పిల్లల నుంచి పెద్దల వరకు ఇష్టపడే తెలుగు పండగల్లో సంక్రాంతి కూడా ఒకటి. రైతన్నకు పంట చేతికి వచ్చి ఇళ్లంతా ధన, ధాన్యాలతో నిండి ఉండే సమయం ఇది. అందుకే తెలుగు ప్రజలకు ఈ పండగంటే ఎంతో ప్రత్యేకం. భోగి, మకర సంక్రాంతి, కనుమ.. ఇలా మూడు రోజుల పాటు జరుపుకునే ఈ పండగ ఎప్పుడెప్పుడు వస్తుందా అని తెలుగువారు సంవత్సరమంతా ఎదురు చూస్తుంటారు. భోగి మంటలు, రంగవల్లులు, గొబ్బెమ్మలు, హరిదాసులు, డూడూ బసవన్నలు, కొత్త బట్టలు, పిండి వంటలు, విందులు, వినోదాలు.. ఇలా ఒక్కటేమిటి సంక్రాంతి అంటేనే సరదాల సమ్మేళనం. అయితే సంక్రాంతి వేడుకలు పట్టణాల్లో కంటే పల్లెల్లో కన్నులపండువగా జరుగుతాయి. అందుకే వృత్తిరీత్యా పట్టణాల్లో స్థిరపడిన వాళ్లు సైతం ఈ పండగను పల్లెల్లో ఉన్న తమ వాళ్లతో జరుపుకునేందుకు పల్లెలకు పయనమవుతుంటారు. ప్రతిసారీ లాగే ఈ ఏడాది కూడా సంక్రాంతి వేడుకలు అంగరంగ వైభవంగా జరుగుతున్నాయి. మొదటి రోజు భోగి సందర్భంగా తెలుగు ప్రజలు తమ కుటుంబ సభ్యులతో కలిసి భోగి మంటలతో ఈ సంక్రాంతికి ఆహ్వానం పలికారు. సామాన్యులతో పాటు సెలబ్రిటీలు సైతం సంక్రాంతి సంబరాల్లో ఉత్సాహంగా పాల్గొంటున్నారు. ఈ సందర్భంగా తీసిన ఫొటోలు, వీడియోలను తాము సోషల్‌ మీడియాలో పోస్ట్‌ చేస్తూ తమ అభిమానులకు సంక్రాంతి శుభాకాంక్షలు తెలియజేస్తున్నారు. మరి ఆ విశేషాలేంటో మీరూ చూసేయండి.

మహేష్‌, రష్మిక జంటగా నటించిన ‘సరిలేరు నీకెవ్వరు’ సినిమా భారీ అంచనాల నడుమ ఈరోజు విడుదలైంది. ఈ సినిమాకు ప్రేక్షకుల నుంచి మంచి స్పందన లభిస్తోంది. అయితే గత కొన్ని రోజులుగా ప్రచార కార్యక్రమాల్లో బిజీగా ఉన్న ఈ చిత్ర బృందం.. ఈ సినిమాకు సంబంధించి తమ అనుభవాలను, తెర వెనుక విశేషాలను వివిధ ఇంటర్వ్యూల ద్వారా ప్రేక్షకులతో పంచుకుంటోంది. ఈ క్రమంలో ‘సరిలేరు నీకెవ్వరు’ హీరోయిన్‌ రష్మికను ప్రత్యేకంగా ఇంటర్వ్యూ చేశారు మహేష్‌ కుమార్తె సితార, దర్శకుడు వంశీ పైడిపల్లి గారాల పట్టి ఆద్య. ఇందులో భాగంగా వీళ్లు రష్మికను తమదైన స్టైల్‌లో ప్రశ్నలు అడుగుతూ సరదాగా సంభాషించారు. రష్మిక కూడా ఎప్పటిలాగే పిల్లలతో పోటీగా అల్లరి చేస్తూ వాళ్లు అడిగిన ప్రశ్నలకు చలాకీగా సమాధానాలిచ్చింది. మరి, ఆ విశేషాలేంటో మీరూ చూడండి..!

