scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'బావే నమ్మించి మోసం చేశాడు..!'

'మన దేశంలో మహిళల భద్రత కోసం ఎన్ని చట్టాలు రూపొందించినా లైంగిక వేధింపులు ఎదుర్కొనే అమ్మాయిల సంఖ్య అంతకంతకూ పెరుగుతూనే ఉంది. ఈ బాధితుల్లో చిన్నపిల్లలు కూడా ఉండడం చింతించాల్సిన విషయం. అంతకంటే దౌర్భాగ్యం ఏంటంటే.. అసలు తాము వేధింపులకు గురవుతున్నట్లు కూడా ఆ చిన్న వయసులో కొందరికి తెలియకపోవడం! ఫలితంగా పురుషుల్లో ఎవరిని నమ్మాలన్నా మనసులో భయం గూడుకట్టుకొని పోతోంది. సరిగ్గా ఇలాంటి పరిస్థితుల నుంచే బయటపడిన ఓ అమ్మాయి యుక్తవయసుకు వచ్చిన తర్వాత మరొక అబ్బాయిని నమ్మింది. గాఢంగా ప్రేమించింది.. కానీ అతడు కూడా ఆమెను వంచించాడు. ఇలాంటి పరిస్థితుల్లో ఆమె ఏం చేసింది? ఎలాంటి నిర్ణయం తీసుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..'

Know More

Movie Masala

 
category logo

‘పద్మా’ల్లా వికసించారు!

Women Who Got Padma Awards

‘పద్మ’ పురస్కారాలు... ఏటా గణతంత్ర దినోత్సవం సందర్భంగా భారత ప్రభుత్వం ప్రకటించే ఈ అవార్డులను దేశంలోనే అత్యున్నతమైన పురస్కారాలుగా పరిగణిస్తారు. వివిధ రంగాల్లో విశేష సేవలందిస్తూ, కోట్లాది మందికి స్ఫూర్తిగా నిలిచిన వారికి ఈ ప్రతిష్ఠాత్మక పురస్కారాలు ప్రదానం చేస్తారు. ఈక్రమంలో 72వ గణతంత్ర దినోత్సవాన్ని పురస్కరించుకుని 2021 సంవత్సరానికి గానూ పద్మ అవార్డుల జాబితాను విడుదల చేసింది కేంద్ర ప్రభుత్వం. ఇందులో భాగంగా ఏడుగురికి పద్మవిభూషణ్‌, 10 మందికి పద్మభూషణ్‌, 102 మందికి పద్మశ్రీ పురస్కారాలు ప్రకటించింది. అలా ఈ ఏడాది మొత్తం 119 మంది ఈ ప్రతిష్ఠాత్మక పురస్కారాలకు ఎంపిక కాగా, అందులో 29 మంది మహిళలు ఉండడం విశేషం. మరి, ఆ మహిళామణులు, వారు అందించిన సేవల గురించి మనమూ తెలుసుకుందాం రండి..

కేఎస్‌ చిత్ర- కళలు

తేనెలొలికే తన గాత్రంతో సంగీతాభిమానుల్ని ఓలలాడించారు కృష్ణన్‌ నాయర్‌ శాంతాకుమారి చిత్ర. తెలుగు, తమిళ, హిందీ, మలయాళం, ఉర్దూ.. లాంటి భారతీయ భాషలతో పాటు లాటిన్‌, అరబిక్‌, ఇంగ్లిష్‌...లాంటి అంతర్జాతీయ భాషల్లోనూ పాటలు పాడిన ఘనత ఈ సంగీత సరస్వతి సొంతం. ఇప్పటిదాకా 20కి పైగా భాషల్లో 25 వేలకు పైగా పాటలు పాడిన చిత్ర.. ఆరు జాతీయ పురస్కారాలు, ఎనిమిది ఫిల్మ్‌ఫేర్‌ అవార్డులు, విభిన్న రాష్ట్రాల చలనచిత్ర పురస్కారాలతో పాటు భారత పౌర పురస్కారం ‘పద్మశ్రీ’ని కూడా అందుకున్నారు. అంతర్జాతీయ స్థాయిలో రూపొందించిన ‘జీవితంలో ప్రతి ఒక్కరూ వినాల్సిన వెయ్యి పాటలు’ పట్టికలో చిత్ర పాట కూడా ఉండడం విశేషం. సంగీతాభిమానులతో ‘నైటింగేల్‌ ఆఫ్‌ ఇండియా’, ‘మెలోడీ క్వీన్‌ ఆఫ్‌ ఇండియన్‌ సినిమా’ అని పిలిపించుకునే చిత్ర తాజాగా ‘పద్మభూషణ్‌’ పురస్కారానికి ఎంపికయ్యారు. ‘42 ఏళ్ల నా సంగీత ప్రస్థానానికి దక్కిన పురస్కారం ‘పద్మభూషణ్‌’. భగవంతుడికి, భారత ప్రభుత్వానికి నా కృతజ్ఞతలు. దేశానికి, ప్రజలకు తలవంచి నమస్కరిస్తున్నాను. జైహింద్‌’ అంటూ ఈ సందర్భంగా ట్విట్టర్‌లో తన సంతోషాన్ని షేర్‌ చేసుకున్నారీ లవ్లీ సింగర్‌.

సుమిత్రా మహాజన్‌- రాజకీయాలు

మీరాకుమార్‌ తర్వాత లోక్‌సభ స్పీకర్‌గా పనిచేసిన రెండో మహిళ సుమిత్రా మహాజన్‌. మహారాష్ట్రలో జన్మించిన ఆమె ఎలాంటి రాజకీయ నేపథ్యం లేకుండా పాలిటిక్స్‌లోకి అడుగుపెట్టారు. ఇండోర్‌ పార్లమెంటరీ నియోజకవర్గం నుంచి 8సార్లు లోక్‌సభకు ఎన్నికయ్యారు. మృదు స్వభావంతో రాజకీయాల్లో నెగ్గుకురాలేమని చాలామంది అంటుంటారు. కానీ సుమిత్రను చూస్తే ఈ మాటలు వట్టి అపోహేనని అర్థమవుతుంది. మితభాషిణి అయినప్పటికీ తనకిచ్చిన బాధ్యతలను ఎంతో క్రమశిక్షణ, నిక్కచ్చితో నిర్వర్తించడం ఆమెను ఉన్నత స్థానానికి చేర్చాయి. ఇండోర్‌ ప్రజలు ఆమెను ‘తాయి’ (పెద్దక్క) అని పిలుస్తుంటారు. ఈక్రమంలో తన సుదీర్ఘ రాజకీయ ప్రస్థానానికి గుర్తింపుగా తాజాగా ‘పద్మభూషణ్‌’ పురస్కారానికి ఎంపికయ్యారు సుమిత్రా మహాజన్‌.

శాంతి దేవి-సామాజిక సేవ

ఏడు దశాబ్దాలుగా సమాజ సేవకే తన జీవితాన్ని అంకితం చేశారు సేవా సమాజ్‌ వ్యవస్థాపకురాలు శాంతి దేవి. ఒడిశాలోని బాలేశ్వర్‌లో పుట్టి పెరిగిన ఆమె.. చిన్నతనంలో కుష్ఠు రోగులకు సపర్యలు చేశారు. ఆ తర్వాత సామాజిక సేవా కార్యకర్త రతన్‌దాస్‌ను పెళ్లి చేసుకుని తన సామాజిక సేవా కార్యక్రమాలను మరింత విస్తృతం చేశారు. ఈక్రమంలో అనాథ బాలికలకు విద్యను అందించాలనే తలంపుతో సేవా సమాజ్‌ ఆశ్రమాన్ని స్థాపించారు. ఏడుగురు విద్యార్థులతో మొదలైన ఈ సేవా సమాజ్‌లో ప్రస్తుతం 350 మంది అనాథ బాలికలు చదువుకుంటున్నారు. ఇక్కడ వారికి చదువుతో పాటు వృత్తి నైపుణ్యాల్లో శిక్షణ ఇస్తారు. వారికి పెళ్లిళ్లు చేస్తారు. గతంలో ఆచార్య వినోభా బావేతో కలిసి భూదాన్‌ ఉద్యమంలో పాల్గొన్న శాంతి దేవి తాజాగా పద్మశ్రీ పురస్కారానికి ఎంపికయ్యారు.

