రుతుక్రమం.. ఆడపిల్లలు బాల్యం నుంచి యుక్తవయసులోకి అడుగిడే దశకు సూచన. సాధారణంగా చాలామంది ఆడపిల్లల్లో 10 నుంచి 13 ఏళ్ల మధ్య రుతుచక్రం ప్రారంభమవుతుంది. అయితే కొంతమందికి ఇంతకంటే ముందుగానే.. అంటే దాదాపు 8 ఏళ్ల వయసులోనే లేదంటే 13 ఏళ్ల తర్వాతనైనా.. నెలసరి కావడం మొదలవ్వచ్చు. ఏదేమైనా పిరియడ్ మొదలయ్యే క్రమంలో ఆడపిల్లల శరీరంలో పలు మార్పులు చోటుచేసుకోవడం సర్వసాధారణం. తల్లులు ఆ మార్పులను ఎప్పటికప్పుడు గమనిస్తూ.. వాటి గురించి వారికి వివరించడం ఎంతో ముఖ్యం. అంతేకాదు.. ఆయా సమయాల్లో పాటించాల్సిన జాగ్రత్తల గురించి వారికి అన్ని వివరాలు ముందుగానే తెలియజేయాల్సిన బాధ్యత తల్లిదే.

అధిక బరువు వల్ల ఎలాగైతే పలు రకాల ఆరోగ్య సమస్యలు వస్తాయో.. అలాగే బరువు తక్కువగా ఉండడం వల్ల కూడా వెంటాడే ఆరోగ్య సమస్యలు బోలెడుంటాయి. ఇది కేవలం పెద్దవాళ్లకే కాదు.. పిల్లలకీ వర్తిస్తుంది. చాలామంది తల్లిదండ్రులు వారి బుజ్జాయిల బరువు గురించి బాధపడుతూ ఉంటారు. 'మా పాప చాలా సన్నగా, బరువు తక్కువగా ఉందండీ.. దీంతో ఐదేళ్లొచ్చినా రెండేళ్లమ్మాయిలా కనిపిస్తుంది. తన బరువు పెంచాలంటే ఏం చేయాలో తోచట్లేదు.. మీకేమైనా అవగాహన ఉంటే కాస్త చెప్పండీ..' అంటూ ఇరుగుపొరుగు వారిని సలహాలు అడుగుతుంటారు. అయితే అనారోగ్యకర సలహాల వల్ల పిల్లలు బరువు పెరగకపోవడమే కాకుండా, వారి ఆరోగ్యానికీ మంచిది కాదు. కాబట్టి వారిని ఓసారి పోషకాహార నిపుణుల వద్ద చూపించి, వారు బరువు పెరగడానికి నిపుణులు సూచించిన సలహాలను క్రమం తప్పకుండా పాటించాలి. తద్వారా పిల్లలు తక్కువ బరువు నుంచి బయటపడగలిగే అవకాశం ఉంటుంది. ఈ క్రమంలో మరీ తక్కువ బరువున్న పిల్లలు బరువు పెరగాలంటే వారి రోజువారీ అలవాట్లు ఎలా ఉండాలో తెలుసుకుందాం...

