కరోనా నుంచి మానవాళిని రక్షించేందుకు యావత్‌ ప్రపంచం తీవ్రంగా కృషి చేస్తోంది. ఈ వ్యాధి బారిన పడిన వారికి తగిన వైద్య సేవలు అందించేందుకు వివిధ దేశాల ప్రభుత్వాలు విపరీతంగా ఖర్చు పెడుతున్నాయి. మన కేంద్ర ప్రభుత్వం కూడా ఈ సమస్యపై పోరాడేందుకు కోట్ల రూపాయలను వెచ్చిస్తోంది. ఈ క్రమంలో తమకు తోచిన నగదును ‘ప్రధాని సహాయ నిధి’కి విరాళంగా ఇవ్వమని ప్రధాని నరేంద్ర మోదీ ప్రజలకు పిలుపునిచ్చిన సంగతి తెలిసిందే. ఈ నేపథ్యంలో కేంద్ర, రాష్ట్ర ప్రభుత్వాలకు సాయం అందించేందుకు సామాన్యులతో పాటు వివిధ రంగాలకు చెందిన సెలబ్రిటీలు సైతం ముందుకొస్తుండడం విశేషం. ఈ ఆపద సమయంలో దేశ ప్రజలకు అండగా నిలుస్తూ వాళ్లు తమ మంచి మనసును చాటుకుంటున్నారు.

కరోనా వైరస్‌ ఎవ్వరినీ వదిలి పెట్టట్లేదు. సామాన్యుల నుంచి సెలబ్రిటీల వరకు అందరూ దీని బారిన పడుతున్నారు. ప్రముఖ బాలీవుడ్‌ సింగర్‌ కనికా కపూర్‌కు ఇటీవల కరోనా పాజిటివ్‌గా తేలిన విషయం తెలిసిందే. మార్చి 9న లండన్‌ నుంచి ముంబై వచ్చిన కనిక.. అక్కడి నుంచి కాన్పూర్‌, లక్నో వెళ్లింది. అక్కడ ఓ విందులో ప్రముఖులతో పాల్గొంది. ఆ తర్వాత కరోనా లక్షణాలతో బాధపడడంతో ఆసుపత్రిలో చేరింది. వైద్యుల పరీక్షలో ఆమెకు కరోనా పాజిటివ్‌ అని తేలిన విషయం తెలిసిందే. ప్రస్తుతం ఉత్తరప్రదేశ్‌లోని సంజయ్‌ గాంధీ పోస్ట్‌ గ్రాడ్యుయేట్‌ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌లో చికిత్స పొందుతున్న కనిక తాజాగా ఇన్‌స్టా వేదికగా చేసిన పోస్ట్‌ అందరినీ ఒకింత భావోద్వేగానికి గురిచేస్తోంది.

