మనలో కొందరు అన్ని రకాల అవకాశాలు అందుబాటులో ఉన్నా.. ఇంకేదో లేదన్న అంసతృప్తితోనే ఉంటారు. ఎలాంటి శారీరక లోపం లేనివారు కూడా తమకు కాలం కలిసి రావట్లేదని, అదృష్టం వరించట్లేదని.. ఇలా ఏవేవో కారణాలు చెబుతుంటారు. అయితే సాధించాలనే పట్టుదల, దీక్ష ఉండాలే కానీ ఎలాంటి ప్రతికూల పరిస్థితులైనా మనకు అనుకూలంగా మార్చుకోవచ్చని నిరూపించింది మధురైకి చెందిన కౌసల్యా కార్తీక అనే మహిళ. చిన్నతనంలోనే మాట, వినికిడి లోపం తనను వెక్కిరించినా.. అందుకు ఏమాత్రం వెరవలేదామె. తనదైన ఆత్మవిశ్వాసంతో జీవితంలో ముందుకు దూసుకెళ్లిన కౌసల్య.. ఇప్పుడు ఏకంగా కోటీశ్వరురాలైంది. తమిళంలో ప్రసారమవుతోన్న ‘కోటీశ్వరి’ కార్యక్రమంలో పాల్గొన్న ఆమె.. ఏకంగా కోటి రూపాయల ప్రైజ్‌ మనీని కొల్లగొట్టింది. ఈ నేపథ్యంలో ఈ కోటీశ్వరురాలి కథేంటో మనమూ తెలుసుకుందాం రండి..

మార్పు అనేది మాటల్లో చూపించేది కాదు చేతల్లో రుజువు చేసేది. వట్టి మాటలతోనే సమాజం సన్మార్గంలో పయనిస్తుందనుకుంటే.. అదెప్పుడో జరిగేది. అందుకే ‘వట్టి మాటలు కట్టిపెట్టవోయ్‌ గట్టి మేల్‌ తలపెట్టవోయ్‌’ అన్నారు పెద్దలు. ఈ మాటలను అక్షర సత్యం చేస్తూ మహిళా స్ఫూర్తికి అద్దం పడుతున్నారు బీఎంటీసీ (బెంగళూరు మెట్రోపాలిటన్‌ ట్రాన్స్‌పోర్ట్‌ కార్పొరేషన్‌) మేనేజింగ్‌ డైరెక్టర్‌ సి.శిఖ. బెంగళూరు ప్రయాణికుల కోసం కొత్తగా తెచ్చిన వోల్వో బస్సులను స్వయంగా నడిపి పరీక్షించారామె. అందుకు సంబంధించిన వీడియో అంతర్జాలంలో చక్కర్లు కొడుతుండగా, డ్రైవింగ్‌పై ఆసక్తి ఉన్న స్త్రీలకు ఈ వీడియో ఎంతో స్ఫూర్తినిస్తోంది. అధికారి అంటే ఇలానే ఉండాలని చాటుతోంది. అయితే కొంతమంది మటుకు శిఖా చేసింది తప్పంటున్నారు. ఎందుకో చూద్దాం రండి !

‘మీ కుటుంబ సభ్యుల్లో వయసులో అందరికంటే పెద్దవాళ్లు ఎవరు?’ అని అడిగితే.. సాధారణంగా అమ్మమ్మ, నాన్నమ్మ, తాత అంటూ సమాధానమిస్తారు. చిన్నపిల్లలైతే తాతమ్మలు, ముత్తాతలు అని చెబుతారు. అదేవిధంగా చాలామందికి అప్పుడప్పుడు ‘ప్రపంచంలోనే వయసులో అందరికంటే పెద్దవారు ఎవరు?’ అన్న సందేహం వస్తుంటుంది. అందుకు సమాధానమే జపాన్‌కు చెందిన బామ్మ ‘కానె తనక’. 117 ఏళ్ల వయసుతో ప్రపంచంలోనే బతికున్న వారిలో అత్యధిక వయస్కురాలిగా తన రికార్డును తానే బద్దలు కొట్టారీ గ్రాండ్‌ ఓల్డ్‌ వుమన్‌. తాజాగా 117వ ఏటలోకి అడుగుపెట్టిన ఈ బామ్మ..తన పుట్టిన రోజు వేడుకలు ఘనంగా జరుపుకున్నారు. మరి అత్యధిక వయసుతో ప్రపంచంలో అందరికీ అమ్మమ్మగా మారిన ‘కానె’ గురించి కొన్ని ఆసక్తికర విషయాలు తెలుసుకుందాం రండి.