యాసిడ్‌ దాడి బాధితురాలు లక్ష్మీ అగర్వా్‌ల్‌ జీవిత కథాంశంతో తెరకెక్కిన చిత్రం ‘ఛపాక్‌’. ఈ సినిమాలో లీడ్‌ రోల్‌లో నటించడంతో పాటు నిర్మాతగా వ్యవహరిస్తోంది బాలీవుడ్‌ బ్యూటీ దీపికా పదుకొణె. ఇంతకు ముందు ‘తల్వార్‌’, ‘రాజీ’ వంటి విజయవంతమైన చిత్రాలను తెరకెక్కించిన మేఘనా గుల్జార్‌ ఈ సినిమాకు దర్శకత్వం వహిస్తున్నారు. అన్ని హంగులు పూర్తి చేసుకున్న ఈ సినిమా ఈనెల 10న ప్రేక్షకుల ముందుకు రానుంది. దీంతో ప్రస్తుతం సినిమా ప్రచార కార్యక్రమాల్లో బిజీగా ఉంది చిత్ర బృందం. ఇక ‘ఛపాక్‌’తో మొదటిసారిగా నిర్మాతగా మారిన దీపిక కూడా మూవీ ప్రమోషన్‌ కార్యక్రమాలను ముమ్మరం చేసింది. రియాల్టీ షోలు, ప్రత్యేక కార్యక్రమాలకు హాజరవుతూ సినిమాను వేగంగా ప్రజల్లోకి తీసుకెళ్లే ప్రయత్నం చేస్తోంది.

యాసిడ్‌ దాడి బాధితురాలు లక్ష్మీ అగర్వాల్‌ బయోపిక్‌గా తెరకెక్కుతోన్న చిత్రం ‘ఛపాక్‌’. ఇందులో లక్ష్మి పాత్రలో బాలీవుడ్‌ బ్యూటీ దీపికా పదుకొణె నటిస్తోన్న సంగతి తెలిసిందే. ఈ సినిమా జనవరి 10న విడుదల కానుంది. దీంతో ప్రస్తుతం సినిమా ప్రచార కార్యక్రమాల్లో బిజీగా ఉంది చిత్ర బృందం. ఈక్రమంలో ఇటీవలే జరిగిన టైటిల్‌ ట్రాక్‌ విడుదల కార్యక్రమానికి లక్ష్మిని ముఖ్య అతిథిగా ఆహ్వానించారు. ఈ కార్యక్రమంలో దీపిక లక్ష్మి గురించి ప్రసంగిస్తూ భావోద్వేగానికి గురైంది. అంతేకాదు, తన జీవితంలో జరిగిన సంఘటనలపై రాసిన టైటిల్‌ ట్రాక్‌ను వింటూ లక్ష్మి కన్నీళ్లు పెట్టుకుంది. ఈ సందర్భంగా తెరపై తన పాత్రలో నటించినందుకు దీపికకు ప్రత్యేకంగా కృతజ్ఞతలు తెలిపింది లక్ష్మి.

ఇప్పుడంటే లేడీ ఓరియంటెడ్‌ సినిమాలు చేయడానికి దర్శకులు, నిర్మాతలు ఎక్కువ ఆసక్తి చూపిస్తున్నారు కానీ, కొన్ని సంవత్సరాల క్రితం పరిస్థితులు వేరుగా ఉండేవి. అప్పట్లో హీరోయిన్లంటే కేవలం గ్లామర్‌కు మాత్రమే పనికొస్తారనే భావన ప్రేక్షకులతో పాటు దర్శకుల్లో కూడా ఉండేది. కొంతమంది దర్శకులు మాత్రమే స్త్రీశక్తిని గౌరవించి వాళ్లతో గొప్ప సినిమాలు తీశారు. ఈ క్రమంలో వారికి దొరికిన సువర్ణాస్త్రం.. ‘విజయశాంతి’. పరిశ్రమలో అగ్ర హీరోల సినిమాలు రాజ్యమేలుతోన్న ఆ రోజుల్లో.. తన అద్భతమైన నటనతో ప్రేక్షకుల చేత శెభాష్‌ అనిపించుకున్న ధృవతార విజయశాంతి. అంతేకాదు, హీరోలతో పోటీగా యాక్షన్‌ స్టంట్స్‌ చేస్తూ ఆడవాళ్లు ఎందులోనూ తక్కువ కాదని తను నిరూపించింది. అందుకే విజయశాంతిని అభిమానులు ‘లేడీ అమితాబ్‌’ అని పిలుస్తుంటారు.

