scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

Movie Masala

 
category logo
Relations Heart

నేను ఏ తప్పూ చేయలేదు.. అయినా నాకెందుకీ శిక్ష!

Story of an Aids patient who is fighting with it and creating awareness in others

ఎయిడ్స్..నివారణ మార్గాలు తప్ప పూర్తిస్థాయి చికిత్స లేని వ్యాధి. సాధారణంగా ఈ వ్యాధి సోకిందని తెలిస్తే చాలు.. వారు తప్పు చేశారు కాబట్టే ఆ వ్యాధి వచ్చిందని చుట్టుపక్కల ఉన్న వారు బలంగా నమ్ముతారు. ఈ క్రమంలో బాధితులను వారి మాటలతో మానసికంగానూ హింసిస్తారు. ఓ మహిళ తాను ఎలాంటి తప్పు చేయకపోయినా ఈ మహమ్మారి బారిన పడి ఒకానొక దశలో జీవితాన్ని ముగించేసుకోవాలనుకుంది.. కానీ ఆమెకు వచ్చిన ఓ ఆలోచన ఆ నిర్ణయాన్ని మార్చేసింది. అంతేకాదు.. ఈ సమాజంలో ఆమె ఎదుర్కొన్న మాటల ఈటెలు, బాధాకరమైన సంఘటనలు.. తనని మానసికంగా మరింత బలంగా తీర్చిదిద్దాయి.. దాంతో ఆమె ఎయిడ్స్‌పై పోరాడడమే కాదు.. చుట్టుపక్కల వారికీ అవగాహన కల్పిస్తూ తోటి వ్యాధిగ్రస్తులకు అండగానూ నిలుస్తోంది. అసలేం జరిగిందో ఆమె మాటల్లోనే విందాం రండి..

నమస్కారం.
నా పేరు విజయ. మాది తూర్పు గోదావరి జిల్లా దగ్గర ఓ పల్లెటూరు. మా అమ్మానాన్నలకు ముగ్గురం అమ్మాయిలం. నేనే అందరికంటే చిన్నదాన్ని. అప్పట్లో ఆడపిల్లలకు చాలా త్వరగా పెళ్లిళ్లు చేసేసేవారు. మాది పల్లెటూరు కాబట్టి ఆడపిల్లల చదువులు కూడా అంతంతమాత్రంగానే ఉండేవి. దాంతో నా పద్నాలుగేళ్ల వయసప్పుడే మా అక్కలిద్దరికీ మంచి సంబంధాలు చూసి పెళ్లి చేశారు అమ్మానాన్న. ఆ తర్వాత ఇంకేముంది.. రాజ్యమంతా నాదే! దాదాపు ఏడాది పాటు యువరాణిలా ఫీలయ్యా. అమ్మానాన్నల ప్రేమను నేను ఒక్కదాన్నే ఎంజాయ్ చేస్తూ, అక్కలను కలిసినప్పుడు వారిని సరదాగా ఆటపట్టిస్తూ ఎంతో సంతోషించేదాన్ని. ఆ తర్వాత నాకు కూడా సంబంధాలు చూడడం మొదలుపెట్టారు మా అమ్మానాన్న. మొదట్లో ఏడెనిమిది సంబంధాలు వచ్చినా.. జాతకాలు కుదరకపోవడం, అబ్బాయి తీరు- తెన్నులు నచ్చకపోవడం.. ఇలా రకరకాల కారణాల వల్ల అవి తప్పిపోయాయి.

aidspatientstory650-1.jpg

దాంతో పెళ్లిచూపులంటే సరదాగా ఆడుకునే ఓ ఆటలా అనిపించింది నాకు. అందుకే ఆ తర్వాత కూడా పెళ్లి చూపులనగానే బుట్టబొమ్మలా అలంకరించుకొని పెద్దల ముందు కూర్చొన్నా. అప్పుడే తొలిసారి నేను విజయ్‌ని చూశా. వాళ్లది రాజమండ్రి. అతను ఓ లారీ డ్రైవర్. సొంతంగా లారీ ఉందని, భవిష్యత్తులో వాటితో ఏదైనా వ్యాపారం చేయాలని ఉందని మా అమ్మానాన్నలతో చెప్తుంటే విన్నా. విజయ్ అటు అమ్మానాన్నలతో మాట్లాడుతూనే.. తన కళ్లతో నాతో కూడా మాట్లాడినట్లు అనిపించింది. ఎందుకో అతను కూడా నాకు బాగా నచ్చేశాడు. ఇద్దరి విషయంలోనూ జాతకాలు, పొంతనలు.. అన్నీ కుదరడంతో సంబంధం కుదిర్చి మూడు నెలల్లో అంగరంగ వైభవంగా నా పెళ్లి చేసేశారు. ఆ తర్వాత కొత్త జీవితంపై కోటి ఆశలతో అత్తారింట్లో అడుగుపెట్టా. అయితే అక్కడి పరిస్థితులు మాత్రం నా వూహలకు భిన్నంగా ఉన్నాయి.

