scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'బావే నమ్మించి మోసం చేశాడు..!'

'మన దేశంలో మహిళల భద్రత కోసం ఎన్ని చట్టాలు రూపొందించినా లైంగిక వేధింపులు ఎదుర్కొనే అమ్మాయిల సంఖ్య అంతకంతకూ పెరుగుతూనే ఉంది. ఈ బాధితుల్లో చిన్నపిల్లలు కూడా ఉండడం చింతించాల్సిన విషయం. అంతకంటే దౌర్భాగ్యం ఏంటంటే.. అసలు తాము వేధింపులకు గురవుతున్నట్లు కూడా ఆ చిన్న వయసులో కొందరికి తెలియకపోవడం! ఫలితంగా పురుషుల్లో ఎవరిని నమ్మాలన్నా మనసులో భయం గూడుకట్టుకొని పోతోంది. సరిగ్గా ఇలాంటి పరిస్థితుల నుంచే బయటపడిన ఓ అమ్మాయి యుక్తవయసుకు వచ్చిన తర్వాత మరొక అబ్బాయిని నమ్మింది. గాఢంగా ప్రేమించింది.. కానీ అతడు కూడా ఆమెను వంచించాడు. ఇలాంటి పరిస్థితుల్లో ఆమె ఏం చేసింది? ఎలాంటి నిర్ణయం తీసుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..'

Know More

Movie Masala

 
category logo

రెండు క్లోజప్‌లు తీసి మొహంలో కళ లేదన్నారు!

Nireekshana Fame  Archana In Alitho Saradaga Chat Show

‘ఆకాశం ఏనాటిదో...అనురాగం ఆనాటిది’ అంటూ ‘నిరీక్షణ’ సినిమాలో భానుచందర్‌తో కలిసి ఆడిపాడారు అర్చన. ఆ సినిమాలో మాటల్లో చలాకీ తనం, చూపుల్లో అమాయకత్వం కలగలిపిన గిరిజన యువతి పాత్రలో నటించి తెలుగు ప్రేక్షకులను మంత్రముగ్ధుల్ని చేశారామె. ఆ తర్వాత ‘లేడీస్ టైలర్‌’, ‘మట్టి మనుషులు’, ‘దాసి’, ‘భారత్‌ బంద్‌’.. లాంటి విభిన్న కథా చిత్రాల్లో నటించి తనకంటూ ఓ ప్రత్యేక గుర్తింపు తెచ్చుకున్నారు. రంగు తక్కువ అంటూ తొలినాళ్లలో నటిగా తిరస్కరణకు గురైన ఆమె... వరుసగా రెండు సార్లు జాతీయ అవార్డు అందుకున్నారు. చాలా కాలంగా సినీ పరిశ్రమకు దూరంగా ఉంటున్న ఈ అందాల తార సుమారు పాతికేళ్ల తర్వాత తెలుగు ప్రేక్షకులను పలకరించడానికి కెమెరా ముందుకొచ్చారు. ఈ సందర్భంగా ‘ఆలీతో సరదాగా’ కార్యక్రమంలో పాల్గొని తన వ్యక్తిగత, వృత్తిపరమైన జీవితానికి సంబంధించి ఎన్నో ఆసక్తికరమైన విషయాలను సరదాగా షేర్‌ చేసుకున్నారు అర్చన.

alithoarchana650-6.jpg
ఆలీ: తెరకు దూరం కావడానికి కారణమేమిటి?
అర్చన: ఈ ఆర్టిస్ట్‌తోనే, ఇలాంటి సినిమాలే చేయాలనే ఆలోచన ఉన్న దర్శకులు నాకు దొరికారు. అలాంటి కథలు నా దగ్గరకు వచ్చాయి. ఒక స్టేజ్‌ తర్వాత అలాంటి పాత్రలు కొంతమేర కనుమరుగయ్యాయి. నేను చేసే పాత్రలు చాలా తక్కువగా వచ్చాయి. అలా నేనూ దూరమయ్యాను.
ఆలీ: కమర్షియల్‌ సినిమాల్లో మీకు అవకాశాలు వచ్చాయా?
అర్చన: కమర్షియల్‌ కథలు చేయమని నాకు ఆఫర్స్‌ వచ్చాయి. బాడీ లాంగ్వేజ్‌, మనస్తత్వానికి చక్కగా నప్పే సినిమాలు వస్తే అప్పట్లో నటించాను. సినీ రంగంలోకి వచ్చిన తొలినాళ్లలో అన్ని సినిమాల్లోనూ నటించొచ్చు. కానీ ఒక గుర్తింపు వచ్చాక మనం ఒక బ్రాండ్‌ అవుతాం. అప్పుడు ఒక ఛాయిస్‌ ఉంటుంది. అలా నాకు నచ్చిన సినిమాలే ఎంచుకున్నాను.
ఆలీ: పాతికేళ్లు ఏమైపోయారు?
అర్చన: గొప్ప గొప్ప దర్శకుల సినిమాల్లో నటించాను. నా సినిమాలు నాకు సంతృప్తినిచ్చాయి. ఐదారు భాషల్లో నటించాను. కొవిడ్‌ లేకపోయి ఉండుంటే నేను నటించిన ఏదో ఒక చిత్రం అమెరికా, లండన్‌ లాంటి ప్రాంతాల్లో నిర్వహించే ఫిల్మ్‌ ఫెస్టివల్స్‌లో ప్రదర్శితం అవుతూ ఉంటుంది. నేను నటించిన తెలుగు, తమిళ, కన్నడ, మలయాళ భాషల్లోని ఎన్నో సినిమాలు ఇప్పటికీ ఆయా ఫెస్టివల్స్‌లో ప్రదర్శిస్తున్నారు. నటిగా నాకు ఇంతకంటే భాగ్యం మరొకటి లేదు.
ఆలీ: విదేశాల్లో మీ సినిమా ప్రదర్శనలు జరిగిన ఫెస్టివల్స్‌కి మీరు వెళ్లారా?
అర్చన: కేంద్ర ప్రభుత్వం ప్రత్యేకంగా నన్ను ముఖ్య అతిథిగా అలాంటి ఫెస్టివల్స్‌కు పంపించింది. కళాకారులకు మన దేశం ఇస్తున్న గౌరవం అది. అలా హంగేరీకి వెళ్లాను. శ్రీలంకలో ఓ ఫెస్టివల్‌ను కూడా ప్రారంభించాను.
ఆలీ: జాతీయ చలన చిత్ర అవార్డుల జ్యూరీలో మీరు సభ్యురాలు కదా?
అర్చన: దక్షిణాదికి చెందిన వాళ్లని జ్యూరీ మెంబర్‌గా ఎన్నుకోవడం గౌరవం. దానిని నేను గౌరవం కంటే మించిన బాధ్యతగా భావిస్తున్నాను. అదొక ప్రభుత్వ ఉద్యోగంగా భావించి, ఫెస్టివల్‌కి వెళ్లి పని చేశాను. ఆ అవకాశం రావడం నా అదృష్టం.
ఆలీ: తెలుగు కుటుంబానికి చెందిన అర్చన.. తమిళ అమ్మాయిగా ఎలా మారింది?
అర్చన: మాది ఆంధ్రప్రదేశ్‌లోని విజయవాడ పరిసర ప్రాంతాల్లోని ఓ ఊరు. నేను 11 నెలల బిడ్డగా ఉన్నప్పుడు మా కుటుంబం తమిళనాడుకి వలస వెళ్లింది. నేను పెరిగింది, చదువు పూర్తి చేసుకున్నది అంతా తమిళనాడులోనే! కాకపోతే అమ్మ తెలుగు మాట్లాడడం నేర్పించింది.
ఆలీ: మీ అసలు పేరు ఏమిటి?
అర్చన: నా అసలు పేరు సుధ. నేను ఇండస్ట్రీలోకి వచ్చే సమయానికి సుధ పేరుతో చాలామంది నటీమణులున్నారు. ముఖ్యంగా జయసుధ అక్క. ఆమె సినిమాలు చూసి ఎంతోమంది నటన నేర్చుకున్నారు. సుధ అనే పేరుతో గొప్ప నటీమణి ఉన్నప్పుడు, అదే పేరుతో ఎందుకు సినిమాల్లో చేయడం అని నా మనసుకు అనిపించింది. ఆ తర్వాత నా గురువు బాలుమహేంద్ర గారితో మాట్లాడి.. ‘అర్చన’గా ప్రేక్షకులకు పరిచయమయ్యాను.

alithoarchana650-1.jpg
ఆలీ: కథానాయికగా మీ మొదటి సినిమా?
అర్చన: ‘నిరీక్షణ’. ఆ సినిమా కంటే ముందు కొన్ని సినిమాల్లో చిన్న చిన్న పాత్రలు పోషించాను. కానీ హీరోయిన్‌గా నటించింది, మేజర్‌ రోల్‌ పోషించింది మాత్రం ‘నిరీక్షణ’లోనే! అందుకే ఆ సినిమా గురించి ఎక్కువగా మాట్లాడుతుంటాను.
ఆలీ: ‘నిరీక్షణ’లో హీరోయిన్‌గా మిమ్మల్నే ఎంచుకోవడానికి గల కారణమేమిటి?
అర్చన: నా గురువు బాలుమహేంద్ర గారే ‘నిరీక్షణ’ చిత్రానికి దర్శకత్వం వహించారు. ఆ సినిమాకు ముందు ఆయనే నన్ను తమిళ సినిమా ద్వారా వెండితెరకు మొదట పరిచయం చేశారు. ఆయన ‘నిరీక్షణ’ తెరకెక్కించాలని అనుకుంటున్నప్పుడు గిరిజన యువతి పాత్రలో నటించడానికి నేను సరిపోతానని భావించి నాకు ఆ పాత్ర ఇచ్చారు.

