scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'అన్ని కష్టాలు భరించినా చివరికి ‘అమ్మే’ గెలిచింది!'

'కుటుంబాన్ని పోషించడం, ఇంటిని చక్కబెట్టడం, పిల్లల్ని పెంచడం.. మొదలైన విషయాల్లో భార్యభర్తల బాధ్యత సమానంగా ఉంటుంది. ఒకవేళ భర్త సంపాదించడం చేతకాని అసమర్థుడైతే ఆ బాధ్యతలను పూర్తిగా భార్యే స్వీకరిస్తుంది. కానీ, తను సంపాదించకపోగా భార్య సంపాదనను కూడా తన స్వార్థం కోసం వాడుకొనే భర్త ఉంటే.. ఇక ఆ ఇల్లాలు, పిల్లలు అనుభవించే వేదన మాటల్లో చెప్పలేం..! అలాంటి నరకాన్ని తన తల్లి కూడా అనుభవించిందని చెబుతోంది ఓ యువతి. అయినా వాటికి వెరవకుండా ఎన్నో కష్టాలకోర్చి ప్రస్తుతం సొంత గుర్తింపు సంపాదించుకున్న అమ్మే తనకు అన్ని విధాలా స్ఫూర్తి ప్రదాత అంటూ.. ‘మాతృ దినోత్సవం’ సందర్భంగా తన హృదయరాగం మనందరితో పంచుకోవడానికి ఇలా మన ముందుకొచ్చింది.'

Know More

Movie Masala

 
category logo

అవంటే నాకు చచ్చేంత భయం!

Shruthi Haasan interacting with Twitter fans in Telugu

కమల్‌ హాసన్‌ కూతురిగా సినిమా ఇండస్ట్రీలోకి అడుగుపెట్టినా తనకంటూ ఓ ప్రత్యేక గుర్తింపు తెచ్చుకుంది శృతిహాసన్‌. అందం, అభినయంతోనే కాకుండా సింగర్‌గా, మ్యూజిక్‌ కంపోజర్‌గా సత్తా చాటి.. మల్టీ ట్యాలెంటెడ్‌గా పేరు తెచ్చుకుంది. ఇక చిన్నప్పటి నుంచి స్వతంత్ర భావాలున్న ఈ సొగసరికి.. ఏ విషయమైనా ముక్కుసూటిగా మాట్లాడడం అలవాటు. ఇటీవల ‘వకీల్‌ సాబ్‌’తో కలిసి ప్రేక్షకులను పలకరించిన ఈ అమ్మడు తాజాగా ట్విట్టర్‌ వేదికగా అభిమానులతో ముచ్చటించింది. అభిమానులు అడిగిన పలు ప్రశ్నలు, సందేహాలకు ఆసక్తికరంగా సమాధానాలిచ్చింది. మరి శృతి, ఆమె ఫ్యాన్స్‌ ఏం మాట్లాడుకున్నారో మనమూ తెలుసుకుందాం రండి..


నెటిజన్‌ : మీరు కొవిడ్‌ వ్యాక్సిన్‌ తీసుకున్నారా?
శృతి : ఇంకా లేదు. ఎందుకంటే వయసు కారణంగా కరోనా టీకా తీసుకునే అవకాశం నాకు రాలేదు. అర్హత సాధించిన వెంటనే వ్యాక్సిన్‌ తీసుకుంటాను.
మమ్మల్ని ఎప్పుడు కలుస్తారు?
నేనిప్పుడు ఎవర్నీ కలవలేను. కొవిడ్‌ ఇంకా మన మధ్యనే ఉంది కదా..!
స్కూల్‌లో మీకు ఇష్టమైన సబ్జెక్ట్‌?
హిస్టరీ, బయాలజీ.


ఇతరులను భయపెట్టేలా మీరు చేసే పని ఏంటి?
నాలో నేను మాట్లాడుకుంటుంటాను (స్మైలీ ఎమోజీ)


కమల్‌ సర్‌ నుంచి మీరెలాంటి విషయాలు నేర్చుకున్నారు?
ఎవరిని వారు ప్రశ్నించుకోవడం.. ఎప్పటికీ వెనకడుగు వేయకపోవడం!
మీరు జీవితంలో ఎప్పుడైనా పశ్చాత్తాప పడిన సందర్భాలున్నాయా?
కొన్ని ఉన్నాయి. అయితే మరీ అంత బాధపడిన సందర్భాలేమీ లేవు. నిజం చెప్పాలంటే మనం నేర్చుకునే ప్రతిదీ ఓ గుణపాఠమే!


ఎందుకు తరచుగా నలుపు రంగు దుస్తులే ధరిస్తుంటారు?
బ్లాక్ కలర్‌ అవుట్‌ ఫిట్స్‌ నాకు బాగా సూట్‌ అవుతాయి. వాటిలో ఎంతో అందంగా కనిపిస్తుంటాను. పైగా నేను ఏదైనా తినేటప్పుడు అవి దుస్తులపై పడితే మరకలు కూడా పెద్దగా కనిపించవు కదా!(స్మైలీ ఎమోజీ).
దురదృష్టవశాత్తూ మీరు అడవిలో ఒంటరిగా మిగిలిపోతే ఏ జంతువుతో స్నేహం చేస్తారు?
సింహం
భవిష్యత్‌లో దర్శకురాలిగా మారతారా?
హా... మారతాను.

మీకు ఇష్టమైన సింగర్‌?
టోరి అమోస్‌ (అమెరికన్‌ సింగర్‌)

‘క్రాక్‌’ యాక్షన్‌ సీక్వెన్స్‌లో మీరు అద్భుతంగా నటించారు. మరి మీ నుంచి అలాంటి లేడీ ఓరియంటెడ్‌ చిత్రాలు ఆశించవచ్చా?
ధన్యవాదాలు. స్ర్కిప్ట్‌ నచ్చితే కచ్చితంగా చేస్తాను.
మీ జీవితంలో మరచిపోలేని జ్ఞాపకం?
సింగర్‌గా సింగపూర్‌లో స్టేజీపై తొలిసారిగా పాట పాడిన సందర్భాన్ని నేనెప్పుడూ మర్చిపోలేను.
దోసె/వడాపావ్‌ /ప్యాన్‌కేక్స్‌... ఈ మూడింటిలో మీకు బాగా ఇష్టమైనది?
దోసె... అందులో అనుమానమే లేదు.


