scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'ఈ ఇద్దరిలో ఎవరిని చేసుకోవాలి?'

'ఆ అమ్మాయి తన తల్లిదండ్రులకు ఒక్కగానొక్క కూతురు. అల్లారుముద్దుగా పెంచుకున్నారు. అడగకముందే అన్నీ సమకూర్చేవారు. ఉన్నత విద్యను అందించి.. తన కాళ్లపై తాను నిలబడేలా చేశారు. ఇలా తన కూతురు పాతికేళ్ల జీవితాన్ని మరొకరు వేలెత్తి చూపించకుండా తీర్చిదిద్దారా పేరెంట్స్‌. ఈ క్రమంలోనే పెళ్లీడుకొచ్చిన తమ కూతురికి తగిన వరుడ్ని కూడా చూశారు. అందుకు ఆమె కూడా ఓకే చెప్పేసింది. అంతా సవ్యంగా జరుగుతుందిలే అనుకునే సరికే ఆ అమ్మాయి జీవితంలోకి మరో వ్యక్తి ప్రవేశించాడు. ఇప్పటిదాకా తన తల్లిదండ్రుల నుంచి తాను పొందిన ప్రేమ తను రాజీపడడం వల్లే తనకు దక్కిందని తెలియజేశాడు. ఇప్పుడా అమ్మాయి ముందున్నవి రెండే దారులు. ఒకటి.. తన స్వార్థం తాను చూసుకోవడం! రెండు.. ఎప్పటిలాగే తన తల్లిదండ్రుల కోసం తన ఇష్టాలను వదులుకోవడం! మరి, తనకు ఏ దారి ఎంచుకోవాలో అర్థం కాక మనల్నే్ సలహా అడుగుతోంది. ఈ క్రమంలోనే ఆమె హృదయరాగాన్ని ఇలా మన ముందుంచింది.'

Know More

Movie Masala

 
category logo

సెలబ్రిటీల ‘కరోనా’ పాఠాలు!

celebrities suggestions about corona virus

స్కూళ్లు, కాలేజీలు, సినిమా థియేటర్లు మూతపడ్డాయి.. కొన్ని ప్రదేశాల్లో అయితే ఏకంగా 144 సెక్షన్‌ విధించారు. ఇదంతా ‘కరోనా’ (కొవిడ్‌-19) సృష్టిస్తోన్న కల్లోలంలో భాగమే. ఈ వైరస్‌ను అడ్డుకోవడానికి ప్రపంచమంతా ఒక్క తాటిపైకి వచ్చింది. ఈ క్రమంలోనే కరోనాను ఎలా అడ్డుకోవాలి? ఈ వైరస్‌ బారిన పడకుండా ఎలాంటి జాగ్రత్తలు తీసుకోవాలన్న విషయాలపై ప్రభుత్వాలు ప్రచారాన్ని హోరెత్తిస్తున్నాయి. ఇందులో భాగంగానే సెలబ్రిటీలు కూడా తమ వంతు కర్తవ్యాన్ని నిర్వర్తిస్తున్నారు. ప్రజల్లో కరోనాపై అవగాహన కల్పించేందుకు కొన్ని సలహాలు, సూచనలు చేస్తున్నారు. సినిమాల్లో తారలు చెప్పే డైలాగ్‌లకు చప్పట్లు కొడుతూ.. ఈలలు వేసే మనం.. వారు చెబుతోన్న ఈ సూచనలు కూడా పాటించి ఆరోగ్యాన్ని కాపాడుకుంటే బాగుంటుంది కదూ! ఇంతకీ కరోనాపై అవగాహన కల్పిస్తోన్న ఆ సెలబ్రిటీలు ఎవరు..? వారేం చెబుతున్నారో చూద్దామా?

బాధ్యతగా ఉండండి..

celebaboutcoronaa650-3.jpg
తనదైన మాట తీరుతో.. ఎప్పుడూ ఎనర్జిటిక్‌గా ఉండే యాంకర్‌ సుమ కనకాల గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. ఆడియో వేడుకల నుంచి టీవీ ప్రోగ్రామ్‌ల వరకూ అందరిలో జోష్‌ని నింపే ‘సుమక్క’.. ‘కరోనా’ వైరస్‌ బారిన పడకుండా ఉండడానికి కొన్ని సూచనలు చేసింది. ఈ క్రమంలోనే శానిటైజర్‌తో చేతులు కడుక్కుంటూ.. సూచనలు చెబుతోన్న ఓ వీడియోను ట్విట్టర్‌లో పోస్ట్‌ చేసింది సుమ. ఈ క్రేజీ యాంకర్‌ ఏం చెప్పిందో తన మాటల్లోనే...

‘మీరు ఇప్పుడే చూశారు.. నేను ఆల్కహాల్‌తో కూడిన మంచి శానిటైజర్‌తో చేతులు శుభ్రం చేసుకున్నాను. కరోనా (కొవిడ్‌-19) నివారణ కోసం నేను ఎలాంటి జాగ్రత్తలు తీసుకుంటున్నానో చెప్పడానికే ఈ వీడియో చేశాను. నేను శానిటైజర్‌ను క్రమం తప్పకుండా వాడుతున్నాను. ఒకవేళ శానిటైజర్‌ లేకపోతే.. సబ్బుతోనైనా చేతులను 20 నుంచి 30 సెకండ్ల పాటు శుభ్రంగా కడుక్కుంటున్నాను. ఈ కరోనా వైరస్‌ గురించి మనం ఎక్కువగా భయపడాల్సిన అవసరం లేదు. కానీ మనం చేయాల్సిందల్లా బాధ్యతాయుతంగా ఉండడమే. వీలైనంత వరకు మాస్కులు ఉపయోగించండి. వేళ్లతో ముఖంపై ఎక్కువగా తాకకుండా ఉండడానికి ప్రయత్నించండి. ఒకవేళ చలి, దగ్గు వంటి లక్షణాలు ఏమైనా ఉన్నాయనిపిస్తే.. వెంటనే వైద్యుల్ని సంప్రదించండి. ఈ లక్షణాలతో ఉన్న వారెవరైనా మన పరిసర ప్రాంతాల్లో ఉన్నట్లయితే వాళ్లకు కూడా ఇదే సలహా ఇవ్వాలి.. అలాగే వారి నుంచి కొంచెం దూరంగా ఉండాలి. ఎవరైనా కలిసినప్పుడు చక్కగా రెండు చేతులు జోడించి నమస్కారం పెట్టాలి. హగ్గులు, షేక్‌ హ్యాండ్‌లు వీలైనంత వరకు ఇవ్వకూడదు. షేక్‌ హ్యాండ్‌ ఇవ్వకపోతే ఏదో తక్కువ చేసినట్లు అనుకోకండి. ఇది మనం బాధ్యతాయుతంగా ప్రవర్తించడమే అవుతుంది. ఇక చివరిగా చెప్పేదేంటంటే.. బాధ్యతాయుతంగా, జాగ్రత్తగా ఉండండి.. కరోనా వైరస్‌ వ్యాప్తిని అడ్డుకోండి’ అని చెప్పుకొచ్చింది సుమక్క.

అగ్ర హీరోల ‘ఆరు’ సూత్రాలు..!

celebaboutcoronaa650-2.jpg
రామ్‌ చరణ్‌, జూనియర్‌ ఎన్టీఆర్‌ హీరోలుగా రాజమౌళి దర్శకత్వంలో ‘ఆర్‌.ఆర్‌.ఆర్‌’ అనే సినిమా తెరకెక్కుతోన్న విషయం తెలిసిందే. ప్రస్తుతం ఈ సినిమా షూటింగ్‌ జరుగుతోంది. అయితే ఇప్పటివరకు ఈ సినిమాలో వీరిద్దరి లుక్‌ని చాలా సీక్రెట్‌గా ఉంచారు రాజమౌళి. కానీ తాజాగా కరోనా ఉగ్రరూపం దాల్చుతున్న వేళ.. ఈ అగ్ర హీరోలిద్దరూ ప్రజల్లో అవగాహన కల్పించేందుకు కెమెరా ముందుకు వచ్చారు. ప్రపంచ ఆరోగ్య సంస్థ ప్రకటించిన కొన్ని సూచనలు చెప్పారు. ఆ సూచనలు వారి మాటల్లోనే..