2019కి గుడ్‌బై చెప్పడానికి ఇంకా కొన్ని గంటలే మిగిలున్నాయి. పాత సంవత్సరానికి వీడ్కోలు చెబుతూ.. కొత్త సంవత్సరాన్ని ఆనందంగా ఆహ్వానించేందుకు ప్రపంచమంతా సిద్ధంగా ఉంది. ఈ క్రమంలో ఒక విధంగా ఆలోచిస్తే మనం కేవలం 2019 సంవత్సరానికి మాత్రమే కాదు.. ఒక దశాబ్దానికి కూడా ముగింపు పలకబోతున్నాం. అవునండీ.. 2010 నుంచి 2019 వరకు పది సంవత్సరాలు.. అంటే ఒక దశాబ్దం పూర్తయిందన్నమాట. ఇక ఇప్పుడు కొత్త దశాబ్దం ఆరంభం కానుంది. గడిచిన దశాబ్దంలో మనిషి జీవన విధానం దగ్గర నుంచి.. వాతావరణ పరిస్థితుల వరకు ఎన్నో రకాలు మార్పులు చోటు చేసుకున్నాయి. ఇదేవిధంగా ఈ దశాబ్దం (2010-2019) మన టాలీవుడ్‌ నటీమణుల్లో కూడా ఎంతో మార్పును తీసుకొచ్చింది. ఈ క్రమంలో కొందరు తారలు ‘సాధారణ నటి’ స్థాయి నుంచి ‘సూపర్‌ స్టార్‌’ స్థాయికి ఎదిగితే.. కొంతమంది మాత్రం పెళ్లి చేసుకొని తమ వివాహ జీవితాన్ని ఎంజాయ్‌ చేస్తున్నారు. వీరిలో కొంతమంది అగ్ర తారల దశాబ్ది ప్రయాణం గురించి ఒకసారి నెమరు వేసుకుందాం..!

ప్రపంచంలో సప్త సముద్రాలున్నట్టే ..సినిమాలన్నీ ఏడు కథల చుట్టే తిరుగుతాయట.. నదులన్నీ సముద్రంలో కలిసినట్టు.. కామెడీ, లవ్‌, రొమాన్స్‌, రివేంజ్‌, క్రైమ్‌, యాక్షన్‌, ఫిక్షన్‌ మూవీస్‌ ఏవైనా ఈ ఏడు కథల నుంచే పుట్టుకు రావాల్సిందే. ఈ నేపథ్యంలో పలువురు రచయితలు, డైరెక్టర్లు కొత్త కథల కోసం కసరత్తులు చేస్తూ కుస్తీ పడుతున్నారు. మరి కొందరు చరిత్రలో నిలిచిపోయిన ప్రముఖుల జీవిత కథలను తెరపైకి తీసుకొస్తున్నారు. ఇందులో భాగంగా సమాజానికి స్ఫూర్తినిచ్చిన పలువురి మహిళల జీవిత కథలను సిల్వర్‌ స్ర్కీన్‌పైకి తీసుకొస్తూ సక్సెస్‌ సాధిస్తున్నారు. ప్రస్తుతం ఏ సినిమా ఇండస్ర్టీలోనైనా ఈ బయోపిక్‌ల ట్రెండ్‌ నడుస్తోంది. మన ముద్దుగుమ్మలు కూడా ఇలాంటి పాత్రలను ఛాలెంజింగ్‌గా తీసుకుంటూ వాటికి తమ అద్భుతమైన నటనతో ప్రాణం పోస్తున్నారు. ఈ క్రమంలో 2019లో కూడా పలు మహిళల జీవిత కథలు వెండితెరపై సందడి చేశాయి. మరికొన్ని వచ్చే ఏడాది ప్రేక్షకుల ముందుకు రానున్నాయి.

ప్రపంచవ్యాప్తంగా క్రిస్మస్‌ సంబరాలు కన్నుల పండువగా జరిగాయి. మతంతో సంబంధం లేకుండా ప్రతి ఒక్కరూ క్రిస్మస్‌ వేడుకల్లో ఉత్సాహంగా పాల్గొన్నారు. క్రిస్మస్‌ చెట్టు, స్టార్స్‌, లైట్స్‌, బెలూన్స్‌.. మొదలైన వాటితో ఇంటిని అందంగా అలంకరించి, స్నేహితులు, కుటుంబ సభ్యులతో కలిసి క్రిస్మస్‌ వేడుకలను ఆనందంగా జరుపుకున్నారు. అంతేకాదు.. తమ సెలబ్రేషన్స్‌కు సంబంధించిన ఫొటోలు, వీడియోలను సోషల్‌ మీడియాలో పోస్ట్‌ చేస్తూ క్రిస్మస్‌ శుభాకాంక్షలను తెలియజేశారు. ఈ క్రమంలో సినిమా పరిశ్రమకు చెందిన పలువురు సెలబ్రిటీలు సైతం సోషల్‌ మీడియా ద్వారా తమ అభిమానులకు క్రిస్మస్‌ శుభాకాంక్షలు తెలిపారు. మరి ఆ విశేషాలేంటో మీరూ చూసేయండి..!