*****

ఎందుకంటే మా అత్తయ్యకు వాళ్ల బంధువుల అమ్మాయిని కోడలిగా చేసుకోవాలని ఉండేదట! కానీ విజయ్‌కు ఇష్టం లేకపోవడంతో అయిష్టంగానే మా ఇంటికి పెళ్లిచూపులకు వచ్చారట. నేను తనకు నచ్చడంతో వారిని ఒప్పించి ఈ పెళ్లి చేసుకున్నారు విజయ్. అందుకే నేను అత్తారింటికి వెళ్లినా మా అత్తామామలు నాతో ముభావంగానే ఉండేవారు. వారి విషయాల్లో అంతగా జోక్యం చేసుకోనిచ్చేవారు కాదు. నేను కూడా అంతగా పట్టించుకునేదాన్ని కాదు. ఆయనే లోకంగా గడిపేసేదాన్ని. ఇలా మా వైవాహిక జీవితాన్ని ఎంజాయ్ చేస్తున్న క్రమంలోనే సంవత్సర కాలం ఇట్టే గడిచిపోయింది. ఈలోగా నేను గర్భం ధరించా. ఆయనకు కూడా వేరే రాష్ట్రాల్లో ఆర్డర్స్ డెలివరీ ఇవ్వాల్సి రావడం.. మొదలయ్యాక నేను పుట్టింటికి వెళ్లిపోయా. ఆ తర్వాత కూడా నెలకు రెండు, మూడుసార్లు మా పుట్టింటికి వచ్చి నన్ను చూసి వెళ్లేవారు విజయ్. ఈలోగా ఆడపిల్ల పుడితే నాకు విడాకులు ఇచ్చేయమంటూ ఆయనపై ఒత్తిడి తెచ్చారు మా అత్తమామలు. వాళ్లకు సర్దిచెప్పేందుకు ఆయన కూడా ఎంతగానో ప్రయత్నించారు.

*****

అయితే నాకు పండంటి బాబు పుట్టడంతో వారి ఆటలేవీ సాగలేదు. బిడ్డ పుట్టిన ఐదు నెలల తర్వాత మళ్లీ నన్ను ఇంటికి తీసుకెళ్లారు విజయ్. అప్పుడు కూడా బాబు సంరక్షణ లేదా నా బాగోగులు కూడా వాళ్లు పట్టించుకున్నది లేదు. దీనికి తోడు విజయ్ ప్రవర్తనలో కూడా నిదానంగా మార్పు రావడం మొదలైంది. వారానికి రెండు మూడు సార్లు ఇంటికి వచ్చి వెళ్లే విజయ్.. ఆ తర్వాత వారానికోసారి ఇంటికి రావడమే గగనంగా మారిపోయింది. ఎప్పుడు అడిగినా.. 'మీ కోసమే కష్టపడుతున్నా.. అర్థం చేసుకోండి..' అనేవారు. ఆయన ప్రవర్తనపై మనసులో ఏదో మూల అనుమానం ఉన్నా ఆయనపై ఉన్న నమ్మకం దానిపై దృష్టి పెట్టనిచ్చేది కాదు. ఈలోగా ఆరోగ్యం బాగా లేకపోవడంతో ఆసుపత్రికి వెళ్లి పరీక్షలు చేయించుకున్నప్పుడు ఒక్కసారిగా షాకయ్యా. ఎందుకంటే నాకు హెచ్ఐవీ సోకిందని రిపోర్ట్‌లో వచ్చింది. షాక్ నుంచి తేరుకుని కాస్త ఆలోచించా. విషయం ఇంట్లో చెప్పకుండా ఆయనను కూడా ఆసుపత్రికి తీసుకొచ్చి హెచ్ఐవీ టెస్ట్ చేయించా. విజయ్‌కు కూడా పాజిటివ్ అని రావడంతో నా ప్రశ్నకు సమాధానం దొరికినట్త్లెంది. వెంటనే ఆసుపత్రి నుంచి బయటకు తీసుకొచ్చి తనని నిలదీశా. మొదట తనకేం తెలియదని గదమాయించినా నా రిపోర్ట్ కూడా చూపించడంతో కన్నీటిపర్యంతమయ్యాడు. హైవేపై లారీ నడుపుకుంటూ వెళ్తున్నప్పుడు ఓసారి రోడ్డు పక్కన ఉన్న దాబా వద్ద మద్యం తీసుకున్నానని, ఆ తర్వాత తానేం చేశానో తనకే గుర్తు లేదని అన్నారు. మొత్తానికి తప్పు ఎవరు చేసినా ఇప్పుడు ఇద్దరం దానికి శిక్ష అనుభవిస్తున్నాం. అయితే వైద్యులు మాకు ఎయిడ్స్ గురించి పూర్తి వివరాలు చెప్పి చికిత్స తీసుకుంటూ ఆరోగ్యకరమైన జీవనశైలి పాటిస్తే భవిష్యత్తులో ఎలాంటి ప్రమాదం ఉండదని చెప్పడంతో మా మనసులు కాస్త కుదుటపడ్డాయి.

