scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నాన్నే కాటేయాలని చూశాడు..!'

'కంటికి రెప్పలా కాచుకోవాల్సిన తండ్రే కామంతో కళ్లు మూసుకుపోయి కూతురిపై అత్యాచారానికి ఒడిగట్టాడు.. అప్పటికి ఆమె ఎనిమిదో తరగతి చదువుతోంది. జరిగిన విషయాన్ని తల్లి దృష్టికి తీసుకెళ్లింది. వెంటనే అతను భార్య కాళ్ల మీద పడి ఇంకెప్పుడూ ఇలా జరగదంటూ కపట ప్రేమను ప్రదర్శించాడు. కానీ ఆ ముసుగు కొన్ని రోజులు మాత్రమే నిలిచింది.. మళ్లీ కూతురిపై అత్యాచారానికి పాల్పడడంతో ఈసారి ఆ అమ్మాయి వూరుకోలేదు.. నేరుగా పోలీసులను ఆశ్రయించింది. అమ్మాయిలు వేధింపుల విషయంలో మౌనం వహించడం తగదు అంటోంది. ఇంతకీ ఎవరా అమ్మాయి? ఏం జరిగింది?? తెలియాలంటే ఇది చదవాల్సిందే..'

Know More

Movie Masala

 
category logo

చనుబాలు మాన్పించేదెలా..?

Tips to stop breast feeding for your baby

మోహన వాళ్ల పాపకు రెండేళ్లు. అయినా ఇంకా ఆ పాప తల్లిపాలు తాగుతూనే ఉంది. ఎంత మాన్పిద్దామన్నా అది ఆమె వల్ల కావట్లేదు. పైగా పాపకు పాలివ్వకపోతే ఆకలికి తట్టుకోలేక ఏడుపు మొదలెడుతుంది. ఘనాహారం పెట్టినా తినకుండా మొహం తిప్పేస్తుంది. పాలే కావాలంటూ అల్లరి చేస్తుంది. ఇలా కొంతమంది పిల్లలు తల్లిపాలకు అలవాటు పడి వయసు పెరిగినప్పటికీ తల్లిపాలే తాగుతామని మొండికేస్తుంటారు. ఇదిలాగే కొనసాగితే వారికి వూహ తెలిసిన తర్వాత వారితో పాలు మానిపించడం చాలా కష్టం అవుతుంది. కాబట్టి చిన్నారులకు సంవత్సరం నుంచి ఒకటిన్నర సంవత్సరాల వయసు వరకు మాత్రమే పాలిచ్చి ఆ తర్వాత పూర్తిగా ఘనాహారాన్ని అందించమని చెబుతున్నారు నిపుణులు. ఈ క్రమంలో పిల్లలతో పాలు మాన్పించడానికి తల్లులు ఎలాంటి నియమాలు పాటించాలి..? రండి తెలుసుకుందాం..
తల్లిపాలు పిల్లల ఆరోగ్యానికి ఎంతగానో దోహదం చేస్తాయి. ముఖ్యంగా వారిలో రోగనిరోధక శక్తి పెరగడానికి తల్లిపాలను మించిన ఆహారం లేదని చెబుతున్నారు పోషకాహార నిపుణులు. కాబట్టి పుట్టినప్పటి నుంచి ఆరు నెలల వరకు తప్పనిసరిగా వారికి తల్లిపాలు పట్టడం అత్యవసరం. అది పిల్లల ఆరోగ్యానికే కాదు.. తల్లుల ఆరోగ్యానికీ ఎంతో మేలు చేస్తుంది. అయితే పిల్లల ఆరోగ్యానికి చనుబాలు మంచివి కదా అని వారికి వూహ తెలిసే వరకు పాలివ్వడం కొనసాగిస్తే.. వారు ఘనాహారం తినడానికి నిరాకరిస్తుంటారు. పాల ద్వారా వారికి సరిపడా పోషకాలు అందక పిల్లలకు పోషకాహార లోపం ఏర్పడవచ్చు. ఇక ఏడాదిన్నర దాటితే పిల్లలతో పాలు మాన్పించడం చాలా కష్టమవుతుంది. కాబట్టి పిల్లలకు సంవత్సరం తర్వాత నుంచే నెమ్మదిగా పాలు మాన్పించే ప్రయత్నం చేయాలి.

నెమ్మదిగా తగ్గించాలి.. 

