తమని తామే దైవాంశ సంభూతులుగా చెప్పుకుంటూ పలువురు దొంగ బాబాలు, స్వామీజీలు అమాయకుల్ని మోసం చేస్తుంటారు. భక్తి ముసుగులో ఆడపిల్లల అమాయకత్వాన్ని, అవసరాలను ఆసరాగా చేసుకుని వారి జీవితాలతో ఆడుకుంటున్నారు. సేవ పేరుతో వారిని బానిసలుగా చేసి లైంగిక వాంఛలను తీర్చుకుంటున్నారు. ఈ క్రమంలో తానూ ఓ బాబా చేతిలో లైంగిక వేధింపులకు గురయ్యానంటోంది బాలీవుడ్‌ వర్ధమాన నటి అనుప్రియా గోయెంకా. తన తండ్రి బాగా నమ్మిన ఆ ఆధ్యాత్మిక గురువు మాయ మాటలతో తనను లోబరుచుకోవాలని చూశాడంటోంది. ఈ సందర్భంగా లైంగిక వేధింపులకు సంబంధించి తనకెదురైన చేదు అనుభవాలను ధైర్యంగా పంచుకుంది.

‘చిన్నారి పెళ్లికూతురు’ సీరియల్‌లో ఆనందిగా పరిచయమైన అవికా గోర్‌ తన అందమైన చిరునవ్వు, ఆకట్టుకునే అభినయంతో పక్కింటి అమ్మాయిలా మారిపోయింది. పలు హిందీ సీరియల్స్‌లో నటించిన ఈ ముంబయి ముద్దుగుమ్మ ‘ఉయ్యాల జంపాల’ సినిమాతో టాలీవుడ్‌లో అడుగుపెట్టింది. మొదటి సినిమాతోనే అందరినీ ఆకట్టుకుంది. గత కొన్నేళ్లుగా బొద్దుగా ఉన్న ఈ భామ ఇటీవల సన్నజాజి తీగలా మారి తన అభిమానుల్ని సర్‌ప్రైజ్‌ చేసింది. తాజాగా మరోసారి తన ఫ్యాన్స్‌ని ఆశ్చర్యపరుస్తూ తాను ప్రేమలో ఉన్నట్లు అధికారికంగా ప్రకటించిందీ అందాల తార. ఈ సందర్భంగా ఇన్‌స్టా వేదికగా తన ప్రియుడిని పరిచయం చేసిన అవిక... వివిధ సందర్భాల్లో అతడితో కలిసి దిగిన ఫొటోలను అందరితో షేర్‌ చేసుకుంది.

సామాజిక మాధ్యమాలు ప్రతి ఒక్కరి జీవితంలో ఎంత భాగమయ్యాయో ప్రత్యేకంగా చెప్పక్కర్లేదు. ఇక వెండితెరపై వెలిగిపోయే సెలబ్రిటీలకు తమ వృత్తితో పాటు సోషల్‌ మీడియా కూడా ముఖ్యమే. ఎందుకంటే తమను ఆరాధించే అభిమానులకు మరింత చేరువయ్యేందుకు సామాజిక మాధ్యమాలు వారధిగా ఉపయోగపడుతున్నాయి. తమ వృత్తిగత, వ్యక్తిగత విషయాలను ఈ వేదిక ద్వారానే ఫ్యాన్స్‌తో పంచుకుంటున్నారు. ఇదే సమయంలో తమ అభిమాన తారల గురించి తెలుసుకోవడానికి చాలామంది వారిని ఫాలో అవుతున్నారు. ఈక్రమంలో సోషల్‌ మీడియాలో హైపర్‌ యాక్టివ్‌గా ఉన్న శ్రద్ధా కపూర్‌ ఇన్‌స్టాగ్రామ్‌ ఫాలోవర్ల సంఖ్య తాజాగా 56.5 మిలియన్లకు చేరుకుంది. తద్వారా ఇన్‌స్టాగ్రామ్‌లో అత్యధిక ఫాలోవర్లు ఉన్న ఇండియన్‌ సెలబ్రిటీల్లో మూడో స్థానానికి చేరుకుందీ ముద్దుగుమ్మ.

