scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'ఈ ఇద్దరిలో ఎవరిని చేసుకోవాలి?'

'ఆ అమ్మాయి తన తల్లిదండ్రులకు ఒక్కగానొక్క కూతురు. అల్లారుముద్దుగా పెంచుకున్నారు. అడగకముందే అన్నీ సమకూర్చేవారు. ఉన్నత విద్యను అందించి.. తన కాళ్లపై తాను నిలబడేలా చేశారు. ఇలా తన కూతురు పాతికేళ్ల జీవితాన్ని మరొకరు వేలెత్తి చూపించకుండా తీర్చిదిద్దారా పేరెంట్స్‌. ఈ క్రమంలోనే పెళ్లీడుకొచ్చిన తమ కూతురికి తగిన వరుడ్ని కూడా చూశారు. అందుకు ఆమె కూడా ఓకే చెప్పేసింది. అంతా సవ్యంగా జరుగుతుందిలే అనుకునే సరికే ఆ అమ్మాయి జీవితంలోకి మరో వ్యక్తి ప్రవేశించాడు. ఇప్పటిదాకా తన తల్లిదండ్రుల నుంచి తాను పొందిన ప్రేమ తను రాజీపడడం వల్లే తనకు దక్కిందని తెలియజేశాడు. ఇప్పుడా అమ్మాయి ముందున్నవి రెండే దారులు. ఒకటి.. తన స్వార్థం తాను చూసుకోవడం! రెండు.. ఎప్పటిలాగే తన తల్లిదండ్రుల కోసం తన ఇష్టాలను వదులుకోవడం! మరి, తనకు ఏ దారి ఎంచుకోవాలో అర్థం కాక మనల్నే్ సలహా అడుగుతోంది. ఈ క్రమంలోనే ఆమె హృదయరాగాన్ని ఇలా మన ముందుంచింది.'

Know More

Movie Masala

 
category logo

ఆ ఫొటో షేర్‌ చేయడమే నా తప్పా !

Miss Universe Australia Olivia Molly Rogers trolled over body shaming

ఈ సమాజంలో స్త్రీ, పురుషులను చూసే దృక్కోణాలు వేరుగా ఉంటాయి. ఉదాహరణకు పెళ్లి సంబంధాలనే తీసుకోండి. అబ్బాయి గురించి అడిగేవారు అబ్బాయి ఏం చేస్తున్నాడని మాత్రమే అడుగుతారు. అదే అమ్మాయి గురించైతే... ఒడ్డూ, పొడుగు ఎంత ? రంగేంటి ? వంటా వార్పు వచ్చా ? ఉద్యోగం చేస్తోందా ? చేస్తే తర్వాత మానేస్తుందా ? ఇలా ప్రశ్నలు సాగుతూనే ఉంటాయి. ఇక సామాజిక మాధ్యమాల్లో అయితే స్త్రీలు ఏ ఫొటో పెట్టినా కంటికింపుగా కనిపించాలని భావిస్తుంటారు. అలా తమ అభిప్రాయానికి తగినట్లు అందంగా, ఆకర్షణీయంగా కనిపించకపోతే.. వారు ఎంతటి వారైనా, ఎన్ని గొప్ప విజయాలు సాధించినా సరే సామాజిక మాధ్యమాల్లో వారి పేర్లు ట్యాగ్‌ చేసి మరీ ట్రోలింగ్‌ చేస్తారు. ఇటీవల ఇలా నెటిజన్ల నుంచి విపరీతంగా బాడీ షేమింగ్‌ను ఎదుర్కొన్నారు ‘మిస్‌ యూనివర్స్‌ ఆస్ట్రేలియా 2017’ ఒలీవియా మోలీ రోగర్స్‌ !

View this post on Instagram

Grateful 💗💗💗

A post shared by Olivia Molly Rogers (@oliviamollyrogers) on

తన సరదాను పంచుకోవడమే తప్పైంది !
నెటిజన్ల నుంచి విపరీతమైన బాడీ షేమింగ్‌ను ఎదుర్కొనేంత తప్పేమీ చేయలేదు ఒలీవియా. చాలామంది చేసే సరదా పనే చేసింది. తెల్లటి బికినీ ధరించి స్విమ్మింగ్‌ పూల్‌ వద్ద సరదాగా ఓ ఫొటో దిగింది. దాన్ని తన అభిమానుల కోసం ఇన్‌స్టాగ్రామ్‌లో పోస్ట్‌ చేయగా కొన్ని క్షణాల్లోనే నెటిజన్ల నుంచి ట్రోలింగ్‌ మొదలైంది. ఆమె చూడటానికి అసహ్యంగా ఉందని.. ఆమె స్టిల్‌ అసభ్యకరంగా ఉందని... ఇతరులను అనుకరిస్తున్నట్లు ఉందని.. ఇలా ఒక్కొక్కరూ ఒక్కోలా కామెంట్‌ చేశారు. ఒకరైతే అసలు ఆమె అందం ఇన్‌స్టాగ్రామ్‌కే పనికి రాదన్నారు. మరొకరు ఆమె ఒక జోకర్‌లా కనిపిస్తోందన్నారు. ఇలా వరుసబెట్టి వస్తున్న కామెంట్లకు ఏమని స్పందించాలో ఒలీవియాకు అర్థం కాలేదట. అందుకే తన ఇన్‌స్టా స్టోరిలో ‘అసలిప్పుడు నాకు ఏం మాట్లాడాలో అర్థం కావడం లేదు’ అని అభిమానులతో పంచుకుంది. ఒలీవియా ఇలా బాధపడటానికి ఓ కారణం ఉంది. గతంలో ఇలానే కొంతమంది కామెంట్లకు తీవ్ర అనారోగ్యం పాలైందీ అందాల భామ.

View this post on Instagram

A post shared by Olivia Molly Rogers (@oliviamollyrogers) on


మానసిక రోగిలా తయారైంది !
జీవితంలో అందరూ ఏదో ఒకటి సాధించాలని తపన పడేవారే ! అయితే అందుకు వారు ముందుకు సాగే క్రమంలో ఎదురయ్యే అడ్డంకులను ఒక్కొక్కరూ ఒక్కో విధంగా ఎదుర్కొంటారు. మనలో కొంతమంది సున్నిత మనస్కులు ఎవరైనా ‘నువ్వు లావుగా ఉన్నావ్‌’, ‘కాస్త సన్నగా కనిపిస్తున్నావ్‌’ అనగానే కలత చెంది ఆ ప్రభావం ఆహారపు అలవాట్లపై చూపిస్తుంటారు. అందాల పోటీల్లో గెలవాలనే ఆశయం ఉన్న ఒలీవియా కూడా ఇలాంటి సున్నిత మనస్కురాలే. అందుకే పోటీలో పాల్గొనే సమయంలో ఎవరైనా తన శరీరాకృతి గురించి మాట్లాడితే తీవ్రంగా మథన పడేది. ఈక్రమంలో కొంతమంది తనపై చేసిన బాడీ షేమింగ్‌ కామెంట్లకు ఆరు సంవత్సరాలకు పైగా ఈటింగ్‌ డిజార్డర్‌ (అసాధారణ ఆహారపు అలవాట్లు అలవర్చుకోవడం)తో బాధపడిందట. దీంతో తన వయసు, ఎత్తుకు సరిపడా ఉండాల్సిన బరువు కంటే బాగా తగ్గిపోయి, చూడగానే మానసిక రోగంతో బాధపడుతున్నట్లు బక్కచిక్కిపోయిందట. తర్వాత వైద్యుల సహాయంతో తేరుకొని కొంతకాలానికి తనని తాను మార్చుకుంది. అనుకున్నట్లే 2017కి గాను మిస్‌ యూనివర్స్‌ ఆస్ట్రేలియా కిరీటాన్ని దక్కించుకొని.. తనను హేళన చేసిన వారితోనే శభాష్‌ అనిపించుకుంది ఒలీవియా.

missaustraliagh650-1.jpg
అలాంటి వాళ్లని పట్టించుకోవద్దు..
తను అలాంటి గడ్డు పరిస్థితులను ఎదుర్కొంది కాబట్టే బాడీ షేమింగ్‌ గురించి మాట్లాడే ఎలాంటి అవకాశం వచ్చినా బాధితులకు అండగా నిలుస్తూ తన గళాన్ని వినిపిస్తుంటుంది ఒలీవియా. ఈక్రమంలోనే ఇటీవల ఓ వెబ్‌సైట్‌కిచ్చిన ఇంటర్వ్యూలో తనపై వచ్చిన కామెంట్లకు ఇలా స్పందించిందీ ఆసీస్‌ బ్యూటీ... తాను చూడ్డానికి అంత లావుగా లేకపోయినా తనను ఎగతాళి చేస్తున్నారంటే... తనకంటే లావుగా ఉన్న వారి పరిస్థితి తలచుకుంటే ఆవేదన కలుగుతోందని.. అసలు చాలామంది అమ్మాయిలు తనలా మానసికంగా కుంగిపోవడానికి కారణం ఇలా ట్రోలింగ్‌కు పాల్పడే వారేనని అంటోందీ అందాల తార. అయితే పనీపాటా లేని వారు ఏదో ఒక కామెంట్‌ చేస్తూనే ఉంటారని... వాటిని పట్టించుకోకుండా ఆశయం వైపు అడుగులేయాలని బాడీ షేమింగ్‌కు గురయ్యే వారికి హితవు పలికింది ఒలీవియా.

View this post on Instagram

A post shared by Olivia Molly Rogers (@oliviamollyrogers) on


2020లో కూడా ఇలాంటి వారున్నారా ?
ఒలీవియాపై ఇన్‌స్టాగ్రామ్‌లో వచ్చిన కామెంట్లకు ఆమె అభిమానులు కూడా స్పందించారు. అసలు 2020లోకి అడుగుపెట్టినా ఇలాంటివి ఇంకా జరుగుతున్నాయంటే ఆశ్చర్యంగా ఉందన్నారు. ఒకరైతే.. ఇలా బాడీ షేమింగ్‌ చేసేవారి చెవి మెలిపెట్టి ఆమె ఎంతో అందంగా ఉందని చెప్పాలనుకుంటున్నట్లు పేర్కొన్నారు. ఇటు ఒలీవియా కూడా తనని ఏ తెలుపు బికినీ సూట్‌లో అయితే బాడీ షేమింగ్‌ చేశారో.. అదే బికినీలో ఓ వీడియో రూపొందించి తనని ద్వేషించే వారికి ఇదే సరైన సమాధానం అని ఇన్‌స్టాగ్రామ్‌లో పోస్ట్‌ చేసింది. ఆ వీడియోపై స్పందించిన అభిమానులు ‘శభాష్‌ ఒలీవియా.. నిన్ను చూసి ద్వేషించే వారిని ద్వేషించుకోనీ, నువ్వు మటుకు చాలా అందంగా ఉన్నావ్‌ !’ అని కామెంట్స్‌ పెడుతున్నారు.

మరి ఇటువంటి పరిస్థితులు మీకు కూడా ఎదురైతే వాటిని మీరేవిధంగా ఎదుర్కొన్నారో మాతో పంచుకోండి.. బాడీ షేమింగ్‌ను ఎదుర్కొంటున్న వారికి మద్దతుగా నిలవండి !

Photos: Instagram.com/oliviamollyrogers





women icon@teamvasundhara
gwalior-women-making-masks-sanitizers-for-low-cost

ఆ మహిళల కృషితో అందుబాటు ధరల్లోనే మాస్కులు, శానిటైజర్లు!

