సినిమాల పరంగా ఎంత బిజీగా ఉన్నప్పటికీ సోషల్‌ మీడియాను నిర్లక్ష్యం చేయని నటీమణుల్లో అందాల తార జాన్వీ కపూర్‌ ఒకరు. తన వృత్తిగత, వ్యక్తిగత విషయాలతో పాటు తను పాల్గొనే ఫొటోషూట్లకు సంబంధించిన ఫొటోలను కూడా ఎప్పటికప్పుడు అభిమానులతో పంచుకొంటుంటుంది జాన్వీ. ఈ క్రమంలో తన లేటెస్ట్‌ ఫొటోలను ఇన్‌స్టాలో షేర్‌ చేస్తూ ‘వైట్‌ సూట్‌ ధరించి జెట్‌ ల్యాగ్‌తో ఫైట్‌ చేస్తున్నా..!’ అని క్యాప్షన్‌ ఇచ్చిందీ బ్యూటీ.

వృత్తిగత జీవితాన్ని, వ్యక్తిగత జీవితాన్ని.. సమానంగా ఎంజాయ్‌ చేసే నటీమణుల్లో టాలీవుడ్‌ తలైవి సమంత ఒకరు. ఎప్పుడూ షూటింగ్స్‌తో బిజీగా ఉండే ఈ తార.. కొంచెం విరామం లభించినా హాలిడే ట్రిప్స్‌కి ప్లాన్‌ చేస్తుంటుంది. ఈ క్రమంలో సామ్‌ ప్రస్తుతం తన భర్త నాగ చైతన్యతో కలిసి సింగపూర్‌లో వెకేషన్‌ ఎంజాయ్‌ చేస్తోంది. ఈ సందర్భంగా తీసిన ఫొటోలను తను ఎప్పటికప్పుడు సోషల్‌ మీడియాలో పోస్ట్‌ చేస్తోంది.

‘ధడక్‌’ విజయం తర్వాత జాన్వీ తన కెరీర్‌ను జాగ్రత్తగా ప్లాన్‌ చేసుకొంటోంది. ఈ క్రమంలో తను ప్రస్తుతం నటిస్తోన్న ‘ఘోస్ట్‌ స్టోరీస్‌’ చిత్రం డిజిటల్‌ ప్లాట్‌ఫాంలో విడుదల కానుంది. ఈ సినిమాకు సంబంధించిన ఓ ఆసక్తికరమైన అప్‌డేట్‌ను జాన్వీ తాజాగా సోషల్‌ మీడియా ద్వారా అభిమానులతో పంచుకొంది. ‘జోయా అక్తర్‌ దర్శకత్వంలో నేను నటిస్తోన్న ‘ఘోస్ట్‌ స్టోరీస్‌’ సినిమా ఈ న్యూ ఇయర్‌ సందర్భంగా జనవరి 1 మధ్యరాత్రి 12:00 గంటలకు నెట్‌ఫ్లిక్స్‌లో విడుదల కానుంది. కొత్త సంవత్సరానికి ఈ సినిమాతో ఆహ్వానం పలకండి’ అని రాసుకొచ్చింది జాన్వీ. తను ప్రస్తుతం ‘గుంజన్‌ సక్సేనా’, ‘దోస్తానా 2’ చిత్రాల్లో కూడా నటిస్తోంది.

‘అల వైకుంఠపురములో’.. ఇంకా సినిమా విడుదల కాకముందే ఎన్నో రికార్డులను సొంతం చేసుకుందీ చిత్రం. ఇందులో అల్లు అర్జున్‌ సరసన పూజా హెగ్డే హీరోయిన్‌గా నటిస్తున్న విషయం తెలిసిందే. అయితే తాజాగా షూటింగ్‌ తర్వాత అందరూ కలిసి గ్రూప్‌గా తీయించుకున్న ఫొటోను తన ట్విట్టర్‌ ఖాతాలో షేర్‌ చేస్తూ.. ‘కుటుంబ చిత్రాన్ని చూసినట్టుంది. ఫన్‌, ట్యాలెంట్‌ కలగలిసిన ఈ చిత్ర బృందంతో పని చేయడం నాకెంతో ఆనందంగా ఉంది. ఈరోజు సుశాంత్‌, నివేదా మిస్‌ అయ్యారు’ అంటూ క్యాప్షన్‌ జత చేసింది పూజ. ఈ సినిమా సంక్రాంతి కానుకగా ప్రేక్షకుల ముందుకు రానుంది.

