‘సినీ తారలకి పెద్ద పనులేముంటాయి?’, ‘అసలు లైఫ్‌ అంటే సినిమా వాళ్లదే’, ‘ ఏ అర్ధరాత్రో పడుకుని బారెడు పొద్దెక్కాక నిద్ర లేస్తుంటారు!’ ‘పెద్ద పెద్ద హీరోయిన్ల ఇళ్లల్లో పని మనుషులే పనులన్నీ చేస్తుంటారు’! అంటూ సినీ తారల జీవనశైలి గురించి చాలామంది చాలా రకాలుగా అనుకుంటుంటారు. అయితే వృత్తిగత జీవితంలో ఎంత బిజీగా ఉన్నప్పటికీ ఇంటి పనులన్నీ చక్కబెట్టుకునే ముద్దుగుమ్మలు కూడా సినిమా ఇండస్ట్రీలో చాలామంది ఉన్నారు. అలాంటి వారిలో నేనూ ఉన్నానంటోంది బాలీవుడ్‌ బ్యూటీ దీపికా పదుకొణె. సినిమా షూటింగ్‌లతో ఎంత బిజీగా ఉన్నప్పటికీ ఇంటి బాధ్యతలన్నీ తానే నిర్వర్తిస్తానంటోంది. ఈ సందర్భంగా వర్క్‌లైఫ్‌ బ్యాలన్స్‌ గురించి కొన్ని ఆసక్తికర విషయాలను షేర్‌ చేసుకుందీ ముద్దుగుమ్మ.

హాయ్‌ మేడమ్‌.. నా వయసు 26. మా బంధువులబ్బాయి నన్ను ప్రేమిస్తున్నానని విసిగించేవాడు. అతని ప్రేమను నేను చాలాసార్లు తిరస్కరించాను. దాంతో అతను సూసైడ్‌ చేసుకున్నాడు. ‘నా చావుకి కారణం ప్రేమ విఫలమవడమే’ అని సూసైడ్‌ నోట్‌ కూడా రాశాడు. ఇప్పుడు మా బంధువులందరూ నా గురించి చెడుగా ప్రచారం చేస్తున్నారు. నేను పెళ్లి చేసుకోవాలనుకున్న సమయంలోనే ఇలా జరిగింది. నాకు ఏం చేయాలో అర్థం కావడం లేదు. ప్రస్తుతం నేను ఉద్యోగం చేస్తున్నాను. నాన్న చిన్నప్పుడే చనిపోయారు. అమ్మ, నేను ఇద్దరమే ఉంటున్నాం.. దయచేసి సలహా ఇవ్వగలరు. - ఓ సోదరి

హాయ్‌ మేడమ్‌... నాకు పెళ్లై ఆరు సంవత్సరాలవుతోంది. పాప, బాబు ఉన్నారు. నా భర్తకి చిన్న విషయానికే కోపం వచ్చేస్తుంటుంది. మొదటి నుంచి అంతే. కోపంలో బూతులు తిడతాడు. ఎక్కడున్నా సరే నన్ను, మా కుటుంబ సభ్యులను చులకన చేసి మాట్లాడతాడు. ఎన్ని విధాలుగా చెప్పినా అలాగే చేస్తాడు. ఒక్కోసారి నాకు తన నుంచి విడిపోవాలనిపిస్తుంది. కానీ నా పిల్లల భవిష్యత్తు ఏమైపోతుందో? అని ఆగిపోవాల్సి వస్తుంది. ఇప్పటివరకు ఒక్కరోజు కూడా నన్ను హేళనగా మాట్లాడని రోజు లేదు. అతన్ని ఎలా మార్చుకోవాలో దయచేసి సలహా ఇవ్వగలరు. - ఓ సోదరి

