scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'ఈ ఇద్దరిలో ఎవరిని చేసుకోవాలి?'

'ఆ అమ్మాయి తన తల్లిదండ్రులకు ఒక్కగానొక్క కూతురు. అల్లారుముద్దుగా పెంచుకున్నారు. అడగకముందే అన్నీ సమకూర్చేవారు. ఉన్నత విద్యను అందించి.. తన కాళ్లపై తాను నిలబడేలా చేశారు. ఇలా తన కూతురు పాతికేళ్ల జీవితాన్ని మరొకరు వేలెత్తి చూపించకుండా తీర్చిదిద్దారా పేరెంట్స్‌. ఈ క్రమంలోనే పెళ్లీడుకొచ్చిన తమ కూతురికి తగిన వరుడ్ని కూడా చూశారు. అందుకు ఆమె కూడా ఓకే చెప్పేసింది. అంతా సవ్యంగా జరుగుతుందిలే అనుకునే సరికే ఆ అమ్మాయి జీవితంలోకి మరో వ్యక్తి ప్రవేశించాడు. ఇప్పటిదాకా తన తల్లిదండ్రుల నుంచి తాను పొందిన ప్రేమ తను రాజీపడడం వల్లే తనకు దక్కిందని తెలియజేశాడు. ఇప్పుడా అమ్మాయి ముందున్నవి రెండే దారులు. ఒకటి.. తన స్వార్థం తాను చూసుకోవడం! రెండు.. ఎప్పటిలాగే తన తల్లిదండ్రుల కోసం తన ఇష్టాలను వదులుకోవడం! మరి, తనకు ఏ దారి ఎంచుకోవాలో అర్థం కాక మనల్నే్ సలహా అడుగుతోంది. ఈ క్రమంలోనే ఆమె హృదయరాగాన్ని ఇలా మన ముందుంచింది.'

Know More

Movie Masala

 
category logo

ఎవరైనా నాకు షేక్‌ హ్యాండ్‌ ఇవ్వాలని చూస్తే..

latest posts of celebrities on social media

నువ్వు నా సర్వస్వం..


మార్చి 19 (గురువారం) కలెక్షన్‌ కింగ్‌ మోహన్‌ బాబు పుట్టిన రోజు. తెలుగు చిత్ర పరిశ్రమలో తనకంటూ ఓ ప్రత్యేకతను సంపాదించుకున్న మోహన్‌ బాబు 70 ఏళ్లు పూర్తిచేసుకున్నారు. ఈ సందర్భంగా ఇంట్లో జరిపిన వేడుకలకు సంబంధించిన వీడియోను అభిమానులతో పంచుకుంది నటి, మోహన్‌ బాబు కూతురు లక్ష్మీ మంచు. కుటుంబ సభ్యుల సమక్షంలో మోహన్‌ బాబు కేక్‌ కట్‌ చేస్తున్న సందర్భంలో తీసిన వీడియోను ట్విట్టర్‌లో పోస్ట్‌ చేస్తూ.. ‘హ్యాపీ బర్త్‌డే నాన్నా.. నువ్వు నా సర్వస్వం’ అనే క్యాప్షన్‌ను జోడించింది లక్ష్మి.

View this post on Instagram

A post shared by Lakshmi Manchu (@lakshmimanchu) on

ఇక తండ్రితో దిగిన సింగిల్‌ ఫొటోను ఇన్‌స్టాగ్రామ్‌లో పోస్ట్‌ చేసిన లక్ష్మి.. ‘కూతురు తొలి ప్రేమ, తొలి హీరో నాన్న అనేది ఎంతో నిజం. కానీ నువ్వు నాకు ఎప్పటికీ హీరోవే నాన్నా! మీకు ఈ ఏడాది.. ప్రశాంతతను, విజయాన్ని అందించాలని ఆశిస్తున్నాను. ఈ ప్రపంచంలో ఉన్న సంతోషమంతా మీకే దక్కాలని కోరుకుంటున్నాను. హ్యాపీ బర్త్‌డే’ అని రాసుకొచ్చింది మంచు వారి అమ్మాయి.

ఎవరైనా నాకు షేక్‌ హ్యాండ్‌ ఇవ్వాలని చూస్తే..

19320socialpost650-2.jpg

ఇప్పుడు ఏ ఇద్దరు కలిసి కొంచెంసేపు మాట్లాడుకున్నా కరోనా ప్రస్తావన కచ్చితంగా రావాల్సిందే. అంతలా కరోనా వైరస్‌ ప్రపంచాన్ని భయపెడుతోంది. ఈ క్రమంలోనే వ్యక్తిగత శుభ్రతను పాటించండి అంటూ.. ప్రభుత్వాల నుంచి సినీ సెలబ్రిటీల వరకూ అందరూ అవగాహన కల్పించే ప్రయత్నం చేస్తూనే ఉన్నారు. ఇందులో భాగంగానే తాజాగా బాలీవుడ్‌ అందాల తార కరీనా కపూర్‌ కూడా ఓ పోస్ట్‌ చేసింది.

View this post on Instagram

A post shared by Kareena Kapoor Khan (@kareenakapoorkhan) on

తన చిన్ననాటి ఫొటోను పోస్ట్‌ చేస్తూ ఆసక్తికరమైన క్యాప్షన్‌ను రాసుకొచ్చింది. బహుశా ఈ ఫొటో తీసేనాటికి కరీనాకు ఏడాది వయసుండొచ్చు. ఇన్‌స్టాలో పోస్ట్‌ చేసిన ఈ ఫొటోతో పాటు.. ‘ప్రస్తుతం నాకు ఎవరైనా షేక్‌ హ్యాండ్‌ ఇవ్వడానికి ప్రయత్నిస్తే.. నా రియాక్షన్‌ ఇలాగే ఉంటుంది’ అని ఫన్నీ క్యాప్షన్‌ను జోడించిందీ బ్యూటీ. ఈ ఫొటోలో బుజ్జి కరీనా రెండు చేతులను పైకెత్తి నవ్వుతుండడం అందరినీ ఆకట్టుకుంటోంది.

మేం ఎదురు చూస్తోంది దీని కోసమే..!

మహేష్‌ బాబు గారాల పట్టి సితార, దర్శకుడు వంశీ పైడిపల్లి ముద్దుల కుమార్తె ఆద్య నెట్టింట్లో చేసే సందడి అంతా ఇంతా కాదు. మహేష్‌ సతీమణి నమ్రత సహాయంతో సితార, ఆద్యలు కలిసి ఏకంగా ఓ యూట్యూబ్‌ ఛానల్‌ను నడిపిస్తోన్న విషయం తెలిసిందే. వీరిద్దరూ కలిసి మహేష్‌, రష్మికలను ఇంటర్వ్యూ కూడా చేశారు. అలాగే వివిధ అంశాలకు సంబంధించి రెగ్యులర్‌గా వీడియోలు పెడుతున్నారు. తాజాగా ఈ ఇద్దరు చిచ్చర పిడుగులు ఓ రికార్డు సృష్టించారు. ‘ఆద్య అండ్‌ సితార’ (ఏ అండ్‌ ఎస్‌) పేరుతో వీరు నడిపిస్తోన్న యూట్యూబ్‌ ఛానల్‌కు రెండు లక్షల సబ్‌స్క్రైబర్లు దాటారు. ఈ నేపథ్యంలో యూట్యూబ్‌ యాజమాన్యం ‘సిల్వర్‌ ప్లే బటన్‌’ను బహూకరించింది. ఇదే విషయాన్ని నెటిజన్లతో పంచుకున్నారీ క్యూట్‌ గర్ల్స్‌.

View this post on Instagram

A post shared by Aadya & Sitara (@aadyasitara) on

యూట్యూబ్‌ అందించిన ‘సిల్వర్‌ ప్లే బటన్‌’ షీల్డ్‌ని పట్టుకున్న ఫొటోను పోస్ట్‌ చేస్తూ.. ‘హాయ్‌.. ఈ క్షణం కోసం మేం ఎప్పటి నుంచో ఎదురు చూస్తున్నాం. ఎట్టకేలకు మా యూట్యూబ్‌ ఛానల్‌కు సిల్వర్‌ ప్లే బటన్‌ వచ్చేసింది. మీ అందరి ఆదరణకు కృతజ్ఞతలు. ప్లే బటన్‌ అన్‌బాక్స్‌ వీడియోను మీరూ చూడండి’ అంటూ క్యాప్షన్‌ను జోడించారు. మరి ఆ వీడియోపై మీరూ ఓ లుక్కేయండి.

నువ్వు నీలానే ఉండు..!

వృత్తిపరంగా ఎంత బిజీగా ఉన్నా సరే సోషల్‌ మీడియా ద్వారా అభిమానులను క్రమం తప్పకుండా పలకరిస్తుంటుంది నటి, యాంకర్‌ అనసూయ. తన ఎనర్జిటిక్‌ యాంకరింగ్‌తో బుల్లితెర ప్రేక్షకులను, అందమైన రూపంతో వెండి తెర ప్రేక్షకులను ఆకట్టుకుంటోన్న అనసూయ తాజాగా ఇన్‌స్టాగ్రామ్‌లో పోస్ట్‌ చేసిన ఓ ఫొటో చూపు తిప్పుకోనివ్వట్లేదు. ఫ్లోరల్‌ ప్రింట్‌ థై-హై స్లిట్‌ గౌన్‌లో దిగిన ఫొటోను ఇన్‌స్టాగ్రామ్‌లో పోస్ట్‌ చేస్తూ.. ‘మీ విలువేంటో తెలుసుకోండి. శక్తిమంతులుగా ఉండండి.. మీరు మీలా ఉండండి’ అనే కొటేషన్‌ను పంచుకుందీ బ్యూటీ.

View this post on Instagram

A post shared by Anasuya Bharadwaj (@itsme_anasuya) on





women icon@teamvasundhara
latest-posts-of-celebrities-on-social-media

ఇవి కాకుండా ఇంకేం చేస్తున్నారు.?

