scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'ఈ ఇద్దరిలో ఎవరి ప్రేమను అంగీకరించాలి? మీరే చెప్పండి!'

'ఏదైనా సరే కంటికింపుగా లేకపోతే మనసుకు నచ్చదంటారు. మరి ప్రేమ సంగతి ఏంటి ? ఒకరికి మనపై ఉండే ప్రేమ కూడా అంతేనా ? చూడ్డానికి ఆకర్షణీయంగా ఉంటేనే మనసుకు నచ్చుతామా ? ఈలోకంలో ఒక అమ్మాయి, అబ్బాయి తమ అభిప్రాయాలు ఒకటే కావడం వల్ల, ఒకరికొకరు నచ్చి ప్రేమలో పడుతున్నారా? లేక కేవలం ఆకర్షణతోనే ఒక్కటవుతున్నారా? ఇలా ప్రేమ గురించి తికమకపడుతూ సతమతమవుతోంది రాగిణి. ఇందుకు కారణం... ఉన్నట్టుండి ఇద్దరు యువకులు ఆమెకు తమ మనసులోని ప్రేమను తెలపడమే ! ఒకరు తొలుత తాను ప్రేమించిన వ్యక్తి అయితే.. మరొకరు తనను ప్రేమించిన వ్యక్తి. అందుకే ఇద్దరిలో ఎవర్ని ఎంచుకోవాలో అర్థం కాక మన సహాయం కోరుతోంది రాగిణి. ఆమె హృదయరాగమేంటో ఓసారి విని మీ అభిప్రాయంతో ఆమెకో పరిష్కారాన్ని చూపండి !'

Know More

Movie Masala

 
category logo

అందాల ముద్దుగుమ్మలు బొమ్మలైతే ఇలా ఉంటుంది!

Kajal unveils her Wax statue at Singapore Madame Tussauds Museum

‘పట్టు చీరల్లో చందమామ.. ఏడు వన్నెల్లో వెన్నెలమ్మ.. కన్నె రూపాల కోనసీమ.. కోటి తారల్లో ముద్దుగుమ్మ..!’ ఈ సాహిత్యం వింటే మన కళ్ల ముందు కదలాడే రూపం.. కాజల్‌ది కాక ఇంకెవరిది..! 2007లో ‘లక్ష్మీ కళ్యాణం’ సినిమాతో తెలుగు పరిశ్రమకు పరిచయమైన ఈ ముద్దుగుమ్మ.. తన అందం, అభినయంతో అభిమానుల హృదయాల్లో సుస్థిర స్థానాన్ని సంపాదించుకుంది. పరిశ్రమకు వచ్చి 13 ఏళ్లు దాటినా ప్రేక్షకుల్లో కాజల్‌కి ఉన్న క్రేజ్‌ ఏమాత్రం చెక్కు చెదర్లేదు. ఈ క్రమంలో ప్రముఖుల మైనపు విగ్రహాలను రూపొందించే మేడమ్‌ టుస్సాడ్స్‌ సంస్థ కాజల్‌ విగ్రహాన్ని రూపొందించే క్రమంలో కొద్ది రోజుల క్రితమే కాజల్‌ శరీర కొలతలను తీసుకున్న సంగతి విదితమే. అయితే తాజాగా ఈ విగ్రహాన్ని సింగపూర్‌లోని మేడమ్‌ టుస్సాడ్స్‌ మ్యూజియంలో ఆవిష్కరించారు. ఈ కార్యక్రమంలో కాజల్‌ స్వయంగా తన మైనపు విగ్రహాన్ని ఆవిష్కరించడం విశేషం. ఈ సందర్భంగా దిగిన ఫొటోలు ప్రస్తుతం సోషల్‌ మీడియాలో హల్‌చల్‌ చేస్తున్నాయి.

View this post on Instagram

A post shared by Kajal Aggarwal (@kajalaggarwalofficial) on

ప్రపంచవ్యాప్తంగా ప్రసిద్ధిగాంచిన ప్రముఖుల మైనపు విగ్రహాలను రూపొందించి ప్రదర్శనకు ఉంచుతుంది మేడమ్‌ టుస్సాడ్స్‌ సంస్థ. ఈక్రమంలో ఇప్పటికే మన దేశంలో చరిత్ర, రాజకీయాలు, క్రీడా, వినోదం.. మొదలైన రంగాలకు చెందిన ఎంతోమంది సెలబ్రిటీల మైనపు విగ్రహాలను వీరు తయారు చేసిన సంగతి తెలిసిందే. అయితే ఇప్పటివరకు దక్షిణ సినీ పరిశ్రమ నుంచి ప్రభాస్‌, మహేష్‌ బాబుల మైనపు విగ్రహాలను మాత్రమే టుసాడ్స్‌ బృందం రూపొందించగా.. ఈ గౌరవం దక్కించుకున్న తొలి సౌత్‌ ఇండియన్‌ హీరోయిన్‌గా కాజల్‌ చరిత్రకెక్కడం విశేషం. గతంలో ఓ సందర్భంలో కాజల్‌ ధరించిన గ్లిటరింగ్‌ వన్‌-షోల్డర్‌ డ్రస్‌ లుక్‌ ఆధారంగా ఈ విగ్రహాన్ని రూపొందించింది టుస్సాడ్స్‌ బృందం. తన మైనపు విగ్రహావిష్కరణ కార్యక్రమానికి కాజల్‌ తన కుటుంబ సభ్యులతో సహా హాజరైంది. ఈ సందర్భంగా తీసిన ఫొటోలను సోషల్‌ మీడియా వేదికగా పంచుకుంటూ తన ఆనందాన్ని అక్షరీకరించిందీ బ్యూటీ.

నా దృష్టిలో విజయానికి నిర్వచనాలివే..!

View this post on Instagram

A post shared by Kajal Aggarwal (@kajalaggarwalofficial) on

‘సాధారణంగా ఒక వ్యక్తి విజయాన్ని తాము అనుభవిస్తోన్న సౌకర్యాలతో కొలుస్తారు..! ఉదాహరణకు.. కొత్త ఇల్లు, ఖరీదైన కారు, విదేశాలకు ఫస్ట్‌ క్లాస్‌లో ప్రయాణించడం.. మొదలైనవి అన్నమాట. కానీ, ఇప్పటివరకు నాకు ఇవేవీ తృప్తినివ్వలేదు..! అసలు ‘సక్సెస్‌’ అంటే ఏంటని చాలామంది అడుగుతుంటారు. నేను సక్సెస్‌ అయ్యానని ఏరోజూ అనుకోలేదు..! నాకు ఎదురైన క్షణాల్లో ఆనందాన్ని వెతుక్కుంటూ వెళ్తున్నాను అంతే..! నాకు తెలిసిందల్లా వృత్తిపరంగా నన్ను నేను మర్చిపోయేంతగా అందులో నిమగ్నమైపోయి పని చేయడం ఒక్కటే.

View this post on Instagram

A post shared by Kajal Aggarwal (@kajalaggarwalofficial) on

ఎలాంటి ఒత్తిళ్లు, ఆశలకు లొంగకుండా మనల్ని మనం గుర్తించడం; జీవితంలో ఎదురయ్యే కొత్త అనుభవాల్లో ఆనందాన్ని వెతకడం; నిజాయతీ, అమాయకత్వం, కొత్త విషయాలు నేర్చుకోవాలనే తపన, ఆరాటం.. మొదలైనవి విజయానికి అసలైన నిర్వచనాలని నా అభిప్రాయం. పైన చెప్పినవన్నీ నా జీవితంలో ఇప్పటికే నేను పొందడం నిజంగా నా అదృష్టం. ఎంత ఎత్తుకు ఎదిగినా ‘నాకు ఏమీ తెలియదు’ అనే భావన నాలో ఎప్పటికీ ఇలాగే ఉంటుందని ఆశిస్తున్నా’ అంటూ సుదీర్ఘ సందేశాన్ని అభిమానులతో పంచుకుందీ బ్యూటీ.