ఆకట్టుకునే అందం.. మనసుకు హత్తుకునే అభినయం కలగలిసిన అరుదైన నటీమణుల్లో ప్రపంచ సుందరి ఐశ్వర్యా రాయ్‌ కూడా ఒకరు. పరిశ్రమకు వచ్చి 22 ఏళ్లు దాటినా తన అందం ఏమాత్రం చెక్కుచెదరలేదు. ఇప్పటికీ ఒక అమ్మాయిని పొగడాలంటే ‘అచ్చం ఐశ్వర్యా రాయ్‌లా ఉన్నావు..!’ అని ఐష్‌నే ఉపమానంగా తీసుకుంటున్నామంటే.. తన అందం ఎలాంటిదో ప్రత్యేకించి చెప్పనక్కర్లేదు. ఆమె అందానికి కారణమేంటని చాలామంది.. చాలా ఇంటర్వ్యూల్లో తనని అడిగినప్పటికీ.. ఐష్‌ ఓ చిరునవ్వుతో ఆ ప్రశ్నను దాటవేసేది. ఈ క్రమంలో తన అందానికి సంబంధించిన ఓ సీక్రెట్‌ను ఐష్‌ స్వయంగా తానే అభిమానులతో పంచుకుంది. మరి ఆ రహస్యమేంటో మీరూ తెలుసుకోవాలనుకుంటున్నారా..? అయితే ఈ స్టోరీ చదివేయండి..!

మంచు మనోజ్‌ హీరోగా నటించిన ‘శ్రీ’ చిత్రంతో 2005లో తెలుగు తెరకు పరియమైంది మిల్కీ బ్యూటీ తమన్నా. అనంతరం శేఖర్‌ కమ్ముల డైరెక్షన్‌లో వచ్చిన ‘హ్యాపీడేస్‌’ సినిమాతో నటిగా గుర్తింపు సంపాదించుకున్న ఈ ముంబయి చిన్నది.. అనతికాలంలోనే తెలుగుతో పాటు తమిళ, కన్నడ హిందీ సినిమా పరిశ్రమల్లో తనకంటూ ప్రత్యేక గుర్తింపును సంపాదించుకుంది. అంతేకాదు.. ఇటు దక్షిణ పరిశ్రమతో పాటు అటు బాలీవుడ్‌లోనూ పలువురు అగ్ర హీరోల సరసన నటించి లక్కీ హీరోయిన్‌గా పేరు తెచ్చుకుందీ భామ. ఇటీవల చిరంజీవి హీరోగా తెరకెక్కిన ‘సైరా నరసింహా రెడ్డి’ సినిమాలో లక్ష్మి పాత్రలో నటించిన ఈ ముద్దుగుమ్మ విమర్శకుల ప్రశంసలు అందుకున్న విషయం తెలిసిందే. నిత్యం సినిమాలతో బిజీగా ఉండే ఈ బ్యూటీ.. సోషల్‌ మీడియా ద్వారా తన అభిమానులను తరచూ పలకరిస్తుంటుంది. డిసెంబర్‌ 21 తమన్నా పుట్టిన రోజు. ఈ సందర్భంగా తను ఇన్‌స్టాగ్రామ్‌లో పోస్ట్‌ చేసిన కొన్ని ఆసక్తికరమైన పోస్ట్‌లు మీకోసం...