మనం తీసుకునే ఆహారం అటు శారీరకంగానే కాదు.. ఇటు మానసికంగానూ ప్రభావం చూపుతుంది. అయితే చాలామంది తల్లిదండ్రులు మాత్రం తమ పిల్లల విషయంలో ఆరోగ్యకరమైన ఆహార నాణ్యతా ప్రమాణాలను పాటించలేకపోతున్నారు. ఎందుకంటే తమకు పెట్టే ఆహారం రుచించక ఎక్కువశాతం మంది పిల్లలు భోజనం చేసే విషయంలో తల్లుల్ని తెగ విసిగిస్తుంటారు. వాళ్లకు ఇష్టమైనవైతేనే నోరు తెరుస్తారు.. లేదంటే మూతి తిప్పేస్తుంటారు. ఇక జంక్‌ ఫుడ్‌ అంటే లొట్టలేసుకుంటూ మన దగ్గరికి వచ్చేస్తారు. అయితే తమ చిన్నారుల దృష్టిని వీటిపై నుంచి మరల్చడంలో తల్లిదండ్రులు విఫలమవుతున్నారనే చెప్పాలి. ఎందుకంటే బయటికి వెళ్లిన ప్రతిసారీ చిప్స్‌, బిస్కట్స్‌, పిజ్జా, బర్గర్‌ అంటూ వారికి అలవాటు చేయడంతో ఇంటి ఆహారం వారికి నచ్చట్లేదు. కాబట్టి ఈ అలవాటు మాన్పించాలంటే.. పిల్లల కంటికి నచ్చేలా కాదు.. నోటికి రుచించేలా ఆరోగ్యకరమైన ఆహారాన్ని అందివ్వడం తల్లుల బాధ్యత. అందుకు మనం ఏం చేయాలో ఇప్పుడు చూద్దాం..

శ్రీనిత కూతురు శ్రీజ ఇప్పుడు పది పరీక్షలకు సన్నద్ధమవుతోంది. కరోనా కారణంగా పరీక్షలు ఆలస్యంగా జరుగుతుండడంతో ప్రస్తుతం ప్రిపరేషన్‌లో నిమగ్నమైంది. అయితే తాను బ్రిలియంట్‌ స్టూడెంటే అయినా ఈ కరోనా సమయంలో పరీక్షలు ఎలా రాస్తానో అని భయపడుతోంది. మరో నాలుగు రోజుల్లో ప్రారంభం కానున్న పదో తరగతి పరీక్షలకు సన్నద్ధమవుతున్నాడు శ్రీకర్‌. ఓవైపు చదువు, చదువు అంటూ పేరెంట్స్‌ ఒత్తిడితో తాను సతమతమవుతుంటే.. మరోవైపు ఈ కరోనా సమయంలో తన కొడుకు బయటికి వెళ్లి పరీక్షలెలా రాస్తాడోనన్న భయం శ్రీకర్‌ వాళ్లమ్మ సంధ్యలో కొట్టొచ్చినట్లు కనిపిస్తోంది. ఇది శ్రీకర్‌లో ఆందోళనను మరింతగా పెంచుతోంది. ఇలా బోర్డ్‌ ఎగ్జామ్స్‌ అనగానే.. అటు పిల్లల్లో, ఇటు తల్లిదండ్రుల్లో ఏదో తెలియని భయాందోళనలు కలగడం సహజం. దీనికి తోడు ప్రస్తుతం ప్రతి ఒక్కరిలో కరోనా భయం అలుముకుంది. అయితే కరోనా కారణంగా వాయిదా పడిన పదో తరగతి పరీక్షలు మరో నాలుగు రోజుల్లో ప్రారంభం కానున్నాయి. అలాగే ఇన్నాళ్లూ వాయిదా పడ్డ వివిధ ప్రవేశ పరీక్షలు కూడా జరగబోతున్నాయి. ఈ నేపథ్యంలో రోజులు కరుగుతున్న కొద్దీ.. పరీక్షలెలా రాస్తామో అన్న భయం అటు పిల్లల్లో, ఈ కరోనా కాలంలో తమ పిల్లలు సురక్షితంగా పరీక్షలు రాస్తారో, లేదోనన్న ఆందోళన అటు తల్లిదండ్రుల్లో నెలకొంది. అయితే ఉన్న సమయాన్ని సద్వినియోగం చేసుకుంటూ చక్కగా ప్రిపేరవడంతో పాటు వ్యక్తిగత పరిశుభ్రత పాటించడం వల్ల ఈ ప్రతికూల పరిస్థితుల్లోనూ విజయవంతంగా పరీక్షలు రాయచ్చంటున్నారు పిల్లల మానసిక నిపుణురాలు డాక్టర్‌ మండాది గౌరీదేవి. ఈ సమయంలో అటు పిల్లలు, ఇటు తల్లిదండ్రులు పాటించాల్సిన కొన్ని చిట్కాల గురించి ‘వసుంధర.నెట్‌’తో ఇలా పంచుకున్నారు.

