క్రికెట్‌-సినిమా... మన దేశంలో ఈ రెండు రంగాలకు చాలా అవినాభావ సంబంధం ఉంది. నాటి షర్మిలా ఠాగూర్-మన్సూర్‌ అలీఖాన్‌ పటౌడీ నుంచి నేటి ధనశ్రీ వర్మ-చాహల్‌ వరకు పెళ్లితో కలిసిపోయిన క్రికెట్‌-సినిమా బంధాలు చాలానే కనిపిస్తాయి. అయితే క్రికెటర్లు మైదానంలో సరిగ్గా ఆడకపోతే వారి భార్యలను నిందించడం, సోషల్‌ మీడియాలో ట్రోల్‌ చేయడం పరిపాటిగా మారింది. ప్రత్యేకించి విరాట్‌ కోహ్లీ విఫలమైనప్పుడల్లా అతడి సతీమణి అనుష్కా శర్మ... ఈ విషయంలో ఎన్నో ఇబ్బందులు పడ్డారు. నెటిజన్ల నుంచి తీవ్ర విమర్శలు ఎదుర్కొన్నారు. అయితే అనుష్క మాత్రమే కాదు... పటౌడీ సరిగా ఆడనప్పుడు తాను కూడా ఇలాగే తిట్లు తిన్నానంటున్నారు అలనాటి బాలీవుడ్‌ అందాల తార షర్మిలా ఠాగూర్. ఈ సందర్భంగా తన భర్త లెజెండరీ క్రికెటర్‌ పటౌడీతో తన అనుబంధం గురించి పలు ఆసక్తికర విషయాలను షేర్‌ చేసుకున్నారామె.

వెండితెరైనా... నిజ జీవితమైనా ‘మేడ్‌ ఫర్ ఈచ్‌ అదర్‌’ అన్న మాటలకు నిలువెత్తు నిదర్శనంగా నిలుస్తారు దీపికా పదుకొణె-ఆమె భర్త రణ్‌వీర్‌ సింగ్‌. సందర్భమేదైనా, వేదికేదైనా ఒకరి మీద ఒకరికి ఉన్న ప్రేమను వ్యక్తం చేసుకోవడానికి ఏ మాత్రం వెనకాడరీ లవ్లీ కపుల్‌. ఇక సోషల్‌ మీడియాలోనూ యాక్టివ్‌గా ఉండే ఈ జంట తమ ముచ్చటైన ఫొటోలు, వీడియోలను అందులో పోస్ట్‌ చేస్తుంటారు. తద్వారా నేటి తరం దంపతులకు రిలేషన్‌షిప్ పాఠాలు నేర్పుతుంటారు. తాజాగా తన సతీమణిపై మరోసారి ప్రశంసల వర్షం కురిపించాడు రణ్‌వీర్‌. దీపిక భర్త అయినందుకు తానెంతో గర్వపడుతున్నానంటూ మురిసిపోయాడు.

'ప్రేమనేది లైఫ్‌లో చిన్న పార్టే కానీ ప్రేమే లైఫ్ కాదు..' శంకర్‌దాదా ఎంబీబీఎస్ సినిమాలో చిరంజీవి చెప్పిన ఈ డైలాగ్ గుర్తుందా? ప్రేమే జీవితం కాకపోయినా... ప్రేమలో విజయం సాధిస్తే ఎంత ఆనందం మన సొంతమవుతుందో.. ఒకవేళ అందులో విఫలమైతే.. అంతకంటే రెట్టింపు విషాదం మనల్ని చుట్టుముడుతుంది. ప్రేమించిన వ్యక్తిని, వారి సాహచర్యంలో చోటుచేసుకున్న సంఘటనలను మర్చిపోవడం అంత సులభం కాదు. అలాగని పదేపదే వారిని, వారితో గడిపిన మధుర క్షణాలను గుర్తుచేసుకుని బాధపడుతూ కూర్చుంటే ప్రయోజనమేమీ ఉండదు. కాబట్టి ఆ జ్ఞాపకాల్లోంచి వీలైనంత త్వరగా బయటపడి మామూలు మనిషిగా మారాలి. అప్పుడే ఎవరికీ ఎలాంటి సమస్యా ఉండదు. మరి అందుకూ కొన్ని చిట్కాలున్నాయి. అవేంటో చూద్దాం రండి..

