scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

Movie Masala

 
category logo

వర్షాకాలంలో దుస్తుల నుంచి దుర్వాసన రాకుండా...

Simple ways to get rid of dampness and smell from clothes in this Monsoon Season

కరోనా వచ్చిన దగ్గర్నుంచి కీర్తనకు ఇంటి పని తడిసి మోపెడవుతోంది. ఇక వాషింగ్‌ మెషీన్‌ ఉన్నా ఉతికే బట్టలు గుట్టలా పేరుకుపోవడం, దానికి తోడు ఈ వర్షాకాలంలో దుస్తులు సరిగ్గా ఆరకపోవడంతో ఆమెకు విసుగొచ్చేసింది. దీంతో ఆరీ ఆరనట్లున్న వాటిని అలాగే వార్డ్‌రోబ్‌లో పెట్టేసరికి వాటి నుంచి అదో రకమైన వాసన రావడం మొదలైంది.
దీప్తి, ఆమె భర్త దీపక్‌ ఇద్దరూ ఉదయం ఎప్పుడో ఆఫీసులకెళ్తే.. వచ్చేసరికి రాత్రవుతుంటుంది. రోజూ వాషింగ్‌ మెషీన్లో ఉతికిన బట్టలు బయట ఆరేయడం, వర్షానికి అవి కాస్తా తడిసిపోవడం.. ఇది వారికి అలవాటే! వర్షమొస్తుందేమోనని ఒక్కోసారి ఉతికిన బట్టల్ని ఇంట్లోనే ఆరేసి వెళ్తుంటారు. ఇలా ఈ రెండు కారణాల వల్ల దుస్తులు సరిగ్గా ఆరక వాటి నుంచి దుర్వాసన రావడం మొదలైంది. ఇళ్లంతా అదే వాసన నిండిపోయింది.

monsoonclothestipsgh650-7.jpg
ఇలా చెప్పుకుంటూ పోతే వర్షాకాలంలో ఉతికిన బట్టల విషయంలో ఒక్కొక్కరిదీ ఒక్కో అనుభవం. ఈ కాలంలో వాతావరణంలో తేమ అధికంగా ఉండడం వల్ల దుస్తులు ఆరుబయట కూడా సరిగ్గా ఆరవు. ముట్టుకుంటే ఆరినట్లుగా అనిపించినప్పటికీ.. వాటి పోగుల్లో తేమ ఇంకా నిలిచే ఉంటుంది. ఇక ఇలాంటి దుస్తుల్ని మడతపెట్టి వార్డ్‌రోబ్‌లో పెట్టామంటే వాటిలో ఫంగస్‌ వృద్ధి చెంది అదో రకమైన వెగటు వాసన రావడం, ఇదే వాసన తాజాగా ఉన్న బట్టలకూ పట్టడం, ఇళ్లంతా నిండిపోవడంతో విసుగొచ్చేస్తుంటుంది. మరి, అలాకాకుండా వానాకాలంలోనూ దుస్తుల నుంచి దుర్వాసన రాకుండా, బట్టలు తాజాగా ఉండాలంటే కొన్ని చిన్న చిన్న చిట్కాలు పాటిస్తే సరిపోతుంది. అవేంటో చూసేద్దామా..?!

వెగటు వాసనను దూరం చేయాలంటే..!

monsoonclothestipsgh650-2.jpg

* వర్షాకాలంలో సరిగ్గా ఆరని దుస్తుల నుంచి వచ్చే దుర్వాసనను నిమ్మరసంతో దూరం చేసుకోవచ్చు. ఇందుకోసం కొద్ది నీటిలో కొద్దిగా నిమ్మరసం కలిపి స్ప్రే బాటిల్‌లో నింపుకోవాలి. ఈ మిశ్రమాన్ని వాసన వచ్చే దుస్తులపై స్ప్రే చేసి కాసేపు అలాగే గాలిలో ఆరేయాలి. ఈ వెగటు వాసనకు కారణమైన ఫంగస్‌ను నశింపజేసి సువాసనను వెదజల్లేందుకు నిమ్మరసం చక్కగా ఉపయోగపడుతుంది.
* ఈ రోజుల్లో ప్రతి ఒక్కరి ఇంట్లో ఆల్కహాలిక్‌ ద్రావణాలు కామనైపోయాయి. ఈ క్రమంలో మీ ఇంట్లో వోడ్కా ఉన్నట్లయితే.. కొద్దిగా స్ప్రే బాటిల్‌లో పోయండి. అందులో కొన్ని నీళ్లు నింపి బాగా షేక్‌ చేసి.. ఈ మిశ్రమాన్ని దుర్వాసన వచ్చే దుస్తులపై స్ప్రే చేసి కాసేపు గాలికి ఆరేయాలి. తద్వారా చక్కటి ఫలితం ఉంటుంది.
* వెనిగర్‌లో ఉండే ఆమ్ల స్వభావం దుర్వాసనకు కారణమైన ఫంగస్‌ను నిర్వీర్యం చేస్తుంది. కాబట్టి దుస్తులపై ఎక్కడైతే వెగటు వాసన వస్తుందనుకుంటే అక్కడ కాస్త వెనిగర్‌ వేసి రుద్దాలి. ఆపై కాసేపటికి శుభ్రమైన నీటిలో ఉతికి ఆరేస్తే జిడ్డులా అంటుకున్న ఆ వాసన వదిలిపోతుంది.

monsoonclothestipsgh650-1.jpg
* ఈ కాలంలో దుస్తులతో పాటు అవి అమర్చిన వార్డ్‌రోబ్‌లో నుంచి కూడా అదో రకమైన వాసన వస్తుంటుంది. తేమగా ఉండే వాతావరణంతో పాటు గాలి ప్రసరణ సరిగ్గా లేకపోవడమే ఇందుకు ప్రధాన కారణం. ఇలాంటప్పుడు వార్డ్‌రోబ్‌ మూలల్లో కాస్త బేకింగ్‌ సోడా చల్లి చూడండి.. తేడా మీకే తెలుస్తుంది.
* సరిగ్గా ఉతక్కపోయినా, పూర్తిగా ఆరకపోయినా దుస్తులు దుర్వాసనను వెదజల్లుతాయి. ఇక వీటిని అలాగే వార్డ్‌రోబ్‌లో పెట్టేస్తే ఆ షెల్ఫ్స్‌ అన్నీ వాసనతో నిండిపోతాయి. అలాంటప్పుడు బ్లీచ్‌ చక్కగా పనిచేస్తుంది. ఈ క్రమంలో ముందుగా వార్డ్‌రోబ్‌లో ఉన్న బట్టలన్నీ బయటికి తీసి.. బ్లీచ్‌ ద్రావణంలో ముంచిన తడిగుడ్డతో అరలన్నీ తుడిచేయాలి. ఆపై ఆరాక మళ్లీ దుస్తుల్ని ఎప్పటిలాగే సర్దేస్తే సరిపోతుంది. ఈ చిట్కా దుస్తుల దుర్వాసననూ దూరం చేస్తుంది.

ఇలా చేస్తే వాసన రావు!

monsoonclothestipsgh650-3.jpg

* కొంతమంది బట్టల మురికి పోవాలన్న ఉద్దేశంతో గంటల తరబడి వాటిని నానబెడుతుంటారు. ఇంకొందరు తడిసిన దుస్తుల్ని రోజుల తరబడి ఉతకకుండా పక్కన పెట్టేస్తుంటారు. తద్వారా కూడా దుస్తుల నుంచి అదో రకమైన వాసన వస్తుంటుంది. ఇలా బట్టలు ఎక్కువ సమయం తడిగానే ఉండడం వల్ల వాటి నాణ్యతా దెబ్బతింటుంది. కాబట్టి ఎప్పటికప్పుడు వాటిని ఉతికేయడం మంచిది.
* ఇక వాషింగ్‌ మెషీన్‌లో లేదంటే చేత్తో ఉతికిన దుస్తులు ‘పనులన్నీ పూర్తయ్యాక ఆరేద్దాంలే’ అని వాటిని అలాగే వదిలేస్తుంటారు. దీనివల్ల కూడా దుస్తులు వాసన వస్తుంటాయి. అందుకే ఎంత బిజీగా ఉన్నా ఉతికిన వెంటనే వాటిని ఆరేయడం వల్ల అవి దుర్వాసన వెదజల్లకుండా ముందుగానే జాగ్రత్తపడచ్చు.

monsoonclothestipsgh650-4.jpg
* వర్షం పడుతున్నా కొంతమందికి ఆరుబయట నీడలో ఆరేసే వెసులుబాటు ఉండకపోవచ్చు. అలాంటప్పుడు ఇంట్లో వేసుకున్నా.. ఆ గదిలో గాలి బాగా ఆడేలా కిటికీలు, వెంటిలేషన్‌ సరిగ్గా ఉండేలా చూసుకుంటే దుస్తులు దుర్వాసన వెదజల్లవు.
* బట్టలు ఆరేసేటప్పుడు వెడల్పాటి హ్యాంగర్స్‌కి, ర్యాక్‌ డ్రయర్స్‌కి ఆరేసినా.. గాలి బాగా తగిలి సులభంగా ఆరేలా, వాసన రాకుండా జాగ్రత్తపడచ్చు.
* బట్టలు అమర్చుకునే వార్డ్‌రోబ్‌ మూలల్లో నాఫ్తలీన్‌ బాల్స్‌ వేయడం, ఏదైనా అత్యవసర నూనెను చల్లడం.. వంటివి చేసినా వార్డ్‌రోబ్‌లో నుంచి దుర్వాసన రాకుండా జాగ్రత్తపడచ్చు.