పుట్టినప్పటి నుంచి పాలు తాగుతూ పెరిగిన పిల్లలతో ఒక్కసారిగా పాలు మాన్పించడం అస్సలు కుదరదు. కాబట్టి వారితో నెమ్మదిగా తగ్గించే ప్రయత్నం చేయాలి. ఇందుకోసం వారికి ఎప్పటిలాగే తరచుగా పాలివ్వడం కాకుండా నెమ్మదిగా పాలిచ్చే వ్యవధిని పెంచుతూ పోవాలి. కొన్నిరోజులయ్యాక సగానికి సగం సార్లు పాలివ్వడం ఆపేయాలి. అంటే.. రోజుకు ఓ ఐదారు సార్లు పాలిస్తున్నారనుకోండి.. ఆ సంఖ్యను తగ్గించి.. రెండుసార్లకు మించకుండా చూసుకోవాలి. ఆ మధ్యలో పిల్లలకు ఆకలైనప్పుడు వారి నోటికి రుచిగా అనిపించేలా ఏదో ఒక ఘనాహారం అందించాలి. ఇలా క్రమంగా పాలు మాన్పించాల్సి ఉంటుంది.

రుచిగా అందించండి..

ఆరు నెలల వయసు దాటిన పిల్లలకు తల్లిపాలతో పాటు ఘనాహారం కూడా పెడుతుంటారు. ఇలా పెట్టడం వల్ల సంవత్సరం దాటేసరికి వారికి ఘనాహారం అలవాటైపోతుంది. కాబట్టి వారి నోటికి రుచించేలా ఉండే పులిహోర, చారు కలిపిన అన్నం, ఇడ్లీ, దోశ.. వంటి ఆహార పదార్థాల్ని తినిపించాలి. దీంతో కడుపు నిండడమే కాదు.. పోషకాలూ అందుతాయి. అలాగే ప్రస్తుతం పిల్లల కోసం మార్కెట్లో లభించే విటమిన్లు, ఖనిజాలు నిండిన పోషకాలందించే పొడుల్ని పాలలో కలిపి తాగించడం కూడా చేయచ్చు. ఇలా వారి నోటికి రుచించే ఘనాహారం, ద్రవాహారం అందించడం వల్ల వారి మనసు తల్లిపాల నుంచి ఇతర ఆహార పదార్థాల మీదకు మళ్లే అవకాశం ఉంటుంది. ఇలా క్రమంగా చేస్తే వారితో పాలు మాన్పించడం పెద్ద కష్టమేమీ కాకపోవచ్చు. అయితే చిన్నారులకు పోషకాల పొడులను అందించే ముందు ఓసారి పీడియాట్రిషియన్ సలహా తీసుకోవడం మంచిది.

ఆ భావన కలగకుండా..

పిల్లల్ని తల్లిపాలకు దూరం చేసిన కొద్దీ వారు అభద్రతా భావానికి గురయ్యే అవకాశం ఉంటుంది. కాబట్టి వారిలో ఇలాంటి భావన రాకుండా ఉండాలంటే.. వారిని ఒక్కసారిగా పాలకు దూరం చేయకూడదు. దాంతోపాటు వారితో ఎక్కువ సయమం గడపాలి. ఆటపాటలు, నడక, మాటలు నేర్పడం.. వంటి వారికి కొత్తగా అనిపించే విషయాలతో వారిని ఎప్పుడూ బిజీగా ఉంచాలి. తద్వారా తల్లికి దూరమవుతున్నామనే భావన వారికి రాకుండా ఉంటుంది. ఇలా వారిలో కలిగే అభద్రతా భావాన్ని దూరం చేసినట్లయితే వారితో చనుబాలు సులువుగా మాన్పించచ్చు.

పొజిషన్ ఛేంజ్..

మంచంపై పడుకొని సౌకర్యవంతంగా పాలిస్తుంటే ఇక పిల్లలు పాలెలా మానతారు. కాబట్టి వారితో పాలు మాన్పించాలంటే వారికి సౌకర్యవంతంగా పాలివ్వడాన్ని తగ్గించాలి. ఇందుకోసం నిల్చుని లేదంటే కాళ్లపై పడుకోబెట్టుకొని కాసేపు పాలు పట్టడం.. మరికాసేపు ఎత్తుకొని అటూ ఇటూ తిరగడం.. వంటివి చేయాలి. ఇలా వారు తరచూ పాలు తాగే ప్రదేశం నుంచి వారిని దూరం చేయడం వల్ల కూడా వారు పాలు మానే అవకాశాలు కొంతవరకు ఉంటాయని చెప్పుకోవచ్చు.

