నిత్యం బిజీగా ఉండే సినీతారలు కూడా కాస్త ఖాళీ దొరికితే చాలు.. డిజిటల్‌ మీడియా ద్వారా తమ ఫ్యాన్స్‌కు కొత్త కొత్త విషయాలు నేర్పడానికి ఆసక్తి చూపిస్తుంటారు. ఈ క్రమంలోనే యూట్యూబ్‌ ఛానల్స్‌ ప్రారంభించి.. వీడియోల రూపంలో ఎన్నో విషయాలు తెలియజేస్తుంటారు. అయితే తాజాగా ఈ జాబితాలో చేరిపోయింది నటి మంచు లక్ష్మి. ‘చిట్టి చిలకమ్మ’ పేరుతో తాను ప్రారంభించిన యూట్యూబ్‌ ఛానల్‌లో తన కూతురు విద్యా నిర్వాణను కూడా భాగం చేస్తుందీ అందాల అమ్మ. తన ఛానల్‌లో భాగంగా పిల్లల పెంపకంలో ఎలాంటి సమస్యలు ఎదురవుతాయి, వాటిని ఎలా అధిగమించాలి.. వంటి పేరెంటింగ్‌ పాఠాలపై వీడియోలను రూపొందించబోతున్నట్లు, ఈ క్రమంలో వారానికి ఒక్కో అంశం చొప్పున ఒక్కో వీడియోను విడుదల చేయనున్నట్లు సోషల్‌ మీడియా ద్వారా చెప్పుకొచ్చిందీ బ్యూటిఫుల్‌ మామ్‌.

‘ఆవ్‌ తుఝో మోగ్‌కొర్తా’ అంటూ అరంగేట్రంలోనే అదరగొట్టింది అందాల భామ కృతీ సనన్‌. తెలుగులో ‘వన్‌..నేనొక్కడినే’, ‘దోచెయ్‌’ సినిమాల్లో మెరిసి మెప్పించిన ఈ ముద్దుగుమ్మ.. ప్రస్తుతం బాలీవుడ్‌లో క్రేజీ హీరోయిన్‌గా కొనసాగుతూ వరుస చిత్రాలు చేస్తోంది. అందంతో పాటు అభినయంతో అలరించే ఈ అందాల తార.. గతేడాది ఆరు సినిమాల్లో కనిపించడం విశేషం. ఛాలెంజింగ్‌ పాత్రల్లో నటించేందుకు అమితాసక్తి చూపే కృతి నటిస్తున్న తాజా చిత్రం ‘మిమి’. చూడడానికి సన్నజాజి తీగలా, స్లిమ్‌గా కనిపించే ఈ బ్యూటీ ఈ సినిమా కోసం ఎవరూ చేయని రిస్క్‌కు రడీ అవుతోందట. అదేంటంటే.. ఈ సినిమాలో తన పాత్రలో సహజ సిద్ధంగా ఇమిడిపోయేందుకు ఏకంగా 15 కిలోల బరువు పెరగాలని నిర్ణయించుకుందట ఈ క్రేజీ హీరోయిన్‌.

తెలుగులో చేసింది నాలుగు సినిమాలే అయినా.. టాలీవుడ్‌ ప్రేక్షకులకు ‘చూసీ చూడంగానే నచ్చేసింది’ కన్నడ బ్యూటీ రష్మిక మందన. అందం, అభినయంతో పాటు తనకు మాత్రమే సాధ్యమయ్యేలా క్యూట్‌ ఎక్స్‌ప్రెషన్స్‌తో విశేష అభిమానులను సంపాదించుకుందీ ముద్దుగుమ్మ. ‘ఛలో’, ‘గీత గోవిందం’, ‘దేవదాస్‌’, ‘డియర్‌ కామ్రేడ్‌’ సినిమాల తర్వాత ఈ బ్యూటీ నటించిన తాజా చిత్రం ‘సరిలేరు నీకెవ్వరు’. ప్రిన్స్‌ మహేశ్‌ బాబు హీరోగా, అనిల్‌ రావిపూడి దర్శకత్వంలో తెరకెక్కిన ఈ చిత్రం సంక్రాంతి కానుకగా ఈనెల 11న విడుదల కానుంది. ఇప్పటికే విడుదలైన ట్రైలర్‌లో ‘మీకు అర్థమవుతోందా?’, ‘ఐయాం ఇంప్రెస్డ్‌’ అంటూ క్యూట్‌ డైలాగ్‌లు, తనదైన మేనరిజమ్స్‌తో ఆకట్టుకుంటోంది రష్మిక. ఈక్రమంలో అనిల్‌ రావిపూడితో కలిసి ఓ ఇంటర్వ్యూకు హాజరైన ఈ క్యూటీ.. సినిమాకు సంబంధించిన పలు ఆసక్తికర విషయాలను షేర్‌ చేసుకుంది.