ఫ్యాబ్రిక్‌ కండిషనర్స్‌ ఇంట్లోనే!

దుస్తుల నుంచి సువాసన రావాలని, అవి కొత్తగా మెరిసిపోవాలన్న ఉద్దేశంతో చాలామంది ఫ్యాబ్రిక్‌ కండిషనర్స్‌ని వాడుతుంటారు. అయితే బయట దొరికే కండిషనర్స్‌ కంటే ఇంట్లో ఉండే పదార్థాలతోనే సహజసిద్ధమైన ఫ్యాబ్రిక్‌ సాఫ్ట్‌నర్స్‌ని తయారుచేసుకోవచ్చు. దుస్తులు ఉతికిన తర్వాత ఆఖర్లో ఈ లిక్విడ్‌ కలిపిన నీటిలో వాటిని ఓసారి ముంచి తీసి ఆరేస్తే సరి! ఇక వాషింగ్‌ మెషీన్‌లో ఉతికే వాళ్లు రిన్సింగ్‌ సైకిల్‌లోకి రాగానే (అంటే ఉతకడం పూర్తై జాడించేటప్పుడు) ఈ కండిషనర్‌ని వేయాల్సి ఉంటుంది. మరి, ఇంతకీ వాటిని ఎలా తయారుచేసుకోవాలంటే..!

monsoonclothestipsgh650-6.jpg
* వెనిగర్‌, బేకింగ్‌ సోడా.. ఈ రెండింటినీ టేబుల్‌స్పూన్‌ చొప్పున తీసుకొని కలుపుకోవాలి. ఈ మిశ్రమం ఒకసారి ఉతికేటప్పుడు ఉపయోగించడానికి సరిపోతుంది. ఎక్కువ మొత్తంలో తయారుచేసుకొని నిల్వ చేసుకుందామనుకునే వారు.. ఈ రెండింటినీ సమపాళల్లో తీసుకొని కలుపుకొని ఒక డబ్బాలో నిల్వ చేసుకోవచ్చు.
* కొద్దిగా వెనిగర్‌లో కొన్ని చుక్కల ఏదైనా అత్యవసర నూనె వేసి తయారుచేసిన మిశ్రమాన్ని ఫ్యాబ్రిక్‌ కండిషనర్‌గా వాడచ్చు. ఇదే మిశ్రమాన్ని స్ప్రే బాటిల్‌లో నింపి వాసన వచ్చే దుస్తులపైనా స్ప్రే చేసుకోవచ్చు. అలాకాకుండా నేరుగా వెనిగర్‌ను కూడా ఉపయోగించచ్చు.

monsoonclothestipsgh650-5.jpg
* నేరుగా బేకింగ్‌ సోడాను కూడా ఫ్యాబ్రిక్‌ సాఫ్ట్‌నర్‌గా వాడచ్చు. లేదంటే దీనికి సమానంగా ఎప్సం సాల్ట్‌ని కలిపి మిశ్రమంగా తయారుచేసుకొని వాడచ్చు.
* కొద్దిగా ఎప్సం సాల్ట్‌లో కొన్ని చుక్కల ఏదైనా అత్యవసర నూనె వేసి బాగా కలుపుకోవాలి. టీస్పూన్‌ మిశ్రమాన్ని నీటిలో కరిగించైనా వాషింగ్‌ మెషీన్‌లో పోయచ్చు.. లేదంటే నేరుగానైనా వేయచ్చు.
* కొద్ది మోతాదుల్లో బేకింగ్‌ సోడా, వెనిగర్‌ తీసుకొని అందులో కొన్ని చుక్కల ఏదైనా అత్యవసర నూనె కలుపుకొని సహజసిద్ధమైన ఫ్యాబ్రిక్‌ సాఫ్ట్‌నర్‌ని తయారుచేసుకోవచ్చు.

చూశారుగా.. ఈ వర్షాకాలంలో దుస్తుల నుంచి దుర్వాసన రాకుండా ఉండాలంటే ఎలాంటి చిట్కాలు పాటించాలో! సో.. ఇవన్నీ మనమూ పాటిద్దాం.. దుస్తుల నాణ్యత దెబ్బతినకుండా జాగ్రత్తపడదాం.. వాటిని ఎక్కువ కాలం పాటు కొత్తగా, తాజాగా ఉంచుకుందాం..!





women icon@teamvasundhara
easy-ways-to-declutter-your-wardrobe-in-telugu

అనవసరమైనవి తొలగించి వార్డ్‌రోబ్‌ని అందంగా సర్దేద్దాం..!

ఇంటిని అందంగా ఉంచడం, ఇంట్లోని వస్తువుల్ని పొందిగ్గా సర్దడంలో ఇల్లాలి తర్వాతే ఎవరైనా! ఇంట్లో ఏ వస్తువు ఎక్కడ అమర్చితే ఇల్లు నీట్‌గా కనిపిస్తుందన్న విషయం అందరికంటే ఎక్కువగా ఆమెకే తెలుస్తుంది. అయితే ఈ తరం మహిళలకు ఆ సమయం కూడా దొరకట్లేదనే చెప్పాలి. ఇందుకు కారణం.. నేటి మహిళలు వృత్తి ఉద్యోగాల్లో బిజీగా మారిపోవడమే! ఇక వారాంతాల్లో వచ్చే ఒకట్రెండు సెలవులు కూడా అత్యవసర పనులు చేసుకోవడానికే సరిపోతుంది. దీంతో ఇల్లంతా చిందరవందరగా మారిపోతుంది. మరీ ముఖ్యంగా ఈ హడావిడిలో రోజూ వార్డ్‌రోబ్‌లో అవసరమున్న దుస్తులు బయటికి లాగేయడం, తిరిగి ఉతికిన తర్వాత వాటిని మడతపెట్టే సమయం లేక అలాగే అందులో పడేయడంతో వార్డ్‌రోబ్‌ అంతా చిందరవందరగా తయారవుతుంది. అలాగని దాన్ని అలాగే వదిలేయలేం. కాబట్టి దుస్తులు అమర్చే అల్మరాలో ఉపయోగించని దుస్తులు తొలగించి.. అవసరం ఉన్న వాటినే పొందికగా సర్దితే ఇటు వార్డ్‌రోబ్‌ నీట్‌గా కనిపించడంతో పాటు అటు సౌకర్యవంతంగానూ ఉంటుంది. మరి, అందుకోసం ఏం చేయాలో ఇప్పుడు తెలుసుకుందాం..!

Know More

women icon@teamvasundhara
tips-to-keep-your-jeans-long-lasting-in-telugu

జీన్స్ పాతబడకుండా..

రమ్య ఎంతో ఇష్టపడి ఐసీబ్లూ జీన్స్ కొనుక్కుంది. అయితే ఆరు నెలలు తిరక్కుండానే.. అది పాతదానిలా తయారైంది. ఇక చేసేదేమీ లేక దాన్ని పక్కన పడేసి మరోటి కొనుక్కోవడానికి సిద్ధమైంది. జీన్స్ విషయంలో ఇలాంటి సమస్య మీరు కూడా ఎన్నోసార్లు ఎదుర్కొనే ఉంటారు కదా..! ఇలా తక్కువ సమయంలోనే జీన్స్ పాడవడానికి కారణం.. దాన్ని సరిగ్గా ఉతక్కపోవడమే. మిగిలిన వస్త్రాలతో పోలిస్తే.. జీన్స్ మెటీరియల్ దళసరిగా ఉంటుందని వాటిని ఎక్కువ సేపు నానబెట్టడం, బ్రష్‌తో గట్టిగా రుద్దడం.. లాంటివి చేస్తూ ఉంటారు. దీనివల్ల జీన్స్ చిరిగిపోవడం, రంగు వెలిసిపోవడం లాంటివి జరుగుతూ ఉంటాయి. మరి ఇలా జరగకుండా.. జీన్స్ ఎక్కువ కాలం మన్నాలంటే ఎలాంటి జాగ్రత్తలు తీసుకోవాలో తెలుసుకుందామా..

Know More

women icon@teamvasundhara
america-vice-president-kamala-harris-shares-about-her-culinary-skills-in-different-occasions

మన కమలక్క చేతి వంట తింటే ‘అద్భుతః’ అనాల్సిందేట!

