ఈ కరోనా ఏమో గానీ రోజులో ఎక్కువ సమయం శానిటైజేషన్‌కే సరిపోతోంది మన మహిళలకు. ఇక వృత్తి ఉద్యోగాల రీత్యా బయటికి వెళ్లొచ్చే అతివల సంగతైతే చెప్పక్కర్లేదు. అసలే ఓవైపు ఇంటి పనులతో తీరికే దొరకదంటే.. మరోవైపు తమతో పాటు తీసుకెళ్లిన వస్తువులన్నీ శానిటైజ్‌ చేసేసరికి వారికి తల ప్రాణం తోకకొస్తుందని చెప్పడంలో సందేహం లేదు. ఈ క్రమంలో ఒక్కోసారి విసుగొచ్చి ‘ఇక ఈ శానిటైజేషన్‌ నా వల్ల కాదు.. ఏదైతే అదైంది..’ అనుకొని వాటిని పక్కన పడేసేవారూ లేకపోలేదు. కానీ ఈ ప్రతికూల పరిస్థితుల్లో మనం ఎంత జాగ్రత్తగా ఉంటే అంత మంచిది. కాబట్టి కాస్త ఓపిక తెచ్చుకొని ప్రతి వస్తువునూ శానిటైజ్‌ చేసుకోవాలి. అయితే అందుకు కూడా పెద్దగా కష్టపడాల్సిన అవసరం లేదు. ఎందుకంటే ఇంట్లోని ప్రతి వస్తువునూ శానిటైజ్‌ చేయడానికి విభిన్న డిస్-ఇన్ఫెక్టెంట్ గ్యాడ్జెట్స్‌ ప్రస్తుతం మార్కెట్లో అందుబాటులో ఉన్నాయి. తక్కువ ధరల్లోనే లభించే ఆయా పరికరాల్ని ఒకసారి కొని ఇంటికి తెచ్చుకున్నామంటే ఏ వస్తువునైనా నిమిషాల్లో శుభ్రం చేసేసుకోవచ్చు. మరి, ఇంతకీ ఏంటా గ్యాడ్జెట్స్‌? అవి ఎలా పనిచేస్తాయి? రండి తెలుసుకుందాం...

శ్రావణ మాసంలో మహిళలు అత్యంత భక్తిశ్రద్ధలతో నోచే నోము 'వరలక్ష్మీ వ్రతం'. ఈ మాసంలో వచ్చే రెండో శుక్రవారం రోజున పెళ్లయిన మహిళలు ఈ వ్రతం ఆచరిస్తే భర్త, కుటుంబ సభ్యుల ఆరోగ్యం, ఆయుష్షు బాగుంటాయని ఓ విశ్వాసం. మరి ఈ పర్వదినాన్ని పురస్కరించుకుని ఇంటిని, పూజగదిని, మండపాన్ని ఎలా అలంకరించాలో తెలుసుకుందాం.. రండి..

ఇంటి పనులతో అలసిపోయినా, ఆఫీస్‌ పనులతో బిజీగా ఉన్నా సరే.. ఓపిక తెచ్చుకొని మరీ ఒకటికి రెండుసార్లు శుభ్రం చేస్తున్నాం. ఈ క్రమంలో నెలకు సరిపడా నిత్యావసరాలను మార్కెట్‌ నుంచి తీసుకొచ్చి ఒకేసారి శానిటైజ్‌ చేసి పెట్టుకుంటున్నాం.. అదే కాయగూరలైతే వారానికోసారి తెచ్చుకొని ఉప్పు నీళ్లు, పసుపు నీళ్లతో శుభ్రం చేస్తున్నాం. ఇక్కడివరకు బాగానే ఉంది కానీ.. ఏ రోజుకారోజు తెచ్చుకునే పాల ప్యాకెట్స్‌ సంగతేంటి? ‘హా.. వాటిపై ఏముంటుందిలే..’ అంటూ చాలామంది ఈ విషయంలో నిర్లక్ష్యం వహిస్తుంటారు. కానీ అలాంటి అలక్ష్యమే వద్దంటోంది ‘భారత ఆహార భద్రత, నాణ్యతా ప్రమాణాల సంస్థ (FSSAI)’. ఈ నేపథ్యంలోనే పాల ప్యాకెట్‌ కొనడం దగ్గర్నుంచి ప్యాకెట్‌లోని పాలను మరగబెట్టే దాకా ఎలాంటి జాగ్రత్తలు పాటించాలో సూచిస్తూ కొన్ని మార్గదర్శకాలను జారీ చేసింది. అవేంటో మనమూ తెలుసుకొని పాటించేద్దాం రండి..