మోడల్‌గా కెరీర్‌ ప్రారంభించి బాలీవుడ్‌ అగ్ర హీరోయిన్లలో ఒకరిగా ఎదిగింది నటి బిపాసా బసు. ఒక్క బాలీవుడ్‌కే పరిమితం కాకుండా తెలుగు, తమిళ, బెంగాలీతోపాటు ‘ది లవర్స్‌’ అనే హాలీవుడ్‌ సినిమాలోనూ మెరిసిందీ అందాలతార. 2001లో వచ్చిన ‘అజ్‌నబీ’ చిత్రంతో వెండితెరకు ఎంట్రీ ఇచ్చిన బిపాస... 2002లో మహేష్‌ బాబు హీరోగా నటించిన ‘టక్కరిదొంగ’ సినిమాతో తెలుగు ప్రేక్షకులకు దగ్గరైంది. అనంతరం తన అందం, అభినయంతో ఎంతో మంది అభిమానులను సంపాదించుకున్న ఈ హాట్‌గర్ల్‌.. పలు విజయవంతమైన సినిమాల్లో నటించింది. సహనటుడు కరణ్‌ సింగ్‌ గ్రోవర్‌ను 2016లో వివాహం చేసుకుంది బిపాసా. ఇక వృత్తిపరంగా ఎంత బిజీగా ఉన్నా సరే ఎప్పటికప్పుడు సోషల్‌ మీడియాలో తన అభిమానులతో టచ్‌లో ఉంటుందీ బాలీవుడ్‌ భామ. జనవరి 7 (మంగళవారం) బిపాసా బసు పుట్టినరోజు. ఈ సందర్భంగా తన భర్తతో కలిసి మాల్దీవుల్లో సేదతీరుతోంది. ఈ క్రమంలో అక్కడి బీచ్‌లో ఎంజాయ్‌ చేస్తోన్న ఫొటోల్ని ఇన్‌స్టాలో పంచుకుందీ లవ్లీ బ్యూటీ. వీటితో పాటు తను గతంలో వివిధ సందర్భాల్లో ఇన్‌స్టాగ్రామ్‌లో షేర్‌ చేసిన కొన్ని ఆసక్తికర పోస్టులు, వాటికి ఆమె ఇచ్చిన క్యాప్షన్స్‌ మీకోసం...