View this post on Instagram

A post shared by Jr NTR (@jrntr) on

చెర్రీ: అందరికీ నమస్కారం.. డబ్ల్యూహెచ్‌వో (ప్రపంచ ఆరోగ్య సంస్థ) సూచించిన ఈ ఆరు సూత్రాలు పాటిస్తే కొవిడ్‌-19 నుంచి మనం చాలా సులువుగా బయటపడగలం.
తారక్‌: చేతులను సబ్బుతో మోచేతి వరకూ శుభ్రంగా కడుక్కోండి.. గోళ్ల సందుల్లో కూడా! బయటకు వెళ్లొచ్చినప్పుడు లేదా భోజనానికి ముందు.. ఇలా రోజుకి కనీసం ఏడు నుంచి ఎనిమిది సార్లు చేతులను కడుక్కోవాలి.
చెర్రీ: కరోనా వైరస్‌ తగ్గే వరకూ తెలిసిన వాళ్లు ఎదురుపడితే.. కౌగిలించుకోవడం, షేక్‌హ్యాండ్స్‌ ఇవ్వకూడదు. అనవరసంగా కళ్లు రుద్దుకోవడం, ముక్కు తుడుచుకోవడం, నోట్లో వేలు పెట్టుకోవడం మానేయాలి.
తారక్‌: మీకు పొడి దగ్గు, జ్వరం, జలుబు ఉందనిపిస్తేనే మాస్కులు వేసుకోవాలి. ఇంకొక ముఖ్యమైన విషయం.. తుమ్మినప్పుడు, దగ్గినప్పుడు అడ్డుగా అరచేతిని కాకుండా మోచేతిని పెట్టుకోండి.
చెర్రీ: జనం ఎక్కువగా ఉండే చోటికి వెళ్లకండి. మంచి నీళ్లు ఎక్కువగా తాగండి. అలా అని ఆత్రుతగా ఎక్కువ నీరు తాగకుండా.. తక్కువ మోతాదులో ఎక్కువసార్లు తాగండి. కాచి చల్లార్చిన నీళ్లు అయితే ఇంకా మంచిది.
తారక్‌: వాట్సాప్‌లో వచ్చే ప్రతి వార్తనీ దయచేసి నమ్మకండి. వాటిలో నిజమెంతుందో తెలియకుండా ఇతరులకు పంపకండి. అనవసరమైన భయాందోళనలు ఏర్పడతాయి. ఇది వైరస్‌ కన్నా ప్రమాదకరం. డబ్ల్యూహెచ్‌వో వెబ్‌సైట్‌ (www.who.int)లో ఎప్పటికప్పుడు సూచనలిస్తుంటారు.. వాటిని పాటిద్దాం.
చెర్రీ: ‘కొవిడ్‌-19’ మీద ప్రభుత్వాలు ఇచ్చే సలహాలు, సమాచారం తప్పకుండా పాటిద్దాం. మనల్ని మనమే కాపాడుకుందాం. జాగ్రత్తగా ఉండండి.. శుభ్రంగా ఉండండి.

కరోనాను అడ్డుకోవాలంటే ఇలా చేయాల్సిందే..!
కరోనా వైరస్‌ వ్యాప్తిని అడ్డుకునే క్రమంలో దేశవ్యాప్తంగా పాఠశాలల నుంచి మొదలు పెడితే..  సినిమా థియేటర్ల వరకూ అన్నింటినీ మూసివేశారు. దీనర్థం జనాలు ఎక్కువగా ఒకేచోట మోహరిస్తే వైరస్‌ వ్యాప్తి ఎక్కువగా జరిగే ప్రమాదం ఉందనే కదా..! కానీ కొంత మంది మాత్రం ఎలాంటి రక్షణ లేకుండా బయట తిరుగుతున్నారు. ఇది చాలా ప్రమాదమని నిపుణులు చెబుతున్నారు. వ్యక్తిగత శుభ్రత పాటిస్తూ కరోనా లక్షణాలున్నప్పుడు మాస్కులు ధరించడం ద్వారానే వైరస్‌ను అడ్డుకోవచ్చని వారంటున్నారు.

తాజాగా టీం ఇండియా క్రికెటర్‌ సురేశ్‌ రైనా కూడా ఇదే విషయాన్ని చెప్పుకొచ్చాడు. బస్సులో ముఖానికి మాస్కుతో దిగిన ఓ ఫొటోను ఇన్‌స్టాగ్రామ్‌లో పోస్ట్‌ చేసిన రైనా.. ‘పలు జాగ్రత్తలు పాటిస్తూ.. జన సమూహానికి దూరంగా ఉంటే కరోనా వైరస్‌ వ్యాప్తిని అడ్డుకోవచ్చనే విషయాన్ని గుర్తించండి. ఎలాంటి ఆధారం లేని సమాచారాన్ని ఇతరులతో పంచుకోకండి. అలాగే ఆరోగ్య నిపుణులు చెప్పే సలహాలను విస్మరించకండి. వ్యక్తిగత పరిశుభ్రతను పాటించండి’ అంటూ ప్రజల్లో అవగాహన కల్పించే ప్రయత్నం చేశాడీ డ్యాషింగ్‌ బ్యాట్స్‌మెన్‌.

celebaboutcoronaa650-5.jpg

వీలైనంత వరకు ఇంట్లోనే ఉండండి..
కరోనా వైరస్‌పై టాలీవుడ్‌ ప్రిన్స్‌ మహేష్‌ బాబు కూడా స్పందించాడు. కరోనా వైరస్‌ను అడ్డుకోవాలంటే.. సామాజిక దూరం పాటించాలంటూ ఓ స్ఫూర్తిదాయక వీడియోను ఇన్‌స్టాలో పోస్ట్‌ చేస్తూ మరీ చెప్పుకొచ్చాడు ప్రిన్స్‌. వీడియోలో భాగంగా.. ఒకదాని పక్కన మరొకటి వరుసగా నిటారుగా నిలబెట్టిన కొన్ని అగ్గిపుల్లలు ఒకటికొకటి అంటుకుంటూ మండుతూ వస్తుంటాయి. అయితే ఈ సమయంలోనే మధ్యలో ఓ అగ్గిపుల్ల పక్కకు తప్పుకుంటుంది. దీంతో మిగిలిన పుల్లలు అగ్నికి ఆహుతి కావు. అంటే.. దీనర్థం జనసమూహంలోకి వెళ్లకపోతే కరోనా వ్యాప్తి కూడా ఆగిపోతుందని ఈ వీడియో ద్వారా అందరిలో ఆలోచనను రేకెత్తించాడు మహేష్‌.

View this post on Instagram

A post shared by Mahesh Babu (@urstrulymahesh) on

ఇలా ఈ వీడియోను పోస్ట్‌ చేస్తూ.. ‘ప్రస్తుత పరిస్థితుల్లో జన సమూహంలో ఉండకపోవడం చాలా అవసరం. ఇది చాలా కష్టమైన పనే.. కానీ మనం దీన్ని ఆచరించాల్సిందే! ప్రజారోగ్యం దృష్ట్యా మన సామాజిక జీవితాన్ని త్యాగం చేయాల్సిన సమయం ఇది. మీ కుటుంబ సభ్యులతో ఇంట్లోనే సమయం గడపడానికి ప్రయత్నించండి. తద్వారా వైరస్‌ వ్యాప్తికి అడ్డుకట్ట వేయడంతో పాటు ఎంతోమంది ప్రాణాలు కాపాడుకోవచ్చు. ఎప్పటికప్పుడు మీ చేతులను శుభ్రంగా కడుక్కోవడం మర్చిపోకండి. అంతేకాదు మీ పరిసరాలను పరిశుభ్రంగా ఉంచుకోండి. వీలైనంత వరకు శానిటైజర్లను ఉపయోగించండి. అనారోగ్యంగా అనిపిస్తేనే మాస్కులను ధరించండి. పరిస్థితులు కాస్త కుదుట పడే వరకూ కొన్ని జాగ్రత్తలు పాటించండి. అందరం కలిసికట్టుగా ఉంటూ కరోనాను ధైర్యంగా ఎదుర్కొందాం..’ అంటూ అభిమానులకు సూచనలిచ్చాడు ప్రిన్స్‌.

జాగ్రత్తగా ఉండండి..

celebaboutcoronaa650-4.jpg
అందాల తార రాశీఖన్నా కూడా ట్విట్టర్‌ వేదికగా అభిమానులకు సూచనలు చేసింది. కరోనా వైరస్‌ విస్తరించకుండా ఎలా అడ్డుకోవాలో తెలిపే ఓ వీడియోను ట్విట్టర్‌లో పోస్ట్‌ చేసిన ఆమె.. ‘అందరూ జాగ్రత్తగా ఉండండి. కరోనా వైరస్‌ వ్యాప్తిని అడ్డుకోవడానికి మనవంతుగా కృషి చేద్దాం.. కరోనాను అంతమొందిద్దాం..’ అంటూ రాసుకొచ్చిందీ బ్యూటీ.

వచ్చే రెండు వారాలు మనకెంతో కీలకం..

celebaboutcoronaa650-1.jpg
బాలీవుడ్‌ తార బిపాసా బసు కరోనాను కట్టడి చేయడానికి మనవంతు కృషి చేయాలంటూ తాజాగా ఒక వీడియోని పోస్ట్‌ చేసింది. ఈ పోస్ట్‌లో భాగంగా భారత్‌ సహా ప్రపంచ వ్యాప్తంగా వివిధ దేశాల వారీగా నమోదైన కరోనా కేసుల సంఖ్యను తెలపడంతో పాటు ప్రస్తుతం భారతదేశంలో ఉన్న పరిస్థితులను వివరిస్తూ, రానున్న రెండు వారాలు ఎంత కీలకమో తెలియజేసింది.

