మొదటిసారి అమ్మవడమనేది మాటల్లో చెప్పలేని ఓ మధురానుభూతి. ఇక తమ ప్రేమకు ప్రతిరూపమైన బుజ్జి పాపాయిని చేతుల్లోకి తీసుకున్నప్పుడు ఆ దంపతుల ఆనందానికి ఆకాశమే హద్దు. ప్రస్తుతం అలాంటి ఆనందోత్సాహంలోనే మునిగితేలుతున్నారు న్యూజిలాండ్‌ క్రికెట్‌ జట్టుకు చెందిన లెస్బియన్‌ కపుల్‌ అమీ శాటర్త్‌వైట్‌, లియా మేరీ మౌరీన్‌ తహుహు. క్రీడలకు సంబంధించి వైవాహిక బంధంలోకి అడుగుపెట్టిన తొలి లెస్బియన్‌ జోడీగా చరిత్రకెక్కిన ఈ అందాల జంట..ఇటీవల ఓ పండంటి పాపకు జన్మనిచ్చి తమ ప్రేమ బంధాన్ని పరిపూర్ణం చేసుకుంది. ఈ క్రమంలో తమ జీవితంలోకి ఓ బుజ్జి పాపాయి అడుగుపెట్టినట్లు తాజాగా సోషల్‌ మీడియా వేదికగా పంచుకుంటూ మురిసిపోయారీ స్వీట్‌ కపుల్‌.

పుట్టింటి నుంచి అత్తింటికి వెళ్లే అమ్మాయిలకు చాలామంది తల్లిదండ్రులు చెప్పే విషయాలు రెండు. ఒకటి సర్దుకుపోమని, రెండు రాజీపడమని. ఇలా తమ తల్లిదండ్రుల ఆజ్ఞను శిరసావహిస్తూ చాలామంది అమ్మాయిలు తమ జీవితాంతం ఇష్టాలను త్యాగం చేయడం, అయిష్టాలతో రాజీపడడం చేస్తుంటారు. మరి మాకు మాత్రం ఆత్మాభిమానం ఉండదా ? నా అత్తగారు తన అత్తగారిని కాదని స్వతంత్రంగా బతికినప్పుడు.. నేను నా అత్తగారిని కాదని స్వేచ్ఛగా బతకకూడదా ? అనే ప్రశ్నలు చాలామంది కోడళ్లు వారి అంతరాత్మను సంధించుకునేవే. ప్రస్తుతం బ్రిటన్‌ రాజకుటుంబానికి చెందిన చిన్న కోడలు, ఒకప్పటి హాలీవుడ్‌ నటి మేగన్‌ మార్కల్‌కు కూడా అటువంటి ప్రశ్నలే ఎదురయ్యాయి. అయితే చాలామంది అమ్మాయిల్లా ఆమె రాజీపడలేదు, సర్దుకుపోలేదు. భర్త ప్రిన్స్‌ హ్యారీతో కలిసి అత్తింటి నుంచి వేరుపడింది. దీంతో ఇప్పుడు సామాజిక మాధ్యమాల్లో పెద్ద ఎత్తున చర్చ జరుగుతోంది. చాలామంది మేగన్‌ చేసింది తప్పు అంటున్నారు. కొంతమంది ఆమెను సమర్థిస్తున్నారు. వీరిలో ఈ బామ్మ కూడా ఉంది. మరి చాలామంది అత్తలు మేగన్‌ నిర్ణయాన్ని వ్యతిరేకిస్తుంటే.. తానూ ఒక అత్తే అయినా ఈ బామ్మ ఎందుకు ఆమెను సమర్థిస్తోంది ? తెలుసుకుందాం రండి !

భార్యాభర్తలన్నాక అప్పుడప్పుడూ మాటామాటా అనుకోవడం సహజం. అయితే ఎప్పుడో ఒకసారి కాకుండా తరచూ మీ భాగస్వామి మిమ్మల్ని నిందిస్తుంటే మాత్రం కాస్త ఆలోచించాల్సిన విషయమే అంటున్నారు రిలేషన్‌షిప్ నిపుణులు. ఇవి భార్యాభర్తల మధ్య బంధాన్ని బీటలు వారేలా చేయడమే కాకుండా, ఒకింత అభద్రతా భావాన్ని కూడా కలిగించే అవకాశాలున్నాయట! ఈ నేపథ్యంలో భాగస్వామి తరచూ మిమ్మల్ని నిందిస్తుంటే ఏం చేయాలి? అలాంటి సందర్భాల్లో వివాహ బంధం బీటలు వారకుండా ఉండాలంటే ఎలాంటి జాగ్రత్తలు పాటించాలి.. మొదలైన విషయాలన్నీ తెలుసుకుందాం రండి..