విజయ్‌ దేవరకొండ..ప్రస్తుతం తెలుగు చిత్ర పరిశ్రమతో పాటు కోలీవుడ్‌, బాలీవుడ్‌లో ఎక్కువగా వినిపిస్తున్న పేరు. చేసింది తక్కువ సినిమాలే అయినా..తనదైన నటన, స్టైల్‌, మేనరిజమ్స్‌తో ఇట్టే ఆకట్టుకుంటున్నాడీ యంగ్‌ హీరో. ‘పెళ్లి చూపులు’, ‘అర్జున్‌ రెడ్డి’, ‘గీత గోవిందం’, ‘ట్యాక్సీవాలా’, ‘డియర్‌ కామ్రేడ్‌’ సినిమాల తర్వాత ఈ క్రేజీ స్టార్‌ నటిస్తున్న తాజా చిత్రం ‘వరల్డ్‌ ఫేమస్‌ లవర్‌’. ఇంతకు ముందు ‘మళ్లీ మళ్లీ ఇది రాని రోజు’ వంటి క్లాసిక్‌ లవ్‌స్టోరీని తెరకెక్కించిన క్రాంతి మాధవ్‌ ఈ సినిమాకు దర్శకుడు. రాశీ ఖన్నా, ఐశ్వర్యారాజేష్‌, కేథరిన్‌, ఇజాబెల్‌ వంటి నలుగురు హీరోయిన్లు విజయ్‌ పక్కన ఆడిపాడనున్నారు. దీంతో షూటింగ్‌ ప్రారంభం నుంచే ఆసక్తిని రేకెత్తించిందీ సినిమా. కొద్ది రోజుల క్రితం నలుగురు హీరోయిన్లను పరిచయం చేస్తూ వరుసగా నాలుగు పోస్టర్లు విడుదలవ్వడంతో ఆ ఆసక్తి మరింతగా పెరిగింది. ఇక తాజాగా సినిమా అభిమానులు ఎంతగానో ఎదురుచూస్తున్న ‘వరల్డ్‌ ఫేమస్‌ లవర్‌’ టీజర్‌ను కూడా రిలీజ్‌ చేసిందీ చిత్ర బృందం.

ప్రతి ఏటా సినీ పరిశ్రమ కొత్త నటీనటుల్ని మనకు పరిచయం చేయడం కామన్‌. అందులో సెలబ్రిటీల కుటుంబం నుంచి వచ్చిన వాళ్లు కొంతమందైతే, ఎలాంటి సినీ నేపథ్యం లేకుండా వెండితెరపై ఎంట్రీ ఇచ్చే వారు మరికొందరుంటారు. ఈ క్రమంలోనే ఇప్పటికే అతిలోక సుందరి శ్రీదేవి తనయ జాన్వీ కపూర్‌, పటౌడీ ప్రిన్సెస్‌ సారా అలీఖాన్‌.. వంటి స్టార్‌ కిడ్స్‌ చక్కటి నటనతో ప్రేక్షకుల మన్ననలందుకోగా.. వారి దారిలోనే నడుస్తూ గతేడాది కూడా సినీ నేపథ్యం ఉన్న కుటుంబం నుంచి కొందరు ముద్దుగుమ్మలు సిల్వర్‌ స్క్రీన్‌కి హాయ్‌ చెప్పారు. మరి, అలా 2019లో వెండితెరపై అడుగుపెట్టి తమ నటప్రతిభను చాటుకున్న స్టార్‌ కిడ్స్‌ ఎవరు? వారు నటించిన సినిమా విశేషాలేంటి? రండి.. తెలుసుకుందాం..

రష్మిక మందన.. ప్రస్తుతం టాలీవుడ్‌లో వరుస అవకాశాలు దక్కించుకుంటూ టాప్‌ హీరోయిన్‌గా దూసుకుపోతోంది. ‘కిరిక్‌ పార్టీ’ అనే కన్నడ చిత్రంతో వెండితెరకు పరిచయమైన రష్మిక.. ‘ఛలో’ చిత్రంతో తెలుగుతెరపై గుర్తింపు తెచ్చుకుంది. ఆపై ‘గీతగోవిందం’లో ‘గీత’గా ప్రేక్షకుల హృదయాల్లో నిలిచిపోవడంతో పాటు ‘దేవదాస్‌’, ‘డియర్‌ కామ్రేడ్‌’ వంటి వరుస చిత్రాలతో బిజీ హీరోయిన్‌గా మారిపోయింది. ప్రస్తుతం ‘సరిలేరు నీకెవ్వరు’, ‘భీష్మ’.. వంటి చిత్రాలతో మన ముందుకు వచ్చేందుకు సిద్ధంగా ఉందీ కన్నడ బ్యూటీ. అయితే ‘కిరిక్‌ పార్టీ’ చిత్రీకరణ సమయంలోనే ఆ చిత్ర నిర్మాత, నటుడు రక్షిత్‌ శెట్టితో ప్రేమలో పడిన రష్మిక.. అతనితో నిశ్చితార్థం కూడా చేసుకుంది. కానీ ఆ తర్వాతి పరిణామాల వల్ల వాళ్లిద్దరూ విడిపోయారని వార్తలు వినిపించాయి. దీని గురించి గతంలో రక్షిత్‌ పెదవి విప్పినా.. రష్మిక మాత్రం అప్పుడు స్పందించలేదు. కానీ ఇటీవల ఓ ఇంటర్వూలో భాగంగా మాట్లాడుతూ రక్షిత్‌తో విడిపోయిన కారణాల గురించి పంచుకుందీ క్యూటీ.

