scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'కరోనా కథలు: తనకు దూరంగా ఉండడం నా వల్ల కావట్లేదు.. అయినా తప్పట్లేదు!'

'తల్లి ఒడి బుజ్జాయిలకు పూలపాన్పు వంటిది.. తల్లి ప్రేమ వారికి కొండంత అండ.. అందుకే చిన్నారులు మెలకువతో ఉన్నా, నిద్ర పోయినా.. అమ్మను అంటిపెట్టుకునే ఉంటారు. రాత్రుళ్లు మధ్యలో లేచినా అమ్మ పక్కన ఉంటే ఆదమరిచి మళ్లీ నిద్రలోకి జారుకుంటారు. అదే తన తల్లి పక్కన లేకపోతే గుక్కపట్టి ఏడుస్తుంటారు. ప్రస్తుతం తను పక్కన లేని తన కూతురి పరిస్థితీ ఇలాగే ఉందంటోంది ఓ మహిళ. కరోనా బారిన పడి ప్రస్తుతం చికిత్స తీసుకుంటూ స్వీయ నిర్బంధంలో ఉన్న ఆమె.. తన కూతురిని కిటికీలో నుంచి చూస్తూ మురిసిపోవాల్సి వస్తుందని చెబుతోంది. తనలాంటి పరిస్థితి మరే తల్లికీ రాకూడదంటూ బరువెక్కిన హృదయంతో తన కథను పంచుకోవడానికి ఇలా మన ముందుకొచ్చింది.'

Know More

Movie Masala

 
category logo

అనుష్కను ‘అమ్మా’ అని పిలుస్తుంటాం...!

15 years for Anushka Shetty. Here are few challenging roles she acted.

‘జుంజుం మాయ’ అంటూ హీరోతో రొమాన్స్‌ చేసినా..
‘నువ్వు నన్ను ఏం చేయలేవురా..?’ అంటూ శత్రువుపై విరుచుకుపడినా..
‘మాహిష్మతి.. ఊపిరి పీల్చుకో..! నా కొడుకొచ్చాడు..!’ అంటూ డీగ్లామరస్‌ రోల్‌లో కూడా రాజసాన్ని పలికించినా.. అది కేవలం అనుష్కకే చెల్లింది అనడంలో ఏమాత్రం సందేహం లేదు.

కమర్షియల్‌, హిస్టారిక్‌, యాక్షన్‌, పిరియాడిక్‌, థ్రిల్లర్‌, హారర్‌, లేడీ ఓరియంటెడ్‌.. ఇలా ఏ జోనర్‌కు చెందిన పాత్రలోనైనా ఇట్టే ఒదిగిపోయే నటీమణుల్లో ముందు వరుసలో ఉంటుంది అనుష్కా శెట్టి. సాధారణ యోగా టీచర్‌గా కెరీర్‌ ప్రారంభించి దక్షిణ సినిమా పరిశ్రమలో లేడీ సూపర్‌స్టార్‌గా ఎదిగింది స్వీటీ. నటిగా ఎన్ని విజయాలు అందుకున్నా తెర వెనక మాత్రం నిరాడంబరంగా, నిగర్విగా ఉండడం అనుష్క స్పెషాలిటీ. అయితే తను సినిమా పరిశ్రమలోకి అడుగుపెట్టి 15 సంవత్సరాలు పూర్తయింది. ఈ సందర్భంగా అనుష్క తన కెరీర్‌లో పోషించిన కొన్ని మరపురాని పాత్రలను ఒకసారి గుర్తు చేసుకుందామా..!

అరుంధతి (అరుంధతి, జేజమ్మ)
అనుష్కను ఓవర్‌నైట్‌ స్టార్‌గా నిలబెట్టిన చిత్రం ‘అరుంధతి’. కనుమరుగవుతోన్న లేడీ ఓరియంటెడ్‌ సినిమాలకు ‘అరుంధతి’తో మళ్లీ ఊపిరి పోసింది స్వీటీ. ఈ సినిమా తనకు ఎంత గుర్తింపును తీసుకొచ్చిందంటే.. ఎవరైనా అనుష్క సినీ కెరీర్‌ గురించి ప్రస్తావిస్తే ‘అరుంధతి’కి ముందు.. తర్వాత.. అని చెప్పేంతలా..! ఇందులో ‘జేజమ్మ’ పాత్రలో అనుష్క తన నట విశ్వరూపాన్ని ప్రదర్శించింది. ముఖ్యంగా పోరాట సన్నివేశాల్లో తను విలన్‌(సోనూ సూద్‌)కు దీటుగా నటించింది.


వేదం (సరోజ)
సెన్సిబుల్‌ డైరెక్టర్‌ క్రిష్‌ దర్శకత్వంలో తెరకెక్కిన చిత్రం ‘వేదం’. ఈ సినిమాలో అనుష్క ‘సరోజ’ అనే ఓ వేశ్య పాత్రలో నటించింది. కెరీర్‌ పరంగా బిజీగా ఉన్నప్పటికీ.. సినిమాలో ఆ పాత్రకు ఉన్న ప్రాధాన్యం గుర్తించి అందులో నటించేందుకు అంగీకరించింది స్వీటీ. ఈ పాత్ర నటిగా తనలోని కొత్త కోణాన్ని ప్రేక్షకులకు పరిచయం చేసింది.


బాహుబలి సిరీస్‌ (దేవసేన)
భారత సినీ చరిత్రలో ‘బాహుబలి, బాహుబలి 2’ సినిమాలు సృష్టించిన సంచలనాలు అన్నీ ఇన్నీ కావు..! ఈ సినిమాలతో తెలుగు పరిశ్రమకే కాదు.. ఇందులో నటించిన నటీనటులకు సైతం అంతర్జాతీయ ఖ్యాతి దక్కడం విశేషం. ముఖ్యంగా ‘బాహుబలి’ని నిలబెట్టిన మూలస్తంభాల్లో అనుష్క కూడా ఒకరు. బాహుబలి మొదటి భాగంలో దాసినిగా సంకెళ్లు ధరించి డీగ్లామరస్‌ రోల్‌లో కనిపించిన స్వీటీ.. రెండో భాగంలో యువరాణి దేవసేనగా తన రాజసాన్ని ప్రదర్శించింది. ఈ పాత్రలో తనను తప్ప మరో నటిని ఊహించుకోలేనంతలా అనుష్క అందులో ఒదిగిపోయింది.


రుద్రమదేవి
కాకతీయ సామ్రాజ్యాధినేత రాణి రుద్రమదేవి జీవిత కథ ఆధారంగా తెరకెక్కిన చిత్రం ‘రుద్రమదేవి’. ఇందులో రుద్రమదేవి పాత్రలో అనుష్క నటన అసమానమనే చెప్పాలి. ఈ సినిమాలో రానా, అల్లు అర్జున్‌ వంటి స్టార్‌ హీరోలు ఉన్నప్పటికీ.. తనదైన నటనతో ప్రేక్షకుల దృష్టిని ఆకర్షించింది స్వీటీ.


సైజ్‌ జీరో (సౌందర్య)
ప్రస్తుతం సమాజంలో ఎక్కువమంది మహిళలు ఎదుర్కొంటోన్న సమస్యల్లో ‘బాడీ షేమింగ్‌’ కూడా ఒకటి. ఈ నేపథ్యంలో రూపొందిన చిత్రం ‘సైజ్‌ జీరో’. ఇందులో అనుష్క అధిక బరువున్న అమ్మాయి పాత్రలో ఒదిగిపోయింది. ఈ పాత్రలో సహజంగా కనిపించడం కోసం తను నిజంగానే బరువు పెరిగింది. ఛాలెంజింగ్‌ పాత్రల్లో నటించడానికి తానెప్పుడూ సిద్ధమే అని అనుష్క ఈ సినిమాతో మరోసారి నిరూపించింది.


భాగమతి (భాగమతి, చంచల)
థ్రిల్లర్‌ నేపథ్యంలో తెరకెక్కిన ఈ సినిమాలో అనుష్కది ‘వన్‌ ఉమన్‌ షో’ అని చెప్పాలి. ముఖ్యంగా ‘భాగమతి’ ఆత్మ తనలో ప్రవేశించిన సన్నివేశంలో అనుష్క పలికించిన హావభావాలకు ప్రేక్షకులతో పాటు విమర్శకుల నుంచి కూడా ప్రశంసలు దక్కడం విశేషం. ఈ సినిమా బాక్సాఫీస్‌ వద్ద మంచి విజయాన్ని అందుకుంది.


నిశ్శబ్దం (సాక్షి)
అనుష్క ప్రస్తుతం నటిస్తోన్న సినిమా ‘నిశ్శబ్దం’. థ్రిల్లర్‌ నేపథ్యంలో రూపొందుతోన్న ఈ చిత్రంలో అనుష్క మూగ పెయింటర్‌ పాత్రలో కనిపించనుంది. ఇటీవల విడుదలైన ఈ సినిమా ట్రైలర్‌కు ప్రేక్షకుల నుంచి విశేష స్పందన లభించింది. తెలుగుతో పాటు తమిళ, హిందీ, మలయాళ భాషల్లో తెరకెక్కుతోన్న ఈ సినిమాలో అంజలి, షాలినీ పాండే, మాధవన్‌.. తదితరులు ముఖ్యపాత్రల్లో నటిస్తున్నారు. ఈ సినిమా ఏప్రిల్‌ 2న విడుదల కానుంది./p>


అనుష్కను మేము ‘అమ్మా’ అని పిలుస్తుంటాం..!
సినీ పరిశ్రమలో 15 ఏళ్లు పూర్తి చేసుకున్న సందర్భంగా ‘నిశ్శబ్దం’ బృందం ‘15 Years of Anushka Shetty’ పేరుతో ఓ ప్రత్యేక కార్యక్రమాన్ని ఏర్పాటు చేసింది. ఈ వేడుకకు అనుష్కతో సినిమాలు చేసిన దర్శకులు, నిర్మాతలు.. కె. రాఘవేంద్రరావు, రాజమౌళి, పూరీ జగన్నాథ్‌, శ్యామ్‌ ప్రసాద్‌ రెడ్డి.. తదితరులు హాజరయ్యారు. ఈ సందర్భంగా అనుష్క గురించి వాళ్లు చెప్పిన మాటలివే..!