దండమూడి సుమతి-కళలు

తన పట్టుదలకు తోడు నాన్న ఇచ్చిన ప్రోత్సాహంతో దేశంలోనే తొలి మృదంగ విద్వాంసురాలిగా పేరు తెచ్చుకున్నారు దండమూడి సుమతీ రామ్మోహన్‌రావు. పశ్చిమగోదావరి జిల్లా ఏలూరుకు చెందిన రాఘవయ్య, వెంకటరత్నమ్మ దంపతులకు ఆమె జన్మించారు. సుమతికి మొత్తం 14 మంది తోబుట్టువులు. తండ్రి గుర్తింపు పొందిన మృదంగ విద్వాంసుడు కావడంతో ఆమె కూడా దానిపై ఆసక్తి పెంచుకున్నారు. ఇది గమనించిన రాఘవయ్య తన కూతురుకు మృదంగ వాద్యంలో మెలకువలు నేర్పారు. తన 10వ ఏటనే తొలి మృదంగ ప్రదర్శన ఇచ్చిన సుమతి ఆ తర్వాత అందులోనే డిప్లొమా కోర్సు పూర్తి చేశారు. ఆ తర్వాత దండమూడి రామ్మోహన్‌రావు దగ్గర శిష్యురాలిగా చేరారు. ఇద్దరూ కలిసి దేశ విదేశాల్లో ఎన్నో ప్రదర్శనలు ఇచ్చారు. తర్వాత ఆయననే వివాహం చేసుకున్నారు. ఇలా మగవాళ్లకే సొంతమనుకునే మృదంగం వాద్యంలో తనదైన ప్రతిభను చాటుతున్న సుమతి.. 2009లో కేంద్ర సంగీత నాటక అకాడమీ అవార్డును అందుకున్నారు. తాజాగా తన కళా సేవలను గుర్తించిన భారత ప్రభుత్వం ఆమెను పద్మశ్రీ పురస్కారానికి ఎంపిక చేసింది.

లఖిమీ బారువా-సామాజిక సేవ

మహిళా సాధికారతకు మారుపేరుగా నిలుస్తారు అసోంకు చెందిన లఖిమీ బారువా. 80వ దశకంలోనే పీజీ పూర్తి చేసిన ఆమె బ్యాంకు ఉద్యోగినిగా పనిచేశారు. అయితే ఓ మహిళగా సాటి మహిళలకు ఏదైనా చేయాలన్న తలంపుతో తనకున్న ఉద్యోగాన్ని వదిలేశారు. అనంతరం అసోంలోని జొర్‌హట్‌ పట్టణంలో 250 మంది మహిళా సభ్యులతో ఓ కో-ఆపరేటివ్‌ బ్యాంక్‌ను ప్రారంభించారు. ప్రస్తుతం ఆ బ్యాంకులో ఖాతాదారుల సంఖ్య సుమారు 45వేలకు పైగానే! అందులోనూ అందరూ మహిళలే. ఈక్రమంలో విద్యార్థినులు, ఒంటరి మహిళలు, భర్తను కోల్పోయిన వితంతువులకు రుణాలిచ్చి వారి జీవితాల్లో వెలుగులు నింపుతున్నారు లఖిమి. గతంలో రోడ్లపైనే జీవనం గడిపే ఎందరో మహిళలు ఆమె ఆపన్న హస్తం అందుకొని నేడు ఆర్థిక స్వాతంత్రంతో తలెత్తుకుని జీవిస్తున్నారు. ఇలా మహిళల అభివృద్ధికి చేయూతనిస్తోన్న లఖిమి.. 2016లో రాష్ర్టపతి చేతుల మీదుగా ‘నారీశక్తి పురస్కారం’ అందుకున్నారు. తన సేవలకు మరింత గుర్తింపునిస్తూ భారత ప్రభుత్వం ఆమెను తాజాగా ‘పద్మశ్రీ’ పురస్కారానికి ఎంపిక చేసింది.

రజనీ బెక్టార్‌-వ్యాపారం

‘మిసెస్‌ బెక్టార్‌-క్రీమికా’... దక్షిణాది వాసులకు పెద్దగా పరిచయం లేకపోయినా ఉత్తరాదిన మాత్రం ఈ బ్రాండ్‌ ప్రతి ఇంటికీ సుపరిచితమే! బిస్కట్లు, బన్నులు, ఐస్‌క్రీమ్స్‌ తయారీలో అగ్రగామిగా దూసుకుపోతోన్న ఈ సంస్థ ఈ మధ్య స్టాక్‌ మార్కెట్లో పెద్ద సంచలనమే సృష్టించింది. కేవలం రూ.20 వేల పెట్టుబడితో ప్రారంభమైన ఈ సంస్థ.. నేడు వెయ్యి కోట్ల దాకా తన వ్యాపార సామ్రాజ్యాన్ని విస్తరించుకుందంటే అందుకు కారణం ఆ సంస్థ వ్యవస్థాపకురాలు రజనీ బెక్టార్‌. తన వ్యాపార దక్షతే తాజాగా ఆమెకు పద్మశ్రీ పురస్కారాన్ని తెచ్చిపెట్టింది. లాహోర్‌లో పుట్టి పెరిగిన ఆమె దేశ విభజన తర్వాత కుటుంబంతో సహా దిల్లీలో స్థిరపడ్డారు. 17 ఏళ్లకే పెళ్లయినప్పటికీ భర్త ప్రోత్సాహంతో డిగ్రీ పూర్తి చేశారు. ఇద్దరు పిల్లలకు జన్మనిచ్చారు. వారు కాస్త పెద్దయ్యాక సమయం దొరకడంతో సరదాగా వంటకాల తయారీలో శిక్షణ తీసుకున్నారు. ఆ తర్వాత కుకీస్‌, ఐస్‌క్రీమ్‌లు తయారుచేసి తన కుటుంబ సభ్యులకు రుచి చూపించేవారు. అందరూ బాగున్నాయని ప్రశంసించడంతో 1978లో ఒవెన్‌, ఐస్‌క్రీం తయారీ యంత్రం కొనుగోలు చేసి ఆర్డర్లు తీసుకోవడం మొదలుపెట్టారు. ఆ తర్వాత మెక్‌డొనాల్డ్స్‌, క్యాడ్‌బరీ, ఐటీసీ, సన్‌ఫీస్ట్‌.. వంటి దిగ్గజ సంస్థల భాగస్వామ్యంతో తన వ్యాపార సామ్రాజ్యాన్ని బాగా విస్తరించారు. ఈక్రమంలో 2006నాటికే వందల కోట్ల ఆదాయాన్ని ఆర్జించిన ఈ సంస్థ ప్రస్తుతం వేల కోట్ల టర్నోవర్‌ను అందుకుంటోంది.

