నమస్తే మేడమ్‌.. మా బాబు వయసు 11 సంవత్సరాలు.. వాడు యూట్యూబ్‌లోనే ఎక్కువ సమయం గడుపుతున్నాడు. రోజుకి 5 నుంచి 6 గంటలు యూట్యూబ్‌లో గేమ్స్‌కి సంబంధించిన వీడియోలు, ఫన్నీ వీడియోలు చూస్తుంటాడు. ఆన్‌లైన్ క్లాసులు, ఉపయోగపడేవి చూడమని ఎన్ని సార్లు చెప్పినా అస్సలు వినడు. ఒక్కోసారి చిరాకు వచ్చేంత వరకు ఫోన్‌ చూస్తుంటాడు. ఎంత సున్నితంగా, అర్థమయ్యేలా చెప్పినా యూట్యూబ్‌ చూడడం మాత్రం మానడం లేదు. బయటికి వెళ్లినప్పుడు స్నేహితులతో బాగానే ఆడుకుంటాడు. కానీ, ఇంటికి రాగానే ఫోన్ పని మీదనే ఉంటాడు. దీనివల్ల చదువులో వెనకపడతాడేమో.. వాడిలో సహనం తగ్గిపోతుందేమో అని భయంగా ఉంది. ఏదైనా సలహా ఇవ్వగలరు. - ఓ సోదరి

మీ పిల్లలు చిన్నవయసు నుంచే క్రమంగా బరువు పెరుగుతున్నారా? అయితే టీనేజ్‌కి వచ్చేసరికి వారు స్థూలకాయులుగా మారే అవకాశం ఉందంటోంది ఓ తాజా అధ్యయనం. ఎందుకంటే టీనేజ్‌లోకి వచ్చే సరికి వారి శరీరంలో క్యాలరీలు కరగడం చాలావరకు తగ్గుతుందట. ఈ సమయంలో సరైన వ్యాయామం లేకపోవడం, క్యాలరీలు అధికంగా ఉండే ఆహారం తీసుకోవడం.. వంటివన్నీ ఇందుకు కొన్ని కారణాలుగా వారు గుర్తించారు. కాబట్టి బరువు విషయంలో చిన్నతనం నుంచే జాగ్రత్తగా ఉండడం మంచిది. తద్వారా టీనేజీలో ఎదురయ్యే స్థూలకాయం, ఇతర ఆరోగ్య సమస్యల బారి నుంచి కూడా దూరంగా ఉండచ్చు. మరి అందుకు ఏం చేయాలో తెలుసుకుందాం రండి.

వినాయక చవితి అంటేనే పిల్లల పండగ.. ఒకప్పుడు పూజకి అవసరమైన పత్రి దగ్గర్నుంచి పూలు, పండ్లు.. అన్నీ వారే వూరు- వాడ, కొండ-కోన గాలించి మరీ సేకరించి తీసుకొచ్చేవారు. కానీ రాన్రానూ ఈ పద్ధతుల్లో మార్పు వచ్చింది. పత్రులు, పువ్వులు.. మొదలైనవి సేకరించడం మాట పక్కన పెడితే అసలు వాటి గురించి కూడా ఇప్పటి పిల్లలకు ఏమాత్రం అవగాహన లేదు. ఈ నేపథ్యంలో వినాయక చవితి సందర్భంగా బుజ్జాయిలతో ప్రత్యేకంగా కొన్ని పనులు చేయించడం ద్వారా ఈ పరిస్థితుల్లో మార్పు వచ్చే అవకాశం ఉంది. మరి, అవేంటో చూద్దామా?