నమస్తే మేడమ్‌.. నాకు పెళ్లై ఆరు నెలలవుతోంది. మాది ప్రేమ వివాహం. ఇంట్లో అందరినీ ఒప్పించి పెళ్లి చేసుకున్నాం. మా అత్తయ్య వాళ్లు కూడా పెళ్లికి ఒప్పుకున్నందుకు చాలా సంతోషించాను. వాళ్లని ఎలాంటి ఇబ్బంది పెట్టకుండా చూసుకోవాలనుకున్నాను. కానీ ఆవిడ మాత్రం నన్ను చాలా బాధపెడుతోంది. ఎలా అంటే నా భర్తతో ఎక్కువ సమయం గడపనివ్వదు. మేమిద్దరం ఎక్కడికైనా వెళ్తే మొహం మాడ్చుకొని కూర్చుంటుంది. అలాగే నా భర్తతో కలిసి మా పుట్టింటికి వెళ్లినా పదే పదే నా భర్తకి ఫోన్‌ చేసి ఏదో ఒకటి అంటుంది. దాంతో నా భర్త నన్ను బయటికి, మా పుట్టింటికి తీసుకెళ్లడమే మానేశాడు. నా భర్త కూడా వాళ్ల మాటలకే ఎక్కువ ప్రాధాన్యమిస్తున్నాడు. నన్ను ఎక్కడికైనా తీసుకెళ్లమంటే వద్దంటున్నాడు. కానీ, నా భర్తకు నేనంటే చాలా ఇష్టం. ఏకాంతంగా ఉన్నప్పుడు నాతో చాలా బాగా మాట్లాడతాడు. కానీ నలుగురిలో ఉన్నప్పుడు అస్సలు మాట్లాడరు. మా ఆయన మా అత్తింటి వాళ్లు చెప్పినట్లల్లా చేయడం కాస్త బాధగా అనిపిస్తోంది. నా బాధని ఆయనతో పంచుకుందామనుకుంటే ఏమనుకుంటారోనని భయంగా ఉంది. ఈ సందిగ్ధంలో ఏం చేయాలో పాలు పోవట్లేదు. సలహా ఇవ్వండి. - ఓ సోదరి

మనుషులు కలిసినంత తొందరగా మనసులు కలవవు. ఒకరి అభిప్రాయాలు, అభిరుచులు మరొకరు తెలుసుకోవాలి. అర్థం చేసుకోవాలి. కడదాకా కలిసుంటామన్న భరోసా కలగాలి. అలా ఒకరిపై ఒకరికి నమ్మకం ఏర్పడ్డాకనే ఆ బంధాన్ని మరింత ముందుకు తీసుకెళతారు. అందుకు ఎంతో కొంత సమయమైతే కచ్చితంగా పడుతుంది. అయితే తమ రిలేషన్‌షిప్‌ విషయంలో అలాంటిదేమీ జరగలేదంటోంది త్వరలో మిసెస్‌ కాబోతున్న మెహరీన్‌. తాను పరిచయమైన ఆరు రోజులకే భవ్య బిష్ణోయ్‌ పెళ్లి ప్రపోజల్‌ తీసుకొచ్చాడంటోంది. ఈ క్రమంలో తన పదినెలల పరిచయం... జీవిత కాలపు అనుబంధాన్ని తలపిస్తోందని మురిసిపోతోందీ ముద్దుగుమ్మ. ఇటీవల తన ప్రియుడితో కలిసి ఉంగరాలు మార్చుకున్న ఈ అందాల తార... తనకు కాబోయే జీవిత భాగస్వామి గురించి తాజాగా పలు ఆసక్తికర విషయాలను షేర్‌ చేసుకుంది.

ఒకప్పుడు కుటుంబం అంటే.. 'జగమంత కుటుంబం'! చాలా పెద్దగా ఉండేది. ముఖ్యంగా మన దేశంలో ఉమ్మడి కుటుంబాలు ఎక్కువగా కనిపించేవి. కానీ, క్రమంగా పెరుగుతున్న నగరీకరణ నేపథ్యంలో; ఉమ్మడి కుటుంబాలు కాస్తా 'ఉత్తుత్తి' కుటుంబాలుగా మారిపోయాయి. అఫ్‌కోర్స్.. వీటినే మనం ఇప్పుడు 'న్యూక్లియర్ ఫ్యామిలీ'లని చాలా స్త్టెల్‌గా చెప్పుకుంటున్నాం.. అది వేరే విషయం అనుకోండి! ఇంతకీ ఇప్పుడు మ్యాటరేంటంటే- ఇప్పుడు ఆ చిన్న కుటుంబాల్లోని సభ్యుల మధ్య కూడా అనుబంధాలు క్రమంగా తగ్గుముఖం పడుతున్నాయి. నిజంగానే 'ఉత్తుత్తి' కుటుంబాలుగా మారిపోతున్నాయి. ఈ నేపథ్యంలో- ఉన్న నలుగురి మధ్య సఖ్యత ఎలా పెంచుకోవాలి? ఉన్నంతలో అందరూ కలిసి హ్యాపీగా ఎలా ఉండాలి.. ఇవన్నీ తెలుసుకోవాల్సిన విషయాలేగా.. ఇంకెందుకు లేటు? వచ్చేయండి మరి!!