View this post on Instagram

A post shared by bipashabasusinghgrover (@bipashabasu) on

‘రానున్న రెండు వారాలు భారత్‌కు ఎంతో కీలకం. మనం సరైన జాగ్రత్తలు తీసుకుంటే కరోనాని కట్టడి చేయగలం. లేకపోతే మనం పెద్ద సమస్యలో పడతాం, ముఖ్యంగా వృద్ధులకు ఎంతో ప్రమాదం. ఇండియాలో ఇప్పటివరకూ కరోనాతో పోరాడడానికి తీసుకున్న చర్యలు కొంత వరకు సఫలీకృతమయ్యాయి. కరోనా వైరస్‌ జనసమూహాల ద్వారా ఒకరి నుంచి మరొకరికి సోకే అవకాశాలున్నాయి. ఇదెంతో ప్రమాదకరమైన దశ. ఈ దశలో కరోనా కేసుల సంఖ్య మరింత వేగంగా పెరుగుతుంది. ఇటలీలో ఫిబ్రవరి చివరి వారం నుంచి మార్చి రెండో వారం దాకా కరోనా కేసుల సంఖ్య ఎలాగైతే 300 నుంచి 10,000 కు చేరిందో.. ఇక్కడ కూడా అలాంటి ప్రమాద ఘంటికలు మోగే అవకాశం ఉంది. ఒకవేళ మనదేశంలో రానున్న 3-4 వారాల్లో కరోనాని కట్టడి చేయకపోతే, వేలల్లో కాదు లక్షల్లో కరోనా కేసులు పుట్టుకొచ్చే అవకాశముంది. కాబట్టి ఈ నెలరోజులు మనందరికీ ఎంతో కీలకం. అందువల్లే చాలా వరకు ఈవెంట్లను, జనసమూహాలు ఏర్పడే కార్యక్రమాలను ఏప్రిల్‌ 15 వరకు దేశమంతటా రద్దు చేశారు.

పాఠశాలలు మూసేశారు కదా, సెలవులే కదా అని ప్రయాణాలు చేయకండి. సెలవులు వచ్చే ఏడాది కూడా ఉంటాయి. మీ పిల్లలతో కలిసి ప్రయాణాలు చేస్తూ మీ అదృష్టాన్ని ఎందుకు పరీక్షించుకుంటారు? పెళ్లిళ్లు, పుట్టినరోజు ఫంక్షన్లు తర్వాతైనా పెట్టుకోవచ్చు. మీ అదృష్టాన్ని పరీక్షిస్తూ, నాకేమవుతుందిలే అనే మొండి ధైర్యంతో వెళ్లకండి. వచ్చే నెల రోజులు భారతదేశ వైద్య చరిత్రలో ఎంతో కీలకం. మీరు ఇంట్లో ఉన్నా, ఏదైనా ముఖ్యమైన పనిమీద బయటికి వెళ్లాల్సి వచ్చినా తగిన జాగ్రత్తలను పాటించడం మాత్రం మరవకండి. జాగ్రత్తలు పాటించడమంటే భయపడడం కాదు.

ఇంకో నెల వరకూ తగిన జాగ్రత్తలు తీసుకుంటూ, వాటిని ఇతరులను కూడా తెలియజేస్తూ ఒక బాధ్యత గల పౌరుడిలా మెలగండి..’ అంటూ తన సుదీర్ఘమైన పోస్ట్‌తో అందరిలో స్ఫూర్తి నింపింది బిప్స్‌.





women icon@teamvasundhara
never-run-after-money-in-life-says-kangana-ranaut

women icon@teamvasundhara
katrina-decides-to-clean-her-home-in-this-lock-down-time

ఇల్లు వూడుస్తున్నా...గిన్నెలు తోముతున్నా...!

కరోనాను కట్టడి చేసేందుకు భారత ప్రభుత్వం దేశవ్యాప్తంగా లాక్డౌన్ ప్రకటించిన సంగతి తెలిసిందే. భారతీయులంతా ఎవరికి వారు స్వీయ నిర్బంధంలో ఉంటేనే కరోనాను మన దేశం నుంచి తరిమికొట్టగలమని ప్రధాని ప్రజలందరికీ పిలుపునిచ్చారు. దీంతో దేశ ప్రజలంతా ఇళ్లకే పరిమితమయ్యారు. అత్యవసర పనులుంటే తప్ప ఇళ్లలో నుంచి ఎవ్వరూ బయటకు రావడం లేదు. సామాన్యుల నుంచి సెలబ్రిటీల వరకు కేంద్రం ఇచ్చిన ఆదేశాలను అనుసరిస్తున్నారు. అయితే రోజంతా ఇంట్లో బోర్ కొట్టకుండా కాలక్షేపం కోసం వీళ్లు రకరకాల మార్గాలను ఎంచుకొంటున్నారు. అంతేకాదు వీటికి సంబంధించిన ఫొటోలు, వీడియోలను సోషల్ మీడియాలో పోస్ట్ చేస్తున్నారు. ఈ క్రమంలో బాలీవుడ్ బ్యూటీ కత్రినా కైఫ్ తన ఇంట్లో ఏం చేస్తోందో మీరే చూడండి..!

Know More

women icon@teamvasundhara
anupama-fires-on-people-who-throws-masks-on-roadside

మనం కరోనాతో ఇలాగేనా పోరాడేది..?

ఒక వ్యాధి మన దరికి చేరకుండా జాగ్రత్తలు పాటించడం ఎంత ముఖ్యమో.. మన నిర్లక్ష్యం వల్ల ఎదుటివారికి హాని కలగకుండా చూసుకోవడం కూడా అంతే ముఖ్యం..! ప్రపంచ దేశాలన్నీ కరోనాను కట్టడి చేసేందుకు నిరంతరంగా శ్రమిస్తోన్న ఈ తరుణంలో.. ఈ వైరస్ ఒకరి నుంచి ఒకరికి వ్యాప్తి చెందకుండా ప్రభుత్వాలు, ఆరోగ్య సంస్థలు వివిధ వేదికల ద్వారా ప్రజలకు తగిన జాగ్రత్తలు సూచిస్తున్నాయి. ఇందులో భాగంగా మనం చేయాల్సిన పనులు.. చేయకూడని పనులను స్పష్టంగా వివరిస్తున్నాయి. అయితే ఈ సూచనలను, జాగ్రత్తలను ప్రజలు నిర్లక్ష్యం చేస్తోన్న సంఘటనలు ఇంకా అక్కడక్కడ తారసపడుతూనే ఉండడం గమనార్హం. అలాంటి ఓ సంఘటన గురించి తీవ్రంగా స్పందించింది నటి అనుపమా పరమేశ్వరన్.

Know More

women icon@teamvasundhara
celebrities-respond-on-nirbhaya-convicts-hanging

ఓ తల్లి పట్టుదల ఇది !

అమానవీయం.. అకృత్యం.. దారుణం.. బహుశా ఇలాంటి పదాలేవీ ‘నిర్భయ’ ఘటనను ఉదహరించడానికి సరిపోకపోవచ్చు. ఏడేళ్ల క్రితం దిల్లీ నడిబొడ్డున ‘నిర్భయ’ ఘటనతో యావత్‌ దేశం ఒక్కసారిగా ఉలిక్కిపడింది. అసహాయురాలైన ఆడపిల్లను బలిగొన్న దుర్మార్గులకు ఉరే సరి అంటూ నినదించింది. చట్టంలో ఉన్న లోటుపాట్లను తమకు సానుకూలంగా మార్చుకుంటూ ఎత్తులకు పై ఎత్తులు వేస్తూ ఈ కీచకులు శిక్షనుంచి మూడు సార్లు తప్పించుకున్నా ఆఖరికి ఉరికంబానికి వేలాడక తప్పలేదు. అమాయకురాలైన తన బిడ్డను కోల్పోయి.. పొంగి వస్తోన్న దుఃఖాన్ని అణచుకుని మరీ ఏడేళ్లుగా పోరాడిన ఆ తల్లి గర్భశోకం నేటితో శాంతించింది. ఈ రోజు ఉదయం 05:30 గంటలకు దోషుల ఉరితీతతో ‘నిర్భయ’ ఆత్మకు శాంతి చేకూరింది. దీంతో యావత్‌ దేశం సంబరాలు చేసుకుంది. ఆడపిల్లకు అన్యాయం జరిగితే ఊరుకునేది లేదన్న విషయం మరోసారి రుజువైంది. ఈ ఉరిపై సామాన్యులే కాదు.. సెలబ్రిటీలూ సోషల్‌ మీడియా వేదికగా హర్షం వ్యక్తం చేస్తున్నారు. ఎట్టకేలకు నిర్భయకు న్యాయం జరిగిందంటూ తమ ఆనందాన్ని ట్వీట్లు, పోస్టుల రూపంలో పంచుకుంటున్నారు.

Know More

women icon@teamvasundhara
samantha-shares-her-bad-experience-after-her-marriage

ఆ విషయం చెబితే ‘నీకు పెళ్లైంది కదా’ అన్నాడు!