ప్రయత్నిస్తే ఎవరికైనా సినిమాలు దొరుకుతాయి.. కానీ, అనుష్క విషయంలో పాత్రలే ఆమెని వెతుక్కుంటూ వెళ్లాయి. ఈ తరంలో వచ్చిన ఏ కథానాయికకీ ఈ అదృష్టం దొరకలేదు..!
- కె.రాఘవేంద్రరావు

15yearsofanushka650-3.jpg

అనుష్కను నేను నా కుటుంబ సభ్యుల్లో ఒకరిగా భావిస్తాను. నా సినిమాలో తను పోషించిన ‘దేవసేన’ పాత్ర విషయంలో నేనెంతో గర్వపడుతున్నా..! స్వీటీ నటి మాత్రమే కాదు, మంచి మనసున్న అమ్మాయి కూడా..! నా హృదయంలో తనకు ప్రత్యేకమైన స్థానం ఉంటుంది.
- రాజమౌళి

నేను, రవితేజ, ఛార్మి.. అనుష్కను ‘అమ్మా’ అని పిలుస్తుంటాం. తనను కలిసినప్పుడల్లా కాళ్లకు నమస్కారం చేసి ఆశీర్వాదం తీసుకుంటాం (సరదాగా). తన నుంచి చాలా నేర్చుకోవాలని మేమంతా ఎప్పుడూ అనుకుంటాం..!
- పూరి

తన డబ్బుతో కారు కొనిచ్చింది..!
ఈ సందర్భంగా శ్యామ్‌ ప్రసాద్‌ రెడ్డి మాట్లాడుతూ.. ‘అనుష్కకు సంబంధించి మీకెవరికీ తెలియని ఓ విషయాన్ని మీతో పంచుకోవాలనుకుంటున్నా..! ఆరు నెలల కిందట నేను జార్జియాకి వెళ్లినప్పుడు.. అక్కడ నన్ను చూసుకోవడానికి జాజా అనే రష్యా వ్యక్తి వచ్చాడు. నేను హైదరాబాద్‌ నుంచి వచ్చానని చెప్పగానే ‘మీకు స్వీటీ తెలుసా?’ అని అతను నన్ను అడిగాడు. తర్వాత అనుష్క తన కోసం ఏం చేసిందో చెప్పుకొచ్చాడు.

ఒక సినిమా చిత్రీకరణ కోసం అనుష్క జార్జియా వెళ్లినప్పుడు తన కార్‌ డ్రైవర్‌గా జాజానే ఉన్నాడట. అయితే ఒక రోజు జాజా కాకుండా, మరో వ్యక్తి కార్‌ తీసుకొచ్చాడట. ఆరా తీస్తే అతని కార్‌ని ఫైనాన్స్‌ వాళ్లు తీసుకెళ్లారని తెలిసింది. అప్పుడు అనుష్క జాజాని పిలిపించి, అతడిని స్వయంగా ఒక కారు షోరూమ్‌కి తీసుకెళ్లి, సొంత డబ్బుతో అతనికి ఓ కొత్త కారు కొనిచ్చిందట. అప్పటి నుంచి జాజా కుటుంబం అనుష్కను తమ కుటుంబ సభ్యులతో సమానంగా ప్రేమిస్తున్నారు. మనలో ఎంతమంది ఇలా చేస్తారు చెప్పండి..!’ అని అన్నాడు.

15yearsofanushka650-2.jpg

ఆపై అనుష్క స్పందిస్తూ.. ‘ప్రతి ఒక్కరూ నా పదిహేనేళ్ల ప్రయాణం గురించి మాట్లాడుతున్నారు. కొంతమందితో పోలిస్తే నేను చేరుకున్న లక్ష్యం చాలా చిన్నది. మీరు నాపై చూపిస్తోన్న ప్రేమాభిమానాలకు కృతజ్ఞురాలిని..! ‘సూపర్‌’ నుంచి ‘నిశ్శబ్దం’ వరకు నాతో కలిసి పని చేసిన ప్రతి దర్శకుడు, నటులు, సాంకేతిక నిపుణులు అందించిన సహకారాన్ని నేనెప్పుడూ మర్చిపోలేను..!’ అంటూ చెప్పుకొచ్చింది.

ఈ పదిహేనేళ్ల కెరీర్‌లో ఎన్నో అద్భుతమైన పాత్రల్లో నటించి ప్రతి సినీ ప్రేక్షకుడి గుండెల్లో గుడి కట్టుకున్న స్వీటీ.. మరెన్నో ఇలాంటి విభిన్న పాత్రలతో మనల్ని అలరించాలని కోరుకుందాం..!
ఆల్‌ ది బెస్ట్‌ అను..!





women icon@teamvasundhara
rana-shares-priyamani-first-look-in-virataparvam

ప్రియమైన ప్రియమణికి హ్యాపీ బర్త్‌డే!

‘గుండెల్లో ఏదో సడి...ఉండుండీ ఓ అలజడి’ అంటూ ‘గోలీమార్‌’ సినిమాలో గోపీచంద్‌ను తన వెంట ఎలా తిప్పుకుందో కుర్రకారును కూడా తన అందంతో అలాగే తన వైపుకి తిప్పుకుంది ప్రియమణి. బెంగళూరు భామ అయినప్పటికీ అచ్చం తెలుగమ్మాయిలా కనిపించే ఆమె ‘ఎవరే...అతగాడు’ చిత్రంతో వెండితెరపై ఎంట్రీ ఇచ్చింది. తమిళంలో ‘పరుతి వీరన్‌’ సినిమాతో జాతీయ అవార్డు సొంతం చేసుకున్న ఈ బ్యూటీ తెలుగులో ‘పెళ్లైన కొత్తలో’, ‘యమదొంగ’, ‘నవ వసంతం’ ‘రగడ’ తదితర సినిమాలతో మంచి గుర్తింపు సాధించింది. ప్రస్తుతం సినిమాలతో పాటు బుల్లితెరపై కూడా మెరుస్తోన్న ఈ అందాల తార పుట్టిన రోజు నేడు (జూన్‌ 4). మరి ఆమె పుట్టిన రోజును పురస్కరించుకుని ఆమెకు సంబంధించిన కొన్ని ఆసక్తికర విషయాలు తెలుసుకుందాం రండి.!

Know More

women icon@teamvasundhara
nidhi-agarwal-shares-her-beauty-secrets

‘ఇస్మార్ట్‌’ బ్యూటీ సీక్రెట్స్‌ ఇవే!

‘ఇస్మార్ట్‌ శంకర్‌’ సినిమాతో తెలుగు ప్రేక్షకులను ఒక్కసారిగా తనవైపుకి తిప్పుకుంది నిధి అగర్వాల్‌. అంతకు మందు అక్కినేని అందగాళ్లు నాగచైతన్య, అఖిల్‌లతో వరుసగా ‘సవ్యసాచి’, ‘మిస్టర్‌ మజ్ను’ చిత్రాల్లో నటించిన ఆమె తన అందచందాలతో అందరినీ కట్టిపడేసింది. ఇక ‘ఇస్మార్ట్‌ శంకర్‌’ సినిమాతో సూపర్‌డూపర్‌ హిట్‌ కొట్టిన ఈ భామ ప్రస్తుతం తెలుగుతో పాటు తమిళ, కన్నడ సినిమాల్లో నటిస్తోంది. లాక్‌డౌన్‌ కారణంగా ఇంటికే పరిమితమైన ఆమె సోషల్‌ మీడియా ద్వారా అభిమానులకు నిత్యం టచ్‌లో ఉంటోంది. తన వృత్తిగత, వ్యక్తిగత జీవితానికి సంబంధించిన విషయాలన్నింటినీ షేర్‌ చేసుకుంటోంది. ఫిట్‌నెస్‌కు ఎంతో ప్రాధాన్యమిచ్చే ఈ ముద్దుగుమ్మ తాజాగా ఓ ఇంటర్వ్యూలో పాల్గొంది. ఈక్రమంలో తన బ్యూటీ సీక్రెట్స్‌తో పాటు తన కెరీర్‌కు సంబంధించిన పలు ఆసక్తికర విషయాలను పంచుకుంది.

Know More

women icon@teamvasundhara
corona-virus-manchu-laxmi-shared-her-wedding-photos
women icon@teamvasundhara
corona-virus-janhvi-kapoor-on-being-lady-of-the-house-post-sridevi-demise

వాళ్లిద్దరినీ ‘అమ్మ’లాగా చూసుకుంటోంది !