మహిళలు వంట చేయడంలో సిద్ధహస్తులు. వృత్తి ఉద్యోగాల్లో ఎంత బిజీగా ఉన్నా, ఎంతటి కీలక పదవిలో బాధ్యతలు నిర్వర్తిస్తున్నా కాస్త టైం దొరికిందంటే చాలు.. రకరకాల వంటలు చేయడమంటే చాలామంది మహిళలకు ఆసక్తే. తను కూడా అంతే అంటున్నారు అమెరికా నూతన ఉపాధ్యక్షురాలు కమలా హ్యారిస్. నిజం చెప్పాలంటే ఆ పనిలోనే చెప్పలేనంత ఆనందం ఉందంటున్నారు! సగటు భారతీయ మహిళలా తాను కూడా వంట చేయడాన్ని అమితంగా ఇష్టపడతానంటోన్న ఆమెలో చేయి తిరిగిన పాకశాస్త్ర నిపుణురాలున్నారనడంలో సందేహం లేదు. ఇందుకు ప్రత్యక్ష సాక్ష్యం ఆమె తన సోషల్‌ మీడియా ఖాతాల్లో తరచూ పోస్ట్‌ చేసే ఆయా రెసిపీల ఫొటోలు, వీడియోలే!

Know More

women icon@teamvasundhara
ways-to-get-rid-of-bed-bugs-in-telugu

నల్లుల బెడద ఎక్కువగా ఉందా..!

'ఛ.. ఏం నల్లులో ఏమో.. రాత్రిళ్లు నిద్ర పోనివ్వడం లేదు.. కుట్టి కుట్టి చంపుతున్నాయి.. ఏం చేసినా మళ్లీ పుట్టుకొచ్చేస్తున్నాయి.. ఇవి శాశ్వతంగా పోయే మార్గమే లేదా..' నల్లుల సమస్యతో విసిగి వేసారిన వారు ఈ విధంగా అనుకోవడం సహజమే. ఎందుకంటే నల్లులు కుట్టడం వల్ల నిద్ర లేకపోవడం మాట పక్కన పెడితే రకరకాల అలర్జీలు వచ్చే అవకాశం ఉంటుంది. అందుకే చాలా మంది నల్లులు కనిపించిన వెంటనే వాటిని చంపడానికి క్రిమిసంహారక మందుల్ని మంచంపై స్ప్రే చేసేస్తారు. ఇలా చేయడం వల్ల నల్లుల బెడద పూర్తిగా వదలదు సరికదా.. తిరిగి మన ఆరోగ్యమే పాడవుతుంది. కాబట్టి చిన్న చిన్న చిట్కాలు పాటిస్తూ నల్లుల బెడద నుంచి విముక్తి పొందడం చాలా మంచిది. అలాంటి కొన్ని చిట్కాలు మీ కోసం..

Know More

women icon@teamvasundhara
traditional-cum-modern-rangoli-designs-for-this-sankranthi-festival-in-telugu

మన ‘ముత్యాల ముగ్గు’ ఎంత మారిపోయిందో !

పచ్చని పేడతో కళ్ళాపి చల్లి, ఆకాశంలోని చుక్కల్ని నేలపై వరుసగా పేర్చి, వాటిని అందంగా కలుపుతూ, ఆ మధ్యలో రంగుల్ని నింపుతూ.. ఇలా సంక్రాంతి వచ్చిందంటే తెలుగు లోగిళ్లన్నీ హరివిల్లును తలపిస్తాయి. అందుకే ధనుర్మాసాన్ని ముగ్గుల మాసంగా అభివర్ణిస్తుంటారు పెద్దలు. అయితే కాలం మారుతోంది.. కల్చర్‌లోనూ పలు మార్పులు చోటుచేసుకుంటున్నాయి. ప్రతి దాంట్లోనూ కొత్తదనం కోరుకుంటూ, ఆధునికతను జోడిస్తూ ముందుకు సాగుతోన్న ఈ తరం అతివలు ముగ్గులకూ కొత్త సొబగులద్దుతున్నారు. నాటి సంప్రదాయాన్ని కొనసాగిస్తూనే తమలోని సృజనాత్మకతను చాటుతున్నారు. ముగ్గుల్ని విభిన్నంగా, వైవిధ్యంగా తీర్చిదిద్దుతూ సంక్రాంతికి సరికొత్తగా స్వాగతం పలుకుతున్నారు. ‘కాదేదీ కళకు అనర్హం’ అన్నట్లుగా పలు వస్తువుల్నీ రంగవల్లికల్లో భాగం చేస్తున్నారు. మరి, సంక్రాంతి సందర్భంగా ప్రస్తుతం ట్రెండింగ్‌లో ఉన్న అలాంటి కొన్ని ట్రెడిషనల్‌ కమ్‌ మోడ్రన్‌ రంగోలీ డిజైన్స్‌ గురించి తెలుసుకుందాం...

Know More

women icon@teamvasundhara
check-out-these-gadgets-for-hassle-free-stove-cleaning
women icon@teamvasundhara
how-to-test-if-your-eggs-are-fresh-in-telugu

గుడ్డు తాజాగానే ఉందా..?

ఉడకబెట్టి కూర చేసినా.. ఆమ్లెట్ వేసినా.. గుడ్డుని ఇష్టంగా తినేవారు చాలామందే ఉంటారు. ఇది ఆరోగ్యానికి కూడా మంచిదే. అందుకే రోజూ ఒక గుడ్త్డెనా తినమని చెబుతుంటారు వైద్యులు. ఇలా రోజూ ఒక్కో గుడ్డు ఏం కొంటాంలే అని ఒకేసారి ఎక్కువ మొత్తంలో గుడ్లను కొనుగోలు చేసి ఫ్రిజ్‌లో భద్రపరచడం సహజం. అయితే కొన్ని సందర్భాల్లో వాటిని ఉడకబెట్టేప్పుడు పగిలిపోయి తెల్లసొన బయటకు వచ్చేయడం, ఉడికిన తర్వాత పిండి మాదిరిగా అయిపోవడం, గుడ్డుకి ఒకవైపు సొట్ట పడినట్లుగా తయారవడం.. వంటివి కనిపిస్తుంటాయి. ఇవన్నీ గుడ్డు పాడైపోయిందనడానికి సూచనలే. ఇలాంటి గుడ్లను తినడం వల్ల ఆరోగ్యంగా ఉండటం మాటేమో గానీ అనారోగ్యం పాలవ్వాల్సి వస్తుంది. అందుకే ముందుగానే గుడ్డు తాజాగా ఉందా? లేదా? అని ఓసారి పరిశీలించడం మంచిది. లేదంటే ఫుడ్ పాయిజన్‌కి దారి తీయచ్చు. ఇంతకీ కోడిగుడ్డును భద్రపరిచే విషయంలో ఎలాంటి జాగ్రత్తలు తీసుకోవాలి..? అది తాజాగా ఉందో, లేదో తెలుసుకోవడానికి పాటించాల్సిన చిట్కాలేంటి.. తదితర విషయాల గురించి చూద్దాం రండి...

Know More

women icon@teamvasundhara
tips-for-washing-your-clothes-in-telugu

బట్టలు ఉతుకుతున్నారా? ఇలా చేసి చూడండి..!

'అబ్బా.. ఈ మురికి బట్టలతో చచ్చిపోతున్నా.. ఉతికి, ఉతికీ చేతులు కందిపోతున్నా, మురికి మాత్రం పోవట్లేదు..' ఇలా అనుకునేవాళ్లు మనలో చాలామందే ఉంటారు కదండీ.. అవును. చాలామందికి మిగతా ఇంటి పనులన్నీ ఒకెత్త్తెతే, బట్టలుతకడం మాత్రం మరో ఎత్తు. దాన్ని వాళ్లంత కష్టంగా భావిస్తారు మరి. కష్టమైన పనిని త్వరగా ముగించేద్దామన్న భావనతో చాలామంది ఎక్కువ డిటర్జెంట్ వాడటం, మరకల్ని పోగొట్టడానికి ఎక్కువ గాఢత ఉండే సబ్బులతో శుభ్రం చేయడం.. వంటి పొరపాట్లు చేస్తూ ఉంటారు. అయితే మనం గుర్తుంచుకోవాల్సిన విషయమేంటంటే.. ఇలాంటి పనుల వల్ల దుస్తుల నాణ్యత దెబ్బ తింటుంది. ఇంకా మనం బట్టలుతికేటప్పుడు చాలా పొరపాట్లే చేస్తూ ఉంటాం.. మరి అవేంటో, వాటిని చేయకుండా ఎలా జాగ్రత్తపడాలో తెలుసుకుందామా?

Know More

women icon@teamvasundhara
ways-to-make-tough-meat-tender-in-telugu

women icon@teamvasundhara
everything-about-an-immersion-water-heater-you-need-to-know

వాటర్‌ హీటర్‌ వాడుతున్నారా? అయితే ఈ జాగ్రత్తలు పాటించాల్సిందే!

