scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'50 రోజులుగా కరోనాతో సావాసం చేస్తున్నా!'

'కరోనా.. ఈ మాట వింటేనే వెన్నులో వణుకు పుడుతోంది. మరి, మనకే ఇలా ఉంటే అనునిత్యం కరోనా వార్డులోనే గడుపుతూ ఈ మహమ్మారి బారిన పడిన రోగులకు సేవలందించే డాక్టర్లు, నర్సుల పరిస్థితేంటి? ఎన్ని జాగ్రత్తలు తీసుకున్నా ఎప్పుడు, ఎవరి నుంచి తమకు కరోనా సోకుతుందోనన్న భయం అనుక్షణం వారిని వెంటాడుతూనే ఉంటుంది. అయినా సరే.. తమ వృత్తికే ప్రథమ ప్రాధాన్యమిస్తూ విధుల్లో కొనసాగుతున్నారు ప్రపంచవ్యాప్తంగా ఎందరో వైద్య సిబ్బంది. ఈ క్రమంలో కొందరు ఈ వైరస్‌ బారిన పడుతున్నారు. అలాంటి వారిలో తానూ ఉన్నానంటోందీ కెనడియన్ నర్సు. ఒకటి కాదు.. రెండు కాదు.. దాదాపు ఏడు వారాలుగా ఆసుపత్రిలో చికిత్స పొందుతూ కరోనాతో పోరాటం చేస్తోంది. చికిత్స తీసుకుంటున్నప్పటికీ వరుస టెస్టుల్లో పాజిటివ్‌ వచ్చినా ధైర్యం కోల్పోకుండా ముందుకు సాగుతోన్న ఆమె.. తన కొవిడ్‌ పోరాటం గురించి అందరితో పంచుకోవడానికి ఇలా మన ముందుకొచ్చింది.'

Know More

Movie Masala

 
category logo

ప్రకృతిపై నాకున్న ప్రేమను డబ్బుతో కొనలేరు !

Geethu Mohandas became the first Indian woman to to be chosen for Fjallraven Polar Arctic Expedition

కేరళ అంటేనే భూలోక స్వర్గంలా ఉంటుందంటారు పర్యటకులు. ప్రకృతి అందాలతో స్వర్గధామంలా ఉండే అటువంటి ప్రాంతంలో పుట్టి పెరిగిన వారికి ప్రపంచాన్ని చుట్టి రావాలనే కోరిక ఉండడం సహజం. అలా తన సహజ గుణాన్ని ఓ శక్తిగా మలచుకున్నారు గీతూ మోహన్‌దాస్‌. ఇంతకీ ఈవిడెవరు ? అని ఆలోచిస్తున్నారు కదూ ! ట్రెక్కింగ్‌ వస్తువులను తయారు చేసే ప్రముఖ స్వీడన్‌ సంస్థ ‘ఫల్‌ రావెన్‌’ ఈ ఏడాది చేపట్టిన ఆర్కిటిక్‌ యాత్రకు భారత్‌ నుంచి ఎంపికైన ఏకైక పర్యటకురాలు గీతూ. అంతేకాదు ఈ యాత్రలో పాల్గొంటున్న మొట్టమొదటి భారత మహిళ కూడా ఆమే ! అయితే ఆమె ఈ ఘనత సాధించడానికి ముందు ఎంతో మానసిక సంఘర్షణకు గురి కావాల్సి వచ్చింది. కొంతమంది పోటీదారులు ఆమెకు డబ్బులిచ్చి యాత్ర నుంచి తప్పించే ప్రయత్నం కూడా చేశారట ! మరప్పుడు ఆమె ఏం చేశారో తెలుసా ?

బాల్యం నుంచే ప్రకృతిపై మక్కువ !

ప్రకృతిని ప్రేమించే వారికి భౌతిక విషయాలపై ఉండే ఆరాటం చాలా తక్కువ. అందుకే ఆత్మవిశ్వాసంలోనూ, ఆరోగ్య విషయంలోనూ వీరు చాలా చురుకుగా కనిపిస్తారు. గీతూ కూడా ఈ కోవకు చెందిన వారే ! కొచ్చిలోని అలువ గ్రామంలో అందమైన బాల్యాన్ని గడిపిన గీతూ ఎన్నో నేచర్‌ క్యాంప్స్‌కి వెళ్లిన అనుభవంతో ప్రకృతిపై అమితమైన ఆసక్తిని పెంచుకున్నారు. ఈక్రమంలోనే సాఫ్ట్‌వేర్‌ ఉద్యోగం వచ్చి బెంగళూరులో స్థిరపడినా శని, ఆదివారాలు వచ్చాయంటే ఎక్కడికైనా వెళ్లాల్సిందే అనే నియమాన్ని పెట్టుకున్నారు. ఎందుకంటే ప్రకృతిపై అందరికీ హక్కుందని, ప్రకృతి పట్ల అందరూ బాధ్యతాయుతంగా ఉండాలని ఆమె ప్రగాఢ నమ్మకం. ఆమె భర్త ప్రసాద్‌ ఆదిష్‌ అజయ్‌ కుమార్‌ కూడా ప్రకృతి ప్రేమికుడే కావడంతో అతని సహకారంతో ‘లెట్స్‌ గో ఫర్‌ ఎ క్యాంప్‌’ అనే స్టార్టప్‌ సంస్థను స్థాపించారు గీతూ. ఈ స్టార్టప్‌ ద్వారా థాయ్‌లాండ్‌, భూటాన్‌, నేపాల్‌ వంటి దేశాల్లో వందల సంఖ్యలో క్యాంపులను నిర్వహించి ఎందరికో సుందరమైన గ్రామీణ అందాలను పరిచయం చేశారు గీతూ.

View this post on Instagram

A post shared by Geethu Mohandas (@geethumohandas1402) on

కలను నిజం చేసుకునే ఆఫర్‌ !

ఎవరికైనా అవకాశం దొరకాలే కానీ విశ్వమంతా తిరిగి రావాలని ఉవ్విళ్లూరుతుంటారు. ముఖ్యంగా ధ్రువాల వద్ద ఉండే హిమ సౌందర్యాన్ని తనివి తీరా చూడాలని భావిస్తారు. అయితే చాలామందిలా గీతూ ఆ కోరికను ఒక కలే అనుకొని మర్చిపోలేదు. ఎప్పటికైనా దాన్ని నెరవేర్చుకోవాలని నిర్ణయించుకున్నారు. అయితే ఎలా ? అక్కడికి వెళ్లాలంటే బోలెడంత డబ్బు ఖర్చవుతుంది. సామాన్య, మధ్యతరగతి వారికి అది అందని ద్రాక్షే అనుకోవాలి! మైనస్‌ 30-40 డిగ్రీల మధ్య ఉష్టోగ్రత ఉండే ఆర్కిటిక్‌ ప్రాంతాన్ని చేరుకోవాలంటే అంత ఆషామాషీ కాదు. కాలి నడకనో, వాహనాల మీదనో అస్సలు కుదరదు. స్లెడ్జ్‌ బండి (కుక్కలు లాగే బండి) మీద 300 కిలోమీటర్లు ప్రయాణించాల్సి ఉంటుంది. చాలా ఖర్చుతో కూడుకున్న పని. అయితే అప్పుడే దేవుడు వరమందించినట్లు ‘ఫల్‌ రావెన్‌’ అందించిన ఆఫర్‌ గీతూ కలకు రెక్కలు తొడిగింది. పైసా ఖర్చు లేకుండా ఆర్కిటిక్‌ యాత్ర చేపట్టడం ! వింటుంటేనే స్వర్గం కళ్ల ముందు సాక్షాత్కారమైనట్లుంది కదూ !

View this post on Instagram

A post shared by Geethu Mohandas (@geethumohandas1402) on

అన్నీ ఆలోచించే ఈ నిర్ణయం !