‘కరోనా’ వైరస్ వ్యాప్తి నేపథ్యంలో దేశమంతా షట్‌డౌన్‌అవుతోంది. వైరస్‌ మహమ్మారికి చెక్ పెట్టడానికి ప్రభుత్వాలు, అధికారులు చాలా కఠిన చర్యలు చేపడుతున్నారు. ఈ క్రమంలోనే ప్రజలను రోడ్లపైకి రానివ్వకుండా ఆంక్షలు విధిస్తున్నారు. దీంతో ప్రజలు ఇళ్లకే పరిమితమవుతున్నారు. ఇలా అనుకోకుండా వచ్చిన సెలవులను ప్రజలు ఇంట్లోనే గడుపుతున్నారు. అయితే సెలవులు వచ్చినా బయటకు వెళ్లలేకపోతున్నామనే లోటు చాలామందిలో కనిపిస్తోంది. తాజాగా ఇదే విషయాన్ని చెప్పుకొచ్చింది అందాల తార రాశీ ఖన్నా. ఓ చేతిలో స్మార్ట్ ఫోన్.. మరో చేతిలో టీ కప్పుతో అలక బూనినట్లు మూతి పెట్టిన వీడియోను (జిఫ్ ఫైల్) ఇన్‌స్టాలో పోస్ట్ చేసిన ఈ అందాల రాశి.. ‘ప్రతిరోజూ సెలవులాగే ఉన్నప్పటికీ.. మీరు ఇంకా ఏదో కావాలని కోరుకుంటుంటే (అలకతో ఉంటే)’ అని అర్థం వచ్చేలా క్యాప్షన్‌ను జోడించింది.

Know More

women icon@teamvasundhara
latest-posts-of-celebrities-on-social-media

అలా అయినప్పుడు మీరు బలంగా ఉన్నట్టా? లేనట్టా?

ప్రస్తుతం సెలబ్రిటీలందరూ స్వీయ నిర్బంధంలో ఉన్నా సోషల్‌ మీడియాలో మాత్రం చురుగ్గా ఉంటూ.. ఆసక్తికరమైన పోస్టులు పెడుతూ తమ అభిమానులను ఉత్తేజపరుస్తూనే ఉన్నారు. ఈ క్రమంలో మన టాలీవుడ్‌ బ్యూటీ శృతి హాసన్‌ కూడా తన ఇన్‌స్టాలో కరోనా వైరస్‌ నేపథ్యంలో ఒక ఆసక్తికరమైన పోస్ట్‌ని షేర్‌ చేసింది. తన పెంపుడు పిల్లి (క్లారా) ఎంతో ముద్దుగా కూర్చున్నప్పుడు క్లి్క్‌మనిపించిన ఫొటోను షేర్‌ చేస్తూ.. ‘అందరూ క్లారాలా ఉండండి.. సామాజిక దూరం పాటించడం, ఇంటి పట్టునే ఉండడం, పరిశుభ్రత పాటించడం, వ్యాయామం చేయడం, ఆరోగ్యకరమైన ఆహారం తీసుకోవడం, పాజిటివ్‌గా ఆలోచించడం.. ఇలాంటివన్నీ మనం క్లారా నుంచే నేర్చుకోవాలి..’ అని క్యాప్షన్‌ రాసుకొచ్చిందీ స్లిమ్మీ బ్యూటీ.

Know More

women icon@teamvasundhara
latest-posts-of-celebrities-on-social-media

నా మనసెంత పెద్దదో మీరే చూడండి!

తన అందం, అభినయంతో తెలుగు ప్రేక్షకుల మనసు దోచుకున్న కేరళ కుట్టి అనుపమా పరమేశ్వరన్‌. అటు తెలుగులోనే కాకుండా వరుస తమిళ, మలయాళ సినిమాల్లో నటిస్తూ బిజీగా ఉంటుందీ లవ్లీ బ్యూటీ. సోషల్‌ మీడియాలో యమ చురుగ్గా ఉండే ఈ ‘ప్రేమమ్‌’ బ్యూటీ తన లేటెస్ట్‌ ఫొటోలతో పాటు అప్పుడప్పుడూ క్రేజీ పోస్టులు పెడుతూ అభిమానులను అలరిస్తుంటుంది. ఈ క్రమంలో తాజాగా అను.. తన సోదరుడు అక్షయ్‌ పరమేశ్వరన్‌ పుట్టినరోజు సందర్భంగా ఒక ఫొటోని షేర్‌ చేసి బర్త్‌డే విషెస్‌ తెలిపింది. తన సోదరుడి వెనుక నిల్చొని ఆటపట్టిస్తున్నట్లుగా ఉన్న ఓ క్యూట్‌ పిక్‌ని ఇన్‌స్టాలో పంచుకుంటూ..‘హ్యాపీ బర్త్‌డే మంకీ (అక్షయ్‌ పరమేశ్వరన్‌).. నువ్విప్పుడు పెద్దవాడివయ్యావని నాకు తెలుసు.. కానీ నువ్వు కనే కలల్లో కూడా నన్ను ప్రేమించడం ఆపుతావనే ఆలోచన నీకు రానివ్వను..’ అంటూ తమ్ముడిపై తనకున్న ప్రేమను వ్యక్తం చేసిందీ అందాల అక్క.

Know More

women icon@teamvasundhara
latest-posts-of-celebrities-on-social-media
women icon@teamvasundhara
latest-posts-of-celebrities-on-social-media

నేనెంతో ధనవంతురాలిని !

సెలబ్రిటీ కపుల్‌ శిల్పాశెట్టి- రాజ్‌కుంద్రాలు ఇటీవలే సరోగసీ ద్వారా పండంటి ఆడబిడ్డకు జన్మనిచ్చిన విషయం మనందరికీ విదితమే. తమ కుటుంబంలోకి లిటిల్‌ ఏంజెల్‌ ‘సమీషా శెట్టి’ అడుగుపెట్టిన విషయాన్ని సోషల్‌ మీడియా ద్వారా అభిమానులతో పంచుకుందీ అందాల తార. ఈ క్రమంలో శిల్ప తాజాగా తన బుజ్జాయికి సంబంధించిన మరొక పోస్ట్‌ను షేర్‌ చేసింది. తన బుజ్జి పాపాయి పుట్టి నిన్నటితో (మార్చి 15) నెల రోజులు పూర్తిచేసుకున్న నేపథ్యంలో ఒక అందమైన ఫొటోను ఇన్‌స్టాలో పంచుకుంది. తనతో పాటు భర్త, కుమారుడు, పాప ఒకరి చేతిలో మరొకరు చెయ్యేసినట్లుగా ఉన్న ఈ ఫొటోను పంచుకుంటూ.. ‘ఇదే నీ మొదటి మైలురాయి.. నా లిటిల్‌ ప్రిన్సెస్‌ సమీషా.. నువ్వు పుట్టి నెల రోజులైన సందర్భంగా నీకు శుభాకాంక్షలు. నిన్ను అన్నింటికంటే ఎక్కువగా ప్రేమిస్తున్నాను..’ అంటూ ప్రేమతో రాసుకొచ్చిందీ బ్యూటిఫుల్‌ మామ్‌.

Know More

women icon@teamvasundhara
latest-posts-of-celebrities-on-social-media

సంతోషంగా ఉండేవాళ్లే అందంగా ఉంటారు !

నాగ చైతన్య హీరోగా తెరకెక్కిన ‘సవ్యసాచి’ సినిమాతో తెలుగు ప్రేక్షకులకు పరిచయమైంది నటి నిధి అగర్వాల్‌. రెండో చిత్రం ‘మిస్టర్‌ మజ్ను’తో ఆకట్టుకున్న ఈ చిన్నది అనంతరం వచ్చిన ‘ఈస్మార్ట్‌ శంకర్‌’ చిత్రంతో ఒక్కసారిగా ఇండస్ట్రీని తనవైపుకు తిప్పుకుంది. సినిమాలతో బిజీగా ఉంటూనే.. వ్యాపార ప్రకటనల్లోనూ కనిపిస్తూ సందడి చేస్తోందీ బ్యూటీ. మరోవైపు సోషల్‌ మీడియాలోనూ యాక్టివ్‌గా ఉండే నిధికి తన లేటెస్ట్‌ ఫొటోలను ఎప్పటికప్పుడు అభిమానులతో పంచుకోవడం అలవాటు. ఈ క్రమంలోనే తాజాగా ‘ఫిట్‌లుక్‌’ అనే మ్యాగజీన్‌ కవర్‌ పేజీపై పోజిచ్చిన తన ఫొటోలను అభిమానులతో పంచుకున్న ఈ చిన్నది.. దానికి ఓ ఆసక్తికరమైన క్యాప్షన్‌ను జోడించింది. ‘జీవితంలో ఎదగాలనుకోవడం, దిగజారిపోవడం.. ఈ రెండూ మీరు తీసుకునే నిర్ణయాలపైనే ఆధారపడి ఉంటాయి..’ అనే ఆలోచింపజేసే క్యాప్షన్‌ను రాసుకొచ్చింది.

Know More

women icon@teamvasundhara
latest-posts-of-celebrities-on-social-media

వీళ్లే నా లడ్డూలు..!

తన పాటలతో సంగీత ప్రియులను మెస్మరైజ్‌ చేసే బ్యూటిఫుల్‌ సింగర్‌.. గీతా మాధురి. గతేడాది ఆగస్టులో దాక్షాయణి ప్రకృతి అనే బుజ్జి పాపకు జన్మనిచ్చిన గీత.. ప్రస్తుతం తన చిన్నారి ఆలనాపాలనలో బిజీబిజీగా గడుపుతోంది. అంతేకాదు.. సోషల్‌ మీడియాలో చురుగ్గా ఉంటూ తన కుటుంబంతో గడిపిన మధుర క్షణాలను ఫొటోలు, వీడియోల రూపంలో ఆ వేదికగా పంచుకునే ఈ లవ్లీ సింగర్‌.. తాజాగా మరో ఫొటో షేర్‌ చేసింది. ఇటీవలే ఓ వేడుకలో తన కుటుంబంతో కలిసి పాల్గొన్న గీత.. పాపని ఎత్తుకొని, ఆ పక్కనే ఆమె భర్త నందు తన భుజంపై తల వాల్చినప్పుడు క్లిక్‌మనిపించిన ఫొటోని పోస్ట్‌ చేస్తూ.. ‘నా ప్రపంచమంతా నా భుజాలపైనే ఉంది..’ అంటూ తన భర్తే తన సర్వస్వం అని చెప్పకనే చెప్పిందీ తెలుగందం. మరి, ఈ లవ్లీ పిక్‌ను మీరూ చూసేయండి.

Know More

women icon@teamvasundhara
latest-posts-of-celebrities-on-social-media

హలో.. హలో.. మీరు నేననుకునే వ్యక్తేనా?

