ప్రముఖ యాంకర్ సుమ కనకాల స్కూల్ యూనిఫాం ధరించిన ఒక ఫొటోని పోస్ట్ చేసింది. ఈ సందర్భంగా- ‘వావ్.. ఈ ఫొటో ఎన్నో మధురమైన జ్ఞాపకాలను గుర్తుకు తెస్తోంది. ఆ అందమైన రోజులను నేను ఎప్పుడూ గుర్తు చేసుకుంటాను. సినిమా ఆధారిత టీవీ కార్యక్రమాలు అప్పుడప్పుడే మొదలవుతున్నాయి. అలాంటి పాత్రలను పోషించడం ఎంతో సరదాగా ఉండేది. ఈ ఫొటో అలాంటి కార్యక్రమానికి సంబంధించినదే' అని చెప్పుకొచ్చింది.

మహేష్‌ బాబు గారాల పట్టి సితార ‘త్రీ మస్కటీర్స్’ అంటూ తన స్నేహితులతో దిగిన ఫొటోని అభిమానులతో పంచుకుంది.

నటి, నిర్మాత మంచు లక్ష్మి ‘పిట్టకథలు’ అనే వెబ్‌సిరీస్‌లో నటించింది. ఇటీవలే ఓటీటీలో విడుదలైన ఈ చిత్రంలో ‘స్వరూపక్క’ అనే పాత్రలో నటించింది. అయితే ఈ పాత్రకు సంబంధించిన ఫొటోలను మీమ్స్‌ చేస్తూ పలువురు సోషల్‌ మీడియాలో పోస్ట్‌ చేస్తున్నారు. అయితే ఒక మీమ్‌ని మంచు లక్ష్మి తన ఇన్‌స్టాలో పోస్ట్ చేసింది. దీనిలో తన తండ్రి మోహన్‌బాబు నటించిన ‘పెదరాయుడు’ చిత్రంలోని పాత్రలను తన పాత్రతో పోల్చిన ఫొటోలున్నాయి.

బాలీవుడ్‌ ముద్దుగుమ్మ షమితా శెట్టి పువ్వులపై సీతాకోకచిలుకలు ఉన్న డిజైన్‌ దగ్గర దిగిన పోస్ట్ చేసింది. దీనికి ‘ప్రేమ సీతాకోకచిలుక లాంటిది.. అది ఇష్టపడే చోటుకు వెళుతుంది.. ఎక్కడికి వెళ్లినా ఆహ్లాదం కలిగిస్తుంది.. అని రాసుకొచ్చింది. దీనికి సీతాకోకచిలుకలాంటి అమ్మాయి, ప్రేమ అనే హ్యాష్‌ట్యాగ్‌లను జోడించింది.

అందాల తార దియా మీర్జా ముంబయికి చెందిన వ్యాపారవేత్త వైభవ్‌ రేఖితో తాజాగా పెళ్లి పీటలెక్కింది. ఈ సందర్భంగా దిగిన కొన్ని ఫొటోలను అభిమానులతో పంచుకుంది.

అందాల తార సమంత అక్కినేని తన తాజా ఫొటోని అభిమానులతో పంచుకుంది.

పొడుగు కాళ్ల సుందరి పూజా హెగ్డే సంగీతంలో లీనమైన ఓ ఫొటోని అభిమానులతో పంచుకుంది.

అక్కినేని అమల-నాగార్జున దంపతులు మాల్దీవుల్లో విహరిస్తున్నారు. ఈ సందర్భంగా దిగిన కొన్ని ఫొటోలను ఆమె తన అభిమానులతో పంచుకుంది.

మెగా కోడలు ఉపాసన కొణిదెల తన తాత, అమ్మమ్మలతో దిగిన ఫొటోని పోస్ట్‌ చేసింది. ఈ సందర్భంగా ‘అమ్మమ్మ, తాతలకు వివాహ వార్షికోత్సవ శుభాకాంక్షలు. మీ దగ్గర్నుంచి ఎంతో నేర్చుకున్నాను. ఇక ఇందులోని చివరి ఫొటో మంచి సందేశాన్నిస్తోంది’ అని రాసుకొచ్చింది.