రుతుక్రమం.. ఆడపిల్లలు బాల్యం నుంచి యుక్తవయసులోకి అడుగిడే దశకు సూచన. సాధారణంగా చాలామంది ఆడపిల్లల్లో 10 నుంచి 13 ఏళ్ల మధ్య రుతుచక్రం ప్రారంభమవుతుంది. అయితే కొంతమందికి ఇంతకంటే ముందుగానే.. అంటే దాదాపు 8 ఏళ్ల వయసులోనే లేదంటే 13 ఏళ్ల తర్వాతనైనా.. నెలసరి కావడం మొదలవ్వచ్చు. ఏదేమైనా పిరియడ్ మొదలయ్యే క్రమంలో ఆడపిల్లల శరీరంలో పలు మార్పులు చోటుచేసుకోవడం సర్వసాధారణం. తల్లులు ఆ మార్పులను ఎప్పటికప్పుడు గమనిస్తూ.. వాటి గురించి వారికి వివరించడం ఎంతో ముఖ్యం. అంతేకాదు.. ఆయా సమయాల్లో పాటించాల్సిన జాగ్రత్తల గురించి వారికి అన్ని వివరాలు ముందుగానే తెలియజేయాల్సిన బాధ్యత తల్లిదే.

అధిక బరువు వల్ల ఎలాగైతే పలు రకాల ఆరోగ్య సమస్యలు వస్తాయో.. అలాగే బరువు తక్కువగా ఉండడం వల్ల కూడా వెంటాడే ఆరోగ్య సమస్యలు బోలెడుంటాయి. ఇది కేవలం పెద్దవాళ్లకే కాదు.. పిల్లలకీ వర్తిస్తుంది. చాలామంది తల్లిదండ్రులు వారి బుజ్జాయిల బరువు గురించి బాధపడుతూ ఉంటారు. 'మా పాప చాలా సన్నగా, బరువు తక్కువగా ఉందండీ.. దీంతో ఐదేళ్లొచ్చినా రెండేళ్లమ్మాయిలా కనిపిస్తుంది. తన బరువు పెంచాలంటే ఏం చేయాలో తోచట్లేదు.. మీకేమైనా అవగాహన ఉంటే కాస్త చెప్పండీ..' అంటూ ఇరుగుపొరుగు వారిని సలహాలు అడుగుతుంటారు. అయితే అనారోగ్యకర సలహాల వల్ల పిల్లలు బరువు పెరగకపోవడమే కాకుండా, వారి ఆరోగ్యానికీ మంచిది కాదు. కాబట్టి వారిని ఓసారి పోషకాహార నిపుణుల వద్ద చూపించి, వారు బరువు పెరగడానికి నిపుణులు సూచించిన సలహాలను క్రమం తప్పకుండా పాటించాలి. తద్వారా పిల్లలు తక్కువ బరువు నుంచి బయటపడగలిగే అవకాశం ఉంటుంది. ఈ క్రమంలో మరీ తక్కువ బరువున్న పిల్లలు బరువు పెరగాలంటే వారి రోజువారీ అలవాట్లు ఎలా ఉండాలో తెలుసుకుందాం...

మనం తీసుకునే ఆహారం అటు శారీరకంగానే కాదు.. ఇటు మానసికంగానూ ప్రభావం చూపుతుంది. అయితే చాలామంది తల్లిదండ్రులు మాత్రం తమ పిల్లల విషయంలో ఆరోగ్యకరమైన ఆహార నాణ్యతా ప్రమాణాలను పాటించలేకపోతున్నారు. ఎందుకంటే తమకు పెట్టే ఆహారం రుచించక ఎక్కువశాతం మంది పిల్లలు భోజనం చేసే విషయంలో తల్లుల్ని తెగ విసిగిస్తుంటారు. వాళ్లకు ఇష్టమైనవైతేనే నోరు తెరుస్తారు.. లేదంటే మూతి తిప్పేస్తుంటారు. ఇక జంక్‌ ఫుడ్‌ అంటే లొట్టలేసుకుంటూ మన దగ్గరికి వచ్చేస్తారు. అయితే తమ చిన్నారుల దృష్టిని వీటిపై నుంచి మరల్చడంలో తల్లిదండ్రులు విఫలమవుతున్నారనే చెప్పాలి. ఎందుకంటే బయటికి వెళ్లిన ప్రతిసారీ చిప్స్‌, బిస్కట్స్‌, పిజ్జా, బర్గర్‌ అంటూ వారికి అలవాటు చేయడంతో ఇంటి ఆహారం వారికి నచ్చట్లేదు. కాబట్టి ఈ అలవాటు మాన్పించాలంటే.. పిల్లల కంటికి నచ్చేలా కాదు.. నోటికి రుచించేలా ఆరోగ్యకరమైన ఆహారాన్ని అందివ్వడం తల్లుల బాధ్యత. అందుకు మనం ఏం చేయాలో ఇప్పుడు చూద్దాం..