న్యూస్‌ రీడర్‌గా కెరీర్‌ మొదలు పెట్టి.. యాంకర్‌గా రాణించి.. సినిమాల్లో నటించేంత స్థాయికి ఎదిగింది అనసూయ. ఎప్పుడూ ఎంతో ఎనర్జిటిక్‌గా ఉంటూ.. స్టార్‌ యాంకర్‌గా పేరు తెచ్చుకుందీ ముద్దుగుమ్మ. ఇక కెరీర్‌ పరంగా తానెంత బిజీగా ఉన్నా సరే.. సోషల్‌ మీడియా ద్వారా అభిమానులతో నిత్యం టచ్‌లో ఉండే అనసూయ.. తన ఫొటోలతో పాటు, కుటుంబంతో కలిసి దిగిన ఫొటోలను ఎప్పటికప్పుడు సామాజిక మాధ్యమాల వేదికగా అభిమానులతో పంచుకుంటుంది. తాజాగా ‘జబర్దస్త్‌’ సెట్‌లో లంగా ఓణీలో డ్యాన్స్‌ చేస్తున్న సమయంలో దిగిన ఫొటోను ఇన్‌స్టాగ్రామ్‌లో పోస్ట్‌ చేసిన అను.. ‘నా ఆత్మ పరిభాషే డ్యాన్స్‌’ అనే క్యాప్షన్‌ రాసుకొచ్చింది.

Know More

women icon@teamvasundhara
latest-posts-of-celebrities-on-social-media

అందుకే ఆ రోజు నాకు బాగా గుర్తుంది!

అటు నటనలోనే కాకుండా సింగర్‌గా కూడా మంచి పేరు సంపాదించుకున్న అందాల భామ శృతి హాసన్‌. చిన్నప్పటి నుంచి సంగీతంపై తనకున్న ఆసక్తే తనను గొప్ప గాయనిగా మనందరికీ పరిచయం చేసిందని చెప్పుకోవచ్చు. ఇప్పటికే పలు సినిమాల్లో పాటలు పాడిన ఈ చిన్నది.. మ్యూజిక్‌ ఆల్బమ్స్‌ని కూడా రూపొందిస్తుంటుంది. ఇలా తాను ఎంత బిజీగా ఉన్నప్పటికీ సోషల్‌ మీడియాలో అనునిత్యం అభిమానులతో టచ్‌లో ఉంటూ.. తన సినిమా అప్‌డేట్లతో పాటు తాను పాల్గొనే లైవ్‌ మ్యూజిక్‌ కన్సర్ట్‌ విశేషాలను కూడా షేర్‌ చేస్తుంటుంది. ఈ క్రమంలో శృతి తన చిన్ననాటి ఫొటో ఒకటి తాజాగా ఇన్‌స్టాలో పంచుకుంది. ఇందులో భాగంగా స్కూల్‌ యూనిఫాం ధరించిన శృతి.. ప్రముఖ గాయని ఆశా భోంస్లే ముందు కూర్చొని పాట పాడుతున్న ఫొటోను ఎవరో షేర్‌ చేయగా.. దాన్ని తిరిగి రీపోస్ట్‌ చేస్తూ.. ‘నేను స్కూల్‌ యూనిఫాంలో పాట పాడుతున్న ఈ ఫొటో అంటే నాకెంతో ఇష్టం.. ఓ దిగ్గజ గాయని (ఆశా భోస్లే) సమక్షంలో ఎంతో నెర్వస్‌గా పాట పాడిన ఈ రోజు నాకు బాగా గుర్తుంది. అదొక మధుర జ్ఞాపకం. ఈ ఫొటోని షేర్‌ చేసినందుకు ధన్యవాదాలు..’ అంటూ పేర్కొందీ స్లిమ్మీ బ్యూటీ.

Know More

women icon@teamvasundhara
latest-posts-of-celebrities-on-social-media

నువ్వు లేని జీవితం ఊహించుకోలేను ప్రాణమా..!

ప్రస్తుతం నటనకు దూరమైనా.. సోషల్‌ మీడియాలో ఎల్లప్పుడూ చురుగ్గా ఉంటూ అభిమానులను పలకరిస్తుంటుంది అందాల నటి కరిష్మా కపూర్‌. ఒక దశలో బాలీవుడ్‌ని ఓ ఊపు ఊపేసిన ఈ కపూర్‌ బ్యూటీ.. తన ట్రెండీ ఫ్యాషనబుల్‌ లుక్స్‌తో ఈ తరం తారలకు గట్టి పోటీనిస్తుందనడంలో ఏమాత్రం సందేహం లేదు. తన లేటెస్ట్‌ ఫ్యాషనబుల్‌ లుక్స్‌ని సోషల్‌ మీడియాలో ఎప్పటికప్పుడు షేర్‌ చేస్తూ ఈ తరం అమ్మాయిలకు ఫ్యాషన్‌ ఐకాన్‌గా మారిపోయిందీ సుందరి. ఈ క్రమంలో కరిష్మా ఇటీవల ధరించిన ఓ అందమైన మోనోక్రోమ్‌ అవుట్‌ఫిట్‌కి సంబంధించిన ఫొటోలను తాజాగా ఇన్‌స్టా ద్వారా అభిమానులతో పంచుకుంది. వైట్‌-బ్లాక్‌ స్ట్రైప్‌డ్‌ వైడ్‌ లెగ్‌ ప్యాంట్స్‌ని ధరించిన కరిష్మా.. దానికి ఫుల్‌ స్లీవ్స్‌ వైట్‌ షర్ట్‌ను జతచేసి ప్రొఫెషనల్‌ బ్యూటీగా మెరిసిపోయింది. కాస్త హెవీ మేకప్‌, జడతో అదరగొట్టిన ఈ బాలీవుడ్‌ అందం.. అచ్చం లేడీ బాస్‌ని తలపించింది. మరి, ఈ బాస్‌ బేబీ ప్రొఫెషనల్‌ లుక్‌ని మీరూ ఫాలో అయిపోండి.

Know More

women icon@teamvasundhara
latest-posts-of-celebrities-on-social-media

అలా చేస్తే సంతోషం మన ఇంట్లోనే దొరుకుతుంది!

టాలీవుడ్‌ సూపర్‌ స్టార్‌ మహేష్‌ బాబుకి దేశవ్యాప్తంగా ఎంతమంది అభిమానులున్నారో మనందరికీ తెలిసిన విషయమే.. టాలీవుడ్‌లో ఏ హీరోకీ లేనంత క్రేజ్‌ ఈ హ్యాండ్‌సమ్‌ హీరోకి ఉందంటే ఆశ్చర్యపోనవసరం లేదు. ఇక సోషల్‌ మీడియాలో ఆయనకున్న ఫ్యాన్‌ ఫాలోయింగ్‌ గురించి ప్రత్యేకించి చెప్పనవసరం లేదు. ఈ క్రమంలోనే మహేష్‌ బాబు ట్విట్టర్‌ ఫాలోవర్ల సంఖ్య తాజాగా 9 మిలియన్లు దాటింది. ట్విట్టర్‌లో ఇప్పటివరకూ ఇంతమంది ఫాలోవర్లు మరే ఇతర సౌత్‌ ఇండియన్‌ హీరోకీ లేరు. ఈ విషయంపై స్పందిస్తూ.. మహేష్‌ తన ట్విట్టర్‌ ద్వారా అభిమానులకు ధన్యవాదాలు తెలిపాడు. ‘నా ట్వీపుల్‌కి 9 మిలియన్ల ధన్యవాదాలు! ఈ అద్భుతమైన ప్రయాణంలో భాగమైనవాళ్లందరికీ ప్రేమతో నా కృతజ్ఞతలు..’ అంటూ రాసుకొచ్చాడీ హ్యాండ్‌సమ్‌ హంక్‌.

Know More

women icon@teamvasundhara
latest-posts-of-celebrities-on-social-media
women icon@teamvasundhara
latest-posts-of-celebrities-on-social-media

అలాంటి మాటల కంటే మౌనమే మేలు !

ఒకవైపు నటిగా, మరోవైపు నిర్మాతగా నిత్యం బిజీగా ఉంటుంది మంచు లక్ష్మీ ప్రసన్న. తండ్రి మోహన్‌బాబు వారసత్వాన్ని పునికిపుచ్చుకున్నా.. ప్రతిభతో తనకంటూ ఓ ప్రత్యేకతను సంపాదించుకుంది లక్ష్మి. ఇక వృత్తిపరంగా ఎంత బిజీగా ఉన్నా కూతురు విద్యా నిర్వాణతో ఎక్కువ సమయాన్ని గడుపుతుందీ సూపర్‌ మామ్‌. ఇటీవలే ఈ అందాల అమ్మ తన చిట్టిపొట్టి చిన్నారితో కలిసి ‘చిట్టి చిలకమ్మ’ అనే యూట్యూబ్‌ ఛానల్‌ను ప్రారంభించిన విషయం తెలిసిందే. ఇక సోషల్‌ మీడియాలోనూ నిత్యం యాక్టివ్‌గా ఉండే మంచు లక్ష్మి.. సందర్భానికి తగ్గట్లుగా విభిన్న ఫ్యాషనబుల్‌ దుస్తులు ధరిస్తూ ఫ్యాషన్‌ క్వీన్‌గా కూడా పిలిపించుకుంటోంది. ఇలా తాను దిగిన ఫ్యాషనబుల్‌ ఫొటోలను సోషల్‌ మీడియాలో పంచుకున్న ఈ లవ్లీ మామ్‌.. తాజాగా మరో ఫొటోను పంచుకుంది. తాను ట్రెడిషనల్‌గా చీరకట్టులో ముస్తాబై సైడ్‌ లుక్‌లో దిగిన ఫొటోను పంచుకుంటూ.. ‘ఏంటి.. ఆ చూపేంటి’? అంటూ ఫన్నీ క్యాప్షన్‌ను జోడించింది. ఈ లుక్‌లో భాగంగా బ్లూ కలర్‌ చీరలో, బంగారు ఆభరణాల్లో ఎంతో సంప్రదాయబద్ధంగా ముస్తాబైందీ క్యూట్‌ బ్యూటీ.

Know More

women icon@teamvasundhara
latest-posts-of-celebrities-on-social-media

ఇంతకంటే ఇంకేం కావాలి?