మైనపు బొమ్మల్లో ముద్దుగుమ్మలు!

మేడమ్‌ టుస్సాడ్స్‌ ప్రధాన మ్యూజియం లండన్‌లో ఉంది. ఇది కాకుండా ప్రపంచ వ్యాప్తంగా మరో 23 ప్రాంతాల్లో టుస్సాడ్స్‌ శాఖలున్నాయి. మన దేశానికి చెందిన మరెందరో ప్రముఖుల మైనపు విగ్రహాలు ఈ మ్యూజియంలోని వివిధ శాఖల్లో ప్రదర్శనకు ఉంచారు. వాళ్లెవరో మీరూ చూడండి..

ఐశ్వర్యారాయ్‌
టుస్సాడ్స్‌ బృందం రూపొందించిన తొలి భారతీయ మహిళ విగ్రహం మాజీ ప్రపంచ సుందరి ఐశ్వర్యారాయ్‌ది కావడం విశేషం. అయితే వీళ్లు ఇప్పటివరకు రెండు ఐష్‌ మైనపు విగ్రహాలను రూపొందించారు.

డ్యాన్స్‌ చేస్తున్న భంగిమలో ఉన్న మొదటి విగ్రహాన్ని 2004, అక్టోబర్‌లో లండన్‌ మ్యూజియంలో ఆవిష్కరించారు. ఇక రెండో విగ్రహాన్ని 2013లో న్యూయార్క్‌ మ్యూజియంలో ప్రదర్శనకు ఉంచారు. 2010లో జరిగిన కేన్స్‌ ఫిల్మ్‌ ఫెస్టివల్‌ వేడుకల్లో ఐష్‌ లుక్‌ ఆధారంగా ఈ విగ్రహాన్ని రూపొందించింది టుస్సాడ్స్‌ బృందం.


కత్రినా కైఫ్‌
బాలీవుడ్‌ సుందరి కత్రినా కైఫ్‌ మైనపు విగ్రహాన్ని 2015, మార్చి 28న న్యూయార్క్‌లోని టుస్సాడ్స్‌ మ్యూజియంలో ఆవిష్కరించారు. గోల్డ్‌ సీక్విన్డ్‌ లెహెంగా ధరించి డ్యాన్స్‌ చేస్తున్నట్లుగా ఈ విగ్రహాన్ని రూపొందించింది టుస్సాడ్స్‌ బృందం. క్యాట్‌ విగ్రహం బాలీవుడ్‌ మెగాస్టార్‌ అమితాబ్‌ విగ్రహం పక్కనే అమర్చడం విశేషం.


కాజోల్‌
నిన్నటి తరం స్టార్‌ హీరోయిన్‌ కాజోల్‌ మైనపు విగ్రహాన్ని 2018, మే 24న సింగపూర్‌లోని టుస్సాడ్స్‌ మ్యూజియంలో ఆవిష్కరించారు. ఆమె తన కూతురు నైసాతో కలిసి ఈ కార్యక్రమానికి హాజరైంది. ఈ సందర్భంగా తన మైనపు బొమ్మతో కలిసి సెల్ఫీ దిగి సందడి చేసిందీ తార.

View this post on Instagram

A post shared by Kajol Devgan (@kajol) on


సన్నీ లియోనీ
అందాల తార సన్నీ లీయోనీ మైనపు విగ్రహాన్ని 2018, సెప్టెంబర్‌ 18న దిల్లీలోని టుస్సాడ్స్‌ మ్యూజియంలో ఆవిష్కరించారు. అయితే ఈ విగ్రహానికి ఓ ప్రత్యేకత ఉంది. దీని తయారీలో సన్నీ సిగ్నేచర్‌ పెర్‌ఫ్యూమ్‌ ‘లస్ట్‌ బై సన్నీ’ని వాడారు. అందుకే ఈ విగ్రహం సువాసనను వెదజల్లుతుంటుంది. తన విగ్రహావిష్కరణ సందర్భంగా సన్నీ స్పందిస్తూ ‘నాకెంతో ఆశ్చర్యంగా ఉంది. ఇంతటి అరుదైన గౌరవాన్ని నాకు అందించినందుకు మేడమ్‌ టుస్సాడ్స్ బృందానికి నా కృతజ్ఞతలు. ఈ విగ్రహం ఇంత చక్కగా రావడం కోసం చాలా కష్టపడుంటారని తెలుస్తోంది. ఇందుకోసం పని చేసిన ప్రతి ఒక్కరికీ నా ప్రత్యేక ధన్యవాదాలు’ అని చెప్పుకొచ్చింది. స్ట్రాప్‌లెస్‌ షార్ట్‌ డ్రస్‌ రూపంలో ఉన్న సన్నీ మైనపు బొమ్మ ఎంతో హాట్‌గా దర్శనమిస్తుంటుంది.

View this post on Instagram

A post shared by Madame Tussauds Delhi (@madametussaudsdelhi) on


అనుష్కా శర్మ
బాలీవుడ్‌ సుందరి అనుష్కా శర్మ మైనపు విగ్రహాన్ని సింగపూర్‌లోని టుస్సాడ్స్‌ మ్యూజియంలో.. 2018, నవంబర్‌ 21న ఆవిష్కరించారు. సిల్వర్‌ కలర్‌ వన్‌-షోల్డర్‌ షిమ్మరీ గౌన్‌తో, మెడలో ముత్యాల హారం ధరించినట్లు ఉన్న అనుష్క బొమ్మ సెల్ఫీ తీసుకుంటున్నట్లుగా ఉంటుంది. అయితే మిగతా బొమ్మల కంటే అనుష్క మైనపు బొమ్మకు ఓ ప్రత్యేకత ఉంది. అదేంటంటే.. ఈ బొమ్మ చేతిలో ఉన్న సెల్‌ఫోన్‌తో మనం సెల్ఫీలు తీసుకొని వాటిని సోషల్‌ మీడియాలో షేర్‌ చేసే అవకాశముంది. అంతేకాదు, తన దగ్గరకు వచ్చిన సందర్శకులను ఈ బొమ్మ అనుష్క తన గొంతుతో పలకరించేలా ఇందులో ప్రత్యేక ఏర్పాటు చేశారు. ఇన్ని ప్రత్యేకతలున్న ఇలాంటి బొమ్మ టుస్సాడ్స్‌ మ్యూజియంలో ఇదొక్కటే ఉండడం విశేషం.

View this post on Instagram

A post shared by AnushkaSharma1588 (@anushkasharma) on


దీపికా పదుకొణె
బాలీవుడ్‌ బ్యూటీ దీపిక మైనపు విగ్రహాన్ని 2019, మార్చి 14న లండన్‌ మ్యూజియంలో ఆవిష్కరించారు. 2016లో జరిగిన ఐఫా అవార్డు వేడుకల్లో దీపిక ధరించిన దుస్తులు, ఆభరణాలు.. ఇలా ఆ వేడుకలో తన లుక్‌ ఆధారంగానే ఈ విగ్రహాన్ని రూపొందించింది టుస్సాడ్స్‌ బృందం. దీపిక తన భర్త రణ్‌వీర్‌ సింగ్‌, ఇతర కుటుంబ సభ్యులతో కలిసి ఈ విగ్రహాన్ని ఆవిష్కరించింది.

View this post on Instagram

A post shared by Deepika Padukone (@deepikapadukone) on


ప్రియాంకా చోప్రా
గ్లోబల్‌ స్టార్‌గా ప్రపంచవ్యాప్తంగా గుర్తింపు సంపాదించుకున్న ప్రియాంకా చోప్రాకు సంబంధించి టుస్సాడ్స్‌ బృందం ఇప్పటివరకు నాలుగు మైనపు విగ్రహాలను రూపొందించడం విశేషం.