అసలే ఎముకలు కొరికే చలి.. ఇలాంటి వాతావరణంలో వేడి నీళ్లతో స్నానం చేయడానికే ప్రాధాన్యమిస్తాం. అయితే ఈ క్రమంలో నీళ్లు కాచుకోవడానికి ఒక్కొక్కరు ఒక్కో మార్గాన్ని అనుసరిస్తుంటారు. కొంతమంది గీజర్‌ ఉపయోగిస్తే, మరికొంతమంది గ్యాస్‌ స్టౌ వాడుతుంటారు.. ఇంకొందరేమో వాటర్‌ హీటర్‌తో నీళ్లు వేడి చేసుకుంటుంటారు. అయితే వీటిలో చాలామంది ఇళ్లలో ఉండేది మాత్రం వాటర్‌ హీటరే! అందుబాటు ధరకు లభించడం, తక్కువ సమయంలో నీళ్లు వేడి చేసే సత్తా ఉండడమే చాలామంది దీన్ని ఎంచుకోవడం వెనకున్న ముఖ్యోద్దేశం. ఇక్కడి వరకు బాగానే ఉన్నా.. దీన్ని ఉపయోగించే క్రమంలో కొంతమంది చేసే పొరపాట్లు వారి ప్రాణాలకే ముప్పు తెచ్చిపెడుతున్నాయి. కర్నూలు జిల్లాకు చెందిన తల్లీకొడుకులు ఇలాంటి వాటర్‌ హీటర్‌ షాక్‌తోనే ఇటీవల ప్రాణాలు కోల్పోయిన విషయం మనం చదివే ఉంటాం. కాబట్టి హీటర్ల వాడకంలో చాలా అప్రమత్తంగా ఉండాలన్న విషయం ఈ ఘటన మనందరికీ మరోసారి గుర్తు చేస్తోంది. మరి, వాటర్‌ హీటర్లు వాడే క్రమంలో ప్రమాదాలు జరగకుండా ఉండాలంటే ఎలాంటి జాగ్రత్తలు తీసుకోవాలి? రండి తెలుసుకుందాం..!

Know More

women icon@teamvasundhara
benefits-of-sansevieria-plant-in-telugu

ఈ మొక్కతో ఇంట్లో అందం, ఆరోగ్యం!

ఇంటి అలంకరణలో గార్డెనింగ్ కూడా ఓ భాగమే. అయితే మొన్నటివరకు ఇంటి వెలుపలి వరకు మాత్రమే పరిమితమైన ఈ పచ్చదనం ఈ మధ్య కాలంలో చిన్న చిన్న మొక్కల రూపంలో ఇంట్లోకి కూడా ప్రవేశించింది. ఈ క్రమంలో ఇంటి అలంకరణకు మాత్రమే కాదు.. ఇంట్లోని గాలిని శుభ్రం చేసి మన ఆరోగ్యానికి దోహదం చేసే మొక్కల్ని పెంచుకోవడానికి ఇప్పుడంతా ఆసక్తి చూపిస్తున్నారు. ఇలాంటి మొక్కే 'సాంసెవిరియా'. 'స్నేక్ ప్లాంట్', 'డైహార్డ్ హౌస్ ప్లాంట్', 'డెవిల్స్ టంగ్', 'మదర్-ఇన్-లాస్ టంగ్'గా.. ఇలా విభిన్న పేర్లతో పిలిచే ఈ మొక్కను తెలుగులో 'చాగనార' అంటారు. ముఖ్యంగా పడకగదిలోని అపరిశుభ్రమైన గాలిని పరిశుభ్రంగా మార్చడంలో ఈ మొక్క పాత్ర కీలకం. కేవలం ఇదొక్కటే కాదు.. ఈ మొక్క వల్ల చాలా ప్రయోజనాలే ఉన్నాయి. అవేంటో తెలుసుకొని దీన్ని మన ఇంట్లో కూడా భాగం చేసుకుంటే అందానికి అందం, మనకు ఆరోగ్యం.. ఏమంటారు..!

Know More

women icon@teamvasundhara
here-are-some-tips-which-will-help-your-non-stick-cookware-last-longer

నాన్‌స్టిక్ పాత్రల్ని ఇలా వాడితే ఎక్కువ కాలం మన్నుతాయి!

మహిళలు వంటింట్లో ఎక్కువ కష్టపడకుండా.. సులభంగా వంట పని పూర్తిచేసుకోవడంతో పాటు శుభ్రపరుచుకునేందుకు కూడా వీలుగా ఉండే పాత్రలు నాన్‌స్టిక్ కుక్‌వేర్. అందుకే వంటింటి మహారాణులంతా నాన్‌స్టిక్ కుక్‌వేర్‌ని ఎంతగానో ఆదరిస్తున్నారు. అయితే ఈ రోజుల్లో ఆరోగ్య రీత్యా మట్టి పాత్రల వాడకం క్రమంగా పెరుగుతున్న విషయం తెలిసిందే. అయినప్పటికీ నూనె ఉపయోగం తగ్గుతుందని, వేపుళ్లు రుచికరంగా ఉంటాయని.. ఇలా వివిధ కారణాలతో అనునిత్యం ఏదో ఒక విధంగా నాన్‌స్టిక్‌ పాత్రల్ని వాడుతున్నారు గృహిణులు. అయితే వీటిని మామూలు పాత్రల్లా ఇష్టం వచ్చినట్లు వాడితే వాటికి ఉన్న టెఫ్లాన్ కోటింగ్ త్వరగా పోయి, పనికి రాకుండా పోతాయి. నాన్‌స్టిక్ పాత్రల్లో ఉండే టెఫ్లాన్ కోటింగ్ స్టౌ నుంచి వచ్చే వేడిని తగ్గించి, కూరలు చక్కగా ఉడకడానికి అవసరమైన మేరకు వేడిని అందిస్తుంది.. ఫలితంగా కూర మాడిపోకుండా ఉంటుంది. అంతేకాదు.. ఈ నాన్‌స్టిక్ కుక్‌వేర్‌ వాడకం విషయంలో మరిన్ని జాగ్రత్తలు పాటిస్తే అవి ఎక్కువ కాలం మన్నుతాయి. ఇంతకీ అవేంటో తెలుసుకొని మనమూ పాటించేద్దామా..!!

Know More

women icon@teamvasundhara
check-out-these-chalk-piece-hacks
women icon@teamvasundhara
these-kitchen-gadgets-are-very-easy-to-use-in-telugu

కిచెన్‌లో ఇవి ఉంటే.. ఇక మీ పని ఎంతో ఈజీ!

బియ్యం కడిగిన నీళ్లను వేరుచేసేటప్పుడు ఆ నీటితో పాటే కొన్ని బియ్యం కూడా సింక్‌లో పడిపోయి వృధా అవడం మనకు రోజూ ఎదురయ్యే అనుభవమే. అలాగే పాస్తాను ఉడికించిన తర్వాత ఆ నీటిని వడకట్టే క్రమంలో పాస్తా ఎక్కడ సింక్‌లో పడిపోతుందోనని అనుకునే వారూ మనలో చాలామందే! నూనెలో వేయించిన పదార్థాలు, స్నాక్స్‌ను టిష్యూ పేపర్‌లో వేసి అది ఆ నూనెను పూర్తిగా పీల్చేసుకున్నాక తినడం మనకు అలవాటే. అలా ఆ నూనె వృధా కాకుండా ఉండాలంటే ఏం చేయాలి అని ఆలోచించేవారూ మనలో లేకపోలేదు. మనం రోజూ కిచెన్‌లో వంట చేసే క్రమంలో ఇలాంటి అనుభవాలు మనకు మామూలే. మరి, ఈ క్రమంలో ఆయా పదార్థాలు వృధా కాకుండా ఉండడంతో పాటు ఈ పనులన్నీ సులువుగా పూర్తవ్వాలంటే.. అందుకోసం వివిధ రకాల కిచెన్ గ్యాడ్జెట్స్ ప్రస్తుతం మార్కెట్లోకొచ్చేశాయి. పిండిని సులభంగా జల్లించడం దగ్గర్నుంచి ఒక్క బియ్యపు గింజ కూడా కింద పడకుండా సులువుగా బియ్యం కడిగే దాకా ప్రతి పనినీ ఈజీ చేసేస్తున్నాయీ సరికొత్త కిచెన్ టూల్స్. మరి, వంటింట్లో పనిని మరింత సులభతరం చేస్తోన్న ఆ గ్యాడ్జెట్లేంటి? అవి ఎలా ఉపయోగపడతాయి? తెలుసుకోవాలంటే ఇది చదవాల్సిందే!

Know More

women icon@teamvasundhara
fssai-recommends-four-simple-ways-to-reduce-oil-in-take
women icon@teamvasundhara
tips-to-celebrate-diwali-safely-amid-worries-of-covid-pandemic

కరోనా వేళ జాగ్రత్తగా ఈ దీపావళిని జరుపుకోండి!