టాలీవుడ్‌ క్యూట్‌ కపుల్‌ అల్లు అర్జున్‌- స్నేహల ముద్దుల తనయ అల్లు అర్హకు ఎంతమంది అభిమానులున్నారో ప్రత్యేకించి చెప్పనవసరం లేదు. తమ గారాల పట్టి అర్హకు సంబంధించిన క్యూట్‌ ఫొటోలు, వీడియోలను అప్పుడప్పుడూ సోషల్‌ మీడియాలో అభిమానులతో పంచుకుంటూ మురిసిపోతుంటారీ లవ్లీ కపుల్‌. ఈ క్రమంలో బన్నీ ఇన్‌స్టా వేదికగా తన ముద్దుల పాప అర్హ తనతో ముద్దుముద్దుగా మాట్లాడుతున్న ఒక వీడియోను షేర్‌ చేశాడు. ‘నీ ఫేవరేట్‌ కలర్‌ ఏంటి బే’ అని అల్లు అర్జున్‌ అడగ్గా ‘పింక్‌ బే..’ అంటూ అర్హ ఫన్నీగా సమాధానమిస్తుంది. ఇలా తండ్రీకూతుళ్లిద్దరూ ఒకరినొకరు బే అంటూ సాగే సంభాషణకు సంబంధించిన వీడియోను ఇన్‌స్టాలో పోస్ట్‌ చేసిన ఈ స్టైలిష్‌ డాడ్‌.. ‘తనే నా బే..’ అనే క్యాప్షన్‌తో తండ్రీకూతుళ్ల ప్రేమకు నిదర్శనమిది అనే హ్యాష్‌ట్యాగ్‌ను జతచేశాడు. ప్రస్తుతం ఈ వీడియో నెట్టింట వైరల్‌గా మారింది.

Know More

women icon@teamvasundhara
latest-posts-of-celebrities-on-social-media

women icon@teamvasundhara
latest-posts-of-celebrities-on-social-media

అప్పుడు నాకు మాటలు రావు.!

యాంకర్‌గా, నటిగా ఎంతో బిజీగా ఉండే అనసూయ కాస్త సమయం దొరికిందంటే చాలు కుటుంబంతో కలిసి ఏదో ఒక ప్రదేశానికి వెళుతుంటుంది. తన విహార యాత్రకు సంబంధించిన ఫొటోలను సోషల్‌ మీడియాలో పోస్ట్‌ చేయడం అనసూయకు అలవాటు. ఈక్రమంలోనే ఇన్‌స్టాగ్రామ్‌లో పోస్ట్‌ చేసిన ఓ ఫొటో ఆకట్టుకుంటోంది. తను వెళ్లిన ప్రదేశం ఏంటో చెప్పక పోయినప్పటికీ ప్రకృతి రమణీయతతో ఉన్న ఆ ప్రదేశంలో తలకు క్యాప్‌, చేతులకు గ్లౌజ్‌లు పెట్టుకొని సరికొత్త లుక్‌లో దిగిన ఫొటోను పోస్ట్‌ చేసిన అను.. ‘తరచూ చేసే ప్రయాణాలు.. ఎప్పటికీ అద్భుతంగా ఉంటాయి’ అనే అర్థం వచ్చేలా క్యాప్షన్‌ను జోడించింది.

Know More

women icon@teamvasundhara
latest-posts-of-celebrities-on-social-media

women icon@teamvasundhara
latest-posts-of-celebrities-on-social-media

అందుకు అసలైన ఎనర్జీ ఇదే!

మాధురీ దీక్షిత్‌... ఒకప్పుడు భారతీయ సినీ చరిత్రలో ఈ పేరు ఓ సంచలనం. 90ల్లో కుర్రాళ్లను ఈ పేరు నిద్ర లేకుండా చేసింది. తన అసమాన నటన, అందం, డ్యాన్స్‌తో వెండితెర రాణిగా ఓ వెలుగు వెలిగిందీ అందాల తార. మధ్యలో సినిమాలకు కాస్త విరామం తీసుకున్నా.. ఇప్పుడు మళ్లీ బిజీగా మారి ఈ తరం నాయికలకు కూడా సవాల్‌ విసురుతోందీ బ్యూటీ. కేవలం సినిమాల్లో నటించడమే కాకుండా... సోషల్‌ మీడియాలోనూ చురుగ్గా ఉంటోందీ యమ్మీ మమ్మీ. 52 ఏళ్ల వయసులోనూ ట్రెండీ లుక్‌లో కనిపిస్తూ అందరినీ ఆకట్టుకుంటోంది. ఇక తాజాగా.. మోడ్రన్‌గా ముస్తాబై చేతిలో కాఫీ కప్పు పట్టుకొని స్టైలిష్‌ లుక్‌లో దిగిన ఓ ఫొటోను ఇన్‌స్టాగ్రామ్‌లో పోస్ట్‌ చేసింది మాధురి. ఇక ఆ ఫొటోకు.. ‘కొన్నిసార్లు మీరు చూసే విధానం కొత్తగా ఉండాలి’ అనే క్యాప్షన్‌ను జోడించింది.

Know More

women icon@teamvasundhara
latest-posts-of-celebrities-on-social-media

ఇంతటి ఆనందం ఉండగా... మాటలెందుకు దండగ !

ఎంతో అన్యోన్యంగా ఉంటూ తమ ప్రేమను ఎప్పటికప్పుడు తెలియజేసుకునే సెలబ్రిటీ కపుల్స్‌లో షాహిద్‌ కపూర్‌- మీరా రాజ్‌పుత్‌ జంట ఒకటి. షాహిద్‌ వృత్తిపరంగా ఎంత బిజీగా ఉన్నా తన కుటుంబానికి తగిన సమయం కేటాయిస్తుంటాడు. ఇలా కుటుంబంతో గడిపిన మధుర క్షణాలను ఫొటోల్లో బంధించి ఇన్‌స్టాలో పోస్ట్‌ చేయడం షాహిద్‌ బెటరాఫ్‌ మీరాకు అలవాటే. నేడు షాహిద్‌ పుట్టినరోజు. ఈ సందర్భంగా మీరా ఇన్‌స్టా వేదికగా శ్రీవారికి బర్త్‌డే విషెస్‌ తెలిపింది. వీళ్లిద్దరూ కలిసున్న ఒక అందమైన ఫొటోను ఇన్‌స్టా స్టోరీలో పోస్ట్‌ చేస్తూ.. ‘నా ప్రియమైన వ్యక్తికి పుట్టినరోజు శుభాకాంక్షలు..’ అంటూ ప్రేమగా రాసుకొచ్చిందీ వైఫీ.

Know More

women icon@teamvasundhara
latest-posts-of-celebrities-on-socialmedia

నాలో మీకు తెలిసింది కొంతే.. తెలుసుకోవాల్సింది ఎంతో.!

అలనాటి అందాల తార శ్రీదేవి పేరు తెలియని సగటు సినీ ప్రేక్షకుడు ఉండడనడంలో ఎలాంటి అతిశయోక్తిలేదు. ఎన్నో మరపురాని పాత్రల్లో నటించి యావత్‌ భారతీయ సినిమా ప్రియుల హృదయాల్లో గూడు కట్టుకుందీ అలనాటి తార. దాదాపు ఐదు దశాబ్దాలపాటు వెండితెరను ఏలిన ఈ అతిలోక సుందరి.. తర్వాత కొన్నేళ్లపాటు సినిమాలకు దూరమైంది. ఆపై ‘మామ్‌’ సినిమాతో సెకండ్‌ ఇన్నింగ్స్‌ ప్రారంభించిన విషయం తెలిసిందే. మళ్లీ అభిమానులకు దగ్గరవుతోందనుకున్న సమయంలోనే 2018 ఫిబ్రవరి 24న అందరినీ వదిలేసి దివికేగిందీ దేవకన్య. సోమవారం (ఫిబ్రవరి 24) శ్రీదేవి వర్ధంతి.. ఈ సందర్భంగా ఆమె కూతురు, బాలీవుడ్‌ నటి జాన్వీ కపూర్‌ తల్లితో దిగిన ఓ అందమైన ఫొటోను ఇన్‌స్టాలో పోస్ట్‌ చేసి.. తల్లికి నివాళులర్పించింది. జాన్వీ చిన్నతనంలో శ్రీదేవితో కలిసి సరదాగా దిగిన ఓ బ్లాక్‌ అండ్‌ వైట్‌ ఫొటోను ఇన్‌స్టాగ్రామ్‌లో పోస్ట్‌చేస్తూ.. ‘నిన్ను ప్రతిరోజూ మిస్‌ అవుతూనే ఉన్నానమ్మా’ అని ఎమోషనల్‌ క్యాప్షన్‌ను జోడించింది.

Know More

women icon@teamvasundhara
latest-posts-of-celebrities-on-social-media

గ్లోబల్‌ స్టారా.. మజాకానా?

ఇటు బాలీవుడ్‌లోనూ, అటు హాలీవుడ్‌లోనూ నటిస్తూ గ్లోబల్‌ స్టార్‌గా పేరు సంపాదించుకున్న లవ్లీ బ్యూటీ ప్రియాంక చోప్రా. యువతలో ఈ ముద్దుగుమ్మకున్న క్రేజ్‌ అంతాఇంతా కాదు. ఇక సోషల్‌ మీడియాలో యమ చురుగ్గా ఉంటూ తన వ్యక్తిగత, వృత్తిపరమైన విశేషాలను ఎప్పటికప్పుడు తన ఫ్యాన్స్‌తో పంచుకుంటుందీ స్టార్‌ హీరోయిన్‌. తాజాగా ప్రియాంక ఇన్‌స్టాగ్రామ్‌ ఫాలోవర్ల సంఖ్య ఏకంగా 50 మిలియన్లకు చేరుకుంది. అంతేకాదు.. భారతీయ సెలబ్రిటీల్లో ఇంతమంది సోషల్‌ మీడియా ఫాలోవర్లు విరాట్‌ కోహ్లీ తర్వాత మన పీసీకే ఉండడం విశేషం. 50.3 మిలియన్ల ఫాలోవర్లతో కోహ్లీ మొదటి స్థానంలో ఉండగా, ప్రియాంక.. 50 మిలియన్‌ ఫాలోవర్లతో రెండో స్థానంలో నిలిచింది. మరి గ్లోబల్‌ స్టారా మజాకానా! వీరిద్దరి తర్వాత బాలీవుడ్‌ బ్యూటీ దీపికా పదుకొణెను 44.2 మిలియన్ల మంది ఫాలో అవుతున్నారు.

Know More

women icon@teamvasundhara
latest-posts-of-celebrities-on-socialmedia

నేను ఎంత మంచిదాన్నో మీరే చెప్పండి..!

