scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

Movie Masala

 
category logo

పరీక్షల వేళ.. ఈ భయం పోవాలి.. ఆ ‘ధీమా’ రావాలి!

Tips for students to beat the exam stress by Child Psychologist Dr. Mandadi Gowri Devi in Telugu

శ్రీనిత కూతురు శ్రీజ ఇప్పుడు పది పరీక్షలకు సన్నద్ధమవుతోంది. కరోనా కారణంగా పరీక్షలు ఆలస్యంగా జరుగుతుండడంతో ప్రస్తుతం ప్రిపరేషన్‌లో నిమగ్నమైంది. అయితే తాను బ్రిలియంట్‌ స్టూడెంటే అయినా ఈ కరోనా సమయంలో పరీక్షలు ఎలా రాస్తానో అని భయపడుతోంది.
మరో నాలుగు రోజుల్లో ప్రారంభం కానున్న పదో తరగతి పరీక్షలకు సన్నద్ధమవుతున్నాడు శ్రీకర్‌. ఓవైపు చదువు, చదువు అంటూ పేరెంట్స్‌ ఒత్తిడితో తాను సతమతమవుతుంటే.. మరోవైపు ఈ కరోనా సమయంలో తన కొడుకు బయటికి వెళ్లి పరీక్షలెలా రాస్తాడోనన్న భయం శ్రీకర్‌ వాళ్లమ్మ సంధ్యలో కొట్టొచ్చినట్లు కనిపిస్తోంది. ఇది శ్రీకర్‌లో ఆందోళనను మరింతగా పెంచుతోంది.
ఇలా బోర్డ్‌ ఎగ్జామ్స్‌ అనగానే.. అటు పిల్లల్లో, ఇటు తల్లిదండ్రుల్లో ఏదో తెలియని భయాందోళనలు కలగడం సహజం. దీనికి తోడు ప్రస్తుతం ప్రతి ఒక్కరిలో కరోనా భయం అలుముకుంది. అయితే కరోనా కారణంగా వాయిదా పడిన పదో తరగతి పరీక్షలు మరో నాలుగు రోజుల్లో ప్రారంభం కానున్నాయి. అలాగే ఇన్నాళ్లూ వాయిదా పడ్డ వివిధ ప్రవేశ పరీక్షలు కూడా జరగబోతున్నాయి. ఈ నేపథ్యంలో రోజులు కరుగుతున్న కొద్దీ.. పరీక్షలెలా రాస్తామో అన్న భయం అటు పిల్లల్లో, ఈ కరోనా కాలంలో తమ పిల్లలు సురక్షితంగా పరీక్షలు రాస్తారో, లేదోనన్న ఆందోళన అటు తల్లిదండ్రుల్లో నెలకొంది. అయితే ఉన్న సమయాన్ని సద్వినియోగం చేసుకుంటూ చక్కగా ప్రిపేరవడంతో పాటు వ్యక్తిగత పరిశుభ్రత పాటించడం వల్ల ఈ ప్రతికూల పరిస్థితుల్లోనూ విజయవంతంగా పరీక్షలు రాయచ్చంటున్నారు పిల్లల మానసిక నిపుణురాలు డాక్టర్‌ మండాది గౌరీదేవి. ఈ సమయంలో అటు పిల్లలు, ఇటు తల్లిదండ్రులు పాటించాల్సిన కొన్ని చిట్కాల గురించి ‘వసుంధర.నెట్‌’తో ఇలా పంచుకున్నారు.030620-vasu3a.jpg
ఆ భయాలకు కారణాలివే!
పబ్లిక్‌ పరీక్షలన్నా, వివిధ ప్రవేశ పరీక్షలన్నా పిల్లల్లో ఒక రకమైన భయం ఉండడం సహజమే. బయటి నుంచి ప్రశ్న పత్రం వస్తుందని; అందులో తాము చదివిన ప్రశ్నలు వస్తాయో, లేదోనని; జవాబు పత్రాలను కూడా చాలా పకడ్బందీగా దిద్దుతారు.. కాబట్టి సరిగ్గా రాయకపోతే ఫెయిలవుతామేమోనని; తమకు మంచి ర్యాంకు వస్తుందో, లేదోనని.. ఇలా ఎగ్జామ్స్‌ గురించి పిల్లల్లో కలిగే భయాలకు కారణాలెన్నో ఉంటాయి. వీటికి ప్రస్తుతం కరోనా భయం కూడా తోడైంది. అనుకోకుండా వచ్చిన ఈ మహమ్మారి కారణంగా నిర్ణీత సమయానికి జరగాల్సిన పరీక్షలు వాయిదా పడడం, లాక్‌డౌన్‌ కారణంగా అందరూ ఇంట్లోనే ఉండడం, తీరిక సమయం ఎక్కువగా దొరకడం, పరీక్ష కోసం ప్రిపేరవడానికి పిల్లలకు ఇంట్లో అనుకూలమైన వాతావరణం లేకపోవడం, మొన్నటిదాకా కచ్చితమైన పరీక్ష తేదీలు తెలియక పిల్లల్లో ఒక రకమైన అలక్ష్యం నెలకొనడం.. ఇలాంటి అడ్డంకుల వల్ల ప్రస్తుతం పిల్లలు తమ పరీక్షలు, ప్రిపరేషన్‌పై సరైన శ్రద్ధ పెట్టలేకపోతున్నారు.

expertadviceforchildrenonexams650-4.jpg
కరోనా గురించే మాట్లాడద్దు..
తల్లిదండ్రులు కూడా కొవిడ్‌ భయంతో ఇంట్లో శుభ్రత విషయంలో లీనమై పిల్లలపై శ్రద్ధ తగ్గించి ఉండచ్చు.. అలాగే నిరంతరం పిల్లలు ఇంట్లోనే ఉంటూ చదువుపై దృష్టి పెట్టట్లేదు.. సమయం వృథా చేస్తున్నారంటూ వారిని మాటలతో హింసించే పేరెంట్స్‌ కూడా ఉంటారు. ఇలా సరిగ్గా చదవకపోతే పరీక్షల్లో ఫెయిలవుతారని తల్లిదండ్రులే వారిని భయపెట్టడం, లేదంటే కొవిడ్‌ భయంతో తమలో నెలకొన్న భయాల్ని పిల్లలపై రుద్దడం, ఇంట్లో ఎప్పుడూ కొవిడ్‌ గురించే మాట్లాడుకోవడం, దానికి సంబంధించిన వార్తలే వినడం.. ఇలాంటి వాటి వల్ల అటు పేరెంట్స్‌లో, ఇటు పిల్లల్లో లేనిపోని భయాలు తలెత్తి ఇద్దరి మధ్యా సఖ్యత కూడా లోపించే ప్రమాదం ఉంది. కాబట్టి ఇద్దరూ ఇలాంటి భయాలన్నీ పక్కన పెట్టి ముందుకు సాగడం, తల్లిదండ్రులు పిల్లల భవిష్యత్తు గురించి ఆలోచించడం తప్పనిసరి.

ఆ ‘ధీమా’ కావాలి!

expertadviceforchildrenonexams650-3.jpg

అలాగే వాయిదా పడిన పరీక్షలు తిరిగి ప్రారంభమవుతున్న నేపథ్యంలో పిల్లల్లో తమ ప్రిపరేషన్‌ గురించిన భయం పోవాలంటే ఈ చిట్కాలు పాటించాలి. ఈ క్రమంలో తల్లిదండ్రులూ వారికి మద్దతుగా నిలవాలి.
* పరీక్షలంటే పిల్లలు అలక్ష్యం వహించకుండా, అలాగని మరీ భయపడిపోకుండా శాంతంగా ఉండాలి. ఈ క్రమంలో తమకు బాగా వచ్చిన సమాధానాలను చక్కగా ప్రజెంట్‌ చేస్తాం అన్న ధీమాను ముందుగా తమ మనసులో నింపుకోవాలి.
* సాధారణంగా పబ్లిక్‌ పరీక్షలకు ప్రిపేరయ్యే పిల్లలకు కొన్ని నెలల ముందే సిలబస్‌ బోధించడం అంతా పూర్తవుతుంది. అలాగే మిగిలిన సమయంలో పునశ్చరణ కూడా పూర్తి చేసుకొని ఉంటారు. అయితే అనుకోకుండా వచ్చిన ఈ కరోనా మహమ్మారి వల్ల పరీక్షలు వాయిదా పడడంతో చదివినవి మర్చిపోయానేమో, దాంతో పరీక్షలు సరిగ్గా రాయలేనేమో అన్న ఆందోళనలను మనసులోకి రానివ్వకూడదు.
* మరో మూడునాలుగు రోజుల్లో పదో తరగతి పరీక్షలు ప్రారంభం కానున్నాయి.. కాబట్టి ఇప్పుడు సిలబస్‌ అంతా మరోసారి చదవడం అంటే కుదరదు. అందుకే టీచర్లు ముందుగా చెప్పినట్లు ఆయా పాఠ్యాంశాలకు సంబంధించిన ముఖ్యమైన ప్రశ్నలు-సమాధానాలు సంక్షిప్తంగా చూసుకోవాలి. ఆయా ప్రశ్నలకు సమాధానాలు ఎలా రాయాలో ఒక కచ్చితమైన అవగాహన తెచ్చుకుంటే పరీక్ష హాల్‌లో ఎలాంటి భయం లేకుండా సమాధానాలు రాయగలుగుతారు.
* ఎలాగో ఒక్కో పరీక్షకు రెండు రోజుల గ్యాప్‌ ఉంటుంది కాబట్టి అంతకుముందే టీచర్లు చెప్పిన ముఖ్యమైన ప్రశ్నల లిస్టును పునశ్చరణ చేసుకుంటే అందులో నుంచే ఎక్కువ ప్రశ్నలు వచ్చే అవకాశం ఉంటుంది. తద్వారా ఎలాంటి టెన్షన్‌ లేకుండా పరీక్ష రాసేయచ్చు.

