‘ఈ సినిమాలో నాకు దొరికిన మంచి నటి హరితేజ. ఈ అమ్మాయిని చాలా సంవత్సరాలపాటు చూడాలి. నచ్చినా, నచ్చకపోయినా భరించడమే.. తప్పదు. ఎందుకంటే ఈ అమ్మాయి నాకు చిన్న వయసులో ఉన్న అందమైన సూర్యకాంతంలా అనిపించింది. అంతటి గొప్ప నటిలా అనిపించింది హరితేజ.’ ఇవీ... ‘అ..ఆ’ సినిమా ఆడియో లాంచ్‌ కార్యక్రమంలో దర్శకుడు త్రివిక్రమ్‌ చెప్పిన మాటలు. హరితేజ నటన చూస్తుంటే ఈ మాటలు అక్షరాలా నిజమే అనిపిస్తాయి. ఈటీవీలో ప్రసారమవుతోన్న ‘మనసు మమత’ ధారావాహికతో మొదలైన హరితేజ ఆన్‌స్క్రీన్‌ జర్నీ.. సినిమాల వరకు విజయవంతంగా కొనసాగింది.. కొనసాగుతోంది. 2017లో తెలుగులో తొలిసారి ప్రసారమైన ‘బిగ్‌బాస్‌’ రియాలిటీ షోతో ప్రేక్షకులకు మరింత దగ్గరైందీ కుందనపుబొమ్మ. ఈ క్రమంలో తన హరికథా నైపుణ్యంతో ఫ్యాన్స్‌ను ఆకట్టుకుందీ చిన్నది. ఓవైపు సినిమాల్లో నటిస్తూనే, మరోవైపు పలు ప్రోగ్రామ్‌లకు యాంకర్‌గానూ వ్యవహరిస్తోంది హరితేజ. ఈ క్రమంలో ప్రస్తుతం ‘పండు చేస్కో’తో ఆడ పడుచులతో సందడి చేస్తోన్న హరి.. తాను ఎంత బిజీగా ఉన్నా సరే సోషల్‌మీడియాలో ఎప్పటికప్పుడు అభిమానులతో టచ్‌లో ఉంటుందీ బ్యూటీ క్వీన్‌. ఈ క్రమంలో తన కెరీర్‌, వ్యక్తిగత విషయాలను నెటిజన్లతో పంచుకుంటుంది. తన సహజ నటన, ఆకట్టుకునే రూపంతో బుల్లితెరతో పాటు వెండితెర ప్రేక్షకులను సైతం అలరిస్తోన్న హరితేజ పుట్టినరోజు నేడు (ఫిబ్రవరి 26 బుధవారం). ఈ సందర్భంగా హరి ఇన్‌స్టాగ్రామ్‌లో పోస్ట్‌ చేసిన కొన్ని ఆసక్తికర పోస్ట్‌లపై ఓ లుక్కేద్దామా.!!

తెలుగు ప్రజలంతా ఎంతో నిష్టగా, పవిత్రంగా, భక్తి శ్రద్ధలతో జరుపుకొనే పర్వదినం మహాశివరాత్రి. ఈ పర్వదినాన చిన్నా, పెద్దా తేడా లేకుండా అందరూ భక్తి ప్రపత్తులతో ఉపవాసదీక్షలు చేసి ఆ నీలకంఠుడి ఆశీస్సులు పొందుతారు. సామాన్య ప్రజల దగ్గరి నుండి నిత్యం బిజీగా ఉండే సెలబ్రిటీలు సైతం ఈ పర్వదినం సందర్భంగా తమ కుటుంబాలతో కలిసి ఆ మహా శివుడికి పూజలు, అభిషేకాలు చేస్తారు. ఈ క్రమంలో మహాశివరాత్రి పర్వదినం సందర్భంగా పలువురు సెలబ్రిటీలు సోషల్‌ మీడియా ద్వారా అభిమానులందరికీ మహాశివరాత్రి పండగ శుభాకాంక్షలు తెలిపారు.