‘ఆర్‌ఎక్స్‌100’ సినిమాలో విలక్షణ నటన, అందంతో యువ హృదయాలను కొల్లగొట్టింది నటి పాయల్‌ రాజ్‌పుత్‌. ఆ తర్వాత పలు విజయవంతమైన సినిమాల్లో నటించిన ఈ చిన్నది ‘వెంకీమామ’ చిత్రంతో మరో మెట్టెక్కింది. ఇక సినిమాలతో ఎంత బిజీగా ఉన్నా సరే సోషల్‌మీడియాలో నిత్యం యాక్టివ్‌గా ఉంటుంది పాయల్‌. తన వ్యక్తిగత విషయాలతోపాటు లేటెస్ట్‌ ఫొటోలను ఎప్పటికప్పుడు సామాజిక మాధ్యమాల వేదికగా అభిమానులతో పంచుకుంటూనే ఉంటుంది. ఇక తాజాగా షార్ట్‌ హెయిర్‌లో సరికొత్త లుక్‌లో దిగిన ఫొటోలను ఇన్‌స్టాగ్రామ్‌లో పోస్ట్‌ చేసిన పాయల్‌.. ‘మళ్లీ స్కూల్‌ రోజుల్లోకి తిరిగి వెళ్లినట్లుంది... ఈ లుక్‌లో నేను బాగున్నానా? బాలేనా?’ అంటూ రాసుకొచ్చింది.

Know More

women icon@teamvasundhara
latest-posts-of-celebrities-on-social-media

అలాంటి భార్యలందరికీ హ్యాట్సాఫ్‌ !

బాలీవుడ్‌ లవ్లీ కపుల్‌ రణ్‌వీర్‌ సింగ్‌- దీపికా పదుకొణెలు తమ పెళ్లి తర్వాత కలిసి నటిస్తున్న మొదటి చిత్రం ‘83’. భారత దిగ్గజ క్రికెటర్‌ కపిల్‌ దేవ్‌ జీవితం ఆధారంగా తెరకెక్కుతున్న ఈ చిత్రంలో రణ్‌వీర్‌.. కపిల్‌ దేవ్‌ పాత్రలో, దీపిక.. కపిల్‌ దేవ్‌ భార్య రోమీ దేవ్‌ పాత్రలో నటిస్తోన్న విషయం తెలిసిందే. 1983 క్రికెట్‌ వరల్డ్‌ కప్‌ నేపథ్యంలో సాగే ఈ చిత్రం భారీ అంచనాలతో తెరకెక్కుతుంది. అయితే ఈ చిత్రంలో భాగంగా విడుదలైన రణ్‌వీర్‌ సింగ్‌ ఫస్ట్‌ లుక్‌ అటు క్రికెట్‌ అభిమానులను.. ఇటు సినీ ప్రియులను విపరీతంగా ఆకట్టుకోగా.. తాజాగా రోమీ దేవ్‌ పాత్రలో నటిస్తున్న దీపిక ఫస్ట్‌ లుక్‌ని విడుదల చేసింది చిత్రబృందం. ఇద్దరూ ఒకరినొకరు చూస్తూ నవ్వుతోన్న ఈ లవ్లీ లుక్‌ను దీప్‌వీర్‌ తమ ఇన్‌స్టా ఖాతాల ద్వారా పంచుకున్నారు. కాగా దీనిపై స్పందించిన దీప్స్‌.. ‘క్రీడా చరిత్రలో అత్యద్భుతమైన క్షణాలను రంగరించి రూపొందించిన ఈ గొప్ప చిత్రంలో ఒక భాగమైనందుకు నాకెంతో గర్వంగా ఉంది. ఒక భార్య తన భర్త వృత్తిపరమైన, వ్యక్తిగత ఆకాంక్షలను నెరవేర్చుకొని విజయం సాధించడంలో ఎంతటి ముఖ్య పాత్ర పోషిస్తుందో మా అమ్మను చూసి తెలుసుకున్నాను. ఇప్పుడు నేను నటించిన ఈ ‘83’ చిత్రం.. తమ భర్త కలలను తమవిగా భావించి ఆయనకు అనుక్షణం అండగా నిలిచే ప్రతి మహిళ కోసం రూపొందించినది..’ అనే చక్కటి, అర్థవంతమైన క్యాప్షన్‌ను రాసుకొచ్చిందీ బ్యూటిఫుల్‌ వైఫీ.

Know More

women icon@teamvasundhara
latest-posts-of-celebrities-on-socialmedia

‘6+23=29’... ఎన్నో అందమైన జ్ఞాపకాలు!

ఒకప్పుడు టాప్‌ హీరోయిన్లలో ఒకరిగా ఓ వెలుగు వెలిగింది నటి ఛార్మి. ‘అనుకోకుండా ఒక రోజు’, ‘మంత్ర’, ‘జ్యోతి లక్ష్మి’ వంటి లేడీ ఓరియంటెడ్‌ చిత్రాల్లో అద్భుత నటనను కనబరిచి.. నటిగా మంచి పేరు సంపాదించుకుంది. ఇక గత కొన్నేళ్లుగా సినిమాలకు దూరంగా ఉంటూ వస్తోన్న ఛార్మి తాజాగా సినిమా నిర్మాణ రంగంలోకి అడుగు పెట్టిన విషయం తెలిసిందే. దర్శకుడు పూరీజగన్నాథ్‌తో కలిసి ‘పూరి కనెక్ట్స్‌’ బ్యానర్‌పై ఇప్పటికే పలు సినిమాలు నిర్మించిందీ ముద్దుగుమ్మ. ఇక ఇదిలా ఉంటే తాజాగా యంగ్‌ సెన్సేషన్‌ విజయ్‌ దేవరకొండ హీరోగా పూరీజగన్నాథ్‌ దర్శకత్వంలో ఓ సినిమా తెరకెక్కిస్తున్నారు. ప్రస్తుతం ఈ చిత్ర షూటింగ్‌ ముంబయిలో జరుగుతోంది. ఈక్రమంలో ముంబయికి మకాం మార్చిన ఛార్మి.. అక్కడ తెగ సందడి చేస్తోంది. షూటింగ్‌కు సంబంధించిన వివరాలను, ఫొటోలను ఎప్పటికప్పుడు సోషల్‌ మీడియా ద్వారా అభిమానులతో పంచుకుంటోందీ భామ. ఇక తాజాగా షూటింగ్‌ స్పాట్‌లో తన పెంపుడు శునకాలను పట్టుకొని.. నవ్వుతూ దిగిన ఫొటోను ఇన్‌స్టాలో పోస్ట్‌ చేస్తూ.. ‘సంతోషంగా ఉండడానికి ప్రతిఒక్కరూ అర్హులే’ అనే క్యాప్షన్‌ను జోడించింది.

Know More

women icon@teamvasundhara
latest-posts-of-celebrities-on-socialmedia

ఈ అందం.. మీ ప్రతిరూపమే !

అలనాటి సూపర్‌ స్టార్‌ శత్రుఘ్న సిన్హా నట వారసురాలిగా వెండితెరకు పరిచయమైంది బాలీవుడ్ బ్యూటీ సోనాక్షీ సిన్హా. తండ్రి నట వారసత్వాన్ని అందిపుచ్చుకున్న ఈ ముద్దుగుమ్మ ప్రస్తుతం తనకంటూ ఓ ప్రత్యేక గుర్తింపును సంపాదించుకుంది. తొలి సినిమా ‘దబాంగ్‌’తోనే యావత్‌ భారతీయ సినీ ఇండస్ట్రీని తనవైపు తిప్పుకుందీ అందాల తార. ఇటీవల ‘దబాంగ్‌ 3’ చిత్రంతో ప్రేక్షకుల ముందుకు వచ్చిన సోనాక్షి ప్రస్తుతం ‘భుజ్‌: ది ప్రైడ్‌ ఆఫ్‌ ఇండియా’ అనే భారీ చిత్రంలో నటిస్తోంది. ఒకవైపు సినిమాలతో బిజీగా ఉంటూనే మరోవైపు వివిధ వాణిజ్య ప్రకటనల కోసం ఫొటో షూట్‌లలో పాల్గొంటుంది సోనాక్షి. ఇక లేటెస్ట్‌ అవుట్‌ఫిట్స్‌లో దిగిన ఫొటోలు, సినిమా విశేషాలను సోషల్‌మీడియా ద్వారా అభిమానులతో పంచుకునే ఈ ముద్దుగుమ్మ తాజాగా ఇన్‌స్టాగ్రామ్‌లో పోస్ట్‌ చేసిన ఫొటోలు నెటిజన్లను ఎంతగానో ఆకట్టుకుంటున్నాయి. ‘పికాక్‌’ అనే మ్యాగజైన్‌ కోసం దిగిన ఫొటోలను పోస్ట్‌ చేసింది సోనాక్షి. వీటిలో సోనాక్షి ఎంబ్రాయిడరీ లెహెంగాలో తలపై కిరీటాన్ని పోలిన పూలతో అచ్చంగా దేవ కన్యలా కనిపిస్తోంది. మరి ఆ ఫొటోలపై మీరూ ఓ లుక్కేయండి..

Know More

women icon@teamvasundhara
latest-posts-of-celebrities-on-social-media

నాకింకా కొత్తగానే ఉంది..!

డబ్‌స్మాష్‌లతో మొదలై షార్ట్‌ ఫిలిమ్స్‌తో నెటిజన్లకు పరిచయమైంది దీప్తి సునైనా. ఆ తర్వాత ‘బిగ్‌బాస్‌’ సీజన్‌2తో బుల్లితెర ప్రేక్షకులకూ దగ్గరైందీ అందాల తార. బిగ్‌బాస్‌ హౌస్‌లో తనదైన అల్లరి పనులతో అందరినీ ఆకట్టుకున్న దీప్తి ప్రస్తుతం పలు లఘు చిత్రాల్లో నటిస్తోంది. ఇక సోషల్‌ మీడియాలోఎప్పటికప్పుడు తన లేటెస్ట్‌ ఫొటోలను షేర్‌ చేసుకోవడం ఈ అమ్మడికి అలవాటు. ఈక్రమంలో తాజాగా పసుపు రంగు చీరలో స్విమ్మింగ్‌ పూల్‌ పక్కన కూర్చున్న ఫొటోను షేర్‌ చేస్తూ.. ‘నేను ఎప్పటికీ కోల్పోని... తిరిగి పొందాలనుకునే వ్యక్తి.. నేనే!’ అని ఆసక్తికరమైన క్యాప్షన్‌ను జోడించిందీ షార్ట్‌ ఫిలిం క్వీన్‌.

Know More

women icon@teamvasundhara
latest-posts-of-celebrities-on-social-media

అది ఎప్పుడెప్పుడా అని ఆతృతగా ఉంది!