మీ ఇల్లు కాకుండా ఈ ప్రపంచంలో మీకు బాగా ఇష్టమైన ప్రదేశం?
లండన్‌. అక్కడా నాకు ఓ ఇల్లు ఉంది.
మీలో ఉన్న మంచి, చెడు లక్షణాలేంటి?
నాలో ఉన్న మంచి గురించి ఇతరులు చెప్పాలి. ఇక నాలో చెడు గురించి చెప్పాలంటే.. నాకు ఓపిక చాలా తక్కువ.
మీకు ఇష్టమైన పాట?
‘Here comes the sun’ (Abbey Road ఆల్బంలోని ది బీటిల్స్‌ అనే రాక్‌ బ్యాండ్‌ పాడిన పాట ఇది.)


బెంగళూరు/చెన్నై... ప్రస్తుతం మీరు ఎక్కడ ఉన్నారు?
ముంబయిలో ఉన్నాను.
స్కూల్‌ డేస్‌లో మీ క్రష్‌?
హృతిక్‌ రోషన్‌, లియోనార్డో డి కాప్రియో.
మీమ్‌ క్రియేటర్స్ గురించి ఏం చెబుతారు?
హా హా హా... అది కూడా ఓ మంచి ట్యాలెంటే..!


కాఫీ/టీ.. ఈ రెండింటిలో మీకు బాగా ఇష్టమైనది?
నేను కాఫీ అస్సలు తాగను. కాబట్టి టీ అంటే ఇష్టం.
మీరు బాగా ఆరాధించే నటుడు/నటి?
కేట్‌ బ్లాంచెట్‌ (ఆస్ట్రేలియన్‌ నటి)
ఇటీవల మీరు చూసిన సినిమా?
నెట్‌ఫ్లిక్స్‌లో ‘రన్‌’ (హాలీవుడ్‌ మూవీ) చూశాను.
మీరు నటికాకపోయి ఉంటే ఏం చేస్తుండేవారు?
ఏదో ఒక క్రియేటివ్‌ జాబ్‌లోనే ఉండేదాన్ని.
మీ గురించి ఎవరికీ తెలియని విషయం?
నాకు పాములంటే చచ్చేంత భయం.


భవిష్యత్‌లో ఎలాంటి సినిమాల్లో నటించాలనుకుంటున్నారు?
నటిగా నాకు సవాల్‌ విసిరే పాత్రలు, నా గుర్తింపును మరింత విస్తృతం చేసే సినిమాల్లో నటించాలని అనుకుంటున్నాను.
కాలంతో పరిగెత్తే అవకాశం వస్తే ఏం చేయాలనుకుంటున్నారు?
గతంలోకి వెళ్లి పిరమిడ్లు ఎలా కట్టారో తెలుసుకుంటాను. అదేవిధంగా ‘వుడ్‌స్టాక్‌ మ్యూజిక్‌ ఫెస్టివల్‌’కి కూడా వెళ్తాను.

కొవిడ్‌ తర్వాత మీరు నటించిన ‘వకీల్ సాబ్‌’, ‘క్రాక్‌’ సినిమాలు బ్లాక్‌ బస్టర్స్‌గా నిలిచాయి. మీరు ఎలా ఫీల్‌ అవుతున్నారు?
అది నా అదృష్టం. ఆ ప్రాజెక్టుల్లో నేనూ భాగమైనందుకు ఎంతో హ్యాపీగా ఫీలవుతున్నాను.
కొవిడ్‌ కారణంగా దొరికిన ఖాళీ సమయంలో మీరేం నేర్చుకున్నారు?
ఓపికగా ఎలా ఉండాలో నేర్చుకున్నాను.
మళ్లీ మళ్లీ చూడాలనిపించే ప్రదేశం?
జపాన్‌


పవన్‌ కల్యాణ్‌తో కలిసి మూడోసారి స్ర్కీన్‌ షేర్‌ చేసుకున్నారు. ఆయనతో మీ వర్క్‌ ఎక్స్‌పీరియన్స్‌?
ఆయనతో కలిసి మూడు సినిమాల్లో నటించడం నా అదృష్టంగా భావిస్తున్నాను.
మీకిష్టమైన ఆహారం?
సాంబార్‌ రైస్‌, దోసె.. ఇవి చాలు ఈ జీవితానికి..!
మీతో పాటు షారుఖ్‌ అంటే నాకు చాలా ఇష్టం. మీ ఇద్దరినీ స్క్రీన్‌ మీద జంటగా చూడాలని ఉంది.
షారుఖ్‌ అంటే నాకూ చాలా ఇష్టం. ఆయనతో కలిసి నటించేందుకు నేను కూడా ఎదురుచూస్తున్నాను.
మీరు స్మార్ట్‌ఫోన్లలో ఆడే గేమ్స్‌?
బబుల్‌ విచ్‌, క్యాండీ క్రష్‌, సోడా పాప్‌ క్రష్‌


మిమ్మల్ని సంతోషపరిచే మూడు విషయాలు?
నిజం, నిద్ర, కౌగిలింత
మీ ఫేవరెట్‌ హాలీవుడ్‌ యాక్షన్‌ మూవీస్‌?
‘ఎంటర్‌ ద డ్రాగన్‌’, ‘కిల్‌ బిల్‌’
మీకు నచ్చిన వెబ్‌ సిరీస్‌?
‘పీకీ బ్లైండర్స్ అండ్ ది క్రౌన్‌’
మీ ఫేవరెట్‌ ఫొటో?


మీకు బాగా స్ఫూర్తినిచ్చే విషయాలు?
మహిళలు, బాలల హక్కులు, వాళ్ల సంక్షేమం


మీకు ఇష్టమైన కలర్‌?
డార్క్‌ బ్లాక్‌, మిడ్‌ నైట్‌ బ్లాక్‌, జెట్‌ బ్లాక్‌...మొత్తానికి బ్లాక్‌ అంటే ఇష్టం.
మీకు బాగా స్ఫూర్తినిచ్చిందెవరు?
చాలామంది ఉన్నారు. వాళ్లను చూసి ఎన్నో విషయాలు నేర్చుకుంటున్నా.
‘గేమ్‌ ఆఫ్‌ థ్రోన్స్‌’ ప్రిక్వెల్‌ ‘హౌస్ ఆఫ్‌ ద డ్రాగన్‌’ గురించి మీరూ ఎదురుచూస్తున్నారా?
అవును... నేను కూడా ఎంతో ఆసక్తిగా ఎదురుచూస్తున్నాను. లాస్ట్‌ సీజనే అందుకు కారణం!


