బాలీవుడ్‌ సుందరి కాజోల్‌ తన తల్లికి పుట్టినరోజు శుభాకాంక్షలు తెలిపింది. ఈ సందర్భంగా తనతో దిగిన ఫొటోని పంచుకుంటూ ‘నేను నీతో ఉన్నప్పుడు ఒక సైన్యంతో ఉన్నంత భావన కలుగుతుంది.. ఒక మహిళలో ఉండే అన్ని కోణాలను నాపై చూపించిన నీకు పుట్టినరోజు శుభాకాంక్షలు. హ్యాపీ బర్త్‌ డే మమ్మా.. లవ్‌ యూ సో మచ్‌. నీ బిడ్డగా నాకు జన్మనిచ్చినందుకు ఎప్పుడూ నీకు రుణపడి ఉంటాను’ అంటూ తల్లిపై తనకున్న ప్రేమను వ్యక్తం చేసిందీ బ్యూటీ.

సూపర్‌ స్టార్‌ మహేష్‌ బాబు సతీమణి నమ్రతా శిరోద్కర్‌ ఓ ఆసక్తికరమైన ఫొటోని పోస్ట్‌ చేసింది. దీనికి ‘ఇది మీ బుర్రకు పదునుపెట్టే సమయం. ఈ ఫొటోలో ఏడుగురు మనుషులు, ఒక పిల్లి ఎక్కడ ఉన్నాయో కనిపెట్టండి. మీరు కనిపెట్టినట్లయితే మీ మెదడు బాగా పని చేస్తోందని అర్థం.. ఒకవేళ అయిదుగురి కంటే తక్కువ మందిని మాత్రమే కనిపెట్టగలిగితే ఒక్కసారి గట్టిగా ఊపిరి తీసుకొని తిరిగి తాజాగా ప్రయత్నించండి’ అని చెప్పుకొచ్చింది.

‘బిగ్‌బాస్‌’ బ్యూటీ హిమజ ఆనందంతో గెంతులేస్తున్నట్టుగా దిగిన ఫొటోని పోస్ట్‌ చేసింది. దీనికి ‘మొదట మిమ్మల్ని మీరు ప్రేమించుకోండి’ అని రాసుకొచ్చింది.

టాలీవుడ్ సుందరి రష్మిక పళ్ళు కనిపించేలా నవ్వుతున్న ఫొటోని పోస్ట్ చేసింది. 'తమకు తెలియని వ్యక్తులెవరైనా తమను చూసి నవ్వినప్పుడు కొంతమంది విచిత్రంగా చూస్తారు.. లేదా అలా నవ్వేవారికి పిచ్చి అనుకుంటారు.. మీరు కూడా అలాగే అనుకునేటట్లయితే మీరు నా ఫ్రెండ్ కాదు.. ఎందుకంటే నేను కూడా అలాంటి అపరిచితురాలినే.. ఎవరిని చూసినా నా స్టైల్ లో నేను నవ్వేస్తుంటాను..' అంటూ కోతి ఎమోజీ జత చేసిందీ భామ.

బాలీవుడ్‌ సుందరి షమితా షెట్టి తనకి ముద్దుపెడుతున్న ఓ బాబు ఫొటోని అభిమానులతో పంచుకుంది. దీనికి ‘మిస్సింగ్‌ మై నాటీ లిటిల్‌ బేబీ’ అని క్యాప్షన్‌ కూడా ఇచ్చింది. ఆ అబ్బాయి ఎవరో కాదు.. తన సోదరి శిల్పా శెట్టి కొడుకు. ఈ పోస్ట్‌కి ‘మీరిద్దరూ నా బేబీసే’ అంటూ శిల్ప రిప్లై ఇచ్చింది.

నటి ప్రగతి నవ్వుతోన్న తన ఫొటోని పోస్ట్‌ చేసింది. ‘ఏదైనా కావాలని మీరు బలంగా కోరుకున్నప్పుడు విశ్వం మొత్తం దానిని సాధించడంలో మీకు సహకరిస్తుంది..’ అని చెప్పుకొచ్చిందీ భామ.

మాటల మరాఠీ, యాంకర్‌ సుమా కనకాల ‘వాట్సప్‌ కష్టాలు’ అంటూ ఓ వీడియోని పోస్ట్‌ చేసింది. ఈ వీడియోలో చాటింగ్‌ కోసం ఏ అంశానికి ఎలాంటి ఎమోజీలు ఉపయోగిస్తుంటారో ఫన్నీగా చెబుతోంది సుమక్క.

