scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నేను ఏ తప్పూ చేయలేదు.. అయినా నాకెందుకీ శిక్ష!'

'ఎయిడ్స్.. నిరోధక మార్గాలు తప్ప పూర్తిస్థాయి చికిత్స లేని వ్యాధి. సాధారణంగా ఈ వ్యాధి సోకిందని తెలిస్తే చాలు.. వారు తప్పు చేశారు కాబట్టే ఆ వ్యాధి వచ్చిందని చుట్టుపక్కల ఉన్న వారు బలంగా నమ్ముతారు. ఈ క్రమంలో బాధితులను వారి మాటలతో మానసికంగానూ హింసిస్తారు. ఓ మహిళ తాను ఎలాంటి తప్పు చేయకపోయినా ఈ మహమ్మారి బారిన పడి ఒకానొక దశలో జీవితాన్ని ముగించేసుకోవాలనుకుంది.. కానీ ఆమెకు వచ్చిన ఓ ఆలోచన ఆ నిర్ణయాన్ని మార్చేసింది. అంతేకాదు.. ఈ సమాజంలో ఆమె ఎదుర్కొన్న మాటల ఈటెలు, బాధాకరమైన సంఘటనలు.. తనని మానసికంగా మరింత బలంగా తీర్చిదిద్దాయి.. దాంతో ఆమె ఎయిడ్స్‌పై పోరాడడమే కాదు.. చుట్టుపక్కల వారికీ అవగాహన కల్పిస్తూ తోటి వ్యాధిగ్రస్తులకు అండగానూ నిలుస్తోంది. అసలేం జరిగిందో ఆమె మాటల్లోనే విందాం రండి.. నమస్కారం.'

Know More

Movie Masala

 
category logo

ఈ ఏడాది ఫ్యాషన్‌ ప్రియుల మది దోచేశాయ్‌!

The Fashion Trends Of 2019

ఫ్యాషన్‌.. ఈ విషయంలో నటీమణుల దగ్గర్నుంచి మనలాంటి సామాన్య మహిళల దాకా ఎవరూ రాజీపడరు. ఈ క్రమంలోనే విభిన్న అప్‌డేటెడ్‌ ఫ్యాషన్స్‌ని ట్రై చేస్తూ ఫ్యాషనబుల్‌గా మెరిసిపోవాలని తహతహలాడుతుంటారు. ఇలా ఫ్యాషన్‌ ప్రియుల అభిరుచులు, అవసరాలను దృష్టిలో ఉంచుకొని ఫ్యాషన్‌ డిజైనర్లు కూడా ఏటికేడు కొత్త కొత్త ఫ్యాషన్లను సృష్టించడం మనకు తెలిసిందే. అలా ఈ ఏడాది కూడా కొన్ని ఫ్యాషన్లు మగువల వార్డ్‌రోబ్‌లో భాగమవుతూ వారి అందాన్ని రెట్టింపుచేయడంలో ముందు నిలిచాయి. మరి, ఈ ఏడాదికి ఘనంగా వీడ్కోలు పలుకుతోన్న నేపథ్యంలో ఈ ఏటి మేటి ఫ్యాషన్‌ ట్రెండ్స్‌పై మనమూ ఓ లుక్కేద్దాం రండి..

View this post on Instagram

A post shared by RUKSHAR DHILLON (@rukshardhillon12) on

గరారా.. షరారా..

ఈ ఏడాది ఫ్యాషన్ ట్రెండ్స్‌లో ముందు వరుసలో నిలిచిన ఫ్యాషన్ల గురించి చెప్పాలంటే అది షరారా, గరారా ఫ్యాషన్లే అనడంలో ఎలాంటి సందేహం లేదు. ఫిల్మీ బ్యూటీస్‌ మాత్రమే కాకుండా సామాన్యులు సైతం ఈ ఫ్యాషన్‌కి ఫిదా అయిపోయారు. ఎలాంటి ప్రత్యేక సందర్భమైనా.. అతివలు అటు ట్రెడిషనల్‌గా.. ఇటు ట్రెండీగా కనిపించడానికి ఈ లుక్‌ని ఎంచుకుని స్టైలిష్‌గా మెరిసిపోయారు. అంతెందుకు సినీ ప్రమోషన్ల దగ్గర్నుంచి చిత్రోత్సవాల దాకా చాలామంది ముద్దుగుమ్మలు ఈ తరహా ఫ్యాషన్‌ ట్రెండ్‌కే ఓటేశారని చెప్పడం అతిశయోక్తి కాదు. ఇటీవలే ఇటువంటి లుక్‌లోనే ఎంతో క్యూట్‌గా ముస్తాబైన అందాల తార రుక్షర్‌ ధిల్లాన్‌ స్టైల్‌పై మీరూ ఓ లుక్కేయండి..!

పింక్‌ కలర్‌ మోనోక్రోమ్‌ అటైర్‌ని ఎంచుకొని ఎంతో లవ్లీగా మెరిసిపోయిందీ ముద్దుగుమ్మ. పింక్‌ కలర్‌ గరారా ప్యాంట్‌కి అదే కలర్‌ ఫ్లోరల్‌ వర్క్‌ కుర్తాను జత చేసింది రుక్షర్‌. తన డ్రస్‌కి జోడించిన మ్యాచింగ్‌ దుపట్టా ఆమె లుక్‌ని మరింత హైలైట్‌ చేసిందని చెప్పుకోవాలి. తన అటైర్‌కు జతగా ధరించిన బుట్ట కమ్మలు, సింపుల్‌ మేకప్‌, లూజ్‌ హెయిర్‌తో తన లుక్‌ని ముగించిందీ సుందరి. ఈ ఫ్యాషన్‌ ట్రెండ్‌లో భాగంగా టైర్‌డ్‌ ప్యాంట్-కుర్తా, షరారాకు జోడీగా షార్ట్‌ కుర్తా, ట్యునిక్‌ టాప్‌, అనార్కలీ షార్ట్‌ టాప్‌, క్రాప్‌టాప్‌-లాంగ్‌ కేప్‌లను కూడా ఎంచుకొని ఫ్యాషనబుల్‌గా మెరిసిపోవచ్చు. ఈ తరహా ఫ్యాషన్‌ మీకు ఎవర్‌గ్రీన్‌ లుక్‌ని అందించడంతో పాటు మిమ్మల్ని ఓవైపు ట్రెడిషనల్‌గా, మరోవైపు మోడ్రన్‌గానూ కనిపించేలా చేస్తాయి.