ఇటీవలి కాలంలో మీ జీవితంలో జరిగిన గొప్ప విషయం?
నాతో నేను ప్రేమలో పడడం ఎలాగో నేర్చుకున్నాను.
మీ దగ్గర కాలాన్ని వెనక్కి తీసుకెళ్లే టైమ్‌ మెషీన్‌ ఉంటే.. మళ్లీ గతంలో ఏ తరగతిలో కూర్చుంటారు?
8వ తరగతి. బోర్డు పరీక్షల ఒత్తిడి ఉండదు కదా. అందుకే ఆ సంవత్సరాన్ని బాగా ఇష్టపడతాను.
మీకు ఇష్టమైన హాలీవుడ్ సినిమా?
గాడ్‌ఫాదర్‌


మీరు చిన్నప్పటి నుంచి ఎంతో అభిమానించే వ్యక్తిని కలుసుకున్నప్పుడు ఎలా ఫీలవుతారు?
టోరి అమోస్‌... నాకెంతో ఇష్టమైన మ్యుజీషియన్‌. లండన్‌లో ఉన్నప్పుడు ఓ కాఫీ షాప్‌లో ఆమెను చూశాను. వెంటనే పరిగెత్తుకెళ్లాను. ఆ క్షణంలో ఉద్వేగానికి లోనై కన్నీళ్లు కూడా పెట్టుకున్నాను.
మీ మొబైల్‌ వాల్‌ పేపర్‌పై ఎవరుంటారు?
లార్డ్‌ మురుగన్‌


మీరు ఐస్‌క్రీమ్‌ తింటారా?
బాగా తింటా. అదంటే నాకు చాలా ఇష్టం. అప్పుడప్పుడు ఇంట్లో కూడా ట్రై చేస్తుంటాను.


శివ కార్తికేయన్‌తో కలిసి ఎలాంటి చిత్రాల్లో నటించాలనుకుంటున్నారు?
రొమాంటిక్‌ కామెడీ ఎంటర్‌టైనర్‌
ఐస్‌క్రీమ్‌/గులాబ్‌జామూన్‌... ఈ రెండింటిలో మీకు ఏది బాగా ఇష్టం?
రెండింటినీ కలిపితే బాగుంటుందేమో..! (స్మైలీ ఎమోజీ)


మీరు ఏ ఫిక్షనల్‌ క్యారక్టర్‌ని రియల్‌ లైఫ్‌లో కలవాలనుకుంటున్నారు?
Talia rasghul /Talia al Ghul (అమెరికన్‌ కామిక్‌ బుక్స్‌లోని క్యారక్టర్‌)


నటన, సంగీతం.. ఈ రెండింటిలో ఒకదాన్ని మాత్రమే ఎంచుకోవాలంటే దేనికి ఓటేస్తారు?
అదృష్టవశాత్తూ ఇప్పటివరకు అలాంటి అవసరం రాలేదు.
మీ అభిమానుల గురించి ఒక్కమాటలో ఏం చెబుతారు?
ది బెస్ట్‌ అంతే..!
సెలబ్రిటీల గురించి ఒక్కమాటలో!
కీర్తి సురేశ్‌: ‘మహానటి’ సినిమాలో తన నటనంటే నాకు చాలా ఇష్టం.
పవన్‌ కల్యాణ్‌ : ఎపిక్‌
మహేశ్‌ బాబు: జంటిల్మన్
ప్రభాస్‌: సూపర్‌ చిల్‌ అండ్‌ లవ్లీ
నాగచైతన్య: కైండెస్ట్‌ పర్సన్‌. అతనితో కలిసి నటించడం (ప్రేమమ్‌ చిత్రంలో కలిసి నటించారు) ఓ గొప్ప అనుభవం.
విజయ్‌: అమేజింగ్‌
నాని: అతనితో కలిసి నటించే అవకాశం రాలేదు. కానీ అతను ఓ అద్భుతమైన నటుడు.
ప్రశాంత్‌ నీల్‌ (‘సలార్‌’ డైరెక్టర్‌): సూపర్‌ మైండ్ అండ్‌ కామ్‌





women icon@teamvasundhara
anushka-shettys-motivational-post-to-fans-during-the-pandemic

ఇప్పుడు సానుకూల దృక్పథమే మందు.. అందుకే ధైర్యంగా ఉందాం!

ఎవరిని కదిపినా కరోనా భయమే! ‘అమ్మో నాకెక్కడ ఈ మహమ్మారి అంటుకుంటుందో.. దానివల్ల నా కుటుంబం ఇబ్బంది పడాల్సి వస్తుందేమో!’ అని ఎవరికి వారు మానసికంగా కుంగిపోతున్నారు. నిజానికి ఇలాంటి సమయంలోనే ధైర్యం, సానుకూల దృక్పథం కావాలంటోంది టాలీవుడ్‌ అందాల తార అనుష్కా శెట్టి. ప్రస్తుత కష్టకాలంలో ఎవరికి వారుగా కాకుండా ఒకరికొకరు తోడుగా ఉండాలని, ఈ ఐకమత్యమే మనల్ని ఈ వైపరీత్యం నుంచి బయటపడేస్తుందని చెబుతోంది. కరోనా భయంతో కుంగిపోతూ మానసిక వేదనకు గురవుతోన్న తన ఫ్యాన్స్‌ కోసం తాజాగా ఇన్‌స్టాలో ఓ సుదీర్ఘ పోస్ట్‌ పెట్టింది స్వీటీ.

Know More

women icon@teamvasundhara
avika-gor-shares-emotional-note-on-family-battling-covid-19

నా కుటుంబం కూడా కరోనాతో పోరాడింది!