దీపావళి... మన జీవితాల్లోని చీకట్లను పారదోలి వెలుగులను నింపే పండగ. టపాసుల మోతలు, దివ్వెల వెలుగుజిలుగుల మధ్య ప్రతిఒక్కరూ తమ కుటుంబ సభ్యులు, బంధువులతో కలిసి ఈ పండగను ఆనందంగా జరుపుకోవడానికి ఆసక్తి చూపిస్తారు. వేడుకల్లో భాగంగా చాలామంది ఒక్కరోజుతో ఆగకుండా రెండు, మూడు రోజుల పాటు టపాసులు కాలుస్తూ ఎంజాయ్‌ చేస్తుంటారు. కానీ ప్రస్తుతం పరిస్థితులు మునుపటిలా లేవు. కరోనా కారణంగా పండగల సందడి తీరు మారింది. అసలే చలికాలం, అమాంతంగా పెరిగిపోతున్న వాయు కాలుష్యం, పైగా కోరలు చాస్తోన్న కరోనా...ఇలాంటి పరిస్థితుల్లో టపాసుల వినియోగానికి సంబంధించి పలు రాష్ట్రాలు ఆంక్షలు విధిస్తున్నాయి. ‘పండగలే కాదు...ప్రాణాలూ ముఖ్యమే’ అంటూ సుప్రీంకోర్టు కూడా ఈ ఆంక్షలను సమర్థించింది. మరి కరోనా వేళ ఆనందాన్ని కోల్పోకుండా దీపావళిని సెలబ్రేట్‌ చేసుకునేందుకు ఎలాంటి జాగ్రత్తలు తీసుకోవాలో తెలుసుకుందాం రండి...

Know More

women icon@teamvasundhara
ways-to-clean-your-furniture-in-telugu
women icon@teamvasundhara
other-uses-of-sugar-for-home
women icon@teamvasundhara
simple-ways-to-reduce-salt-intake-suggested-by-fssai

ఈ చిట్కాలు పాటిస్తే వంటల్లో ఉప్పు తగ్గించుకోవచ్చు!

ఏ వంటకాల్లోనైనా సరే.. ఉప్పు, కారం సరిగ్గా ఉంటేనే దాని రుచి పెరుగుతుంది.. మన జిహ్వకూ రుచిస్తుంది. అయితే కొంతమంది వీటి డోసు పెంచి వాడుతుంటారు. మరికొంతమందైతే వారు తినే ప్రతి పదార్థంలో ఉప్పును మోతాదుకు మించి వాడుతుంటారు. ఇలా తినడం రుచిగానే ఉంటుంది కానీ ఉప్పు మితిమీరితే మాత్రం బీపీ, హైపర్‌టెన్షన్‌, మూత్రపిండాలకు సంబంధించిన సమస్యలు తప్పవంటున్నారు ఆరోగ్య నిపుణులు. అంతేకాదు.. ఉప్పు ఎక్కువగా తీసుకోవడం వల్ల రోగనిరోధక వ్యవస్థ బలహీనపడుతుందని కొన్ని అధ్యయనాలు రుజువు చేస్తున్నాయి. ఇలా అయితే ప్రస్తుత కరోనా పరిస్థితుల్లో ముప్పు మరింతగా పెరిగే అవకాశం ఉంది. అందుకే ఉప్పును తగ్గించుకునేందుకు కొన్ని చిట్కాలను, ప్రత్యామ్నాయ మార్గాలను సూచిస్తోంది ‘భారత ఆహార భద్రత, నాణ్యతా ప్రమాణాల సంస్థ (FSSAI)’. ఈ క్రమంలోనే ఉప్పు తగ్గించుకునే మార్గాల గురించి తెలియజేస్తూ ట్విట్టర్‌లో వరుస పోస్టులు పెట్టింది.

Know More

women icon@teamvasundhara
stove-cleaning-tips-in-telugu

ఇలా చేస్తే మీ స్టవ్ తళతళలాడాల్సిందే!

మనం వంట చేసేటప్పుడు స్టవ్‌పై నూనె చిట్లడం, ఇతర ఆహార పదార్థాలు పడడం మామూలే. అయితే మరి దాన్ని ఎప్పటికప్పుడు శుభ్రం చేస్తే సరి.. లేదంటే జిడ్డుగా తయారవుతుంది. అలాగని రోజూ స్టవ్ కడగాలన్నా సమయం సరిపోకపోవడంతో చాలామంది మహిళలు వారానికోసారి లేదంటే మూడునాలుగు రోజులకోసారి క్లీన్ చేస్తూ ఉంటారు. దీంతో స్టవ్ జిడ్డుగా మారుతుంది. మరి, ఇలా స్టవ్‌పై పేరుకున్న జిడ్డు, ఇతర పదార్థాల అవశేషాలు సులభంగా పోవాలంటే ఏంచేయాలి.. అని ఆలోచిస్తున్నారా? అందుకు మన ఇంట్లో లభించే కొన్ని సహజసిద్ధమైన పదార్థాలు ఉపయోగపడతాయి. అవేంటో తెలుసుకొని.. స్టవ్‌ని తళతళలాడించేద్దామా..

Know More

women icon@teamvasundhara
tips-to-clean-the-floor-in-the-rainy-season-in-telugu

వానాకాలంలో ఫ్లోర్ ఇలా శుభ్రం చేయాలి..

ఓ పక్క ఎడతెరిపి లేని వర్షాలు.. మరోపక్క కరోనా భయంతో ప్రస్తుతం ప్రతి ఒక్కరూ మరింత అప్రమత్తమవుతున్నారు. ఇక దీనికి తోడు బయటి నుంచి ఇంటికొచ్చే వాళ్ల ద్వారా బురద, క్రిములు.. వంటివన్నీ ఇంట్లోకి చేరతాయి. అందులోనూ గచ్చుపై అంటుకున్న మురికి, మరకలు ఓ పట్టాన వదలవు. అలాగని వాటిని వదిలేసి చేజేతులా అనారోగ్యాలు కొనితెచ్చుకోలేం. కాబట్టి ఈ వర్షాకాలంలో ఇంట్లోని ఫ్లోర్‌ని ఎప్పటికప్పుడు శుభ్రం చేయాల్సిందే! తద్వారా ఇంటిని క్రిమి రహితంగా ఉంచుకోవచ్చు.. మరోవైపు కరోనా బారిన పడకుండా మనల్ని మనం కాపాడుకోవచ్చు.. అందుకోసం ఏం చేయాలో చూద్దాం రండి..

Know More

women icon@teamvasundhara
air-purifier-gadgets-to-refresh-your-home-in-telugu

కరోనా వేళ ఈ ఎయిర్ ప్యూరిఫయర్స్ ఇంట్లో ఉండాల్సిందే!

మొన్నటిదాకానేమో బయటికి వెళ్తే కరోనా సోకే ప్రమాదముంది.. ఇంట్లోనే ఉండమన్నారు.. ఆపై ఈ వైరస్‌ గాలి ద్వారా కూడా వ్యాపిస్తుందన్న వార్తలూ వచ్చాయి. ఇక ఇప్పుడేమో ఇంట్లోనూ వైరస్‌ ముప్పు పొంచి ఉండచ్చని చెబుతోంది వ్యాధి నియంత్రణ నివారణ మండలి (సీడీసీ). ఒకరకంగా ఇది అందరికీ మింగుడు పడని విషయమే! ఎందుకంటే ప్రస్తుత ప్రతికూల పరిస్థితుల్లో ఇల్లే మనకు సురక్షిత ప్రాంతం అనుకున్నాం.. కానీ ఇంట్లో కూడా గాలి పరిశుభ్రంగా లేకపోతే వైరస్‌ వ్యాపించే అవకాశాలు ఎక్కువగా ఉన్నాయంటోంది సీడీసీ. ఇందుకు సరైన వెంటిలేషన్‌ లేకపోవడమే ప్రధాన కారణమట! మరి, మనం బయటికి వెళ్లేటప్పుడు ఎన్ని జాగ్రత్తలు తీసుకున్నా.. ఇంటిని శుభ్రంగా ఉంచుకోకపోతే మన ప్రయత్నమంతా వృథా అయిపోతుంది. కాబట్టి ఇంట్లో గాలిని ఎప్పటికప్పుడు శుద్ధి చేసుకోవాల్సిందే! అందుకోసమే విభిన్న రకాల ఎయిర్‌ ప్యూరిఫయింగ్‌ గ్యాడ్జెట్స్‌ ప్రస్తుతం మార్కెట్లో అందుబాటులో ఉన్నాయి. అవి తెచ్చుకొని ఇంట్లో అమర్చుకుంటే సరి!

Know More

women icon@teamvasundhara
easy-ways-to-reduce-excess-salt-in-curry
women icon@teamvasundhara
tips-to-retain-nutrients-while-cooking-in-telugu

ఇలా వండుకుంటే పోషకాలు తరిగిపోవు!

మనం తీసుకునే ఆహారానికి, ఆరోగ్యానికి అవినాభావ సంబంధం ఉందన్న విషయం తెలిసిందే. చక్కటి పోషకాహారం తీసుకున్నప్పుడే మన శరీరంలో రోగ నిరోధక శక్తి పెరుగుతుంది. దాంతో ఎలాంటి వైరస్‌, బ్యాక్టీరియాకు మన శరీరం లొంగకుండా జాగ్రత్తపడచ్చు. అయితే ఇదంతా ఆహార పదార్థాల్లోని పోషకాలను శరీరం గ్రహించినప్పుడే సాధ్యపడుతుంది. అది జరగాలంటే మనం ఆహారం వండుకునే విధానంలో సరైన జాగ్రత్తలు తీసుకోవాలంటున్నారు పోషకాహార నిపుణులు. లేదంటే వాటిలో ఉన్న పోషకాలు నశించిపోయే అవకాశం ఉందంటున్నారు. మరి, ఆయా పదార్థాల్లోని పోషకాలు తగ్గిపోకుండా వండుకోవాలంటే ఎలాంటి చిట్కాలు పాటించాలో తెలుసుకుందాం రండి..

