scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

psychologist Ask Psychologist
ఓ సోదరి.

ఎప్పుడూ యూట్యూబ్ వీడియోలే... ఎలా మార్చాలి?

నమస్తే మేడమ్‌.. మా బాబు వయసు 11 సంవత్సరాలు.. వాడు యూట్యూబ్‌లోనే ఎక్కువ సమయం గడుపుతున్నాడు. రోజుకి 5 నుంచి 6 గంటలు యూట్యూబ్‌లో గేమ్స్‌కి సంబంధించిన వీడియోలు, ఫన్నీ వీడియోలు చూస్తుంటాడు. ఆన్‌లైన్ క్లాసులు, ఉపయోగపడేవి చూడమని ఎన్ని సార్లు చెప్పినా అస్సలు వినడు. ఒక్కోసారి చిరాకు వచ్చేంత వరకు ఫోన్‌ చూస్తుంటాడు. ఎంత సున్నితంగా, అర్థమయ్యేలా చెప్పినా యూట్యూబ్‌ చూడడం మాత్రం మానడం లేదు. బయటికి వెళ్లినప్పుడు స్నేహితులతో బాగానే ఆడుకుంటాడు. కానీ, ఇంటికి రాగానే ఫోన్ పని మీదనే ఉంటాడు. దీనివల్ల చదువులో వెనకపడతాడేమో.. వాడిలో సహనం తగ్గిపోతుందేమో అని భయంగా ఉంది. ఏదైనా సలహా ఇవ్వగలరు. - ఓ సోదరి

Know More

Video Gallery

Movie Masala

 
category logo

స్నేహితుల రోజు గురించి ఈ విశేషాలు విన్నారా?

Some interesting facts about friendship day in Telugu

'స్నేహమేరా జీవితం.. స్నేహమేరా శాశ్వతం..' అన్నాడో కవి. నిజమే కదా మరి.. ఈ సృష్టిలో శాశ్వతంగా నిలిచిపోయే బంధమంటే అది స్నేహమే. ఆస్తి, అంతస్తులతో పనిలేకుండా, లింగభేదం చూసుకోకుండా, నిస్వార్థంతో వ్యవహరించే అనురాగ బంధం ఇది. ఇంతటి మధురమైన అనుబంధం కాబట్టే దీనికంటూ ప్రత్యేకంగా ఒక రోజును కేటాయించారు. ఆ రోజున స్నేహితులంతా ఒక్కచోట చేరి ఆనందంగా ఆడిపాడతారు. మరుసటి ఏడాది వరకూ గుర్తుండిపోయే మరెన్నో మధుర జ్ఞాపకాలను మూటగట్టుకుంటారు. ఇంతటి నేపథ్యం ఉన్న స్నేహానికి సంబంధించిన కొన్ని ఆసక్తికర విశేషాలు తెలుసుకోవడానికి స్నేహితుల దినోత్సవానికి మించిన సందర్భం మరొకటి ఏముంటుంది చెప్పండి..

fndshipdaystoriesgh650-3.jpg
ఫ్రెండ్‌షిప్ డేే కు ఆద్యుడు ఎవరంటే..!
స్నేహితుల దినోత్సవం పేరిట ఏటా ఫ్రెండ్స్ అంతా కలిసి ఫ్రెండ్‌షిప్ డే జరుపుకోవడం సర్వసాధారణమైపోయింది. ఈ సందర్భంగా ఎక్కడెక్కడో ఉన్న స్నేహితులంతా ఒక్కచోట చేరి ఎంజాయ్ చేస్తుంటారు. కానీ ఈ రోజును సెలబ్రేట్ చేసుకోవడం వెనక ఉన్న అంతరార్థం గురించి చాలామందికి తెలియదు. 1958, జులై 20న డా. అర్టెమియోబ్రాకో అనే వ్యక్తి తన స్నేహితులతో కలిసి పార్టీ చేసుకుంటున్నాడు. చాలాకాలం తర్వాత మిత్రుల్ని కలవడంతో పాత జ్ఞాపకాలు నెమరు వేసుకుంటూ వారంతా ఆనందంగా గడుపుతున్నారు. అయితే ఈ ఎంజాయ్‌మెంట్ కేవలం ఈ రోజుకే పరిమితం కాకూడదని.. ప్రతి ఏడాది తామంతా కలుసుకోవాలని, తనలాగే ప్రజలంతా తమ స్నేహితులతో సంతోషంగా గడపాలనే ఆలోచన ఆ క్షణం ఆయన మనసులో మెదిలింది. అంతే.. వెంటనే ఈ విషయాన్ని అక్కడున్న మిత్రులతోపాటు ప్రజలకు సైతం తెలిసేలా చేశాడు. అలా సరిగ్గా పది రోజులకు అంటే జులై 30న మెక్సికో నగరంలోని ప్యుర్టో పినాస్కో అనే నగరంలో మొదటిసారిగా ఫ్రెండ్‌షిప్ డే సంబరాలు జరిగాయి. అందుకే అర్టెమియోబ్రాకోను ఫ్రెండ్‌షిప్ డేకు ఆద్యుడిగా పరిగణిస్తారు. ఇలా అప్పటినుంచి ఏటా జులై 30న యూఎస్‌తో పాటు పలు దేశాల్లో స్నేహితుల దినోత్సవం జరుపుకోవడం ఆనవాయితీగా వస్తోంది. మరికొన్ని దేశాల్లో మాత్రం వేర్వేరు తేదీల్లో ఫ్రెండ్‌షిప్ డే చేసుకుంటున్నారు. ఈ క్రమంలో మన దేశంలో ఏటా ఆగస్టు తొలి ఆదివారం నాడు స్నేహితుల దినోత్సవం జరుపుకుంటున్నాం.

friendshipdaysecretsgh650-1.jpg
అక్కడ మహిళలకు ప్రత్యేకంగా...
మహిళా దినోత్సవం, మదర్స్ డే.. వంటి రోజులు కేవలం మహిళలకు మాత్రమే ప్రత్యేకం.. అదే స్నేహితుల దినోత్సవం అంటే.. ఆడ, మగ అనే లింగ భేదాలు లేకుండా జరుపుకొనే రోజు. కానీ మహిళలకంటూ ప్రత్యేకంగా ఫ్రెండ్‌షిప్ డే అంటూ ఒకటి ఉందన్న విషయం మీకు తెలుసా? అవును.. మీరు విన్నది నిజమే. వర్జీనియాలో 1897లో స్థాపించిన 'కప్పా డెల్టా' అనే సోషల్ క్లబ్‌లో మెంబర్‌షిప్ తీసుకున్న దాదాపు 1.80 లక్షల మంది మహిళలంతా కలిసి తొలిసారిగా జాతీయ మహిళా స్నేహితుల దినోత్సవం జరుపుకొన్నారట. మహిళల కోసం మహిళలంతా కలిసి జరుపుకునే ఈ ప్రత్యేకమైన రోజుకు యూఎస్ రాష్ట్రాల్లోని గవర్నర్‌లు క్రమంగా మద్దతివ్వడంతో అక్కడ ఏటా సెప్టెంబర్‌లోని మూడో ఆదివారం నాడు జాతీయ మహిళా స్నేహితుల దినోత్సవం జరుపుకుంటున్నారు. ఈ రోజున ఒకరికొకరు విలువైన బహుమతులు అందించుకుంటూ ఎంజాయ్ చేస్తుంటారు. ఇలా మహిళలంతా కలిసి కట్టుగా ఉన్నామనే సందేశాన్ని ఈ ప్రత్యేక సందర్భం ద్వారా చెప్పకనే చెబుతున్నారు అక్కడి మహిళలు.

fndshipdaystoriesgh650-1.jpg
ప్రపంచ శాంతే లక్ష్యంగా..!
మనం జరుపుకొనే ప్రత్యేకమైన రోజుల్లో ఏదో ఒక ప్రత్యేకత దాగుంటుంది. మహిళా శక్తిని చాటడానికి మహిళా దినోత్సవం, మనసులోని ప్రేమను తెలియజేయడానికి ప్రేమికుల దినోత్సవం.. ఇలా ఒక్కో సందర్భానికీ ఒక్కో ప్రత్యేకత ఉంటుంది. అలాగే స్నేహంలోని మాధుర్యాన్ని చాటుతూ ఏటా స్నేహితుల దినోత్సవాన్నీ జరుపుకుంటున్నాం. అయితే అగ్రరాజ్యమైన అమెరికా సంయుక్త రాష్ట్రాలు మాత్రం స్నేహానికి కేవలం ఒక రోజును మాత్రమే కాదు.. ఫిబ్రవరి నెల మొత్తాన్నీ 'ఇంటర్నేషనల్ ఫ్రెండ్‌షిప్ మంత్'గా ప్రకటించాయి. అయితే ఇదంతా ఎందుకు అనుకుంటున్నారా? దేశాల మధ్య మంచి స్నేహబంధం చిగురించి శాంతి నెలకొనేందుకే యూఎస్ దీన్ని ఏర్పాటుచేసింది. అంతేకాదు.. ఈ నెల రోజుల పాటు అక్కడ స్నేహితుల కోసం సరదాగా ఎన్నో కార్యక్రమాలు ఏర్పాటుచేస్తుంటారు. ఫ్రెండ్సంతా కలిసి క్రాఫ్ట్స్ రూపొందించడం, కలిసి బయటకెళ్లడం, ట్రిప్స్ పేరుతో వేర్వేరు దేశాలు సందర్శించడం, బహుమతులు ఇచ్చిపుచ్చుకోవడం, పార్టీలు.. ఇలా అనేక విధాలుగా తమ స్నేహ బంధాన్ని సెలబ్రేట్ చేసుకుంటారు. అంతేకాదు.. ఈ సందర్భంలో అక్కడి ప్రభుత్వాలు కూడా ప్రజలకు కొన్ని వెసులుబాట్లు, సౌకర్యాలు కల్పిస్తున్నాయంటే స్నేహానికున్న గొప్పతనమేంటో అర్థమవుతుంది.