సహజసిద్ధంగా..

పిల్లలతో పాలు మాన్పించడానికి సహజసిద్ధ పద్ధతుల్ని కూడా ప్రయత్నించచ్చు. అందుకోసం..
* కాకరకాయ లేదా వేపాకుల నుంచి తీసిన రసాన్ని కాసేపు రిఫ్రిజిరేటర్‌లో ఉంచాలి. ఈ రసాన్ని పిల్లలకు పాలిచ్చే ముందు రొమ్ములకు పూసుకోవాలి. ఇందులోని చేదు వల్ల పిల్లలు పాలు తాగడానికి అంతగా ఆసక్తి చూపకపోవచ్చు. అలాగే ఒకసారి చేసి వదిలేయడం కాకుండా తరచూ ఈ పద్ధతిని పాటించడం వల్ల కొన్ని రోజుల్లోనే పిల్లలతో పాలు తాగే అలవాటును మాన్పించచ్చు.

* వయసు పెరిగే పిల్లలతో పాలు మాన్పించడానికి శొంఠి పొడి కూడా ఉపయోగపడుతుంది. పైగా ఇది అమ్మమ్మల కాలం నుంచి ఆచరిస్తోన్న చిట్కా కూడా! శొంఠి పొడిలో కొన్ని నీళ్లు కలిపి పేస్ట్‌లాగా చేసుకోవాలి. దీన్ని పాలిచ్చే ముందు రొమ్ములకు రాసుకొని ఆ తర్వాత వారికి పాలు పట్టాలి. దీని ఘాటు వల్ల పిల్లలు మరోసారి పాలు తాగడానికి అయిష్టత చూపే అవకాశం ఉంది. ఈ పద్ధతిని తరచూ పాలిచ్చే ముందు పాటించడం వల్ల పిల్లలు త్వరలోనే పాలు మానే అవకాశం ఉంటుంది. అలాగే ఈ పదార్థాలతో పాటు నిమ్మరసాన్ని కూడా ఉపయోగించచ్చు.

ఓ వయసొచ్చాక పిల్లలతో పాలు మాన్పించడమెలాగో తెలుసుకున్నారు కదా! మరి, మీరూ మీ పిల్లల విషయంలో ఇవన్నీ పాటించి చూడండి. ఒకవేళ ఫలితం లేకపోతే సంబంధిత పోషకాహార నిపుణుల వద్దకు తీసుకెళ్తే వారేమైనా సలహాలు సూచించే అవకాశం ఉంటుంది.





women icon@teamvasundhara
four-rules-for-creative-parenting-in-telugu

మీ పిల్లల విషయంలో ఈ నాలుగు సూత్రాలు పాటిస్తున్నారా?

తమ రక్తం పంచుకుపుట్టిన బిడ్డలు ప్రయోజకులవ్వాలనే అందరు తల్లిదండ్రులు కోరుకుంటారు. అనుక్షణం కంటికి రెప్పలా కాపాడుతూ, వారికి అవసరమైనవన్నీ అందిస్తుంటారు. తమ కంటిపాప వేసే ప్రతి అడుగుకి చేయూతనందిస్తుంటారు. తామెంత కష్టపడుతున్నా.. దాన్ని తమ పిల్లలకు తెలియకుండా జాగ్రత్తపడుతుంటారు. ఈ క్రమంలో తెలిసీ తెలియక చిన్నారులు ఏవైనా పొరపాటు చేస్తే వారిని దండించైనా సరే సక్రమమైన మార్గంలో నడిచేలా జాగ్రత్త పడుతుంటారు. అయితే ఇలా ఎన్ని జాగ్రత్తలు తీసుకొన్నా సరే- కొన్ని సందర్భాల్లో పిల్లలు తప్పుదారిలో ప్రయాణించే అవకాశాలు కూడా లేకపోలేవు. అలా జరగకుండా ఉండాలంటే నాలుగు సూత్రాలు పాటించడం మంచిదని సూచిస్తున్నారు నిపుణులు. వాటి ద్వారా పిల్లలను సరైన దారిలో నడిపించడంతో పాటు.. వారిని బాధ్యతాయుతంగా కూడా తీర్చిదిద్దవచ్చట! దీనినే 'క్రియేటివ్ పేరెంటింగ్' అని కూడా పిలుస్తున్నారు. మరి, తల్లిదండ్రులంతా కచ్చితంగా పాటించాల్సిన ఆ సూత్రాలేంటో మనం కూడా తెలుసుకుందామా..