అందంలోనూ, అభినయంలోనూ శ్రీదేవికి నిజమైన వారసురాలిగా ఇప్పుడిప్పుడే గుర్తింపు తెచ్చకుంటోంది జాన్వీ కపూర్‌. ‘ధడక్‌’ సినిమాతో బాలీవుడ్‌లో గ్రాండ్‌గా ఎంట్రీ ఇచ్చిన ఈ ముద్దుగుమ్మ తొలి సినిమాతోనే విమర్శకులను ఆకట్టుకుంది. ఇంకా రెండో చిత్రం విడుదల కాకముందే పలు సినిమాలకు సంతకం చేసి క్రేజీ హీరోయిన్‌గా పేరు తెచ్చుకుంటోందీ అందాల తార. ఇటీవల ‘బెల్లీ డ్యాన్స్‌’తో వార్తల్లో నిలిచిన ఈ బ్యూటీ తాజాగా ‘నో ఫిల్టర్‌ నేహా’ అనే ఓ టాక్‌ షోకు హాజరైంది. బాలీవుడ్‌ భామ నేహా ధూపియా నిర్వహిస్తున్న ఈ షోలో టాలీవుడ్ సెన్సేషన్‌ విజయ్‌ దేవరకొండ, తన ఫస్ట్‌ హీరో ఇషాన్‌ ఖత్తర్‌ గురించి పలు ఆసక్తికర విషయాలు పంచుకుంది జాన్వీ.

‘హలో’ చిత్రంతో వెండితెరకు పరిచయమైన నటి కళ్యాణీ ప్రియదర్శన్‌. ప్రముఖ నిర్మాత, రచయిత, దర్శకుడు ప్రియదర్శన్‌ గారాల పట్టి కళ్యాణి.. 2013లో బాలీవుడ్‌ చిత్రం ‘క్రిష్‌ 3’తో అసిస్టెంట్‌ ప్రొడక్షన్‌ డిజైనర్‌గా ఇండస్ట్రీకి ఎంట్రీ ఇచ్చింది. ఇక తల్లి లీసా, తండ్రి ప్రియదర్శన్‌ ఇద్దరూ సినిమా రంగానికి చెందిన వారు కావడంతో కళ్యాణిపై చిన్ననాటి నుంచి సినిమాల ప్రభావం కాస్త ఎక్కువేనని చెప్పాలి. ఈ క్రమంలోనే న్యూయార్క్‌లో చదువు పూర్తి చేసుకుని తిరిగి రాగానే పుదుచ్చేరిలోని ‘ఆదిశక్తి థియేటర్‌ యాక్టింగ్‌ వర్క్‌షాప్‌’లో చేరింది కళ్యాణి. 2016లో వచ్చిన తమిళ చిత్రం ‘ఇరు ముగన్‌’ (తెలుగులో ‘ఇంకొక్కడు’)సినిమాకు అసిస్టెంట్‌ డైరెక్టర్‌గా పనిచేసిన ఈ బ్యూటీ.. తెలుగులో అఖిల్‌ హీరోగా తెరకెక్కిన ‘హలో’ సినిమాతో తొలిసారి హీరోయిన్‌గా వెండితెరకు పరిచయమైంది. ఈ సినిమాలో తన క్యూట్‌ నటనతో ప్రేక్షకులను ఆకట్టుకున్న ఈ భామ ‘ఉత్తమ నటి (తొలి పరిచయం)’గా ఫిలింఫేర్‌ అవార్డును కూడా అందుకోవడం విశేషం. సోషల్‌ మీడియాలో యాక్టివ్‌గా ఉండే ఈ ముద్దుగుమ్మ తన లేటెస్ట్‌ ఫొటోలను ఎప్పటికప్పుడు అందులో షేర్‌ చేస్తూ అభిమానులను తరచూ పలకరిస్తుంటుంది. ఈ క్రమంలో తాజాగా ఇన్‌స్టాగ్రామ్‌ వేదికగా అభిమానులు అడిగిన పలు ఆస్తకికర ప్రశ్నలకు ఎంతో ఓపికగా సమాధానాలిచ్చిందీ అందాల తార. మరి అభిమానుల ప్రశ్నలకు ఈ ‘హలో’ భామ ఇచ్చిన సమాధానాలేంటో మీరే చూడండి.