అతిలోక సుందరి శ్రీదేవి నట వారసురాలిగా వెండితెరకు పరిచయమైంది అందాల తార జాన్వీ కపూర్‌. తన మొదటి చిత్రం ‘ధడక్‌’ తోనే విమర్శకుల ప్రశంసలు అందుకుని అందంతో పాటు నటన కూడా తన రక్తంలోనే ఉందని నిరూపించింది. శ్రీదేవి అకాల మరణం తర్వాత బాలీవుడ్‌లో ఆమె స్థాయిని అందిపుచ్చుకునేందుకు ప్రయత్నిస్తోన్న జాన్వీ ఇంట్లో కూడా తన తల్లి మిగిల్చి వెళ్లిన బాధ్యతలను భుజాలకెత్తుకుంది. ఈక్రమంలో లాక్‌డౌన్ కారణంగా ఇంటికే పరిమితమైన ఆమె.. తండ్రి బోనీ కపూర్‌, సోదరి ఖుషీ కపూర్‌ల యోగక్షేమాలను దగ్గరుండి మరీ చూసుకుంటోంది. ఆపత్కాలంలో ‘అమ్మ’ లేని లోటు కనిపించకుండా వారికి కావాల్సిన అవసరాలన్నింటినీ సమకూరుస్తోంది.

Know More

women icon@teamvasundhara
nandita-das-short-film-on-domestic-violence-implores-us-to-listen

గుసగుసగా చెప్పు... అరచి చెప్పు... కానీ చెప్పకుండా దాయద్దు !

‘స్టే హోమ్‌...స్టే సేఫ్‌’ అనే నినాదంతో కరోనా నుంచి ప్రజలను కాపాడడానికి ప్రభుత్వం లాక్‌డౌన్ విధించింది. కరోనా కట్టడి సంగతేమో కానీ...ఈ లాక్‌డౌన్‌ కాలంలో కొందరిళ్లలో కొత్త సమస్యలు మొదలయ్యాయి. లాక్‌డౌన్ కారణంగా పిల్లలు, పెద్దలు అంతా ఇంటిపట్టునే ఉండడం వల్ల పనిభారంతో మహిళలందరూ సతమతమవుతున్నారు. ఇక కొందరు ఉద్యోగినులు అయితే ఇంటి నుంచే పనిచేస్తూ క్షణం తీరిక లేకుండా గడుపుతున్నారు. ఇదే సమయంలో కొందరు మహిళలు గృహహింసతో నలిగిపోతున్నారు. శారీరకంగా, మానసికంగా వేదనకు గురవుతున్నారు. ఈ పరిస్థితుల్లో కొందరు సెలబ్రిటీలు గృహహింస బారిన పడిన మహిళలకు ధైర్యం నూరిపోస్తున్నారు. ఈ విషయంలో మౌనం వీడండి అంటూ సోషల్‌ మీడియా వేదికగా పిలుపునిస్తున్నారు. ఈ క్రమంలో బాలీవుడ్‌ విలక్షణ నటి, డైరెక్టర్‌ నందితా దాస్‌ గృహహింసపై ఓ సందేశాత్మక లఘుచిత్రంతో మన ముందుకు వచ్చింది.

Know More

women icon@teamvasundhara
samantha-bags-10m-followers-on-instagram

కోటిమంది ప్రేమాభిమానాలకు ప్రతీక ఇది !

సమంత... తెలుగు సినీ ప్రేక్షకులకు ప్రత్యేక పరిచయం అవసరం లేని పేరు. పెళ్లయ్యాక కథాబలమున్న చిత్రాల్లో నటిస్తూ, విభిన్న తరహా పాత్రల్లో ఒదిగిపోతూ సినీ అభిమానుల మదిలో చెరగని ముద్ర వేసుకుందీ ముద్దుగుమ్మ. టాలీవుడ్‌లో స్టార్‌ హీరోయిన్‌గా ఎంతో క్రేజ్‌ సొంతం చేసుకున్న ఈ అమ్మడు సోషల్‌ మీడియాలోనూ ఎంతో యాక్టివ్‌గా ఉంటుంది. సినిమా కబుర్లతో పాటు వ్యక్తిగత జీవితానికి సంబంధించిన విషయాలను సామాజిక మాధ్యమాల ద్వారా షేర్‌ చేస్తుంటుంది. ఇలా నిత్యం అభిమానులకు అందుబాటులో ఉంటున్న సామ్ ఇన్‌స్టాగ్రామ్‌ ఫాలోవర్ల సంఖ్య తాజాగా పది మిలియన్ల(కోటి)కు చేరుకోవడం విశేషం.

Know More

women icon@teamvasundhara
samantha-shares-funny-post-on-nagachaitanya

women icon@teamvasundhara
actress-sanghavi-welcomes-her-baby-girl

నా లిటిల్‌ ఏంజెల్‌ ఇదిగో!

‘హాయ్‌ రే హాయ్‌...జాంపండు రోయ్‌’ అంటూ ‘సింధూరం’ సినిమాలో రవితేజతో పాటు కుర్రకారును కూడా తన వెంట తిప్పుకుంది సంఘవి. ఈ సినిమాతో పాటు తెలుగులో ‘సీతారామరాజు’, ‘సమరసింహారెడ్డి’, ‘ఆహా’, ‘సూర్యవంశం’ ‘లాహిరి లాహిరి లాహిరిలో’ ‘చిరంజీవులు’, ‘సందడే సందడి’ తదితర చిత్రాల్లో సందడి చేసిందీ ముద్దుగుమ్మ. తమిళం, కన్నడ, మలయాళ ఇండస్ట్రీల్లోని అగ్రహీరోలందరితోనూ స్ర్కీన్‌ షేర్‌ చేసుకున్న ఈ సొగసరి తన అందం, అభినయంతో హీరోయిన్‌గా తనకంటూ ఓ ప్రత్యేక గుర్తింపు సొంతం చేసుకుంది. ఈక్రమంలో నాలుగేళ్ల క్రితం వైవాహిక జీవితంలోకి అడుగుపెట్టిన సంఘవి 42ఏళ్ల వయసులో ఇటీవల అమ్మగా ప్రమోషన్‌ పొందింది. ఓ పండంటి ఆడబిడ్డకు జన్మనిచ్చిన ఆమె సోషల్ మీడియా వేదికగా తన కూతురిని పరిచయం చేసింది.

Know More

women icon@teamvasundhara
sushmita-sen-shares-how-practicing-nunchaku-helped-her-heal-from-addisons-disease

women icon@teamvasundhara
shilpa-shetty-opens-up-on-why-she-chose-surrogacy

అందుకే ‘సరోగసీ’ ద్వారా రెండోసారి అమ్మయ్యాను!

పెళ్లయిన అమ్మాయిలందరూ అమ్మ పిలుపు కోసం ఆరాటపడుతుంటారు. అయితే వివిధ రకాల అనారోగ్యాలు, ప్రత్యుత్పత్తి వ్యవస్థలో లోపాలు, ప్రెగ్నెన్సీని వాయిదా వేయడం వంటి కారణాలతో కొంతమంది మహిళలు అమ్మతనానికి దూరమవుతున్నారు. ఇలా పిల్లలు లేని జంటలకు వరంగా మారుతోంది ‘సరోగసీ’. ఈమేరకు కొద్ది రోజుల క్రితం బాలీవుడ్‌ బ్యూటీ శిల్పాశెట్టి కూడా సరోగసీ ద్వారానే రెండోసారి అమ్మగా ప్రమోషన్‌ పొందింది. లాక్‌డౌన్‌ కారణంగా ప్రస్తుతం ఇంటికే పరిమితమైన ఆమె తన మాతృత్వానికి సంబంధించి పలు విషయాలను అభిమానులతో షేర్‌ చేసుకుంది. సరోగసీ ద్వారా ఎందుకు రెండోసారి బిడ్డకు జన్మనివ్వాల్సి వచ్చిందో ఈ సందర్భంగా పంచుకుందీ బాలీవుడ్‌ ఫిట్టెస్ట్‌ బ్యూటీ.

Know More

women icon@teamvasundhara
corona-virus-dia-mirza-becomes-unep-goodwill-ambassador-for-the-second-time

ఆ మంచి మార్పు ఇలాగే కొనసాగాలి!

దియా మీర్జా... కేవలం సినిమాలే కాకుండా సామాజిక సేవా కార్యక్రమాల్లోనూ ముందుండే ఈ బాలీవుడ్ బ్యూటీ గురించి ప్రత్యేక పరిచయం అవసరం లేదు. హైదరాబాద్‌లో పుట్టి పెరిగిన ఆమె మోడల్‌గా మెరిసి.. 2000లో ‘మిస్‌ ఏషియా పసిఫిక్‌’ కిరీటం దక్కించుకుంది. ఆ తర్వాత బాలీవుడ్‌లో ఎంట్రీ ఇచ్చి స్టార్‌ హీరోయిన్‌గా తనకంటూ ఓ ప్రత్యేక గుర్తింపు సొంతం చేసుకుంది. కేవలం నటనకే పరిమితం కాకుండా సామాజిక సేవా కార్యక్రమాల్లోనూ ముందుంటుందీ హైదరాబాదీ ముద్దుగుమ్మ. ఇందులో భాగంగా పర్యావరణ సమస్యలు, ఒక్కసారి వాడి పారేసే ప్లాస్టిక్‌ వల్ల కలిగే అనర్థాలపై అవగాహన కల్పిస్తోంది. ఈక్రమంలో తన సామాజిక సేవలకు గుర్తింపుగా మరోసారి యునైటెడ్‌ ఎన్విరాన్‌మెంట్‌ ప్రోగ్రామ్‌(UNEP) గుడ్‌విల్‌ అంబాసిడర్‌గా తాజాగా ఎంపికైంది దియా. ఈక్రమంలో మరో రెండేళ్ల పాటు (2022 ముగిసే వరకు) ఆమెను ఈ హోదాలో కొనసాగించనున్నట్లు ఐక్యరాజ్యసమితి ఓ ప్రకటన విడుదల చేసింది.