View this post on Instagram

A post shared by Madame Tussauds London (@madametussauds) on

ఇవి న్యూయార్క్‌, లండన్‌, ఆసియా, సిడ్నీలలో ఉన్న మ్యూజియంలలో ప్రదర్శనకు ఉంచారు. వీటిలో రెడ్‌ డ్రస్‌లో ఉన్న ప్రియాంక లేటెస్ట్‌ మైనపు విగ్రహం..

2016లో జరిగిన ‘ఎమ్మీ అవార్డ్స్‌’ వేడుకల్లో భాగంగా తను ధరించిన అవుట్‌ఫిట్‌, లుక్‌ ఆధారంగా రూపొందించారు.

View this post on Instagram

A post shared by Madame Tussauds London (@madametussauds) on

ఈ విగ్రహాన్ని 2019, ఫిబ్రవరి 7న లండన్‌ టుస్సాడ్స్‌ శాఖలో ఆవిష్కరించారు. ఇలా నాలుగు మేడమ్‌ టుస్సాడ్స్‌ శాఖల్లో మైనపు విగ్రహం రూపంలో చోటు దక్కించుకున్న తొలి బాలీవుడ్‌ నటిగా గుర్తింపు సంపాదించుకుంది పీసీ.


శ్రీదేవి
అందానికి, అభినయానికి కేరాఫ్‌ అడ్రస్‌గా నిలిచిన భారతదేశపు తొలి లేడీ సూపర్‌ స్టార్‌ శ్రీదేవి మైనపు విగ్రహాన్ని 2019, సెప్టెంబర్‌ 4న.. సింగపూర్‌ టుస్సాడ్స్‌ మ్యూజియంలో ఆవిష్కరించారు. ఆమె నటించిన ‘మిస్టర్‌ ఇండియా’ సినిమాలోని ‘హవా.. హవాయి..’ పాటలోని స్టిల్‌ ఆధారంగా ఈ బొమ్మను రూపొందించింది టుస్సాడ్స్‌ బృందం. శ్రీదేవి మరణానంతరం రూపొందించిన ఈ మైనపు విగ్రహాన్ని ఆమె భర్త బోనీ కపూర్‌తో పాటు కూతుళ్లు జాన్వీ కపూర్‌, ఖుషీ కపూర్‌లు కలిసి ఆవిష్కరించారు.

వీళ్లతో పాటు మాధురీ దీక్షిత్‌, కరీనా కపూర్‌, మధుబాల (పాత తరం బాలీవుడ్‌ నటి), ఆశా భోంస్లే, మేరీ కోమ్‌, నరేంద్ర మోదీ, అమితాబ్‌ బచ్చన్‌, షారుఖ్‌ ఖాన్‌, సచిన్‌ తెందూల్కర్‌, విరాట్‌ కోహ్లీ, ప్రభాస్‌, మహేష్‌ బాబు.. మొదలైన ప్రముఖుల విగ్రహాలను సైతం టుస్సాడ్స్‌ బృందం రూపొందించింది.





women icon@teamvasundhara
actresses-who-affected-by-corona-virus-and-share-their-experiences

పాజిటివ్‌ వచ్చినా ‘పాజిటివ్‌’గానే ఉన్నాం!

పేద-ధనిక, ఆడ-మగ, చిన్నా-పెద్దా.. ఈ తేడాలేవీ కరోనా మహమ్మారికి తెలియవు.. కనికరం లేకుండా విరుచుకుపడడం తప్ప! అందుకే ఎన్ని జాగ్రత్తలు తీసుకున్నా సరే.. సామాన్యులే కాదు.. పలువురు సెలబ్రిటీలు కూడా ఈ మహమ్మారి బారిన పడుతున్నారు. ఆ విషయాన్ని నిరభ్యంతరంగా సోషల్‌ మీడియాలో పంచుకుంటూ తమ ఫ్యాన్స్‌కు కరోనా జాగ్రత్తలు చెబుతున్నారు. అంతేకాదు.. తమ సందేశాల ద్వారా అభిమానుల్లో భయం పోగొట్టి ధైర్యాన్ని నింపుతున్నారు. తాజాగా బాలీవుడ్‌ అందాల తార ఐశ్వర్యా రాయ్‌ బచ్చన్‌కు కరోనా పాజిటివ్‌గా నిర్ధారణ అయింది. కూతురు ఆరాధ్యకు కూడా పాజిటివ్‌ రావడంతో ప్రస్తుతం వీరిద్దరూ ఇంట్లోనే స్వీయ నిర్బంధంలో చికిత్స తీసుకుంటున్నారు. గతంలోనూ పలువురు ముద్దుగుమ్మలు ఈ వైరస్‌ బారిన పడి కోలుకున్న సంగతి తెలిసింది. అయితే తాము ఈ మహమ్మారి బారిన పడినప్పటికీ ఎంతో ధైర్యంగా ఉన్నామని, ఆత్మస్థైర్యమే కరోనాకు ఔషధమని సోషల్‌ మీడియాలో పోస్టులు, వీడియోలు పెడుతూ తమ ఫ్యాన్స్‌లో స్ఫూర్తి నింపే ప్రయత్నం చేశారు. మరికొందరు తాము కొవిడ్‌ను జయించిన అనుభవాలను అందరితో పంచుకుంటూ తమ ఫ్యాన్స్‌లో ధైర్యం నూరిపోశారు. ఈ నేపథ్యంలో కొవిడ్‌ బారిన పడిన కొందరు ముద్దుగుమ్మల గురించి ఇప్పుడు తెలుసుకుందాం..

Know More

women icon@teamvasundhara
how-these-celebrities-beat-lockdown-blues?

మళ్లీ మంచిరోజులొస్తాయి.. అప్పటిదాకా ఇలా బిజీగా ఉందాం..!

సాధారణంగా వృత్తిఉద్యోగాలు చేసే వారికి వారానికి కనీసం ఒకట్రెండు రోజులైనా సెలవులుంటాయి. అదే సినిమా, క్రీడా రంగాలకు చెందిన వారికి ఆ సమయం కూడా దొరకదు. సినిమా వాళ్లు నెలల తరబడి షూటింగ్స్‌కి, క్రీడాకారులు ప్రాక్టీస్‌కు సమయం వెచ్చించాల్సిందే! అలాంటి వారికి అరుదుగా, అనుకోకుండా లాక్‌డౌన్ పేరుతో బోలెడంత ఖాళీ సమయం దొరికే సరికి తమకు నచ్చిన పనులపై దృష్టి పెట్టారు. లాక్ డౌన్ సడలించిన తర్వాత కూడా ఇంకా టోర్నమెంట్లు, షూటింగులు మొదలు కాకపోవడంతో బోర్‌ కొట్టకుండా ఉండేందుకు తమ అభిరుచులపై దృష్టి సారిస్తున్నారు. భారత యువ షూటర్‌ మనూ భాకర్‌ కూడా ఈ ఖాళీ సమయంలో శారీరకంగా, మానసికంగా దృఢంగా ఉండేందుకు తనకు నచ్చిన పనులు చేస్తున్నానంటూ ఇటీవలే ఓ ఇంటర్వ్యూలో భాగంగా చెప్పుకొచ్చింది. మరి, ఈ ఖాళీ సమయాన్ని సద్వినియోగం చేసుకోవడానికి మన సినీ తారలు, క్రీడాకారిణులు ఏం చేస్తున్నారో వారి మాటల్లోనే తెలుసుకుందాం రండి..

Know More

women icon@teamvasundhara
tv-actress-jaya-bhattacharya-food-packets-and-essentials-to-needy-amid-lockdown

కరోనా అంతమైనా నా సేవను మాత్రం ఆపను!