ఒత్తిడి తేవద్దు!

expertadviceforchildrenonexams650-6.jpg

* తల్లిదండ్రులు కూడా పిల్లల్ని చదివించే క్రమంలో ఇంకా చదవాలని వారిపై ఒత్తిడి తేవడం, ఏదైనా ప్రశ్నకు సమాధానం తప్పుగా చెప్తే కోప్పడడం.. వంటివి చేయకుండా, వారికి ఓపిగ్గా చెబుతూ విషయం నేర్పించాలి. అలాకాకుండా మీ ప్రమేయం లేకుండా తమంతట తామే చదువుకుంటామంటే అందుకూ పేరెంట్స్‌ ప్రోత్సహించాలి. ఈ క్రమంలో వారికేవైనా సందేహాలుంటే నివృత్తి చేస్తే.. వారు ఎలాంటి ఒత్తిడికి గురికాకుండా చదువుపై పూర్తి దృష్టి పెట్టగలుగుతారు.
* పరీక్షకు సమయం దగ్గర పడుతుందన్న ఉద్దేశంతో ఎకాఎకిన గంటల తరబడి చదవడం కాకుండా.. ఓ గంట సేపు చదివాక ఒక పది నిమిషాలు గ్యాప్‌ తీసుకోవడం వల్ల కూడా వారిలో ఒత్తిడి తగ్గి.. ఏకాగ్రత పెరుగుతుంది.
* పరీక్షకు ముందే ప్రశ్న పత్రం గురించి భయపడడం, రాశాక పాసవుతామో లేదోనన్న ఆందోళన, తల్లిదండ్రులు కూడా తమ పిల్లలు ఎలా రాస్తారోనన్న బెంగతో పిల్లలపై ఒత్తిడి తేవడం.. వంటివి చేయడం వల్ల మొదటికే మోసమొచ్చే ప్రమాదం ఉంది. కాబట్టి ఇలాంటి నెగెటివ్‌ ఆలోచనలను పిల్లలు తమ మనసులోకి రానీయకుండా.. పరీక్ష బాగా రాయడానికి నా శాయశక్తులా ప్రయత్నిస్తానన్న ధీమాతో, సానుకూల దృక్పథంతో ఉండాలి.
* చాలామంది పిల్లలు ఇప్పటిదాకా సమయం వృథా చేసి.. తీరా పరీక్ష సమయం దగ్గరపడే కొద్దీ ఆందోళన చెందుతుంటారు. అలాంటి అనవసర ఆందోళనను దూరం చేసుకొని ఈ ఉన్న కొద్ది సమయాన్ని సద్వినియోగం చేసుకుంటే మంచిది.

expertadviceforchildrenonexams650-1.jpg
* ఈ విషయంలో తల్లిదండ్రులు కోప్పడినా.. వాళ్లు మన గురించే చెప్పారు కదా.. కాబట్టి ఆ విషయాల గురించి బాధపడొద్దు, నెగెటివ్‌గా తీసుకోవద్దు.. అని తమను తాము సముదాయించుకుంటూ చదువుపై దృష్టి పెట్టాలి.
* పరీక్షలకు హాజరయ్యే పిల్లల తల్లిదండ్రులు కూడా వారిని ప్రోత్సహించేలా ఉండాలే కానీ.. వారిని నిరుత్సాహపరిచేలా ఉండకూడదు. ఈ క్రమంలో వారిపై ఒత్తిడి పెట్టకుండా చదివించడంతో పాటు సమయానికి పోషకాహారం అందించాలి. అలాగే వారు సమయానికి నిద్ర పోతున్నారా? లేదంటే ఇతరత్రా కారణాల వల్ల ఒత్తిడికి గురవుతున్నారా? వంటివన్నీ దగ్గర్నుంచి గమనించాలి. ఈ క్రమంలో వారిలో టెన్షన్‌ తగ్గించడానికి వారికి అనుక్షణం అండగా నిలవాలి.
* కొందరు తల్లిదండ్రులు పిల్లలు పరీక్ష రాసి ఇంటికొచ్చాక.. ‘ఎలా రాశావ్‌?’ అంటూ గుచ్చి గుచ్చి అడుగుతుంటారు. తద్వారా వారిలో ఆందోళన మరింత పెరుగుతుంది. అలాకాకుండా వారు బాగా రాసినా, బాగా రాయలేదన్నా పేరెంట్స్‌ సానుకూలంగానే స్పందించాలి. అయిపోయిన పరీక్ష గురించి ఆలోచించకుండా తదుపరి పరీక్షపై దృష్టి పెట్టమంటూ వారిని ప్రోత్సహించాలి.
* పిల్లల విషయంలో తల్లిదండ్రులిద్దరూ ఒకే ప్రవర్తనతో ఉండాలి. అలాకాకుండా ఒకరు మరీ అతి క్రమశిక్షణ చూపడం, ఒకరేమో లైట్‌గా వదిలేయడం చేయకూడదు. తల్లిదండ్రులిద్దరిలో పిల్లలు ఎవరితో బాగా క్లోజ్‌గా ఉంటారో.. ప్రతి విషయాన్నీ వారితోనే సున్నితంగా, పిల్లలకు అర్థమయ్యేలా చెప్పిస్తే వారు తప్పకుండా వింటారు.

ఈ జాగ్రత్తలు తప్పనిసరి!

expertadviceforchildrenonexams650-5.jpg

* పరీక్షలకు హాజరయ్యే పిల్లలు కొవిడ్‌ గురించి భయపడాల్సిన అవసరం ఎంత మాత్రమూ లేదు. ఎందుకంటే జాగ్రత్తగా ఉంటూ, వ్యక్తిగత పరిశుభ్రత పాటిస్తే కరోనా మన దరిచేరదన్న విషయం పదే పదే నిపుణులు చెబుతూనే ఉన్నారు.
* అందుకే గతంలో మీరు పరీక్షలకు ఎలాగైతే నిర్భయంగా హాజరయ్యే వారో ఇప్పుడూ అలాగే వెళ్లాలి. ఈ క్రమంలో ప్యాడ్‌, పెన్నులు, పెన్సిళ్లు, షార్ప్‌నర్‌, ఎరేజర్‌.. వంటివన్నీ మీ వెంటే ఓ చిన్న పౌచ్‌లో తీసుకెళ్లాలి. అయితే తిరిగి ఇంటికి రాగానే మీరు శుభ్రంగా స్నానం చేయడంతో పాటు మీ వెంట తీసుకెళ్లిన వస్తువుల్నీ శానిటైజ్‌ చేసి ఒక దగ్గర అమర్చుకోవడం మాత్రం మర్చిపోవద్దు.

expertadviceforchildrenonexams650.jpg
* ఇంట్లో అమ్మానాన్నలు జాగ్రత్తలు చెప్పడం, టీవీల్లో-పేపర్లలో వార్తలు చూడడం.. వంటి వాటి వల్ల కరోనా మహమ్మారి నుంచి కాపాడుకోవాలంటే ఎలాంటి జాగ్రత్తలు తీసుకోవాలో పిల్లలకు ఈ పాటికి అర్థమయ్యే ఉంటుంది. కాబట్టి బయటికి వెళ్లేటప్పుడు మాస్కులు ధరించడం, ఇతర విద్యార్థులకు దూరంగా ఉండడం, ఓ శానిటైజర్‌ మీ వెంటే ఉంచుకోవడం.. వంటివి చేయాలి.
* ఎలాగూ పరీక్షా హాల్‌లో కూడా సామాజిక దూరం పాటిస్తూనే కూర్చోవాల్సి ఉంటుంది కాబట్టి ఆ విషయంలో విద్యార్థులు భయపడాల్సిన పనిలేదు.
* కొంతమంది విద్యార్థులు పరీక్ష ముగిసిన తర్వాత దాని గురించి తమ ఫ్రెండ్స్‌తో మాట్లాడుతూ పరీక్షా కేంద్రం దగ్గరే గడిపేస్తుంటారు. ఈ కొవిడ్‌ సమయంలో అది అస్సలు మంచిది కాదు.. కాబట్టి ఇలాంటి చర్చలేమీ పెట్టుకోకుండా పరీక్ష రాసేసి, తిన్నగా ఇంటికి చేరుకోవాలి. అలాగే ఇలాంటి అనవసర చర్చల ద్వారా పూర్తయిన పరీక్షలో అనుకోకుండా ఏదైనా తప్పుగా రాశామని తెలిస్తే.. ఆ తర్వాతి పరీక్షపై దృష్టి పెట్టలేరు.
* ఇక తదుపరి పరీక్షకు సంబంధించిన ప్రిపరేషన్‌ మొదలుపెట్టడానికి ముందు ఒక గంట పాటు ఎలాంటి ఆలోచనలు లేకుండా, హాయిగా విశ్రాంతి తీసుకోవడం వల్ల మనసుకు ప్రశాంతంగా ఉంటుంది. ఆపై చదువు మొదలుపెట్టడం వల్ల విషయం చక్కగా బుర్రకెక్కుతుంది. కొవిడ్ ఆలోచనలు కూడా దరిచేరవు.
* కరోనా ప్రభావం కొన్ని రోజులో, నెలలో ఉంటుంది.. టీకా వచ్చాక మళ్లీ అంతా మామూలైపోతుంది.. కాబట్టి అప్పటిదాకా దీని బారిన పడకుండా మన జాగ్రత్తలో మనం ఉండాలన్న సానుకూల దృక్పథంతో ఉంటే ఎవరైనా సరే.. కొవిడ్‌ భయాన్ని అధిగమించచ్చు.





women icon@teamvasundhara
skills-a-child-must-learn-before-turning-15

పిల్లలకు ఈ పనులు నేర్పుతున్నారా??