అలనాటి బాలీవుడ్‌ తారలు రాజేష్‌ ఖన్నా, డింపుల్‌ కపాడియా వారసురాలిగా వెండితెరకు పరిచయమైన అందాల తార ‘ట్వింకిల్‌ ఖన్నా’.. సినీ రంగంలో కొద్దికాలమే కొనసాగినా.. ప్రేక్షకులకు గుర్తుండిపోయే పాత్రలతో మెప్పించింది. ఆపై 2001లో బాలీవుడ్‌ హీరో అక్షయ్‌ కుమార్‌ను వివాహమాడి తన పూర్తి సమయాన్ని కుటుంబానికే వెచ్చిస్తోంది. సినీ రంగానికి దూరమైనా.. రచయితగా, వ్యాపారవేత్తగా, పత్రికా సంపాదకురాలిగా, ఇంటీరియర్‌ డిజైనర్‌గా.. ఇలా బహుముఖ ప్రజ్ఞాశాలిగా పేరు తెచ్చుకుందీ బాలీవుడ్‌ మామ్‌. అందరూ ముద్దుగా మిసెస్‌ ఫన్నీ బోన్స్‌గా పిలుచుకునే ట్వింకిల్‌ తన అభిప్రాయాలకు హాస్యచతురతను జోడించి సోషల్‌ మీడియాలో పోస్ట్‌లు పెడుతూ ఉంటుంది. ఆయా వేదికలపై మహిళా సంబంధిత అంశాలపై తన గళాన్ని వినిపించే ఈ ముద్దుగుమ్మ.. తాజాగా హైదరాబాద్‌లో ఫిక్కీ లేడీస్‌ ఆర్గనైజేషన్‌ (FLO) నిర్వహించిన ప్రత్యేక కార్యక్రమంలో పాల్గొ్ంది. ఇందులో భాగంగా తన చిన్ననాటి విషయాల్ని పంచుకోవడంతోపాటు మన ఇళ్లలో మగపిల్లలను ఎలా పెంచాలి?, మహిళా సాధికారత ఎలా సాధ్యమవుతుంది?.. వంటి పలు విషయాల గురించి తన అభిప్రాయాలను వెల్లడించింది. ఈ క్రమంలో ట్వింకిల్‌ పంచుకున్న ఆ విషయాలను తన మాటల్లోనే విందాం..

‘లీడర్‌’ తో వెండితెరకు పరిచయమై ‘మిరపకాయ్‌’, ‘మిర్చి’ సినిమాలతో మెప్పించిన బార్బీ గర్ల్‌ రిచా గంగోపాధ్యాయ్‌. వీటితో పాటు ‘నాగవల్లి’ ‘సారొచ్చారు’, తమిళంలో ‘మాయక్కమ్‌ ఎన్న’, ‘ఒస్తే’, బెంగాలీలో ‘బిక్రమ్‌ సింఘా’ చిత్రాల్లో నటించి సందడి చేసిందీ ముద్దుగుమ్మ. చివరిగా ఆమె 2013లో ‘భాయ్‌’ అనే తెలుగు చిత్రంలో కనిపించింది. సుమారు నాలుగేళ్ల పాటు తెలుగు, తమిళ, బెంగాలీ భాషల్లో హీరోయిన్‌గా మెప్పించిన ఈ బ్యూటీ..ఆరేళ్ల క్రితం ఉన్నత చదువుల కోసం అమెరికా వెళ్లిపోయింది. ఈ క్రమంలోనే సినిమాలకు గుడ్‌బై చెప్పేసిన ఈ భామ తాజాగా మళ్లీ మన ముందుకొచ్చింది. అయితే కొత్త సినిమాతో కాదండోయ్‌. తన మనసుకు నచ్చిన వాడిని పెళ్లాడి...!. ఈ ఏడాది జనవరిలో తన ప్రేమికుడు జోయ్‌తో కలిసి ఉంగరాలు మార్చుకున్న ఈ భామ తాజాగా పెళ్లి దండలు కూడా మార్చుకుంది.

ప్రతిభకు పర్యాయపదాలు వెతికితే అందులో కచ్చితంగా దీపికా పదుకొణె పేరు ఉండాల్సిందే. ఏ పాత్ర ఇచ్చినా అందులో ఒదిగిపోయి..మరొకరిని ఆ పాత్రలో వూహించుకోనివ్వని అభినయం ఆమె సొంతం. గ్లామరస్‌ రోల్స్‌తో పాటు నాయికా ప్రాధాన్య పాత్రలు, చరిత్రాత్మక చిత్రాల్లో నటిస్తూ వరుస విజయాలు సొంతం చేసుకుందీ స్టార్‌ హీరోయిన్‌. హీరోయిన్‌గా వరుసగా సినిమాలు చేస్తో్న్న ఈ బ్యూటీ సామాజిక సేవా కార్యక్రమాల్లో సైతం పాల్గొంటోంది. తన నటనా ప్రతిభకు గుర్తింపుగా ఇప్పటికే ఎన్నో అవార్డులు, పురస్కారాలు సొంతం చేసుకుందీ ముద్దుగుమ్మ. ఇటీవలే ‘ది సెక్సీయెస్ట్‌ ఏషియన్‌ వుమన్‌ ఆఫ్‌ ది డికేడ్‌’గా గుర్తింపు పొందిన ఈ తార తాజాగా మరో అరుదైన పురస్కారానికి ఎంపికైంది. ఈ క్రమంలో వరల్డ్‌ ఎకనామిక్‌ ఫోరం ప్రతిష్ఠాత్మకంగా ప్రదానం చేసే ‘ క్రిస్టల్‌’ అవార్డుకు ఎంపికైందీ బ్యూటీ క్వీన్‌.