అప్పటిదాకా హాయిగా ఒక పద్ధతి ప్రకారం సాగుతోన్న ప్రతి ఒక్కరి జీవితాల్లో కరోనా సృష్టించిన అల్లకల్లోలం అంతా ఇంతా కాదు. ఈ క్రమంలో ఉద్యోగం కోల్పోయి కొందరు బాధపడుతుంటే.. తినడానికి తిండి కూడా కరవై ఆకలితో అలమటిస్తోన్న వారు ఎందరో! ఇక ఇలాంటి కష్ట కాలంలో మూగ జీవాల వెతలు ఎవరికీ పట్టవు. కానీ ఈ గడ్డు కాలంలో కూడా కొంతమంది స్వచ్ఛందంగా ముందుకొచ్చి మూగజీవాలను అక్కున చేర్చుకుంటున్నారు.. అన్నార్తుల ఆకలి తీర్చుతున్నారు. అలాంటి వారిలో తానూ ఉన్నానంటున్నారు బాలీవుడ్‌ నటీమణి జయా భట్టాచార్య. బుల్లితెరపై పలు సీరియళ్లలో, వెండితెరపై కీలక పాత్రల్లో నటించి మెప్పించిన జయ.. ఈ లాక్‌డౌన్‌లో నలుగురికి సహాయపడుతూ తన మంచి మనసును చాటుకుంటున్నారు. అంతేకాదు.. తన సేవలకు సంబంధించిన ఫొటోలను, వీడియోలను సోషల్‌ మీడియాలో పోస్ట్‌ చేస్తూ అందరికీ ఆదర్శంగా నిలుస్తున్నారు. మరి, లాక్‌డౌన్‌ ముగిసిన తర్వాత కూడా తన సేవల్ని ఇలాగే కొనసాగిస్తానంటోన్న ఈ నటీమణి గురించి, ఆమె చేస్తోన్న సేవల గురించి తెలుసుకుందాం రండి..

Know More

women icon@teamvasundhara
payal-ghosh-and-parno-mittra-opens-about-fighting-depression

సమస్య పంచుకోండి.. భారం దించుకోండి!

ఒత్తిడి, ఆందోళన... ఇవి మనిషిని మానసికంగా, శారీరకంగా ఎంతగా కుంగదీస్తాయో ప్రత్యేకించి చెప్పాల్సిన పనిలేదు. ఆకాశమంత ఎదిగిన మనిషిని కూడా అధఃపాతాళానికి తొక్కేస్తుంటాయీ మానసిక రుగ్మతలు. వీటిని భరించలేక ఒకనొక సమయంలో చాలామందికి చనిపోవాలనే ఆలోచన కూడా వస్తుంటుంది. తాజాగా బాలీవుడ్‌ యంగ్‌ హీరో సుశాంత్‌సింగ్‌ రాజ్‌పుత్‌ కూడా ఈ సమస్యతోనే బలవన్మరణానికి పాల్పడ్డాడు. ఈ నేపథ్యంలో తాము కూడా డిప్రెషన్‌ బాధితులమేనంటూ పలువురు సినీతారలు ముందుకొస్తున్నారు. తమకెదురైన గడ్డు పరిస్థితుల గురించి ధైర్యంగా చెప్పడమే కాకుండా.. వాటినెలా అధిగమించారో వివరిస్తూ అందరిలో స్ఫూర్తి నింపే ప్రయత్నం చేస్తున్నారు. తాజాగా ‘ప్రయాణం’ ఫేం పాయల్‌ ఘోష్‌, బెంగాలీ నటి పార్నో మిత్రా కూడా తమ డిప్రెషన్‌ అనుభవాలను అందరితో పంచుకున్నారు.

Know More

women icon@teamvasundhara
kushboo-and-shamita-shetty-opens-about-fighting-depression

డిప్రెషన్‌ మమ్మల్ని కూడా కుంగదీసింది... కానీ కసితో పోరాడాం!

మానసిక ఆందోళన... ప్రపంచంలో ఎక్కువమంది ఎదుర్కొంటున్న ఆరోగ్య సమస్యల్లో ఇది కూడా ఒకటి. హార్మోన్ల స్థాయుల్లో మార్పులు, పలు ఆరోగ్య, వ్యక్తిగత, ఆర్థిక పరమైన సమస్యలు, పని ఒత్తిడి.. వంటి ఎన్నో కారణాలు ఈ సమస్య తలెత్తడానికి దోహదం చేస్తున్నాయి. మనిషిని శారీరకంగా, మానసికంగా ఎంతో కుంగదీసే ఈ ఆరోగ్య సమస్యను మొదట్లోనే అడ్డుకోవాలి. లేకపోతే ఒకానొక సమయంలో వీటిని భరించలేక చాలామందికి చనిపోవాలనే ఆలోచన కూడా వస్తుంటుంది. అందుకు తాజా నిదర్శనమే సుశాంత్‌ సింగ్‌ రాజ్‌పుత్‌ బలవన్మరణం. బాలీవుడ్‌తో పాటు సినిమా పరిశ్రమను కుదిపేసిన అతడి మరణం అందరికీ షాక్‌ ఇచ్చింది. ఈనేపథ్యంలో మానసిక ఒత్తిడి కారణంగా గతంలో తమ మదిలోనూ ఇలాంటి ఆలోచనలు మెదిలాయంటున్నారు ప్రముఖ తారలు ఖుష్బూ, షమితా శెట్టి. ఈ సందర్భంగా వీరిద్దరూ సోషల్‌ మీడియా వేదికగా డిప్రెషన్‌కు సంబంధించిన తమ అనుభవాలను షేర్‌ చేసుకున్నారు.

Know More

women icon@teamvasundhara
actors-who-died-mysteriously-at-young-age

ఎంత కష్టం వచ్చిందో.. అర్థాంతరంగా తనువు చాలించేశారు..!

అందం, డబ్బు, స్టార్‌ స్టేటస్‌...ఇవన్నీ మనిషి బతకడానికి సరిపోవంటూ సుశాంత్‌సింగ్‌ రాజ్‌పుత్‌(34) అకాల మరణం మరోసారి రుజువు చేసింది. వెండితెరపై ‘ధోనీ’గా మెప్పించిన ఈ యంగ్‌ హీరో ఇంట్లోనే బలవన్మరణానికి పాల్పడ్డాడు. తద్వారా తన కుటుంబ సభ్యులు, బంధువులు, అభిమానులు..అందరినీ శోకసంద్రంలో ముంచి స్వర్గానికి వెళ్లిపోయాడు. ఆకట్టుకునే అందం, డబ్బు, అభిమానులు, గొప్ప పేరు...ఇలా అన్నీ ఉన్న సుశాంత్‌ ఆత్మహత్య చేసుకోవడంతో సెలబ్రిటీల జీవితం పూలపాన్పేమీ కాదని మరోసారి నిరూపితమైంది. అయితే గతంలో సుశాంత్‌ మాదిరిగానే కొందరు తారలు అర్థాంతరంగా తనువు చాలించారు. అయినవాళ్లకు శోకాన్ని మిగిల్చారు. అలా చిన్న వయసులోనే మరణించిన కొంతమంది సెలబ్రిటీల గురించి తెలుసుకుందాం రండి.!

Know More

women icon@teamvasundhara
manjula-opens-about-her-depression-and-shares-about-her-shattered-dreams

ఆ రెండూ నా జీవితాన్ని కొత్త మలుపు తిప్పాయి!

‘షో’.. సినిమాతో ఇటు నటిగా, అటు నిర్మాతగా ప్రేక్షకులకు పరిచయమైంది మంజుల. తన నట ప్రతిభతో జాతీయ అవార్డుతో పాటు పలువురి ప్రశంసలు కూడా అందుకుంది. ఈక్రమంలో సూపర్‌ స్టార్‌ కృష్ణ కూతురిగానే కాకుండా సినిమా ఇండస్ట్రీలో తనకంటూ ఓ ప్రత్యేక గుర్తింపు తెచ్చుకుంది. నటిగా, నిర్మాతగా, డైరెక్టర్‌గా సత్తా చాటిన ఆమె తాజాగా తన పేరు మీద ఓ వెబ్‌సైట్‌ను, యూట్యూబ్‌ ఛానల్‌ను ప్రారంభించింది. ఈమేరకు తన యూట్యూబ్‌ ఛానల్‌లో మొదటి వీడియో పోస్ట్‌ చేసిన ఆమె.. తన వ్యక్తిగత, వృత్తిపరమైన జీవితానికి సంబంధించిన పలు ఆసక్తికర విషయాలను షేర్‌ చేసుకుంది.