fndshipdaystoriesgh650.jpg
ఫ్రెండ్‌షిప్ డే అంబాసిడర్ ఇది...
తన స్వార్థం తాను చూసుకోవడం కాకుండా.. ఇతరులకు సహాయపడేవాడే నిజమైన స్నేహితుడు. అలాంటి గుణమే 'విన్నీ ద పూ' అనే ఎలుగుబంటిది కూడా..! దీనిపై చాలా కథలే ప్రచారంలో ఉన్నాయి. చాలా ఏళ్ల క్రితం పూ తన స్నేహితులు పిగ్లట్, టిగ్గర్, ఇయోరే, గుడ్లగూబ, కుందేలు.. వంటి ఇతర జంతువులతో కలిసి దాదాపు వంద ఎకరాల స్థలంలో నివసించేదట. ఈ క్రమంలో తన ఫ్రెండ్స్ కిష్టమైన తేనె, పండ్లు, కూరగాయలతో కూడిన ఆహారాల్ని తీసుకొచ్చేదట! అంతేకాదు.. వాటికి అన్ని రకాలుగా సహాయం చేసేదట పూ. ఇలా తన స్నేహితులకు అన్ని రకాలుగా సహాయపడిన విన్నీ ది పూను ఎ.ఎ. మిల్నే అనే రచయిత 1997లో వరల్డ్ ఫ్రెండ్‌షిప్ అంబాసిడర్‌గా ప్రకటించారు.

fndshipdaystoriesgh650-2.jpg
ఈ పువ్వులే ఎందుకిస్తారంటే..?
స్నేహితుల దినోత్సవం నాడు మిత్రులకు పసుపు రంగు రోజాపూలిచ్చి శుభాకాంక్షలు చెప్పడం సర్వసాధారణమే. అయితే ఇవే ఎందుకిస్తారో తెలుసా? పసుపు రంగు.. గౌరవం, అభిమానం, ఆశావాదానికి ప్రతీక. స్నేహితులపై తమ ప్రేమను తెలియజేస్తూ అది కలకాలం శాశ్వతంగా ఉండిపోవాలని, వారు ఎప్పటికీ క్షేమంగా ఉండాలని కాంక్షిస్తూ ఈ పువ్వును ప్రేమగా తమ ప్రియనేస్తాలకు అందిస్తుంటారు. దీంతోపాటు ఇద్దరి మధ్య ఉన్న అనురాగాన్ని, తీపిగుర్తులను పంచుకుంటూ ఓ గులాబీ రోజాను కూడా అందిస్తే.. స్నేహబంధానికి పూర్తి అర్థాన్ని జోడించినవారవుతారు.





gynecologist Ask Psychology Expert
ఓ సోదరి.

ఎప్పుడూ యూట్యూబ్ వీడియోలే... ఎలా మార్చాలి?

నమస్తే మేడమ్‌.. మా బాబు వయసు 11 సంవత్సరాలు.. వాడు యూట్యూబ్‌లోనే ఎక్కువ సమయం గడుపుతున్నాడు. రోజుకి 5 నుంచి 6 గంటలు యూట్యూబ్‌లో గేమ్స్‌కి సంబంధించిన వీడియోలు, ఫన్నీ వీడియోలు చూస్తుంటాడు. ఆన్‌లైన్ క్లాసులు, ఉపయోగపడేవి చూడమని ఎన్ని సార్లు చెప్పినా అస్సలు వినడు. ఒక్కోసారి చిరాకు వచ్చేంత వరకు ఫోన్‌ చూస్తుంటాడు. ఎంత సున్నితంగా, అర్థమయ్యేలా చెప్పినా యూట్యూబ్‌ చూడడం మాత్రం మానడం లేదు. బయటికి వెళ్లినప్పుడు స్నేహితులతో బాగానే ఆడుకుంటాడు. కానీ, ఇంటికి రాగానే ఫోన్ పని మీదనే ఉంటాడు. దీనివల్ల చదువులో వెనకపడతాడేమో.. వాడిలో సహనం తగ్గిపోతుందేమో అని భయంగా ఉంది. ఏదైనా సలహా ఇవ్వగలరు. - ఓ సోదరి


Know More

women icon@teamvasundhara
psychologist-advice-for-depressed-girl-in-telugu
women icon@teamvasundhara
couple-do-some-these-things-for-their-friendship-alive

ఆలుమగల స్నేహం ఆజన్మాంతం నిలవాలంటే..!

'ఎన్నెన్నో జన్మల బంధం నీదీ-నాదీ..' అన్నట్లుగా.. భార్యాభర్తల బంధం అంటేనే జన్మజన్మల అనుబంధం. మరి అది ఎప్పటికీ నిత్యనూతనంగా ఉండాలంటే.. ఇద్దరి మధ్య మమతానురాగాలు, ప్రేమ, ఆప్యాయతలు.. వంటివి ఎంత ముఖ్యమో.. ఇద్దరి మధ్య స్నేహబంధం బలంగా ఉండడం కూడా అంతే కీలకం. ఆలుమగల మధ్య ఉండే ఏ చిన్న దూరాన్నైనా దగ్గరచేసి వారి ప్రేమను శాశ్వతం చేసే శక్తి స్నేహానికి ఉందనడంలో ఎలాంటి సందేహం లేదు. దంపతుల్ని ఒక్కటి చేసే ఈ స్నేహబంధం వారి మధ్య కలకాలం నిలిచిపోవాలంటే వారిరువురూ కలిసి చేయాల్సిన పనులు కొన్నున్నాయంటున్నారు రిలేషన్‌షిప్ నిపుణులు. మరి అవేంటో మనమూ తెలుసుకుందాం రండి..

Know More

women icon@teamvasundhara
actress-anita-confirms-pregnancy-with-hilarious-video

అవును... మేం తల్లిదండ్రులం కాబోతున్నాం!

త్వరలో తమకు పుట్టబోయే బుజ్జి పాపాయిని వూహించుకోవడం, ఎప్పుడెప్పుడు తమ ముద్దుల చిన్నారిని చేతుల్లోకి తీసుకుందామా అని ఆత్రంగా ఎదురుచూడడం... ఇలా ప్రతిక్షణం పుట్టబోయే బిడ్డ ఆలోచనల్లోనే గడపడం తల్లయ్యే ప్రతి మహిళకు సహజమే. ప్రస్తుతం అలాంటి మధురానుభూతినే ఆస్వాదిస్తోంది అనిత హస్సానందాని. ‘నువ్వు-నేను’ సినిమాతో తెలుగు ప్రేక్షకులను ఆకట్టుకున్న ఈ అందాల తార 2013లో రోహిత్‌ రెడ్డితో కలిసి ఏడడుగులు నడిచింది. ఈ క్రమంలో పెళ్లయిన తర్వాత సుమారు ఏడేళ్ల తర్వాత అమ్మగా ప్రమోషన్‌ పొందనున్న ఆమె, సోషల్‌ మీడియా వేదికగా అందరితో ఈ శుభవార్తను షేర్‌ చేసుకుంది.

Know More

women icon@teamvasundhara
meghana-raj-shares-pics-from-her-baby-shower-late-husband-chiranjeevi-is-also-part-of-it

చిరూ... ఇదే కదా నువ్వు కోరుకున్నది!

అతనితో ఆమెది పదేళ్ల ప్రేమ బంధం. రెండేళ్ల దాంపత్య బంధం. ఆ ప్రేమ బంధానికి ప్రతి రూపంగా ఒక పండంటి బిడ్డను కూడా తమ లైఫ్‌లోకి ఆహ్వానించాలనుకుంది. ఇక తన జీవితంలో అంతా ఆనందమయమే అనుకుంది. కానీ అన్నీ అనుకున్నట్లు జరిగితే అది జీవితమెందుకు అవుతుంది? భర్తతో కలిసి నిండు నూరేళ్లు జీవించాలనుకున్న ఆమె కలలు భర్త హఠాన్మరణంతో కల్లలయ్యాయి. కొన్ని నెలల క్రితం గుండెపోటుతో కన్నుమూసిన కన్నడ నటుడు చిరంజీవి సర్జా సతీమణి మేఘనా రాజ్‌ విషాదాంత ప్రేమకథ ఇది. భర్త మరణించే నాటికి మూడు నెలల గర్భంతో ఉన్న మేఘన సీమంతం వేడుక తాజాగా జరిగింది. అయితే ఈ వేడుకల్లో చిరంజీవి కూడా పాలుపంచుకున్నారు.. ఎలాగంటారా? అయితే ఇది చదవండి..