ఈ కరోనా కాలంలో శుభ్రత విషయంలో ఏమాత్రం రాజీపడట్లేదు అతివలు. సాధారణంగానే ఇంటిని అద్దంలా మెరిపించే మహిళలు.. ఇక ప్రస్తుత ప్రతికూల పరిస్థితులకు చిక్కకుండా ఇంటి పరిశుభ్రత విషయంలో మరింత శ్రద్ధ వహిస్తున్నారు. ఈ క్రమంలో హోమ్‌ క్లీనర్స్‌ కోసం బోలెడన్ని డబ్బులు ఖర్చు పెట్టడానికీ వెనకాడట్లేదు. అయితే ఇలా బయటదొరికే క్లీనర్స్‌లో ఉండే రసాయనాలు మన ఆరోగ్యంపై ప్రతికూల ప్రభావం చూపడంతో పాటు వాతావరణాన్నీ కలుషితం చేస్తాయంటోంది అందాల నటి సమంత. అందుకే వాటికి బదులుగా ఇంట్లోనే బయోఎంజైమ్స్‌ తయారుచేసుకొని వాడాలని అందరికీ సూచిస్తోంది సామ్‌. కరోనా కారణంగా షూటింగ్స్‌ ఏవీ లేకపోవడంతో ప్రస్తుతం ఇంట్లోనే ఉంటోన్న ఈ బ్యూటీ.. ఆరోగ్యం, ఫిట్‌నెస్‌, గార్డెనింగ్‌.. వంటి ఎన్నో విషయాలపై ప్రత్యేక దృష్టి పెడుతోంది. వాటికి సంబంధించిన ఫొటోలు, వీడియోలను సోషల్‌ మీడియా ద్వారా తన ఫ్యాన్స్‌తో పంచుకుంటోంది. ఈ క్రమంలోనే తాజాగా బయోఎంజైమ్స్‌ గురించి వివరిస్తూ ఇన్‌స్టాలో ఓ సుదీర్ఘమైన పోస్ట్‌ పెట్టిందీ అక్కినేని వారి కోడలు పిల్ల.

'అబ్బబ్బా.. ఈ సాక్సు మళ్లీ కనిపించట్లేదు. ఈ నెలలో ఇది రెండోది. ప్రతిసారీ కొత్తది కొనడం, అసలేమాత్రం పాడవని ఈ సాక్స్‌లను చూస్తూ చూస్తూ పడేయడం.. ఇదో పెద్ద గోలగా మారింది..' అంటోంది ప్రియ.. ఇది కేవలం ప్రియకు మాత్రమే ఉన్న సమస్య కాదు.. మనలో చాలామంది ఎదుర్కొనేదే. సాక్సులు కొన్న తర్వాత కొన్నాళ్లకే అవి బోర్‌కొట్టేయడం.. లేదా ఒకటి బాగుండి.. మరొకటి పాడవడం.. ఒకటి పోవడం వంటివి ఎక్కువగానే జరుగుతుంటాయి. ఇలాంటప్పుడు వాటిని పారేయడం మినహా మరే మార్గం లేదనుకుంటున్నారా? అయితే మీరు పొరపాటు పడినట్లే.. ఈ సాక్సులను మరెన్నో రకాలుగా ఉపయోగించుకోవచ్చు. అదెలాగో తెలుసుకుందాం రండి..