Know More

women icon@teamvasundhara
raashi-khanna-twitter-chat-with-her-fans

నా పాజిటివిటీ రహస్యం అదే!

‘ఏం సందేహం లేదు.. ఆ అందాల నవ్వే ఈ సందళ్లు తెచ్చింది.. ఏం సందేహం లేదు.. ఆ కందేటి సిగ్గే ఈ తొందర్లు ఇచ్చింది.. ఏం సందేహం లేదు.. ఆ గంధాల గొంతే ఆనందాలు పెంచింది..!’ ఈ పాట వింటే మన కళ్ల ముందు కదలాడే అందం.. రాశీ ఖన్నా..! ‘మద్రాస్‌ కేఫ్‌’ సినిమాతో వెండితెరకు పరిచయమైన ఈ భామ.. ‘ఊహలు గుసగుసలాడే’, ‘సుప్రీమ్‌’, ‘జై లవకుశ’, ‘తొలిప్రేమ’, ‘వెంకీ మామ’, ‘ప్రతిరోజూ పండగే’.. తదితర సినిమాలతో తెలుగు ప్రేక్షకులకు చేరువైంది. రాశి ప్రస్తుతం తెలుగు, తమిళ సినీ పరిశ్రమల్లో వరుస అవకాశాలతో బిజీగా ఉంది. అయితే కరోనా లాక్‌డౌన్‌ కారణంగా గత కొన్ని రోజులుగా ఇంటికే పరిమితమైన ఈ భామ.. సోషల్‌ మీడియా ద్వారా అభిమానులకు టచ్‌లో ఉంటోంది. ఈ నేపథ్యంలో రాశి ఇటీవల ట్విట్టర్‌ వేదికగా తన ఫ్యాన్స్‌తో ముచ్చటించింది. అభిమానులు అడిగిన పలు ఆసక్తికర ప్రశ్నలకు చురుగ్గా సమాధానాలిచ్చింది మన ‘బెల్లం శ్రీదేవి’.

Know More

women icon@teamvasundhara
amala-paul-questioned-mans-role-in-women-life

ఆ ‘ఐ లవ్యూ’లో ఉన్నదంతా నిజమైన ప్రేమ కాదు!

అమలాపాల్‌.. తెలుగునాట చేసింది కొన్ని సినిమాలే అయినా తెలుగమ్మాయిలా ఇక్కడి అభిమానులకు దగ్గరైందీ క్యూట్‌ గర్ల్‌. ‘నీలతామర’ అనే మలయాళ చిత్రంతో వెండితెరకు పరిచయమైన ఈ కేరళ కుట్టి.. ‘లవ్‌ ఫెయిల్యూర్‌’తో తెలుగునాట అడుగుపెట్టింది. ఆపై ‘నాయక్‌’, ‘ఇద్దరమ్మాయిలతో’.. చిత్రాలతో తెలుగు ప్రేక్షకుల మదిలో చెరగని ముద్ర వేసింది. ఇటీవల ‘ఆమె’ చిత్రంతో విమర్శకుల ప్రశంసలందుకున్న ఈ బ్యూటీ.. ఈ క్వారంటైన్‌ సమయాన్ని ఇంట్లో గడుపుతూ.. బుక్స్‌ చదవడంలో నిమగ్నమైంది. కేవలం చదవడమే కాదు.. అందులోని విషయాల గురించి సమాజాన్ని ప్రశ్నిస్తోంది.. నాటి నుంచి ఆడవాళ్లే ఎందుకు అన్ని బాధల్నీ అనుభవించాలి? ఈ విషయాలన్నీ మగాళ్లకు ఎందుకు పట్టవు? అంటూ తన సూటి ప్రశ్నలతో ఆడవారి బాధల్ని కళ్లకు కట్టినట్లు చూపుతూ సోషల్‌ మీడియాలో ఓ ఎమోషనల్‌ పోస్ట్‌ పెట్టింది అమల.

Know More

women icon@teamvasundhara
actresses-condolences-to-irrfan-khan-rishi-kapoor

మీరు లేని లోటు పూడ్చలేనిది.. మీతో అనుబంధం మరపురానిది!

2020 మనుషులకు ఎన్నో చేదు జ్ఞాపకాలను అందిస్తోంది. ఈ ఏడాదిలో ఇప్పటివరకు జరిగిన ఎన్నో సంఘటనలు ఇందుకు ఉదాహరణగా చెప్పుకోవచ్చు. కరోనా విజృంభణతో దేశ ప్రజలు రకరకాల ఇబ్బందులు ఎదుర్కొంటున్నారు. ఈ క్రమంలో ఇటీవల జరిగిన రెండు సంఘటనలు బాలీవుడ్‌ సినీ పరిశ్రమను తీవ్ర దిగ్భ్రాంతికి గురి చేశాయి. భారతదేశం గర్వించదగ్గ నటులుగా కీర్తి గడించిన ఇర్ఫాన్‌ ఖాన్‌ (53), రిషీ కపూర్‌(67)లు ఇద్దరూ ఒకరోజు వ్యవధిలోనే మృతి చెందడంతో అటు ప్రేక్షకులతో పాటు.. ఇటు సినీ ప్రముఖులు సైతం శోకసంద్రంలో మునిగిపోయారు. లాక్‌డౌన్‌ కారణంగా ఈ నటుల అంతిమసంస్కార కార్యక్రమాలకు హాజరుకాలేకపోతున్నందుకు పలువురు నటీనటులు తమ బాధను వ్యక్తం చేశారు. ఈ క్రమంలో వీళ్లు సోషల్‌ మీడియా వేదికల ద్వారా ఇర్ఫాన్‌, రిషీ కపూర్‌లకు కడసారి వీడ్కోలు పలుకుతూ.. వారితో తమకున్న అనుబంధాన్ని గుర్తు చేసుకొన్నారు.

Know More

women icon@teamvasundhara
here-are-the-quarantine-activities-of-our-tv-anchors

ఇంట్లోనే ఉంటూ మనసు మాట వింటున్నారు..!

కరోనా కారణంగా విధించిన లాక్‌డౌన్‌ను ఎంతో కఠినంగా పాటిస్తున్నారంతా. అయితే అనుకోకుండా వచ్చిన ఈ హాలిడేస్‌ని సద్వినియోగం చేసుకునేందుకు అందరూ రకరకాల మార్గాలను ఎంచుకొంటున్నారు. వీరిలో తమ వ్యక్తిగత జీవితాన్ని ఎంజాయ్‌ చేస్తోన్న వారు కొందరైతే.. ఇంట్లో ఉంటూనే తమ వృత్తిగత బాధ్యతలను నిర్వర్తిస్తోన్న వారు మరికొందరు. ఈ నేపథ్యంలో టీవీ షోస్‌ షూటింగ్‌లతో నిత్యం బిజీగా ఉండే మన తెలుగు టీవీ యాంకర్లకు కూడా లాక్‌డౌన్‌తో కాస్త బ్రేక్‌ దొరికినట్లయ్యింది. దాంతో అటు తమ మనసుకు నచ్చిన పనులు చేస్తూనే.. ఇటు తమ ఫ్యాన్స్‌తో నిత్యం టచ్‌లో ఉంటున్నారు. మరి, ఈ క్వారంటైన్‌ సమయాన్ని వాళ్లు ఎలా గడుపుతున్నారో మీరే చూడండి.

Know More

women icon@teamvasundhara
happy-birthday-samantha-here-are-some-interesting-insta-posts-of-this-beauty

నేను ఎంచుకున్న.. నన్ను ఎంచుకున్న జీవితానికి థ్యాంక్స్‌!

ఎలాంటి సినీ నేపథ్యం లేని కుటుంబం నుంచి వచ్చి.. పరిశ్రమలో స్టార్‌ హీరోయిన్‌గా తనకంటూ ప్రత్యేక గుర్తింపును సంపాదించుకున్న నటి సమంత. గ్లామర్‌, లేడీ ఓరియంటెడ్‌, హోమ్లీ, థ్రిల్లర్‌, ప్రయోగాత్మక, సందేశాత్మక, సెంటిమెంట్‌.. ఇలా ఏ జోనర్‌కు చెందిన పాత్రైనా సరే అందులో పరకాయ ప్రవేశం చేయడం సామ్‌కు వెన్నతో పెట్టిన విద్య. ట్యాలెంట్‌, శ్రమించేతత్వం, సరైన కెరీర్‌ ప్లానింగ్‌ ఉంటే హీరోయిన్లు వివాహం తర్వాత కూడా తమ ఫామ్‌ను కొనసాగించొచ్చని చెప్పడానికి సమంతే ఓ ఉదాహరణ. అయితే కెరీర్‌ పరంగా ఎంత బిజీగా ఉన్నా సోషల్‌ మీడియా ద్వారా తన అభిమానులకు టచ్‌లో ఉండడం సామ్‌ ప్రత్యేకత. ఏప్రిల్‌ 28 సమంత పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు మీకోసం..!

Know More

women icon@teamvasundhara
lockdown-dairies-of-bollywood-beauty-sunny-leone

లాక్‌డౌన్‌లో పిల్లలతో ఇలా గడుపుతున్నా..!