కరోనా.. కరోనా.. ప్రస్తుతం ఎవరి నోట విన్నా ఇదే మాట! రోజురోజుకీ కరోనా వైరస్‌ విజృంభిస్తోన్న నేపథ్యంలో ప్రజలు భయంతో వణికిపోతున్నారు. మన చుట్టూ ఉన్న వాళ్లు కనీసం తుమ్మినా, దగ్గినా అది కరోనా వల్లనేమో అనే ఆలోచనే ముందుగా మన మనసులోకొస్తోంది. కరోనా పాజిటివ్‌ కేసుల సంఖ్య మన దేశంలో కూడా రోజురోజుకీ పెరుగుతుండడంతో ప్రజలంతా అప్రమత్తంగా ఉండాలంటూ ఈ వైరస్‌ పట్ల అవగాహన తెచ్చేందుకు ప్రభుత్వాలు వివిధ ప్రచార కార్యక్రమాలు నిర్వహిస్తున్నాయి. ఈ క్రమంలో పలు స్వచ్ఛంద సంస్థలతో పాటు ప్రముఖ సెలబ్రిటీలు సైతం కరోనా వైరస్‌ పట్ల ప్రజల్లో అవగాహన పెంచేందుకు సామాజిక మాధ్యమాలను వేదికలుగా చేసుకుంటున్నారు. వివిధ పోస్టులు, వీడియోలను షేర్‌ చేస్తూ ‘కరోనాకు భయపడద్దు.. వ్యక్తిగత పరిశుభ్రత పాటించండం’టూ స్ఫూర్తి నింపుతున్నారు. ఈ లిస్టులో తాజాగా గ్లోబల్‌ స్టార్‌ ప్రియంక చోప్రా, అందాల భామలు బిపాసా బసు, కృతి కర్బంద కూడా చేరిపోయారు. కరోనాపై అవగాహన కల్పించే నేపథ్యంలో తమదైన రీతిలో వీడియోలు రూపొందించి సోషల్‌ మీడియాలో పోస్ట్‌ చేయడంతో ప్రస్తుతం ఆ వీడియోలు కాస్తా వైరల్‌గా మారాయి.కరోనా.. కరోనా.. ప్రస్తుతం ఎవరి నోట విన్నా ఇదే మాట! రోజురోజుకీ కరోనా వైరస్‌ విజృంభిస్తోన్న నేపథ్యంలో ప్రజలు భయంతో వణికిపోతున్నారు. మన చుట్టూ ఉన్న వాళ్లు కనీసం తుమ్మినా, దగ్గినా అది కరోనా వల్లనేమో అనే ఆలోచనే ముందుగా మన మనసులోకొస్తోంది. కరోనా పాజిటివ్‌ కేసుల సంఖ్య మన దేశంలో కూడా రోజురోజుకీ పెరుగుతుండడంతో ప్రజలంతా అప్రమత్తంగా ఉండాలంటూ ఈ వైరస్‌ పట్ల అవగాహన తెచ్చేందుకు ప్రభుత్వాలు వివిధ ప్రచార కార్యక్రమాలు నిర్వహిస్తున్నాయి. ఈ క్రమంలో పలు స్వచ్ఛంద సంస్థలతో పాటు ప్రముఖ సెలబ్రిటీలు సైతం కరోనా వైరస్‌ పట్ల ప్రజల్లో అవగాహన పెంచేందుకు సామాజిక మాధ్యమాలను వేదికలుగా చేసుకుంటున్నారు. వివిధ పోస్టులు, వీడియోలను షేర్‌ చేస్తూ ‘కరోనాకు భయపడద్దు.. వ్యక్తిగత పరిశుభ్రత పాటించండం’టూ స్ఫూర్తి నింపుతున్నారు. ఈ లిస్టులో తాజాగా గ్లోబల్‌ స్టార్‌ ప్రియంక చోప్రా, అందాల భామలు బిపాసా బసు, కృతి కర్బంద కూడా చేరిపోయారు. కరోనాపై అవగాహన కల్పించే నేపథ్యంలో తమదైన రీతిలో వీడియోలు రూపొందించి సోషల్‌ మీడియాలో పోస్ట్‌ చేయడంతో ప్రస్తుతం ఆ వీడియోలు కాస్తా వైరల్‌గా మారాయి.

‘కనులు తెరిచినా కనులు మూసినా కలలు ఆగవేలా.. నిజము తెలిసినా కలని చెప్పినా మనసు నమ్మదేలా..’ ఇలా ఈ పాటందుకోగానే మనందరికీ గుర్తొచ్చే స్లిమ్మీ బ్యూటీ రేఖా వేదవ్యాస్‌. తన తొలి చిత్రం ‘ఆనందం’తోనే ప్రేక్షకుల హృదయాల్లో చెరగని ముద్రవేసిన ఈ అందాల తార.. ఆపై పలు విజయవంతమైన చిత్రాల్లో నటించి మెప్పించింది. ఆలీ వ్యాఖ్యాతగా ఈటీవీలో ప్రసారమయ్యే ఆలీతో సరాదాగా కార్యక్రమానికి విచ్చేసి తన గురించి మనకు తెలియని ఎన్నో విశేషాలు పంచుకుంది రేఖ.