Know More

women icon@teamvasundhara
celebrities-who-became-pregnant-before-marriage

పెళ్లికి ముందే ఆ శుభవార్త చెప్పేశారు!

రెండు హృదయాలను కలిపే అందమైన బంధం ప్రేమ. పెళ్లితో అది నిండు నూరేళ్ల అనుబంధమవుతుంది. అలాంటి అనుబంధం సంపూర్ణమయ్యేది ఎప్పుడు అంటే ఇద్దరు ముగ్గురైనప్పుడే! అయితే పెళ్లయ్యాకే మహిళలు గర్భం దాల్చడం, పండంటి బిడ్డకు జన్మనివ్వడం.. మన దేశ సంప్రదాయం. అయితే రాన్రానూ పాశ్చాత్య పోకడలు మన దేశం వారిపైనా ప్రభావం చూపడం, ఇతర దేశాలకు చెందిన సినీ తారలు ఇక్కడి అబ్బాయిల్ని పెళ్లి చేసుకోవడంతో.. పెళ్లికి ముందే గర్భం ధరించడం ఈరోజుల్లో కామనైపోయింది. ఇందుకు తాజా ఉదాహరణ క్రికెటర్‌ హార్దిక్‌ పాండ్యా ప్రియురాలు, సెర్బియన్‌ నటి నటాషా స్టాంకోవిచ్‌. ఈ ఏడాది తొలి రోజే ఉంగరాలు మార్చుకొని తమ ప్రేమ విషయాన్ని బయటపెట్టిన ఈ ముద్దుల జంట.. తాము త్వరలోనే తల్లిదండ్రులం కాబోతున్నామని ఇటీవలే ప్రకటించి.. అందరినీ ఆశ్చర్యపరిచింది. అయితే నటాషానే కాదు.. గతంలోనూ కొందరు ముద్దుగుమ్మలు పెళ్లికి ముందే గర్భం ధరించి వార్తల్లో నిలిచారు. ఆపై వివాహబంధంతో తమ అనుబంధాన్ని శాశ్వతం చేసుకున్నారు. ఇంతకీ వాళ్లెవరో తెలుసుకుందాం రండి..

Know More

women icon@teamvasundhara
tahira-kashyap-pens-about-her-cancer-scars

ఆ మచ్చల్ని దాచద్దు.. మిమ్మల్ని మీరు ప్రేమించుకోండి!

క్యాన్సర్‌... మందు లేని ఈ మహమ్మారి గురించి ఎంతోమంది భయపడుతుంటారు. అయితే ఈ భయాన్ని పటాపంచలు చేస్తూ చాలామంది సెలబ్రిటీలు ఈ వ్యాధిని ధైర్యంగా ఎదుర్కొన్నారు. ఆత్మస్థైర్యంతో విజయం సాధించి తమ లాంటి క్యాన్సర్‌ బాధితులకు ఆదర్శంగా నిలిచారు. అందులో ఒకరు బాలీవుడ్‌ క్రియేటివ్‌ రైటర్‌ అండ్‌ డైరెక్టర్‌ తహీరా కశ్యప్‌. రెండేళ్ల క్రితం ప్రమాదకరమైన బ్రెస్ట్ క్యాన్సర్‌ బారిన పడినా ఆమె మానసిక స్థైర్యంతో ఆ మహమ్మారిని అధిగమించింది. చికిత్స సమయంలో ఎప్పటికప్పుడు సోషల్‌ మీడియా ద్వారా ఫొటోలు, అనుభవాలను షేర్‌ చేసుకున్న ఈ ట్యాలెంటెడ్‌ రైటర్‌ ఆ తర్వాత కూడా తనకు వీలైనప్పుడల్లా క్యాన్సర్‌ బాధితుల్లో స్ఫూర్తి నింపే ప్రయత్నం చేస్తోంది. క్యాన్సర్‌పై మహిళలకు అవగాహన కల్పించే విధంగా అవగాహన కార్యక్రమాల్లో పాల్గొనడం, సోషల్‌ మీడియాలో పోస్ట్‌లు పెట్టడం లాంటివి చేస్తోంది. ఈక్రమంలో ‘నేషనల్‌ క్యాన్సర్‌ సర్వైవర్స్‌ డే’ను పురస్కరించుకుని మరొక స్ఫూర్తిదాయక పోస్టుతో మన ముందుకొచ్చిందీ బాలీవుడ్‌ ముద్దుగుమ్మ.

Know More

women icon@teamvasundhara
sonakshi-sinha-twitter-chat-with-fans

అతడు ఆరడుగులుండాలి.. నన్ను నవ్వించాలి!

కరోనా అందరి జీవితాల్లోనూ పెను మార్పులు తీసుకొచ్చింది. వ్యక్తిగత పరిశుభ్రత దగ్గర్నుంచి బిజీ లైఫ్‌స్టైల్‌కు కాస్త బ్రేక్‌ ఇచ్చి ఇంట్లో వాళ్లతో గడపడం దాకా.. అందరూ సరికొత్త అలవాట్లను అలవర్చుకోవడంతో పాటు విభిన్న అనుభవాలను, అనుభూతులను సొంతం చేసుకుంటున్నారు. ఇలా తమ లాక్‌డౌన్‌ అనుభవాలను సోషల్‌ మీడియా వేదికగా పంచుకోవడంలో అందరికంటే ముందుంటున్నారు మన ముద్దుగుమ్మలు. సినిమా షూటింగ్స్‌ వాయిదా పడడంతో గత మూడు నెలలుగా ఇంటికే పరిమితమైన అందాల తారలు.. పోస్టులు, ఫొటోలు, వీడియోలు, ఛాటింగ్స్‌ రూపంలో తమ అభిమానులతో నిరంతరం టచ్‌లోనే ఉంటున్నారు. ఈ నేపథ్యంలోనే బాలీవుడ్‌ అందాల భామ సోనాక్షీ సిన్హా ఇటీవలే ట్విట్టర్‌ వేదికగా అభిమానులతో ముచ్చటించింది. #SonaSays అనే హ్యాష్‌ట్యాగ్‌ వేదికగా నిర్వహించిన ఈ ఆన్‌లైన్‌ ఛాటింగ్‌లో తన జీవితానికి సంబంధించిన ఎన్నో ఆసక్తికర విశేషాలను ఫ్యాన్స్‌ ముందుంచింది. అవేంటో మనమూ తెలుసుకుందాం రండి..

Know More

women icon@teamvasundhara
actress-akkineni-samantha-chitchat-with-fans-in-twitter

ఇప్పటికే మూడు పచ్చళ్ల బాటిళ్లను అవగొట్టేశాను!

ఓవైపు సినిమాలతో మాయ చేస్తూ...మరోవైపు సోషల్‌ మీడియాలోనూ చురుగ్గా ఉండే హీరోయిన్లలో సమంత కూడా ఒకరు. పెళ్లయ్యాక నటనకు ప్రాధాన్యమున్న సినిమాల్లో నటిస్తూ సినీ ప్రేక్షకులను అలరిస్తున్న ఈ అందాల తార లాక్‌డౌన్ కారణంగా ఇంటికే పరిమితమైంది. భర్త నాగచైతన్యతో కలిసి కసరత్తులు, వంటలు చేస్తోంది. అనంతరం ఆ విషయాలను సోషల్‌ మీడియాలో షేర్‌ చేసుకుంటోంది. ఈక్రమంలో తాజాగా ట్విట్టర్‌ అభిమానులతో ముచ్చటించింది సామ్‌. సినిమాల్లోనే కాదు రియల్‌ లైఫ్‌లోనూ ఎంతో సరదాగా, చలాకీగా ఉండే ఆమె ఫ్యాన్స్‌ అడిగిన పలు ప్రశ్నలకు అంతే సరదాగా సమాధానాలిచ్చింది. మరి సామ్‌, ఫ్యాన్స్‌ మధ్య జరిగిన ఆ సంభాషణ విశేషాలేంటో మనమూ తెలుసుకుందాం రండి.