Know More

women icon@teamvasundhara
housework-can-be-as-good-for-your-health-as-the-gym

జిమ్ముకే వెళ్ళక్కర్లేదు... ఇంటి పనులతోనూ ఫిట్ గా ఉండచ్చు!

గిరిజ 26ఏళ్ల గృహిణి. పొద్దున్న లేచింది మొదలు.. రాత్రి పడుకునే వరకు ఇంటి పనులతో తెగ సతమతమైపోయేది. ఆ పనుల ఒత్తిడి తట్టుకోలేక పనిమనిషిని పెట్టుకుంది. ఇంటి పట్టునే ఉండే గృహిణి పరిస్థితే ఇలా ఉంటే.. ఇక ఉద్యోగాలకు వెళ్లే మహిళల సంగతి వేరే చెప్పాలా? కానీ.. ఇంటి పనులతో కూడా ఫిట్‌నెస్ సాధ్యమే.. గిన్నెలు శుభ్రం చేసుకోవడం, బట్టలు ఉతకడం.. ఇంటిని క్లీన్ చేసుకోవడం.. ఇలా మనం చేసే ప్రతి పనితోనూ ఫిట్‌గా అవడానికి వీలుంటుంది. ఇది కేవలం ఆడవాళ్లకే కాదు... మగాళ్లకూ వర్తిస్తుంది.. ఈ క్రమంలో బద్ధకాన్ని దూరం పెట్టి, పనులన్నీ చకచకా చేసుకుని ఫిట్‌గా తయారు కావడమెలాగో ఓసారి చూద్దాం..

Know More

women icon@teamvasundhara
these-household-items-with-multiple-uses
women icon@teamvasundhara
samantha-shows-how-to-use-expired-milk-on-plants-instead-of-wasting-it

women icon@teamvasundhara
simple-ways-to-disinfect-your-kitchen-during-this-corona-time

కరోనా కాలంలో కిచెన్‌ని ఇలా శుభ్రం చేయాల్సిందే!

కరోనా కారణంగా ముట్టుకున్న ప్రతి వస్తువునూ శుభ్రం చేయడం ఇప్పుడు ఆడవాళ్లకు నిత్యకృత్యమైపోయింది. ఎంత తీరిక లేకపోయినా సరే.. తీరిక చేసుకొని, ఓపిక తెచ్చుకొని మరీ ఇంటిని క్రిమి రహితంగా మార్చేస్తున్నారు. అయితే మనం రోజులో ఎక్కువ సమయం గడిపే కిచెన్‌ సంగతేంటి? కిచెన్‌ ప్లాట్‌ఫామ్‌, స్టౌ, సింక్‌.. ఇలా మనం వంట చేసే క్రమంలో ఎంత తరచుగా వీటిని ఉపయోగిస్తామో.. అంతే శ్రద్ధగా వీటిని శుభ్రం చేయాలంటోంది ‘భారత ఆహార భద్రత, నాణ్యతా ప్రమాణాల సంస్థ (FSSAI)’. అలాకాకుండా సమయం లేదని, ఓపిక అంతకన్నా లేదని ఏదో పైపైన శుభ్రం చేస్తే బ్యాక్టీరియా, వైరస్‌ వృద్ధి చెందే అవకాశం ఎక్కువని హెచ్చరిస్తోంది. ఈ క్రమంలోనే కిచెన్‌ ఎలా శుభ్రం చేయాలో వివరిస్తూ ముచ్చటగా మూడు చిట్కాలను ట్విట్టర్‌లో పంచుకుందీ సంస్థ. వీటితో పాటు కిచెన్‌ను శుభ్రం చేయడానికి పాటించాల్సిన మరికొన్ని చిట్కాలేంటో చూసేద్దాం!

Know More

women icon@teamvasundhara
follow-these-simple-tips-to-make-soft-modaks-in-telugu

ఇలా చేస్తే కుడుములు నోట్లో వేసుకోగానే కరిగిపోతాయ్!

వినాయక చవితి అనగానే మనందరికీ ముందుగా గుర్తొచ్చే పిండి వంటకం కుడుములు/మోదక్‌. ఇవంటే ఆ పార్వతీ నందనుడికి ఎంతిష్టమో మాటల్లో చెప్పలేం! అందుకే ఈ పండక్కి ఏది చేసినా చేయకపోయినా వివిధ రకాల మోదకాలు చేసి ఆ గణనాథుడికి నైవేద్యంగా సమర్పిస్తాం. అయితే వీటిని తయారుచేయడానికీ ఓ ప్రత్యేకమైన పద్ధతుంది. పిండి కలపడం దగ్గర్నుంచి స్టఫింగ్‌ కోసం తయారుచేసే పదార్థాల దాకా ప్రతి ఒక్క దశలోనూ పకడ్బందీగా ఉండాలి. ఆయా పదార్థాల మోతాదు, స్టఫింగ్‌ తయారీ, తియ్యదనం.. వంటి విషయాల్లో తగిన జాగ్రత్తలు తీసుకుంటేనే మనం తయారుచేసే కుడుములు ఇలా నోట్లో వేసుకోగానే అలా కరిగిపోయేలా వస్తాయి. అలా ఈ మోదకాలు మృదువుగా, రుచిగా రావాలంటే కొన్ని చిన్న చిన్న చిట్కాలు పాటిస్తే సరిపోతుంది. మరి, అవేంటో చూసేద్దామా?!

Know More

women icon@teamvasundhara
flowers-for-ganesh-puja-in-telugu

విఘ్ననాయకుడికి పుష్పహారతి..!

'వక్రతుండ మహాకాయ సూర్యకోటి సమప్రభ.. నిర్విఘ్నం కురుమే దేవ.. సర్వకార్యేషు సర్వదా..' అంటూ చేయబోయే కార్యాలకు విఘ్నాలన్నింటినీ తొలగించమని ఆ బొజ్జగణపయ్యను కోరుకునే రోజు వినాయక చవితి.. ఆరోజు ఉదయాన్నే స్నానాదులు పూర్తిచేసుకొని మండపాన్ని చక్కగా అలంకరించి.. వినాయకుడిని అందులో ప్రతిష్టించి, ఏక వింశతి పత్రాలతో పూజ చేస్తాం.. అయితే ఎంత పత్రాలతో పూజించినా.. మన చిట్టిగణపయ్యను పూలతో అలంకరించకుండా ఊరుకుంటామా? లేదు కదూ.. కేవలం పత్రాల్లోనే కాదు.. గణేషుడికి ఇష్టమైన పూలల్లోనూ ఎన్నో ఔషధ గుణాలున్నాయి. మరి, అలాంటి కొన్ని పూల గురించి తెలుసుకుందాం రండి..

Know More

women icon@teamvasundhara
must-have-sanitizer-gadgets-during-the-covid-19-times

ఇవి ఇంట్లో ఉంటే శానిటైజ్‌ చేయడం చాలా ఈజీ!

ఈ కరోనా ఏమో గానీ రోజులో ఎక్కువ సమయం శానిటైజేషన్‌కే సరిపోతోంది మన మహిళలకు. ఇక వృత్తి ఉద్యోగాల రీత్యా బయటికి వెళ్లొచ్చే అతివల సంగతైతే చెప్పక్కర్లేదు. అసలే ఓవైపు ఇంటి పనులతో తీరికే దొరకదంటే.. మరోవైపు తమతో పాటు తీసుకెళ్లిన వస్తువులన్నీ శానిటైజ్‌ చేసేసరికి వారికి తల ప్రాణం తోకకొస్తుందని చెప్పడంలో సందేహం లేదు. ఈ క్రమంలో ఒక్కోసారి విసుగొచ్చి ‘ఇక ఈ శానిటైజేషన్‌ నా వల్ల కాదు.. ఏదైతే అదైంది..’ అనుకొని వాటిని పక్కన పడేసేవారూ లేకపోలేదు. కానీ ఈ ప్రతికూల పరిస్థితుల్లో మనం ఎంత జాగ్రత్తగా ఉంటే అంత మంచిది. కాబట్టి కాస్త ఓపిక తెచ్చుకొని ప్రతి వస్తువునూ శానిటైజ్‌ చేసుకోవాలి. అయితే అందుకు కూడా పెద్దగా కష్టపడాల్సిన అవసరం లేదు. ఎందుకంటే ఇంట్లోని ప్రతి వస్తువునూ శానిటైజ్‌ చేయడానికి విభిన్న డిస్-ఇన్ఫెక్టెంట్ గ్యాడ్జెట్స్‌ ప్రస్తుతం మార్కెట్లో అందుబాటులో ఉన్నాయి. తక్కువ ధరల్లోనే లభించే ఆయా పరికరాల్ని ఒకసారి కొని ఇంటికి తెచ్చుకున్నామంటే ఏ వస్తువునైనా నిమిషాల్లో శుభ్రం చేసేసుకోవచ్చు. మరి, ఇంతకీ ఏంటా గ్యాడ్జెట్స్‌? అవి ఎలా పనిచేస్తాయి? రండి తెలుసుకుందాం...