ప్రపంచమంతా కరోనా వైరస్‌ అలుముకున్న ఈ తరుణంలో దాన్నుంచి మనల్ని మనం కాపాడుకోవాలంటే వ్యక్తిగత పరిశుభ్రత, మాస్కులు ధరించడం ఎంత ముఖ్యమో ప్రత్యేకించి చెప్పాల్సిన అవసరం లేదు. మరి, ఓవైపు మార్కెట్లో లభించే మాస్కులు కొందామంటే వందలకు వందలు ఖర్చుపెట్టాల్సి వస్తోంది. మరోవైపు చేతులు శుభ్రం చేసుకోవడానికి ఉపయోగించే శానిటైజర్ల కొరత కూడా ఏర్పడినట్లు మనం రోజూ వార్తల్లో వింటూనే ఉన్నాం. అయితే ఇక నుంచి మాస్కులు, శానిటైజర్ల విషయంలో ఎలాంటి ఇబ్బందీ పడాల్సిన అవసరం లేదంటున్నారు మధ్యప్రదేశ్‌ గ్వాలియర్‌లోని ఫూల్‌బాగ్‌కు చెందిన మహిళలు. ఈ క్రమంలోనే అక్కడి వందలాది మంది మహిళలు మాస్కులు, శానిటైజర్ల తయారీలో నిమగ్నమయ్యారు. ఇలా వీరు తయారుచేసిన ఈ ఉత్పత్తుల్ని తక్కువ ధరకే విక్రయిస్తూ కరోనా బారి నుంచి అందరినీ కాపాడడంలో పరోక్షంగా తమ వంతుగా కృషి చేస్తున్నారు. మరి, ఈ మహిళల గురించి, వారు తయారుచేస్తోన్న ఉత్పత్తుల గురించి సంక్షిప్తంగా తెలుసుకుందాం రండి..

Know More

women icon@teamvasundhara
women-share-her-experience-about-corona-symptoms-to-bring-awareness

నాలో ‘కరోనా’ అలా బయటపడింది!

ఒంట్లో కాస్త నలతగా ఉన్నా, దగ్గినా, తుమ్మినా వెంటనే.. ‘నాకూ ‘కరోనా’ వచ్చిందేమో.. అందుకే ఇలా అవుతోంది’ అని భయపడే పరిస్థితులు వచ్చాయి. ప్రస్తుతం ఎక్కడ చూసినా, విన్నా కరోనాకు సంబంధించిన వార్తలే వస్తున్న నేపథ్యంలో చాలామందిలో ఏదో తెలియని గుబులు మొదలైంది. మరీ ముఖ్యంగా యువతలో ఇది ఎక్కువగా కనిపిస్తోందని నిపుణులు చెబుతున్నారు. అయితే ప్రజల్లో ఇలాంటి భయాలను దూరం చేయాలనుకుంది కరోనా బారిన పడి క్రమంగా కోలుకుంటోన్న ఓ 22 ఏళ్ల అమెరికన్‌ అమ్మాయి. ఈ క్రమంలోనే తన ‘కరోనా అనుభవాలను’ నెటిజన్లతో పంచుకుంది. కరోనా తనను ఎలా అటాక్‌ చేసింది? రోజురోజుకీ తనలో ఎలాంటి లక్షణాలు కనిపించాయి? అనే విషయాలను ట్విట్టర్‌ ద్వారా పంచుకుంటూ అందరిలో ధైర్యం నింపుతోంది. మరి ఆ యువతి పంచుకున్న ‘కరోనా’ అనుభవాల గురించి మనమూ తెలుసుకుందామా..?

Know More

women icon@teamvasundhara
wife-of-coronavirus-doctor-writes-how-their-lives-have-changed

మూడు వారాల పాపాయిని నా భర్త చేతుల్లోకే తీసుకోలేదు!

‘ఈ ప్రపంచంలో దేవుడి తర్వాత అందరూ చేతులెత్తి మొక్కేది ఒక్క డాక్టర్లకే’...! ‘ఠాగూర్‌’ సినిమాలో మెగాస్టార్‌ చిరంజీవి నోటి వెంట వచ్చిన ఈ డైలాగ్‌ ఒక్కటి చాలు...డాక్టర్ల గొప్పతనమేంటో చాటి చెప్పడానికి..! ఇక ‘వైద్యో నారాయణో హరి’ అంటూ వైద్యులను సాక్షాత్తూ నారాయణుడి (భగవంతుడు)తో పోల్చారు మన పెద్దలు. ప్రస్తుతం కరోనా బాధితులకు సేవలందిస్తున్న వైద్యులను, నర్సులను చూస్తే చాలామందికి ఈ మాటలే గుర్తుకు వస్తాయి. రోగుల కారణంగా ఎక్కడ తమకు వైరస్‌ సోకుతుందోనన్న భయంతో బిక్కుబిక్కుమంటూనే వారు వైద్య సేవలు అందిస్తున్నారు. విధి నిర్వహణలో భాగంగా కుటుంబ సభ్యులకు సైతం దూరంగా ఉంటూ ప్రాణాంతక వైరస్‌ను తరిమికొట్టేందుకు తమ ప్రాణాలనే పణంగా పెడుతున్నారు. తమ సేవా నిరతిని చాటుతున్నారు. ఈ క్రమంలో ఈ మహమ్మారి తమ జీవితాలను పూర్తిగా మార్చేసిందంటూ ఓ వైద్యుడి భార్య పెట్టిన పోస్ట్‌ ప్రస్తుతం అందరి మన్ననలు అందుకుంటోంది.

Know More

women icon@teamvasundhara
donatella-versace-donates-200000-euros-to-italy-hospital-to-help-fight-coronavirus

కరోనా బాధితుల కోసం ఈ తల్లీకూతుళ్లు ఏం చేశారో తెలుసా?

ప్రస్తుతం ప్రపంచవ్యాప్తంగా ఎక్కడ చూసినా కరోనా భయమే అలుముకుంది. చైనాలో పుట్టిన ఈ మహమ్మారి ఎన్నో దేశాల్లో తన విశ్వరూపాన్ని చూపుతోంది. మొదటి రెండు నెలలు చైనాను కుదిపేసిన ఈ వైరస్‌ ప్రస్తుతం కొన్ని దేశాల్ని ఊపిరాడకుండా ఉక్కిరిబిక్కిరి చేసేస్తోంది. అలా కరోనా చెరబట్టిన దేశాల్లో ఇటలీ కూడా ఒకటి. రోజురోజుకీ అక్కడ కేసులు పెరిగిపోతున్నాయి. కరోనా మరణాల రేటు కూడా ఇటలీలో ఎక్కువేనని అధికారికంగా వెల్లడైన గణాంకాలు రుజువు చేస్తున్నాయి. అంతేకాదు.. అక్కడ రోజురోజుకీ రోగులు పెరిగిపోతుండడంతో వైద్య సదుపాయాలు కూడా కొరవడుతున్నాయి.. ఇలాంటి క్లిష్ట పరిస్థితుల్లో అక్కడి కరోనా బాధితులకు తనవంతుగా సహాయం చేయడానికి ముందుకొచ్చారు ప్రముఖ ఇటాలియన్‌ ఫ్యాషన్‌ డిజైనర్‌ డొనాటెల్లా వెర్సేస్‌. తన కూతురు అలెగ్రా వెర్సేస్‌తో కలిసి మిలాన్‌లోని ఓ హాస్పిటల్‌కి కోటి రూపాయలకు పైగా విరాళం అందించి తన దాతృత్వాన్ని చాటుకుంది డొనాటెల్లా.

Know More

women icon@teamvasundhara
supreme-court-in-favor-of-permanent-commission-for-women-officers-in-the-navy

ఇక నేవీలోనూ నారీ శక్తి!

సాధారణంగా ఆర్మీ, నేవీ, ఎయిర్‌ ఫోర్స్‌ లాంటి సాయుధ దళాలంటే పురుషులే గుర్తుకు వస్తారు. ఇక్కడ మహిళలున్నా ఉన్నత అవకాశాలకు మాత్రం ఆమడదూరంలో ఉంటారు. ఈ వివక్ష ఏంటని ప్రశ్నిస్తే మాత్రం ‘ ఆడవాళ్లు అన్ని విభాగాల్లో పనిచేయలేరు. వారికి పురుషులతో సమానంగా శక్తి సామర్థ్యాలుండవు’ అని కుంటిసాకులు వెతుకుతుంటారు. ముఖ్యంగా ఆర్మీ, నేవీల్లాంటి దళాల్లో కొన్నేళ్లుగా ఈ వివిక్ష కొనసాగుతూనే ఉంది. ఈ నేపథ్యంలో గతనెలలో ఆర్మీలో పురుషులతో పాటు మహిళలకూ సమాన అవకాశాలు కల్పించాలని తీర్పునిచ్చిన సుప్రీం కోర్టు తాజాగా మరో చరిత్రాత్మక తీర్పును వెలువరించింది. సైన్యంలో మాదిరిగానే నావికాదళంలోనూ మహిళలకు శాశ్వత కమిషన్‌ ఏర్పాటు చేయాలని స్పష్టం చేసింది. ఈ క్రమంలో శారీరక లక్షణాలను సాకుగా చూపుతూ వారిని ఉన్నత అవకాశాలకు దూరం చేస్తున్న వారికి మరోసారి మొట్టికాయలు వేసింది.

Know More

women icon@teamvasundhara
-a-chinese-nurse-shares-her-experience-about-treating-corona-patients

అందుకే వాళ్లు దగ్గినా, తుమ్మినా దూరంగా వెళ్లలేం!

ఇప్పటికే చైనాను కకావికలం చేసిన కరోనా ప్రస్తుతం ప్రపంచ దేశాలకు కంటిమీద కునుకు లేకుండా చేస్తోంది. సుమారు 145 దేశాలకు పాకిన ఈ మహమ్మారి పేరు వింటేనే ప్రజలు హడలెత్తిపోతున్నారు. మరి సామాన్యుల పరిస్థితే ఇలా ఉంటే కరోనా రోగులకు చికిత్స చేసే డాక్టర్లు, నర్సుల పరిస్థితి ఇంకెంత దయనీయంగా ఉంటుంది చెప్పండి. రోగుల కారణంగా ఎక్కడ ఆ మహమ్మారి తమకు సోకుతుందోనన్న భయంతో బిక్కుబిక్కుమంటూనే వైద్య సేవలు అందిస్తున్న పరిస్థితి వారిది. అయినా తమ ప్రాణాలను పణంగా పెట్టి మరీ కరోనా బాధితులను కాపాడుతున్నారు. వృత్తిధర్మాన్ని చాటి చెబుతూ అందరి మన్ననలు అందుకుంటున్నారు. ఈ కోవకే చెందుతుంది చైనాకు చెందిన ఫ్యాన్‌ అన్జి. చైనాలోని చాంగ్‌ కింగ్‌ పబ్లిక్‌ హెల్త్‌ మెడికల్‌ సెంటర్‌లో హెడ్‌ నర్సుగా బాధ్యతలు నిర్వహిస్తున్నారామె. ఈ క్రమంలో విధి నిర్వహణలో భాగంగా తనకెదురైన సవాళ్లు, వాటిని అధిగమించిన తీరును అందరితో పంచుకున్నారు ఫ్యాన్‌.

Know More

women icon@teamvasundhara
us-woman-who-survived-coronavirus-shares-her-experience

అలా నేను కరోనాను జయించా !

చైనాలో పుట్టి ప్రస్తుతం ప్రపంచాన్నంతా కలవరపెడుతోంది కరోనా వైరస్‌ (కొవిడ్‌-19). ప్రపంచ ఆరోగ్య సంస్థ సైతం దీని తీవ్రతను పరిగణనలోకి తీసుకొని ఈ వ్యాధిని ‘మహమ్మారి’గా ప్రకటించింది. ఇక భారతదేశంలోనూ రోజురోజుకూ కరోనా పాజిటివ్‌ కేసులు పెరుగుతున్నాయి. ఎప్పటికప్పుడు కేంద్ర, రాష్ర్ట ప్రభుత్వాలు పరిస్థితిని సమీక్షిస్తూ.. ముందు జాగ్రత్త చర్యలు చేపడుతూ పలు మార్గదర్శకాలు జారీ చేస్తున్నాయి. అయితే ఇదేమీ ప్రాణాంతక వ్యాధి కాదని, ప్రజలు ఆందోళన చెందాల్సిన అవసరం లేదని పాలకులు, అధికారులు సూచిస్తున్నారు. ఈ క్రమంలోనే కరోనా బారిన పడి పూర్తిగా కోలుకున్న కేరళ వాసులను ఉదాహరణగా చూపిస్తూ ఊరట కలిగిస్తున్నారు. ఈ లిస్టులో తానూ ఉన్నానంటోంది 37 ఏళ్ల అమెరికన్‌ మహిళ. ఈ మహమ్మారి బారిన పడిన తాను పూర్తిగా కోలుకున్నానని చెబుతోందీ డేరింగ్‌ వుమన్‌. అంతేకాదు కరోనా భయంతో వణికిపోతున్న ప్రపంచానికి ఉపశమనం కలిగిస్తూ తన అనుభవాలను అందరితో షేర్‌ చేసుకుందీ అమెరికన్‌ లేడీ.