చరణ్ వయసు ఏడు సంవత్సరాలు.. కానీ కొత్తవారితో ఎలా మాట్లాడాలో తెలియదు.. పన్నెండేళ్ల రియాకు తన బట్టలు మడతపెట్టుకోవడం కూడా రాదు.. వీళ్లే కాదు.. చాలామంది పిల్లలకు తమకు సంబంధించిన చిన్న చిన్న పనులు కూడా చేసుకోవడం రాదు. ఇందుకు ఆయా పనులపై వారు శ్రద్ధ చూపకపోవడం ఓ కారణమైతే, చిన్నతనం నుంచే వారికి తమ తల్లిదండ్రులు ఈ పనులన్నీ నేర్పించకపోవడం మరో కారణం. అయితే పదిహేనేళ్ల వయసు వచ్చే లోపే తల్లిదండ్రులు పిల్లలకు కొన్ని పనులు తప్పకుండా నేర్పించాలంటున్నారు చైల్డ్ సైకాలజిస్టులు. ఇంతకీ ఆ పనులు ఏంటో మీరూ తెలుసుకోవాలనుకొంటున్నారా?? అయితే ఇది చదివేయండి మరి..

Know More

women icon@teamvasundhara
physical-changes-in-girls-at-the-time-of-puberty

‘ఆ మార్పుల’ గురించి మీ అమ్మాయికి చెప్పారా?

రుతుక్రమం.. ఆడపిల్లలు బాల్యం నుంచి యుక్తవయసులోకి అడుగిడే దశకు సూచన. సాధారణంగా చాలామంది ఆడపిల్లల్లో 10 నుంచి 13 ఏళ్ల మధ్య రుతుచక్రం ప్రారంభమవుతుంది. అయితే కొంతమందికి ఇంతకంటే ముందుగానే.. అంటే దాదాపు 8 ఏళ్ల వయసులోనే లేదంటే 13 ఏళ్ల తర్వాతనైనా.. నెలసరి కావడం మొదలవ్వచ్చు. ఏదేమైనా పిరియడ్ మొదలయ్యే క్రమంలో ఆడపిల్లల శరీరంలో పలు మార్పులు చోటుచేసుకోవడం సర్వసాధారణం. తల్లులు ఆ మార్పులను ఎప్పటికప్పుడు గమనిస్తూ.. వాటి గురించి వారికి వివరించడం ఎంతో ముఖ్యం. అంతేకాదు.. ఆయా సమయాల్లో పాటించాల్సిన జాగ్రత్తల గురించి వారికి అన్ని వివరాలు ముందుగానే తెలియజేయాల్సిన బాధ్యత తల్లిదే.

Know More

women icon@teamvasundhara
home-remedies-for-dry-skin-in-children-in-telugu
women icon@teamvasundhara
tips-to-stop-breast-feeding-for-your-baby

చనుబాలు మాన్పించేదెలా..?

మోహన వాళ్ల పాపకు రెండేళ్లు. అయినా ఇంకా ఆ పాప తల్లిపాలు తాగుతూనే ఉంది. ఎంత మాన్పిద్దామన్నా అది ఆమె వల్ల కావట్లేదు. పైగా పాపకు పాలివ్వకపోతే ఆకలికి తట్టుకోలేక ఏడుపు మొదలెడుతుంది. ఘనాహారం పెట్టినా తినకుండా మొహం తిప్పేస్తుంది. పాలే కావాలంటూ అల్లరి చేస్తుంది. ఇలా కొంతమంది పిల్లలు తల్లిపాలకు అలవాటు పడి వయసు పెరిగినప్పటికీ తల్లిపాలే తాగుతామని మొండికేస్తుంటారు. ఇదిలాగే కొనసాగితే వారికి వూహ తెలిసిన తర్వాత వారితో పాలు మానిపించడం చాలా కష్టం అవుతుంది. కాబట్టి చిన్నారులకు సంవత్సరం నుంచి ఒకటిన్నర సంవత్సరాల వయసు వరకు మాత్రమే పాలిచ్చి ఆ తర్వాత పూర్తిగా ఘనాహారాన్ని అందించమని చెబుతున్నారు నిపుణులు. ఈ క్రమంలో పిల్లలతో పాలు మాన్పించడానికి తల్లులు ఎలాంటి నియమాలు పాటించాలి..? రండి తెలుసుకుందాం.

Know More

women icon@teamvasundhara
qualities-our-girls-can-learn-from-maa-durga-in-telugu

మీ అమ్మాయిల్ని ఇలా పెంచుతున్నారా?

'నేటి బాలలే రేపటి పౌరులు' అన్నారు నెహ్రూ. మరి, ఆ బాలలంటే కేవలం అబ్బాయిలే కాదు.. అమ్మాయిలూ అందులో భాగమే. ఆ విషయం తెలిసినా నేటి సమాజంలో ఇప్పటికీ అమ్మాయిల్ని చిన్న చూపు చూడడం, వారికి సమాన అవకాశాలు దక్కకపోవడం, ప్రతి విషయంలోనూ వారిని గుప్పిట్లో బంధించడం.. వంటివి జరుగుతున్నాయి. ఇక అలాంటప్పుడు రేపటి పౌరులుగా తమను తాము నిరూపించుకోవడానికి తగిన స్వేచ్ఛ వారికి ఎక్కడ దక్కుతుంది? దీనికి తోడు ఓవైపు సమాజం అభివృద్ధి పథం వైపు పరుగెడుతోన్నా ఇంకా అమ్మాయిల్ని గుండెలపై కుంపటిలా భావించే వారు, పురిట్లోనే ప్రాణాలు తీసేసే వారూ మన చుట్టూ ఎందరో ఉన్నారు. అలాంటి వారందరికీ తగిన గుణపాఠం చెప్పాలంటే.. ప్రతి ఒక్కరూ తమ ఇళ్లల్లో 'భేటీ బచావో.. భేటీ పఢావో' కార్యక్రమాన్ని అమలు పరచాలి. అలాగని కేవలం వారికి మంచి చదువు అందించడం, సమాజంలో ఉన్నత వ్యక్తిగా తీర్చిదిద్దడంతోనే సరిపోదు.. సకల సద్గుణాల కలబోతగా వారిని మలచాలి. అందుకు మనం చేయాల్సిందల్లా.. శక్తికి ప్రతిరూపమైన ఆ దుర్గమ్మలోని గుణాల్ని వారికి వివరిస్తూ, చిన్నతనం నుంచే వారు ఆ అమ్మలోని గుణాల్ని పుణికిపుచ్చుకునేలా చేయాలి. తల్లిదండ్రులుగా అది మనకు మాత్రమే సాధ్యం. మరి, మన అమ్మాయిల్ని ఆదిపరాశక్తిలా తీర్చిదిద్దాలంటే ఆ అమ్మవారిలోని ఏయే లక్షణాలను మన ఆడపిల్లలకు చిన్నతనం నుంచే నేర్పించాలో ఈ 'దసరా శరన్నవరాత్రుల' సందర్భంగా తెలుసుకోవడం సందర్భోచితం.

Know More

women icon@teamvasundhara
how-to-change-my-daughter-behavior-in-telugu

మా అమ్మాయి మొండిగా తయారైంది.. తనను మార్చేదెలా?

మేడమ్‌... మా పాప వయసు 9 సంవత్సరాలు. ప్రతి చిన్న విషయానికీ ఏడుస్తుంది. అంతేకాదు.. మొండిగా తయారై.. చదువులో కూడా వెనుకబడింది. నాకు 4 సంవత్సరాల బాబు కూడా ఉన్నాడు. వాడు ముద్దుగా ఉంటాడు. కానీ పలు ఆరోగ్య సమస్యలున్నాయి. మేము ఎక్కువ గారాబం చేయడం వల్ల మా అమ్మాయి అలా తయారై ఉండచ్చు. బహుశా ప్రతి విషయంలోనూ పిల్లలిద్దరి మధ్య ఉన్న పోటీతత్వం (తోబుట్టువుల వైరం) వల్లే అలా చేస్తుందేమోనని అనిపిస్తోంది. అందుకే మా పాపతో ఎక్కువ సమయం వెచ్చించి చూశాను. కానీ తనలో ఎలాంటి మార్పు కనిపించటం లేదు. మేము కొంతకాలం వేచి చూడాలా? లేకపోతే వెంటనే సైకాలజిస్టుని కలవమంటారా? మా పాపను మామూలు స్థితికి తీసుకురావడానికి ఇంకా ఏవైనా సలహాలు ఇవ్వగలరు.

Know More

women icon@teamvasundhara
how-to-eradicate-vision-problems-in-children

కళ్లజోడుతో కాదు.. కళ్లతో చూడనివ్వండి..!