బాలీవుడ్‌ డ్యాన్సింగ్‌ క్వీన్‌గా పేరుగాంచిన అలనాటి అగ్రకథానాయిక మాధురీ దీక్షిత్‌.. తన అందం, అభినయంతో సినీ ప్రేక్షకుల మదిలో చెరగని ముద్ర వేసింది. తన కెరీర్‌కు కాస్త విరామమిచ్చి, సెకండ్‌ ఇన్నింగ్స్‌ ప్రారంభించిన ఈ అందాల అమ్మ.. ‘టోటల్‌ ఢమాల్‌’, ‘కళంక్‌’ వంటి సినిమాలతో మరోసారి అభిమానులను అలరించింది. ఈ క్రమంలో ప్రేక్షకులకు మరింత చేరువవడానికి త్వరలోనే డిజిటల్‌ మాధ్యమంలోకి అడుగుపెట్టబోతోందీ ముద్దుగుమ్మ. ప్రస్తుతం ఆన్‌లైన్‌లో సినిమాలకు, వెబ్‌సిరీస్‌లకు వేదికగా మారి ఎనలేని ఆదరణ పొందుతున్న ‘నెట్‌ఫ్లిక్స్‌’లో నటిగా తను భాగం కాబోతున్నానని ప్రకటించింది మాధురి. ఇందులో భాగంగా కరణ్‌ జోహర్‌ నిర్మాతగా వ్యవహరిస్తున్న ఓ షోలో నటించేందుకు సిద్ధమైందీ బాలీవుడ్‌ బ్యూటీ. ఈ విషయాన్ని స్వయంగా నెట్‌ఫ్లిక్స్‌ ఇండియా, మాధురీ దీక్షిత్‌, కరణ్‌ జోహర్‌ తమ తమ ట్విట్టర్‌ అకౌంట్ల ద్వారా ప్రకటించారు.

మోడలింగ్‌తో కేరీర్‌ ప్రారంభించి ‘జోడి’ సినిమాతో వెండి తెరకు పరిచయమయ్యారు నటి త్రిష. ఈ సినిమాలో సిమ్రాన్‌కు స్నేహితురాలిగా నటించిన త్రిష అనతి కాలంలోనే అగ్ర కథానాయికల్లో ఒకరిగా మారారు. ఇక తరుణ్‌ హీరోగా నటించిన ‘నీ మనసు నాకు తెలుసు’ సినిమాతో తెలుగు తెరకు ఎంట్రీ ఇచ్చారు. వర్షం సినిమాతో భారీ సక్సెస్ అందుకున్న త్రిష అనంతరం తమిళంతోపాటు తెలుగులోనూ బిజీ హీరోయిన్లలో ఒకరిగా మారారు. దాదాపు అందరు అగ్ర హీరోల సరసన నటించి ఎంతోమంది అభిమానులను సొంతం చేసుకుందీ భామ. 36 ఏళ్ల వయసులోనూ ఇప్పటికీ యంగ్‌ హీరోయిన్లకు పోటీనిస్తోంది.