సూపర్‌ స్టార్‌ మహేష్‌ బాబు గారాల పట్టి సితార దుబాయ్‌ టూర్‌లో ఉన్న సంగతి తెలిసిందే. ఈ సందర్భంగా సముద్రపు ఒడ్డున దిగిన ఓ ఫొటోని పోస్ట్‌ చేస్తూ ‘ఇసుక.. ఉప్పునీరు.. సూర్యాస్తమయం.. ఓ మధుర జ్ఞాపకం!’ అనే క్యాప్షన్‌ని జోడించింది.

అందాల తార మీనా ‘నో మేకప్‌ (కలర్‌ లిప్‌బామ్‌ని మేకప్‌ అనుకోకండి).. నో ఫిల్టర్‌’ అంటూ తను తాజాగా దిగిన అందమైన ఫొటోని పోస్ట్‌ చేసింది.

టాలీవుడ్‌ నటి ప్రియమణి తన తాజా బ్లాక్‌ అండ్‌ వైట్‌ ఫొటోని పోస్ట్‌ చేసింది. ఈ సందర్భంగా ‘మీ చిరునవ్వుతో ప్రపంచాన్ని మారేలా చేయండి.. కానీ, ప్రపంచం మీ చిరునవ్వుని మార్చేందుకు అనుమతించకండి’ అని రాసుకొచ్చింది.

క్యారక్టర్‌ ఆర్టిస్ట్‌ ప్రగతి అందమైన చీరలో పతంగులు ఎగరేసే చోట సందడి చేసింది. ఈ సందర్భంగా దిగిన ఫొటోని అభిమానులతో పంచుకుంది.

అందాల భామ ప్రియాంకా చోప్రా తన తాజా ఫొటోని అభిమానులతో పంచుకుంది.

జర్మన్‌ మోడల్‌ ఎవ్లీన్‌ శర్మ తన తాజా ఫొటోని అభిమానులతో పంచుకుంది.

‘జబర్దస్త్‌’ యాంకర్‌ అనసూయ తన తాజా ఫొటోలను పోస్ట్‌ చేస్తూ ‘2020 ఎలా గడిచినా.. కొత్త సంవత్సరంలో రెట్టించిన ఉత్సాహంతో ముందుకు వెళ్దాం..’ అంటూ చెప్పుకొచ్చింది.

టాలీవుడ్‌ బ్యూటీ రాశీఖన్నా తన ఫొటోని పోస్ట్ చేస్తూ ‘ప్రేమతో, మంచి ఆలోచనలతో ముందుకు సాగితే ఎప్పుడూ ఎదుగుతూనే ఉంటారు’ అని చెప్పుకొచ్చింది.

అందాల భామ జెనీలియా అందమైన దుస్తుల్లో నవ్వుతోన్న ఫొటోని పోస్ట్‌ చేసింది. ఈ సందర్భంగా ‘మీరు ఏ రోజున నవ్వకుండా ఉంటారో.. ఆ రోజుని వృథా చేసినట్లే’ అంటూ చార్లీ చాప్లిన్‌ రాసిన ఓ కొటేషన్‌ను రాసుకొచ్చింది.

మెగా డాటర్‌, కొత్త పెళ్లి కూతురు నిహారిక తన పుట్టినరోజు వేడుకలను కుటుంబ సభ్యులు, స్నేహితులతో జరుపుకుంది. ఈ సందర్భంగా దిగిన ఫొటోలను అభిమానులతో పంచుకుంది.

దక్షిణాది తార శృతి హాసన్‌ ‘ఇతరుల నుంచి ఆశించడం ఆపేయండి’ అని రాసి ఉన్న ఫొటోని పోస్ట్‌ చేసింది. దీనికి ‘మీ జీవిత ప్రయాణం ఎంతో అందమైనది. ఎందుకంటే అది మీది కాబట్టి. మరొక ఆసక్తికరమైన విషయం ఏంటంటే మీలాగా ఇతరులు ఉండరు. ఎందుకంటే ఆలోచించడం, స్పందించడం, అనుభూతి చెందడం.. వంటి విషయాల్లో వారు మీకంటే భిన్నంగా ఉంటారు. అది మంచిది కూడా! జీవితంలో మరో ముఖ్యమైన విషయం ఏంటంటే మీరున్నారంటే దానికో కారణం ఉంటుంది.. అది గుర్తుపెట్టుకోండి!’ అని అర్థం వచ్చేలా క్యాప్షన్‌ పెట్టింది.