Know More

women icon@teamvasundhara
neena-gupta-reveals-why-she-decided-to-get-married-at-50-and-daughter-masaba-reaction-to-it

అందుకే నేను రెండోసారి పెళ్లి చేసుకోవాల్సి వచ్చింది!

మన కాళ్ళ పైన మనం నిలబడినా, ఎంత అభివృద్ధి సాధించామనుకుంటున్నా- ఇప్పటికీ భర్తకు దూరంగా ఉన్న మహిళలు, వితంతువులు, ఒంటరి తల్లులను సమాజం కొంత చులకన భావనతోనే చూస్తుంది. ఎన్నో అవమానాలకు గురి చేస్తుంది. అందుకే నలుగురిలో తలెత్తుకుని నడవాలంటే ఇప్పటికీ మహిళలకు ఓ తోడు తప్పనిసరే అవుతోంది. ఈ నేపథ్యంలో తాను కూడా సమాజంలో గౌరవంగా బతికేందుకే రెండో వివాహం చేసుకున్నాను అంటున్నారు నీనా గుప్తా. వైవిధ్యమైన నటనతో నాలుగు దశాబ్దాలుగా బాలీవుడ్‌ ప్రేక్షకులను అలరిస్తోన్న ఈ అలనాటి అందాల తార వ్యక్తిగత జీవితంలో ఎన్నో ఎత్తుపల్లాలను ఎదుర్కొన్నారు. ఎలాంటి భేషజాలు, సంకోచం లేకుండా ముక్కుసూటిగా మాట్లాడే ఆమె... తాజాగా తన రెండో వివాహం, కూతురు మసాబా గురించి పలు ఆసక్తికర విషయాలను అందరితో షేర్‌ చేసుకున్నారు.

Know More

women icon@teamvasundhara
psychologist-advice-on-love-problem-in-telugu

ఆ అబ్బాయిని నేను మతాంతర వివాహం చేసుకోవడం కరక్టేనా?

హాయ్‌ మేడమ్.. నా వయసు 23 సంవత్సరాలు. నేనొక అబ్బాయిని ప్రేమిస్తున్నాను.. అయితే మా ఇద్దరి మతాలూ వేరు.. నాకోసం అతను మా మతంలోకి మారాడు. మా ఇంట్లో వాళ్లతో కూడా మాట్లాడి పెళ్లికి ఒప్పించాడు. కానీ ఈ మధ్య తనతో నా జీవితం ఎలా ఉంటుంది? భవిష్యత్తులో ఏవైనా సమస్యలు వస్తాయా? అన్న ఆలోచనలు వస్తున్నాయి. తన మీద నాకు నమ్మకం ఉంది.. బాగా చూసుకుంటాడు.. కానీ అప్పుడప్పుడు డిఫరెంట్‌గా ప్రవర్తిస్తుంటాడు. చిన్న చిన్న విషయాలకే నేను సహకరించడం లేదని కోపగించుకోవడం, గొడవ పడడం చేస్తుంటాడు. తను ఇంకా సెటిల్‌ అవ్వలేదు. జాబ్‌ గురించి వెయిట్‌ చేస్తున్నాడు. నేను బీపీవోలో వర్క్‌ చేస్తున్నాను. పెళ్లయ్యాక కూడా జాబ్‌ చేస్తాను. వాళ్లది పేద కుటుంబం. సొంత ఇల్లు కూడా లేదు. ఇలాంటి పరిస్థితుల్లో నేను అతనిని మతాంతర వివాహం చేసుకోవడం కరక్టేనా?దయచేసి సలహా ఇవ్వగలరు. - ఓ సోదరి

Know More

women icon@teamvasundhara
simple-steps-to-being-a-happier-couple-in-telugu

కాస్త రొమాన్స్ కూడా జోడించాల్సిందే..!

'నీ జతగా నేనుండాలి.. నీ ఎదలో నే నిండాలి.. నీ కథగా నేనే మారాలి..' అనే పాట తరహాలో దంపతులిద్దరూ జీవితాంతం ఒకరికొకరు తోడూ నీడగా ఉంటూ, ఒకరి మనసులో మరొకరు నిండిపోతూ, ఒకరి వూపిరి మరొకరై ముందుకు సాగుతుంటే.. ఆ బంధం ఎప్పటికీ నిత్యనూతనమవుతుందనడంలో ఎలాంటి అతిశయోక్తి లేదు. భార్యాభర్తలంటే కేవలం ప్రేమను పంచుకోవడం మాత్రమే కాదు.. ఒకరి అభిరుచుల్ని మరొకరు గౌరవించుకోవడం, ఒకరికి బాధ కలిగితే మరొకరు 'నేనున్నా'నంటూ ఓదార్చడం... మీదైన ప్రత్యేక శైలిలో సర్‌ప్రైజ్ చేయడం.. వంటివి కూడా ముఖ్యమే. అయితే వీటికి కొంత రొమాన్స్ కూడా జోడిస్తే ఆ బంధంలోని మధురానుభూతి శిఖరాగ్రానికి చేరుతుంది. మరి అదెలాగో తెలుసుకుందాం రండి...

Know More

women icon@teamvasundhara
dealing-with-pouting-partner-in-telugu

'అలక' తీర్చడంలోనే ఉంది అసలైన ప్రేమ!

'అలిగితివా.. సఖీ.. ప్రియా.. కలత మానవా..' 'కోపమా నాపైనా.. ఆపవా ఇకనైనా..' ఇలా పాడుకుంటూ భార్యాభర్తలిద్దరూ ఒకరి అలక మరొకరు తీరుస్తుంటే ఎంత ముచ్చటగా ఉంటుందో కదండీ! సంసారమన్నాక అప్పుడప్పుడూ చిరు కోపాలు, తాపాలు, అలకలు.. మామూలే. నిజంగా చెప్పాలంటే భార్యాభర్తల బంధంలో ప్రేమకు ఎంత ప్రాధాన్యం ఉంటుందో.. ఇలాంటి చిర్రుబుర్రులకు కూడా అంతే ప్రాముఖ్యం ఉంటుంది. అప్పుడప్పుడూ ఇలాంటి చిలిపి తగాదాలు, బుంగమూతి పెట్టడాలు చేస్తేనే ఒకరిపై మరొకరికి ఎంత ప్రేముందో అర్థమవుతుంది. తద్వారా ఆ బంధం మరింత బలపడుతుంది. అయితే అలగడం వరకూ బాగానే ఉంటుంది కానీ అది తీర్చడానికి మాత్రం కష్టపడాల్సిందే.. ఇంతకీ భాగస్వామి అలక తీర్చే మార్గాలేంటో మీకు చెప్పనే లేదు కదూ!! ఇదిగో ఇవే.

Know More

women icon@teamvasundhara
due-to-various-family-problems-i-am-getting-suicidal-tendencies-how-to-overcome-it

నా ముందే అమ్మ అలా.. భరించలేకపోతున్నాను.. ఏం చేయాలి?

హలో మేడం. నేను చాలా అయోమయంలో ఉన్నాను. మా అమ్మ తన ఎక్స్‌లవర్‌తో రిలేషన్ మెయింటైన్ చేస్తోంది. ఆయనకు నేనంటే నచ్చదు. కాబట్టి వాళ్లు నన్ను భారంగానే ఫీలవుతారు. ఇక, మా నాన్న వేరే ఆమెని పెళ్లి చేసుకుని సంతోషంగా జీవిస్తున్నారు. నేను నా కుటుంబానికి దూరంగా హాస్టల్లో ఉంటాను. లాక్ డౌన్ సమయంలో ఇంటికొచ్చాను. అయితే నేను ఉన్నానని కూడా చూడకుండా అమ్మావాళ్లు చాలా అసభ్యకరంగా ప్రవర్తిస్తున్నారు. భరించలేకపోతున్నాను. ఈ విషయాలన్నీ చెప్పుకోవడానికి నాకు ఎవరూ లేరు.. ఉన్నా అన్నీ చెప్పుకోలేను కూడా. అందుకే నాలో నేనే కుమిలిపోతున్నాను.

Know More

women icon@teamvasundhara
my-boyfriend-rejected-me-after-two-years-relationship-what-to-do?

రెండేళ్ల రిలేషన్ తర్వాత కుజ దోషం ఉందని వద్దంటున్నాడు!

మేడమ్‌.. నేను ఒక అబ్బాయితో రెండు సంవత్సరాలుగా రిలేషన్‌షిప్‌లో ఉన్నాను. పెళ్లి చేసుకుందామని ఫిక్స్‌ అయ్యాం. కరోనా వల్ల కొంత గ్యాప్‌ వచ్చింది. ఇప్పుడేమో ‘నువ్వు వద్దు.. మా తల్లిదండ్రులు ఒప్పుకోవడం లేదు.. జాతకంలో కుజ దోషం ఉంది’ అని మాట మారుస్తున్నాడు. మేము కలిసి దిగిన ఫొటోలు, వీడియోలు చాలా ఉన్నాయి. నేను జరిగిందంతా ఒక లాయర్‌కి చెప్పాను. ఆయన కేస్‌ ఫైల్‌ చేయిద్దాం అంటున్నారు. ఆ అబ్బాయి ‘నీ మీద మనసు విరిగిపోయింది.. ఏం చేసినా పెళ్లి చేసుకోను పో’ అంటున్నాడు. తీవ్ర ఒత్తిడికి లోనవుతున్నాను. ఏం చేయాలో అర్థం కావడం లేదు. సలహా ఇవ్వగలరు. - ఓ సోదరి

Know More

women icon@teamvasundhara
gutta-jwala-engaged-to-hero-vishnu-in-telugu

మా ఇద్దరి జీవితాలకు కొత్త ఆరంభమిది!