దేశంపై కరోనా ప్రకోపం ఇప్పట్లో చల్లారేలా లేదు. రోజూ లక్షలాది పాజిటివ్‌ కేసులు, వేలాది మరణాలు నమోదవుతుండడం, ఎక్కడ చూసినా కరోనాకు సంబంధించిన వార్తలు, అంశాలే కనిపిస్తుండడంతో ప్రతి ఒక్కరిలో ఆందోళన వ్యక్తమవుతోంది. పేద-ధనిక, ఆడ-మగ, చిన్నా-పెద్దా...ఈ తేడాలేవీ చూడని వైరస్‌ తమ దాకా వస్తే పరిస్థితేంటి? అన్న ఆలోచనలు అందరినీ వెంటాడుతున్నాయి. వివిధ రంగాలకు చెందిన సెలబ్రిటీలు సైతం కరోనా కల్లోలంపై ఆందోళన వ్యక్తం చేస్తున్నారు. ఈ క్రమంలో ‘చిన్నారి పెళ్లికూతురు’ అవికాగోర్‌ కొవిడ్‌ పరిస్థితులపై స్పందించింది. తన కుటుంబం కూడా కరోనాతో పోరాడిందంటూ ఇన్‌స్టాగ్రామ్‌లో ఓ సుదీర్ఘ పోస్ట్‌ షేర్‌ చేసింది.

Know More

women icon@teamvasundhara
alitho-saradaga-special-chat-show-with-actress-in-telugu

క్యాన్సర్ విషయంలో అలా అనుకోవడమే మనం చేసే పెద్ద తప్పు!

ఇంజినీరింగ్ చదివే సమయంలోనే ఇండస్ట్రీలోకి అడుగుపెట్టింది. సూపర్‌ హిట్‌ చిత్రాల్లో నటించి సినీ ప్రియులతో జేజేలు కొట్టించుకుంది. తనను కబళించాలనుకున్న క్యాన్సర్‌ మహమ్మారిని మట్టి కరిపించి మహిళల్లో స్ఫూర్తి నింపింది. ఓ వైపు తన సినిమాలతో ప్రజలకు వినోదం అందిస్తూనే... మరోవైపు ప్రజాసేవ చేసేందుకు సిద్ధమైన ఆమె ఎవరో కాదు... సీనియర్‌ నటి గౌతమి. సామాజిక అంశాలతో పాటు మహిళా సమస్యలపై ముక్కుసూటిగా స్పందించే ఆమె ఈటీవీలో ప్రసారమయ్యే ‘ఆలీతో సరదాగా’ కార్యక్రమానికి అతిథిగా హాజరయ్యారు. ఈ సందర్భంగా తన వ్యక్తిగత, వృత్తిపరమైన జీవితానికి సంబంధించి ఎన్నో ఆసక్తికరమైన విషయాలు పంచుకున్నారు.

Know More

women icon@teamvasundhara
prachi-desai-shares-her-casting-couch-experience-in-telugu

అతని కోరికను కాదన్నానని ఫోన్లలో వేధించేవాడు!

ఎప్పుడైతే ‘మీటూ’ ఉద్యమం తెరమీదకొచ్చిందో వెండితెర వెనకనున్న చీకటి భాగోతాలు ఒక్కొక్కటి బయటపడుతున్నాయి. ఇప్పటికే ఎంతోమంది తారలు సినిమా ఇండస్ట్రీలో క్యాస్టింగ్‌ కౌచ్‌ ఉందంటూ... తాము ఎదుర్కొన్న విపత్కర పరిస్థితులను ధైర్యంగా షేర్‌ చేసుకున్నారు. ఇటీవల బాలీవుడ్‌ నటి అంకితా లోఖండే సినిమా ఇండస్ట్రీలో తనకెదురైన చేదు అనుభవాలను పంచుకోగా... తాజాగా మరో బాలీవుడ్ నటి ప్రాచీ దేశాయ్‌ క్యాస్టింగ్‌ కౌచ్‌పై నోరు విప్పింది. ఈ సందర్భంగా కెరీర్‌ తొలినాళ్లలో హిందీ చిత్ర పరిశ్రమలోని ఓ పెద్ద డైరెక్టర్‌ తనను వేధించాడంటూ చెప్పుకొచ్చింది.

Know More

women icon@teamvasundhara
anasuya-bharadwaz-interacting-with-instagram-fans-and-tells-her-health-secrets

ఎప్పటికీ ఆయనే నా బెస్ట్‌ ఫ్రెండ్!

అనసూయ భరద్వాజ్... తెలుగు నాట స్టార్స్‌తో సమానంగా పాపులారిటీ సంపాదించుకున్న ఈ ‘జబర్దస్త్‌’ బ్యూటీ గురించి ప్రత్యేక పరిచయం అవసరం లేదు. యాంకర్‌గా బుల్లితెరపై తన హవా కొనసాగిస్తూనే.. వెండితెరపై విలక్షణ పాత్రలతో ఆకట్టుకుంటోందీ అందాల తార. సోషల్‌ మీడియాలోనూ చురుగ్గా ఉండే ఆమె నిత్యం తన గ్లామరస్‌ ఫొటోలు, వీడియోలను తన ఫ్యాన్స్‌తో షేర్‌ చేసుకుంటుంటుంది. అంతేకాదు.. వీలైనప్పుడల్లా అభిమానులతో మాట కలుపుతుంది. తాజాగా ‘లెట్స్‌ ఛాట్‌’ అంటూ మరోసారి తన ఫ్యాన్స్‌ను పలకరించిందీ ముద్దుగుమ్మ. ఈ సందర్భంగా తన వ్యక్తిగత విశేషాలు, అభిరుచులతో పాటు మరెన్నో ఆసక్తికర విషయాలను పంచుకుంది. మరి మన రంగమ్మత్తకు, అభిమానులకు మధ్య జరిగిన ఆన్లై‌న్ ముచ్చటేంటో మనమూ తెలుసుకుందాం రండి...

Know More

women icon@teamvasundhara
mahima-chaudhry-opens-up-about-her-troubled-marriage-suffering-2-miscarriages

women icon@teamvasundhara
disha-patani-interacts-with-instagram-fans-in-telugu

శరీరాన్ని ఫిట్‌గా ఉంచుకోవడమే ముఖ్యం.. మిగతాదంతా బోనసే!

