హలో మేడమ్‌.. నేను సాఫ్ట్‌వేర్‌గా ఉద్యోగం చేస్తున్నాను. నేను ఒక అబ్బాయిని టెన్త్‌ క్లాస్‌ నుంచి ప్రేమిస్తున్నానని అనుకున్నా.. పెళ్లి కూడా చేసుకోవాలనుకున్నా. ఆ సమయంలో నాది నిజమైన ప్రేమా? కాదా? అన్న సందిగ్థంలో ఉన్నప్పుడు మీకు నా సమస్యను వివరించాను. మీరిచ్చిన సమాధానంతో ఏ రిలేషన్‌ వద్దని నిర్ణయించుకున్నాను. నాకు ఆ రిలేషన్‌ బ్రేక్‌ అవ్వడం వల్ల ఎలాంటి బాధా కలగలేదు. కానీ చాలామందికి ఈ విషయం తెలిసింది. అయితే ఆ అబ్బాయితోనే నేను ఇప్పటికీ మంచి స్నేహితురాలిగా మాట్లాడుతున్నా. అతను కూడా నన్ను అర్థం చేసుకుని నాతో నార్మల్‌గానే మాట్లాడుతున్నాడు. నేను అన్ని విషయాలు ఆ అబ్బాయితో పంచుకున్నాను. నేను మాట్లడనని అంటున్నా.. ఆ అబ్బాయి ‘నువ్వు ఏం తప్పు చేశావని మాట్లాడకుంటా ఉంటావు. నీకు సంబంధం కుదరగానే నేను నీతో మాట్లాడడం మానేస్తాను. అప్పటి వరకు నీకు ఒక స్నేహితుడిలాగా ఉంటా’నంటున్నాడు. నేను ఎప్పటికైనా ఎవరినో ఒకరిని పెళ్లి చేసుకోవాలి. అదేదో ఇతన్నే చేసుకుందాం అంటే మా ఇంట్లో ఒప్పుకోరు. చాలా గొడవలు జరుగుతాయి. ఇప్పటికీ మా అక్క విషయంలో ఇలాంటివి చూశాను. ఇప్పుడు నా తల్లిదండ్రులు నాకు సంబంధాలు చూస్తు్న్నారు. అయితే నా పాత రిలేషన్‌ గురించి నాకు కాబోయే భర్తతో చెప్పాలా? వద్దా? అన్న ప్రశ్న నన్ను ఇబ్బంది పెడుతుంది. స్నేహితులు, తెలిసిన వాళ్లు అందరూ వద్దని అంటున్నారు. నాకేమో చెప్పాలనే అనిపిస్తుంది. ఈ మధ్య ఒక వార్త చదివాను. పెళ్లి తర్వాత తన పాత రిలేషన్‌షిప్‌ గురించి ఆ అమ్మాయి చెబితే.. తన భర్త అక్కడే ఘోరంగా కొట్టాడట. అప్పటి నుంచి చెప్పాలా? వద్దా? అనే అనుమానంతో ఉన్నా. పెళ్లి అంటే చిన్న విషయం కాదు కదా..! పెళ్లి తర్వాత చాలా క్లియర్‌గా ఉండాలనుకుంటున్నా. నేను నా పాత రిలేషన్‌ గురించి చెప్పకుండా అతన్ని మోసం చేస్తున్నా.. అని జీవితాంతం అలాగే ఉండాలా? ఒక తప్పుకి జీవితాంతం శిక్ష అనుభవించాలా? నేను ఆ అబ్బాయితో మామూలుగా మాట్లడటం సరైందా? కాదా? పెళ్లి తర్వాత కూడా ఆ అబ్బాయితో అందరి స్నేహితులతో మాట్లాడినట్లు మాట్లాడచ్చా? లేదా? దయచేసి సమాధానం ఇవ్వగలరు.

హలో మేడం. నా చర్మంపై దద్దుర్లు (ర్యాషెస్‌) వచ్చాయి. దాంతో నల్ల మచ్చలు ఏర్పడ్డాయి. అవి పోవడానికి ఏవైనా హోమ్‌ రెమెడీస్‌ ఉంటే చెప్పండి. - ఓ సోదరి