కెరీర్‌ పరంగా ఎన్నో విజయాలు సాధించిన వారిద్దరూ ఓ పెళ్లి వేడుకలో మొదటిసారిగా కలుసుకున్నారు. దాంపత్య జీవితానికి సంబంధించి గతంలో వారిద్దరికీ చేదు అనుభవాలే ఎదురుకావడంతో ఆ కొత్త పరిచయం వారికో కొత్త అనుభూతినిచ్చింది. ఒకరి మనసులోకి మరొకరు చొచ్చుకుపోయేలా చేసింది. వారి వైవాహిక జీవితాలు మిగిల్చిన చేదు అనుభవాలను మరిచిపోయేలా చేసింది. ఇక పెళ్లితో తమ అనుబంధాన్ని మరింత శాశ్వతం చేసుకోవాలనుకున్న ఆ జంట మరో ముందడుగేసింది. వారే స్టార్‌ షట్లర్‌ గుత్తా జ్వాల- తమిళ హీరో విష్ణు విశాల్‌. రెండేళ్ల నుంచి రిలేషన్‌షిప్‌లో ఉన్న ఈ అందాల జంట తాజాగా ఉంగరాలు మార్చుకుంది. ఈ సందర్భంగా త్వరలో కొత్త జీవితం ప్రారంభించనున్న ఈ జోడీకి పలువురు ప్రముఖులతో పాటు నెటిజన్లు అభినందనలు చెబుతున్నారు.

Know More

women icon@teamvasundhara
tips-to-become-happy-couple-in-telugu
women icon@teamvasundhara
my-boyfriend-has-left-me-and-now-came-back-what-to-do?

ఓసారి బ్రేకప్ చెప్పాడు.. మళ్లీ ప్రేమంటున్నాడు.. ఏం చేయాలి?

హాయ్ మేడమ్.. నేను ఒక అబ్బాయిని నాలుగేళ్ల నుంచి ప్రేమిస్తున్నాను.. అతను నా పీజీ క్లాస్‌మేట్. మా ప్రేమ విషయం మా ఇంట్లో వాళ్లకు కూడా తెలుసు. మా పెళ్లికి నేను మా అమ్మానాన్నల్ని కూడా ఒప్పించాను. అబ్బాయి తల్లిదండ్రులకు ఈ విషయం మొదట్నుంచే తెలిసినా ఏమీ అనలేదు. కానీ, రెండు సంవత్సరాల క్రితం అబ్బాయి వాళ్ల తల్లిదండ్రులు మా ప్రేమను ఒప్పుకోకపోవడంతో బ్రేకప్ అయింది. ఆ అబ్బాయిని అడిగితే లైట్ తీస్కో అని సమాధానమిచ్చాడు. కానీ ఇప్పుడు మళ్లీ నా దగ్గరికి వచ్చి.. నువ్వు లేకుండా నేను ఉండలేకపోతున్నానని నన్ను ఒప్పించే ప్రయత్నం చేశాడు. అంతేకాదు.. మా ఇంట్లో వాళ్లతో కూడా మాట్లాడాడు. అప్పుడు మా తల్లిదండ్రులు 'మీ ఇంట్లో చెప్పావా?' అని అతడిని అడిగారు. దానికి అతను 6 నెలలు ఆగి చెప్తాను అన్నాడు. మా తల్లిదండ్రులు ఇప్పటికే 'ఒకసారి మోసం చేశాడు.. మళ్లీ చేయడనే గ్యారంటీ ఏంటి?' అని నన్ను అడుగుతున్నారు. అతనేమో 'నేను కచ్చితంగా మా ఇంట్లో ఒప్పిస్తాన'ని చెబుతున్నాడు.

Know More

women icon@teamvasundhara
world-oldest-married-couple-with-a-combined-age-of-215-sets-new-world-record

౧౧౦ ఏళ్ళ అబ్బాయి.. ౧౦౪ ఏళ్ళ అమ్మాయి.. ౮౦ ఏళ్ళ ప్రేమ కథ !

జీవితంలో పెళ్లనేది ఓ మధురమైన ఘట్టం. ఎంతో అందమైన ఈ అనుబంధాన్ని కలకాలం నిలుపుకోవాలనుకుంటారు భార్యాభర్తలు. అందుకే కష్టమైనా, సుఖమైనా, లాభమైనా, నష్టమైనా ఒకరికొకరు తోడుగా ఉంటూ జీవితాన్ని పంచుకుంటారు. ఒకరినొకరు అర్థం చేసుకుంటూ, ఒకరి అభిరుచుల్ని మరొకరు గ్రహిస్తూ, ఒకరి ఇష్టప్రకారం మరొకరు నడుచుకుంటుంటారు... ఇలా ప్రతి విషయంలోనూ ఆలోచించి అడుగేస్తే ఆ ఆలుమగల సంసారం జీవితాంతం ఎంతో సాఫీగా సాగుతుంది. ఈ మాటలను అక్షరాలా నిజం చేస్తూ సుమారు 80 ఏళ్లుగా ఎంతో అన్యోన్యంగా జీవిస్తోందీ ఓ జంట. ప్రపంచంలోనే అత్యధిక కాలం జీవించి ఉన్న భార్యాభర్తలుగా గిన్నిస్‌ బుక్‌ రికార్డ్స్‌లో స్థానం సంపాదించిన ఆ ఆదర్శ దంపతుల ప్రేమ కథ గురించి తెలుసుకుందాం రండి...

Know More

women icon@teamvasundhara
actor-vidyullekha-raman-engaged-to-entrepreneur-sanjay-in-telugu

‘బుజ్జీమా’కు నిశ్చితార్థమైంది!

అందం, అంతకుమించిన ఆత్మవిశ్వాసం కలగలిసిన చెన్నై బ్యూటీ విద్యుల్లేఖా రామన్‌. తమిళ సినిమాతోనే సినీ ఇండస్ట్రీలోకి అడుగుపెట్టినా తన చలాకీ నటనతో, మాస్‌ మాటతీరుతో తెలుగువారి గుండెల్లో చెరగని ముద్ర వేసిందీ బబ్లీ గర్ల్‌. ‘రాజు గారి గది’, ‘సరైనోడు’, ‘ధృవ’, ‘దువ్వాడ జగన్నాథం’, ‘రాజా ది గ్రేట్‌’, ‘వెంకీ మామ’.. వంటి ఎన్నో తెలుగు సినిమాల్లో తన డైలాగ్స్‌తో సినీ ప్రేక్షకుల్ని కడుపుబ్బా నవ్వించిందీ లేడీ కమెడియన్‌. తమిళమ్మాయే అయినా.. తెలుగులో గలగలా మాట్లాడుతూ ఈ చక్కనమ్మ చెప్పే డైలాగ్స్‌కి ప్రతి ఒక్కరూ ఫిదా అవుతారనడంలో సందేహం లేదు. అలా రీల్‌ లైఫ్‌లో తన అందం, అభినయంతో సినీ ప్రేమికుల్ని కట్టిపడేసిన ఈ క్యూట్‌ బ్యూటీ.. రియల్ లైఫ్‌లోనూ ఓ హ్యాండ్‌సమ్‌ను తన మాయలో పడేసుకుంది. అయినా ఇన్ని రోజులు తన ప్రేమ విషయాన్ని రహస్యంగా దాచిన విద్యుల్లేఖ.. తాజాగా తనకు నిశ్చితార్థం అయిందంటూ సోషల్‌ మీడియా ద్వారా వెల్లడించింది.

Know More

women icon@teamvasundhara
sneha-introduces-daughter-aadhyantaa-on-husband-prasannas-birthday

ఇదిగో.. మా లిటిల్‌ లడ్డూ!!

అమ్మతనమే మహిళల జీవితానికి పరిపూర్ణతను తీసుకొస్తుంది. అందుకే తాను తల్లవుతున్నానని తెలిసిన మరుక్షణం నుంచే ఎప్పుడెప్పుడు తన బిడ్డను చేతుల్లోకి తీసుకుంటానా అని ఎదురుచూస్తుంటుంది. ఇక ఆ క్షణం రాగానే తన చిన్నారిని చూసి ఈ లోకాన్నే మర్చిపోతుంది. పాపాయి ఆలనా పాలనలోనే నిరంతరం గడుపుతూ.. తన ముద్దుల మూటను అందరికీ ఎప్పుడెప్పుడు పరిచయం చేద్దామా అన్న సంతోషంలో మునిగితేలుతుంటుంది. బాపూ బొమ్మ స్నేహ కూడా ప్రస్తుతం అలాంటి సంతోషంలోనే మునిగిపోయింది. ఈ ఏడాది జనవరిలో తన రెండో బిడ్డకు జన్మనిచ్చిన ఈ అందాల అమ్మ.. తన చిన్నారి ఫొటోను తాజాగా సోషల్‌ మీడియాలో పంచుకుంటూ మురిసిపోయింది. తమ లిటిల్‌ ఏంజెల్‌ని అందరికీ పరిచయం చేయడానికి తన భర్త పుట్టినరోజును మించిన మంచి సందర్భం దొరకలేదంటూ ఓ అందమైన నోట్‌ రాసుకొచ్చిందీ ముద్దుగుమ్మ.