ఫల్‌ రావెన్‌ చేపట్టే ఈ యాత్రలో ఎప్పుడూ పర్యాటక రంగంలో సుదీర్ఘ అనుభవం ఉన్న వారినే ఎంచుకుంటారు. ప్రైవేట్‌ ఖర్చులను మినహాయిస్తే యాత్రకయ్యే ఖర్చు, యాత్రలో భాగంగా వాడే సామగ్రి వారే అందిస్తారు. ఈక్రమంలోనే ఈ యాత్రకు వెళ్లాల్సిన యాత్రికులను జ్యూరీ సెలక్షన్‌, ఆన్‌లైన్‌ ఓటింగ్‌ అనే రెండు పద్ధతుల ద్వారా ఎంచుకుంటారు. అయితే ఈసారి సామాన్యులకు కూడా అవకాశం కల్పించాలనుకోవడం గీతూకి వరంగా మారింది.

View this post on Instagram

A post shared by Geethu Mohandas (@geethumohandas1402) on

ఇప్పటివరకు కేరళ నుంచి నియోగ్‌ కృష్ణన్‌, బాబు సాగర్‌ మాత్రమే ఫల్‌ రావెన్‌ యాత్రకు వెళ్లారు. ఈక్రమంలోనే వారిని సంప్రదించి యాత్రకు సంబంధించిన పూర్తి వివరాలను, వారి అనుభవాలను సేకరించారు గీతూ. అంతా సిద్ధం అనుకున్న తర్వాత తాను కూడా వారిలా చేయగలనా ? లేదా ? అని ఒక్కసారి తటపటాయించారట. అయితే ప్రకృతి పర్యాటకంపై తనకున్న ప్రేమ తాను చేయగలననే నమ్మకాన్ని ఆమెకు కలిగించింది. ఇక మరుక్షణం ఆలస్యం చేయకుండా వెంటనే ఫల్‌ రావెన్‌ యాత్రకు తన పేరుని నమోదు చేసుకున్నారు గీతూ. అయితే అసలు సమస్య అక్కడే మొదలైంది.

View this post on Instagram

A post shared by Geethu Mohandas (@geethumohandas1402) on

వరమే శాపంగా మారిన వేళ !

సాహస యాత్రలంటేనే ఎన్నో నియమ నిబంధనలతో సాగుతుంటాయి. ప్రపంచవ్యాప్తంగా ఉండే ప్రకృతి ప్రేమికుల నుంచి గట్టి పోటీని తట్టుకోవడానికే ఇలా నియమ నిబంధనలను కఠినతరం చేస్తుంటారు నిర్వాహకులు ! ఫల్‌ రావెన్‌ సంస్థ వారు ఎప్పుడైతే సామాన్యులకు కూడా ఆర్కిటిక్‌ యాత్రను సులభతరం చేయాలనుకున్నారో కుప్పలు తెప్పలుగా అభ్యర్థులు తమ పేరును నమోదు చేసుకున్నారు. ఒకటి కాదు, రెండు కాదు దాదాపు 22 దేశాల నుంచి వచ్చిన అభ్యర్థనలతో సంస్థ యాజమాన్యానికి యాత్రికులను సెలక్ట్‌ చేయడం పెద్ద తలనొప్పిగా మారిందనే చెప్పాలి. ఇందులో భాగంగా జ్యూరీ సభ్యుల సహకారంతో కొంతమందిని సెలక్ట్‌ చేసి, మిగతా వారిని ఎంచుకోవడానికి ఆన్‌లైన్‌ ఓటింగ్‌ సిస్టమ్‌ పెట్టింది ఫల్‌ రావెన్‌. ఇందులో గీతూ కూడా ఉన్నారు.

View this post on Instagram

A post shared by Geethu Mohandas (@geethumohandas1402) on

జ్యూరీ ద్వారా ఈ యాత్రకు ఇదివరకే 10 మంది సెలక్ట్‌ కాగా, మిగతా 10 మంది కోసం ఆన్‌లైన్‌ పోటీ నువ్వా-నేనా అన్నట్లు సాగింది. జోనల్‌ వారీగా జరిగిన ఈ ఓటింగ్‌లో గీతూ కూడా విజయం సాధించడం ఆమెకు చెప్పలేని ఆనందాన్నిచ్చింది. అయితే ఇదంతా ఆమె ఎంతో మానసిక సంఘర్షణ పడిన తర్వాత కానీ రాలేదు. ఆన్‌లైన్‌ పోటీలో పాల్గొన్న చాలామంది గీతూపై తీవ్రంగా మండిపడ్డారట. ఎలాగైనా ఆమెను పోటీ నుంచి తప్పించాలనే ప్రయత్నంలో ఆమె వ్యక్తిత్వాన్ని కించపరిచే ప్రయత్నం కూడా జరిగిందన్నారు గీతూ. ఆన్‌లైన్‌ ఓటింగ్‌లో తన పేరును దిగజార్చేందుకు కొంతమంది చేయని ప్రయత్నం అంటూ లేదన్న గీతూ.. ఆఖరికి ఆమె పోటీ నుంచి తప్పుకుంటే డబ్బులు కూడా ఇస్తామని ఆశ చూపారట. అయితే పర్యాటకంపై తనకున్న ప్రేమే తనను అవన్నీ మర్చిపోయేలా చేసి చివరికి ఓటింగ్‌లో విజేతగా నిలబెట్టిందని గీతూ అంటున్నారు.

మొత్తానికి పట్టుదల ఉంటే ప్రయత్నంలో విజయం ఖాయమని నిరూపిస్తూ, గీతూ పర్యాటక రంగంలో తనకంటూ ఓ ప్రత్యేక స్థానాన్ని ఏర్పర్చుకుంటున్నారు గీతూ. అందుకే ఇప్పుడు అందరూ ఆమె గురించి మాట్లాడుకుంటున్నా తనకవేమీ పట్టనట్లు ప్రకృతి సన్నిధే ధ్యేయంగా ముందుకు సాగుతున్నారు. 20 మంది తోటి ప్రయాణికులతో కలిసి మార్చి 30న చేయబోయే ఆర్కిటిక్‌ యాత్ర కోసం రడీ అవుతున్నారు. మరి గీతూ ఈ యాత్రను దిగ్విజయంగా ముగించి, తన కలను నెరవేర్చుకోవాలని మనం కూడా ఆల్‌ ది బెస్ట్‌ చెబుదాం !

Photo: Instagram.com/p/B2os6KrJ9yB





women icon@teamvasundhara
sophy-thomas-appointed-kerala-high-court-gets-its-first-woman-registrar-general

ఇప్పుడు వాడిని చూస్తే చాలా సంతోషమేస్తోంది !

కేరళకు చెందిన సోఫీ థామస్‌ వ్యవసాయ కుటుంబంలో పుట్టింది. తెల్లకోటు వేసుకుని ప్రజల ప్రాణాలు కాపాడదామనుకుంది. కానీ యాదృచ్ఛికంగా మనసు మార్చుకుని న్యాయశాస్త్రం వైపు అడుగులేసింది. నల్లకోటు ధరించి బాధితుల పక్షాన నిలిచింది. అలా న్యాయవాదిగా, న్యాయమూర్తిగా అంచెలంచెలుగా రాణించిన ఆమె తాజాగా మరో అరుదైన గుర్తింపు సొంతం చేసుకున్నారు. ఈ మేరకు ఆ రాష్ర్ట హైకోర్టు రిజిస్ట్రార్‌ జనరల్‌గా నియమితులైన ఆమె ఈ ఘనతను సాధించిన తొలి మహిళగా చరిత్ర సృష్టించింది. మరి తెల్లకోటు వేసుకోవాలనుకుని నల్లకోటు వేసుకున్న సోఫీ థామస్‌ గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
suman-gawani-to-be-honoured-with-the-un-military-gender-advocate-of-the-year-award

శాంతి కపోతానికి కీర్తి కిరీటం!