View this post on Instagram

A post shared by KIARA (@kiaraaliaadvani) on

నియాన్‌ మేనియా..

హాలీవుడ్‌ మొదలుకుని.. బాలీవుడ్‌ వరకు.. ఈ ఏడాది నియాన్‌ కలర్స్‌ ట్రెండ్‌ ఓ మేనియాలా అల్లుకుపోయింది. మన సెలబ్రిటీలు రెడ్‌ కార్పెట్‌ ఈవెంటైనా.. పార్టీ అయినా.. క్యాజువల్‌ ఔటింగైనా.. ఈ నియాన్‌ కలర్స్‌తో హోరెత్తించారని చెప్పుకోవచ్చు. సామాన్యులు కూడా ఎక్కడా తగ్గకుండా నియాన్‌ పింక్‌-ఆరెంజ్‌ కాంబినేషన్‌ కలర్స్‌లో చీరలను, డ్రస్‌లను తమ వార్డ్‌రోబ్‌లో చేర్చుకుని తమ ఫ్యాషన్‌ సెన్స్‌ని చాటుకున్నారు. ఇక మన సినీ ఏంజెల్స్‌ నియాన్‌ గ్రీన్‌ కలర్‌తో ఫ్యాషన్‌ ప్రపంచంలో దుమ్ములేపారు. మరి ఇలాంటి లుక్‌లో ‘హాటీ గర్ల్‌’ అనిపించేలా తయారైంది కియారా అడ్వాణీ.

నియాన్‌ గ్రీన్‌ కలర్‌ వైడ్‌ లెగ్‌ ప్యాంట్స్‌కి జతగా అదే కలర్‌ సింగిల్‌ షోల్డర్‌ టాప్‌ని జోడించిందీ బాలీవుడ్‌ ప్రీతి. స్వీట్‌ హార్ట్‌ నెక్‌లైన్‌, నడుము దగ్గర టాప్‌ని ముడివేసినట్లుగా ఉన్న ఉన్ని డిజైన్‌ తనకు ప్రెట్టీ లుక్‌ని అందించాయని చెప్పుకోవచ్చు. ఆభరణాలేవీ ధరించకుండా కేవలం సింపుల్‌గా ఉండే రింగ్స్‌తో తన జ్యుయలరీ లైన్‌ని ముగించిందీ వసుమతి. షైనీ మేకప్‌, వేవీ హెయిర్‌తో ఫినిషింగ్‌ టచ్‌ ఇచ్చిన ఈ అందాల తార.. నియాన్‌ కలర్స్‌లో సింపుల్‌ అండ్‌ స్వీట్‌గా, హాట్‌గా ఎలా కనిపించాలో తన అటైర్‌ ద్వారా నిరూపించింది. ఇలాంటి నియాన్‌ కలర్స్‌లో పింక్‌, ఆరెంజ్‌, గ్రీన్‌ షేడ్స్‌.. వంటి రంగులు ఈ ఏడాది అన్నింటి కంటే బాగా పాపులర్‌ అయ్యాయని చెప్పుకోవచ్చు.

View this post on Instagram

Still fighting jet lag tbh....✨

A post shared by Janhvi Kapoor (@janhvikapoor) on

షిమ్మరీ షైన్‌..

నైట్‌ పార్టీస్‌లో.. రెడ్‌ కార్పెట్‌ వంటి ఈవెంట్స్‌లో.. అందరిలో సెంటరాఫ్‌ అట్రాక్షన్‌గా నిలవాలంటే షిమ్మరీ డ్రస్‌ సరైన ఎంపిక. అందుకే ఈ ఏడాది సెలబ్రిటీల దగ్గర్నుంచి సామాన్యుల దాకా షిమ్మరీ డ్రస్సులకే ఓటేశారు. అంతేకాదు.. కొందరు బాలీవుడ్‌ భామలు ఈ షిమ్మరీ లుక్‌కి కాస్త ట్రెడిషనల్‌ టచ్‌ ఇచ్చి శారీల్లో తళుక్కుమన్నారు. చీరలో ట్రెడిషనల్‌గానే కాకుండా కాస్త ట్రెండీ లుక్‌ని జోడిస్తే హాట్‌ బేబీలా మెరిసిపోవచ్చని నిరూపించారు కూడా! ఇటీవల పలు సందర్భాల్లో మన బాలీవుడ్‌ భామలు కూడా వరుసగా షిమ్మరీ శారీల్లో హాట్‌ హాట్‌గా దర్శనమిచ్చి ‘వాట్‌ ఎ స్టైల్‌’ అని అందరిచేతా అనిపించారు.

అటువంటి స్టైల్‌లోనే మన కపూర్‌ స్టార్‌ జాన్వీ కూడా ఓ సందర్భంలో తళుక్కుమంది. ప్రముఖ డిజైనర్‌ మనీష్‌ మల్హోత్రా డిజైన్‌ చేసిన షిమ్మరీ శారీని ఎంచుకుందీ యంగ్‌ స్టార్‌. లైట్‌ వయొలెట్‌ కలర్‌ షిమ్మరీ కాక్‌టైల్‌ శారీని తనదైన స్టైల్‌లో ధరించి.. దానికి మ్యాచింగ్‌ బ్రాలెట్టీని జోడించింది. తన శారీ లుక్‌కి నప్పేట్లుగా ఇయర్‌రింగ్స్‌, వేలికి రింగ్‌ని జత చేసిందీ జూనియర్‌ శ్రీదేవి. లూజ్‌ హెయిర్‌తో చూడచక్కని మేకప్‌తో ముస్తాబైన ఈ సొగసరి షిమ్మరీ శారీలో దేవకన్యలా తళుక్కుమంది. ఈ ఫ్యాషన్‌లో చాలా కలర్స్‌ అందుబాటులోకి వచ్చాయి. వీటిలో ప్రి-డ్రేప్‌డ్‌ చీరలు, కాక్‌టెయిల్‌, స్కర్ట్‌ మోడల్‌ చీరలు బాగా పాపులర్‌ అయ్యాయి. మరి మీరూ నైట్‌ అకేషన్స్‌లో ఈ తరహా చీరలను ఎంపిక చేసుకుంటే.. ఇక అందరి చూపు మీపైనే..!