ప్రముఖ హీరోయిన్‌ మీనా తన ఫిష్‌ పాట్‌లో ఉన్న చేపలను చూస్తోన్న ఫొటోని పోస్ట్‌ చేస్తూ ‘ఎవరైనా ఈ ఫొటోకి మంచి క్యాప్షన్‌ పెడతారా’ అని అభిమానులను అడిగింది. దాంతో ‘మీనాలను చూస్తోన్న మీనా’, ‘ఒక అందమైన చేప మరో రెండు అందమైన చేపలను చూస్తోంది’, ‘బంగారు వర్ణపు చేపలను చూస్తోన్న అందాల రాశి’ అంటూ పలువురు అభిమానులు కామెంట్ల రూపంలో పెట్టారు. వీటికి స్పందింస్తూ ‘వావ్‌.. మీరు ఇచ్చిన క్యాప్షన్లలో ఒక్కదానినే ఎంచుకోవాలంటే చాలా కష్టం. నాకు అన్నీ నచ్చాయి. మీ ఇమాజినేషన్‌కి ముగ్ధురాలినయ్యాను. అందరికీ కృతజ్ఞతలు’ అంటూ అభిమానులకు రిప్లై ఇచ్చిందీ సుందరి.

అందాల తార సమంత క్యారట్లను పట్టుకొని దిగిన ఫొటోని అభిమానులతో పంచుకుంది. దీనికి ‘ఈ వారం మెనూ.. క్యారట్‌ జ్యూస్‌, క్యారట్‌ పచ్చడి, క్యారట్‌ హల్వా, క్యారట్‌ ఫ్రై, క్యారట్‌ పకోడి, క్యారట్‌ ఇడ్లీ, క్యారట్‌ సమోసా’ అంటూ ‘గ్రో విత్‌ మి’ అనే హ్యాష్‌ట్యాగ్‌ని జత చేసిందీ భామ. ఈ క్యారట్లను సమంతే స్వయంగా తన గార్డెన్‌లో పండించింది.

నటి ప్రగతి తన తాజా ఫొటోని పోస్ట్‌ చేసింది. దీనికి ‘మీకు మీరే ఒక ఫైటర్.. గతంలో మీరు అధిగమించిన సమస్యలను, పరిస్థితులను ఒక్కసారి గుర్తు తెచ్చుకోండి. ఇప్పుడు కూడా అలాగే పోరాడండి.. పారిపోకండి..’ అంటూ కరోనా కష్ట కాలంలో తన అభిమానులకి ధైర్యం చెబుతోందీ సూపర్‌ మామ్.

టాలీవుడ్‌ భామ రేణూ దేశాయ్‌ తన జుట్టు విరబోసినట్టుగా ఉన్న ఫొటోని అభిమానులతో పంచుకుంది. దీనికి ‘హ్యుమిడిటీ వల్ల నా జుట్టంతా చింపిరిగా మారింది.. పిచ్చుకలు కచ్చితంగా నా జుట్టుపై గూళ్లు కడతాయి.. దయచేసి వాటిని లెక్కించండి’ అంటూ తన స్నేహితులను జత చేసిందీ భామ.

టాలీవుడ్‌ భామ లావణ్యా త్రిపాఠి అంటే మనకు మొదట గుర్తుకు వచ్చేది ‘అందాల రాక్షసి’ చిత్రం. ఈ చిత్రం విడుదలై నేటితో 8 వసంతాలను పూర్తి చేసుకుంది. ఈ సందర్భంగా లావణ్య ఈ సినిమాలోని కొన్ని ఫొటోలను అభిమానులతో పంచుకుంది.

సూపర్‌ స్టార్‌ మహేష్‌ బాబు సోదరి మంజులా ఘట్టమనేని తన కుటుంబ సభ్యులు భౌతిక దూరం పాటిస్తూ మాట్లాడుకుంటున్నట్టుగా ఉన్న ఓ ఫొటోని పోస్ట్ చేసింది. దీనికి ‘భౌతిక దూరం పాటించడం అంత కష్టంగా ఏమీ లేదు.. ఇది మన ప్రమేయం లేకుండా వచ్చింది’ అంటూ ఫ్రెండ్స్‌ టైమ్ హ్యాష్‌ట్యాగ్‌ని జోడించింది.

