అలియా భట్‌... బాలీవుడ్‌తో పాటు తెలుగు సినిమా ప్రేక్షకులకు ప్రత్యేక పరిచయం అవసరం లేని పేరు. మహేశ్‌ భట్‌ వారసురాలిగా హిందీ చలనచిత్ర పరిశ్రమలో అడుగుపెట్టిన ఈ ముద్దుగుమ్మ అనతికాలంలోనే అగ్రకథానాయికగా పేరు తెచ్చుకుంది. వైవిధ్యమైన సినిమాలు చేస్తూ తనకంటూ ఓ ప్రత్యేక గుర్తింపు తెచ్చుకున్న ఈ ముద్దుగుమ్మ.. ‘ఆర్‌ ఆర్‌ ఆర్‌’ సినిమాతో త్వరలోనే తెలుగు ప్రేక్షకులను కూడా పలకరించనుంది. సిల్వర్‌ స్ర్కీన్‌పై ఎంతో సందడి సందడిగా కనిపించే ఈ అందాల తార సోషల్‌ మీడియాలోనూ అంతే చురుగ్గా ఉంటుంది. తన వ్యక్తిగత, వృత్తిగత జీవితానికి సంబంధించిన విషయాలను ఎప్పటికప్పుడు అందరితో షేర్‌ చేసుకుంటుంది. ఈక్రమంలో తాజాగా ఇన్‌స్టాగ్రామ్‌ వేదికగా ‘True Or False’ అనే సెషన్‌లో భాగంగా అభిమానులతో ముచ్చటించింది అలియా. ఈ సందర్భంగా ఫ్యాన్స్‌ అడిగిన పలు ప్రశ్నలకు ఎంతో సరదాగా సమాధానాలిచ్చింది. మరి అలియాకు, అభిమానులకు మధ్య జరిగిన ఆ సంభాషణ విశేషాలేంటో మనమూ తెలుసుకుందాం రండి...

కోరుకోని అతిథిలా వచ్చిన కరోనా కారణంగా 2020 ప్రతి ఒక్కరికీ ఎంతో కఠినంగా మారింది. అందరి సంతోషాలను, సరదాలను దూరం చేసిన మహమ్మారితో సామాన్యులతో పాటు సెలబ్రిటీలు కూడా ఎన్నో ఇబ్బందులు పడ్డారు. ఈ క్రమంలో 2020లో కోల్పోయిన ఆనందాలను కొత్త ఏడాదిలోనైనా పొందాలని ఆకాంక్షిస్తూ 2021కి గ్రాండ్‌గా స్వాగతం పలికేందుకు అందరూ సిద్ధమవుతున్నారు. ఈ క్రమంలో పలువురు టాలీవుడ్‌, బాలీవుడ్‌ తారలు తమ కుటుంబ సభ్యులు, ప్రియమైన వారితో కలిసి నూతన సంవత్సరానికి స్వాగతం పలికేందుకు అందమైన ప్రదేశాలకు తరలి వెళ్లారు.

ప్రస్తుత తరంలో సోషల్‌ మీడియాకున్న ప్రాధాన్యాన్ని ప్రత్యేకంగా చెప్పక్కర్లేదు. అందులోనూ వెండితెరపై వెలిగిపోయే సెలబ్రిటీలకు తమ వృత్తితో పాటు సోషల్‌ మీడియా కూడా ముఖ్యమే.