ఫ్యాషన్‌ షోలు, అవార్డ్స్‌ సెలబ్రేషన్స్‌.. అంటూ వరస కార్యక్రమాలతో బాలీవుడ్‌ తారా లోకం బిజీబిజీగా గడిపేస్తున్నారు. ఇటీవలే లాక్మే ర్యాంప్‌పై హొయలొలికించిన అందాల భామలు.. ఫిలింఫేర్‌ అవార్డ్స్‌లో తమదైన స్టైల్స్‌తో రెడ్‌ కార్పెట్‌ని హీటెక్కించారు. తాజాగా ‘నైకా ఫెమినా బ్యూటీ అవార్డ్స్‌-2020’ ప్రదానోత్సవంలో తమ డిఫరెంట్‌ అటైర్స్‌తో ఫ్యాషన్‌ ప్రియుల మతులు పోగొట్టారు. నైకా ఆధ్వర్యంలో ఫెమినా నిర్వహించిన ఈ అవార్డ్స్‌ ప్రదానోత్సవం సందర్భంగా బాలీవుడ్‌ ముద్దుగుమ్మలంతా ఒకచోట చేరి తమ అందచందాలతో అభిమానులకు కనువిందు చేశారు. అటు అవార్డులతో మురిసిపోతూ.. ఇటు తమ ఫ్యాషనబుల్‌ లుక్స్‌తో అదరగొట్టిన బాలీవుడ్‌ అందాల తారలపై మనమూ ఓ లుక్కేద్దాం రండి..

భారతీయ సినిమా పరిశ్రమలో ఎంతో ప్రతిష్ఠాత్మకంగా భావించే ఫిలింఫేర్‌ అవార్డుల ప్రదానోత్సవం అట్టహాసంగా జరిగింది. బాలీవుడ్‌కు చెందిన దిగ్గజ నటీనటులు, దర్శక నిర్మాతల సమక్షంలో విజేతలు అవార్డులు అందుకున్నారు. 65వ ఫిలింఫేర్‌ ప్రదానోత్సవ వేడుకలను అస్సోంలోని గువహటిలో శనివారం రాత్రి అంగరంగ వైభవంగా నిర్వహించారు. ఇక కార్యక్రమంలో భాగంగా రణ్‌వీర్‌ సింగ్‌, కార్తిక్‌ ఆర్యన్‌, మాధురీ దీక్షిత్‌ తమ డ్యాన్సులతో అతిథులను అలరించగా, మరికొందరు ముద్దుగుమ్మలు రెడ్‌ కార్పెట్‌పై తళుక్కుమన్నారు. మరి ఈ ఏడాదికిగాను ఫిలింఫేర్‌ అవార్డులు అందుకున్న సినిమాలు, తారలు, ఇతర సాంకేతిక నిపుణులెవరో చూద్దాం రండి.

‘మైక్‌కి మాటలు వస్తే ‘సుమ’ లాగా మాట్లాడుతుందేమో... అందుకే గంటల కొద్దీ మాటల గారడీ చేసే ఆమె ఎక్కడుంటే అక్కడ సందడే సందడి. తన వాగ్ధాటికి సమయస్ఫూర్తి, హాస్యం, చలాకీ తనాన్ని జోడిస్తూ ఆమె విసిరే పంచ్‌లు ఎవ్వరినైనా నవ్వుల్లో ముంచెత్తుతాయి. బుల్లితెరపై ఏ ప్రోగ్రాం చూసినా సుమ సందడే కనిపిస్తుంది...వెండితెరకు సంబంధించి ఏ ఆడియో రిలీజ్‌, ప్రి రిలీజ్‌ ఫంక్షన్‌ జరిగినా ఈ స్టార్‌ యాంకర్‌ హడావిడే వినిపిస్తుంది. మరి అలుపెరగకుండా మాట్లాడే ఈ బుల్లితెర మహారాణి మాటల ప్రస్థానం ఎప్పుడు మొదలైంది? అసలు ఈ రంగంలోకి ఆమె ఎలా వచ్చింది? యాంకరింగ్‌కు సంబంధించి ఆమె అనుభవాలేంటి? తదితర విషయాలు తెలుసుకోవాలంటే స్వయంగా తనే పంచుకున్న ముచ్చట్లు వినాల్సిందే..!