శ్రీనిత కూతురు శ్రీజ ఇప్పుడు పది పరీక్షలకు సన్నద్ధమవుతోంది. కరోనా కారణంగా పరీక్షలు ఆలస్యంగా జరుగుతుండడంతో ప్రస్తుతం ప్రిపరేషన్‌లో నిమగ్నమైంది. అయితే తాను బ్రిలియంట్‌ స్టూడెంటే అయినా ఈ కరోనా సమయంలో పరీక్షలు ఎలా రాస్తానో అని భయపడుతోంది. మరో నాలుగు రోజుల్లో ప్రారంభం కానున్న పదో తరగతి పరీక్షలకు సన్నద్ధమవుతున్నాడు శ్రీకర్‌. ఓవైపు చదువు, చదువు అంటూ పేరెంట్స్‌ ఒత్తిడితో తాను సతమతమవుతుంటే.. మరోవైపు ఈ కరోనా సమయంలో తన కొడుకు బయటికి వెళ్లి పరీక్షలెలా రాస్తాడోనన్న భయం శ్రీకర్‌ వాళ్లమ్మ సంధ్యలో కొట్టొచ్చినట్లు కనిపిస్తోంది. ఇది శ్రీకర్‌లో ఆందోళనను మరింతగా పెంచుతోంది. ఇలా బోర్డ్‌ ఎగ్జామ్స్‌ అనగానే.. అటు పిల్లల్లో, ఇటు తల్లిదండ్రుల్లో ఏదో తెలియని భయాందోళనలు కలగడం సహజం. దీనికి తోడు ప్రస్తుతం ప్రతి ఒక్కరిలో కరోనా భయం అలుముకుంది. అయితే కరోనా కారణంగా వాయిదా పడిన పదో తరగతి పరీక్షలు మరో నాలుగు రోజుల్లో ప్రారంభం కానున్నాయి. అలాగే ఇన్నాళ్లూ వాయిదా పడ్డ వివిధ ప్రవేశ పరీక్షలు కూడా జరగబోతున్నాయి. ఈ నేపథ్యంలో రోజులు కరుగుతున్న కొద్దీ.. పరీక్షలెలా రాస్తామో అన్న భయం అటు పిల్లల్లో, ఈ కరోనా కాలంలో తమ పిల్లలు సురక్షితంగా పరీక్షలు రాస్తారో, లేదోనన్న ఆందోళన అటు తల్లిదండ్రుల్లో నెలకొంది. అయితే ఉన్న సమయాన్ని సద్వినియోగం చేసుకుంటూ చక్కగా ప్రిపేరవడంతో పాటు వ్యక్తిగత పరిశుభ్రత పాటించడం వల్ల ఈ ప్రతికూల పరిస్థితుల్లోనూ విజయవంతంగా పరీక్షలు రాయచ్చంటున్నారు పిల్లల మానసిక నిపుణురాలు డాక్టర్‌ మండాది గౌరీదేవి. ఈ సమయంలో అటు పిల్లలు, ఇటు తల్లిదండ్రులు పాటించాల్సిన కొన్ని చిట్కాల గురించి ‘వసుంధర.నెట్‌’తో ఇలా పంచుకున్నారు.