మహిళలు కూడా పురుషులతో సమానంగా ఉద్యోగ బాధ్యతల్ని భుజాలకెత్తుకోవడం గురించి ఈ రోజుల్లో కొత్తగా చెప్పుకోవక్కర్లేదు. అందులోనూ ఈ కరోనా సృష్టించిన సంక్షోభం పుణ్యమా అని ఆడైనా మగైనా ఉద్యోగ భద్రతే ప్రశ్నార్థకంగా మారుతోంది.. అయితే సాధారణంగా కొంతమంది పెళ్త్లె, పిల్లలు పుట్టే వరకే ఉద్యోగం చేయడానికి ఆసక్తి చూపుతుంటారు. ఆ తర్వాత పిల్లల ఆలనా-పాలనా, ఇంటి బాధ్యతల దృష్ట్యా ఉద్యోగానికి రాజీనామా చేసి ఇంటికే పరిమితమైపోతుంటారు. అయితే ఇలా చేయడం కంటే పిల్లలు పుట్టాక కూడా ఉద్యోగ బాధ్యతల్ని నిర్వర్తించే అమ్మలు తమ పిల్లలకు రోల్ మోడల్‌గా మారే అవకాశాలు ఎక్కువగా ఉన్నాయని చెబుతున్నాయి కొన్ని అధ్యయనాలు. ఈ క్రమంలో తల్లులు నిర్వర్తించే ఉద్యోగ బాధ్యతలు, వర్క్-లైఫ్ బ్యాలన్స్.. వంటివన్నీ తమ చిన్నారులకూ అలవడతాయట! ఈ నేపథ్యంలో వర్కింగ్ మదర్స్ తమ విధి నిర్వహణలో భాగంగా వారి పిల్లలకు ఎలా రోల్ మోడల్‌గా మారతారో ఈ 'మదర్స్ డే' సందర్భంగా తెలుసుకోవడం సందర్భోచితం.

ఫేస్‌బుక్‌, వాట్సాప్‌, ఇన్‌స్టాగ్రామ్‌ తర్వాత మళ్లీ ఆ స్థాయిలో నెటిజన్లను ఆకట్టుకొంటోన్న సోషల్‌ మీడియా వేదిక ‘టిక్‌టాక్‌’. డ్యాన్స్‌ మొదలుకొని.. కామెడీ, మ్యాజిక్‌, ఫొటోగ్రఫీ, విద్య, అనుకరణ, సందేశాత్మక.. మొదలైన కంటెంట్‌తో వీడియోలను రూపొందించి ఇందులో పోస్ట్‌ చేస్తుంటారు టిక్‌టాకర్లు. ఈ యాప్‌ని కాలక్షేపం కోసం వాడితే ఫర్వాలేదు.. కానీ కొంతమందికి మాత్రం ఇది వ్యసనంగా మారుతోంది. ముఖ్యంగా ఈ యాప్‌ను వాడే వారిలో ఎక్కువశాతం మంది టీనేజర్లే కావడం గమనార్హం. దీంతో తమ పిల్లలు టిక్‌టాక్‌ను పరిమితికి మించి వాడుతున్నారని ఎంతోమంది తల్లిదండ్రులు ఆందోళన చెందుతున్నారు. అందుకే ఈ సమస్యకు ఓ పరిష్కార మార్గం ఆలోచించింది టిక్‌టాక్‌ సంస్థ.