Know More

women icon@teamvasundhara
juhi-chawla’s-ayurvedic-hack-for-purifying-air-is-very-useful-to-us

ఇంట్లో ఇవి ఉంటే ఎయిర్‌ ప్యూరిఫయర్‌తో పనేముంది!

కరోనా కల్లోలం మొదలైనప్పట్నుంచి పరిశుభ్రత విషయంలో మరింత అడ్వాన్స్‌ అయిపోయారు మహిళలు. ఇంట్లో ఉన్న వస్తువుల్ని ఎప్పటికప్పుడు శుభ్రం చేయడం, బయటి నుంచి తెచ్చిన ప్రతి వస్తువునూ శానిటైజ్‌ చేయడంతో బిజీబిజీగా మారిపోయారు. అయితే వస్తువుల సంగతి సరే కానీ.. ఇంట్లో ఉన్న గాలిని ఎలా శుభ్రం చేయాలి..? అసలే ఈ వైరస్‌ గాలి ద్వారా కూడా వ్యాపిస్తుందని ఇటీవలే ప్రపంచ ఆరోగ్య సంస్థ కూడా ప్రకటించింది. అందుకేగా మా ఇంట్లో ఎయిర్‌ ప్యూరిఫయర్‌ని ఏర్పాటుచేసుకున్నాం.. అంటారా? అయితే వేలకు వేలు డబ్బులు పోసి దాన్ని కొనే అవసరం లేకుండానే మన ఇంట్లో ఉండే కొన్ని పదార్థాలతోనే ఇంటి గాలిని శుద్ధి చేసుకోవచ్చని చెబుతోంది బాలీవుడ్‌ అలనాటి అందాల తార జుహీ చావ్లా. ఈ క్రమంలోనే ఇంట్లోని గాలిని శుభ్రం చేయడానికి ఓ అద్భుతమైన ఆయుర్వేద చిట్కాను ఇటీవలే ఇన్‌స్టా వేదికగా పంచుకుందీ ముద్దుగుమ్మ.

Know More

women icon@teamvasundhara
making-arrangements-for-vara-lakshmi-pooja-in-telugu
women icon@teamvasundhara
high-touch-surfaces-that-you-must-clean-at-home

women icon@teamvasundhara
corona-alert-follow-these-useful-tips-by-fssai-to-keep-packaged-milk-clean

కరోనా అలర్ట్: పాల ప్యాకెట్లను ఎలా శానిటైజ్ చేయాలో తెలుసా?

ఇంటి పనులతో అలసిపోయినా, ఆఫీస్‌ పనులతో బిజీగా ఉన్నా సరే.. ఓపిక తెచ్చుకొని మరీ ఒకటికి రెండుసార్లు శుభ్రం చేస్తున్నాం. ఈ క్రమంలో నెలకు సరిపడా నిత్యావసరాలను మార్కెట్‌ నుంచి తీసుకొచ్చి ఒకేసారి శానిటైజ్‌ చేసి పెట్టుకుంటున్నాం.. అదే కాయగూరలైతే వారానికోసారి తెచ్చుకొని ఉప్పు నీళ్లు, పసుపు నీళ్లతో శుభ్రం చేస్తున్నాం. ఇక్కడివరకు బాగానే ఉంది కానీ.. ఏ రోజుకారోజు తెచ్చుకునే పాల ప్యాకెట్స్‌ సంగతేంటి? ‘హా.. వాటిపై ఏముంటుందిలే..’ అంటూ చాలామంది ఈ విషయంలో నిర్లక్ష్యం వహిస్తుంటారు. కానీ అలాంటి అలక్ష్యమే వద్దంటోంది ‘భారత ఆహార భద్రత, నాణ్యతా ప్రమాణాల సంస్థ (FSSAI)’. ఈ నేపథ్యంలోనే పాల ప్యాకెట్‌ కొనడం దగ్గర్నుంచి ప్యాకెట్‌లోని పాలను మరగబెట్టే దాకా ఎలాంటి జాగ్రత్తలు పాటించాలో సూచిస్తూ కొన్ని మార్గదర్శకాలను జారీ చేసింది. అవేంటో మనమూ తెలుసుకొని పాటించేద్దాం రండి..

Know More

women icon@teamvasundhara
fabrics-caring-tips-in-monsoon-in-telugu

వర్షాకాలంలో దుస్తుల రక్షణ ఇలా..

కొన్ని రోజులుగా ఎక్కడ చూసినా వర్షాలే. ఆకాశం ఎప్పుడూ మేఘావృతమై ఉండటం వల్ల ఎండ పొడే రావడం లేదు. ఫలితంగా ఉతికిన దుస్తులు కూడా సరిగ్గా ఆరడం లేదు. అయితే కొంతమంది పూర్తిగా ఆరని దుస్తులనే మడతపెట్టి అల్మరాల్లో సర్దేస్తూ ఉంటారు. అలాగే నిత్యం కురిసే వర్షాలకు గోడలు తడిగా మారడం వల్ల ఒక్కోసారి వార్డ్‌రోబ్‌లోని దుస్తులు కూడా చెమ్మగా మారే అవకాశం ఉంటుంది. ఇలా దుస్తుల్లో తడిదనం నిలిచిపోవడం వల్ల దుస్తులు ముక్కవాసన రావడంతో పాటు వాటిలో ఫంగస్ చేరే అవకాశాలెక్కువ. మరి, ఇలాంటి దుస్తులను ధరించడం వల్ల చర్మసంబంధిత వ్యాధులు వచ్చే ప్రమాదమూ లేకపోలేదు. అందుకే వర్షాకాలంలో దుస్తుల్లో ఫంగస్, బ్యాక్టీరియా లాంటివి చేరకుండా ఉండాలంటే తీసుకోవాల్సిన కొన్ని జాగ్రత్తల గురించి తెలుసుకుందాం.

Know More

women icon@teamvasundhara
how-to-stop-wastage-of-food-in-your-home-in-telugu

వృథాకు చెక్ పెట్టండిలా..!

'అన్నం పరబ్రహ్మ స్వరూపం' అంటారు పెద్దలు. అంటే మనం తీసుకునే ఆహారపదార్థాలేవైనా.. అవి భగవంతుడితో సమానమన్నమాట. కానీ మనలో చాలామంది వండేటప్పుడు ఇష్టం వచ్చినంత మోతాదులో ఆహారపదార్థాలను వండేయడం.. ఆ తర్వాత వాటిని తినలేక పడేయడం.. వంటివి ఎక్కువగా చేస్తుంటారు. అలాగే కొనుగోలు చేసే సమయంలో కూడా అవసరానికి మించి కొనుగోలు చేసేయడం.. అవి పాడైపోతే వృథాగా పారేయడం..! దీనివల్ల ఇటు విలువైన డబ్బు వృథా అవడమే కాకుండా.. ఆయా ఆహారపదార్థాలు ఎవరికీ పనికిరాకుండా పోతాయి. అందుకే ఇంట్లో ఆహారపదార్థాల వృథాకు కళ్లెం ఎలా వేయాలో తెలుసుకుంటే, వాటిని పాటిస్తూ.. ఇటు మీ బడ్జెట్‌ని, అటు ఆహారాన్ని కూడా కాపాడుకోవచ్చు.

Know More

women icon@teamvasundhara
samantha-ruth-prabhu-shows-us-how-to-make-diy-toxin-free-cleaner-at-home-the-natural-way

ఈ బయోఎంజైమ్ ని ఇంట్లోనే తయారు చేశా!

ఈ కరోనా కాలంలో శుభ్రత విషయంలో ఏమాత్రం రాజీపడట్లేదు అతివలు. సాధారణంగానే ఇంటిని అద్దంలా మెరిపించే మహిళలు.. ఇక ప్రస్తుత ప్రతికూల పరిస్థితులకు చిక్కకుండా ఇంటి పరిశుభ్రత విషయంలో మరింత శ్రద్ధ వహిస్తున్నారు. ఈ క్రమంలో హోమ్‌ క్లీనర్స్‌ కోసం బోలెడన్ని డబ్బులు ఖర్చు పెట్టడానికీ వెనకాడట్లేదు. అయితే ఇలా బయటదొరికే క్లీనర్స్‌లో ఉండే రసాయనాలు మన ఆరోగ్యంపై ప్రతికూల ప్రభావం చూపడంతో పాటు వాతావరణాన్నీ కలుషితం చేస్తాయంటోంది అందాల నటి సమంత. అందుకే వాటికి బదులుగా ఇంట్లోనే బయోఎంజైమ్స్‌ తయారుచేసుకొని వాడాలని అందరికీ సూచిస్తోంది సామ్‌. కరోనా కారణంగా షూటింగ్స్‌ ఏవీ లేకపోవడంతో ప్రస్తుతం ఇంట్లోనే ఉంటోన్న ఈ బ్యూటీ.. ఆరోగ్యం, ఫిట్‌నెస్‌, గార్డెనింగ్‌.. వంటి ఎన్నో విషయాలపై ప్రత్యేక దృష్టి పెడుతోంది. వాటికి సంబంధించిన ఫొటోలు, వీడియోలను సోషల్‌ మీడియా ద్వారా తన ఫ్యాన్స్‌తో పంచుకుంటోంది. ఈ క్రమంలోనే తాజాగా బయోఎంజైమ్స్‌ గురించి వివరిస్తూ ఇన్‌స్టాలో ఓ సుదీర్ఘమైన పోస్ట్‌ పెట్టిందీ అక్కినేని వారి కోడలు పిల్ల.