స్వచ్ఛమైన మనసు, అమాయకత్వం చిన్నారుల సొంతం. అందుకే పిల్లలు మాట్లాడుతుంటే ఎంతో ముద్దుగా ఉంటుంది. ఇక నిష్కల్మషమైన పసిపిల్లల బోసి నవ్వు ఎలాంటి బాధనైనా ఇట్టే మరిపిస్తుంది. ప్రస్తుతం కరోనా ప్రభావంతో అందరి మోముపై చిరునవ్వు మాయమైపోయింది. ఈ పరిస్థితుల్లో ఓ బుడ్డోడు పగలబడి నవ్వుతూ అందర్నీ నవ్విస్తున్నాడు. కిలకిలా నవ్వుతూ కరోనా భయాన్ని మరిచిపోయేలా చేస్తున్నాడు. బాలీవుడ్‌ దిగ్గజం అమితాబ్‌ బచ్చన్‌ లాంటి ప్రముఖులు సైతం ఆ పిల్లాడి బోసి నవ్వుకు ఫిదా అవుతున్నారు. మరి ఆ నవ్వు వెనక ఉన్న అసలు కథే ఏంటో చూద్దాం రండి...

చిన్న పిల్లలంటేనే అల్లరికి కేరాఫ్‌ అడ్రస్‌. వారు చేసే అల్లరి పనులు కొన్నిసార్లు శృతి మించుతుంటాయి కూడా. ఇక ఈ లాక్‌డౌన్‌ సమయంలో అయితే వారి అల్లరికి అడ్డుకట్ట వేయలేకపోతున్నారు చాలామంది తల్లిదండ్రులు. దీంతో ఓపిక నశించిపోయి వారిపై చేయి చేసుకునే పేరెంట్స్‌ మనలో చాలామందే! అయితే చిన్నారులు అల్లరి చేస్తే వారిని దండించాలా? వారికి నచ్చచెబుతూ దారిలోకి తెచ్చుకోలేమా? అంటే కచ్చితంగా తెచ్చుకోగలం.. అయితే అందుకోసం కొన్ని చిట్కాలు పాటించాలంటున్నారు పిల్లల మానసిక నిపుణులు.

కరోనా నుండి మనల్ని మనం కాపాడుకోవడానికి ప్రస్తుతం మన ముందున్న ఏకైక మార్గం ‘లాక్‌డౌన్‌’ మాత్రమే. అందువల్ల దేశంలో విద్యాసంస్థలతో పాటు.. కార్యాలయాలు, వ్యాపార సంస్థలు సకలం మూతపడ్డాయి. ఈ కారణంగా పిల్లలు ఇల్లు దాటకుండా వారి చుట్టూ లక్ష్మణ రేఖ గీయడం.. అదే సమయంలో కొందరు తల్లిదండ్రులు ఇంటి నుండి పనిచేయాల్సి రావడం వల్ల తల్లిదండ్రులకు కొత్త చిక్కులు వచ్చిపడుతున్నాయి. అటు పిల్లలను సముదాయిస్తూ, ఆడిస్తూనే.. ఇటు ఆఫీస్‌ పని చేసుకోవాల్సిన పరిస్థితి ఏర్పడింది. ఇలా రెండింటినీ బ్యాలన్స్‌ చేయాలంటే ఎంతో చాకచక్యత, ప్రణాళిక అవసరం. ఈ నేపథ్యంలో ఓవైపు వర్క్‌ ఫ్రమ్‌ హోమ్‌ చేస్తూనే.. మరోవైపు పిల్లల ఆలనా పాలన చూసుకోవాలంటే తల్లులు ఎలాంటి టిప్స్‌ పాటించాలో ఇప్పుడు తెలుసుకుందాం..