Know More

women icon@teamvasundhara
mexican-woman-strike-to-protest-against-gender-based-violence

ఆడవాళ్లు లేకపోతే ఎలా ఉంటుందో చూడండి !

ప్రపంచంలో అత్యంత రద్దీగా ఉండే మెక్సికో నగర రహదారులన్నీ ఆరోజు నిర్మానుష్యంగా దర్శనమిచ్చాయి. కార్యాలయాలన్నీ వెలవెలబోయాయి. బడులన్నీ బోసిపోయాయి. కళాశాలల్లో కుర్రకారు హుషారు కనిపించనేలేదు. నిత్యం సందడిగా ఉండే షాపింగ్‌మాల్స్‌లో కూడా నిశ్శబ్దం రాజ్యమేలింది. అక్కడక్కడా ఒకరిద్దరు పురుషులు తప్పితే మచ్చుకు ఓ మహిళ జాడ కూడా కనిపించలేదు. ఈ పరిస్థితులను చూస్తుంటే ప్రపంచ దేశాలను కలవరపెడుతున్న ‘కరోనా’ మెక్సికోకు వచ్చిందేమో అనుకుంటున్నారా? అసలు విషయం అది కాదండోయ్‌...! మరి నిత్యం జన సమూహంతో సందడిగా ఉండే మెక్సికో నగరం మార్చి 9న ఎందుకు మూగబోయిందో తెలుసుకోవాలనుకుంటున్నారా? అయితే ఈ స్టోరీ చదవాల్సిందే..!

Know More

women icon@teamvasundhara
pv-sindhu-won-the-bbc-indian-sportswoman-of-the-year-2019-award

మహిళలుగా మనపై మనం నమ్మకముంచాలి!

‘కష్టే ఫలి’ అన్నారు పెద్దలు. ‘దాంతో పాటు మహిళలుగా మనపై మనం నమ్మకముంచాలి.. అప్పుడే విజయం మన ముంగిట వాలుతుంది..’ అంటోంది భారత స్టార్‌ షట్లర్‌ పీవీ సింధు. 2009లో బ్యాడ్మింటన్‌ క్రీడలోకి అడుగుపెట్టిన ఈ హైదరాబాదీ.. దశాబ్ద కాలంలోనే ఎన్నో విజయాలు అందుకొని దేశానికి పతకాల పంట పండించింది. తన కీర్తి కిరీటంలో మరెన్నో అవార్డులతో మురిసి మెరిసిన ఈ స్టార్‌ షట్లర్‌.. తాజాగా మరో ఘనత సాధించింది. ‘బీబీసీ ఇండియన్‌ స్పోర్ట్స్‌వుమన్‌ ఆఫ్‌ ది ఇయర్‌ - 2019’ అవార్డు గెలుచుకొని మరింత మంది అమ్మాయిలకు ప్రేరణగా నిలుస్తోందీ సూపర్బ్‌ షట్లర్‌. ఇక ఈ పురస్కారాల్లో భాగంగా పరుగుల రాణి పీటీ ఉషను ‘లైఫ్‌టైమ్‌ అఛీవ్‌మెంట్‌ అవార్డు’తో సత్కరించింది బీబీసీ.

Know More

women icon@teamvasundhara
kerala-attukal-bhagavathy-temple

ఈ మహిళల శబరిమలై గురించి విన్నారా?

కేరళలోని అట్టుక్కల్‌ అమ్మవారి దేవాలయాన్ని మహిళా శబరిమలై అని పిలవొచ్చు. ఎందుకంటే ఇక్కడ జరిగే ప్రధాన పూజలు, అర్చనల్లో మహిళలకు మాత్రమే ప్రవేశం ఉంటుంది. కేరళ రాజధాని తిరువనంతపురంలోని ఈస్ట్‌ ఫోర్టు ప్రాంతంలో ఈ క్షేత్రం నెలకొని ఉంది. ఇక్కడ జరిగే అట్టుక్కల్‌ పొంగల్‌ ప్రపంచ ప్రసిద్ధి పొందింది. కేవలం మహిళలు మాత్రమే లక్షల సంఖ్యలో పాల్గొనే వేడుక కావడంతో దీనికి ఆ ప్రాధాన్యం ఏర్పడింది. అట్టుక్కల్‌ భగవతి అమ్మవారి చరిత్ర కేరళ, తమిళనాడుకు చెందిన పురాణగాథల్లో కనిపిస్తుంది. సరస్వతి, మహాలక్ష్మి, పార్వతిల సమ్మిళిత రూపం ఆమెది. నాలుగు చేతులలో ఆయుధాలు ధరించి దుష్ట శిక్షణ-శిష్ట రక్షణ కోసం అవతరించిన మూర్తిగా కనిపిస్తారు. పెద్దఎత్తున భక్తులు ఇక్కడకు వచ్చి మొక్కులు తీర్చుకోవడం ఆనవాయితీ. తొట్టంపట్టు అనే పేరుతో ఉన్న గీతంతో అమ్మవారిని భక్తులు కీర్తిస్తుంటారు.

Know More

women icon@teamvasundhara
free-sanitary-pads-in-noida-at-all-aqua-line-metro-stations-from-march-8-

ఆ మెట్రో స్టేషన్లో ఉచిత శ్యానిటరీ న్యాప్‌కిన్లు!

ప్రపంచవ్యాప్తంగా మహిళలు అన్ని రంగాల్లో ముందుకు దూసుకెళ్తున్నప్పటికీ నేటికీ కొన్ని అంశాల్లో సమాజం విధించే కట్టుబాట్లు, మూఢనమ్మకాలు.. అమ్మాయిల ఆత్మాభిమానాన్ని దెబ్బతీస్తున్నాయి. అలా మహిళలను ఇబ్బందికి గురిచేస్తోన్న అంశాల్లో ‘నెలసరి’ ఒకటి. ప్రపంచాన్నే అరచేతిలో చూడగలిగేంత టెక్నాలజీ వచ్చినా కూడా.. ఇప్పటికీ మన దేశంలో కొన్ని ప్రదేశాల్లో నెలసరి సమయంలో వంటింట్లోకి అడుగుపెట్టకూడదని, ఇతరులను ముట్టుకోకూడదని.. ఆంక్షలు పెడుతూ ఉంటారు. మరికొన్ని ప్రాంతాల్లో నెలసరి పరిశుభ్రత గురించి అవగాహన లేకపోవడం వల్ల పలు అనారోగ్యాల బారిన పడుతున్నారు. ఇక ఇంకొన్ని చోట్ల అన్నీ అందుబాటులో ఉన్నా, వ్యక్తిగత పరిశుభ్రత గురించి అవగాహన ఉన్నప్పటికీ శ్యానిటరీ న్యాప్‌కిన్లు కొనలేని ఆర్థిక పరిస్థితితో ఇబ్బందిపడుతున్నారు. వీటిని దృష్టిలో ఉంచుకొనే మన దేశంలోని కొన్ని రాష్ట్రాల్లోని పాఠశాలలు బాలికలకు ఉచితంగా శ్యానిటరీ ప్యాడ్స్‌ అందిస్తున్నాయి. అయితే ‘అంతర్జాతీయ మహిళా దినోత్సవం’ సందర్భంగా నోయిడా మెట్రో ట్రెయిన్‌ కార్పొరేషన్‌ కూడా మహిళలకు ఉచిత శ్యానిటరీ నాప్‌కిన్స్‌ వెండింగ్‌ మెషీన్స్‌ని ఏర్పాటు చేయడానికి సంసిద్ధమైంది. మరి, ఆ వివరాలేంటో తెలుసుకుందాం రండి..

Know More

women icon@teamvasundhara
anand-mahindra-applauds-pune-teacher-for-getting-bikers-off-footpaths

ఆ ఆంటీకి అభిమానినైపోయా!

అసలే ఇరుకు రోడ్లు, ఆపై లక్షలాది వాహనాలు, వీటికి తోడు దుమ్ము, ధూళి, పొగతో నిండుకున్న సిటీ రోడ్లపై నడిచి వెళ్లే పాదచారులకు అదొక పెద్ద ప్రహసనమని చెప్పవచ్చు. కనీసం నడిచి వెళ్లే దారి కూడా వారికి కనిపించదు. ఇక కొన్ని చోట్ల పాదచారుల కోసం ప్రత్యేకంగా ఏర్పాటైన ఫుట్‌పాత్‌లను కొందరు ఆక్రమించి వ్యాపారాలు చేసుకుంటున్నారు. మరికొన్ని చోట్ల అయితే గమ్య స్థానానికి త్వరగా చేరుకునే క్రమంలో కొందరు ద్విచక్ర వాహనదారులు ఏకంగా ఫుట్‌పాత్‌ల పైనుంచే తమ బైక్‌లు పోనిస్తుంటారు. ట్రాఫిక్‌ పోలీసులు లేరనో లేదంటే వారిని ఎవరూ గమనించట్లేదన్న ధీమాతోనే వారిలా నిబంధనలకు విరుద్ధంగా ఫుట్‌పాత్‌లపై విచ్చలవిడిగా బైక్‌లు నడుపుతుంటారు. పుణెలోని రోడ్లపై కూడా దాదాపు ఇదే పరిస్థితి. అయితే ఇటీవల ఆ నగరంలోని ఫుట్‌పాత్‌లపై బైక్‌లు నడుపుతున్న కొందరు వాహనదారులను ఓ మహిళ అడ్డుకుంది. అంతేకాదు సదరు వాహనదారులు ఫుట్‌పాత్‌ దిగి రోడ్డు మీదకు వచ్చేలా ‘క్లాస్‌ తీసుకుంది’ కూడా!

Know More

women icon@teamvasundhara
all-women-crew-ran-the-rajya-rani-express-train-from-bengaluru-to-mysore

ఆ రైలు నడిపింది అంతా ఆడవాళ్లే..!

‘పురుషులతో సమానంగా మహిళలు అన్ని రంగాల్లో వృద్ధి సాధించడం అంత సులభం కాదు’.. ఇది ఒకప్పటి మాట. ఇప్పుడు ఏ రంగంలోనైనా మహిళలు పురుషులతో సమానంగా పని చేసేందుకు పోటీ పడుతున్నారు. ఎంత కష్టంతో కూడిన రంగమైనా సరే అందులో అడుగుపెట్టేందుకు సిద్ధపడుతున్నారు. వైద్యం, విద్య, రాజకీయాలు, జర్నలిజం, ఇంజినీరింగ్‌, ఆర్మీ, వ్యాపారం, నేవీ, పరిశోధన.. వంటి రంగాలతో పాటు.. ఫుడ్‌ డెలివరింగ్‌, క్యాబ్‌ డ్రైవింగ్‌, లోకోపైలట్‌, వైల్డ్‌ లైఫ్‌ ఫొటోగ్రఫీ.. మొదలైన అధిక శారీరక శ్రమతో కూడిన రంగాల్లో సైతం తమ బాధ్యతలను సమర్థంగా నిర్వర్తిస్తూ స్త్రీ శక్తిని చాటుతున్నారు ఈతరం అతివలు. ఈ క్రమంలో భారత రైల్వే శాఖలో పని చేస్తోన్న కొందరు మహిళా ఉద్యోగులు ఇటీవల చేసిన ఓ పని మన దేశంలో మహిళా సాధికారతకు అద్దం పడుతోంది. మరి వాళ్లు చేసిన ఆ పనేంటో మీరూ చూడండి.

Know More

women icon@teamvasundhara
former-india-hockey-captain-suraj-lata-devi-files-domestic-violence-case-against-husband

ఆటలో గెలిచినా... భర్త వేధింపులు తప్పలేదు!

