దక్షిణాది ప్రజలు ప్రత్యేకించి తెలుగు వారిలో చాలామందికి రసం లేనిదే ముద్ద దిగదు. దీనికున్న రుచి అలాంటిది మరి. వంటగదిలో దొరికే కొన్ని పదార్థాలతో సులభంగా తయారుచేసుకునే ఈ వంటకంతో పలు ఆరోగ్య ప్రయోజనాలు కూడా ముడిపడి ఉన్నాయి.

వేసవిలో పిల్లలు తరచూ ఐస్‌క్రీం అడుగుతుంటారు. ప్రతిసారీ బయట దొరికే ఐస్‌క్రీం తిని, ఆరోగ్య సమస్యలు కొని తెచ్చుకోవడం కన్నా అదేదో మనమే ఇంట్లో తయారు చేసుకుంటే బాగుంటుంది కదూ..మరింకెందుకాలస్యం..? ఐస్‌క్రీం తినాలన్న కోరికని తీరుస్తూనే తాజా పండ్లతో ఆరోగ్యాన్ని అందించే ఫ్రూట్ పాప్స్ ఇంట్లోనే సులభంగా ఎలా తయారు చేయాలో తెలుసుకుందామా..

'శ్రీరాఘవం దశరథాత్మజ మప్రమేయం.. సీతాపతిం రఘుకులాన్వయ రత్నదీపం.. ఆజానుబాహుం అరవిందదళాయతాక్షం.. రామం.. నిశాచర వినాశకరం నమామి..' కోరిన కోర్కెలు తీర్చే కోదండరాముడి పుట్టినరోజునే మనం 'శ్రీరామనవమి'గా జరుపుకొంటాం. ఇందులో భాగంగా శ్రీరాముడికి ప్రీతిపాత్రమైన బెల్లం పానకం, వడపప్పు, చలిమిడి.. నైవేద్యంగా సమర్పిస్తారు. ఆ తర్వాత ఈ పదార్థాల్ని అందరికీ ప్రసాదంగా పంచిపెడతారు. ఈ క్రమంలో వీటి తయారీ విధానం, వాటి వల్ల కలిగే ఆరోగ్య ప్రయోజనాల గురించి తెలుసుకుందాం రండి..

రంజాన్ మాసం అనగానే అందరికీ మొదటగా గుర్తొచ్చేది హలీమ్. ముస్లింలు ఎంతో పవిత్రంగా భావించే ఈ మాసం ప్రారంభం నుంచే ఎక్కడ, ఎవర్ని చూసినా హలీమ్ లాగించేస్తుంటారు. అది అంత రుచిగా ఉంటుంది మరి! రుచే కాదు.. బోలెడంత ఆరోగ్యాన్నీ ప్రసాదిస్తుందీ వంటకం. నేటి నుంచి రంజాన్‌ మాసం ప్రారంభమైన నేపథ్యంలో ఇంట్లోనే మటన్ హలీమ్‌ను ఎలా తయారు చేసుకోవచ్చు? దానివల్ల ఆరోగ్యానికి కలిగే ప్రయోజనాలేంటి?? తెలుసుకుందాం రండి...

కాలాన్ని బట్టి మన జీవక్రియలో కొన్ని ప్రతికూల మార్పులొస్తుంటాయి. వాటిని నియంత్రించి మన శరీరాన్ని సమతూకంలో ఉంచేవే సీజనల్ పండ్లు. అందుకే దొరికినంత కాలం వరకు వీటిని అధికంగా తినాలంటారు ఆరోగ్య నిపుణులు. ఇక ఈ సీజనల్ పండ్లలో రారాజు మామిడి గురించి ఎంత చెప్పుకున్నా తక్కువే. అటు రుచి పరంగా ఇటు ఆరోగ్య పరంగా అందరూ కలిసి సూపర్ అనే పండు ఇదొక్కటే. మరి దీనిని అధికంగా తినాలంటే ఎన్ని రకాలుగా వండుకోవచ్చో చూద్దాం రండి !

కాలంతో సంబంధం లేకుండా చాలామంది ఇష్టపడే డ్రింక్స్‌లో లస్సీ కూడా ఒకటి.. పెరుగు మన ఆరోగ్యానికి మంచి చేయడమే కాకుండా పోషకాలను కూడా అందిస్తుంది. అందుకే చాలామంది కూల్‌డ్రింకులకు బదులుగా దీన్ని తాగడానికి ఇష్టపడుతుంటారు. అసలే ఎండాకాలం.. ఈ కాలంలో ఇలాంటివి మరింత ఎక్కువగా తాగాలనిపిస్తుంది. మరి, మీరూ ఈ లస్సీ వెరైటీలను ఓసారి ప్రయత్నించి చూడండి...

