బాలీవుడ్‌ ముద్దుగుమ్మ కరీనా కపూర్‌ ఆరోగ్యంగా ఉండడానికి తన స్నేహితురాలు చెప్పిన చిట్కాలను ఫొటోల రూపంలో తన అభిమానులతో పంచుకుంది. ఇందులో ‘రోజూ ఒక యాపిల్‌ తింటే డాక్టర్‌ అవసరం ఉండదు.. రోజూ ఒక నిమ్మకాయ తీసుకుంటే ఫ్యాట్‌ దరి చేరదు.. రోజూ ఐదు బాదం పప్పులను తింటే క్యాన్సర్‌ రాదు.. రోజూ నాలుగు ఖర్జూరాలను తీసుకుంటే బలహీనత దరి చేరదు.. రోజూ ఒక్క గ్లాసు పాలు తాగితే ఎముకలు దృఢంగా మారతాయి.. రోజుకోసారి ప్రార్థన చేస్తే టెన్షన్‌ ఉండదు’ అని చెప్పుకొచ్చింది. మరి, మీరూ ఈ పద్ధతిని ప్రయత్నించి చూడండి..

టాలీవుడ్‌ భామ మెహరీన్‌ నవ్వుతోన్న తన ఫొటోని పోస్ట్‌ చేసింది. ఈ సందర్భంగా ‘ప్రస్తుత ప్రతికూల పరిస్థితుల్లో సంతోషంగా ఉండడానికి మార్గాల్ని అన్వేషించండి’ అని రాసుకొచ్చింది.

ప్రముఖ యాంకర్‌ సుమ కనకాల తన తల్లి వ్యాయామం చేస్తోన్న వీడియోని పోస్ట్‌ చేసింది. ఈ సందర్భంగా ‘నేను మనసు ఎప్పుడూ శక్తిమంతంగా ఉండాల్సిన అవసరం ఉందని భావిస్తాను. దానికి 79 సంవత్సరాల వయసున్న మా అమ్మగారే ఉదాహరణ. ప్రతిరోజూ తను వ్యాయామం చేయడంతో పాటు సరైన ఆహార నియమాలను పాటిస్తుంటుంది. ఆమెలో దాగున్న గొప్ప విషయం ఏంటంటే తన దినచర్యను ఎప్పుడూ మానదు. తన ముద్దుపేరు బేబీ. తమ కుటుంబంతో పాటు తన గురించి కూడా ఆలోచించే మహిళలకు ఈ వీడియోని అంకితమిస్తున్నాను’ అని రాసుకొచ్చింది.

అందాల తార సన్నీ లియోని తన తాజా ఫొటోలను పోస్ట్‌ చేసింది. ఈ సందర్భంగా ‘కొవిడ్‌-19పై పోరాటాన్ని సాగిద్దాం.. వ్యాక్సిన్‌ తీసుకోవాల్సిన సమయం వచ్చింది. మీరు, మీ కుటుంబ సభ్యులు వ్యాక్సిన్‌ తీసుకోండి. తద్వారా ప్రతి ఒక్కరికీ, ముఖ్యంగా కరోనా ముందు నిలబడి యుద్ధం చేస్తోన్న ఫ్రంట్‌లైన్‌ వారియర్స్‌కి మీరు సహాయం చేసిన వారవుతారు’ అని రాసుకొచ్చింది.

నటి నైనా గంగూలీ తన తాజా ఫొటోని పోస్ట్‌ చేస్తూ ‘పెద్ద పెద్ద తుపానులు వచ్చిన తర్వాత మళ్లీ మంచి రోజులు వస్తాయి. అలాగే ప్రస్తుత కఠిన పరిస్థితుల నుంచి మనం తొందర్లోనే బయటపడతాం. ధైర్యంగా ఉండండి. ఇంటి దగ్గరే ఉండండి’ అని చెప్పుకొచ్చింది.

బాలీవుడ్‌ నటి రవీనా టాండన్‌ ‘ఎర్త్‌ డే’ సందర్భంగా ఒక ప్లకార్డు పట్టుకున్న ఫొటోని పోస్ట్‌ చేసింది. ఇందులో ‘అన్ని చెట్లను నరికినప్పుడు, జంతువులన్నీ చనిపోయినప్పుడు, నీరంతా విషపూరితమైనప్పుడు, పీల్చే గాలి హానికరమైనప్పుడు.. అప్పుడు మీరు ఒక విషయాన్ని కనుగొంటారు. అదేంటంటే.. డబ్బుని తినలేము’ అని రాసుంది. అంతేకాదు తను ప్రకృతితో మమేకమైన కొన్ని జ్ఞాపకాలను అభిమానులతో పంచుకుంది.