ఆడవాళ్లు రాకెట్లలో ఆకాశంలోకి దూసుకెళ్తున్నారు...దేశ సరిహద్దులు దాటి క్రీడల్లో ఎన్నో పతకాలు సాధిస్తున్నారు. ఇలా ఎన్నో అడ్డంకులను అధిగమించి అన్నింటా ఘన విజయాలు సాధిస్తున్న మహిళలు గృహ హింసపై మాత్రం గెలవలేకపోతున్నారు. అనాదిగా వస్తున్న అదనపు కట్న వేధింపులు, అత్తింటి ఆరళ్లు వారిని ఇంకా వెంటాడుతున్నాయి. ఈ నేపథ్యంలో చాలామంది భర్త పెట్టే శారీరక, మానసిక హింసను భరిస్తూ కళ్లు మూసుకుని కాపురం చేస్తున్నారు. మరికొద్ది మంది భర్త పెట్టే బాధను భరించలేక తమ ఆవేదనను బయటకు వెళ్లగక్కుతున్నారు. ఇందులో సామాన్యులే కాదు సెలబ్రిటీలు కూడా ఉన్నారు. ఈ క్రమంలో భారత మహిళా హాకీ జట్టు మాజీ కెప్టెన్‌ సూరజ్‌ లతా దేవి తన భర్త పెట్టే వేధింపులు తాళలేక పోలీసులను ఆశ్రయించింది.

Know More

women icon@teamvasundhara
welspun-ceo-deepali-goenka-dance-goes-viral

వాట్‌ యాన్‌ ఐడియా లేడీస్‌!

స్మార్ట్‌ ఫోన్‌ ఉంటే ప్రపంచమంతా అరచేతిలో ఉన్నట్లే. ఇక సామాజిక మాధ్యమాల కారణంగా ప్రపంచంలో ఏ మూల ఏది జరిగినా క్షణాల్లో అందరికీ తెలిసిపోతుంది. ఇందులో భాగంగా ప్రతిరోజూ వేలకొద్దీ వీడియోలు సోషల్‌ మీడియాలో చక్కర్లు కొడుతుంటాయి. అందులో కొన్ని వీడియోలు ఆనందాన్ని పంచితే, మరికొన్ని ఆలోచింపజేస్తాయి. అప్పుడప్పుడు మనకు స్ఫూర్తినిచ్చే వీడియోలు కూడా ఇందులో ఉంటాయి. అలా ప్రస్తుతం సోషల్‌ మీడియాలో కొన్ని వీడియోలు ట్రెండింగ్‌లో ఉన్నాయి. ఇందులో భాగంగా ఒక మహిళా సీఈవో తన ఉద్యోగులతో కలిసి డ్యాన్స్‌ చేసి ఫ్రెండ్లీ వర్క్‌ ఎన్విరాన్‌మెంట్‌ను క్రియేట్‌ చేస్తే, వయొలిన్‌ వాయిస్తూ తన సర్జరీ ఒత్తిడిని చిత్తు చేసింది మరో మహిళ. ఇక మరో వీడియోలో కొవిడ్‌-19 వైరస్‌ నుంచి తప్పించుకునేందుకు ఓ మహిళ ఒంటి నిండా జిరాఫీ కాస్ట్యూమ్స్ ధరించి నెటిజన్లను ఆశ్చర్యపరిచింది.

Know More

women icon@teamvasundhara
etv-bharat-gets-best-digital-news-startup-award

‘ఈటీవీ భారత్‌’కు ఉత్తమ డిజిటల్‌ న్యూస్‌ స్టార్టప్‌ అవార్డు

మీడియా రంగంలో దూసుకెళుతున్న ‘ఈటీవీ భారత్‌’ అరుదైన ఘనత సాధించింది. దక్షిణాసియా బెస్ట్‌ డిజిటల్‌ న్యూస్‌ స్టార్టప్‌ అవార్డును గెలుచుకుంది. డిజిటల్‌ మీడియా రంగంలో ఉత్తమ ఆవిష్కరణలకు గాను... వరల్డ్‌ అసోసియేషన్‌ ఆఫ్‌ న్యూస్‌ పేపర్స్‌ అండ్‌ న్యూస్‌ పబ్లిషర్స్‌ సంస్థ ‘వాన్‌-ఇఫ్రా’ ఈ పురస్కారాన్ని అందించింది. మంగళవారం దిల్లీలో జరిగిన కార్యక్రమంలో ద క్వింట్‌ వ్యవస్థాపక డైరెక్టర్‌ రీతూ కపూర్‌ చేతుల మీదుగా ‘ఈటీవీ భారత్‌’ డైరెక్టర్‌ బృహతి చెరుకూరి ఈ అవార్డును స్వీకరించారు. దాదాపు 100కు పైగా దేశాలకు చెందిన వివిధ వార్తాపత్రికలు, న్యూస్‌ ఏజెన్సీలు, పబ్లిషింగ్‌ సంస్థలకు వాన్‌-ఇఫ్రాలో సభ్యత్వాలు ఉన్నాయి. ఈ సంస్థ ఆధ్వర్యంలో రెండు రోజుల దక్షిణాసియా డిజిటల్‌ మీడియా-2020 సదస్సు మంగళవారం దిల్లీలో ప్రారంభమైంది. డిజిటల్‌ మీడియా విస్తృతి, సాంకేతికత, నూతన ఆవిష్కరణలు, మార్కెటింగ్‌ తదితర అంశాలపై ఈ సదస్సులో చర్చిస్తున్నారు.

Know More

women icon@teamvasundhara
woman-army-officers-should-be-appointed-in-command-posts-says-supreme-court

‘కమాండ్‌’ హోదా ఇవ్వాల్సిందే!

‘పాలిచ్చి పెంచిన తల్లులు సర్‌...! వాళ్లకు పాలించడం ఓ లెక్కా’ ...! కొద్ది రోజుల క్రితం విడుదలైన ‘అరవింద సమేత’ సినిమాలో ఆడవాళ్ల శక్తి సామర్థ్యాలను వర్ణిస్తూ ఎన్టీఆర్‌ చెప్పిన డైలాగ్‌ ఇది. అంతటి శక్తి సామర్థ్యాలున్నాయి కాబట్టే చాలామంది మహిళలు పలు దేశాలకు అధ్యక్షులుగా, ప్రధానులుగా సేవలందిస్తున్నారు. ఆకాశంలో సగమంటూ రాకెట్లలో ఆకాశానికి పయనమవుతున్నారు. కానీ ఇంకా కొన్ని రంగాల్లో మహిళలపై వివక్ష కొనసాగుతూనే ఉంది. ముఖ్యంగా ఆర్మీలో శారీరక కారణాలతో వారిని సైనిక సవాళ్లకు దూరం చేస్తున్నారు. ఈ విషయంలో కేంద్ర విధానాలను తప్పుపడుతూ సుప్రీంకోర్టు చరిత్రాత్మక తీర్పునిచ్చింది. సైనిక దళాల్లో ‘ఆమెకు’ కూడా అందలం కల్పించాల్సిందేనంటూ ఆదేశాలు జారీ చేసింది.

Know More

women icon@teamvasundhara
record-number-of-japanese-believe-women-should-after-after-giving-birth

ఎవరేమనుకున్నా సరే.. మేం పని చేస్తాం!

కొన్ని దశాబ్దాల క్రితం స్త్రీ అంటే సేవకురాలిగానే ఉండేది. కానీ ఇప్పుడు ఆమెలోని అనంతమైన శక్తి నలుదిశలా ప్రసరిస్తోంది. గతంలో అవకాశం లేక పురుషాధిక్యం ప్రబలిందే కానీ అవకాశం ఇస్తే పురుషులను మించగలం అని నిరూపిస్తోంది. ఇంటి బాధ్యతలతో పాటు వృత్తి బాధ్యతలను కూడా సమర్థంగా నిర్వర్తిస్తూ.. స్త్రీలు తమకంటే మిన్న కాదు అన్న పురుషుల చేతే శభాష్‌ అనిపించుకుంటోంది. ఇందుకు నిదర్శనంగా నిలుస్తున్నారు జపాన్‌ మహిళలు. స్త్రీలంటే పిల్లలను కనిపెట్టి, ఇంటిని శుభ్రంగా ఉంచే సేవకురాలు అనే సంప్రదాయ భావాన్ని చెరిపేసిన వీరు, అదే పురుషాధిక్య ప్రపంచంతో ‘వృత్తిలోనూ మీ భాగస్వామ్యం కావాలి’ అనిపిస్తున్నారు. అందుకు జపాన్‌ ప్రభుత్వం వర్కింగ్‌ ఉమెన్‌పై చేసిన ఓ సర్వే అద్దం పడుతోంది.

Know More

women icon@teamvasundhara
bhuj-college-girls-forced-to-remove-dress-to-check-up-period-checkup

ఛీ ఛీ... ఆధునిక యుగంలోనూ ఇంతటి అనాగరికమా?

కాలం మారుతోంది... కంప్యూటర్ల యుగం వచ్చేసింది... అంతా ఆధునిక భారతమంటూ ఎంతో గొప్పగా మాట్లాడుకుంటున్నాం. అయితే మహిళల విషయంలో ఇప్పటికీ కొన్ని చోట్ల కనిపిస్తున్న అనాగకరిక ఆచారాలు, మూఢనమ్మకాలు ఇంకా మనల్ని మధ్యయుగం నాటి మనుషులేనని గుర్తుచేస్తున్నాయి. ముఖ్యంగా నెలసరి విషయంలో మహిళలు ఎదుర్కొంటున్న వివక్ష అంతా ఇంతా కాదు. పిరియడ్స్‌ సమయంలో మహిళలను ఇంట్లోకి రానివ్వకుండా అందరికీ దూరంగా ఉంచుతుంటారు. ఇంకొన్ని చోట్ల అయితే వారిని అంటరానివారిగా భావిస్తూ వూరి బయటే ఉండాలని కట్టుబాట్లు విధిస్తున్నారు. ఈ క్రమంలో పిరియడ్స్‌పై విద్యార్థినులకు అవగాహన కల్పించాల్సిన ఓ విద్యా సంస్థే అమ్మాయిలతో అమానుషంగా వ్యవహరించింది. మహిళల్లో సహజంగా జరిగే కొన్ని జీవక్రియల్లాగే ఇది కూడా ఒక సహజ ప్రక్రియ అని విద్యాబుద్ధులు నేర్పాల్పిన సిబ్బందే అమానవీయంగా ప్రవర్తించారు.

Know More

women icon@teamvasundhara
give-plants-as-a-gift-for-valentines-day

పూలకు బదులు మొక్కలిచ్చారు.. తల్లిదండ్రులకు ప్రేమ పంచారు!

‘తమ మనసులో దాగున్న ప్రేమను రోజాపూలు, ఇతర కానుకల ద్వారా తెలియజేసుకోవడం.. సినిమాలు-షికార్లు, పార్టీలు, రెస్టరంట్లలో లంచ్‌-డిన్నర్‌..’ ప్రేమికుల దినోత్సవం సందర్భంగా ప్రేమికులు చేసే హడావిడి మామూలుగా ఉండదు. అయితే.. ‘ప్రేమను వ్యక్తం చేయడానికి ప్రత్యేకంగా ఒక రోజంటూ అవసరం లేదని.. మీ భాగస్వామికి ప్రతిరోజూ, ప్రతిక్షణం ప్రేమను తెలియజేయచ్చని.. అందుకోసం వేలకు వేలు ఖర్చు చేయాల్సిన అవసరం కూడా లేదం’టూ కొందరు భావిస్తుంటారు. ఏదిఏమైనా పాశ్చాత్య సంస్కృతిలో పుట్టిన ఈ సంప్రదాయం ప్రస్తుతం అన్ని దేశాలకూ విస్తరించింది. అయితే ఒకరికొకరు ప్రేమను ఇచ్చిపుచ్చుకునే ఈ ప్రత్యేకమైన రోజున వేడుకల పేరుతో వృథా ఖర్చు చేయకుండా.. పర్యావరణహితంగా, చిన్నారుల్లో సంప్రదాయాల పట్ల అవగాహన పెంచేలా ఉంటే బాగుంటుంది కదూ!! అచ్చం.. ఇలాంటి ఆలోచనలకే శ్రీకారం చుట్టాయి బిహార్‌, గుజరాత్‌ రాష్ట్ర ప్రభుత్వాలు. మరి, ఈ ‘వేలంటైన్స్‌ డే’ సందర్భంగా అందరికంటే భిన్నంగా వారేం చేశారో తెలుసుకోవాలనుందా..? అయితే ఈ స్టోరీలోకి వెళ్లాల్సిందే..!