సొట్ట బుగ్గల సుందరి లావణ్యా త్రిపాఠి రాజస్థానీ అమ్మాయిలా దిగిన ఫొటోలను అభిమానులతో పంచుకుంది. వాటిని చూద్దాం రండి...

నేటి ఇన్‌స్టాపురం భాయ్ దూజ్‌ సెలబ్రేషన్స్‌తో నిండిపోయింది. పలువురు అందాల తారలు ‘ఇలాంటి బ్రదర్స్ ఉన్నందుకు మేమెంతో లక్కీ’ అంటూ తమ సోదరులతో దిగిన ఫొటోలను పంచుకుంటూ ‘భాయ్ దూజ్‌’ శుభాకాంక్షలు తెలియజేశారు. ‘భాయ్‌ దూజ్‌’ని ఉత్తరాదిన ఎక్కువగా జరుపుకొంటారు. దీపావళి మరుసటి రోజు జరుపుకొనే ఈ పండగ నాడు అన్నాచెల్లెళ్లు, అక్కాతమ్ముళ్లు బహుమతులు ఇచ్చిపుచ్చుకుంటారు. మరి ఈ పండగ సందర్భంగా కొందరు అందాల భామలు పోస్ట్‌ చేసిన ఫొటోలను ఓసారి చూద్దాం రండి...

‘కొన్ని సందర్భాల్లో మనం చేయాల్సిందల్లా రొటీన్‌ని బ్రేక్‌ చేసి సరదాగా గడపడమే’ అంటూ అందాల తార జెనీలియా తన తాజా ఫొటోని పోస్ట్‌ చేసింది.

మిల్కీ బ్యూటీ తమన్నా తాను తాజాగా దిగిన అందమైన ఫొటోలను అభిమానులతో పంచుకుంది.

దక్షిణాది తార నిత్యా మేనన్‌ కొత్త హెయిర్‌ స్టైల్‌లో దిగిన ఫొటోలను అభిమానులతో పంచుకుంది.

టాలీవుడ్ నటి నమ్రతా శిరోద్కర్ - 'మీ పిల్లలకు పుస్తక పఠనాన్ని అలవాటు చేయండి' అంటూ తన కూతురు సితార బుక్ చదువుతున్నట్టుగా దిగిన ఫొటోని పోస్ట్ చేసింది. దీనికి 'బ్రెయిన్ ఫుడ్' అనే హ్యాష్‌ట్యాగ్‌ని జోడించింది.

సూపర్‌ స్టార్‌ మహేష్‌ బాబు గారాల పట్టి సితార తన తాజా ఫొటోలను అభిమానులతో పంచుకుంది. ఈ సందర్భంగా ‘ప్రెట్టీగా అనిపిస్తోంది. ఫ్రు ఫ్రు డ్రస్సులకు నేను పెద్ద అభిమానిని కాను. కానీ ఈ డ్రస్సు బాగా నచ్చింది. చాలా తేలికగా ఉంది. ఫెయిరీ టేల్‌లోని యువరాణిలా ఉన్నాననిపిస్తోంది’ అని చెప్పుకొచ్చింది.

టాలీవుడ్‌ భామ మంచు లక్ష్మి తన కూతురు నిర్వాణతో కలిసి వ్యాయామం చేస్తోన్న వీడియోలను అభిమానులతో పంచుకుంది. ఈ సందర్భంగా ‘సోమవారాలప్పుడు వ్యాయామం చేయడానికి మరొకరు పుష్‌ చేయాల్సిన అవసరం లేదని ఈ మధ్యనే కనుగొన్నాను. ఎలానో తెలుసా? నాకు మంచి సపోర్టర్‌, వర్కౌట్‌ పార్టనర్‌ దొరికింది. నా నివీనే ఆ పార్టనర్‌. సోమవారం ఉదయం కలిసి వ్యాయామం చేయడమే మేము నేర్చుకొన్న కొత్త విషయం’ అంటూ చెప్పుకొచ్చింది.