Know More

women icon@teamvasundhara
neena-gupta-says-she-would-not-have-married-her-husband-if-he-did-not-like-her-daughter-masaba

అలా అయితే మళ్లీ పెళ్లి చేసుకునేదాన్ని కాదు!

పిల్లల ఆనందమే పరమావధిగా భావించే తల్లి వారి కోసం ఎలాంటి కష్టాలకైనా ఎదురీదుతుంది. వారి మోములో చిరునవ్వు కోసం ఎన్ని త్యాగాలకైనా సిద్ధపడుతుంది. ఈక్రమంలో తన రిలేషన్‌ షిప్‌ విషయంలో తన కూతురు మసాబా గుప్తా ఆనందానికే అధిక ప్రాధాన్యమిచ్చానంటోంది అలనాటి బాలీవుడ్‌ అందాల తార నీనాగుప్తా. ఫ్యాషన్‌ ఐకాన్‌గా ఎంతో గుర్తింపు పొందిన మసాబా తొలిసారిగా ‘మసాబా మసాబా’ అనే ఓ నెట్‌ఫ్లిక్స్‌ వెబ్‌సిరీస్‌లో నటించింది. ఆగస్టు 28న ప్రేక్షకుల ముందుకు వచ్చిన ఈ చిత్రంలో నీనాగుప్తా కూడా ఓ కీలక పాత్రలో కనిపించింది. ఈ సందర్భంగా ఈ తల్లీకూతుళ్లు తమ వ్యక్తిగత, వృత్తిగత జీవితాలకు సంబంధించి పలు ఆసక్తికర విషయాలను షేర్‌ చేసుకున్నారు.

Know More

women icon@teamvasundhara
expert-advice-on-parents-emotional-blackmail-in-telugu

women icon@teamvasundhara
virat-kohli-announces-anushka-sharmas-pregnancy-on-social-media

ఇద్దరం ముగ్గురం కాబోతున్నాం!

పెళ్లైందంటే చాలు.. కొత్త జంటకు ఎదురయ్యే మొదటి ప్రశ్న ‘నెక్స్టేంటి.. పిల్లల కోసం ఎప్పుడు ప్లాన్‌ చేసుకుంటున్నారు?’ అని! ఇక ఏళ్లు గడుస్తోన్న కొద్దీ తమకు పుట్టబోయే పిల్లల గురించి ఆ జంట కంటే బయటి వాళ్లకే ఆతృత ఎక్కువగా ఉంటుంది. సెలబ్రిటీ కపుల్‌ అనుష్కా శర్మ – విరాట్‌ కోహ్లీ కూడా తమకు ఇలాంటి ప్రశ్న ఎన్నిసార్లు ఎదురైందో వేళ్ల మీద లెక్కపెట్టలేమంటూ చాలా సందర్భాల్లో పంచుకున్నారు కూడా! ముఖ్యంగా సోషల్‌ మీడియాలోనే పదే పదే ఈ ప్రశ్న ఎదురవుతుందంటూ మొన్నటికి మొన్న అనుష్క కూడా నొక్కివక్కాణించిన సంగతి తెలిసిందే. అయితే ఇలా తమ అభిమాన జంట ఎప్పుడెప్పుడు తీపి కబురు చెబుతుందా అని ఆతృతగా ఎదురుచూస్తోన్న సమయంలో ఎట్టకేలకు ఆ తియ్యటి వార్తను అభిమానులతో పంచుకున్నాడు విరాట్‌. యస్‌.. త్వరలోనే తామిద్దరం ముగ్గురం కాబోతున్నామంటూ సోషల్‌ మీడియా వేదికగా పంచుకున్నాడీ టు-బి-డాడ్‌!

Know More

women icon@teamvasundhara
did-you-know-thalapthy-vijay-fell-in-love-with-his-die-hard-fan-sangeetha-here-is-their-romantic-love-story

అతన్నే వలచింది.. వరించింది!

సినిమాల్లో మన అభిమాన హీరోను చూసి ‘అబ్బ.. ఈ హ్యాండ్‌సమ్‌ నాకు భర్తైతే ఎంత బాగుంటుందో!’ అని కలలు కంటాం.. అతని ఊహల్లోనే తేలుతూ సిగ్గుపడిపోతుంటాం.. కానీ ఆ ఆలోచనలన్నీ కలలకే పరిమితమవుతాయే తప్ప నిజ జీవితంలో జరగడం చాలా అరుదు. కానీ అలాంటి కలల్ని నిజం చేసుకున్న లక్కీ గర్ల్‌ సంగీతా సోర్నలింగం! ఓ సినిమాలో తళపతి విజయ్‌ని చూసి తెగ ముచ్చటపడిపోయింది. అప్పట్నుంచి అతని ఊహల్లోనే గడిపేది.. పెళ్లంటూ చేసుకుంటే అతన్నే చేసుకుంటానని బలంగా నిర్ణయించుకుంది. అంత గట్టిగా అనుకుంది కాబట్టే తన గుండె లయ విజయ్‌ని చేరింది. కట్ చేస్తే.. మూడేళ్లలో తమ ప్రేమాయణం పెళ్లి పీటలెక్కింది. ఇరవై వసంతాలు, ముగ్గురు పిల్లలతో వారి ప్రేమబంధం మరింత దృఢంగా అల్లుకుంది. మరి, అంతగా వలచిన విజయ్‌ని సంగీత ఎలా కలుసుకుంది? తన వీరాభిమాని ప్రేమలో మన తళపతి ఎలా పడిపోయాడు? వీరి 21 వ ‘వివాహ వార్షికోత్సవం’ సందర్భంగా ఈ ముద్దుల జంట ప్రేమ కబుర్లేంటో తెలుసుకుందాం రండి..

Know More

women icon@teamvasundhara
tips-to-follow-in-first-year-of-marriage-in-telugu

దాంపత్య బంధానికి తొలి ఏడాదే పునాది!

పెళ్లనేది జీవితంలో ఎంత ముఖ్యమైన ఘట్టమో ప్రత్యేకంగా చెప్పాల్సిన అవసరం లేదు. మరి ఇంత అందమైన అనుబంధాన్ని కలకాలం నిలుపుకోవడానికి ఏం చేయడానికైనా సిద్ధంగా ఉంటారు భార్యాభర్తలు. కష్టమైనా, సుఖమైనా కలిసే పంచుకుంటారు. ఎలాంటి సమస్యలొచ్చినా కలిసికట్టుగా ఎదుర్కొంటారు. ఇవే ప్రేమ, ఆప్యాయతల్ని ఇద్దరూ జీవితాంతం కొనసాగించాలన్నా, దాంపత్య జీవితాన్ని సంపూర్ణంగా ఆస్వాదించాలన్నా.. పెళ్త్లెన తొలి ఏడాది ఎంతో కీలకం. ఎందుకంటే ఈ సమయంలో భార్యాభర్తలు ఎంత అన్యోన్యంగా ఉంటే వారి మధ్య బంధం అంతగా దృఢమవుతుంది. ఒకరినొకరు అర్థం చేసుకోవడమైనా, ఒకరి అభిరుచుల్ని మరొకరు గ్రహించడమైనా, ఒకరి ఇష్టప్రకారం మరొకరు నడుచుకోవడమైనా.. ఇలా ప్రతి ఒక్క విషయంలోనూ దంపతులు ఆలోచించి అడుగేస్తే ఆ దాంపత్యం చిగురులోనే మొగ్గ తొడుగుతుందనడంలో ఎలాంటి సందేహం లేదు. ఈ క్రమంలో ఆలుమగల సంసారం జీవితాంతం ఆనందంగా సాగాలంటే.. పెళ్లయిన తొలి ఏడాది వారు ఎలాంటి అంశాల పట్ల అవగాహన పెంచుకోవాలో తెలుసుకుందాం రండి..

Know More

women icon@teamvasundhara
elderly-man-surprises-wife-with-new-diamond-ring-after-she-loses-hers-in-telugu

ఈ బామ్మకి తాతయ్య ఏం గిఫ్ట్‌ ఇచ్చాడో తెలుసా?

ప్రేమకు వయసుతో సంబంధం లేదంటారు. అందులోనూ భార్యాభర్తలు ఒకరిపై నొకరు తరచూ తమ ప్రేమను వ్యక్తపరుస్తుంటే ఆ బంధం మరింత అన్యోన్యంగా మారుతుందట. ఇక ప్రేమను వ్యక్తపరిచేందుకు ఈ ప్రపంచంలో చాలా మార్గాలున్నాయి. ఒక్కోసారి ‘ప్రేమిస్తున్నాను’ అని నోటితో చెప్పలేనప్పుడు ఎదుటివారికి ఇష్టమైన దాన్ని ఇచ్చి మన ప్రేమను తెలియజేయవచ్చు. ఆ క్షణంలో వాళ్ల ముఖంలో చిరునవ్వు మనకు ఎంతో సంతోషాన్నిస్తుంది. ఈక్రమంలో 67 ఏళ్లుగా తనతో కష్ట సుఖాలు పంచుకున్న భార్యకు అద్భుతమైన గిఫ్ట్‌ ఇచ్చి సర్‌ప్రైజ్‌ చేశాడో వృద్ధుడు. ప్రస్తుతం సోషల్‌ మీడియాలో వైరల్‌గా మారిన ఆ బహుమతేంటో తెలుసుకుందాం రండి...