View this post on Instagram

A post shared by AnushkaSharma1588 (@anushkasharma) on

స్టైలిష్‌ స్లీవ్స్‌..

ఫ్యాషన్ అంటే కేవలం డ్రస్‌ డిజైన్‌, కలర్‌లో మాత్రమే కాదు.. ఒక్కోసారి స్లీవ్స్‌ స్టైలిష్‌గా ఉన్నా కూడా ఫ్యాషనబుల్‌గా మెరిసిపోవచ్చు. అలా ఈ ఏడాదిలో పఫ్‌ స్లీవ్స్‌, బిషప్‌, మటన్‌ చాప్‌, విక్టోరియా.. వంటి పలు రకాల స్లీవ్స్‌ డిజైన్స్‌ బాగా ఆదరణ పొందాయి. చీర, లాంగ్‌ డ్రసెస్‌ దగ్గర్నుంచి పార్టీలకు ధరించే షార్ట్‌ అటైర్స్‌, థై-హై స్లిట్‌ అటైర్స్‌ వరకు అన్నింటికీ ఇటువంటి స్టైలిష్‌ స్లీవ్స్‌ని జత చేయడం పరిపాటైపోయింది. అటువంటి లుక్‌లోనే వాట్‌ ఎ బ్యూటీ అనిపించేంతలా ముస్తాబైంది అనుష్క శర్మ. బీజ్‌ కలర్‌ షైనీ థై-హై స్లిట్‌ గౌన్‌లో మెరిసిందీ మిసెస్‌ కోహ్లీ. హైనెక్‌, బిషప్‌ ఫుల్‌ స్లీవ్స్‌ డిజైన్‌ ఆ డ్రస్‌కి హైలైట్‌ లుక్కిచ్చాయని చెప్పచ్చు. ఇక తన యాక్సెసరీస్‌ విషయానికొస్తే.. గోల్డెన్‌ హీల్స్‌, హూప్‌ ఇయర్‌రింగ్స్‌ తన డ్రస్‌కి సరిగ్గా నప్పాయి. గ్లాసీ మేకప్‌, సాఫ్ట్‌ హెయిర్‌తో తన లుక్‌కి మరింత హంగులద్దిందీ బాలీవుడ్‌ బేబ్. ఇటువంటి స్లీవ్స్‌.. షార్ట్‌ డ్రసెస్‌, మోడ్రన్‌ డ్రసెస్‌కి బాగా నప్పుతాయి. చీరలకు జతగా ధరించే బ్లౌజులకు, కుర్తాలకు పఫ్ఫీ స్లీవ్స్‌ సరిగ్గా సరిపోతాయి.

రఫుల్‌/ఫ్రిల్‌ డిజైన్‌..

కొన్ని డిజైన్స్‌ని ఎవర్‌గ్రీన్‌ ట్రెండింగ్‌ లిస్ట్‌లో చేర్చచ్చు. అటువంటి కోవలోకే వస్తుంది రఫుల్‌/ఫ్రిల్‌ డిజైన్‌. ఈ డిజైన్‌ ఎటువంటి డ్రస్సులకైనా నప్పుతుంది. అంతేకాదు.. రఫుల్‌ చీరలు కూడా ఈ మధ్య చాలా పాపులరవడం మనం చూస్తూనే ఉన్నాం. అంతెందుకు మనలో చాలామంది వార్డ్‌రోబ్‌లో ఇప్పటికే ఓ భాగమయ్యే ఉంటుందీ ఫ్యాషన్‌ ట్రెండ్‌. అటువంటి ఓ సెక్సీ ఫ్రిల్‌ లుక్‌లో అదరగొట్టింది అనన్యా పాండే. ‘ఐ లవ్‌ ప్రెట్టీ’ ఫ్యాషన్‌ హౌజ్‌ నుండి ఎంచుకున్న బ్లాక్‌ షార్ట్‌ డ్రస్‌లో మెరిసిందీ సుందరి. ఎద భాగంలో చుట్టూ డిజైన్‌ చేసిన పింక్‌ కలర్‌ ఫ్రిల్‌ మోడల్‌ ఆ డ్రస్‌కు మరింత హంగులద్దిందని చెప్పుకోవచ్చు. ఆభరణాలేవీ ధరించకపోయినా ఈ ఫ్రిల్స్‌ డ్రస్‌లో అందంగా మెరిసిపోవచ్చని అనన్య లుక్‌ని చూస్తే ఇట్టే అర్థమవుతోంది. ఇక తన డ్రస్‌కు మ్యాచింగ్‌గా జత చేసిన హీల్స్‌, మెరిపోతున్నట్లుగా ఉన్న మేకప్‌, వెట్‌ హెయిర్‌తో తన అందాన్ని ద్విగుణీకృతం చేసిందీ స్టార్‌ కిడ్‌. ఫ్రిల్స్‌ మోడల్‌ తరహా డ్రస్సులతో పాటు రఫుల్‌ స్కర్ట్స్‌, రఫుల్‌ డిజైన్‌ టాప్స్‌, లెహెంగాలను కూడా ఈ ఏడాది ఫ్యాషన్‌ ప్రియులు బాగానే ఆదరించారని చెప్పుకోవచ్చు.

మల్టీకలర్‌/రెయిన్‌బో..

కొన్ని డిజైన్స్‌ సంవత్సరాలు గడిచినా ట్రెండింగ్‌ ఫ్యాషన్‌గా అలా నిలిచిపోతాయి. అలాగే మల్టీ కలర్‌ అవుట్‌ఫిట్స్‌ సైతం పాతవే అయినా ఈ ఏడాది సరికొత్తగా ముస్తాబై మన ముందుకొచ్చేశాయి. అందరిలో డిఫరెంట్‌ లుక్‌లో మెరిసిపోవాలంటే ఇలాంటి కలర్‌ఫుల్‌ లుక్‌ని ఎంచుకుంటే ‘కలర్‌ఫుల్‌ బేబ్‌’ అనే ట్యాగ్‌ మీ సొంతం. ఈ ఏడాది మన సినీ స్టార్స్‌ ఈ మల్టీకలర్‌/రెయిన్‌బో ఫ్యాషన్‌కి సరికొత్త క్రేజ్‌ని క్రియేట్‌ చేశారు. మరి అటువంటి లుక్‌లో తన మాయలో పడేస్తోందీ బాలీవుడ్‌ మస్తానీ. సవ్యసాచి ముఖర్జీ రూపొందించిన మల్టీకలర్‌ శారీ లుక్‌లో కలర్‌ఫుల్‌గా మెరిసింది దీపికా పదుకొణె.