కరోనా వైరస్‌ ప్రపంచాన్ని అతలాకుతలం చేస్తోంది. ప్రస్తుతం గడప దాటి అడుగు బయట పెట్టే పరిస్థితి లేదు. లాక్‌డౌన్‌ నేపథ్యంలో అందరూ ఇళ్లకే పరిమితమయ్యారు. ఈ కుటుంబ సభ్యులతోనే కాలక్షేపం చేస్తున్నారంతా. అయితే ఈ అనుకోని సెలవుల వల్ల మొదట్లో పెద్దగా ఇబ్బంది కలగకపోయినా.. రాన్రానూ ప్రజల్లో అసహనం పెరిగిపోతోంది. చాలా రోజుల పాటు ఇంటికే పరిమితమవడంతో బోర్‌గా ఫీల్‌ అవుతున్నారు. ఇక చిన్నారుల గురించి ప్రత్యేకంగా చెప్పాల్సిన పనిలేదు. ఎప్పుడూ జాలీగా తోటి పిల్లలు, ఫ్రెండ్స్‌తో కలిసి ఆడుకునే వారు ఒక్కసారిగా ఇంట్లో బందీలుగా మారిపోయారు. అయితే ఇలాంటి పరిస్థితులు కాలక్రమేణా ఇటు మనలో, అటు చిన్నారుల్లో మానసిక సమస్యలకు కారణమయ్యే అవకాశం ఉందని చెబుతున్నారు మానసిక నిపుణులు. అందుకే వారిని ఖాళీగా ఉంచకుండా ఏదో ఒక పనిలో బిజీగా ఉంచమని, వారిలో క్రియేటివిటీని పెంపొందించే, ఫన్‌ని అందించే ఆటల్ని ఇంట్లోనే వారిచే ఆడించమని సలహా కూడా ఇస్తున్నారు. మరి, అటు చిన్నారులతో పాటు ఇటు పెద్దల్లోనూ ఉత్సాహాన్ని నింపే అలాంటి కొన్ని ఇండోర్‌ గేమ్స్‌ గురించి ఇప్పుడు తెలుసుకుందాం..

సమీరా రెడ్డి.. సోషల్‌ మీడియాలో ఎప్పుడూ యాక్టివ్‌గా ఉంటూ ఎప్పటికప్పుడు తన వ్యక్తిగత విషయాలతోపాటు.. పోస్ట్‌ ప్రెగ్నెన్సీ డిప్రెషన్‌, బాడీ పాజిటివిటీ, బ్రెస్ట్‌ ఫీడింగ్‌, పిల్లల పెంపకానికి సంబంధించిన స్ఫూర్తిదాయకమైన పోస్ట్‌లను పెడుతూ అందరిలో ప్రేరణ నింపుతుంటుంది సమీర. లాక్‌డౌన్‌ కారణంగా దేశంలోని ప్రజలంతా ఇంటికే పరిమితమైన నేపథ్యంలో.. ఇంట్లోనే ఉంటున్న తల్లులకు తన పోస్ట్‌ల రూపంలో టిప్స్‌ని షేర్‌ చేస్తోంది ఈ బ్యూటివుల్‌ మామ్‌. లాక్‌డౌన్‌ నేపథ్యంలో ఇంట్లోనే ఉండడం వల్ల ఒత్తిడికి గురయ్యే అవకాశాలు ఉంటాయి. దాని నుండి బయటపడడానికి ప్రణాళికను ఎలా సిద్ధం చేసుకోవాలో కొన్ని టిప్స్‌ని పంచుకుంది సమీర.. అంతేకాదు.. పెద్దల పరిస్థితే ఇలా ఉంటే ఇంట్లో ఉండే పిల్లల గురించి ఆలోచించాలని చెప్తోంది. పిల్లలు సైతం మానసిక ఒత్తిడికి గురవుతారని తన స్వానుభవాన్ని వివరిస్తోంది. అంతేకాకుండా.. పిల్లల పరిస్థితిని గుర్తించడానికి సూచనలు.. దాని నుండి పిల్లలను కాపాడుకునే మార్గాలను సూచిస్తోందీ చబ్బీ బ్యూటీ.. మరి ఆ టిప్స్‌ ఏంటో తెలుసుకుని మనమూ పాటిద్దాం రండి..

బాల్యం అంటే ఎవరికైనా మధుర జ్ఞాపకం. అయితే తలలు అతుక్కుని పుట్టిన వీణా-వాణీలకు మాత్రం అదొక చేదు జ్ఞాపకం. వారు మూడేళ్ల వయసులోనే అమ్మానాన్నల అనురాగానికి దూరమయ్యారు. బాగోగులు అడిగే బంధువులు, సరదాగా ఆడుకోవడానికి స్నేహితులు కూడా రారు. అలా అదృష్టానికి ఆమడదూరంలో, అనుక్షణం నరకంలో పెరుగుతున్న ఆ చిన్నారులు తాజాగా పదో తరగతి పరీక్షలకు హాజరయ్యారు.