‘కిరిక్‌ పార్టీ’ సినిమాతో వెండితెరకు పరిచయమైంది నటి రష్మిక మందన. ‘ఛలో’ సినిమాతో తెలుగు ప్రేక్షకులను పలకరించిన ఈ కన్నడ భామ తొలి చిత్రంతోనే నటిగా మంచి గుర్తింపు సంపాదించుకుంది. ఇక విజయ్‌ దేవరకొండ హీరోగా నటించిన ‘గీత గోవిందం’ సినిమాతో ఒక్కసారిగా స్టార్‌ హీరోయిన్ల జాబితాలో చేరింది. అనంతరం పలు క్రేజీ ప్రాజెక్టుల్లో నటించే అవకాశాన్ని దక్కించుకొని లక్కీ హీరోయిన్‌గా మారిపోయిందీ ముద్దుగుమ్మ. ‘గీత గోవిందం’లో ‘గీత’గా అలరించినా... ‘డియర్‌ కామ్రేడ్‌’లో ‘లిల్లీ’గా భావోద్వేగాలు పలకరించినా.. ‘సరిలేరు నీకెవ్వరు’ చిత్రంలో ‘సంస్కృతి’గా అల్లరి చేసినా.. అది రష్మికకే చెల్లింది. సినిమా.. సినిమాకు తనలోని వైవిధ్యాన్ని ప్రదర్శిస్తూ.. తనకంటూ ఓ ప్రత్యేకతను సంపాదించుకున్న ఈ బ్యూటీ తాజాగా ‘భీష్మ’ చిత్రంతో మరోసారి ప్రేక్షకులను పలకరించి.. తనదైన అందం, అభినయం, హావభావాలతో ఆకట్టుకుంది. సినిమాలతో బిజీగా ఉండే రష్మిక అదే సమయంలో సోషల్‌మీడియాలోనూ నిత్యం యాక్టివ్‌గా ఉంటుంది. ఈ క్రమంలో రష్మిక ఇన్‌స్టాగ్రామ్‌లో పోస్ట్‌ చేసిన కొన్ని ఆసక్తికరమైన పోస్టులపై ఓ లుక్కేద్దామా..?

మిస్‌ వరల్డ్‌.. అందాల పోటీలకు సంబంధించి ప్రతిష్ఠాత్మకంగా పరిగణించే టైటిల్స్‌లో ఇది కూడా ఒకటి. ప్రపంచంలోని దాదాపు అన్ని దేశాల సుందరాంగిణులు పాల్గొనే ఈ పొటీల్లో విజేతగా నిలవాలని ఉవ్విళ్లూరుతుంటారు పోటీదారులంతా! ఈ క్రమంలో ఎన్నో వడపోతలు, మరెన్నో రౌండ్లను చాకచక్యంగా దాటుకుంటూ ‘ప్రపంచ సుందరి’ కిరీటం అందుకోవాలంటే అంత సులభమేమీ కాదు. కానీ 18 ఏళ్ల వయసులోనే ఈ కిరీటాన్ని దక్కించుకుని ప్రపంచాన్ని తన వైపుకు తిప్పుకుంది బాలీవుడ్‌ అందాల తార ప్రియాంక చోప్రా. అయితే ఈ ముద్దుగుమ్మ ప్రపంచ సుందరి కిరీటాన్ని గెలుచుకొని సరిగ్గా నేటికి(ఫిబ్రవరి 14) రెండు దశాబ్దాలు పూర్తయ్యాయి. ఈ క్రమంలో అప్పటి మధుర జ్ఞాపకాలను గుర్తుకు తెచ్చుకుంటూ ఇన్‌స్టా వేదికగా ఓ పోస్ట్‌ షేర్‌ చేసిందీ గ్లోబల్‌ బ్యూటీ.

సాధారణంగా అమ్మాయిలు అందంగా ఉంటే హీరోయిన్లతో, అబ్బాయిలను హీరోలతో పోల్చడం మనం చూస్తూనే ఉంటాం. అయితే కేవలం ఒకటో, రెండో పోలికలు కాకుండా పూర్తిగా అచ్చుగుద్దినట్లు సెలబ్రిటీల్లా ఉండేవారి గురించి అప్పుడప్పుడు వింటూనే ఉంటాం. ఇటీవల కాలంలో సోషల్‌ మీడియా పుణ్యమా అని ఇలాంటివారిలో చాలామంది ఫేమస్‌ కూడా అయిపోతున్నారు. అలా ఇంతకుముందు బొద్దుగా ఉన్నా సమంతలాంటి రూపురేఖలతో సెలబ్రిటీ స్టేటస్‌ సంపాదించుకుంది ‘బిగ్‌బాస్‌-3’ ఫేమ్‌ అషురెడ్డి. తాజాగా సమంత పోలికలున్న మరో అమ్మాయి ప్రస్తుతం సోషల్‌మీడియాలో ట్రెండింగ్‌లో నిలిచింది. మరి తనెవరో తెలుసుకుందాం రండి..!