హింసతో పెచ్చరిల్లే దేశం దక్షిణ సూడాన్‌. గొడవలు, కల్లోలాలు అక్కడ నిత్యకృత్యం. ఎటువైపు నుంచి ఏ ఉపద్రవం ముంచుకొస్తుందో తెలియదు. ఈ పరిస్థితుల్లో మిలిటరీ పరిశీలకురాలిగా ఉన్న వారెవరైనా సాయుధులై ఉండటం రివాజు. భారతీయ సైన్యాధికారి మేజర్‌ సుమన్‌ గవానీ దీనికి భిన్నం. ఆమె ఆయుధాన్ని ఇంటి దగ్గరే వదిలి కార్యక్షేత్రంలోకి దిగుతారు. మహిళలు, పిల్లలతో ప్రేమగా మాట కలుపుతారు. కల్లోల ప్రాంతాల్లో ప్రేమామృతం కురిపిస్తారు. అలాగని విధుల్ని నిర్లక్ష్యం చేయరు. ఆ విలక్షణతకు, పనిలో రాజీ పడని తత్వానికి ప్రతిష్ఠాత్మక ‘ఐక్యరాజ్య సమితి జెండర్‌ అడ్వొకేట్‌ అవార్డు ఆఫ్‌ ది ఇయర్‌ - 2019’ వరించింది. ఈ పురస్కారం అందుకోనున్న తొలి భారతీయురాలిగా నిలిచారామె.

Know More

women icon@teamvasundhara
corona-virus-chennai-woman-eats-once-a-day-saves-the-rest-for-her-13-dogs

ఆ 13 కుక్కల కడుపు నింపేందుకు తన కడుపు మాడ్చుకుంటోంది!

సాధారణంగా కుక్కల కుండే విశ్వాసం మనుషులకు కూడా ఉండదంటారు. ద్వేషమంటే తెలియని ఈ మూగజీవాలను తిట్టినా..కొట్టినా అవి చూపించే విశ్వాసంలో ఏ మాత్రం వ్యత్యాసం ఉండదు. అందుకే ఎంతో మంది వాటికి ముద్దుపేర్లు పెట్టుకుని సొంత మనుషుల్లా చూసుకుంటుంటారు. ఈ నేపథ్యంలో చెన్నైకు చెందిన ఓ మహిళ ఒకటి కాదు..రెండు కాదు ఏకంగా 13 కుక్కలను పెంచి పోషిస్తోంది. 21 ఏళ్లుగా అవి తినడానికి కావాల్సిన ఆహారాన్ని సమకూర్చుతూ వాటికి ఏ లోటూ రానీయకుండా కాపాడుకుంటోంది. అలాగని తనేమీ శ్రీమంతురాలు కాదు...పని మనిషిగా, వంట మనిషిగా పనిచేసి జీవితాన్ని వెళ్లదీస్తోంది. అయితే కరోనా ప్రభావంతో ఆమెతో పాటు ఆ 13 కుక్కలకు ఆకలి కష్టాలు మొదలయ్యాయి. ఈక్రమంలో తన పెంపుడు కుక్కలకు కడుపునిండా తిండి పెట్టేందుకు ఈ చెన్నై మహిళ ఏం చేస్తోందో మీరే చూడండి...!

Know More

women icon@teamvasundhara
hyderabad-woman-lakshmi-doing-hydroponic-farming-and-earns-money

మట్టి లేకుండా సాగు.. మాణిక్యాలు కురిపిస్తోంది..!

అరక పట్టే పనిలేదు... మెరక దున్నే అవసరం అంతకన్నా లేదు... మాగాణం లేకున్నా.. ఇంటి ప్రాంగణాన్నే వ్యవసాయ క్షేత్రంగా మార్చేయొచ్చు.. కుళాయి నీటినే మితంగా సరిపెట్టుకోవచ్చు.. ఏడాది పొడవునా పంట పండించుకోవచ్చు.. ఇలాంటి కొత్తరకం సాగుబడితో ఊహించని దిగుబడులు సాధిస్తున్నారు భాగ్యనగర రైతు మండ్ల లక్ష్మి... ‘జల సాగు’ విధానంతో భళా అనిపించుకున్న ఈ ఆధునిక సేద్యకారిణి అనుభవాలివి. అన్నింట్లో హైటెక్‌ పద్ధతులు వచ్చినట్టే.. వ్యవసాయమూ కొత్తపుంతలు తొక్కుతోంది. తరిగిపోతున్న సహజ వనరులను సద్వినియోగం చేసుకునే క్రమంలో కొత్తరకం సేద్య విధానాలు తెరమీదికొస్తున్నాయి. భవిష్యత్‌ అవసరాలకు తగ్గట్టుగా వినూత్న మార్పుగా చెప్పుకొంటున్న విధానం జల సాగు. అదే హైడ్రోపోనిక్‌ విధానం. ఇంకా చెప్పాలంటే నేల విడిచి సాగు చేయడమన్నమాట. ఈ పద్ధతిలో మట్టితో పని లేకుండా పంటలు పండిస్తున్నారు పలువురు ఔత్సాహిక రైతులు, వ్యవసాయంపై ఆసక్తి ఉన్న యువత. ఈ కోవకే చెందుతారు లక్ష్మి.

Know More

women icon@teamvasundhara
corona-virus-after-losing-son-to-corona-centenarian-granny-wins-battle-against-virus

కొడుకు బలైనా ఈ వందేళ్ల బామ్మ మాత్రం కరోనాను జయించింది!

ప్రపంచంపై కరోనా ప్రకోపం చల్లారడం లేదు. ఇప్పటికే లక్షలాది మందిని బలితీసుకున్న ఈ వైరస్‌ రోజురోజుకీ తన పరిధిని పెంచుకుంటోంది. ఇక రోగ నిరోధక శక్తి తక్కువగా ఉండడంతో వృద్ధులే ఎక్కువగా ఈ మహమ్మారికి బలవుతున్నారని గణాంకాలు చెబుతున్నాయి. అందుకే మనదేశంతో పాటు చాలా దేశాల్లో లాక్‌డౌన్ ఆంక్షల్లో సడలింపులిచ్చినా వృద్ధులు మాత్రం ఎట్టి పరిస్థితుల్లో బయటకు రాకూడదని మార్గదర్శకాలు జారీ చేశారు. అయితే ఆరోగ్యకరమైన జీవనశైలి, సానుకూల దృక్పథం ఉంటే ఎలాంటి వ్యాధినైనా ఎదుర్కోగలమని ఇప్పటికే చాలామంది వయోవృద్ధులు నిరూపిస్తున్నారు. తద్వారా తమ లాంటి వారికి వూరటనిస్తూ బతుకుపై ఆశలు కల్పిస్తున్నారు. ఈకోవకే చెందుతుంది ఇండోర్‌కు చెందిన చందాబాయి. వయసులో సెంచరీ దాటిన ఈ బామ్మ కరోనా నుంచి పూర్తిగా కోలుకుని ఇటీవలే ఇంటికి చేరుకుంది.

Know More

women icon@teamvasundhara
after-beating-cancer-lady-home-guard-is-now-on-the-streets-to-fight-corona

క్యాన్సర్‌ నుంచి కోలుకున్న వెంటనే ఖాకీ దుస్తులు వేసుకుంది!