పెళ్లిళ్లు స్వర్గంలోనే నిశ్చయమవుతాయంటారు .. కానీ కలకాలం కలిసుండి ఆ బంధాన్ని శాశ్వతంగా నిలుపుకోవాల్సిన బాధ్యత మాత్రం దంపతుల చేతుల్లోనే ఉంటుంది. అయితే ప్రస్తుత కాలంలో కొందరు దంపతుల సంసార నావ కొన్నేళ్ల పాటు బాగానే సాగినా..ఆ తర్వాత పలు కారణాలతో మధ్యలోనే తమ బంధానికి స్వస్తి పలుకుతున్నారు. ఇద్దరి మధ్య వ్యక్తిగతమైన, వృత్తిగతమైన విభేదాలు రావడం, ఒకరిపై ఒకరికి గౌరవం తగ్గి పోవడం, వివాహేతర సంబంధాలు..ఇలా వైవాహిక బంధం మధ్యలోనే వీగిపోవడానికి కారణాలెన్నో్. ఈ నేపథ్యంలో సామాన్యులతో పాటు సెలబ్రిటీలు కూడా విడాకుల కోసం కోర్టు మెట్లెక్కుతున్నారు. దాంపత్య బంధంలో ఉన్నంత సేపు రిలేషన్‌ షిప్‌ గోల్స్‌ నేర్పించిన కొన్ని ప్రముఖ జంటలు..ఒక్కసారిగా తాము విడిపోతున్నామంటూ ప్రకటించి తమ ఫ్యాన్స్‌ను ఆశ్చర్యానికి గురిచేస్తున్నారు. అలా గతేడాది తమ వైవాహిక బంధాన్ని తెంచుకున్న కొన్ని సెలబ్రిటీ జంటల గురించి తెలుసుకుందాం.

పెళ్లంటే జీవితంలో ఒకేసారి వచ్చే పండగ. ఎంతో ఆనందంగా, అట్టహాసంగా, అందరికీ గుర్తుండిపోయేలా ఈ వేడుకను జరుపుకోవాలని అందరూ అనుకుంటారు. ఇక పెళ్లిలో ఫొటోల ప్రాధాన్యమేంటో ప్రత్యేకంగా చెప్పక్కర్లేదు. అందులోనూ ఈ మధ్యన సెలబ్రిటీలు, సినీతారలు ప్రీ వెడ్డింగ్‌ ఫొటో షూట్‌ అంటూ సరికొత్త ట్రెండ్‌ను సృష్టించారు . సామాన్యులు కూడా వారిని అనుసరిస్తూ స్పెషల్‌ థీమ్స్‌తో ఈ ఫొటో షూట్‌లు తీయించుకుంటున్నారు. ఈ క్రమంలో కేరళకు చెందిన ఓ జంట కూడా ఇలాగే ఫొటోషూట్‌ తీయించుకుంది. అయితే అందరిలా కేవలం రొమాంటిక్‌ స్టిల్స్‌కే పరిమితం కాకుండా, ఓ సామాజిక అంశాన్ని జోడిస్తూ ఈ ఫొటోషూట్‌ తీయించుకుంది.

పెళ్లికి ముందు పదేళ్లు ప్రేమలో ఉన్నా..ఏనాడూ పెద్దగా వార్తల్లో నిలవని జంట సైనా నెహ్వాల్‌-పారుపల్లి కశ్యప్‌. బ్యాడ్మింటన్‌ అకాడమీలో మొదలైన వీరిద్దరి పరిచయం స్నేహంగా మారింది. ఆ తర్వాత ప్రేమగా చిగురించింది. కానీ ఆ ప్రేమ బంధం పెళ్లి పీటలెక్కడానికి పదేళ్లు పెట్టింది. అందుకు కారణం.. ప్రేమతో పాటు బ్యాడ్మింటన్‌ కెరీర్‌పై పూర్తి దృష్టి సారించిన ఈ జంట..అందులో అత్యుత్తమ స్థాయికి చేరుకున్నాకే ఒక్కటవుదామని నిశ్చయించుకోవడం.. పెద్దల అంగీకారంతో గతేడాది ఇదే రోజు (డిసెంబర్‌ 18న) ఏడడుగులు నడిచారీ లవ్‌ బర్డ్స్‌. ఈ క్రమంలో తమ మొదటి పెళ్లి రోజును పురస్కరించుకుని దంపతులిద్దరూ ఒకరికొకరు శుభాకాంక్షలు తెలుపుకున్నారు. అంతేకాదు తమ జీవితంలోని తీపి గుర్తులను ఇన్‌స్టాగ్రామ్‌ ద్వారా అందరితో పంచుకున్నారు.

