భోగ భాగ్యాలనిచ్చే భోగి, బోలెడన్ని సరదాల్ని తీసుకొచ్చే సంక్రాంతి, కమ్మని విందు చేసే కనుమ... వెరసి ఇలా మూడు పండగలు కలగలిపి తెలుగు లోగిళ్లకు సందడిని తీసుకొచ్చే అతిపెద్ద పండగే మకర సంక్రాంతి. భోగిమంటలు, రంగవల్లులు, గొబ్బెమ్మలు, హరిదాసులు, డూడూ బసవన్నలు, పిండి వంటలు, విందులు, వినోదాలు... ఇలా ఎన్నో సరదాల సమ్మేళనమైన ఈ పండగను కుటుంబ సభ్యులందరూ కలిసి ఎంతో ఆనందంగా జరుపుకొంటారు. ఈ క్రమంలో పలువురు తారలు సైతం షూటింగ్స్‌తో ఎంత బిజీగా ఉన్నప్పటికీ ఈ సంక్రాంతిని తమదైన రీతిలో సెలబ్రేట్‌ చేసుకున్నారు. అంతేనా... ఆ సంబరాన్ని ఫొటోలు, వీడియోల రూపంలో సామాజిక మాధ్యమాల ద్వారా అందరితో పంచుకుంటూ పండగ శుభాకాంక్షలు తెలియజేశారు. మరి మన అందాల తారల సంక్రాంతి సంబరాలపై ఓ లుక్కేద్దాం రండి..

తన మధురమైన స్వరంతో తెలుగు వారి గుండెల్లో చెరగని ముద్ర వేసుకున్న సునీత ఇంట్లో పెళ్లి సందడి మొదలైంది. ప్రస్తుతం సింగిల్‌ పేరెంట్‌గా ఇద్దరు పిల్లల బాధ్యతలు చూసుకుంటోన్న ఆమె ప్రముఖ వ్యాపార వేత్త రామ్‌ వీరపనేనితో కలిసి వైవాహిక బంధంలోకి అడుగుపెట్టనుంది. కేవలం కుటుంబ సభ్యులు, సన్నిహితులు మాత్రమే హాజరయ్యే ఈ శుభకార్యానికి సంబంధించి ప్రి వెడ్డింగ్‌ వేడుకలు ఘనంగా జరుగుతున్నాయి. ఈక్రమంలో సునీత పెళ్లి వేడుకకు సంబంధించిన ఫొటోలు ప్రస్తుతం సోషల్ మీడియాలో వైరల్‌గా మారాయి. పలువురు సెలబ్రిటీలతో పాటు అభిమానులు, నెటిజన్లు ఆమెకు ముందస్తు శుభాకాంక్షలు తెలుపుతున్నారు.

సాధారణంగా భూమి సూర్యుని చుట్టూ తిరిగినట్లు... సినిమా కథలన్నీ హీరోల చుట్టూనే తిరుగుతుంటాయి. అందుకే ఏ చిత్రమైనా మొదట హీరో పేరే స్ర్కీన్‌పై దర్శనమిస్తుంది. ఆ తర్వాతే హీరోయిన్‌ పేరు కనిపిస్తుంది. అందుకే డైరెక్టర్లు కూడా హీరోలకు తగ్గట్టే కథలు సిద్ధం చేసుకుంటుంటారు. అయితే గత కొన్నేళ్లుగా ఈ ఫార్ములా మారింది. హీరో ఉంటేనే సినిమాలు సక్సెస్ అవుతాయన్న సమీకరణాలకు సెలవు చెబుతూ పలు లేడీ ఓరియంటెడ్ సినిమాలు మన ముందుకొచ్చాయి. స్టార్‌ హీరోల సినిమాల కలెక్షన్లకు ఏ మాత్రం తగ్గకుండా వసూళ్లు సాధిస్తున్నాయి. అందుకే ఏటా ఈ మహిళా ప్రాధాన్య సినిమాల సంఖ్య పెరుగుతూనే ఉంది. కరోనా కారణంగా సినిమా పరిశ్రమ కుదేలైన 2020లో కూడా కొన్ని మహిళా ప్రాధాన్యమున్న చిత్రాలు విడుదలై సత్తా చాటాయి. ఓటీటీ ద్వారా ప్రేక్షకులను పలకరించి ఆకట్టుకున్నాయి.