చీర అంచులకు మెటాలిక్‌ తళుకుల ఫినిషింగ్‌, శారీ మొత్తం త్రెడ్‌వర్క్‌తో డిజైన్‌ చేయడం.. చీరకు అదనపు హంగులు అని చెప్పుకోవచ్చు. ఇలా తన శారీ లుక్‌కి బ్లాక్‌ కలర్‌ స్లీవ్‌లెస్‌ షిమ్మరీ బ్లౌజ్‌ని జత చేసిందీ పొడుగు కాళ్ల సుందరి. చీరకు తగ్గట్టుగా తను ధరించిన జ్యుయలరీ.. ఎమరాల్డ్‌ ఇయర్‌రింగ్స్‌, కంగన్‌ మోడల్‌ బ్యాంగిల్స్‌ ప్రతి ఒక్కరినీ చూపుతిప్పుకోనివ్వట్లేదంటే అది అతిశయోక్తి కాదు. చూడచక్కని మేకప్‌తో, బన్‌ హెయిర్‌స్టైల్‌తో తన లుక్‌ని ముగించిన రాణి పద్మిని.. కలర్‌ఫుల్‌ అటైర్స్‌ సింపుల్‌గా ఉన్నా.. మనల్ని మరింత ఫ్యాషనబుల్‌గా కనిపించేలా చేస్తాయని నిరూపించింది. ఇటువంటి కలర్‌ఫుల్‌ దుస్తుల్లో మిడీస్‌, స్కర్ట్స్‌, జాకెట్స్‌, లాంగ్‌ కేప్స్‌, చీరలు.. ఇలా చాలా రకాల ఫ్యాషన్స్‌ ప్రస్తుతం ట్రెండ్‌ అవుతున్నాయి.

ఇవే కాకుండా.. శారీ-బెల్ట్‌, లేస్‌.. వంటివి కూడా ఈ ఏడాది ట్రెండింగ్‌ ఫ్యాషన్స్‌ లిస్ట్‌లో ఉన్నాయని చెప్పుకోవచ్చు. ఇలా ఒకేడాదిలోనే ఇన్ని ఫ్యాషన్లు మగువల మది దోచుకుంటే.. ఇక 2020లో ఇంకెన్ని సరికొత్త ఫ్యాషన్లు పుట్టుకొస్తాయో.. వాటి సొగసుతో ఎంతలా ఫ్యాషన్‌ ప్రియుల మదిదోచుకుంటాయో.. వేచి చూడాల్సిందే!





women icon@teamvasundhara
us-teen-peyton-monker-makes-covid-19-themed-prom-dress-viral-on-social-media

ఈ డ్రస్‌లో ‘కరోనా కథ’ దాగుంది!

సాధారణంగా మనం ఏదైనా పని ఫలానా సమయానికి చేయాలనుకుంటే అది అనుకున్న సమయంలో పూర్తవ్వాలి. ఒకవేళ ఏదైనా కారణంతో వాయిదా పడితే మనసంతా నిరుత్సాహం ఆవహిస్తుంది. మరే పనిపైనా ధ్యాస పెట్టలేం. కరోనా మహమ్మారి అడుగుపెట్టిన తర్వాత దాదాపు అందరిదీ ఇదే పరిస్థితి. ఎందుకంటే ఈ వైరస్‌ ప్రభావంతో పెళ్లిళ్ల దగ్గర్నుంచి పెద్ద పెద్ద ఈవెంట్ల దాకా అన్నీ వాయిదా పడ్డాయి. దాంతో తమ తమ పనులు పూర్తికాక మానసిక వేదనకు గురవుతున్నారు చాలామంది. అయితే కొందరు మాత్రం ఇలాంటి పరిస్థితి నుంచి తేరుకొని తమ సృజనకు పదును పెడుతూ కొత్త కొత్త ప్రయోగాలు చేస్తున్నారు.. వారి ట్యాలెంట్‌ను సోషల్‌ మీడియా వేదికగా పంచుకుంటూ నెటిజన్ల మన్ననలు అందుకుంటున్నారు. యూఎస్‌కు చెందిన పద్దినిమిదేళ్ల యువతి కూడా తాజాగా తన ప్రతిభతో నెట్‌ప్రియుల మనసు దోచుకుంటోంది. ఇంతకీ ఎవరా యువతి? తన క్రియేటివిటీకి అందరూ ఎందుకంతలా ఫిదా అవుతున్నారు? తెలుసుకోవాలంటే ఇది చదవాల్సిందే!

Know More

women icon@teamvasundhara
fashionable-gym-wear-for-your-indoor-workout-amid-lockdown

ఈ జిమ్‌ వేర్‌తో ఇంట్లోనూ ఫ్యాషనబుల్‌గా మెరిసిపోదాం..!

ఫిట్‌నెస్‌ అనగానే మనందరికీ ముందుగా గుర్తొచ్చేది జిమ్‌. అయితే ఈ లాక్‌డౌన్‌లో జిమ్‌లన్నీ మూతపడడంతో అందరూ ఇంటినే చిన్న సైజు జిమ్‌గా మార్చేసుకొని సులభమైన కసరత్తులు చేసేస్తున్నారు. అయితే వర్కవుట్లు ఇంట్లో చేసినా, జిమ్‌కి వెళ్లినా సౌకర్యవంతమైన దుస్తులు ధరిస్తేనే ఇష్టంగా వ్యాయామాలు చేయగలం. అలాకాకుండా ఇంట్లోనే ఉంటున్నాం కదా.. ఏవైతే ఏంటి అని వర్కవుట్లకు ఉపక్రమిస్తే మనం ధరించిన దుస్తులు మనకు అసౌకర్యంగా ఉండడంతో పాటు చేసే వ్యాయామాలపై దృష్టి పెట్టలేం. కాబట్టి ఇంట్లో ఉన్నా చక్కటి జిమ్‌ వేర్‌ని ధరించడం మంచిదంటున్నారు ఫిట్‌నెస్‌ నిపుణులు. తద్వారా వర్కవుట్లు చేయాలన్న ఆసక్తి మనలో పెరగడంతో పాటు మనం స్టైలిష్‌గా, కంఫర్టబుల్‌గా మెరిసిపోవచ్చనేది వారి అభిప్రాయం. అందుకే మన బాలీవుడ్‌ బేబ్స్‌ కూడా స్టైలిష్‌ జిమ్‌ వేర్‌తో ఇంట్లోనే సౌకర్యవంతంగా, స్టైలిష్‌గా ఎక్సర్‌సైజులు చేసేస్తున్నారు. మరి, వారు ధరించిన కొన్ని ఫ్యాషనబుల్‌ జిమ్‌ వేర్‌ అవుట్‌ఫిట్స్‌పై మనమూ ఓ లుక్కేద్దాం రండి..

