మాతృత్వం.. దేవుడు మహిళలకు మాత్రమే ప్రసాదించిన గొప్పవరం. ఒక స్ర్తీ అమ్మగా మారిన తర్వాతే ఆమె జీవితానికి పరిపూర్ణత వస్తుందని పురాణాలు, శాస్ర్తాలు చెబుతున్నాయి. అందుకే మహిళగా పుట్టిన ప్రతిఒక్కరూ మాతృత్వంలోని మధురిమల్ని ఆస్వాదించాలనుకుంటారు. ఈ క్రమంలో బ్రిటన్‌కు చెందిన ఓ లెస్బియన్‌ జంట అమ్మతనంలోని ఆనందక్షణాలను మనసారా అందుకోవాలనుకున్నారు. అయితే అందరిలా కాకుండా ఇద్దరూ మాతృత్వపు అనుభవాన్ని పొందాలనుకున్నారు. మరి అందుకోసం ఏం చేశారో తెలుసుకోవాలంటే ఇది చదవాల్సిందే..

మేడమ్.. మాది ప్రేమ వివాహం. ప్రేమించేటప్పుడు కూడా నేను అతనితో అన్ని విషయాల్లో సర్దుకుపోయాను. మాది పేద కుటుంబం అని తెలిసి కూడా నన్ను కట్నం అడిగాడు. అప్పుడు ‘ఇష్టం ఉంటేనే పెళ్లి చేసుకో? లేకపోతే వద్దు’ అని చెప్పాను. అయితే మా అమ్మ రూ. 1.30 లక్షల కట్నం ఇచ్చి మా పెళ్లి చేసింది. పెళ్లి అయిన 10 రోజులకే నా భర్త నరకం చూపించాడు. నన్ను కొట్టేవాడు. దాంతో నెల రోజులు మాత్రమే తనతో ఉండగలిగాను. తిరిగి మా అమ్మ వాళ్ల ఇంటికి వచ్చేశాను. పెద్ద వాళ్లు మాట్లాడి పంపిస్తే తిరిగి వెళ్లాను. రెండోసారి ఇంటికి వెళ్లాక ఒక వారం మాత్రమే ఉండగలిగాను. ఈ సారి రోడ్డు మీదనే నన్ను కొట్టడానికి ప్రయత్నించాడు. దాంతో మళ్లీ అమ్మ వాళ్ల ఇంటికి వచ్చేశాను. అతను 5 నెలల క్రితం 'నేను మారిపోయాను. నిన్ను బాగా చూసుకుంటాను. మనం కూర్చుని మాట్లాడుకుందాం' అని మెసేజ్‌ చేశాడు. దానికి నేను ‘సరే’ అని అతడిని మా ఇంటికి రమ్మన్నాను. ఇప్పటి వరకు రాలేదు. నాకు తనతో ఉండడం అస్సలు ఇష్టం లేదు. మా మామగారు కోర్టుకి తీసుకెళ్లి ‘మేం విడిపోతాం’ అని రాసున్న స్టాంప్ పేపర్స్ మీద మాతో సంతకం చేయించారు. కానీ ఇప్పటి వరకు విడాకులు ఇవ్వలేదు. మా మామగారికి ఫోన్ చేస్తే ‘మీ వాళ్లని తీసుకుని రా’ అని అంటున్నాడు. వాళ్లేమో రామంటున్నారు. నాకు ఎవరితో చెప్పాలో, ఏం చేయాలో అర్థం కావడం లేదు. సలహా ఇవ్వగలరు.

