బాలీవుడ్‌ డ్యాన్సింగ్‌ క్వీన్‌గా పేరుగాంచిన అలనాటి అగ్రకథానాయిక మాధురీ దీక్షిత్‌.. తన అందం, అభినయంతో సినీ ప్రేక్షకుల మదిలో చెరగని ముద్ర వేసింది. తన కెరీర్‌కు కాస్త విరామమిచ్చి, సెకండ్‌ ఇన్నింగ్స్‌ ప్రారంభించిన ఈ అందాల అమ్మ.. ‘టోటల్‌ ఢమాల్‌’, ‘కళంక్‌’ వంటి సినిమాలతో మరోసారి అభిమానులను అలరించింది. ఈ క్రమంలో ప్రేక్షకులకు మరింత చేరువవడానికి త్వరలోనే డిజిటల్‌ మాధ్యమంలోకి అడుగుపెట్టబోతోందీ ముద్దుగుమ్మ. ప్రస్తుతం ఆన్‌లైన్‌లో సినిమాలకు, వెబ్‌సిరీస్‌లకు వేదికగా మారి ఎనలేని ఆదరణ పొందుతున్న ‘నెట్‌ఫ్లిక్స్‌’లో నటిగా తను భాగం కాబోతున్నానని ప్రకటించింది మాధురి. ఇందులో భాగంగా కరణ్‌ జోహర్‌ నిర్మాతగా వ్యవహరిస్తున్న ఓ షోలో నటించేందుకు సిద్ధమైందీ బాలీవుడ్‌ బ్యూటీ. ఈ విషయాన్ని స్వయంగా నెట్‌ఫ్లిక్స్‌ ఇండియా, మాధురీ దీక్షిత్‌, కరణ్‌ జోహర్‌ తమ తమ ట్విట్టర్‌ అకౌంట్ల ద్వారా ప్రకటించారు.

మోడలింగ్‌తో కేరీర్‌ ప్రారంభించి ‘జోడి’ సినిమాతో వెండి తెరకు పరిచయమయ్యారు నటి త్రిష. ఈ సినిమాలో సిమ్రాన్‌కు స్నేహితురాలిగా నటించిన త్రిష అనతి కాలంలోనే అగ్ర కథానాయికల్లో ఒకరిగా మారారు. ఇక తరుణ్‌ హీరోగా నటించిన ‘నీ మనసు నాకు తెలుసు’ సినిమాతో తెలుగు తెరకు ఎంట్రీ ఇచ్చారు. వర్షం సినిమాతో భారీ సక్సెస్ అందుకున్న త్రిష అనంతరం తమిళంతోపాటు తెలుగులోనూ బిజీ హీరోయిన్లలో ఒకరిగా మారారు. దాదాపు అందరు అగ్ర హీరోల సరసన నటించి ఎంతోమంది అభిమానులను సొంతం చేసుకుందీ భామ. 36 ఏళ్ల వయసులోనూ ఇప్పటికీ యంగ్‌ హీరోయిన్లకు పోటీనిస్తోంది.

తన అందచందాలతో కుర్రకారు మతి పోగొడుతోన్న హాట్‌ బ్యూటీ పాయల్‌ రాజ్‌పుత్‌. బుల్లితెర నటిగా తన కెరీర్‌ను ప్రారంభించిన ఈ భామ.. సినిమాల్లోకి రాకముందు పలు సీరియళ్లలో నటించింది. 2017లో ‘చెన్నా మేరాయా’ అనే పంజాబీ చిత్రంతో పాయల్‌ సినిమా పరిశ్రమలోకి అరంగేట్రం చేసింది. ‘RX100’ సినిమాతో తెలుగు తెరకు పరిచయమైన ఈ తార.. ఇందులో నెగెటివ్‌ షేడ్స్‌ ఉన్న ఛాలెంజింగ్‌ పాత్రలో నటించి ప్రేక్షకులను మెప్పించడం విశేషం. పాయల్‌ ప్రస్తుతం తెలుగు, తమిళ సినిమాలతో బిజీగా ఉంది. సోషల్‌ మీడియాలో యాక్టివ్‌గా ఉండే ఈ తార తనకు సంబంధించిన విశేషాలను ఎప్పటికప్పుడు తన అభిమానులతో పంచుకొంటుంది. డిసెంబర్‌ 5 పాయల్‌ పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు మీకోసం..!