Know More

women icon@teamvasundhara
crime-patrol-actress-preksha-mehta-committed-suicide-left-a-chilling-suicide-note

కలలు చెదిరాక ఇక బతకలేనంటూ..!

కరోనా.. ఎందరో ఆశలు, ఆశయాలు, కన్న కలలకు గండి కొట్టింది. ప్రతి ఒక్కరినీ తీవ్ర మనోవేదనకు గురిచేస్తోంది. శారీరకంగా, మానసికంగా, ఆర్థికంగా ఇబ్బందులు పెడుతోన్న ఈ మహమ్మారి వల్ల ఉద్యోగాలు కోల్పోయిన వారు కొందరైతే, ఉపాధి అవకాశాలు లేక ఆకలితో అలమటిస్తోన్న వారు మరికొందరు. మనలాంటి సామాన్యులే కాదు.. ఎప్పుడూ షూటింగులతో బిజీగా ఉండే కొందరు సినీ తారలు, బుల్లితెర నటీనటులు సైతం గత రెండు నెలలుగా ఇంటికే పరిమితమై తీవ్ర ఒత్తిడికి గురవుతున్నారు. ఈక్రమంలో బాలీవుడ్‌ బుల్లితెర నటి ప్రేక్షా మెహతా తన ఇంట్లోనే ఉరేసుకుని ఆత్మహత్యకు పాల్పడడం చర్చనీయాంశమైంది.

Know More

women icon@teamvasundhara
dia-mirza-diana-penty-aditi-rao-hydari-takes-a-stand-against-period-shaming-undertakes-the-red-dot-challenge

‘ఎర్ర చుక్క’ పెట్టి మరీ దాని గురించి మాట్లాడదాం !

నెలసరి.. మనలో నెలనెలా జరిగే ఈ సహజ ప్రక్రియ దేవుడు మనకు ప్రసాదించిన వరం లాంటిది. కానీ ఇప్పటికీ దీన్నో శాపంలా భావించే వారు మన చుట్టూనే ఎందరో ఉన్నారు. తాము నెలసరిలో ఉన్నామని బయటికి చెప్పకుండా గుసగుసలాడడం, సైగలు చేయడం వంటివి చేస్తుంటారు చాలామంది అమ్మాయిలు. అంతేకాదు.. శ్యానిటరీ న్యాప్‌కిన్లు కొనడానికి కూడా సిగ్గుపడుతుంటారు కొందరు.. ఇక మరికొందరైతే పిరియడ్స్‌ వచ్చిన వారిని వంటింట్లోకి రానివ్వకపోవడం, ఇంట్లో ఏ వస్తువులను తాకనివ్వకుండా.. వారిని అంటరాని వాళ్లలా చూస్తుంటారు. ఇక ఈ సమయంలో ప్రమాదమని తెలిసినా శ్యానిటరీ న్యాప్‌కిన్లు కొనే స్థోమత లేక గుడ్డ వంటివి వాడే వారూ ఉన్నారు. ఫలితంగా వ్యక్తిగత పరిశుభ్రత లోపించి వివిధ రకాల ఇన్ఫెక్షన్ల బారిన పడుతుంటారు. ఇది ప్రత్యుత్పత్తి వ్యవస్థపై తీవ్ర ప్రభావం చూపుతుంది. ఇలా పిరియడ్స్‌ విషయంలో చాలామందిలో ఉన్న ఇలాంటి మూఢనమ్మకాలను పారదోలి, నెలసరి పరిశుభ్రతపై అవగాహన కల్పించేందుకు ఏటా మే 28న ‘అంతర్జాతీయ నెలసరి పరిశుభ్రతా దినోత్సవం’గా జరుపుకుంటున్నాం. మహిళలు-అమ్మాయిల్లో నెలసరి అపోహల్ని తొలగించడానికి, పిరియడ్స్‌ విషయంలో అందరిలో అవగాహన పెంచడానికి యూనిసెఫ్‌ ఇండియా ఈ ఏడాది ఓ సరికొత్త ఛాలెంజ్‌తో మన ముందుకొచ్చింది. ప్రపంచవ్యాప్తంగా ఉన్న ప్రముఖులను ఈ కార్యక్రమంలో భాగం చేసి మహిళల్లో స్ఫూర్తి నింపుతోంది. మరి, మరి ఇంతకీ ఆ ఛాలెంజ్‌ ఏమిటో, అందులో పాల్గొన్న కొందరు ముద్దుగుమ్మలు నెలసరి గురించి ఏమంటున్నారో తెలుసుకుందాం రండి..

Know More

women icon@teamvasundhara
konidela-upasana-innovative-dress-gone-viral

భవిష్యత్తు ఇలాంటి ఫ్యాషన్లదే!

మెగా కోడలిగా, రామ్‌ చరణ్‌ సతీమణిగానే కాకుండా తనకంటూ ఓ ప్రత్యేక గుర్తింపు సొంతం చేసుకుంది ఉపాసన కొణిదెల. అపోలో ఆస్పత్రిలోని హెల్త్‌కేర్‌ విభాగంలో కీలక బాధ్యతలు నిర్వర్తిస్తున్న ఆమె సామాజిక సేవా కార్యక్రమాల్లోనూ ముందుంటుంది. నలుగురికి ఉపయోగపడే ఏ విషయమైనా అందరితో షేర్‌ చేసుకునే ఉపాసన ఆరోగ్యం, ఫిట్‌నెస్‌, కుకింగ్‌కు సంబంధించిన విషయాలను సోషల్‌ మీడియాలో పోస్ట్ చేస్తుంటుంది. ఇందులో భాగంగా ఎప్పటికప్పుడు సరికొత్త ఆలోచనలతో ముందుకు వచ్చే ఆమె తాజాగా మరో వినూత్న ప్రయత్నం చేసింది. ఇందులో భాగంగా ఫ్యాబ్రిక్‌, లేటెక్స్‌ వ్యర్థాలతో రూపొందించిన దుస్తులు ధరించి సోషల్‌ మీడియాలో ఫొటోను పోస్ట్‌ చేసింది.

Know More

women icon@teamvasundhara
celebrities-no-make-up-photos-during-lockdown

మేకప్‌ లేకుండానే..!

సుదీర్ఘ లాక్‌డౌన్‌ కారణంగా నిన్నటి వరకు అందరూ ఇళ్లకే పరిమితమయ్యారు. లాక్‌డౌన్‌ 4.0లో మరికొన్ని సడలింపులు ఇచ్చిన నేపథ్యంలో మళ్లీ జనజీవనం ఇప్పుడిప్పుడే సాధారణ స్థితికి చేరుకుంటోంది. ఇదిలా ఉంటే నిత్యం ఏదో ఒక షూటింగ్‌ లేదా ఇతర కార్యక్రమాల్లో పాల్గొనే సినీ తారలు కూడా చాలా రోజులు ఇళ్లకే పరిమితమయ్యారు. వీళ్లు కూడా స్వయంగానే ఇంటి పనులు చేసుకుంటున్నారు. ఇక ఎప్పుడూ మేకప్‌తో ఉండే ముద్దుగుమ్మలు కూడా ఇంట్లోనే ఉండడంతో ఎలాంటి మేకప్‌ లేకుండా ఉంటున్నారు. అయితే చాలామంది సినీతారలు మేకప్‌ లేకుండా బయట ప్రపంచానికి పెద్దగా కనిపించరు. కానీ కొంతమంది హీరోయిన్లు ఎలాంటి మేకప్‌ లేకుండా దిగిన ఫొటోలను సోషల్‌ మీడియా వేదికగా అభిమానులతో పంచుకుంటూ.. తమ అందం సహజమైందని నిరూపిస్తున్నారు.