క్యాన్సర్‌... మందులేని ఈ మహమ్మారి ఎన్నో ఏళ్లుగా మనిషిని పట్టి పీడిస్తోంది. లక్షలు ఖర్చు పెట్టి వైద్యం చేయించుకుంటున్నా... వదలకుండా మళ్లీ తిరగబెడుతూ వేలాది మంది ప్రాణాలను బలి తీసుకుంటోంది. ఈ నేపథ్యంలో ఈ వ్యాధి కారణంగానే ఇటీవల ఇద్దరు బాలీవుడ్‌ దిగ్గజాలు కన్నుమూసిన సంగతి తెలిసిందే. ఇక కరోనా కాలంలో దీర్ఘకాలిక వ్యాధిగ్రస్తులు మరింత జాగ్రత్తగా ఉండాలని ప్రపంచ ఆరోగ్య సంస్థతో పాటు పలువురు వైద్య నిపుణులు సూచిస్తున్నారు. అలాంటిది కళ్లారా క్యాన్సర్‌ మహమ్మారిని చూసిన ఓ మహిళా హోంగార్డు కరోనాపై పోరుకు రడీ అయ్యింది. తన ఆరోగ్యం కన్నా సామాన్య ప్రజల ప్రాణాలే ముఖ్యమంటూ వృత్తి ధర్మాన్ని పాటిస్తోంది. మరి ఆపత్కాలంలో తన వృత్తి పట్ల అంతటి అంకిత భావం చూపుతున్న ఆ కరోనా యోధురాలి గురించి మనమూ తెలుసుకుందాం రండి.

Know More

women icon@teamvasundhara
corona-virus-a-beggar-woman-donates-quintal-rice-cash-to-the-needy

ఆకలి బాధ ఎలా ఉంటుందో నాకు తెలుసు...అందుకే ఈ చిట్టి సాయం!

‘సాయం చేయాలంటే మన దగ్గర డబ్బే ఉండాల్సిన అవసరం లేదు. మంచి మనసుంటే చాలు’ అన్న మాటలను నిరూపిస్తూ చాలామంది కరోనాపై పోరులో భాగస్వాములవుతున్నారు. సెలబ్రిటీలతో పాటు సామాన్యులు కూడా తమకు తోచిన సహాయం చేస్తూ అందరి మన్ననలు అందుకుంటున్నారు. ఇక చిన్న పిల్లలు అయితే తమ పిగ్గీ బ్యాంకులో పోగేసుకున్న సొమ్మంతా విరాళంగా అందించి పెద్దమనసు చాటుకుంటున్నారు. ఈక్రమంలో ఓ యాచకురాలు కూడా వైరస్‌ వ్యతిరేక పోరులో భాగస్వామురాలయింది. ఆకలి బాధ ఎలా ఉంటుందో స్వయంగా తెలిసిన ఆమె తన వంతు సాయంగా క్వింటాల్‌ (100 కేజీలు) బియ్యంతో పాటు చీరలు, యాచిస్తూ పోగేసిన డబ్బును విరాళంగా అందించి విశాల హృదయాన్ని చాటుకుంది.

Know More

women icon@teamvasundhara
usharani-manne-appointed-ficci-flo-chairperson-for-hyderabad-chapter

women icon@teamvasundhara
meet-90year-old-hamako-mori-the-worlds-oldest-video-game-youtuber

ఈ ‘గేమింగ్‌ గ్రాండ్‌మా’ గిన్నిస్‌ బుక్‌ రికార్డుల్లోకి కూడా ఎక్కింది!

సాధారణంగా వయసు పైబడుతున్న కొద్దీ ఒంట్లో సత్తువ తగ్గిపోతుంది. కంటి చూపు తగ్గిపోయి చిన్న చిన్న పనులు చేయడానికి కూడా ఇబ్బంది పడాల్సి వస్తుంది. చాలామంది మంచానికే పరిమితమవుతూ మనవళ్లు, మనవరాళ్లతో కాలక్షేపం చేస్తుంటారు. ఈక్రమంలో 90 ఏళ్ల వయసులోనూ ఎంతో హుషారుగా, ఉత్సాహంగా వీడియో గేమ్స్‌ ఆడుతోంది జపాన్‌కు చెందిన హమ్కో మోరీ. ఏదో సరదాకో, ఆటవిడుపుకో ఈ గేమ్స్‌ ఆడుతుందేమో అనుకునేరు? ఆన్‌లైన్‌ గేమ్స్‌కు సంబంధించి బోలెడు అనుభవమున్న ఆమె ‘ప్రపంచంలోనే అత్యధిక వయసున్న యూట్యూబ్‌ వీడియో గేమర్‌’ గా గిన్నిస్‌ బుక్‌ రికార్డుల్లోకి కూడా ఎక్కడం విశేషం.

Know More

women icon@teamvasundhara
woman-ips-officer-cooks-meal-at-midnight-for-hungry-women-migrants

అర్ధరాత్రి పూట వాళ్ల ఆకలి తీర్చిన ఆఫీసరమ్మ!

ఆమె ఓ జిల్లా పోలీస్‌ ఉన్నతాధికారి... వైరస్‌ వ్యతిరేక పోరులో భాగంగా చీకటి పడే వరకు విధులు నిర్వర్తించింది. డ్యూటీ ముగించుకుని అప్పుడే ఇంటికి చేరుకుంది. విధి నిర్వహణలో బాగా అలసిపోవడంతో నిద్రకు ఉపక్రమించింది. అయితే అర్ధరాత్రి సమయంలో ఆమెకు ఓ ఫోన్‌ వచ్చింది. ‘అమ్మా ఆకలేస్తోంది. మూడు రోజుల నుంచి ఏమీ తినలేదు. కడుపు కాలిపోతోంది’ అని అవతలి వైపు నుంచి ఓ ఆడగొంతు మాటలు వినిపించాయి. ఉన్నతాధికారులు సాధారణంగా ఇలాంటి పరిస్థితుల్లో విసుక్కోవడమో, కింది స్థాయి అధికారులకు వారి బాధ్యతలను అప్పజెప్పడమో, లేకపోతే ఇతర ప్రత్యామ్నాయ మార్గాలను ఆలోచిస్తారు. కానీ ఆమె అలా చేయలేదు. మానవతా హృదయంతో అప్పటికప్పుడు స్వయంగా లెమన్ రైస్‌ తయారుచేసి 11 మంది ఆకలి బాధితుల కడుపు నింపింది. అలా అర్ధరాత్రి సమయంలో..అది కూడా ఆఫ్‌ డ్యూటీలో కూడా కరోనాపై పోరులో భాగస్వామురాలయింది విజయనగరం జిల్లా ఎస్పీ రాజకుమారి.

Know More

women icon@teamvasundhara
corona-virus-kerala-nurse-joins-in-hospital-after-diagnosed-from-corona

ఈ సిస్టర్‌ సంకల్ప శక్తి ముందు కరోనా ఓడిపోయింది..!

‘సిస్టర్‌.. జాగ్రత్త!’ అన్నారెవరో! ఫర్వాలేదులే అన్నట్టుగా చిన్నగా నవ్విందామె! కొన్నాళ్లకు.. ‘సిస్టర్‌.. జాగ్రత్త!’ అన్నారింకెవరో!! ‘నా ధర్మం నేను నిర్వర్తించాలి. భయపడితే ఎలా?’ అని సమాధానమిచ్చింది. ఇంకొన్నాళ్లకు.. ‘సిస్టర్‌.. జాగ్రత్త!’ అంటూ ఆ రాష్ట్ర మంత్రి ఫోన్‌ చేశారు. ‘ధన్యవాదాలు..’ అని చెప్పి కొత్త శక్తితో మళ్లీ విధుల్లో చేరింది. ఈ మూడు సంఘటనలు ఆమె శక్తిని తెలియజేసేవే! కరోనా బాధితులకు సేవలు చేసి.. తానూ వైరస్‌ బారిన పడి.. కొవిడ్‌పై గెలిచి మళ్లీ విధులకు హాజరవుతున్నారు కేరళ నర్సు రేష్మా మోహన్‌దాస్‌. ఆమెను వసుంధర పలకరించింది.. ఈ నర్సమ్మ అనుభవాలు ఆమె మాటల్లోనే..

Know More

women icon@teamvasundhara
corona-virus-9-months-pregnant-but-this-nurse-continues-to-serve-corona-patients

ప్రసవానికి సిద్ధం ...అయినా ఈ నర్సమ్మ డ్యూటీ మాత్రం మానలేదు!