Know More

women icon@teamvasundhara
the-brihanmumbai-electricity-supply-and-transport-has-decided-to-hire-women-drivers

అలా ‘బెస్ట్‌’గా బస్సులనీ నడపబోతున్నారు !

మగవారితో సమంగా అడుగువేయలేని రోజుల్లోనే.. మేం చేతకాని వాళ్లం కాదు, ఏమైనా చేయగలం అని బస్సు స్టీరింగ్‌ పట్టిందో మహిళ. ఓ ముఖ్యమంత్రిని సైతం కదిలించి తాను అనుకున్నది సాధించింది. అప్పుడు ఆమె వేసిన బాట ఇప్పుడు ఎందరికో మార్గదర్శకంగా మారింది. అన్ని రంగాల్లో మహిళలకు ఎందుకు సమ ప్రాధాన్యం ఉండకూడదు ? అని ప్రభుత్వ రంగ సంస్థలు కూడా ఆలోచించేలా చేసింది. ఈక్రమంలోనే ఇటీవల ‘బెస్ట్‌’ (బృహన్‌ ముంబై ఎలక్ట్రిసిటీ సప్లై అండ్‌ ట్రాన్స్‌పోర్ట్‌) మహిళల కోసం ఓ కీలక నిర్ణయం తీసుకొంది. మరింతకీ ఎవరా మహిళ ? ఏమిటి ఈ సంస్థ తీసుకున్న ఆ కీలక నిర్ణయం ? తెలుసుకుందాం రండి !

Know More

women icon@teamvasundhara
these-cabs-are-for-women-by-women

స్త్రీలకు సురక్ష ఈ ‘సఖా’ !

బెంగళూరులో సాఫ్ట్‌వేర్‌ ఇంజినీర్‌గా పని చేస్తున్న శ్వేత వారాంత సెలవుల్ని తన సోదరి ఇంటి వద్ద గడిపి తిరిగి హాస్టల్‌కి వెళ్తోంది. ఆమె కోసం కోల్‌కతాలో ఉన్న ఆమె తండ్రి ఓ క్యాబ్‌ బుక్‌ చేశాడు. అయితే ఆమెను సురక్షితంగా తీసుకెళ్లాల్సిన ఆ క్యాబ్‌ డ్రైవర్‌ ఓ నిర్మానుష్య ప్రాంతానికి తీసుకెళ్లి ఆమెపై అఘాయిత్యం చేయబోయాడు. అదృష్టవశాత్తూ ఆమె అక్కడి నుంచి తప్పించుకోగా సదరు క్యాబ్ డ్రైవర్‌ను యాజమాన్యం విధుల నుంచి తప్పించి పోలీసులకు అప్పగించింది. ఇలా శ్వేత ఒక్కరే కాదు.. దేశ వ్యాప్తంగా క్యాబ్‌ సదుపాయాన్ని వినియోగించుకుంటున్న చాలామంది స్త్రీలు నిత్యం ఎదుర్కొంటున్న దుస్థితే ఇది. అందుకే దిల్లీలోని ఇందిరా గాంధీ ఇంటర్నేషనల్‌ ఎయిర్‌పోర్ట్‌ స్త్రీల రక్షణ కోసం ‘ఫర్‌ ఉమెన్‌, బై ఉమెన్‌’ అంటోంది. అంటే ఏంటో? తెలుసుకుందాం రండి...

Know More

women icon@teamvasundhara
smriti-irani-reveals-her-hidden-talent-through-insta-post

కుంచె పట్టి బొమ్మలూ గీయగలను!

ప్రతి మనిషిలోనూ ప్రపంచానికి తెలియని ఓ కళ దాగుంటుంది. సందర్భం, సమయాన్ని బట్టి అప్పుడప్పుడూ అది బయటపడుతుంటుంది. ఈ క్రమంలో కేంద్ర మంత్రి స్మృతి ఇరానీ కూడా తనలో దాగున్న చిత్ర కళను ప్రపంచానికి పరిచయం చేశారు. మహిళా సాధికారతకు పెద్ద పీట వేసే మహిళా శిశు సంక్షేమ శాఖ బాధ్యతలు నిర్వహిస్తోన్న ఆమె...హఠాత్తుగా ప్రొఫెషనల్‌ ఆర్టిస్టులా మారిపోయారు. సమయమొచ్చినప్పుడల్లా పార్లమెంటు వేదికగా ప్రత్యర్థులపై మాటల తూటాలు పేల్చే ఆమె...పెయింట్‌ బ్రష్‌ పట్టుకుని బొమ్మలు గీయడం మొదలుపెట్టారు. అది కూడా అచ్చం అనుభవమున్న ఆర్టిస్టులా.. ఎంతో ఆసక్తి, శ్రద్ధతో..!

Know More

women icon@teamvasundhara
oscarsomale-is-trending-as-92nd-oscar-nominations-are-announced

హవ్వ... 92 ఏళ్ల ఆస్కార్‌ చరిత్రలో ‘ఆమె’ ఒక్కరేనా ?

మనకున్న రెండు కళ్లల్లో ఒక కన్ను మూసుకొని మరో కంటితో ప్రపంచాన్ని చూస్తే ఎలా ఉంటుంది ? కష్టం... అలా చూస్తే ఎంతటి అందమైనా మనసుకింపుగా ఉండదు... కదూ ! మరి సృష్టిలో ఒక భాగమైన స్త్రీ, పురుషుల్లో ఎవరో ఒక్కరే మనకు అన్ని విషయాలను చెబుతుంటే... నాణానికి రెండో వైపు ఎవరు చెబుతారు ? మరో కోణంలో ప్రపంచాన్ని ఎలా చూస్తాం ? అమ్మ, నాన్నల్లో ఎప్పుడూ ఏ ఒక్కరి మాటే మనం వినగలమా ? ప్రస్తుతం ఇవే ప్రశ్నలు సంధిస్తున్నారు ప్రపంచవ్యాప్తంగా ఉన్న సినీ ప్రియులు. అందుకు కారణం... ఇటీవల 92వ ఆస్కార్‌ ఉత్తమ దర్శకుల నామినేషన్లలో ఏ ఒక్క మహిళా దర్శకురాలి పేరు లేకపోవడమే ! ఆ ఏముంది ? మహిళా దర్శకులెవరూ ఉత్తమ ప్రతిభ కనబరిచి ఉండరులే ! అంటారా ? అయితే మీరు తప్పుగా ఆలోచిస్తున్నట్లే ! ఎప్పుడూ లేనంతగా ఈసారి రికార్డు స్థాయిలో మహిళా దర్శకులు చిత్రాలను తెరకెక్కించారు. వాటిలో సూపర్‌ హిట్స్‌, బ్లాక్‌బస్టర్స్‌ కూడా ఉన్నాయి. మరెందుకు మహిళా దర్శకులకు ఆస్కార్‌ నామినేషన్‌ దక్కలేదు ? ప్రపంచవ్యాప్తంగా ఎప్పుడూ లేనంతగా సినీ అభిమానులు ఈసారి ఎందుకు ఆస్కార్‌ నామినేషన్లపై అసంతృప్తితో ఉన్నారు ? తెలుసుకుందాం రండి !

Know More

women icon@teamvasundhara
hen-catching-competition-for-women-is-an-alternate-for-men-jallikattu

మహిళలకో ‘జల్లికట్టు’ ఉంది ... తెలుసా !

విభిన్న సంస్కృతుల సమ్మేళనమైన మన దేశంలో అత్యంత వివాదాస్పదమైన సాంస్కృతిక క్రీడ జల్లికట్టు. మగవారి ధైర్యసాహసాలకు ప్రతీకగా తమిళనాడులో ఏటా సంక్రాంతి సందర్భంగా ఈ వేడుకను ఘనంగా జరుపుకుంటారని అందరికీ తెలిసిందే ! అయితే స్త్రీలకూ ఓ జల్లికట్టు ఉందనే విషయం మీకు తెలుసా ? ఇదీ తమిళనాడులోనే జరుగుతుందని ఎప్పుడైనా విన్నారా ? తెలీదంటే ఇప్పుడు తప్పకుండా తెలుసుకోవాల్సిందే ! ఎందుకంటే మగవారి జల్లికట్టులో ‘ఫన్‌ అండ్‌ ఫ్రస్ట్రేషన్‌’ ఉంటే స్త్రీల జల్లికట్టులో ‘ఫన్‌’ మాత్రమే ఉంటుంది. అది కూడా.. ఎదురుగా వస్తే కుమ్మిపడేసే ఎద్దులతో కాదు.. కోళ్లతో ! ఆశ్చర్యంగా ఉంది కదూ ! మరీ ఫన్నీ కథేంటో తెలుసుకుందాం రండి !

Know More

women icon@teamvasundhara
old-women-dance-for-rowdy-baby-song-at-pongal-celebration
women icon@teamvasundhara
jawans-carrying-pregnant-woman-video-goes-viral

ఆ తల్లి కోసం ఆర్మీనే కదిలింది !

దేశమంటే మట్టి కాదోయ్‌.. దేశమంటే మనుషులోయ్‌ ! అన్నారు గురజాడ. దేశం కోసం ప్రాణాలర్పించే సైనికులను చూస్తే ఎవరైనా ఆయన మాటలు అక్షర సత్యం అనాల్సిందే ! జవాన్‌ అంటే సరిహద్దు అవతల శత్రువుని మట్టుబెట్టేవాడే కాదని... సరిహద్దు ఇవతల కూడా మనుషుల ప్రాణాలను కాపాడేవాడని ఒప్పుకోవాల్సిందే ! ఇందుకు నిదర్శనంగా నిలుస్తోంది ఇండియన్‌ ఆర్మీకి సంబంధించిన ఓ వీడియో ! ప్రకృతిలో వచ్చే మార్పు కారణంగా ఓ తల్లీబిడ్డకు ప్రాణాపాయ పరిస్థితి ఏర్పడితే ఓ సైన్యంలా కదిలి వెళ్లి వారిని కాపాడారు. ఆర్మీ డే నాడు చోటుచేసుకున్న ఈ వీడియోను స్వయంగా ప్రధాని నరేంద్ర మోదీ తన ట్విట్టర్‌లో షేర్‌ చేయగా దేశ వ్యాప్తంగా సాహో సైనికా ! అంటున్నారు. మరి ఈ విషయం విని మీరూ మన సైనికులకు జేజేలు కొట్టండి !

Know More

women icon@teamvasundhara
woman-eats-chicken-tikka-dipped-in-chai

ఈ మహిళల వింత చేష్టలు చూశారా?

‘అసలు లిప్‌స్టిక్‌ని పెదాలకు మాత్రమే ఎందుకు వాడాలి ?’ మన్మథుడు చిత్రంలో నాగార్జున ఇలా ఆలోచించే లిప్‌బామ్‌ను కళ్లకు కాటుకలా వాడతాడు. ఈ సన్నివేశం చూసినప్పుడల్లా ఇలాంటి వింత మనుషులు కూడా ఉంటారా అనిపించకమానదు. అయితే నిజజీవితంలోనూ ఇలాంటి వారు ఉంటారని నిరూపిస్తున్నారు ఇప్పుడు మీరు తెలుసుకోబోయే ముగ్గురు మహిళలు. ఒక మహిళ టీలో బిస్కట్‌కు బదులుగా చికెన్‌ నంజుకు తింటే... ఇంకో మహిళ ఆస్పరాగస్‌ మొక్కతో భవిష్యవాణి చెబుతోంది. ఇక మరో మహిళ స్నేహితులతో ఆడిపాడటానికి నాలుగు గంటల ముందే న్యూ ఇయర్‌ను జరుపుకుంది. అసలు వీళ్లెందుకలా చేశారు ? అని ఆశ్చర్యంగా ఉందా ! అయితే విషయంలోకి వెళ్లాల్సిందే!

Know More

women icon@teamvasundhara
kim-clijsters-and-sania-mirza-to-make-a-come-back-this-2020

తల్లయినా ఆట మీద తనివి తీరలేదు !