Know More

women icon@teamvasundhara
reasons-why-working-mothers-are-great-role-models

అమ్మలూ.. అందుకే మనం ఉద్యోగం మానకూడదు..!

మహిళలు కూడా పురుషులతో సమానంగా ఉద్యోగ బాధ్యతల్ని భుజాలకెత్తుకోవడం గురించి ఈ రోజుల్లో కొత్తగా చెప్పుకోవక్కర్లేదు. అందులోనూ ఈ కరోనా సృష్టించిన సంక్షోభం పుణ్యమా అని ఆడైనా మగైనా ఉద్యోగ భద్రతే ప్రశ్నార్థకంగా మారుతోంది.. అయితే సాధారణంగా కొంతమంది పెళ్త్లె, పిల్లలు పుట్టే వరకే ఉద్యోగం చేయడానికి ఆసక్తి చూపుతుంటారు. ఆ తర్వాత పిల్లల ఆలనా-పాలనా, ఇంటి బాధ్యతల దృష్ట్యా ఉద్యోగానికి రాజీనామా చేసి ఇంటికే పరిమితమైపోతుంటారు. అయితే ఇలా చేయడం కంటే పిల్లలు పుట్టాక కూడా ఉద్యోగ బాధ్యతల్ని నిర్వర్తించే అమ్మలు తమ పిల్లలకు రోల్ మోడల్‌గా మారే అవకాశాలు ఎక్కువగా ఉన్నాయని చెబుతున్నాయి కొన్ని అధ్యయనాలు. ఈ క్రమంలో తల్లులు నిర్వర్తించే ఉద్యోగ బాధ్యతలు, వర్క్-లైఫ్ బ్యాలన్స్.. వంటివన్నీ తమ చిన్నారులకూ అలవడతాయట! ఈ నేపథ్యంలో వర్కింగ్ మదర్స్ తమ విధి నిర్వహణలో భాగంగా వారి పిల్లలకు ఎలా రోల్ మోడల్‌గా మారతారో ఈ 'మదర్స్ డే' సందర్భంగా తెలుసుకోవడం సందర్భోచితం.

Know More

women icon@teamvasundhara
protocol-for-management-of-covid---19-in-the-pediatric-age-group

పిల్లలకు కరోనా వస్తే.. ఈ జాగ్రత్తలు పాటించాలి!

రెండో దశలో కొవిడ్‌ ఉనికి అంతుచిక్కకుండా తయారైంది. మన చుట్టూ ఉన్న వారిలో అసలు ఈ వైరస్‌ ఎవరికి ఉందో? ఎవరిపై ఎలా ప్రభావం చూపుతుందో? కూడా తెలియట్లేదు. ఎక్కువ శాతం యుక్తవయసులో ఉన్న వారే ఈ మహమ్మారి బారిన పడుతుండడం కలవరపెడుతోంది. అంతేకాదు.. ఈ సెకండ్‌ వేవ్‌ ప్రభావం చిన్నారుల పైన కూడా అధికంగానే ఉన్నట్లు తాజా గణాంకాలు చెబుతున్నాయి. అయినప్పటికీ వారిలో లక్షణాలు స్వల్పంగానే కనిపిస్తున్నాయని, తల్లిదండ్రులు అనవసరమైన భయాందోళనలు మానుకొని సరైన జాగ్రత్తలు తీసుకుంటే వారు ఆస్పత్రి అవసరం లేకుండా ఇంట్లోనే కోలుకోవచ్చని నిపుణులు సూచిస్తున్నారు. ఈ క్రమంలోనే కొవిడ్‌ సోకిన చిన్నారుల విషయంలో తీసుకోవాల్సిన జాగ్రత్తల గురించి కేంద్ర వైద్యారోగ్య శాఖ కూడా తాజాగా కొన్ని మార్గదర్శకాలు విడుదల చేసింది. వైరస్‌ బారిన పడిన పిల్లల్లో సాధారణంగా కనిపించే లక్షణాలేంటి? వారిని ఎప్పుడు హోమ్‌ ఐసొలేషన్‌లో ఉంచాలి? ఎలాంటి పరిస్థితుల్లో ఆస్పత్రిలో చేర్చాలి? ఒకవేళ ఇంట్లోనే ఉండి చికిత్స తీసుకుంటే తల్లులు వారి పట్ల తీసుకోవాల్సిన జాగ్రత్తలేంటి? తదితర విషయాలన్నీ ఆ గైడ్‌లైన్స్‌లో భాగంగా వివరించింది ఆరోగ్య శాఖ.