alithoarchana650-4.jpg
ఆలీ: గ్లామర్ రంగంలో గిరిజన యువతిగా పాత్రలు పోషించడం కష్టమే కదా?
అర్చన: అలాంటి సమయంలో ఆ పాత్రను పూర్తిగా అర్థం చేసుకుని.. గిరిజన యువతి పాత్రలో నటించడం సాహసమనే చెప్పాలి. నేను ఆ పాత్రకు అంగీకరించినప్పుడు అందరూ ఆశ్చర్యపోయారు. నేను నా దర్శకుణ్ని నమ్మాను. ఎందుకంటే ఆయన చిత్రీకరించిన ఏ సినిమాలోనూ అశ్లీలత ఉండదు, గ్లామర్‌ అనేది ఉండదు. అందుకే ఏమీ ఆలోచించకుండా అందులో నటించాను. ఆ సినిమా విజయవంతమైంది. నా ఆలోచన కూడా సక్సెస్ అయ్యింది.
ఆలీ: మీరు సినిమాలు చూడరా?(నవ్వులు)
అర్చన: సినిమాలు ఎక్కువగా చూస్తాను. కానీ నా సినిమాలు నేను పెద్దగా చూడను. ఏ భాషలోనైనా మంచి సినిమాలు విడుదలైతే చూస్తాను. ‘మహానటి’, ‘జనతా గ్యారేజ్‌’.. ఈ మధ్య కాలంలో ఈ రెండు చిత్రాలు నాకు బాగా నచ్చాయి.
ఆలీ: ఈతరం హీరోల్లో తెలుగులో ఏ హీరో నటన మీకు బాగా నచ్చింది?
అర్చన: ‘జనతా గ్యారేజ్‌’ చూసినప్పుడు నాకు తారక్‌ నటన బాగా నచ్చింది. మోహన్‌లాల్‌ లాంటి పెద్ద నటుడికి.. ఆయన స్పేస్‌ ఆయనకు ఇచ్చి, ఈయన స్పేస్‌ ఈయన తీసుకొని నటించడం అనేది పెద్ద ఛాలెంజ్‌. తెలుగులో ఇంత మంచి చిత్రాలు వస్తున్నందుకు నేను చాలా సంతోషించాను.

alithoarchana650-3.jpg
ఆలీ: మీరు వద్దనుకున్న తెలుగు చిత్రాలు ఏమైనా ఉన్నాయా?
అర్చన: చాలా ఉన్నాయి. కానీ ఎవరిన్నీ బాధపెట్టడం ఇష్టం లేదు, అందుకే చెప్పను. నా దర్శకులు నా కోసం ఎంతో అందమైన స్క్రిప్ట్స్‌ రాసి, నా చేత నటింపజేసి నాకొక పెద్ద గుర్తింపు తీసుకొచ్చి నా చేతుల్లో పెట్టారు. ఆ ఇమేజ్‌ని నేనే బ్రేక్‌ చేయకూడదు కదా. నన్ను ఈ స్థాయికి తీసుకురావడానికి నా దర్శకులు ఎంత కష్టపడుంటారు. నన్ను బాలుమహేంద్ర గారు చిత్ర పరిశ్రమకు పరిచయం చేసేటప్పటికీ నేను తిరస్కారానికి గురైన నటిని. అలాంటి నన్ను ప్రేక్షకుల ముందుకు తీసుకొచ్చి, నిలబెట్టారు. అతికొద్ది సమయంలో నాకు రెండు సార్లు జాతీయ అవార్డు లభించింది. అందుకే మంచి చిత్రాలు వస్తే చేయాలి తప్ప ఈ కీర్తిని పాడుచేసుకోకూడదు అని నా మనసుకు అనిపించింది.
ఆలీ: మిమ్మల్ని తిరస్కరించిన చిత్రాలు ఏవి?
అర్చన: ‘కొత్త అమ్మాయి, సినిమాకే పనికిరాదు, రెండు క్లోజ్‌అప్‌లు తీసిన వెంటనే.. మొహంలో కళ లేదు, మొహమే పనికిరాదు’ అని నన్ను తిరస్కరించారు. అప్పుడు బాలు మహేంద్ర గారు నన్ను సినీ పరిశ్రమకు పరిచయం చేశారు. అప్పటికి ఆయన భారతీయ చలనచిత్ర రంగంలో గొప్ప సినిమాటోగ్రాఫర్‌, ఫిల్మ్‌మేకర్‌. పరిశ్రమలో హీరోకి, నటుడికి, హీరోయిన్‌కి, రైటర్‌కు క్లాప్స్‌ కొడతారు. కానీ ఓ సినిమాటోగ్రాఫర్‌కి క్లాప్స్ కొట్టిన ఘనత బాలుమహేంద్రగారికి మాత్రమే దక్కింది. అలాంటి గొప్ప సినిమాటోగ్రాఫర్‌, దర్శకుడు నన్ను పరిచయం చేశారు.

alithoarchana650-7.jpg
ఆలీ: బాలుమహేంద్ర దర్శకత్వంలో మీరు ఎన్ని చిత్రాల్లో నటించారు?
అర్చన: దగ్గరదగ్గరగా ఐదు చిత్రాలు చేశాను. తెలుగు, తమిళ భాషల్లో నటించాను. హిందీలోనూ చేశాను. షాజీ.ఎన్.‌కరున్‌ దర్శకత్వంలో ‘నిషాద్‌‌’ అనే సినిమా చేశాను. ఆయన పద్మశ్రీ గ్రహీత, గొప్ప సినిమాటోగ్రాఫర్‌, దర్శకుడు.
ఆలీ: మీకు చిత్రాల్లో ప్రయోగాలు చేయడమంటే ఇష్టమా?
అర్చన: ‘సంధ్యారాగం’లో తొమ్మిది నెలల గర్భిణిగా సినిమా అంతటా కనిపించాను. నాకు ప్రయోగాత్మక సినిమాలంటే చాలా ఇష్టం. వాస్తవానికి దగ్గరగా ఉండే చిత్రాలు చేయడమంటే మక్కువ చూపుతాను. ఎందుకంటే నేను మధ్య తరగతి కుటుంబం నుంచి వచ్చిన అమ్మాయిని. అందుకే నన్ను పక్కింటి అమ్మాయిలా చూసేవారు. దానివల్ల మిగిలిన వారి కంటే నాకు ప్రత్యేక గుర్తింపు వచ్చింది.
ఆలీ: మీరు నటించిన ‘దాసి’ చిత్రానికి ఐదు జాతీయ అవార్డులు వచ్చినప్పుడు మీకెలా అనిపించింది?
అర్చన: భారతీయ చలనచిత్ర రంగంలో ఒక గొప్ప చరిత్రను సృష్టించింది ‘దాసి’. ఆ సినిమాకు ఐదు పురస్కారాలు వచ్చాయి. అది దర్శకుడు బి.నర్సింగరావు గారి అంకితభావం. ఈ చిత్రంతో మమ్మల్ని ఆయన ఉన్నత స్థానంలో నిలిపారు.
ఆలీ: వరుస సంవత్సరాల్లో మీకు జాతీయ అవార్డులు వచ్చాయి. ఇంతవరకు మీ చరిత్రను ఎవరూ తిరగరాయలేదా?
అర్చన: ఒకటికి మించి జాతీయ పురస్కారాలు తీసుకున్న వారు ఉన్నారు. కానీ వరుస సంవత్సరాల్లో తీసుకున్నవాళ్లు లేరు. నేను 1988, 1989లో రెండు వరుస సంవత్సరాల్లో జాతీయ అవార్డులు అందుకున్నాను.