సినిమా ఇండస్ట్రీలో సత్తా చాటుతోన్న తెలుగింటి ఆడపడుచుల్లో ‘ఆనంది’ కూడా ఒకరు. తెలంగాణలోని వరంగల్‌కు చెందిన ఈ ముద్దుగుమ్మ తన అందం, అభినయంతో తెలుగు, తమిళ సినీ పరిశ్రమల్లో తనకంటూ ఓ గుర్తింపు తెచ్చుకుంది. ప్రస్తుతం చేతినిండా సినిమాలతో ఫుల్‌ బిజీగా ఉంటోన్న ఈ అమ్మడు తాజాగా పెళ్లిపీటలెక్కి అందరినీ ఆశ్చర్యపరిచింది. సిల్వర్‌స్ర్కీన్‌పై ఎంతో సింపుల్‌గా కనిపించే ఈ ముద్దుగుమ్మ అంతే సింపుల్‌గానే ఎలాంటి ఆడంబరాలు లేకుండా తమిళ అసిస్టెంట్‌ డైరెక్టర్‌ సోక్రటిస్‌ను వివాహం చేసుకుంది. వరంగల్‌లోని ఓ ప్రైవేట్‌ హోటల్‌ వేదికగా జరిగిన వీరి వివాహానికి ఇరు కుటుంబ సభ్యులు, సన్నిహితులు మాత్రమే హాజరయ్యారు. ఈక్రమంలో ఆనంది-సోక్రటిస్‌ జంటకు సంబంధించిన పెళ్లి ఫొటోలు ప్రస్తుతం సోషల్‌ మీడియాలో వైరల్‌గా నిలిచాయి. పలువురు సెలబ్రిటీలతో పాటు అభిమానులు, నెటిజన్లు కొత్త జంటకు శుభాకాంక్షలు, అభినందనలు తెలుపుతున్నారు.

నమస్తే మేడమ్‌.. నేను ఒక అబ్బాయిని ప్రేమించాను. అతనికి చదువు, సంస్కారం, మంచితనం, ఉద్యోగం అన్నీ ఉన్నాయి. అతనికి కూడా నేనంటే అంతే ఇష్టం. అన్ని విషయాల్లో మేము దగ్గరయ్యాం. మా ఇంట్లో నేను ప్రేమించిన వ్యక్తితో పెళ్లి చేయమని అడిగితే అస్సలు ఒప్పుకోలేదు. అమ్మ ఆరోగ్యం క్షీణించిందని, బంధువులందరూ నన్ను తిట్టడంతో ఇష్టం లేకున్నా నా మేనత్త కొడుక్కిచ్చి పెళ్లి చేశారు. మా పెళ్లై నెల రోజులవుతోంది. అయితే మా ప్రేమ విషయాన్ని గత రెండు సంవత్సరాలుగా మా బావకు చెబుతూనే ఉన్నాను. ఇప్పుడు నేను ఆఫీసు పని మీద నా భర్తకు దూరంగా వేరే ఊరిలో ఉంటున్నా. అతనంటే నాకు అస్సలు ఇష్టం లేదు. ఇప్పుడు అమ్మ ఆరోగ్యం బాగుంది. కేవలం నా పెళ్లి గురించే అమ్మ అలా చేసిందని తెలిసింది. మరోపక్క నేను ప్రేమించిన అబ్బాయి ఇప్పటికీ నన్ను పెళ్లి చేసుకోవడానికి సిద్ధంగా ఉన్నానని, రమ్మని అంటున్నాడు. అతని ఇంట్లో వాళ్లు కూడా నన్ను ఆహ్వానించడానికి సిద్ధంగా ఉన్నారని అంటున్నాడు. ఇప్పుడు నాకు ఏం చేయాలో తెలియడం లేదు. దయచేసి సలహా ఇవ్వగలరు.