అందాల తార కియారా అడ్వాణీ నేడు తన పుట్టిన రోజు జరుపుకొంటోంది. ఈ సందర్భంగా వివిధ కేకుల ముందు కూర్చొని ఉన్న ఫొటోని అభిమానులతో పంచుకుంది. ‘నా పుట్టిన రోజు సందర్భంగా నా కుటుంబ సభ్యులు, స్నేహితులు, అభిమానులు... వీడియోలు, మెసేజ్‌లు, ఫోన్‌ కాల్స్‌తో ప్రేమాభిమానాల వర్షం కురిపించారు. మీ అందరికీ నా హృదయపూర్వక ధన్యవాదాలు. చాలా ఆనందంగా ఉంది. నేను ఇప్పుడు ఎలా ఉన్నానో, మీరు కూడా అంతే ఆనందంగా, ఆరోగ్యంగా ఉండాలని ప్రార్థిస్తున్నాను.. ఇదంతా దేవుని ఆశీర్వాదమే’ అంటూ రాసుకొచ్చిందీ సుందరి.

టాలీవుడ్‌ సెన్సేషనల్‌ హీరో విజయ్‌ దేవరకొండ, అందాల తార రీతూ వర్మ నటించిన చిత్రం ‘పెళ్లిచూపులు’. చిన్న సినిమాగా విడుదలై మంచి కలెక్షన్లు పొందిన ఈ చిత్రం విడుదలై నేటికి నాలుగు సంవత్సరాలైంది. ఈ సందర్భంగా రీతూ వర్మ అప్పటి జ్ఞాపకాలను, ఫొటోలను అభిమానులతో పంచుకుంది.

టాలీవుడ్‌ భామ రకుల్‌ ప్రీత్‌ సింగ్‌ దేనికోసమో ఎదురు చూస్తున్నట్టుగా ఉన్న ఫొటోని పోస్ట్‌ చేసింది. ఫొటోకి తగ్గట్టే ‘ప్రపంచమంతా ఎప్పుడెప్పుడు సాధారణ స్థితికి చేరుకుంటుందా అని వేచిచూస్తున్నా’ అని రాసుకొచ్చిందీ సుందరి.

మహేష్ సతీమణి నమ్రతకు టాలీవుడ్‌ అందాల భామ రష్మిక ఒక స్పెషల్‌ గిఫ్ట్‌ పంపించింది. ఇంతకీ అదేంటో తెలుసా? ఆవకాయ పచ్చడి, మామిడి కాయలు.

ఈ రోజు కరిష్మా కపూర్ పుట్టిన రోజు సందర్భంగా తన సోదరి కరీనా కపూర్, మరో నటి సోనమ్ కపూర్‌లు శుభాకాంక్షలు తెలిపారు. ఈ సందర్భంగా తనతో దిగిన ఫొటోలను అభిమానులతో పంచుకుంటూ.. కరిష్మా తమకు ఎన్నో రకాలుగా స్ఫూర్తిదాయకురాలని కొనియాడారు.

యాంకర్ సుమ చాలా రోజుల తర్వాత సెట్స్కి వచ్చింది. ‘అన్ని రకాల జాగ్రత్తలు తీసుకుంటూ బాధ్యతగా ఉంటున్నా’ అంటూ ఓ వీడియోని తన అభిమానులతో పంచుకుంది.

బాలీవుడ్ నటుడు సుశాంత్ సింగ్ రాజ్పుత్ ఆత్మహత్య చేసుకుని అర్థాంతరంగా తనువు చాలించాడు. బిహార్ రాజధాని పాట్నాలో జన్మించిన సుశాంత్.. AIEEEలో 7వ ర్యాంక్ సాధించినా నటనపై ఉన్న మక్కువతో ఇంజినీరింగ్ చివరిలో వదిలేసి సినిమా రంగంలోకి ప్రవేశించారు. ఎన్నో డక్కాముక్కీలు తిన్న సుశాంత్ అనతికాలంలోనే స్టార్గా ఎదిగాడు. టీమిండియా స్టార్ క్రికెటర్ ధోనీ జీవితకథ ఆధారంగా తెరకెక్కిన ‘ఎమ్.ఎస్.ధోని: ది అన్టోల్డ్ స్టోరీ’లో ప్రధాన పాత్ర పోషించి దేశవ్యాప్తంగా ప్రేక్షకాదారణను సొంతం చేసుకున్నాడు. ఎంతో చక్కటి భవిష్యత్తు ఉన్న ఈ హీరో 34 ఏళ్ల వయసులోనే తనువు చాలించడంతో సినీలోకం ఒక్కసారిగా దిగ్భ్రాంతికి లోనైంది. పలువురు తారలు తమ సంతాపాన్ని తెలియజేశారు. మరికొంతమంది తారలు సుశాంత్తో దిగిన ఫొటోలను ఇన్స్టాగ్రామ్ వేదికగా అభిమానులతో పంచుకుని, అతనితో తమకున్న బాంధవ్యాన్ని తలచుకుని భావోద్వేగానికి లోనయ్యారు.