Know More

women icon@teamvasundhara
try-these-diy-veggie-fruit-cleaners-in-this-covid-time

పండ్లు, కాయగూరలను ఇలా శానిటైజ్‌ చేయండి!

ప్రస్తుతం కరోనా విజృంభిస్తోన్నా కొన్ని సార్లు బయటికి వెళ్లక తప్పని పరిస్థితి. వృత్తిఉద్యోగాల రీత్యా మాత్రమే కాదు.. నిత్యావసరాలు, రోజువారీ కాయగూరలు, పండ్ల కోసం ఇంట్లో నుంచి ఎవరో ఒకరు కచ్చితంగా బయటికి వెళ్లాల్సిందే! ఇలా ఇంటికి తెచ్చిన ప్రతి వస్తువునూ శానిటైజ్‌ చేయాల్సిందే! మరి, ప్యాక్‌ చేసిన వస్తువులు, ఆహార పదార్థాలపైన శానిటైజర్‌ స్ప్రే చేయడం లేదంటే క్లాత్ సహాయంతో వాటిపై అప్లై చేయడం వంటివి చేయచ్చు. మరి, పండ్లు, కాయగూరల సంగతేంటి? అన్నింటిలాగే వాటిపైనా శానిటైజర్‌ స్ప్రే చేస్తే అందులోని ఆల్కహాల్‌ ప్రభావానికి పండ్లు, కాయగూరల్లోని పోషకాలు నశించే అవకాశం ఉందంటున్నారు నిపుణులు. అందుకే ఇంట్లో సహజసిద్ధంగా తయారుచేసుకున్న ద్రావణాలతోనే వీటిని కడగాలని సూచిస్తున్నారు. మరి, ఇంతకీ ఆ న్యాచురల్‌ క్లీనర్స్‌ని ఎలా తయారుచేసుకోవాలో ఇప్పుడు చూద్దాం..!

Know More

women icon@teamvasundhara
how-to-reuse-your-old-socks-in-telugu

సాక్స్‌ని ఇలా కూడా వాడచ్చు..!

'అబ్బబ్బా.. ఈ సాక్సు మళ్లీ కనిపించట్లేదు. ఈ నెలలో ఇది రెండోది. ప్రతిసారీ కొత్తది కొనడం, అసలేమాత్రం పాడవని ఈ సాక్స్‌లను చూస్తూ చూస్తూ పడేయడం.. ఇదో పెద్ద గోలగా మారింది..' అంటోంది ప్రియ.. ఇది కేవలం ప్రియకు మాత్రమే ఉన్న సమస్య కాదు.. మనలో చాలామంది ఎదుర్కొనేదే. సాక్సులు కొన్న తర్వాత కొన్నాళ్లకే అవి బోర్‌కొట్టేయడం.. లేదా ఒకటి బాగుండి.. మరొకటి పాడవడం.. ఒకటి పోవడం వంటివి ఎక్కువగానే జరుగుతుంటాయి. ఇలాంటప్పుడు వాటిని పారేయడం మినహా మరే మార్గం లేదనుకుంటున్నారా? అయితే మీరు పొరపాటు పడినట్లే.. ఈ సాక్సులను మరెన్నో రకాలుగా ఉపయోగించుకోవచ్చు. అదెలాగో తెలుసుకుందాం రండి..

Know More

women icon@teamvasundhara
simple-kitchen-hacks-to-save-your-time-during-work-from-home

ఇలా చేస్తే కిచెన్‌లో పని ఎంతో ఈజీ!

వర్క్‌ ఫ్రమ్‌ హోమ్‌.. ప్రస్తుత విపత్కర పరిస్థితుల్లో చాలామందికి ఈ ఆప్షన్‌ ఎంతో సౌకర్యవంతంగా ఉందని చెప్పచ్చు. అయితే ఇలా ఎన్ని సౌకర్యాలున్నా ఆడవారికి ఇంటి పని నుంచి మాత్రం విముక్తి కలగట్లేదు. ఓవైపు ఇంటి నుంచి చేసే ఆఫీస్‌ పని, మరోవైపు ఇంటి పని చేసుకోవడం, ఇంకోవైపు పిల్లల్ని చూసుకోవడం.. ఇవన్నీ బ్యాలన్స్‌ చేయాలంటే కత్తి మీద సామే! అలాగని మరీ ఒత్తిడిగా ఫీలవ్వాల్సిన పనిలేదు. చిన్నపాటి చిట్కాలు పాటిస్తే.. అటు వంటింట్లో పనిని త్వరగా పూర్తి చేసుకోవచ్చు.. ఇటు ఇంటి నుంచి చేసే పనిని సమర్థంగా నిర్వర్తించవచ్చు.. ఇంతకీ ఆ చిట్కాలేంటో మనమూ తెలుసుకుందాం రండి..

Know More

women icon@teamvasundhara
fssai-has-come-up-with-some-guidelines-on-how-to-clean-fruits-and-vegetables

పండ్లు, కాయగూరలు ఎలా కడగాలో తెలుసా?

అసలే అటు ఇంటి పనులు, ఇటు ఆఫీస్‌ పనులతో క్షణం తీరిక దొరకదు మన మహిళా లోకానికి. అలాంటిది కరోనా మహమ్మారి మన జీవితంలో అడుగుపెట్టిన దగ్గర్నుంచి ఇంటి శుభ్రత విషయంలో మనం మరింత బిజీగా మారిపోయాం. బయటి నుంచి ఇంటికి తెచ్చిన ప్రతిదీ శుభ్రం చేస్తే గానీ ఇంట్లోకి తీసుకురావట్లేదు. ఈ క్రమంలో ఫుడ్‌ ప్యాకెట్స్ లేదా ఇతర ప్యాక్‌ చేసిన వస్తువులైతే శానిటైజర్‌తో శుభ్రం చేసినా పర్లేదు. మరి, కాయగూరలు, పండ్లను కూడా ఇలాగే శుభ్రం చేస్తానంటే కుదరదంటున్నారు నిపుణులు. శానిటైజర్‌లో ఉండే ఆల్కహాల్‌ వల్ల కాయగూరలు, పండ్లలోని పోషకాలు నశించే ప్రమాదం ఉండడమే అందుకు ప్రధాన కారణం. అందుకే బయటి నుంచి ఇంటికి తెచ్చిన పండ్లు, కాయగూరల్ని ఎలా శుభ్రం చేయాలో సూచిస్తూ ‘భారత ఆహార భద్రత, నాణ్యతా ప్రమాణాల సంస్థ (ఎఫ్‌ఎస్‌ఎస్‌ఏఐ)’ కొన్ని మార్గదర్శకాలు జారీ చేసింది. అవేంటో మనమూ తెలుసుకొని ఫాలో అయిపోదామా?

Know More

women icon@teamvasundhara
did-you-wash-your-towels-regularly?

మీ టవల్స్‌ శుభ్రమేనా..?

కరోనా.. కంటికి కనిపించని ఈ వైరస్‌ ఇప్పుడు ప్రపంచాన్ని శాసిస్తోంది. కేవలం భయపెట్టడమే కాకుండా ప్రజలకు పరిశుభ్రత పట్ల సరికొత్త పాఠాలను, గుణ పాఠాలను నేర్పిస్తోంది. ప్రస్తుతం కరోనాకు భయపడి ప్రతి ఒక్కరూ వ్యక్తిగత శుభ్రత పట్ల తగిన జాగ్రత్తలు తీసుకుంటున్నారు. ఇప్పటి వరకు చేతులు కడగడం అలవాటు లేని వారు కూడా ఇప్పుడు చేతుల్ని తెగ శుభ్రం చేసుకుంటున్నారు. ఇదంతా ఇలా ఉంటే.. కరోనా వైరస్‌ ఫలానా వస్తువులపై ఇన్ని గంటలు బతికుంటుందనే విషయాలను ప్రపంచ ఆరోగ్య సంస్థ (డబ్ల్యూహెచ్‌వో) చెబుతూనే ఉంది. ఈ క్రమంలోనే దుస్తులు, వస్త్రాలపై కరోనా వైరస్‌ కొన్ని గంటల పాటు బ