Know More

women icon@teamvasundhara
different-fashionable-masks-for-women-in-this-corona-time

ఇలా స్టైలిష్‌గా ‘మాస్క్‌’ చుట్టేద్దాం !

ప్రత్యేక సందర్భం ఉన్నా, లేకపోయినా అందంగా, ఫ్యాషనబుల్‌గా మెరిసిపోవాలని ఆరాటపడుతుంటారు అమ్మాయిలు. ఈ క్రమంలోనే వేసుకునే డ్రస్‌ దగ్గర్నుంచి పెట్టుకునే యాక్సెసరీస్‌ వరకు అన్నీ మ్యాచింగ్‌గా, అందరికంటే విభిన్నంగా ఉండాలని కోరుకుంటారు. ఇలాంటి ఫ్యాషన్‌ ప్రియుల మనసెరిగి డిజైనర్లు కూడా సరికొత్త ఫ్యాషన్స్‌ని ఎప్పటికప్పుడు మార్కెట్లోకి తీసుకొస్తుంటారు. ప్రస్తుతం కరోనా మహమ్మారి విజృంభిస్తోన్న నేపథ్యంలో మన లైఫ్‌స్టైల్లో భాగమైన మాస్కుల్లోనూ సరికొత్త ఫ్యాషన్లు మార్కెట్లో సందడి చేస్తున్నాయి. మరి, ఇటు వైరస్‌ నుంచి మనకు రక్షణగా, అటు ఫ్యాషనబుల్‌గా కనిపించేలా చేసే అలాంటి కొన్ని డిఫరెంట్‌ ఫేస్‌ మాస్కుల గురించి ఇప్పుడు తెలుసుకుందాం..

Know More

women icon@teamvasundhara
celebrities-wore-hazmat-suit-amid-of-covid-19-out-broke

సెలబ్రిటీల ‘కరోనా’ డ్రస్‌కోడ్‌ చూశారా?

కరోనా.. ప్రస్తుతం ప్రపంచ దేశాలను పట్టి పీడిస్తోన్న మహమ్మారి. ఇలాంటి సమయాల్లో వీలైనంత వరకు బయటకు వెళ్లకుండా ఇంట్లోనే స్వీయ నిర్బంధంలో ఉండమంటున్నారు నిపుణులు. కానీ కొందరు వృత్తిరీత్యా, ముందుగానే షెడ్యూల్‌ చేసుకున్న పనులను వాయిదా వేసుకోలేక తప్పనిసరిగా ప్రయాణాలు చేయాల్సి వస్తుంది. ఈ క్రమంలోనే కొవిడ్‌-19 బారిన పడకుండా తమని తాము కాపాడుకోవడానికి ఒక్కొక్కరూ ఒక్కో రకమైన మార్గా్న్ని ఎంచుకుంటున్నారు. అందుకు సెలబ్రిటీలు సైతం అతీతులేమీ కాదు. తాము ముందుగా నిర్ణయించుకున్న కార్యక్రమాలకు హాజరవడానికి ప్రయాణించక తప్పని పరిస్థితి వారిది. తాజాగా ఇద్దరు హాలీవుడ్‌ సెలబ్రిటీలు తమ ప్రయాణంలో భాగంగా కాస్త వినూత్నంగా ఆలోచించి ధరించిన దుస్తులు నెట్టింట్లో వైరల్‌గా మారాయి. ఆ దుస్తుల్లో వారిని చూసిన వారంతా ఇలా ఉన్నా కూడా ‘మీ ఫ్యాషన్‌ అదుర్స్‌‘, ‘మిమ్మల్ని గుర్తుపట్టలేకపోతున్నాం’ అంటూ కామెంట్లు పెడుతున్నారు. మరి, వారి విచిత్ర వేషధారణ విశేషాలేమిటో మనమూ తెలుసుకొని.. వీలైతే ఈ కరోనా స్పెషల్‌ ఫ్యాషన్‌ని పాటించేద్దాం రండి..

Know More

women icon@teamvasundhara
the-stylish-warbrobe-looks-of-mehreen-pirzada

ఫ్యాషన్స్‌లోనూ ‘హనీ ఈజ్‌ ద బెస్ట్‌’!

‘హనీ ఈజ్‌ ద బెస్ట్‌..’ ఈ డైలాగ్‌ విన్న ఎవరికైనా ‘ఎఫ్‌2’ సినిమాలో తన క్యూట్‌ లుక్స్‌తో కుర్రకారు మతులు పోగొట్టిన మెహరీన్‌ పిర్జాదా గుర్తుకురాక మానదు. ‘కృష్ణగాడి వీర ప్రేమగాథ’ చిత్రంతో సినీ ప్రపంచంలోకి అడుగుపెట్టిన ఈ ముద్దుగుమ్మ.. ‘ఫిలౌరీ’ చిత్రంతో హిందీలోనూ తన అదృష్టాన్ని పరీక్షించుకుంది. ఆపై.. ‘మహానుభావుడు’, ‘రాజా ది గ్రేట్‌’, ‘పంతం’, ‘ఎఫ్‌ 2’, ‘అశ్వథ్థామ’.. వంటి చిత్రాలతో వరుస అవకాశాలను దక్కించుకుంటూ తెలుగునాట మంచి గుర్తింపు సంపాదించుకుందీ అందాల తార. ఈ క్యూట్‌ హనీ గర్ల్‌ యాక్టింగ్‌లోనే కాదు.. అప్‌డేటెడ్‌ ఫ్యాషన్స్‌ని పాటించడంలోనూ బెస్టే అని చెప్పచ్చు. ఈ విషయం తన వార్డ్‌రోబ్‌ని చూస్తే ఇట్టే అర్థమైపోతుంది. మరి ఇండస్ట్రీలోకి అడుగుపెట్టిన అనతికాలంలోనే ఫ్యాషన్‌ విషయంలో అమ్మాయిలందరికీ ఐకాన్‌గా నిలుస్తోన్న ఈ లక్కీ గర్ల్‌ ఫ్యాషనబుల్‌ లుక్స్‌పై మనమూ ఓ లుక్కేద్దామా!