9 నెలల నిండు గర్భిణీ అంటే సాధారణ సమయంలోనే ఇంట్లో ఎంతో జాగ్రత్తగా ఉంటారు. అత్యవసరమైతే తప్ప వారిని అడుగుబయటపెట్టనివ్వకూడదు. ఇక కరోనా మహమ్మారి గర్భిణీలతో పాటు చిన్న పిల్లలు, వృద్ధులు, దీర్ఘకాలిక వ్యాధి గ్రస్తులపై అధిక ప్రభావం చూపుతుందని వైద్య, ఆరోగ్య నిపుణులు హెచ్చరిస్తున్నారు. ప్రత్యేకించి ఈ గడ్డుకాలంలో గర్భిణీలు మరింత అప్రమత్తంగా ఉండాలని వారు చెబుతున్నారు. అయితే ఇలాంటి విపత్కర పరిస్థితుల్లోనూ కర్ణాటకకు చెందిన ఓ నర్సు 9 నెలల నిండు గర్భంతో రోగులకు వైద్య సేవలందిస్తోంది. మరికొద్ది రోజుల్లో ఓ పండంటి బిడ్డకు జన్మనివ్వనున్న ఆమె తన ఆరోగ్యం కన్నా ప్రజల ప్రాణాలే ముఖ్యమంటూ వృత్తి ధర్మాన్ని చాటుతోంది. మరి ఆపత్కాలంలోనూ వృత్తి పట్ల అంతటి అంకితభావం చూపుతున్న ఆ కరోనా యోధురాలి గురించి మనమూ తెలుసుకుందాం రండి.!

Know More

women icon@teamvasundhara
para-athlete-deepa-malik-announces-retirement

నాకెంతో ఇచ్చిన ఆటకు సేవ చేసే సమయమొచ్చింది!

ఆమె రెండు కాళ్లు పనిచేయకపోయినా బైక్‌పై రయ్‌... రయ్‌మంటూ దూసుకెళ్లి రికార్డులు సృష్టించింది. శరీరం సహకరించకపోయినా పారా అథ్లెట్‌గా పారాలింపిక్స్‌లో మన దేశానికి పసిడి పతకం అందించింది. చక్రాల కుర్చీకే పరిమితమైనా తన వాక్పటిమతో తనలాంటి వారిలో స్ఫూర్తినింపింది. ఇలా సానుకూల దృక్పథముంటే ఎలాంటి శారీరక వైకల్యాన్నైనా అధిగమించవచ్చని నిరూపించింది దీపా మలిక్‌. పారా అథ్లెట్‌గా ప్రపంచ క్రీడాపటంలో తనకంటూ ఓ గుర్తింపు సొంతం చేసుకున్న ఆమె తాజాగా ఆటకు వీడ్కోలు పలికింది. విజయానికి వయసు, వైకల్యం అడ్డుకావని నిరూపించి అపురూప విజయాలు సొంతం చేసుకున్న ఈ క్రీడాకారిణి గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
corona-virus-gandhi-hospital-gynecology-hod-doctor-mahalakshmi-special-interview

వైద్యులు ఆపదలో ఉన్నా శస్త్రచికిత్సకు పూనుకున్నారు..!

వేలల్లో ప్రసవాలు చేసిన చేతులు.. పెద్ద ప్రాణానికి ఏ ముప్పూ రాకుండా కాపాడిన చేతులు.. అడ్డం తిరిగిన బిడ్డనూ అడ్డంకులు అధిగమించి ఈ లోకంలోకి తెచ్చిన చేతులు.. ఈసారి తల్లీబిడ్డలే కాదు.. ఆ వైద్యులూ ఆపదలో ఉన్నారు. ప్రాణాలను ఫణంగా పెట్టి శస్త్రచికిత్సకు పూనుకున్నారు. గంటలోపు గండాన్ని దాటి.. శిశువుకు స్వాగతం పలికారు. కొవిడ్‌ బాధితురాలికి పురుడు పోసి వైద్యుల గొప్పదనాన్ని మరోసారి చాటారు. కరోనా బారినపడిన ఇద్దరు గర్భిణులకు అమ్మదనం ప్రసాదించారు. వారే గాంధీ ఆస్పత్రికి చెందిన వైద్యబృందం. దానికి నేతృత్వం వహించారు గాంధీ ఆస్పత్రి గైనకాలజీ హెచ్‌ఓడీ, ప్రముఖ వైద్యనిపుణురాలు డాక్టర్‌ మహాలక్ష్మి. ఈ సందర్భంగా వసుంధర ఆమెను పలకరించింది.

Know More

women icon@teamvasundhara
sania-mirza-wins-fed-cup-heart-award-becomes-first-indian-to-achieve-this-feat

సానియా అరుదైన ఘనత!

సాధారణంగా వివిధ రంగాల్లో రాణిస్తోన్న మహిళలు వివాహం తర్వాత లేదా తల్లయ్యాక తమ వృత్తిగత జీవితానికి వీడ్కోలు చెబుతుంటారు. కానీ, కొంతమంది మహిళలు మాత్రమే ఓ పక్క భార్యగా, తల్లిగా బాధ్యతలు సమర్థంగా నిర్వర్తిస్తూనే.. మరోపక్క తమ వృత్తిగత జీవితానికి సైతం న్యాయం చేస్తుంటారు. ప్రముఖ టెన్నిస్‌ స్టార్‌ సానియా మీర్జా కూడా ఈ కోవకే చెందుతుంది. మెటర్నిటీ బ్రేక్‌ తర్వాత తిరిగి తన కెరీర్‌ను పునః ప్రారంభించిన ఈ స్టార్‌ మామ్‌.. మాతృత్వం మహిళల ఆశయ సాధనకు ఏమాత్రం అడ్డు కాదని నిరూపిస్తోంది. ఈ క్రమంలో ఫెడ్ కప్ సంస్థ (ఇంటర్నేషనల్‌ టెన్నిస్‌ ఫెడరేషన్‌ - ITFకు అనుబంధ సంస్థ) ఇటీవలే సానియాను ‘ఫడ్‌ కప్ హార్ట్ అవార్డు’కు ఎంపిక చేసింది. ఈ ఘనత అందుకొన్న తొలి భారతీయురాలిగా సానియా చరిత్రకెక్కడం విశేషం.

Know More

women icon@teamvasundhara
special-feature-on-international-nurses-day

women icon@teamvasundhara
corona-virus-muslim-woman-hailed-as-corona-warrior-for-disinfecting-streets-in-delhi

శానిటైజర్‌ ట్యాంకును తగిలించుకుని!

రంజాన్‌ మాసంలో ఉపవాసం (రోజా) పాటించే ముస్లింలు ఎక్కువగా బయట తిరగరు. ఏదైనా అవసరమొచ్చి బయటకు వెళ్లినా త్వరగా పనులు ముగించుకుని ఇంటికి చేరుకుంటారు. ఈ మాసమంతా ఇంట్లోనో, మసీదులోనో ప్రార్థనలు చేస్తూ, ఖురాన్‌ను పఠిస్తూ ఉంటారు. ఈనేపథ్యంలో ఉపవాసం పాటిస్తూనే చురుగ్గా సేవా కార్యక్రమాల్లో పాల్గొంటోంది దిల్లీకి చెందిన ఇమ్రాన్‌సైఫీ. కరోనా తెచ్చిన కష్టకాలంలో తన వంతు బాధ్యతగా పరిశుభ్రతపై ప్రజలకు అవగాహన కల్పిస్తూ ఇళ్లు, గుళ్లు, మసీదులు, గురుద్వారాల్లో స్వయంగా శానిటైజర్‌ స్ర్పే చేస్తోంది. ముస్లింలు సంప్రదాయంగా ధరించే బుర్ఖాతోనే పరిసరాలన్నింటినీ పరిశుభ్రం చేస్తోందీ సూపర్‌వుమన్‌. మరి కరోనా మహమ్మారిపై తనదైన పోరు సాగిస్తున్న ఈ యోధురాలి గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
corona-virus-differently-able-mother-rides-1200km-to-bring-son-home

కన్న బిడ్డలు కళ్లెదుటే ఉండాలని తల్లడిల్లారు!