‘అల్లో నేరేడు కళ్ల దాన.. ప్రేమ వల్లో పడ్డానే పిల్లదాన’ అనిపించుకుంటూ తన అందం, అభినయంతో తెలుగు సినీ ప్రేక్షకుల మదిలో చెరగని ముద్రవేసింది బాలీవుడ్‌ అందాల తార ట్వింకిల్‌ ఖన్నా. నటిగా కెరీర్‌ ప్రారంభించిన ఈ ముద్దుగుమ్మ.. రచయిత్రిగా, కాలమిస్ట్‌గా, ఇంటీరియర్‌ డిజైనర్‌గానూ రాణించింది. అంతేనా.. నిర్మాతగా మారి పలు బాలీవుడ్‌ చిత్రాలకు కో-ప్రొడ్యూసర్‌గానూ వ్యవహరించింది. ఓవైపు ఆలిగా, ఇల్లాలిగా కుటుంబ బాధ్యతల్ని సమర్థంగా నిర్వర్తిస్తూనే.. మరోవైపు అమ్మగా ఇద్దరు పిల్లల ఆలనా పాలనలో అమ్మతనాన్ని పూర్తిగా ఆస్వాదిస్తోందీ అందాల అమ్మ. ఇటు ఇంటిని, అటు వృత్తిని బ్యాలన్స్‌ చేయడంలో ట్వింకిల్‌ తర్వాతే ఎవరైనా అన్నంత ఓర్పు, నేర్పు ఈ చక్కనమ్మ సొంతం. ఈ బహుముఖ ప్రజ్ఞాశాలి పుట్టినరోజు నేడు. ఈ నేపథ్యంలో ఈ ‘మిసెస్‌ ఫన్నీబోన్స్‌’ గురించి కొన్ని ఆసక్తికర విశేషాలు తెలుసుకుందాం..

పెళ్లి తంతులో భాగంగా వధువు మెడలో మూడు ముళ్లు వేస్తాడు వరుడు. ఆ తర్వాత ఏడు జన్మల వరకూ తోడుంటానని అగ్నిసాక్షిగా ప్రమాణం చేస్తూ ఆమెతో కలిసి ఏడడుగులు నడుస్తాడు. కష్టమొచ్చినా, కన్నీళ్లొచ్చినా తానున్నానంటూ ఒక్కో అడుగుతో ఒక్కో భరోసాను జీవిత భాగస్వామికి ఇవ్వడమే అందులో దాగున్న పరమార్థం. అయితే మూడుముళ్లు వేయక ముందే, ఏడడుగులు నడవక ముందే జీవితాంతం తోడుంటానని కాబోయే భార్యకు ప్రమాణం చేశాడు ఓ యువకుడు. కాళ్లు దెబ్బతిని ఆస్పత్రి బెడ్‌పై జీవచ్ఛవంలా పడి ఉన్న ఆమె అంగీకారంతో అక్కడే తన దాన్ని చేసుకున్నాడు. కాళ్లు రాకున్నా కలకాలం కలిసుంటానంటూ ఆమె జీవితానికి ఓ భరోసానిచ్చాడు.

శ్రీకర్‌-శ్రీనిధికి ఇటీవలే పెళ్లైంది. ఇద్దరూ కలిసి ఏదైనా మంచి ప్రదేశానికి హనీమూన్‌కి ప్లాన్‌ చేసుకుందామంటే కరోనా భయంతో ఎక్కడికీ వెళ్లలేని పరిస్థితి. పోనీ ఇంట్లో అయినా ఏకాంతంగా గడుపుదామంటే వర్క్‌ ఫ్రమ్‌ హోమ్‌ హడావిడితో అదీ కుదరట్లేదు.

ప్రేమను చూపించడంలో కానీ, పంచడంలో కానీ ఆడవారిదే అగ్రతాంబూలం. అది కన్న అమ్మయినా... కట్టుకున్న ఆలి అయినా. ఇక ‘నా’ అనుకున్న వాళ్లు కొంచెం ప్రేమను చూపిస్తే చాలు... అంతకు రెట్టింపు ప్రేమానురాగాలు తిరిగి వారికి పంచివ్వడం ‘ఆమె’కు మాత్రమే సాధ్యం. ఈ మాటలను అక్షరాలా నిరూపిస్తూ నిజమైన ప్రేమకు నిదర్శనంగా నిలిచింది ఓ భార్య. పెళ్లైన కొత్తలో తన భర్త అన్న ఓ చిన్న మాటను మనసులో పెట్టుకుని నాలుగు దశాబ్దాలుగా లంచ్‌బాక్స్‌ రూపంలో అతడికి ప్రేమను పంచుతూనే ఉంది. ఇంతకీ ఆ భర్త చెప్పిన మాటేంటి? ఆ లంచ్‌ బాక్స్ కథేంటి? తెలుసుకోవాలంటే ఈ అందమైన స్టోరీ చదవాల్సిందే!