కరోనా.. కంటికి కనిపించని ఈ వైరస్‌ ఇప్పుడు ప్రపంచాన్ని శాసిస్తోంది. కేవలం భయపెట్టడమే కాకుండా ప్రజలకు పరిశుభ్రత పట్ల సరికొత్త పాఠాలను, గుణ పాఠాలను నేర్పిస్తోంది. ప్రస్తుతం కరోనాకు భయపడి ప్రతి ఒక్కరూ వ్యక్తిగత శుభ్రత పట్ల తగిన జాగ్రత్తలు తీసుకుంటున్నారు. ఇప్పటి వరకు చేతులు కడగడం అలవాటు లేని వారు కూడా ఇప్పుడు చేతుల్ని తెగ శుభ్రం చేసుకుంటున్నారు. ఇదంతా ఇలా ఉంటే.. కరోనా వైరస్‌ ఫలానా వస్తువులపై ఇన్ని గంటలు బతికుంటుందనే విషయాలను ప్రపంచ ఆరోగ్య సంస్థ (డబ్ల్యూహెచ్‌వో) చెబుతూనే ఉంది. ఈ క్రమంలోనే దుస్తులు, వస్త్రాలపై కరోనా వైరస్‌ కొన్ని గంటల పాటు బతికుంటుందని నిపుణులు చెబుతున్నారు. అయితే కరోనా ఈ స్థాయిలో విజృంభిస్తోన్న వేళ ప్రతి రోజూ మీరు ఉపయోగించే టవల్‌ విషయంలో ఎంత వరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. లాంటి వివరాలు ఇప్పుడు చూద్దాం..

టెక్నాలజీ పెరిగిపోవడంతో స్మార్ట్‌ఫోన్లను వినియోగించేవారు చాలా ఎక్కువైపోయారు. కానీ మీకు తెలుసా? మన బాత్రూంలో ఎన్ని రకాల సూక్ష్మక్రిములుంటాయో.. సెల్‌ఫోన్ తెరపైన కూడా దాదాపు అన్నే ఉంటాయట. ఈ తాకే తెరలపై ఉండే క్రిములు, బ్యాక్టీరియా కారణంగా.. మనకు వివిధ రకాల రోగాలు వచ్చే అవకాశముందని వైద్యనిపుణులు హెచ్చరిస్తున్నారు. అందుకే టచ్‌స్క్రీన్ ఉపయోగించడానికి చేతివేళ్లకు బదులుగా స్త్టెలస్ ఉపయోగించడం మంచిది. ప్రారంభంలో ఉపయోగించడం కాస్త ఇబ్బందిగా అనిపించినా.. అలవాటైతే అందరిలోనూ మీరే స్త్టెలిష్‌గా కనిపించే అవకాశం కూడా ఉంటుంది. కానీ ఇలాంటివి ఎక్కడ దొరుకుతాయో.. వాటికోసం ఎంత ఖర్చు చేయాలో అనుకుంటున్నారా? అదేం అవసరం లేదు. తక్కువ ఖర్చుతోనే.. అందమైన లిక్విడ్ స్త్టెలస్‌ని ఇంట్లోనే తయారుచేసుకోవచ్చు. మరి అదెలాగో తెలుసుకొందామా..

రోజురోజుకీ పెరిగిపోతున్న ఈ ఎండల్లో ఎంత కాదనుకున్నా బయటికి వెళ్లక తప్పదు. పోనీ ఇంటిపట్టునే ఉందామనుకున్నా వాతావరణంలో వేడి వేధించక మానదు. ఒక్క ఏసీ గదుల్లో తప్ప మరెక్కడా ఉండలేమంటారా..? ఉండగలం..! ఇంట్లో ఉన్నా, బయటికి వెళ్లినా ఎండ ప్రభావం నుంచి శరీరాన్ని రక్షించుకోడానికి అనేక మార్గాలున్నాయి.. వాటిలో నోరూరించే పుచ్చకాయ ఒకటి.. చుట్టూ సూర్య ప్రతాపం చెలరేగినా..ఇది మాత్రం చల్లగా కడుపులో చేరి, ఆ వడదెబ్బ నుంచి కాపాడుతుంది. మరి అలాంటి పుచ్చకాయని క్షణాల్లో తరిగేయడానికి, పిల్లలకు నచ్చేలా రకరకాల ఆకారాల్లో కట్ చేయడానికీ రకరకాల గ్యాడ్జెట్స్ ఒచ్చేశాయి.. అవేంటో చూసేద్దామా మరి..!

