కరోనా మహమ్మారి విజృంభణ ఇప్పట్లో ఆగేలా కనిపించట్లేదు. రోజురోజుకీ వైరస్‌ ఉద్ధృతి పెరుగుతూనే ఉంది. ఎక్కడి వాళ్లు అక్కడే ఇళ్లకు పరిమితమవుతున్నారు. ఆర్థిక వ్యవస్థలు కుప్పకూలిపోతున్నాయి. బతికుంటే చాలు భగవంతుడా అని బిక్కుబిక్కుమంటూ గడుపుతున్నారు. అయితే ఎప్పుడూ ఇంట్లోనే ఉంటే నిత్యావసర వస్తువుల పరిస్థితి ఏంటి? ఇందుకోసమే అధికారులు ఉదయం కాసేపు కర్ఫ్యూని సడలిస్తోన్న విషయం తెలిసిందే. ఈ సమయంలోనే కూరగాయలు, కిరాణా సామాన్లు తెచ్చుకుంటున్నాం. అయితే బయటకు వెళుతోన్న వ్యక్తి ఎలాంటి జాగ్రత్తలు తీసుకోకుండా తిరిగి ఇంట్లోకి వస్తే మాత్రం ప్రమాదమే అని నిపుణులు చెబుతున్నారు. మరి, ఈ కరోనా కఠిన పరిస్థితుల్లో బయట తిరిగిన వ్యక్తి ఇంట్లోకి వచ్చే ముందు ఎలాంటి జాగ్రత్తలు తీసుకోవాలో తెలుసుకుందాం రండి..

దేశమంతా లాక్‌డౌన్‌లో ఉంది. మరో ఇరవై రోజులు ప్రతి ఇల్లూ బిగ్‌బాస్‌ హౌసే! బిగ్‌బాస్‌ ఆదేశాల మేరకు నడుచుకోవాల్సిందే!! ఉన్నదాంతో సరిపెట్టుకోవాల్సిందే. హెచ్చరికలు పెడచెవిన పెట్టి లేని హెచ్చులకు పోతే ప్రమాదంలో పడతారు. ఈ ఇరవై రోజులు.. కరోనా పేట్రేగితే ఇంకొన్ని రోజులు ఈ సీజన్‌ కొనసాగనుంది. ఉన్న వనరులను సద్వినియోగం చేసుకోవడం ఎలాగో మహిళకు ప్రత్యేకంగా చెప్పాల్సిన పనిలేదు. అయితే దీన్ని ఇంటిల్లిపాదీ పాటించేలా చూసుకోవాల్సిన బాధ్యత కూడా ఆమెదే!

ఎండాకాలం వస్తోందంటే చాలు అందరూ మొదటగా కంగారుపడేది నీటి కోసమే. ఎండలు ముదిరే కొద్దీ నీటి ఎద్దటితో ఇబ్బందులు పడడం కామనే. ఇక ఉదయాన్నే ఆఫీసులకెళ్లే వాళ్లైతే బకెట్స్, పెద్ద పెద్ద కంటెయినర్లలో నీటిని నిల్వ చేసుకుంటూ ఉంటారు. ఇంకొన్ని మారుమూల ప్రాంతాల్లో మహిళలు కిలోమీటర్ల మేర నడిచి నీళ్లు తెచ్చుకుంటుంటారు. ఇలా వేసవిలో నీటి కష్టాల గురించి ఎంత చెప్పుకున్నా తక్కువే అవుతుంది. అయితే ఏది ఎలా ఉన్నా.. వేసవి సెలవుల్లో ఇతర ప్రదేశాలకు వెళ్లడం, టూర్లకు ప్లాన్‌ చేసుకోవడం.. మనలో చాలామంది చేసేదే. ఈ క్రమంలో కొంతమంది ఎక్కువ మొత్తంలో నీటిని ఇంటినుంచే మోసుకెళ్తుంటారు. అందుకోసం ఎక్కువ బరువుండే పెద్ద పెద్ద క్యాన్స్‌ని తీసుకెళ్లడం మనకు తెలిసిందే. అయితే ఇకపై వాటి అవసరం లేకుండా తేలిక పాటి వాటర్‌ బ్యాగ్స్‌, బకెట్స్, క్యాన్స్‌ని డిజైన్‌ చేశారు డిజైనర్లు. అంతేకాదు.. వాటి వాడకం పూర్తయిన తర్వాత వాటిని మడిచి లగేజ్‌ బ్యాగ్‌లో పెట్టేసుకోవచ్చు.. లేదంటే సులభంగా పట్టుకోవచ్చు.. ఇలా మడతెట్టేశాక ఇంట్లోనూ తక్కువ ప్రదేశాన్ని ఆక్రమిస్తాయివి. ఇలా ఎక్కడికెళ్లినా నీటిని సులభంగా మోసుకెళ్లి.. ఆపై వాటిని చిన్నగా మడతపెట్టేలా డిజైన్‌ చేసిన తేలికపాటి వాటర్‌ క్యారిబుల్‌ & వాటర్‌ స్టోరేజ్‌ బ్యాగ్స్‌ గురించి ఈ వారం ప్రత్యేకంగా తెలుసుకుందాం రండి..