ఈరోజుల్లో కళ్లజోడు లేని పిల్లలను వేళ్ల మీద లెక్కపెట్టచ్చు. పదిమందిలో కచ్చితంగా ఏడుగురైనా కళ్లజోడు పెట్టుకోకుండా ఏ పనీ చేయలేని పరిస్థితి నేటి చిన్నారులది. కొంతమంది పిల్లలకైతే స్కూల్లో చేరక ముందే కళ్లజోడు వచ్చేస్తోంది. మరి, ఈ తరం పిల్లల పరిస్థితే ఇలా ఉంటే.. రాబోయే తరాల సంగతేంటి? ఎప్పటికీ వారు ప్రపంచాన్ని కళ్లజోడుతోనే చూడాలా? అంటే లేదు.. కొన్ని ముందు జాగ్రత్తలు పాటిస్తే మనమిచ్చిన కళ్లజోడుతో కాకుండా దేవుడిచ్చిన కళ్లతోనే వారికి ప్రపంచాన్ని పరిచయం చేయచ్చంటున్నారు పిల్లల వైద్యులు. మరి, ‘ప్రపంచ దృష్టి దినోత్సవం’ (వరల్డ్‌ సైట్‌ డే) అవేంటో ఒకసారి చూద్దాం పదండి.

Know More

women icon@teamvasundhara
caring-tip-for-baby-teeth-in-telugu

పాల దంతాలా? అశ్రద్ధ వద్దు!!

సాధారణంగా పసి పిల్లల్లో నాలుగు నుంచి ఆరు నెలల మధ్య వయసులో పాల దంతాలు వస్తుంటాయి. ఆ తర్వాత కొన్నేళ్లకు ఇవి వూడిపోయి శాశ్వత దంతాలు వచ్చినప్పటికీ పాల దంతాల విషయంలో శ్రద్ధ వహించడం ముఖ్యం. ఎందుకంటే పాల దంతాలు ఎలా వస్తాయో.. అవి వూడిపోయిన తర్వాత శాశ్వత దంతాలు కూడా అదే స్థానంలో అలాగే రావడానికి అవకాశాలెక్కువ. అందుకే పిల్లలకు దంతాలు రావడం ప్రారంభమయ్యే దగ్గర్నుంచి తగిన జాగ్రత్తలు తీసుకోవడం తప్పనిసరి. కొంతమంది పిల్లలు పాల దంతాలు వచ్చే క్రమంలో బొటనవేలు చప్పరించడం, గట్టి వస్తువులను కొరకడం.. వంటివి చేస్తుంటారు. ఫలితంగా దంతాలు.. ఎత్తుగా, వంకరగా, సందులుగా వచ్చే ఆస్కారం ఉంటుంది. దీనివల్ల అందవిహీనంగా కనిపించడంతో పాటు భవిష్యత్తులో దంతాల ఆరోగ్యంపైన కొన్ని దుష్ప్రభావాలు పడే అవకాశమూ లేకపోలేదు. కాబట్టి మొదట్నుంచే పిల్లల దంతాల పట్ల తగిన శ్రద్ధ వహించడం చాలా ముఖ్యం. అందుకోసం ఈ చిన్న చిన్న చిట్కాలను పాటిస్తే సరిపోతుంది.

Know More

women icon@teamvasundhara
how-to-improve-my-daughters-behavior?-in-telugu
women icon@teamvasundhara
some-tips-for-second-pregnancy-planning-in-telugu

మరో బిడ్డ కోసం ప్రయత్నిస్తున్నారా? అయితే ఇవి మీకోసమే..!

ఉష-ఉత్తేజ్ దంపతులకు రెండేళ్ల పాప ఉంది. ప్రస్తుతం వారు మరో బిడ్డ కోసం ప్రయత్నిద్దామనుకుంటున్నారు. కానీ అందుకు ఇది సరైన సమయమేనా.. అని తేల్చుకోలేకపోతున్నారు. ఇలా రెండో సంతానం కోసం ప్రయత్నించే దంపతుల్లో చాలామందిని కొన్ని రకాల ప్రశ్నలు తికమకపెడుతుంటాయి. జనరేషన్ గ్యాప్ లేకుండా ఉండాలంటే ఇద్దరు పిల్లలకు మధ్య రెండేళ్ల కంటే ఎక్కువ గ్యాప్ ఉండకూడదు అని కొందరనుకుంటే.. మొదటి బిడ్డ కాస్త పెద్దయ్యాక రెండో సంతానం గురించి ఆలోచిద్దాంలే అని మరికొందరు భావిస్తుంటారు. ఏదేమైనా మరో బిడ్డ కోసం ప్రయత్నిస్తున్న దంపతుల్ని ఇలాంటి సందేహాల నుంచి బయటపడేసే ఉద్దేశంతోనే నిపుణులు కొన్ని విలువైన సలహాలు, సూచనలు ఇస్తున్నారు. మరి అవేంటో మనమూ తెలుసుకుందామా..

Know More

women icon@teamvasundhara
my-son-spending-lots-of-time-in-youtube-what-to-do?

ఎప్పుడూ యూట్యూబ్ వీడియోలే... ఎలా మార్చాలి?

నమస్తే మేడమ్‌.. మా బాబు వయసు 11 సంవత్సరాలు.. వాడు యూట్యూబ్‌లోనే ఎక్కువ సమయం గడుపుతున్నాడు. రోజుకి 5 నుంచి 6 గంటలు యూట్యూబ్‌లో గేమ్స్‌కి సంబంధించిన వీడియోలు, ఫన్నీ వీడియోలు చూస్తుంటాడు. ఆన్‌లైన్ క్లాసులు, ఉపయోగపడేవి చూడమని ఎన్ని సార్లు చెప్పినా అస్సలు వినడు. ఒక్కోసారి చిరాకు వచ్చేంత వరకు ఫోన్‌ చూస్తుంటాడు. ఎంత సున్నితంగా, అర్థమయ్యేలా చెప్పినా యూట్యూబ్‌ చూడడం మాత్రం మానడం లేదు. బయటికి వెళ్లినప్పుడు స్నేహితులతో బాగానే ఆడుకుంటాడు. కానీ, ఇంటికి రాగానే ఫోన్ పని మీదనే ఉంటాడు. దీనివల్ల చదువులో వెనకపడతాడేమో.. వాడిలో సహనం తగ్గిపోతుందేమో అని భయంగా ఉంది. ఏదైనా సలహా ఇవ్వగలరు. - ఓ సోదరి

Know More

women icon@teamvasundhara
seven-year-old-kanpur-boy-climbs-walls-like-spider-man-viral-video-in-telugu

ఈ బుల్లి 'స్పైడర్ మ్యాన్'ని చూశారా?

చిన్నపిల్లలకు కథల పుస్తకాలన్నా, కార్టూన్‌ సినిమాలన్నా చాలా ఇష్టం. టీవీలో ఆ తరహా సినిమాలు చూస్తూనే అందులోని క్యారక్టర్లను అనుకరిస్తుంటారు కొందరు చిన్నారులు. ఈ క్రమంలోనే మార్వెల్‌ సూపర్‌హీరో స్పైడర్‌ మ్యాన్‌ క్యారక్టర్‌ అంటే అబ్బాయిలకు మరీ ఇష్టం. ఆ పాత్రలాగే గోడలపై పాకాలని, వాటి పైనుంచి దూకాలని తెగ ఆరాటపడిపోతుంటారు. ఉత్తరప్రదేశ్‌లోని కాన్పూర్‌కు చెందిన ఏడేళ్ల బుడతడిది కూడా ఇదే ఆరాటం. అయితే మొదట్లో జారి కింద పడ్డానని, దెబ్బలు తగిలాయని తన ప్రయత్నాన్ని మానుకోలేదా చిన్నోడు. అలుపెరగకుండా ప్రయత్నించాడు.. ఎలాంటి సపోర్ట్‌ లేకుండా అచ్చం స్పైడర్‌ మ్యాన్‌లా గోడలు పట్టుకొని అలవోకగా పాకడం, దూకడం నేర్చుకున్నాడు. అందుకే ఇప్పుడు సోషల్‌ మీడియా సెన్సేషన్‌గా మారిపోయాడు.

Know More

women icon@teamvasundhara
tips-to-prevent-obesity-in-teenagers-in-telugu

టీనేజ్‌లో స్థూలకాయాన్ని ఆపేదెలా?

మీ పిల్లలు చిన్నవయసు నుంచే క్రమంగా బరువు పెరుగుతున్నారా? అయితే టీనేజ్‌కి వచ్చేసరికి వారు స్థూలకాయులుగా మారే అవకాశం ఉందంటోంది ఓ తాజా అధ్యయనం. ఎందుకంటే టీనేజ్‌లోకి వచ్చే సరికి వారి శరీరంలో క్యాలరీలు కరగడం చాలావరకు తగ్గుతుందట. ఈ సమయంలో సరైన వ్యాయామం లేకపోవడం, క్యాలరీలు అధికంగా ఉండే ఆహారం తీసుకోవడం.. వంటివన్నీ ఇందుకు కొన్ని కారణాలుగా వారు గుర్తించారు. కాబట్టి బరువు విషయంలో చిన్నతనం నుంచే జాగ్రత్తగా ఉండడం మంచిది. తద్వారా టీనేజీలో ఎదురయ్యే స్థూలకాయం, ఇతర ఆరోగ్య సమస్యల బారి నుంచి కూడా దూరంగా ఉండచ్చు. మరి అందుకు ఏం చేయాలో తెలుసుకుందాం రండి.

Know More

women icon@teamvasundhara
4-year-old-girl-celebrates-being-cancer-free-netizens-send-her-love-in-telugu

నేను పోరాడాను... నేను గెలిచాను!