ఈ కాలంలో నిమ్మకాయలను ఎక్కువగా ఉపయోగిస్తుంటాం. అయితే నిమ్మకాయల నుంచి రసం పిండుకున్న తర్వాత వాటి చెక్కలను చాలామంది పడేస్తుంటారు. కానీ వాటిని కూడా ఉపయోగించుకోవచ్చు. అదెలాగంటే..

కరోనా వైరస్‌ కారణంగా ప్రజల జీవనశైలి పూర్తిగా మారిపోయింది. నోటికి మాస్కులు పెట్టుకోవడం, ఎప్పుడూ లేని విధంగా తరచూ చేతులు శుభ్రపరచుకోవడం.. వంటివన్నీ మన జీవితంలో ఓ భాగమయ్యాయి. ఈ క్రమంలోనే శానిటైజర్ల వినియోగం కూడా విపరీతంగా పెరిగిపోయింది. అయితే వీటివల్ల చేతులకు అంటుకున్న క్రిములు, బ్యాక్టీరియా, వైరస్‌లు తొలగిపోవడం.. వంటి ప్రయోజనాలతో పాటు కొన్ని నష్టాలు కూడా ఉన్నాయంటున్నారు ఆరోగ్య నిపుణులు. మరి, అవేంటో మనమూ తెలుసుకొని జాగ్రత్తపడదాం రండి..

ఇంటిని చూసి ఇల్లాలిని చూడమన్నారు పెద్దలు. ఇంటి పరిశుభ్రతని బట్టి ఇల్లాలి సమర్థతని అంచనా వేయచ్చనేది ఈ సామెత సారాంశం. అయితే అసలే కరోనా కాలం.. కొవిడ్‌ మహమ్మారి విజృంభిస్తోన్న ఈ సమయంలో కేవలం చేతులు శుభ్రం చేసుకోవడం.. ఇంటి ఫ్లోర్‌ని క్లీన్‌ చేస్తూ అదే పరిశుభ్రత అని భావిస్తే సరిపోదు. ఇంట్లోని దుమ్ము దులిపి, అనవసరమైన వస్తువులను తొలగిస్తూ ఇంటిని సమూలంగా శుభ్రం చేసినప్పుడే వైరస్‌, బ్యాక్టీరియా లాంటివి దరిచేరకుండా ఆపగలం. పైగా రోజూ ఉరుకులు పరుగులతో పోలిస్తే ఈ లాక్‌డౌన్‌లో అటు గృహిణులకు, ఇటు ఇంటి నుంచి పనిచేసే మహిళలకు ఎంతో కొంత ఖాళీ సమయం దొరుకుతుండచ్చు. కాబట్టి ఇంటిని శుభ్రం చేసుకోవడానికి ఇదే మంచి తరుణం. అయితే అందుకోసం మరీ కష్టపడిపోవాల్సిన అవసరం లేదు. ఈ చిన్న చిన్న చిట్కాలు పాటిస్తే సరిపోతుంది.