లాక్‌డౌన్‌ వల్ల కరోనా నియంత్రణ సంగతేమో గానీ.. కుటుంబమంతా ఒకే చోట ఉండడం వల్ల మహిళలకు పని భారం మాత్రం విపరీతంగా పెరిగిపోయింది. ముఖ్యంగా పిల్లలను నియంత్రించలేక తల్లిదండ్రులు సతమతమవుతున్నారు. ఒక్కరుంటేనే పెద్దలకు చుక్కలు చూపిస్తారు.. అదే ఇక ఒకే ఇంట్లో ముగ్గురు పిల్లలుంటే.. టాప్‌ లేచిపోయేలా అల్లరి చేయడం ఖాయం. ఇలాంటి పరిస్థితులు సామాన్యులకే కాదు.. సెలబ్రిటీలకూ కామనే. అందుకే ఇలాంటి పరిస్థితుల్ని ఎలా డీల్‌ చేయాలో మనందరికీ చిట్కాలు అందించింది బాలీవుడ్‌ యమ్మీ మమ్మీ సన్నీలియోని. ఈ లాక్‌డౌన్‌ సమయంలో తాను తన ముగ్గురు పిల్లలతో పాటు.. ఇంటిని ఎలా బ్యాలన్స్‌ చేసుకుంటోందో ఓ వీడియో ఇంటర్య్వూ ద్వారా చెప్పుకొచ్చిందీ క్యూట్‌ మామ్‌. మరి, ఆ విశేషాలేంటో సన్నీ మాటల్లోనే..

Know More

women icon@teamvasundhara
celebs-pledge-to-heal-the-nature-on-world-earth-day

ప్రేమించే పెద్దమ్మను ఇష్టంగా గుండెకు హత్తుకుందాం..!

‘ప్రేమించే పెద్దమ్మే ఈ విశ్వం.. ఇష్టంగా గుండెకు హత్తుకుందాం.. కన్నెర్రయితే నీరై ఓ కొంచెం.. తల్లడిల్లిందో ఈ తల్లి ఏ ఒక్కరు మిగలం..’ అన్నాడో సినీ కవి. ప్రకృతిని, భూమిని కాపాడుకుంటేనే ఎలాంటి అవాంతరాలు లేకుండా మన మనుగడ సాగుతుంది.. మన నిర్లక్ష్యంతో వాటిని నాశనం చేయాలని చూస్తే ఆ ప్రకోపానికి మనం బలవక తప్పదు.. అని ఈ పాటలోని అంతరార్థం. అయితే ప్రస్తుతం మనం ఎదుర్కొంటోన్న పరిస్థితులు మనకు ఇదే విషయాన్ని కళ్లకు కట్టినట్లు చూపుతున్నాయి. ఇన్నాళ్లూ మన విచక్షణా రహిత చర్యల కారణంగా భూమాతకు, ప్రకృతికి ఎంతో కష్టం, నష్టం కలిగించాం.. ఆ ఫలితాన్ని ఇప్పుడు మనమంతా ఎదుర్కొంటున్నాం.

Know More

women icon@teamvasundhara
tollywood-beauties-participate-in-pass-the-brush-challenge-videos-went-viral

‘నో మేకప్‌’ నుంచి ‘విత్‌ మేకప్‌’.. ఎలాగో చూశారా..?

కరోనా కారణంగా ప్రజలంతా సామాజిక దూరాన్ని పాటిస్తూ ఇళ్లకే పరిమితమవుతున్నారు. అయితే ఈ వైరస్‌ మనుషులను భౌతికంగా దూరం చేయగలిగింది కానీ, మానసికంగా ఒకరికొకరు చేరువగానే ఉంటున్నారు. ఈ క్రమంలో దాదాపు గత నెల రోజులుగా స్నేహితులకు, బంధువులకు, శ్రేయోభిలాషులకు దూరంగా ఉంటున్నప్పటికీ.. టెక్నాలజీ సహాయంతో పరోక్షంగా వాళ్లతో సమయాన్ని గడుపుతున్నారు. ఈ క్రమంలో వాళ్లతో వీడియో కాల్స్‌ మాట్లాడడం, వీడియో గేమ్స్‌ ఆడడం.. ఇలా లాక్‌డౌన్‌లో ఉంటూనే రకరకాల పనులు చేస్తూ ఎంజాయ్‌ చేస్తున్నారు. అంతేకాదు, సోషల్‌ మీడియాలో పలు ఛాలెంజ్‌లలో సైతం పలువురు పాల్గొంటుండడం విశేషం. ఈ నేపథ్యంలో సినీ, టీవీ రంగాలకు చెందిన కొంతమంది తారలు ఇటీవల #Passthebrushchallenge ('పాస్ ది బ్రష్' ఛాలెంజ్‌) లో పాల్గొన్నారు. మరి ఆ విశేషాలేంటో మీరే చూడండి.

Know More

women icon@teamvasundhara
have-leftover-rice-at-home?-sameera-reddy-shows-how-to-make-rotla-with-it

అన్నం మిగిలిపోయిందా? అయితే ఇలా రొట్టె చేసేయండి!

అది లంచ్‌లోనైనా, రాత్రి డిన్నర్‌లోనైనా మనం, మనింట్లో కుటుంబ సభ్యులందరూ తినగా అప్పుడప్పుడూ కొన్ని ఆహార పదార్థాలు మిగిలిపోతుంటాయి. వాటిని ఫ్రిజ్‌లో పెట్టుకొని మరుసటి రోజు తినేవారు కొందరైతే.. వృథాగా బయటపడేసే వారు మరికొందరు. అయితే ఇలా మిగిలిపోయిన పదార్థాలతో ఎంతో రుచికరమైన వంటకాలు చేసుకోవచ్చని చెబుతోంది బాలీవుడ్‌ లవ్లీ మామ్‌ సమీరా రెడ్డి. ప్రస్తుతం లాక్‌డౌన్‌లో భాగంగా తన కుటుంబ సభ్యులతో కలిసి ఎంజాయ్‌ చేస్తోన్న ఈ బబ్లీ బ్యూటీ.. తన పాకశాస్త్ర ప్రావీణ్యాన్ని కూడా మనందరికీ పరిచయం చేస్తోంది. ఈ క్రమంలోనే మిగిలిపోయిన అన్నంతో రుచికరమైన రొట్టె ఎలా తయారుచేయచ్చో తన అత్తయ్యతో కలిసి రెసిపీ తయారుచేసి చూపించింది సమీర.

Know More

women icon@teamvasundhara
how-lara-dutta-celebrated-her-42nd-virtual-birthday

ఇంతటి అందమైన భర్తనిచ్చినందుకు థ్యాంక్యూ!

లారాదత్తా... బాలీవుడ్‌ సినిమాలు చూసే వారికి ప్రత్యేక పరిచయం అవసరం లేని పేరు. మొదట ‘మిస్‌ యూనివర్స్‌’గా తనను తాను ప్రపంచానికి పరిచయం చేసుకున్న ఈ ముద్దుగుమ్మ... ఆ తర్వాత బాలీవుడ్‌ వెండితెరపై కథానాయికగా తళుక్కుమని మెరిసింది. హీరోయిన్‌గా ఎంత గుర్తింపు తెచ్చుకుందో, ప్రత్యేక గీతాలతోనూ, విభిన్న పాత్రలతోనూ అంతే పేరు సొంతం చేసుకుంది లారా. తన అందం, అభినయంతో బాలీవుడ్‌తో పాటు ప్రపంచవ్యాప్తంగా తనకంటూ ఓ గుర్తింపు తెచ్చుకున్న ఈ మాజీ మిస్‌ యూనివర్స్‌.. తాజాగా 42 వ వసంతంలోకి అడుగుపెట్టింది. ఈక్రమంలో లాక్‌డౌన్‌ నిబంధనలు పాటిస్తూనే తన భర్త మహేష్‌ భూపతి, కూతురు సైరాతో కలిసి తన పుట్టినరోజు వేడుకలు జరుపుకొంది.

Know More

women icon@teamvasundhara
lockdown-dairies-of-milky-beauty-tamannaah-bhatia

లాక్‌డౌన్‌లో మన మిల్కీ బ్యూటీ ఏం చేస్తోందో చూశారా?

మిల్కీ బ్యూటీ.. ఈ పేరు వినగానే మన కళ్ల ముందు కదలాడే పాలరాతి శిల్పం తమన్నా కాక ఇంకెవరు..! తన అందం, అభినయంతో టాలీవుడ్‌లోనే కాదు.. బాలీవుడ్‌లోనూ గుర్తింపు తెచ్చుకుంది తమ్మూ. పాత్రల ఎంపికలో పర్‌ఫెక్ట్‌గా ఉండే ఈ ముద్దుగుమ్మ.. ఫిట్‌నెస్‌ విషయంలోనూ ఏ మాత్రం వెనక్కి తగ్గదు. అందుకే ప్రస్తుతం లాక్‌డౌన్‌ కారణంగా ఇంటికే పరిమితమైనా ఫిట్‌నెస్‌పై ప్రత్యేక దృష్టి పెడుతోందీ మిల్కీ బేబ్‌. అంతేకాదు.. తన ఆరోగ్యకరమైన లైఫ్‌స్టైల్‌, చేసే వ్యాయామాలు, పాత జ్ఞాపకాలు.. ఇలా బోలెడన్ని విషయాలను ఎప్పటికప్పుడు సోషల్‌ మీడియా వేదికగా తన ఫ్యాన్స్‌తో పంచుకుంటోంది. ఈ నేపథ్యంలో తమన్నా పంచుకున్న క్వారంటైన్‌ డైరీస్‌లోని కొన్ని అంశాలపై మనమూ ఓ లుక్కేద్దాం రండి..

Know More

women icon@teamvasundhara
celebrities-childhood-pics-during-lockdown-is-so-cute-to-see

నేటి తారల నాటి ఫొటోలు..!