aidspatientstory650-2

ఈ సంఘటన తర్వాత మళ్లీ మామూలు మనిషి అయిన విజయ్ నన్ను, బాబుని ఎంతో ప్రేమగా చూసుకున్నాడు. ఆ తర్వాత మా బిడ్డ భవిష్యత్తు గురించి ఎన్నో ప్రణాళికలు వేసేవాళ్లం. ఆర్థికంగా ఇబ్బంది రాకుండా ఇన్స్యూరెన్స్‌ పాలసీలు కట్టడం ప్రారంభించారు. అలా బాబు సంరక్షణ, కుటుంబ బాధ్యతల నడుమ మూడేళ్ల సమయం గడిచిపోయింది. అన్నీ మనం అనుకున్నట్లే జరిగితే ఇది జీవితం ఎందుకు అవుతుంది చెప్పండి? నా భర్త హైవేపై జరిగిన ఓ రోడ్డు ప్రమాదంలో మరణించారు. దాంతో నా జీవితమంతా ఒక్కసారి చీకటిమయం అయిపోయింది. మాకు ఎయిడ్స్ ఉన్న విషయం చుట్టుపక్కల వాళ్లకు తెలిసింది. పుట్టెడు దుఃఖంలో ఉన్న నన్ను, నా బాబును అత్తింటి వారు చేరదీయకపోగా బయటకు గెంటేశారు. దాంతో నా తల్లిదండ్రుల వద్దకే వచ్చేశాను.

*****

అయినా సరే.. చుట్టుపక్కల వాళ్ల మాటల ఈటెలు నా మనసును గాయపరుస్తూనే ఉండేవి. ఒక్కోసారి ఆత్మహత్య చేసుకుందామని అనిపించేది. కానీ నాలా ఏ తప్పూ చేయకుండా ఈ వ్యాధి బారినపడే వారు చాలామంది ఉంటారని వైద్యులు చెప్పిన మాటలు గుర్తుకొచ్చి వారి కోసం ఏదైనా చేయాలని అనిపించింది. అసలు ఈ వ్యాధి గురించి మొదట అందరికీ అవగాహన కల్పించాలని ఆలోచన వచ్చింది. అనుకున్నదే తడవుగా ఆసుపత్రికి పరుగులు తీశా. నా ఆలోచన చెప్పి, వారి సహాయం కోరాను. ఈ వ్యాధి గురించి నాకు మరింత సమగ్రంగా అవగాహన కలిగేలా ప్రత్యేక శిక్షణ ఇచ్చారు. దాంతో మొదట ఇంటింటికీ తిరిగి దీని గురించి చెప్పాలని భావించా. కానీ కొందరు ఛీత్కరించుకోవడం, ఇంకొందరు ముఖం మీదే తలుపులు వేయడం.. వంటివి చేయడంతో బాధనిపించి ఆగిపోయా.

*****

ఇలా సాధారణంగా మాటల రూపంలో కాకుండా బొమ్మల రూపంలో చెబితే త్వరగా అర్థమవుతుంది కదానిపించింది. వెంటనే వైద్యుల సహాయంతో వ్యాధికి సంబంధించిన కొన్ని వివరాలను బొమ్మల రూపంలో ముద్రించి తీసుకొచ్చా. వాటిని ఇంటి గోడలపై అతికించా. అలాగే ప్రతి రెండు వీధులకీ ప్రత్యేకించి ఓ మహిళా సమావేశాన్ని ఏర్పాటుచేసి దీని గురించి చెప్పడం ప్రారంభించా. మొదట్లో చీదరించుకున్నవారే ఆ తర్వాత నేను చెప్పిన వివరాలు తెలుసుకొని తమ తప్పు తెలుసుకున్నారు. ఇప్పుడు మా వూరిలో నేను గ్రామస్థాయిలో ఎయిడ్స్ వ్యాధిపై అవగాహన కలిగించే ఆశా కార్యకర్తగా పని చేస్తున్నా. ఈ కథంతా జరిగి దాదాపు పదిహేనేళ్లు కావస్తోంది. కానీ ఇప్పటికీ ఈ సమాజంలో ఎయిడ్స్ వ్యాధిగ్రస్తుల పట్ల కొందరు అమానుషంగా ప్రవర్తిస్తూనే ఉన్నారు. హెచ్ఐవీ సోకినంత మాత్రాన వాళ్లు కచ్చితంగా తప్పు చేశారని అర్థం కాదు. ఎంతో కష్టపడి చదువుకున్న చదువు కాస్త్తెనా ఆలోచించే పరిజ్ఞానం ప్రస్తుత తరం వారికి ఇవ్వకపోవడం బాధాకరం.

*****

నేను చెప్పదలుచుకున్నది ఒక్కటే.. ఎయిడ్స్ అనేది అంటువ్యాధి కాదు. హెచ్ఐవీ సోకినంత మాత్రాన తప్పు చేశారని కూడా అర్థం కాదు. ఈ విషయాలు గుర్తుంచుకొని ఎయిడ్స్ వ్యాధిగ్రస్తులను కూడా అక్కున చేర్చుకోండి. వారికి కూడా గౌరవ, మర్యాదలు ఇవ్వండి. మీరు కూడా ఈ వ్యాధి పట్ల నలుగురిలో అవగాహన కలిగించడానికి ప్రయత్నించండి. అంతేకానీ బాధితులను అందరిలోనూ నవ్వులపాలు చేస్తూ వారిని అవమానించకండి..
ఇట్లు,
విజయ