alithoarchana650-8.jpg
ఆలీ: ఫిల్మ్‌ఫేర్‌ అవార్డుల్లో నుంచి బెస్ట్‌ కమెడియన్‌ అవార్డు తొలగించారు. దీనికి మీరేమంటారు?
అర్చన: ఈ విషయమై నేను కచ్చితంగా మాట్లాడతాను. ఒక గంభీరమైన పాత్రలు చేయడం ఎంతో సులభం. కానీ, కామెడీ చేయడం చాలా కష్టం. నవ్వులు పంచడమనేది సాధారణ విషయం కాదు. అందుకే నేను అందరు కమెడియన్లను ఎంతో గౌరవిస్తాను.
ఆలీ: జాతీయ అవార్డు కమిటీ జ్యూరీలో నుంచి ఎందుకు మీరు వెళ్లిపోవాలనుకున్నారు?
అర్చన: కమిటీ జ్యూరీలో భాగంగా అగ్రిమెంట్‌ ఇచ్చాను. ఇక ఏం జరిగినా వెనుకడగు వేయకూడదు. నేనున్న కమిటీకి ఒక థియేటర్‌ ఇచ్చారు, అక్కడకు వెళ్లి చూసేటప్పటికీ చాలా చిన్నదిగా, అస్సలు బాగోలేదు. ఏ మాత్రం నాణ్యత లేదు. అలాంటి థియేటర్‌లో సినిమా చూసి దాని గురించి ఎలా చెప్పగలం అనిపించింది. ‘ఇదేనా థియేటర్‌. ఇందులో నేను చూడను’ అని అన్నాను. దానికి వాళ్లు ‘మేం ఏం చేయలేం’ అన్నారు. దాంతో నేను ‘చెన్నైకి నాకు టికెట్‌ కావాలి’ అన్నాను. ‘జ్యూరీ సభ్యురాలు కావడం నాకు గౌరవంగా కాదు.. బాధ్యతగా భావిస్తున్నాను’ అని చెప్పాను. వెంటనే జ్యూరీ ఛైర్‌ పర్సన్‌ వచ్చి మరొక థియేటర్‌కి మార్చారు. తర్వాత నన్ను వాళ్లు చక్కగా అర్థం చేసుకున్నారు.
ఆలీ: ‘నిరీక్షణ’లో భానుచందర్‌తో కలిసి నటించిన అనుభూతి ఎలా ఉండేది?
అర్చన: భానుచందర్‌తోనే నా కెరీర్‌ మొదలుపెట్టాను. తమిళంలో నా మొదటి చిత్రం ఆయనతోనే చేశాను. నాకు రెండోసారి జాతీయ అవార్డు వచ్చింది ఆయనతో నటించిన సినిమాలోనే. తర్వాత అతనితో నటించిన ‘నిరీక్షణ’లో నాకు స్పెషల్‌ జ్యూరీ అవార్డు వచ్చింది. ఒక్క మాటలో చెప్పాలంటే ఆయన నాకు అన్నయ్య. మా మధ్య పెద్ద పెద్ద గొడవలు జరుగుతాయి. కానీ రెండో రోజుకే కాంప్రమైజ్‌ అయిపోతాం. అంత లైవ్లీ, లవ్లీ రిలేషన్‌షిప్‌ మాది. మా మధ్య మధ్యవర్తి బాలుమహేంద్ర గారు. గొడవలు వచ్చినప్పుడు మా ఇద్దరి మధ్య సంది కుదిర్చేది ఆయనే.
ఆలీ: మీ కలర్‌ మీకు ప్లస్సా? మైనస్సా?
అర్చన: కలర్‌ విషయంలో మైనస్‌ అనే మాటకు అసలు అర్థమే లేదు. మనం భారతీయులం, ద్రవిడులం.. మన ఐడెంటిటీయే డార్క్‌. అందుకే నేను ఎప్పుడూ రంగును మైనస్‌ అనుకోలేదు. ఒక తెలుపు రంగు ఛాయ ఉన్న అమ్మాయి మంచి నటి అవుతుంది. అదే ఒక ఛాయ తక్కువ అమ్మాయి కెమెరా ముందుకు వస్తే కెమెరామెన్‌లకు లడ్డూలు తింటున్నట్టు ఉంటుంది. వాళ్లు ఆ డార్క్‌‌ని ఎలా కావాలంటే అలా మలచుకోవచ్చు. గొప్ప నటులందరూ ఛాయ తక్కువవారే. నా రంగు విషయంలో నేను చాలా గర్వపడుతున్నాను.
ఆలీ: బాలుమహేంద్రగారికి మీరు ఎక్కడ కనిపించారు. ఆయన మిమ్మల్ని ఎలా చూశారు?
అర్చన: ఫిల్మ్‌ ఇన్‌స్టిట్యూట్‌లో నేను సంవత్సరం పాటు యాక్టింగ్ కోర్సులో చేశాను. అక్కడికి అమెరికన్‌ దర్శకుడు విలియమ్‌ బ్రీవ్స్‌ వచ్చారు. అక్కడ నేను, నాజర్‌ కలసి ఓ ప్రదర్శన చేశాం. అందులో మా నటనను చూసి మెచ్చి, నాకు భారతీయ దర్శకుడు ఒకరు తెలుసు అని ఆయన దగ్గరికి తీసుకెళ్లారు. అలా నేను బాలుమహేంద్రను కలిశాను.

alithoarchana650-2.jpg
ఆలీ: మీలో ఉన్న డ్యాన్సర్‌ను చలనచిత్ర పరిశ్రమ ఉపయోగించుకుందా?
అర్చన: డ్యాన్స్‌కు ప్రాధాన్యమున్న పాత్ర చేయలేదనే కొరత నాకు అలాగే ఉండిపోయింది.
ఆలీ: 25 ఏళ్ల తరువాత మీరు ఒక పెద్ద తెలుగు చిత్రం ఒప్పుకున్నారని విన్నాను... నిజమేనా?
అర్చన: అవును ఓ సినిమా ఒప్పుకున్నాను. అంతేకాదు 25 ఏళ్ల తరువాత తొలిసారి నేను హైదరాబాద్‌ వచ్చాను. 25 ఏళ్ల తరువాత ఇదే నా మొదటి ఇంటర్వ్యూ. ఆ సినిమా గురించి మేనేజర్‌ చలపతి నా వెంటపడి మరీ కథ వినడానికి ఒప్పించాడు. దర్శకుడు స్క్రిప్ట్‌ చెప్పాక చాలా బాగుందనిపించింది. ఈ మధ్య కాలంలో అంతమంచి కథ ఏ భాషలోనూ వినలేదు. దాంతో పాటు ఆ దర్శకుడి యాటిట్యూడ్‌ కూడా నచ్చింది. ఆ తర్వాత నిర్మాత గురించి కూడా విన్నాను. తెలుగు పరిశ్రమలో చాలా ముఖ్యమైన నిర్మాత. కొవిడ్ తర్వాత ఎప్పుడు సినిమా మొదలైనా, నేను ఎక్కడున్నా, ఎంత దూరంలో ఉన్నా ఆ సినిమా చేస్తాను. అది నా బాధ్యత.. దానికి నేను సిద్ధంగా ఉన్నాను. స్క్రిప్ట్‌ మహిమ అది.
ఆలీ: మీ డ్రీమ్‌ రోల్‌ ఏదైనా ఉందా?
అర్చన: శాస్త్రీయ నృత్యం నేపథ్యంలో సినిమా చేయలేకపోయాను అనే బాధ ఉంది. దాంతో పాటు నేను సాధారణ ప్రజలకు దగ్గరగా ఉండే పాత్ర చేయాలనుకుంటున్నాను. సినిమాలో నా పాత్ర చూసి... ఇలాంటి అమ్మాయిని ఎక్కడో చూశాం అనిపించాలి. అలా ప్రతి కుటుంబంలో నేనుండాలి. అలాంటి పాత్రలు చేయాలి.. అంతేకాకుండా నాకు మూగ, చెవుడు ఉన్న అమ్మాయి పాత్ర చేయాలని అనిపిస్తుంటుంది. అలాగే కర్ణాటిక్‌ సింగర్ పాత్ర చేయాలనే డ్రీమ్‌ రోల్‌ ఉంది.
ఆలీ: ఈ షోకే మీకు రావాలని ఎందుకు అనిపించింది?
అర్చన: నాలుగేళ్లుగా మీరు నన్ను ఇంటర్వ్యూకి రమ్మని అడుగుతున్నారు. మీరు షోను హోస్ట్‌ చేస్తున్న విధానం నాకు నచ్చింది. మీకు నటుల విలువ తెలుసు.
అలీ: ‘నిరీక్షణ’ సినిమా చూస్తున్నప్పుడు... మీలో రేఖను చూసుకున్నాను?
అర్చన: ధన్యవాదాలు. రేఖను చూస్తే ఓ దేవతను చూస్తున్నట్లు ఉంటుంది.
ఆలీ: మీ చిత్రాలకు మీరే డబ్బింగ్‌ చెప్పేవారా?
అర్చన: కొన్ని చిత్రాలకు చెప్పాను. కొన్ని చిత్రాలు మనసుకు అతకలేదు. అందుకే చెప్పలేదు.
ఆలీ: తెలుగు చిత్రాల్లో నటించడం మానేయడానికి ఒక చేదు అనుభవం కారణమని అన్నారు. ఏమిటది?
అర్చన: అందులో పెద్దగా నిజం లేదు. కొన్ని పాత్రలు నాకు నచ్చలేదు. ఆత్మాభిమానం నాకు ముఖ్యం. నా విలువ తెలిసిన వాళ్లతో మాత్రమే నేను పనిచేయగలను. 30 సినిమాల్లో నటించాను. అందులో నాకు రెండు సినిమాలు నచ్చాయి. నేనే కాదు... 300 సినిమాలు నటించిన కథానాయికకు కూడా రెండోమూడో సినిమాలే వాళ్ల మనసుకు చాలా దగ్గరగా ఉంటాయి.

ఒక్క మాటలో...
బాలు మహేంద్ర- నా గురువు, మిత్రుడు
నిరీక్షణ - నాకు గుర్తుండిపోయే చిత్రం
భానుచందర్‌- మా అన్నయ్య
నలుపు- నేను
ఇళయరాజా- నా ప్రాణం
ఎస్పీ బాలసుబ్రమణ్యం- మాటలు లేవు
జాతీయ అవార్డు- ఇంకా ఆ నీడలోనే ఉన్నాను, ఆ నీడే నన్ను నిలబెడుతోంది
తెలుగు సినిమా- మంచి సినిమాలు వస్తున్నాయి. ఒక స్టేజీలో వంద సినిమాల్లో పది మాత్రమే మంచి చిత్రాలు.. మిగతావి చెప్పలేం అన్నట్టు ఉండేవి. ఇప్పుడు కంటెంట్‌ ఓరియెంటెడ్‌ సినిమాలు బాగానే వస్తున్నాయి.





women icon@teamvasundhara
singer-shreya-ghoshal-announces-first-pregnancy-with-this-adorable-post

నేను అమ్మను కాబోతున్నా!