జీవితంలో ప్రతి మనిషి ఏదో ఒక సమయంలో ప్రేమలో పడాల్సిందే. అయితే ప్రేమించిన వారినే పెళ్లిచేసుకుంటారా? అంటే.. కచ్చితంగా అవునని చెప్పలేం. కానీ జీవితంలో మొదట పరిచయమైన తొలిప్రేమను ఎప్పటికీ మరిచిపోలేరని చెబుతుంటారు. ఇలా పదో తరగతిలో ప్రేమలో పడ్డ ఓ జంట అనుకోని కారణాల వల్ల విడిపోతారు.. తిరిగి కొన్నేళ్ల తర్వాత స్కూల్‌ రీయూనియన్‌లో భాగంగా కలుసుకుంటారు. ఆ సందర్భంలో వారిద్దరి మధ్య సాగే ఎమోషనల్‌ జర్నీ కథాంశంతో తెరకెక్కిందే ‘జాను’ చిత్రం. సమంత, శర్వానంద్‌ జంటగా తెరకెక్కిన ఈ సినిమా.. తమిళంలో సూపర్‌ డూపర్‌ హిట్‌ అయిన ‘96’ చిత్రానికి రీమేక్‌ అనే విషయం తెలిసిందే. ఈ చిత్రం ప్రేమికుల దినోత్సవం (వాలంటైన్‌ వీక్‌) సందర్భంగా ఫిబ్రవరి 7 (శుక్రవారం) విడుదల కానుంది. చిత్ర ప్రమోషన్లలో భాగంగా నటి సమంత పలు ఇంటర్వ్యూల్లో పాల్గొంది. ఈ క్రమంలో సినిమా గురించి సామ్‌ చెప్పిన కొన్ని ఆసక్తికర విశేషాలు మీకోసం...

‘ఝుమ్మంది నాదం’ సినిమాతో వెండితెరకు పరిచమైన తాప్సీ.. స్టార్‌గా గుర్తింపు తెచ్చుకుంది మాత్రం బాలీవుడ్‌లోనే అని చెప్పాలి. ‘ఛష్మే బద్దూర్‌’తో బాలీవుడ్‌లోకి అడుగుపెట్టిన ఈ ముద్దుగుమ్మ.. ఆపై వెనక్కి తిరిగి చూసుకోలేదు. అందివచ్చిన అవకాశాలను సద్వినియోగం చేసుకుంటూ ట్యాలెంటెడ్‌ యాక్ట్రెస్‌గా పేరు తెచ్చుకుందీ సొట్టబుగ్గల సుందరి. పాత్ర ఏదైనా తనదైన నటనాశైలితో వన్నెలద్దే ఈ దిల్లీ భామ.. ప్రస్తుతం మిథాలీ రాజ్‌ బయోపిక్‌ ‘శభాష్‌ మిథూ’తో మన ముందుకొచ్చేందుకు సిద్ధమవుతోంది. దీనికి సంబంధించిన ఫస్ట్‌లుక్‌ని తాజాగా చిత్రబృందం విడుదల చేసిన సంగతి తెలిసిందే. అయితే కరీనా కపూర్‌ వ్యాఖ్యాతగా వ్యవహరిస్తోన్న ‘వాట్‌ ఉమెన్స్‌ వాంట్‌ 2’ అనే కార్యక్రమంలో పాల్గొంది. ఈ సందర్భంగా గతంలో తనను ఇబ్బంది పెట్టాలనుకున్న ఓ ఆకతాయికి తానెలా బుద్ధి చెప్పిందో తెలియజేసి గర్ల్‌పవర్‌ను చాటుకుంది.

‘అందమైన ప్యాలస్‌లో బాలీవుడ్‌ బ్యూటీ కత్రినా కైఫ్‌ వివాహం..! బాలీవుడ్‌, టాలీవుడ్‌, కోలీవుడ్‌.. ఇలా మన దేశంలో వివిధ సినీ ప్రరిశ్రమలకు చెందిన అగ్ర తారలెందరో ఈ వేడుకలో పాల్గొన్నారు..! అంతేకాదు, తమ ఇంట్లో పెళ్లి జరుగుతున్నట్లు పట్టు వస్త్రాలు ధరించి దగ్గరుండి మరీ ఈ వివాహం జరిపించారు..!’