జీవితంలో కొన్ని బంధాలు మన పుట్టుకతో మొదలయితే..మరికొన్ని బంధాలను దేవుడు సృష్టిస్తాడట. అలాంటి వాటిలో ఆలుమగల బంధం కూడా ఒకటి. ‘మ్యారేజెస్‌ ఆర్‌ మేడిన్‌ హెవెన్‌’ అన్నట్లు జీవితాంతం తోడుగా ఉండాల్సిన జోడీని దేవుడే మనతో కలుపుతాడట. సెలబ్రిటీ కపుల్‌ అనుష్కాశర్మ- విరాట్‌కోహ్లీ లను చూస్తే ఈ మాటలు నిజమనిపిస్తాయి. దాంపత్య బంధానికి సరైన నిర్వచనంలా కనిపించే ఈ జంట ఒకరిపై ఒకరు ప్రేమను చూపించడానికి ఏ మాత్రం వెనుకాడరు. వృత్తిగతంగా ఎంత బిజీగా ఉన్నా ..వీలు చిక్కినప్పుడల్లా వెకేషన్‌లకు వెళ్లి ఏకాంత జీవితం గడుపుతారీ లవ్లీ కపుల్‌. సరిగ్గా రెండేళ్ల క్రితం ఇదే రోజున ఇటలీలో ఒక్కటైన ఈ ముద్దుల జంట..నేడు తమ రెండో వివాహ వార్షికోత్సవాన్ని జరుపుకుంటోంది. ఈ క్రమంలో దంపతులిద్దరూ తమ పెళ్లి నాటి ఫొటోలను ఇన్‌స్టాగ్రామ్‌ ద్వారా పంచుకుంటూ ఒకరికొకరు శుభాకాంక్షలు తెలుపుకున్నారు.

దేవుడు తల్లిదండ్రులను, తోబుట్టువులను మనకిచ్చి కేవలం స్నేహితులను మాత్రమే ఎంచుకునే అవకాశాన్ని మనకు అందించాడు. అలాంటి స్నేహితుల్లో కొంతమంది మనకు ప్రాణంగా, ఇంట్లోవాళ్లతో సమానంగా లేదా కొన్నిసార్లు వారి కంటే ఎక్కువే అన్నట్లుగా మనసుకు దగ్గరవుతారు. అలాంటి ప్రాణస్నేహితురాలికి పెళ్లి కుదిరిందంటే.. ఎంత ఆనందమో కదా..! తన పెళ్లిలో హడావిడి చేస్తూ, ఇల్లంతా హంగామా సృష్టిస్తూ, కలియదిరుగుతూ ఆనందాన్ని అందరితోనూ పంచుకుంటారు. అయితే స్నేహితురాలి పెళ్లంటే కేవలం ఆనందం మాత్రమే కాదు.. మరెన్నో భావోద్వేగాలు మది నిండా ఉప్పొంగుతుంటాయి. మరి, తన నెచ్చెలి వివాహ సమయంలో ఓ అమ్మాయి ఏమనుకుంటుందో.. ఎలా ఫీలవుతుందో తెలుసుకుందాం రండి..