షూటింగ్స్‌, ఫారిన్‌ టూర్స్‌.. అంటూ అనునిత్యం ఎంతో సరదాగా గడిపే మన సెలబ్రిటీలు లాక్‌డౌన్‌ కారణంగా ఇంట్లోనే బందీలైపోయారు. తమ జీవితాన్ని సరికొత్తగా గడుపుతున్నారు. ఈ క్రమంలో కొవిడ్‌-19 పై ప్రచారం కల్పించడంలో కొందరు నిమగ్నమైతే.. మరికొందరు తమ పాకశాస్త్ర ప్రావీణ్యాన్ని ప్రదర్శిస్తున్నారు. ఇంకొందరు తమ పాత జ్ఞాపకాలను నెమరువేసుకుంటూ ఎంజాయ్‌ చేస్తున్నారు. ఇలా ఒక్కొక్కరూ ఒక్కోలా తమ క్వారంటైన్‌ సమయాన్ని గడుపుతున్నారు. ఇక మరికొందరి విషయానికొస్తే.. తమ చిన్ననాటి ఫొటోలను సోషల్‌ మీడియా ద్వారా అభిమానులతో పంచుకుంటున్నారు. వీటిని చూసిన అభిమానులు తమ అభిమాన నటులు చిన్నతనంలో ఎంత క్యూట్‌ ఉన్నారో అంటూ మురిసిపోతున్నారు. మరి, ఆ ఫొటోలపై, వాటికి వారు జోడించిన క్యాప్షన్స్‌పై మనమూ ఓ లుక్కేద్దాం రండి..

Know More

women icon@teamvasundhara
jacqueline-fernandez-open-up-about-her-mental-condition

నేనూ అలాంటి దారుణమైన రోజుల్ని చూశాను!

జాక్వెలిన్‌ ఫెర్నాండెజ్‌.. శ్రీలంకలో పుట్టిపెరిగిన ఈ బాలీవుడ్‌ అందాల తార భారతీయ చలన చిత్ర పరిశ్రమలో తనదైన నటనతో మంచి గుర్తింపు తెచ్చుకుంది. తన పాత్రల కోసం ఎప్పటికప్పుడు సరికొత్త విద్యలను నేర్చుకుంటూ సినిమా పరిశ్రమలో ఓ ప్రత్యేక స్థానాన్ని సంపాదించుకుందీ ముద్దుగుమ్మ. అయితే ఈ స్థాయికి రావడమనేది అంత సులభం కాదని చెబుతోంది జాక్‌. ఇటీవలే ఓ ఇంటర్వ్యూలో భాగంగా మాట్లాడుతూ.. తన కెరీర్‌లోని ఎత్తుపల్లాలు, తను ఎదుర్కొన్న మానసిక సంఘర్షణల గురించి.. వాటికి తాను ఎదురీదిన విధానం గురించి ఎన్నో విషయాలను పంచుకుందీ శ్రీలంకన్‌ సుందరి.

Know More

women icon@teamvasundhara
shilpa-shetty-powerful-message-on-lockdown-lifestyle

జీవనశైలిని మార్చుకునే అద్భుత అవకాశం.. ఈ లాక్‌డౌన్‌!

మల్టీ ట్యాలెంటెడ్‌.. బాలీవుడ్‌ ఫిట్టెస్ట్‌ బ్యూటీ శిల్పాశెట్టి ఈ పదానికి సరిగ్గా సరిపోతుంది. అద్భుతమైన నటిగానే కాకుండా.. ఫిట్‌నెస్‌, ఆరోగ్యం.. వంటి అంశాల్లోనూ అవగాహన కల్పించే ఈ అందాల అమ్మ.. సోషల్‌ మీడియాలోనూ ఎంతో యాక్టివ్‌గా ఉంటుంది. ఈ క్రమంలో తన ఫిట్‌నెస్‌, హెల్దీ కుకింగ్‌కి సంబంధించిన ఫొటోలు, వీడియోలను సైతం తన అభిమానులతో షేర్‌ చేసుకుంటుంటుంది. ప్రస్తుతం లాక్‌డౌన్‌ సమయంలోనూ పలు వీడియోలతో అందరిలో స్ఫూర్తి నింపిన ఈ బాలీవుడ్‌ మామ్‌.. తాజాగా తన మానసిక స్థితిని ప్రతిబింబించేలా ఒక స్ఫూర్తిదాయకమైన సందేశాన్ని అందించింది. మరి అందరిలో ప్రేరణ నింపుతోన్న ఆ పోస్ట్‌ సారాంశమేంటో మనమూ చూసేద్దామా..?

Know More

women icon@teamvasundhara
my-husband-andrei-had-corona-symptoms-says-shriya

మా ఆయనకు కరోనా లక్షణాలున్నాయి!

చైనాలో పురుడుపోసుకున్న కరోనా స్పెయిన్‌ పాలిట శాపంగా మారింది. కరోనా వైరస్‌ ప్రభావం అధికంగా ఉన్న దేశాల్లో స్పెయిన్‌ కూడా ఒకటి. ఈ మహమ్మారి కారణంగా ఇప్పటికే ఆ దేశంలో సుమారు 18 వేల మంది మృత్యువాతపడ్డారు. అంతేకాదు.. కరోనా పాజిటివ్‌ కేసులకు సంబంధించి అగ్రరాజ్యం అమెరికా తరువాతి స్థానం స్పెయిన్‌దే కావడం గమనార్హం. నేటికీ అక్కడ వందల సంఖ్యలో ప్రజలు ప్రాణాలొదులుతుండగా, వేల సంఖ్యలో పాజిటివ్‌ కేసులు నమోదవుతున్నాయి. కరోనా కట్టడి కోసం అక్కడి ప్రభుత్వం దేశమంతా లాక్‌డౌన్‌ విధించడంతో అక్కడి సామాన్య ప్రజలు బిక్కుబిక్కుమంటూ గడుపుతున్నారు. ఈక్రమంలో కొద్ది రోజులుగా అక్కడే ఉంటున్న ప్రముఖ హీరోయిన్‌ శ్రియా సరణ్‌ కూడా అలాంటి పరిస్థితినే ఎదుర్కొంటోంది. ప్రస్తుతం బార్సిలోనాలో తన భర్త ఆండ్రీ కొశ్చీవ్‌తో కలిసి స్వీయ నిర్బంధంలో ఉంటోందీ ముద్దుగుమ్మ. ఈక్రమంలో తన భర్తకు కూడా కరోనా లక్షణాలున్నాయని వెల్లడించిన ఆమె.. అతడి ఆరోగ్య పరిస్థితిని ఓ ఆంగ్ల మీడియాకు వివరించింది.

Know More

women icon@teamvasundhara
covid-19-here-is-how-our-stars-are-spending-their-quarantine

క్వారంటైన్‌ను గడిపేస్తున్నాం ఇలా..!

కరోనా లాక్‌డౌన్‌తో నిత్యం ఉరుకులు పరుగులతో బిజీగా గడిపే మానవజాతికి చిన్న విరామం దొరికింది. అత్యవసర విభాగాలకు చెందిన ఉద్యోగులను మినహాయిస్తే.. దేశ ప్రధానుల దగ్గర నుంచి సాధారణ కూలీ వరకు అంతా ఇళ్లకే పరిమితమవుతున్నారు. ముఖ్యంగా వృత్తిగతంగా క్షణం కూడా తీరిక దొరకని సినిమా తారలకు ఇదొక అరుదైన అవకాశమనే చెప్పాలి. అందుకే ఈ సమయాన్ని కుటుంబ సభ్యులతో గడిపేందుకు, తమ మనసుకు నచ్చిన పనులు చేసేందుకు వినియోగిస్తున్నారు. అంతేకాదు, తమ వ్యక్తిగత పనులతో పాటు ఇంటి పనులు సైతం తామే స్వయంగా పూర్తి చేసుకుంటున్నారు. మరి ఈ క్వారంటైన్‌ సమయంలో కొంతమంది తారలు ఏం చేస్తున్నారో మీరే చూడండి.

Know More

women icon@teamvasundhara
anushka-shetty-shared-a-heartfelt-message-to-all-in-the-world

మీ సేవలకు ఎన్ని కృతజ్ఞతలు చెప్పినా తక్కువే!

అనుష్కా శెట్టి.. నేటి తరంలో హీరోలతో సమానంగా క్రేజ్‌ సంపాదించుకున్న నటీమణుల్లో తన పేరు ముందు వరుసలో ఉంటుందనడంలో సందేహం లేదు. దక్షిణ చలనచిత్ర పరిశ్రమలో అగ్ర కథానాయకుల సినిమాలతో సమానంగా మహిళా ప్రాధాన్య సినిమాలకు క్రేజ్‌ తీసుకొచ్చింది అందాల అనుష్క. ఇక బాహుబలి సినిమా తర్వాత అనుష్క ట్యాలెంట్‌ ప్రపంచానికీ పాకింది. ఇలా నటిగా తెలుగు ప్రజల గుండెల్లో గూడు కట్టుకున్న అనుష్క.. సోషల్‌ మీడియాలోనూ యాక్టివ్‌గా ఉంటుంది. ఈ క్రమంలోనే తాజా పరిస్థితులను ప్రతిబింబించేలా ఒక పోస్ట్‌ని షేర్‌ చేసిందీ బొమ్మాళి. కరోనా కారణంగా ప్రపంచం గడ్డు పరిస్థితులను ఎదుర్కోంటున్న నేపథ్యంలో.. అందరిలో స్ఫూర్తినింపేలా సోషల్‌ మీడియా వేదికగా తను పోస్ట్‌ చేసిన ఓ సందేశం అందరికీ ప్రేరణనిస్తోంది. మరి తను షేర్‌ చేసిన ఆ సందేశమేంటో మనమూ చూద్దాం రండి..