ఒక పనిలో పరిపూర్ణత రావాలంటే దాన్ని పూర్తి చేయడానికి ఎంత కష్టమైనా ఇష్టంగా భరించాలంటోంది బాలీవుడ్‌ బోల్డ్‌ బ్యూటీ కంగనా రనౌత్‌. ఎలాంటి పాత్రకైనా తనదైన రీతిలో పర్‌ఫెక్షనిజాన్ని తీసుకొచ్చే ఈ ముద్దుగుమ్మ.. ఇటీవలే ‘తలైవి’ సినిమా షూటింగ్‌ని పూర్తి చేసుకుంది. ఈ చిత్రం కోసం, ఆన్‌స్క్రీన్‌పై జయలలిత పాత్రలో ఒదిగిపోవడానికి ఏకంగా 20 కిలోలు పెరిగిన ఈ మనాలీ బ్యూటీ.. ప్రస్తుతం తాను పెరిగిన బరువు తగ్గేందుకు కసరత్తులు చేస్తోంది. అంతేకాదు.. ఈ సినిమా చిత్రీకరణకు సంబంధించి తనకెదురైన పలు అనుభవాలను సైతం అప్పుడప్పుడూ సోషల్‌ మీడియాలో తన అభిమానులతో పంచుకుంటోంది కూడా! ఈ క్రమంలోనే తలైవి కోసం భరతనాట్యం నేర్చుకున్నప్పుడు వెన్ను తీవ్రంగా గాయపడిందని, అయినా పాత్రకు నూటికి నూరు పాళ్లు న్యాయం చేయగలిగానన్న సంతృప్తి ముందు ఆ బాధ ఏపాటిదంటూ తన షూటింగ్‌ అనుభవాలను ట్వీట్స్‌ రూపంలో పోస్ట్‌ చేసింది కంగన.

ఏ రంగంలోనైనా ఉద్యోగానికి ప్రతిభే కొలమానం అన్న సంగతి తెలిసిందే! కానీ చిత్రపరిశ్రమలో అవకాశాలు సొంతం చేసుకోవాలంటే నెపోటిజం (బంధుప్రీతి), క్యాస్టింగ్‌ కౌచ్‌ ముఖ్యమని పలు సందర్భాల్లో కొంతమంది తారలు వెల్లడించిన విషయాలు, వారి అనుభవాలను బట్టి ఇట్టే తెలిసిపోతుంది. అయితే ఇలాంటి చేదు అనుభవాలు తన జీవితంలోనూ ఉన్నాయంటోంది బాలీవుడ్‌ బ్యూటీ ఫాతిమా సనా షేక్‌. ‘దంగల్‌’ సినిమాతో హిందీ చిత్ర పరిశ్రమలో సెన్సేషన్‌ క్రియేట్‌ చేసిన ఈ చిన్నది.. సినిమాల్లో అవకాశాల కోసం పడరాని పాట్లు పడ్డానని, ముక్కుపచ్చలారని వయసులోనే లైంగిక వేధింపులకు గురయ్యానంటూ తాజాగా ఓ ఇంటర్వ్యూలో భాగంగా చెప్పుకొచ్చింది. ఇలాంటి వేధింపులు మహిళలకు ప్రతి రంగంలోనూ ఎదురవుతున్నాయని, దీంతో వారు నిత్యం నరకం అనుభవిస్తున్నారని తన మనసులోని ఆవేదనను బయటపెట్టిందీ క్యూటీ.

మిస్‌ వరల్డ్‌... అందాల పోటీలకు సంబంధించి ప్రతిష్ఠాత్మకంగా పరిగణించే టైటిల్స్‌లో ఇది కూడా ఒకటి. ప్రపంచంలోని దాదాపు అన్ని దేశాల అందగత్తెలు ఈ పోటీల్లో పాల్గొనాలని, విజేతగా నిలవాలని ఉవ్విళ్లూరుతుంటారు. ఎన్నో వడపోతలు, మరెన్నో రౌండ్లను చాకచక్యంగా దాటుకుంటూ ‘ప్రపంచ సుందరి’ కిరీటం అందుకోవాలంటే అంత సులభమేమీ కాదు. కానీ 18 ఏళ్ల వయసులోనే ఈ కిరీటాన్ని దక్కించుకుని ప్రపంచాన్ని తన వైపుకి తిప్పుకుంది బాలీవుడ్‌ అందాల తార ప్రియాంకా చోప్రా. ఈ ముద్దుగుమ్మ ఈ కిరీటం గెలుచుకుని రెండు దశాబ్దాలు పూర్తయ్యాయి. ఈక్రమంలో అప్పటి మధుర జ్ఞాపకాలను గుర్తుకు తెచ్చుకుంటూ సోషల్‌ మీడియాలో వరుసగా పోస్ట్‌లు షేర్‌ చేస్తోంది ప్రియాంక.