ఆశయ సాధనలో నిరంతరం తపించే స్త్రీలకు మాతృత్వం అడ్డంకి కానే కాదు. అదో మధురమైన విరామం మాత్రమే. మరింత శక్తిమంతంగా తయారవడానికి... తమ తోటి స్త్రీలకు స్ఫూర్తిగా నిలిచేందుకు దొరికే చక్కని అవకాశం. ఇది నిజమని నిరూపిస్తున్నారు ప్రముఖ టెన్నిస్‌ ప్లేయర్స్‌ సానియా మీర్జా, కిమ్ క్లియస్టర్స్‌. ఏ స్త్రీకైనా తల్లిగా మారిన తర్వాత మానసికంగా ఎంత సంతోషంగా ఉంటుందో శారీరకంగా అంతే కష్టంగా ఉంటుంది. కాకపోతే తమ పిల్లల బోసి నవ్వులతో ఆ కష్టాన్ని మర్చిపోతుంటారు. సానియా, కిమ్‌ కూడా అలానే ఆ మధురమైన కష్టాన్ని అనుభవించి ఇప్పుడు తమ తోటి స్త్రీలకు స్ఫూర్తినివ్వడం కోసం మరోసారి రాకెట్‌ చేపట్టబోతున్నారు. మరి తమ పునరాగమనం గురించి ఈ వరల్డ్‌ నం 1 ప్లేయర్స్‌ ఏం చెబుతున్నారో ఓసారి తెలుసుకుందాం రండి !

Know More

women icon@teamvasundhara
first-body-building-contest-for-women-in-bangladesh

ఇది 2020 అయినా వీళ్లు 1500 నాటి కాలంలో ఉన్నారు !

ప్రపంచంలో చాలా దేశాలు తాము మహిళా సాధికారత కోసం పాటుపడుతున్నామని చెబుతున్నా, అంతర్గతంగా తమ కట్టుబాట్ల సంకెళ్లతో మహిళల హక్కులను బంధించే ఉంచుతున్నాయి. మహిళలకు అన్ని రంగాల్లో సమాన హక్కులు కల్పించకుండా మగవారి కంటే రెండడుగులు వెనకే ఉండేలా పరిమితులు పెడుతున్నాయి. అందుకు కారణం ఒకటే... మహిళల కోసం నియమ నిబంధనలు రూపొందించే పదవుల్లో మగవారు ఉండడమే ! ఇందుకు తాజా ఉదాహరణగా నిలుస్తోంది బంగ్లాదేశ్‌లో మహిళల కోసం నిర్వహించిన మొట్టమొదటి బాడీ బిల్డింగ్‌ పోటీ. ముఖమంతా ముసుగేసి అందాల పోటీ నిర్వహించినట్లు, మహిళల శరీరమే కనబడకుండా నిర్వహించిన ఈ బాడీ బిల్డింగ్‌ పోటీ అభిమానుల నుంచి తీవ్ర విమర్శలను ఎదుర్కొంటోంది.

Know More

women icon@teamvasundhara
mothers-donate-90-liters-milk-to-help-save-premature-babies

ఈ ‘అమ్మ’ల ఔదార్యం అభినందనీయం!

అమ్మపాలు అమృతంతో సమానమంటారు. అందుకే బిడ్డ పుట్టినప్పటి నుంచి వారికి ఆరునెలల వయసొచ్చే దాకా అవే వారికి అన్న పానీయాలు. తల్లి పాల రూపంలో పాపాయిలకు అందే ప్రొటీన్లు, కొవ్వులు, చక్కెర..ఇతరత్రా పోషకాలు వారిలో రోగ నిరోధక శక్తి పెంచడానికి దోహదం చేస్తాయి. అందుకే బిడ్డ పుట్టినప్పటి నుంచి కనీసం ఆరునెలల దాకా తల్లిపాలు పట్టాలని వైద్యులు సూచిస్తారు. అయితే ప్రస్తుతమున్న యాంత్రిక జీవనంలో తల్లి పాలకు చాలా కొరతొచ్చి పడింది. అందుకు కారణాలు అనేకం. ఈ క్రమంలో ఓ మహిళ తన బిడ్డకు అమృతమంటి పాలను అందిస్తూనే, అదనంగా ఉత్పత్తైన పాలను దానం చేసి ఆదర్శంగా నిలుస్తోంది.

Know More

women icon@teamvasundhara
kerala-government-to-conduct-night-walk-for-women-on-december-29

‘సధైర్యం మున్నొట్టు’ అని చెప్పడానికే...!

ఎవరు అవునన్నా.. కాదన్నా ప్రపంచంలో ఎక్కువ ఉద్యమాలు చేసింది స్త్రీలే. అదీ ఎందుకో తెలుసా ? మృగంలా మారుతున్న కొంతమంది మగవారిని మనిషిగా మారమని కోరేందుకు.. ఆడవాళ్లనీ ఓ మనిషిలా గౌరవించాలని తెలిపేందుకు..! ‘చైతన్యం మార్పు వల్లే సాధ్యమవుతుంది... మార్పు ఉద్యమంతోనే మొదలవుతుంది’ అని ఓ తత్త్వవేత్త అన్నట్లు... మానవత్వంతో సాటి మనిషికి విలువివ్వాలనే చైతన్యం అందరిలో కలగాలంటే... మనిషి ఆలోచనా ధోరణిలో మార్పు రావాలి.... అలా జరగాలంటే ఆ ఆలోచన ఉన్న ప్రతిఒక్కరూ ఉద్యమించాలి. ఈ విషయాన్ని తెలపడానికే తరతరాలుగా మహిళలు అలుపు లేకుండా ఉద్యమిస్తూనే ఉన్నారు. ప్రస్తుతం కేరళకు చెందిన మహిళలు కూడా ఇదే చేస్తున్నారు.

Know More

women icon@teamvasundhara
hyderabad-women-start-online-petition-for-women-protection

సీసీ కెమెరాలున్నా... సరైన వెలుతురు లేకపోతే ఏం ప్రయోజనం !

ప్రస్తుతం చాలామంది స్త్రీలకు సమాజం ఒక అరణ్యంలా తయారైంది. చీకటి పడితే చాలు క్రూరమృగంలా ఏ కామాంధుడు దాడి చేస్తాడోనని బిక్కు బిక్కుమంటూ ప్రయాణిస్తున్నారు. ఈక్రమంలో ఏదైనా అనుకోని దుర్ఘటన జరిగితే అందరూ సమాజంలో ఉన్న మృగాలను చంపేయాలంటున్నారు కానీ మూలాలకు వెళ్లి సమస్యను పరిష్కరించే ప్రయత్నం మటుకు చేయడం లేదు. తత్ఫలితంగా ఒక స్త్రీకి జరిగిన ఘోరమే మళ్లీ మరో స్త్రీకి ఎదురవుతోంది. అందుకే... ఒక స్త్రీకి వచ్చిన సమస్య గురించి మరో స్త్రీనే గళమెత్తాలని ఇప్పటి మహిళలు భావిస్తున్నారు. ఈక్రమంలో కొందరు తమని తాము శక్తిమంతంగా మార్చుకొని స్ఫూర్తిగా నిలుస్తుంటే... మరికొందరు సమస్య మూలాలను వెతికి పట్టుకొని సమాజంలో మార్పు తీసుకొచ్చే ప్రయత్నం చేస్తున్నారు. అటువంటి మహిళల గురించే మీరిప్పుడు తెలుసుకోబోతున్నారు.

Know More

women icon@teamvasundhara
mike-tyson-dont-want-to-get-in-a-ring-with-serena-williams

ఆటలో ఆమెతో... మాటల్లో ఈమెతో పెట్టుకోలేరట !

సెరెనా విలియమ్స్‌ అంటే టెన్నిస్‌ ఆటలో సాటిలేని నైపుణ్యానికి పెట్టింది పేరు. ఇక పాప్‌ సామ్రాజ్య రారాణి లేడీ గాగా అంటే అద్భుతమైన గాత్రానికి కేరాఫ్‌ అడ్రస్‌. అటువంటి వీరిలో మరో కోణం కూడా దాగి ఉందని ఇటీవల వారి సామాజిక మాధ్యమాల ద్వారా తెలిసింది. టెన్నిస్‌ కోర్టులో తన సర్వీసులతోనే ప్రత్యర్ధులకు ఓటమి రుచి చూపించే సెరెనా బాక్సింగ్‌లో కూడా తానేమీ తీసిపోనని నిరూపించింది. మహా మహా బాక్సర్లకు ముచ్చెమటలు మట్టించే మైక్‌ టైసనే ఆమెతో రింగ్‌లో దిగడానికి భయపడుతున్నాడు. ఇక గాయనిగా, నటిగా తనకు తానే సాటి అని నిరూపించుకున్న లేడీ గాగా తనకు మంచి సెన్సాఫ్‌ హ్యూమర్‌ కూడా ఉందని ట్విట్టర్‌ ద్వారా తెలుపుతోంది. మరి వీరి కథేంటో ఓ లుక్కేద్దాం రండి !

Know More

women icon@teamvasundhara
christmas-dolls-of-santa-claus-and-jesus-from-the-vilacheri-village-are-getting-ready

దైవానికి రూపమివ్వడంలో వారికి వారే సాటి !

భారతదేశంలో నెలకో పండగ ఉంటుంది. ప్రతి పండగ భిన్నత్వంలో ఏకత్వానికి చిహ్నంగా నిలుస్తుంది. ఒకరకంగా చెప్పాలంటే సర్వమత సమ్మేళనం మన సంప్రదాయం. తన, పరాయి అన్న భేదం లేకుండా న్యూ ఇయర్‌ వేడుకలతో మొదలుపెట్టి క్రిస్మస్‌ వేడుకలతో ఘనంగా ఏడాదిని ముగిస్తారు మన భారతీయులు. ఇలా అన్ని మతాలనూ కలుపుకునే స్వభావం ప్రపంచవ్యాప్తంగా ఒక్క మనకే సొంతం అని చెప్పడంలో ఎంత మాత్రం అతిశయోక్తి లేదు. అందుకు అద్దం పడుతున్నారు విలచేరి గ్రామ మహిళలు. హిందూ సంప్రదాయానికి మానస పుత్రికలైన వీరి చేతిలో ప్రాణం పోసుకునే జీసస్‌, శాంతా క్లాజ్‌ బొమ్మలు ప్రపంచ దేశాల్లో కూడా చాలా ఫేమస్‌. ఎందుకో తెలుసా

Know More

women icon@teamvasundhara
women-security-improved-in-china-in-recent-times

చైనా చట్టాలు... మహిళలకు చుట్టాలు... !

ప్రపంచంలోనే అత్యధిక జనాభా కలిగిన దేశం చైనా. కానీ చాలా దేశాలతో పోలిస్తే అక్కడ నమోదయ్యే నేరాలు చాలా తక్కువగా ఉంటున్నాయి. ప్రపంచ జనాభా లెక్కల విశ్లేషకుల ప్రకారం ఒక మిలియన్‌ జనాభాకు అక్కడ 0.62 హత్యలు నమోదవుతున్నాయంటే చైనా ప్రభుత్వం చట్టాలను ఎంత కఠినంగా అమలు చేస్తోందో అర్థమవుతోంది. అందుకే అక్కడి నేరాల సంఖ్య దాదాపు నలభై శాతానికి పడిపోయిందని చైనా ప్రభుత్వం తెలుపుతోంది. ఈక్రమంలో స్త్రీల భద్రతపై కూడా చైనా ప్రభుత్వం ప్రత్యేక దృష్టి సారిస్తుండగా, వివిధ దేశాల మహిళలు కూడా చైనాలో పర్యటించడం సురక్షితం అంటున్నారు. మరి అంతలా చైనా ప్రభుత్వం స్త్రీల రక్షణ కోసం ఏం చేస్తోంది ? తెలుసుకుందాం రండి !

Know More

women icon@teamvasundhara
google-soon-add-a-new-lighting-feature-to-maps

చీకట్లో ‘దారి’ చూపిస్తుంది !