క్యాన్సర్... మందు లేని ఈ మహమ్మారి ఎన్నో ఏళ్లుగా మానవ జాతిని పట్టి పీడిస్తోంది. ఆడ, మగ, చిన్నా, పెద్దా అన్న తేడాల్లేకుండా అందరినీ భయపెడుతోంది. శరీరంలోని కణ జాల వ్యవస్థ పనితీరును పూర్తిగా నాశనం చేసే ఈ ప్రాణాంతక వ్యాధి నుంచి బయటపడడం అంటే మామూలు విషయం కాదు. అలాంటిది నాలుగేళ్ల ఓ చిన్నారి ప్రమాదకర క్యాన్సర్‌ను జయించింది. తద్వారా తన కుటుంబ సభ్యుల్లో కనిపించకుండా పోయిన సంతోషాన్ని మళ్లీ వెనక్కు తెచ్చింది. ఇక ఆ చిన్నారి తల్లి ఆనందానికైతే ఆకాశమే హద్దు. అందుకే క్యాన్సర్‌పై విజయం సాధించి తిరిగొచ్చిన తన కూతురికి ఓ అందమైన ఫొటోషూట్‌ను నిర్వహించింది.

Know More

women icon@teamvasundhara
tips-to-follow-of-you-have-toddlers-in-telugu
women icon@teamvasundhara
how-to-get-rid-of-baby-hiccups-in-telugu

పసిపిల్లలకు ఎక్కిళ్లు వస్తుంటే...

పసి పిల్లలకు ఏ చిన్న ఆరోగ్య సమస్య ఎదురైనా, వారు ఏ విషయంలో ఇబ్బంది పడినా తల్లి మనసు తల్లడిల్లిపోతుంది. ఆ సమయంలో అసలు వారికి ఏం జరిగిందో అర్థం కాని పరిస్థితి కొత్తగా తల్త్లెన మహిళలది! అందుకే బుజ్జాయిల్ని అనుక్షణం ఎంతో జాగ్రత్తగా, కంటికి రెప్పలా కాపాడుకుంటారు తల్లులు. ఈ క్రమంలో కొంతమంది అమ్మలు వారి చిన్నారులకు ఎక్కిళ్లు వచ్చినా తట్టుకోలేరు. ఇంత చిన్న పాపాయికి కూడా ఎక్కిళ్లు వస్తాయా? అంటూ సందేహిస్తారు. అయితే పుట్టినప్పటి నుంచి ఏడాది వయసొచ్చే వరకు చిన్నపిల్లల్లో ఎక్కిళ్లు రావడం సర్వసాధారణమని, దానికి పెద్దగా భయపడాల్సిన అవసరం లేదంటున్నారు పిల్లల వైద్య నిపుణులు. ఇంతకీ బుజ్జాయిల్లో ఎక్కిళ్లు రావడానికి కారణమేంటి? వాటిని ఎలా అదుపు చేయాలి? వంటి విషయాలన్నీ తెలుసుకోవాలంటే ఇది చదవాల్సిందే..!

Know More

women icon@teamvasundhara
how-to-make-up-your-child-as-little-krishna-in-telugu
women icon@teamvasundhara
physical-changes-in-girls-at-the-time-of-puberty

‘ఆ మార్పుల’ గురించి మీ అమ్మాయికి చెప్పారా?

రుతుక్రమం.. ఆడపిల్లలు బాల్యం నుంచి యుక్తవయసులోకి అడుగిడే దశకు సూచన. సాధారణంగా చాలామంది ఆడపిల్లల్లో 10 నుంచి 13 ఏళ్ల మధ్య రుతుచక్రం ప్రారంభమవుతుంది. అయితే కొంతమందికి ఇంతకంటే ముందుగానే.. అంటే దాదాపు 8 ఏళ్ల వయసులోనే లేదంటే 13 ఏళ్ల తర్వాతనైనా.. నెలసరి కావడం మొదలవ్వచ్చు. ఏదేమైనా పిరియడ్ మొదలయ్యే క్రమంలో ఆడపిల్లల శరీరంలో పలు మార్పులు చోటుచేసుకోవడం సర్వసాధారణం. తల్లులు ఆ మార్పులను ఎప్పటికప్పుడు గమనిస్తూ.. వాటి గురించి వారికి వివరించడం ఎంతో ముఖ్యం. అంతేకాదు.. ఆయా సమయాల్లో పాటించాల్సిన జాగ్రత్తల గురించి వారికి అన్ని వివరాలు ముందుగానే తెలియజేయాల్సిన బాధ్యత తల్లిదే.

Know More

women icon@teamvasundhara
keeping-your-kids-healthy-during-monsoon-in-telugu

వర్షాకాలంలో చిన్నారుల ఆరోగ్యం జాగ్రత్త!!

వర్షాకాలం వచ్చిందంటే ఎండలవేడి తగ్గి కాస్త సేదతీరుతాం.. కానీ చల్లదనంతో పాటే వానలు రకరకాల ఆరోగ్య సమస్యల్ని కూడా వెంట తెస్తాయి. చిన్నారుల విషయంలోనైతే మరీనూ. ఈ సీజన్‌లో చిన్నపిల్లల్లో మలేరియా, కలరా, కామెర్లు, వైరల్ ఫీవర్, జలుబు, దగ్గు.. ఇలా ఎన్నో ఆరోగ్య సమస్యలు తలెత్తుతాయి. అంతేకాదు ఈ సమయంలో చాలామంది పిల్లల్లో రోగనిరోధక శక్తి తగ్గిపోతుంది. దీనికి తోడు అసలే ఎక్కడ చూసినా కరోనా విజృంభిస్తోంది. కాబట్టి ఈ వర్షాకాలంలో పిల్లల్ని కంటికి రెప్పలా కాపాడాల్సిన బాధ్యత ప్రతి తల్లిదండ్రులకీ ఉంది. మరి ఈ సీజన్‌లో చిన్నారులు ఆరోగ్యంగా, ఫిట్‌గా ఉండాలంటే ఏంచేయాలో తెలుసుకోండి..

Know More

women icon@teamvasundhara
caring-tips-for-underweight-children-in-telugu

మీ పిల్లలు తక్కువ బరువున్నారా?

అధిక బరువు వల్ల ఎలాగైతే పలు రకాల ఆరోగ్య సమస్యలు వస్తాయో.. అలాగే బరువు తక్కువగా ఉండడం వల్ల కూడా వెంటాడే ఆరోగ్య సమస్యలు బోలెడుంటాయి. ఇది కేవలం పెద్దవాళ్లకే కాదు.. పిల్లలకీ వర్తిస్తుంది. చాలామంది తల్లిదండ్రులు వారి బుజ్జాయిల బరువు గురించి బాధపడుతూ ఉంటారు. 'మా పాప చాలా సన్నగా, బరువు తక్కువగా ఉందండీ.. దీంతో ఐదేళ్లొచ్చినా రెండేళ్లమ్మాయిలా కనిపిస్తుంది. తన బరువు పెంచాలంటే ఏం చేయాలో తోచట్లేదు.. మీకేమైనా అవగాహన ఉంటే కాస్త చెప్పండీ..' అంటూ ఇరుగుపొరుగు వారిని సలహాలు అడుగుతుంటారు. అయితే అనారోగ్యకర సలహాల వల్ల పిల్లలు బరువు పెరగకపోవడమే కాకుండా, వారి ఆరోగ్యానికీ మంచిది కాదు. కాబట్టి వారిని ఓసారి పోషకాహార నిపుణుల వద్ద చూపించి, వారు బరువు పెరగడానికి నిపుణులు సూచించిన సలహాలను క్రమం తప్పకుండా పాటించాలి. తద్వారా పిల్లలు తక్కువ బరువు నుంచి బయటపడగలిగే అవకాశం ఉంటుంది. ఈ క్రమంలో మరీ తక్కువ బరువున్న పిల్లలు బరువు పెరగాలంటే వారి రోజువారీ అలవాట్లు ఎలా ఉండాలో తెలుసుకుందాం...

Know More

women icon@teamvasundhara
do-you-know-about-breast-crawling?-what-are-the-benefits-of-it?

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

Know More

women icon@teamvasundhara
how-to-talk-to-kids-about-sex-and-sexual-behavior-in-telugu
women icon@teamvasundhara
mindful-eating-steps-to-teach-kids-in-telugu

పిల్లలను ఇలా ‘హెల్దీ’గా మార్చేద్దాం!

మనం తీసుకునే ఆహారం అటు శారీరకంగానే కాదు.. ఇటు మానసికంగానూ ప్రభావం చూపుతుంది. అయితే చాలామంది తల్లిదండ్రులు మాత్రం తమ పిల్లల విషయంలో ఆరోగ్యకరమైన ఆహార నాణ్యతా ప్రమాణాలను పాటించలేకపోతున్నారు. ఎందుకంటే తమకు పెట్టే ఆహారం రుచించక ఎక్కువశాతం మంది పిల్లలు భోజనం చేసే విషయంలో తల్లుల్ని తెగ విసిగిస్తుంటారు. వాళ్లకు ఇష్టమైనవైతేనే నోరు తెరుస్తారు.. లేదంటే మూతి తిప్పేస్తుంటారు. ఇక జంక్‌ ఫుడ్‌ అంటే లొట్టలేసుకుంటూ మన దగ్గరికి వచ్చేస్తారు. అయితే తమ చిన్నారుల దృష్టిని వీటిపై నుంచి మరల్చడంలో తల్లిదండ్రులు విఫలమవుతున్నారనే చెప్పాలి. ఎందుకంటే బయటికి వెళ్లిన ప్రతిసారీ చిప్స్‌, బిస్కట్స్‌, పిజ్జా, బర్గర్‌ అంటూ వారికి అలవాటు చేయడంతో ఇంటి ఆహారం వారికి నచ్చట్లేదు. కాబట్టి ఈ అలవాటు మాన్పించాలంటే.. పిల్లల కంటికి నచ్చేలా కాదు.. నోటికి రుచించేలా ఆరోగ్యకరమైన ఆహారాన్ని అందివ్వడం తల్లుల బాధ్యత. అందుకు మనం ఏం చేయాలో ఇప్పుడు చూద్దాం..