చిన్నా, పెద్ద అనే తేడా లేకుండా ప్రతి ఒక్కరి జీవితంలో బోలెడన్ని సరదాల్ని తీసుకొస్తుంది ‘దసరా’ పండగ. దేశవ్యాప్తంగా దుర్గా శరన్నవరాత్రుల పేరుతో వైభవంగా జరుపుకొనే ఈ తొమ్మిది రోజులు అమ్మవారిని వివిధ అలంకారాల్లో కొలుస్తుంటారు. ఇక నవరాత్రుల్లో చివరి రోజైన ‘విజయదశమి’ నాడు అసలు సిసలైన పండగ హడావిడి ఉంటుంది. మరి, ఇలా ఎన్నో సరదాల్ని, మధురానుభూతుల్ని అందించే ఈ పర్వదినాన్ని కరోనా పడగ కింద ఎంతో జాగ్రత్తగా జరుపుకోవాల్సి వస్తోంది. ఈ క్రమంలో తాము కూడా కొవిడ్‌ నిబంధనలు పాటిస్తూ ఎలాంటి హంగు ఆర్భాటాలు లేకుండా పండగను సెలబ్రేట్‌ చేసుకుంటామంటోంది బాలీవుడ్‌ అందాల తార రాణీ ముఖర్జీ. ఈ సందర్భంగా పండగకు సంబంధించి తన ప్రణాళికలను షేర్‌ చేసుకుందీ ముద్దుగుమ్మ.

‘మహా నటి’ సినిమాతో యావత్‌ భారతీయ సినీ పరిశ్రమను ఒక్కసారి తన వైపు తిప్పుకుంది కీర్తి సురేష్‌. ఈ సినిమాలో అలనాటి అందాల తార ‘సావిత్రి’ పాత్రలో పరకాయ ప్రవేశం చేసి విమర్శకుల ప్రశంసలతో పాటు ‘జాతీయ ఉత్తమ నటి’ పురస్కారం అందుకుంది. పాత్ర కోసం తనను తాను ఎలాగైనా మార్చుకునే ఈ ముద్దుగుమ్మ ఇటు కమర్షియల్‌ సినిమాలతో పాటు కథానాయిక ప్రాధాన్యం ఉన్న చిత్రాలలోనూ నటిస్తోంది. ఇలా వైవిధ్యమైన సినిమాల్లో నటిస్తూ విలక్షణ నటిగా గుర్తింపు తెచ్చుకున్న కీర్తి పుట్టిన రోజు నేడు (అక్టోబర్‌ 17). ఈ సందర్భంగా ఆ అందాల కథానాయిక గురించి కొన్ని ఆసక్తికర విషయాలు తెలుసుకుందాం రండి...

సనాఖాన్... వెండితెరతో పాటు బాలీవుడ్‌ బుల్లితెరపై మెరిసిన ఈ భామ గురించి ప్రత్యేక పరిచయం అక్కర్లేదు. హిందీ సినిమాలతో పాటు తెలుగు, తమిళ, కన్నడ, మలయాళ భాషల్లో నటించి మెప్పించిన ఈ ముద్దుగుమ్మ సడన్గా సినిమాలకు స్వస్తి చెప్పింది. ఈ గ్లామర్‌ ప్రపంచం తనకు ఎంతో సంపద, కీర్తి ప్రతిష్ఠలు ఇచ్చిందని, కానీ ఇవేవీ తనకు సంతృప్తినివ్వడం లేదంటూ ఇండస్ట్రీకి వీడ్కోలు చెప్పింది. ఈ సందర్భంగా ‘ఇక సినిమాలు చేయనంటూ’ ఇన్‌స్టా వేదికగా సనాఖాన్‌ షేర్‌ చేసిన ఓ పోస్ట్‌ ప్రస్తుతం సోషల్‌ మీడియాలో ట్రెండింగ్‌లో నిలిచింది.

కాజల్‌ అగర్వాల్‌... సినీ పరిశ్రమలో అడుగుపెట్టి పుష్కర కాలం దాటిపోతున్నా ఏ మాత్రం క్రేజ్‌ తగ్గని హీరోయిన్‌. 2007లో ‘లక్ష్మీ కల్యాణం’ సినిమాతో ఎంట్రీ ఇచ్చిన ఈ ముద్దుగుమ్మ అనతి కాలంలోనే అగ్ర కథానాయికగా స్థానం సంపాదించింది. అందం, అభినయానికి తోడు క్యూట్‌ ఎక్స్‌ప్రెషన్స్‌తో అందరినీ ఆకట్టుకున్న ఈ అందాల తార పెళ్లి ముహూర్తం తాజాగా ఫిక్సయింది. ముంబయికి చెందిన వ్యాపారవేత్త గౌతమ్‌ కిచ్లుతో కలిసి ఈ నెల 30న ఏడడుగులు నడవనున్నట్లు సోషల్‌ మీడియా ద్వారా అందరితో షేర్‌ చేసుకుందీ స్టార్‌ హీరోయిన్‌. ఈ సందర్భంగా పలువురు సెలబ్రిటీలతో పాటు అభిమానులు, నెటిజన్లు ఆమెకు అభినందనలు తెలుపుతున్నారు.