దిశా పటానీ... బాలీవుడ్‌ ప్రేక్షకులతో పాటు తెలుగు సినిమా ప్రియులకు ప్రత్యేక పరిచయం అవసరం లేని పేరు. ‘లోఫర్‌’ సినిమాతో చిత్ర పరిశ్రమకు పరిచయమైన ఈ ముద్దుగుమ్మ ‘ఎం.ఎస్‌. ధోనీ’, ‘కుంగ్‌ ఫూ యోగా’, ‘వెల్‌కమ్‌ టు న్యూయార్క్‌’, ‘బాఘీ2’, ‘భారత్‌’, ‘మలంగ్‌’, ‘బాఘీ3’ సినిమాలతో బాలీవుడ్‌లో గ్లామరస్‌ హీరోయిన్‌గా క్రేజ్‌ సంపాదించుకుంది. ఇక హిందీ చలనచిత్ర పరిశ్రమలో ఫిట్‌నెస్‌పై ప్రత్యేక శ్రద్ధ చూపే ముద్దుగుమ్మల్లో ఈమె కూడా ఒకరు. కఠినమైన వర్కవుట్లను సైతం అలవోకగా చేయడం, దానికి సంబంధించిన ఫొటోలు, వీడియోలను సోషల్‌ మీడియాలో షేర్‌ చేయడం ఈ చక్కనమ్మకు వెన్నతో పెట్టిన విద్య. దీంతో పాటు తన గ్లామరస్ ఫొటోలు, డ్యాన్స్‌ వీడియోలు, హెల్దీ డైట్‌కు సంబంధించిన వివరాలను కూడా ఎప్పటికప్పుడు పోస్ట్‌ చేస్తుంటుందీ బాలీవుడ్‌ బేబ్‌. ఇలా సినిమాలతో పాటు సోషల్‌ మీడియాలో ఎంతో క్రేజ్‌ సొంతం చేసుకున్న దిశ తాజాగా అభిమానులతో ముచ్చటించింది. ఇన్‌స్టాగ్రామ్‌ వేదికగా ‘Ask me anything’ పేరుతో ఫ్యాన్స్ అడిగిన పలు ప్రశ్నలకు సరదాగా సమాధానాలిచ్చింది. మరి దిశాకు, అభిమానులకు మధ్య జరిగిన ఆ సంభాషణ విశేషాలేంటో మనమూ తెలుసుకుందాం రండి..

Know More

women icon@teamvasundhara
dia-mirza-announces-pregnancy-as-she-flaunts-baby-bump

నేను అమ్మను కాబోతున్నా!

ఆడవారికి అమ్మతనానికి మించిన ఆనందముండదు. జీవితంలో మరో మెట్టు పైకెక్కించే ఈ సందర్భాన్ని తలచుకుని తెగ సంబరపడిపోతుంటారు మహిళలందరూ. ఇక తొలిసారి గర్భం ధరించిన మహిళలైతే మదినిండా సంతోషంతో మధురానుభూతికి లోనవుతుంటారు. ప్రస్తుతం ఇలాంటి అనిర్వచనీయమైన ఆనందంలో మునిగి తేలుతోంది బాలీవుడ్‌ అందాల తార దియా మీర్జా. తనదైన అందం, అభినయంతో హిందీ సినిమా తెరపై ప్రత్యేక గుర్తింపు తెచ్చుకున్న ఈ ముద్దుగుమ్మ...త్వరలోనే అమ్మగా ప్రమోషన్‌ పొందనుంది. ఈ సందర్భంగా ఓ బ్యూటిఫుల్‌ ఫొటోతో తానే స్వయంగా ఈ శుభవార్తను షేర్‌ చేసుకుందీ అందాల తార. దీంతో సెలబ్రిటీలు, అభిమానులు, నెటిజన్ల నుంచి ఆమెకు శుభాకాంక్షలు వెల్లువెత్తుతున్నాయి.

Know More

women icon@teamvasundhara
67th-national-film-awards-announced-in-telugu

కంగన.. పల్లవి.. సావని.. అదే వీళ్ల కామన్ సీక్రెట్!

ఆమెకు నటనంటే ఎంతో ఆసక్తి. అందుకే ఇంట్లో పెద్దలను ఎదిరించి కేవలం 1500 రూపాయలతో దిల్లీలో అడుగుపెట్టింది. ఓ దశలో ఇంటి అద్దె కట్టలేక అవస్థలు పడింది. అయినా నటిగా తనను తాను నిరూపించుకోవాలనుకున్న ఆకాంక్షను మాత్రం వదులుకోలేదు. సవాళ్లను ఎదుర్కొంటూనే ముంబయికి మకాం మార్చింది. మోడల్‌గా చిన్న చిన్న అవకాశాలు అందుకుంది. నటనలో శిక్షణ తీసుకుని బాలీవుడ్‌ ఇండస్ట్రీలోకి అడుగుపెట్టింది. సిల్వర్‌స్ర్కీన్‌పై తనను తాను చూసుకోవాలనుకున్న కలను సాకారం చేసుకుంది. గాడ్‌ఫాదర్లు ఎవరూ లేకపోయినా అగ్రహీరోలకు దీటుగా సూపర్‌స్టార్‌గా ఎదిగింది. సాహసోపేతమైన పాత్రలకు కేరాఫ్ అడ్రస్‌గా నిలుస్తూ వెండితెరపై ‘క్వీన్‌’గా వెలుగొందుతున్న ఆమె మరెవరో కాదు... ఉత్తమ నటిగా నాలుగోసారి జాతీయ పురస్కారానికి ఎంపికైన కంగనా రనౌత్.

Know More

women icon@teamvasundhara
super-foods-recommended-by-kareena-kapoor-in-telugu

కరీనా ఇష్టపడి తినే సూపర్‌ఫుడ్స్ ఇవేనట!

సినిమా పరిశ్రమలో ఎక్కువ కాలం పాటు మనుగడ సాగించాలంటే అందం, అభినయంతో పాటు చక్కని శరీరాకృతి, ఫిట్‌నెస్ మెయింటైన్‌ చేస్తూ ఉండాల్సిందే. అందుకే మన ముద్దుగుమ్మలందరూ చక్కటి ఆహార నియమాలు పాటిస్తూ, క్రమం తప్పకుండా వ్యాయామాలు చేస్తుంటారు. ఇటీవల రెండోసారి అమ్మగా ప్రమోషన్‌ పొందిన కరీనా కపూర్‌ అయితే ఈ విషయాల్లో ఎంతో నిక్కచ్చిగా వ్యవహరిస్తుంటుంది. రీల్ లైఫ్‌లోనే కాదు రియల్‌ లైఫ్‌లోనూ ఎంతో యాక్టివ్‌గా కనిపించే ఈ ముద్దుగుమ్మ ఫిట్‌నెస్‌కు ఎంతో ప్రాధాన్యమిస్తుంటుంది. ఇటు చక్కటి పోషకాహారం తీసుకుంటూనే, అటు రెగ్యులర్‌గా వ్యాయామాలు చేస్తుంటుంది. మరి బెబో ఎనర్జీకి, ఆరోగ్యానికి కారణమైన ఆ సూపర్‌ఫుడ్స్‌ ఏంటో మనమూ తెలుసుకుందాం రండి...