‘పట్టు చీరల్లో చందమామ.. ఏడు వన్నెల్లో వెన్నెలమ్మ.. కన్నె రూపాల కోనసీమ.. కోటి తారల్లో ముద్దుగుమ్మ..!’ ఈ సాహిత్యం వింటే మన కళ్ల ముందు కదలాడే రూపం.. కాజల్‌ది కాక ఇంకెవరిది..! 2007లో ‘లక్ష్మీ కళ్యాణం’ సినిమాతో తెలుగు పరిశ్రమకు పరిచయమైన ఈ ముద్దుగుమ్మ.. తన అందం, అభినయంతో అభిమానుల హృదయాల్లో సుస్థిర స్థానాన్ని సంపాదించుకుంది. పరిశ్రమకు వచ్చి 13 ఏళ్లు దాటినా ప్రేక్షకుల్లో కాజల్‌కి ఉన్న క్రేజ్‌ ఏమాత్రం చెక్కు చెదర్లేదు. ఈ క్రమంలో ప్రముఖుల మైనపు విగ్రహాలను రూపొందించే మేడమ్‌ టుస్సాడ్స్‌ సంస్థ కాజల్‌ విగ్రహాన్ని రూపొందించే క్రమంలో కొద్ది రోజుల క్రితమే కాజల్‌ శరీర కొలతలను తీసుకున్న సంగతి విదితమే. అయితే తాజాగా ఈ విగ్రహాన్ని సింగపూర్‌లోని మేడమ్‌ టుస్సాడ్స్‌ మ్యూజియంలో ఆవిష్కరించారు. ఈ కార్యక్రమంలో కాజల్‌ స్వయంగా తన మైనపు విగ్రహాన్ని ఆవిష్కరించడం విశేషం. ఈ సందర్భంగా దిగిన ఫొటోలు ప్రస్తుతం సోషల్‌ మీడియాలో హల్‌చల్‌ చేస్తున్నాయి.

‘రవివర్మకే అందని ఒకే ఒక అందానివో’... ‘రావణుడే రాముడైతే’ అనే సినిమా కోసం వేటూరి సుందరరామ్మూర్తి రాసిన పాట ఇది. ‘రవివర్మ కుంచె నుంచి జాలువారిన సుందరాంగిణుల కంటే తన ప్రేయసి లావణ్యమే అద్భుతంగా ఉందని’ అర్థం వచ్చేలా వేటూరి ఈ పాటను రాశారు. అవును అమ్మాయి అందాన్ని వర్ణించాలంటే మొదటగా గుర్తొచ్చేది రవివర్మ చిత్రాలే అని చెప్పడంలో ఎలాంటి అతిశయోక్తి లేదు. అంత అద్భుతంగా ఉంటాయి ఆయన గీసిన చిత్రాలు. అయితే ఇప్పుడు సుమారు వందేళ్ల తర్వాత రవివర్మ చిత్రాలు మళ్లీ ప్రాణం పోసుకున్నాయి. రవివర్మ చిత్రాలు ప్రాణం పోసుకోవడమేంటని ఆలోచిస్తున్నారా?అలనాటి రవివర్మ చిత్రాల్లో మాదిరిగానే ఈనాటి సినీతారలు ముస్తాబై ఫొటోలకు పోజిచ్చారు. ప్రస్తుతం ఈ ఫొటోలు సోషల్‌ మీడియాలో వైరల్‌గా మారాయి. ఇంతకీ ఈ ఆలోచన ఎవరికి, ఎందుకు వచ్చింది? రండి.. తెలుసుకుందాం...

కొత్త ఏడాది అవార్డుల సంబరం మొదలైంది.. బాలీవుడ్‌ స్టార్స్‌ తమ నటప్రతిభకు గుర్తింపుగా ఓవైపు అవార్డుల్ని అందుకుంటూనే.. మరోవైపు తమ ఫ్యాషనబుల్‌ లుక్స్‌తో రెడ్‌కార్పెట్‌ను హీటెక్కించారు. ఏటా ముంబై లయన్స్‌ క్లబ్‌ ఆధ్వర్యంలో నిర్వహించే ‘లయన్స్‌ గోల్డ్‌ అవార్డ్స్‌’ ఈ ఏడాది కూడా తారల సందడి మధ్య కన్నులపండువగా జరిగింది. బాలీవుడ్‌ సినిమా, సీరియల్స్‌కి సంబంధించిన తారా లోకమంతా ఒక్కచోట చేరడంతో వారి తళుకుబెళుకులు చూడడానికి సినీ అభిమానులకు రెండు కళ్లూ చాలలేదంటే అది అతిశయోక్తి కాదు. ఎప్పటిలాగే ఈ అవార్డుల ప్రదానోత్సవానికి కూడా అందాల తారలు ఓ రేంజ్‌లో ముస్తాబై అదరగొట్టేశారు. ఈ క్రమంలో అటు అవార్డులు అందుకోవడంతో పాటు.. ఇటు రెడ్‌ కార్పెట్‌పై తమ లవ్లీ లుక్స్‌తో చూపరులను కట్టిపడేశారు. మరి, ఎవరెవరు ఏయే అవార్డు అందుకున్నారు? ఎలా ముస్తాబయ్యారు? రండి తెలుసుకుందాం..