సినిమా అంటేనే ఎంతోమంది కృషి. ఒక సినిమా విజయం సాధించాలంటే.. దాని వెనుక ఎంతోమంది కృషి, ప్రతిభ ఉంటాయి. ముఖ్యంగా కళాకారులు తమ సినిమా భారీ కలెక్షన్లు రాబట్టినప్పుడు కంటే... తమ ప్రతిభకు సరైన గుర్తింపు లభించి, స్టేజ్‌ మీద వేలమంది సమక్షంలో అవార్డు తీసుకునేప్పుడే ఎక్కువ ఆనందానికి లోనవుతారనడంలో ఎలాంటి సందేహం లేదు. అందుకే ప్రతి ఏటా ఎన్నో సంస్థలు సినీ రంగంలో అత్యుత్తమ ప్రతిభ కనబరిచిన వారికి అవార్డులను అందిస్తూ వారిని ప్రోత్సహిస్తుంటాయి. వీటిలో ‘ఫిలింఫేర్‌’ కూడా ఒకటి. చలన చిత్ర పరిశ్రమ ఎంతో ప్రతిష్టాత్మకంగా భావించే ఫిలింఫేర్‌ అవార్డుల (సౌత్‌) ప్రదానోత్సవ కార్యక్రమం ఈ ఏడాది కూడా అంగరంగ వైభవంగా జరిగింది. చెన్నైలో జరిగిన ‘66వ ఫిలింఫేర్‌ సౌత్‌’ వేడుకల్లో దక్షిణ పరిశ్రమకు చెందిన పలువురు కళాకారులు అవార్డులు అందుకున్నారు. ఈ క్రమంలో తెలుగులో ‘మహానటి’ చిత్రానికి గాను జాతీయ ఉత్తమ నటి అవార్డు గెలుచుకున్న కీర్తి సురేశ్‌ ఫిలింఫేర్‌లోనూ ఉత్తమ నటిగా నిలవడం విశేషం. ఈ కార్యక్రమానికి తమిళ, తెలుగు, మలయాళ, కన్నడ భాషలకు చెందిన పలువురు సినీ ప్రముఖులు హాజరయ్యారు. ఈ క్రమంలో ఫిలింఫేర్‌ అవార్డులు అందుకున్న సినిమాలు, తారలతో పాటు ఇతర సాంకేతిక నిపుణుల వివరాలు ఇప్పుడు చూద్దాం..