అపర కుబేరుడు ముఖేశ్‌ అంబానీ- నీతా అంబానీ దంపతులు తాతయ్య, నానమ్మలుగా ప్రమోషన్‌ పొందారు. వారి పెద్ద కుమారుడు ఆకాశ్‌ అంబానీ సతీమణి శ్లోకా అంబానీ పండంటి మగబిడ్డకు జన్మనిచ్చింది. ప్రస్తుతం ముంబైలోని ఓ ఆస్పత్రిలో తల్లీ, బిడ్డ క్షేమంగా ఉన్నారు. చిన్నారి రాకతో అంబానీ, మెహతా కుటుంబాల్లో ఆనందాలు వెల్లివిరుస్తున్నాయి.

ప్రేమకు సమయం, సందర్భమనేది ఉండదు. ఎందుకంటే అది ఎప్పుడు, ఎవరిమీద, ఎలా పుడుతుందో ఎవరికీ తెలియదు. కానీ ఆ ప్రేమను తెలియజేయాలంటే కచ్చితంగా మంచి మూహూర్తం చూసుకోవాలి.

అప్పటిదాకా పుట్టింట్లో ఎంతో స్వేచ్ఛగా, గారాబంగా పెరిగిన ఆడపిల్ల పెళ్లయ్యాక అత్తింట్లో అడుగుపెట్టగానే ఆమెపై ఎన్నో బరువు బాధ్యతలు వచ్చిపడతాయి. మరి, వాటన్నింటినీ బ్యాలన్స్ చేసుకుంటూ ముందుకు సాగితేనే అటు పుట్టింటి గౌరవాన్ని, ఇటు మెట్టినింటి అనురాగాన్ని సొంతం చేసుకోవచ్చు. అయితే అప్పుడే అత్తారింట్లో అడుగుపెట్టిన అమ్మాయికి ఇవన్నీ కొత్తగానే అనిపిస్తాయి. ఏ విషయంలో ఎలా మెలగాలో అర్థం కాని పరిస్థితి వారిది. అన్నింటికంటే ముఖ్యంగా అత్తింటి వారితో నడుచుకునే విధానం, అత్తమామలకిచ్చే గౌరవమర్యాదలు, వారి అభిరుచులేంటి.. వంటివన్నీ తెలుసుకొని ముందుకు సాగితేనే మెట్టినింటిని కూడా పుట్టింటిలా మార్చుకోవచ్చు. అంతేకాదు.. ఇలా చేయడం వల్ల పెళ్లి తర్వాత అమ్మానాన్నలుగా భావించే అత్తమామలతో సఖ్యత కూడా ఏర్పడుతుంది.. ఇద్దరి మధ్య అనుబంధం మరింత దృఢమవుతుంది. అయితే ఇందుకు కొన్ని జాగ్రత్తలు పాటించాల్సి ఉంటుంది. మరి, అవేంటో తెలుసుకొని ఆచరిస్తే అత్తింటి అనుబంధంలో ఉన్న మాధుర్యాన్ని ఆస్వాదించవచ్చు.

మేడమ్‌.. నా వయసు 24. మేము ముగ్గురం అక్కచెల్లెళ్లం.. మా తల్లిదండ్రులకు నేను రెండో సంతానం. ప్రస్తుతం నేను ఉద్యోగం చేస్తున్నాను. మా తల్లిదండ్రులు నాతో తప్ప మిగతా ఇద్దరితో బాగానే ఉంటారు. ఇంటి పనులు నాతోనే ఎక్కువగా చేయిస్తుంటారు. నా పట్ల వాళ్లు అలా ప్రవర్తిస్తుంటే రెండో అమ్మాయిగా పుట్టడమే నేను చేసిన తప్పేమో అనిపిస్తుంది. ‘అవసరానికి నేను.. ప్రేమను పంచడానికి మాత్రం వాళ్లు కావాలా?’ అనిపిస్తుంది. ఒక్కోసారైతే ఇవన్నీ భరించలేక చనిపోవాలనిపిస్తుంది. ఏమైనా అంటే ‘నీకు వాళ్లిద్దరి మీద అసూయ’ అని తిడతారు. అసలు నేనంటే అంత ఇష్టం లేనప్పుడు ఇంకా నేను ఎందుకు బతికున్నానా అనిపిస్తుంది. ఈ సమస్య నుంచి ఎలా బయట పడాలో అర్థం కావట్లేదు. దయచేసి సలహా ఇవ్వగలరు - ఓ సోదరి