‘జంతర్‌ మంతర్‌ చూ మంతర్‌ కాలీ.. అందర్‌ దర్ద్‌ దెబ్బకు ఖాళీ’... శంకర్‌ దాదా ఎంబీబీఎస్‌ సినిమాలో చిరంజీవి చెప్పిన ఈ డైలాగ్‌ ఎంత ఫేమసో అందరికీ తెలిసిందే. మానసిక ఆందోళనతో ఉన్న వారిని ఆప్యాయంగా కౌగిలించుకుంటే.. వారి బాధ ఇట్టే మాయమవుతుందని, మనసుకు ప్రశాంతత చేకూరుతుందని ఆ సినిమాలో చెబుతాడు మెగాస్టార్‌. అందుకు తగ్గట్టే ప్రేమతో ఇచ్చే ఓ హగ్‌కు మనుషులను మరింత దగ్గర చేసే లక్షణంతో పాటు ఒత్తిడిని దూరం చేసే శక్తి ఉందంటారు. అంతేకాదు కౌగిలింతల వల్ల ఆరోగ్య ప్రయోజనాలున్నాయని పలు పరిశోధనల్లో కూడా తేలింది. ఈ క్రమంలో జనవరి 21న ‘నేషనల్‌ హగ్గింగ్‌ డే’ను పురస్కరించుకొని ఓ వినూత్న ఆలోచనకు శ్రీకారం చుట్టింది బాలీవుడ్‌ హీరోయిన్‌ రిచాచద్దా. ‘ఫ్రీ హగ్స్‌’ అన్న ప్లకార్డులు చేతిలో పట్టుకున్న ఆమె.. రోజంతా ముంబై వీధులన్నీ తిరుగుతూ అపరిచితులను ఆప్యాయతతో కౌగిలించుకుంది. ప్రేమతో పలకరిస్తూ వారి క్షేమ సమాచారాన్ని తెలుసుకుంది.

పండగంటే కుటుంబమంతా కలిసి సంతోషంగా జరుపుకొనే వేడుక.. తెలుగు ప్రజల అతిపెద్ద పండగ మకర సంక్రాంతి ఎంత ప్రత్యేకమైనదో తెలిసిందే. ఈ మూడురోజుల పండగను సామాన్యుల దగ్గరి నుంచి సెలబ్రిటీల వరకు తమ కుటుంబాలతో కలిసి ఆనందంగా జరుపుకుంటారు. ప్రత్యేకించి సినీ తారలు తమ వృత్తిపరంగా ఎంతో బిజీ అయినప్పటికీ, ఈ సంక్రాంతి పండగను మాత్రం ఎంతో సంబరంగా తమ కుటుంబ సభ్యులతో జరుపుకోవాలని ఆశిస్తారు. ఈ క్రమంలో మెగాస్టార్‌ చిరంజీవి తన ఫ్యామిలీతో ఈ ఏడాది సంక్రాంతి పండగను ఎంతో ఘనంగా సెలబ్రేట్‌ చేసుకున్నారు. ఈ ఏడాదే కాదు.. ప్రతి ఏటా, మెగా కుటుంబం మొత్తం ఒకేచోట చేరి తమ సంబరాలను అంబరాన్నంటేలా చేసుకుంటారు. అయితే.. ఈసారి మెగా వారసులంతా చిరు ఇంట చేరి, అసలుసిసలైన పండగంటే తమదే అన్నట్లుగా ఎంతో సందడిగా సెలబ్రేట్‌ చేసుకున్నారు. ఈ సందర్భంగా మెగా కుటుంబమంతా కలిసి దిగిన ఫొటోలను మెగా వారసులు తమతమ సోషల్‌ మీడియా పేజీల్లో అభిమానులతో పంచుకున్నారు. ప్రస్తుతం ఈ ఫొటోలు నెట్టింట్లో చక్కర్లు కొడుతున్నాయి. మరి ఈ మెగా వారి సంక్రాంతి సంబరాలను మీరూ చూసేయండి..