Know More

women icon@teamvasundhara
namrata-decides-to-share-her-throwback-memories-during-this-lock-down

ఈ ‘మెమరీ థెరపీ’ ఏదో బాగుంది.. మీరూ ప్రయత్నించండి..!

కరోనా లాక్‌డౌన్‌ కారణంగా ప్రజలకు తమ బిజీ లైఫ్‌ నుంచి చిన్న విరామం దొరికినట్లయింది. అనుకోకుండా వచ్చిన ఈ సెలవులను చాలామంది తమ మనసుకు నచ్చిన పనులు చేసేందుకు వినియోగిస్తుండడం విశేషం. ఈ నేపథ్యంలో కొంతమంది కాలక్షేపం కోసం ఇంట్లో ఉన్న ఫొటో ఆల్బమ్స్‌, కుటుంబ సభ్యుల పెళ్లి వీడియోలు.. వంటివి చూస్తూ పాత జ్ఞాపకాలను నెమరు వేసుకుంటున్నారు. ఈ క్రమంలో అందాల నటి నమ్రతా శిరోద్కర్‌ కూడా తన ఫోన్‌లో దాగున్న పాత ఫొటో ఆల్బమ్స్‌ తిరగేస్తోంది. అంతేకాదు, ఆ ఫొటోలను.. అవి దిగిన సందర్భాలను రోజుకొకటి చొప్పున సోషల్ మీడియా ద్వారా పంచుకోవాలని నిర్ణయించుకుందీ మిసెస్‌ మహేష్‌. ఈ క్రమంలో మొదటి రోజు పోస్ట్‌ చేసిన ఫొటోలు.. వాటి వెనకున్న విశేషాలేంటో మీరే చూడండి.

Know More

women icon@teamvasundhara
richa-chadha-wants-people-to-focus-on-mental-health-in-this-self-quarantine-period

ఈ లాక్‌డౌన్‌ ఒత్తిడిని అలా అధిగమిస్తున్నా!

కరోనా కారణంగా ప్రపంచమంతా కారు చీకట్లు కమ్ముకున్నాయి. ఆ వైరస్‌ ధాటికి దేశాలకు దేశాలే స్వీయ నిర్బంధంలోకి వెళ్లిపోయాయి. కరోనా సృష్టించే కల్లోలంతో ఏ న్యూస్‌ ఛానల్‌ ట్యూన్‌ చేస్తే ఏం వార్త వినాల్సి వస్తుందో, ఏ పేపర్‌ చూస్తే ఎంతమంది మరణించారన్న వార్త చూడాల్సి వస్తుందోనని అనుక్షణం భయపడాల్సిన పరిస్థితి. దీనికి తోడు లాక్‌డౌన్‌ పేరుతో మనల్ని మనమే ఇంట్లో బంధించుకోవాల్సి వస్తోంది. ఇవన్నీ మనలో భయాందోళనల్ని పెంచుతూనే, మానసిక ఆందోళనలను కలిగిస్తున్నాయన్నది వాస్తవం. అయితే ఇలా స్వీయ నిర్బంధం పాటిస్తూనే మానసిక ఆరోగ్యాన్ని సొంతం చేసుకోవడం అంత ఈజీ కాదని, అందుకు కొన్ని టెక్నిక్స్‌ ఉపయోగపడతాయని అంటోంది బాలీవుడ్‌ ముద్దుగుమ్మ రిచా చద్దా. వాటిని పాటిస్తూ ఈ సమయంలో ఎదురయ్యే ఒత్తిడి, ఆందోళనల్ని సమర్థంగా ఎదుర్కొంటూ అందరూ మానసిక ఆరోగ్యంపై దృష్టి పెట్టడం ఎంతో అవసరమంటోందీ అందాల తార. ఇదే విషయాన్ని ప్రస్తావిస్తూ ఇన్‌స్టాలో ఓ సుదీర్ఘమైన పోస్ట్ పెట్టింది రిచా.

Know More

women icon@teamvasundhara
deepika-ranveer-relationship-goals-during-covid-19

లాక్‌డౌన్‌: మనతో మనం గడపాల్సిన సమయమిదే..!

వెండితెరైనా.. నిజ జీవితమైనా.. అన్యోన్యమైన జంట అనే పదానికి నిలువెత్తు నిర్వచనం దీపిక-రణ్‌వీర్‌. సందర్భమేదైనా, వేదికేదైనా ఒకరి మీద ఒకరికి ఉన్న ప్రేమను వ్యక్తం చేసుకోవడానికి ఏమాత్రం వెనకాడరీ క్యూట్‌ కపుల్‌. ఇలా తమ ప్రణయ బంధంతో నేటి తరం దంపతులకు రిలేషన్‌షిప్‌ పాఠాలు నేర్పుతుంటారు దీప్‌వీర్‌. అయితే ఇద్దరూ వారి వారి సినిమాలతో నిత్యం తీరిక లేకుండా గడిపే ఈ జంటకు అనుకోకుండా లాక్‌డౌన్‌ సెలవులు దొరకడంతో తమ అనుబంధాన్ని మరింతగా దృఢం చేసుకుంటున్నారు దీపిక-రణ్‌వీర్‌లు. ఈ క్రమంలో వారు చేసిన యాక్టివిటీస్‌ వీడియోలు, ఫొటోలను ఎప్పటికప్పుడు సోషల్‌ మీడియాలో పోస్ట్‌ చేస్తూ అభిమానులకు తమ అనురాగ దాంపత్యం గురించి చెప్పకనే చెబుతున్నారీ లవ్లీ కపుల్‌. అయితే తాజాగా ఓ వీడియో ఇంటర్వ్యూలో దీపిక మాట్లాడుతూ.. లాక్‌డౌన్‌లో రణ్‌వీర్‌తో గడుపుతోన్న మధురానుభూతులను, స్వీయ నిర్బంధ కాలంలో ఎదురయ్యే మానసిక ఆందోళనల గురించి చెప్పుకొచ్చింది. మరి, ఆ విశేషాలేంటో తన మాటల్లోనే విందాం రండి..

Know More

women icon@teamvasundhara
happy-birthday-nithya-menen-here-are-few-interesting-insta-posts-of-this-beauty

నాకు అలా జీవించడమంటేనే ఇష్టం!

తన అందం, అభినయంతో పాటు.. సహజత్వం ఉట్టిపడే నటనతో న్యాచురల్‌ బ్యూటీగా పేరుతెచ్చుకుంది నిత్యా మేనన్‌. ‘The Monkey who knew too much’ అనే చిత్రంతో బాల నటిగా వెండితెరకు పరిచయమైన ఈ ముద్దుగుమ్మ.. ‘అలా మొదలైంది’ సినిమాతో తెలుగు ప్రేక్షకులకు చేరువైంది. నిత్య ఇప్పటివరకు తెలుగు, తమిళ, కన్నడ, మలయాళ భాషల్లో ఎన్నో సినిమాల్లో నటించి ‘సహజ నటి’గా గుర్తింపు సంపాదించుకుంది. గతేడాది విడుదలైన ‘మిషన్‌ మంగళ్‌’తో బాలీవుడ్‌కి కూడా ఎంట్రీ ఇచ్చిందీ బ్యూటీ. నిత్య సినిమాల్లోనే కాదు నిజ జీవితంలోనూ ఆడంబరాలకు దూరంగా, వీలైనంత సింపుల్‌గా ఉండేందుకు ప్రయత్నిస్తుంటుంది. ఏప్రిల్‌ 8 నిత్య పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికరమైన పోస్టులు మీకోసం..!

Know More

women icon@teamvasundhara
prinyanka-chopra-reveals-her-relationship-with-father-ashok-chopra

ఆ విషయంలో నాన్నతో నాకు గొడవైంది!

ప్రియాంక చోప్రా.. కేవలం భారతదేశంలోనే కాదు.. ప్రపంచ వ్యాప్తంగా అభిమానులను సంపాదించుకున్న గ్లోబల్‌ బ్యూటీ. తను ఈ స్థాయికి చేరుకోవడానికి తన కృషితో పాటు.. కుటుంబ సభ్యుల ప్రోత్సాహం కూడా ఎంతో ఉందని పలు సందర్భాల్లో చెప్పుకొచ్చిందీ అందాల తార. ముఖ్యంగా తన తండ్రి డాక్టర్‌ అశోక్‌ చోప్రాతో తనకున్న అనుబంధాన్ని ప్రతి క్షణం గుర్తుచేసుకుంటూ ఉంటుంది ప్రియాంక. అంతేకాదు.. తన తండ్రి మరణానంతరం ‘Daddy’s lil girl..’ అంటూ తన చేతిపైన ట్యాటూ కూడా వేయించుకొని తను నాన్నకూచినంటూ చెప్పకనే చెప్పింది పీసీ. అయితే తాజాగా ఓ ఇంటర్వ్యూలో భాగంగా తాను టీనేజ్‌లో ఉన్నప్పుడు జరిగిన కొన్ని సంఘటనలు, నాన్నకు తనకు మధ్య ఉన్న అనుబంధాన్ని నెమరువేసుకుంది.

Know More

women icon@teamvasundhara
celebrities-light-candles-to-support-pm-modis-9pm-9min-call

కరోనాపై పోరాటం: స్ఫూర్తి దీపం వెలిగించారు!