œË®ý-éÂx-ªá-«Õªý

'£¾Ç%Ÿ¿-§ŒÕ-ªÃ’¹¢Ñ QJ¥Â¹ ¤Äª¸½-Â¹×©Õ ÅŒ«Õ ÆGµ-“¤Ä-§ŒÖ-©ÊÕ, ÆÊÕ-¦µ¼-„Ã-©ÊÕ X¾¢ÍŒÕ-Â¹×¯ä „äC¹. ¨ QJ¥-¹©ð “X¾ÍŒÕ-J¢Íä ¹Ÿ±¿-¯Ã-©-Eo-šËÂÌ ¤Äª¸½-Â¹×©ä ª½ÍŒ-ªá-ÅŒ©Õ. Æ¢Ÿ¿Õ-«©x ¨ ¹Ÿ±¿-¯Ã-©ðxE „î¾h-„éÕ, Æ«®¾h„Ã-©Åî «®¾Õ¢-Ÿµ¿-ª½.-¯çšü „ç¦ü-å®j-šüÂ¹× ‡©Ç¢šË ®¾¢¦¢Ÿµ¿¢ ©äŸ¿Õ. ¨ QJ¥-¹-©ðE ¹Ÿ±¿©Õ, ¹Ÿ±¿-¯Ã-©Åî ‡«-J-éÂj¯Ã ƒ¦s¢C …¯Ão, Ʀµ¼u¢-ÅŒ-ªÃ©Õ …¯Ão ƒÂ¹ˆœ¿ ÂËxÂú Íä®Ï «ÖÂ¹× ÅçL-§ŒÕ-èä-§ŒÕ¢œË. Æ{Õ-«¢šË ¹Ÿ±¿, ¹Ÿ±¿-¯ÃEo „ç¦ü-å®j-šü-©ð¢* Åí©-T¢-ÍŒœ¿¢ «Ö“ÅŒ¢ ¨¯Ãœ¿Õ ¦ÇŸµ¿uÅŒ. ƢŌ-¹×-NÕ¢* ƒÅŒ-ª½“Åà ͌{d-X¾-ª½-„çÕiÊ ÍŒª½u-©Â¹× ¨¯Ãœ¿Õ ¦ÇŸµ¿uÅŒ «£ÏÇ¢-ÍŒŸ¿Õ.

 
   
 
 
 

Share Your Story

 
   
 
(Press ctrl+g to switch(English/Telugu))
 

women icon@teamvasundhara
a-woman-hates-marriage-but-wants-to-be-a-mother

పెళ్లి వద్దు.. కానీ తల్లిని కావాలనుంది !

ఆమె జీవితం ఒక తెగిన గాలిపటం. బాధ్యత వహించాల్సిన తండ్రి స్వార్థపరుడయ్యాడు. ప్రేమను పంచాల్సిన తల్లి పక్షపాతం చూపింది. ఎడారిలో నావలా.. పంజరంలోని చిలుకలా అయిపోయింది ఆమె భవితవ్యం. కానీ తేరుకుంది ! సొంత కాళ్లపై నిలబడింది ! అయితే జీవితం ఎక్కడ మొదలై ఎటువెళ్తుందో తెలుసుకునే లోపే సగం జీవితం గడిచిపోయింది. ఎదిగే సమయంలోనే వివాహ బంధం మీద నమ్మకం పోయింది. ఎదిగిన తర్వాత సమాజం అంతా ఒక బూటకం అనిపించింది. చివరికి ఒక పసిపాప నవ్వు ఆమెలో ఒక కొత్త ఆశని రేకెత్తించింది. ఆ ఆశతోటే.. మిగిలిన జీవితం ఒక తల్లిగా గడపాలనుకుంటోంది. ఆమె హృదయరాగం ఒకసారి వినండి.. !

Know More

women icon@teamvasundhara
82-years-old-gatekeeper-of-rajasthan-village-connects-with-his-first-love-after-50-years
women icon@teamvasundhara
he-treated-me-as-slave

బానిసగా చూశాడు.. బయటకొచ్చేశా..!

స్త్రీలు మగవారితో సమానంగా అంతరిక్షానికి కూడా చేరుకుంటున్న రోజులివి.. ప్రతి విషయంలోనూ మగవారితో పోటీపడుతూ తమ కెరీర్‌లో మరింత ఉన్నత స్థానాలను అందుకుంటున్నారు నేటి మహిళలు. కానీ ఇప్పటికీ కొంతమంది మగ మహారాజులు స్త్రీలంటే కేవలం వంటింటికి మాత్రమే పరిమితమని.. వారికి ఇంటికి సంబంధించిన కీలక నిర్ణయాలు తీసుకునే హక్కు లేదని భావిస్తున్నారు. అయితే ఇలాంటివాళ్లకు భయపడి మన జీవితాన్ని ఇంటికే పరిమితం చేయాల్సిన అవసరం లేదని చెబుతోందో అమ్మాయి.. తన అనుభవాన్ని జోడించి.. మనకు స్వేచ్ఛకు సంబంధించిన పాఠాన్ని చెప్పడానికి మన ముందుకొచ్చింది. తన కథేంటో తన మాటల్లోనే విందాం రండి..

Know More

women icon@teamvasundhara
he-tried-to-blackmail-me-with-morphed-photos-i-teach-him-a-lesson

ఆ ఫొటోలతో బెదిరించాడు.. అలా బుద్ధి చెప్పా!