సోషల్‌ మీడియా వచ్చాక సినిమా సెలబ్రిటీలకు మాత్రమే కాదు వాళ్ల పిల్లలకు కూడా ఫాలోయింగ్‌ అధికంగా పెరుగుతోంది. తమ పిల్లలకు సంబంధించిన ప్రతి విషయాన్నీ సోషల్‌ మీడియా ద్వారా పంచుకొంటూ వాళ్లని మరింత పాపులర్‌ చేస్తున్నారు సెలబ్రిటీలు. ఈ క్రమంలో స్టైలిష్‌ స్టార్‌ అల్లు అర్జున్‌, స్నేహల కుమార్తె అల్లు అర్హ కూడా సోషల్‌ మీడియాలో ఓ చిన్నపాటి సెలబ్రిటీగా మారిన సంగతి తెలిసిందే. ఈరోజు (నవంబర్‌ 21) అర్హ తన మూడవ పుట్టినరోజును జరుపుకొంది. ఈ సందర్భంగా తమ గారాల పట్టికి సోషల్‌ మీడియా ద్వారా బర్త్‌డే విషెస్‌ తెలిపారు బన్నీ దంపతులు. ‘నా క్యూట్‌ ఏంజెల్‌ అర్హ బేబీకి పుట్టినరోజు శుభాకాంక్షలు..!’ - బన్నీ ‘హ్యాపీ బర్త్‌డే అర్హ..!’ - స్నేహ

బాలీవుడ్‌లోని అందమైన జంటల్లో సోనమ్‌ కపూర్‌-ఆనంద్‌ అహుజా జంట ఒకటి. ఎక్కడికి వెళ్లినా జంటగా కనిపిస్తూ అందరినీ అలరిస్తుంటారు. ఎప్పటికప్పుడు కొత్త ప్రదేశాలను సందర్శిస్తూ, అలాగే ప్రతి సందర్భాన్ని కలిసి జరుపుకుంటూ.. దాంవత్యబంధాన్ని నిత్యనూతనంగా ఎలా గడపాలో పాఠాలు నేర్పిస్తున్నారు. సోషల్‌ మీడియాలో ఎప్పుడూ యాక్టివ్‌గా ఉండే ఈ జంట... తరచూ వారికి సంబంధించిన విశేషాలను తమ అభిమానులతో షేర్‌ చేసుకుంటారు. తాజాగా తమ విహారయాత్రకు సంబంధించిన విశేషాలను పోస్ట్‌ చేసి ‘మా బంధం ఎప్పటికీ నిత్యనూతనమే’ అని చెప్పకనే చెప్పారు. లాస్‌ ఏంజెల్స్‌లోని రుయాన్‌ క్యాన్యాన్‌ పార్క్‌లో సరదాగా ఎంజాయ్‌ చేస్తున్న ఫొటోను సోనమ్‌ భర్త ఆనంద్‌ తన ఇన్‌స్టాలో పోస్ట్‌ చేశారు. మీరు కూడా ఈ అందమైన జోడీని ఓసారి చూడండి!

అర్జున్ రెడ్డి రీమేక్ 'కబీర్ సింగ్'లో ప్రీతిగా నటించి బాలీవుడ్‌లో స్టార్ హాదాను సంపాదించింది కియారా. బాలీవుడ్‌లో సోలోగా నటిస్తూనే ఇటు తెలుగుతో పాటు బాలీవుడ్ పెద్ద హీరోలతో కూడా బిజీ అయిపోయింది. అక్షయ్‌కుమార్, కరీనా కపూర్‌లతో కలిసి ఆమె నటించిన 'గుడ్ న్యూస్' ముగింపు దశకు చేరుకుంది. ఈ చిత్రం డిసెంబర్ 27న విడుదలవుతుండగా ప్రచారంలో భాగంగా ఇటీవలే ఒక పోస్టర్‌ను విడుదల చేశారు చిత్ర నిర్మాతలు. ఇందులో కరీనాతో పాటు కియారా గర్భవతిగా కనిపించి అందరినీ ఆశ్చర్యపరిచింది. ఈ చిత్రాన్ని ఇన్‌స్టాగ్రామ్‌లో షేర్ చూస్తూ ఈ డబుల్ ట్రబుల్ గురించి తెలుసుకోవాలంటే డిసెంబర్ 27 వరకు ఆగాల్సిందే అంటోంది. క్రిస్మస్ సందర్భంగా విడుదలవుతున్న ఈ చిత్రం సల్మాన్ ఖాన్ 'దబాంగ్ 3'తో పోటీ పడుతుండడం విశేషం.