సామాజిక మాధ్యమాలు ప్రతి ఒక్కరి జీవితంలో ఎంత భాగమయ్యాయో ప్రత్యేకంగా చెప్పక్కర్లేదు. ఇక వెండితెరపై వెలిగిపోయే సెలబ్రిటీలకు తమ వృత్తితో పాటు సోషల్‌ మీడియా కూడా ముఖ్యమే. ఎందుకంటే తమను ఆరాధించే అభిమానులకు మరింత చేరువయ్యేందుకు సామాజిక మాధ్యమాలు వారధిగా ఉపయోగపడుతున్నాయి. తమ వృత్తిగత, వ్యక్తిగత విషయాలను ఈ వేదిక ద్వారానే ఫ్యాన్స్‌తో పంచుకుంటున్నారు. ఇదే సమయంలో తమ అభిమాన తారల గురించి తెలుసుకోవడానికి చాలామంది వారిని ఫాలో అవుతున్నారు. ఈక్రమంలో సోషల్‌ మీడియాలో హైపర్‌ యాక్టివ్‌గా ఉన్న శ్రద్ధా కపూర్‌ ఇన్‌స్టాగ్రామ్‌ ఫాలోవర్ల సంఖ్య తాజాగా 56.5 మిలియన్లకు చేరుకుంది. తద్వారా ఇన్‌స్టాగ్రామ్‌లో అత్యధిక ఫాలోవర్లు ఉన్న ఇండియన్‌ సెలబ్రిటీల్లో మూడో స్థానానికి చేరుకుందీ ముద్దుగుమ్మ.

బాలీవుడ్‌ యంగ్‌ హీరో సుశాంత్‌ సింగ్‌ రాజ్‌పుత్‌ అకాల మరణం భారతీయ చిత్రసీమను ఒక కుదుపు కుదిపేసింది. ఈ సంఘటనతో సోషల్‌ మీడియా వేదికగా ఇండస్ట్రీలోని బంధుప్రీతి, లాబీయింగ్, లైంగిక వేధింపులు వంటి అంశాలు మరోసారి తెరమీదకు వచ్చాయి. ఇదే సమయంలో మహేశ్‌భట్‌ కుమార్తెగా అలియా భట్‌ సామాజిక మాధ్యమాల్లో చాలా విమర్శలు ఎదుర్కొంది. కొంతమంది నెటిజన్లు ఆమెను లక్ష్యంగా చేసుకుని విపరీతమైన ట్రోలింగ్‌కు దిగారు. అయితే ఇప్పటివరకు తనపై వచ్చిన విమర్శలకు స్పందించని అలియా తాజాగా ఇన్‌స్టాలో ఓ పోస్ట్‌ షేర్ చేసింది. ఇందులో భాగంగా సోషల్‌ మీడియాలో తనపై విమర్శలు చేసేవాళ్లని ఉద్దేశిస్తూ ఓ సుదీర్ఘమైన నోట్ రాసుకొచ్చింది.

ఆకలి తీర్చుకోవడానికి అడవి నుంచి జనావాసంలోకి వచ్చిన ఆ ఏనుగు ఇక్కడ కూడా కొన్ని మానవ మృగాలుంటాయని కనిపెట్టలేకపోయింది. అందుకే అనాస పండు(పైనాపిల్‌)లో ప్రాణం తీసే పేలుడు పదార్థాలు పెట్టిచ్చినా ఆబగా నోటికందుకుంది. ఆ అనాస తన ఆయుష్షు తీస్తుందని తెలియక అమాయకంగా నోరు, నాలుక, దవడను పూర్తిగా ఛిద్రం చేసుకుంది. ఎంతటి బాధనైనా తట్టుకోగలిగే ఆ భారీకాయం ఆ పేలుడు నొప్పి, మంటకు మాత్రం పసిపాపలా విలవిల్లాడిపోయింది. ఉపశమనం కోసం చల్లటి నీరు దొరికితే బాగుండునని ఊరూరా తిరిగింది. చివరకు ఓ నదిలోకి దిగి వూపిరి పీల్చుకుంది. కానీ అప్పటికే నోరంతా ఛిద్రం అవ్వడం, ఏమీ తినకపోవడంతో ఆకలితోనే ప్రాణమొదిలింది. భూతల స్వర్గంగా పేరొందిన కేరళలో జరిగిన ఈ ఘోరం ‘మనుషుల్లో మానవత్వం మాయమవుతోంది’ అన్న మాటకు సజీవ సాక్ష్యంలా నిలుస్తోంది. ఇక్కడ చింతించాల్సిన మరో విషయం ఏమిటంటే మానవ మృగాల చేతిలో మృత్యువాత పడిన ఆ మూగజీవం గర్భంతో ఉండడం..!

