెమినా బ్యూటీ అవార్డ్స్‌-2020’ ప్రదానోత్సవంలో తమ డిఫరెంట్‌ అటైర్స్‌తో ఫ్యాషన్‌ ప్రియుల మతులు పోగొట్టారు. నైకా ఆధ్వర్యంలో ఫెమినా నిర్వహించిన ఈ అవార్డ్స్‌ ప్రదానోత్సవం సందర్భంగా బాలీవుడ్‌ ముద్దుగుమ్మలంతా ఒకచోట చేరి తమ అందచందాలతో అభిమానులకు కనువిందు చేశారు. అటు అవార్డులతో మురిసిపోతూ.. ఇటు తమ ఫ్యాషనబుల్‌ లుక్స్‌తో అదరగొట్టిన బాలీవుడ్‌ అందాల తారలపై మనమూ ఓ లుక్కేద్దాం రండి..

‘అందమైన ప్యాలస్‌లో బాలీవుడ్‌ బ్యూటీ కత్రినా కైఫ్‌ వివాహం..! బాలీవుడ్‌, టాలీవుడ్‌, కోలీవుడ్‌.. ఇలా మన దేశంలో వివిధ సినీ ప్రరిశ్రమలకు చెందిన అగ్ర తారలెందరో ఈ వేడుకలో పాల్గొన్నారు..! అంతేకాదు, తమ ఇంట్లో పెళ్లి జరుగుతున్నట్లు పట్టు వస్త్రాలు ధరించి దగ్గరుండి మరీ ఈ వివాహం జరిపించారు..!’