జీవితంలో ఏదైనా అనుకోని కష్టం ఎదురైనప్పుడు ఆ బాధ నుంచి కోలుకొని తిరిగి తమ జీవితాన్ని ప్రారంభించడం ఉత్తమ వ్యక్తుల లక్షణం. అదే, తమకు ఎదురైన కష్టం, తాము అనుభవించిన బాధ మరెవ్వరూ అనుభవించకూడదని కోరుకోవడం గొప్ప వ్యక్తుల లక్షణం. అలాంటి మంచి మనసున్న వ్యక్తుల్లో బాలీవుడ్‌ బ్యూటీ దీపికా పదుకొణె కూడా ఒకరు. నిత్యం సినిమాలతో బిజీగా ఉండే ఈ తార.. సమాజంలో ఒత్తిడి, ఆందోళన, కుంగుబాటు.. మొదలైన మానసిక సమస్యల గురించి తరచూ తన ప్రసంగాల ద్వారా ప్రజల్లో అవగాహన కల్పిస్తుంటుంది. అంతేకాదు, మానసిక అస్వస్థతతో బాధపడుతోన్న వారి కోసం దీపిక ‘లివ్‌ లవ్‌ లాఫ్‌ ఫౌండేషన్‌’ అనే స్వచ్ఛంద సంస్థను ప్రారంభించి.. దాని ద్వారా వాళ్ల సమస్యలకు పరిష్కార మార్గాలను అందిస్తోంది. ఈ క్రమంలో సమాజానికి తను చేస్తోన్న సేవలను గుర్తించి ‘వరల్డ్‌ ఎకనామిక్‌ ఫోరమ్‌’ ఇటీవలే దీపికను ‘క్రిస్టల్‌ అవార్డు’తో సత్కరించింది. దావోస్‌ వేదికగా జరిగిన ఈ అవార్డుల ప్రదానోత్సవ కార్యక్రమంలో దీపిక ప్రసంగిస్తూ మానసిక అస్వస్థత వల్ల సమాజానికి జరుగుతోన్న నష్టాల గురించి ఇలా వివరించింది.

నిత్యం బిజీగా ఉండే సినీతారలు కూడా కాస్త ఖాళీ దొరికితే చాలు.. డిజిటల్‌ మీడియా ద్వారా తమ ఫ్యాన్స్‌కు కొత్త కొత్త విషయాలు నేర్పడానికి ఆసక్తి చూపిస్తుంటారు. ఈ క్రమంలోనే యూట్యూబ్‌ ఛానల్స్‌ ప్రారంభించి.. వీడియోల రూపంలో ఎన్నో విషయాలు తెలియజేస్తుంటారు. అయితే తాజాగా ఈ జాబితాలో చేరిపోయింది నటి మంచు లక్ష్మి. ‘చిట్టి చిలకమ్మ’ పేరుతో తాను ప్రారంభించిన యూట్యూబ్‌ ఛానల్‌లో తన కూతురు విద్యా నిర్వాణను కూడా భాగం చేస్తుందీ అందాల అమ్మ. తన ఛానల్‌లో భాగంగా పిల్లల పెంపకంలో ఎలాంటి సమస్యలు ఎదురవుతాయి, వాటిని ఎలా అధిగమించాలి.. వంటి పేరెంటింగ్‌ పాఠాలపై వీడియోలను రూపొందించబోతున్నట్లు, ఈ క్రమంలో వారానికి ఒక్కో అంశం చొప్పున ఒక్కో వీడియోను విడుదల చేయనున్నట్లు సోషల్‌ మీడియా ద్వారా చెప్పుకొచ్చిందీ బ్యూటిఫుల్‌ మామ్‌.