Know More

women icon@teamvasundhara
mehreen-pirzada-gets-engazed-to-bhavya-bishnoi

‘హనీ’ నిశ్చితార్థం ఫొటోలు చూశారా?

‘హనీ ఈజ్‌ ద బెస్ట్‌..’ అంటూ ‘ఎఫ్ 2’ సినిమాలో తన క్యూట్‌ ఎక్స్‌ప్రెషన్స్‌తో కుర్రకారు మతులు పోగొట్టింది మెహరీన్‌ పిర్జాదా. ‘కృష్ణగాడి వీర ప్రేమగాథ’ చిత్రంతో సినిమా ఇండస్ట్రీలోకి అడుగుపెట్టిన ఈ ముద్దుగుమ్మ ‘మహానుభావుడు’, ‘రాజా ది గ్రేట్‌’, ‘పంతం’, ‘జవాన్‌’, ‘చాణక్య’, ‘అశ్వథ్థామ’.. వంటి చిత్రాలతో మంచి గుర్తింపును సాధించుకుంది. ‘ఫిల్లౌరీ’ చిత్రంతో బాలీవుడ్‌లోనూ తన అదృష్టం పరీక్షించుకున్న ఈ భామ తమిళం, పంజాబీ భాషల్లోనూ నటించి మెప్పించింది. ప్రత్యేకించి ‘ఎఫ్ 2’ సినిమాలో తన క్యూట్‌ యాక్టింగ్‌తో అందరినీ ఆకట్టుకున్న ఈ సొగసరి త్వరలోనే పెళ్లిపీటలనెక్కనుంది. హరియాణా మాజీ ముఖ్యమంత్రి భజన్‌లాల్‌ మనవడు భవ్య బిష్ణోయ్‌తో కలిసి ప్రేమలో ఉన్న ఆమె తాజాగా అతనితో కలిసి ఉంగరాలు మార్చుకుంది.

Know More

women icon@teamvasundhara
vidyabalan-and-ananya-panday-opens-up-on-being-body-shamed

నేనేమో బొద్దుగా ఉన్నాట... నావేమో చికెన్ లెగ్స్‌ట!

బాడీ షేమింగ్... ప్రస్తుతం మన సమాజంలో ఆడవాళ్లు ఎదుర్కొంటున్న సమస్యల్లో ఇది కూడా ఒకటి. వారి శరీరాకృతి, అందం, చర్మఛాయ, బరువు... మొదలైన వాటిని కారణంగా చూపి ఇటు ఆఫ్‌లైన్‌, అటు ఆన్‌లైన్‌ వేదికలుగా ఎంతోమంది విమర్శలు గుప్పిస్తున్నారు. ఇలాంటి మాటలు వాళ్ల మనసును నొప్పిస్తాయేమోనన్న కనీస జ్ఞానం లేకుండా ప్రవరిస్తున్నారు. దీని కారణంగా ఎంతోమంది మహిళలు తమను తాము అసహ్యించుకుంటూ తీవ్రమైన ఒత్తిడి, ఆందోళనలోకి వెళ్లిపోతున్నారు. సామాన్యులతో పాటు వివిధ రంగాలకు చెందిన సెలబ్రిటీలు సైతం ఈ సమస్య బారిన పడుతున్నారు. గతంలో సినిమా పరిశ్రమకు చెందిన ఎంతోమంది తారలు బాడీషేమింగ్‌కు సంబంధించి తమ అనుభవాలను షేర్‌ చేసుకున్న సంగతి తెలిసిందే. తాజాగా బాలీవుడ్‌ విలక్షణ నటి విద్యాబాలన్‌తో పాటు యంగ్‌ సెన్సేషన్‌ అనన్యా పాండే ఈ సమస్య కారణంగా తామెలా ఇబ్బందులు పడ్డామో అందరితో షేర్‌ చేసుకున్నారు. అదే సమయంలో బాడీ షేమింగ్‌ను బాడీ పాజిటివిటీగా మార్చుకోమంటూ తమ లాంటి బాధితుల్లో స్ఫూర్తి నింపే ప్రయత్నం చేశారు.

Know More

women icon@teamvasundhara
ileana-dcruz-talks-about-her-body-shaming-and-body-positivity-issues

అందంగా లేనని, శరీరాకృతి బాలేదని ఎంతో బాధపడ్డా.. మీరలా చేయద్దు!

సాధారణంగా రోజులో ఎన్నోసార్లు మన అందాన్ని అద్దంలో చూసుకుంటూ మురిసిపోతుంటాం. అలాంటిది ఎప్పుడైనా అందంగా కనిపించకపోతే ‘అరే ఏంటిది... ఇలా ఉన్నానేంటి?’ అనుకుంటూ మనసులో తెగ కంగారుపడిపోతుంటాం. ఇతరులతో పోల్చుకుంటూ మన శరీరాకృతిని చూసి మనమే అసహ్యించుకుంటాం. వారికంటే బెటర్‌గా మన శరీర సౌష్టవాన్ని మార్చుకోవాలనుకుంటాం. ఒకానొక దశలో తన విషయంలోనూ ఇదే జరిగిందంటోంది స్మైలింగ్‌ బ్యూటీ ఇలియానా. తాను అందంగా లేనని, శరీర సౌష్టవం కూడా సరిగా లేదనుకుని ఎంతో అభద్రతా భావానికి లోనయ్యానంటోందీ అందాల తార. ‘అందమంటే ఇదే’ అని సమాజంలో పేరుకుపోయిన కొన్ని మూసకట్టు ప్రమాణాల కారణంగా తానూ తీవ్ర ఆందోళన చెందానంటోంది. ఈ సందర్భంగా తన శరీరాకృతికి సంబంధించి కొన్ని ఆసక్తికర విషయాలను అందరితో షేర్‌ చేసుకుందీ అందాల తార.