మహిళలకు అమ్మతనానికి మించి మరే విషయం అమితానందాన్ని ఇవ్వదు. అందుకే వైవాహిక బంధంలోకి అడుగుపెట్టిన మహిళలందరూ ఎప్పుడెప్పుడు అమ్మగా ప్రమోషన్‌ పొందుదామా? అని వేయి కళ్లతో ఎదురు చూస్తుంటారు. ఇక కడుపులో నలుసు పడిందని తెలిసిన మరుక్షణం వారి ఆనందానికి ఆకాశమే హద్దు. ప్రస్తుతం అలాంటి ఆనందాన్నే ఆస్వాదిస్తోంది అందాల సింగర్ శ్రేయాఘోషల్. తన శ్రావ్యమైన స్వరంతో ప్రపంచవ్యాప్తంగా ఎంతోమంది అభిమానులను సొంతం చేసుకున్న ఈ స్టార్‌ సింగర్‌ త్వరలో అమ్మగా ప్రమోషన్‌ పొందనుంది. ఈ మేరకు సోషల్‌ మీడియా వేదికగా ఈ శుభవార్తను అందరితో షేర్‌ చేసుకున్న ఆమెకు ప్రముఖులు, అభిమానులు, నెటిజన్ల నుంచి అభినందనలు వెల్లువెత్తుతున్నాయి.

Know More

women icon@teamvasundhara
jayasudha-latest-grey-hair-look-goes-viral-on-social-media

మా ‘సహజ నటి’ ఎందుకిలా మారిపోయారు?

జయసుధ... నాలుగున్నర దశాబ్దాలుగా సినీ కళామతల్లికి సేవలు అందిస్తున్న ఈమె గురించి ప్రత్యేక పరిచయం అవసరం లేదు. అలనాడు కథానాయికగా కుర్రకారు మనసులు దోచుకున్న ఆమె... నేడు మోడ్రన్‌ మదర్‌గా వైవిధ్యమైన పాత్రల్లో మెప్పిస్తున్నారు. ఇలా తన అందం, అభినయంతో తెలుగు ప్రేక్షకుల మదిలో ‘సహజనటి’గా సుస్థిర స్థానం సంపాదించుకున్న జయసుధ చివరిగా రెండేళ్ల క్రితం ‘రూలర్‌’ సినిమాలో నటించారు. ఆ సినిమా తర్వాత ఎక్కడా కనిపించని ఆమె చాలా రోజుల తర్వాత మన ముందుకొచ్చారు. ఇందులో భాగంగా ‘జానకి కలగనలేదు’ అనే సీరియల్‌ బృందానికి అభినందనలు తెలుపుతూ సోషల్‌ మీడియాలో ఓ వీడియోను రిలీజ్‌ చేశారీ అందాల తార.

Know More

women icon@teamvasundhara
richa-gangopadhyay-announces-pregnancy-on-social-media

మా బార్బీ డాల్ కోసం ఎంతో ఆతృతగా ఎదురు చూస్తున్నాం!

అమ్మతనం మాటలకందని అనుభూతినిస్తుంది. కడుపులో నలుసు పడిన క్షణం మొదలు ప్రసవం అయ్యేంత వరకు ప్రతి క్షణం పుట్టబోయే బిడ్డ గురించే ఆలోచిస్తుంటుంది అమ్మ మనసు. ఎప్పుడెప్పుడు తన చిన్నారిని చేతుల్లోకి తీసుకుందామా అని ఎదురుచూస్తూ మాతృత్వంలోని మధురిమలను ఆస్వాదిస్తుంటుంది. ప్రస్తుతం అలాంటి మధురానుభూతుల్లోనే తేలియాడుతోంది రిచా గంగోపాధ్యాయ్‌. ‘మిర్చి’ సినిమాలోని ‘మానస’ పాత్రతో కుర్రకారు మనసులు కొల్లగొట్టిన ఈ అందాల తార త్వరలోనే అమ్మగా ప్రమోషన్‌ పొందనుంది. ఈ మేరకు సోషల్‌ మీడియా ద్వారా తను తల్లి కాబోతున్న శుభవార్తను అందరితో షేర్‌ చేసుకుని మురిసిపోయిందీ ముద్దుగుమ్మ.

Know More

women icon@teamvasundhara
sreemukhi-chitchat-with-fans-in-instagram-in-telugu

నా బాయ్ ఫ్రెండ్ పేరు ఏంటంటే...!

శ్రీముఖి... తెలుగు ప్రేక్షకులకు ప్రత్యేక పరిచయం అవసరం లేని పేరు. బుల్లితెరపై తనదైన స్టైల్‌, మ్యానరిజమ్స్‌తో ఇట్టే ఆకట్టుకునే ఈ అందాల తార ..‘నేను శైలజ’, ‘జులాయి’ తదితర హిట్ సినిమాలతో వెండితెర ప్రేక్షకులను కూడా మెప్పించింది. ఇక బిగ్‌బాస్‌-3 రియాల్టీ షోలో రన్నరప్‌గా నిలిచి అమితమైన క్రేజ్‌ను సొంతం చేసుకున్న శ్రీ ప్రస్తుతం పలు టీవీ షోలు, కార్యక్రమాలతో బిజీబిజీగా ఉంటోంది. సోషల్‌ మీడియాలోనూ చురుగ్గా ఉండే ఈ భామ... తన వృత్తిగత, వ్యక్తిగత విషయాలను ఎప్పటికప్పుడు అందులో పోస్ట్‌ చేస్తుంటుంది. ఈ క్రమంలో తాజాగా ఇన్‌స్టాగ్రామ్‌ వేదికగా ‘Post A Picture of’! Or ‘Ask Me Anything’ పేరుతో తన అభిమానులతో ముచ్చటించింది. ఈ సందర్భంగా తన కుటుంబ సభ్యులు, పలువురు ప్రముఖులతో దిగిన ఫొటోలతో పాటు ఫ్యాన్స్ అడిగిన పలు ప్రశ్నలకు సరదాగా సమాధానాలిచ్చింది.

Know More

women icon@teamvasundhara
mira-rajput-held-an-ask-me-anything-session-on-instagram-and-answered-multiple-questions-about-her-life-marriage-and-more

షాహిద్‌ కాదు.. అతడే నా ఆల్‌టైమ్‌ క్రష్!

మన జీవితంలో మనకు ఇష్టమైన వాళ్లు ఎంతమంది ఉన్నా.. తొలిచూపులోనే మన మనసు దోచుకున్న వాళ్లు (క్రష్‌) మాత్రం ఒక్కరే ఉంటారు. ఈ ప్రశ్నకు సమాధానం తన భర్త షాహిద్‌ మాత్రం కాదంటోంది మీరా రాజ్‌పుత్‌. బాలీవుడ్‌ హ్యాండ్‌సమ్‌ హీరో షాహిద్‌ కపూర్‌ భార్యగానే కాదు.. తనదైన ఫ్యాషన్‌ సెన్స్‌తో సోషల్‌ మీడియాలో క్రేజ్‌ సంపాదించుకుందీ ముద్దుగుమ్మ. భర్త, పిల్లలు, కుటుంబ బాధ్యతలతో తానెంత బిజీగా ఉన్నప్పటికీ సోషల్‌ మీడియాలో తన ఫ్యాన్స్‌కు అనుక్షణం టచ్‌లోనే ఉంటుందీ అందాల అమ్మ. అంతేనా.. వీలు చిక్కినప్పుడల్లా వారితో ముచ్చటిస్తుంటుంది కూడా! అలా తాజాగా ఇన్‌స్టాలో ‘ఆస్క్‌ మీ ఎనీథింగ్‌’ సెషన్‌ నిర్వహించింది మీరా. ఈ క్రమంలో తన భర్త, పిల్లలు, బ్యూటీ సీక్రెట్స్‌, ఫిట్‌నెస్‌.. వంటి బోలెడన్ని విషయాలతో పాటు తన క్రష్‌ ఎవరో కూడా చెప్పుకొచ్చింది. మరి, ఆ విశేషాలేంటో మనమూ తెలుసుకుందాం రండి..

Know More

women icon@teamvasundhara
interesting-facts-about-big-boss-14-winner-rubina-dilaik-in-telugu

మన ‘ఛోటీ బహూ’ బిగ్‌బాస్‌ విన్నరైంది!

బిగ్‌బాస్‌.. ఈ టీవీ కార్యక్రమానికి ఉన్న పాపులారిటీ, ప్రత్యేకతే వేరు! వివిధ భాషల్లో ప్రసారమవుతోన్న ఈ షోకు విపరీతమైన జనాదరణ ఉంది. ఏటా ఓ సీజన్‌తో మన ముందుకొస్తోన్న ఈ టీవీ షో.. ఏ భాషలో ప్రసారమైనప్పటికీ అందరి కళ్లూ విజేత ఎవరవుతారన్న ఆతృతతోనే ఎదురుచూస్తుంటాయి. అలా ఈసారి హిందీ బిగ్‌బాస్‌-14 విజేతగా నిలిచింది టీవీ నటి రుబీనా దిలాయిక్‌. ప్రపంచంతో సంబంధం లేకుండా 143 రోజుల పాటు బిగ్‌బాస్ హౌస్లో గడిపిన ఆమె.. తన పెర్ఫార్మెన్స్‌తో ఇతర కంటెస్టెంట్స్కి గట్టి పోటీ ఇచ్చింది. అందుకే ఈ సీజన్‌ విజేతగా నిలిచి ట్రోఫీతో పాటు రూ. 36 లక్షల నగదు బహుమతిని సొంతం చేసుకుంది. మరి, షో ఆద్యంతం తన క్యూట్‌ ఎక్స్‌ప్రెషన్స్‌తో, పోటీతత్వంతో అలరించిన రుబీనా గురించి కొన్ని ఆసక్తికర విశేషాలు తెలుసుకుందాం రండి..