సన్నీ లియోని.. చిన్న పిల్లల దగ్గర్నుంచి పెద్ద వాళ్ల దాకా పరిచయం అక్కర్లేని పేరిది. ఈ ముద్దుగుమ్మ పేరుకు, ఫిగర్‌కు యువతలో ఉన్న క్రేజ్‌ అంతా ఇంతా కాదు. ఆన్‌స్క్రీన్‌, ఆఫ్‌స్క్రీన్‌ యమ యాక్టివ్‌గా ఉండే ఈ అందాల తార.. సోషల్‌ మీడియాలోనూ మహా చురుగ్గా ఉంటుంది. ఈ క్రమంలో తన వృత్తిగత విషయాలే కాదు.. వ్యక్తిగత విషయాలను సైతం సామాజిక మాధ్యమాల్లో షేర్‌ చేస్తూ తన ఫ్యాన్స్‌తో అనునిత్యం టచ్‌లోనే ఉంటుంది సన్నీ. అది సినిమా అయినా సామాజిక సేవైనా సరే.. సన్నీ గురించి న్యూస్‌ వచ్చిందంటే చాలు.. ఇక ఆమె గురించి అంతర్జాలంలో వెతకని వారంటూ ఉండరంటే అది అతిశయోక్తి కాదు. అందుకే ఏటా పలు సెర్చింజిన్స్‌ విడుదల చేసే ‘మోస్ట్‌ సెర్చ్‌డ్‌ సెలబ్రిటీ’ల జాబితాలో అందరికంటే ముందుంటుందీ బాలీవుడ్‌ అందం. ఈ నేపథ్యంలోనే ఈ ఏడాది విడుదలైన గూగుల్‌ మోస్ట్‌ సెర్చ్‌డ్‌ జాబితాలో అగ్రస్థానంలో నిలిచిన ఈ హాట్‌ బ్యూటీ.. తాజాగా యాహూ ప్రకటించిన జాబితాలోనూ మొదటి స్థానాన్ని ఆక్రమించింది.

అందం, అభినయం, ఆత్మవిశ్వాసం.. కలిగిన నటీమణుల్లో స్మైలింగ్‌ బ్యూటీ యామీ గౌతమ్‌ కూడా ఒకరు. ‘ఉల్లాస.. ఉత్సాహ’ అనే కన్నడ చిత్రంతో హీరోయిన్‌గా తన కెరీర్‌ను ప్రారంభించిన ఈ తార.. తెలుగు, కన్నడ, తమిళ, పంజాబీ, హిందీ భాషల్లో అనేక చిత్రాల్లో నటించింది. తన తోటి హీరోయిన్లు గ్లామర్‌ పాత్రలకే పరిమితమైనప్పటికీ.. యామీ మాత్రం తన కెరీర్‌ ప్రారంభం నుంచి విభిన్నమైన పాత్రలు ఎంచుకొంటూ వరుస విజయాలతో దూసుకెళ్తుండడం విశేషం. ఈ క్రమంలో తను నటించిన ‘విక్కీ డోనార్‌’, ‘బద్లాపూర్’, ‘సనమ్‌ రే’, ‘కాబిల్‌’, ‘సర్కార్‌ 3’, ‘ఉరి’, ‘బాలా’.. తదితర చిత్రాలే ఇందుకు ఉదాహరణ. సినిమాల పరంగానే కాదు సోషల్‌ మీడియాలోనూ యామీకి మంచి క్రేజ్‌ ఉంది. నవంబర్‌ 28 యామీ పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు, వాటికి తను జత చేసిన క్యాప్షన్స్‌ మీకోసం..!

‘ఏం సక్కగున్నావే సంపంగి ముక్కుదానా’ ఈ పాట వినగానే మనందరికీ తాప్సీ గుర్తుకురాక మానదు. ‘ఝుమ్మంది నాదం’ సినిమాతో తెలుగు తెరకు పరిచయమైన ఈ దిల్లీ భామ.. తనదైన అందం, అభినయంతో తెలుగింట చెరగని ముద్ర వేసింది. ఆపై బాలీవుడ్‌లో ‘పింక్‌’తో తన విజయ ప్రస్థానాన్ని మొదలుపెట్టిన తాప్సీ.. వరుసగా ‘నామ్‌ షబానా’ ‘సూర్మా’, ‘బద్లా’, ‘గేమ్‌ ఓవర్‌’, ’మిషన్‌ మంగళ్‌’, ‘సాండ్‌ కీ ఆంఖ్‌’ వంటి సినిమాలతో అనతికాలంలోనే అగ్ర తారల్లో ఒకరిగా గుర్తింపు సంపాదించుకుంది. ఈ క్రమంలో తాప్సీ మహిళా ప్రాధాన్యం ఉన్న సినిమాలకు కేరాఫ్‌ అడ్రస్‌గా మారిందంటే దాని వెనుక తాను చేసిన కృషి ఎంతో ప్రశంసనీయం. అయితే ఇటీవల జరిగిన ‘ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా (IFFI)’ స్వర్ణోత్సవాల్లో పాల్గొంది తాప్సీ. ఇందులో భాగంగా ‘ఉమెన్‌ ఇన్‌ లీడ్‌’ అనే అంశంపై మాట్లాడింది. ఈ క్రమంలో తన సినీ ప్రయాణం, మహిళా ప్రాధాన్య చిత్రాలు.. వంటి పలు విషయాల గురించి ముచ్చటించింది. మరి, తాప్సీ చెప్పిన ఆ కబుర్లేంటో తన మాటల్లోనే విందామా..!