సరిహద్దుల్లో విధులు నిర్వహిస్తూ.. సెలవులు లేని సేవకుల్లా దేశాన్ని కంటికి రెప్పలా కాపాడుతుంటారు మన సైనికులు. సుస్తీ చేసినా..ప్రాణాలమీద కొచ్చినా..కంటి మీద కునుకు లేకుండా గస్తీ కాస్తుంటారీ గ్రేట్‌ సోల్జర్స్‌. దేశ ప్రజల రక్షణే ప్రధాన కర్తవ్యంగా భావించే సైన్యం.. ఎక్కడైనా, ఎలాంటి ప్రకృతి వైపరీత్యం సంభవించినా..క్షణాల్లో ప్రత్యక్షమై సహాయ సహకారాలు అందిస్తుంటుంది. ఈ క్రమంలో ఇండియన్‌ ఆర్మీకి చెందిన ఇద్దరు మహిళా కెప్టెన్లు మానవత్వానికి మారుపేరులా నిలిచారు. కదులుతున్న రైళ్లో పురిటి నొప్పులతో బాధపడుతున్న తోటి ప్రయాణికురాలికి ప్రసవం చేసి తల్లీ బిడ్డకు పునర్జన్మనిచ్చారు.

పెళ్లై పిల్లలు పుట్టారంటే ఇక ఆడవారి కెరీర్‌ ముగిసినట్లే.. అనేది చాలామంది భావన. అయితే అలాంటి ప్రతికూల భావాల్ని తాము సాధించే విజయాలతో తప్పని నిరూపిస్తున్నారు నేటి తరం మహిళలు. సినిమా, వ్యాపారం, రాజకీయాలు, క్రీడలు.. ఒకటా రెండా దాదాపు ప్రతి రంగంలోనూ మహిళలు సెకండ్‌ ఇన్నింగ్స్‌ ఆరంభించి సక్సెస్‌ఫుల్‌గా ముందుకు దూసుకుపోతున్నారు. ఇందుకు తాజా ఉదాహరణే భారత చెస్‌ గ్రాండ్‌మాస్టర్‌ కోనేరు హంపి. కూతురు అహనాకు జన్మనిచ్చి, ఆమె ఆలనా పాలన చూసుకోవడంలో రెండేళ్లు బిజీగా గడిపిన ఈ చెస్‌ ప్లేయర్‌.. తన రెండో ఇన్నింగ్స్‌ను అద్భుతంగా ఆరంభించింది. ఈ ఏడాది రష్యాలో జరిగిన ఫిడే మహిళల గ్రాండ్‌ ప్రిలో విజేతగా నిలిచిన హంపి.. తాజాగా మహిళల ప్రపంచ ర్యాపిడ్‌ చెస్‌ ఛాంపియన్‌షిప్‌ వంటి ప్రతిష్ఠాత్మక టోర్నీలో విజయాన్నందుకొని చరిత్ర సృష్టించింది. ఈ నేపథ్యంలో ఈ చెస్‌ దిగ్గజం గురించి కొన్ని ఆసక్తికర విశేషాలు మీకోసం..