Know More

women icon@teamvasundhara
i-may-not-live-without-him-what-to-do??-in-telugu

అక్క భర్తకు దగ్గరయ్యా... ఇప్పుడేం చేయాలి?

మేడం.. నమస్తే. నాకు 17ఏళ్ల వయసులోనే నా తల్లిదండ్రులు పెళ్లి జరిపించారు. కానీ అతను మంచివాడు కాదు. అందుకే పెళ్త్లెన 4 నెలలకు మా అమ్మానాన్న నన్ను పుట్టింటికి తీసుకొచ్చేశారు. ఆ తర్వాత నేను పీజీ పూర్తి చేసి, సాఫ్ట్‌వేర్ ఉద్యోగం సంపాదించుకున్నా. ఉద్యోగార్థం మాకు దూరపు బంధువైన అక్క వాళ్ల ఇంట్లో ఉన్నాను. అక్కడ ఓ ఏడాది ఉన్న తర్వాత ఆ అక్క భర్త 'నువ్వంటే నాకు చాలా ఇష్టం' అన్నారు. అది సరైంది కాదని నేను అతనికి చెప్పా. కానీ మరో ఏడాది సమయం గడిచేలోపు నేను కూడా అతన్ని ఇష్టపడడం మొదలుపెట్టా. ఆయన ప్రేమను అంగీకరించా. ఈ క్రమంలో ఇద్దరం చాలా దగ్గరయ్యాం. అతని వయసు 45సం||. నా వయసు 25సం||. జీవితం మొత్తం చేజార్చుకున్న నేను ఎవరిపైనా ఆధారపడకూడదని పీజీ చదివి, జాబ్ సంపాదించుకున్నా. కానీ ఇప్పుడు నా ఆలోచనల నిండా ఆయనే ఉంటున్నారు. అంతేకాదు.. మా అక్క నన్ను చాలా బాగా చూసుకుంటుంది. అటువంటి ఆమెను మోసం చేస్తున్నా అని ఓవైపు బాధగా కూడా ఉంది. ఆయన నన్ను కలిసిన ప్రతిసారీ 'నీకు నేను న్యాయం చేయలేకపోతున్నా.. ఇబ్బంది పెడుతున్నా.. నాకు ఉన్న బాధ్యతల వల్ల ఇలా ఉండాల్సి వస్తోంది. ఇష్టపడ్డాం కాబట్టి సర్దుకుపోవాలి..' అని బాధపడుతుంటారు. వాళ్లిద్దరూ మాట్లాడుకున్నా, ఎక్కడికైనా వెళ్లినా నేను తట్టుకోలేకపోతున్నా. ఈ మధ్య ఆయన లేకపోతే నేనసలు ఉండగలనా? అనే ఆలోచనలు కూడా వస్తున్నాయి. నా జీవితాన్ని సరిదిద్దుకునేందుకు దయచేసి మంచి సలహా చెప్పగలరు. - ఓ సోదరి

Know More

women icon@teamvasundhara
love-blossoms-between-this-old-age-couple-in-telugu

ఈ బామ్మ-తాతయ్యల ప్రేమకథ విన్నారా?

డెబ్భై ఏళ్లు దాటినా పెళ్లి చేసుకోకుండా మిగిలిపోయిన బ్రహ్మచారి ఒకరు.. భర్త మరణంతో వితంతువుగా మారిన వారు మరొకరు.. వీరిద్దరూ తొలి చూపులోనే ‘చూసీ చూడంగానే నచ్చేశావే’ అంటూ ప్రేమించేసుకున్నారు. మలి వయసులో మనసులు ఇచ్చిపుచ్చుకున్నారు. కట్‌ చేస్తే.. తన ప్రేయసి వేలికి ఉంగరం తొడిగి ప్రేమ ప్రతిపాదనను తెలియజేశాడా ఓల్డ్‌ లవర్‌. అంతే.. ఈ తాతగారి రొమాంటిక్‌ ప్రపోజల్‌కి ఫిదా అయిపోయిందీ బామ్మ. ఇలా వీరిద్దరి ప్రేమాయణం, లవ్‌ ప్రపోజల్‌కి సంబంధించిన ఫొటోలు, వీడియోలు ప్రస్తుతం సోషల్‌ మీడియాలో ప్రతి ఒక్కరితో లైకులు కొట్టిస్తున్నాయి. ‘బ్యూటిఫుల్‌ కపుల్‌’ అంటూ అందరితో కామెంట్లు పెట్టిస్తున్నాయి. మరి, ఈ ఓల్డేజ్‌ లవ్‌స్టోరీ ఏంటో మనమూ తెలుసుకుందామా!!

Know More

women icon@teamvasundhara
australian-women-cricketers-laura-harris-delissa-kimmince-tie-the-knot

ఈ ఇద్దరూ ప్రేమించి పెళ్లి చేసుకున్నారు!

సాధారణంగా ప్రేమనగానే అమ్మాయికి-అబ్బాయికి మధ్య పుట్టేది.. భార్యాభర్తల అన్యోన్యతకు అద్దం పట్టేది.. అన్న భావనే చాలామందిలో ఉంటుంది. అదే.. ఒక అమ్మాయి మరో అమ్మాయిని ప్రేమిస్తే.. ఇద్దరూ కలిసి జీవితాన్ని పంచుకోవాలని నిర్ణయించుకుంటే వారేదో తప్పు చేసినట్లుగా భావిస్తుంటారు. కానీ అదెంత మాత్రం పొరపాటు కాదని తమ అనుబంధంతో తాజాగా నిరూపించారు ఆస్ట్రేలియాకు చెందిన ఇద్దరు మహిళా క్రికెటర్లు. నాలుగేళ్ల పాటు డేటింగ్‌ చేసిన ఈ జంట.. తాజాగా పెళ్లి పీటలెక్కి తమ ప్రేమను నిండు నూరేళ్ల జీవితంగా మార్చుకుంది. తమ పెళ్లి ఫొటోలను సోషల్‌ మీడియా ద్వారా పంచుకుంటూ మురిసిపోయింది. మరి, ఇంతకీ ఎవరా లెస్బియన్‌ కపుల్‌? వారి ప్రేమ కబుర్లేంటి? తెలుసుకుందాం రండి...

Know More

women icon@teamvasundhara
psychologist-advice-on-couple-disputes-in-telugu

మీ ప్రేమ విషయం తెలుసు.. నా భర్తకు ఫోన్ చేయద్దు అంటోంది!

నమస్తే మేడమ్‌.. నాకు సరిత, తనీష్ అనే ఇద్దరు స్నేహితులున్నారు. మేం ముగ్గురం అన్ని విషయాలు పంచుకునేవాళ్లం. నేను, తనీష్‌ ప్రేమించుకున్నాం. కానీ, కొన్ని కారణాల వల్ల పెళ్లి చేసుకోలేదు. ఆ తర్వాత నాకు వేరే అబ్బాయితో పెళ్లి జరిగింది. తనీష్‌కి కూడా కొన్ని రోజులకు పెళ్లైంది. మా పెళ్లిళ్ల తర్వాత కూడా మేము మంచి స్నేహితుల్లాగానే ఉన్నాం. మొదట్లో మా ఇరు కుటుంబాల వాళ్లం తరచూ కలుసుకునేవాళ్లం. ఒకరి ఇంటికి ఒకళ్లు వెళ్లేవాళ్లం.. ఫోన్లో మాట్లాడుకునేవాళ్లం. కొన్ని రోజులు గడిచాక తనీష్‌ భార్యకు మేము గతంలో ప్రేమించుకున్న విషయం తెలిసింది. అప్పటి నుంచి తనీష్‌ని నాతో మాట్లాడొద్దని చెప్పింది. తనీష్‌ ఏం చెప్పినా తను వినడం లేదు. ఒకరోజు తనే ఫోన్‌ చేసి ‘మీ ప్రేమ విషయం నాకు తెలుసు.. నువ్వు, సరిత ఇంకెప్పుడూ నా భర్తకు ఫోన్‌ చేయకండి’ అని తిట్టి పెట్టేసింది. ‘అది గతంలో జరిగిన విషయం. నాకు పెళ్లి కూడా అయింది. ఇంకా సమస్యేంటి?’ అని చెప్పినా ఆమె వినలేదు.

Know More

women icon@teamvasundhara
what-should-i-do-when-my-in-laws-are-not-supporting-me?-in-telugu

‘నీ ఇష్టముంటే రా.. లేకపోతే లేదు’ అంటున్నాడు..!