Know More

women icon@teamvasundhara
communication-mistakes-that-parents-make-in-telugu

మీ పిల్లలతో ఎలా మాట్లాడుతున్నారు?

తల్లిదండ్రులకు, పిల్లలకు మధ్య కమ్యూనికేషన్ ఎంత స్పష్టంగా ఉంటే వారి మధ్య అనుబంధం అంత దృఢమవుతుంది.. అంతేకాదు దీనివల్ల ఇద్దరి మధ్య స్నేహభావం రెట్టింపై.. పిల్లలు వారి పేరెంట్స్ దగ్గర్నుంచి నిస్సంకోచంగా బోలెడన్ని విషయాలు నేర్చుకుంటారు కూడా! ఒక రకంగా చెప్పాలంటే.. ఇలాంటి పిల్లలు భవిష్యత్తులో మరిన్ని విజయాలు కూడా సాధిస్తారట! అయితే ఇలా పిల్లలతో మంచి కమ్యూనికేషన్ ఏర్పరచుకునే క్రమంలో తల్లిదండ్రులు కొన్ని పొరపాట్లు దొర్లకుండా జాగ్రత్తపడాలని నిపుణులు చెబుతున్నారు. అప్పుడే పిల్లల్లో ఆత్మవిశ్వాసం పెరిగి.. వారిని ప్రత్యక్షంగా, పరోక్షంగా ప్రోత్సహించినట్లవుతుందట! మరి పిల్లలతో మాట్లాడేటప్పుడు తల్లిదండ్రులు దృష్టిలో ఉంచుకోవాల్సిన కొన్ని విషయాలేంటో మనం కూడా తెలుసుకుందాం రండి..

Know More

women icon@teamvasundhara
tips-to-keep-away-children-from-dehydration-in-telugu

చిన్నారులు డీహైడ్రేషన్‌కి గురి కాకుండా..

అసలే వేసవి కాలం.. ఎండలు మండిపోతున్నాయి. ఉష్ణోగ్రతలు రోజురోజుకీ పెరిగిపోతున్నాయి. ఇలాంటి వాతావరణ పరిస్థితులను పెద్దలు తట్టుకోవడమే కష్టంగా ఉంది. మరి చిన్నారులు తట్టుకోగలరా? అందుకే ఎండాకాలంలో వారి సంరక్షణ విషయంలో చాలా జాగ్రత్తగా వ్యవహరించాలి. చిన్నారులు ఆటల్లో పడి ఎండ తీవ్రత తమపై పడుతుందన్న విషయాన్ని వారు పట్టించుకోరు. ఫలితంగా డీహైడ్రేషన్‌కి గురవుతారు. అలాగని చిన్నారుల మానసిక వికాసానికి తోడ్పడే ఆటల నుంచి వారిని దూరం చేయలేం కదా.. అందుకే ఎండ ప్రభావం వారిపై పడకుండా.. వారు డీహైడ్రేషన్‌కి గురికాకుండా.. ఎలాంటి జాగ్రత్తలు పాటించాలో తెలుసుకుందామా..

Know More

women icon@teamvasundhara
tips-to-follow-of-you-have-toddlers-in-telugu
women icon@teamvasundhara
take-these-precautions-while-expressing-and-storing-breast-milk

తీసిన తల్లి పాలను ఎలా భద్రపరచాలో మీకు తెలుసా?!