నమస్తే మేడం.. నా వయసు 33 సంవత్సరాలు. నా చిన్నప్పట్నుంచి మా అమ్మానాన్న మా బంధువులకు తెలిసిన అబ్బాయితో పెళ్లి చేస్తాం అని చెబుతుండేవారు. దాంతో నేను కూడా అతనే నా భర్తగా వూహించుకునేదాన్ని. దానివల్ల రోజురోజుకీ అతనిపై ఇష్టం పెరిగింది. అది ఎంతలా అంటే పెళ్లి చేసుకుంటే అతన్నే చేసుకోవాలి అనేంతగా! ఎలాగైనా నా కోరిక నిజం కావాలని అనుకునేదాన్ని. అతడే నా భర్తగా రావాలని ఎన్నోసార్లు దేవుడిని ప్రార్థించాను. కానీ అతనికి ఈ విషయాలేమీ తెలియవు. నా మీద అతనికి అలాంటి అభిప్రాయం ఉండేది కాదు. ఇదంతా నేను చదువుకునే రోజుల్లో జరిగింది. ఇద్దరికీ పెళ్లి వయసు వచ్చే సరికి.. వాళ్ల తల్లిదండ్రుల ద్వారా అతడిని పెళ్లి గురించి అడిగితే ఇష్టం లేదని చెప్పాడు. మొదట్లో చాలా బాధపడ్డాను. కానీ క్రమంగా అతన్ని మర్చిపోవాలని నిర్ణయించుకున్నా. ఇంతలో ఆ అబ్బాయికి వేరే అమ్మాయితో పెళ్లి జరిగింది. నా తల్లిదండ్రులు కూడా నాకు పెళ్లి సంబంధాలు చూడడం మొదలుపెట్టారు. ఎందుకో తెలియదు కానీ వచ్చిన సంబంధాలు కుదిరినట్టే కుదిరి చెడిపోతున్నాయి. ఎన్ని ప్రయత్నాలు చేసినా ఏదో రకంగా చివరి నిమిషంలో వెనక్కి వెళ్లిపోతున్నాయి. దీంతో నాకు ఇంక పెళ్లి అవ్వదేమో అని భయంగా ఉంది. అయితే అప్పట్లో అతనంటే నాకు ఇష్టం ఉన్న సంగతి ఎవరికీ తెలియదు. నేనూ అతన్ని మర్చిపోయాననే అనుకుంటున్నాను. అతని గురించి నాకు ఆలోచనలు కూడా లేవు. పెళ్లి చేసుకొని సెటిల్ అవ్వాలని ఉంది. కానీ పెళ్లి కావడం లేదు. నాకు లైంగిక వాంఛలు కూడా తక్కువే. నేను అతడిని తప్ప వేరే ఎవరినీ పెళ్లి చేసుకోనని దేవుడిని కోరడం వల్లే ఇలా జరుగుతోందని అనిపిస్తోంది. నేను ఈ పరిస్థితి నుంచి ఎలా బయటపడాలి? సలహా ఇవ్వగలరు. - ఓ సోదరి

వందలో రెండు యాభైలు ఉంటాయి ఏ యాభై ఎక్కువా కాదు.. తక్కువా కాదు.. రెండూ సమానమే.. సంసారంలో ఆలుమగలూ అంతే! ఎవరూ ఎక్కువ కాదు.. తక్కువ కాదు. ఈ సూత్రాన్నే అర్ధనారీశ్వర తత్త్వంగా అర్థవంతంగా ప్రదర్శించారు ఆది దంపతులు. ఆ జంట అందరికీ ఆదర్శం.. మహాశివరాత్రి సందర్భంగా ప్రతి యేటా కల్యాణంతో మళ్లీ ఒక్కటవుతున్న పార్వతీపరమేశ్వరుల జీవనం అనునిత్యం ఆచరణీయం..