ఈరోజు ఇన్స్టాపురములో నమ్రతా శిరోద్కర్ తన తల్లిదండ్రుల ఫొటోని షేర్ చేస్తే.. నటి సమంత ఎరుపు రంగు లిప్స్టిక్ని వేసుకున్న ఫొటోను అభిమానులతో పంచుకుంది. ఇక టాలీవుడ్ బ్యూటీ అనుష్క తన ఫేస్బుక్ ఫాలోవర్ల సంఖ్య రెండు కోట్లకు చేరిన సందర్భంగా అభిమానులపై తన ప్రేమను వ్యక్తం చేస్తూ పోస్ట్ చేసింది. మన సుమక్కేమో సున్నుండలు చేస్తోన్న వీడియోని పోస్ట్ చేసింది..

‘ఆ అనుభవం అంతరిక్ష యానంలా ఉంది’ అంటోంది ప్రణీత.. ‘వీధిశునకాలకు ఆహారం అందించడం కోసం సహాయం చేయమంటోంది’ బుట్టబొమ్మ.. ‘ఈ తాపేశ్వరం ఖాజా తినడానికి వారం పట్టింది’ అంటోంది రష్మీ గౌతమ్.. ‘తన కూతురు ఫస్ట్‌ గ్రేడ్‌ మొదలుపెట్టిన ఫొటోని పోస్ట్‌ చేసి అభిమానుల ఆశీర్వాదాలు కోరుతోంది’ మంచు లక్ష్మీ ప్రసన్న...

భారత్‌లో కరోనా మహమ్మారి విజృంభణ ఇంకా కొనసాగుతూనే ఉంది. సుమారు రెండు నెలలకు పైగా లాక్‌డౌన్‌లో ఉన్న ప్రజలు ఇప్పుడిప్పుడే కాస్త ఉపశమనం పొందుతున్నారు. ప్రభుత్వాలు ఇస్తోన్న సడలింపులతో ఇంటి నుంచి అడుగు బయటపెడుతున్నారు.

లాక్‌డౌన్‌ కారణంగా అందరూ ఇళ్లకే పరిమితమయ్యారు. అయితే ఎప్పుడెప్పుడు లాక్‌డౌన్‌ను ఎత్తేస్తారా? ఎప్పుడెప్పుడు స్వేచ్ఛగా విహరిద్దామా? అని ఆతృతగా ఎదురు చూస్తున్నారంతా. ఈ క్రమంలోనే లాక్‌డౌన్‌ ఎత్తేయగానే ఏం చేయాలో ఓ జాబితాను కూడా రూపొందించుకుంటున్నారు కొందరు. దీనికి సెలబ్రిటీలు కూడా అతీతులేం కాదు.

కరోనా వైరస్‌ కారణంగా ప్రజలు ఉపాధిని కోల్పోతున్నారు. ఆర్థిక వ్యవస్థలు అతలాకుతలమవుతుండడంతో ఆదాయ మార్గాలు లేక ఎంతోమంది ఆకలితో అలమటిస్తున్నారు. ఇలాంటి విపత్కర పరిస్థితుల్లో కొంతమంది సెలబ్రిటీలు తమవంతు సాయం చేస్తూ కరోనా కారణంగా ఉపాధి కోల్పోయిన వారికి అండగా నిలుస్తున్నారు. ఈ క్రమంలోనే తాజాగా నటి శ్రియ.. కరోనా బాధితుల కోసం విరాళాల్ని సేకరించడంలో భాగంగా ఓ వినూత్న మార్గాన్ని ఎంచుకుంది. ఈ క్రమంలోనే ఇన్‌స్టాగ్రామ్‌ వేదికగా ఓ పోస్ట్‌ పెట్టింది శ్రియ.

నటి సమంత పెట్‌ లవర్‌ అనే విషయం తెలిసిందే. ప్రస్తుతం సామ్ ‘హాష్‌’ అనే శునకాన్ని పెంచుకుంటోంది. ఇంట్లో ఉన్నప్పుడు తన పెంపుడుకుక్కకు కూడా సమయం కేటాయిస్తూ దాంతో ఆడిపాడుతుందీ బ్యూటీ. ఈ క్రమంలో తన కుక్కతో దిగిన ఫొటోలను ఎప్పటికప్పుడు సోషల్‌ మీడియాలో కూడా పోస్ట్‌ చేస్తుంటుంది సామ్‌. ఒక్క మాటలో చెప్పాలంటే చై, సామ్‌లు దీన్ని తమ సొంత బిడ్డలా చూసుకుంటున్నారు. మరి నిజంగానే ‘హాష్‌’కు మాటలు వస్తే తన మమ్మీకి (సమంతకు) శుభాకాంక్షలు ఎలా చెబుతుంది.? ఇలా ఆలోచిస్తేనే ఆసక్తిగా ఉంది కదూ..! అయితే ఈ ఆలోచననే ఆచరణలో పెట్టారు ‘ఓ బేబీ’ చిత్ర యూనిట్‌.