శ్రీజ... ఓ సాఫ్ట్‌వేర్‌ కంపెనీలో ఉద్యోగం చేస్తోంది. రోజూ రాత్రి డ్యూటీ పూర్తి చేసుకుని ఇంటికి వెళ్లే సరికి 11 అవుతుంది. ఆఫీసు క్యాబ్‌ సేవలు తన ఇంటికి దగ్గర్లోని బస్‌స్టాప్‌ వరకు మాత్రమే అందుబాటులో ఉన్నాయి. ఇక అక్కడి నుంచి ఇంటికి చేరుకోవాలంటే కనీసం అర కిలోమీటర్‌ నడవాల్సిందే. ఆమెకు బస్‌స్టాప్‌ నుంచి ఇంటికి చేరుకోవడానికి మూడు మార్గాలు అందుబాటులో ఉన్నాయి. ఈ క్రమంలోనే ఒక మార్గంలో ఇంటికి వెళ్దామని బయలుదేరింది శ్రీజ. తీరా కాస్త ముందుకు వెళ్లగానే ఆ దారిలో వీధి దీపాలు పనిచేయడం లేదు. ఇక చేసేదేం లేక సెల్‌ ఫోన్‌ టార్చ్‌ ఆన్‌ చేసుకుని బిక్కుబిక్కుమంటూ ఇంటికి చేరుకుంది. ఒక్క శ్రీజనే కాదు నగరాల్లో నివసిస్తున్న చాలామంది ఇలాంటి పరిస్థితులే ఎదుర్కొంటున్నారు. మారుతోన్న పనితీరుకు అనుగుణంగా ఆడ, మడ అనే తేడా లేకుండా అందరూ, అన్ని రకాల షిఫ్టుల్లో పని చేయాల్సి వస్తోంది! ఇందులో ఎలాంటి ప్రత్యామ్నాయం లేదు. అయితే రాత్రిపూట ఇలాంటి సమస్యలను ఎదుర్కొంటున్న వారి కోసమే గూగుల్‌ ఓ సరికొత్త ఫీచర్‌ను అందుబాటులోకి తీసుకురానుంది...

Know More

women icon@teamvasundhara
bangladesh-film-no-dorai-in-a-controversy-to-ban

సంద్రానికే భయపడలేదు.. భర్తకెందుకు భయపడాలి !

ఈ కాలంలో ప్రపంచవ్యాప్తంగా ప్రముఖుల జీవితగాధలు బయోపిక్‌లుగా మారి సినీ అభిమానులను ఆకట్టుకుంటున్నాయి. అటువంటి ఓ బయోపిక్ కథే ఇప్పుడు బంగ్లాదేశ్‌లో వివాదాస్పదమవుతోంది. బయోపిక్‌ అంటే ఎవరో గొప్ప వ్యక్తిది అనుకుంటారేమో ! ఇది బంగ్లాదేశ్‌కి చెందిన ఓ సాధారణ మహిళ బయోపిక్‌. జీవితంలో ఏదో సాధించాలని తపన పడి పూర్తిగా విఫలమైన సగటు మహిళ కథ. కనీసం ఆమె తన ఊరు కూడా దాటలేదు. ఎక్కడా ఎటువంటి గొప్ప విజయాలు సొంతం చేసుకోలేదు. మరెందుకు ఆమె కథను సినిమాగా రూపొందించారు ? ఎందుకీ సినిమాపై అక్కడి పెద్దలు రాద్ధాంతం చేస్తున్నారు ? అంటే.. ఆమె ఓ తప్పు చేసింది.. అందుకే !

Know More

women icon@teamvasundhara
delhi-school-boys-have-to-take-oath-to-behave-well-with-girls

ఇకపై అక్కడి స్కూళ్లలో అమ్మాయిల కోసం అబ్బాయిల ప్రతిజ్ఞ !

భావితరాలకు విలువలు నేర్పలేని విద్య వ్యర్థం అన్నారు మన పెద్దలు. నేటి సమాజంలో చాలా విద్యాలయాలు ర్యాంకులు సాధించడంలో చూపిన శ్రద్ధ విద్యార్థులకు మానవతా విలువలు నేర్పడంపై చూపడం లేదు. ఈక్రమంలో సాటి మనిషికి విలువివ్వాలనే కనీస విషయాన్ని నేటి తరంలో చాలామంది మర్చిపోతున్నారు. తద్వారా విచక్షణ కోల్పోయి ఉన్మాదులుగా మారి ఆడవారిపై అఘాయిత్యాలకు పాల్పడుతున్నారు. ఇటీవల కాలంలో ఈ ఉన్మాద చర్యలు మరీ ఎక్కువవుతుండడంతో వీటికి అడ్డుకట్ట వేయడానికి దిల్లీ ప్రభుత్వం ఓ నిర్ణయం తీసుకుంది. స్త్రీల గురించి చెడుగా మాట్లాడితే కొడుకైనా, అన్నైనా, తమ్ముడైనా సరే ఇంట్లోకి రానివ్వమని చెప్పమంటోంది ! ఇదేంటి అని ఆశ్చర్యపోతున్నారేమో ! దీని వెనుక సదుద్దేశమే ఉంది !

Know More

women icon@teamvasundhara
saudi-arabia-ends-seperate-entrance-rule-for-women-in-restaurants

ఆడ మగ మధ్య ఉన్న ఆ అడ్డు తొలగించేశారు !

‘మిస్‌ ఇండియా, మిస్‌ వరల్డ్‌, మిస్‌ యూనివర్స్‌గా ఎవరు గెలిచినా వారి గురించి క్షణాల్లో అందరికీ తెలిసిపోతుంది. కానీ ‘మిస్‌ సౌదీ అరేబియా’ కిరీటాన్ని ఎవరు దక్కించుకున్నారో ఆమె భర్తకు తప్ప మరొకరికి తెలియదు. ఎందుకంటే పోటీలో అందరూ ముసుగు ధరించే ఉంటారు కనుక.’ సౌదీ అరేబియాలో మహిళలకు లభించే స్వేచ్ఛ గురించి అంతర్జాలంలో వైరల్‌ అయిన ఒక జోక్‌ ఇది. కానీ ఇప్పుడు అక్కడ పరిస్థితులు మారుతున్నాయి. ఇప్పుడిప్పుడే పురుషాధిక్య నీడ నుంచి బయటకొస్తున్న మహిళా సాధికారత సరికొత్త రూపాన్ని సంతరించుకొంటోంది. ఈక్రమంలో ఆడ, మగ మధ్య ఉన్న అంతరాలు తొలగిపోతున్నాయి. ఇందులో భాగంగా సౌదీ మహిళలు పురుషుల చేతిలోంచి డ్రైవింగ్‌ స్టీరింగ్‌ను అందుకుని సొంతంగా వాహనాలను నడుపుతున్నారు. ఎక్కడికెళ్లినా పురుషుల అనుమతి తీసుకోవాలనే పాతకాలపు సిద్ధాంతానికి స్వస్తి పలికారు. ఈక్రమంలో ఇప్పుడు తాజాగా ఆడ, మగ మధ్య ఉన్న మరో అంతరాన్ని తొలగించింది అక్కడి ప్రభుత్వం.

Know More

women icon@teamvasundhara
states-are-implementing-free-ride-schemes-to-women

ఫోన్‌ చేస్తే చాలు... వచ్చి దిగబెడతారు !

ఆరు నెలల గర్భవతి అయిన సువర్ణ క్యాబ్‌ బుక్‌ చేసుకొని ఆసుపత్రికి వెళ్తోంది. ఆమెను అద్దంలో నుంచి చూస్తోన్న క్యాబ్‌ డ్రైవర్‌ విజిల్‌ వేస్తూ, పాటలు పాడుతూ వంకర దృష్టితో చూస్తున్నాడు. ఆసుపత్రికి చేరిన తర్వాత అక్కడి వారికి చెప్పేలోపే అతడు వెళ్లిపోయాడు. ఇది తమిళనాడులో క్యాబ్‌ ఎక్కుతున్న చాలామంది మహిళలు ఎదుర్కొంటున్న పరిస్థితి. క్యాబ్‌ డ్రైవర్ల వింత చేష్టలతో వారు ఇలా భయపడడానికి కారణం.. ఇటీవల మహిళలపై జరుగుతున్న అకృత్యాలే. కనీసం ఆటోలో వెళ్తే బయటకి దూకి అయినా తప్పించుకోవచ్చు అనే ఆలోచన వారికి కలుగుతోందంటే ప్రస్తుత పరిణామాలు వారిని ఎంతటి ఆందోళనకు గురి చేస్తున్నాయో అర్థం చేసుకోవచ్చు. ఇప్పుడు సమాజంలో నెలకొన్న అతి పెద్ద సమస్య మహిళలకు రక్షణ కల్పించడమే. ప్రతి రాష్ట్రం కూడా ప్రత్యేక దృష్టి సారించి తక్షణ చర్యలు చేపడుతున్నది కూడా దీని గురించే. అందుకు నిదర్శనమే ఇటీవల కొన్ని రాష్ట్రాలు తీసుకొచ్చిన ఈ మార్పులు.

Know More

women icon@teamvasundhara
haryana-to-start-special-buses-for-women

women icon@teamvasundhara
us-uk-travel-advisories-say-women-are-not-safe-in-india

భారత్‌కు వెళితే... 100కు ఫోన్‌ చేయండి !

లండన్‌కు చెందిన ఓ స్వచ్ఛంద సంస్థ అందించిన సర్వే ప్రకారం మహిళలకు అత్యంత ప్రమాదకరమైన దేశాల జాబితాలో భారత్‌ మొదటి స్థానంలో ఉంది. మహిళల రక్షణలో సిరియా, అఫ్గానిస్తాన్‌ వంటి దేశాలను కాదని భారత్‌ ఈ దుస్థితిలో ఉండడం భారతీయులందరికీ శోచనీయం. ఇక అమెరికాకు చెందిన మరో విశ్వవిద్యాలయం 167 దేశాల్లో నుంచి మహిళలకు శాంతి, రక్షణ కల్పించే దేశాల జాబితా తీస్తే భారత్‌ 133వ స్థానంలో నిలిచింది. భారత్‌ అంటే భిన్నత్వంలో ఏకత్వం అంటూ ఎప్పుడూ గొప్పగా ఊహించుకునే వివిధ దేశాల ప్రజలు ఇప్పుడు ఈ సర్వేలను చూసి భయపడుతున్నారు. ఈక్రమంలో యు.కె., యు.ఎస్‌.కు చెందిన ప్రభుత్వాలు భారత్‌ వెళ్లాలనుకునే తమ దేశ మహిళలకు ఏమని చెబుతున్నాయో తెలుసా ?

Know More

women icon@teamvasundhara
a-woman-says-men-should-stay-at-home-after-7-pm

మీ మగాళ్లంతా ఏడింటి లోపు ఇంటికి చేరండి !

ఈ ప్రపంచంలో మగవారంతా ఏడు, ఎనిమిదింటిలోపే ఇంటికి చేరారనుకోండి ! ఏం జరుగుతుంది ? ముందుగా మద్యం షాపులు బందవుతాయి. ఎప్పుడు, ఎక్కడ ఏ మగ మృగం తమపై పడుతుందో అన్న భయం మహిళలకు ఉండదు. తద్వారా ఆడవారిపై అత్యాచారాలు జరగవు. మహిళలు ఎక్కడికెళ్లినా స్వేచ్ఛగా, సురక్షితంగా ఇంటికి తిరిగి రావచ్చు. ఇలా అంటోంది ఎవరో కాదు.. ఇదిగో ఈ ఫొటోలోని మహిళ ! దిశ వంటి ఘోర ఉదంతాలు జరిగినప్పుడల్లా ‘ఆడవారు త్వరగా ఇంటికి చేరండి.. ఎక్కడికైనా వెళితే తండ్రి అండ తీసుకోండి లేదా సోదరుడితో కలిసి వెళ్లండి... ఆపద సమయంలో పోలీసులకు ఫోన్‌ చేయండి’ అని సలహాలు వెల్లువెత్తుతుండడంతో ఇలా అంటోంది. అనడమే కాదు... మనం వాడే పదజాలంలో కూడా మహిళలను ఇతరుల సాయం తీసుకునే బలహీనులుగా చూపొద్దని ప్లకార్డులు పట్టుకొని మరీ నిరసిస్తోంది. ఇంతకీ ఆమె ఇలా ఆగ్రహించడానికి కారణం ఏంటో తెలుసా ?

Know More

women icon@teamvasundhara
the-womens-skydiving-network-to-set-a-world-record-to-honor-100th-anniversary-of-womens-suffrage

అందుకోసమే స్కై డైవింగ్‌ చేయబోతున్నారు !

