పెళ్లయిన ప్రతి మహిళా అమ్మతనం కోసం ఆరాటపడుతుంది.. ఎప్పుడెప్పుడు తల్లినవుతానా అని తపిస్తుంది. ఐర్లాండ్‌లోని డబ్లిన్‌కు చెందిన ఓ మహిళ కూడా అమ్మతనం కోసం ఎంతగానో పరితపించింది.. ఎన్నో ఆస్పత్రులు తిరిగింది.. ఎందరో డాక్టర్లను కలిసింది. అయినా తన కల నెరవేరకపోయేసరికి తల్లడిల్లింది. ఆఖరి ప్రయత్నంగా ఐవీఎఫ్‌ చికిత్స కూడా తీసుకుంది. అక్కడా ఆమెకు నిరాశే ఎదురైంది. ‘ఇక ఈ జీవితంలో నాకు అమ్మయ్యే యోగం లేదేమో’ అనుకుంటోన్న తరుణంలోనే దేవుడు వరమిచ్చినట్లు సహజంగానే గర్భం ధరించిందామె. పండంటి కూతురు పుట్టడంతో పట్టరానంత సంతోషంలో మునిగిపోయింది. ప్రస్తుతం తన కూతురితో, భర్తతో సంతోషంగా జీవిస్తోన్న ఆమె.. తనలాంటి వారి గురించి నాకెందుకులే అనుకోలేదు. అమ్మయ్యే క్రమంలో తనకు ఎదురైన సమస్యలు, సవాళ్లను నలుగురితో పంచుకోవాలనుకుంది.. తద్వారా అమ్మతనం కోసం ఆరాటపడుతోన్న మహిళల్లో స్ఫూర్తి నింపాలనుకుంది. ఇందుకోసం ఆన్‌లైన్‌ వేదికగా.. మహిళలకు ఉపయోగపడే ఎన్నో చిట్కాలను అందిస్తోన్న ఆమె అమ్మయ్యే క్రమంలో తనకెదురైన అనుభవాలను, సవాళ్లను ఇలా పంచుకుంది.

గర్భం ధరించిన సమయంలో బరువు పెరగడం సహజమే అనుకుంటాం.. ఇక పిల్లలు పుట్టాక వారి ఆలనా పాలనలో పడిపోయి మన ఆరోగ్యాన్ని నిర్లక్ష్యం చేస్తుంటాం.. అటు ఉద్యోగం-ఇటు ఇంటి పనుల్ని బ్యాలన్స్‌ చేసుకోలేక ఫిట్‌నెస్‌ పైనా దృష్టి పెట్టలేం.. ఇలాంటి అనుభవాలు ప్రతి మహిళకూ పరిచయమే! అయితే మనం ఏ దశలో ఉన్నా.. ఎన్ని పనులతో బిజీగా ఉన్నా ఆరోగ్యమే మనకు తొలి ప్రాధాన్యం అంటున్నారు ఐఏఎస్‌ అధికారిణి సోనల్‌ గోయెల్‌. దాదాపు పదేళ్లకు పైగా వివిధ హోదాల్లో విధులు నిర్వర్తిస్తోన్న ఆమె.. ఇద్దరు పిల్లల బాధ్యతను, ఇంటిని సమర్థంగా బ్యాలన్స్‌ చేస్తున్నారు. మీకు ఇదెలా సాధ్యమవుతుందని అడిగితే.. తాను ఆరోగ్యంగా, ఫిట్‌గా ఉండడం వల్లేనంటూ సమాధానమిస్తున్నారామె. అంతేకాదు.. సోషల్‌ మీడియాలో యాక్టివ్‌గా ఉంటూ తన వర్కవుట్‌ ఫొటోలను సైతం పోస్ట్‌ చేస్తుంటారీ కలెక్టరమ్మ. ఈ క్రమంలోనే తాను ప్రసవానంతరం బరువు తగ్గి తిరిగి ఫిట్‌గా ఎలా మారారో వివరిస్తూ ఇటీవలే ఇన్‌స్టాలో ఓ సుదీర్ఘ పోస్ట్‌ పెట్టారామె. ఆరోగ్యంగా ఉంటేనే అన్ని పనుల్ని సమర్థంగా నిర్వర్తించుకోవచ్చనే సందేశాన్ని చాటుతోన్న ఈ పోస్ట్‌ సారాంశమేంటో ఆమె మాటల్లోనే మీకోసం..