హలో మేడమ్‌.. నా వయసు 27 సంవత్సరాలు.. పెళ్లై ఏడాది దాటింది. మాది ప్రేమ వివాహం. ఇంట్లో ఒప్పించి పెళ్లి చేసుకున్నాం. మా అత్తమామలు నన్ను అస్సలు పట్టించుకోరు. మా ఆయనేమో వేరే ఆడవాళ్లతో చాట్‌ చాస్తుంటాడు. అదేంటని అడిగితే చేయి చేసుకున్నాడు. సరేనని సర్దుకుపోయినా తన ధోరణి మార్చుకోవట్లేదు. వాళ్ల ఇంట్లో వాళ్లు ఏం చెబితే అదే చేస్తున్నాడు. నేనన్నా, నా మాటన్నా అస్సలు విలువ చేయడు. దాంతో నేను మా పుట్టింటికి వచ్చేశాను. వచ్చి మూడు నెలలవుతున్నా ఒక్క ఫోన్‌ కూడా చేయలేదు. నేనే తనకు ఫోన్‌ చేస్తే ‘నీ ఇష్టం.. వస్తే రా.. లేకపోతే లేదు’ అంటున్నాడు. ఇప్పుడు ఏం చేయాలో అర్థం కావడం లేదు. సలహా ఇవ్వగలరు. - ఓ సోదరి

Know More

women icon@teamvasundhara
anushka-sharma-takes-a-fun-quiz-with-husband-virat-kohli-in-telugu

మాది ఫ్రెండ్లీ రిలేషన్‌షిప్.. ఇలా సరదాగా గడిపేస్తాం!

అసలు సిసలైన దాంపత్య బంధానికి నిలువెత్తు నిదర్శనంగా నిలుస్తుంటారు లవ్లీ కపుల్‌ విరాట్‌ కోహ్లీ - అనుష్కా శర్మ. కెరీర్‌ పరంగా ఇద్దరి దారులు వేరైనా.. ఒకరి వృత్తిని మరొకరు గౌరవించుకుంటూ ఇద్దరూ అన్యోన్యత అనే దారిలోనే ముందుకు సాగుతున్నారు.. కాబట్టే తమ అనుబంధంలోని మధురిమల్ని నిత్యనూతనం చేసుకుంటూ ఫ్యాన్స్‌కు దాంపత్య బంధంలోని పాఠాలు నేర్పుతున్నారు. దంపతులిద్దరూ ఎంత ఫ్రెండ్లీగా ఉంటే వారి మధ్య అనుబంధం అంత దృఢమవుతుందని ఇప్పటికే పలు సందర్భాల్లో నిరూపించిన ఈ ముద్దుల జంట.. తాజాగా మరోసారి అలాంటి సందేశాన్నే ఓ వీడియో ద్వారా చెప్పకనే చెప్పింది. వ్యక్తిగతంగా, వృత్తిపరంగానూ ఒకరి గురించి ఒకరికి ఎంత అవగాహన ఉందన్న విషయంపై వీరిద్దరూ కలిసి చేసిన ఓ వీడియో ప్రస్తుతం సోషల్‌ మీడియాలో ట్రెండ్‌ అవుతోంది. మరి, ఈ ఫన్‌ క్విజ్‌లో ఎవరు గెలిచారో? రండి.. చూద్దాం..!

Know More

women icon@teamvasundhara
man-makes-wax-statue-of-his-wife-in-karnataka
women icon@teamvasundhara
all-you-need-to-know-about-cricketer-yuzuvendra-chahal-fiancee

అవును.. అందరమూ ‘అవును’ అనేసుకున్నాం!

క్రికెట్‌-సినిమా... కొన్ని సెలబ్రిటీ జంటలను చూస్తుంటే మన దేశంలో ఈ రెండు రంగాలకు చాలా అవినాభావ సంబంధం ఉందేమో అనిపిస్తుంది. మన్సూర్‌ అలీఖాన్‌ పటౌడీ-షర్మిలా ఠాగూర్‌, అజహరుద్దీన్‌-సంగీతా బిజ్లానీ, యువరాజ్‌సింగ్‌-హేజెల్‌ కీచ్‌, హర్భజన్‌ సింగ్‌-గీతా బస్రా, జహీర్‌ఖాన్‌-సాగరికా ఘట్గే, విరాట్‌-అనుష్క, మనీష్‌- అశ్రిత...ఇలా పెళ్లితో పెనవేసుకున్న క్రికెట్‌-సినిమా బంధాలు చాలానే కనిపిస్తాయి. త్వరలోనే మరో జంట ఈ జాబితాలోకి చేరనుంది. వారే టీం ఇండియా క్రికెటర్‌ యజువేంద్ర చాహల్‌, డ్యాన్సర్‌ అండ్‌ కొరియోగ్రాఫర్‌ ధనశ్రీ వర్మ. కొంతకాలంగా ప్రేమలో మునిగితేలుతున్న ఈ లవ్‌బర్డ్స్‌ త్వరలోనే పెళ్లిపీటలెక్కనున్నారు.

Know More

women icon@teamvasundhara
psychologist-advice-for-depressed-woman-in-telugu

women icon@teamvasundhara
anushka-sharma-ask-me-anything-session-with-fans-on-instagram

పిల్లల్ని ఎప్పుడు కంటారని వాళ్లే అడుగుతుంటారు!

దంపతులంటే ‘మేడ్‌ ఫర్‌ ఈచ్‌ అదర్‌’లా ఉండాలంటారు. మన సెలబ్రిటీ కపుల్‌ విరాట్‌ కోహ్లీ-అనుష్కా శర్మలను చూస్తే అచ్చం అలానే అనిపిస్తుంది. ఒకరి కోసం ఒకరు పుట్టారేమో అన్నంత అన్యోన్యంగా ఉంటారీ లవ్లీ కపుల్‌. అందుకే వీరికి ఫ్యాన్స్‌లో ప్రత్యేకమైన ఫాలోయింగ్‌ ఉంది. మరి, ఇంతకీ వీరి అన్యోన్యమైన దాంపత్యం వెనకున్న ఆ రహస్యమేంటో తెలుసా? అనుష్క ఇటీవలే తన ఇన్‌స్టాగ్రామ్‌ ఖాతా వేదికగా నిర్వహించిన ‘ఆస్క్‌ మీ ఎనీథింగ్‌’ సెషన్‌లో ఆ సీక్రెట్‌ గురించి బయటపెట్టింది. అంతేకాదు.. తన అభిమానులతో బోలెడన్ని విషయాల గురించి ముచ్చటించిందీ బ్యూటీ. మరి, ఆ విశేషాలేంటో మనమూ తెలుసుకుందాం రండి..

Know More

women icon@teamvasundhara
my-mother-rejects-my-marriage-what-to-do?

ప్రేమించిన అబ్బాయితో పెళ్లొద్దంటున్నారు.. ఏం చేయను?

హాయ్‌ మేడమ్‌.. నేను ఒక అబ్బాయిని 5 సంవత్సరాల నుంచి ప్రేమిస్తున్నాను. ఒకరంటే ఒకరికి చాలా ఇష్టం. కానీ వాళ్లది నిరుపేద కుటుంబం. వాళ్ల అమ్మ నన్ను చాలా ప్రేమగా, కూతురులాగా చూసుకుంటారు. కానీ మా ఇంట్లో వాళ్లు వేరే వాళ్లతో పెళ్లి చేయాలని చూస్తున్నారు. నాకు అతన్ని వదులుకోవాలని లేదు. అతను లేకుండా నేనుండలేను. మా ఇంట్లో వాళ్లు మా ప్రేమను వ్యతిరేకిస్తున్నారు. దానివల్ల ప్రతిరోజూ నేను బాధపడుతున్నాను. ఒక్కోసారి ఆత్మహత్య చేసుకోవాలని అనిపిస్తుంటుంది. మా అమ్మ అంటే నాకు చాలా ఇష్టం. నాన్న డ్రింకర్‌. మా ప్రేమ విషయాన్ని అమ్మకి చెబితే ఒప్పుకోలేదు. వాళ్లకు ఆస్తులు లేవని, కులం వేరని వద్దంటోంది. అతను కూడా నన్ను వదిలి ఉండలేడు మేడమ్‌.. ఈ టెన్షన్‌ వల్ల నేను పిచ్చిదాన్నవుతున్నా.. దయచేసి సలహా ఇవ్వగలరు. - ఓ సోదరి

Know More

women icon@teamvasundhara
sushant-sisters-write-emotional-notes-remembering-him-on-raksha-bandhan

సుశాంత్ బేబీ.. ఈ 35 ఏళ్లలో మొదటిసారి నీకు రాఖీ కట్టలేకపోయా!

మనకు తెలిసిన ఓ మనిషినో, ఆత్మీయుడినో కోల్పోతే ఆ బాధను మాటల్లో చెప్పలేం. ఇక చనిపోయింది తోబుట్టువులైతే ఆ విషాదం నుంచి తేరుకోవాలంటే అంత సులభం కాదు. ప్రస్తుతం అలాంటి బాధలోనే ఉన్నారు మితూ సింగ్‌, శ్వేతా సింగ్‌ కీర్తి. కొద్ది నెలల క్రితం ఈ లోకాన్ని వదిలివెళ్లిన తమ సోదరుడు సుశాంత్‌ సింగ్‌ రాజ్‌పుత్‌ జ్ఞాపకాల నుంచి వీరు ఇంకా బయటపడలేదు. ఈ క్రమంలో అన్నాచెల్లెళ్లు, అక్కా తమ్ముళ్ల ప్రేమ బంధానికి ప్రతీకగా నిలిచే ‘రక్షా బంధన్‌’ రోజున మరింత భావోద్వేగానికి గురయ్యారీ అక్కాచెల్లెళ్లు. ఈ సందర్భంగా తమ సోదరుడిని గుర్తు చేసుకుంటూ సోషల్‌ మీడియాలో పోస్ట్‌లు పెట్టారు.