జలపాతం కిందికి చేరితే కేరింతలు. పైకి చేరుకునే మార్గముంటే ఆనందం కొండంతలు. అక్కడి నుంచి తాడు సాయంతో కిందకు రమ్మంటే.. జరజర జారుతూ రావాలంటే.. జలధారలు చీల్చుకుంటూ దిగాలంటే.. ఎందుకొచ్చిన జలపాతం అనుకుంటాం. ఈ సాహసాలన్నీ కలిపి చేస్తే అదే రాపెలింగ్‌. సాహసవంతుల వినోద క్రీడ. ఈ సాహసాన్ని 56 ఏళ్ల మహిళ చేస్తే.. అదే పదే పదే చేస్తే.. కళ్లకు గంతలు కట్టుకొని మరీ చేస్తే.. అది అద్భుతం. ఆశ్చర్యకరం. అందుకే ఆమెను విశాఖపట్నం దగ్గర్లోని కటికి జలపాతం దగ్గర నిర్వహిస్తున్న రాపెలింగ్‌ ప్రపంచకప్‌ పోటీలకు బ్రాండ్‌ అంబాసిడర్‌గా ప్రకటించారు. ఆ పెద్దావిడ పేరు ఇందుకూరి విజయలక్ష్మి. ఈమెతో పాటు హరిత అనే 21 ఏళ్ల యువతి కూడా బ్రాండ్‌ అంబాసిడర్‌గా గుర్తింపు పొందారు. ఈ ఇద్దరు సాహస మహిళల కథ చదివేయండి మరి. - విజయలక్ష్మి

73 ఏళ్ల వయసు. పైగా భర్త మరణించారు. ఈ పరిస్థితుల్లో ఎవరున్నా ఒంటరితనంతో సావాసం చేస్తూ మోక్షం కోసం ఎదురుచూస్తుంటారు. అటువంటిది ఓ బామ్మ కిలోమీటర్లకు కిలోమీటర్లు జాగింగ్‌ చేస్తోంది. పైగా ఒకరోజో రెండ్రోజులో కాదు సంవత్సరాల తరబడి చేస్తోంది. ఎందుకో తెలుసా ? దీనులను ఆదుకునేందుకు ! అదేంటి.. ఎవర్నైనా ఆదుకోవాలంటే ఏ అన్నదానమో చేయాలి.. లేదంటే ఎంతో కొంత డబ్బివ్వాలి. కానీ ఇలా జాగింగ్‌ చేస్తే ఏమొస్తుంది ? ఆమెకు నీరసం.. చూసే వారికి నవ్వు తప్ప ! అని అనుకుంటారేమో ! ఆమె జాగింగ్‌ వెనుక గొప్ప సదుద్దేశమే ఉంది. అది వింటే మీరూ నిజమే అని ఆమెతో పాటు జాగింగ్‌ చేసినా ఆశ్చర్యం లేదు. మరైతే ఈ బామ్మ జాగింగ్‌ వెనుక రహస్యం ఏంటో తెలుసుకుందాం పదండి !

క్రికెట్ అంటే పురుషుల ఆట.. ఇది మొన్నటి మాట. కానీ, నేడు ఈ క్రీడలో మహిళలు సాధిస్తోన్న విజయాలు, వారు అధిరోహిస్తోన్న పదవులు.. ఇవన్నీ చూస్తుంటే క్రికెట్‌లో లింగ సమానత్వం సాధించడానికి రోజులు దగ్గరపడుతున్నాయనిపించక మానదు. కేవలం క్రీజులో క్రీడాకారిణులుగానే కాదు.. క్రికెట్‌ కామెంటేటర్స్‌గా, అంపైర్లుగానూ విధులు నిర్వర్తిస్తూ ఈ రంగంలోని ప్రతి పదవినీ అధిరోహిస్తున్నారు మహిళలు. ఈ నేపథ్యంలోనే ఈ ఏడాది మే నెలలో ఆంధ్రప్రదేశ్‌కు చెందిన మాజీ క్రికెటర్ జీఎస్ లక్ష్మికి మ్యాచ్ రిఫరీగా బాధ్యతల్ని అప్పగించింది ఐసీసీ. దీంతో అంతర్జాతీయ క్రికెట్ మ్యాచుల్లో మ్యాచ్ రిఫరీగా బాధ్యతలు చేపట్టిన తొలి మహిళగా ఘనత సాధించారు 51 ఏళ్ల లక్ష్మి. అయితే ఇప్పటిదాకా అంతర్జాతీయ స్థాయిలో మహిళల క్రికెట్‌ మ్యాచులకు మాత్రమే రిఫరీగా వ్యవహరించిన లక్ష్మి.. మరో రెండు రోజుల్లో జరగబోయే అంతర్జాతీయ పురుషుల వన్డే మ్యాచ్‌కు రిఫరీగా వ్యవహరించనున్నారు. అదే జరిగితే అంతర్జాతీయ పురుషుల వన్డే మ్యాచ్‌కు రిఫరీగా పనిచేయనున్న మొట్టమొదటి మహిళా మ్యాచ్ రిఫరీగా సరికొత్త రికార్డు నెలకొల్పుతారీ మాజీ క్రికెటర్‌. ఈ నేపథ్యంలో ఈ మహిళా రిఫరీ తన గురించి పంచుకున్న కొన్ని ఆసక్తికర విశేషాలు ఆమె మాటల్లోనే మీకోసం..