సినిమా ఇండస్ట్రీలో హీరోయిన్‌గా రాణించాలంటే మామూలు విషయమేమీ కాదు. పరిశ్రమలోకి అడుగుపెట్టడం నుంచి అవకాశాలు దక్కించుకునే దాకా ఎన్నో ఇబ్బందులు, అవమానాలు ఎన్నో భరించాల్సి ఉంటుంది. తెరపై కనిపించి అభిమానుల మెప్పు పొందాలంటే తెర వెనుక వారు ఎదుర్కొనే వేధింపులు, చేదు అనుభవాలు ఎన్నో! ఈ క్రమంలో కెరీర్‌ తొలినాళ్లలో తాను కూడా ఎన్నో అవమానాలు ఎదుర్కొన్నానంటోంది దీపికా పదుకొణె. మొదటి సినిమా తర్వాత తన యాస బాగుండదని, తనకు నటించడం రాదన్న విమర్శలు తనను తీవ్రంగా బాధించాయంటోంది. ఈ సందర్భంగా సినిమా ఇండస్ట్రీలో తనకెదురైన చేదు అనుభవాల గురించి అందరితో షేర్‌ చేసుకుందీ స్టార్‌ హీరోయిన్.

ఓ వైపు సినిమాలు చేస్తూ... మరోవైపు సోషల్‌ మీడియాలోనూ చురుగ్గా ఉండే నటీమణుల్లో రకుల్‌ ప్రీత్ సింగ్‌ ఒకరు. తన ఫ్యాషనబుల్‌ ఫొటోలు, సినిమా విశేషాలతో పాటు బ్యూటీ సీక్రెట్స్‌, హెల్త్‌ అండ్‌ ఫిట్‌నెస్‌ టిప్స్‌, వంటకాలకు సంబంధించిన విషయాలను ఎప్పటికప్పుడు షేర్‌ చేసుకుంటుంటుంది. ఇటీవల కరోనా బారిన పడిన రకుల్‌ ప్రస్తుతం ఇంట్లోనే స్వీయ నిర్బంధంలో ఉంటూ చికిత్స తీసుకుంటోంది. ఈ క్రమంలో తాజాగా ఇన్‌స్టాగ్రామ్‌ వేదికగా అభిమానులతో ముచ్చటించిందీ ముద్దుగుమ్మ. ‘ఈ ఏడాదిలో ఒకసారి కూడా ట్రై చేయలేదు.. కాబట్టి ఒకసారి అందరితో మాట్లాడదాం’ అంటూ అభిమానులు అడిగిన పలు ప్రశ్నలకు ఎంతో ఓపికగా సమాధానమిచ్చింది. మరి రకుల్‌, ఫ్యాన్స్ మధ్య జరిగిన ఆ సంభాషణ విశేషాలేంటో మనమూ తెలుసుకుందాం రండి...