Know More

women icon@teamvasundhara
things-not-to-tell-your-friends-about-your-life-partner-in-telugu
women icon@teamvasundhara
how-corona-helped-these-long-last-sisters-reunite

ఈ అక్కచెల్లెళ్లిద్దరూ 50 ఏళ్ల తర్వాత అలా కలుసుకున్నారు!

ఏదో ఒక విపత్తు సంభవించడం, కుటుంబమంతా చిన్నప్పుడే విడిపోవడం, పెరిగి పెద్దయ్యే క్రమంలో ఒకరి గురించి ఒకరు వెతకడం, ఆఖరికి ఏదో ఒక విధంగా అందరూ కలుసుకోవడం.. ఇలాంటివన్నీ సినిమాల్లోనే చూస్తుంటాం. కానీ ఇలాంటి కథే అమెరికాలోని నెబ్రస్కా నగరంలోనూ జరిగింది. అదీ.. ఇద్దరు అక్కచెల్లెళ్ల మధ్య! పలు కారణాల రీత్యా 50 ఏళ్ల క్రితం విడిపోయిన వారు.. ఇటీవలే కలుసుకున్నారు. అది కూడా కరోనా వైరస్‌ కారణంగా! ఈ మహమ్మారి మనల్ని శారీరకంగా, మానసికంగా కుంగదీస్తుందన్నది నిజమే కానీ.. ఇలాంటి కొన్ని విషయాల్లో మాత్రం ఈ వైరస్‌ చాలామందికి వరంలా పరిణమిస్తోంది. మరి, ఇంతకీ ఎవరా అక్కచెల్లెళ్లు? సినిమా కథకు ఏమాత్రం తీసిపోని విధంగా ఉన్న వారి రియల్‌ స్టోరీ ఏంటి? అసలు వీరి మధ్యలోకి కరోనా ఎలా ఎంటరైంది? తెలుసుకోవాలంటే ఇది చదివేయండి!

Know More

women icon@teamvasundhara
hardik-and-natasha-stankovic-blessed-with-baby-boy

మా జీవితంలోకి బుల్లి బుజ్జాయి వచ్చేశాడు!

తల్లిదండ్రులవడం అనేది జీవితంలో ఒక మెట్టు పైకెక్కడం లాంటిది. అందుకే అమ్మానాన్నలుగా ప్రమోషన్‌ పొందిన దంపతులందరూ ఎనలేని ఆనందోత్సాహాలకు లోనవుతుంటారు. ప్రస్తుతం అలాంటి ఆనందంలోనే మునిగి తేలుతున్నారు హార్దిక్‌ పాండ్యా-నటాషా స్టాంకోవిచ్. మెటర్నిటీ ఫొటోషూట్ లో భాగంగా ఇటీవలే ఎంతో సంతోషంగా ఫొటోలు తీయించుకున్న ఈ సెలబ్రిటీ కపుల్‌ ఇంట్లోకి ఓ పండంటి బాబు అడుగుపెట్టాడు. ఈ క్రమంలో సోషల్‌ మీడియా వేదికగా తన సంతోషాన్ని షేర్‌ చేసుకున్నాడు హార్దిక్‌. చిన్నారి చేతిని పట్టుకుని ఉన్న ఫొటోను ఇన్‌స్టా వేదికగా పంచుకుంటూ ‘మేం తల్లిదండ్రులయ్యాం. మాకు బాబు పుట్టాడు’ అని చెప్పుకొచ్చాడు.

Know More

women icon@teamvasundhara
silly-funny-things-all-married-couples-argue-about

సెలవేగా పెట్టేస్తే పోలా.. గిఫ్టేగా ఇచ్చేస్తే సరిపోదా..?!

‘వరుణ్‌.. నువ్వు ఇంట్లో నుంచి పనిచేసినా నాకు ఆఫీస్‌కి వెళ్లినట్లే అనిపిస్తోంది.. అస్సలు నీతో గడిపినట్లే అనిపించట్లేదు.. రేపు నాకోసం సెలవు పెట్టచ్చుగా..’ అంటూ ముద్దుముద్దుగా తన భర్తను బతిమాలుకుంటోంది వర్ష. ‘అస్సలు కుదరదు బంగారం.. రేపు మా బాస్‌తో వర్చువల్‌ మీటింగ్‌ ఉంది.. వచ్చే వారం చూద్దాంలే..’ అనేసరికి ‘నా విషయంలో నువ్వెప్పుడూ ఇలాగే చేస్తావ్‌.. పో..!’ అంటూ అలక పాన్పెక్కేసింది వర్ష. సోహన్‌కు తన భార్య సోనాలీ అంటే ఎక్కడలేనంత ప్రేమ. చిన్న అకేషన్‌ అయినా సరే.. తన ఇష్టసఖికి సర్‌ప్రైజ్‌ల మీద సర్‌ప్రైజ్‌లిస్తుంటాడు. కానీ సోనాలీ ఈ విషయంలో కాస్త వెనకబడిందని చెప్పుకోవచ్చు. ఓ రోజు ఉండబట్టలేక ‘ఎప్పుడూ గిఫ్ట్‌లిస్తే తీసుకోవడమేనా.. తిరిగి ఒక్కసారైనా నన్ను సర్‌ప్రైజ్‌ చేసేది ఉందా, లేదా?’ అంటూ ప్రేమగా అడుగుతూనే మూతి ముడుచుకున్నాడు సోహన్.

Know More

women icon@teamvasundhara
virat-shares-how-his-wife-changes-his-mindset-and-gives-his-total-success-credit-to-anushka

తను భార్యగా దక్కడం నా అదృష్టం!

‘ప్రతి పురుషుని విజయం వెనుక ఓ మహిళ ఉంటుంది’.. అన్నట్లు తన సతీమణి అనుష్కే తన సక్సెస్‌ సీక్రెట్‌ అని ఇప్పటికే ఎన్నో సందర్భాల్లో చెప్పుకొచ్చాడు విరాట్‌ కోహ్లీ. పెళ్లి కాక ముందు దుందుడుకు స్వభావంతో ఎన్నో విమర్శలు ఎదుర్కొన్న ఈ స్టార్‌ క్రికెటర్‌...అనుష్కతో జీవితం పంచుకున్నాక ఎంతో ప్రశాంతంగా మారిపోయాడు. అంతర్జాతీయ క్రికెట్‌లో ఓ ఆటగాడిగానే కాకుండా, ఇండియన్‌ క్రికెట్‌ టీం కెప్టెన్‌గా ఎన్నో రికార్డులు సృష్టిస్తున్న విరాట్... తాజాగా మరోసారి తన సతీమణిపై ప్రశంసల వర్షం కురిపించాడు. ‘తను నా బెటర్‌హాఫ్‌ అయినందుకు తాను ఎంతో అదృష్టవంతుడిన’ని చెబుతున్న ఈ డ్యాషింగ్‌ క్రికెటర్‌ తన సక్సెస్‌ క్రెడిట్‌ మొత్తం అనుష్కదే అంటూ ఆకాశానికెత్తేశాడు. మరి... ఇంకా తన ముద్దుల భార్య గురించి విరాట్ ఏమన్నాడో తెలుసుకుందాం రండి...

Know More

women icon@teamvasundhara
natasa-stankovic’s-maternity-shoot-with-hardik-pandya-is-out

అంతులేని ఆనందం వైపు అడుగులేస్తున్నాం..!

చిట్టిపొట్టి చేతులు, బుజ్జిబుజ్జి పాదాలు, ముట్టుకుంటే కందిపోయే చర్మం.. ఒక తల్లి తనకు పుట్టబోయే పాపాయి గురించి కనే కలలు, ఎదురుచూపులు ఏమని చెప్పగలం. ఇక పుట్టబోయేది తొలుచూరు బిడ్డ అయితే ఆ తల్లిదండ్రుల ఆతృతకు అంతే ఉండదు! మరికొన్ని రోజుల్లో తమ గారాల పట్టిని ఈ లోకంలోకి తీసుకురాబోతోన్న సెలబ్రిటీ కపుల్‌ హార్దిక్‌ పాండ్యా-నటాషా స్టాంకోవిచ్‌ కూడా ప్రస్తుతం ఇంతకుమించిన ఆనందంలో తేలియాడుతున్నారు.. తమ ఆనందాన్ని పంచుకోవడానికి మాటలు సరిపోక ఫొటోల రూపంలో తమ ఫ్యాన్స్‌ ముందుంచుతున్నారు. తాము త్వరలో తల్లిదండ్రులం కాబోతున్నామని ప్రకటించిన మరుక్షణం నుంచే ఆ మధుర క్షణాలను ఫొటోల్లో బంధిస్తోన్న ఈ బ్యూటిఫుల్‌ కపుల్‌.. ఇటీవలే మెటర్నిటీ ఫొటోషూట్‌కు కూడా పోజిచ్చింది. ఆ మధురానుభూతుల్ని ఒక్కొక్కటిగా సోషల్‌ మీడియాలో పంచుకుంటూ తెగ మురిసిపోతోంది.

Know More