లోకులు కాకులు.. మాట్లాడే స్వేచ్ఛ ఉంది కదా అని ఎవరికి నచ్చినట్లు వాళ్లు మాట్లాడుతుంటారు.. తాము ఎలా ఉన్నా సరే.. ఇతరులు మాత్రం కంటికి ఇంపుగా కనిపించాలనుకుంటారు.. లేదంటే ఏదో ఒకటి అనేదాకా వారి నోరు ఊరుకోదు.. లావుగా ఉన్నా, అందంగా లేకపోయినా విమర్శిస్తుంటారు. ‘అయినా ఇది మన జీవితం.. నలుగురికీ నచ్చినట్లుగా మనమెందుకు ఉండాలి? ఎలా ఉన్నా మనల్ని మనం అంగీకరించాలి’ అంటోంది బుల్లితెర బ్యూటీ షెహ్‌నాజ్‌ గిల్.

చాలామందిలాగే తాను ఓ పెద్ద ఫుడీ. తనకు నచ్చిన ఆహారం మనసును సంతృప్తి పరిచేదాకా తినడం ఆమెకు అలవాటు. దీంతో చిన్నతనం నుంచే కాస్త ముద్దుగా బొద్దుగా ఉండే ఆమెతో పాటే ఆమె బరువూ పెరుగుతూ వచ్చింది. అయితే తన అధిక బరువుకు కారణం తన ఆహారపుటలవాట్లు, బిజీ లైఫ్‌స్టైలే అని గ్రహించిన ఆమె.. ఎలాగైనా బరువు తగ్గాలనుకుంది. ఆహారంలో మార్పులు చేసుకున్నా, కఠిన వ్యాయామాలు చేసినా అవి తాత్కాలికమే కావడంతో అసలు సమస్యేంటో తెలుసుకోవడానికి పరీక్షలు చేయించుకుంది.. అప్పుడర్థమైందామెకు.. తన సమస్య పీసీఓఎస్‌ అని!

తన చలాకీ మాటతీరుతో సినీ ప్రేక్షకుల్ని మాయ చేసిన ముద్దుగుమ్మ విద్యుల్లేఖా రామన్. అయితే లావుగా ఉన్న తన శరీరాకృతిని చూసి చాలామంది చాలా రకాలుగా కామెంట్లు చేసే వారని, అయితే వాళ్ల కోసం కాకుండా తన కోసం తాను ఆరోగ్యంగా, ఫిట్‌గా మారాలనుకున్నానని చాలాసార్లు చెప్పుకొచ్చిందీ చక్కనమ్మ. ఈ నేపథ్యంలోనే లాక్‌డౌన్‌లో కసరత్తులు చేసి మరీ బరువు తగ్గానని పలు సోషల్‌ మీడియా పోస్టుల ద్వారా ఫిట్‌నెస్‌ విషయంలో తనకున్న అంకితభావాన్ని బయటపెట్టిన విద్యుల్లేఖ.. తాజాగా తన ఫిట్‌నెస్‌ జర్నీకి సంబంధించిన మరో పోస్ట్‌ను ఇన్‌స్టాలో పంచుకుంది. ప్రస్తుతం ఆమె పోస్ట్‌ సోషల్‌ మీడియాలో వైరలవుతోంది.. ‘ఇతరుల కోసం మేమెందుకు మారాలంటూ’ అందరిలో ఓ ఆలోచనను రేకెత్తిస్తోంది.

ఎన్నో ఆనందాల్ని మోసుకొచ్చే అమ్మతనం.. కొన్ని విషయాల్లో మాత్రం నేటి మహిళల్ని కలవరపాటుకు గురిచేస్తోంది. ప్రత్యేకించి కొంతమంది సెలబ్రిటీ మహిళల్ని... అది కూడా తమ వల్లో, తమ ఇంట్లో వాళ్ల వల్లో కాదు.. ముక్కూ మొహం తెలియని మూడో వ్యక్తి వల్లే! నిజానికి ఒక బిడ్డకు జన్మనిచ్చాక బరువు పెరగడం, ఒత్తిడి ఎదురవడం.. ఇవేవీ అమ్మలకు పెద్ద సమస్యగా అనిపించవు. కానీ తమ శరీరాకృతి గురించి, అందం గురించి సోషల్ మీడియాలో ఎవరో పెట్టే కామెంట్లే వారిని ఈ సమయంలో తీవ్ర ఒత్తిడికి గురి చేస్తున్నాయనడంలో ఎలాంటి సందేహం లేదు. తానూ అలాంటి ప్రతికూల పరిస్థితుల్ని ఎదుర్కొన్నానని చెబుతోంది బాలీవుడ్‌ బుల్లితెర బ్యూటీ దీపికా సింగ్.