చుత్నీ దేవి-సామాజిక సేవ

మూఢ నమ్మకాలు ఎలాంటి మారణ హోమానికి దారి తీస్తాయో ఇటీవల మదనపల్లెలో జరిగిన సంఘటనే ప్రత్యక్ష నిదర్శనం. ఇలాంటి అంధ విశ్వాసాలపై అలుపెరగని పోరాటం చేస్తున్నారు ఝార్ఖండ్‌కు చెందిన 63 ఏళ్ల చుత్నీ దేవి. ఆ రాష్ర్టంలోని సరైకల్‌ జిల్లాలోని ఓ కుగ్రామానికి చెందిన ఆమె అక్కడి మంత్రగాళ్లు, దొంగ బాబాలకు సింహస్వప్నం. చిన్నప్పటి నుంచి చేతబడి, బాణామతి.. వంటి మూఢాచారాలను చూస్తూ పెరిగిన చుత్నీ దేవి కొంచెం పెద్దయ్యాక అందులోని మోసాన్ని గ్రహించారు. వాటిపై ప్రజల్లో చైతన్యం పెంచారు. అంతేకాదు తన గ్రామంతో పాటు చుట్టుపక్కల ప్రాంతాల్లో అమాయక ప్రజలను మోసగిస్తూ పొట్టనింపుకొంటున్న వందలమంది మంత్రగాళ్లను పోలీసులకు పట్టించారు. ఈ క్రమంలోనే తన నిస్వార్థ సేవలకు గుర్తింపుగా పద్మశ్రీ పురస్కారానికి ఎంపికయ్యారీ సూపర్‌ వుమన్‌.

సింధూ తాయి-సామాజిక సేవ

40 ఏళ్ల క్రితం తొమ్మిది నెలల నిండు గర్భంతో ఉన్న ఆమెను భర్త నిర్ధాక్షిణ్యంగా ఇంట్లోంచి గెంటేశాడు. దీంతో దిక్కూ మొక్కూ లేని ఓ అనాథలా పశువుల కొట్టంలో పురుడు పోసుకుందామె. తన బొడ్డుతాడుని తానే తెంచుకుని పసిబిడ్డతో పాటలు పాడుకుంటూ ఊరురా బిచ్చమెత్తుకుంది. అప్పుడు కేవలం ఒకే బిడ్డకు తల్లయిన ఆమె నేడు మరో వెయ్యి మంది అనాథలకు అమ్మలా మారింది. ఈ క్రమంలో వారిని పోషించడంతో పాటు వారి బంగారు భవిష్యత్తుకు బాటలు వేస్తున్నారు. ఈక్రమంలో ఆమె సమాజానికి చేస్తున్న నిస్వార్థ సేవలను గుర్తించిన భారత ప్రభుత్వం ఆమెను పద్మశ్రీ పురస్కారానికి ఎంపిక చేసింది. వీరితో పాటు పద్మశ్రీ పురస్కారాలకు ఎంపికైన మహిళలు ఎవరంటే...!

* బిరుబాలా రభా (సామాజిక సేవ)-అసోం

అనిత (క్రీడా రంగం)-తమిళనాడు

భూరి బాయి (కళలు)- మధ్యప్రదేశ్‌

సంఖుమి బువాల్చువాక్‌ (సామాజిక సేవ) - మిజోరాం

బిజోయా చక్రవర్తి (రాజకీయాలు)- అసోం

మౌమాదాస్‌ (క్రీడారంగం)- పశ్చిమ బంగ

దులారి దేవి (కళలు) -బిహార్‌

రాధే దేవి (కళలు)-మణిపూర్‌

అన్షు జంప్సేనా (క్రీడా రంగం)- అరుణాచల్‌ ప్రదేశ్‌

పూర్ణమాసి జాని (కళలు)-ఒడిశా

ప్రకాశ్‌ కౌర్‌ (సామాజిక సేవ)- పంజాబ్‌

సంజిదా ఖాతున్‌ (కళలు)-బంగ్లాదేశ్‌

నిరూ కుమార్‌ (సామాజిక సేవ)-దిల్లీ

లజ్వంతి (కళలు)-పంజాబ్‌

పాపమ్మల్‌ (వ్యవసాయం)-తమిళనాడు

జస్వంతిబెన్‌ జామ్నాదాస్‌ పోపట్‌ (వ్యాపార రంగం)- మహారాష్ర్ట

బొంబాయి జయశ్రీ రామ్‌నాథ్‌ (కళలు)-తమిళనాడు

సుధా హరినారాయణ్ సింగ్‌ (క్రీడారంగం)-ఉత్తరప్రదేశ్‌

మృదులా సిన్హా (మరణానంతరం - సాహిత్యం, విద్య)- బిహార్‌

ఉషా యాదవ్‌ (సాహిత్యం, విద్య)- ఉత్తరప్రదేశ్‌

మాతా బి. మంజమ్మ జోగతి (కళలు) - కర్ణాటక





women icon@teamvasundhara
cancer-survivor-with-prosthetics-becomes-the-youngest-american-to-go-to-space

అప్పుడు క్యాన్సర్‌ను జయించింది.. ఇప్పుడు అంతరిక్ష యాత్రకు వెళ్తోంది!

క్యాన్సర్‌.. ఈ మహమ్మారి బారిన పడ్డామంటే ఇక జీవితం అంతమైపోయినట్లే అనుకుంటాం.. జీవన శైలి మార్పులు, చికిత్సలతో ఈ వ్యాధిని జయించినా ఏదో ఉన్నామంటే ఉన్నామన్నట్లుగా బతుకీడుస్తుంటారు చాలామంది! అయితే తాను మాత్రం అలా జీవచ్ఛవంగా బతకాలనుకోలేదు. పదేళ్ల వయసులో ఏ క్యాన్సర్‌ అయితే తనని కబళించడానికి ప్రయత్నించిందో.. దానికే ఎదురెళ్లి పోరాటం చేయాలనుకుంది. ఈ క్రమంలో తాను చికిత్స తీసుకున్న ఆస్పత్రిలోనే నర్సుగా చేరి.. వివిధ అనారోగ్యాలతో అక్కడ చికిత్స పొందుతోన్న పిల్లలకు సేవలు చేయడంతో పాటు తన మాటలతో, అనుభవాలతో వారిలో ధైర్యాన్ని నింపుతోంది. బతుకు పట్ల ఆశను కల్పిస్తోంది. అంతటితో ఆగిపోకుండా.. ఈ ఏడాది చివర్లో స్పేస్ ఎక్స్‌ చేపట్టబోయే తొలి ప్రైవేట్‌ అంతరిక్ష యాత్ర ద్వారా రోదసీలోకి వెళ్లే అరుదైన అవకాశాన్ని సైతం దక్కించుకుందామె. ఆమే.. అమెరికాకు చెందిన 29 ఏళ్ల హేలే ఆర్సెనాక్స్‌. దీంతో కృత్రిమ అవయవంతో అంతరిక్షంలోకి వెళ్లనున్న తొలి వ్యక్తిగా, అతి పిన్న అమెరికన్‌గా చరిత్రలో నిలిచిపోనుందామె. క్యాన్సర్‌ను జయించిన వారు ఏదైనా సాధించగల సమర్థులు అని నిరూపించేందుకు ఉవ్విళ్లూరుతున్నానంటోన్న ఈ క్యాన్సర్‌ విజేత కథేంటో మనమూ తెలుసుకుందాం రండి..

Know More

women icon@teamvasundhara
62-year-old-grand-mother-wins-internet-with-beautiful-dance-moves-bollywood-stars-praises-her-talent

సెలబ్రిటీలకే సవాలు విసురుతున్న ఈవిడ డ్యాన్స్ చూశారా?

సాధారణంగా అరవై ఏళ్లు పైబడిన మహిళలకు ఒంట్లో సత్తువ తక్కువగానే ఉంటుంది. బాధ్యతలన్నీ తీరిపోయి ఉంటాయి కాబట్టి ఈ వయసులో విశ్రాంతి తీసుకునేందుకే ఎక్కువ మొగ్గు చూపుతుంటారు. ఇంట్లోని మనవలు, మనవరాళ్లతో కాలక్షేపం చేస్తుంటారు. అయితే ముంబయికి చెందిన రవిబాల శర్మ అనే వృద్ధురాలు మాత్రం 62 ఏళ్ల వయసులోనూ ఎంతో హుషారుగా స్టెప్పులేస్తున్నారు. అద్భుతమైన హావభావాలు పలికిస్తూ సినిమా తారలకు సవాల్‌ విసురుతున్నారు. ఇంతియాజ్ అలీ, దిల్జిత్‌ దోసాంజ్‌ లాంటి సెలబ్రిటీలతో పాటు ప్రముఖ కొరియోగ్రాఫర్లు సైతం ఆమె డ్యాన్స్‌ ప్రతిభకు ఫిదా అవుతున్నారు.