కొవిడ్‌-19(కరోనా) వైరస్‌ ప్రపంచవ్యాప్తంగా ప్రజల్ని తీవ్ర ఆందోళనకు గురిచేస్తోంది. అయితే సరైన జాగ్రత్తలు తీసుకుంటే వైరస్‌ దరిచేరదని ప్రపంచ ఆరోగ్య సంస్థ (డబ్ల్యూహెచ్‌ఓ) సహా వైద్య నిపుణులు సూచిస్తున్నారు. వాటిలో చేతుల్ని తరచూ శుభ్రంగా కడుక్కోవడం కూడా ఒకటి. ఇందుకోసం సాధారణంగా సబ్బులు, హ్యాండ్‌వాష్‌లు, శానిటైజర్లు వాడడం మనకు తెలిసిందే. అయితే ప్రస్తుతం కరోనా వైరస్‌ వేగంగా వ్యాప్తి చెందుతున్న నేపథ్యంలో హ్యాండ్‌ శానిటైజర్లకు డిమాండ్‌ బాగా పెరిగింది. అమెరికాలో గత వారం రోజుల్లో అమ్మకాలు ఏకంగా 1400 శాతం పెరిగాయని అంచనా. మరోవైపు కొరియా, చైనాలోనైతే గంటల తరబడి క్యూలో నిలబడి మరీ కొనాల్సిన పరిస్థితి ఏర్పడింది. అదీ ఒక వినియోగదారుడికి ఒకటి మాత్రమే ఇస్తున్నారు. మనదేశంలో, ప్రత్యేకించి తెలుగు రాష్ట్రాల్లో సైతం ఇదే పరిస్థితి నెలకొని ఉంది. మాస్కులు, శానిటైజర్లు కావాలంటే ఎక్కడ చూసినా ‘నో స్టాక్‌’ బోర్డులే దర్శనమిస్తున్నాయి.

మినప గారెలు చేద్దామని పిండిని రుబ్బి సిద్ధం చేసింది సురేఖ. కానీ గారెలను చేత్తో వేసే క్రమంలో అవి సరైన షేప్‌ రాక తెగ ఇబ్బందిపడిపోయింది. పిల్లల కోసం ఇంట్లోనే కేక్‌ తయారుచేసింది సుప్రజ. అంతా బాగానే ఉంది కానీ దానిపైన క్రీమ్‌తో డెకరేట్‌ చేయడానికి సరైన మెషీన్‌ లేక కేక్‌ లుక్కంతా చెడిపోయింది. సాయంత్రం సమోసాలు తయారుచేసి సాస్‌తో పాటు అందరికీ సర్వ్‌ చేసింది సుప్రియ. అయితే గిన్నెలోని సాస్‌ని స్పూన్‌తో వేసుకోవడంతో అంతా డైనింగ్‌ టేబుల్‌పై పడిపోయి చిందరవందరగా చేసేశారు పిల్లలు. వంట చేయడం, వడ్డించడం.. వంటి విషయాల్లో గృహిణులకు తరచూ ఇలాంటి సమస్యలు ఎదురవడం కామనే. అయితే ‘తయారుచేసిన పదార్థాల ఆకృతి ఎలా ఉంటే ఏముందిలే.. రుచి కదా ముఖ్యం’ అనుకుంటారు కొందరు. కానీ చూడచక్కగా ఉన్నప్పుడే టేస్ట్‌ చేయడానికి చాలామంది ఆసక్తి చూపుతారు. అందుకోసమే చక్కటి షేప్‌లో పదార్థాల్ని తయారుచేయడంతో పాటు వాటిని ఆకట్టుకునేలా వడ్డించడానికీ ప్రస్తుతం బోలెడన్ని గ్యాడ్జెట్లు మార్కెట్లోకొచ్చేశాయి. అలాంటివే ఈ ప్రత్యేకమైన ‘బ్యాటర్‌ డిస్పెన్సర్స్‌’ కూడా! మరి అవేంటో? వాటినెలా ఉపయోగించాలో తెలుసుకుందాం రండి..