అమెరికా అధ్యక్షుడు ట్రంప్‌ కుటుంబ సమేతంగా ఇటీవలే భారత పర్యటనకు వచ్చి వెళ్లిన విషయం తెలిసిందే. వీళ్లు దిల్లీలో పర్యటించిన ఆ రెండురోజులూ అక్కడే కాదు.. దేశమంతా సందడి నెలకొంది. అయితే ఈ పర్యటనలో భాగంగా రెండో రోజు ట్రంప్‌ సతీమణి, అమెరికా ప్రథమ మహిళ.. మెలానియా ట్రంప్‌ దిల్లీ మోతీబాగ్‌లోని సర్వోదయ పాఠశాలను సందర్శించారు. అక్కడి విద్యార్థులు ఆమెను సంప్రదాయబద్ధంగా, ఎంతో ఆత్మీయంగా స్వాగతించారు. ఆపై అక్కడి విద్యార్థులు చేసిన నృత్యాలు, పాఠశాలలో నిర్వహించే ‘హ్యాపీనెస్‌ కరిక్యులం’ క్లాసులు ఆమెను ఎంతగానో ఆకట్టుకున్నాయి. ఈ నేపథ్యంలో భారత పర్యటన తనకెన్నో మధురానుభూతుల్ని మిగిల్చిందని, ముఖ్యంగా సర్వోదయ పాఠశాలలోని విద్యార్థులు, అక్కడి హ్యాపీనెస్‌ తరగతులు తనలో ఎంతగానో స్ఫూర్తి నింపాయని అమెరికాకు వెళ్లాక ట్వీట్ల మీద ట్వీట్లు చేశారు మెలానియా. అంతేకాదు.. ఈ క్రమంలో ఆమె ఆనందాన్ని ఇలా పంచుకున్నారు.

స్వచ్ఛమైన మనసు, అమాయకత్వం కలగలిసిన పిల్లలు మాట్లాడుతుంటూనే ఎంతో ముద్దుగా ఉంటుంది. ఇక నిష్కల్మషమైన వారి చిరునవ్వు ఎలాంటి బాధనైనా మరిపిస్తుంది. మాటల్లో సహజత్వం, చూపుల్లో అమాయకత్వంతో కూడిన పిల్లలు ఏ పనిచేసినా చూడడానికి చాలా ముచ్చటేస్తుంటుంది. ఈ క్రమంలో పసిఛాయలు కూడా పోని ఇద్దరు చిన్నారులు తమ గాన ప్రతిభతో సోషల్‌ మీడియాలో ట్రెండింగ్‌లో నిలిచారు. కూనిరాగాలు తీసే వయసులో ఒకరేమో ప్రొఫెషనల్‌ సింగర్‌లా పాట పాడగా, మరో చిన్నారి ప్రిన్సెస్‌లా మారి క్యూట్‌గా పాటలు పాడి అలరించింది. మరి నెట్టింట్లో వైరలవుతోన్న ఈ ఇద్దరు చిన్నారుల గాత్రాన్ని మనం కూడా విందాం రండి..!

సుమిత్రకి ఇద్దరు పిల్లలు. కొడుకు పదో తరగతి, కూతురు ఇంటర్‌ రెండో సంవత్సరం. పరీక్షల హడావుడి మొదలు కాగానే సుమిత్ర పడే ఆందోళన పెరిగిపోయింది. ఇంట్లో కేబుల్‌, వైఫై కనెక్షన్లు తీసేయడం, రోజుకో గుడికి వెళ్లి పూజలు చేయడం, పిల్లలకు కఠిన నియమాలు పెట్టి వారిని ప్రత్యేకంగా చదివించడం మొదలుపెట్టింది. పరీక్షల్లో మంచి మార్కులు, ర్యాంకులు రావాలని వారిపై ఒత్తిడి పెంచింది. పరీక్షలు దగ్గరపడేకొద్దీ పిల్లలు మరింత ఆందోళనకు గురై సరిగ్గా చదవలేక సబ్జెక్టులు తప్పారు.