టాలీవుడ్‌ నటి రేణూ దేశాయ్‌ మాస్క్‌ పెట్టుకుని ఏదో ఆలోచిస్తున్నట్టుగా దిగిన ఫొటోని పోస్ట్‌ చేసింది. ఈ సందర్భంగా ‘‘వెళ్లిపో కరోనా వెళ్లిపో’ అని మనసులో అనుకుంటున్నాను. నాకు తెలిసి ఈ సమయంలో చాలామంది ఇలానే అనుకుంటూ ఉండచ్చు. ఈ మహమ్మారి మనల్ని ఎప్పుడు వదిలిపెడుతుందో? అందరూ జాగ్రత్తగా ఉండండి.. వీలైతే ఇంటి దగ్గరే ఉండడానికి ప్రయత్నించండి’ అని రాసుకొచ్చింది.

యాంకర్‌ అనసూయ ‘బ్లూపర్‌ రీల్‌’ అంటూ ‘జబర్దస్త్‌’ కార్యక్రమానికి సంబంధించిన ఓ వీడియోని పోస్ట్‌ చేసింది.

అందాల తార కాజోల్‌ కారులోంచి చెయ్యి చూపుతున్న ఫొటోని పోస్ట్‌ చేసింది. ఈ సందర్భంగా- ‘ఈ రోజుల్లో ఆరోగ్యంగా ఉండాలంటే ఐదు సూత్రాలను పాటించాలి.. అవేంటంటే..

బాలీవుడ్‌ భామ దీపికా పదుకొణె ఓ మోడ్రన్‌ డ్రస్‌లో దిగిన ఫొటోని పోస్ట్‌ చేసింది. దీనికి ‘ఎండాకాలం వచ్చేసింది’ అనే క్యాప్షన్‌ని జోడించింది.

బాలీవుడ్‌ నటి మలైకా అరోరా యోగా చేస్తోన్న ఫొటోని పోస్ట్‌ చేసింది. దీనికి ‘‘ఈ రోజు ఏం జరిగినా రేపనేది ఉందనుకోవడంలో తెలియని స్వాంతన ఉంటుంది.’ ‘ఈ రోజు పడిన ఇబ్బందులు రేపు మంచి పాత జ్ఞాపకాలుగా మిగిలిపోతాయి.’ ‘జీవితం మిమ్మల్ని పరీక్షిస్తుంది, మారుస్తుంది.. కానీ, మీ వ్యక్తిత్వాన్ని మార్చనివ్వకండి’’ అంటూ కొన్ని కొటేషన్లను పోస్ట్‌ చేసింది.

టాలీవుడ్‌ నటి తేజస్వీ మదివాడ తన తాజా ఫొటోని పోస్ట్‌ చేసింది. దీనికి ‘౫ ఏళ్లు.. అదే ఇల్లు.. జీవితం నేను అనుకున్నదానికంటే భిన్నంగా ఉంది. అందుకే ఎక్కువ ప్రణాళికలు వేసుకోకండి. జీవితాన్ని ప్రేమిస్తూ మీకు ఏం కావాలో వాటిపై దృష్టి పెట్టండి’ అంటూ తన అనుభవాలను అభిమానులతో పంచుకుంది.

బాలీవుడ్‌ నటి, నిర్మాత ట్వింకిల్‌ ఖన్నా తన పాపను ఆత్మీయంగా దగ్గరకు తీసుకున్న ఫొటోని పోస్ట్‌ చేసింది. ఈ సందర్భంగా ‘మనం కేవలం మన పిల్లల బాగోగులు చూసుకోవడం వరకు మాత్రమే పరిమితం కావద్దు. విభిన్న ఐడియాలతో వారి మెదళ్లను నింపాలి. అలాగే వారి బలాలను గుర్తిస్తూనే బలహీనతలను మర్చిపోయేలా చేయాలి. అంతేకానీ, బలహీనతలను ఎత్తి చూపద్దు. అలాగే మన పిల్లలు ఎదుర్కొనే సమస్యలను గుర్తించి, వాటినుండి బయటకు తీసుకురావడానికి వారికి తగిన సమయం కేటాయించాల్సిన అవసరం కూడా ఉంటుంది. ఇవన్నీ తప్పకుండా పాటిస్తే కొంత కాలానికి మనకి మనంగా ఉంటూనే మన పిల్లలకు తల్లిలాగా ఉండగలుగుతాం’ అంటూ #perfectlyimperfectparenting అనే హ్యాష్‌ట్యాగ్‌ని జోడించింది.