సమంత... సినిమాలతోనే కాదు తన వ్యక్తిత్వంతోనూ వేలాదిమంది అభిమానులను సంపాదించుకున్న హీరోయిన్‌. 2017లో నాగచైతన్యతో ఏడడుగులు నడిచిన ఆమె ప్రస్తుతం కథాబలమున్న సినిమాల్లోనే నటిస్తూ వరుస విజయాలు అందుకుంటోంది. ఇక సినిమాలతో పాటు ప్రత్యూష ఫౌండేషన్‌ పేరుతో పలు సేవా కార్యక్రమాలు నిర్వహిస్తుందీ ముద్దుగుమ్మ. ఇటీవల ఓ కొత్త పాఠశాల ప్రారంభించి విద్యా రంగంలోకి అడుగుపెట్టిన ఆమె తాజాగా హైదరాబాద్‌ టైమ్స్‌ ‘మోస్ట్‌ డిజైరబుల్‌ విమెన్‌-2019’ జాబితాలో అగ్ర స్థానంలో నిలిచింది. ఈ సందర్భంగా ఓ ఇంటర్వ్యూలో మాట్లాడుతూ మనం ధరించే దుస్తులు మన వ్యక్తిత్వాన్ని నిర్వచించవంటూ తన అభిప్రాయాలు పంచుకుంది.

Know More

women icon@teamvasundhara
he-begged-and-pleaded-for-second-chance-deepika-says-about-her-ex

బతిమాలాడు, వేడుకున్నాడు.. అయినా మోసం చేశాడు..!

ప్రేమకు నమ్మకమే పునాది..! ప్రేమికులకు ఒకరిపై ఒకరికి అపారమైన నమ్మకం, గౌరవం ఉంటేనే.. ఆ బంధం నిలబడుతుంది.. శాశ్వతమవుతుంది. ఇవి లేని ప్రేమకథలు మధ్యలోనే ఆగిపోతాయి. ఈ పరిస్థితి సామాన్యులకే కాదు సెలబ్రిటీలకు సైతం వస్తుంటుంది. ముఖ్యంగా సినీ పరిశ్రమకు సంబంధించి రకరకాల కారణాలతో ప్రేమలో విఫలమైన నటీనటులు ఎందరో ఉన్నారు. అయితే వీరిలో కొంతమంది తమ బ్రేకప్‌ స్టోరీస్‌ని గోప్యంగా ఉంచితే.. మరికొందరు మాత్రం వాటి గురించి ధైర్యంగా అందరితో పంచుకుంటున్నారు. బాలీవుడ్‌ బ్యూటీ దీపికా పదుకొణె రెండో కోవకు చెందుతుంది అని చెప్పడంలో ఎలాంటి సందేహం లేదు. తన అభిప్రాయాలను నలుగురి ఎదుట సూటిగా, స్పష్టంగా చెప్పే ధైర్యం ఉన్న నటీమణుల్లో దీపిక కూడా ఒకరు. ఈ క్రమంలో ఇటీవల ఓ ఇంటర్వ్యూలో తన మాజీ ప్రేమికుడు చేసిన మోసం గురించి చెప్పుకొచ్చిందీ తార.

Know More

women icon@teamvasundhara
manjima-mohan-instagram-history

నువ్వు ఎందుకింత అందంగా ఉన్నావ్‌.. డార్లింగ్‌?!

తన అందం, అభినయంతో ప్రేక్షకులను అలరిస్తోంది స్మైలింగ్‌ బ్యూటీ మంజిమా మోహన్‌. బాలనటిగా తన కెరీర్‌ను ప్రారంభించిన ఈ మలయాళీ ముద్దుగుమ్మ.. ‘ఒరు వడక్కన్‌ సెల్ఫీ’ సినిమాలో తొలిసారి హీరోయిన్‌గా నటించింది. గౌతమ్‌ మీనన్‌ దర్శకత్వంలో తెరకెక్కిన ‘సాహసం శ్వాసగా సాగిపో’ సినిమాతో తెలుగు ప్రేక్షకులకు చేరువైందీ బొద్దుగుమ్మ. అంతేకాదు, ఎన్టీఆర్‌ బయోపిక్‌గా రూపొందిన ‘ఎన్‌.టి.ఆర్‌. కథానాయకుడు’, ‘ఎన్‌.టి.ఆర్‌. మహానాయకుడు’ సినిమాల్లో కూడా మెరిసిందీ తార. ఈ సినిమాల్లో మంజిమ ఎన్టీఆర్‌ కుమార్తె, చంద్రబాబు సతీమణి నారా భువనేశ్వరి పాత్రలో ఒదిగిపోయింది. తను ప్రస్తుతం తమిళ, మలయాళ సినిమాలతో బిజీగా ఉంది. మార్చి 11 మంజిమ పుట్టినరోజు. ఈ సందర్భంగా తను ఇన్‌స్టా వేదికగా పంచుకున్న కొన్ని ఆసక్తికర ఫొటోలు మీకోసం..!

Know More

women icon@teamvasundhara
happy-birthday-ritu-varma-some-interesting-instagram-posts-of-ritu-are-here

అమ్మ చీరల్ని దొంగిలించడమంటే ఎవరికిష్టముండదు చెప్పండి?!

సినిమా పరిశ్రమలో హీరోయిన్లు రెండు రకాలుగా ఉంటారు. వచ్చిన ప్రతి అవకాశాన్నీ అంగీకరిస్తూ కెరీర్‌ను కొనసాగించే వాళ్లు కొందరైతే.. నటనకు ప్రాధాన్యమున్న పాత్రలను ఎంపిక చేసుకుంటూ ముందుకెళ్లే వాళ్లు మరికొందరు. స్మైలింగ్‌ బ్యూటీ రీతూ వర్మ కూడా రెండో కోవకు చెందుతుందని చెప్పడానికి ఎలాంటి సందేహం లేదు. తన తల్లిదండ్రులు మధ్యప్రదేశ్‌కి చెందిన వారైనా.. వృత్తిరీత్యా హైదరాబాద్‌లో స్థిరపడ్డారు. రీతూ ఇక్కడే జన్మించింది. తన బాల్యం, విద్యాభ్యాసం కూడా హైదరాబాద్‌లోనే జరిగింది. తను మొదటిసారి ‘అనుకోకుండా’ అనే షార్ట్‌ఫిల్మ్‌లో లీడ్‌ రోల్‌ పోషించింది. ఈ షార్ట్‌ఫిల్మ్‌ రీతూకు మంచి గుర్తింపును తీసుకురావడంతో.. జూ.ఎన్టీఆర్‌, కాజల్‌ జంటగా నటించిన ‘బాద్‌షా’ సినిమాలో కాజల్‌ చెల్లెలి పాత్రలో నటించే అవకాశం దక్కించుకుంది రీతూ.

Know More

women icon@teamvasundhara
celebs-pour-holy-wishes-on-social-media

రంగుల పండగ.. మీ జీవితంలో సంతోషం నిండగా!

‘కొట్టు కొట్టు కొట్టు.. రంగు తీసి కొట్టు..’ అంటూ చిన్న పిల్లల దగ్గరి నుంచి పెద్దల వరకు అందరూ కలిసి ఉత్సాహంగా జరుపుకునే రంగుల పండగే ‘హోలీ’. ఈ సందర్భంగా ఆనందంగా ఒకరికొకరు రంగులు పులుముకుంటూ, సంతోషమనే రంగు నీటిలో మునిగి తేలుతూ అందరూ తమ బంధువులు, స్నేహితులతో కలిసి ఎంజాయ్‌ చేస్తారు. అనునిత్యం బిజీ షెడ్యూల్స్‌తో తీరిక లేకుండా గడిపే సెలబ్రిటీలు సైతం కాస్త తీరిక చేసుకొని హోలీ కేళీలో మునిగి తేలుతారు. అంతేనా.. తమ కుటుంబ సభ్యులు, స్నేహితులు, సన్నిహితులతో వారు చేసిన ఎంజాయ్‌మెంట్‌ని ఫొటోల్లో బంధించి.. వాటిని సోషల్‌ మీడియాలో పోస్ట్‌ చేస్తూ తమ అభిమానులకు పండగ శుభాకాంక్షలు తెలుపుతారు. మరి, ఈ హోలీ పండగను మన సెలబ్రిటీలు ఎలా జరుపుకున్నారో చూద్దాం రండి..

Know More

women icon@teamvasundhara
srimukhi-chit-chat-with-her-insta-fans

అదే నా ఎనర్జీకి కారణం!

శ్రీముఖి.. బుల్లితెరపై తన మాటల పరవళ్లతో సందడి చేస్తోన్న ఈ స్టార్‌ యాంకర్‌ గురించి ప్రత్యేక పరిచయం అవసరం లేదు. యాంకరింగ్‌లో తనదైన స్టైల్‌, మేనరిజమ్స్‌తో ఇట్టే ఆకట్టుకునే ఈ అందాల తార.. బిగ్‌బాస్‌ రియాల్టీ షోతో ఎనలేని స్టార్‌డమ్‌ను సొంతం చేసుకుంది. అభిమానులతో ముద్దుగా ‘బుల్లితెర రాములమ్మ’ అని పిలిపించుకునే ఈ ముద్దుగుమ్మ సోషల్‌ మీడియాలోనూ చాలా యాక్టివ్‌గా ఉంటుంది. ఇన్‌స్టాగ్రామ్‌లో ఎప్పటికప్పుడు తన లేటెస్ట్‌ ఫొటోలను షేర్‌ చేసే శ్రీ.. తీరిక దొరికినప్పుడల్లా అభిమానులతో ముచ్చటిస్తుంటుంది. ఈక్రమంలో తాజాగా మరోసారి తన ఫ్యాన్స్‌తో సరదాగా మాట్లాడిందీ ముద్దుగుమ్మ. అభిమానులు అడిగిన ప్రశ్నలకు తనదైన శైలిలో సమాధానాలు చెప్పి ఆకట్టుకుంది. మరి, ఈ చక్కనమ్మను అభిమానులు అడిగిన ప్రశ్నలేంటో, వాటికి ఈ స్టార్‌ యాంకర్‌ ఇచ్చిన సమాధానాలేంటో మీరే చూడండి.