స్వాతి ఓ ఐటీ కంపెనీలో ఉద్యోగం చేస్తోంది. బహుళ జాతి కంపెనీ కావడంతో ఆఫీసు మొత్తం ఏసీ సదుపాయం ఉంది. అలాగే తన ఇంటి బెడ్‌రూమ్‌లోనూ ఓ ఏసీని ఏర్పాటు చేసుకుంది స్వాతి. దీంతో ఆమెకు ఏసీ ఓ అవసరంలా మారిపోయింది. కాసేపు బయట కూర్చున్నా సరే ఉక్కపోత, చెమటలు పట్టేస్తున్నాయంటూ చిరాకు పడుతోంది. అయితే ప్రస్తుతం వర్క్‌ ఫ్రమ్‌ హోమ్‌ చేస్తోన్న స్వాతి ఏసీ కోసం తన బెడ్‌రూమ్‌లోనే ఆఫీస్‌ వాతావరణాన్ని సృష్టించుకుంది. అంతలోనే.. ‘కరోనా వైరస్‌ చల్లటి ప్రదేశాల్లో ఎక్కువగా వ్యాపిస్తుంది. ముఖ్యంగా ఏసీ ఉపయోగించే ప్రదేశాల్లో వైరస్‌ విస్తరణ మరీ ఎక్కువగా ఉంది.. కాబట్టి ఏసీలను ఉపయోగించకండి..’ అంటూ వాట్సాప్‌లో వైరలవుతోన్న ఓ మెసేజ్‌ చదివింది. దీంతో ఏసీ వినియోగించాలా? వద్దా? అన్న సందిగ్ధంలో పడింది స్వాతి. మరి, నిజంగానే ఏసీల వల్ల కరోనా వ్యాపిస్తుందా..? కరోనా విస్తృతిపై ఏసీల ప్రభావం ఎంత వరకు ఉంటుంది? ఒకవేళ ఈ ప్రతికూల పరిస్థితుల్లోనూ ఏసీ వాడితే ఎలాంటి జాగ్రత్తలు తీసుకోవాలి? ఏసీలు, కూలర్లు, వెంటిలేషన్‌ విషయాల్లో ప్రభుత్వం జారీ చేసిన మార్గదర్శకాలేంటి..? ఈ విషయాల గురించి తెలుసుకుందాం రండి..

ఈ రోజుల్లో పెట్‌ లవర్స్‌ పెరిగిపోతున్నారు. సెలబ్రిటీల దగ్గర్నుంచి సామాన్యుల దాకా.. ప్రతి ఒక్కరూ తమకు అన్ని వేళలా తోడుగా ఉండేందుకు పెంపుడు జంతువుల్ని దత్తత తీసుకుంటున్నారు. ఈ క్రమంలో కుక్కలు, పిల్లులు, చిలుకలు.. ఇలా ఎవరికి నచ్చిన పెట్స్‌ని వారు పెంచుకుంటున్నారు. ఇవి మూగజీవాలే అయినా తమ యజమాని పట్ల అపార విశ్వాసాన్ని కలిగి ఉంటాయి.. వారికి మానసిక ప్రశాంతతను చేకూరుస్తాయి. మరి, అలాంటి మన నేస్తాలను ఈ కరోనా బారి నుంచి కాపాడుకోవడం మన బాధ్యత.

కరోనా లాక్‌డౌన్‌ కారణంగా ప్రజలు పలు ఇబ్బందులు ఎదుర్కొంటున్నప్పటికీ.. కుటుంబ సభ్యులతో కలిసి ఇంట్లో గడిపే అవకాశం లభించిందని తృప్తి పడుతున్నారు. ఈ అనుకోని సెలవుల కారణంగా అప్పటిదాకా క్షణం తీరిక లేకుండా గడిపిన మనకు చిన్న విరామం దొరికినట్లయ్యింది. ఈ కరోనా హాలిడేస్‌.. చదువుకునే రోజుల్లో సమ్మర్‌ హాలిడేస్‌ని తలపిస్తున్నాయని అనుకుంటున్నారు చాలామంది. అయితే ఈ సమయాన్ని ఆట, పాటలతో గడిపే వాళ్లు కొందరైతే.. అరుదుగా దొరికిన ఇలాంటి అవకాశాన్ని ఉపయోగకరమైన పనులు చేయడం కోసం వినియోగిస్తోన్న వారు మరికొందరు. ఇక చాలామంది అతివలైతే ఈ సెలవులను ఇంటిని క్లీన్‌ చేసుకోవడానికి ఉపయోగిస్తున్నారు. మరి, ఈ లాక్‌డౌన్‌ సమయంలో ఇంటిని పరిశుభ్రంగా ఎలా తీర్చిదిద్దుకోవాలో ఇప్పుడు తెలుసుకుందాం..!