అమెరికా నుంచి అనకాపల్లి వరకూ ‘డేకేర్‌ సెంటర్‌’లు ఇప్పుడు సర్వసాధారణమైపోయాయి. ఉద్యోగాల కారణంగా భార్యాభర్తలిద్దరూ బయటకు వెళుతుండడం, ఇంట్లో చిన్నారులను చూసుకోవడానికి పెద్దవాళ్లెవరూ లేకపోవడంతో మరో మార్గం లేక చిన్నారులను డేకేర్‌ సెంటర్లలో చేర్పిస్తున్నారు. వేలకు వేలు పోసి మరీ ఇలాంటి సెంటర్లలో పిల్లల్ని చేర్పిస్తున్నారు సరే... మరి వాటి నిర్వాహకులు మీ పిల్లలను ఎంత వరకు జాగ్రత్తగా చూసుకుంటున్నారని మీరెప్పుడైనా ఆలోచించారా? ఇప్పటికే వెలుగులోకి వచ్చిన కొన్ని డేకేర్‌ సెంటర్ల సిబ్బంది నిర్వాకాలు చిన్నారుల భద్రతను ప్రశ్నార్థకం చేస్తున్నాయి. పువ్వుల్లో పెట్టుకొని చూసుకోవాల్సిన చేతులే వారి పాలిట నిర్లక్ష్యంగా వ్యవహరిస్తున్నాయి. ఈక్రమంలోనే తాజాగా అమెరికాలోని ఫ్లోరిడాలో ఒక డేకేర్‌ సెంటర్‌ టీచర్‌ ఓ చిన్నారి పట్ల చూపిన అలక్ష్యం పైత్యానికి పరాకాష్టగా నిలిచింది. అయితే ఆ చిన్నారి తల్లి మాత్రం అందరిలా ఊరుకోలేదు.. ఆ టీచర్‌ బాగోతాన్ని సోషల్‌ మీడియా వేదికగా ప్రపంచానికి తెలియజేసింది. మరి ఆ టీచర్‌ అంతలా చేసిన పనేంటో తెలుసుకోవాలని ఉందా? అయితే స్టోరీలోకి వెళ్దాం పదండి.

ఇంట్లో కూతురు పుట్టిందంటే ‘ మా అమ్మే మళ్లీ పుట్టింది’ , ‘మా ఇంట మహాలక్ష్మి అడుగుపెట్టింది’ అని అనుకుంటారు చాలామంది తండ్రులు. ఆ క్షణం మొదలు తన చిట్టితల్లికి అందమైన జీవితం అందించాలని ఆరాటపడతారు. అనునిత్యం ఆమె వెన్నంటే ఉండి..అన్ని విషయాల్లోనూ ప్రోత్సాహిస్తుంటారు. ఇక తమ కూతురి కళ్లల్లో ఆనందం చూడడానికి నిత్యం సర్‌ప్రైజ్‌లు ఇవ్వడం నాన్నలకు అలవాటే. ఈ క్రమంలో అరుదైన వ్యాధితో బాధపడుతున్న తన కూతురు పెదాలపై చిరునవ్వును చూసేందుకు ఓ తండ్రి చేసిన వినూత్న ప్రయత్నం ప్రస్తుతం సోషల్‌ మీడియాలో ట్రెండింగ్‌గా మారింది.