అందాల తార తాప్సీ బ్యాట్‌ పట్టుకున్న ఫొటోని పోస్ట్‌ చేసింది. ఈ సందర్భంగా ‘కొంతమంది మీపై రాళ్లు విసురుతుంటారు.. మీరు వాటిని మైలురాళ్లుగా మలుచుకోవాలి’ అంటూ సచిన్ తెందూల్కర్ కొటేషన్‌ని రాసుకొచ్చింది.

బాలీవుడ్‌ ముద్దుగుమ్మ తనుశ్రీ దత్తా తన తాజా ఫొటోని అభిమానులతో పంచుకుంది.

ఒకప్పుడు మహిళలంటే కేవలం వంటింటికే పరిమితం అన్నట్టుగా ఉండేది. కానీ కొందరు మహిళలు కాలక్రమేణా తమ చుట్టూ ఉన్న ఆంక్షల చట్రాల నుండి బయటకు వస్తున్నారు. తమదైన ప్రతిభతో, సమర్థతతో ముందుకు దూసుకుపోతున్నారు. అయినా చాలామంది మహిళలు ఇంకా కట్టుబాట్ల బందిఖానాలో చిక్కుకుపోతూనే ఉన్నారు. అందుకోసమే మహిళలను చైతన్యపరచడానికి వారికంటూ ఓ రోజుని జరుపుకొంటున్నారు. అదే ‘అంతర్జాతీయ మహిళా దినోత్సవం’. ఈ రోజు మహిళలకు ఎంతో ప్రత్యేకమైనది. ప్రతి ఏడాది ఒక్కో థీమ్‌తో ఉమెన్స్ డే సెలబ్రేట్ చేస్తున్నారు. ఈ సారి #ChooseToChallenge అంటూ సవాల్‌ చేస్తున్నారు. ఈ క్రమంలో పలువురు తారలు ఇన్‌స్టాపురములో ఉమెన్స్ డే శుభాకాంక్షలు తెలియజేశారు.

గాయని శ్రేయా ఘోషల్‌ తను తల్లి కాబోతున్న విషయాన్ని తెలుపుతూ ఓ ఫొటోని పోస్ట్‌ చేసింది. ఈ సందర్భంగా ‘బేబీ శ్రేయాదిత్య (శ్రేయాఘోషల్‌+షీలాదిత్య) రాబోతోంది. షీలాదిత్య, నేనూ ఈ శుభవార్తను మీతో పంచుకోవడం ఎంతో ఆనందంగా ఉంది. జీవితంలో కొత్త ప్రయాణానికి సిద్ధమవుతోన్న ఈ తరుణంలో మీ ప్రేమాభిమానాలు, ఆశీస్సులు మాకెంతో అవసరం’ అని రాసుకొచ్చింది.

బాలీవుడ్‌ నటి షమితా శెట్టి ‘మండే మోటివేషన్‌’ అంటూ ఓ ఉడత యోగా చేస్తోన్న ఫన్నీ వీడియోని పోస్ట్‌ చేసింది. దీనికి ‘ఉడతకుండే గుబురు తోక, పెద్ద కళ్ల రహస్యాన్ని నేను కనుగొన్నాను.. అంటూ ఉడత కపాలభాతి’ అని రాసుకొచ్చింది. కపాలభాతి అనేది ప్రాణాయామంలో ఓ భాగం. మరి, ఉడత చేసిన ఈ ప్రాణాయామాన్ని మీరూ ఓసారి చూసేయండి...

నటి హరితేజ తన మెటర్నిటీ ఫొటోషూట్‌కి సంబంధించిన ఫొటోలను అభిమానులతో పంచుకుంది. ఈ సందర్భంగా ‘సడన్‌గా నువ్వే నాకు అన్నీ అయిపోతున్నావు చిట్టీ.. లవ్‌ యూ’ అంటూ తల్లి కాబోతున్న ఆనందాన్ని మరోసారి అభిమానులతో పంచుకుంది.

అందాల తార లక్ష్మీ రాయ్‌ ‘వెడ్డింగ్‌ వైబ్స్‌’ అంటూ కొన్ని ఫొటోలను పోస్ట్‌ చేసింది. ఈ సందర్భంగా ‘భారతీయ వస్త్రధారణలో ఏదో తెలియని గొప్పతనం ఉంది’ అని రాసుకొచ్చింది.