ఒకప్పుడు వంటింట్లో అటక మీద ఇనుప డబ్బాలుండేవి. ఓ దాంట్లో మామిడి ఒరుగులు.. ఇంకో దాంట్లో టమాట ఒరుగులు.. ఇలా ఉండేవి. జాడీలలో చింతకాయ, మామిడికాయ తొక్కులు ఉండేవి. కూరగాయలు దొరక్కపోయినా.. కాలం కాకపోయినా.. వీటితో నెట్టుకొచ్చేవారు ఆ తరం అమ్మలు. లాక్‌డౌన్‌ ఛాలెంజ్‌కు మీరూ సిద్ధమవ్వండి. కూరగాయలు పరిమితంగా దొరుకుతున్న తరుణంలో మైక్రోగ్రీన్స్‌తో సవాల్‌ను స్వీకరించండి. ఆపత్కాలాన్ని రుచికరంగా దాటేయండి. పోషకాలు అదనంగా పొందండి.

‘ఇంటిని చూసి.. ఇల్లాలిని చూడు..’ అన్నారు పెద్దలు. ఇంటిని శుభ్రంగా ఉంచిన విధానం.. ఇల్లాలి స్వభావాన్ని తెలుపుతుందనేది ఈ సామెత అర్థం. అంతేకాదు.. అపరిశుభ్రంగా ఉన్న ఇల్లు ఎన్నో వ్యాధులకు ఆలవాలమవుతుంది కూడా! కాబట్టి ఇంటిని పరిశుభ్రంగా ఉంచుకోవడం ద్వారా జబ్బులు వ్యాపించకుండా నివారించుకోవచ్చు. కానీ.. ప్రస్తుతం బిజీ బిజీ జీవితాల వల్ల ఇంటిని ప్రతిరోజూ శుభ్రం చేయాలంటే వీలుకాకపోవచ్చు. ఇక ఒకేసారి మొత్తం ఇల్లంతా అంటే కాస్త కష్టంతో కూడుకున్న పనే. అలాంటి వారి సమస్యకు చెక్‌ పెట్టడానికి ఈ ఆధునిక ‘ఫ్లోర్‌ క్లీనర్స్‌’ని డిజైన్‌ చేశారు. ఈ గ్యాడ్జెట్స్‌ని ఉపయోగించడం వల్ల మీ టైం ఆదా అవడంతోపాటు.. నిమిషాల్లో నేలతో పాటు, గోడలు, సింక్‌ లాంటివి కూడా శుభ్రం చేసుకోవచ్చు. మరి, మీ ఇంటి పనుల్లో మీకెంతగానో ఉపకరించే వివిధ రకాల మోడ్రన్‌ ఫ్లోర్ క్లీనర్స్‌ గురించి ఇప్పుడు తెలుసుకుందాం రండి..

చైనాలో పుట్టిన ‘కరోనా’ వైరస్‌(కొవిడ్‌-19) ఇప్పుడు ప్రపంచాన్ని వణికిస్తోంది. ఇటీవలే భారత్‌లో కూడా కరోనా కేసులు నమోదయ్యాయి. దీంతో దాని బారిన పడకుండా ఉండేందుకు చాలామంది సాధారణ మాస్క్‌లతో పాటు, ఎన్‌-95 మాస్క్‌లను వాడుతున్నారు. ఈ క్రమంలో ప్రస్తుతం దేశంలో మాస్క్‌ల కొరత ఏర్పడింది. కొన్ని చోట్ల లభించినా ధర అధికంగా వసూలు చేస్తున్నట్టు వార్తలు వస్తున్నాయి. ఫలితంగా మాస్కులు దొరక్క చాలామంది ఇబ్బంది పడుతున్నారు. ఇలాంటి సామాజిక అంశాల్లో ప్రజలను చైతన్య పరచడంలో ముందుంటుంది మెగా కోడలు ఉపాసన కొణిదెల. ఇటీవలే కరోనా వైరస్‌కు సంబంధించి తీసుకోవాల్సిన జాగ్రత్తల గురించి ఓ వీడియోని పోస్టు చేశారామె. తాజాగా ఫేస్‌ మాస్క్‌లను ఇన్‌స్టంట్‌గా ఎలా తయారు చేసుకోవాలో వీడియో రూపంలో సోషల్‌ మీడియా వేదికగా వివరించారు ఉపాసన. అంతేకాకుండా మనకి కానీ మన చుట్టూ ఉన్నవారికి కానీ కరోనా లక్షణాలున్నప్పుడు మాత్రమే మాస్క్‌లను ధరించాలని ఆమె సూచించారు.