Know More

women icon@teamvasundhara
alitho-saradaga-special-chat-show-with-srilakshmi-and-hema

అందుకే... నాకు కష్టమొస్తే గోడకు చెప్పుకుంటున్నా!

వారు తమ నటనతో వెండితెరపై నవ్వుల పువ్వులు పండించారు. తమకే సాధ్యమైన మేనరిజమ్స్‌తో, డైలాగులతో ప్రేక్షకుల మదిని దోచారు. కామెడీ నుంచి క్యారక్టర్‌ ఆర్టిస్టు దాకా ఎలాంటి పాత్రలకైనా ప్రాణం పోయగల వారిద్దరే సీనియర్‌ నటీమణులు శ్రీలక్ష్మి, హేమ. సున్నితమైన హాస్యంతో సిల్వర్‌ స్ర్కీన్‌పై తమకంటూ ఓ గుర్తింపు తెచ్చుకున్న వారు ఈటీవీలో ప్రసారమయ్యే ‘ఆలీతో సరదాగా’ తాజా ఎపిసోడ్ లో పాల్గొన్నారు. ఈ సందర్భంగా తమ సినీ కెరీర్‌, ఎదుర్కొన్న ఒడిదొడుకులు, అనందపడ్డ క్షణాలు... ఇలా ఎన్నో అనుభూతులను పంచుకున్నారు. మరి, ఆ సరదా సంగతులేంటో మనమూ తెలుసుకుందాం రండి...

Know More

women icon@teamvasundhara
top-chef-winner-melissa-king-is-proud-of-changing-her-life-style

లేట్‌నైట్ పార్టీలు, మద్యపానంతో నా శరీరాన్ని, మనసును ఎంతో బాధపెట్టా!

మనం తీసుకునే ఆహారం అటు శారీరకంగానే కాదు.. ఇటు మానసికం గానూ ప్రభావం చూపుతుంది. అయితే ప్రస్తుతమున్న యాంత్రిక జీవనంలో చాలామంది ఆరోగ్యకరమైన ఆహారపు అలవాట్లను పాటించడం లేదు. పని ఒత్తిడిలో పడిపోయి కొందరు ఏ అర్ధరాత్రో తింటున్నారు. మరికొందరు సులభంగా దొరుకుతుందనే కారణంతో జంక్‌ఫుడ్‌కు అలవాటుపడుతున్నారు. ఇక లేట్‌ నైట్‌ ప్రోగ్రామ్స్‌, వీకెండ్‌ పార్టీలంటూ ఇంకొందరు ఏది పడితే అది తింటున్నారు. దీంతో తమకు తెలియకుండానే విపరీతంగా బరువు పెరిగిపోతుంటారు. ఈ క్రమంలో ఇలాంటి అనారోగ్యకరమైన ఆహారపు అలవాట్ల కారణంగానే ఒకానొక సమయంలో విపరీతంగా బరువు పెరిగానంటోంది ప్రముఖ అమెరికన్‌ చెఫ్‌ మెలిస్సా కింగ్‌. అనారోగ్యకరమైన లైఫ్‌స్టైల్‌తో లావెక్కిన తన శరీరాన్ని చూసి ఎంతో బాధపడ్డానని చెబుతోంది. ఇక ఇలా బాధపడుతూ కూర్చుంటే ఎలాంటి ఫలితం ఉండదన్న విషయం ఆలస్యంగా గ్రహించినా... అప్పట్నుంచి తన శరీరాన్ని తనకు నచ్చినట్లుగా మార్చుకున్నానంటోంది. ఈ క్రమంలో తన ఫ్యాట్‌ టు ఫిట్‌ జర్నీ గురించి సోషల్ మీడియా వేదికగా అందరితో షేర్‌ చేసుకుందీ అందాల తార.

Know More

women icon@teamvasundhara
meghan-markle-wax-statue-gets-a-baby-bump-after-pregnancy-announcement

women icon@teamvasundhara
meghana-raj-introduces-her-son-to-world-in-telugu

ఇదిగో.. నా జూనియర్‌ చిరు!

భర్తతో పదేళ్ల ప్రేమ బంధం... రెండేళ్ల దాంపత్య బంధానికి ప్రతిరూపంగా కొన్ని నెలల క్రితం పండంటి మగబిడ్డకు జన్మనిచ్చింది నటి మేఘనా రాజ్‌. దీంతో తనను విడిచి వెళ్లిన చిరంజీవే మళ్లీ తన దగ్గరకు వచ్చాడని తెగ సంబరపడిపోయింది. తన భర్త వదిలి వెళ్లిన మధుర జ్ఞాపకాలను కుమారుడిలో చూసుకుంటూ మురిసిపోయింది. ఈ క్రమంలో బిడ్డే సర్వస్వంగా బతుకుతోన్న మేఘన తాజాగా తన రాకుమారుడిని ప్రపంచానికి పరిచయం చేసింది. ఈ క్రమంలో తన భర్త జ్ఞాపకార్థం కుమారుడికి ‘జూనియర్‌ చిరు’ (సింబా) అని నామకరణం చేసినట్లు ఇన్‌స్టా వేదికగా తెలిపింది. ఈ సందర్భంగా తన జీవితంలోని ముఖ్యమైన సంఘటనలతో మేఘన షేర్‌ చేసుకున్న ఓ వీడియో నెటిజన్లను బాగా ఆకట్టుకుంటోంది.

Know More

women icon@teamvasundhara
manya-singh-daughter-of-a-rickshaw-driver-crowned-miss-india-2020-runner-up

చిన్నప్పుడు పాచిపనులు కూడా చేశా.. అందాల రాణి కన్నీటి గాథ!

‘అందాల పోటీల్లో పాల్గొనే అమ్మాయిలందరూ హై క్లాస్ ఫ్యామిలీస్‌ నుంచే వస్తారు. పుట్టుకతోనే స్థితిమంతులైన అలాంటి వారికి సకల సౌకర్యాలకెలాంటి లోటూ ఉండదు’... మోడలింగ్‌ను కెరీర్గా ఎంచుకునే అమ్మాయిల గురించి చాలామంది అనుకునే మాటలివి. అయితే అందరూ అలా ఉండరని, ఈ మెరుపుల వెనుక మాటలకందని కన్నీళ్లు, దిగమింగలేని కష్టాలు కూడా ఉన్నాయంటోంది తాజా మిస్ ఇండియా రన్నరప్‌ మాన్యాసింగ్‌. తెల్లవారితే ఇంట్లో పొయ్యి వెలుగుతుందో లేదో తెలియని ఓ పేద కుటుంబంలో పుట్టిన తానే ఇందుకు నిదర్శనమంటోంది. మరి కటిక పేదరికం నుంచి ప్రతిష్ఠాత్మక అందాల పోటీల దాకా ఆమె సాగించిన విజయ ప్రస్థానం గురించి మనమూ తెలుసుకుందాం రండి...

Know More

women icon@teamvasundhara
lisa-haydon-ropes-in-son-zack-for-pregnancy-announcement-baby-no-3-coming-this-june

ముచ్చటగా మూడోసారి అమ్మను కాబోతున్నా!

అనిర్వచనీయమైన ఆనందాన్నిచ్చే అమ్మతనం ఆడవారికి మాత్రమే దక్కిన గొప్ప వరం. ఎన్నెన్నో సందేహాలు, మది నిండా సంతోషంతో కొత్తగా తల్లయ్యే అమ్మలందరూ తొలిసారి అమ్మతనాన్ని ఆస్వాదిస్తే.. ఇప్పటికే అమ్మగా ప్రమోషన్ పొందిన మహిళలు అటు అనుభవం, ఇటు మాతృత్వపు మాధుర్యం కలగలిసిన ఈ సరికొత్త అనుభూతిని తనివితీరా ఆస్వాదిస్తుంటారు. ప్రస్తుతం ఇలాంటి అంతులేని ఆనందంలోనే మునిగితేలుతోంది బాలీవుడ్‌ అందాల తార లిసా హెడెన్‌. నాలుగేళ్ల క్రితం జాక్‌ అనే పండంటి మగబిడ్డను ప్రసవించిన ఈ ముద్దుగుమ్మ గతేడాది ఫిబ్రవరిలో లియో అనే మరో బాబుకు జన్మనిచ్చింది. ఈ క్రమంలో ముచ్చటగా మూడోసారి తల్లి కాబోతోంది ఈ అందాల అమ్మ. ఈ సందర్భంగా ఓ బ్యూటిఫుల్‌ వీడియోతో తానే స్వయంగా ఈ శుభవార్తను అందరితో షేర్‌ చేసుకుందీ బ్యూటిఫుల్‌ మామ్‌. దీంతో అటు సెలబ్రిటీలు, ఇటు అభిమానుల నుంచి ఆమెకు శుభాకాంక్షలు వెల్లువెత్తుతున్నాయి.