Know More

women icon@teamvasundhara
tollywood-actress-pragya-jaiswal-chit-chat-with-fans-in-twitter

లాక్‌డౌన్‌లో నేను చేసిన ‘బెస్ట్‌’ పని అదే..!

నటించినవి కొన్ని సినిమాలే అయినా తన అందం, అభినయంతో తెలుగు ప్రేక్షకులను ఎంతగానో ఆకట్టుకుంది అందాల తార ప్రగ్యా జైస్వాల్. 'కంచె', 'ఓం నమో వేంకటేశాయ', 'నక్షత్రం'.. వంటి చిత్రాలతో ఎవర్‌గ్రీన్ పాపులారిటీని సంపాదించుకుంది. ఉత్తరాదిలోనే పుట్టిపెరిగినా దక్షిణాది తారగా, అందులోనూ తెలుగమ్మాయేనేమో అన్నంత సహజంగా తన పాత్రల్లో ఒదిగిపోయి చక్కటి గుర్తింపు తెచ్చుకుందీ ముద్దుగుమ్మ. కేవలం నటిగానే కాకుండా.. తన ట్రెండీ ఫ్యాషనబుల్‌ లుక్స్‌ని సోషల్‌మీడియాలో పంచుకుంటూ తన ఫ్యాన్స్‌తో ఎప్పుడూ టచ్‌లోనే ఉంటుందీ లవ్లీ గర్ల్‌. ఈ క్రమంలో తాజాగా ట్విట్టర్ వేదికగా #AskPragya అనే హ్యాష్‌ట్యాగ్‌తో తన అభిమానులతో ముచ్చటించింది ప్రగ్య. మరి ఆ విశేషాలేంటో చూద్దాం రండి..

Know More

women icon@teamvasundhara
interesting-instagram-posts-of-actress-sai-pallavi

ఆ క్షణం నా గుండెల్లో శాశ్వతంగా నిలిచిపోతుంది..!

‘భానుమతి.. ఒక్కటే పీస్.. హైబ్రిడ్ పిల్ల..’ ‘ఫిదా’ సినిమాలోని ఈ డైలాగ్తో కుర్రకారు మనసుల్ని దోచేసింది అందాల తార సాయిపల్లవి. మలయాళంలో వచ్చిన ‘ప్రేమమ్’ చిత్రంలో ‘మలర్’ పాత్రలో నటించి సౌత్ ఇండియన్ సినిమా ఇండస్ట్రీని తనవైపుకి తిప్పుకుంది. అనతి కాలంలోనే పలు విజయవంతమైన చిత్రాల్లో నటించి తనకంటూ ఓ ప్రత్యేకతను సంపాదించుకుందీ బ్యూటీ. పాత్ర ఎంపికలో తనదైన ముద్ర వేస్తూ.. కేవలం నటనకు ప్రాధాన్యం ఉన్న పాత్రల్లో నటిస్తూ వస్తోందీ మలయాళీ ముద్దుగుమ్మ. ఐదేళ్ల సినీ కెరీర్లో పలు సినిమాలతో తనకంటూ ప్రత్యేక గుర్తింపు సంపాదించుకుందీ రౌడీ బేబీ.. మే 9 సాయిపల్లవి పుట్టిన రోజు.. ఈ సందర్భంగా ఈ క్యూట్‌ బ్యూటీ ఇన్స్టాగ్రామ్లో పోస్ట్ చేసిన కొన్ని ఆసక్తికరమైన ఫొటోలు, వాటికి తానిచ్చిన క్యాప్షన్లపై ఓ లుక్కేద్దామా..?

Know More

women icon@teamvasundhara
interesting-instagram-posts-of-actress-rai-laxmi

మిమ్మల్ని ఇష్టపడే వాళ్లనే.. మీరూ ఇష్టపడండి!

తనదైన అందం, అభినయంతో తెలుగు ప్రేక్షకుల మనసులు దోచుకుంది అందాల తార రాయ్‌ లక్ష్మీ. ‘కాంచనమాల కేబుల్‌ టీవీ’ సినిమాతో తెలుగు ప్రేక్షకులను పలకరించిన ఈ ముద్దుగుమ్మ.. అనంతరం పలు విజయవంతమైన సినిమాల్లో నటించి మెప్పించింది. తెలుగు, తమిళ, కన్నడ, మలయాళంతో పాటు బాలీవుడ్‌లోనూ నటించిన ఈ బ్యూటీ.. సినిమాలతోనే కాకుండా సోషల్‌ మీడియా వేదికగా కూడా అభిమానులతో నిత్యం టచ్‌లోనే ఉంటుంది. తన లేటెస్ట్‌ ఫొటోలను, సినిమా విశేషాలను ఎప్పటికప్పుడు ఇన్‌స్టాగ్రామ్ వేదికగా పంచుకోవడం ఈ ముద్దుగుమ్మకు అలవాటు. మే 5న లక్ష్మీ రాయ్‌ పుట్టిన రోజు. ఈ సందర్భంగా ఇన్‌స్టాగ్రామ్‌ వేదికగా తను పోస్ట్‌ చేసిన కొన్ని ఫొటోలు, వాటికి ఇచ్చిన ఆసక్తికరమైన క్యాప్షన్‌లపై ఓ లుక్కేద్దాం రండి..

Know More

women icon@teamvasundhara
interesting-instagram-posts-of-actress-trisha

ఈ క్షణం ఇలాగే ఆగిపోతే బాగుండు..!

ఈ తరం నటీమణుల్లో తనకంటూ ఓ ప్రత్యేకతను సంపాదించుకుంది నటి త్రిష. మోడల్‌గా కెరీర్‌ ప్రారంభించిన ఈ బ్యూటీ.. 1999లో వచ్చిన ‘జోడీ’ అనే తమిళ చిత్రంతో వెండితెరకు పరిచయమైంది. కేవలం నాలుగేళ్లలో ఏడు తమిళ చిత్రాల్లో నటించిన ఈ చిన్నది.. 2003లో వచ్చిన ‘నీ మనసు నాకు తెలుసు’ సినిమాతో తెలుగు ప్రేక్షకులనూ పలకరించింది. తొలి సినిమాతోనే నటిగా మంచి పేరు సంపాదించుకున్న ఈ చైన్నై చిన్నది.. రెండో చిత్రం ‘వర్షం’తో ఒక్కసారిగా టాప్‌ హీరోయిన్ల జాబితాలో చేరిపోయింది. ఇక అప్పటి నుంచి త్రిష వెనక్కి తిరిగి చూసుకోలేదు. తమిళ, తెలుగు, కన్నడ, మలయాళంతో పాటు పలు హిందీ చిత్రాల్లో నటించి భారతీయ సినీ పరిశ్రమలో మేటి కథానాయికగా గుర్తింపు తెచ్చుకుంది త్రిష.

Know More

women icon@teamvasundhara
here-is-the-list-of-bollywood-beauties-who-are-working-from-home

మేమూ ఇంటి నుంచి పనిచేస్తున్నాం!

కరోనా ప్రభావం తీవ్రంగా ఉండడంతో దేశ వ్యాప్తంగా లాక్‌డౌన్‌ కొనసాగుతోంది. దీంతో ప్రజలంతా సామాజిక దూరం పాటిస్తూ ఇళ్లకే పరిమితమవుతున్నారు. అయితే ఈ లాక్‌డౌన్‌ వల్ల తమ వృత్తిగత జీవితానికి బ్రేక్‌ పడకూడదన్న ఉద్దేశంతో చాలామంది ఇంటి నుంచే విధులు నిర్వర్తిస్తున్నారు. అప్పటిదాకా ‘వర్క్‌ ఫ్రమ్‌ హోమ్‌’ ఆప్షన్‌ లేని సంస్థలు కూడా ఈ కొత్త పని సంస్కృతికి శ్రీకారం చుట్టాయి. అయితే మనమే కాదు.. సినీ పరిశ్రమకు చెందిన కొందరు ముద్దుగుమ్మలు కూడా ఈ లాక్‌డౌన్‌ నేపథ్యంలో ఇంటి నుంచే తమ వృత్తిగత బాధ్యతలను నిర్వర్తిస్తున్నారు. ఈ క్రమంలో చక్కటి పని వాతావరణాన్ని ఏర్పరచుకొని మనందరికీ వర్క్‌ ఫ్రమ్‌ హోమ్‌ పాఠాలు నేర్పుతున్నారు. మరి ఇంతకీ వాళ్లెవరు? వాళ్లు చేస్తోన్న పనులేంటో తెలుసుకుందాం రండి..