‘ఆవ్‌ తుఝో మోగ్‌కొర్తా’ అంటూ అరంగేట్రంలోనే అదరగొట్టింది అందాల భామ కృతీ సనన్‌. తెలుగులో ‘వన్‌..నేనొక్కడినే’, ‘దోచెయ్‌’ సినిమాల్లో మెరిసి మెప్పించిన ఈ ముద్దుగుమ్మ.. ప్రస్తుతం బాలీవుడ్‌లో క్రేజీ హీరోయిన్‌గా కొనసాగుతూ వరుస చిత్రాలు చేస్తోంది. అందంతో పాటు అభినయంతో అలరించే ఈ అందాల తార.. గతేడాది ఆరు సినిమాల్లో కనిపించడం విశేషం. ఛాలెంజింగ్‌ పాత్రల్లో నటించేందుకు అమితాసక్తి చూపే కృతి నటిస్తున్న తాజా చిత్రం ‘మిమి’. చూడడానికి సన్నజాజి తీగలా, స్లిమ్‌గా కనిపించే ఈ బ్యూటీ ఈ సినిమా కోసం ఎవరూ చేయని రిస్క్‌కు రడీ అవుతోందట. అదేంటంటే.. ఈ సినిమాలో తన పాత్రలో సహజ సిద్ధంగా ఇమిడిపోయేందుకు ఏకంగా 15 కిలోల బరువు పెరగాలని నిర్ణయించుకుందట ఈ క్రేజీ హీరోయిన్‌.

తెలుగులో చేసింది నాలుగు సినిమాలే అయినా.. టాలీవుడ్‌ ప్రేక్షకులకు ‘చూసీ చూడంగానే నచ్చేసింది’ కన్నడ బ్యూటీ రష్మిక మందన. అందం, అభినయంతో పాటు తనకు మాత్రమే సాధ్యమయ్యేలా క్యూట్‌ ఎక్స్‌ప్రెషన్స్‌తో విశేష అభిమానులను సంపాదించుకుందీ ముద్దుగుమ్మ. ‘ఛలో’, ‘గీత గోవిందం’, ‘దేవదాస్‌’, ‘డియర్‌ కామ్రేడ్‌’ సినిమాల తర్వాత ఈ బ్యూటీ నటించిన తాజా చిత్రం ‘సరిలేరు నీకెవ్వరు’. ప్రిన్స్‌ మహేశ్‌ బాబు హీరోగా, అనిల్‌ రావిపూడి దర్శకత్వంలో తెరకెక్కిన ఈ చిత్రం సంక్రాంతి కానుకగా ఈనెల 11న విడుదల కానుంది. ఇప్పటికే విడుదలైన ట్రైలర్‌లో ‘మీకు అర్థమవుతోందా?’, ‘ఐయాం ఇంప్రెస్డ్‌’ అంటూ క్యూట్‌ డైలాగ్‌లు, తనదైన మేనరిజమ్స్‌తో ఆకట్టుకుంటోంది రష్మిక. ఈక్రమంలో అనిల్‌ రావిపూడితో కలిసి ఓ ఇంటర్వ్యూకు హాజరైన ఈ క్యూటీ.. సినిమాకు సంబంధించిన పలు ఆసక్తికర విషయాలను షేర్‌ చేసుకుంది.

మోడల్‌గా కెరీర్‌ ప్రారంభించి బాలీవుడ్‌ అగ్ర హీరోయిన్లలో ఒకరిగా ఎదిగింది నటి బిపాసా బసు. ఒక్క బాలీవుడ్‌కే పరిమితం కాకుండా తెలుగు, తమిళ, బెంగాలీతోపాటు ‘ది లవర్స్‌’ అనే హాలీవుడ్‌ సినిమాలోనూ మెరిసిందీ అందాలతార. 2001లో వచ్చిన ‘అజ్‌నబీ’ చిత్రంతో వెండితెరకు ఎంట్రీ ఇచ్చిన బిపాస... 2002లో మహేష్‌ బాబు హీరోగా నటించిన ‘టక్కరిదొంగ’ సినిమాతో తెలుగు ప్రేక్షకులకు దగ్గరైంది. అనంతరం తన అందం, అభినయంతో ఎంతో మంది అభిమానులను సంపాదించుకున్న ఈ హాట్‌గర్ల్‌.. పలు విజయవంతమైన సినిమాల్లో నటించింది. సహనటుడు కరణ్‌ సింగ్‌ గ్రోవర్‌ను 2016లో వివాహం చేసుకుంది బిపాసా. ఇక వృత్తిపరంగా ఎంత బిజీగా ఉన్నా సరే ఎప్పటికప్పుడు సోషల్‌ మీడియాలో తన అభిమానులతో టచ్‌లో ఉంటుందీ బాలీవుడ్‌ భామ. జనవరి 7 (మంగళవారం) బిపాసా బసు పుట్టినరోజు. ఈ సందర్భంగా తన భర్తతో కలిసి మాల్దీవుల్లో సేదతీరుతోంది. ఈ క్రమంలో అక్కడి బీచ్‌లో ఎంజాయ్‌ చేస్తోన్న ఫొటోల్ని ఇన్‌స్టాలో పంచుకుందీ లవ్లీ బ్యూటీ. వీటితో పాటు తను గతంలో వివిధ సందర్భాల్లో ఇన్‌స్టాగ్రామ్‌లో షేర్‌ చేసిన కొన్ని ఆసక్తికర పోస్టులు, వాటికి ఆమె ఇచ్చిన క్యాప్షన్స్‌ మీకోసం...

