కీర్తన ఇటీవలే కరోనా నుంచి కోలుకుంది. అయినా పదార్థాల రుచి, వాసన తెలియట్లేదని, ఏమీ తినాలనిపించట్లేదని వాపోతోంది. విజితది కూడా ఇదే సమస్య. కరోనా బారిన పడిన ఆమెకు రుచి, వాసన కోల్పోవడం తప్ప మరే లక్షణమూ కనిపించలేదు. ఇక ఈ వైరస్‌ నుంచి బయటపడినా తన నోటికి ఏదీ రుచించట్లేదని బాధపడుతోంది.

కరోనా వచ్చిన దగ్గర్నుంచి కీర్తనకు ఇంటి పని తడిసి మోపెడవుతోంది. ఇక వాషింగ్‌ మెషీన్‌ ఉన్నా ఉతికే బట్టలు గుట్టలా పేరుకుపోవడం, దానికి తోడు ఈ వర్షాకాలంలో దుస్తులు సరిగ్గా ఆరకపోవడంతో ఆమెకు విసుగొచ్చేసింది. దీంతో ఆరీ ఆరనట్లున్న వాటిని అలాగే వార్డ్‌రోబ్‌లో పెట్టేసరికి వాటి నుంచి అదో రకమైన వాసన రావడం మొదలైంది.

కరోనా కల్లోలం మొదలైనప్పట్నుంచి పరిశుభ్రత విషయంలో మరింత అడ్వాన్స్‌ అయిపోయారు మహిళలు. ఇంట్లో ఉన్న వస్తువుల్ని ఎప్పటికప్పుడు శుభ్రం చేయడం, బయటి నుంచి తెచ్చిన ప్రతి వస్తువునూ శానిటైజ్‌ చేయడంతో బిజీబిజీగా మారిపోయారు. అయితే వస్తువుల సంగతి సరే కానీ.. ఇంట్లో ఉన్న గాలిని ఎలా శుభ్రం చేయాలి..? అసలే ఈ వైరస్‌ గాలి ద్వారా కూడా వ్యాపిస్తుందని ఇటీవలే ప్రపంచ ఆరోగ్య సంస్థ కూడా ప్రకటించింది. అందుకేగా మా ఇంట్లో ఎయిర్‌ ప్యూరిఫయర్‌ని ఏర్పాటుచేసుకున్నాం.. అంటారా? అయితే వేలకు వేలు డబ్బులు పోసి దాన్ని కొనే అవసరం లేకుండానే మన ఇంట్లో ఉండే కొన్ని పదార్థాలతోనే ఇంటి గాలిని శుద్ధి చేసుకోవచ్చని చెబుతోంది బాలీవుడ్‌ అలనాటి అందాల తార జుహీ చావ్లా. ఈ క్రమంలోనే ఇంట్లోని గాలిని శుభ్రం చేయడానికి ఓ అద్భుతమైన ఆయుర్వేద చిట్కాను ఇటీవలే ఇన్‌స్టా వేదికగా పంచుకుందీ ముద్దుగుమ్మ.