సండే వచ్చిందంటే చాలు.. చాలామంది ఇళ్లు మసాలాల ఘుమఘుమలతో నిండిపోతుంటాయి. చికెన్, మటన్, చేపలు, రొయ్యలు అంటూ ఏదో ఒక నాన్‌వెజ్ వంటకం వండుతూ ఉంటారంతా..! మిగిలిన పదార్థాల సంగతేమో గానీ.. మటన్ వండాలంటే మాత్రం కాస్త కష్టపడాల్సిందే..! దీన్ని వండడం ఒక్కోసారి త్వరగా పూర్తయితే.. ఒక్కోసారి ఎన్ని విజిల్స్ వచ్చినా మటన్ ఉడకనే ఉడకదు. ఆ సమయంలో అదే పెద్ద ఇబ్బందిగా అనిపిస్తుంది. అయితే కొన్ని చిన్న, చిన్న చిట్కాలను పాటిస్తే మటన్‌ ఈజీగా ఉడికిపోతుంది.. అంతేకాదు.. గ్యాస్ కూడా ఆదా అవుతుంది. మరి, అవేంటో తెలుసుకోవాలనుందా.. అయితే చదివేయండి మరి..

టీవీ చూసేటప్పుడైనా.. థియేటర్‌లో సినిమా మధ్యలో బ్రేక్‌ వచ్చినా.. ఫ్రెండ్స్‌తో బాతాఖానీ వేసేటప్పుడైనా.. టైంపాస్‌గా ఏదైనా తిందాం అనగానే అందరికీ ముందుగా గుర్తొచ్చే స్నాక్‌ ఐటమ్‌ ‘పాప్‌కార్న్‌’. ఎన్ని తిన్నా ఇంకా ఇంకా తినాలనిపించే అద్భుతమైన రుచి వీటి సొంతం. అలాగని బయట చేసిన పాప్‌కార్న్‌ తెచ్చుకుంటారా ఏంటి? ఆ అవసరం లేకుండానే ఇంట్లోనే చిటికెలో వీటిని తయారుచేసుకోవచ్చు. అలాంటి బోలెడన్ని పాప్‌కార్న్‌ మేకింగ్‌ గ్యాడ్జెట్స్‌ ప్రస్తుతం మార్కెట్లోకొచ్చేశాయ్‌. వాటిలో కార్న్‌ గింజలు వేసి సర్వింగ్‌ బౌల్స్‌ చేతిలోకి తీసుకునేలోపే ఇవి సిద్ధమైపోతాయి. అంత త్వరగా పాప్‌కార్న్‌ను తయారుచేస్తాయీ గ్యాడ్జెట్స్‌. ఇక వీటిలో కావాలంటే నూనె వేసుకోవచ్చు.. లేదంటే ఆయిల్‌ ఫ్రీగా కూడా రుచికరమైన పాప్‌కార్న్‌ తయారుచేసుకోవచ్చు. మరి, చిటికెలో పాప్‌కార్న్‌ను సిద్ధం చేసే కొన్ని పాప్‌కార్న్‌ మేకర్స్‌ గురించి ఈ వారం ప్రత్యేకంగా మీకోసం..