అమ్మను మించిన దైవం లేదంటారు. ఎందుకంటే ఆకాశమే హద్దుగా ఆమె చూపించే ప్రేమకు అంతనేది ఉండదు. సహనానికి నిలువెత్తు సాక్ష్యంగా నిలిచే తల్లి.. పిల్లల మోములో చిరునవ్వు కోసం ఎన్ని కష్టాలకైనా ఎదురీదుతుంది. ఈ మాటలను మరోసారి నిజం చేసింది మహారాష్ర్టలోని పుణే జిల్లా చించావడ్‌కు చెందిన సోనూ ఖందారే. లాక్‌డౌన్‌ కారణంగా సుదూర ప్రాంతంలో చిక్కుకుపోయిన తన కుమారుడిని వెనక్కి తీసుకొచ్చేందుకు పెద్ద సాహసమే చేసిందామె. ఈ ఆపత్కాలంలో కొడుకు తన కళ్లెదుటే ఉండాలని స్కూటీపై ఒంటరిగా రానూ పోనూ.. మొత్తంగా 1200కిలోమీటర్లు ప్రయాణం చేసిందామె. మరి ‘మాతృ దినోత్సవం’ వేళ అమ్మ ప్రేమకు అంతులేదని రుజువుచేసిన ఈ సూపర్‌ మామ్‌ గురించి కొన్ని ఆసక్తికర విషయాలు తెలుసుకుందాం రండి...

Know More

women icon@teamvasundhara
indian-professor-shobhana-narasimhan-got-placed-in-american-academy-of-arts-sciences
women icon@teamvasundhara
sania-opens-up-about-her-career-motherhood-and-more

‘భార్యా విధేయుడు’ అని అందుకే అన్నా..!

2015 క్రికెట్‌ వరల్డ్‌ కప్‌! సిడ్నీ క్రికెట్‌ గ్రౌండ్‌లో ఆస్ర్టేలియా, భారత్‌ జట్ల మధ్య సెమీస్‌ మ్యాచ్‌ జరుగుతోంది.. భారత క్రికెట్‌ అభిమానుల ఆశలన్నీ స్టార్‌ క్రికెటర్‌ విరాట్‌ కోహ్లీ పైనే ఉన్నాయి! అయితే వారి ఆశలపై నీళ్లు చల్లుతూ కేవలం ఒక్క పరుగుకే పెవిలియన్‌ చేరుకున్నాడు విరాట్‌! ఆ మ్యాచ్‌లో భారత జట్టు 95 పరుగుల తేడాతో ఓటమి పాలైంది..! భారత ఆటగాళ్ల సమష్టి వైఫల్యమే ఈ పరాజయానికి కారణమని క్రీడా పండితులు కూడా విశ్లేషించారు. కానీ అనుష్క కారణంగానే కోహ్లీ త్వరగా ఔటయ్యాడని, అందుకే భారత జట్టు పరాజయం మూటగట్టుకుందని చాలామంది ఆమెను ఆడిపోసుకున్నారు. ఈ సందర్భంలోనే కాదు.. కోహ్లీ క్రికెట్‌లో ఫెయిలయినప్పుడల్లా చాలామంది అనుష్కనే బాధ్యురాలిని చేస్తూ విమర్శలు గుప్పించారు. ఈక్రమంలో భర్త వైఫల్యానికి భార్యను ఎలా బాధ్యురాలిని చేస్తారు అని ప్రశ్నిస్తోంది టెన్నిస్‌ స్టార్ సానియా మీర్జా.

Know More

women icon@teamvasundhara
neerja-birla-on-her-coronavirus-mental-health-helpline

మీ ఆందోళనల గురించి పంచుకోండి!

‘కరోనా సృష్టించిన ఈ విపత్కర పరిస్థితి నుంచి మనం తిరిగి మామూలు స్థితికి చేరుకోవడం అనేది పలు సవాళ్లతో కూడుకున్న విషయమే..! అయితే అందుకు కాస్త సమయం పడుతుంది..’ అంటున్నారు ప్రముఖ పారిశ్రామికవేత్త కుమార మంగళం బిర్లా సతీమణి నీర్జా బిర్లా. ‘Mpower’ అనే సంస్థకు ఛైర్‌పర్సన్‌గా, వ్యవస్థాపకురాలిగా వ్యవహరిస్తోన్న ఆమె.. ఈ సంస్థ ద్వారా ప్రజలకు మానసిక సమస్యలపై అవగాహన కల్పిస్తూ వాటికి తగిన పరిష్కార మార్గాలను సూచిస్తున్నారు. ఈ క్రమంలోనే ఈ లాక్‌డౌన్‌ సమయంలో ప్రజలు ఎదుర్కొంటోన్న రకరకాల మానసిక సమస్యలకు ఆన్‌లైన్‌ ద్వారా పరిష్కారాలను చూపేందుకు.. BMC (Birla Management Corporation), ముంబై ప్రభుత్వాలు సంయుక్తంగా ఓ హెల్ప్‌లైన్‌ వేదికను ఏర్పాటు చేయడం విశేషం.

Know More

women icon@teamvasundhara
corona-virus-bengaluru-based-doctor-invited-to-help-uk-manage-corona-crisis

కరోనాకు కళ్లెం వేసేందుకు ఖండాలు దాటనుంది!

‘వైద్యో నారాయణో హరి’ అంటూ వైద్యులను సాక్షాత్తూ ఆ భగవత్‌ స్వరూపులుగా పోల్చారు మన పెద్దలు. కనిపెంచిన తల్లిదండ్రులు, విద్యాబుద్ధులు నేర్పించే గురువు తర్వాత దేవుడిగా భావించేది డాక్టర్లనే. ప్రస్తుతం ప్రపంచాన్ని పట్టి పీడిస్తోన్న కరోనాకు పగ్గాలు వేసేందుకు డాక్టర్లు, నర్సులు పడుతోన్న శ్రమను చూస్తుంటే ఈ మాటలు గుర్తుకురాక మానవు. ఆపత్కాలంలో అహర్నిశలూ వైద్య సేవలు అందజేస్తూ అందరి మన్ననలు అందుకుంటున్నారీ సూపర్‌ హీరోస్‌. ఇక విదేశాల్లో స్థిరపడ్డ భారతీయ వైద్యులు కూడా కరోనాపై అలుపెరగని పోరాటం చేస్తున్నారు. ప్రాణాలను సైతం లెక్కచేయకుండా కరోనా రోగులకు వూపిరిపోస్తున్నారు. ఈనేపథ్యంలో వైరస్‌ వ్యతిరేక పోరులో భాగంగా తనవంతు సహాయం చేసేందుకు బ్రిటన్‌కు పయనమవుతోంది బెంగళూరుకు చెందిన డాక్టర్‌ రూపా వెంకటేశ్‌. గతంలో అక్కడ వైద్యురాలిగా సేవలందించిన ఆమెకు బ్రిటన్‌ నుంచి పిలుపు రావడంతో ఈ ప్రతికూల పరిస్థితుల్లోనూ తన ప్రాణాలకు తెగించి మరీ వెళ్లడానికి సిద్ధమవుతోందీ లేడీ డాక్టర్‌.

Know More

women icon@teamvasundhara
kerala-first-tribal-girl-to-crack-civil-service-to-join-as-assistant-collector-in-kozhikode

పేదరికం వెక్కిరించినా కలెక్టర్ కాబోతోంది!