ఓ అబ్బాయి.. అమ్మాయి.. గాఢంగా ప్రేమించుకున్నారు. విషయం అమ్మాయి ఇంట్లో తెలిసి ముందు చదువుపై దృష్టి పెట్టమన్నారు.. దాంతో ఆ అమ్మాయి భవిష్యత్తుపై దృష్టి పెడుతూనే ప్రియుడితో అప్పుడప్పుడూ మాట్లాడేది. కానీ అతని ప్రవర్తనలో మార్పు వచ్చాక క్రమంగా ప్రియుడి నుంచి దూరం జరగడం మొదలుపెట్టింది. ఇది భరించలేకపోయిన ఆ అబ్బాయి తన వద్ద ఉన్న ఆ అమ్మాయి ఫొటోలు, వీడియోలను సోషల్ మీడియాలో పెట్టాడు. ఆ తర్వాత ఆ అమ్మాయి ఏం చేసింది? ఈ సమస్య నుంచి ఎలా బయటపడింది? తన జీవితాన్ని తిరిగి సక్రమంగా ఎలా మలుచుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..!

Know More

women icon@teamvasundhara
woman-shares-how-she-got-pregnant-without-ever-having-sex-due-to-rare-vaginal-condition
women icon@teamvasundhara
born-without-a-womb-malaysian-artist-aims-to-normalise-conversations-on-womens-sexual-health

నాకు గర్భాశయం లేదని అప్పుడే తెలిసింది!

పన్నెండేళ్లు దాటాయంటే అమ్మాయిలకు నెలసరి ఎప్పుడైనా ప్రారంభం కావచ్చు. నిజానికి ఈ సమయంలో ఎలా స్పందించాలో, ఎలాంటి జాగ్రత్తలు తీసుకోవాలో కూడా వారికి తెలియదు.. పైగా ఏదో తెలియని బెరుకు వారిని ఆవహిస్తుంటుంది. అయినా తమ తల్లుల సహకారంతో వాటిని దాటుకొని యుక్తవయసులోకి అడుగుపెడతారు అమ్మాయిలు. తన ఫస్ట్‌ పిరియడ్‌ కోసం ఓ అమ్మాయి కూడా ఇలాగే ఎదురుచూసింది. కానీ ఏళ్లు గడుస్తోన్నా నెలసరి మాత్రం తనను పలకరించలేదు. దీనికి కారణం తన శరీరంలో ఓ అరుదైన లోపమే అని తెలుసుకున్న ఆమె ఏళ్ల పాటు చీకట్లోనే మగ్గింది. ‘కానీ ఇలా ఎంతకాలం’ అంటూ ఆ చీకట్లను చీల్చుకొని వెలుగు రేఖలా బయటికొచ్చింది. ఈ క్రమంలో తనలాంటి వారి జీవితాల్లో వెలుగులు నింపుతూ ఎందరికో రోల్‌మోడల్‌గా మారిందామె. ఒక సమస్య ఉన్నప్పుడు దానికి ఏదో ఒక పరిష్కారం తప్పకుండా ఉండే ఉంటుందంటోన్న ఆమె తన కథను పంచుకోవడానికి ఇప్పుడిలా మనందరి ముందుకొచ్చింది.

Know More

women icon@teamvasundhara
he-is-dominating-before-marriage-in-telugu
women icon@teamvasundhara
my-brother-in-law-cheated-me-in-the-name-of-love-says-a-girl-in-telugu

బావే నమ్మించి మోసం చేశాడు..!

మన దేశంలో మహిళల భద్రత కోసం ఎన్ని చట్టాలు రూపొందించినా లైంగిక వేధింపులు ఎదుర్కొనే అమ్మాయిల సంఖ్య అంతకంతకూ పెరుగుతూనే ఉంది. ఈ బాధితుల్లో చిన్నపిల్లలు కూడా ఉండడం చింతించాల్సిన విషయం. అంతకంటే దౌర్భాగ్యం ఏంటంటే.. అసలు తాము వేధింపులకు గురవుతున్నట్లు కూడా ఆ చిన్న వయసులో కొందరికి తెలియకపోవడం! ఫలితంగా పురుషుల్లో ఎవరిని నమ్మాలన్నా మనసులో భయం గూడుకట్టుకొని పోతోంది. సరిగ్గా ఇలాంటి పరిస్థితుల నుంచే బయటపడిన ఓ అమ్మాయి యుక్తవయసుకు వచ్చిన తర్వాత మరొక అబ్బాయిని నమ్మింది. గాఢంగా ప్రేమించింది.. కానీ అతడు కూడా ఆమెను వంచించాడు. ఇలాంటి పరిస్థితుల్లో ఆమె ఏం చేసింది? ఎలాంటి నిర్ణయం తీసుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..

Know More

women icon@teamvasundhara
how-can-change-his-behavior-in-telugu

ఎవరితో మాట్లాడినా అనుమానమే.. ఆయన్ని మార్చేదెలా?