అమ్మ కావడమనేది ఓ అందమైన అనుభూతి.. కడుపులో నలుసు పడిన మరుక్షణం నుంచి నెలలు నిండి బిడ్డ పుట్టే వరకు ఎదురయ్యే చిన్న చిన్న అనారోగ్యాల్ని సైతం ఇష్టంగా భరిస్తూ అమ్మయ్యే ప్రతి క్షణాన్నీ ఆస్వాదిస్తుంటారు మహిళలు. అంతేనా.. ఈ క్రమంలో ఎదురయ్యే మధురానుభూతుల్ని అందరితో పంచుకుంటూ మురిసిపోతుంటుంది కూడా! బాలీవుడ్‌ బ్యూటీ కరీనా కపూర్‌ కూడా ప్రస్తుతం ఇలాంటి ఆనందంలోనే తేలియాడుతోంది. త్వరలోనే తన రెండో బిడ్డకు జన్మనివ్వబోతోన్న ఈ బ్యూటిఫుల్‌ మామ్‌.. ఈ క్రమంలో కాబోయే అమ్మగా ప్రతి క్షణాన్నీ ఆస్వాదిస్తూనే.. మరోవైపు తన అనుభవాలను వీలు చిక్కినప్పుడల్లా సోషల్‌ మీడియా వేదికగా పంచుకుంటూనే ఉంది. ఇక ఇప్పుడు తన ఈ మధురానుభూతులన్నీ రంగరించి ఓ పుస్తకం రూపంలో మన ముందుకు తీసుకురాబోతోందట ఈ అందాల అమ్మ. తాజాగా తన కొడుకు తైమూర్‌ పుట్టినరోజు సందర్భంగా తన ప్రెగ్నెన్సీ పుస్తకం గురించిన పలు విషయాలను ఇన్‌స్టా వేదికగా పంచుకుంది బెబో.

ఆరోగ్యం, ఫిట్‌నెస్‌.. ఈ రోజుల్లో ఈ రెండు అంశాలపై శ్రద్ధ పెట్టే వారి సంఖ్య క్రమంగా పెరుగుతోంది. అందుకే చాలామంది విభిన్న వ్యాయామాలను తమ రొటీన్‌లో భాగం చేసుకుంటున్నారు. అయితే ఇలాంటి వర్కవుట్స్‌ వల్ల శరీరానికి ఫిట్‌నెసే కాదు.. మానసిక ఆనందం, ఉల్లాసం కూడా చేకూరతాయంటోంది టాలీవుడ్‌ బ్యూటీ రష్మిక మందన. ఇవే తనను కెమెరా ముందు సంపూర్ణ ఆత్మవిశ్వాసంతో నిలబెడుతున్నాయని చెబుతోంది. మెగా కోడలు ఉపాసన ఆధ్వర్యంలో ప్రారంభమైన ‘యువర్‌ లైఫ్‌’ వెబ్‌సైట్‌కు అతిథి సంపాదకురాలిగా వ్యవహరించిన రష్మిక.. ఈ క్రమంలో తన ఫిట్‌నెస్‌ ప్రయాణాన్ని అభిమానులతో పంచుకుంది. తనకు ఫిట్‌నెస్‌ అంటే ప్రాణమని, అలాగని ఇతరుల ప్రశంసల కోసం కాకుండా తన కోసం తాను వర్కవుట్స్‌ చేస్తానని చెబుతోన్న ఈ క్యూటీ ఫిట్‌నెస్‌ మంత్ర ఏంటో మనమూ తెలుసుకుందాం రండి..

ప్రస్తుత తరంలో సోషల్‌ మీడియాకున్న ప్రాధాన్యాన్ని ప్రత్యేకంగా చెప్పక్కర్లేదు. అందులోనూ వెండితెరపై వెలిగిపోయే సెలబ్రిటీలకు తమ వృత్తితో పాటు సోషల్‌ మీడియా కూడా ముఖ్యమే.