Know More

women icon@teamvasundhara
how-to-eradicate-vision-problems-in-children

కళ్లజోడుతో కాదు.. కళ్లతో చూడనివ్వండి..!

ఈరోజుల్లో కళ్లజోడు లేని పిల్లలను వేళ్ల మీద లెక్కపెట్టచ్చు. పదిమందిలో కచ్చితంగా ఏడుగురైనా కళ్లజోడు పెట్టుకోకుండా ఏ పనీ చేయలేని పరిస్థితి నేటి చిన్నారులది. కొంతమంది పిల్లలకైతే స్కూల్లో చేరక ముందే కళ్లజోడు వచ్చేస్తోంది. మరి, ఈ తరం పిల్లల పరిస్థితే ఇలా ఉంటే.. రాబోయే తరాల సంగతేంటి? ఎప్పటికీ వారు ప్రపంచాన్ని కళ్లజోడుతోనే చూడాలా? అంటే లేదు.. కొన్ని ముందు జాగ్రత్తలు పాటిస్తే మనమిచ్చిన కళ్లజోడుతో కాకుండా దేవుడిచ్చిన కళ్లతోనే వారికి ప్రపంచాన్ని పరిచయం చేయచ్చంటున్నారు పిల్లల వైద్యులు. మరి, అవేంటో ఒకసారి చూద్దాం పదండి.

Know More

women icon@teamvasundhara
cyber-agency-asks-to-monitor-childs-internet-activity-amid-spurt-during-lockdown

పిల్లలు ఇంటర్నెట్‌ వాడుతున్నారా? అయితే ఈ జాగ్రత్తలు మీకోసమే!

లాక్‌డౌన్‌ 4.0లో కొన్ని సడలింపులు ఇచ్చినప్పటికీ ఇంకా కొంతమంది ఇంటి నుంచే పనిచేస్తున్నారు. అయితే పాఠశాలలు, కళాశాలలు ఇంకా తెరచుకోకపోవడంతో పిల్లలందరూ ఇంట్లోనే గడుపుతున్నారు. కొంతమంది మాత్రం ఆన్‌లైన్‌ క్లాసులకు అటెండవుతున్నారు. మొత్తం మీద లాక్‌డౌన్‌తో చాలామంది పిల్లలు టీవీలు, కంప్యూటర్లు, స్మార్ట్‌ఫోన్‌ల బాట పట్టారు. ఆన్‌లైన్‌ గేమ్స్‌, వీడియో గేమ్స్‌, యూట్యూబ్‌.. అంటూ విచ్చలవిడిగా ఇంటర్నెట్‌ను వినియోగిస్తున్నారు. అయితే అంతర్జాల వాడకానికి సంబంధించి పిల్లలపై తల్లిదండ్రుల పర్యవేక్షణ అవరసమని సూచిస్తోంది నేషనల్‌ సైబర్ సెక్యూరిటీ ఏజెన్సీ. లేకపోతే సైబర్‌ నేరగాళ్ల నుంచి లైంగిక వేధింపులు, ఇతర సమస్యలు తప్పవని ఆ ఏజెన్సీకి చెందిన ‘ది కంప్యూటర్‌ ఎమర్జెన్సీ రెస్పాన్స్‌ టీం ఆఫ్‌ ఇండియా(సెర్ట్‌-ఇన్‌)’ విభాగం హెచ్చరించింది. అదేవిధంగా పిల్లలు ఇంటర్నెట్‌ వాడుతున్నప్పుడు సైబర్‌ నేరగాళ్ల ఉచ్చులో చిక్కుకోకుండా ఉండేందుకు కొన్ని కీలకమైన మార్గదర్శకాలు జారీ చేసింది.

Know More

women icon@teamvasundhara
corona-virus-amitabh-shares-adorable-video-of-baby-laughing-hysterically

ఈ చిన్నారి బోసినవ్వులు చూస్తే నవ్వకుండా ఉండలేరు!

స్వచ్ఛమైన మనసు, అమాయకత్వం చిన్నారుల సొంతం. అందుకే పిల్లలు మాట్లాడుతుంటే ఎంతో ముద్దుగా ఉంటుంది. ఇక నిష్కల్మషమైన పసిపిల్లల బోసి నవ్వు ఎలాంటి బాధనైనా ఇట్టే మరిపిస్తుంది. ప్రస్తుతం కరోనా ప్రభావంతో అందరి మోముపై చిరునవ్వు మాయమైపోయింది. ఈ పరిస్థితుల్లో ఓ బుడ్డోడు పగలబడి నవ్వుతూ అందర్నీ నవ్విస్తున్నాడు. కిలకిలా నవ్వుతూ కరోనా భయాన్ని మరిచిపోయేలా చేస్తున్నాడు. బాలీవుడ్‌ దిగ్గజం అమితాబ్‌ బచ్చన్‌ లాంటి ప్రముఖులు సైతం ఆ పిల్లాడి బోసి నవ్వుకు ఫిదా అవుతున్నారు. మరి ఆ నవ్వు వెనక ఉన్న అసలు కథే ఏంటో చూద్దాం రండి...

Know More

women icon@teamvasundhara
reasons-why-working-mothers-are-great-role-models

అమ్మలూ.. అందుకే మనం ఉద్యోగం మానకూడదు..!

మహిళలు కూడా పురుషులతో సమానంగా ఉద్యోగ బాధ్యతల్ని భుజాలకెత్తుకోవడం గురించి ఈ రోజుల్లో కొత్తగా చెప్పుకోవక్కర్లేదు. అందులోనూ ఈ కరోనా సృష్టించిన సంక్షోభం పుణ్యమా అని ఆడైనా మగైనా ఉద్యోగ భద్రతే ప్రశ్నార్థకంగా మారుతోంది.. అయితే సాధారణంగా కొంతమంది పెళ్త్లె, పిల్లలు పుట్టే వరకే ఉద్యోగం చేయడానికి ఆసక్తి చూపుతుంటారు. ఆ తర్వాత పిల్లల ఆలనా-పాలనా, ఇంటి బాధ్యతల దృష్ట్యా ఉద్యోగానికి రాజీనామా చేసి ఇంటికే పరిమితమైపోతుంటారు. అయితే ఇలా చేయడం కంటే పిల్లలు పుట్టాక కూడా ఉద్యోగ బాధ్యతల్ని నిర్వర్తించే అమ్మలు తమ పిల్లలకు రోల్ మోడల్‌గా మారే అవకాశాలు ఎక్కువగా ఉన్నాయని చెబుతున్నాయి కొన్ని అధ్యయనాలు. ఈ క్రమంలో తల్లులు నిర్వర్తించే ఉద్యోగ బాధ్యతలు, వర్క్-లైఫ్ బ్యాలన్స్.. వంటివన్నీ తమ చిన్నారులకూ అలవడతాయట! ఈ నేపథ్యంలో వర్కింగ్ మదర్స్ తమ విధి నిర్వహణలో భాగంగా వారి పిల్లలకు ఎలా రోల్ మోడల్‌గా మారతారో ఈ 'మదర్స్ డే' సందర్భంగా తెలుసుకోవడం సందర్భోచితం.

Know More

women icon@teamvasundhara
corona-virus-here-is-how-bollywood-celebrity-moms-are-keeping-their-kids-active

వీళ్లంతా పిల్లలని ఎలా బిజీగా ఉంచుతున్నారో చూడండి!

కరోనా కల్లోలంతో ప్రపంచ దేశాలన్నీ కట్టుదిట్టంగా లాక్‌డౌన్‌ అమలుచేస్తున్నాయి. ఇండియాలో కూడా పాజిటివ్‌ కేసులు పెరగడంతో కేంద్రం కఠిన ఆంక్షలను కొనసాగిస్తోంది. ఈ క్రమంలో చిన్నా, పెద్దా అంతా ఇంటికే పరిమితమయ్యారు. అయితే ఈ లాక్‌డౌన్‌ సమయంలో తమ పిల్లలను ఖాళీగా ఉంచకుండా వారిలో దాగున్న ప్రతిభను ప్రోత్సహిస్తున్నారు కొందరు సెలబ్రిటీ మామ్స్‌. నచ్చిన పనుల్లో ప్రోత్సహిస్తూనే వారిలోని క్రియేటివిటీని మేల్కొల్పుతున్నారు. తద్వారా లాక్‌డౌన్‌ సమయాన్ని పిల్లలు కూడా సద్వినియోగం చేసుకునేలా పేరెంటింగ్‌ పాఠాలు చెబుతున్నారు. ఈ క్రమంలో ఓవైపు పిల్లల ఆలనాపాలన చూసుకుంటూనే.. మరోవైపు వారిలోని సృజనాత్మకతను ప్రోత్సహిస్తోన్న కొందరు సూపర్‌మామ్స్‌ పేరెంటింగ్‌ టిప్స్‌ తెలుసుకుందాం రండి.

Know More

women icon@teamvasundhara
tips-to-control-your-kids-without-punish-them-in-this-lock-down
women icon@teamvasundhara
now-parents-can-control-their-kids-tik-tok-accounts

ఇలా చేస్తే మీ పిల్లల టిక్‌టాక్‌ ఖాతాలు మీచేతిలో..!