బాలనటిగా వెండితెరకు పరిచయమై.. అగ్ర కథా నాయికల్లో ఒకరిగా పేరు సంపాదించుకుంది నటి మీనా. దక్షిణ సినిమా పరిశ్రమకు చెందిన దాదాపు అందరు అగ్ర హీరోలతో ఆడిపాడిందీ అందాల తార. ఇక 2009లో విద్యాసాగర్‌ను పెళ్లాడిన ఈ తార.. అనంతరం అడపాదడపా సినిమాలు చేస్తూ ప్రేక్షకులను పలకరిస్తూనే ఉంది. తాజాగా ‘కరోలిన్‌ కామాక్షి’ అనే వెబ్‌ సిరీస్‌తో ప్రేక్షకుల ముందుకు వచ్చిందీ బ్యూటిఫుల్‌ హీరోయిన్‌. ఇదిలా ఉంటే ఇప్పటికీ సినిమాలు, వెబ్‌ సిరీస్‌లు అంటూ బిజీగా ఉంటున్న మీనా.. సోషల్‌ మీడియా ద్వారా కూడా ప్రేక్షకులకు రెగ్యులర్‌గా టచ్‌లోనే ఉంటోంది. తన పాత జ్ఞాపకాలతో పాటు ఇటీవల పలు సందర్భాల్లో దిగిన ఫొటోలను ఎప్పటికప్పుడు షేర్‌ చేస్తున్న మీనా తాజాగా ఇన్‌స్టాగ్రామ్‌లో ఓ ఫొటో పోస్ట్ చేసింది. హాఫ్‌వైట్‌ డ్రస్‌లో కుందనపు బొమ్మలా ఉన్న ఫొటోను పోస్ట్‌ చేసిన ఈ అల్లరి పిల్ల.. ‘ఎప్పుడూ నవ్వుతూ ఉండండి..’ అనే క్యాప్షన్‌ను జోడించింది.

Know More

women icon@teamvasundhara
latest-posts-of-celebrities-on-social-media

అప్పట్నుంచీ అదే ఎక్స్‌ప్రెషన్‌.. ఏమీ మారలేదు!

సూపర్‌ స్టార్‌ మహేష్‌ బాబు - అందాల భామ నమ్రతల ముద్దుల తనయ సీతా పాపకు ఎంతమంది అభిమానులున్నారో ప్రత్యేకించి చెప్పనవసరం లేదు. అయితే, ఈ క్యూట్‌ డాల్‌ ఎంత బాగా డ్యాన్స్‌ చేస్తుందో మనందరికీ తెలిసిందే. సితార చేసిన డ్యాన్స్‌ వీడియోలను ఎప్పటికప్పుడు సోషల్‌ మీడియాలో షేర్‌ చేస్తూ మురిసిపోతుంటారు ఆమె పేరెంట్స్‌ మహేష్‌-నమ్రతలు. ఈ క్రమంలో తాజాగా చిన్నారి సితార ‘సరిలేరు నీకెవ్వరు’ చిత్రంలోని బ్లాక్‌బస్టర్‌ సాంగ్‌ ‘డ్యాంగ్‌.. డ్యాంగ్‌..’ పాటకు డ్యాన్స్‌ చేసింది. దీనికి సంబంధించిన వీడియోను నమ్రత ఇన్‌స్టాలో పోస్ట్‌ చేస్తూ ‘నా డ్యాన్సింగ్‌ క్వీన్‌’ అనే హ్యష్‌ట్యాగ్‌ను జతచేసి, ‘ఎంత అద్భుతంగా చేసిందో..’ అంటూ క్యాప్షన్‌ రాసుకొచ్చింది. ఎంతో చూడముచ్చటగా డ్యాన్స్‌ చేస్తున్న సితార అచ్చం తమన్నాలాగే స్టెప్పులేసి ఇరగదీసిందంటూ కామెంట్లు పెడుతున్నారు నెటిజన్లు. మరి, ఈ క్యూట్‌ కిడ్‌ చేసిన డ్యాన్స్‌ వీడియోను మీరూ ఓసారి చూసేయండి.

Know More

women icon@teamvasundhara
latest-posts-of-celebrities-on-social-media

దూరమైపోతే తట్టుకోవాలి... దక్కే వరకు ఎదురుచూడాలి.!

‘ఉల్లాసంగా ఉత్సాహంగా’ సినిమాతో తెలుగు ప్రేక్షకులను మెస్మరైజ్‌ చేసింది నటి స్నేహా ఉల్లాల్‌. ఆకట్టుకునే అందం, అభినయంతో అభిమానులను ఫిదా చేసిందీ చిన్నది. ఇక ఫ్యాన్స్‌ ఈ ముద్దుగుమ్మను ‘జూనియర్‌ ఐశ్వర్య’గా పిలుచుకుంటారన్న విషయం తెలిసిందే. గత కొన్నేళ్లుగా అనారోగ్యం కారణంగా సినిమాలకు దూరంగా ఉంటోన్న ఈ ముద్దుగుమ్మ సోషల్‌మీడియా ద్వారా మాత్రం ఫ్యాన్స్‌తో నిత్యం టచ్‌లోనే ఉంటోంది. ఎప్పటికప్పుడు తన లేటెస్ట్‌ ఫొటోలను ఇన్‌స్టాగ్రామ్‌లో పోస్ట్‌ చేసే ఈ చేప కళ్ల చిన్నది తాజాగా చేసిన పోస్ట్‌ ఆకట్టుకుంటోంది. రెస్టరంట్‌లో కూర్చొని తను ఆర్డర్‌ చేసిన వివిధ పదార్థాలు ముందు పెట్టుకొని సెల్‌ఫోన్‌ను చూస్తున్న ఫొటోను పోస్ట్ చేస్తూ.. ‘ఒక వేళ సెల్‌ఫోన్లు లేకపోతే మనం ఎలా ఉండే వాళ్లమో?’ అంటూ తనను తానే ప్రశ్నించుకొని.. ‘ప్రశాంతంగా ఉండేవాళ్లం’ అంటూ ఫన్నీగా జవాబు కూడా రాసుకొచ్చింది స్నేహ.

Know More

women icon@teamvasundhara
latest-posts-of-celebrities-on-social-media

నా జీవితాన్ని ఎంతో అందంగా మార్చావ్‌ డియర్‌!

అటు టాలీవుడ్‌లోనే కాకుండా బాలీవుడ్‌లో సైతం మన గోవా బ్యూటీ ఇలియానాకు ఎంతమంది అభిమానులున్నారో ప్రత్యేకించి చెప్పనవసరం లేదు. సోషల్‌ మీడియాలో చురుగ్గా ఉంటూ.. తనకు సంబంధించిన ఫొటోలను, వ్యక్తిగత విషయాలను ఎప్పటికప్పుడు షేర్‌ చేస్తూ అభిమానులను అలరిస్తుంటుందీ లవ్లీ బ్యూటీ. ఈ క్రమంలో ఇలియానాను ఇన్‌స్టాగ్రామ్‌లో ఫాలో అయ్యే వారి సంఖ్య తాజాగా 12 మిలియన్లు దాటింది. ఈ సందర్భంగా నాలుగు విభిన్న వీడియోలను పోస్ట్‌ చేసి తన ఆనందాన్ని ఇలా పంచుకుందీ అందాల తార. ‘నన్ను ఫాలో అవుతున్న 12 మిలియన్ల మంది అభిమానులు చూపించే ప్రేమ నాకెంతో గొప్ప అనుభూతినిచ్చింది. ఈ సంతోషాన్ని ఎలా వ్యక్తపరచాలో అర్థం కావట్లేదు..’ అంటూ రాసుకొచ్చిందీ అమ్మడు.

Know More

women icon@teamvasundhara
latest-posts-of-celebrities-on-social-media

కళ్లు చూసేది కొంచెమే.. మనసు పొందేది ఎంతో!

ఎప్పటికప్పుడు తన లేటెస్ట్‌ ఫొటోలను విభిన్నమైన క్యాప్షన్లతో పోస్ట్‌ చేస్తూ.. సోషల్‌ మీడియాలో చురుగ్గా ఉండే నటీమణుల్లో ప్రగ్యా జైస్వాల్‌ ఒకరు. గతకొన్ని రోజులు క్రితం ‘బాలీ’లో హాలీడే ట్రిప్‌ ఎంజాయ్‌ చేసిన ప్రగ్య.. తన టూర్‌కు సంబంధించిన ఫొటోలను ఒక్కొక్కటిగా ఇన్‌స్టాగ్రామ్‌ ద్వారా అభిమానులతో పంచుకుంటోంది. ఈ క్రమంలోనే తాజాగా కొన్ని ఫొటోలను షేర్‌ చేసిందీ ముద్దుగుమ్మ. ఎరుపు రంగు ట్రెండీ డ్రస్‌లో వాటర్‌ఫాల్‌ ముందు హృదయాకారంలో ఉన్న ఓ నిర్మాణం దగ్గర దిగిన ఫొటోను షేర్‌ చేస్తూ.. ‘నీరు ఎక్కడ ఉంటుందో.. హృదయం అక్కడే ఉంటుంది’ అనే అర్థం వచ్చేలా క్యాప్షన్‌ను జోడించింది. ఇక ప్రగ్య కెరీర్‌ విషయానికొస్తే.. 2018లో మంచు విష్ణు హీరోగా నటించిన ‘ఆచారి అమెరికా యాత్ర’ తర్వాత మరే సినిమాలో కనిపించలేదీ ముద్దుగుమ్మ.

Know More

women icon@teamvasundhara
latest-posts-of-celebrities-on-social-media

ఆ దేవుడిని ఇంతకంటే ఇంకేం అడగను!

సమంత, శర్వానంద్‌ జంటగా నటించిన ‘జాను’ చిత్రం ఇటీవలే విడుదలై మంచి టాక్‌ను సొంతం చేసుకున్న విషయం తెలిసిందే. అయితే ఈ సినిమా విజయవంతమైన సందర్భంగా ఈ చిత్ర బృందం తాజాగా సక్సెస్‌ మీట్‌ను ఏర్పాటు చేసింది. ఈ కార్యక్రమంలో పాల్గొన్న అందాల భామ సమంత తన అందంతోనే కాదు.. తన అటైర్‌తోనూ మాయ చేసేసింది. డల్‌ రోజ్‌ కలర్‌ ఇటాలియన్‌ ఆర్గంజా శారీలో ముస్తాబైన సామ్‌.. చక్కటి మేకప్‌తో ఆకట్టుకుంది. అయితే ఆమె చీరపై ముందు భాగంలో పెయింట్‌ చేసిన 'Jaanu' అనే అక్షరాలు, ఫ్లోరల్‌ పెయింటింగ్‌.. వంటివన్నీ చీరకు మరింతగా వన్నెలద్దాయని చెప్పుకోవచ్చు. ఇలా తాను ఎంతో అందంగా ముస్తాబైన ఈ ఫొటోలను సమంత తాజాగా ఇన్‌స్టాలో షేర్‌ చేయగా అవి కాస్తా నెట్టింట్లో వైరల్‌గా మారాయి. మరి, స్పెషల్ లుక్‌లో ముస్తాబైన సామ్‌ ఫొటోలపై మీరూ ఓ లుక్కేసేయండి.