విజయ్‌ దేవరకొండ..ప్రస్తుతం తెలుగు చిత్ర పరిశ్రమతో పాటు కోలీవుడ్‌, బాలీవుడ్‌లో ఎక్కువగా వినిపిస్తున్న పేరు. చేసింది తక్కువ సినిమాలే అయినా..తనదైన నటన, స్టైల్‌, మేనరిజమ్స్‌తో ఇట్టే ఆకట్టుకుంటున్నాడీ యంగ్‌ హీరో. ‘పెళ్లి చూపులు’, ‘అర్జున్‌ రెడ్డి’, ‘గీత గోవిందం’, ‘ట్యాక్సీవాలా’, ‘డియర్‌ కామ్రేడ్‌’ సినిమాల తర్వాత ఈ క్రేజీ స్టార్‌ నటిస్తున్న తాజా చిత్రం ‘వరల్డ్‌ ఫేమస్‌ లవర్‌’. ఇంతకు ముందు ‘మళ్లీ మళ్లీ ఇది రాని రోజు’ వంటి క్లాసిక్‌ లవ్‌స్టోరీని తెరకెక్కించిన క్రాంతి మాధవ్‌ ఈ సినిమాకు దర్శకుడు. రాశీ ఖన్నా, ఐశ్వర్యారాజేష్‌, కేథరిన్‌, ఇజాబెల్‌ వంటి నలుగురు హీరోయిన్లు విజయ్‌ పక్కన ఆడిపాడనున్నారు. దీంతో షూటింగ్‌ ప్రారంభం నుంచే ఆసక్తిని రేకెత్తించిందీ సినిమా. కొద్ది రోజుల క్రితం నలుగురు హీరోయిన్లను పరిచయం చేస్తూ వరుసగా నాలుగు పోస్టర్లు విడుదలవ్వడంతో ఆ ఆసక్తి మరింతగా పెరిగింది. ఇక తాజాగా సినిమా అభిమానులు ఎంతగానో ఎదురుచూస్తున్న ‘వరల్డ్‌ ఫేమస్‌ లవర్‌’ టీజర్‌ను కూడా రిలీజ్‌ చేసిందీ చిత్ర బృందం.

ప్రతి ఏటా సినీ పరిశ్రమ కొత్త నటీనటుల్ని మనకు పరిచయం చేయడం కామన్‌. అందులో సెలబ్రిటీల కుటుంబం నుంచి వచ్చిన వాళ్లు కొంతమందైతే, ఎలాంటి సినీ నేపథ్యం లేకుండా వెండితెరపై ఎంట్రీ ఇచ్చే వారు మరికొందరుంటారు. ఈ క్రమంలోనే ఇప్పటికే అతిలోక సుందరి శ్రీదేవి తనయ జాన్వీ కపూర్‌, పటౌడీ ప్రిన్సెస్‌ సారా అలీఖాన్‌.. వంటి స్టార్‌ కిడ్స్‌ చక్కటి నటనతో ప్రేక్షకుల మన్ననలందుకోగా.. వారి దారిలోనే నడుస్తూ గతేడాది కూడా సినీ నేపథ్యం ఉన్న కుటుంబం నుంచి కొందరు ముద్దుగుమ్మలు సిల్వర్‌ స్క్రీన్‌కి హాయ్‌ చెప్పారు. మరి, అలా 2019లో వెండితెరపై అడుగుపెట్టి తమ నటప్రతిభను చాటుకున్న స్టార్‌ కిడ్స్‌ ఎవరు? వారు నటించిన సినిమా విశేషాలేంటి? రండి.. తెలుసుకుందాం..