ఫేస్‌బుక్‌, వాట్సాప్‌, ఇన్‌స్టాగ్రామ్‌ తర్వాత మళ్లీ ఆ స్థాయిలో నెటిజన్లను ఆకట్టుకొంటోన్న సోషల్‌ మీడియా వేదిక ‘టిక్‌టాక్‌’. డ్యాన్స్‌ మొదలుకొని.. కామెడీ, మ్యాజిక్‌, ఫొటోగ్రఫీ, విద్య, అనుకరణ, సందేశాత్మక.. మొదలైన కంటెంట్‌తో వీడియోలను రూపొందించి ఇందులో పోస్ట్‌ చేస్తుంటారు టిక్‌టాకర్లు. ఈ యాప్‌ని కాలక్షేపం కోసం వాడితే ఫర్వాలేదు.. కానీ కొంతమందికి మాత్రం ఇది వ్యసనంగా మారుతోంది. ముఖ్యంగా ఈ యాప్‌ను వాడే వారిలో ఎక్కువశాతం మంది టీనేజర్లే కావడం గమనార్హం. దీంతో తమ పిల్లలు టిక్‌టాక్‌ను పరిమితికి మించి వాడుతున్నారని ఎంతోమంది తల్లిదండ్రులు ఆందోళన చెందుతున్నారు. అందుకే ఈ సమస్యకు ఓ పరిష్కార మార్గం ఆలోచించింది టిక్‌టాక్‌ సంస్థ.

Know More

women icon@teamvasundhara
follow-these-tips-to-inculcate-mindful-eating-habits-in-children

ఈ లాక్‌డౌన్‌లోనే పిల్లలను ‘హెల్దీ’గా మార్చేద్దాం!

మనం తీసుకునే ఆహారం అటు శారీరకంగానే కాదు.. ఇటు మానసికంగానూ ప్రభావం చూపుతుంది. అయితే చాలామంది తల్లిదండ్రులు మాత్రం తమ పిల్లల విషయంలో ఆరోగ్యకరమైన ఆహార నాణ్యతా ప్రమాణాలను పాటించలేకపోతున్నారు. ఎందుకంటే తమకు పెట్టే ఆహారం రుచించక ఎక్కువశాతం మంది పిల్లలు భోజనం చేసే విషయంలో తల్లుల్ని తెగ విసిగిస్తుంటారు. వాళ్లకు ఇష్టమైనవైతేనే నోరు తెరుస్తారు.. లేదంటే మూతి తిప్పేస్తుంటారు. ఇక జంక్‌ ఫుడ్‌ అంటే లొట్టలేసుకుంటూ మన దగ్గరికి వచ్చేస్తారు. అయితే తమ చిన్నారుల దృష్టిని వీటిపై నుంచి మరల్చడంలో తల్లిదండ్రులు విఫలమవుతున్నారనే చెప్పాలి. ఎందుకంటే బయటికి వెళ్లిన ప్రతిసారీ చిప్స్‌, బిస్కట్స్‌, పిజ్జా, బర్గర్‌ అంటూ వారికి అలవాటు చేయడంతో ఇంటి ఆహారం వారికి నచ్చట్లేదు. కాబట్టి ఈ అలవాటు మాన్పించాలంటే.. పిల్లల కంటికి నచ్చేలా కాదు.. నోటికి రుచించేలా ఆరోగ్యకరమైన ఆహారాన్ని అందివ్వడం తల్లుల బాధ్యత. మొన్నటిదాకా అంటే బిజీబిజీ పనుల వల్ల అది కుదరకపోవచ్చు.. కానీ ఈ లాక్‌డౌన్‌ కారణంగా దొరికిన ఖాళీ సమయాన్ని అందుకు వినియోగించండి.. పిల్లలకు ఆరోగ్యకరమైన ఆహారపుటలవాట్లను అలవర్చండి. అందుకు తల్లులు ఏం చేయాలో ఇప్పుడు చూద్దాం..

Know More

women icon@teamvasundhara
tips-for-those-working-from-home-with-kids

అమ్మలూ.. ఇలా చేస్తే ఇంటినీ, పనినీ బ్యాలన్స్‌ చేసుకోవడం ఎంతో ఈజీ!

కరోనా నుండి మనల్ని మనం కాపాడుకోవడానికి ప్రస్తుతం మన ముందున్న ఏకైక మార్గం ‘లాక్‌డౌన్‌’ మాత్రమే. అందువల్ల దేశంలో విద్యాసంస్థలతో పాటు.. కార్యాలయాలు, వ్యాపార సంస్థలు సకలం మూతపడ్డాయి. ఈ కారణంగా పిల్లలు ఇల్లు దాటకుండా వారి చుట్టూ లక్ష్మణ రేఖ గీయడం.. అదే సమయంలో కొందరు తల్లిదండ్రులు ఇంటి నుండి పనిచేయాల్సి రావడం వల్ల తల్లిదండ్రులకు కొత్త చిక్కులు వచ్చిపడుతున్నాయి. అటు పిల్లలను సముదాయిస్తూ, ఆడిస్తూనే.. ఇటు ఆఫీస్‌ పని చేసుకోవాల్సిన పరిస్థితి ఏర్పడింది. ఇలా రెండింటినీ బ్యాలన్స్‌ చేయాలంటే ఎంతో చాకచక్యత, ప్రణాళిక అవసరం. ఈ నేపథ్యంలో ఓవైపు వర్క్‌ ఫ్రమ్‌ హోమ్‌ చేస్తూనే.. మరోవైపు పిల్లల ఆలనా పాలన చూసుకోవాలంటే తల్లులు ఎలాంటి టిప్స్‌ పాటించాలో ఇప్పుడు తెలుసుకుందాం..

Know More

women icon@teamvasundhara
corona-virus-covid-19-hygiene-rules-for-babies-every-mom-should-follow

కరోనా నుంచి చంటి పిల్లలను కంటికి రెప్పలా కాచుకోండి!

ప్రపంచమంతా కరోనా భయం వెంటాడుతోంది. అగ్రదేశాలను సైతం అతలాకుతలం చేస్తోన్న ఈ మహమ్మారి మనదేశంలోనూ వేగంగా విస్తరిస్తోంది. దీంతో సామాన్య ప్రజలు భయభ్రాంతులకు గురవుతున్నారు. సంపూర్ణ ఆరోగ్యంగా ఉన్న వారే ఈ వైరస్‌ బారిన పడి డీలా పడిపోతున్నారంటే.. ఇక రోగనిరోధక శక్తి తక్కువగా ఉండే గర్భిణులు, చిన్నారులు, వృద్ధుల పరిస్థితి చెప్పనక్కరలేదు. అయితే రోజుల, నెలల పిల్లలు కూడా ఈ మహమ్మారి చేతికి చిక్కుతున్నారని మనం రోజూ వార్తల్లో చూస్తూనే ఉన్నాం. అందుకే పసి పిల్లల విషయంలో తల్లులు చాలా జాగ్రత్తలు తీసుకోవాలని పిల్లల వైద్య నిపుణులు సూచిస్తున్నారు. మరి కనికరం లేకుండా అందరినీ కబళిస్తోన్న ఈ కరోనా వైరస్‌ నుంచి చంటి పిల్లలను కాపాడుకునేందుకు తల్ల్లులు ఏం చేయాలో తెలుసుకుందాం రండి.

Know More

women icon@teamvasundhara
tips-for-those-working-from-home-with-kids

అమ్మలూ.. ఇలా చేస్తే ఇంటినీ, పనినీ బ్యాలన్స్‌ చేసుకోవడం ఎంతో ఈజీ!

కరోనా నుండి మనల్ని మనం కాపాడుకోవడానికి ప్రస్తుతం మన ముందున్న ఏకైక మార్గం ‘లాక్‌డౌన్‌’ మాత్రమే. అందువల్ల దేశంలో విద్యాసంస్థలతో పాటు.. కార్యాలయాలు, వ్యాపార సంస్థలు సకలం మూతపడ్డాయి. ఈ కారణంగా పిల్లలు ఇల్లు దాటకుండా వారి చుట్టూ లక్ష్మణ రేఖ గీయడం.. అదే సమయంలో కొందరు తల్లిదండ్రులు ఇంటి నుండి పనిచేయాల్సి రావడం వల్ల తల్లిదండ్రులకు కొత్త చిక్కులు వచ్చిపడుతున్నాయి. అటు పిల్లలను సముదాయిస్తూ, ఆడిస్తూనే.. ఇటు ఆఫీస్‌ పని చేసుకోవాల్సిన పరిస్థితి ఏర్పడింది. ఇలా రెండింటినీ బ్యాలన్స్‌ చేయాలంటే ఎంతో చాకచక్యత, ప్రణాళిక అవసరం. ఈ నేపథ్యంలో ఓవైపు వర్క్‌ ఫ్రమ్‌ హోమ్‌ చేస్తూనే.. మరోవైపు పిల్లల ఆలనా పాలన చూసుకోవాలంటే తల్లులు ఎలాంటి టిప్స్‌ పాటించాలో ఇప్పుడు తెలుసుకుందాం..

Know More

women icon@teamvasundhara
indoor-games-in-corona-lockdown-time

పిల్లల్ని ఇంట్లోనే ఆడించండి.. కరోనా ముప్పును తప్పించండి!