Know More

women icon@teamvasundhara
bollywood-actress-shares-inspirational-messages-and-experiences-on-women-discrimination-in-society

సింగిల్‌గా ఉండడం తప్పు కాదు.. అందమంటే కొలతలు కాదు!

పెళ్లి చేసుకోకపోతే సింగిల్‌గా ఎందుకున్నావంటారు. పెళ్లైంది మొదలు పిల్లల్ని ఎప్పుడు కంటావ్‌ అని అడుగుతుంటారు. అందంగా లేకపోతే గ్రహాంతర వాసిలా చూస్తుంటారు. పురుషులతో సమానంగా పనిచేసినా సమాన వేతనం మాత్రం ఇవ్వరు. ఎన్ని తరాలు మారినా ఈ సమాజం ఆడవారిని చూసే ధోరణిలో మాత్రం మార్పు రావట్లేదు. పురుషుల్లాగే స్త్రీలూ ఈ సమాజంలో భాగమైనా ఇద్దరినీ వేర్వేరుగా చూడడం, అన్ని విషయాల్లో ఆడవారినే తప్పుబట్టడం మహిళలు జీర్ణించుకోలేకపోతున్నారు.. అయినా భూదేవికి ఉన్నంత ఓర్పుతో అన్నీ భరిస్తూ, ప్రతికూలతల్ని కూడా సానుకూలంగా స్వీకరిస్తూ ముందుకు సాగుతున్నారు ఎంతోమంది అతివలు. కొందరు బాలీవుడ్‌ ముద్దుగుమ్మలూ ఇందుకు అతీతులు కాదు. వెండితెర రంగుల ప్రపంచంలో తమకెదురైన ఆటుపోట్లను అధిగమిస్తూ, తోటి మహిళల సమస్యల్ని తమ గళంలో వినిపిస్తూ ఎంతోమందిలో పాజిటివిటీని నింపుతున్నారు. ‘అంతర్జాతీయ మహిళా దినోత్సవం’ సందర్భంగా పలువురు నటీమణులు వివిధ సందర్భాల్లో పంచుకున్న అలాంటి స్ఫూర్తిదాయక సందేశాలు వారి మాటల్లోనే మీకోసం..!

Know More

women icon@teamvasundhara
ritu-verma-interacts-with-instagram-fans-in-telugu

అది నాకు అలవాటే.. అవంటే ఎంతో ఇష్టం!

‘పెళ్లి చూపులు’ సినిమాతో తెలుగు ప్రేక్షకులకు బాగా చేరువైంది రీతూవర్మ. ఆ సినిమాలో తన సహజమైన నటనతో ఉత్తమ నటిగా నంది పురస్కారం కూడా అందుకుందీ స్మైలింగ్‌ బ్యూటీ. ‘ప్రేమ ఇష్క్‌ కాదల్‌’, ‘ఎవడే సుబ్రమణ్యం’, ‘కేశవ’, ‘కనులు కనులను దోచాయంటే’ వంటి నటనకు ప్రాధాన్యమున్న సినిమాల్లోనే నటిస్తోన్న ఈ అందాల తార హైదరాబాద్‌లోనే చదువుకుని ఇక్కడే స్థిరపడింది. తాజాగా ‘నిన్నిలా నిన్నిలా’ సినిమాతో మరో విజయాన్ని సొంతం చేసుకున్న ఆమె సోషల్‌ మీడియా వేదికగా అభిమానులతో ముచ్చటించింది. ఇన్‌స్టాగ్రామ్‌ వేదికగా ‘Lets do this...Ask away’ పేరుతో నిర్వహించిన ఛాట్‌ సెషన్‌లో తన వ్యక్తిగత, వృత్తిగత జీవితానికి సంబంధించి పలు ఆసక్తికర విషయాలు షేర్‌ చేసుకుంది. మరి రీతూకు, ఫ్యాన్స్‌కు జరిగిన ఆ సంభాషణ విశేషాలేంటో మనమూ తెలుసుకుందాం రండి...

Know More

women icon@teamvasundhara
yami-gautam-speaks-of-road-accident-that-left-her-with-a-fracture-in-the-neck

అప్పుడు హెల్మెటే నా ప్రాణాలు కాపాడింది!

‘యాక్సిడెంట్‌ అంటే బైకో... కారో రోడ్డు మీద పడడం కాదు... మనతో పాటు మన కుటుంబం రోడ్డు మీద పడిపోవడం’... అనుకోకుండా జరిగే రోడ్డు ప్రమాదాల వల్ల జరిగే అనర్థాల గురించి ఓ సినిమాలో హీరో చెప్పే డైలాగ్‌ ఇది. అతను చెప్పినట్లు రోడ్డు ప్రమాదాల వల్ల అర్ధాంతరంగా ఎన్నో ప్రాణాలు గాల్లో కలిసిపోతున్నాయి. అదేవిధంగా చాలామంది తీవ్ర గాయాలకు లోనై ఆస్పత్రుల పాలవుతున్నారు. అప్పటికప్పుడు వేగంగా కోలుకున్నా కొన్ని గాయాలు మాత్రం దీర్ఘకాలం పాటు వేధిస్తుంటాయి. ఈ నేపథ్యంలో తాను కూడా ఇలాంటి అనుభవాలను చాలా ఎదుర్కొన్నానంటోంది బాలీవుడ్‌ ముద్దుగుమ్మ యామీ గౌతమ్.

Know More

women icon@teamvasundhara
ileana-interact-with-instagram-fans-in-telugu

అలాంటి వాళ్లతోనే కలిసి ఉండాలనుకుంటా!