Know More

women icon@teamvasundhara
celebrity-wishes-on-womens-day

మా ఉనికికి నిర్వచనం మీరే!

‘ఈ ప్రపంచంలో దేన్నయినా పుట్టించే శక్తి ఇద్దరికే ఉంది. ఒకటి నేలకి, రెండు వాళ్లకి’ అంటూ ఇటీవల వచ్చిన ఓ సినిమాలో మహిళలను భూదేవితో పోల్చారు. అది రీల్‌ డైలాగ్‌ అయినా రియాలిటీలోనూ భూదేవిని మించిన ఓర్పు ఆడవాళ్లకు ఉంటుందనేది అక్షరాలా సత్యం. అలా త్యాగానికి, శక్తికి, సహనానికి నిలువెత్తు నిదర్శనంగా నిలిచే నారీ శక్తిని ప్రపంచానికి చాటి చెప్పేదే ‘అంతర్జాతీయ మహిళా దినోత్సవం’. ఇలా మానవాళి మనుగడకు కారణమైన స్ర్తీ గొప్పతనాన్ని వివరిస్తూ వివిధ రంగాలకు చెందిన సెలబ్రిటీలు సోషల్‌ మీడియా వేదికగా మహిళలకు శుభాకాంక్షలు తెలియజేస్తున్నారు. అదేవిధంగా వారి ఉన్నతికి కారణమై, ఆదర్శంగా నిలిచిన ఆడవాళ్లకు కృతజ్ఞతలు చెబుతున్నారు. మాధురీ దీక్షిత్‌

Know More

women icon@teamvasundhara
samantha-lifting-100-kg-deadlift-is-going-viral

వామ్మో సమంత.. మళ్లీ 100 కిలోలు ఎత్తేసింది !

తన క్యూట్‌ లుక్స్‌తో సినీ అభిమానులను మెస్మరైజ్‌ చేసే టాలీవుడ్‌ ‘ఓ బేబి’ అక్కినేని సమంత. అటు గ్లామర్‌తో పాటు ఫిట్‌నెస్‌కి కూడా సమ ప్రాధాన్యమిచ్చే ఈ లవ్లీ లేడీ ఎంత బిజీగా ఉన్నప్పటికీ నిత్యం వ్యాయామం చేయడం మాత్రం మరవదు. తను జిమ్‌లో చేసే వివిధ రకాల కసరత్తుల వీడియోలను సోషల్‌ మీడియాలో ఎప్పటికప్పుడు పంచుకుంటూ అభిమానులకు ఫిట్‌నెస్‌ పాఠాలు నేర్పుతుంది సామ్‌. ఇక తను చేసే వర్కవుట్లను చూస్తే ఎవరైనా ఫిదా అయిపోవాల్సిందే..! ఎంతో కఠినంగా ఉండే వర్కవుట్లను సైతం అలవోకగా చేసేస్తూ అందరికీ ఫిట్‌నెస్‌ గురూగా మారిన జానూ.. తాజాగా మరో వర్కవుట్‌తో నెటిజన్లను ఆకట్టుకుంటోంది.

Know More

women icon@teamvasundhara
intresting-instagram-post-of-janvi-kapoor

నా హృదయం బరువెక్కినా నేను హ్యాపీగానే ఉంటా..!

‘అతిలోక సుందరి’ శ్రీదేవి కూతురు జాన్వీ కపూర్‌ గురించి పెద్దగా పరిచయం చేయాల్సిన అవసరం లేదు. తల్లి అందంతో పాటు, నట వారసత్వాన్ని పునికి పుచ్చుకుందీ చిన్నది. తండ్రి ఓ పెద్ద నిర్మాత అయినా, సినీ నేపథ్యం ఉన్న కుటుంబం నుంచి వచ్చినా.. ఇసుమంతైనా గర్వం లేకుండా సింపుల్‌గా ఉండడం జాన్వీ నైజం. నటనకు ప్రాధాన్యమున్న ‘ధడక్‌’ సినిమాతో వెండితెరకు పరిచయమైన జాన్వీ.. తొలి సినిమాలోనే తన సహజ నటనతో ప్రేక్షకులను ఆకట్టుకుంది. సినిమాల్లోకి రాక ముందు క్యాలిఫోర్నియాలో ‘లీ స్ట్రాస్‌బర్గ్‌ థియేటర్‌ అండ్‌ ఫిలిం ఇన్‌స్టిట్యూట్‌’లో యాక్టింగ్‌ కోర్సు చేసింది జూనియర్‌ శ్రీదేవి. ఇక ఈ ఏడాది నెట్‌ఫ్లిక్స్‌లో ప్రసారమైన ‘ఘోస్ట్‌ స్టోరీస్‌’ సిరీస్‌తో ప్రేక్షకులను భయపెట్టిన ఈ చేప కళ్ల చిన్నది.. ప్రస్తుతం గుంజన్‌ సక్సేనాతో పాటు మరికొన్ని సినిమాల్లో నటిస్తూ తీరిక లేకుండా గడుపుతోంది. ఇలా తాను ఎంత బిజీగా ఉన్నప్పటికీ సోషల్‌ మీడియాలోనూ యాక్టివ్‌గా ఉంటుంది జాన్వీ. ఈ క్రమంలోనే తన లేటెస్ట్‌ ఫొటోలతో పాటు కుటుంబంతో గడిపిన మధుర క్షణాలను అభిమానులతో పంచుకోవడం ఈ చక్కనమ్మకు అలవాటే. ఈ అందాల రాశికి నేటితో (శుక్రవారం మార్చి 6) 23 ఏళ్లు నిండాయి. ఈ సందర్భంగా జాన్వీ కపూర్‌ ఇన్‌స్టాగ్రామ్‌లో షేర్‌ చేసిన కొన్ని ఆసక్తికర పోస్ట్‌లపై ఓ లుక్కేద్దామా..?

Know More

women icon@teamvasundhara
intresting-instagram-post-of-shradda-kapoor

‘తొలిప్రేమ’ అంటే ఇదేనేమో..!

శక్తి కపూర్‌ నట వారసురాలిగా సినిమా ఇండస్ట్రీకి పరిచయమైంది నటి శ్రద్ధా కపూర్‌. సినీ నేపథ్యం ఉన్నా తనకంటూ ఓ ప్రత్యేకతను సంపాదించుకున్న శ్రద్ధ.. అనతి కాలంలోనే అగ్ర కథానాయికల్లో ఒకరిగా పేరు తెచ్చుకుంది. 2010లో అమితాబ్‌, మాధవన్‌ ప్రధాన పాత్రలో నటించిన ‘తీన్‌ పత్తీ’ సినిమాతో వెండితెరకు పరిచయమైన ఈ చిన్నది.. పదేళ్లలోనే 21 చిత్రాల్లో నటించింది. ఇక తెలుగులో ప్రభాస్‌ హీరోగా నటించిన ‘సాహో’ చిత్రంతో తెలుగు ప్రేక్షకులను కూడా ఆకట్టుకుందీ ముద్దుగుమ్మ. ఇక సినిమాలతో నిత్యం బిజీగా ఉండే ఈ అందాల భామ సోషల్‌ మీడియాలోనూ చురుగ్గా ఉంటుంది. తన సినిమా విశేషాలతో పాటు, లేటెస్ట్‌ ఫొటోలను ఎప్పటికప్పుడు పంచుకుంటూ అభిమానులతో టచ్‌లో ఉంటుంది శ్రద్ధ. తనదైన అందం, నటనతో ఆకట్టుకుంటోన్న ఈ బాలీవుడ్‌ భామ పుట్టినరోజు నేడు (మార్చి 3, మంగళవారం). ఈ సందర్భంగా శ్రద్ధ ఇన్‌స్టాగ్రామ్‌లో పోస్ట్‌ చేసిన కొన్ని ఆసక్తికర పోస్ట్‌లను ‘ఇన్‌స్టాపురములో’ భాగంగా చూసేద్దాం..!

Know More

women icon@teamvasundhara
shruti-haasan-gives-strong-counter-on-body-shaming

ఇది నా ముఖం.. ఇది నా జీవితం..!