ప్రపంచమంతా కరోనా భయం వెంటాడుతోంది. అగ్రదేశాలను సైతం అతలాకుతలం చేస్తోన్న ఈ మహమ్మారి మనదేశంలోనూ వేగంగా విస్తరిస్తోంది. దీంతో సామాన్య ప్రజలు భయభ్రాంతులకు గురవుతున్నారు. సంపూర్ణ ఆరోగ్యంగా ఉన్న వారే ఈ వైరస్‌ బారిన పడి డీలా పడిపోతున్నారంటే.. ఇక రోగనిరోధక శక్తి తక్కువగా ఉండే గర్భిణులు, చిన్నారులు, వృద్ధుల పరిస్థితి చెప్పనక్కరలేదు. అయితే రోజుల, నెలల పిల్లలు కూడా ఈ మహమ్మారి చేతికి చిక్కుతున్నారని మనం రోజూ వార్తల్లో చూస్తూనే ఉన్నాం. అందుకే పసి పిల్లల విషయంలో తల్లులు చాలా జాగ్రత్తలు తీసుకోవాలని పిల్లల వైద్య నిపుణులు సూచిస్తున్నారు. మరి కనికరం లేకుండా అందరినీ కబళిస్తోన్న ఈ కరోనా వైరస్‌ నుంచి చంటి పిల్లలను కాపాడుకునేందుకు తల్ల్లులు ఏం చేయాలో తెలుసుకుందాం రండి.

పిల్లల సంతోషం కంటే తల్లిదండ్రులకు ఏదీ ఎక్కువ కాదు. వారి స్థోమత, స్థాయులకు తగినట్లు ఉన్నంతలో తమ పిల్లల్ని బాగా చూసుకోవాలని ఆశిస్తుంటారు పేరెంట్స్‌. చిన్నారుల కోరికలను తీర్చడానికి వారు ఏమాత్రం వెనకాడరు. తాజాగా యూకేకు చెందిన ఓ తల్లిదండ్రులు తమ పిల్లలకు ఊహించని సర్‌ప్రైజ్‌ ఇచ్చారు. వివరాల్లోకి వెళితే.. కరోనా వైరస్‌ నేపథ్యంలో ప్రపంచమంతా లాక్‌డౌన్‌లోకి వెళ్లిపోయింది. అంతా ఇళ్లకే పరిమితమయ్యారు. రెస్టరంట్‌లు, సినిమా హాళ్లు అన్నీ మూతపడ్డాయి. సాధారణ రోజుల్లో ఎంతో జాలీగా గడిపిన చిన్నారులు కూడా ప్రస్తుతం నాలుగ్గోడల మధ్య ఉండాల్సిన పరిస్థితులు తలెత్తాయి. అయితే ఇలాంటి విపత్కర పరిస్థితుల్లో కూడా తమ చిన్నారులకు ఆనందాన్ని పంచాలనుకున్నారు యూకేకు చెందిన పేరెంట్స్‌.

మన కుటుంబ సభ్యులు/సన్నిహితులు దూరంగా ఉన్నప్పుడు.. వాళ్లు క్షేమంగా ఉండాలని కోరుకోవడం సహజం. ముఖ్యంగా ఏదైనా ప్రకృతి వైపరీత్యాలు జరిగినప్పుడు, అనుకోని పరిస్థితులు ఎదురైనప్పుడు.. వాళ్లు ఎక్కడున్నారో? ఎలా ఉన్నారో?అంటూ ఎప్పటికప్పుడు వాళ్ల క్షేమ సమాచారం కోసం తాపత్రయపడుతుంటాం. వీలైతే వాళ్లను మన దగ్గరకు రమ్మనడం.. లేదా మనమే వాళ్ల దగ్గరకు వెళ్లడం లాంటివి చేస్తుంటాం. ప్రస్తుతం ప్రపంచం ఎదుర్కొంటోన్న ఈ విపరీత పరిస్థితిలో.. ప్రపంచవ్యాప్తంగా దాదాపు అన్ని దేశాల్లో జన సంచారాన్ని నిషేధించారు. ప్రజలు ఇళ్లలో నుంచి బయటకి రావొద్దని వివిధ దేశాల ప్రభుత్వాలు ఆదేశాలు జారీ చేశాయి. ఈ క్రమంలో భారత ప్రభుత్వం కూడా 21 రోజుల పాటు లాక్డౌన్ ప్రకటించిన సంగతి విదితమే. దీంతో వృత్తి, వ్యాపారం, చదువు.. మొదలైన కారణాలతో కుటుంబ సభ్యులకు దూరంగా ఉంటోన్న ప్రజలు ఎక్కడి వాళ్లు అక్కడే నిలిచిపోక తప్పట్లేదు. ఇలాంటి విపత్కర పరిస్థితుల్లో తమ వాళ్లతో ఉండలేకపోతున్నందుకు చాలామంది మానసికంగా కుంగిపోతున్నారు. ఈ నేపథ్యంలో ప్రజల్లో చైతన్యం కలిగించేందుకు ప్రధాని నరేంద్ర మోదీ తాజాగా ఓ వీడియోను సోషల్ మీడియా ద్వారా పంచుకున్నారు.