Know More

women icon@teamvasundhara
meet-swati-mohan-the-indian-origin-scientist-who-landed-the-mars-rover-on-red-planet

ఆ టీవీ సిరీస్ చూశాకే అదంటే ఇష్టం పెరిగింది!

అంతులేని అంతరిక్షంలో ఎన్నో వింతలు, మరెన్నో అద్భుతాలు! వాటి గురించి తెలుసుకోవాలన్న తపన మనకు తనివి తీరనీయదు. ఆ విశేషాల గురించి అర్థం చేసుకునే క్రమంలో మనల్ని మనమే మరచిపోతాం.. ఇదిగో ఇలాంటి మక్కువే ఆమెను ఏకంగా తన కెరీర్‌నే మార్చుకునేలా చేసింది. ఖగోళంలో ఏముందో తెలుసుకోవాలన్న ఆతృతే ఆమెను గత కొన్నేళ్లుగా నాసాతో కలిసి నడిచేలా చేస్తోంది. ఇక తాజాగా అరుణ గ్రహం (మార్స్‌/అంగారకుడు)పై పర్సెవరెన్స్‌ రోవర్‌ సురక్షితంగా ల్యాండ్‌ అవడంతో ప్రస్తుతం ఆమె పేరు ప్రపంచమంతా మార్మోగిపోతోంది. ఆమే భారత సంతతికి చెందిన డాక్టర్‌ స్వాతీ మోహన్‌. గతేడాది నాసా ప్రయోగించిన మార్స్‌ రోవర్‌ మెషీన్‌ ప్రయోగానికి ఆపరేషన్స్‌ హెడ్‌గా వ్యవహరిస్తోన్న ఆమె.. తాజాగా ఈ ప్రయోగం విజయవంతం అవడంలో కీలక పాత్ర పోషించారు. ఈ నేపథ్యంలో ఈ విక్టరీ గురించి స్వాతి ఏమంటున్నారో తెలుసుకుందాం..

Know More

women icon@teamvasundhara
meet-saima-ubaid-first-woman-from-jammu-and-kashmir-to-earn-laurels-as-a-power-lifter

భర్త కాస్త ప్రోత్సహిస్తే ఇలా ఎందులో అయినా గెలిచేయచ్చు!

జమ్మూకశ్మీర్... అద్భుతమైన ప్రకృతి సంపదకు నిలయమైన ఈ రాష్ట్రంలో నిత్యం ఏదో ఒక రూపంలో అల్లర్లు జరుగుతుంటూనే ఉంటాయి. అంతేకాదు ఇతర రాష్ట్రాలతో పోల్చుకుంటే ఇక్కడి మహిళలపై ఆంక్షలు కూడా అధికంగానే ఉంటాయి. అయినప్పటికీ వాటిని బద్దలు కొట్టుకుని ముందుకొచ్చి తమను తాము నిరూపించుకుంటున్నారు కొంతమంది మహిళలు. అలాంటి కోవకే చెందుతుంది శ్రీనగర్‌కు చెందిన 27 ఏళ్ల సైమా ఉబైద్‌. జమ్మూకశ్మీర్‌లో పవర్‌ లిఫ్టింగ్‌ను కెరీర్‌గా ఎంచుకున్న తొలి మహిళగా చరిత్ర సృష్టించిన ఆమె అతిక్లిష్టమైన బరువులను సైతం అవలీలగా ఎత్తుతోంది. తద్వారా వెయిట్‌ లిఫ్టింగ్‌లో మహిళలు రాణించలేరన్న అపోహను చెరిపేస్తూ నేటి తరం అమ్మాయిలకు ఆదర్శంగా నిలుస్తోంది.

Know More

women icon@teamvasundhara
meet-gqs-most-influential-young-indian-women-in-telugu

ఈ అమ్మాయిలంతా గేమ్‌ని మార్చేశారు... హీరోలయ్యారు!

ఫలానా రంగమని గిరిగీసుకోకుండా.. ఏ రంగంలోనైనా తమ ప్రతిభాపాటవాలతో దూసుకుపోతున్నారు అతివలు. మరికొందరైతే విభిన్న రంగాలను ఎంచుకొని తమలోని సృజనాత్మకతను చాటుతూ నలుగురికీ స్ఫూర్తిగా నిలుస్తున్నారు. అలాంటి వారినే ఎంపిక చేసి అత్యంత ప్రభావశీలురైన యువ భారతీయులుగా గుర్తించింది జీక్యూ ఇండియా. వినోదం, కళలు, వ్యాపారం.. తదితర రంగాల్లో చిన్న వయసులోనే ప్రతిభ చాటుతోన్న వారిని ఒక్కచోట చేర్చి ‘పీపుల్‌ లీడింగ్‌ ద ఛేంజ్‌’ పేరుతో విడుదల చేసిన ఈ జాబితాలో 25 మంది చోటు దక్కించుకున్నారు. వీరిలో బాలీవుడ్‌ నటి-నిర్మాత అనుష్కా శర్మతో పాటు వివిధ రంగాలకు చెందిన పలువురు మహిళలు కూడా స్థానం సంపాదించారు. మరి, వారెవరు? తమదైన ప్రతిభతో అందరినీ ఎలా ప్రభావితం చేశారో తెలుసుకుందాం రండి..

Know More

women icon@teamvasundhara
44-years-woman-in-mumbai-sets-new-record-by-beating-23-men-in-a-24-hour-stadium-run

పరుగే పరుగు... 23 మంది మగాళ్లూ అందుకోలేకపోయారు!

శారీరక, మానసిక ఆరోగ్యానికి వ్యాయామాలు ఎంత అవసరమో ప్రత్యేకించి చెప్పాల్సిన పని లేదు. అందుకే వాటిని దైనందిన జీవితంలో భాగం చేసుకోవడమే కాదు... వాటిపై ఉన్న మక్కువతో కొందరు ఫిట్‌నెస్‌ నిపుణులుగా కూడా మారుతుంటారు. ఈ క్రమంలోనే తమకొచ్చిన విద్యతో రికార్డులు సృష్టించాలని ఉవ్విళ్లూరుతుంటారు. సరిగ్గా ఇదే కోవకు చెందుతుంది 44 ఏళ్ల వయసున్న ప్రీతి లాలా. తాజాగా ముంబయిలో నిర్వహించిన 24 గంటల సుదీర్ఘ మారథాన్‌లో 23 మంది పురుషులతో పోటీ పడి గెలిచిందామె. ఒకటి కాదు... రెండు కాదు... ఏకంగా 193 కిలోమీటర్ల సుదీర్ఘ దూరం పరిగెత్తి మరీ ప్రీతి ఈ పోటీలో విజేతగా నిలవడం విశేషం. మరి నాలుగు పదుల వయసులోనూ జింకలా పరిగెత్తి అందరినీ ఆశ్చర్యపరిచిన ఈ సూపర్‌ రన్నర్‌ గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
jaipur-mayor-shows-the-ways-works-till-a-few-hours-before-delivering-her-baby

నొప్పులొచ్చే వరకు ఈ మేయరమ్మ డ్యూటీ మాత్రం మానలేదు!

నెలలు నిండుతున్న కొద్దీ అతి సుకుమారంగా తయారవుతుంటారు గర్భిణులు. కడుపులోని బిడ్డకు అసౌకర్యం కలుగుతుందేమోనన్న ఉద్దేశంతో ఎక్కడికీ వెళ్లకుండా ఇంటిపట్టునే ఉండిపోతారు. కఠినమైన పనులకు దూరంగా ఉంటూ కుటుంబ సమక్షంలోనే ఉండి జాగ్రత్తలు తీసుకుంటారు. అలాంటిది ప్రజాసేవే పరమావధిగా భావించే ఓ మహిళ ప్రసవానికి కొన్ని గంటల ముందు వరకు కూడా అధికారిక బాధ్యతలు నిర్వర్తించింది. నిండు గర్భంతో ఉన్నప్పటికీ పొద్దుపోయేదాకా కార్యాలయంలోనే ఉన్న ఆమె... విధులన్నీ ముగించుకున్నాకే ఆస్పత్రికి వెళ్లి పండంటి బిడ్డను ప్రసవించింది.