కాస్త బొద్దుగా ఉన్న వాళ్లు మన కళ్లల్లో పడ్డారంటే చాలు.. ‘అబ్బ ఎంత లావుగా ఉన్నారు.. బరువు తగ్గి నాలా అవ్వచ్చుగా..’ అని గొణుక్కునేవారు మనలో చాలామందే ఉంటారు. ఇంకొందరేమో ఇదే విషయాన్ని ఎలాంటి మొహమాటం లేకుండా వారిని నేరుగా అడిగేస్తుంటారు కూడా! బాడీ షేమింగ్‌ విషయంలో ఇలాంటి అనుభవాలు తనకూ బోలెడున్నాయని చెబుతోంది తమిళ బొద్దుగుమ్మ విద్యుల్లేఖా రామన్‌. ‘రన్‌ రాజా రన్‌’, ‘సరైనోడు’, ‘ధృవ’, ‘భాగమతి’.. వంటి చిత్రాల్లో నటించి తెలుగు వారి మనసుల్లో సుస్థిర స్థానం సంపాదించుకున్న ఈ ముద్దుగుమ్మ.. ఈ లాక్‌డౌన్‌ సమయంలో బరువు తగ్గడమే లక్ష్యంగా పెట్టుకున్నానంటోంది. ఈ క్రమంలోనే తాను కసరత్తులు చేస్తున్నప్పుడు దిగిన ఓ ఫొటోను విద్యుల్లేఖ ఇన్‌స్టాలో పోస్ట్‌ చేయగా ఆమె బాడీ ట్రాన్స్‌ఫర్మేషన్‌ చూసి అందరూ ముక్కున వేలేసుకుంటున్నారు. ప్రస్తుతం ఈ ఫొటోతో పాటు తన ఫ్యాట్‌ టు ఫిట్‌ స్టోరీని సైతం జతచేసిన ఈ బబ్లీ గర్ల్‌ అంకితభావానికి నెటిజన్లు ఫిదా అయిపోతున్నారు.

హాయ్‌ డాక్టర్‌. నాకు పీసీఓఎస్‌, అధిక బరువు సమస్యలున్నాయి. మేం రెండో బేబీ కోసం ప్లాన్‌ చేసుకోవాలనుకుంటున్నాం. నేను గర్భం ధరించాలంటే ఏయే రోజుల్లో కలయికలో పాల్గొనాలి? (బర్త్‌ క్యాలిక్యులేటర్‌ని ఎలా కౌంట్‌ చేయాలి?)? సలహా ఇవ్వండి.

రోగనిరోధక శక్తి పెరగాలి. మతిమరుపు దరిచేరకూడదు. వయసుతో వచ్చే అనారోగ్య సమస్యలు మిమ్మల్ని చూసి దూరంగా పారిపోవాలి అనుకుంటున్నారా. అయితే మీకు త్రిఫల చూర్ణం కావాల్సిందే..

ఎదుటి వ్యక్తి అందం, శరీరాకృతి, బరువు, వర్ణం.. మొదలైన వాటిపై వాళ్ల మనోభావాలు దెబ్బతినేలా విమర్శలు చేయడాన్ని ‘బాడీ షేమింగ్‌’ అంటారు. ప్రస్తుతం మన సమాజంలో ఆడవాళ్లు ఎదుర్కొంటున్న సమస్యల్లో ఇది కూడా ఒకటి. వీరిలో సామాన్యులతో పాటు వివిధ రంగాలకు చెందిన సెలబ్రిటీలు సైతం ఉండడం గమనార్హం. ముఖ్యంగా సినిమా పరిశ్రమకు చెందిన హీరోయిన్లపై ఇలాంటి విమర్శలు తరచుగా వినిపిస్తుంటాయి. సోషల్‌ మీడియా వచ్చాక ఈ కామెంట్లు మరీ ఎక్కువైపోయాయి. కొంతమంది నెటిజన్లైతే హీరోయిన్ల సోషల్‌ మీడియా అకౌంట్లను ట్యాగ్‌ చేసి మరీ.. వారి శరీరాకృతిని విమర్శిస్తూ అభ్యంతరకర కామెంట్లు పెడుతున్నారు. అయితే కొంతమంది హీరోయిన్లు ఇలాంటి కామెంట్లను చూసీ చూడనట్లు వదిలేస్తుంటే.. కొంతమంది మాత్రం వీటిపై ఘాటుగా స్పందిస్తూ అలాంటి వాళ్లకు బుద్ధి చెబుతున్నారు. ఈ క్రమంలో అందాల తార శృతి హాసన్‌ కూడా తనపై వస్తోన్న బాడీ షేమింగ్‌ కామెంట్లపై తీవ్రంగా స్పందించింది. అంతేకాదు, ‘మన శరీరం, ఆలోచనల్లో వచ్చే మార్పులను అంగీకరిస్తూ జీవితంలో ముందుకెళ్లడమే మనకు మనం చేసుకునే అతిపెద్ద సహాయం’ అంటూ ఇలాంటి విమర్శలు ఎదుర్కొంటోన్న తోటి మహిళల్లో ధైర్యం నింపుతోందీ బ్యూటీ.