అతని ఉన్నత భావాలు.. ఆమెను ఆకట్టుకున్నాయి. విశాల దృక్పథం.. అతని వైపు అడుగులు వేసేలా చేసింది. ఇద్దరి మనసులూ కలుసుకున్నాయి. ప్రేమ చిగురించింది. పెద్దల్ని ఒప్పించి పెళ్లి చేసుకున్నారు. తర్వాత ప్రేమ స్థానంలో అనుమానం చేరింది. ఇప్పుడు తన భర్తను ఎలా మార్చుకోవాలో తెలీక సతమతమవుతోంది.అతని ఉన్నత భావాలు.. ఆమెను ఆకట్టుకున్నాయి. విశాల దృక్పథం.. అతని వైపు అడుగులు వేసేలా చేసింది. ఇద్దరి మనసులూ కలుసుకున్నాయి. ప్రేమ చిగురించింది. పెద్దల్ని ఒప్పించి పెళ్లి చేసుకున్నారు. తర్వాత ప్రేమ స్థానంలో అనుమానం చేరింది. ఇప్పుడు తన భర్తను ఎలా మార్చుకోవాలో తెలీక సతమతమవుతోంది.

Know More

women icon@teamvasundhara
delhi-woman-shares-about-her-covid-experience

కరోనా మా కుటుంబాన్ని ఇంతలా వేధిస్తుందని కలలో కూడా అనుకోలేదు!

ప్రపంచమంతటా కరోనా వ్యాక్సినేషన్‌ ప్రక్రియ కొనసాగుతున్నప్పటికీ వైరస్‌ మాత్రం శాంతించడం లేదు. ‘స్ట్రెయిన్‌’, ‘వేరియంట్‌’, ‘మ్యుటేషన్‌’ అంటూ కొత్త రకం పేర్లతో లక్షలాది మందిని తమ బాధితులుగా మార్చుకుంటోంది. ఇక మన దేశంలోనూ తగ్గినట్లే తగ్గి మళ్లీ పంజా విసురుతోందీ మహమ్మారి. గత కొన్ని రోజులుగా భారీగా పెరుగుతున్న కరోనా కేసులే దీనికి ప్రత్యక్ష నిదర్శనం. ఇదే సమయంలో కొత్త కేసుల కంటే రికవరీలు తగ్గుతుండడం.. కరోనా ఇంకా మన మధ్యనే ఉందన్న విషయాన్ని స్పష్టం చేస్తోంది. ఈ క్రమంలో కొవిడ్‌ లేదనుకొని నిర్లక్ష్యంగా వ్యవహరిస్తోన్న వాళ్లందరినీ అలర్ట్‌ చేయడానికి తన కరోనా కథను పంచుకోవడానికి మన ముందుకొచ్చింది దిల్లీకి చెందిన ఓ మహిళ. వ్యాక్సిన్‌ వచ్చినా అది మన దాకా రావడానికి సమయం పడుతుంది కాబట్టి అప్పటిదాకానైనా కనీస జాగ్రత్తలు పాటించాలంటూ అందరినీ వేడుకుంటూ తన కొవిడ్‌ అనుభవాలను ఇలా నెమరువేసుకుంది.

Know More

women icon@teamvasundhara
woman-reunited-with-childhood-sweetheart-and-shares-about-their-long-distance-love-story

క్యాన్సర్ అని తెలిసినా.. నిన్నే ప్రేమించా.. పెళ్లాడతానన్నాడు!

తెలిసీ తెలియని వయసులో ప్రేమంటే అదంతా వట్టి ఆకర్షణ అని కొట్టిపడేస్తుంటాం. కానీ స్కూలింగ్‌ నుంచే వారిద్దరూ మంచి స్నేహితులు.. ఒక రోజు కనిపించకపోయినా, ఒకరినొకరు చూసుకోకపోయినా వారి మనసులో ఏదో వెలితిగా అనిపించేది. కానీ అదే ప్రేమని, ఆకర్షణను మించిన అందమైన అనురాగ బంధమని విడిపోయాక కానీ తెలుసుకోలేకపోయారు. మరి, చదువు, వృత్తి-ఉద్యోగాల రీత్యా వేర్వేరు చోట్ల స్థిరపడ్డ వారు.. ఆ తర్వాత మళ్లీ కలుసుకున్నారా? తమ మనసులోని మాటలను పంచుకున్నారా? లేక ‘ఎవరికి వారే యమునా తీరే..!’ అంటూ ఎవరి దారి వారు చూసుకున్నారా? విధి ఆడిన వింత నాటకంలో ఇంతకీ వీరి ప్రేమకథ నెగ్గిందా? ఓడిపోయిందా? తెలుసుకోవాలనుకుంటే ఈ ప్రేమికురాలు చెప్పే ప్రేమకథ వినాల్సిందే!

Know More

women icon@teamvasundhara
a-woman-love-story-she-waiting-for-his-parents-approval
women icon@teamvasundhara
kerala-woman-shares-her-horrifying-acid-attack-experience

పెళ్లికి నిరాకరించానని నా ముఖంపై యాసిడ్‌ పోశాడు!