అతనేమో అంతర్జాతీయ క్రికెట్‌లో ఇప్పుడిప్పుడే రాటుదేలుతున్న యంగ్‌ అండ్‌ డైనమిక్‌ క్రికెటర్‌.. ఆమేమో అందం, అభినయంతో కుర్రకారుకు కలల రాణిగా మారిపోయిన హీరోయిన్‌.. అతని బ్యాట్‌ నుంచి జాలువారిన పరుగుల ప్రవాహానికి ఆ హీరోయిన్‌ తడిసి ముద్దయితే..ఆ హీరోయిన్‌ అందానికి, నటనకు క్లీన్‌ బౌల్డయ్యాడు ఆ క్రికెటర్‌. అలా మొదట ఇద్దరి కళ్లూ- కళ్లూ కలిశాయి..ఆ తర్వాత మనసూ-మనసూ మాట్లాడుకున్నాయి. ఈ ప్రేమ బంధాన్ని శాశ్వతం చేసుకోవాలని పట్టుబట్టాయి. వారి ప్రేమకు పెద్దల ఆశీర్వాదం కూడా తోడవడంతో ఎలాంటి అడ్డంకులు లేకుండా పెళ్లి పీటలెక్కారు.. వారే హ్యాండ్‌సమ్‌ క్రికెటర్‌ మనీష్ పాండే- బ్యూటిఫుల్‌ హీరోయిన్‌ అశ్రితా శెట్టి జంట. గత కొంత కాలంగా డేటింగ్‌లో ఉన్న వీరిద్దరూ తాజాగా వైవాహిక బంధంలోకి అడుగుపెట్టారు. ముంబైలోని ఓ ప్రైవేటు హోటల్‌లో ఇరు కుటుంబ సభ్యులు, అతికొద్ది మంది సన్నిహితులు, స్నేహితుల సమక్షంలో ఏడడుగులు నడిచారీ అందాల జంట. వీరితో పాటు పొలిటీషియన్‌గా మారిన ప్రముఖ రెజ్లర్‌ బబితా ఫోగట్‌- వివేక్‌ సుహాగ్‌లు కూడా వైవాహిక బంధంలోకి అడుగుపెట్టారు.

అక్కాచెల్లెళ్ల బంధం.. అది ఎంతో మధురమైనది.. ప్రత్యేకమైనది. ఒకరికొకరు కొట్టుకుంటారు, తిట్టుకుంటారు.. పోటీ పడతారు. కానీ ఇద్దరిలో ఏ ఒక్కరికి కష్టమొచ్చినా మరొకరు తోడుంటారు. అన్నీ నేను చూసుకుంటా.. అంటూ ధైర్యాన్నిస్తారు. అండగా నిలబడతారు. అదీ రక్తసంబంధమంటే.. అలాంటిది ఆ ఇద్దరిలో ఒకరికి పెళ్లయి వెళ్లిపోతున్నారంటే అటు సంతోషం, ఇటు బాధ రెండూ కలిసి ఉక్కిరిబిక్కిరి చేసేస్తాయి. పెళ్లయినా ఈ బంధాన్ని మరింత దృఢంగా మార్చుకునేలా.. ఇద్దరూ దూరంగా ఉన్నా.. ఒకరినొకరు ఎప్పుడూ మిస్సవకుండా.. జీవితాంతం గుర్తుంచుకునేలా కొన్ని జ్ఞాపకాలను పదిలపర్చుకోవడానికి ఇదే సరైన సమయం మరి.. అందుకే మీ పెళ్లి కుదిరిందనగానే మీ చిన్నారి చెల్లితో ఈ అల్లరి పనులన్నీ చేసేయండి. ఆ జ్ఞాపకాలు మీరు అత్తారింటికి వెళ్లినా మిమ్మల్ని వెంటాడుతూనే ఉంటాయి. నవ్విస్తూ.. మీ చెల్లెలి అల్లరిని గుర్తు చేస్తూ, తాను ఎప్పుడూ మీ పక్కనే ఉన్నట్లుగా మీకు అనిపించేలా చేస్తాయి.

‘ఆకాశం దిగి వచ్చి మబ్బులతో వేయాలీ మన పందిరి. వూరంతా చెప్పుకునే ముచ్చటగా జరగాలి పెళ్లంటే మరీ’. వివాహ వేడుకను వర్ణిస్తూ సిరివెన్నెల కలం నుంచి జాలువారిన మాటలివీ. ఒక అబ్బాయి..అమ్మాయి.. జీవితాంతం కలి సుంటామని..కష్టమైనా..సుఖమైనా కలిసే పంచుకుంటామని ప్రమాణం చేస్తూ..బంధు మిత్రుల సమక్షంలో ఒక్కటయ్యే అపురూపమైన వేడుకే పెళ్లి. ప్రతి ఒక్కరి జీవితంలో మధురమైన ఘట్టాల్లో ఇదీ ఒకటి. అందుకే ఎప్పటికీ గుర్తుండిపోయేలా వైభవంగా, ప్రత్యేకంగా ఈ వేడుక జరుపుకోవాలని ప్రతి ఒక్కరూ ఆశిస్తారు. ఈ క్రమంలోనే తమ పెళ్లి పది కాలాల పాటు గుర్తుండేలా ఓ మధురమైన జ్ఞాపకంగా మార్చుకున్నారు క్యాథీ వల్లియంట్‌- డేవిడ్‌ వల్లియంట్‌. మరి, వారి వివాహ విశేషాలేంటో మనమూ చూద్దాం రండి.