‘చూడడానికి పాలరాతి శిల్పంలా తెల్లగా ఉండాలి.. పొడవైన వెంట్రుకలు ఉండాలి.. కనీసం ఐదున్నర అడుగుల ఎత్తుండాలి.. దానికి తగ్గట్లు చక్కని కొలతలు గల శరీర సౌష్టవం ఉండాలి. అప్పుడే ఆ అమ్మాయి అందంగా ఉన్నట్లు లెక్క!’... ఇదీ అమ్మాయిల అందం గురించి ఇప్పటికీ సమాజంలో చాలామందికి ఉండే అభిప్రాయం. వీటిలో ఏ ఒక్క అంశంలో తేడా వచ్చినా ఆత్మన్యూనతా భావానికి లోనవుతుంటారు కొందరు అమ్మాయిలు. అదే సమయంలో వారిని ఉద్దేశిస్తూ ఎదుటివారు చేసే విమర్శలు, కామెంట్లతో వారు మరింత మానసిక క్షోభకు గురవుతుంటారు. సామాన్యులకే కాదు... సెలబ్రిటీలకూ ఇలాంటి అనుభవాలు ఎదురవుతుంటాయి. ఇలా ‘అందమంటే ఇదే’ అని సమాజంలో పేరుకుపోయిన కొన్ని మూసకట్టు ప్రమా18:58:41ణాల కారణంగా తానూ తీవ్ర ఆందోళనకు గురయ్యానంటోంది ఇలియానా. ఈ క్రమంలో తన శరీర సౌష్టవం, బాడీ పాజిటివిటీ గురించి ఇన్‌స్టా వేదికగా ఈ అమ్మడు షేర్ చేసిన పోస్ట్ అందరినీ ఆకట్టుకుంటోంది.

చిన్నప్పుడు స్కూల్‌ నుంచి ఇంటికొచ్చేటప్పుడు ఎవరింట్లోనైనా మామిడిపండ్లు కనిపిస్తే దొంగిలించడం, తీరా వాళ్లు చూశాక తప్పించుకొని పారిపోవడం, కాలేజ్‌ ఎగ్గొట్టి ఫ్రెండ్స్‌తో సినిమాలకు షికార్లకు వెళ్లడం, టీచర్లకు అబద్ధాలు చెప్పి స్కూల్‌ మానేయడం.. ఇలాంటివన్నీ సిల్లీగానే అనిపించినా మనకు జీవితాంతం తోడుండే మధుర జ్ఞాపకాలుగా మిగిలిపోతాయి. అలాంటి అందమైన స్మృతులు తన జీవితంలోనూ బోలెడున్నాయంటోంది కన్నడ బ్యూటీ రష్మిక మందన.

సినిమా అంటేనే ఓ రంగుల ప్రపంచం. ఇందులో తారల తళుకులే తప్ప వాటి వెనకనున్న కష్టాలు, చేదు అనుభవాలు ఎవరికీ కనిపించవు. ఈ నేపథ్యంలో ఇప్పటికే చాలామంది సినిమా ఇండస్ట్రీలోని క్యాస్టింగ్‌ కౌచ్‌, బంధుప్రీతిపై అసహనం వెళ్లగక్కిన సంగతి తెలిసిందే. ఇక యంగ్‌ హీరో సుశాంత్‌ సింగ్‌ రాజ్‌పుత్‌ మరణం తర్వాత సినిమా పరిశ్రమలోని బంధుప్రీతి, వేధింపులు మరోసారి చర్చనీయాంశమయ్యాయి. ఈ మేరకు అతనిలాగే తాము కూడా ఇండస్ట్రీలో చాలా చేదు అనుభవాలను ఎదుర్కొన్నామని పలువురు సినీ తారలు ముందుకొస్తున్నారు. తాజాగా సమీరా రెడ్డి కూడా ఈ జాబితాలో చేరిపోయింది. ఈ సందర్భంగా క్యాస్టింగ్‌ కౌచ్‌కు సంబంధించి తన అనుభవాలను షేర్‌ చేసుకుంది.