ఆమెకు చిన్న వయసులోనే పెళ్లైంది.. ఏడాది తిరక్కముందే అమ్మయింది.. భర్త, కొడుకుతో హాయిగా సాగిపోతోన్న ఆమె జీవితాన్ని చూసి విధికి అసూయ కలిగినట్లుంది. అందుకే తన భర్తను తన నుంచి, ఈ లోకం నుంచి శాశ్వతంగా దూరం చేసింది. ఇక అప్పట్నుంచి ఆమెకు కష్టాలు మొదలయ్యాయి.. దీనికి తోడు ప్రేమ పేరుతో మరో వ్యక్తి వేధింపులు, అతనితో పెళ్లికి నిరాకరించడంతో యాసిడ్‌ దాడికి కూడా గురైందామె. సుమారు ఆరేళ్లుగా తన శారీరక, మానసిక బాధను పంటి బిగువన భరిస్తూ ఎన్నో కష్టాలకోర్చిన ఆమె.. తనలాంటి వారిలో చైతన్యం నింపేందుకు ఓ చక్కటి నిర్ణయం తీసుకుంది.. యాసిడ్‌ దాడికి గురైనంత మాత్రాన సమాజం మాలాంటి వారిని వెలివేయాల్సిన అవసరం లేదని, మేం తలచుకుంటే ఏదైనా సాధించగలం, నలుగురికీ ఆదర్శంగా నిలవగలం అంటోన్న ఆమె ఎవరు? ఆమె తన ఆశయం గురించి ఏం చెప్పాలనుకుంటోంది? తెలుసుకుందాం రండి...

Know More

women icon@teamvasundhara
patna-woman-who-recovered-from-covid-19-has-something-to-say-about-her-covid-experience
women icon@teamvasundhara
i-divorced-my-husband-so-that-he-can-spend-life-with-his-gay-friend-explains-an-woman

నా భర్త హోమోసెక్సువల్... అందుకే అలా చేశా!

'నేను తప్పు చేశానని నాకు తెలుసు.. కానీ ఆ విషయం చెప్పాలంటే నాకు ధైర్యం చాల్లేదు. అందుకే ఇన్నాళ్ల నుంచీ మౌనంగా ఉండిపోయా. నిన్ను ఇబ్బందిపెట్టా.. నన్ను క్షమించు.. కావాలంటే నువ్వు నాకు విడాకులు ఇవ్వొచ్చు..' అంటూ రాహుల్ నన్ను అభ్యర్థిస్తుంటే ఏం చేయాలో అర్థం కాక అలాగే కూలబడిపోయాను. ఆ రాత్రంతా నాకు నిద్రే పట్టలేదు. ఉదయాన్నే లేచి విడాకులు తీసుకోవాలన్న గట్టి నిర్ణయం తీసుకున్నా.. ఇది తన మీద కోపంతో కాదు.. ప్రేమతో తీసుకున్న నిర్ణయం.. ఇప్పటికైనా తనకు నచ్చిన జీవితాన్ని తను గడిపే అవకాశాన్ని ఇచ్చేందుకు నా వంతుగా నేను చేసే చిన్న ప్రయత్నం ఇది..ఇదంతా చూస్తుంటే.. భర్త సంతోషం కోసం తనకు విడాకులు ఇవ్వడమేంటి? అనిపిస్తోంది కదూ.. అదెందుకో తెలియాలంటే మీకు నా కథ తెలియాల్సిందే..

Know More

women icon@teamvasundhara
preganant-woman-from-kerala-shares-her-horrible-covid-story

డెలివరీకి వారం ముందు కరోనా వచ్చింది..!

‘హమ్మయ్య.. మన జీవితంలోనే అత్యంత గడ్డు ఏడాది ముగింపు దశకు చేరుకుంది.. వైరస్‌ కూడా నెమ్మదిగా కనుమరుగవుతోంది.. కొత్త ఏడాదైనా సంతోషంగా మొదలుపెడదాం..’ ప్రస్తుతం మనలో చాలామంది ఆలోచనలు ఇలాగే ఉన్నాయి. నూతన సంవత్సరం సంతోషంగా ప్రారంభించాలనుకోవడం మంచిదే కానీ.. వైరస్‌ కనుమరుగవుతుందన్న నిర్లక్ష్యం మాత్రం అస్సలు పనికి రాదంటోంది కేరళకు చెందిన ఓ మహిళ. నిండు గర్భంతో అమ్మయ్యే అపురూప క్షణం కోసం ఆనందంగా ఎదురుచూస్తోన్న ఆమెకు డెలివరీకి వారం రోజులుందనగా వైరస్‌ సోకడంతో తీవ్ర ఇబ్బందులు పడింది. గర్భిణుల్లో వైరస్‌ ప్రభావం తక్కువగా ఉందనుకోవడానికి లేదని, ఎందుకంటే ఈ మహమ్మారి కారణంగా తను జీవితంలోనే అత్యంత గడ్డు పరిస్థితుల్ని ఎదుర్కోవాల్సి వచ్చిందని చెబుతోంది. వైరస్‌కు వ్యాక్సిన్‌ వచ్చేంత వరకు ఏమాత్రం నిర్లక్ష్యం వహించినా ఒక్కరి వల్ల అందరూ నష్టపోవాల్సి వస్తుందని అంటోన్న ఆమె తన కొవిడ్‌ అనుభవాలను ఇలా పంచుకుంది.

Know More

women icon@teamvasundhara
my-brother-in-law-cheated-me-in-the-name-of-love-says-a-girl

బావే నమ్మించి మోసం చేశాడు..!