ఎదుటి వ్యక్తి అందం, శరీరాకృతి, బరువు, వర్ణం.. మొదలైన వాటిపై వాళ్ల మనోభావాలు దెబ్బతినేలా విమర్శలు చేయడాన్ని ‘బాడీ షేమింగ్‌’ అంటారు. ప్రస్తుతం మన సమాజంలో ఆడవాళ్లు ఎదుర్కొంటున్న సమస్యల్లో ఇది కూడా ఒకటి. వీరిలో సామాన్యులతో పాటు వివిధ రంగాలకు చెందిన సెలబ్రిటీలు సైతం ఉండడం గమనార్హం. ముఖ్యంగా సినిమా పరిశ్రమకు చెందిన హీరోయిన్లపై ఇలాంటి విమర్శలు తరచుగా వినిపిస్తుంటాయి. సోషల్‌ మీడియా వచ్చాక ఈ కామెంట్లు మరీ ఎక్కువైపోయాయి. కొంతమంది నెటిజన్లైతే హీరోయిన్ల సోషల్‌ మీడియా అకౌంట్లను ట్యాగ్‌ చేసి మరీ.. వారి శరీరాకృతిని విమర్శిస్తూ అభ్యంతరకర కామెంట్లు పెడుతున్నారు. అయితే కొంతమంది హీరోయిన్లు ఇలాంటి కామెంట్లను చూసీ చూడనట్లు వదిలేస్తుంటే.. కొంతమంది మాత్రం వీటిపై ఘాటుగా స్పందిస్తూ అలాంటి వాళ్లకు బుద్ధి చెబుతున్నారు. ఈ క్రమంలో అందాల తార శృతి హాసన్‌ కూడా తనపై వస్తోన్న బాడీ షేమింగ్‌ కామెంట్లపై తీవ్రంగా స్పందించింది. అంతేకాదు, ‘మన శరీరం, ఆలోచనల్లో వచ్చే మార్పులను అంగీకరిస్తూ జీవితంలో ముందుకెళ్లడమే మనకు మనం చేసుకునే అతిపెద్ద సహాయం’ అంటూ ఇలాంటి విమర్శలు ఎదుర్కొంటోన్న తోటి మహిళల్లో ధైర్యం నింపుతోందీ బ్యూటీ.

Know More

women icon@teamvasundhara
sreemukhi-gives-clarification-about-her-past-love

నా మాటలను తప్పుగా అర్థం చేసుకున్నారు..!

డిజిటల్‌ మీడియా విస్తృతి పెరిగాక ఏ విషయమైనా క్షణాల్లో ప్రపంచ నలుమూలలకు చేరుతోంది. పైగా ఇప్పటి తరంలో సోషల్‌ మీడియా వాడే వారి సంఖ్య ఎక్కువగా ఉండడంతో ఒక వార్త కాసేపట్లోనే వైరలవుతోంది. అయితే ఆ వార్త నిజమైతే ఫర్వాలేదు.. కానీ, అది అబద్ధమైతే మాత్రం ఆ వార్తలో ఉన్న వ్యక్తి/సంస్థ గురించి ప్రజల్లోకి తప్పుడు సమాచారం వెళ్తుంది. ఇలాంటి సంఘటనలు ఎక్కువశాతం సినిమా సెలబ్రిటీల విషయంలో జరుగుతుంటాయి. ప్రముఖ టీవీ యాంకర్‌, నటి శ్రీముఖికి కూడా తాజాగా ఇలాంటి ఓ అనుభవమే ఎదురైంది. దీని గురించి ఓ ప్రత్యేక వీడియో ద్వారా వివరణ ఇచ్చిందీ తార.

Know More

women icon@teamvasundhara
samantha-completes-10-years-journey-in-tollywood

‘పదేళ్లు’గా మాయ చేస్తూనే ఉంది ..!

‘ఎంతమంది ముందుకొచ్చి అందాలు చల్లుతున్నా ఈ గుండెకేమవ్వలా..! నిన్న కాక మొన్న వచ్చి ఏ మాయ చేశావే.. పిల్లి మొగ్గలేసిందిలా..!’ .. ‘ఏమాయ చేసావె’ సినిమాలోని ఈ పాట వింటే మన కళ్లముందు కదలాడే రూపం స్మైలింగ్‌ బ్యూటీ సమంతది కాక మరెవరిది..! ఈ పాట మాత్రమే కాదు.. ఈ సినిమా కూడా సినీ ప్రేమికులను ఎంతలా మాయ చేసిందో ప్రత్యేకించి చెప్పక్కర్లేదు. గౌతమ్‌ మీనన్‌ దర్శకత్వం వహించిన ఈ అపురూప దృశ్యకావ్యం 2010లో విడుదలైంది. ఇందులోని పాటలు, సన్నివేశాలు, సంభాషణలు, లొకేషన్లు అప్పట్లో సంచలనం సృష్టించాయి. ఈ సినిమా సమంతకు నటిగా తొలిచిత్రం. అంతేకాదు, ఈ సినిమా చిత్రీకరణ సమయంలోనే నాగ చైతన్య, సమంతల మధ్య ప్రేమకు బీజం పడింది. ఇన్ని ప్రత్యేకతలున్న ‘ఏమాయ చేసావె’ సినిమా విడుదలై సరిగ్గా దశాబ్దమైంది. అంటే సమంత నటిగా తన కెరీర్‌ను ప్రారంభించి కూడా దశాబ్దం పూర్తయ్యింది అన్నమాట. ఈ సందర్భంగా ఈ పదేళ్లలో సామ్‌ తన నటనతో మెప్పించిన కొన్ని మరపురాని పాత్రలను ఒకసారి గుర్తు చేసుకుందాం రండి..!

Know More

women icon@teamvasundhara
taapsee-pannu-wants-cbfc-to-add-disclaimers-to-films-featuring-domestic-violence

గృహహింసకు వ్యతిరేకంగా సినిమాల్లో అలా చెప్పలేరా..!

‘సినిమా’.. మనిషి ఆలోచనలపై ప్రభావం చూపే, మనిషిని మంచి/చెడు మార్గాల వైపు ప్రేరేపించే అతి శక్తిమంతమైన మాధ్యమం. అందుకే ఓ సినిమాని చిత్రీకరించే ముందు ఎన్నో కోణాల నుంచి ఆలోచించి మరీ రూపొందిస్తుంటారు. సినిమా నేపథ్యం, టైటిల్‌, డైలాగ్స్‌, సన్నివేశాలు, పాటలు, దుస్తులు, సెట్స్‌.. ఇలా ఒక్కటేమిటి.. ప్రతి విషయంలోనూ ఎన్నో జాగ్రత్తలు తీసుకుంటుంటారు. తమ సినిమా వల్ల సమాజానికి మేలు జరగకపోయినా ఫర్వాలేదు కానీ, చెడు మాత్రం జరగకూడదని కొంతమంది అభిరుచి కలిగిన ఉత్తమ దర్శకనిర్మాతలు భావిస్తుంటారు. అయితే పలు సందర్భాల్లో సినిమాల్లో కొన్ని సన్నివేశాలు కాస్త అభ్యంతరకరంగా ఉన్నప్పటికీ కథా బలం కోసం వాటిని అలాగే ఉంచాల్సి వస్తుంటుంది. అప్పుడు వాటి కింద ‘డిస్‌క్లెయిమర్‌’ వేస్తుంటారు.

Know More

women icon@teamvasundhara
actor-and-anchor-hari-teja-interesting-instagram-posts

హ్యాపీ బర్త్‌డే ‘కత్తి కాంతమ్మ’..!

‘ఈ సినిమాలో నాకు దొరికిన మంచి నటి హరితేజ. ఈ అమ్మాయిని చాలా సంవత్సరాలపాటు చూడాలి. నచ్చినా, నచ్చకపోయినా భరించడమే.. తప్పదు. ఎందుకంటే ఈ అమ్మాయి నాకు చిన్న వయసులో ఉన్న అందమైన సూర్యకాంతంలా అనిపించింది. అంతటి గొప్ప నటిలా అనిపించింది హరితేజ.’ ఇవీ... ‘అ..ఆ’ సినిమా ఆడియో లాంచ్‌ కార్యక్రమంలో దర్శకుడు త్రివిక్రమ్‌ చెప్పిన మాటలు. హరితేజ నటన చూస్తుంటే ఈ మాటలు అక్షరాలా నిజమే అనిపిస్తాయి. ఈటీవీలో ప్రసారమవుతోన్న ‘మనసు మమత’ ధారావాహికతో మొదలైన హరితేజ ఆన్‌స్క్రీన్‌ జర్నీ.. సినిమాల వరకు విజయవంతంగా కొనసాగింది.. కొనసాగుతోంది. 2017లో తెలుగులో తొలిసారి ప్రసారమైన ‘బిగ్‌బాస్‌’ రియాలిటీ షోతో ప్రేక్షకులకు మరింత దగ్గరైందీ కుందనపుబొమ్మ. ఈ క్రమంలో తన హరికథా నైపుణ్యంతో ఫ్యాన్స్‌ను ఆకట్టుకుందీ చిన్నది. ఓవైపు సినిమాల్లో నటిస్తూనే, మరోవైపు పలు ప్రోగ్రామ్‌లకు యాంకర్‌గానూ వ్యవహరిస్తోంది హరితేజ. ఈ క్రమంలో ప్రస్తుతం ‘పండు చేస్కో’తో ఆడ పడుచులతో సందడి చేస్తోన్న హరి.. తాను ఎంత బిజీగా ఉన్నా సరే సోషల్‌మీడియాలో ఎప్పటికప్పుడు అభిమానులతో టచ్‌లో ఉంటుందీ బ్యూటీ క్వీన్‌. ఈ క్రమంలో తన కెరీర్‌, వ్యక్తిగత విషయాలను నెటిజన్లతో పంచుకుంటుంది. తన సహజ నటన, ఆకట్టుకునే రూపంతో బుల్లితెరతో పాటు వెండితెర ప్రేక్షకులను సైతం అలరిస్తోన్న హరితేజ పుట్టినరోజు నేడు (ఫిబ్రవరి 26 బుధవారం). ఈ సందర్భంగా హరి ఇన్‌స్టాగ్రామ్‌లో పోస్ట్‌ చేసిన కొన్ని ఆసక్తికర పోస్ట్‌లపై ఓ లుక్కేద్దామా.!!