పండ్లు-కాయగూరల తొక్కలు, వాటిలోని గింజల్ని చాలామంది పడేస్తుంటారు. అయితే అందులోనూ శరీరానికి కావాల్సిన పోషకాలెన్నో మిళితమై ఉంటాయన్న విషయం తెలిసి కూడా చాలామంది వాటిని వృథాగా పడేస్తుంటారు. అయితే అలా వేస్ట్‌ అనుకున్న వాటితోనే వివిధ రకాల రుచికరమైన వంటకాలు చేసుకోవచ్చన్న విషయం మీకు తెలుసా? ఆశ్చర్యంగా అనిపించినా ఇది నిజం. మరి, వృథా అనుకునే కొన్ని పదార్థాలతోనే రుచికరమైన రెసిపీలను తయారుచేద్దాం రండి..

ప్రపంచమంతా సంవత్సరం పొడవునా ఎదురుచూసే క్రిస్మస్‌ పండగ వచ్చేసింది.. మరి ఈ కలర్‌ఫుల్‌ ఫెస్టివల్‌ను జరుపుకోవడానికి మీరంతా సిద్ధంగా ఉన్నారా?? క్రిస్మస్‌ అనగానే గుర్తొచ్చేది అందమైన క్రిస్మస్‌ ట్రీ, క్రిస్మస్‌ గిఫ్ట్స్‌, నోరూరించే స్పెషల్‌ వంటకాలు.. ఇలా ఇంకెన్నో..! వంటకాలంటే ప్రత్యేకంగా చెప్పుకోవాల్సింది క్రిస్మస్‌ కేక్స్‌ గురించి! చిన్నపిల్లల దగ్గరినుంచీ పెద్దల వరకూ ఎంతో ఇష్టంగా తినే కేక్స్‌ను ఎంతో ప్రత్యేకంగా తయారుచేస్తారు. మరి మీరు ఈసారి ఎలాంటి కేక్స్‌ తయారుచేయబోతున్నారు?? ఎప్పుడూ రొటీన్‌గా చేసుకునేవి కాకుండా, ఈసారి ఈ కొత్త రకం కేకులు ట్రై చేసి చూడండి.. మరి అవేంటో.. ఎలా తయారుచేయాలో చూసేద్దాం రండి..!

ఏ కాలంలోనైనా అది తినాలి ఇది కావాలి అనిపిస్తుంది కానీ చలికాలంలో మాత్రం ఏం తిన్నా వేడివేడిగా తినాలనిపిస్తుంది. ఈ క్రమంలో రెండు ముద్దలు ఎక్కువే తినేస్తుంటారు చాలామంది. మరి ఓ వైపు చలి చంపేస్తుంటే ఇక వ్యాయామం సంగతి పట్టించుకునే వారు ఎంతమంది ఉంటారు చెప్పండి. దాని సంగతి దేవుడెరుగు అనుకునేవారు ఎంతమందో! ఇలా రెండుమూడు ముద్దలు ఎక్కువ తినడం, అటు వ్యాయామమూ చేయకపోవడం వల్ల చలికాలం పూర్తయ్యేసరికి బరువు పెరిగేస్తుంటారు చాలామంది. అందుకే అటు వేడివేడిగా కడుపు నిండుగా, ఇటు మీ ఫిట్‌నెస్‌ని కూడా కోల్పోకుండా ఉండాలంటే ఈ చలికాలంలో సూప్స్‌ ట్రై చేయడం బెటర్‌. మరి అలా నోరూరిస్తూ చలిని దూరం చేసే ఈ సూప్స్‌ని ఒకసారి మీరూ ట్రై చేసి రుచి చూడండి!

దీపావళి పండగ అనగానే దీపాలు, టపాసుల తర్వాత అందరికీ గుర్తొచ్చేది నోరూరించే మిఠాయిలే.. పండగనగానే నోరు తీపి చేసుకోవడం మనందరికీ అలవాటే. అలాగని స్వీట్స్ బయటనుంచి కొని తెచ్చుకోవడం కంటే ఎంచక్కా హెల్దీగా ఇంట్లోనే తయారుచేసుకుంటే? బానే ఉంటుంది అంటారా? అయితే ఆలస్యమెందుకు మరి.. ఈసారి స్వయంగా మీరే ఇంట్లో ఈ వంటకాలు సిద్ధం చేసి.. నోరూరించే విందు చేయండి.. ఆరోగ్యకరమైన రుచులతో దీపావళి వెలుగులు పంచండి..