పరీక్షలంటే విద్యార్థుల్లో ఆందోళన సహజమే.. చదువుకున్నవన్నీ జ్ఞాపకం ఉంటాయో లేదో అని భయపడుతుంటారు.. పాఠాలను ఓ ప్రణాళిక ప్రకారం చదువుకోవడంతోపాటు ఆహారంలో జాగ్రత్తలు పాటిస్తే పరీక్షలను విజయవంతంగా ముగించొచ్ఛు మంచి మార్కులనూ సాధించొచ్చు..

జుట్టును కర్లీగా మార్చుకోవడానికి చాలామంది అమ్మాయిలు బ్యూటీపార్లర్లను ఆశ్రయిస్తుంటారు. ఈ క్రమంలో బోలెడంత ఖర్చుపెట్టడానికీ వెనకాడరు. ఇలా కర్లీగా మార్చుకున్న జుట్టును చూస్తే ‘అబ్బ.. మన జుట్టును కూడా అలా కర్లీగా మార్చేసుకుంటే ఎంత బాగుంటుందో..’ అనుకోవడం సహజమే. ఇక ఈ విషయంలో స్కూలుకెళ్లే పిల్లలు తమకు విభిన్నమైన హెయిర్‌స్టైల్స్‌ కావాలంటూ తమ తల్లుల దగ్గర మారాం చేస్తుంటారు కూడా! ఇలా అతివల అవసరాలకు తగినట్లుగానే ప్రస్తుతం బోలెడన్ని బ్యూటీ గ్యాడ్జెట్లు మార్కెట్లో సందడి చేస్తున్నాయి. కానీ అలాంటి వాటితో పనిలేకుండా కేవలం ఇంట్లో దొరికే సాక్సులతోనే తన కూతురి జుట్టుని కర్లీగా మార్చింది ఐర్లాండ్‌కు చెందిన ఓ మహిళ. దానికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. మరి, ఆ కర్లీ ట్రిక్‌ ఏంటో మనమూ తెలుసుకుందాం రండి..

క్యాన్సర్‌...ఆడ, మగ అనే తేడా లేకుండా, వయసుతో సంబంధం లేకుండా అందరినీ భయపెడుతోన్న ప్రాణాంతక వ్యాధి. ఈ మహమ్మారి నివారణకు ఎన్నో మార్గాలున్నా అంతకంతకూ విస్తరిస్తోంది. అయితే క్యాన్సర్‌తో పాటు ఎలాంటి ఆరోగ్య సమస్యయినా ఆరంభంలో గుర్తిస్తే దాన్ని నయం చేయడం సులభమవుతుందని తెలిసిందే. ఈ నేపథ్యంలో ఎంతో మంది క్యాన్సర్‌ బారిన పడినప్పటికీ మనోధైర్యంతో దానిని జయిస్తున్నారు. అంతేకాదు చికిత్సా సమయంలో తమ అనుభవాలను అందరితో పంచుకొంటూ తమ లాంటి బాధితుల్లో దాగున్న ‘క్యాన్సర్’ భయాన్ని పోగొట్టి, జీవితంపై భరోసా కల్పిస్తున్నారు. ఈ క్రమంలో బాలీవుడ్‌ హీరో ఇమ్రాన్‌ హష్మీ తనయుడు అయాన్‌ హష్మీ కూడా నాలుగేళ్ల వయసులోనే ఈ మహమ్మారి బారిన పడ్డాడు. గతేడాదే ఈ వ్యాధి నుంచి పూర్తిగా కోలుకున్న ఈ స్టార్‌ కిడ్‌..తాజాగా ఓ కార్యక్రమంలో క్యాన్సర్‌తో పోరాటం తననెలా మార్చిందో చెప్పుకొచ్చాడు. ఈ క్రమంలో మొక్కవోని ధైర్యంతో క్యాన్సర్‌ను ఎదుర్కొన్న ఈ పదేళ్ల బుడతడి పోరాట స్ఫూర్తి ప్రస్తుతం పలువురి ప్రశంసలు అందుకుంటోంది.