సమాజాన్ని కూడా తమ కుటుంబంగా భావించే మనసు లక్షల్లో ఒకరికి ఉంటుంది. అలాంటి మనసున్న అందమైన జంట రామ్‌ చరణ్‌ - ఉపాసన. వృత్తిపరంగా వీళ్లిద్దరూ ఎంత బిజీగా ఉన్నప్పటికీ.. సమయం దొరికినప్పుడల్లా సామాజిక కార్యక్రమాల్లో పాల్గొనేందుకు ఆసక్తి చూపిస్తుంటారు. అంతేకాదు, సమాజానికి ఉపయోగపడే కార్యక్రమాలను సైతం తామే స్వచ్ఛందంగా నిర్వహిస్తుంటారు. ఈ క్రమంలో ప్రపంచ వ్యాప్తంగా వన్య ప్రాణుల సంరక్షణకై విరాళాలు సేకరించే WWF (World Wide Fund for Nature) అనే స్వచ్ఛంద సంస్థ మన రెండు తెలుగు రాష్టాల్లో తమ సంస్థ తరఫున ప్రచార కార్యక్రమాలు నిర్వహించేందుకు ఉపాసనను WWF ప్రచారకర్త (ఫిలాంత్రొపీ అంబాసిడర్‌)గా నియమించిన సంగతి విదితమే. ఈ క్రమంలో రామ్‌చరణ్‌, ఉపాసన దంపతులు తమ స్వగృహంలో ‘Wildest Dreams’ పేరుతో ఇటీవలే ఓ ఛారిటీ ఈవెంట్‌ను ఏర్పాటు చేశారు. ఈ ఈవెంట్‌కు సినీ, రాజకీయ, క్రీడా.. తదితర రంగాలకు చెందిన పలువురు ప్రముఖులు హాజరు కావడం విశేషం.

‘సంపాదించడం మగవారి పని.. ఇంటిపని ఆడవారిది’.. ఇది నాటి కాలపు మాట. ప్రస్తుతం అమ్మాయిలు, మగవారితో సమానంగా.. ఇంకా చెప్పాలంటే వారి కంటే నాలుగు రాళ్లు ఎక్కువే సంపాదిస్తున్నారు. ఇందుకు ఆయా రంగాల్లో సంపాదనపరంగా దూసుకుపోతోన్న కొందరు మహిళామణులే ప్రత్యక్ష నిదర్శనం. తాజాగా ఫోర్బ్స్‌ ఇండియా విడుదల చేసిన ‘అత్యధిక ఆర్జన గల వందమంది సెలబ్రిటీల’ జాబితా చూస్తే ఈ విషయం మరోసారి నిరూపితమవుతుంది. వారి సంపాదన, పాపులారిటీ, సోషల్‌ మీడియాలో వారికి ఉన్న ఆదరణ.. వంటి పలు అంశాల్ని ఆధారంగా చేసుకొని కొంతమంది సెలబ్రిటీలకు ఈ లిస్టులో చోటుకల్పించింది ఫోర్బ్స్‌.

సోనాక్షీ సిన్హా.. అలనాటి బాలీవుడ్‌ నటుడు శత్రుఘ్న సిన్హా వారసురాలిగా బాలీవుడ్‌లోకి అడుగుపెట్టినా.. తన నటనతో, అభినయంతో తనకంటూ ప్రత్యేక గుర్తింపు తెచ్చుకుందీ బాలీవుడ్‌ భామ. బాలీవుడ్‌ కండల వీరుడు సల్మాన్‌ ఖాన్‌కు జోడీగా ‘దబాంగ్‌’ చిత్రంతో వెండితెరకు పరిచయమైన సోనాక్షి.. అనతికాలంలోనే తనదైన నటనతో ప్రేక్షకుల హృదయాల్లో చెరగని ముద్ర వేసింది. ఆపై ‘రౌడీ రాతోర్‌’, ‘దబాంగ్‌ 2’, ‘అకీరా’, ‘లింగా’, ‘కళంక్‌’.. వంటి చిత్రాలతో బాలీవుడ్‌ అగ్రకథానాయికలలో ఒకరిగా పేరు తెచ్చుకుందీ ముంబై భామ. ప్రస్తుతం తను నటించిన ‘దబాంగ్‌ - 3’ చిత్రం విడుదల సందర్భంగా ఓ ఇంటర్వ్యూలో మగవారికి, ఆడవారికి మధ్య ఉన్న వేతన వ్యత్యాసం, మహిళా ప్రాధాన్య సినిమాలు, ఆడవారిపై జరుగుతున్న అత్యాచారాలు.. వంటి పలు విషయాల గురించి ఎంతో ఎమోషనల్‌గా చెప్పుకొచ్చింది. మరి, సోనాక్షి మనసులోని భావాలను తన మాటల్లోనే విందామా..!