ఆమె తల్లిదండ్రులిద్దరూ రోజువారీ కూలీలు.. పనిచేస్తే గానీ ఐదు వేళ్లూ నోట్లోకి వెళ్లలేని పరిస్థితి ఆ కుటుంబానిది.. ఇలా చిన్ననాటి నుంచి పేదరికమే ఆమెను అడుగడుగునా వెక్కిరించింది.. ఇలాంటి పరిస్థితుల్లోనూ ఉన్నత చదువులు చదవాలని, దేశంలోనే అత్యంత ప్రతిష్ఠాత్మకమైన సివిల్స్‌కు గురిపెట్టాలని అనుకోవడం అందని ద్రాక్షే అవుతుంది.. అయినా ఆమె తన కలను వీడలేదు. ఒక్కసారి కాదు, రెండుసార్లు విఫలమైనా ముచ్చటగా మూడోసారి సక్సెస్ అయింది. 2018యూపీఎస్సీ పరీక్షల్లో ఉత్తమ ర్యాంకు సాధించి పలువురు ప్రముఖుల ప్రశంసలు పొందింది. అంతేకాదు కేరళ నుంచి సివిల్స్‌కు ఎంపికైన తొలి గిరిజన యువతిగా రికార్డు సృష్టించింది. ఆమే.. కేరళలోని కురిచియల అనే గిరిజన తెగకు చెందిన శ్రీధన్య సురేశ్. కరోనా పోరులో భాగంగా త్వరలోనే కోజికోడ్‌ జిల్లా కలెక్టర్‌గా బాధ్యతలు చేపట్టబోతున్న శ్రీధన్య విజయ ప్రస్థానమిది.

Know More

women icon@teamvasundhara
indian-origin-appointed-as-newyork-federal-court-judge

ప్రతిభతో అక్కడ అందలమెక్కారు!

భారతగడ్డపై పుట్టి పెరిగి, విదేశాల్లో స్థిరపడి, అక్కడ వివిధ రంగాల్లో తమ సత్తా చాటుతోన్న మహిళలు ఎందరో ఉన్నారు. ప్రవాస భారతీయులుగా శాస్ర్త, సాంకేతిక రంగాల్లో తమ ప్రతిభను నిరూపించుకుంటూ ఉన్నత అవకాశాలను అందుకుంటున్నారు. అదేవిధంగా వివిధ దేశాల రాజకీయాల్లోనూ స్పష్టమైన ముద్ర వేసి అక్కడి ప్రజల అభిమానాన్ని చూరగొంటున్నారు. ఇక ప్రపంచానికి పెద్దన్న అని చెప్పుకునే అమెరికా రాజకీయాల్లో భారతీయులే కీలకంగా వ్యవహరిస్తున్నారు. అలాంటి అగ్రరాజ్యంలో మరో భారతీయురాలికి అరుదైన గౌరవం దక్కింది. ఈక్రమంలో తెలంగాణ రాష్ట్రానికి చెందిన సరితా కోమటిరెడ్డి న్యూయార్క్‌ ఫెడరల్‌ డిస్ట్రిక్ట్‌ కోర్టు జడ్జిగా నామినేట్‌ అయ్యారు.

Know More

women icon@teamvasundhara
corona-virus-eight-months-pregnant-doctor-attend-to-patients

మది నిండా మానవత్వంతో..

అనంతపురం జిల్లా గోరంట్ల మండల కేంద్రం పీహెచ్‌సీ అది. అక్కడ ఇన్‌ఛార్జిగా సేవలు అందిస్తున్నారు డాక్టర్‌ ప్రత్యూష. ఎనిమిది నెలల గర్భిణి ఆమె. కావాలనుకుంటే సెలవులు తీసుకోవచ్చు. కానీ, వద్దనుకున్నారు. ఈ విపత్కర పరిస్థితుల్లో ప్రజలకు సేవలందించాలనుకున్నారు. ఆస్పత్రికి వస్తున్న రోగులను పరీక్షిస్తున్నారు. కడప జిల్లా బద్వేలుకు చెందిన ప్రత్యూష నెల్లూరు నారాయణ వైద్య కళాశాలలో ఎంబీబీఎస్‌ చదివారు. బెంగళూరులో పీజీ చేశారు. గతేడాది గోరంట్ల పీహెచ్‌సీలో వైద్య అధికారిణిగా విధుల్లో చేరారు. ఆమె భర్త కర్ణాటకలో ఉంటారు. ఆయన భారత అంతరిక్ష పరిశోధన కేంద్రంలో సివిల్‌ ఇంజినీర్‌గా పనిచేస్తున్నారు. ఇంట్లో అత్తమామలు, మూడేళ్ల చిన్నారి బాధ్యత కూడా ఆమెదే! ఈ నేపథ్యంలో రోజూ విధులకు హాజరవుతున్నారు. అర్ధరాత్రి, అపరాత్రి అత్యవసర కేసులు వస్తే.. వెంటనే ఆస్పత్రికి వెళుతున్నారు. కాన్పులు చేస్తున్నారు. ముఖ్యంగా పాముకాటుకు గురైనవారికి, వైద్యం కోసం దూర ప్రాంతాలకు వెళ్లలేని వారికి..అహర్నిశలూ వైద్యసేవలు అందుబాటులో ఉండేలా చూస్తున్నారు. వృత్తిపై ఆమె అంకితభావాన్ని అందరూ కొనియాడుతున్నారు.

Know More

women icon@teamvasundhara
corona-virus-mother-rejoins-lock-down-duty-two-days-after-daughter-death

బిడ్డ చనిపోయిన రెండు రోజులకే డ్యూటీలో చేరింది!

ఇంట్లో ఓ మనిషినో, ఆత్మీయుడినో కోల్పోతే ఆ బాధను మాటల్లో చెప్పలేం. చనిపోయింది పిల్లలైతే ఆ విషాదం నుంచి తేరుకోవాలంటే అంత సులభం కాదు. అలాంటిది 13 ఏళ్లు అపురూపంగా పెంచుకున్న కన్న కూతురు కానరాని లోకాలకు వెళ్లిపోతే ఓ తల్లి పడే ఆవేదన ఎలా ఉంటుందో అసలు వూహించలేం. ఆ బాధ నుంచి కోలుకుని సాధారణ స్థితికి రావడం అసాధ్యమనే చెప్పుకోవాలి. అలాంటిది కూతురు మరణించిన రెండు రోజుల వ్యవధిలోనే తిరిగి విధులకు హాజరైంది ఓ మహిళా హోంగార్డ్‌. కడుపుకోతను దిగమింగుకుంటూ, కన్నీళ్లు తుడుచుకుంటూనే కరోనా వైరస్‌పై పోరాడేందుకు సిద్ధమైంది. తన వృత్తి నిబద్ధతతో అందరి మన్ననలు అందుకుంటోన్న ఆ సూపర్‌ పోలీస్‌ గురించి మనమూ తెలుసుకుందాం రండి!

Know More

women icon@teamvasundhara
laxmi-agarwal-stands-for-women-facing-domestic-violence

ఎవరూ ఒంటరి కాదు.. మీకు నేనున్నా!

కరోనా లాక్‌డౌన్‌ మొదలయ్యాక దేశవ్యాప్తంగా ఎంతోమంది మహిళలు గృహహింస, ఇతర అఘాయిత్యాలకు గురవుతున్నారని కొద్దిరోజుల క్రితం జాతీయ మహిళా కమిషన్‌ వెల్లడించిన సంగతి తెలిసిందే. కేంద్రం లాక్‌డౌన్‌ ప్రకటించిన తర్వాత దేశం నలుమూలల నుంచి గృహహింసకు సంబంధించిన ఫిర్యాదులు విపరీతంగా వస్తున్నాయని NCW ప్రకటించింది. ఇందుకోసం కేంద్రం ప్రత్యేకంగా ఓ ఆన్‌లైన్‌ వేదికను కూడా ఏర్పాటు చేయడం గమనార్హం. ఈ క్రమంలో అఘాయిత్యాలు, గృహహింస సమస్యలు ఎదుర్కొంటోన్న మహిళలకు సోషల్‌ మీడియా ద్వారా సహాయం అందిస్తానంటోంది ప్రముఖ సామాజిక కార్యకర్త, యాసిడ్‌ దాడి బాధితురాలు లక్ష్మీ అగర్వాల్‌.