అబ్బబ్బా.. మీతో వేగలేక ఛస్తున్నా.. ఎంత భోజనప్రియులైతే మాత్రం రోజుకో స్పెషల్ వంటకం అంటే ఎలా కుదురుతుంది చెప్పండి? వంట చేసేది మీరైనా, నేనైనా దానికి సరుకులు మాత్రం కావాల్సిందేగా.. అంటోంది మీరా తన భర్తతో.. కొంతమంది తమ భాగస్వామి భోజనప్రియులైతే దానిని సమస్యగా భావిస్తారు. అయితే ఇలాంటివారితో ఉండడం వల్ల కూడా ఎన్నో లాభాలున్నాయంటున్నారు నిపుణులు.. ఆహార పదార్థాలను అమితంగా ఇష్టపడేవారిలో ఎన్నో మంచి లక్షణాలుంటాయట. దాంతో వారి జీవితం సాఫీగా సాగిపోయే అవకాశాలున్నాయంటున్నారు నిపుణులు. మరి, భోజన ప్రియుల్లో ఉండే అలాంటి కొన్ని మంచి లక్షణాలేంటో తెలుసుకుందామా?

కొద్ది రోజుల క్రితం సడెన్‌గా సినిమాలకు స్వస్తి చెప్పి అందరినీ ఆశ్చర్యపరిచింది బాలీవుడ్‌ నటి సనాఖాన్‌. హిందీ సినిమాలతో పాటు తెలుగు, తమిళ, కన్నడ, మలయాళ భాషల్లో నటించి మెప్పించిన

'ధర్మేచ, అర్థేచ, కామేచ, మోక్షేచ.. నాతిచరామి..' అంటూ వధూవరుల్ని ఒక్కటి చేసే అత్యద్భుతమైన ఘట్టమే వివాహం. ఇలా అందరి ముందు చేసిన బాసలు కలకాలం నిలుపుకోవాలంటే దంపతుల మధ్య అన్ని అంశాల్లోనూ సమన్వయం చాలా ముఖ్యం. ఇందుకోసం మామూలు రోజుల్లో ఒకరితో ఒకరు ప్రేమగా మసలుకోవడమే కాదు.. పుట్టినరోజు, పెళ్లిరోజు వంటి ప్రత్యేక సందర్భాల్లోనూ మీ ప్రేమకు కాస్త కొత్తదనం జోడించి సరికొత్తగా సెలబ్రేట్ చేసుకుంటే అవి మీ ఇద్దరికీ మరపురాని మధురానుభూతులుగా మిగిలిపోతాయి. ఇలా చేయడం వల్ల ఇద్దరి మధ్య అనుబంధం కూడా మరింత బలపడే అవకాశం ఉంటుంది. అందుకే ఈసారి మీ పెళ్లిరోజు కోసం మీరూ ఇలా ప్లాన్ చేసి చూడండి...