‘ప్రేమ శరీరానికి సంబంధించింది కాదు.. మనసుకు సంబంధించింది’ అని చాలామంది చెబుతూ ఉంటారు. ఆస్తులు-అంతస్తులు, అందచందాలు, కులమత భేదాలు.. మొదలైన వాటిని నిజమైన ప్రేమికులు లెక్క చేయరు. ఈ విషయం ఇప్పటికే ఎన్నో సందర్భాల్లో రుజువైంది కూడా..! ఈ క్రమంలో ప్రేమోన్మాది చేతిలో యాసిడ్‌ దాడికి గురై 80 శాతం కాలిన గాయాలతో బాధపడుతున్న ఓ అమ్మాయికి, మెడికల్ రిప్రజెంటేటివ్‌గా పనిచేస్తున్న ఓ అబ్బాయికి మధ్య పుట్టిన ప్రేమ తాజాగా పెళ్లిపీటలెక్కింది. ఏడేళ్ల సుదీర్ఘ ప్రేమ బంధాన్ని శాశ్వత బంధంగా మార్చుకుంటూ ఏడడుగులు నడిచింది. మరి ఇంతకీ ఎవరా ప్రేమ జంట..? ఏంటా కథ..?తెలుసుకుందాం రండి...

హాయ్‌ మేడమ్‌.. మాకు పెళ్లై ఐదు సంవత్సరాలవుతోంది. నా భర్త పెళ్లికి ముందు ఒకరిని ప్రేమించారు. కులాలు వేరు కావడంతో పెద్దవాళ్లు పెళ్లికి ఒప్పుకోలేదు. ఎప్పుడూ ఆ అమ్మాయి గురించే ఆలోచిస్తుంటారు.. ఒక్కోసారి ఏడుస్తారు కూడా. ఇదిలా ఉంటే దీనికి తోడు తనకు పరిచయమున్న ఇతర అమ్మాయిలను రెస్టారంట్లకు తీసుకువెళ్తుంటారు. నన్ను మాత్రం కనీసం పుట్టినరోజు, పెళ్లి రోజు వంటి సందర్భాల్లో కూడా బయటకు తీసుకెళ్లరు. దూరం ఎక్కువని ఆఫీస్ దగ్గరే రూమ్‌ తీసుకుని ఉంటున్నారు. మమ్మల్ని కూడా తీసుకెళ్లమంటే ‘మా అమ్మ ఇక్కడ వాతావరణానికి అలవాటు పడింది.. మీరు ఇక్కడే ఉండండి’ అంటున్నారు. ఇంట్లో ఖర్చులకు ఎలాంటి లోటూ చేయడు. కానీ, ఇంటికి వచ్చినప్పుడు నాతో సంతోషంగా ఉండడు. ఎప్పుడూ ఏదో ఒక తప్పు చూపిస్తాడు. ఒకవేళ ఎలాంటి తప్పు చేయకపోయినా కావాలని గొడవ పడతాడు. అమ్మాయిలతో గంటల కొద్దీ మాట్లాడతాడు. ఉదయం అయిదింటికి లేచి పనంతా చేయాలని తిడతారు. ఒకవేళ చేయకపోతే నీళ్లు మీద పోస్తారు. మా పుట్టింటికి వెళ్లి నాలుగు రోజులు ఉండాలనిపిస్తుంటుంది. కానీ పంపడు. ఒకవేళ పంపినా ఉదయం వెళ్లి సాయంత్రానికి వచ్చేయమంటారు. తను మాత్రం స్నేహితులతో ట్రిప్‌లకి వెళ్తారు. నాకు ఒక బాబు ఉన్నాడు. అందుకే ఏం చేయలన్నా ఆలోచిస్తున్నా.. దయచేసి సలహా ఇవ్వగరు. - ఓ సోదరి