తెలుగు ప్రజలకు సంక్రాంతి పండగ ఎంత ప్రీతిపాత్రమో... మలయాళీలకు ‘ఓనమ్’ అంతే ప్రత్యేకం. కేరళ ప్రజల సంస్కృతి, సంప్రదాయాలకు అద్దం పట్టే ఈ పండగను అక్కడి ప్రజలు పది రోజుల పాటు అత్యంత వైభవంగా నిర్వహించుకుంటారు. ఇక ఈ పండగ వచ్చిందంటే చాలు...కేరళ కుట్టీల హడావిడి మామూలుగా ఉండదు. తెల్లటి దుస్తుల్లో సంప్రదాయబద్ధంగా ముస్తాబై మెరిసిపోతుంటారు. ఇంటి ముందు రంగురంగుల పూలతో ముగ్గులు వేస్తూ సందడి చేస్తుంటారు. ఈ క్రమంలో ‘ఓనమ్’ పండగను పురస్కరించుకుని కేరళ సంప్రదాయ దుస్తుల్లో మెరిసిపోయింది ‘మహానటి’ కీర్తి సురేశ్‌. ఈ సందర్భంగా కుటుంబ సభ్యులతో కలిసి ఆమె దిగిన ఫొటోలతో పాటు, కీర్తి ప్రత్యేకంగా దిగిన ఫొటోలు నెటిజన్లను బాగా ఆకట్టుకుంటున్నాయి.

ఓ వైపు సినిమాలతో మాయ చేస్తూ.. మరోవైపు సోషల్‌ మీడియాలోనూ చురుగ్గా ఉండే నటీమణుల్లో అక్కినేని సమంత కూడా ఒకరు. పెళ్లయ్యాక నటనకు ప్రాధాన్యమున్న సినిమాల్లో నటిస్తూ సినీ ప్రేక్షకులను అలరిస్తున్న ఈ అందాల తార లాక్‌డౌన్‌ కారణంగా పూర్తిగా ఇంటికే పరిమితమైంది. ఇంట్లోనే వ్యవసాయం చేస్తూ దానికి సంబంధించిన ఫొటోలు, వీడియోలను సోషల్‌ మీడియా ద్వారా అందరితో పంచుకుంటోందీ ముద్దుగుమ్మ. ఈ క్రమంలో తాజాగా ఇన్‌స్టాగ్రామ్‌ వేదికగా ‘Ask me anything’ అంటూ అభిమానులతో ముచ్చటించింది సామ్‌. సినిమాల్లోనే కాదు రియల్ లైఫ్‌లోనూ ఎంతో సరదాగా, చలాకీగా ఉండే ఆమె ఫ్యాన్స్ అడిగిన పలు ప్రశ్నలకు అంతే సరదాగా సమాధానాలిచ్చింది. మరి సమంత, ఫ్యాన్స్‌ మధ్య జరిగిన ఆ సంభాషణ విశేషాలేంటో మనమూ తెలుసుకుందాం రండి.

మోడల్‌గా కెరీర్‌ ప్రారంభించి బాలీవుడ్‌ అగ్ర హీరోయిన్లలో ఒకరిగా ఎదిగింది బిపాసా బసు. హిందీ సినిమాలకే పరిమితం కాకుండా తెలుగు, తమిళ, బెంగాలీ, హాలీవుడ్ సినిమాల్లోనూ మెరిసిందీ ముద్దుగుమ్మ. అందం, అభినయంతో అశేష అభిమానులను సొంతం చేసుకున్న ఈ అందాల తార 2016లో సహనటుడు కరణ్‌ సింగ్‌ గ్రోవర్‌ను వివాహం చేసుకుంది. ప్రస్తుతం భర్తతో కలిసి సంతోషకరమైన జీవితాన్ని గడుపుతోన్న బిపాసా ఐదేళ్ల విరామం తర్వాత నటించిన చిత్రం ‘డేంజరస్’. బిపాసా తన భర్తతో కలిసి స్ర్కీన్‌ షేర్‌ చేసుకున్న ఈ వెబ్‌సిరీస్‌ ఇటీవలే ఓటీటీలో విడుదలైంది. ఈ సందర్భంగా తన వృత్తిగత, వ్యక్తిగత జీవితానికి సంబంధించి కొన్ని ఆసక్తికర విషయాలను పంచుకుందీ బ్యూటీ..