Know More

women icon@teamvasundhara
fashion-designer-manali-jagtap-shares-about-her-cancer-treatment-and-experiences

గుండె రాయి చేసుకున్నా.. క్యాన్సర్‌ను జయించా!

క్యాన్సర్‌.. మందు లేని ఈ మహమ్మారి ఎన్నో ఏళ్లుగా మానవజాతిని పట్టి పీడిస్తోంది. ఆడ, మగ, చిన్నా, పెద్దా అన్న తేడాల్లేకుండా అందరినీ భయపెడుతోంది. అయితే దీనిపై ముందు నుంచీ అవగాహన పెంచుకోవడం, తొలిదశలోనే గుర్తించడం, క్యాన్సర్‌ అంటూ భయపడిపోకుండా సరైన చికిత్సలు తీసుకుని ధైర్యంగా ముందుకు సాగితే దీని నుంచి బయటపడవచ్చు. ఎందరో సెలబ్రిటీలు తమ అనుభవాల ద్వారా ఈ మాటలను అక్షర సత్యం చేశారు. అలాంటివారిలో ప్రముఖ ఫ్యాషన్‌ డిజైనర్‌ మనాలీ జగ్తాప్‌ ఒకరు. రెండేళ్ల క్రితం ప్రమాదకర గర్భాశయ క్యాన్సర్ బారిన పడిన ఆమె మానసిక స్థైర్యంతో ఆ మహమ్మారిని అధిగమించింది. చికిత్స సమయంలో ఎప్పటికప్పుడు సోషల్‌ మీడియా ద్వారా తన క్యాన్సర్‌ చికిత్సకు సంబంధించిన అనుభవాలు షేర్‌ చేసుకున్న ఆమె ఆ తర్వాత కూడా తనకు వీలైనప్పుడల్లా క్యాన్సర్‌ బాధితుల్లో స్ఫూర్తి నింపే ప్రయత్నం చేస్తోంది. ఈక్రమంలో ‘ప్రపంచ క్యాన్సర్‌ దినోత్సవం’ సందర్భంగా క్యాన్సర్‌ చికిత్సకు సంబంధించిన అనుభవాలను అందరితో పంచుకుంది మనాలీ.

Know More

women icon@teamvasundhara
winner-of-‘world-most-beautiful-face’-speaks-about-the-hate-she-has-received

‘బ్యూటీ క్వీన్‌’ కాదు.. ‘అగ్లీ క్వీన్‌’ అన్నారు!

‘భావ ప్రకటన స్వేచ్ఛ’ పేరుతో సోషల్‌ మీడియాలో కొంత మంది నెటిజన్లు ఇతరుల మనోభావాలు దెబ్బతినేలా కామెంట్లు పెడుతుంటారు. ప్రత్యేకించి సెలబ్రిటీల విషయంలో సోషల్‌ మీడియా వల్ల ఎన్ని ప్రయోజనాలున్నాయో అన్నే నష్టాలున్నాయనిపిస్తోంది. ఈ నేపథ్యంలో కొందరు ఆకతాయిలు వివిధ రంగాలకు చెందిన సెలబ్రిటీలను లక్ష్యంగా చేసుకుని తమకు ఇష్టమొచ్చినట్లు విమర్శలు, కామెంట్లు చేస్తుండడం మనం తరచుగా వింటూనే ఉన్నాం. మరికొందరు నెటిజన్లు తమకిష్టం వచ్చిన సెలబ్రిటీలను ట్యాగ్‌ చేస్తూ ఇష్టమొచ్చిన పోస్ట్‌లు పెడుతూ వారి మనోభావాలను దెబ్బతీస్తుంటారు. ఈక్రమంలో ‘ప్రపంచంలో అత్యంత అందమైన ముఖం’ గల యువతిగా గెలిచిన ఓ అందాల తార కూడా ఇలాంటి విమర్శలు ఎదుర్కొందట. ఇంతకీ ఎవరామె?ఎందుకు ట్రోలింగ్‌ బారిన పడిందో తెలుసుకుందాం రండి.

Know More

women icon@teamvasundhara
ram-charan-wife-upasana-konidela-took-the-initiate-gets-herself-vaccinated-at-apollo

మేం కరోనా టీకా తీసుకున్నాం! మీరూ తీసుకోండి!

కాలయముడిలా ప్రపంచాన్ని పట్టి పీడిస్తోంది కరోనా. సామాన్యులు, సంపన్నులు, సెలబ్రిటీలనే తేడా లేకుండా అందరూ ఈ మహమ్మారి బారిన పడుతున్నారు. ఇప్పటికే ఎన్నో వేల ప్రాణాలను బలిగొన్న ఈ ప్రమాదకర వైరస్‌కు విరుగుడు ఎప్పుడెప్పుడు వస్తుందా? అని ప్రపంచమంతా ఆసక్తిగా ఎదురుచూస్తోంది. అయితే కొవిడ్‌ రక్కసిని కట్టడి చేసే ప్రయత్నాల్లో భాగంగా ఇప్పటికే కొన్ని దేశాల్లో వ్యాక్సినేషన్‌ ప్రక్రియ ప్రారంభమైంది. మన దేశంలోనూ టీకా పంపిణీ కొనసాగుతోంది. ఇప్పటికే లక్షలాది మంది వ్యాక్సిన్‌ తీసుకున్నారు. అయితే వ్యాక్సిన్‌పై అపోహలు, అనుమానాలు ఉన్నాయంటూ చాలామంది టీకా తీసుకోవడానికి వెనకడుగు వేస్తున్నారు. ఈక్రమంలో వ్యాక్సిన్‌పై భయాన్ని పటాపంచలు చేస్తూ మెగా కోడలు, రామ్‌చరణ్‌ సతీమణి కొణిదెల ఉపాసన తాజాగా టీకా తీసుకుంది.

Know More

women icon@teamvasundhara
ellen-degeneres-shares-her-covid-19-experience-in-telugu

ఆ నొప్పితో నా పక్కటెముకలు విరిగిపోయాయేమో అనిపించింది!

కంటికి కనిపించని కరోనా వైరస్‌ ఇప్పట్లో అంతమయ్యేలా లేదు. ఓవైపు వివిధ దేశాల్లో కొవిడ్‌ వ్యాక్సినేషన్‌ ప్రక్రియ ప్రారంభమైనప్పటికీ... మరోవైపు కొత్త రూపు దాల్చుకుని విరుచుకుపడుతోందీ మహమ్మారి. లక్షణాలు తెలియనివ్వకుండా, కొత్త కొత్త లక్షణాలతో ‘స్ట్రెయిన్‌’, ‘వేరియంట్‌’, ‘మ్యుటేషన్‌’ అంటూ అందరిలో గుబులు రేపుతోంది. దీంతో ఎన్ని జాగ్రత్తలు తీసుకుంటున్నా, ఎంత అప్రమత్తంగా ఉంటున్నా సామాన్యులతో పాటు సెలబ్రిటీలు కూడా ఈ వైరస్‌ బారిన పడుతున్నారు. అదే సమయంలో సరైన మందు లేని ఈ మహమ్మారిని మనోధైర్యంతో జయిస్తున్నారు. సరైన సమయంలో చికిత్స తీసుకుని వైరస్‌పై విజయం సాధిస్తున్నారు. ఈక్రమంలో ప్రముఖ అమెరికన్‌ నటి ఎలెన్‌ డీజెనెరెస్‌ కొద్దిరోజుల క్రితం కొవిడ్‌ బారిన పడ్డారు. ఇంట్లోనే చికిత్స తీసుకుని ఇటీవలే పూర్తిగా కోలుకున్నారు. ఈ సందర్భంగా కరోనాకు సంబంధించిన తన అనుభవాలను అందరితో షేర్‌ చేసుకునేందుకు ఇలా మన ముందుకు వచ్చారు.

Know More

women icon@teamvasundhara
madhumitha-and-siva-balaji-in-alitho-saradaga-chat-show-in-telugu

మా పెళ్లికి జాతకాలు కలవలేదు... కానీ!

ఆమె ‘పుట్టింటికి రా చెల్లి’ సినిమాతో ప్రతి తెలుగింటి ఆడపడుచుగా మారిపోయింది. అతనేమో ‘ఆర్య’, ‘చందమామ’, ‘సంక్రాంతి’ చిత్రాలతో అమ్మాయిల మనసులు కొల్లగొట్టాడు. వ్యక్తిగతంగా తమ సహజ నటనతో మెప్పించే వీరిద్దరు సిల్వర్‌స్ర్కీన్‌పై ఎప్పుడూ జంటగా కనిపించలేదు. కానీ రియల్‌ లైఫ్‌లో మాత్రం సక్సెస్‌ ఫుల్‌ జోడీగా పేరు తెచ్చుకున్నారు. వారే నటులు శివబాలాజీ, మధుమిత. పుష్కర కాలం కిందట పెళ్లిపీటలెక్కిన ఈ అందాల జంట ఇప్పటికీ ఎంతో అన్యోన్యంగా మెలుగుతూ యువతకు రిలేషన్‌షిప్‌ పాఠాలు నేర్పుతోంది. ఎప్పుడు చూసినా నవ్వుతూ సరదాగా కనిపించే ఈ లవ్లీ కపుల్ ఈటీవీలో ప్రసారమవుతోన్న ‘ఆలీతో సరదాగా’ కార్యక్రమానికి హాజరయ్యారు. ఈ సందర్భంగా తమ వ్యక్తిగత, వృత్తిగత జీవితానికి సంబంధించి ఎన్నో ఆసక్తికరమైన విషయాలను సరదాగా షేర్‌ చేసుకున్నారు.