Know More

women icon@teamvasundhara
odisha-forest-officer-receives-un-asia-environmental-enforcement-award

అక్రమార్కుల పని పట్టింది... ఆ అవార్డు అందుకుంది!

సాధారణంగా అటవీ శాఖలో ఉద్యోగాలంటే ఎన్నో సవాళ్లతో కూడుకున్నవి. నిత్యం అడవిలో క్రూర జంతువులు, ప్రతికూల పరిస్థితుల మధ్య విధులు నిర్వర్తించాలి. దొంగలు, స్మగ్లర్ల బారి నుంచి తమను తాము కాపాడుకుంటూ.. జంతువులు, అటవీ సంపదకు రక్షణగా నిలవాలి. పనిపట్ల నిబద్ధత, అంకితభావం, సవాళ్లను ఎదుర్కొనే తత్వం... తదితర లక్షణాలు ఉంటే తప్ప అందరూ ఈ ఉద్యోగాలు చేయలేరు. ఈక్రమంలో ఒడిశాకు చెందిన అటవీ అధికారిణి సస్మితా లెంకా తన విధి నిర్వహణలో నిక్కచ్చిగా వ్యవహరించినందుకు గానూ ‘ఐక్యరాజ్యసమితి ఆసియా ఎన్విరాన్‌మెంటల్‌ ఎన్‌ఫోర్స్‌మెంట్’ పురస్కారాన్ని అందుకున్నారు. తద్వారా ఈ ప్రతిష్ఠాత్మక అవార్డు అందుకున్న తొలి భారతీయురాలిగా అరుదైన గుర్తింపు దక్కించుకున్నారు.

Know More

women icon@teamvasundhara
no-mountain-is-too-high-to-scale-for-this-kerala-lawyer-even-at-50

50 ఏళ్ల వయసులో తన కలను సాకారం చేసుకుంది!

ఆసక్తి ఉంటే ఏ పని చేయడానికైనా వయసుతో నిమిత్తం లేదని ఇప్పటికే చాలామంది మహిళలు నిరూపించారు. కొందరు మహిళలు తమ పిల్లలతో కలిసి పైచదువులు చదువుతుంటే మరికొందరు వృద్ధాప్యంలో తమ మనవళ్లు, మనవరాళ్లతో కలిసి డిగ్రీ పట్టాలు అందుకున్నవారూ ఉన్నారు. సరిగ్గా ఇదే కోవకు చెందుతుంది కేరళకు చెందిన జయశ్రీ. పేదరికం అడ్డొచ్చినా పాతికేళ్ల క్రితమే పీజీ పూర్తి చేసిన ఆమె పెళ్లి, పిల్లల బాధ్యత కోసం తన కలల కెరీర్‌ను త్యాగం చేయాల్సి వచ్చింది. కానీ లాయర్‌ కావాలన్న కోరిక మాత్రం అలాగే ఉండిపోయింది. ఈక్రమంలో పిల్లలిద్దరూ పెరిగి పెద్దవడంతో మళ్లీ తన లక్ష్యాన్ని పట్టాలెక్కించింది. భర్త ప్రోత్సాహంతో 50 ఏళ్ల వయసులో ఎల్‌ఎల్‌బీ పట్టాను అందుకుని నల్లకోటు ధరించాలన్న తన కలను సాకారం చేసుకుంది. మరి, ఇదంతా ఆమెకు ఎలా సాధ్యమైందో తెలుసుకుందాం రండి...

Know More

women icon@teamvasundhara
meet-the-sisters-whose-maternity-wear-startup-has-caught-the-attention-of-kareena-kapoor-khan

కరీనా ధరించిన ఆ మెటర్నిటీ డ్రస్‌ మేము రూపొందించిందే!

అకేషన్‌ ఏదైనా ఫ్యాషన్‌కే అధిక ప్రాధాన్యమిస్తున్నారు ఈ తరం మహిళలు. ఆఫీస్‌/కాలేజీలకు వెళ్లేటప్పుడు ధరించే క్యాజువల్‌ వేర్‌ దగ్గర్నుంచి పార్టీలు, ప్రత్యేక సందర్భాలకు ఎంచుకునే అవుట్‌ఫిట్స్‌ దాకా.. ఇలా ప్రతిసారీ ఫ్యాషనబుల్‌గా మెరిసిపోవాలని ఆరాటపడుతున్నారు. అంతేనా.. గర్భం ధరించినా స్టైలిష్‌గా, కంఫర్టబుల్‌గా మెరిసిపోవాలనుకునే అతివల సంఖ్య నానాటికీ పెరిగిపోతోంది. అయితే ఇలాంటి మెటర్నిటీ వేర్‌ గురించి మార్కెట్లో వెతికితే ఆయా దుస్తుల డిజైన్‌ను బట్టి వాటి ధర వేలకు వేలే ఉంటుంది. దీంతో చాలామంది కాబోయే అమ్మలు వాటిని కొనలేక నిరాశతోనే వెనుదిరగాల్సి వస్తుంది. అయితే ఇలాంటి వారి అవసరాన్ని అర్థం చేసుకున్నారు దిల్లీకి చెందిన అక్కచెల్లెళ్లు ఆంచల్‌ జౌరా, ఆష్నా షా. తక్కువ ధరలోనే నాణ్యమైన, సౌకర్యవంతమైన మెటర్నిటీ వేర్‌ను రూపొందిస్తూ కాబోయే అమ్మల మనసు దోచుకుంటున్నారు. అంతేకాదు.. బాలీవుడ్‌ టు-బి-మామ్‌ కరీనా కపూర్‌ కూడా వీరు రూపొందించిన ఓ క్యూట్‌ మెటర్నిటీ వేర్‌లో మెరిసిపోవడం, ఆ ఫొటోలు కాస్తా నెట్టింట్లో వైరల్‌గా మారడంతో అందరూ ఈ సిస్టర్స్‌ ఫ్యాషన్‌ లేబుల్‌ గురించి తెగ వెతికేస్తున్నారు. మరి, తమ స్వీయ అనుభవమే తమతో ఈ మెటర్నిటీ ఫ్యాషన్‌ బ్రాండ్‌ని ప్రారంభించేలా చేసిందంటోన్న ఈ అక్కాచెల్లెళ్ల సక్సెస్‌ స్టోరీ ఏంటో మనమూ తెలుసుకుందాం రండి..

Know More

women icon@teamvasundhara
nasa-appoints-bhavya-lal-as-acting-chief-of-staff-in-telugu

ఆమె అపార అనుభవమే ఆ పదవికి ఎంపికయ్యేలా చేసింది!

అమెరికా నూతన అధ్యక్షుడిగా ఇటీవల జో బైడెన్‌ ప్రమాణస్వీకారం చేశారు. ఆయనతో పాటు భారత సంతతికి చెందిన కమలా హ్యారిస్‌ అగ్రరాజ్యపు తొలి ఉపాధ్యక్షురాలిగా బాధ్యతలు స్వీకరించారు. ఇక తన ప్రభుత్వంలో పలువురు భారతీయ అమెరికన్లకు పెద్దపీట వేసిన బైడెన్‌ మహిళలకు కూడా సముచిత స్థానం కల్పిస్తున్నారు. ప్రమాణస్వీకారానికి ముందే 13 మంది భారతీయ అమెరికన్‌ మహిళలకు తన పాలక వర్గంలో చోటు కల్పించిన ఆయన తాజాగా మరో ఇండో అమెరికన్‌ మహిళకు కీలక బాధ్యతలు అప్పగించారు. ఇందులో భాగంగా ప్రతిష్ఠాత్మక అమెరికా అంతరిక్ష పరిశోధనా కేంద్రం నాసా(నేషనల్‌ ఏరోనాటిక్స్‌ స్పేస్‌ అడ్మినిస్ట్రేషన్‌)కు ‘యాక్టింగ్‌ చీఫ్‌ ఆఫ్‌ స్టాఫ్‌’గా భవ్యాలాల్‌ను నియమించారు.