Know More

women icon@teamvasundhara
bollywood-stars-shined-at-zee-cine-awards-2020

రెడ్‌కార్పెట్‌పై ముద్దుగుమ్మల ఫ్యాషన్‌ పరేడ్‌!

అవార్డుల ఫంక్షనైనా.. సినిమా ఫంక్షనైనా.. అభిమానుల కేరింతల మధ్య జరుగుతుంటే అందరిలో కొత్త ఉత్సాహం ఉరకలెత్తుతుంది. కానీ తాజాగా జరిగిన ‘జీ సినీ అవార్డ్స్‌ 2020’ ప్రదానోత్సవం మాత్రం ప్రేక్షకులు లేకుండానే పూర్తయింది. కొవిడ్‌-19 ఎఫెక్టే ఇందుకు ప్రధాన కారణం. అలాగని ఆ వేడుకకు హాజరయ్యే బాలీవుడ్‌ భామలు మాత్రం ఏమాత్రం రాజీ పడకుండా తమవైన ఫ్యాషనబుల్‌ దుస్తుల్లో మెరిసిపోయారు. ఒకరిని మించిన ఫ్యాషన్స్‌ మరొకరు ఫాలో అవుతూ రెడ్‌ కార్పెట్‌ని హీటెక్కించారు. నఖశిఖపర్యంతం ఫ్యాషనబుల్‌గా, ట్రెండీగా ముస్తాబై దర్శనమిచ్చారు. మరి, ఈ అవార్డుల వేడుకలో ఎవరెవరు ఎలా మెరిశారో తెలుసుకుందామా..!!

Know More

women icon@teamvasundhara
the-style-file-of-mega-princess-niharika-konidela

ఈ ‘మెగా ప్రిన్సెస్‌’ క్రేజీ ఫ్యాషన్స్‌ చూశారా?

టాలీవుడ్‌లో వారసులు నట ప్రస్థానాన్ని కొనసాగించడం కామనే.. కానీ వారసురాళ్లు సినీ రంగంలోకి అడుగుపెట్టడం చాలా అరుదు. అలాంటి భావనలను చెరిపేస్తూ.. మెగా ఫ్యామిలీ నుంచి నట వారసురాలిగా టాలీవుడ్‌ చిత్ర పరిశ్రమలోకి అడుగుపెట్టింది నిహారిక కొణిదెల. తన కొంటె నటనను ప్రదర్శిస్తూ ‘ముద్దపప్పు ఆవకాయ్‌’ వెబ్‌ సిరీస్‌తో తెలుగు ప్రేక్షకుల్లో విపరీతమైన క్రేజ్‌ని సంపాదించుకుందీ మెగా ప్రిన్సెస్‌. ఆపై ‘ఒక మనసు’ అంటూ అందరి మనసులను గెలుచుకుందీ క్లాసిక్‌ బ్యూటీ. ఈ క్రమంలోనే ‘హ్యాపీ వెడ్డింగ్‌’, ‘సూర్యకాంతం’, ‘సైరా నరసింహా రెడ్డి’ సినిమాలతో ఒక్కో మెట్టూ ఎక్కుతూ తెలుగు ప్రేక్షకుల మన్ననలందుకుంటోంది నిహారిక. ఇలా తన నటనతోనే కాకుండా.. తన ట్రెండీ ఫ్యాషన్స్‌తోనూ ఈ తరం అమ్మాయిల్ని ఆకట్టుకుంటోంది యంగ్‌ యాక్ట్రెస్‌. సందర్భానికి తగ్గట్లుగా అప్‌డేటెడ్‌ ఫ్యాషన్స్‌ని ఫాలో అవుతూ మెరిసిపోతున్న ఈ మెగా డాటర్‌.. అమ్మాయిలందరికీ ఫ్యాషన్‌ ఐకాన్‌గా మారిపోయింది. మరి, తన వార్డ్‌రోబ్‌లో చోటు సంపాదించుకున్న కొన్ని లేటెస్ట్‌ ఫ్యాషన్స్‌పై మనమూ ఓ లుక్కేద్దామా..?

Know More

women icon@teamvasundhara
take-a-look-on-upasana-fashionable-wardrobe

ఈ స్టార్‌ లేడీ ఫ్యాషన్స్‌ చూశారా?

వ్యాపార దిగ్గజాల కుటుంబంలో పుట్టినా, మెగా ఫ్యామిలీలో మెట్టినా.. ఓ బిజినెస్ వుమన్‌గా, సమాజ సేవకురాలిగా తనకంటూ ప్రత్యేక గుర్తింపు సంపాదించుకుంది కొణిదెల వారి కోడలు పిల్ల ఉపాసన, నటుడు రామ్‌ చరణ్‌ భార్యగానే కాకుండా.. ‘అపోలో’ లైఫ్‌ వైస్‌-చైర్‌పర్సన్‌గా కీలక బాధ్యతలు నిర్వహిస్తూ పలు సేవా కార్యక్రమాల్లోనూ భాగమవుతోందీ సుపర్‌ వుమన్‌. అంతేకాదు.. ఫిట్‌నెస్‌, ఆరోగ్యం పట్ల పకడ్బందీగా ఉండే ఈ మెగా వారి కోడలు.. ఈ అంశాల గురించి సోషల్‌ మీడియాలో పోస్టుల రూపంలో ప్రజల్లో అవగాహన కల్పిస్తుంటుంది. అంతేనా.. ఫ్యాషన్‌ విషయంలోనూ అప్‌డేటెడ్‌గా ఉంటుంది. తనకు నచ్చే, యువత మెచ్చే ఫ్యాషన్లు ఫాలో అవుతూ.. నేటి తరం అమ్మాయిలందరికీ ఫ్యాషన్‌ పాఠాలు నేర్పుతుందీ మెగా డాటర్‌-ఇన్‌-లా. మరి, ఈ స్టార్‌ లేడీ ఫ్యాషనబుల్‌ వార్డ్‌రోబ్‌పై మనమూ ఓ లుక్కేద్దాం రండి..