ఆడపిల్లలు చిన్నప్పుడు నాన్న వేలు పట్టుకొని నడిచినా యుక్త వయసులోకొచ్చాక మాత్రం అమ్మే ఆమెకు మంచి స్నేహితురాలవుతుంది. అటు వ్యక్తిగత జీవితంలో, ఇటు కెరీర్‌ని ఎంచుకోవడంలో ఏది మంచి, ఏది చెడు.. ఇలా అన్ని విషయాలను వారికి నేర్పుతుంది. తన కూతురిని ప్రోత్సహించడానికి అవసరమైతే తన కెరీర్‌నూ త్యాగం చేయడానికి సిద్ధంగా ఉంటుంది అమ్మ. ‘మా అమ్మ కూడా అలాంటి వ్యక్తే!’ అంటోంది బాలీవుడ్‌ అందాల భామ జెనీలియా డిసౌజా. నటిగా కెరీర్‌ ప్రారంభించిన తొలినాళ్లలో వచ్చిన అవకాశాలను అందిపుచ్చుకోమంటూ అమ్మ ఇచ్చిన ప్రోత్సాహమే ఇప్పుడు తననింత ఉన్నత స్థితిలో ఉంచిందంటోంది. తల్లిగా గైడ్‌ చేస్తూనే, ఓ మంచి స్నేహితురాలిగా ప్రతి అడుగులోనూ తోడైందంటూ తన కెరీర్‌ గురించి అమ్మ చేసిన త్యాగాన్ని తలచుకుంటూ ఇన్‌స్టాలో ఓ సుదీర్ఘ పోస్ట్‌ పెట్టింది జెన్నీ. తన తల్లి పుట్టినరోజు సందర్భంగా పెట్టిన ఈ పోస్ట్‌ పిల్లల కోసం తల్లి చేసే త్యాగాన్ని మరోసారి జ్ఞప్తికి తెచ్చిందనడంలో సందేహం లేదు.

సినిమాల్లో నటించడమే కాదు మహిళా సమస్యలు, సామాజిక అంశాలపై తనదైన శైలిలో స్పందిస్తుంటుంది బాలీవుడ్‌ నటి రిచా చద్దా. వీటితో పాటు సామాజిక సేవ కోసం సమయాన్ని కేటాయించడంలోనూ ముందుంటుంది. ప్రస్తుతం సినిమాలు, వెబ్‌సిరీస్‌లు చేస్తూ ఫుల్‌ బిజీగా ఉన్న ఈ ముద్దుగుమ్మ... మూగ జీవాల సంరక్షణ కోసం తనదైన శైలిలో కృషి చేస్తోంది. ఇందులో భాగంగా జంతువులపై హింసకు వ్యతిరేకంగా పలు ఛారిటీ ఈవెంట్లలో పాల్గొని పెద్ద మనసు చాటుకుందీ బ్యూటిఫుల్‌ యాక్ట్ట్రెస్‌. మూగజీవాలపై ప్రేమతో మూడేళ్ల క్రితం ‘వీగన్‌’గా మారిపోయిన ఈ పెట్‌ లవర్‌ ‘వీగన్‌ ఫ్యాషన్‌’ను మాత్రమే ఫాలో అవుతూ పలువురికీ స్ఫూర్తినిస్తోంది. ఈ క్రమంలో జంతువుల సంరక్షణ కోసం రిచా చేస్తున్న కృషిని గుర్తించిన ‘పెటా ఇండియా’ ఆమెను ‘బెస్ట్‌ వీగన్‌ స్టైల్‌ ఐకాన్‌’ పురస్కారంతో గౌరవించింది.

ప్రస్తుత సమాజంలో ఆడవాళ్లు ఎన్నో రకాల సమస్యలను ఎదుర్కొంటున్నారు. శరీరాకృతి, అందం, బరువు, రంగు... మొదలైన విషయాల గురించి వాళ్ల మనోభావాలు దెబ్బతినేలా మాట్లాడడం చాలా మామూలు విషయమై పోయింది. ఇక రంగుల ప్రపంచం లాంటి సినిమా ఇండస్ట్రీలో చర్మఛాయ పేరుతో అడుగడుగునా వివక్ష, అవమానాలు ఎదుర్కొన్నట్లు ఇప్పటికే చాలామంది సినీతారలు చెప్పుకొచ్చారు. ఈ క్రమంలో తన స్కిన్‌టోన్‌ కారణంగా తాను కూడా ఎన్నో అవమానాలు ఎదుర్కొన్నానంటోంది బాలీవుడ్‌ అందాల తార చిత్రాంగద సింగ్‌. అంతేకాదు తన చర్మఛాయ కారణంగా కెరీర్‌లో పలు అవకాశాలు కోల్పోయానంటోంది. ఈ సందర్భంగా తన స్కిన్‌టోన్‌కు సంబంధించి తనకెదురైన చేదు అనుభవాలను అందరితో పంచుకుందీ అందాల తార.