భయంతో పది అడుగులు వెనక్కి వేసి సాటి మహిళలకు పిరికితనం నేర్పేకన్నా ధైర్యంగా ఒక్క అడుగు ముందుకేసి అందరికీ స్ఫూర్తిగా నిలవడం ఉత్తమం. ఇలా ఒక్క అడుగుతో మహిళలను సాధికారత బాట పట్టించిన మహిళలు ఈ ప్రపంచంలో చాలామంది ఉన్నారు. వారందరి మాట ఒక్కటే ! మహిళలు తమ సమస్యలను తామే ఏకమై పరిష్కరించుకోవాలి. పిరికితనంతో ఇంటికే పరిమితం కాకుండా ధైర్యంగా బయటకొచ్చి పోరాడాలి. ఎటువంటి విషయంలోనైనా ముక్కుసూటిగా వ్యవహరించాలి... ఎలాంటి విషమ పరిస్థితినైనా మనోధైర్యంతో ఎదుర్కోవాలి. ఇలాంటి స్ఫూర్తిదాయక మాటలు చెబుతోంది ఎవరో కాదు.. ఆకాశమే హద్దుగా స్కై డైవింగ్‌ చేసే ‘ప్రాజెక్ట్‌ 19’ మహిళలు. మహిళల ఎదుగుదలకు ఏదీ అడ్డుకాదని... ఆకాశమే హద్దుగా ముందుకు సాగాలని త్వరలోనే వారు సృష్టించబోయే ప్రపంచ రికార్డుతో తెలపబోతున్నారు. ఇంతకీ ఏంటీ ప్రాజెక్ట్‌ 19 ?

Know More

women icon@teamvasundhara
a-pashtun-father-and-abu-dhabi-crown-prince-sets-an-example-for-women-empowerment

ఇలాంటి వాడే అసలైన మగాడు !

ఇటీవల దిశ ఉదంతం అనంతరం మగవారిలో మార్పు తీసుకొచ్చేందుకు గతంలో మర్ద్‌ (మెన్‌ ఎగైనెస్ట్‌ రేప్‌ అండ్‌ డిస్క్రిమినేషన్‌) ఉద్యమం కోసం మహేశ్‌ బాబు చెప్పిన మాటలు ప్రస్తుతం అంతర్జాలంలో బాగా వైరల్‌ అవుతున్నాయి. ఆయన మాటల్లో చెప్పాలంటే... ‘‘ఎవరి కళ్ల్లల్లో సంస్కారం సూర్య కాంతిలా మెరుస్తుందో.. ఎవరి మాట మన్ననగా ఉంటుందో.. ఎవరి మనసు మెత్తగా ఉంటుందో.. ఎవరి ప్రవర్తన మర్యాదగా ఉంటుందో.. ఎవరికి ఆడవాళ్లంటే హృదయంలో అభిమానం, సమాజంలో గౌరవం ఉంటాయో.. ఎవరు వారి శరీరానికి, మనసుకి, ఆత్మకి విలువిస్తారో.. వారి ఆత్మగౌరవానికి తోడుగా నిలుస్తారో.. ఎవరు మగువ కూడా మనిషే అని ఒక్క క్షణం కూడా మర్చిపోరో.. స్త్రీకి శక్తి ఉంది, గుర్తింపు ఉంటుంది, గౌరవం ఉండాలని ఎవరు మనస్ఫూర్తిగా అనుకుంటారో.. ఎవరికి దగ్గరగా ఉంటే ప్రమాదం దూరంగా పారిపోతుందనే నమ్మకం ఉంటుందో.. అలాంటి వాడు స్త్రీకి నిజమైన స్నేహితుడు.. సహచరుడు.. ఆత్మీయుడు ! ఒక్కమాటలో చెప్పాలంటే.. వాడే మగాడు !’’. ఈ మాటలకు అక్షర సత్యంగా నిలుస్తున్నారు మియా ఖాన్‌, షేక్‌ మొహమ్మద్‌ బిన్‌ జాయేద్‌. ఇంతకీ ఎవరు వీళ్లు ? ఏం చేశారు ? తెలుసుకుందాం రండి !

Know More

women icon@teamvasundhara
a-ukrainian-model-and-indonesian-gymnast-dropped-off-from-the-competitions-due-to-male-dominated-rules

ఆమె తల్లి అని.. ఈమె కన్య కాదని పోటీ నుంచి తప్పించారు !

చాలా రంగాల్లో నియమ నిబంధనలు మగవారు సృష్టించినవే. వాటినే ఇప్పటికీ అనుసరిస్తుండగా అవి పురుషులకు అనుకూలంగా, స్త్రీలకు ప్రతికూలంగా ఉండి వివక్షను చూపుతున్నాయి. ఈక్రమంలో చాలామంది స్త్రీలు ప్రతిభ ఉండీ పోటీలో రాణించలేకపోతున్నారు. అయితే వీటిపై కొందరు మహిళలు మౌనం వహిస్తే, మరికొందరు పురుషాధిక్య నియమావళికి ఎదురెళ్తున్నారు. ఇందుకు ఉదాహరణగా నిలుస్తున్నారు ఈ ఇద్దరు మహిళలు. ఒకరికేమో మిస్‌ వరల్డ్‌ పోటీలో రాణించడానికి తల్లిగా మారడం శాపమైంది. మరొకరు కన్య కానందుకు పోటీ నుంచి నిష్ర్కమించాల్సి వచ్చింది. అయితే చాలామంది మహిళల్లా వీరు మౌనం వహించలేదు. న్యాయ పోరాటం చేస్తున్నారు.

Know More

women icon@teamvasundhara
anjali-chand-and-megan-rapinoe-are-showing-they-are-no-less-than-male-players

ఇకపై మా తర్వాతే పురుషులు !

గతంలో సినిమా నుంచి స్పోర్ట్స్‌ వరకు ఏ రంగాన్ని తీసుకున్నా మహిళలు ఉన్నారంటే ఏదో ఉన్నారంతే..! అన్న విధంగా ఉండేది స్త్రీల ప్రాముఖ్యత. సినిమాల్లో అయితే హీరో పక్కన ఆడిపాడడానికి, స్పోర్ట్స్‌లో అయితే ఏదో మగవారి టీమ్‌ ఉంది కాబట్టి మహిళలకీ ఓ టీమ్‌ పెట్టామన్నట్లు ఉండేది పరిస్థితి. అయితే ఇప్పుడు కాలం మారింది. నేడు ఏ రంగాన్ని తీసుకొన్నా చరిత్ర పుస్తకాల్లోని రికార్డులను చెరిపేసి అగ్రస్థానంలో తమ పేరు లిఖించుకుంటున్నారు మహిళలు. ఇందుకు నిదర్శనమే నేపాల్‌కు చెందిన మహిళా క్రికెటర్‌ అంజలీ చంద్‌, అమెరికా ఫుట్‌బాల్‌ క్రీడాకారిణి మేగన్‌ రాపినో. పురుషాధిక్యం ఎక్కువగా ఉండే క్రికెట్‌, ఫుట్‌బాల్‌ క్రీడల్లో వీరు అద్భుతంగా రాణిస్తూ ఇకపై తమ తర్వాతే పురుషులు అని సాటి మహిళలకు స్ఫూర్తిగా నిలుస్తున్నారు.

Know More

women icon@teamvasundhara
women-si-becomes-bride-to-catch-a-decoit

రాధా ఆగయీ... క్రిష్ణ మిల్‌గయా !

అతని పేరు బాలక్రిష్ణ. వయసు 55 ఏళ్లు. ఎప్పుడూ ఒక దగ్గర స్థిరంగా ఉండడు. అంతేనా.. తనకు అవసరమైనప్పుడు దోపిడీలు చేస్తాడు. అడ్డొచ్చిన వారిని చంపేస్తాడు. పట్టుకుందామంటే అధ: పాతాళానికి వెళ్లినా దొరకడు. గత మూడేళ్లుగా పోలీసులకు చిక్కకుండా ముప్పుతిప్పలు పెడుతున్నాడు. అటువంటి దుర్మార్గుడు పెళ్లి చేసుకోవాలనుకున్నాడు ! తనకు తెలిసిన వారిని సంబంధాలు చూసిపెట్టమన్నాడు. బెదిరిస్తే తప్ప ఏ అమ్మాయైనా అందుకు సిద్ధపడదని ఏ చిన్న పిల్లాడిని అడిగినా చెబుతాడు. అయితే అందర్నీ ఆశ్చర్యపరుస్తూ ఓ అమ్మాయి తాను బాలక్రిష్ణను పెళ్లి చేసుకుంటానని ముందుకొచ్చింది. ఆమె పేరు రాధ. వయసు 30ఏళ్లు ! తండ్రి వయసున్న అతడ్ని పెళ్లి చేసుకోవాలనుకుంది. ఇదెక్కడి విడ్డూరం..! అనుకోకండి. అందుకు ఓ కారణం ఉంది.

Know More

women icon@teamvasundhara
teachers-in-madhya-pradesh-are-failing-in-teaching-tests

టీచర్లే 33 మార్కులు తెచ్చుకోలేకపోతే... మరి పిల్లల గతేంటి ?

రేపటి శాంతి కోసం నేటి పిల్లలను ఉన్నతులుగా తీర్చిదిద్దేవి పాఠశాలలు. ఏ వ్యక్తికైనా ఉన్నత వ్యక్తిత్వం అలవడేది పాఠశాల దశలోనే. విద్యార్థులకు సరైన దిశా నిర్దేశం చేసే అటువంటి పవిత్ర దేవాలయాలు ఇప్పుడు దారి తప్పుతున్నాయి. అందుకు కారణం ప్రతిభ గల ఉపాధ్యాయులు లేకపోవడం ఒకటైతే.. మనిషి స్వయం కృత పతనం మరో కారణం. ఇందుకు నిదర్శనంగా నిలుస్తున్నాయి ఈ రెండు ఉదంతాలు. ఒక పాఠశాలలో విద్యార్థులను వివేకవంతులుగా చేయాల్సిన ఉపాధ్యాయులే 33 మార్కులు తెచ్చుకోలేకపోతుంటే.. మరో చోట వాహనాల దుమ్ము కారణంగా విద్యాలయాలనే మూసేస్తున్నారు. మరి వీటి కథేంటో ఓసారి చూద్దాం రండి !

Know More

women icon@teamvasundhara
a-japan-store-initiates-period-badge-to-combat-stigma

అక్కడ నెలసరి బ్యాడ్జీలు ఇస్తున్నారు ! ఎందుకో తెలుసా ?

ప్రపంచ దేశాలన్నీ అభివృద్ధి బాటలో పోటీపడుతున్నప్పటికీ కొన్ని విషయాల్లో మటుకు మూఢాలోచనల మూలాలను వదిలి బయటకి రాలేకపోతున్నాయి. ఇందులో ముఖ్యంగా చెప్పుకోవాల్సింది నెలసరి గురించి. ఈ 21వ శతాబ్దంలో కూడా చాలామంది స్త్రీలు నెలసరి అంటే లేనిపోని అనుమానాలతో అవమానపడుతున్నారు. కేవలం స్త్రీలే కాదు పురుషులు కూడా దీన్నో వింతలా చూస్తూ స్త్రీల మనోభావాలను కించపరుస్తున్నారు. ఈక్రమంలోనే కాలానుగుణంగా మహిళల శరీరంలో వచ్చే మార్పుల్లో నెలసరి కూడా ఒకటని చాటేందుకు వివిధ రంగాలకు చెందిన పలు సంస్థలు నెలసరిపై అవగాహన పెంచే ప్రయత్నం చేస్తున్నాయి. ఇందులో భాగంగానే స్త్రీలకు మెన్‌స్ట్రువల్‌ లీవ్స్‌ ఇవ్వడం, శ్యానిటరీ న్యాప్‌కిన్లను పంచడం వంటివి చేస్తున్నాయి. ఈ కోవలోనే జపాన్‌లోని ఓ సంస్థ కూడా తమ ఉద్యోగినులకు నెలసరి బ్యాడ్జీలను ఇవ్వడం మొదలుపెట్టింది.

Know More

women icon@teamvasundhara
students-demand-a-life-time-ban-on-professor-accused-of-sexual-misconduct