కరోనా వైరస్‌ ప్రపంచాన్ని అతలాకుతలం చేస్తోంది. ప్రస్తుతం గడప దాటి అడుగు బయట పెట్టే పరిస్థితి లేదు. లాక్‌డౌన్‌ నేపథ్యంలో అందరూ ఇళ్లకే పరిమితమయ్యారు. ఈ కుటుంబ సభ్యులతోనే కాలక్షేపం చేస్తున్నారంతా. అయితే ఈ అనుకోని సెలవుల వల్ల మొదట్లో పెద్దగా ఇబ్బంది కలగకపోయినా.. రాన్రానూ ప్రజల్లో అసహనం పెరిగిపోతోంది. చాలా రోజుల పాటు ఇంటికే పరిమితమవడంతో బోర్‌గా ఫీల్‌ అవుతున్నారు. ఇక చిన్నారుల గురించి ప్రత్యేకంగా చెప్పాల్సిన పనిలేదు. ఎప్పుడూ జాలీగా తోటి పిల్లలు, ఫ్రెండ్స్‌తో కలిసి ఆడుకునే వారు ఒక్కసారిగా ఇంట్లో బందీలుగా మారిపోయారు. అయితే ఇలాంటి పరిస్థితులు కాలక్రమేణా ఇటు మనలో, అటు చిన్నారుల్లో మానసిక సమస్యలకు కారణమయ్యే అవకాశం ఉందని చెబుతున్నారు మానసిక నిపుణులు. అందుకే వారిని ఖాళీగా ఉంచకుండా ఏదో ఒక పనిలో బిజీగా ఉంచమని, వారిలో క్రియేటివిటీని పెంపొందించే, ఫన్‌ని అందించే ఆటల్ని ఇంట్లోనే వారిచే ఆడించమని సలహా కూడా ఇస్తున్నారు. మరి, అటు చిన్నారులతో పాటు ఇటు పెద్దల్లోనూ ఉత్సాహాన్ని నింపే అలాంటి కొన్ని ఇండోర్‌ గేమ్స్‌ గురించి ఇప్పుడు తెలుసుకుందాం..

Know More

women icon@teamvasundhara
corona-covid-19-parents-make-home-as-restaurant-for-their-kids-during-lockdown

ఇల్లే రెస్టరంట్‌... తల్లిదండ్రులే వెయిటర్లు!

పిల్లల సంతోషం కంటే తల్లిదండ్రులకు ఏదీ ఎక్కువ కాదు. వారి స్థోమత, స్థాయులకు తగినట్లు ఉన్నంతలో తమ పిల్లల్ని బాగా చూసుకోవాలని ఆశిస్తుంటారు పేరెంట్స్‌. చిన్నారుల కోరికలను తీర్చడానికి వారు ఏమాత్రం వెనకాడరు. తాజాగా యూకేకు చెందిన ఓ తల్లిదండ్రులు తమ పిల్లలకు ఊహించని సర్‌ప్రైజ్‌ ఇచ్చారు. వివరాల్లోకి వెళితే.. కరోనా వైరస్‌ నేపథ్యంలో ప్రపంచమంతా లాక్‌డౌన్‌లోకి వెళ్లిపోయింది. అంతా ఇళ్లకే పరిమితమయ్యారు. రెస్టరంట్‌లు, సినిమా హాళ్లు అన్నీ మూతపడ్డాయి. సాధారణ రోజుల్లో ఎంతో జాలీగా గడిపిన చిన్నారులు కూడా ప్రస్తుతం నాలుగ్గోడల మధ్య ఉండాల్సిన పరిస్థితులు తలెత్తాయి. అయితే ఇలాంటి విపత్కర పరిస్థితుల్లో కూడా తమ చిన్నారులకు ఆనందాన్ని పంచాలనుకున్నారు యూకేకు చెందిన పేరెంట్స్‌.

Know More

women icon@teamvasundhara
little-daughter-stops-her-father-go-out-due-to-corona

బయటికెళ్తే కరోనా వస్తుంది.. వెళ్లొద్దు నాన్నా ప్లీజ్‌..!

రోజురోజుకీ కరోనా వైరస్‌ వ్యాప్తి ఉగ్రరూపం దాల్చుతోంది. ప్రపంచంతో పాటు దేశవ్యాప్తంగా పాజిటివ్‌ కేసులు పెరిగిపోతున్నాయి. దీంతో కేంద్ర, రాష్ట్ర ప్రభుత్వాలు లాక్‌డౌన్‌ను అత్యంత పకడ్బందీగా అమలు చేస్తున్నాయి. ఈ క్రమంలోనే బయట ఎవరినీ తిరగనివ్వకుండా జాగ్రత్తలు తీసుకుంటున్నారు. పోలీసు అధికారులు కూడా బయటకు రావద్దంటూ వివిధ రకాలుగా విజ్ఞప్తి చేస్తోన్న విషయం తెలిసిందే. అయితే బయటకు వెళ్లడానికి ప్రయత్నించిన తన తండ్రిని వెళ్లొద్దంటూ బతిమాలుతోన్న ఓ చిన్నారి మాటల మూటలు ప్రస్తుతం నెట్టింట్లో వైరల్‌గా మారాయి. వివరాల్లోకి వెళితే..

Know More

women icon@teamvasundhara
sameera-reddy-posts-messy-mama-tips-and-children-anxiety

లాక్ డౌన్ లో తల్లుల కోసం సమీర టిప్స్!

సమీరా రెడ్డి.. సోషల్‌ మీడియాలో ఎప్పుడూ యాక్టివ్‌గా ఉంటూ ఎప్పటికప్పుడు తన వ్యక్తిగత విషయాలతోపాటు.. పోస్ట్‌ ప్రెగ్నెన్సీ డిప్రెషన్‌, బాడీ పాజిటివిటీ, బ్రెస్ట్‌ ఫీడింగ్‌, పిల్లల పెంపకానికి సంబంధించిన స్ఫూర్తిదాయకమైన పోస్ట్‌లను పెడుతూ అందరిలో ప్రేరణ నింపుతుంటుంది సమీర. లాక్‌డౌన్‌ కారణంగా దేశంలోని ప్రజలంతా ఇంటికే పరిమితమైన నేపథ్యంలో.. ఇంట్లోనే ఉంటున్న తల్లులకు తన పోస్ట్‌ల రూపంలో టిప్స్‌ని షేర్‌ చేస్తోంది ఈ బ్యూటివుల్‌ మామ్‌. లాక్‌డౌన్‌ నేపథ్యంలో ఇంట్లోనే ఉండడం వల్ల ఒత్తిడికి గురయ్యే అవకాశాలు ఉంటాయి. దాని నుండి బయటపడడానికి ప్రణాళికను ఎలా సిద్ధం చేసుకోవాలో కొన్ని టిప్స్‌ని పంచుకుంది సమీర.. అంతేకాదు.. పెద్దల పరిస్థితే ఇలా ఉంటే ఇంట్లో ఉండే పిల్లల గురించి ఆలోచించాలని చెప్తోంది. పిల్లలు సైతం మానసిక ఒత్తిడికి గురవుతారని తన స్వానుభవాన్ని వివరిస్తోంది. అంతేకాకుండా.. పిల్లల పరిస్థితిని గుర్తించడానికి సూచనలు.. దాని నుండి పిల్లలను కాపాడుకునే మార్గాలను సూచిస్తోందీ చబ్బీ బ్యూటీ.. మరి ఆ టిప్స్‌ ఏంటో తెలుసుకుని మనమూ పాటిద్దాం రండి..

Know More

women icon@teamvasundhara
modi-tweets-an-inspiring-video-of-young-corona-warrior

నాన్నా.. నేను, అమ్మా మిమ్మల్ని మిస్ అవ్వట్లేదు..మీరు జాగ్రత్త !

మన కుటుంబ సభ్యులు/సన్నిహితులు దూరంగా ఉన్నప్పుడు.. వాళ్లు క్షేమంగా ఉండాలని కోరుకోవడం సహజం. ముఖ్యంగా ఏదైనా ప్రకృతి వైపరీత్యాలు జరిగినప్పుడు, అనుకోని పరిస్థితులు ఎదురైనప్పుడు.. వాళ్లు ఎక్కడున్నారో? ఎలా ఉన్నారో?అంటూ ఎప్పటికప్పుడు వాళ్ల క్షేమ సమాచారం కోసం తాపత్రయపడుతుంటాం. వీలైతే వాళ్లను మన దగ్గరకు రమ్మనడం.. లేదా మనమే వాళ్ల దగ్గరకు వెళ్లడం లాంటివి చేస్తుంటాం. ప్రస్తుతం ప్రపంచం ఎదుర్కొంటోన్న ఈ విపరీత పరిస్థితిలో.. ప్రపంచవ్యాప్తంగా దాదాపు అన్ని దేశాల్లో జన సంచారాన్ని నిషేధించారు. ప్రజలు ఇళ్లలో నుంచి బయటకి రావొద్దని వివిధ దేశాల ప్రభుత్వాలు ఆదేశాలు జారీ చేశాయి. ఈ క్రమంలో భారత ప్రభుత్వం కూడా 21 రోజుల పాటు లాక్డౌన్ ప్రకటించిన సంగతి విదితమే. దీంతో వృత్తి, వ్యాపారం, చదువు.. మొదలైన కారణాలతో కుటుంబ సభ్యులకు దూరంగా ఉంటోన్న ప్రజలు ఎక్కడి వాళ్లు అక్కడే నిలిచిపోక తప్పట్లేదు. ఇలాంటి విపత్కర పరిస్థితుల్లో తమ వాళ్లతో ఉండలేకపోతున్నందుకు చాలామంది మానసికంగా కుంగిపోతున్నారు. ఈ నేపథ్యంలో ప్రజల్లో చైతన్యం కలిగించేందుకు ప్రధాని నరేంద్ర మోదీ తాజాగా ఓ వీడియోను సోషల్ మీడియా ద్వారా పంచుకున్నారు.

Know More