జీవితంలోని చీకట్లను చెరిపేసి వెలుగులు నింపే దీపావళిని దేశమంతా సంబరంగా జరుపుకొంది. విద్యుద్దీపాల వెలుగులు, దీపాల కాంతులు, మతాబుల సందడితో ప్రతి ఇంటా పండగ వాతావరణం నెలకొంది. సామాన్యుల నుంచి ప్రముఖుల వరకు అందరూ పండగ సంబరాల్లో ఉత్సాహంగా పాల్గొన్నారు. ఈ సందర్భంగా సినీ ఇండస్ర్టీకి చెందిన పలువురు తారలు సంప్రదాయ దుస్తులు ధరించి తళుక్కున మెరిశారు. కుటుంబ సభ్యులతో కలిసి పూజలు చేస్తూ, దీపాలు పెడుతూ సందడి చేశారు. పండగ సంతోషాలను ఫొటోల్లో బంధించి సోషల్‌ మీడియా ద్వారా షేర్‌ చేసుకున్నారు. అదేవిధంగా తమ అభిమానులకు పండగ శుభాకాంక్షలు తెలిపారు. మరి సామాజిక మాధ్యమాల్లో వైరల్‌గా మారిన సినీ తారల దీపావళి సంబరాల విశేషాలేంటో మనమూ చూద్దాం రండి!

తనుశ్రీ దత్తా... మన దేశంలో ‘మీటూ’ ఉద్యమానికి నాంది పలికిన ఈ ముద్దుగుమ్మ గురించి ప్రత్యేక పరిచయం అవసరం లేదు. సినిమా ఇండస్ట్రీలో తనకు ఎదురైన చేదు అనుభవాలను ధైర్యంగా మీడియా ముందుకొచ్చి చెప్పడంతోనే ఇండియాలో ‘మీటూ’ ఉద్యమం మొదలైంది. ఆమె అందించిన ధైర్యంతోనే వివిధ రంగాలకు చెందిన మహిళలు ‘మాపై కూడా ఇలాంటి దాడులు జరిగాయి’ అంటూ ఒక్కొక్కరు పెదవి విప్పారు. అంతకుముందు పలు హిట్‌ సినిమాల్లో నటించి మెప్పించిన తనుశ్రీ ఈ ఉద్యమం తర్వాత పూర్తిగా సినిమాలకు దూరమైంది. అమెరికాలో స్థిరపడినట్లు వార్తలు కూడా వచ్చాయి. అయితే తాను మళ్లీ సినిమాల్లో నటిస్తున్నానంటూ తన అభిమానులకు ఓ తీపి కబురు అందించిందీ అందాల తార. ఈ సందర్భంగా సినిమాల్లో తన సెకండ్ ఇన్నింగ్స్‌తో పాటు తన వ్యక్తిగత జీవితానికి సంబంధించిన కొన్ని ఆసక్తికర విషయాలను సోషల్‌ మీడియా ద్వారా అందరితో షేర్‌ చేసుకుంది.

ప్రియాంకా చోప్రా... బాలీవుడ్‌తో ఆగకుండా హాలీవుడ్‌ వరకూ తన క్రేజ్‌ను విస్తరించుకున్న అందాల తార. అమెరికన్‌ టీవీ షోలలో సైతం పాల్గొంటూ