Know More

women icon@teamvasundhara
viral-pic-of-andhra-cop-saluting-daughter-heres-the-story-behind-it

అలా నాన్నకు బాస్‌నయ్యా!

తన గుండెల మీద ఎత్తుకొని ఆడించిన కూతురు తన పైఅధికారిగా వచ్చినప్పుడు ఆ తండ్రి కళ్లల్లో కలిగే ఆనందం, గర్వంతో ఆమెకు చేసే సెల్యూట్‌లో ఎంత ప్రేమ, సంతృప్తి దాగుంటాయో మాటల్లో చెప్పలేం. అలాంటి పుత్రికోత్సాహంలో మునిగిపోయిన ఆ తండ్రి, ఆయన్నే రోల్‌మోడల్‌గా తీసుకొని ఉన్నత శిఖరాలను అధిరోహించిన ఆ కూతురికి సంబంధించిన ఓ ఫొటో ఒకటి ఇటీవలే సామాజిక మాధ్యమాల్లో విపరీతంగా వైరలైన సంగతి తెలిసిందే. ఈ తండ్రీకూతుళ్లు మరెవరో కాదు.. గుంటూరు జిల్లా డీఎస్పీగా విధులు నిర్వర్తిస్తోన్న యండ్లూరు జెస్సీ ప్రశాంతి - అదే జిల్లా సర్కిల్‌ ఇన్‌స్పెక్టర్‌గా కొనసాగుతోన్న యండ్లూరు శ్యామ్‌ సుందర్‌. ఇటీవలే ఓ కార్యక్రమంలో పాల్గొన్న వీరిద్దరూ ఎదురుపడి సెల్యూట్‌ చేసుకోవడం.. అందులోనూ తనకంటే పైహోదాలో ఉన్న కూతురికి తండ్రి సెల్యూట్‌ చేస్తూ ఉప్పొంగిపోవడం.. అందరినీ కట్టిపడేశాయనడంలో సందేహం లేదు. అయితే తానింత ఉన్నత శిఖరాలను అధిరోహించడం వెనుక తన తండ్రి ప్రోత్సాహం, అండదండలు ఎంతగానో ఉన్నాయంటున్నారు డీఎస్పీ ప్రశాంతి. తన తండ్రితో తనకున్న అనుబంధాన్ని, అడుగడుగునా ఆమెలో స్ఫూర్తి నింపిన వైనాన్ని ఓ ప్రముఖ సోషల్‌ మీడియా బ్లాగ్‌తో ఇటీవలే పంచుకున్నారామె. మరి, ఈ ‘తండ్రిని మించిన తనయ’ ఆమె గురించి, ఆమె ఆశయం గురించి ఏం చెబుతున్నారో తెలుసుకుందామా?!

Know More

women icon@teamvasundhara
estonia-becomes-only-country-to-currently-have-both-a-female-prime-minister-and-president

అక్కడ ప్రెసిడెంట్‌, పీఎం ఇద్దరూ మహిళలే!

‘పాలిచ్చి పెంచిన తల్లులు సర్‌...! వాళ్లకు పాలించడం ఓ లెక్కా’...! ఆడవాళ్ల శక్తి సామర్థ్యాలను వర్ణిస్తూ ‘అరవింద సమేత’ చిత్రంలో ఎన్టీఆర్‌ చెప్పిన డైలాగ్‌ ఇది. అంతటి శక్తి సామర్థ్యాలున్నాయి కాబట్టే ఒకప్పుడు వంటింటికే పరిమితమనుకున్న స్త్రీలు నేడు ఆకాశంలో సగమంటూ రాకెట్లలో రివ్వున దూసుకుపోతున్నారు. అద్భుతమైన పాలనా దక్షతతో దేశాధ్యక్షులుగా, ప్రధానమంత్రులుగా దేశ సేవ చేస్తున్నారు. తాజాగా యూరప్‌ ఖండంలో అతి చిన్న దేశమైన ఈస్టోనియాకు కొత్త ప్రధానమంత్రిగా కాజా కల్లాస్‌ ప్రమాణస్వీకారం చేశారు. తద్వారా ఆ దేశ ప్రధాని పీఠాన్ని అధిరోహించిన తొలి మహిళగా చరిత్ర సృష్టించారు.

Know More

women icon@teamvasundhara
jyoti-nainwal-fulfills-her-martyr-husband’s-dying-wish-all-set-to-join-indian-army-as-an-officer

నన్నిలా చూసి ఆయనెక్కడున్నా సంతోషిస్తారు!

దేశ రక్షణ కోసం ప్రాణాల్ని సైతం పణంగా పెట్టడానికి సిద్ధపడతారు వీర సైనికులు. ఆ వీరుల్ని కట్టుకున్న భార్యలు కూడా అంతే గుండె ధైర్యాన్ని, నిండైన ఆత్మవిశ్వాసాన్ని ప్రదర్శిస్తారు. అందుకే భర్త యుద్ధంలో అమరుడైనా ‘నేను సైతం’ అంటూ అటు భర్త అడుగుజాడల్లో నడవడానికి, ఇటు దేశ రక్షణ బాధ్యతల్ని చేపట్టడానికి సిద్ధపడతారు. రెండేళ్ల క్రితం ఉగ్రవాదుల ఎదురుకాల్పుల్లో అమరుడైన నాయక్‌ దీపక్‌ నైన్‌వాల్‌ సతీమణి జ్యోతీ నైన్‌వాల్‌ కూడా ఆ కోవలోకే చెందుతారు. భార్యాభర్తలంటే ప్రతి అడుగులోనూ ఒకరికొకరు తోడుండాలి.. ఇద్దరూ ఒకరి నుంచి మరొకరు పాఠాలు నేర్చుకోవాలి. అలా తన భర్త నుంచి ధైర్యం అనే పాఠం నేర్చుకున్నారు జ్యోతి. అందుకే దేశ సేవలో అమరుడైన తన భర్త ఆశయాన్ని తాను భుజాలపైకెత్తుకున్నారు. ఇండియన్‌ ఆర్మీలో చేరేందుకు సన్నద్ధమయ్యారు. ఈ క్రమంలో తన భర్త కలల్ని నెరవేర్చుతానంటూ నిండైన ఆత్మవిశ్వాసంతో జనవరి 29న శిక్షణలో చేరబోతున్న ఈ వీర సతీమణి గురించి పలు విషయాలు తెలుసుకుందాం..

Know More

women icon@teamvasundhara
womens-in-republic-day-celebrations

ఫైటర్‌ జెట్స్‌తో నింగిలో ‘త్రివర్ణ పతాకం’ రెపరెపలాడిస్తా!