ఊహలు గుసగుసలాడే సినిమాతో తెలుగు తెరకు పరిచయమైంది నటి రాశీ ఖన్నా. తొలి చిత్రంతోనే మంచి మార్కులు కొట్టేసిందీ దిల్లీ ముద్దుగుమ్మ. ఇక ఈ సినిమా తర్వాత టాలీవుడ్‌లో బిజీ హీరోయిన్లలో ఒకరిగా మారిన రాశి వరుస సినిమాల్లో అవకాశాలు దక్కించుకుంది. ‘బెంగాల్‌ టైగర్‌’, ‘సుప్రీం’, ‘జై లవ కుశ’, ‘తొలిప్రేమ’ వంటి మంచి విజయాలను అందుకున్న రాశి తాజాగా.. వెంకటేశ్‌, నాగచైతన్యలు హీరోలుగా తెరకెక్కిన ‘వెంకీ మామ’ చిత్రంతో మన ముందుకు వచ్చింది. ఇందులో రాశీ ఖన్నా నాగచైతన్య సరసన నటించిన విషయం తెలిసిందే. వెంకీమామ సినిమా విడుదల సందర్భంగా రాశీఖన్నా తాజాగా ట్విట్టర్‌ వేదికగా తన అభిమానులతో ముచ్చటించింది. ఈ నేపథ్యంలో అభిమానులు అడిగిన ప్రశ్నలకు ఎంతో ఓపికగా సమాధానమిచ్చిందీ లవ్లీ బ్యూటీ. మరి, అభిమానులు అడిగిన కొన్ని ప్రశ్నలు వాటికి రాశి ఇచ్చిన సమాధానాలెంటో ఇప్పుడు చూద్దాం...

‘నన్ను దోచుకుందువటే’ సినిమాతో తెలుగు తెరకు పరిచయమైన అందాల తార నభా నటేష్‌. పూరీ జగన్నాథ్‌ దర్శకత్వంలో తను, రామ్‌ జంటగా నటించిన ‘ఇస్మార్ట్‌ శంకర్‌’ సినిమాతో మాస్‌ ప్రేక్షకులకు చేరువైందీ కన్నడ ముద్దుగుమ్మ. ప్రస్తుతం వరుస అవకాశాలతో బిజీగా ఉన్న నభా.. తనకు సంబంధించిన విశేషాలను సోషల్‌ మీడియా ద్వారా అభిమానులతో పంచుకొంటుంటుంది. డిసెంబర్‌ 11 నభా పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికరమైన పోస్టులు, వాటికి తను ఇచ్చిన క్యాప్షన్స్‌ మీకోసం..!

26వ ‘స్టార్‌ స్క్రీన్‌ అవార్డు’ల ప్రదానోత్సవం ముంబై వేదికగా ఓ సంబరంలా జరిగింది. ఈ వేడుక కోసం బాలీవుడ్‌ తారాలోకం ఒకచోట చేరి సందడి చేశారు. బాలీవుడ్‌ నటీమణులు తమ ఫ్యాషన్స్‌తో రెడ్‌ కార్పెట్‌పై హొయలొలికించారు. వాళ్లను చూడడానికి రెండు కళ్లు సరిపోలేదంటే అది అతిశయోక్తి కాదు. ఈ ఏడాదిలో తమ నటనతో ప్రేక్షకులని అలరించిన బాలీవుడ్‌ నటీనటులకు అవార్డులను అందజేశారు. ఈ వేడుకలో బాలీవుడ్‌ స్టార్స్‌ అలియా భట్‌, సారా అలీ ఖాన్‌, అనన్య పాండే, తాప్సీ, .. తదితరులు సందడి చేశారు. అటు అవార్డులను అందుకోవడంతో పాటు.. తమ ఫ్యాషన్స్‌తో చూపరులకు కనువిందు అందాల తారలపై ఓ లుక్కేద్దాం రండి..