Know More

women icon@teamvasundhara
payal-rajput-interacts-with-fans

నాకు కాబోయేవాడు ఎలా ఉండాలంటే..!

బుల్లితెర నటిగా కెరీర్‌ మొదలు పెట్టి వెండితెరకు పరిచయమైంది నటి పాయల్‌ రాజ్‌పుత్‌. సుమారు ఆరేళ్లపాటు పలు సీరియళ్లలో నటించిన పాయల్‌ 2017లో వచ్చిన ‘చన్నా మెరేయా’ అనే పంజాబీ సినిమాతో వెండితెరకు పరిచయమైంది. మరాఠీలో తెరకెక్కి సంచలన విజయం సాధించిన ‘సైరత్‌’ చిత్రానికి రీమేక్‌గా ఈ సినిమాను తెరకెక్కించారు. ఇక 2018లో ‘ఆర్‌ఎక్స్‌100’ సినిమాతో తెలుగు ప్రేక్షకులను పలకరించిన పాయల్‌ తన అందం అభినయంతో మ్యాజిక్‌ చేసింది. మరీ ముఖ్యంగా ఈ సినిమాలో ఓవైపు గ్లామరస్‌గా కనిపిస్తూనే మరోవైపు నెగెటివ్‌ షేడ్స్‌ ఉన్న పాత్రలో అలరించింది. ఈ చిత్రానికిగాను ‘ఉత్తమ పరిచయ నటి’ విభాగంలో ప్రతిష్మాత్మక ‘సైమా’ అవార్డును అందుకుందీ ముద్దుగుమ్మ. ‘వెంకీ మామ’, ‘డిస్కోరాజా’ చిత్రాలతో అగ్రకథానాయికల రేసులోకి నేను వచ్చేశానని చెప్పకనే చెప్పిందీ బ్యూటీ. ఇక తాజాగా ‘ఏంజెల్‌’ సినిమాతో తమిళంలోనూ తన అదృష్టాన్ని పరీక్షించుకోనున్న పాయల్‌... సినిమాలతోనే కాకుండా సోషల్‌మీడియా ద్వారా కూడా అభిమానులతో నిత్యం టచ్‌లో ఉంటుంది. తన లేటెస్ట్‌ ఫొటోలను ఎప్పటికప్పుడు సామాజిక మాధ్యమాల ద్వారా ఫ్యాన్స్‌తో పంచుకునే పాయల్‌.. తాజాగా అభిమానులతో ముచ్చటించింది. ఇన్‌స్టాగ్రామ్‌ వేదికగా అభిమానులు అడిగిన ప్రశ్నలకు సమాధానమిచ్చిందీ పాల బుగ్గల బ్యూటీ. ఈ నేపథ్యంలో ఫ్యాన్స్‌ అడిగిన కొన్ని ఆసక్తికర ప్రశ్నలు, వాటికి పాయల్‌ ఇచ్చిన సమాధానాలు మీకోసం...

Know More

women icon@teamvasundhara
best-scenes-from-the-movies-in-which-legend-sridevi-acted

నిన్ను, నీ నటనను మరవగలమా?

శ్రీదేవి.. అందం, అభినయం, అణకువ.. కలబోసిన అతిలోకసుందరి. కొన్ని దశాబ్దాలపాటు వెండితెరను ఏలిన ఈ బంగారు బొమ్మ సినీచరిత్రలో తనకంటూ ప్రత్యేక శకాన్నే లిఖించుకుంది. పాత్ర ఏదైనా తనదైన నటనతో దానికి ప్రాణం పోయడం ఆమెకు వెన్నతో పెట్టిన విద్య. అందుకేనేమో.. ఏ పాత్రలో నటించినా అందులో చక్కగా ఒదిగిపోయేది. ముఖ్యంగా తెలుగు, హిందీ చిత్ర పరిశ్రమల్లో ఈ జాజి కొమ్మకు మంచి పేరు తెచ్చిపెట్టిన చిత్రాలు ఎన్నో ఉన్నప్పటికీ వాటిలో కొన్ని సన్నివేశాల్లో శ్రీదేవి నటనను వర్ణించడానికి మాటలు సరిపోవు. ఆమె జయంతి సందర్భంగా అలాంటి కొన్ని అపురూప సన్నివేశాల సమాహారం మీ కోసం..

Know More

women icon@teamvasundhara
celebrity-wishes-on-maha-shivaratri
women icon@teamvasundhara
malaika-faces-many-rejections-in-her-modeling-auditions

మొదట్లో నన్నూ వద్దన్నారు..!

‘ఛయ్య ఛయ్య ఛయ్యా ఛయ్యా..’ ఈ పాట విడుదలై దాదాపు 21 సంవత్సరాలు గడుస్తున్నా.. ఇప్పటికీ ఈ పాట బాలీవుడ్‌ ఎవర్‌గ్రీన్‌ లిస్ట్‌లో ముందుంటుందనడంలో సందేహం లేదు. ఈ పాట వినగానే అందరికీ ముందుగా గుర్తొచ్చేది బాలీవుడ్‌ బ్యూటీ మలైకా అరోరానే. ఓ టీవి ఛానల్‌లో వీడియో జాకీగా తన ప్రస్థానాన్ని మొదలుపెట్టిన మలైకా.. ‘దిల్‌ సే’ చిత్రంలో స్పెషల్‌ సాంగ్‌తో పాపులర్‌ అయిపోయింది. ఆపై అంచెలంచెలుగా ఎదుగుతూ.. బాలీవుడ్‌ కండల వీరుడు సల్మాన్‌ మూవీలో ‘మున్నీ బద్‌నామ్‌ హుయి’ పాటతో మరోసారి సంచలనానికి తెరలేపిందీ మున్నీ. బాలీవుడ్‌ ఫేమస్‌ స్టార్స్‌లో ఒకరిగా గుర్తింపు తెచ్చుకున్న మలైకా.. దాదాపు 29 సంవత్సరాల క్రితం మోడలింగ్‌ రంగంలోకి అడుగుపెట్టిన సమయంలో తను ఎదుర్కొన్న సమస్యల గురించి, అలాగే వీగన్‌గా మారడం వల్ల ఉన్న ఉపయోగాల గురించి చెప్పుకొచ్చింది. మరి ఆ విశేషాలను తన మాటల్లోనే విందాం రండి..

Know More

women icon@teamvasundhara
shilpa-shetty-welcomes-second-baby-girl

మా ఇంట్లోకి మహాలక్ష్మి అడుగుపెట్టింది!

అమ్మయిన మహిళల ఆనందానికి ఆకాశమే హద్దు. మహిళగా వారి జీవితానికి మరింత పరిపూర్ణత నిచ్చే మాతృత్వపు మాధుర్యాన్ని మాటల్లో వర్ణించలేం. ఇక మొదటి సారి మగ బిడ్డకు జన్మనిచ్చిన స్ర్తీలు రెండోసారి కచ్చితంగా ఆడ బిడ్డే పుట్టాలని దేవుడిని కోరుకుంటారు. ఎందుకంటే ఇంట్లో ఓ అమ్మాయి ఉంటే ఆ సందడే వేరు. ప్రస్తుతం అలాంటి ఆనందోత్సాహంలోనే మునిగి తేలుతున్నారు శిల్పాశెట్టి దంపతులు. ఇటీవలే సరోగసీ విధానం ద్వారా పండంటి ఆడబిడ్డకు జన్మనిచ్చిన ఆమె తాజాగా తన బుజ్జి పాపాయిని తొలిసారిగా ప్రపంచానికి పరిచయం చేసింది. ఈ క్రమంలో ఇన్‌స్టా వేదికగా తన హ్యాపీనెస్‌ మూడ్‌ను అందరితో షేర్‌ చేసుకుంటూ ఓ బ్యూటిఫుల్‌ పోస్ట్‌ పెట్టిందీ బాలీవుడ్‌ బ్యూటీ.

Know More

women icon@teamvasundhara
rashmika-mandana-intresting-instagram-posts

మీ జీవితానికి మీరే డ్రైవర్‌లా ఉండండి..!