మన దేశంలో మహిళల భద్రత కోసం ఎన్ని చట్టాలు రూపొందించినా లైంగిక వేధింపులు ఎదుర్కొనే అమ్మాయిల సంఖ్య అంతకంతకూ పెరుగుతూనే ఉంది. ఈ బాధితుల్లో చిన్నపిల్లలు కూడా ఉండడం చింతించాల్సిన విషయం. అంతకంటే దౌర్భాగ్యం ఏంటంటే.. అసలు తాము వేధింపులకు గురవుతున్నట్లు కూడా ఆ చిన్న వయసులో కొందరికి తెలియకపోవడం! ఫలితంగా పురుషుల్లో ఎవరిని నమ్మాలన్నా మనసులో భయం గూడుకట్టుకొని పోతోంది. సరిగ్గా ఇలాంటి పరిస్థితుల నుంచే బయటపడిన ఓ అమ్మాయి యుక్తవయసుకు వచ్చిన తర్వాత మరొక అబ్బాయిని నమ్మింది. గాఢంగా ప్రేమించింది.. కానీ అతడు కూడా ఆమెను వంచించాడు. ఇలాంటి పరిస్థితుల్లో ఆమె ఏం చేసింది? ఎలాంటి నిర్ణయం తీసుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..

Know More

women icon@teamvasundhara
kerala-doctor-puts-service-before-self-rejoins-covid-duty-despite-ailments

డాక్టర్‌గా సేవలందించిన చోటే కరోనా రోగిగా చేరాను!

ప్రస్తుత ప్రతికూల పరిస్థితుల్లో కరోనాతో పోరాడుతూ ఎంతోమందికి ప్రాణం పోస్తున్నారు వైద్యులు. తమ చుట్టూ ప్రమాదం పొంచి ఉన్నా లెక్కచేయకుండా ఊపిరాడనివ్వని పీపీఈ కిట్లను ధరిస్తూనే కరోనా రోగులకు ఊపిరి పోస్తున్నారు. ఈ క్రమంలో దురదృష్టవశాత్తూ కొందరు వైద్యులు, నర్సులు అదే మహమ్మారి బారిన పడుతున్నారు. తాజాగా కేరళకు చెందిన ఓ డాక్టర్‌ కొన్ని రోజుల క్రితం ఇలాగే కరోనా బారిన పడింది. అదే సమయంలో న్యుమోనియా సోకడంతో మరణం అంచుల దాకా వెళ్లింది. అలా సుమారు రెండు వారాల పాటు ఐసీయూలో ఉన్న ఆమె ఇటీవల కొవిడ్‌ నుంచి కోలుకుంది. ఇప్పటికీ కొన్ని అనారోగ్య సమస్యలతో అవస్థలు పడుతున్న ఈ డాక్టరమ్మ కరోనా రోగులను కాపాడేందుకు మళ్లీ ఆస్పత్రిలో అడుగుపెట్టింది.

Know More

women icon@teamvasundhara
a-delhi-mom-shares-her-breast-cancer-battle-story
women icon@teamvasundhara
story-of-a-girl-who-got-cheated-in-online
women icon@teamvasundhara
afghan-woman-shares-her-pathetic-story-about-taliban-attack-on-her

ఉద్యోగం చేస్తున్నానని కంటి చూపు కోల్పోయేలా చేశారు!

ఆడపిల్ల పుట్టడమే శాపంగా భావిస్తారక్కడ. అలాంటిది స్కూలుకెళ్తానంటే ఊరుకుంటారా? ‘చదువు, ఉద్యోగం నీకెందుకు? ఆ పనులు చేయాల్సింది మగాళ్లు! నువ్వు గడప దాటి బయటికి రావడానికి వీల్లేదు’ అంటూ పైగా బోలెడన్ని షరతులు! ఇలాంటి వివక్షను చూస్తూనే పెరిగింది అఫ్గానిస్థాన్‌కు చెందిన వహీదా బేగం. అయినా ఇలాంటి బెదిరింపులకు తలొగ్గే నైజం కాదామెది. కారణం.. తన తండ్రి అండ! ఆడపిల్ల అయితే ఏంటి .... మగాళ్లకు తీసిపోని విధంగా తనని తయారుచేయాలనుకున్నాడు వహీదా తండ్రి. అలా నాన్న చొరవతో చక్కగా చదువుకుని ప్రభుత్వ రంగంలో మంచి ఉద్యోగం సంపాదించిందామె. అయితే ఆ సంతోషం ఎంతో కాలం నిలవలేదు. వద్దని వారించినా ఉద్యోగం సంపాదించిందన్న నెపంతో అన్యాయంగా ఆమెపై దాడికి తెగబడ్డారు దుండగులు. ఆమెను తీవ్రంగా గాయపరచడమే కాదు.. ఆమె ఎంతో కష్టపడి సంపాదించుకున్న ఉద్యోగం కూడా కోల్పోయేలా చేశారు. అలాగని అదే తలచుకుంటూ కుమిలిపోకుండా, పడిలేచిన కెరటంలా విజృంభించిదామె.. ఓవైపు బాలికల హక్కులు, వారి విద్య కోసం అహర్నిశలూ శ్రమిస్తోంది. అతివలు తలచుకుంటే ఏదైనా సాధించగలరనే పోరాట స్ఫూర్తిని చాటుతూ తన జీవిత కథను పంచుకోవడానికి ఇలా మన ముందుకొచ్చింది.

Know More