లాక్‌డౌన్‌ వల్ల రకరకాల ఇబ్బందులు ఎదుర్కొన్న మాట వాస్తవమే అయినప్పటికీ నిత్యం క్షణం తీరికలేకుండా బిజీగా గడిపేవారికి కొద్దికాలం బ్రేక్‌ దొరికినట్లయ్యింది. దీంతో ఈ సమయంలో ఇంటి పట్టునే ఉంటూ తమకు అభిరుచి ఉన్న రంగాలపై దృష్టి పెడుతోన్న వారు కొందరైతే.. తమకు తెలిసిన కళ/విద్యను పదిమందికీ నేర్పిస్తూ ఈ సమయాన్ని సద్వినియోగం చేసుకొంటోన్న వారు మరికొందరు. వీరిలో సామాన్యులే కాదు.. వివిధ రంగాలకు చెందిన సెలబ్రిటీలు కూడా ఉండడం విశేషం.

ఓవైపు కరోనా వైరస్‌ ప్రజల ప్రాణాలతో చెలగాటమాడుతూ నరకం చూపిస్తుంటే.. మరోవైపు సోషల్‌ మీడియాలో వైరస్‌పై పేలుతోన్న జోక్స్‌ నవ్వుల పువ్వులు పూయిస్తున్నాయి. వాట్సాప్‌, ఫేస్‌బుక్‌ ఓపెన్‌ చేస్తే చాలు కరోనాకు సంబంధించిన ఏదో ఒక జోక్‌ కనిపిస్తూనే ఉంది. ఇక సెలబ్రిటీలు కూడా అప్పుడప్పుడూ ఇలాంటి ఫన్నీ విషయాలను షేర్‌ చేస్తున్నారు.

కరోనా నుంచి మానవాళిని రక్షించేందుకు యావత్‌ ప్రపంచం తీవ్రంగా కృషి చేస్తోంది. ఈ వ్యాధి బారిన పడిన వారికి తగిన వైద్య సేవలు అందించేందుకు వివిధ దేశాల ప్రభుత్వాలు విపరీతంగా ఖర్చు పెడుతున్నాయి. మన కేంద్ర ప్రభుత్వం కూడా ఈ సమస్యపై పోరాడేందుకు కోట్ల రూపాయలను వెచ్చిస్తోంది. ఈ క్రమంలో తమకు తోచిన నగదును ‘ప్రధాని సహాయ నిధి’కి విరాళంగా ఇవ్వమని ప్రధాని నరేంద్ర మోదీ ప్రజలకు పిలుపునిచ్చిన సంగతి తెలిసిందే. ఈ నేపథ్యంలో కేంద్ర, రాష్ట్ర ప్రభుత్వాలకు సాయం అందించేందుకు సామాన్యులతో పాటు వివిధ రంగాలకు చెందిన సెలబ్రిటీలు సైతం ముందుకొస్తుండడం విశేషం. ఈ ఆపద సమయంలో దేశ ప్రజలకు అండగా నిలుస్తూ వాళ్లు తమ మంచి మనసును చాటుకుంటున్నారు.

ప్రస్తుతం ప్రపంచం ‘కరోనా’ (కొవిడ్‌-19) కోరల్లో చిక్కుకుపోతోంది. వైరస్‌ బారినపడుతోన్న వారి సంఖ్య రోజురోజుకీ పెరిగిపోతోంది. షేర్‌ మార్కెట్లు మునుపెన్నడూ లేని విధంగా పతనమవుతున్నాయి. సినిమా థియేటర్లు మూతపడ్డాయి, స్కూళ్లు, కాలేజీలకు సెలవులు ప్రకటించారు. రోడ్లన్నీ జనాలు లేక నిర్మానుష్యంగా మారుతున్నాయి. ప్రజలంతా ఇళ్లకే పరిమితమవుతున్నారు. అత్యవసరమైతే తప్ప ఇంట్లో నుంచి బయటకు రావొద్దని ప్రభుత్వాలు కూడా సూచిస్తున్నాయి. సెలబ్రిటీలు కూడా ఇంటికే పరిమితమవుతున్నారు. అయితే ఎప్పుడూ షూటింగ్‌లతో, వివిధ ప్రోగ్రామ్స్‌తో బిజీగా గడిపే సెలబ్రిటీలు ఇప్పుడు ఇంట్లోనే ఉండడంతో ఖాళీ సమయంలో ఏం చేస్తున్నారనే ప్రశ్న సహజంగానే ఉత్పన్నమవుతుంది. స్వీయ నిర్బంధంలో ఉన్న కొంతమంది సినీ తారలు సోషల్‌ మీడియా వేదికగా తాము ఇంట్లో ఏం చేస్తున్నామో.. అభిమానులతో పంచుకుంటున్నారు. అనుకోకుండా దొరికిన ఈ ఖాళీ సమయాన్ని మన సెలబ్రిటీలు ఎలా ఉపయోగిస్తున్నారో మనమూ తెలుసుకుందామా.?