Know More

women icon@teamvasundhara
corona-viurs-mulugu-mla-seethakka-provides-groceries-to-the-tribes
women icon@teamvasundhara
corona-virus-starving-mum-cooks-stones-for-hungry-children-until-they-fall-asleep

ఎంత కష్టం.. ఎంత కష్టం.. పిల్లల ఆకలి తీర్చేందుకు రాళ్లనే ఉడికించింది!

అన్న మనపై అనురాగం చూపించొచ్చు.. అక్క మనకి ఆప్యాయత పంచచ్చు. నాన్న మన బాధ్యత తీసుకోవచ్చు. కానీ అమ్మ మాత్రం అన్నీ తానే అయి పిల్లల్ని కడుపులో దాచుకుంటుంది. అందుకే ఈ సృష్టిలో దేనికైనా ప్రత్యామ్నాయం దొరుకుతుందేమో కానీ.. అమ్మ ప్రేమకు మరేదీ సాటిరాదని చెప్పడం అతిశయోక్తి కాదు.. కష్టమొచ్చినా, కన్నీళ్లొచ్చినా పిల్లల మేలు కోసం ఎంతటి త్యాగానికైనా సిద్ధపడుతుంది అమ్మ. వాళ్ల బాగోగుల కోసం తన శక్తినంతా ధారపోస్తుంది. అందుకే పిల్లలు కూడా అమ్మనే ‘సూపర్‌ హీరో’గా భావిస్తారు. తను తోడుంటే ఎలాంటి సమస్య వచ్చినా ఇట్టే పరిష్కారం దొరుకుతుందని ఆ పిల్లల నమ్మకం. అలాంటి నమ్మకాన్ని ఈ పిల్లలు కూడా తన తల్లిలో చూశారు. అయితే తన పిల్లల ఆకలిని చూడలేక ఎప్పటికీ ఉడకని వంట చేసిందా తల్లి. అయితే అది తినేందుకు మాత్రం కాదని ఆ పసి హృదయాలకు తెలియదు. గంజి మెతుకులకు నోచుకోని తన పిల్లల ఆకలిని మరిపించడానికి ఆ తల్లికి ఇంతకంటే వేరే దారి కనిపించలేదు. వినగానే గుండె బరువెక్కించే ఈ హృదయవిదారక ఘటన కెన్యాలో చోటుచేసుకుంది.

Know More

women icon@teamvasundhara
lalitha-appointed-as-a-andhra-pradesh-high-court-justice

తెల్లకోటు వేసుకోవాలనుకున్నా.. నల్లకోటు వచ్చింది..!

డాక్టర్‌ అవ్వాలనుకున్నారు ఆమె. ‘ఆర్డర్‌.. ఆర్డర్‌.. నువ్వు న్యాయవాది కావాలి. న్యాయానికి న్యాయం చేయాలి’ అన్నారు వాళ్ల నాన్న. ఆయనపై ప్రేమతో లా చదివారు. బండెడు పుస్తకాల్లో క్లాజులు, సబ్‌క్లాజులు అన్నీ కరతలామలకమయ్యాయి. ఏళ్లకేళ్లు ఒకటే దీక్ష. వందల్లో కేసులు.. వేలల్లో వాదనలు.. ఎన్నెన్నో మరపురాని విజయాలు.. ఇప్పుడు ఆంధ్రప్రదేశ్‌ హైకోర్టులో ‘ఆర్డర్‌ ఆర్డర్‌’ అనే స్థాయికి చేరుకున్నారు. ఆమె మరెవరో కాదు.. తెలుగింటి ఆడబిడ్డ కన్నెగంటి లలిత. ఆంధ్రప్రదేశ్‌ హైకోర్టు న్యాయమూర్తిగా ప్రమాణస్వీకారం చేసిన సందర్భంగా ‘వసుంధర’తో పంచుకున్న అనుభవాలు ఆమె మాటల్లోనే..

Know More

women icon@teamvasundhara
corona-virus-doctors-receives-heart-warming-applauds-for-their-essential-services

ఈ డాక్టరమ్మలకు దక్కిన అరుదైన గౌరవమిది!

కరోనా బారి నుంచి తమను తాము కాపాడుకునే క్రమంలో కోట్లాది మంది ప్రజలు ఇళ్లకే పరిమితమయ్యారు. ఇదే సమయంలో ఈ ప్రమాదకర వైరస్‌ను కట్టడి చేసేందుకు ఎంతోమంది వైద్య సిబ్బంది యుద్ధవీరుల్లా ముందుండి పోరాడుతున్నారు. రోగుల నుంచి వైరస్ సోకే ప్రమాదం ఉన్నప్పటికీ వృత్తి ధర్మానికే ఓటేస్తూ మరీ వైద్య సేవలు అందజేస్తున్నారు. ఓవైపు ఒంటిపై నున్న పీపీఈ కిట్లు ఊపిరాడనివ్వకున్నా తమ వైద్యంతో కరోనా బాధితులకు ఊపిరి పోస్తున్నారు. నెలల తరబడి కుటుంబ సభ్యులకు దూరంగా ఉంటూ విపత్కర పరిస్థితుల్లోనూ వెలకట్టలేని సేవలు అందిస్తున్నారు. ఈక్రమంలో ‘వైద్యో నారాయణో హరి’ అనే మాటలను నిజం చేసిన ఈ డాక్టరమ్మలు ఎలాంటి మన్ననలు అందుకున్నారో తెలుసుకుందాం రండి!

Know More

women icon@teamvasundhara
biocon-chief-kiran-mazumdar-shaw-recognized-among-world’s-top-inspirational-leaders-in-biopharma

‘బయో’ క్వీన్‌కు అరుదైన గౌరవం!

భారత్‌లో ‘బయో టెక్నాలజీ’ అంటే టక్కున గుర్తొచ్చే పేరు కిరణ్‌ మజుందార్‌షా. 70 వ దశకంలో చిన్న సంస్థగా ప్రారంభమైన ‘బయోకాన్‌’ నేడు భారత్‌లోనే అతి పెద్ద బయో ఫార్మా కంపెనీగా రూపుదిద్దుకుందంటే.. అందుకు కిరణ్‌ వ్యాపార దక్షత, పట్టుదలే కారణం. ప్రస్తుతం ఆ సంస్థ ఛైర్‌పర్సన్‌, మేనేజింగ్‌ డైరెక్టర్‌గా వ్యవహరిస్తోన్న ఆమె.. వ్యాపార రంగంలోనే కాదు, సామాజిక సేవలోనూ ముందున్నారు. ఆర్థిక అంతరాలతో సంబంధం లేకుండా అవసరమైన వారందరికీ వైద్య సదుపాయాలు కల్పిస్తున్నారు. బయోఫార్మా రంగానికి సంబంధించి ఆమె చేస్తోన్న సేవలకు గుర్తింపుగా ఇప్పటికే ఎన్నో అవార్డులు, పురస్కారాలు అందుకున్నారీ సూపర్‌ వుమన్‌. ఈ క్రమంలో ఆమె తాజాగా మరో అరుదైన గుర్తింపును సొంతం చేసుకున్నారు. ఔషధ రంగానికి సంబంధించిన ‘మెడిసిన్‌ మేకర్‌’ సంస్థ విడుదల చేసిన అత్యంత స్ఫూర్తిదాయక పారిశ్రామికవేత్తల జాబితాలో చోటు సంపాదించారామె. ఈ జాబితాలో స్థానం దక్కించుకోవడం ఆమెకిది వరుసగా ఆరోసారి కావడం విశేషం.

Know More