ప్రతి మనిషిలోనూ పాజిటివ్‌, నెగెటివ్‌... అని రెండు రకాల భావోద్వేగాలుంటాయి. పాజిటివ్‌ ఎమోషన్స్‌ వల్ల ఎలాంటి సమస్యలు తలెత్తకపోయినా, ప్రతికూల ఆలోచనలు మాత్రం మనల్ని మానసికంగా కుంగిపోయేలా చేస్తాయి. ముఖ్యంగా సినిమా ఇండస్ట్రీలో ఉండే సెలబ్రిటీలు ఈ తరహా ఆలోచనలతో తీవ్ర ఒత్తిడికి గురవుతుంటారు. ఈక్రమంలో తాను కూడా గతంలో నెగెటివ్‌ ఆలోచనలతో ఎంతగానో ఇబ్బందిపడ్డానంటోంది ‘చిన్నారి పెళ్లి కూతురు’ అవికా గోర్‌. చెడు ఆలోచనలతో తన విలువైన సమయాన్ని వృథా చేసుకున్నానంటోంది. అయితే ఆ తర్వాత తనను తాను నమ్ముకున్నానని, చుట్టూ ఉన్న వాళ్లతో సమయం గడిపి ఈ సమస్యను అధిగమించానంటోంది. ఈక్రమంలో ప్రతికూల ఆలోచనలకు సంబంధించి తన అనుభవాలను అందరితో షేర్‌ చేసుకుంటూ సోషల్‌ మీడియాలో ఓ సుదీర్ఘ పోస్ట్‌ పెట్టిందీ ముద్దుగుమ్మ. ప్రతిరోజూ మనతో మనం మాట్లాడుకుంటే, మనల్ని మనం ప్రేమించుకుంటే అన్ని సమస్యలు తీరుతాయనే చక్కటి సందేశాన్ని అందిస్తోన్న ఈ పోస్ట్ ప్రస్తుతం సోషల్‌ మీడియాలో ట్రెండింగ్‌లో ఉంది.

‘హలో బాసు..మహా క్లాసు’ అంటూ ‘బాస్‌’ సినిమాలో అక్కినేని నాగార్జునతో కలిసి స్టెప్పులేసి ఆకట్టుకుంది పూనమ్‌ బజ్వా. 15 ఏళ్ల క్రితం ‘మొదటి సినిమా’తో కెరీర్‌ ప్రారంభించిన ఆమె ‘బాస్‌’ చిత్రంతో మంచి గుర్తింపు సొంతం చేసుకుంది. తెలుగుతో పాటు తమిళ, కన్నడ, మలయాళ సినిమాల్లోనూ నటించి దక్షిణాది సినీ ప్రేక్షకులకు మరింత చేరువైంది. ఈక్రమంలో తాజాగా అభిమానులందరినీ ఆశ్చర్యపరుస్తూ తాను ప్రేమలో ఉన్నట్లు అధికారికంగా ప్రకటించిందీ అందాల తార. ఈ సందర్భంగా ఇన్‌స్టా వేదికగా తన ప్రియుడిని పరిచయం చేసిన ఆమె.. వివిధ సందర్భాల్లో అతడితో కలిసి దిగిన ఫొటోలను అందరితో షేర్‌ చేసుకుంది.

బాలీవుడ్‌ యంగ్‌ హీరో సుశాంత్‌ సింగ్‌ రాజ్‌పుత్‌ అకాల మరణం భారతీయ చిత్రసీమను ఒక కుదుపు కుదిపేసింది. ఈ సంఘటనతో సోషల్‌ మీడియా వేదికగా ఇండస్ట్రీలోని బంధుప్రీతి, లాబీయింగ్, లైంగిక వేధింపులు వంటి అంశాలు మరోసారి తెరమీదకు వచ్చాయి. ఇదే సమయంలో మహేశ్‌భట్‌ కుమార్తెగా అలియా భట్‌ సామాజిక మాధ్యమాల్లో చాలా విమర్శలు ఎదుర్కొంది. కొంతమంది నెటిజన్లు ఆమెను లక్ష్యంగా చేసుకుని విపరీతమైన ట్రోలింగ్‌కు దిగారు. అయితే ఇప్పటివరకు తనపై వచ్చిన విమర్శలకు స్పందించని అలియా తాజాగా ఇన్‌స్టాలో ఓ పోస్ట్‌ షేర్ చేసింది. ఇందులో భాగంగా సోషల్‌ మీడియాలో తనపై విమర్శలు చేసేవాళ్లని ఉద్దేశిస్తూ ఓ సుదీర్ఘమైన నోట్ రాసుకొచ్చింది.