కూరగాయలు, పండ్లు, మాంసం.. ఇలా వంటింట్లోని పదార్థాలను కట్‌ చేయడానికి వేర్వేరు కత్తుల్ని/చాకుల్ని ఉపయోగించడం మనకు తెలిసిందే. అయితే వీటిని కట్‌ చేయడానికి ప్రస్తుతం మార్కెట్లో విభిన్న రకాల కటర్స్‌, స్లైసర్స్‌.. వంటి ఎన్నో రకాల గ్యాడ్జెట్స్‌ అందుబాటులో ఉన్నప్పటికీ కత్తి లేని కిచెన్‌ అసంపూర్ణమనే చెప్పుకోవాలి. మరి, కత్తి లేదా చాకుకు వంటింట్లో అంతటి ప్రాధాన్యముంటుంది. అయితే అటువంటి కత్తి పదునుగా లేకపోతే.. ఇక పనైనట్టే..! మరి, దాన్ని సానపట్టించాలన్నా, కొత్త కత్తి కొనాలన్నా కాస్త సమయం పడుతుంది. మరి, అనుకున్నదే తడవుగా.. ఇంట్లోనే నిమిషాల్లో కత్తిని పదునెక్కించే గ్యాడ్జెట్స్‌ ఏవైనా ఉంటే బాగుంటుంది కదూ!! అలాంటివీ ప్రస్తుతం మార్కెట్లో అందుబాటులోకొచ్చేశాయ్‌. అంతేకాదు.. మీరు ఉపయోగించే చాకు లేదా కత్తిని ఎంతగా కావాలంటే అంతగా పదును పెట్టుకొనే అవకాశం కూడా ఈ గ్యాడ్జెట్స్‌లో ఉంటుంది. వీటి గురించి చదువుతుంటేనే ఎంతో ఉపయోగకరం అనిపిస్తున్నాయి కదూ!! ఇంకా వీటి గురించి పూర్తిగా తెలుసుకుంటే వెంటనే కొనేస్తారేమో!! మరి, కత్తులకు పదును పెట్టే అలాంటి కొన్ని నైఫ్‌ షార్ప్‌నర్స్‌ గురించి ఈ వారం ప్రత్యేకంగా మీకోసం..

అయ్యో.. ఉప్పెక్కడ పెట్టానో కనిపించడం లేదే.. కప్‌బోర్డ్‌లో ఎక్కడో ఒకచోట ఉప్పు డబ్బా పెట్టడం, ఇలా రోజూ దాని గురించి వెతకడం ప్రత్యూషకు అలవాటే. నేహ తన కిచెన్‌లో పప్పులన్నీ ఒకే తరహా డబ్బాల్లో భద్రపరుస్తుంటుంది. అయితే అవి ట్రాన్స్‌పరెంట్‌గా లేకపోవడంతో ఏ పప్పు ఏ డబ్బాలో ఉందో పదే పదే మూత తీసి చూడాల్సిందే! రాగిణి ఆఫీసుకెళ్లే హడావిడిలో గిన్నెలన్నీ తోమి ఆదరాబాదరాగా ఓ టబ్‌లో వేసేస్తుంది. ఇక సాయంత్రం ఇంటికొచ్చాక అందులో టీ గిన్నె ఎక్కడుందో వెతుక్కోవడానికి రోజూ కాస్త సమయం వృథా అవుతుందంటోంది. ఇలా మనం కిచెన్‌ని ఎంత చక్కగా సర్దుకున్నా.. కొన్ని కొన్ని పదార్థాలు, వస్తువుల కోసం రోజూ వెతుక్కుంటూ ఉంటాం. మరి, ఇలాంటి కన్‌ఫ్యూజన్‌కి చెక్‌ పెట్టాలంటే ‘కిచెన్‌ ర్యాక్స్‌’ని మన వంటింట్లో భాగం చేసుకోవాల్సిందే! గరిటలు, గిన్నెల దగ్గర్నుంచి పప్పులు, స్పైసెస్‌.. వంటి పదార్థాల వరకు అన్నీ వేటికవే సెపరేట్‌గా అమర్చుకోవడానికి ప్రస్తుతం ఇలాంటి బోలెడన్ని మల్టీ పర్పస్‌ ర్యాక్స్‌ మార్కెట్లో అందుబాటులోకొచ్చేశాయి. ఏ ర్యాక్‌లో సర్దేవి ఆ ర్యాక్‌లో అరేంజ్‌ చేస్తే పని తగ్గడంతో పాటు సమయమూ ఆదా అవుతుంది.. అంతేనా.. కిచెన్‌ కూడా నీట్‌గా కనిపిస్తుంది.. పైగా వీటికంటూ ప్రత్యేకంగా కాస్త స్పేస్‌ కేటాయించాల్సిన అవసరం కూడా లేదు. గోడలు, చిన్న చిన్న ఖాళీ ప్రదేశాల్లో ఇట్టే ఇమిడిపోయే ఇలాంటి కొన్ని విభిన్న కిచెన్‌ ర్యాక్స్‌/మల్టీ పర్పస్‌ ర్యాక్స్‌ గురించి ఈ వారం ప్రత్యేకంగా మీకోసం..