తన సినిమాలతో తెలుగు సినిమా ఖ్యాతిని ప్రపంచ వ్యాప్తంగా చాటి చెప్పిన దర్శకధీరుడు.. ‘రాజమౌళి’. ఇప్పటివరకు ఆయన తీసిన సినిమాల్లో ఏ ఒక్కటీ కూడా ఫ్లాప్‌ కాలేదంటే.. సినిమాను చెక్కడంలో ఈ జక్కన్న ఎంతటి ఘనుడో ప్రత్యేకించి చెప్పక్కర్లేదు. ముఖ్యంగా రాజమౌళి రూపొందించిన ‘బాహుబలి’ సిరీస్‌ సృష్టించిన సంచలనాలు, అందుకున్న గౌరవాలు అన్నీ.. ఇన్నీ.. కావు. ఈ సినిమాలు భారత చలన చిత్ర నిర్మాణ విలువలను మరో స్థాయికి తీసుకెళ్లాయి. ‘బాహుబలి’ సక్సెస్‌ తర్వాత ఆయన రూపొందించే తదుపరి చిత్రం ఎలా ఉండబోతోందోనని తెలుగుతో పాటు.. జాతీయ, అంతర్జాతీయ సినీ అభిమానులు సైతం ఎంతో ఆత్రుతతో ఎదురు చూస్తున్నారు. ఈ క్రమంలో ఆయన ప్రతిష్టాత్మకంగా రూపొందిస్తోన్న చిత్రమే ‘RRR’. మాస్‌ హీరోలుగా వెలుగొందుతోన్న రామ్‌ చరణ్‌, జూ.ఎన్టీఆర్‌లు ఇందులో లీడ్‌రోల్స్‌ పోషిస్తోన్న సంగతి విదితమే. ఈ సినిమాలో కీలక పాత్రల్లో నటించేందుకు కొంతమంది అంతర్జాతీయ నటీనటులను సైతం రంగంలోకి దింపుతున్నాడు జక్కన్న. వీళ్లకు సంబంధించిన ఫస్ట్‌లుక్స్‌ని తాజాగా సోషల్‌ మీడియాలో విడుదల చేశారు. వీరిలో తారక్‌ సరసన హీరోయిన్‌గా కనిపించనున్న హాలీవుడ్‌ భామ ‘ఒలీవియా మోరీస్‌’ ఫస్ట్‌లుక్‌ కూడా ఉండడం విశేషం. ఈ ఫొటోలు ప్రస్తుతం సోషల్‌ మీడియాలో వైరల్‌గా మారాయి.

1994లో మిస్‌ ఇండియా పోటీల్లో ఎవర్‌ గ్రీన్‌ బ్యూటీ ఐశ్వర్యా రాయ్‌ని సైతం వెనక్కు నెట్టి కిరీటాన్ని గెలిచి ‘బ్యూటీ విత్‌ బ్రెయిన్‌’ అనిపించుకుంది... వెండితెరపై గొప్ప నటిగా పేరు ప్రతిష్ఠలు సంపాదించడం కన్నా తను దత్తత తీసుకున్న ఇద్దరు అమ్మాయిలకు అమ్మగా ఉండడంలోనే ఆనందం ఉందని చెప్తుందీ అందాల రాణి... ఇంతకీ తనెవరో గుర్తుపట్టారా! భారతదేశ కీర్తిపతాకాన్ని తన అందంతో విశ్వవ్యాప్తం చేసిన మాజీ విశ్వసుందరి ‘సుస్మితాసేన్‌’.

‘దేవ దేవ దేవ దేవ దేవుడా’... ఈ పాట వినగానే తన ఒంపు సొంపులతో కుర్రకారు మతులు పోగొట్టిన గోవా బ్యూటీ ‘ఇలియానా’ గుర్తుకురాకమానదు.. టాలీవుడ్‌లో ’దేవదాస్‌’ చిత్రంతో వెండితెరకు పరిచయమైన ఈ క్యూటీ.. ‘పోకిరీ’ చిత్రంలో తన వయ్యారాలతో అందానికి కొత్త నిర్వచనాన్నిచ్చింది. ఆపై వరుసగా ‘కిక్‌’, ‘రాఖీ’, ‘జల్సా’, జులాయి’.. మొదలైన సినిమాలతో తెలుగు ప్రేక్షకుల హృదయాల్లో చెరగని ముద్రవేసింది. ప్రస్తుతం తనదైన అందం, నటనతో బాలీవుడ్‌లో కూడా మంచి మార్కులే కొట్టేస్తోందీ అమ్మడు.