నిశ్చితార్థం.. అతి త్వరలో జీవితంలో సరికొత్త అధ్యాయం ప్రారంభం కాబోతోంది... మీ కలల రాకుమారుడితో కలిసి నడవబోయే సమయం ఆసన్నమైందని చెప్పే వేడుక. ఈ కార్యక్రమం తర్వాత ప్రతి ఒక్కరికీ పెళ్లి గురించిన ఆలోచనలతో నిద్ర కరవవుతుందంటే అతిశయోక్తి కాదు. నిశ్చితార్థం జరుపుకొన్న జంట మూడుముళ్లు పడే ఆ అపురూపమైన క్షణం కోసం ఎదురుచూస్తుంటారు. అంతవరకు ఇద్దరూ ఫోన్‌లోనే ఎన్నెన్నో కబుర్లు చెప్పుకొంటూ సమయం గడుపుతుంటారు. తమ భవిష్యత్తుకి సంబంధించిన విషయాల గురించి చర్చించుకుంటుంటారు. అప్పుడప్పుడూ అలా సరదాగా షికార్లకు కూడా వెళుతుంటారు. ఇదిగో ఇలా పెళ్లికి ముందు సరదాగా గడిపే ఈ కాస్త సమయమే ఆ తర్వాతి జీవితానికి పునాదిగా మారుతుందంటే మీరు నమ్ముతారా? పెళ్లికి ముందు గడిపే సమయం చాలా అమూల్యమైనది. ఆ సమయంలో చెప్పుకొన్న వూసులు, తిరిగిన ప్రదేశాలు ఆ తర్వాత గుర్తు చేసుకొని మురిసిపోయే జంటలెన్నో..! అయితే ఈ సమయాన్ని జీవితాంతం గుర్తుండిపోయేలా గడపడంతో పాటు మీ బంధం మరింత దృఢమయ్యేలా ఏం చేయాలో తెలుసుకొందామా...

మేడం.. నా వయసు 30సం||. నాది చాలా మెతక స్వభావం. నలుగురితోనూ కలవాలంటే చాలా సిగ్గు, భయం. అమ్మానాన్న నాకు చాలా సంబంధాలు చూశారు. కానీ నా స్వభావం కారణంగా నన్ను చేసుకోవడానికి మంచి సంబంధాల వాళ్లు ఎవరూ తొందరగా ముందుకు రాలేదు. ఆ తర్వాత 2015లో నాకు ఒక సంబంధం కుదిరింది. వాళ్లు నన్ను చేసుకుంటానని వెంట పడడంతో మంచి సంబంధమని చేసుకున్నాం. కానీ పెళ్లయ్యాక కూడా నా మెతక స్వభావం కారణంగా అత్తారింట్లో చాలా ఇబ్బందులు ఎదుర్కొన్నా. మా అత్తగారు చాలా డామినేటింగ్‌గా ఉండేవారు. ఆయన, అత్తయ్య.. ఏం చెబితే అది చేసేదాన్ని. భయం కారణంగా ఎక్కువ మాట్లాడేదాన్ని కాదు. కనీసం నా భర్తకు దగ్గరయ్యేందుకు కూడా సిగ్గు, భయం ఉండేవి. ఈ పద్ధతి మా అత్తగారు వాళ్లకి నచ్చలేదు. నన్ను ఎలాగైనా వదిలించుకోవాలని అనుకున్నారు.

ప్రేమ.. ఇద్దరు వ్యక్తుల మనసులను ముడిపెట్టే ఈ సాధనం.. మితిమీరితే అవే మనసుల మధ్య మంటలు కూడా పుట్టించగలదు. అందుకే దేనికైనా హద్దులుండాలంటారు పెద్దలు. కానీ కొంతమంది తమ భాగస్వామిని అపరిమితంగా ప్రేమిస్తూ వారిపై అంతులేని ప్రేమ కురిపిస్తూ ఉక్కిరిబిక్కిరి చేసేస్తూ ఉంటారు. అయితే ఇలాంటి అపారమైన ప్రేమ మంచిదే అయినప్పటికీ ఒక్కోసారి దానివల్ల వైవాహిక బంధంలో కొన్ని ఇబ్బందులు ఎదురయ్యే అవకాశాలు కూడా ఉన్నాయంటున్నారు రిలేషన్‌షిప్ నిపుణులు. దంపతుల మధ్య మితిమీరిన ప్రేమ వల్ల తలెత్తే ఆ ఇబ్బందులేంటి? వాటిని ఎలా పరిష్కరించుకోవాలి? మొదలైన విషయాలు మనమూ తెలుసుకుందాం రండి..