హాయ్‌ మేడమ్‌.. మా తమ్ముడికి మా మేనమామ కూతుర్నిచ్చి ఐదు సంవత్సరాల క్రితం పెళ్లి చేశారు. ఇద్దరూ ఇష్టపడ్డారని పెళ్లి చేశారు. వాళ్లకి ఇద్దరు పిల్లలు. అంతా బాగానే ఉందనుకునే సమయంలో ఆరు నెలల క్రితం నాకు ఒక విషయం తెలిసింది. ఏంటంటే మా తమ్ముడికి పెళ్లికి ముందే వేరే అమ్మాయితో సంబంధం ఉంది. ఎవరికీ ఆ విషయం తెలియదు. మా తమ్ముడు ఏ వ్యాపారం చేసినా నష్టాలు వస్తున్నాయి. ఊరు మారితే ఏమైనా మార్పు వస్తుందని వేరే ఊరిలో పెట్టుబడి పెట్టారు. అయినా నష్టం వచ్చింది. చివరికి ఒక ఊరిలో కిరాణా వ్యాపారం పెట్టించారు. సెట్‌ అయిందని అనుకునే సమయానికి ఆ అమ్మాయితో ఉన్న సంబంధం బయటకు వచ్చింది. మా నాన్న, మరదలికి ఈ విషయం మూడు సంవత్సరాల క్రితమే తెలుసు. అమ్మకు తెలిసి సంవత్సరమైంది. అది కూడా ఊళ్లో వాళ్లు ఎవరో చెబితే తెలిసింది. నాకు ఈ విషయం తెలిసినప్పటి నుంచి తట్టుకోలేకపోయాను. మా తమ్ముడిని గట్టిగానే అడిగాను. మా ఆయనతో కూడా అడిగించాను. అయినా కూడా మొండిగా సమాధానం ఇస్తున్నాడు.

‘ప్రతి పురుషుని విజయం వెనక ఓ మహిళ ఉంటుంది’ అన్నట్లు తన సతీమణి అనుష్కే తన సక్సెస్‌ సీక్రెట్‌ అని ఇప్పటికే ఎన్నో సందర్భాల్లో చెప్పుకొచ్చాడు టీమిండియా కెప్టెన్‌ విరాట్‌ కోహ్లీ. కెరీర్‌ ప్రారంభంలో అద్భుతమైన ఆట ఉన్నా... దుందుడుకు స్వభావంతో తీవ్ర విమర్శలు ఎదుర్కొన్న ఈ స్టార్‌ క్రికెటర్... అనుష్కతో జీవితం పంచుకున్నాక ఎంతో ప్రశాంతంగా మారిపోయాడు. మైదానంలోనే కాదు బయట కూడా ఎంతో కూల్‌గా వ్యవహరిస్తున్నాడు. ఈ క్రమంలో ఆటతోనే కాదు తన వ్యక్తిత్వంతోనూ బోలెడంత మంది అభిమానులను సంపాదించుకున్నాడు. ఇలా ఇండియన్‌ క్రికెట్‌ టీం కెప్టెన్‌గా జట్టుకు ఎన్నో అద్భుతమైన విజయాలు అందిస్తున్న విరాట్... తన సక్సెస్‌ క్రెడిట్‌ మొత్తం తన సతీమణిదే అంటున్నాడు. అనుష్క తన బెటర్‌హాఫ్ అయినందుకు తానెంతో అదృష్టవంతుడినంటున్నాడు. మరి.. ఇంకా తన ముద్దుల భార్య గురించి కోహ్లీ ఏమన్నాడో తెలుసుకుందాం రండి...

నమస్తే మేడమ్‌.. నా వయసు 35 సంవత్సరాలు.. ఎంసీయే చదివాను. నేను పుట్టి పెరిగిందంతా హైదరాబాద్‌లోనే. నాకు గతంలో వివాహం జరిగింది. అయితే వాళ్లు మోసం చేశారని విడాకులు తీసుకున్నా. మూడు నెలల క్రితం మళ్లీ పెళ్లి చేసుకున్నా. ఆయనకు ఇది మొదటి వివాహం. ఆయన ఎంకాం చదివారు. వాళ్లది తూర్పుగోదావరి జిల్లాలోని ఒక పల్లెటూరు. ఆయన హైదరాబాద్‌లోనే ఒక చిన్న కంపెనీలో అకౌంటెంట్‌గా పని చేస్తున్నారు. వాళ్ల కుటుంబంలో పెత్తనమంతా మగవారిదే. మా మామ ఏది చెబితే మా ఆయన, బావ అదే వింటారు. మా మామ, బావ ఊళ్లోనే పని చేస్తుంటారు. ఆ ఊళ్లో వారికి రాజకీయ పలుకుబడి కూడా ఉంది. మా తోటి కోడలు.. మా బావ, మావయ్యలకు పనిలో సహాయం చేస్తుంటుంది.