మోహన్‌బాబు కూతురిగా తెలుగు సినిమా రంగంలోకి అడుగుపెట్టినా..తనకంటూ ఓ ప్రత్యేక గుర్తింపు తెచ్చుకుంది మంచులక్ష్మి. నటిగా, నిర్మాతగా, గాయనిగా, యాంకర్‌గా బహుముఖ ప్రజ్ఞ కనబరుస్తూ ముందుకెళుతోందీ ట్యాలెంటెడ్‌ యాక్ర్టెస్‌. ఇటు బుల్లితెరతో పాటు వెండితెరపై మెరుస్తోన్న లక్ష్మి సోషల్‌ మీడియాలోనూ యాక్టివ్‌గా ఉంటుంది. సమకాలీన సమస్యలపై స్పందించడంతో పాటు.. తన వృత్తిగత, వ్యక్తిగత జీవితానికి సంబంధించిన విషయాలను అందరితో పంచుకుంటుంది. తాజాగా ఆమె ఇన్‌స్టా వేదికగా అభిమానులతో ముచ్చటించింది. ఈ నేపథ్యంలో అభిమానులు అడిగిన ప్రశ్నలకు ఎంతో ఓపికగా సమాధానమిచ్చిందీ అందాల తార. మరి, అభిమానులు అడిగిన ప్రశ్నలు..వాటికి ఈముద్దుగుమ్మ ఇచ్చిన సమాధానాలేంటో ఇప్పుడు చూద్దాం రండి..!

ప్రతి ఒక్కరూ కొత్తేడాదికి కోటి ఆశలతో ఆహ్వానం పలుకుతారు. ఇప్పటికే ప్రపంచవ్యాప్తంగా నూతన సంవత్సర వేడుకలు మిన్నంటిన ఈ వేళ సామాన్యుల దగ్గర్నుంచి సెలబ్రిటీల దాకా అందరూ న్యూ ఇయర్‌ జోష్‌లో మునిగితేలుతున్నారు. ఈ క్రమంలో అందరూ తమ కొత్త సంవత్సర వేడుకల్ని సోషల్‌ మీడియా వేదికగా పంచుకోవడం పరిపాటే. ఇందుకు సెలబ్రిటీలూ అతీతం కాదు. కొత్త ఏడాదికి స్వాగతం పలకడానికి వివిధ ప్రాంతాలకు, దేశాలకు చెక్కేసిన కొందరు సెలబ్రిటీలు తమదైన రీతిలో న్యూ ఇయర్‌కు స్వాగతం పలికారు. ఈ నేపథ్యంలోనే కొందరు సినీ ప్రముఖులు ఫ్యాన్స్‌కు కొత్త ఏడాది శుభాకాంక్షలు చెబుతూ.. వారి సెలబ్రేషన్స్‌ని సోషల్‌ మీడియా వేదికగా పంచుకున్నారు.

జీవితానికి సంబంధించి మనకు చాలా మధురానుభూతులే ఉంటాయి. అయితే మాతృత్వం పొందిన మహిళల ఆనందానికి ఆకాశమే హద్దు. పురిటి నొప్పులను తట్టుకుని ఓ బిడ్డను ప్రసవించినప్పుడు.. ఆమె మనసులో మెదిలే మధురానుభూతులను మాటల్లో చెప్పలేం. ప్రస్తుతం అలాంటి ఆనంద సాగరంలోనే తేలియాడుతోంది స్టార్‌ రెజ్లర్‌ గీతా ఫోగట్‌. 2016లో సహ రెజ్లర్‌ పవన్‌తో కలిసి పెళ్లిపీటలెక్కిన గీత..కొద్దిరోజుల క్రితం తాను గర్భవతినంటూ సోషల్‌ మీడియాలో తన సంతోషాన్ని షేర్‌ చేసుకున్న సంగతి తెలిసిందే. తాజాగా తాను ఓ పండంటి మగబిడ్డకు జన్మనిచ్చినట్లు చెప్పుకొచ్చిందీ రెజ్లింగ్‌ క్వీన్‌.