Know More

women icon@teamvasundhara
latest-posts-of-celebrities-on-social-media

వన్నె తగ్గని అందం..!

‘మహానటి’ సినిమాతో యావత్‌ భారతీయ సినీ పరిశ్రమను ఒక్కసారి తనవైపు తిప్పుకుంది నటి కీర్తిసురేష్‌. తన అసమాన నటనతో అలనాటి నటి ‘సావిత్రి’ పాత్రకు ప్రాణం పోసిన కీర్తి ఈ సినిమాతో ‘జాతీయ ఉత్తమ నటిగా’ ఎంపికైన విషయం తెలిసిందే. ఇక తాజాగా ‘మిస్‌ ఇండియా’ అనే మరో లేడీ ఓరియెంటెడ్‌ సినిమాలో నటిస్తోందీ చెన్నై చిన్నది. ఈ చిత్రానికి సంబంధించి ఇప్పటికే విడుదల చేసిన టీజర్‌, ‘ఓ లచ్చా గుమ్మడి’ పాట సినిమాపై ఆసక్తిని పెంచేశాయి. ఇదిలా ఉంటే తాజాగా చిత్రయూనిట్‌ సినిమాలోని మరో లిరికల్‌ పాటను విడుదల చేసింది. ‘కొత్తగా.. కొత్తగా.. కొత్తగా.. రంగులే నింగిలో పొంగే సారంగమై..!’ అని సాగే పాటలోని చరణాలు శ్రోతలను ఆకట్టుకుంటున్నాయి. థమన్‌ ట్యూన్‌ కంపోజ్‌ చేసిన ఈ పాటకు కళ్యాణ్‌ చక్రవర్తి లిరిక్స్‌ రాశారు. ఇక శ్రేయా ఘోషల్‌ గొంతుకు ప్రేక్షకులు ఫిదా అవుతున్నారు. మరి ఈ పాటను ఓసారి మీరూ వినేయండి..

Know More

women icon@teamvasundhara
latest-posts-of-celebrities-on-social-media

అతను.. ఆమె.. ఓ వెకేషన్‌!

బాలీవుడ్‌ గ్లామరస్‌ కపుల్‌ అనగానే టక్కున గుర్తొచ్చే జంట రణ్‌వీర్‌ సింగ్‌ - దీపికా పదుకొణె. భార్యాభర్తలు అన్యోన్యంగా ఎలా ఉండాలో ఈ అందమైన జంటను చూస్తే ఎవరికైనా ఇట్టే అర్థమైపోతుంది. వృత్తిపరంగా సినిమాలతో ఎంతో బిజీగా ఉండే ఈ అందాల జంట వీలు చిక్కినప్పుడల్లా విభిన్న పర్యటక ప్రదేశాల్లో ఎంజాయ్‌ చేస్తుంటుంది. ఈ క్రమంలోనే తమ బిజీ లైఫ్‌స్టైల్‌ నుంచి కాస్త విరామం తీసుకొని వెకేషన్‌కు చెక్కేసిందీ ముద్దుల జంట. ఈ విషయాన్ని స్వయంగా దీపిక తన ఇన్‌స్టా ఖాతా ద్వారా పంచుకుంది. తామిద్దరి పాస్‌పోర్ట్‌లను క్లిక్‌మనిపించిన ఫొటోను పోస్ట్‌ చేసిన దీప్స్‌.. ‘అతను, ఆమె.. ఓ వెకేషన్‌’ అనే అర్థం వచ్చేట్లుగా క్యాప్షన్‌ రాసుకొచ్చింది.

Know More

women icon@teamvasundhara
latest-posts-of-celebrities-on-social-media

నా ప్రేమ రోజురోజుకీ రెట్టింపవుతోంది!

నేహా ధూపియా- అంగద్‌ బేడీ.. పరిచయం అవసరం లేని బాలీవుడ్‌ బ్యూటిఫుల్‌ కపుల్‌ వీరు. 2018, మేలో అత్యంత రహస్యంగా వివాహమాడిన ఈ చూడముచ్చటైన జంట.. అదే ఏడాది నవంబర్‌లో మెహ్ర్‌ అనే ముద్దుల పాపాయికి జన్మనిచ్చిన విషయం తెలిసిందే. సందర్భమేదైనా ఈ క్యూట్‌ కపుల్‌ తమ మధ్య ఉన్న ప్రేమను ఫొటోలు, వీడియోల రూపంలో ఎప్పటికప్పుడు సోషల్‌ మీడియా వేదికగా పంచుకుంటూ తమ దాంపత్య బంధాన్ని నిత్యనూతనం చేసుకుంటున్నారు.. తమ ఫ్యాన్స్‌కు దాంపత్య పాఠాలు నేర్పుతున్నారు. ఈరోజు అంగద్‌ పుట్టినరోజు.. ఈ సందర్భంగా తన భర్తకు విషెస్‌ చెబుతూ ఇన్‌స్టాలో ఓ లవ్లీ పోస్ట్‌ పెట్టింది నేహ.

Know More

women icon@teamvasundhara
latest-posts-of-celebrities-on-socialmedia

ఇక చాలని ఎప్పుడూ అనలేను..!

‘ఆర్‌ఎక్స్‌-100’ సినిమాతో కుర్రకారు మతి పోగొట్టింది నటి పాయల్‌ రాజ్‌పుత్‌. ఈ సినిమాలో తన అందం, హాట్‌నెస్‌తో తాను పలికించిన హావభావాలు ప్రేక్షకులను మెస్మరైజ్‌ చేశాయని చెప్పవచ్చు. ఇక తెలుగులో ప్రస్తుతం వరుస అవకాశాలు అందుకుంటోన్న ఈ ముద్దుగుమ్మ సోషల్‌ మీడియాలోనూ చాలా క్రియాశీలకంగా ఉంటుంది. సినిమా విశేషాలతోపాటు, తన వ్యక్తిగత ఫొటోలను ఎప్పటికప్పుడు నెటిజన్లతో పంచుకునే పాయల్‌ తాజాగా ఇన్‌స్టాగ్రామ్‌లో కొన్ని ఫొటోలను పోస్ట్‌ చేసింది. చేతిలో గోల్‌గప్పా (పానీపూరీ) పట్టుకొని దాన్ని చూస్తూ కొంటెగా కన్ను కొడుతున్న ఓ ఫొటోను పోస్ట్‌ చేస్తూ ‘గోల్‌గప్పా... వీటిని తినేటప్పుడు ఇకచాలని నేనెప్పుడూ అనలేను’ అంటూ రాసుకొచ్చిందీ అందాల తార.

Know More

women icon@teamvasundhara
latest-posts-of-celebrities-on-social-media

చివరిదాకా నీతోనే ఉంటానని మాటిస్తున్నా డియర్‌!

తమ మొదటి సినిమా ‘తుఝే మేరీ కసమ్‌’తో పరిచయమై, ఆ స్నేహబంధాన్ని ప్రేమగా మార్చుకొని 2002లో పెళ్లిపీటలెక్కారు బాలీవుడ్‌ బ్యూటిఫుల్‌ కపుల్‌ జెనీలియా-రితేశ్‌ దేశ్‌ముఖ్‌. అయితే ఈ జంట వివాహ బంధంలోకి అడుగుపెట్టి నిన్నటితో ఎనిమిది సంవత్సరాలు పూర్తయింది. ఈ సందర్భంగా తామిద్దరూ వివిధ సందర్భాల్లో దిగిన కొన్ని ఫొటోలను కొలేజ్‌ చేసి రూపొందించిన వీడియోను ఇన్‌స్టాలో షేర్‌ చేస్తూ తన భర్తకు పెళ్లి రోజు శుభాకాంక్షలు తెలిపింది జెన్నీ. వీడియో షేర్‌ చేస్తూ.. ‘నా ప్రియమైన భర్తకు భార్యగా ఉండడమంటే నాకెంతో ఇష్టం. చివరిదాకా నీతోనే ఉంటానని, రాబోయే రోజులు ఇంకా అద్భుతంగా ఉంటాయని నీకు మాటిస్తున్నాను. పెళ్లిరోజు శుభాకాంక్షలు..’ అంటూ ప్రేమగా రాసుకొచ్చిందీ లవ్లీ బ్యూటీ.

Know More

women icon@teamvasundhara
latest-posts-of-celebrities-on-socialmedia

తను నా ప్రేమను అంగీకరించింది ..!

‘ముద్దపప్పు ఆవకాయ’ వెబ్‌సిరీస్‌తో తెలుగు ప్రేక్షకులకు పరిచయమైంది మెగాడాటర్‌ నిహారిక. ఇక ‘ఒక మనసు’ సినిమాలో తన సహజ నటనతో అందరినీ ఆకట్టుకుందీ క్యూట్‌ బ్యూటీ. నిహారిక గతేడాది ‘సూర్యకాంతం’, ‘సైరా’ చిత్రాలతో ప్రేక్షకులను పలకరించిన విషయం తెలిసిందే. ఇక ఇదిలా ఉంటే ఎప్పుడూ సోషల్‌ మీడియాలో యాక్టివ్‌గా ఉండే నిహారిక తన కుటుంబంతో, సోలోగా దిగిన ఫొటోలను ఎప్పటికప్పుడు అభిమానులతో పంచుకుంటుంది. అయితే ఇప్పటి వరకు కాస్త ట్రెడిషనల్‌ లుక్‌లోనే కనిపించిన నిహారిక తాజాగా హాట్‌ ఫొటోలను పోస్ట్‌ చేసి అందరినీ ఆశ్చర్యానికి గురిచేసింది. ఆకుపచ్చ రంగు వన్‌-షోల్డర్‌ డ్రస్‌లో హాట్‌ హాట్‌గా పోజులిచ్చిందీ మెగాడాటర్‌. ఇక ఈ ఫొటోలను చూసిన కొందరు నెటిజన్లు ‘నిజంగా ఇది నువ్వేనా?’, ‘బ్యూటిఫుల్‌ గర్ల్‌’, ‘ఈ ఫొటోలో అలియాభట్‌లా కనిపిస్తున్నావు’ అంటూ కామెంట్లు పెడుతున్నారు. ప్రస్తుతం సోషల్‌ మీడియాలో వైరల్‌గా మారిన ఈ ఫొటోలపై మీరూ ఓ లుక్కేయండి..