పిల్లల దగ్గర్నుంచి పెద్దల దాకా పాస్తాను ఇష్టపడనివారుండరంటే అది అతిశయోక్తి కాదు. వివిధ వెరైటీల్లో లభించే ఈ ఇటలీ ఫుడ్‌తో మీకు నచ్చినట్లుగా నిమిషాల్లోనే రుచికరమైన వంటకాలు చేసుకోవచ్చు. ముఖ్యంగా వర్కింగ్ మామ్స్‌కి ఇవి ఎంతో ఉపయోగకరం. ఉదయం బ్రేక్‌ఫాస్ట్‌గా అయినా.. సాయంత్రం స్నాక్స్‌గానైనా ఈ రెసిపీస్‌ని నిమిషాల్లో తయారుచేసి పిల్లలకు వడ్డిస్తే లొట్టలేసుకుంటూ మరీ లాగించేస్తారు. మరి, అలాంటి కొన్ని వెరైటీ పాస్తా వంటకాల తయారీ గురించి ఇప్పుడు చూద్దాం..

అప్పట్లో పెద్దవాళ్లు రాత్రిపూట ఒక కుండలోనో, గిన్నెలోనో అన్నం మెత్తగా కలిపి, అందులో పాలుపోసి, కాసింత పెరుగువేసి మూతపెట్టేవారు. ఇలా తోడుపెట్టిన అన్నాన్ని 'తరవాణీ' అంటారు కొన్ని ప్రాంతాల్లో. పొలం పనులకి వెళ్లేవారు, ఆఫీసులకు వెళ్లేవారు, చదువుకోడానికి వెళ్లే పిల్లలూ ఎంచక్కా పొద్దున్నే పచ్చిమిరప కాయలో, ఉల్లిపాయలో, ఏ పచ్చడో వేసుకుని అది తిని వెళ్లేవారు..! తర్వాత బోలెడన్ని టిఫిన్లు వచ్చేశాయ్. అయితే 'ఓల్డ్ ఈజ్ గోల్డ్' అన్నట్లు ఇప్పుడు అన్నిట్లోనూ రెట్రో ఫ్యాషన్లు, పద్ధతులు ప్రాచుర్యం పొందుతున్నట్లు బ్రేక్‌ఫాస్ట్ విషయంలో కూడా పాతపద్ధతులు వచ్చేస్తున్నాయ్. 'ఓవర్ నైట్ ఓట్స్' కాన్సెప్ట్ కూడా సరిగ్గా ఇలాంటిదే.!ఒక రకంగా మన చద్దన్నానికి ఇది వెస్ట్రనైజ్‌డ్ వెర్షన్ అనమాట.! చద్దన్నం బలాన్నిస్తే, ఓవర్‌నైట్ ఓట్స్ పోషకాలను అందిస్తూ అధిక బరువు తగ్గడానికి సహాయపడతాయి.

హాయ్.. నా పేరు శ్రావ్య. ఈ కాలం అమ్మాయినే అయినా నేను సంప్రదాయాలంటే ఆసక్తి చూపిస్తా. అందుకే ఈ రాఖీ పౌర్ణమికి మా అన్నయ్య కోసం ఓ ప్రత్యేకమైన రాఖీ తయారుచేయించా. మా ఇద్దరి ఫొటోతో రూపొందించిన పర్సనలైజ్‌డ్ రాఖీ అది. కేవలం ట్రెండీ టచ్ మాత్రమే కాదు.. ఇటు సంప్రదాయబద్ధంగానూ ఉండేలా ప్లాన్ చేశా. అంతేకాదు.. ఈ రక్షాబంధన్‌కి మా అన్నయ్య నోరు తీపి చేయడానికి నేనే ప్రత్యేకంగా మిఠాయిలు తయారుచేసి తనపై నాకున్న ప్రేమను చాటాలనుకుంటున్నా. మరి, ఇంతా అంతా కాదు.. నాకున్న ప్రేమనంతా చాటాలంటే ఒక్క మిఠాయి సరిపోతుందా? అందుకే ఒకటి, రెండు కాదు.. చాలా రకాల స్వీట్లను స్వయంగా తయారుచేయాలనుకుంటున్నా. అవేంటో మీరూ తెలుసుకుందురు గానీ రండి..

ఈ వేసవి కాలంలో చల్లచల్లని నోరూరించే ఐస్‌క్రీమ్ తినాలని ఎవరికి అనిపించదు చెప్పండి..! అయితే సాధారణంగా బయట తయారు చేసే ఐస్‌క్రీమ్స్‌లో చక్కెర అధిక మొత్తంలో ఉంటుంది. తక్కువ కార్బోహైడ్రేట్లుండే ఆహారం తీసుకుంటూ బరువును అదుపులో ఉంచుకునే వారు బయట తయారుచేసే ఫుల్లీ షుగర్ లోడెడ్ ఐస్‌క్రీమ్స్‌ని తినడం వల్ల మొదటికే మోసం వస్తుంది. మరి, అలా జరగకుండా ఉండాలంటే ఐస్‌క్రీమ్ మానేయాలా.. అంటారా? ఏం అక్కర్లేదు. చక్కెర వాడకుండా ఇంట్లోనే తయారుచేసే షుగర్ ఫ్రీ ఐస్‌క్రీమ్‌ను తీసుకుంటే అటు ఐస్‌క్రీమ్ తినాలన్న కోరికా తీరుతుంది.. ఇటు బరువు పెరుగుతామన్న భయమూ ఉండదు.. అలాంటి ఓ షుగర్ ఫ్రీ ఐస్‌క్రీమ్ రెసిపీనే ఇది..!