‘కిరిక్‌ పార్టీ’ సినిమాతో వెండితెరకు పరిచయమైంది నటి రష్మిక మందన. ‘ఛలో’ సినిమాతో తెలుగు ప్రేక్షకులను పలకరించిన ఈ కన్నడ భామ తొలి చిత్రంతోనే నటిగా మంచి గుర్తింపు సంపాదించుకుంది. ఇక విజయ్‌ దేవరకొండ హీరోగా నటించిన ‘గీత గోవిందం’ సినిమాతో ఒక్కసారిగా స్టార్‌ హీరోయిన్ల జాబితాలో చేరింది. అనంతరం పలు క్రేజీ ప్రాజెక్టుల్లో నటించే అవకాశాన్ని దక్కించుకొని లక్కీ హీరోయిన్‌గా మారిపోయిందీ ముద్దుగుమ్మ. ‘గీత గోవిందం’లో ‘గీత’గా అలరించినా... ‘డియర్‌ కామ్రేడ్‌’లో ‘లిల్లీ’గా భావోద్వేగాలు పలకరించినా.. ‘సరిలేరు నీకెవ్వరు’ చిత్రంలో ‘సంస్కృతి’గా అల్లరి చేసినా.. అది రష్మికకే చెల్లింది. సినిమా.. సినిమాకు తనలోని వైవిధ్యాన్ని ప్రదర్శిస్తూ.. తనకంటూ ఓ ప్రత్యేకతను సంపాదించుకున్న ఈ బ్యూటీ తాజాగా ‘భీష్మ’ చిత్రంతో మరోసారి ప్రేక్షకులను పలకరించి.. తనదైన అందం, అభినయం, హావభావాలతో ఆకట్టుకుంది. సినిమాలతో బిజీగా ఉండే రష్మిక అదే సమయంలో సోషల్‌మీడియాలోనూ నిత్యం యాక్టివ్‌గా ఉంటుంది. ఈ క్రమంలో రష్మిక ఇన్‌స్టాగ్రామ్‌లో పోస్ట్‌ చేసిన కొన్ని ఆసక్తికరమైన పోస్టులపై ఓ లుక్కేద్దామా..?

Know More

women icon@teamvasundhara
vijayashanthi-welcomes-supreme-verdict-on-command-posts-for-women-in-army

నా 20 ఏళ్ల కల ఇప్పుడు సాకారమైంది!

శారీరక కారణాలను సాకుగా చూపుతూ ఆర్మీలో అతివలపై కొనసాగుతోన్న వివక్షకు తెర దించుతూ సుప్రీం చరిత్రాత్మక తీర్పునిచ్చిన సంగతి తెలిసిందే. పురుషుల్లాగే మహిళలకు కూడా సైన్యంలో ‘కమాండ్‌’ హోదా ఇవ్వాల్సిందేనని, శాశ్వత కమిషన్‌ మంజూరు చేసి అన్ని రకాల ప్రయోజనాలు కల్పించాల్సిందేనని ఇటీవల ఆదేశాలు జారీ చేసింది. ఈ క్రమంలో లింగభేదం లేకుండా నారీమణులకు కూడా సైన్యాధికారి పోస్టులను ఇవ్వాలన్న సర్వోన్నత న్యాయస్థానం తీర్పుపై సర్వత్రా హర్షం వ్యక్తమవుతోంది. ఐఏఎస్‌, ఐపీఎస్‌ సర్వీసుల్లో పనిచేస్తున్న వారితో పాటు వివిధ రంగాలకు చెందిన సెలబ్రిటీలు సోషల్‌ మీడియా ద్వారా తమ సంతోషాన్ని పంచుకుంటున్నారు.

Know More

women icon@teamvasundhara
priyanka-chopra-shares-throwback-pic-from-miss-world-2000-win

వావ్‌.. ఇదంతా నిన్ననే జరిగినట్లనిపిస్తోంది!

మిస్‌ వరల్డ్‌.. అందాల పోటీలకు సంబంధించి ప్రతిష్ఠాత్మకంగా పరిగణించే టైటిల్స్‌లో ఇది కూడా ఒకటి. ప్రపంచంలోని దాదాపు అన్ని దేశాల సుందరాంగిణులు పాల్గొనే ఈ పొటీల్లో విజేతగా నిలవాలని ఉవ్విళ్లూరుతుంటారు పోటీదారులంతా! ఈ క్రమంలో ఎన్నో వడపోతలు, మరెన్నో రౌండ్లను చాకచక్యంగా దాటుకుంటూ ‘ప్రపంచ సుందరి’ కిరీటం అందుకోవాలంటే అంత సులభమేమీ కాదు. కానీ 18 ఏళ్ల వయసులోనే ఈ కిరీటాన్ని దక్కించుకుని ప్రపంచాన్ని తన వైపుకు తిప్పుకుంది బాలీవుడ్‌ అందాల తార ప్రియాంక చోప్రా. అయితే ఈ ముద్దుగుమ్మ ప్రపంచ సుందరి కిరీటాన్ని గెలుచుకొని సరిగ్గా నేటికి(ఫిబ్రవరి 14) రెండు దశాబ్దాలు పూర్తయ్యాయి. ఈ క్రమంలో అప్పటి మధుర జ్ఞాపకాలను గుర్తుకు తెచ్చుకుంటూ ఇన్‌స్టా వేదికగా ఓ పోస్ట్‌ షేర్‌ చేసిందీ గ్లోబల్‌ బ్యూటీ.

Know More

women icon@teamvasundhara
celebrities-posts-valentines-day-wishes-in-social-media

అంతకంటే గొప్ప ప్రేమ ఇంకొకటి ఉండదు..!

ఎంతటివారైనా ఏదో ఒక సమయంలో ప్రేమలో పడాల్సిందే.. ఆ మధురమైన భావనలో పరవశించిపోవాల్సిందే..! అంతటి అందమైన, అద్భుతమైన ఫీలింగ్‌ ప్రేమ. మరి, ఈ అనంతమైన ప్రేమను సెలబ్రేట్‌ చేసుకోవడానికి ఏటా జరుపుకునే ‘వేలంటైన్స్‌ డే’ నాడు ప్రేమికులే కాదు.. ఎవరైనా శుభాకాంక్షలు తెలుపుకుంటూ, బహుమతులిచ్చుకుంటూ తమ మనసులో దాగున్న ప్రేమను ఎదుటివారికి తెలియజేయడం సహజం. మరి, ఇందుకు ఈ రోజుల్లో ఎన్నో సామాజిక మాధ్యమాలు వేదికలుగా మారుతున్నాయి. వీటిని ఉపయోగించుకొని సామాన్యులే కాదు.. సెలబ్రిటీలూ తమ ఫ్యాన్స్‌కు ప్రేమికుల దినోత్సవ శుభాకాంక్షలు తెలియజేశారు. అలా ఈ ‘వేలంటైన్స్‌ డే’ రోజున కొందరు సినీతారలు తమ అభిమానులకు విషెస్‌ తెలుపుతూ పెట్టిన పోస్టులపై ఓ లుక్కేద్దామా..!!

Know More

women icon@teamvasundhara
actress-and-their-first-crushes

హీ ఈజ్‌ సో క్యూట్‌.. హీ ఈజ్‌ సో స్వీట్‌!!

‘చూసీ చూడంగానే నచ్చేశావే.. అడిగీ అడగకుండా వచ్చేశావే..’, ‘హీ ఈజ్‌ సో క్యూట్‌.. హీ ఈజ్‌ సో స్వీట్‌..’ ఒక వ్యక్తిని చూడగానే మనలో కలిగే ఓ అందమైన ఫీలింగ్‌ని ఇలా పాట రూపంలో వ్యక్తీకరిస్తాం. అలాంటి మధురమైన భావన పేరే ప్రేమ. తమకూ ఇలాంటి ఫస్ట్ క్రష్ ఫీలింగ్స్ ఉన్నాయంటున్నారు కొందరు ముద్దుగుమ్మలు. ఈ క్రమంలో ఒకరేమో క్రికెటర్‌ని చూసి ప్రేమలో పడితే, మరొకరు హ్యాండ్‌సమ్ హీరో ఫిజిక్‌కు ఫిదా అయిపోయారు. ఇంకొకరేమో పక్కింటి అబ్బాయిని చూసి మనసు పారేసుకున్నానని చెబుతున్నారు. మరి, ఇలా తమ తొలి ప్రేమానుభవాల్లో తేలియాడుతూ మన అందాల తారలు పంచుకున్న ఆ ఫస్ట్ క్రష్ విశేషాలేంటో ఈ ‘వేలంటైన్స్ డే’ సందర్భంగా మీకోసం..

Know More

women icon@teamvasundhara
samantha-doppelganger-has-been-discovered-on-internet

అరె.. అచ్చం మన ‘జాను’లా ఉందే!

సాధారణంగా అమ్మాయిలు అందంగా ఉంటే హీరోయిన్లతో, అబ్బాయిలను హీరోలతో పోల్చడం మనం చూస్తూనే ఉంటాం. అయితే కేవలం ఒకటో, రెండో పోలికలు కాకుండా పూర్తిగా అచ్చుగుద్దినట్లు సెలబ్రిటీల్లా ఉండేవారి గురించి అప్పుడప్పుడు వింటూనే ఉంటాం. ఇటీవల కాలంలో సోషల్‌ మీడియా పుణ్యమా అని ఇలాంటివారిలో చాలామంది ఫేమస్‌ కూడా అయిపోతున్నారు. అలా ఇంతకుముందు బొద్దుగా ఉన్నా సమంతలాంటి రూపురేఖలతో సెలబ్రిటీ స్టేటస్‌ సంపాదించుకుంది ‘బిగ్‌బాస్‌-3’ ఫేమ్‌ అషురెడ్డి. తాజాగా సమంత పోలికలున్న మరో అమ్మాయి ప్రస్తుతం సోషల్‌మీడియాలో ట్రెండింగ్‌లో నిలిచింది. మరి తనెవరో తెలుసుకుందాం రండి..!

Know More