‘ముగ్గుల ముంగిళ్లు.. ప్రేమలు నట్టిల్లు.. చూడగా చాలేనా రెండు కళ్లు..’ అంటూ సాగే ఈ పాటలోని ప్రతి అక్షరం రాబోతున్న సంక్రాంతి పండగని గుర్తుచేస్తోంది. సాధారణంగా ఏ పండగైనా ఇంటి ముందు ముగ్గువేయడం ఆనవాయితీ. కానీ సంక్రాంతి సమయంలో ఇంటి లోగిళ్లలో వేసే ముగ్గులకు ఓ ప్రత్యేకత, ప్రాధాన్యత ఉంది. అన్ని పండగల్లా కాకుండా సంక్రాంతి సమయంలో దాదాపు నెలరోజుల పాటు తెలుగు రాష్ట్రంలోని ఆడపడచులందరూ గుమ్మంలో వివిధ రకాల ముగ్గులను తీర్చిదిద్దుతారు. వరుసగా పెట్టిన చుక్కల్ని కలుపుతూ వాకిట్లో వేసే రంగురంగుల రంగవల్లికలు ఇంటికి అందమే కాదు.. మన తెలుగువారి సంస్కృతీ సంప్రదాయాలను చాటుతాయి కూడా! ఇలా ఇంటి ముందు తీర్చిదిద్దిన రంగవల్లికలో లక్ష్మీదేవి రూపంగా భావించే గొబ్బెమ్మలు పెట్టి పాటలు పాడుతూ కోలాహలం చేస్తారు.

ఉల్లి చేసే మేలు తల్లి కూడా చేయదంటారు.. అయితే వేసుకున్నాక కూరకు ఎంత రుచి వస్తుందో దాన్ని కోయడంలోనూ అంతే కష్టం ఉంటుంది. ఎందుకంటే ఉల్లిపాయలను తరిగేటప్పుడు కళ్లు మండి నీరు కారుతూ ఉంటాయి. ఈ క్రమంలో జరిగే రసాయనిక చర్యల కారణంగా విడుదలయ్యే సల్ఫర్‌ డై ఆక్సైడ్‌ వల్ల కంటి నుంచి నీరు వస్తుంది. అయితే ఉల్లిగడ్డలను కోసేటప్పుడు చిన్న చిన్న జాగ్రత్తలు తీసుకుంటే ఇలా జరగకుండా చూసుకోవచ్చు. అవేంటో తెలుసుకుందామా మరి..

వంటింట్లో సాధారణంగా ఉపయోగించే వాటిలో బేకింగ్ సోడా ఒకటి. బజ్జీలు, కేక్‌ల రుచిని పెంచడానికి, అందాన్ని మెరుగుపరచుకోవడానికి, ఆరోగ్యాన్ని పెంపొందించుకోవడానికి, సహజసిద్ధమైన టూత్‌పౌడర్‌లా.. ఇలా చాలా రకాలుగా బేకింగ్ సోడా ఉపయోగపడుతుంది. అంతేకాదు.. గార్డెనింగ్‌లోనూ దీని పాత్ర కీలకమనే చెప్పుకోవచ్చు. మొక్కల్ని.. పూలని తాజాగా ఉంచడానికి, పూల కుండీలను శుభ్రపరచడానికి.. క్రిమిసంహారిణిగా బేకింగ్ సోడాను ఎక్కువగా వాడుతుంటారు. మరి, ఈ సహజసిద్ధమైన పదార్థం గార్డెనింగ్‌లో ఇంకెలా ఉపయోగపడుతుందో తెలుసుకుందాం రండి..