జర్మన్ మోడల్ ఎవ్లీన్ శర్మ తన తాజా ఫొటోని పోస్ట్ చేస్తూ - 'మీరే మార్పవ్వాలి.. సమస్య కాదు.. మీరు వచ్చేటప్పటి కన్నా పోయేటప్పుడు ఈ భూమి మరింత మెరుగైన ప్రదేశంగా ఉండేలా చేయండి' అంటూ పర్యావరణ పరిరక్షణను ప్రోత్సహిస్తోంది. ఈ క్రమంలో- గో గ్రీన్, ప్లాంట్ బేస్డ్ అనే హ్యాష్ ట్యాగ్స్‌ని జోడించింది.

అందాల తార అనిత ఇటీవలే పండంటి బాబుకి జన్మనిచ్చిన సంగతి తెలిసిందే. తాజాగా తన భర్తతో దిగిన ఫొటోని పోస్ట్ చేస్తూ ‘అలా మేము ముగ్గురమయ్యాం.. ఎంతో ఆనందంగా ఉంది.. శుభాకాంక్షలు తెలిపిన వారందరికీ పేరు పేరునా కృతజ్ఞతలు’ అంటూ ‘న్యూ మమ్మీ డాడీ’ అనే హ్యాష్‌ట్యాగ్‌ని జోడించింది.

టాలీవుడ్‌ భామ రాశీ ఖన్నా స్విమ్మింగ్‌ పూల్‌ దగ్గర దిగిన ఓ అందమైన ఫొటోని అభిమానులతో పంచుకుంది.

గాయని సునీత తన పిల్లలతో దిగిన ఫొటోని అభిమానులతో పంచుకుంది.

బాలీవుడ్‌ నటి ఇషితా దత్తా రిఫ్రిజిరేటర్‌ ఓపెన్‌ చేసి ‘ష్..’ అంటోన్న ఫొటోలను పోస్ట్‌ చేసింది. దీనికి ‘ప్రతిరోజూ ఛీట్‌ డేనే!’ అనే వ్యాఖ్యని జోడించింది.

టాలీవుడ్‌ బ్యూటీ రాశీ ఖన్నా తన తాజా ఫొటోని పోస్ట్‌ చేస్తూ ‘గొప్ప పనులు చేయడానికే మీరిక్కడున్నారన్న విషయం ప్రతిరోజూ గుర్తుచేసుకోండి..’ అని రాసుకొచ్చింది.

అందాల తార మీనా ‘నో మేకప్‌ (కలర్‌ లిప్‌బామ్‌ని మేకప్‌ అనుకోకండి).. నో ఫిల్టర్‌’ అంటూ తను తాజాగా దిగిన అందమైన ఫొటోని పోస్ట్‌ చేసింది.

టాలీవుడ్‌ నటి ప్రియమణి తన తాజా బ్లాక్‌ అండ్‌ వైట్‌ ఫొటోని పోస్ట్‌ చేసింది. ఈ సందర్భంగా ‘మీ చిరునవ్వుతో ప్రపంచాన్ని మారేలా చేయండి.. కానీ, ప్రపంచం మీ చిరునవ్వుని మార్చేందుకు అనుమతించకండి’ అని రాసుకొచ్చింది.

క్యారక్టర్‌ ఆర్టిస్ట్‌ ప్రగతి అందమైన చీరలో పతంగులు ఎగరేసే చోట సందడి చేసింది. ఈ సందర్భంగా దిగిన ఫొటోని అభిమానులతో పంచుకుంది.

అందాల భామ ప్రియాంకా చోప్రా తన తాజా ఫొటోని అభిమానులతో పంచుకుంది.

జర్మన్‌ మోడల్‌ ఎవ్లీన్‌ శర్మ తన తాజా ఫొటోని అభిమానులతో పంచుకుంది.

‘జబర్దస్త్‌’ యాంకర్‌ అనసూయ తన తాజా ఫొటోలను పోస్ట్‌ చేస్తూ ‘2020 ఎలా గడిచినా.. కొత్త సంవత్సరంలో రెట్టించిన ఉత్సాహంతో ముందుకు వెళ్దాం..’ అంటూ చెప్పుకొచ్చింది.

టాలీవుడ్‌ బ్యూటీ రాశీఖన్నా తన ఫొటోని పోస్ట్ చేస్తూ ‘ప్రేమతో, మంచి ఆలోచనలతో ముందుకు సాగితే ఎప్పుడూ ఎదుగుతూనే ఉంటారు’ అని చెప్పుకొచ్చింది.