ఇద్దరు మనుషుల్ని..రెండు మనసుల్ని కలకాలం పాటు కలిసుండమని దీవించే అద్భుతమైన ఘట్టమే పెళ్లి.. అయితే కొందరు దంపతుల వైవాహిక బంధం కలకాలం పాటు ఎలాంటి అరమరికల్లేకుండా సాగితే.. మరికొన్ని జంటలు అనివార్య కారణాలతో నూరేళ్ల అనుబంధానికి మధ్యలోనే స్వస్తి పలుకుతున్నాయి. భార్యాభర్తల మధ్య అభిప్రాయ భేదాలు రావడం, ఒకరిపై ఒకరికి గౌరవం తగ్గిపోవడం, వివాహేతర సంబంధాలు..ఇలా చెప్పుకుంటూ పోతే వైవాహిక బంధం వీగిపోవడానికి కారణాలెన్నో..! ఒకరితో ఒకరు సర్దుకుపోలేక.. సంసారనావను ఈదలేక పరస్పర అంగీకారంతో విడాకుల కోసం కోర్టు మెట్లెక్కుతున్న చాలా జంటలను మనం చూసే ఉంటాం. ఈ క్రమంలో భోపాల్‌కు చెందిన ఓ జంట కూడా విడాకుల కోసం ఫ్యామిలీ కోర్టులో దరఖాస్తు చేసింది. అయితే ఈ జంట విడిపోవడం వెనుక సినిమా స్టోరీని పోలిన ఓ ఆసక్తికరమైన కథ ఉంది.

హాయ్ మేడమ్.. నాకు నాలుగు సంవత్సరాల క్రితం పెళ్లైంది. మాది ప్రేమ, పెద్దలు కుదిర్చిన వివాహం. ప్రెగ్నెన్సీ తర్వాత నేను జాబ్ మానేశాను. ఇప్పుడు నాకు ఇద్దరు పిల్లలు. నా సమ్యసల్లా నా భర్తే. అతను నన్ను, పిల్లల్ని సరిగ్గా చూసుకోడు. ఎప్పుడూ వాళ్ల తల్లిదండ్రుల గురించే ఆలోచిస్తుంటాడు. ఆయన జీతం కూడా నాకు తెలియదు. నా తల్లిదండ్రులే నన్ను చూసుకుంటున్నారు. ప్రతి నెలా నా అవసరాలకు కొంత మొత్తాన్ని పంపిస్తుంటారు. అయినా డబ్బుల గురించి నేను ఎప్పుడూ నా భర్తను అడగలేదు. ఎందుకంటే నేను అతనిని ప్రేమిస్తున్నాను. కానీ, ఇప్పుడు నన్ను కొట్టడం కూడా మొదలుపెట్టాడు. ఆయన ప్రతిసారీ 'నువ్వు నన్ను మోసం చేశావు, పిల్లల కోసమే నీతో ఉంటున్నా' అని అంటున్నాడు. ‘ఎందుకు ఇలా అంటున్నావు’ అని చాలాసార్లు అతడిని అడిగాను. అతను నన్ను ప్రేమిస్తున్నాడో? లేదో? కూడా అర్థం కావడం లేదు. ప్రతిసారీ మా అత్తమామల ముందే నన్ను తిడుతుంటాడు. నా తల్లిదండ్రులు అతనికి చాలాసార్లు ఆర్థికంగా కూడా సహాయం చేశారు. ప్రస్తుతం అతనికి మంచి జీతం వస్తుంది. అయినా మాకు ఒక్క రూపాయి కూడా ఖర్చుపెట్టడం లేదు. నేను జాబ్ చేస్తానంటే వద్దని తిడుతున్నాడు. నేను, నా భర్తతో ఆనందంగా గడపాలంటే ఏం చేయాలో సలహా ఇవ్వగలరు.

భార్యాభర్తలంటే తమలా ఉండాలని నిరూపిస్తున్నారు ది మోస్ట్‌ సెలబ్రిటీ కపుల్‌ శిల్పాశెట్టి- రాజ్‌కుంద్రా దంపతులు. పదేళ్ల క్రితం మూడుముళ్ల బంధంతో ఒకటైన మరుక్షణం నుంచి తమ దాంపత్య బంధాన్ని నిత్యనూతనం చేసుకుంటూ ముందుకు సాగుతోందీ అందాల జంట. పండగలు, పార్టీలు, వెకేషన్‌.. సందర్భమేదైనా.. ఒకరిని విడిచి ఒకరు ఉండలేరేమో అన్నంత అన్యోన్యంగా మెలుగుతూ తమ ఫ్యాన్స్‌కు రిలేషన్‌షిప్‌ పాఠాలు నేర్పిస్తున్నారు. ప్రస్తుతం జపాన్‌లో సేదతీరుతున్నారీ లవ్లీ కపుల్‌. తమ పదో వివాహ వార్షికోత్సవాన్ని పురస్కరించుకుని అక్కడి అందాల సాక్షిగా తమ ప్రేమను ఇచ్చిపుచ్చుకుంటున్నారు. అనంతరం వెకేషన్‌ విశేషాలను సోషల్‌మీడియా వేదికగా అందరితో పంచుకుంటున్నారు. ఈ క్రమంలో వీరి ముద్దూ- ముచ్చట్లకు సంబంధించిన ఫొటోలు, వీడియోలు సామాజిక మాధ్యమాల్లో వైరల్‌గా మారాయి.