సూపర్‌ స్టార్‌ మహేష్‌ బాబు సోదరి మంజులా ఘట్టమనేని ఆహారం తీసుకుంటున్నట్టుగా దిగిన ఫొటోని పోస్ట్‌ చేసింది. ఈ సందర్భంగా ‘ఈ ‘ప్రపంచ ఆహార దినోత్సవం’ సందర్భంగా మీ ఆహారపు అలవాట్లలో కొన్ని మంచి మార్పులు చేసుకోండి..

బాలీవుడ్‌ బ్యూటీ దియా మీర్జా ‘ప్రపంచ మానసిక ఆరోగ్య దినోత్సవం’ సందర్భంగా ఓ సందేశాన్నిస్తూ ఈ కరోనా సమయంలో తాను తీసుకుంటున్న జాగ్రత్తలను అభిమానులతో పంచుకుంది. ‘ఈ ‘ప్రపంచ మానసిక ఆరోగ్య దినోత్సవం’ సందర్భంగా మనందరం కష్టాల్లో ఉన్నప్పుడు ఎటువంటి సహాయం తీసుకోవడానికైనా వెనుకాడనని ప్రామిస్‌ చేద్దాం. ఈ కరోనా కాలం అందరికీ కష్టకాలమే. ప్రస్తుతం మనందరం మహమ్మారితో సహజీవనం చేయడానికి ప్రయత్నిస్తున్నాం. ఇలాంటి సమయంలో మనల్ని మనం రక్షించుకోవడం ఎంతో ముఖ్యం. లాక్‌డౌన్‌ సమయంలో నేను పాటించిన కొన్ని జాగ్రత్తలు నాకు ఎంతో సహకరించాయి. అవేంటంటే..

కేరళ బ్యూటీ సాయి పల్లవి స్నేహితులతో కలసి ఓ సెలయేటి దగ్గర మర్రి చెట్టు ఊడలను పట్టుకొని ఊగుతున్న ఫొటోలను పోస్ట్‌ చేసింది.

టాలీవుడ్‌ బ్యూటీ రష్మిక బీచ్‌లో వ్యాయామాలు చేసింది. దీనికి సంబంధించిన వీడియోని పోస్ట్‌ చేస్తూ ‘నా మొదటి బీచ్‌ వర్కౌట్‌‌.. నేను మొదటిసారి బీచ్‌లో వ్యాయామాలు చేశాను. చాలా అలసిపోయాను కానీ బాగా అనిపించింది. అలల హోరు.. సముద్రపు వాసన.. సూర్యాస్తమయాన్ని చూడడం.. ఇసుక తిన్నెల్లో నడవడం.. వీటికి ఫిదా అయ్యాను’ అని చెప్పుకొచ్చింది.

టాలీవుడ్‌ భామ రేణూ దేశాయ్‌ రోమియో అనే గుర్రంతో దిగిన ఫొటోని అభిమానులతో పంచుకుంది. ఈ సందర్భంగా ‘గుర్రాలలో ఏదో తెలియని మ్యాజిక్‌ ఉంది. నేను 12 ఏళ్ల వయసులో గుర్రపు స్వారీ నేర్చుకున్నాను. గుర్రాలు ఎంత తెలివైనవో, ఎంత త్వరగా పరిస్థితులను అర్థం చేసుకుంటాయో నాకు తెలుసు. 2015లో నేను బరువు పెరిగి అనారోగ్యానికి గురయ్యాను. ఆ సమయంలోనే గుర్రపు స్వారీని ఆపేశాను. తొందరగా బరువు తగ్గి మళ్లీ నా రోమియోతో అనుబంధం పెంచుకోవాలనుకుంటున్నాను’ అని చెప్పుకొచ్చింది.

ప్రపంచ కృతజ్ఞతా (గ్రాటిట్యూడ్) దినోత్సవం సందర్భంగా బాలీవుడ్ ముద్దుగుమ్మలు అనుష్కా శర్మ, శిల్పా శెట్టి ఇప్పటివరకు తమ జీవితంలో అండగా నిలిచిన కుటుంబ సభ్యులు, బంధుమిత్రులు, శ్రేయోభిలాషులందరికీ ఇన్‌స్టా వేదికగా కృతజ్ఞతలు తెలిపారు.