చిన్నప్పటి నుంచి ఏ బొమ్మ గీసినా అందులో మువ్వన్నెల జెండా ఉండేలా చూసుకోవడం ఆమెకు అలవాటు. త్రివర్ణ పతాకంపై తనకున్న ప్రేమే ఆమెకు బోలెడన్ని బహుమతులు తెచ్చిపెట్టింది. జాతీయజెండాపై తనకున్న మమకారమే జీవితంలో ఎన్ని కఠిన సవాళ్లనైనా ఎదుర్కొనే శక్తిసామర్థ్యాలనిచ్చింది. అదే తనను భారత వైమానిక దళంలో ఫ్లైట్ లెఫ్టినెంట్‌గా చేరేలా చేసి దేశానికి సేవలందించే సువర్ణావకాశం తెచ్చిపెట్టింది. తద్వారా దేశమంతా తన గురించి మాట్లాడుకునేలా చేసింది. ఆమే ఫ్లైట్‌ లెఫ్టినెంట్‌ స్వాతి రాథోడ్‌. ఇక ఇప్పుడు మరోసారి ఆమె గురించి దేశ ప్రజలంతా మాట్లాడుకుంటున్నారు. కారణం...గణతంత్ర దినోత్సవ పరేడ్‌లో పాల్గొనే అద్భుత అవకాశం ఆమె తలుపు తట్టడమే! ఈ వేడుకల్లో భాగంగా ఫైటర్‌ జెట్‌ విమానాలతో కనుల విందుగా సాగే ‘ఫ్లైపాస్ట్‌’ కవాతుకు స్వాతి నాయకత్వం వహించనుంది. తద్వారా ఈ ఘనత సాధించిన తొలి మహిళగా చరిత్ర సృష్టించనుందీ డేరింగ్‌ లేడీ.

Know More

women icon@teamvasundhara
malayalam-actress-rajini-chandy-shares-her-views-about-her-latest-photshoot

అది నా ఇష్టం.. నచ్చితే స్వీకరించండి.. నచ్చకపోతే వదిలేయండి!

ఎవరైనా వయసు పైబడిన మహిళలు చీరలో కాకుండా కాస్త మోడ్రన్‌గా తయారై, మేకప్‌ వేసుకొని కనిపిస్తే.. ‘ఈ వయసులో ఈవిడకు ఇవన్నీ అవసరమా.. ఇంట్లో కృష్ణా, రామా అంటూ కూర్చోక!’ అనుకునే వారు చాలామందే! అలాంటిది ఏకంగా ఏడు పదుల వయసులో పూర్తి స్థాయి మోడ్రన్‌గా రడీ అయి ఫొటోషూట్‌ తీయించుకోవడమంటే అదో సాహసమే అని చెప్పాలి. అలాంటి సాహసమే చేశారు మలయాళ నటి రజనీ చాందీ. ఆరు పదుల వయసులో సినీ ఇండస్ట్రీలోకి అడుగుపెట్టి.. ఏడు పదుల వయసులో మోడ్రన్‌ ఫొటోషూట్‌లో మెరిసి మహిళలు తమ అభిరుచుల్ని నెరవేర్చుకోవడానికి వయసు అడ్డు కానే కాదని నిరూపించారు. ఎవరేమనుకున్నా, ఎలా కామెంట్‌ చేసినా నాకు నచ్చినట్లు నేనుంటానంటోన్న రజనీ.. వయసు మీరిన మహిళల్లో స్ఫూర్తి నింపేందుకే ఈ నిర్ణయం తీసుకున్నానంటున్నారు.

Know More

women icon@teamvasundhara
indian-american-women-get-key-roles-in-joe-biden-administration-in-telugu

బైడెన్‌ బృందంలో భారతీయ వనితలు!

బైడెన్‌-హ్యారిస్‌ ప్రమాణ స్వీకారం ఎప్పుడెప్పుడా అని ఎదురుచూస్తోన్న ఆ తరుణం ఆసన్నమైంది. ఈక్రమంలో అమెరికా చరిత్రలోనే మొదటిసారిగా ఏకంగా 20 మంది భారతీయ అమెరికన్లకు తన పాలక వర్గంలో చోటు కల్పించారు బైడెన్‌. వీరిలో 13 మంది మహిళలే కావడం విశేషం. అమెరికా జనాభాలో ఇండియన్ అమెరికన్ల వాటా ఒక శాతం కంటే తక్కువే అయినా...అమెరికా అభివృద్ధిలో కీలక పాత్ర పోషిస్తోన్న ఈ వర్గానికి బైడెన్‌ తన యంత్రాంగంలో పెద్దపీట వేశారు. ఈ సందర్భంగా బైడెన్‌ టీంలో చోటు దక్కించుకొని అగ్రరాజ్య పాలక వ్యవహారాల్లో పాలు పంచుకునేందుకు సిద్ధపడిన ఆ ప్రవాస భారతీయ మహిళల గురించి తెలుసుకుందాం రండి..

Know More

women icon@teamvasundhara
kamala-harris-becomes-the-first-woman-vice-president-of-the-us

అమ్మే నా రియల్‌ హీరో.. ఎప్పటికీ నేను శ్యామల కూతురినే!

ప్రపంచానికి పెద్దన్న అని చెప్పుకునే అమెరికా రాజకీయాలంటే ప్రపంచమంతా ఆసక్తి చూపిస్తుంది. అందుకు తగ్గట్టే ఈసారి కూడా అగ్రరాజ్య అధ్యక్ష ఎన్నికలు ఓ సస్పెన్స్‌ థ్రిల్లర్‌ సినిమాను తలపించాయి. పోలింగ్‌ మొదలుకుని మొన్నటి క్యాపిటల్‌ భవనంపై దాడి వరకూ గతంలో ఎన్నడూ లేని విధంగా అమెరికా రాజకీయాలు అత్యంత ఉత్కంఠను రేకెత్తించాయి. ఇక అమెరికా అధ్యక్ష ఎన్నికల ఫలితాల కోసం భారతీయులు కూడా ఎంతో ఆసక్తిగా ఎదురు చూశారు. అందుకు కారణం ‘కమలాదేవి హ్యారిస్‌’ అని ప్రత్యేకంగా చెప్పక్కర్లేదు. భారతీయ మూలాలున్న ఆమె అగ్రరాజ్య ఉపాధ్యక్షురాలయ్యారు. తద్వారా ఈ ఘనత సాధించిన తొలి మహిళగా, తొలి నల్ల జాతీయురాలిగా, తొలి ప్రవాస భారతీయురాలిగా.. ఇలా ఎన్నో ప్రత్యేకతల్ని సొంతం చేసుకున్నారామె. ఈ సందర్భంగా ఉపాధ్యక్షురాలిగా అగ్రరాజ్య రాజకీయాల్లో చక్రం తిప్పబోతున్న ఈ సూపర్‌ వుమన్‌ గురించి కొన్ని ఆసక్తికర విషయాలు తెలుసుకుందాం రండి...

Know More

women icon@teamvasundhara
doctor-v-shantha-renowned-indian-oncologist-passes-away-pm-modi-pays-homage

శాంతమ్మా.. ఎప్పటికీ మా గుండెల్లోనే ఉంటారు!

‘వైద్యో నారాయణో హరి’ అంటూ వైద్యులను సాక్షాత్తూ నారాయణుడి (భగవంతుడు)తో పోల్చారు మన పెద్దలు. తాము నేర్చుకున్న విద్యతో తరతమ భేదం లేకుండా సహాయం చేయమనే ‘వైద్య వృత్తి’ నిజంగానే ఎంతో పవిత్రమైనది. అలాంటి వైద్య రంగంలో విప్లవాత్మకమైన మార్పులు తీసుకొచ్చి, దేశ ఖ్యాతిని ఖండాంతరాలు దాటించారు డాక్టర్‌ విశ్వనాథన్‌ శాంత. తన జీవితంలో ఏనాడూ వైద్యాన్ని వృత్తిగా, వ్యాపారంగా చూడని ఆమె... పేదలు, అణగారిన వర్గాల ప్రజలకు మెరుగైన వైద్య సేవలను అందుబాటులోకి తెచ్చేందుకు ఎంతో కృషి చేశారు. మందు లేని మహమ్మారి క్యాన్సర్‌పై అసమాన పోరాటం చేస్తూ లక్షలాది మంది క్యాన్సర్‌ పీడితులకు ప్రాణం పోశారు. తన జీవితంలో సుదీర్ఘకాలం పాటు రోగులకు సేవ చేసి వైద్య వృత్తికే వన్నె తెచ్చిన శాంత (93) జనవరి 19న తుదిశ్వాస విడిచారు. ఛాతీ నొప్పితో చెన్నైలోని ఓ ఆస్పత్రిలో చేరిన ఆమె చికిత్స పొందుతూ కన్నుమూశారు. ఈ క్రమంలో వైద్య రంగానికి ఆమె అందించిన సేవలను స్మరించుకుంటూ ప్రధాన మంత్రి నరేంద్రమోదీతో పాటు పలువురు ప్రముఖులు ఆమెకు నివాళి అర్పిస్తున్నారు.

