భావితరాలకు విలువలు నేర్పలేని విద్య వ్యర్థం అన్నారు మన పెద్దలు. నేటి సమాజంలో చాలా విద్యాలయాలు ర్యాంకులు సాధించడంలో చూపిన శ్రద్ధ విద్యార్థులకు మానవతా విలువలు నేర్పడంపై చూపడం లేదు. ఈక్రమంలో సాటి మనిషికి విలువివ్వాలనే కనీస విషయాన్ని నేటి తరంలో చాలామంది మర్చిపోతున్నారు. తద్వారా విచక్షణ కోల్పోయి ఉన్మాదులుగా మారి ఆడవారిపై అఘాయిత్యాలకు పాల్పడుతున్నారు. ఇటీవల కాలంలో ఈ ఉన్మాద చర్యలు మరీ ఎక్కువవుతుండడంతో వీటికి అడ్డుకట్ట వేయడానికి దిల్లీ ప్రభుత్వం ఓ నిర్ణయం తీసుకుంది. స్త్రీల గురించి చెడుగా మాట్లాడితే కొడుకైనా, అన్నైనా, తమ్ముడైనా సరే ఇంట్లోకి రానివ్వమని చెప్పమంటోంది ! ఇదేంటి అని ఆశ్చర్యపోతున్నారేమో ! దీని వెనుక సదుద్దేశమే ఉంది !

ఆరు నెలల గర్భవతి అయిన సువర్ణ క్యాబ్‌ బుక్‌ చేసుకొని ఆసుపత్రికి వెళ్తోంది. ఆమెను అద్దంలో నుంచి చూస్తోన్న క్యాబ్‌ డ్రైవర్‌ విజిల్‌ వేస్తూ, పాటలు పాడుతూ వంకర దృష్టితో చూస్తున్నాడు. ఆసుపత్రికి చేరిన తర్వాత అక్కడి వారికి చెప్పేలోపే అతడు వెళ్లిపోయాడు. ఇది తమిళనాడులో క్యాబ్‌ ఎక్కుతున్న చాలామంది మహిళలు ఎదుర్కొంటున్న పరిస్థితి. క్యాబ్‌ డ్రైవర్ల వింత చేష్టలతో వారు ఇలా భయపడడానికి కారణం.. ఇటీవల మహిళలపై జరుగుతున్న అకృత్యాలే. కనీసం ఆటోలో వెళ్తే బయటకి దూకి అయినా తప్పించుకోవచ్చు అనే ఆలోచన వారికి కలుగుతోందంటే ప్రస్తుత పరిణామాలు వారిని ఎంతటి ఆందోళనకు గురి చేస్తున్నాయో అర్థం చేసుకోవచ్చు. ఇప్పుడు సమాజంలో నెలకొన్న అతి పెద్ద సమస్య మహిళలకు రక్షణ కల్పించడమే. ప్రతి రాష్ట్రం కూడా ప్రత్యేక దృష్టి సారించి తక్షణ చర్యలు చేపడుతున్నది కూడా దీని గురించే. అందుకు నిదర్శనమే ఇటీవల కొన్ని రాష్ట్రాలు తీసుకొచ్చిన ఈ మార్పులు.

ఈ ప్రపంచంలో మగవారంతా ఏడు, ఎనిమిదింటిలోపే ఇంటికి చేరారనుకోండి ! ఏం జరుగుతుంది ? ముందుగా మద్యం షాపులు బందవుతాయి. ఎప్పుడు, ఎక్కడ ఏ మగ మృగం తమపై పడుతుందో అన్న భయం మహిళలకు ఉండదు. తద్వారా ఆడవారిపై అత్యాచారాలు జరగవు. మహిళలు ఎక్కడికెళ్లినా స్వేచ్ఛగా, సురక్షితంగా ఇంటికి తిరిగి రావచ్చు. ఇలా అంటోంది ఎవరో కాదు.. ఇదిగో ఈ ఫొటోలోని మహిళ ! దిశ వంటి ఘోర ఉదంతాలు జరిగినప్పుడల్లా ‘ఆడవారు త్వరగా ఇంటికి చేరండి.. ఎక్కడికైనా వెళితే తండ్రి అండ తీసుకోండి లేదా సోదరుడితో కలిసి వెళ్లండి... ఆపద సమయంలో పోలీసులకు ఫోన్‌ చేయండి’ అని సలహాలు వెల్లువెత్తుతుండడంతో ఇలా అంటోంది. అనడమే కాదు... మనం వాడే పదజాలంలో కూడా మహిళలను ఇతరుల సాయం తీసుకునే బలహీనులుగా చూపొద్దని ప్లకార్డులు పట్టుకొని మరీ నిరసిస్తోంది. ఇంతకీ ఆమె ఇలా ఆగ్రహించడానికి కారణం ఏంటో తెలుసా ?