Know More

women icon@teamvasundhara
celebrities-who-adopt-hydroponic-gardening-in-telugu

మట్టి లేకుండానే పండిస్తున్నాం.. మీకూ ఈ సంతోషం కావాలా?

కరోనా వచ్చిన దగ్గర్నుంచి అందరిలో ఆరోగ్య స్పృహ పెరిగింది. ఈ క్రమంలో ఆరోగ్యాన్ని పెంపొందించుకోవడానికి తీసుకునే ఆహారం దగ్గర్నుంచి చేసే పనుల దాకా ప్రతి విషయంలోనూ తగిన జాగ్రత్తలు తీసుకుంటున్నారు. ఇందులో భాగంగానే గార్డెనింగ్‌కి ఆదరణ పెరిగింది. సామాన్యుల దగ్గర్నుంచి సెలబ్రిటీల దాకా సహజ పద్ధతుల్లో కాయగూరలు పండించుకోవడానికి ఆసక్తి చూపుతున్నారు. అందులోనూ ఎలాంటి మట్టి ఉపయోగించకుండా కేవలం నీటితోనే మొక్కల్ని పెంచే హైడ్రోపోనిక్‌ గార్డెనింగ్‌కి ఓటేస్తున్నారు. తాను కూడా ఇలాంటి పద్ధతిలోనే తన ఇంట్లో మొక్కల్ని పెంచుకుంటున్నానని చెబుతోంది బాలీవుడ్‌ ఫిట్‌నెస్‌ ఫ్రీక్‌ శిల్పాశెట్టి. ఈ క్రమంలోనే ఇటీవల తన హైడ్రోపోనిక్‌ గార్డెన్‌కి సంబంధించిన ఓ వీడియోను ఇన్‌స్టాలో పోస్ట్‌ చేసింది శిల్ప. ఇక మొన్నటికి మొన్న అలనాటి అందాల తార సుహాసిని కూడా తన హైడ్రోపోనిక్‌ గార్డెన్‌ని తన ఫ్యాన్స్‌కి పరిచయం చేసింది. వీళ్లే కాదు.. ఇంకొందరు ముద్దుగుమ్మలు కూడా ఈ సరికొత్త గార్డెనింగ్‌ ట్రెండ్‌ని తమ లైఫ్‌స్టైల్‌లో భాగం చేసుకొని అందరిలో ఆరోగ్య స్పృహ పెంచుతున్నారు. మరి, వాళ్లెవరో చూసేద్దామా..?!

Know More

women icon@teamvasundhara
sania-mirza-shares-about-her-covid-experience-in-telugu

అదో భయంకరమైన అనుభవం.. కరోనాను జోక్‌గా తీసుకోవద్దు!

కరోనా కారణంగా ఒంటరితనం అంటే ఎలా ఉంటుందో చాలామందికి తెలిసొచ్చింది. వైరస్‌ సోకి స్వీయ నిర్బంధంలో ఉంటూ కొందరు; ఆస్పత్రులు, క్వారంటైన్‌ సెంటర్లలో చికిత్స పొందుతూ మరికొందరు... ఇలా ఎక్కడి వారక్కడే ఏకాకిగా మిగిలిపోతున్నారు. ఫలితంగా ఒంటరితనంతో తీవ్ర మానసిక క్షోభకు గురవుతున్నారు. అలాంటి గడ్డు పరిస్థితుల్ని తానూ ఎదుర్కొన్నానంటోంది హైదరాబాదీ టెన్నిస్‌ స్టార్‌ సానియా మీర్జా. పదేళ్ల క్రితం పాక్‌ క్రికెటర్ షోయబ్‌ మాలిక్‌తో కలిసి పెళ్లిపీటలెక్కిన ఈ టెన్నిస్‌ క్వీన్‌ రెండేళ్ల క్రితం ఇజాన్‌కు జన్మనిచ్చింది. అమ్మయ్యాక అటు కుటుంబ బాధ్యతల్ని నెరవేరుస్తూనే... ఇటు తన కెరీర్‌నూ కొనసాగిస్తోందీ సూపర్‌ మామ్‌. ఈక్రమంలో తన కుమారుడి ఆలనాపాలనలో అమ్మతనాన్ని పూర్తిగా ఆస్వాదిస్తోన్న సానియా కొద్ది రోజుల క్రితం కరోనా బారిన పడిందట. ఈ కారణంగా కొద్ది రోజుల పాటు తన కుటుంబానికి దూరంగా ఉండాల్సి వచ్చిందంటూ తన అనుభవాలను ఇన్‌స్టాగ్రామ్‌ ద్వారా అందరితో షేర్‌ చేసుకుందీ టెన్నిస్‌ బ్యూటీ. ప్రస్తుతం ఆమె పోస్ట్ సోషల్‌ మీడియాలో ట్రెండింగ్‌లో ఉంది.

Know More

women icon@teamvasundhara
kajol-says-her-father-was-against-the-idea-of-her-getting-married-to-ajay-devgan-at-young-age

అప్పుడు మా పెళ్లికి నాన్న ఒప్పుకోలేదు!

ప్రేమించి పెళ్లి చేసుకున్న బాలీవుడ్‌ జంటల్లో కాజోల్‌-అజయ్‌ దేవ్‌గణ్‌ జోడీ కూడా ఒకటి. వైవాహిక బంధంలోకి అడుగుపెట్టి సుమారు రెండు దశాబ్దాలకు పైగా గడిచినా..ఎంతో అన్యోన్యంగా ఉంటూ నేటి తరం జంటలకు ఆదర్శంగా నిలుస్తుంటారీ లవ్లీ కపుల్‌. ఇక గతేడాది ‘తానాజీ... ది అన్‌ సంగ్‌ వారియర్‌’ సినిమాలో కలిసి నటించిన వీరిద్దరూ... ఆన్‌ స్ర్కీన్... ఆఫ్‌ స్ర్కీన్‌ ఎక్కడైనా తమది ‘పర్ఫెక్ట్‌ జోడీ’ అని మరోసారి నిరూపించుకున్నారు. ఇలా ఓవైపు తల్లిగా తన ఇద్దరు పిల్లల ఆలనాపాలన చూసుకుంటూనే ... మరోవైపు నటిగా వైవిధ్యమైన పాత్రలతో అలరిస్తోంది కాజోల్. ఈ క్రమంలో ఆమె నటించిన తాజా చిత్రం ‘త్రిభంగ’ జనవరి 15 న నెట్‌ఫ్లిక్స్‌ ద్వారా ప్రేక్షకుల ముందుకు వచ్చింది. ఈ సందర్భంగా తన వృత్తిగత, వ్యక్తిగత జీవితానికి సంబంధించిన కొన్ని ఆసక్తికర విషయాలను అందరితో షేర్‌ చేసుకుంది.

Know More

women icon@teamvasundhara
anita-hassanandani-flaunts-her-eight-month-old-baby-bump-with-hubby-rohit-reddy

ఈ లవ్లీ కపుల్‌ రొమాంటిక్‌ ఫొటోషూట్‌ చూశారా?

తమకు పుట్టబోయే బుజ్జి పాపాయిని ఊహించుకోవడం, ఎప్పుడెప్పుడు తమ ముద్దుల చిన్నారిని చేతుల్లోకి తీసుకుందామా అని ఆత్రంగా ఎదురుచూడడం... ఇలా ప్రతిక్షణం పుట్టబోయే బిడ్డ ఆలోచనల్లోనే గడపడం తల్లయ్యే ప్రతి మహిళకు సహజమే. ఇక పుట్టబోయేది తొలుచూరు బిడ్డ అయితే కాబోయే తల్లిదండ్రుల ఆనందానికి అంతే ఉండదు. మరికొన్ని రోజుల్లో తమ గారాల పట్టిని ఈ లోకంలోకి తీసుకురాబోతున్న అనితా హస్సానందాని-రోహిత్‌ రెడ్డి ప్రస్తుతం ఇలాంటి ఆనందంలోనే తేలియాడుతున్నారు. తను తల్లిని కాబోతున్నానని ప్రకటించిన మరుక్షణం నుంచే ఆ మధుర క్షణాలను ఫొటోల్లో బంధిస్తోన్న ఈ బ్యూటీ.. ఇటీవలే మెటర్నిటీ ఫొటోషూట్ కూడా తీయించుకుంది. అనంతరం ఆ మధురానుభూతుల్ని ఒక్కొక్కటిగా సోషల్‌ మీడియాలో పంచుకుంటూ తెగ మురిసిపోయింది.

Know More

women icon@teamvasundhara
virat-kohli-and-anushka-sharma-welcome-a-baby-girl

మాకు అమ్మాయి పుట్టింది..!

గర్భం ధరించిన క్షణం నుంచి నెలలు నిండుతున్న కొద్దీ కాబోయే అమ్మగా ప్రతి క్షణాన్నీ మహిళలు ఎలా ఆస్వాదిస్తారో.. తమకు పుట్టబోయే చిన్నారిని ఎప్పుడెప్పుడు చేతుల్లోకి తీసుకుందామా అన్న ఉత్సాహం కాబోయే తండ్రుల్లో మిన్నంటుతుంది. ప్రస్తుతం విరుష్క జంట అలాంటి ఆనందోత్సాహాల్లోనే తేలియాడుతోంది. తాజాగా బాలీవుడ్‌ అందాల తార అనుష్కా శర్మ పండంటి ఆడపిల్లకు జన్మనిచ్చింది. దీంతో తండ్రిగా ప్రమోషన్‌ పొందిన విరాట్‌ ఈ ఆనందకరమైన క్షణాన్ని సోషల్‌ మీడియా వేదికగా అభిమానులతో పంచుకున్నాడు. ‘బుజ్జాయి రాకతో మా జీవితాల్లో కొత్త అధ్యాయం మొదలైంది’ అంటూ పట్టరానంత సంతోషంలో మునిగి తేలుతున్నారీ లవ్లీ కపుల్.