అందం..అభినయంతో ఆకట్టుకునే మన బాలీవుడ్‌ హీరోయిన్ల ప్రతిభా పాటవాల గురించి ప్రత్యేకంగా చెప్పక్కర్లేదు. చాలామంది హీరోయిన్లు హాలీవుడ్‌లో సైతం దూసుకెళుతూ ప్రపంచవ్యాప్తంగా పేరు సంపాదించుకుంటున్నారు. తమదైన అభినయంతో అవార్డులు అందుకోవడమే కాదు ప్రముఖ మ్యాగజీన్ల ముఖ చిత్రాలపై దర్శనమిస్తున్నారు. అంతేకాదు ప్రపంచవ్యాప్తంగా పేరు పొందిన పలు పత్రికలు విడుదల చేసే ఆయా జాబితాల్లో చోటు దక్కించుకుంటున్నారు. ఈ క్రమంలో ప్రముఖ బ్రిటిష్‌ వార పత్రిక ‘ఈస్టర్న్‌ ఐ’ తాజాగా విడుదల చేసిన ‘ది సెక్సీయెస్ట్‌ ఏషియన్‌ వుమన్‌’ జాబితాలో పలువురు బాలీవుడ్‌ హీరోయిన్లు స్థానం సంపాదించారు. ఈ ఏడాది ‘గల్లీబాయ్‌’ సినిమాతో అదరగొట్టిన అలియా భట్‌ ఈ జాబితాలో అగ్రస్థానం సాధించడం విశేషం. గతేడాది టాప్‌ ర్యాంక్‌లో నిలిచిన దీపిక ఈ సారి రెండోస్థానంలో నిలిచింది. అయితే ఈ దశాబ్దానికి సంబంధించి ’ది మోస్ట్‌ సెక్సీయెస్ట్‌ ఏషియన్‌ వుమన్‌ ’ జాబితాలో దీపికదే అగ్రస్థానం కావడం విశేషం.

టెన్నిస్‌ స్టార్‌ సానియా మీర్జా ఇంట పెళ్లి సందడి మొదలైంది. ఇందులో భాగంగా సానియా సోదరి ఆనమ్‌ మీర్జా, మాజీ క్రికెటర్‌ అజారుద్దీన్‌ కుమారుడు అసదుద్దీన్‌ల వివాహానికి సంబంధించిన ప్రి వెడ్డింగ్‌ వేడుకలు అంగరంగ వైభవంగా జరుగుతున్నాయి. ఆనమ్‌- అసద్‌ల వివాహానికి సంబంధించి గత అక్టోబర్‌లో అధికారిక ప్రకటన చేసింది సానియా. ఈ క్రమంలో కొత్త జీవితాన్ని ప్రారంభించనున్న తన చెల్లి కోసం అన్ని కార్యక్రమాలను దగ్గరుండి చూసుకుంటోంది సానియా. ఇంకా ‘నిఖా’ ముహూర్తం ఖరారు కానప్పటికీ ప్రి వెడ్డింగ్‌ హంగామా వేడుకల్లో భాగంగా బ్రైడల్‌ షవర్‌ , మెహందీ కార్యక్రమాలు ఘనంగా జరిగాయి. ఈ వేడుకలకు సంబంధించిన ఫొటోలను తమ సోషల్‌ మీడియా అకౌంట్లలో షేర్‌ చేశారీ అక్కాచెల్లెళ్లు.

అందమనేది మన రంగు, రూపంలో ఉండదు..మన ఆలోచనల్లో ఉంటుంది’ అని నిరూపించింది దక్షిణాఫ్రికాకు చెందిన జోజొబిని టుంజీ. ఆకట్టుకునే అందం, శరీర సౌష్టవం లేకపోయినా ..తన తెలివితేటలు, సమయస్ఫూర్తితో 2019 మిస్‌ యూనివర్స్‌ కిరీటాన్ని సొంతం చేసుకుందీ 26 ఏళ్ల సుందరాంగి. బాల్యం నుంచే లింగ వివక్ష, హింసకు వ్యతిరేకంగా పోరాటం చేస్తున్న ఈ సుందరి తన ప్రతిభతో తన దేశ కీర్తి పతాకాన్ని మరోసారి ప్రపంచానికి పరిచయం చేసింది. ఈ క్రమంలో 90 మంది అందాల భామలను వెనక్కునెట్టి మరీ విశ్వసుందరిగా నిలిచిన ఈ యంగ్‌ సెన్సేషన్‌ గురించి కొన్ని ఆసక్తికర విషయాలు తెలుసుకుందాం రండి.