చలికాలం వచ్చిందంటే చాలు.. దోమలు స్వైరవిహారం చేస్తుంటాయి. వీటి బారిన పడకుండా జాగ్రత్తపడడానికి వివిధ రకాల మస్కిటో రిపెల్లంట్స్‌ని ఉపయోగిస్తుంటాం. అయితే వీటిలో ఉండే రసాయనాల వల్ల లేనిపోని అనారోగ్యాల బారిన పడే అవకాశం ఉంటుంది. మరి, అలా జరగకుండా సహజసిద్ధంగా దోమల్ని నివారించుకోవాలంటే ఇంట్లో కొన్ని రకాల మొక్కల్ని పెంచుకుంటే సరి.

దోమల వల్ల డెంగ్యూ, మలేరియా, చికున్‌ గున్యా లాంటి వ్యాధుల బారిన పడడం సహజం. ఈ నేపథ్యంలోనే మస్కిటో రిపెల్లెంట్స్‌ని కూడా తట్టుకొని దోమలు తమ మనుగడను సాగిస్తున్నాయి. అంతేకాదు.. ఈ రసాయనాల వల్ల ఎంతోమంది ఆరోగ్యం కూడా దెబ్బతింటోంది. ఈ క్రమంలో సహజమైన పద్ధతుల్లో దోమలను తరిమికొట్టే మార్గాలేంటో తెలుసుకుందామా..

కరివేపాకు, కొత్తిమీర, మెంతికూర.. వంటలకు అదిరిపోయే రుచిని, అమోఘమైన వాసనను అందించడంలో ఇలాంటి హెర్బ్స్‌కి సాటి మరొకటి లేదంటే అది అతిశయోక్తి కాదు. అంతేకాదు.. వీటిలో బోలెడన్ని ఆరోగ్య రహస్యాలు సైతం దాగున్నాయి. అయితే వీటిని వాడడం వరకు బాగానే ఉంది.. కానీ కట్‌ చేసేటప్పుడు, రెండు మూడు రోజుల పాటు తాజాగా ఉండేలా జాగ్రత్తపరిచేటప్పుడే అసలు కథ మొదలవుతుంది. ఎందుకంటే చాలామంది ఈ హెర్బ్స్‌ని కట్‌ చేయడానికి, సన్నగా తరగడానికి తెగ శ్రమ పడిపోతుంటారు. అంతేకాదు.. వీటిని ఫ్రిజ్‌లో ఎంత జాగ్రత్తగా నిల్వ చేసినా సరే.. కుళ్లిపోతున్నాయంటూ వాటిని వృథాగా పడేస్తుంటారు. మరి, అలా జరగకుండా ఉండాలన్నా, హెర్బ్స్‌ని ఈజీగా కట్‌ చేయాలన్నా, ఎలాంటి శ్రమ లేకుండా తరగాలన్నా.. ఇలా ప్రతి పనినీ మరింత సులభతరం చేయడానికి ప్రస్తుతం మార్కెట్లో బోలెడన్ని గ్యాడ్జెట్లు అందుబాటులో ఉన్నాయి. మరి, ఇంతకీ ఏంటా గ్యాడ్జెట్లు? అవి మనకు ఎలా ఉపయోగపడతాయి? తెలుసుకోవాలంటే ఇది చదవాల్సిందే!

వంట చేసే క్రమంలో అప్పుడప్పుడు కూరల్లో ఉప్పు ఎక్కువవడం సహజమే. ఇలాంటప్పుడు ఆ కూరను ఏం చేస్తున్నారు? అంటే.. పడేస్తున్నామని సమాధానమిస్తుంటారు చాలామంది. కానీ ఆ ఎక్కువైన ఉప్పుని తగ్గించుకునే మార్గాల గురించి మీరెప్పుడైనా ఆలోచించారా? మరి, అదెలాగో చూద్దాం రండి..