ఏ రంగంలో అడుగుపెట్టినా అందులో రాణించాలంటే ఎన్నో అవరోధాల్ని దాటాల్సి ఉంటుంది.. చుట్టూ ఉండే వారు అనే సూటిపోటి మాటలు, నిరుత్సాహ పూరిత వాతావరణాన్ని ఎదుర్కోవాల్సి ఉంటుంది. అప్పుడే సక్సెస్‌ కాగలుగుతాం. సినీ రంగమూ ఇందుకు అతీతం కాదు. ముఖ్యంగా హీరోయిన్ల విషయంలో అయితే ‘అందంగా లేరు.. బరువు ఎక్కువగా ఉన్నారు.. మీరు హీరోయిన్‌గా పనికిరారు.. అంటూ తేల్చి చెప్పేయడం మనం చాలా సందర్భాల్లో వినే ఉంటాం. తాను ఇండస్ట్రీలోకి అడుగుపెట్టిన తొలినాళ్లలో తనకూ ఇలాంటి చేదు అనుభవం ఎదురైందని చెబుతోంది మలయాళీ బ్యూటీ మంజిమా మోహన్‌.

మార్షల్‌ ఆర్ట్స్‌ అనగానే మనకు గుర్తొచ్చేవి కరాటే, కుంగ్‌ఫూ, జూడో, తైక్వాండో.. మొదలైనవి. ఇవి కేవలం.. మనకు ఏదైనా ప్రమాదం ఎదురైనప్పుడు మనల్ని మనం రక్షించుకోవడానికి మాత్రమే కాదు.. శారీరకంగా, మానసికంగా దృఢంగా తయారు కావడానికీ తోడ్పడతాయి. అలాగే గుండె సంరక్షణకు, బరువు తగ్గడానికి, మానసిక ప్రశాంతతకు.. ఇలా చాలా రకాలుగా మార్షల్‌ ఆర్ట్స్‌ మనకు ఉపయోగపడతాయి. ఈ క్రమంలో యుద్ధ కళలు నేర్చుకోవడం వల్ల దృఢంగా ఎలా తయారుకావచ్చో చూద్దాం...

హలో డాక్టర్. నా వయసు 26, బరువు 85 కిలోలు, ఎత్తు 5'4''. నేను టీచర్‌గా ఉద్యోగం చేస్తున్నా. రోజూ టూ వీలర్‌పై ప్రయాణం చేస్తాను. నాకు పెళ్త్లెన ఆరు నెలలకు ప్రెగ్నెన్సీ వచ్చింది. కానీ ఐదు నెలలకు అబార్షన్ అయింది. ఎక్కువగా ప్రయాణం చేయడం వల్లే ఇలా జరిగిందని డాక్టర్ చెప్పారు. అబార్షన్ అయిన దగ్గర్నుంచి కడుపు నొప్పి, నడుము లాగడం వంటి సమస్యలొస్తున్నాయి. అంతేకాదు.. నాకు మళ్లీ ప్రెగ్నెన్సీ రాదేమోనని భయంగా ఉంది.ఏం చేయాలి?- ఓ సోదరి

మనం బాగా లావుగా ఉన్నప్పటి ఫొటోను ఇప్పుడు చూసుకుంటే ‘అమ్మో! అప్పుడు ఎంత లావున్నానో.. ఈ ఫొటోలో నన్ను నేను చూసుకుంటుంటే అదోలా అనిపిస్తుంది.. థ్యాంక్‌ గాడ్‌.. ఇప్పటికైనా సన్నబడ్డాను..’ అంటూ మనల్ని మనం తక్కువ చేసి మాట్లాడుకోవడం సహజమే. అయితే తాను మాత్రం ఇందుకు పూర్తి విరుద్ధం అంటోంది బాలీవుడ్‌ బబ్లీ బ్యూటీ జరీన్‌ ఖాన్‌. చదువుకునే రోజుల్లో దాదాపు వంద కిలోల బరువుండే ఆమె.. సినిమాల్లోకి వచ్చాక సగానికి సగం బరువు తగ్గింది. ఇప్పటికీ తాను లావుగా ఉన్నప్పటి ఫొటోల్ని సోషల్‌ మీడియాలో పంచుకుంటూ ‘నేను లావుగా ఉన్న ఈ ఫొటోల్ని చూస్తుంటే నాకెంతో గర్వంగా అనిపిస్తోంది.. అయినా నా శరీరం నా ఇష్టం.. నా శరీరాకృతి గురించి ఇతరులు ఏమనుకుంటే నాకేంటి?’ అంటూ తనలోని ఆత్మవిశ్వాసాన్ని ప్రదర్శిస్తుంటుందీ ముద్దుగుమ్మ.