ఈ సృష్టిలో ప్రతి మనిషికీ తొలి గురువు తల్లే. ఎవరైనా సరే.. పుట్టిన క్షణం నుంచి తల్లితోనే తన ప్రయాణాన్ని మొదలు పెడతారు.. ఆమె ప్రేమ, ఆప్యాయతలను ఆస్వాదిస్తూ ఆమె ఆలనలో ఎన్నో విషయాలు నేర్చుకుంటారు. అందుకే ప్రపంచంలో తల్లి ప్రేమకు ప్రత్యామ్నాయం మరొకటి ఉండదని చెప్పడం అతిశయోక్తి కాదు. ఇలా తల్లి తన పిల్లలకు కేవలం ప్రేమానురాగాల్ని పంచడమే కాదు.. తన చిన్నారుల కోసం ఎన్నో పాత్రలను పోషిస్తుంటుంది. బిడ్డ ఏడిస్తే లాలి పాట పాడే గాయనిగా మారుతుంది.. అన్నం తిననని మారాం చేస్తే కథలు చెప్పే గురువు అవుతుంది.. తప్పు చేస్తే మందలించే శ్రేయోభిలాషిగా మారుతుంది.. చివరికి ఆడుకోవడానికి ఫ్రెండ్స్‌ ఎవరూ లేకపోతే ఒక స్నేహితురాలిగా మారి తన బిడ్డను ఆడించే ప్లేయర్‌గానూ అవతారం ఎత్తుతుంటుంది. ఇందుకు తాజా ఉదాహరణే.. ప్రస్తుతం సోషల్‌ మీడియాలో వైరల్‌ అవుతోన్న ఓ వీడియో. తల్లీకొడుకులు మధ్య అనురాగానికి, స్నేహబంధానికి నిలువెత్తు నిదర్శనంగా నిలుస్తోందీ వీడియో. ఇంతకీ ఏముందా వీడియోలో..?

మనిషి తన సౌకర్యవంతమైన, విలాసవంతమైన జీవనం కోసం ప్రకృతిని నాశనం చేస్తున్నాడు. భూమిపై బతికే మిగతా జీవుల్లాగా తానూ ఓ జీవిననే విషయం మర్చిపోయి ఆధునికత పేరుతో పర్యావరణానికి హాని చేస్తున్నాడు. స్వచ్ఛమైన గాలి, నీరు, నేల.. లాంటివి లేకుండా భవిష్యత్‌ తరాలు ఎలా బతుకుతాయనే కనీస ఆలోచన కూడా లేకుండా ప్రకృతి వనరులను నాశనం చేస్తున్నాడు. వీటి వల్ల జరిగే నష్టాలపై ప్రజల్లో అవగాహన పెంచి పర్యావరణాన్ని రక్షించుకునేందుకు ఎంతోమంది నాయకులు, స్వచ్ఛంద సంస్థలు.. కొన్ని సంవత్సరాలుగా ప్రయత్నిస్తున్నాయి. ఈ క్రమంలో పర్యావరణ పరిరక్షణ కోసం తన చదువును కూడా త్యాగం చేసి ఉద్యమ బాట పట్టింది స్వీడెన్‌కు చెందిన 16 ఏళ్ల గ్రెటా థున్‌బర్గ్‌. అంతేకాదు, ‘స్కూల్‌ స్ట్రైక్‌ ఫర్‌ ది క్లైమేట్‌’ పేరుతో ఓ ఉద్యమాన్ని మొదలుపెట్టి మేధావులు సైతం హర్షించే విధంగా దానికి సారథ్యం వహిస్తోంది. ఈ గమనంలో తను ఎన్నో రకాల సవాళ్లను ఎదుర్కొంటోంది. అయినా వాటిని లెక్క చేయకుండా సమస్యపై నిజాయతీగా పోరాడుతోంది. ఈ నేపథ్యంలో పర్యావరణహితం కోరి తను చేస్తోన్న కృషికి గాను 2019 నోబెల్‌ శాంతి పురస్కారానికి గ్రెటాను నామినేట్‌ చేసిన సంగతి విదితమే. ఈ క్రమంలో గ్రెటా గురించి తన తండ్రి ఇటీవలే ఓ ఆంగ్ల టీవీ ఛానల్‌తో సంభాషించారు. ఈ ఇంటర్వ్యూలో భాగంగా ఆయన తన కూతురి భవిష్యత్తు గురించి ఆందోళన వ్యక్తం చేయడం గమనార్హం.