టీమిండియా మాజీ కెప్టెన్‌ మహేంద్ర సింగ్‌ ధోనీ గారాల పట్టి జీవా సింగ్‌ను ప్రత్యేకంగా పరిచయం చేయాల్సిన అవసరం లేదు. పుట్టుకతోనే సెలబ్రిటీ స్టేటస్‌ దక్కించుకున్న ఈ క్యూట్‌ గర్ల్‌ సోషల్‌ మీడియాలో చాలా ఫేమస్‌. జీవా చేసే అల్లరి పనులకు సంబంధించిన విశేషాలను ఎప్పటికప్పుడు నెటిజన్లతో పంచుకొని మురిసిపోతుంటుంది ధోనీ సతీమణి సాక్షి. జీవా సింగ్‌ పేరుతో ఉన్న ఇన్‌స్టాగ్రామ్‌ అకౌంట్‌ను ఏకంగా పదిన్నర లక్షల మంది ఫాలో అవుతున్నారంటేనే ఈ స్టార్‌ కిడ్‌ ఫ్యాన్‌ ఫాలోయింగ్‌ రేంజ్‌ ఏంటో అర్థం చేసుకోవచ్చు.

ఓవైపు సినిమాలతో మాయ చేస్తూ, మరోవైపు సోషల్ మీడియాలో చురుగ్గా ఉండే నటీమణుల్లో అక్కినేని వారి కోడలు సమంత కూడా ఒకరు. వివాహం తర్వాత ఆచితూచి సినిమాలు ఎంచుకుంటున్న ఈ బ్యూటీ నటనకు ప్రాధాన్యమున్న పాత్రల్లో నటిస్తూ ఆకట్టుకుంటోంది. ఇక సమంతకు తన పెంపుడు శునకం అంటే చాలా ఇష్టం. దాంతో దిగిన ఫొటోలను నెట్టింట్లో అభిమానులతో పంచుకోవడం ఈ బ్యూటీకి అలవాటు.

ప్రస్తుతం సినీ తారల పాపులారిటీని వారిని సోషల్‌ మీడియాలో ఫాలో అవుతోన్న వారి సంఖ్య ఆధారంగా అంచనా వేసే పరిస్థితులు వచ్చాయి. ఎవరికి ఎక్కువమంది ఫాలోవర్లు ఉంటే వారికి అంత పాపులారిటీ ఉన్నట్లు అర్థం. సినీ తారలు కూడా తమ ఫాలోవర్ల సంఖ్య గురించి ఎప్పటికప్పుడు ఆన్‌లైన్‌ వేదికగా పంచుకుంటూనే ఉన్నారు.

మందు లేని కరోనా మహమ్మారిని అంతమొందించాలంటే ప్రజలంతా కలిసికట్టుగా పోరాడాల్సిందే.. ఇంకో మార్గం లేదు. ఈ క్రమంలోనే అంతా ఇళ్లకే పరిమితమవుతూ కంటికి కనిపించని ఈ వైరస్‌పై యుద్ధాన్ని ప్రకటించారు. ఇక సెలబ్రిటీలు కూడా ప్రజల్లో అవగాహన కల్పించడానికి తమ వంతు కృషి చేస్తున్నారు.

కరోనా కరాళ నృత్యం చేస్తోన్న దృష్ట్యా ప్రపంచమంతా లాక్‌డౌన్‌లోకి వెళ్లిపోయింది. అంతా ఇళ్లకే పరిమితమవడంతో ఏం చేయాలో తోచని పరిస్థితులు నెలకొన్నాయి. ఈ క్రమంలోనే ప్రజల జీవన విధానం పూర్తిగా మారిపోయింది. కొందరు ఫిట్‌నెస్‌, డైట్‌ను కూడా మర్చిపోతున్నారు. అవునన్నా, కాదన్నా.. దీనంతటికీ కారణం కరోనానే అని చెప్పడంలో ఎలాంటి అతిశయోక్తి లేదు.