తండ్రీకూతుళ్ల మధ్య ఉండే అనుబంధాన్ని వర్ణించడానికి మాటలు సరిపోవనడంలో ఎలాంటి సందేహం లేదు. తాము గర్భం దాల్చామని తెలిసిన మరుక్షణం నుంచి తొమ్మిది నెలలు మోసి, బిడ్డను చేతుల్లోకి తీసుకునే వరకు తల్లి ఎలాగైతే ఒళ్లంతా కళ్లు చేసుకొని ఎదురుచూస్తుందో.. కాబోయే తండ్రి కూడా తమకు కూతురే పుట్టాలని, తమ ఇంట మహాలక్ష్మే అడుగుపెట్టాలని అనుక్షణం పరితపించిపోతాడు. ఇక పాప పుట్టినప్పటి నుంచి ఆ తండ్రికి ప్రతి క్షణం ఆనందమే.. ప్రతి సందర్భం నిత్యనూతనమే! తన కూతురు సంతోషం కోసం ఏం చేయడానికైనా సిద్ధపడతాడు నాన్న. ఆ కోవకే చెందుతాడు ఈ అమెరికన్‌ డాడ్‌ కూడా! ఇంతకీ ఈ నాన్న తన కూతురు ఆనందం కోసం ఏం చేశాడు? ప్రస్తుతం ఇంటర్నెట్‌లో ఈ వార్త ఎందుకంత వైరలవుతోంది? తెలుసుకోవాలంటే ఇది చదవాల్సిందే!

నువ్వు నాకు నచ్చావ్‌ సినిమాలో హీరో వెంకటేష్‌ భోజనానికి ముందు చేసిన ప్రార్థన సన్నివేశాన్ని తెలుగు ప్రేక్షకులెప్పటికీ మర్చిపోరు. ‘దేవుడా.. ఓ మంచి దేవుడా !’ అంటూ మొదలుపెట్టి ప్రపంచంలోని అందరికీ బ్రెడ్డు, బటరు, జామ్‌.. ఇలా ఏదుంటే అదివ్వమని ఆయన పండించిన హాస్యం అందరికీ ఆల్‌టైం ఫేవరెట్‌ సన్నివేశమనే చెప్పాలి. అయితే ఇంత అమాయకంగా నిజజీవితంలో ఎవరైనా ప్రార్థన చేస్తారా ? అంటే... పెద్దవాళ్లెవరూ అలా చేయకపోవచ్చు.. కానీ ముద్దులొలికే పిల్లలు మటుకు తప్పకుండా అలానే ప్రార్థిస్తారని చెప్పాలి. అందుకు ఉదాహరణే ఇప్పుడు మీరు తెలుసుకోబోయే బుడతలు. ఒకరేమో ‘దేవుడా మాకంత శక్తినివ్వు..’ అంటూ స్కూల్‌లో ఓ వైపు ప్రార్థన చదువుతూ.. మరోవైపు ఎంచక్కా చేతిలో ఉన్న లాలీపాప్‌ను లాగించేస్తుంటే... మరొకరు భోజనానికి ముందు అచ్చం వెంకీని గుర్తుకు తెస్తూ ముద్దుముద్దుగా పలికారు. ప్రస్తుతం సామాజిక మాధ్యమాల్లో ఈ చిన్నారుల చిలిపి ప్రార్థనలు వైరల్‌ అవుతుండగా.. వీటిని చూసిన ప్రతి ఒక్కరూ తమ బాల్యాన్ని గుర్తు తెచ్చుకుంటున్నారు. మరి వీరి ప్రార్థనలను మీరూ ఓసారి ఆలకించండి !