సామాజిక సేవకు పర్యాయపదంగా నిలుస్తూ..ఎంతోమందికి స్ఫూర్తిగా నిలిచారు సుధామూర్తి. ఇన్ఫోసిస్‌ ఫౌండేషన్‌ ఛైర్‌పర్సన్‌గా, సామాజిక కార్యకర్తగా, రచయిత్రిగా ఆకాశమంత ఎత్తుకు ఎదిగినా సింపుల్‌గా, సాదాసీదాగా ఉండడానికే ఇష్టపడే ఆమె వ్యక్తిత్వం ఎందరికో ఆదర్శం. ఫౌండేషన్‌ బాధ్యతలు సమర్థంగా నిర్వహిస్తూనే.. సామజిక సేవా కార్యక్రమాల్లో్ చురుగ్గా పాల్గొంటారు మిసెస్‌ మూర్తి. ఆమె సేవలను గుర్తించిన భారత ప్రభుత్వం 2006లో పద్మశ్రీ పురస్కారంతో ఆమెను గౌరవించింది. చక్కనైన చీరకట్టు..నుదుటన బొట్టుతో సింప్లిసిటీకి కేరాఫ్‌ అడ్రస్‌గా కనిపించే ఆమె తాజాగా ప్రముఖ టీవీ షో ‘కౌన్‌ బనేగా కరోడ్‌పతి’ (కేబీసీ) కు ప్రత్యేక అతిథిగా హాజరయ్యారు. ఈ క్రమంలో తన కళాశాల జీవితంతో పాటు తన సేవలకు సంబంధించిన పలు ఆసక్తికర విశేషాలను ప్రేక్షకులతో పంచుకున్నారు.

జీవితం నీటి ప్రవాహం వంటిది. అడ్డుగోడలు, ఆనకట్టలు ఎన్ని ఎదురైనా.. మలుపులు తీసుకొంటూ గమ్యాన్ని చేరాల్సిందే. ఇలా తన జీవితాన్ని మలచుకొని అనుకున్నది సాధించింది మెహరున్నీసా షౌకత్ అలీ అనే మహిళ. ఆమె లక్ష్యం ఒక్కటే... జనానికి రక్షణగా ఉండి సహాయం చేయడం. ఇందుకోసం మొదట మిలిటరీలో చేరాలనుకుంది. కనీసం పోలీస్ అయినా కావాలనుకుంది. చివరికి బౌన్సర్ అయింది. దిల్లీలోని సోషల్ బార్‌లో ఆమె ఇప్పుడు ఫేమస్ బౌన్సర్. ఉద్యోగం ఏదైనా అనుకున్న లక్ష్యాన్ని చేరుకున్నందుకు గర్వంగా ఉందంటున్న మెహరున్నీసా ఇక్కడ వరకూ చేరుకోవడానికి చాలానే కష్టాలు అనుభవించింది.