తన అందచందాలతో కుర్రకారు మతి పోగొడుతోన్న హాట్‌ బ్యూటీ పాయల్‌ రాజ్‌పుత్‌. బుల్లితెర నటిగా తన కెరీర్‌ను ప్రారంభించిన ఈ భామ.. సినిమాల్లోకి రాకముందు పలు సీరియళ్లలో నటించింది. 2017లో ‘చెన్నా మేరాయా’ అనే పంజాబీ చిత్రంతో పాయల్‌ సినిమా పరిశ్రమలోకి అరంగేట్రం చేసింది. ‘RX100’ సినిమాతో తెలుగు తెరకు పరిచయమైన ఈ తార.. ఇందులో నెగెటివ్‌ షేడ్స్‌ ఉన్న ఛాలెంజింగ్‌ పాత్రలో నటించి ప్రేక్షకులను మెప్పించడం విశేషం. పాయల్‌ ప్రస్తుతం తెలుగు, తమిళ సినిమాలతో బిజీగా ఉంది. సోషల్‌ మీడియాలో యాక్టివ్‌గా ఉండే ఈ తార తనకు సంబంధించిన విశేషాలను ఎప్పటికప్పుడు తన అభిమానులతో పంచుకొంటుంది. డిసెంబర్‌ 5 పాయల్‌ పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు మీకోసం..!

సన్నీ లియోని.. చిన్న పిల్లల దగ్గర్నుంచి పెద్ద వాళ్ల దాకా పరిచయం అక్కర్లేని పేరిది. ఈ ముద్దుగుమ్మ పేరుకు, ఫిగర్‌కు యువతలో ఉన్న క్రేజ్‌ అంతా ఇంతా కాదు. ఆన్‌స్క్రీన్‌, ఆఫ్‌స్క్రీన్‌ యమ యాక్టివ్‌గా ఉండే ఈ అందాల తార.. సోషల్‌ మీడియాలోనూ మహా చురుగ్గా ఉంటుంది. ఈ క్రమంలో తన వృత్తిగత విషయాలే కాదు.. వ్యక్తిగత విషయాలను సైతం సామాజిక మాధ్యమాల్లో షేర్‌ చేస్తూ తన ఫ్యాన్స్‌తో అనునిత్యం టచ్‌లోనే ఉంటుంది సన్నీ. అది సినిమా అయినా సామాజిక సేవైనా సరే.. సన్నీ గురించి న్యూస్‌ వచ్చిందంటే చాలు.. ఇక ఆమె గురించి అంతర్జాలంలో వెతకని వారంటూ ఉండరంటే అది అతిశయోక్తి కాదు. అందుకే ఏటా పలు సెర్చింజిన్స్‌ విడుదల చేసే ‘మోస్ట్‌ సెర్చ్‌డ్‌ సెలబ్రిటీ’ల జాబితాలో అందరికంటే ముందుంటుందీ బాలీవుడ్‌ అందం. ఈ నేపథ్యంలోనే ఈ ఏడాది విడుదలైన గూగుల్‌ మోస్ట్‌ సెర్చ్‌డ్‌ జాబితాలో అగ్రస్థానంలో నిలిచిన ఈ హాట్‌ బ్యూటీ.. తాజాగా యాహూ ప్రకటించిన జాబితాలోనూ మొదటి స్థానాన్ని ఆక్రమించింది.

అందం, అభినయం, ఆత్మవిశ్వాసం.. కలిగిన నటీమణుల్లో స్మైలింగ్‌ బ్యూటీ యామీ గౌతమ్‌ కూడా ఒకరు. ‘ఉల్లాస.. ఉత్సాహ’ అనే కన్నడ చిత్రంతో హీరోయిన్‌గా తన కెరీర్‌ను ప్రారంభించిన ఈ తార.. తెలుగు, కన్నడ, తమిళ, పంజాబీ, హిందీ భాషల్లో అనేక చిత్రాల్లో నటించింది. తన తోటి హీరోయిన్లు గ్లామర్‌ పాత్రలకే పరిమితమైనప్పటికీ.. యామీ మాత్రం తన కెరీర్‌ ప్రారంభం నుంచి విభిన్నమైన పాత్రలు ఎంచుకొంటూ వరుస విజయాలతో దూసుకెళ్తుండడం విశేషం. ఈ క్రమంలో తను నటించిన ‘విక్కీ డోనార్‌’, ‘బద్లాపూర్’, ‘సనమ్‌ రే’, ‘కాబిల్‌’, ‘సర్కార్‌ 3’, ‘ఉరి’, ‘బాలా’.. తదితర చిత్రాలే ఇందుకు ఉదాహరణ. సినిమాల పరంగానే కాదు సోషల్‌ మీడియాలోనూ యామీకి మంచి క్రేజ్‌ ఉంది. నవంబర్‌ 28 యామీ పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు, వాటికి తను జత చేసిన క్యాప్షన్స్‌ మీకోసం..!