షాంపూను నేరుగా కాకుండా కాసిన్ని నీళ్లలో కలుపుకొని తలస్నానం చేయడం మనకు తెలిసిందే. అయితే కేవలం నీటిలోనే కాకుండా కొన్ని పదార్థాలనూ షాంపూలో కలుపుకొని ఉపయోగించుకోవచ్చు. ఫలితంగా జుట్టు మరింత ఆరోగ్యంగా మారుతుంది. అవేంటో చూద్దాం..

ప్రస్తుతం చదువులు, ఉద్యోగాలు అంటూ చాలామంది తమ కుటుంబాలకు దూరంగా హాస్టల్స్‌లో, రూమ్స్‌లో ఉండడం కామనైపోయింది. ఇలా బయట ఉండాల్సి వచ్చినపుడు ఒక్కోసారి సరైన ఆహారం లభించక చాలా ఇబ్బందిపడుతుంటారు. హాస్టల్స్‌లో ఉంటే ఫుడ్‌ గురించి ఆలోచించాల్సిన పనిలేదని చాలామంది భావిస్తుంటారు. కానీ అక్కడే సమస్యంతా మొదలవుతుంది. హాస్టల్‌లో పెట్టే ఫుడ్ తినలేక .. అలాగని ప్రతి రోజూ బయటి ఫుడ్‌ తినాలంటే.. ఖర్చుతో పాటు అనారోగ్యం పాలవడం ఖాయం. కేవలం హాస్టలే కాదు.. రూమ్‌లో ఉండే వారి పరిస్థతి కూడా అంతే. ప్రతి రోజు రెస్టరంట్లో తింటూ పోతే మిగిలేది ఏమీ ఉండదు... పైగా వాటి వల్ల ఆరోగ్యం చెడి అదనపు ఖర్చులవుతాయి. అందుకే ఈ కాలంలో ఆడ, మగ అని తేడా లేకుండా ప్రతి ఒక్కరు స్వయంపాకానికే ఓటేస్తున్నారు. కానీ ఇంట్లోలా పెద్ద పెద్ద గ్యాస్‌ స్టౌలు రూమ్స్‌, హాస్టల్స్‌లో పెట్టుకోలేం. అలాంటి వారి కోసమే ఈ ‘పోర్టబుల్‌ గ్యాస్‌ బర్నర్స్‌’ ప్రస్తుతం మార్కెట్లో లభ్యమవుతున్నాయి. మరి అవెలా ఉంటాయో.. ఎలా పనిచేస్తాయో తెలుసుకోవాలంటే ఇది చదవండి..

పాత్రలు కొత్తవాటిలా మెరిసిపోవడానికి... దుస్తులు తెల్లగా రావడానికి.. గదులు శుభ్రం చేయడానికి... మనకు తెలిసిన, మార్కెట్లో కనిపిస్తున్న ఉత్పత్తులనే వాడతాం. రసాయనాలతో చేసిన ఈ ఉత్పత్తులు మన ఆరోగ్యానికి ఇబ్బందులు కలిగించడంతోపాటు.. పర్యావరణానికీ హాని కలిగిస్తాయి. వీటికి ప్రత్యామ్నాయంగా వచ్చిన సహజ సిద్ధ శుభ్రతా కారకాలే బయోఎంజైమ్స్‌. వాటి గురించి తెలుసుకుందాం...