జీవితంలోని చీకట్లను చెరిపేసి వెలుగులు నింపే దీపావళిని దేశమంతా సంబరంగా జరుపుకొంది. విద్యుద్దీపాల వెలుగులు, దీపాల కాంతులు, మతాబుల సందడితో ప్రతి ఇంటా పండగ వాతావరణం నెలకొంది. సామాన్యుల నుంచి ప్రముఖుల వరకు అందరూ పండగ సంబరాల్లో ఉత్సాహంగా పాల్గొన్నారు. ఈ సందర్భంగా సినీ ఇండస్ర్టీకి చెందిన పలువురు తారలు సంప్రదాయ దుస్తులు ధరించి తళుక్కున మెరిశారు. కుటుంబ సభ్యులతో కలిసి పూజలు చేస్తూ, దీపాలు పెడుతూ సందడి చేశారు. పండగ సంతోషాలను ఫొటోల్లో బంధించి సోషల్‌ మీడియా ద్వారా షేర్‌ చేసుకున్నారు. అదేవిధంగా తమ అభిమానులకు పండగ శుభాకాంక్షలు తెలిపారు. మరి సామాజిక మాధ్యమాల్లో వైరల్‌గా మారిన సినీ తారల దీపావళి సంబరాల విశేషాలేంటో మనమూ చూద్దాం రండి!

ఛాటింగ్‌లు.. టిక్‌టాక్‌లు.. సినిమాలు... లాక్‌డౌన్‌ వేళ సమయమంతా వీటికేనా? ట్రెండ్‌ మార్చండి. వర్చువల్‌ వాలంటీరింగ్‌కి సిద్ధంకండి అంటోంది ‘వీ డిడ్‌ ఇట్‌’... ఇంట్లో ఉంటూనే సాయం చేయడమే టాస్క్‌... బాగా చేసినవాళ్లకు సర్టిఫికెట్లూ ఇస్తున్నారు... విద్యాసంస్థల్లో ప్రవేశాలకు, ఉద్యోగ సాధనకు ఇదో మార్గమంటోంది ఆ స్వచ్ఛంద సంస్థ..

షూటింగ్స్‌, ఫారిన్‌ టూర్స్‌.. అంటూ అనునిత్యం ఎంతో సరదాగా గడిపే మన సెలబ్రిటీలు లాక్‌డౌన్‌ కారణంగా ఇంట్లోనే బందీలైపోయారు. తమ జీవితాన్ని సరికొత్తగా గడుపుతున్నారు. ఈ క్రమంలో కొవిడ్‌-19 పై ప్రచారం కల్పించడంలో కొందరు నిమగ్నమైతే.. మరికొందరు తమ పాకశాస్త్ర ప్రావీణ్యాన్ని ప్రదర్శిస్తున్నారు. ఇంకొందరు తమ పాత జ్ఞాపకాలను నెమరువేసుకుంటూ ఎంజాయ్‌ చేస్తున్నారు. ఇలా ఒక్కొక్కరూ ఒక్కోలా తమ క్వారంటైన్‌ సమయాన్ని గడుపుతున్నారు. ఇక మరికొందరి విషయానికొస్తే.. తమ చిన్ననాటి ఫొటోలను సోషల్‌ మీడియా ద్వారా అభిమానులతో పంచుకుంటున్నారు. వీటిని చూసిన అభిమానులు తమ అభిమాన నటులు చిన్నతనంలో ఎంత క్యూట్‌ ఉన్నారో అంటూ మురిసిపోతున్నారు. మరి, ఆ ఫొటోలపై, వాటికి వారు జోడించిన క్యాప్షన్స్‌పై మనమూ ఓ లుక్కేద్దాం రండి..

ఎప్పుడెప్పుడు లాక్‌డౌన్‌ ముగుస్తుందా.. ఎప్పటిలా మళ్లీ పాత రోజుల్లోకి వెళ్లిపోదామా అని అందరూ వేయి కళ్లతో ఎదురు చూస్తున్నారు. ఇళ్లకే పరిమితమవడంతో అంతా డీలా పడిపోయారు.

షూటింగ్‌లతో క్షణం తీరిక లేకుండా గడిపిన సెలబ్రిటీలు కూడా కరోనా వైరస్‌ కారణంగా ఇళ్లకే పరిమితమయ్యారు. షూటింగ్‌లు వాయిదా పడడంతో ఇంట్లో ఉంటూ కుటుంబసభ్యులతో సంతోషంగా గడుపుతున్నారు. ఈ క్రమంలోనే తమలోని ప్రతిభను బయటపెడుతున్నారు.

అందమైన రూపం.. ఆకట్టుకునే అభినయం.. అనుపమా పరమేశ్వరన్‌ సొంతం. చేసినవి కొన్ని సినిమాలే అయినా తనకంటూ ఓ ప్రత్యేకతను సంపాదించుకుందీ ముద్దుగుమ్మ. ‘ప్రేమమ్‌’ అనే మలయాళ చిత్రంతో వెండితెరకు పరిచయమైన ఈ చిన్నది.. ఈ సినిమాతో ఇతర భాషల్లోనూ అభిమానులను సంపాదించుకుంది. ‘అ..ఆ’ చిత్రంతో తెలుగు ప్రేక్షకులను పలకరించిన అను.. తెలుగు ‘ప్రేమమ్‌’తో మరింత చేరువైంది. అనంతరం తెలుగు, తమిళ, మలయాళ, కన్నడ భాషల్లో వరుస సినిమాలు చేస్తూ ప్రేక్షకులను ఆకట్టుకుంటోందీ కేరళ కుట్టి.

అందం, అభినయంతో ప్రేక్షకులను ఆకట్టుకునే హీరోయిన్లలో నటి సమంత ఒకరు. నాగచైతన్యతో వివాహం తర్వాత విభిన్న పాత్రలను ఎంచుకుంటూ తనదైన శైలిలో దూసుకెళుతోందీ అక్కినేని వారి కోడలు. ఒకవైపు సినిమాల్లో నటిస్తూనే.. మరోవైపు డిజిటల్‌ ప్లాట్‌ఫామ్‌పైనా కన్నేసిన ఈ చిన్నది.. తాజాగా ‘ది ఫ్యామిలీ మ్యాన్’ అనే వెబ్‌ సిరీస్‌లో నటించింది. మనోజ్‌ బాజ్‌పేయి, ప్రియమణి నటించిన ‘ఫ్యామిలీ మ్యాన్‌’ తొలి సీజన్‌కు మంచి ఆదరణ లభించిన విషయం తెలిసిందే. ఇక ప్రస్తుతం తెరకెక్కుతున్న రెండో సీజన్‌లో సమంత కనిపించనుంది.