Know More

women icon@teamvasundhara
meet-jill-biden-from-teacher-to-us-first-lady-in-telugu

బైడెన్‌ ప్రేమను ఆరోసారి అంగీకరించిందట !

అర్ధాంగి అంటే భర్త జీవితంలో అర్ధ భాగం కావడమే కాదు.. వారి ప్రతి అడుగులోనూ తోడుండాలంటారు. ఈ మాటలు అమెరికా మొదటి మహిళ జిల్‌ బైడెన్‌కు అచ్చు గుద్దినట్లు సరిపోతాయి. జోతో ఏడడుగులు నడిచిన క్షణం నుంచి ఆయన మొదటి భార్య పిల్లలకు తల్లయ్యారు జిల్‌.. ఆపై అటు తన ఉపాధ్యాయ వృత్తిని కొనసాగిస్తూనే.. ఇటు అమెరికా రెండో మహిళగా తన బాధ్యతల్ని సమర్థంగా నిర్వర్తించారు. అధ్యక్ష ఎన్నికల ప్రచారంలో భర్తకు ప్రతి అడుగులోనూ తోడుంటూ జీవిత భాగస్వామికి అసలు సిసలైన అర్థం చెప్పారామె. ఎన్నికల్లో భర్త విజయాన్ని సెలబ్రేట్‌ చేసుకుంటూ ‘ఆయన మనందరి కుటుంబాలకు కాబోయే అధ్యక్షులు’ అంటూ ట్వీట్‌ చేసిన జిల్‌.. జో ప్రేమ ప్రతిపాదనను ఆరోసారి అంగీకరించారన్న విషయం మనలో చాలామందికి తెలియదు. అంతేనా.. ఇటు కుటుంబాన్ని, అటు వృత్తినీ బ్యాలన్స్‌ చేసుకుంటూనే.. మరోవైపు ఎన్నో సామాజిక కార్యక్రమాల్లో సైతం భాగమయ్యారామె. మరి, అమెరికా మొదటి మహిళగా శ్వేత సౌధంలోకి అడుగుపెట్టే సందర్భంలో ఈ పవర్‌ఫుల్‌ లేడీ గురించి, జో-జిల్‌ అందమైన ప్రేమకథ గురించి కొన్ని ఆసక్తికర విశేషాలు తెలుసుకుందాం..

Know More

women icon@teamvasundhara
thrissur-woman-rebuilds-chips-business-after-robbery-left-her-with-rs-100

దోపిడీలో సర్వం పోయినా హాట్‌ చిప్స్‌తో మళ్లీ లక్షలు సంపాదిస్తోంది!

‘అవరోధాల దీవుల్లో ఆనంద నిధి ఉన్నది... కష్టాల వారధి దాటిన వారికి అది సొంతమవుతుంది..’ అన్నాడో సినీ కవి. ఈ మాటలు అక్షరాలా సత్యమని నిరూపిస్తోంది కేరళకు చెందిన ఓ మహిళ. లక్షలు ఆర్జించిపెడుతున్న స్వీట్ షాప్ కాస్తా దోపిడీకి గురైతే ఒక్కసారిగా రోడ్డున పడింది. అలాగని చేతకానిదానిలా ఏడుస్తూ కూర్చోలేదు. పడిలేచిన కెరటంలా రెట్టింపు వేగంతో జీవితంలో మళ్లీ ముందుకు దూసుకువచ్చింది. కష్టాలకు కుంగిపోకుండా తన సంకల్పబలంతో విజయం సాధించి వార్తల్లో నిలిచింది. అందరి జీవితాల్లో కష్టాలనేవి సర్వసాధారణమని.. అయితే వాటినే తలుచుకుంటూ కూర్చోవడం కంటే... ఆ పరిస్థితులను అధిగమించే మార్గం అన్వేషించినప్పుడే మన జీవితానికి ఓ అర్థం ఉంటుందని చెబుతూ అందరికీ స్ఫూర్తినిస్తున్న ఆ మహిళ విజయ గాథను మనమూ తెలుసుకుందాం రండి...

Know More

women icon@teamvasundhara
who-is-vanita-gupta?-get-to-know-joe-biden-pick-to-serve-as-us-associate-attorney-general

అందుకే ఈ లాయరమ్మకు అమెరికాలో అంత గౌరవం!

భారతగడ్డపై పుట్టి పెరిగి, విదేశాల్లో స్థిరపడి, అక్కడ వివిధ రంగాల్లో సత్తా చాటుతోన్న మహిళలు ఎందరో ఉన్నారు. ప్రవాస భారతీయులుగా శాస్ర్త, సాంకేతిక రంగాల్లో తమ ప్రతిభను నిరూపించుకుంటూ ఉన్నత అవకాశాలను అందుకుంటున్నారు. అదేవిధంగా వివిధ దేశాల రాజకీయాల్లోనూ స్పష్టమైన ముద్ర వేసి అక్కడ ప్రజల అభిమానాన్ని చూరగొంటున్నారు. ఇక ప్రపంచానికి పెద్దన్న అని చెప్పుకునే అమెరికా రాజకీయాల్లో భారతీయులే కీలకంగా వ్యవహరిస్తున్నారు. అలాంటి అగ్రరాజ్యంలో మరో భారతీయ సంతతి మహిళకు అరుదైన గౌరవం దక్కింది. ఈ క్రమంలో అమెరికా అసోసియేట్‌ అటార్నీ జనరల్‌గా భారతీయ అమెరికన్‌ న్యాయవాది వనితా గుప్తా నామినేట్‌ అయ్యారు. వనిత నియామకాన్ని సెనేట్ ఆమోదిస్తే... అమెరికా చరిత్రలో ఈ ప్రతిష్ఠాత్మక స్థానాన్ని అధిరోహించిన తొలి శ్వేత జాతీయేతర మహిళగా అరుదైన చరిత్ర సృష్టించనుంది వనిత.

Know More

women icon@teamvasundhara
breaking-another-glass-ceiling-these-women-make-history-in-telugu

మహిళా శక్తికి ప్రతిరూపాలు ఈ వనితలు!

‘పురుషులతో సమానంగా మహిళలు అన్ని రంగాల్లో అభివృద్ధి సాధించడం అంత సులభం కాదు’...ఇది ఒకప్పటి మాట. ఇప్పుడు ఏ రంగంలోనైనా మహిళలు పురుషులతో సమానంగా పనిచేసేందుకు పోటీ పడుతున్నారు. ఎంత కష్టంతో కూడిన రంగమైనా సరే...సవాళ్లకు ఎదురొడ్డి మరీ అందులో అడుగుపెట్టేందుకు సిద్ధమవుతున్నారు. ఫుడ్‌ డెలివరీ, క్యాబ్‌ డ్రైవింగ్‌, లోకో పైలట్‌, పైలట్‌.. వంటి అధిక శారీరక శ్రమతో కూడిన రంగాల్లోనూ ఎందరో మహిళలు సమర్థంగా విధులు నిర్వర్తిస్తుండడమే ఇందుకు నిదర్శనం. ఈక్రమంలో మహిళల శక్తి సామర్థ్యాలేంటో మరోసారి ప్రపంచానికి చాటి చెబుతూ ఎయిర్‌ ఇండియా మహిళా పైలట్ల బృందం ఉత్తర ధ్రువం మీదుగా విమానం నడిపేందుకు సిద్ధపడింది. ఇక మరోవైపు పశ్చిమ రైల్వేకు చెందిన మహిళా సిబ్బంది తాజాగా గూడ్స్‌ రైలును నడిపి సరికొత్త అధ్యాయానికి తెరతీసింది.

Know More