Know More

women icon@teamvasundhara
taapsee-rewearable-fashions-for-thappad-promotions

కమాన్‌.. సింగిల్‌ డ్రస్‌తోనే స్టైల్‌ మార్చేద్దాం !

ఈ ఫ్యాషన్‌ ప్రపంచంలో రోజురోజుకీ ఎన్నో సరికొత్త ఫ్యాషన్లు అప్‌డేట్‌ అవుతూ ఉంటాయి. ఈ నేపథ్యంలో ఒకసారి ధరించిన దుస్తులు రెండోసారి ధరించడానికి అప్పుడప్పుడూ మనమే ఒకటికి రెండుసార్లు ఆలోచిస్తుంటే.. ఇక సెలబ్రిటీల గురించి ప్రత్యేకంగా చెప్పాలా? సాధారణంగా సెలబ్రిటీలు ఒకసారి ధరించిన దుస్తులు రెండోసారి రిపీట్‌ చేయడానికి ఇష్టపడరు. ప్రతిసారీ, ప్రతి సందర్భానికి అనుగుణంగా సరికొత్త ఫ్యాషన్స్‌లో మెరిసిపోవాలని కోరుకుంటారు. నిజానికి అమ్మాయిల సహజ స్వభావమే అంత అని చెప్పుకోవచ్చు. అయితే ఫ్యాషన్‌ విషయంలో కొందరు అమ్మాయిలు ఒకసారి వేసుకున్న ఫ్యాషన్‌ని మరోసారి అదే స్టైల్‌లో కాకుండా.. డిఫరెంట్‌ స్టైల్‌లో తిరిగి వేసుకోవాలనుకుంటారు.. కానీ అదెలాగో తెలియక సతమతమైపోతుంటారు. అలాంటివారికి తన సరికొత్త లుక్స్‌తో ఫ్యాషన్‌ పాఠాలు నేర్పుతుంది బాలీవుడ్‌ సొట్టబుగ్గల సుందరి తాప్సీ. మొన్నటిదాకా ‘థప్పడ్‌’ ప్రమోషన్స్‌లో బిజీబిజీగా ఉన్న ఈ భామ ఒకసారి ధరించిన అవుట్‌ఫిట్‌ని తిరిగి డిఫరెంట్‌ స్టైల్లో వేసుకొని తనలోని ఫ్యాషన్‌ సెన్స్‌ని చాటుతోంది.. అంతేకాదు.. #RePurpose #RepeatYourOutfits అనే హ్యాష్‌ట్యాగ్స్‌ పేర్లతో ఒకసారి ధరించిన దుస్తుల్ని మరోసారి విభిన్నంగా, ఫ్యాషనబుల్‌గా ఎలా ధరించాలో నేర్పుతోంది. తాజాగా ‘థప్పడ్‌’ చిత్రం ప్రేక్షకుల ముందుకొచ్చిన సందర్భంగా ఈ ముద్దుగుమ్మ ఈ సినిమా ప్రమోషన్లలో భాగంగా ధరించిన కొన్ని రిపీటెడ్‌ స్టైల్స్‌ ఏంటో చూసేద్దామా??

Know More

women icon@teamvasundhara
melania-and-ivanka-trump-fashions-while-indian-tour

ఈ అందాల నెలవంకల ఫ్యాషన్లు ఎంత ప్రత్యేకమో !

ప్రపంచంలోని ఏ దేశ మహిళలకైనా.. భారతీయ దుస్తులు ఇట్టే నప్పేస్తాయని, వారు ఆ దుస్తుల్లో భువికి దిగొచ్చిన దేవకన్యల్లా అత్యద్భుతంగా కనిపిస్తారని చెప్పడంలో సందేహం లేదు. ప్రస్తుతం భారత పర్యటనలో బిజీబిజీగా గడుపుతోన్న అమెరికా ప్రథమ మహిళ మెలానియా ట్రంప్‌, ఇవాంక ట్రంప్‌ ధరించిన ఫ్యాషన్లను చూస్తే ఈ విషయం ఇట్టే అర్థమవుతుంది. ఓవైపు మోడ్రన్‌గా, హుందాగా కనిపిస్తూనే .. మరోవైపు వాటికి భారతీయ శైలిని అద్ది తమ ఫ్యాషన్‌ సెన్స్‌తో ఇక్కడి ఫ్యాషన్‌ ప్రియులను ఫిదా చేస్తున్నారీ అమెరికన్‌ లేడీస్‌. అంతేకాదు.. ఇలా తమవైన ఫ్యాషన్లతో భారతదేశంపై తమకున్న మమకారాన్ని చాటుకుంటున్నారీ పవర్‌ఫుల్‌ ఉమెన్‌. మరి, భారత పర్యటనలో భాగంగా తమ సింపుల్‌ కమ్‌ ఇండో-ట్రెడిషనల్‌ లుక్స్‌తో ఫ్యాషన్‌ ప్రియుల హృదయాలను కొల్లగొట్టిన ఈ అమెరికన్‌ అందాలు ధరించిన ఫ్యాషన్స్‌లో ఎన్నో ఆసక్తికర విశేషాలు దాగున్నాయి. అవేంటో తెలుసుకుందాం రండి..

Know More

women icon@teamvasundhara
the-style-file-of-nivetha-pethuraj

‘రాములో.. రాములా..’ తన ఫ్యాషన్స్‌తో ఆగం జేసిందిరో!