Know More

women icon@teamvasundhara
actress-hariteja-dances-and-has-fun-with-friends-at-her-baby-shower-function

అమ్మయ్యే వేళ.. ఆనంద హేళ..!

హరితేజ... సీరియల్‌ నటిగా కెరీర్‌ మొదలు పెట్టి సిల్వర్‌ స్ర్కీన్‌పైకి అడుగుపెట్టిన ఈ అందాల తార గురించి తెలుగు ప్రేక్షకులకు ప్రత్యేక పరిచయం అవసరం లేదు. ‘అ ఆ’ సినిమాతో పలువురి ప్రశంసలు అందుకున్న ఈ ముద్దుగుమ్మ బుల్లితెరపై యాంకర్‌గానూ, హోస్ట్‌గానూ సత్తాచాటింది. ఇక ‘బిగ్‌బాస్‌ 1’ తో మరింత క్రేజ్‌ సంపాదించుకుంది. ఇలా బుల్లితెరపై, వెండితెరపై వరుస సినిమాలు, షోలతో దూసుకెళుతోన్న హరితేజ త్వరలో అమ్మగా ప్రమోషన్‌ పొందనున్న సంగతి తెలిసిందే. ఈక్రమంలో తాజాగా ఆమె కుటుంబ సభ్యులు ఆమెకు వేడుకగా సీమంతం కార్యక్రమాన్ని నిర్వహించారు. కుటుంబ సభ్యులతో పాటు బంధువులు, అత్యంత సన్నిహితులు మాత్రమే ఈ వేడుకకు హాజరయ్యారు. ప్రస్తుతం ఈ వేడుకకు సంబంధించిన ఫొటోలు, వీడియోలు సోషల్‌ మీడియాలో వైరల్‌గా మారాయి.

Know More

women icon@teamvasundhara
opens-up-about-the-casting-director-called-her-home-and-berated-her

ఆ మాటలతో బ్యాగ్‌ సర్దుకుని ఇంటికెళదామనుకున్నా!

రంగుల ప్రపంచం లాంటి సినిమా ఇండస్ట్రీలో రాణించాలంటే సాధారణ విషయమేమీ కాదు. పరిశ్రమలోకి అడుగుపెట్టడం నుంచి అవకాశాలు దక్కించుకునేదాకా ఇన్నో ఇబ్బందులు, అవమానాలు భరించాల్సి ఉంటుంది. తెరపై కనిపించి అభిమానుల ప్రేమాభిమానాలు పొందాలంటే తెర వెనుక వారు ఎదుర్కొనే వేధింపులు, చేదు అనుభవాలు ఎన్నో! ప్రస్తుతం సినీ పరిశ్రమలో స్టార్‌ హోదాను అనుభవిస్తున్న నటీమణులు కెరీర్‌ తొలినాళ్లలో ఎన్నో రకాల ఇబ్బందులు ఎదుర్కొన్నవారే. ఈక్రమంలో తాను కూడా కెరీర్‌ తొలినాళ్లలో ఎన్నో అవమానాలు ఎదుర్కొన్నానంటోంది ‘బాహుబలి’ ఫేం నోరా ఫతేహి. తనకు ట్యాలెంట్‌ లేదన్న ఓ క్యాస్టింగ్‌ డైరెక్టర్‌ మాటలు తనను చాలా రోజులు వేధించాయంటోందీ ముద్దుగుమ్మ. ఈ సందర్భంగా సినిమా ఇండస్ట్రీలో తనకెదురైన చేదు అనుభవాల గురించి అందరితో షేర్‌ చేసుకుంది.

Know More

women icon@teamvasundhara
kabir-singh-fame-vanita-kharat-boldly-poses-for-body-positivity

నా శరీరం నన్ను గర్వపడేలా చేసింది!

సాధారణంగా కాస్త బొద్దుగా ఉన్న అమ్మాయిలు తమ శరీరాకృతిని చూసుకొని తెగ ఫీలైపోతుంటారు. ‘సన్నగా, నాజుగ్గా ఎందుకు లేమా’ అని మనోవేదనకు గురవుతుంటారు. అదే సమయంలో తమను ఉద్దేశిస్తూ ఎదుటివారు చేసే విమర్శలు, కామెంట్లతో తీవ్ర అత్మన్యూనతా భావానికి లోనవుతుంటారు. తమను తాము అసహ్యించుకుంటూ తీవ్రమైన ఒత్తిడి, ఆందోళనల్లోకి వెళ్లిపోతుంటారు. కానీ మరికొందరు అమ్మాయిలు ఎంత లావుగా ఉన్నా సానుకూల దృక్పథంతో ముందుకెళుతుంటారు. ‘ఇది దేవుడిచ్చిన శరీరం.. ఎవరేమనుకుంటే నాకేంటి.. నా శరీరం.. నాకు నచ్చినట్లుగా నేనుంటా’ అంటూ బాడీ షేమింగ్‌ను బాడీ పాజిటివిటీగా మార్చుకుంటుంటారు. బాలీవుడ్‌ నటి వనితా ఖరాత్‌ కూడా ఇదే కోవకు చెందుతుంది. ‘కబీర్‌ సింగ్‌’ సినిమాతో అశేష గుర్తింపు తెచ్చుకున్న ఈ నటీమణి బాడీ పాజిటివిటీని చాటుతూ చేసిన ఓ పని పలువురి ప్రశంసలు అందుకునేలా చేసింది.

Know More

women icon@teamvasundhara
raveena-tandon-about-adpot-decision-they-said-no-one-would-want-marry-me

అలా చేసినందుకు నాకు పెళ్లికాదన్నారు!

ప్రతి స్త్రీ తన జీవితంలో మాతృత్వపు మధురిమల్ని ఆస్వాదించాలని కోరుకుంటుంది. అయితే మారుతున్న జీవనశైలి, ప్రత్యుత్పత్తి వ్యవస్థలో లోపాలు, ప్రెగ్నెన్సీని వాయిదా వేయడం.. వంటి పలు కారణాలతో కొంతమంది మహిళలు అమ్మతనానికి దూరమవుతున్నారు. దీంతో అలాంటి వారు అనాథ చిన్నారులను దత్తత తీసుకుని అమ్మగా ప్రమోషన్‌ పొందుతున్నారు. వీరితో పాటు అప్పటికే పిల్లలున్నా-లేకపోయినా, వివాహం చేసుకున్నా-చేసుకోకపోయినా కొంతమంది మహిళలు సామాజిక దృక్పథంతో అనాథ పిల్లలను దత్తత తీసుకుంటున్నారు. ఓవైపు అమ్మతనాన్ని ఆస్వాదిస్తూనే.. మరోవైపు ఆ చిన్నారులకు బంగారు భవిష్యత్తును అందిస్తున్నారు. అలాంటి వారిలో ఒకప్పటి బాలీవుడ్‌ స్టార్‌ హీరోయిన్‌ రవీనా టాండన్‌ ఒకరు. రెండు పదులు వయసులో.. అది కూడా పెళ్లి కాకుండానే ఇద్దరు అనాథ బాలికలను అక్కున చేర్చుకుందీ అందాల తార. ఈ సందర్భంగా పిల్లల్ని దత్తత తీసుకోవడం, వారి పెంపకం విషయంలో తాను ఎదుర్కొన్న అనుభవాలను తాజాగా అందరితో షేర్‌ చేసుకుందీ ముద్దుగుమ్మ.

Know More

women icon@teamvasundhara
pooja-kumar-is-now-mom-to-a-baby-girl-in-telugu

అలా నా పుట్టినరోజుని మరింత మధురంగా మార్చావు..!

పూజా కుమార్‌...‘విశ్వరూపం’ సిరీస్‌లో కమల్‌ హాసన్‌తో పోటీపడి నటించి మంచి మార్కులు కొట్టేసిన హీరోయిన్‌. తెలుగులో నటించింది కొన్ని చిత్రాల్లో అయినా తన అందం, అభినయంతో టాలీవుడ్‌ ప్రేక్షకులను బాగానే ఆకట్టుకుందీ అందాల తార. తెలుగుతో పాటు తమిళ, మలయాళ, హిందీ భాషా సినిమాల్లోను నటించిన ఈ ముద్దుగుమ్మ తన నటనతో అక్కడి ప్రేక్షకుల మెప్పు కూడా పొందింది. ఈక్రమంలో సుమారు రెండేళ్లుగా సిల్వర్‌ స్ర్కీన్‌పై కనిపించని ఈ అందాల భామ అమ్మగా ప్రమోషన్‌ పొందింది. తన భర్త విశాల్‌జోషితో కలిసి ప్రస్తుతం అమెరికాలో ఉంటోన్న ఆమె ఇటీవల ఓ పండంటి ఆడబిడ్డకు జన్మనిచ్చింది. తాజాగా సోషల్‌ మీడియా వేదికగా తన కూతురును ప్రపంచానికి పరిచయం చేసిందీ అందాల తార.