అమ్మ మనకు పాలిచ్చి పెంచితే నాన్న లాలించి నడక నేర్పిస్తాడు. తన చిటికెన వేలితో చిన్న చిన్న అడుగులు వేయించి ఆకాశమంత ఎత్తు ఎదిగేలా చేస్తాడు. అందుకే చాలామంది కూతుళ్లు తాము ‘డాడీస్ గర్ల్స్‌’ అంటూ గర్వంగా చెప్పుకొంటుంటారు. ఇందుకు సెలబ్రిటీలు కూడా అతీతులేమీ కాదు. ఈ క్రమంలో తన తండ్రి అంటే ఎంత ప్రేమో మరోసారి గుర్తు చేసుకుంది అందాల సుందరి ఐశ్వర్యారాయ్‌ బచ్చన్‌. తన తండ్రి మరణానంతరం ఆయన జయంతిని ఏటా అనాథ పిల్లలతో కలిసి జరుపుకుంటోందీ ముద్దుగుమ్మ. ఈ సంవత్సరం కూడా అతే పంథాను అనుసరించి అనాథ పిల్లలతో సరదాగా గడిపింది.

హాయ్ మేడమ్.. నా పేరు స్పందన. నేను సాఫ్ట్‌వేర్ ఇంజినీర్‌గా పని చేస్తున్నాను. మాది మధ్యతరగతి కుటుంబం. మా నాన్న గారికి కోపం ఎక్కువ. అమ్మని అసలు లెక్క చేయరు. ఎప్పుడూ ఏదో ఒకటి అని బాధపెడుతుంటారు. కొన్నిసార్లు ఆ బాధను తట్టుకోలేక చనిపోవాలనుకుంది. కానీ ఎప్పటికప్పుడు అమ్మకి ఓదార్పునిస్తూ, బాధల్ని దిగమింగుతూ బతుకుతున్నాం. నాకు ఒక చెల్లి కూడా ఉంది. నేను బీటెక్ మొదటి సంవత్సరంలో ఉన్నప్పుడు మా నాన్న స్నేహితుని కొడుకు మా అమ్మతో నన్ను పెళ్లి చేసుకుంటానని చెప్పాడు. దానికి అమ్మ ముందు బాగా చదువుకోమని, తర్వాత ఎలాగైనా మీ పెళ్లి చేస్తానని చెప్పింది. చిన్నప్పట్నుంచి నాన్న ప్రవర్తన చూసిన నేను పెళ్లి అనగానే మొదట ఒప్పుకోలేదు. కానీ చివరికి అమ్మ నన్ను ఒప్పించింది. ఆ సమయంలో అతను నేను అప్పుడప్పుడు ఫోన్లో మాట్లాడుకునేవాళ్లం. చివరికి అతను లెక్చరర్ అయ్యాడు. ఆ సమయంలో నేను బీటెక్ మూడో సంవత్సరం చదువుతున్నాను. ఇంకో రెండు సంవత్సరాల్లో జాబ్ తెచ్చుకుని పెళ్లి చేసుకోవాలనుకున్నాను. కానీ కొన్ని కారణాల వల్ల అతను వేరే అమ్మాయిని పెళ్లి చేసుకున్నాడు. ఒక్కసారి ఆ బాధని తట్టుకోలేకపోయాను. ఇక మగాళ్లను నమ్మకూడదని నాకు నేనే సర్ది చెప్పుకున్నాను. ఆ తర్వాత బీటెక్ చివరి సంవత్సరంలో క్యాంపస్ ప్లేస్‌మెంట్స్‌లో ఉద్యోగం సంపాదించుకున్నాను.