ఇలియానా.. ‘దేవదాస్‌’ సినిమాతో కుర్రకారుకు కునుకు లేకుండా చేసిన ఈ గోవా బ్యూటీ గురించి ప్రత్యేక పరిచయం అవసరం లేదు. ‘పోకిరి’, ‘జల్సా’, ‘కిక్‌’, ‘జులాయి’, ‘రాఖీ’, ‘నేను నా రాక్షసి’, ‘దేవుడు చేసిన మనుషులు’ వంటి సినిమాలతో తెలుగులో టాప్‌ హీరోయిన్‌గా పేరు తెచ్చుకున్న ఆమె బాలీవుడ్‌లోనూ సత్తా చాటింది. మధ్యలో వ్యక్తిగత కారణాలతో కొన్నేళ్లు సినిమాలకు దూరంగా ఉన్నప్పటికీ ‘అమర్‌ అక్బర్‌ ఆంథోని’, ‘పాగల్‌ పంతి’ తదితర సినిమాలతో రీ ఎంట్రీ ఇచ్చింది. ఇక సిల్వర్‌ స్ర్కీన్‌పై ఎంతో సందడి సందడిగా కనిపించే ఈ అందాల తార సోషల్‌ మీడియాలోనూ అంతే యాక్టివ్‌గా ఉంటుంది. తన వ్యక్తిగత, వృత్తిగత జీవితానికి సంబంధించిన విషయాలను ఎప్పటికప్పుడు అందరితో షేర్‌ చేసుకుంటుంది. ఈ క్రమంలో తాజాగా ఇన్‌స్టాగ్రామ్‌ వేదికగా ‘Ask Me Anything’ పేరిట అభిమానులతో ముచ్చటించింది ఇలియానా. ఈ సందర్భంగా ఫ్యాన్స్‌ అడిగిన పలు ప్రశ్నలకు ఎంతో సరదాగా సమాధానాలిచ్చింది. మరి ఇలియానాకు, అభిమానులకు జరిగిన ఆ సంభాషణ విశేషాలేంటో మనమూ తెలుసుకుందాం రండి...

Know More

women icon@teamvasundhara
amala-paul-opens-up-about-problems-faced-during-her-divorce

విడాకుల సమయంలో నేనూ ఎన్నో ఇబ్బందులు ఎదుర్కొన్నా..!

విడాకులు... ప్రతి ఒక్కరి జీవితంలో ఇది అత్యంత కఠినమైన మలుపు...! సర్వస్వం తానే అనుకున్న జీవిత భాగస్వామితో మధ్యలోనే విడిపోవడం.. తను లేకుండా మిగిలిన జీవితాన్ని గడిపే రోజులొస్తాయన్న ఆలోచన తీరని ఆవేదనను కలిగిస్తుంది. దీనికి తోడు విడాకులు తీసుకున్న స్త్రీలంటే సమాజం చూసే చిన్న చూపు వారిని మరింత అగాథంలోకి నెడుతుంది. సామాన్యులే కాదు సెలబ్రిటీలు కూడా ఇలాంటి అవమానాల బారిన పడుతున్నారు. ఈ నేపథ్యంలో కొన్నేళ్ల క్రితం భర్తతో విడాకులు తీసుకున్నప్పుడు ఇలాంటి విమర్శలు, అవమానాలను చాలా ఎదుర్కొంది అమలాపాల్‌. చాలామంది నెటిజన్లు ఆమెను లక్ష్యంగా చేసుకుని ట్రోల్‌ చేశారు. అయినా వాటిని పట్టించుకోకుండా తన కెరీర్‌ను సక్సెస్‌ఫుల్‌గా కొనసాగిస్తోందీ ముద్దుగుమ్మ.

Know More

women icon@teamvasundhara
actress-and-their-first-crushes-in-telugu

హీ ఈజ్‌ సో క్యూట్‌.. హీ ఈజ్‌ సో స్వీట్‌!!

‘చూసీ చూడంగానే నచ్చేశావే.. అడిగీ అడగకుండా వచ్చేశావే..’, ‘హీ ఈజ్‌ సో క్యూట్‌.. హీ ఈజ్‌ సో స్వీట్‌..’ ఒక వ్యక్తిని చూడగానే మనలో కలిగే ఓ అందమైన ఫీలింగ్‌ని ఇలా పాట రూపంలో వ్యక్తీకరిస్తాం. అలాంటి మధురమైన భావన పేరే ప్రేమ. తమకూ ఇలాంటి ఫస్ట్ క్రష్ ఫీలింగ్స్ ఉన్నాయంటున్నారు కొందరు ముద్దుగుమ్మలు. ఈ క్రమంలో ఒకరేమో క్రికెటర్‌ని చూసి ప్రేమలో పడితే, మరొకరు హ్యాండ్‌సమ్ హీరో ఫిజిక్‌కు ఫిదా అయిపోయారు. ఇంకొకరేమో పక్కింటి అబ్బాయిని చూసి మనసు పారేసుకున్నానని చెబుతున్నారు. మరి, ఇలా తమ తొలి ప్రేమానుభవాల్లో తేలియాడుతూ మన అందాల తారలు పంచుకున్న ఆ ఫస్ట్ క్రష్ విశేషాలేంటో ఈ ‘వేలంటైన్స్ డే’ సందర్భంగా మీకోసం..

Know More

women icon@teamvasundhara
actress-lakshmi-manchu-to-cycle-100-km-to-raise-funds-for-differently-abled-athletes

'స్వరూపక్క' సైకిల్ యాత్ర ఎందుకో తెలుసా?

మంచులక్ష్మి... తెలుగు సినిమా ప్రేక్షకులకు ప్రత్యేక పరిచయం అవసరం లేని పేరు. కలెక్షన్‌ కింగ్‌ మోహన్‌ బాబు వారసురాలిగా సినిమా పరిశ్రమలోకి అడుగుపెట్టిన ఆమె ఆ తర్వాత తన ప్రతిభతో తనకంటూ ఓ ప్రత్యేక గుర్తింపు తెచ్చుకుంది. వెండితెరతో పాటు బుల్లితెర పైనా మెరుస్తూ నటిగా, నిర్మాతగా, గాయనిగా, యాంకర్‌గా బహుముఖ ప్రజ్ఞ కనబరుస్తోంది. ఇక సినిమాల సంగతి పక్కన పెడితే... మంచు లక్ష్మికి సామాజిక దృక్పథం కాస్త ఎక్కువే. అందుకే సందర్భమొచ్చినప్పుడల్లా మహిళల సమస్యలు, సామాజిక అంశాలపై సోషల్‌ మీడియా వేదికగా తనదైన శైలిలో స్పందిస్తుంటుంది. తాజాగా ఆమె మరో మంచి పనికి శ్రీకారం చుట్టింది.