ఆరు నెలల దాకా తల్లి పాలే పిల్లలకు అన్నం, నీళ్లు.. అన్నీ! వీటి ద్వారానే పసివారికి కావాల్సిన పోషకాలన్నీ అందుతాయి. ఇలాంటి అమృతధారలు చిన్నారులకు అందాలన్న ముఖ్యోద్దేశంతోనే చాలా దేశాల్లో కొత్తగా తల్లైన మహిళలకు కనీసం ఆరు నెలల పాటు ప్రసవానంతర సెలవులు అందిస్తోన్న విషయం తెలిసిందే! అలాగని ఆరు నెలలే తల్లులు పాలివ్వాలన్న రూలేమీ లేదు. కొంతమంది ఏడాది పాటు, మరికొందరు రెండేళ్ల దాకా తమ చిన్నారులకు తల్లిపాలు పడుతూనే ఉంటారు. ఈ క్రమంలో ఇంట్లో ఉండే తల్లులకైతే ఏ ఇబ్బందీ ఉండదు. అదే వృత్తి ఉద్యోగాల్లో కొనసాగే వారు నిరంతరాయంగా తమ పిల్లలకు పాలివ్వాలంటే కష్టమే! ఈ ఉద్దేశంతోనే తల్లిపాలను భద్రపరిచే పద్ధతి ఇటీవలి కాలంలో బాగా ప్రాచుర్యంలోకి వచ్చింది. అయితే ఇలా తల్లి రొమ్ము నుంచి సేకరించిన పాలను భద్రపరచడం, వాటిని తిరిగి పిల్లలకు పట్టించడం.. వంటి విషయాల్లో కొన్ని జాగ్రత్తలు పాటించాలని సూచిస్తోంది సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ. అప్పుడే ముందస్తుగా భద్రపరిచినా అందులోని పోషకాలన్నీ చిన్నారులకు చక్కగా అందుతాయని చెబుతోంది. మరి, ఇంతకీ ఏంటా జాగ్రత్తలు? తెలుసుకుందాం రండి...

Know More

women icon@teamvasundhara
new-covid-19-variant-infects-kids-easily-here-are-signs-and-symptoms-to-look-out-for

పిల్లలపై కరోనా ప్రభావం: ఈ జాగ్రత్తలు పాటించాల్సిందే!

పగోడికైనా తమ శత్రువు కష్టాల్లో ఉంటే కాస్తైనా కనికరం కలుగుతుందేమో గానీ.. మాయదారి కరోనా మహమ్మారికి అది కూడా లేకుండా పోయింది. ప్రస్తుతం దేశంలో అత్యంత దయనీయమైన పరిస్థితులు ఇందుకు ప్రత్యక్ష నిదర్శనంగా నిలుస్తున్నాయి. భయం వల్లో, ఎవరి జాగ్రత్తల్లో వారు ఉండడం వల్లో మొదటి దశలో కరోనా భారీ ముప్పు నుంచి తప్పించుకున్నాం.. కానీ ఇప్పుడు పరిస్థితి చేయి దాటిపోయింది. రెండో దశలో కళ్లు మూసి తెరిచే లోగా ఈ వైరస్‌ వేలాది మందికి వ్యాపిస్తోంది. వీరిలో పెద్దలే కాదు.. అభం శుభం తెలియని చిన్నారులూ ఎక్కువగానే ఉండడం తల్లిదండ్రుల్ని ఆందోళనకు గురి చేస్తోంది. మొదటి దశలో పిల్లలపై పెద్దగా ప్రభావం చూపని కొవిడ్‌.. ఇప్పుడు వారిపైనా విరుచుకుపడుతోంది. గతేడాదితో పోల్చితే ఈ కేసుల సంఖ్య రెండింతలుగా ఉందని నిపుణులు చెబుతున్నారు. మరి, ఎందుకిలా జరుగుతోంది? కొవిడ్‌ సోకిన చిన్నారుల్లో ఎలాంటి లక్షణాలు కనిపిస్తున్నాయి? ఈ ఇన్ఫెక్షన్‌ ప్రభావం వారిపై ఎంతవరకు ఉంటుంది? ఈ క్రమంలో తల్లిదండ్రులు ఎలాంటి జాగ్రత్తలు తీసుకోవాలి?.. తదితర విషయాలపై నిపుణులేమంటున్నారో తెలుసుకుందాం రండి..

Know More

women icon@teamvasundhara
breastfeeding-tips-for-new-mothers-in-telugu

పాలిచ్చే తల్లులూ.. ఈ విషయాల్లో జాగ్రత్త!