నవంబర్‌ 3న ‘ఫిలింఫేర్‌ గ్లామర్‌ అండ్‌ స్టైల్‌ అవార్డుల’ వేడుక ముంబైలో కన్నుల పండువగా జరిగింది. ఈ వేడుకకు పలువురు బాలీవుడ్‌ తారలు హాజరయ్యారు. ఫ్యాషనబుల్‌ దుస్తులతో కళ్లు చెదిరే అందాలతో బీ-టౌన్‌ నటీమణులు రెడ్‌ కార్పెట్‌పై తళుక్కుమన్నారు. ఏడాదంతా ఫ్యాషన్‌, స్టైల్‌ విభాగాల్లో ప్రేక్షకులను ఆకట్టుకున్న నటీనటులకు అవార్డులను అందజేసింది ఫిలింఫేర్‌. ఈ వేడుకలో అనుష్కా శర్మ, అలియా భట్‌, అనన్యా పాండే, కియారా అడ్వాణీ, మలైకా అరోరా, కృతి సనన్‌, దియా మీర్జా.. తదితరులు సందడి చేశారు. మరి ఫ్యాషన్‌, స్టైల్‌ విభాగాల్లో విజేతలుగా నిలిచిన నటీనటులెవరో మీరే చూడండి.

ప్రస్తుతం దక్షిణ సినీ పరిశ్రమలో వరుస అవకాశాలతో దూసుకెళ్తోన్న నటీమణుల్లో ఫెయిర్‌ బ్యూటీ రాశీ ఖన్నా ఒకరు.‘మద్రాస్‌ కేఫ్‌’ సినిమాతో వెండితెరకు పరిచయమైన ఈ తార.. ‘ఊహలు గుసగుసలాడే’, ‘సుప్రీమ్‌’, ‘జై లవ కుశ’, ‘తొలిప్రేమ’.. మొదలైన చిత్రాలతో తెలుగు ప్రేక్షకులు చేరువైంది. తనకు సంబంధించిన వృత్తిగత, వ్యక్తిగత విషయాలను ఎప్పటికప్పుడు సోషల్‌ మీడియా ద్వారా అభిమానులతో పంచుకొంటుంటుందీ భామ. నవంబర్‌ 30 రాశి పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులను చూసేద్దామా..!

మన దేశంలో వినోదరంగానికి సంబంధించి డిజిటల్‌ ప్లాట్‌ఫాంల హవా మెల్లగా ఊపందుకొంటోంది. ఈ క్రమంలో ఇప్పటికే మార్కెట్‌లో ఉన్న ‘నెట్‌ఫ్లిక్స్‌’, ‘అమెజాన్‌ ప్రైమ్‌’, ‘హాట్‌స్టార్‌’, ‘జీ5’, ‘ఈ-విన్‌’.. మొదలైన OTT వేదికలు వీక్షకుల దృష్టిని ఆకర్షించేందుకు పోటీ పడుతున్నాయి. ఈ వేదికల ద్వారా సినిమాలు, సీరియళ్లు, వెబ్‌సిరీస్‌లు, రియాల్టీ షోలు, స్పెషల్‌ ఇంటర్వ్యూలు.. మొదలైన వాటిని మనం వీక్షించవచ్చు. సినీ పరిశ్రమకు సంబంధించిన నటీనటులు సైతం వెబ్‌సిరీస్‌లలో నటించేందుకు ఆసక్తి చూపిస్తున్నారు. ఈ క్రమంలో టాలీవుడ్‌ తలైవి సమంత కూడా డిజిటల్‌ ప్లాట్‌ఫాంలోకి అరంగేట్రం చేయనుంది. అమెజాన్‌ ప్రైమ్‌లో త్వరలో ప్రసారం కానున్న ‘ది ఫ్యామిలీ మ్యాన్‌’ సీజన్‌-2లో సమంత ఓ కీలకపాత్రలో కనిపించనుండడం విశేషం. ఈ విషయాన్ని సామ్‌ స్వయంగా సోషల్‌ మీడియా ద్వారా పంచుకుంది.