Know More

women icon@teamvasundhara
lock-down-rashmika-mandana-insta-chit-chat-with-fans

అలా అయితే జీవితాంతం క్వారంటైన్‌లో ఉండేదాన్నేమో!

‘చూసీ చూడంగానే నచ్చేశావే’ అంటూ తొలి సినిమాతోనే టాలీవుడ్‌ ప్రేక్షకులకు తెగ నచ్చేసింది రష్మిక మందన. ఆకట్టుకునే అందం, అలరించే అభినయంతో పాటు తనకు మాత్రమే సాధ్యమయ్యేలా క్యూట్‌ ఎక్స్‌ప్రెషన్స్‌తో అశేష అభిమానులను సంపాదించుకుందీ ముద్దుగుమ్మ. ఇటీవలే ‘భీష్మ’ సినిమాలో నితిన్‌ సరసన ‘వాట్‌ ఏ బ్యూటీ’ అనిపించుకున్న ఈ కన్నడ బేబ్‌.. లాక్‌డౌన్‌ కారణంగా ప్రస్తుతం ఇంటికే పరిమితమైంది. సినిమాలతో పాటు సోషల్‌ మీడియాలోనూ యాక్టివ్‌గా ఉండే రష్మిక తాజాగా అభిమానులతో ముచ్చటించింది. ఇన్‌స్టాగ్రామ్‌ వేదికగా తన ఫ్యాన్స్‌ అడిగిన ప్రశ్నలకు ఎంతో క్యూట్‌గా, సరదాగా సమాధానమిచ్చింది. మరి, ఆ విశేషాలేంటో మనమూ చూద్దామా!

Know More

women icon@teamvasundhara
corona-virus-kanika-kapoor-tops-list-of-celebrities-searched-for-during-lock-down

లాక్‌డౌన్‌ సమయంలో ఈమె గురించే తెగ వెతికారట!

కనికా కపూర్‌...కరోనా వైరస్‌ మనదేశంలోకి ప్రవేశించినప్పటి నుంచి ఎక్కువగా వినిపిస్తున్న సెలబ్రిటీ పేరు. అప్పటివరకు కేవలం బాలీవుడ్‌ సింగర్‌గా మాత్రమే పేరున్న ఆమె కరోనా కారణంగా దేశవ్యాప్తంగా అందరి నోళ్లలో నానుతూ వచ్చింది. లండన్‌ నుంచి వచ్చిన ఆమె పలు వేడుకల్లో పాల్గొనడం, వాటికి సినీ, రాజకీయ ప్రముఖులు హాజరుకావడం, ఆ తర్వాత ఆమె కరోనా బారిన పడడంతో దేశ వ్యాప్తంగా ఒక్కసారిగా ఆమె పేరు మార్మోగిపోయింది. చాలా రోజుల పాటు ఆస్పత్రిలో చికిత్స తీసుకున్న కనిక ఆరోగ్య పరిస్థితి ఒక్కో దశలో విషమించిందంటూ వార్తలొచ్చాయి. అయితే అదృష్టవశాత్తూ కరోనా మహమ్మారి నుంచి సురక్షితంగా కోలుకుందామె. అలా కరోనా కారణంగా అందరి నోళ్లలో నానిన కనిక తాజాగా ఓ అరుదైన గుర్తింపును సొంతం చేసుకుంది. ఈ నెల రోజుల లాక్‌డౌన్‌ కాలానికి సంబంధించి ‘మోస్ట్‌ సెర్చ్‌డ్‌ ఇండియన్‌ సెలబ్రిటీ’ జాబితాలో అగ్రస్థానంలో నిలిచిందీ బ్యూటిఫుల్‌ సింగర్‌. ప్రముఖ సెర్చింజన్‌ సంస్థ ‘యాహూ ఇండియా’ ప్రకటించిన ఈ లిస్టులో ఆమె ప్రియాంక చోప్రా, రజనీకాంత్‌ లాంటి సూపర్‌ స్టార్లను వెనక్కి నెట్టి మరీ టాప్‌ ప్లేస్‌ సొంతం చేసుకుంది.

Know More

women icon@teamvasundhara
lock-down-pillow-challenge-see-these-viral-celebrity-photos

దిండ్లలో ఒదిగిపోతున్న అందాల భామలు!

లాక్‌డౌన్‌ కారణంగా సామాన్యుల నుంచి సెలబ్రిటీల వరకు అందరూ ఇళ్లకే పరిమితమవడంతో ఈ ఖాళీ సమయంలో ఏం చేయాలో ఎవరికీ పాలుపోవట్లేదు. దీంతో కాలక్షేపం కోసం ఒక్కొక్కరూ ఒక్కో దారిని వెతుక్కుంటున్నారు. ఇక సెలబ్రిటీల గురించి ప్రత్యేకంగా చెప్పనక్కర్లేదు. మునుపెన్నడూ లేని విధంగా ఇంత ఖాళీ సమయం దొరకడంతో ఎంచక్కా ఇంటిపట్టునే ఉంటూ రకరకాల ఛాలెంజ్‌లను విసురుకుంటున్నారు. లాక్‌డౌన్‌ మొదలైన దగ్గర్నుంచి సోషల్‌ మీడియాలో వైరల్‌గా మారిన బోలెడన్ని ఛాలెంజ్‌లను మనం చూసే ఉంటాం. ఇదే విధంగా - ‘పిల్లో ఛాలెంజ్‌’ పేరుతో మరో కొత్త ఛాలెంజ్‌ నెట్టింట్లో వైరల్‌ అవుతోంది. ఇంతకీ ఏంటీ ఛాలెంజ్‌? దీన్ని ఎవరెవరు స్వీకరించారు? రండి.. తెలుసుకుందాం..

Know More

women icon@teamvasundhara
sobhita-dhulipala-takes-stunning-self-timed-photos-for-shoot-amid-lock-down

నా కొత్త ఫ్రెండ్‌ సహకారంతో ఈ ఫొటోలు తీసుకున్నా!

సాధారణంగా మ్యాగజైన్‌ ఫొటోషూట్‌ అంటే ఎవరెవరుంటారు? అందమైన మోడల్స్‌, స్టైలిష్‌ ఫొటోగ్రాఫర్స్‌, ఫ్యాషన్‌ డిజైనర్స్‌, మేకప్‌ ఆర్టిస్టులు, ప్రొడ్యూసర్స్‌, డైరెక్టర్స్‌, లైట్‌బాయ్స్‌... ఇలా చాలామంది ఈ బృందంలో ఉంటారు. వీరందరూ ఎంతో కష్టపడితే కానీ అందమైన ఫొటోలు రావు. అయితే లాక్‌డౌన్ కారణంగా సినిమా షూటింగ్‌లతో పాటు ఫొటోషూట్స్‌కి కూడా కళ్లెం పడింది. ఈ అసాధారణ పరిస్థితుల్లోనూ ఓ మ్యాగజైన్‌ కవర్‌ పేజీ కోసం అందమైన ఫొటోషూట్‌ తీయించుకుంది శోభితా ధూళిపాళ్ల. మరి లాక్‌డౌన్‌ కాలంలో ఈ ఫొటోషూట్‌ తనకు ఎలా సాధ్యమైందనుకుంటున్నారా? అయితే ఈ స్టోరీ చదవాల్సిందే.

Know More