పసి పిల్లలకు తల్లిపాలే ప్రాణాధారం అన్న విషయం తెలిసిందే. అందుకే అప్పుడే పుట్టిన పిల్లల దగ్గర్నుంచి వారికి సంవత్సరం లేదా సంవత్సరంన్నర వయసొచ్చేదాకా తల్లులు పాలిస్తూనే ఉంటారు. ఇది కేవలం బిడ్డకే కాదు.. తల్లి ఆరోగ్యానికీ ఎంతో మంచిది. అయితే ఈ సమయంలో తల్లి చేసే కొన్ని పనులు బిడ్డ ఆరోగ్యంపై ప్రభావం చూపుతాయి. ఉదాహరణకు.. చిన్న చిన్న అనారోగ్యాలకే మాత్రలు మింగడం, చక్కెరలు అధికంగా ఉండే ఆహార పదార్థాలు తీసుకోవడం.. వంటి వాటివల్ల చిన్నారులకూ పలు ఆరోగ్య సమస్యలు తలెత్తే అవకాశం ఉంటుంది. అందుకే పాలిచ్చే తల్లులు కొన్ని అంశాల్లో తగిన జాగ్రత్తలు పాటించడం ఇటు తల్లికీ, అటు పాపాయికీ.. ఇద్దరికీ మంచిది. మరి, బ్రెస్ట్‌ఫీడింగ్ మదర్స్ ఏయే విషయాల్లో జాగ్రత్త వహించాలో తెలుసుకుందాం రండి...

Know More

women icon@teamvasundhara
corona-virus-covid-19-hygiene-rules-for-babies-every-mom-should-follow

కరోనా నుంచి చంటి పిల్లలను కంటికి రెప్పలా కాచుకోండి!

కరోనా సెకండ్ వేవ్ వేగంగా విజృంభిస్తోంది. దీంతో ప్రతి ఒక్కరూ భయభ్రాంతులకు గురవుతున్నారు. సంపూర్ణ ఆరోగ్యంగా ఉన్న వారే ఈ వైరస్ బారిన పడి డీలా పడిపోతున్నారంటే.. ఇక రోగనిరోధక శక్తి తక్కువగా ఉండే గర్భిణులు, చిన్నారులు, వృద్ధుల పరిస్థితి చెప్పనక్కరలేదు. అయితే రోజుల, నెలల పిల్లలు కూడా ఈ మహమ్మారి చేతికి చిక్కుతున్నారని వింటున్నాం. అందుకే పసి పిల్లల విషయంలో తల్లులు చాలా జాగ్రత్తలు తీసుకోవాలని పిల్లల వైద్య నిపుణులు సూచిస్తున్నారు. మరి కనికరం లేకుండా అందరినీ కబళిస్తోన్న ఈ కరోనా వైరస్ నుంచి చంటి పిల్లలను కాపాడుకునేందుకు తల్ల్లులు ఏం చేయాలో తెలుసుకుందాం రండి..

Know More

women icon@teamvasundhara
five-year-old-girl-sets-world-record-by-reading-36-books-in-just-two-hours

రెండు గంటల్లోపే 36 పుస్తకాలను చదివేసింది!

ప్రస్తుత సాంకేతిక ప్రపంచంలో పిల్లల నుంచి పెద్దల వరకూ అందరూ ఆన్‌లైన్‌లోనే గడిపేస్తున్నారు. ఉదయం నిద్ర లేచింది మొదలు రాత్రి పడుకునే వరకు కంప్యూటర్లు, సెల్‌ఫోన్స్‌కే అతుక్కుపోతున్నారు. ఇక చిన్నపిల్లల సంగతైతే చెప్పక్కర్లేదు. వీడియో గేమ్స్‌ అంటూ నిత్యం సెల్‌ఫోన్లు, ల్యాప్‌టాప్‌లు పట్టుకుని వేలాడుతుంటారు. దీనికి తోడు కరోనా తెచ్చిన ఆన్‌లైన్ క్లాసులతో పుస్తక పఠనానికి క్రమంగా దూరమవుతున్నారు పిల్లలు. ఇటువంటి పరిస్థితుల్లో అబుదాబికి చెందిన ఓ ఐదేళ్ల చిన్నారి పుస్తకాల పురుగుగా మారిపోయింది. కేవలం రెండు గంటల్లోపే 36 పుస్తకాలను చదివేసి అందరినీ ఆశ్చర్యపరిచింది. ఈ క్రమంలో అతిపిన్న వయసులో వరల్డ్‌ బుక్‌ ఆఫ్‌ రికార్డ్స్‌, ఆసియా బుక్‌ ఆఫ్‌ రికార్డ్స్‌లో చోటు దక్కించుకుంది.

Know More