ప్రస్తుతం కరోనా వైరస్‌ కారణంగా దేశమంతటా లాక్‌డౌన్‌ కొనసాగుతోన్న సంగతి అందరికీ తెలిసిందే. లాక్‌డౌన్‌ వల్ల ఎక్కడివారు అక్కడికే పరిమతమయ్యారు. ఎక్కువ రోజులు ఇంటి దగ్గరే ఉండడం వల్ల చాలామందిలో ఒక నిస్ప్రుహ వాతావరణం నెలకొంది. దీనిని దృష్టిలో పెట్టుకొని ప్రధానమంత్రి నరేంద్ర మోదీ గారు.. దేశ ప్రజలందరినీ ఏకతాటిపైకి తెచ్చేందుకు ఆదివారం రాత్రి 9 గంటలకు ప్రజలందరూ 9 నిమిషాలపాటు ఇళ్లలో లైట్లు ఆర్పేసి నూనెదీపాలు వెలిగించాలని పిలుపునిచ్చారు. దీనికి సామాన్యుల నుండి సెలబ్రిటీల వరకు విశేష ఆదరణ లభించింది. ఈ క్రమంలో కొంతమంది తారలు ఆ చిత్రాలను సామాజిక మాధ్యమాల్లో పోస్ట్‌ చేశారు. ఆ పోస్టుల సమాహారం మీకోసం...

Know More

women icon@teamvasundhara
anushka-sharma-reveals-whats-on-her-immunity-boost-menu

నా ఇమ్యూనిటీని పెంచే పదార్థాలివే!

కరోనా నియంత్రణలో భాగంగా కేంద్రం విధించిన లాక్‌డౌన్‌ కారణంగా సామాన్యులతో పాటు సెలబ్రిటీలందరూ ఇళ్లకే పరిమితమయ్యారు. ఈ సందర్భంగా కొందరు సెలబ్రిటీలు స్వీయ నిర్బంధంలో ఉంటూ ఇంటి పనులన్నింటినీ చక్కబెట్టుకుంటున్నారు. సరికొత్త వంటకాలు ప్రయత్నిస్తూ తమ సెల్ఫ్‌ ఐసోలేషన్‌ అనుభవాలను సోషల్‌ మీడియా ద్వారా షేర్‌ చేస్తున్నారు. మరికొందరు కరోనా నుంచి ఎలా బయటపడాలో చెబుతూ తమ అభిమానులకు జాగ్రత్తలు సూచిస్తున్నారు. ఈ క్రమంలోనే కరోనా వైరస్‌ను సమర్థంగా ఎదుర్కోవాలంటే వ్యాధి నిరోధక శక్తిని పెంచుకోవాలని చెబుతోంది బాలీవుడ్‌ బ్యూటీ అనుష్కా శర్మ. రోగనిరోధక శక్తిని పెంచుకోవడానికి తాను రోజూ ఏయే పదార్థాల్ని మెనూలో చేర్చుకుంటుందో సోషల్‌ మీడియా వేదికగా అందరితో షేర్‌ చేసుకుందీ ముద్దుగుమ్మ.

Know More

women icon@teamvasundhara
vidya-balan-thanks-sanitation-worker-in-her-street-shares-the-video

మేడమ్‌...మా కోసం మీరు పడుతున్న శ్రమకు థ్యాంక్యూ!

కరోనా విజృంభణ కొనసాగుతోన్న ఇలాంటి విపత్కర పరిస్థితుల్లో ప్రపంచ వ్యాప్తంగా ప్రజలు స్వీయ నిర్బంధం పాటిస్తూ ఇళ్లకే పరిమితమవుతున్నారు. ఈ క్రమంలో వైద్యం, పోలీస్‌, మీడియా, మున్సిపాలిటీ, విద్యుత్తు.. వంటి అత్యవసర విభాగాలకు చెందిన ఉద్యోగులు మాత్రం తమ విధుల్లో కొనసాగుతున్నారు. ప్రజల క్షేమం కోసం వీళ్లు తమ ప్రాణాలు పణంగా పెట్టి పగలు, రాత్రి అనే తేడాల్లేకుండా తమ వృత్తిధర్మాన్ని పాటిస్తున్నారు. వీళ్లు చేస్తోన్న త్యాగాన్ని గుర్తించి వారికి కృతజ్ఞతలు చెప్పాల్సిన బాధ్యత మనందరిపై ఉంది. ఈ క్రమంలో బాలీవుడ్‌ బ్యూటీ విద్యా బాలన్‌ తమ వీధిని శుభ్రం చేస్తోన్న ఓ మున్సిపాలిటీ ఉద్యోగినికి స్వయంగా కృతజ్ఞతలు తెలిపింది.

Know More

women icon@teamvasundhara
anushka-sharma-asks-an-interseting-questions-on-instagram-gets-quick-responses

ఈ స్వీయ నిర్బంధం మీకేం నేర్పింది?

అనుకోకుండా మనమంతా పాటిస్తోన్న ఈ స్వీయ నిర్బంధం అందరికీ సరికొత్త జీవిత పాఠాలను నేర్పుతోంది. సామాన్యుల నుండి సెలబ్రిటీల వరకు ఇంటికే పరిమితమైన ఈ నేపథ్యంలో కొందరు తమ అభిమానులకు చేరువగా ఉండడానికి లైవ్‌ షోలను నిర్వహిస్తూ.. తమ మనసులోని మాటల్ని పంచుకుంటున్నారు. అంతేకాదు.. స్వీయ నిర్బంధం తమకు ఏయే విషయాలను నేర్పిందో కూడా చెబుతున్నారు. ఈ క్రమంలో బాలీవుడ్‌ బ్యూటిఫుల్‌ బేబ్‌ అనుష్కా శర్మ కాస్త సరికొత్తగా ఆలోచించి అభిమానుల సెల్ఫ్‌ క్వారంటైన్‌ అనుభవాలను తెలుసుకునే ప్రయత్నం చేసింది. అందులో భాగంగా తన అభిమానులకు ఒక ప్రశ్నను సంధించిందీ ముద్దుగుమ్మ. ఇలా తను ప్రశ్న వేసిందో, లేదో అలా ఫ్యాన్స్‌ తమ సమాధానాల్ని వెల్లువలా పంపించారు. వాటన్నింటినీ తన ఇన్‌స్టా స్టేటస్‌లో పోస్ట్‌ చేస్తూ అభిమానులందరికీ థ్యాంక్స్‌ చెప్పింది అనుష్క. మరి, ఇంతకీ అనుష్క సంధించిన ఆ ప్రశ్న, దానికి అభిమానులు చెప్పిన సమాధానాలేంటో చదివేద్దామా??

Know More

women icon@teamvasundhara
pooja-hegde-chats-with-her-fans-via-twitter

కష్ట సమయాల్లో ఇష్టమైనవి గుర్తు తెచ్చుకోండి..!

దేశవ్యాప్తంగా లాక్‌డౌన్‌ కొనసాగుతుండడంతో ప్రజలంతా ఇళ్లకే పరిమితమవుతున్నారు. నిత్యం షూటింగ్స్‌తో బిజీగా ఉండే సినీ తారలు సైతం ఇంటిపట్టునే ఉంటూ.. ఈ సమయాన్ని కుటుంబ సభ్యులతో గడిపేందుకు కేటాయిస్తున్నారు. అంతేకాదు, వీలు కుదిరినప్పుడల్లా సోషల్‌ మీడియా లైవ్‌/చాట్‌ ద్వారా తమ అభిమానులను పలకరించే ప్రయత్నం చేస్తున్నారు. ఈ క్రమంలో అందాల భామ పూజా హెగ్డే కూడా తాజాగా ట్విట్టర్‌ వేదికగా అభిమానులతో ముచ్చటించింది. #AskPooja అనే హ్యాష్‌ట్యాగ్‌ ద్వారా నెటిజన్లు అడిగిన ఆసక్తికరమైన ప్రశ్నలకు సమాధానాలిచ్చిందీ ‘బుట్టబొమ్మ’.

Know More

women icon@teamvasundhara
anchor-rashmi-gautam-emotional-message-goes-viral
women icon@teamvasundhara
quarantine-made-me-realize-what-actually-a-life-is-says-anushka

ఇప్పుడు నాకు అవే ముఖ్యమనిపిస్తోంది..!

కరోనా వ్యాప్తిని అరికట్టే టీకా కోసం పరిశోధకులు, వైద్యులు విపరీతంగా శ్రమిస్తున్నారు. అయితే స్వీయ నిర్బంధం, సామాజిక దూరం, వ్యక్తిగత పరిశుభ్రత పాటించడం.. ఈ మూడు మార్గాలే మనల్ని కరోనా బారిన పడకుండా రక్షిస్తాయన్న విషయం తెలిసిందే. అందుకే ప్రపంచ వ్యాప్తంగా దాదాపు అన్ని దేశాలు వీటిని తు.చ. తప్పకుండా పాటిస్తున్నాయి. సామాన్యుల నుంచి దేశ ప్రధానుల వరకు స్వీయ నిర్బంధం పాటిస్తూ ఇళ్లకే పరిమితమవుతున్నారు. ఈ క్రమంలో రోజుల కొద్దీ ఇంట్లో గడపడుతుండడంతో ప్రజల ఆలోచన తీరులో క్రమంగా మార్పు వస్తోంది. ఇంతకాలం వృత్తిగత, వ్యక్తిగత జీవితాలతో బిజీగా గడిపిన చాలామందికి ఈ లాక్‌డౌన్‌ సమయం తమ గురించి తాము తెలుసుకునేందుకు ఉపయోగపడుతోంది. ఈ నేపథ్యంలో ఇప్పటివరకు గడిచిన క్వారంటైన్‌ సమయం తన ఆలోచన తీరులో ఎలాంటి మార్పును తీసుకొచ్చిందో తాజాగా సోషల్‌ మీడియా ద్వారా పంచుకుంది బాలీవుడ్‌ బ్యూటీ అనుష్కా శర్మ.

Know More