అలియా భట్‌... టీనేజ్‌లోనే సినిమాల్లో అడుగుపెట్టి అనతి కాలంలోనే అగ్ర కథానాయికగా పేరు తెచ్చుకున్న బాలీవుడ్‌ బ్యూటీ. మహేశ్‌ భట్‌ వారసురాలిగా బాలీవుడ్‌లో ఎంట్రీ ఇచ్చినా.. ‘స్టూడెంట్‌ ఆఫ్‌ ది ఇయర్‌’, ‘హైవే’, ‘రాజీ’, ‘ఉడ్తా పంజాబ్‌’, ‘గల్లీబాయ్‌’.. లాంటి వైవిధ్యమైన సినిమాల్లో నటిస్తూ తనకంటూ ఓ ప్రత్యేక గుర్తింపు తెచ్చుకుందీ ముద్దుగుమ్మ. ఇటీవల ‘గంగూబాయి’ మూవీ పోస్టర్‌లో పవర్‌ఫుల్‌ లుక్స్‌తో అందరి దృష్టినీ ఆకర్షించిన ఈ అందాల తార...‘ఆర్‌ ఆర్‌ ఆర్‌’ (వర్కింగ్‌ టైటిల్‌) సినిమాతో త్వరలోనే తెలుగు ప్రేక్షకులను కూడా పలకరించనుంది. సినిమాలు, తన ఫ్యాషన్‌ సెన్స్‌తో ఎంతోమంది అభిమానులను సొంతం చేసుకున్న ఈ క్రేజీ హీరోయిన్‌ తన సింపుల్‌ లైఫ్‌స్టైల్‌తోనూ చాలామందికి స్ఫూర్తినిస్తోంది. తనకు అనవసర ఖర్చులు చేయడం అస్సలు ఇష్టముండదని చెప్పే అల్లూ బేబీ.. తనకు లండన్‌లో ఇల్లు కొనడం ఎప్పటినుంచో కల అని, అది రెండేళ్ల క్రితం నెరవేరిందని ఇటీవలే ఓ ఇంటర్వ్యూలో భాగంగా వెల్లడించింది. దీంతో పాటు తన ఆర్థిక ప్రణాళికల గురించి పలు ఆసక్తికర విషయాలను సైతం పంచుకుందీ బ్యూటిఫుల్‌ బేబ్‌.

సినిమాలతో పాటు యూట్యూబ్‌ వీడియోల ద్వారా కూడా తన అభిమానులను అలరిస్తోంది బాలీవుడ్‌ బ్యూటీ అలియా భట్‌. గతేడాది సొంత యూట్యూబ్‌ ఛానల్‌ను ప్రారంభించిన ఈ భామ.. తన వ్యక్తిగత విషయాలు, ఫిట్‌నెస్‌ సీక్రెట్లు, స్పెషల్‌ ఇంటర్వ్యూలు.. తదితర వీడియోలను అందులో పోస్ట్‌ చేస్తుంటుంది. ఈ క్రమంలో ఓ ఆరోగ్యకరమైన రెసిపీని ఎలా తయారు చేయాలో అలియా తాజాగా ఓ వీడియో ద్వారా అభిమానులతో పంచుకుంది. మరి ఆ రెసిపీ పేరేంటి..? దానిని ఎలా తయారు చేయాలో ఇప్పుడు చూద్దాం..