ఫిట్‌నెస్‌పై శ్రద్ధ వహించే నటీమణుల జాబితాలో ముందు వరుసలో ఉంటుంది స్మైలింగ్‌ బ్యూటీ రకుల్‌ ప్రీత్‌ సింగ్‌. వ్యాయామాలు, యోగాసనాలు, ఆరోగ్యకరమైన రెసిపీలు.. తదితర విషయాల్లో రకుల్‌కు మంచి అవగాహన కూడా ఉంది. అందుకే ఈ విషయాలకు సంబంధించి తనకు తెలిసిన సమాచారాన్ని ఎప్పటికప్పుడు సోషల్‌ మీడియా ద్వారా పంచుకొంటుంటుందీ అమ్మడు. అయితే లాక్‌డౌన్‌ కారణంగా గత కొన్ని రోజులుగా రకుల్‌ ఇంటికే పరిమితమైన సంగతి తెలిసిందే. ఈ సమయంలో తన ఫిట్‌నెస్‌పై మరింత శ్రద్ధ పెట్టడం, కుటుంబ సభ్యులతో గడపడంతో పాటు.. పలు ఆరోగ్యకరమైన రెసిపీలను కూడా తయారుచేస్తూ సోషల్‌ మీడియా వేదికగా అందరితో పంచుకుంటుంది. ఈ క్రమంలో రకుల్‌ ఇటీవలే షేర్‌ చేసిన రెసిపీ ఏంటో మీరే చూడండి.

షూటింగ్స్‌, పార్టీలు, అవార్డ్‌ ఫంక్షన్లు.. ఇలా వివిధ కార్యక్రమాలతో క్షణం తీరిక లేకుండా గడిపే మన సినీ తారలు.. ఈ క్వారంటైన్‌ సమయాన్ని అనుకోకుండా దొరికిన వరంలా భావిస్తున్నారు. ఈ క్రమంలో తమ కుటుంబ సభ్యులతో గడపడంతో పాటు తమకంటూ కాస్త సమయాన్ని కేటాయించుకునే అద్భుత అవకాశంలా ఈ టైమ్‌ని అందిపుచ్చుకుంటున్నారు. అందుకే ఈ లాక్‌డౌన్‌ రోజుల్లో వారికి నచ్చిన పనులు చేస్తూ ఎంజాయ్‌ చేస్తున్నారు. ఈ క్రమంలోనే తమ పాకశాస్త్ర నైపుణ్యానికి మెరుగులు దిద్దుతూ అభిమానులకు సరికొత్త రుచులను పరిచయం చేస్తున్నారు కొంతమంది తారలు. రుచితోపాటు.. ఆరోగ్యాన్ని కూడా అందిస్తోన్న ఆ రెసిపీలేంటో తెలుసుకొని మనమూ ట్రై చేద్దామా మరి!

'శ్రీరాఘవం దశరథాత్మజ మప్రమేయం.. సీతాపతిం రఘుకులాన్వయ రత్నదీపం.. ఆజానుబాహుం అరవిందదళాయతాక్షం.. రామం.. నిశాచర వినాశకరం నమామి..' కోరిన కోర్కెలు తీర్చే కోదండరాముడి పుట్టినరోజునే మనం 'శ్రీరామనవమి'గా జరుపుకొంటాం. ఈ రోజున ఎక్కడ చూసినా శ్రీసీతారాముల కల్యాణ మహోత్సవం అంగరంగ వైభవంగా నిర్వహిస్తుంటారు. ఇందులో భాగంగా శ్రీరాముడికి ప్రీతిపాత్రమైన బెల్లం పానకం, వడపప్పు, చలిమిడి.. నైవేద్యంగా సమర్పిస్తారు. ఆ తర్వాత ఈ పదార్థాల్ని అందరికీ ప్రసాదంగా పంచిపెడతారు. ఈ క్రమంలో వీటి తయారీ విధానం, వాటి వల్ల కలిగే ఆరోగ్య ప్రయోజనాల గురించి తెలుసుకుందాం రండి..

చలికాలం వచ్చిందంటే చాలు.. వేడివేడిగా సూప్ తాగితే ఎంత బాగుంటుందో.. అనిపించకమానదు. అందుకే శాకాహారులు ఎంతో ఇష్టపడే ఈ సూప్‌ని ఓసారి ప్రయత్నించి చూడండి..