చాలా రంగాల్లో నియమ నిబంధనలు మగవారు సృష్టించినవే. వాటినే ఇప్పటికీ అనుసరిస్తుండగా అవి పురుషులకు అనుకూలంగా, స్త్రీలకు ప్రతికూలంగా ఉండి వివక్షను చూపుతున్నాయి. ఈక్రమంలో చాలామంది స్త్రీలు ప్రతిభ ఉండీ పోటీలో రాణించలేకపోతున్నారు. అయితే వీటిపై కొందరు మహిళలు మౌనం వహిస్తే, మరికొందరు పురుషాధిక్య నియమావళికి ఎదురెళ్తున్నారు. ఇందుకు ఉదాహరణగా నిలుస్తున్నారు ఈ ఇద్దరు మహిళలు. ఒకరికేమో మిస్‌ వరల్డ్‌ పోటీలో రాణించడానికి తల్లిగా మారడం శాపమైంది. మరొకరు కన్య కానందుకు పోటీ నుంచి నిష్ర్కమించాల్సి వచ్చింది. అయితే చాలామంది మహిళల్లా వీరు మౌనం వహించలేదు. న్యాయ పోరాటం చేస్తున్నారు.

రేపటి శాంతి కోసం నేటి పిల్లలను ఉన్నతులుగా తీర్చిదిద్దేవి పాఠశాలలు. ఏ వ్యక్తికైనా ఉన్నత వ్యక్తిత్వం అలవడేది పాఠశాల దశలోనే. విద్యార్థులకు సరైన దిశా నిర్దేశం చేసే అటువంటి పవిత్ర దేవాలయాలు ఇప్పుడు దారి తప్పుతున్నాయి. అందుకు కారణం ప్రతిభ గల ఉపాధ్యాయులు లేకపోవడం ఒకటైతే.. మనిషి స్వయం కృత పతనం మరో కారణం. ఇందుకు నిదర్శనంగా నిలుస్తున్నాయి ఈ రెండు ఉదంతాలు. ఒక పాఠశాలలో విద్యార్థులను వివేకవంతులుగా చేయాల్సిన ఉపాధ్యాయులే 33 మార్కులు తెచ్చుకోలేకపోతుంటే.. మరో చోట వాహనాల దుమ్ము కారణంగా విద్యాలయాలనే మూసేస్తున్నారు. మరి వీటి కథేంటో ఓసారి చూద్దాం రండి !

నేడు కొత్త కొత్త ఆలోచనలతో వినోదాన్ని సరికొత్తగా పంచుతున్న మాధ్యమాల్లో టిక్‌టాక్‌ ఒకటి. ఉదయం లేచిన దగ్గర నుంచి రాత్రి పడుకునే వరకు ఒక్క టిక్‌టాక్‌ వీడియో అయినా చేయకుండా, చూడకుండా చాలామందికి రోజు గడవడం లేదంటే అతిశయోక్తి కాదు. ఈక్రమంలో ఇటీవల ఓ అమ్మాయి చేసిన టిక్‌టాక్‌ వీడియో వినోద ప్రియులను బాగా ఆకట్టుకుంటోంది. ఈ వీడియోలో ఆమె ఒక చేయి వెనుక మరో చేతిని ఉంచి, వెనకున్న చేతిని ముందున్న చేతిలో నుంచి బయటకు తేవడం వీక్షకులను విస్మయానికి గురి చేస్తోంది. ఇందుకు ఆ అమ్మాయి ఎటువంటి మాయాజాలాన్ని గానీ ఎడిటింగ్‌ సాఫ్ట్‌వేర్‌ని కానీ వినియోగించలేదు. మరదెలా జరిగింది ? అని చాలామంది ఆశ్చర్యపోతుండగా అదేమంత పెద్ద విషయం కాదని కొంతమంది చేసి చూపించారు. అదేంటో మీరూ చూడండి.

చాలామంది ఎంతో ఆశగా కావాలనుకునే ఉద్యోగం ఏదైనా ఉందంటే అది రైల్వే ఉద్యోగమే. ఎందుకంటే ఎనిమిదో తరగతి విద్యార్హతకే ఇక్కడ ట్రాక్ వుమెన్, స్వీపర్ కమ్ పోర్టర్ వంటి ఉద్యోగాలకు ప్రారంభ జీతం దాదాపు 20,000 రూపాయల వరకు ఉంటోంది. వీటికే గ్రాడ్యుయేట్లు, పోస్ట్ గ్రాడ్యుయేట్లు పోటీ పడుతుండడం విశేషం. మరిక ఆపై ఉద్యోగాలకు పోటీ ఏ రేంజ్‌లో ఉంటుందో అర్థం చేసుకోవచ్చు. అందుకే చాలామంది మహిళలు ఇప్పుడు పురుషులతో సమానంగా రైల్వే ఉద్యోగాలకు పోటీ పడుతున్నారు. వారి సంఖ్య రోజు రోజుకీ పెరుగుతోందే తప్ప తరగడం లేదు. ఇండియన్ రైల్వేస్ మొత్తం మీద ఇప్పుడు మహిళా ఉద్యోగుల సంఖ్య లక్ష పైమాటే. అయితే వారి భద్రత మటుకు చాలా రంగాల్లోలానే ఇక్కడ కూడా అరకొరగానే ఉంది. అందుకే దక్షిణమధ్య రైల్వే ఓ ఉపాయాన్ని ఆలోచించింది.