పిల్లల్ని పెంచడం అంటే మనం పడ్డ కష్టాన్ని వారికి తెలియకుండా పెంచడం కాదు... మనం పడ్డ కష్టం విలువ తెలిసేలా వారిని పెంచడం అంటారు మానసిక నిపుణులు. ఇలా బాల్యం నుంచే వారికి ఏది అవసరమో ఏది అనవసరమో చెప్పగలిగితే పెద్దైన తర్వాత అటు పేరంట్స్‌లోనూ, ఇటు పిల్లల్లోనూ... ఇద్దరిలోనూ కన్‌ఫ్యూజన్‌ ఉండదంటున్నారు. అయితే అలా చెప్పగలగడం చాలా కష్టమైన పని. కొన్నిసార్లు పిల్లలకు అర్థమయ్యేలా చెప్పాలంటే తల్లిదండ్రులే పిల్లల్లా మారాల్సి ఉంటుంది. మరికొన్నిసార్లు సున్నితంగా ఉంటూనే కఠినంగా వ్యవహరించాల్సి ఉంటుంది. ఈ విషయాన్ని బాగా అర్థం చేసుకున్నారు కాబట్టే ఇప్పుడు మీరు తెలుసుకోబోయే తల్లిదండ్రులు అందరికీ ఆదర్శంగా నిలుస్తున్నారు. ఒక చోట తన కూతురు రోలర్‌ కోస్టర్‌ (గాల్లో పేర్చిన ఇనుప కడ్డీలపై వేగంగా వెళ్లే ట్రెయిన్‌)ఎక్కించమని మారాం చేస్తే దాన్నే ఇంట్లో టీవీ పెట్టి చూపించాడు ఓ తండ్రి ! మరో చోట తమ పిల్లలు విహార యాత్రకు రానన్నారని ఇంట్లోని మోడెమ్‌ (ఇంటర్నెట్‌ పరికరం)ను తమ వెంట తీసుకెళ్లారు ఓ తల్లిదండ్రులు. వినడానికే వింతగా ఉన్నాయి కదూ ! కానీ వారలా చేయడం వెనుక అర్థం లేకపోలేదు. అదేంటో చూద్దాం రండి !

అప్పుడప్పుడే మాటలు నేర్చుకొంటున్న చిన్నారులు పాఠశాలకు వెళ్లేంతవరకు కుటుంబ సభ్యుల మధ్యే ఉంటారు. దీంతో తల్లిదండ్రులు, ఇంట్లో వాళ్లు ఏ భాష మాట్లాడితే దాన్నే అనుసరిస్తుంటారు. పాఠశాలకు వెళ్లడం మొదలుపెట్టిన తర్వాత ఆంగ్లం, హిందీ వంటి భాషలను సైతం తమ సిలబస్‌లో భాగంగా నేర్చుకొంటారు. ఈ క్రమంలో కొందరు తాము నేర్చుకొన్న భాషల్లో రాయడం, చదవడం వరకు మాత్రమే పరిమితమైతే.. మరికొందరు వాటిలో అనర్గళంగా మాట్లాడే నైపుణ్యాన్ని సంపాదించగలుగుతారు. ఇలా ఒకటి కంటే ఎక్కువ భాషలు మాట్లాడగలిగే చిన్నారుల్లో.. మెదడు చాలా చురుగ్గా పనిచేయడంతో పాటు.. ఎక్కువ విషయాలు గుర్తుపెట్టుకొనే సామర్థ్యం పెరుగుతుందని చెబుతున్నారు నిపుణులు.