అప్పుడే మోడలింగ్‌లోకి అడుగుపెట్టాడతను. కానీ అప్పటికే మోడలింగ్‌ కెరీర్‌లో తనకంటూ ప్రత్యేక గుర్తింపు సంపాదించుకుందామె. ఇద్దరూ కలిసి పలు ఫ్యాషన్‌ షోలలో పాల్గొన్నారు. చెట్టపట్టాలేసుకొని ర్యాంప్‌పై నడిచారు. ఈ క్రమంలోనే వారి మధ్య ఏదో తెలియని ఫీలింగ్‌ మొదలైంది. త్వరలోనే ఆ ఫీలింగ్‌ని ప్రేమ అని గ్రహించిన వీరు తమ అనుబంధాన్ని శాశ్వతమైన పెళ్లిబంధంగా మార్చుకున్నారు. అయితే ఇలా మొదలైన తమ ప్రేమ శాశ్వతం కాదని, భవిష్యత్తులో విడిపోతామని అప్పుడు వారికి తెలియలేదు. సంసార సాగరంలోని ఒడిదొడుకుల్ని తట్టుకుంటూ 21 ఏళ్ల పాటు ప్రేమను పంచుకున్న ఈ జంట తాజాగా విడాకులతో సెపరేట్‌ అయిపోయింది. వారెవరో మీకు ఇప్పటికే అర్థమైపోయుంటుంది. యస్‌.. వారే ఒకప్పటి మోడల్స్‌ కమ్‌ యాక్టర్స్‌ అర్జున్‌ రాంపాల్‌ - మెహ్ర్‌ జెస్సియాలు. విడిపోతున్నామని గతేడాది అధికారిక ప్రకటన చేసిన ఈ జంటకు.. ముంబయి బాంద్రాలోని ఓ కోర్టు తాజాగా విడాకులు మంజూరు చేసింది. దాంతో వీరిద్దరి ఫ్యాన్సే కాదు.. సినీ ఇండస్ట్రీ కూడా షాక్‌కు గురైంది. ఈ నేపథ్యంలో వీరి ప్రేమ, పెళ్లి, విడాకులకు సంబంధించిన కొన్ని ఆసక్తికర అంశాల గురించి తెలుసుకుందాం..

ప్రేమ మన జీవితంలో ఎప్పుడు, ఎలా చిగురిస్తుందో చెప్పలేం. ఒకరినొకరు అర్ధం చేసుకోవడానికి కొందరికి సంవత్సరాలు పట్టచ్చు. అదే ఇంకొందరికి కేవలం రోజుల సమయం చాలు. తాను పరిచయమైన 5 నెలలకే తన మాసస చోరుడు తనకు పూర్తిగా అర్థమయ్యాడు అంటోందీ బాలీవుడ్‌ క్యూటీ కృతి కర్బందా. ‘బోణీ’ సినిమాతో విజయాన్ని బోణీ కొట్టకపోయినా.. వెండితెరపై గుర్తింపు తెచ్చుకుందీ దిల్లీ బ్యూటీ. ఆపై తెలుగులో ‘తీన్‌మార్‌’, ’మిస్టర్‌. నూకయ్య’, ‘ఒంగోలు గిత్త’, ’బ్రూస్‌లీ’ సినిమాలు చేసినా తన సక్సెస్‌ రేట్‌ని మాత్రం పెంచుకోలేకపోయింది. ప్రస్తుతం తన దృష్టంతా బాలీవుడ్‌పై పెట్టిన ఈ స్టార్‌ ‘హౌస్‌ఫుల్‌ ’తో తన కెరీర్‌లోనే మంచి హిట్‌ అందుకుంది. తను నటించిన ‘పాగల్‌పంతీ’ సినిమా విడుదలకు సిద్ధంగా ఉన్న సందర్భంగా ఓ ఇంటర్వ్యూలో తన రిలేషన్‌షిప్‌ గురించి కన్ఫమ్‌ చేసిందీ సుందరి. మరి కృతి ప్రేమ కబుర్లేంటో విందామా..