Know More

women icon@teamvasundhara
latest-posts-of-celebrities-on-social-media

‘వాటే బ్యూటీ... నువ్వు యాడ ఉంటే ఆడ్నే ఊటీ’..!

‘కంచె’ చిత్రంతో తెలుగు ప్రేక్షకులకు దగ్గరైంది నటి ప్రగ్యా జైస్వాల్‌. తన అందం, అభినయంతో ప్రేక్షకులను ఆకట్టుకునే ఈ నటి సోషల్‌ మీడియాలో ఎప్పుడూ యాక్టివ్‌గానే ఉంటుంది. తన సినిమా విశేషాలతో పాటు విహారయాత్రలకు సంబంధించిన వివరాలను ఎప్పటికప్పుడు సామాజిక మాధ్యమాల ద్వారా అభిమానులతో పంచుకుంటుందీ ముద్దుగుమ్మ. తన పుట్టినరోజు (జనవరి 12) వేడుకలను పురస్కరించుకొని కొన్ని రోజులపాటు ‘బాలీ’లో విహరించిందీ భామ. అయితే విహారయాత్రలో భాగంగా గడిపిన కొన్ని మధుర జ్ఞాపకాలను తాజాగా అభిమానులతో పంచుకుంది ప్రగ్య. నీలి, తెలుపు రంగు చెక్స్‌ షార్ట్‌ డ్రస్‌లో కళ్లకు బ్లాక్‌ షేడెడ్‌ గాగుల్స్‌ పెట్టుకుని ట్రెండీ లుక్‌లో దిగిన ఓ ఫొటోను ఇన్‌స్టాగ్రామ్‌లో పోస్ట్‌ చేస్తూ ‘వై-ఫైలేని చోట విహరిద్దాం..! నా జీవితంలో అత్యుత్తమ బర్త్‌డే వెకేషన్‌ ఇదే!! బాలీ నాకెంతో నచ్చింది!!’ అంటూ ఆసక్తికరమైన క్యాప్షన్‌ను జోడించిందీ ముద్దుగుమ్మ.

Know More

women icon@teamvasundhara
latest-posts-of-celebrities-on-social-media

నా గురించి తెలుసుకోవాలనుందా.. అయితే అడిగేయండి!

సక్సెస్‌ఫుల్‌ బిజినెస్‌ ఉమన్‌గానే కాదు.. సమాజ సేవలోనూ ముందు వరుసలో ఉంటుంది కొణిదెల వారి కోడలు పిల్ల ఉపాసన కామినేని. ఈ క్రమంలోనే ఆరోగ్యం, ఫిట్‌నెస్‌, జంతు సంరక్షణ, పర్యావరణ పరిరక్షణ.. వంటి ఎన్నో అంశాలపై స్పందిస్తూ సోషల్‌ మీడియాలో పోస్టులు పెట్టే ఉప్సీ.. తాజాగా మరో ఆలోచింపజేసే పోస్టుతో మన ముందుకొచ్చింది. ‘రామచిలుక ఆంధ్రప్రదేశ్‌ రాష్ట్ర పక్షని మీకు తెలుసా! కృష్ణ జింక ఆంధ్రప్రదేశ్‌ రాష్ట్ర జంతువని మీకు తెలుసా! రామచిలుకను బంధించడం నేరమని, అందుకు 6 సంవత్సరాల వరకు జైలు శిక్ష పడే అవకాశముందని మీకు తెలుసా? అందుకే ముందుగా జంతు సంరక్షణ గురించి అవగాహన పెంచుకోండి.. రామచిలుకలను స్వేచ్ఛగా వదిలేయాలే గానీ వాటిని మన ఆనందం కోసమో, జాతకాలు చెప్పించడం కోసమో బంధించకూడదు. ఎవరైనా ఇలా బంధిస్తే మాకు తెలియజేయండి, జంతు సంరక్షణ కోసం మీ వంతు కృషి చేయండి. ఈ ఫొటో తీసేటప్పుడు ఎలాంటి పక్షులకు / జంతువులకు హాని తలపెట్టలేదు. ఇది కేవలం గ్రాఫిక్స్‌ మాత్రమే..’ అంటూ పేర్కొందీ బ్యూటిఫుల్‌ లేడీ.

Know More

women icon@teamvasundhara
latest-posts-of-celebrities-on-social-media

జాను.. ఐలవ్యూ!

‘జాను’ సినిమాతో త్వరలోనే ప్రేక్షకుల ముందుకు రావడానికి సిద్ధమవుతోంది నటి సమంత. తాజాగా చిత్ర ప్రమోషన్లలో పాల్గొంటున్న సామ్‌ ఆ విశేషాలను ఎప్పటికప్పుడు సోషల్‌ మీడియా ద్వారా అభిమానులతో పంచుకుంటోంది. ఇక సమంత ఫ్యాన్‌ ఫాలోయింగ్‌ గురించి ప్రత్యేకంగా చెప్పాల్సిన అవసరం లేదు. హీరోలతో సమానమైన క్రేజ్‌ సామ్‌ సొంతం. తాజాగా సమంత అభిమాని ఒకరు సోషల్‌ మీడియాలో పోస్ట్‌ చేసిన ఓ వీడియోనే ఇందుకు ప్రత్యక్ష నిదర్శనం. ప్రస్తుతం నెట్టింట్లో హల్‌చల్‌ చేస్తోన్న ఈ వీడియోపై ఏకంగా సమంతనే స్పందించడం విశేషం. నోట్‌బుక్‌ పేజీలను ‘ఐలవ్యూ సామ్‌’తో నింపి.. మధ్యలో రెడ్‌ పెన్నుతో ‘జాను’ అని రాసి, ఆ పక్కనే రెడ్‌ కలర్‌ లవ్‌ సింబల్‌ వేసిన పుస్తకంలోని పేజీల్ని చూపిస్తున్న వీడియోను ఓ అభిమాని ట్విట్టర్‌లో పోస్ట్‌ చేశాడు. దీంతో పాటు ‘ఇది రాయడానికి నాకు మూడు గంటలకుపైగా సమయం పట్టింది. మా అమ్మ తిడుతున్నా కూడా నేను రాయడం ఆపలేదు. నీపై నాకున్న ప్రేమ ఎప్పటికీ ఆగిపోని ప్రయాణం లాంటిది సామ్‌’ అంటూ రాసుకొచ్చాడు. ఇక ఈ పోస్ట్‌ను సమంత రీట్వీట్‌ చేస్తూ.. ‘మీ అమ్మ నాపై కచ్చితంగా కోపగించుకుంటుంది. నువ్వు నాపై చూపిస్తున్న ప్రేమకు కృతజ్ఞురాలిని. కానీ ముందు నువ్వు బాగా చదువుకో ప్లీజ్‌’! అంటూ క్యాప్షన్‌ను జోడించిందీ బ్యూటిఫుల్‌ యాక్ట్రెస్‌.

Know More

women icon@teamvasundhara
latest-posts-of-celebrities-on-social-media

నా వైపు ఓ చూపు అప్పు ఇవ్వలేవా?

క్రికెట్ అంటే పురుషుల క్రీడ అనే భావన పోయి.. మహిళల క్రికెట్‌నూ ఆస్వాదించే శుభతరుణం వచ్చేసింది. అందుకు కారణం మన భారత మహిళల క్రికెట్‌ జట్టు సాధిస్తోన్న అపురూప విజయాలే అనడంలో సందేహం లేదు. పురుషులకు తామేమీ తక్కువ కాదని నిరూపిస్తూనే.. జట్టు సారథిగా దేశానికి ఎన్నో మరపురాని విజయాల్ని సాధించి పెట్టిన ఘనత ది వన్‌ అండ్‌ ఓన్లీ మిథాలీ రాజ్‌కే దక్కుతుందని చెప్పడం అతిశయోక్తి కాదు. రెండు దశాబ్దాల పాటు వన్డే క్రికెట్‌ ఆడిన తొలి మహిళా క్రికెటర్‌గా ఘనత సాధించి ఎంతోమందికి ఆదర్శంగా నిలిచిందీ హైదరాబాదీ. ఇలా భారతీయ క్రికెట్‌ చరిత్రలో తనకంటూ ఓ అధ్యాయాన్ని లిఖించుకుంది కాబట్టే ప్రస్తుతం ఆమె జీవితకథ వెండితెరపై ప్రదర్శితమయ్యేందుకు రడీ అవుతోంది. తాప్సీ లీడ్‌ రోల్‌ పోషిస్తోన్న ఈ సినిమాకు ‘శెభాష్‌ మిథూ’ అనే టైటిల్‌ను కూడా ఖరారు చేశారు. అయితే తాజాగా ఈ సినిమా ఫస్ట్‌ లుక్‌ను విడుదల చేసింది చిత్రబృందం. ఈ విషయాన్ని తాప్సీ ఇన్‌స్టాగ్రామ్‌ వేదికగా పంచుకుంది. అచ్చం మిథాలీలా జెర్సీ, క్యాప్‌ ధరించి.. ఆమెలా షాట్‌ కొడుతున్నట్లుగా ఉన్న ఈ ఫొటో అటు క్రికెట్‌ అభిమానుల్ని, ఇటు సినీ ఫ్యాన్స్‌ను విపరీతంగా ఆకట్టుకుంటోంది. ఇక తాప్సీ ఈ ఫొటోను ఇన్‌స్టాలో పోస్ట్‌ చేస్తూ.. ‘మీ ఫేవరెట్‌ పురుష క్రికెటర్‌ ఎవరు అని ఎప్పుడూ నన్ను అడిగేవారు. కానీ మీరు మాత్రం ఇప్పటినుంచి మీ ఫేవరెట్‌ మహిళా క్రికెటర్‌ ఎవరు అని అడగండి. ఈ ప్రశ్న.. వారు ప్రేమించేది ఆటనా లేదంటే ఆడే వ్యక్తినా (జెండర్‌) అన్నది ఎవరికి వారే ఆత్మపరిశీలన చేసుకునేలా చేస్తుంది. కెప్టెన్‌.. ఆటను మార్చేసే (గేమ్‌ ఛేంజర్‌) అద్భుతమైన శక్తి నీకు మాత్రమే సొంతం..’ అంటూ ఆఖర్లో మిథాలీని ప్రశంసల్లో ముంచెత్తిందీ అందాల తార.

Know More