ఇంట్లో పనిమనిషికి బదులు ఓ రోబో ఉంటే ఎలా ఉంటుంది? ఇల్లు ఊడవడం దగ్గర నుంచి ఆహారం అందివ్వడం వరకు అన్నీ అదే చూసుకుంటుంది. అయితే మన ఆజ్ఞను శిరసావహించే ఆ మరమనుషులు మనల్నే ఆజ్ఞాపిస్తే... ఇది తినకూడదు, అటు వెళ్లకూడదు అని మన జీవితాలను నియంత్రిస్తే... మనం సృష్టించిన యంత్రాల కింద మనమే బానిసలుగా బతకాల్సిన పరిస్థితి వస్తుంది. ఇది హాలీవుడ్‌ చిత్రం ‘ఐ రోబో’ సారాంశం. శంకర్‌ సృష్టించిన ‘రోబో’ కూడా ఇదే చెబుతోంది. ఆర్టిఫిషియల్‌ ఇంటెలిజెన్స్‌ వల్ల కలిగే నష్టాలను ముందే ఊహించిన సదరు దర్శకులు ఆ చిత్రాలను రూపొందించి విజయం సాధించారు. అయితే ఇలా నిజ జీవితంలో సాధ్యమా? అంటే.. జరగొచ్చు అని నిరూపిస్తోంది ఓ సంఘటన. గుండెకు సంబంధించిన విషయం గురించి పరిశోధించే ఓ మహిళ ‘అలెక్సా’ (పోర్టబుల్‌ స్మార్ట్‌ స్పీకర్‌)ను ఓ ప్రశ్న అడగ్గా.. భూమికి భారం తగ్గాలంటే ఆమెను చచ్చిపోమని చెప్పిందట. అలా ఎలా చెప్పింది ? అనుకుంటున్నారా... అయితే వివరాల్లోకి వెళ్దాం రండి !

సాధారణంగా పిల్లలు మాట్లాడుతుంటూనే ఎంతో ముద్దుగా ఉంటూ మళ్లీ మళ్లీ వినాలనిపిస్తుంది. ఎందుకంటే వారి మాటలు, హావభావాల్లో ఎలాంటి కల్మషం ఉండదు. స్వచ్ఛత, అమాయకత్వం మాత్రమే కనిపిస్తాయి. అందుకే పిల్లలు ఏ పనిచేసినా చూడడానికి చాలా ముచ్చటేస్తుంటుంది. ఈ క్రమంలో పసిఛాయలు కూడా పోని ఓ ముగ్గురు బుడతలు రాక్‌స్టార్లుగా మారారు. పాటలు పాడుతూ తమదైన హుషారుతో డ్యాన్స్‌ చేశారు. ఇందులో ప్రత్యేకమేముందనేగా మీ డౌటు? సాధారణంగా రాక్‌స్టార్లు గిటారో, లేకుంటే మరో వాయిద్య పరికరాన్నో వాయిస్తూ పాటలు పాడతారు. అయితే ఈ బుడతల చేతిలో ఎలాంటి గిటార్‌ లేకున్నా కి ‘రాక్‌’ అనిపించారు. అది ఎలాగో మీరే చూడండి.

పిల్లల్ని కనడమే కాదు. వారి భవిష్యత్తుని అందంగా తీర్చిదిద్దడం తల్లిదండ్రుల బాధ్యత. అందుకే అన్ని విషయాల్లో ‘నా కొడుకే ఫస్ట్‌ రావాలి,’ ‘నా కూతురే టాపర్‌గా నిలవాలి’ అని చాలామంది పేరెంట్స్‌ కోరుకుంటుంటారు. ఇందుకోసం ఒక్కొక్కరూ ఒక్కో శైలిని అనుసరిస్తుంటారు. పిల్లలను పెంచే విధానంలోనూ ఎన్నో జాగ్రత్తలు తీసుకుంటారు. ఈ నేపథ్యంలో వారికి నియమ నిబంధనలు సైతం విధిస్తూ ఉంటారు. ఈ క్రమంలో తమ కూతురిని ఓ ప్రొఫెషనల్‌ టేబుల్‌ టెన్నిస్‌ ప్లేయర్‌గా తీర్చిదిద్దేందుకు చైనాకు చెందిన తల్లిదండ్రులు ఏం చేశారో మీరే చూడండి.