‘రాములో.. రాములా..’ ఈ పాట యువతను ఎంతగా ఉర్రూతలూగించిందో ప్రత్యేకంగా చెప్పనక్కర్లేదు. అందరినీ అంతగా ఆకట్టుకున్న ఈ సాంగ్‌లో తన సూపర్బ్‌ డ్యాన్స్‌ పెర్ఫార్మెన్స్‌తో పాటు ‘అల వైకుంఠపురములో’ తన నాటీ క్యారక్టర్‌తో మరోసారి అందరి దృష్టినీ తనవైపు తిప్పుకుంది తమిళ పొన్ను నివేదా పేతురాజ్‌. ‘ఒరు నాల్‌ కోథు’ అనే తమిళ చిత్రంతో వెండితెరకు పరిచయమైన ఈ తమిళమ్మాయి.. ‘టిక్‌ టిక్‌ టిక్‌’తో విమర్శకుల ప్రశంసలందుకుంది. ‘మెంటల్‌ మదిలో’ చిత్రంతో తెలుగింట అడుగుపెట్టిన ఈ భామ.. ‘చిత్రలహరి’, ‘బ్రోచేవారెవరురా’, ‘అల వైకుంఠపురములో’.. వంటి సినిమాలతో నటిగా తనదైన ముద్రవేసింది. ప్రస్తుతం తెలుగులో ‘రెడ్‌’ అనే చిత్రంలో నటిస్తోన్న ఈ ముద్దుగుమ్మ.. తన స్టైలిష్‌ లుక్స్‌తోనూ సోషల్‌ మీడియా సెన్సేషన్‌గా మారిపోయింది. సందర్భాన్ని బట్టి ఫ్యాషనబుల్‌ దుస్తుల్లో మెరిసిపోయే ఈ చిన్నది.. నేటితరం అమ్మాయిలందరినీ తన ఫ్యాషన్‌ మాయలో పడేస్తోంది. మరి, ఈ లవ్లీ బేబీ స్టైల్‌ సెన్స్‌ను చాటుతోన్న ఆ విభిన్న ఫ్యాషన్లేంటో మనమూ తెలుసుకుందామా..!!

Know More

women icon@teamvasundhara
the-iconic-red-carpet-looks-of-celebrities

ఈ గౌన్స్‌ని సిద్ధం చేయడానికి ఎన్ని గంటలు పట్టిందో తెలుసా!

రెడ్‌ కార్పెట్‌ లుక్‌ అంటేనే మన సినీ తారలు ప్రత్యేక శ్రధ్ధ వహిస్తారు. అందరిలోకీ తమ డ్రస్‌ స్పెషల్‌గా ఉండాలని ప్రతి ఒక్కరూ యువరాణుల్ని తలపించేలా ముస్తాబవుతారు. ‘ఫిలింఫేర్‌ అవార్డ్స్‌ 2020’ ఫంక్షన్‌ ఇటీవల ముంబై వేదికగా గ్రాండ్‌గా జరిగిన విషయం తెలిసిందే. ఈ సెలబ్రేషన్స్‌లో పలువురు బాలీవుడ్‌ తారలు అదిరిపోయే డ్రస్సింగ్‌ స్టైల్‌లో ‘వావ్‌’ అనిపించారు. అందరిలోకీ తన అద్భుతమైన రెడ్‌ అవుట్‌ఫిట్‌తో అవార్డ్స్‌ సెలబ్రేషన్స్‌కి ప్రత్యేక ఆకర్షణగా నిలిచింది బాలీవుడ్‌ ముద్దుగుమ్మ ఊర్వశీ రౌతెలా. రెడ్‌ కార్పెట్‌పై రెడ్‌ డ్రస్‌లో హొయలు పోయిన ఈ సుందరి.. కూర్చున్నప్పుడు తన డ్రస్‌ దాదాపు 4 కుర్చీలను ఆక్రమించేసిందంటే అదెంత పెద్దగా ఉందో అర్ధమవుతుంది. అంతేకాదు.. ఈ అవుట్‌ఫిట్‌ని సిద్ధం చేయడానికి ఎంత సమయం పట్టిందో వింటే నోరెళ్లపెట్టకుండా ఉండలేరు. ఇలా ఎన్నో విశేషాలతో ఫ్యాషన్‌ ప్రియులను ఆశ్చర్యపరుస్తున్న ఊర్వశి డ్రస్‌ వివరాలేంటో తెలుసుకుందాం రండి..

Know More

women icon@teamvasundhara
the-fourth-and-fifth-day-highlights-of-lakme-fashion-week-2020

దేవకన్యలు ‘లాక్మే ర్యాంప్‌’పై నడిచిన వేళ!

లాక్మే ఫ్యాషన్‌ వీక్‌లో మొదటి మూడు రోజుల ఫ్యాషన్స్‌ ఒకెత్తయితే, చివరి రెండు రోజుల ఫ్యాషన్స్‌ ఇంకో ఎత్తని చెప్పవచ్చు. ప్రస్తుతం ముంబైలో జరుగుతున్న ఈ ఫ్యాషన్‌ షోలో చివరి రెండు రోజులు ప్రముఖ ఫ్యాషనర్స్‌తో పాటు బాలీవుడ్‌ అగ్ర తారాలోకం ర్యాంప్‌పై తమ హొయలతో ఫైర్‌ పుట్టించారు. బాలీవుడ్‌ జీరో సైజ్‌ బ్యూటీ కరీనా కపూర్‌ నుంచి రైజింగ్‌ స్టార్‌ తారా సుతారియా వరకు పలువురు బాలీవుడ్‌ బ్యూటీస్‌ తమ స్టైల్స్‌తో లాక్మే స్టేజ్‌ని ఫ్యాషన్ పరేడ్‌గా మార్చేశారు. మరి లాక్మే స్టేజ్‌పై ఫ్యాషనబుల్‌ అటైర్స్‌లో మెరిసిన ఈ మెరుపుతీగల గురించి తెలుసుకుందాం రండి..

Know More

women icon@teamvasundhara
the-style-file-of-big-boss-beauty-punarnavi-bhupalam

ఈ ‘బిగ్‌బాస్‌’ బ్యూటీ పున్ను ఫ్యాషన్స్‌ చూశారా?

పదిహేడేళ్ల ప్రాయంలోనే వెండితెరపై అడుగుపెట్టింది తెలుగందం పునర్నవి భూపాలం. ‘ఉయ్యాల జంపాల’ చిత్రంలో హీరోయిన్‌ ఫ్రెండ్‌గా తన చలాకీ నటనతో తెలుగు ప్రేక్షకులను ఆకట్టుకుందీ కుర్రది. ఆపై ‘మళ్లీ మళ్లీ ఇది రాని రోజు’, ‘పిట్ట గోడ’.. వంటి సినిమాలతో గుర్తింపు తెచ్చుకున్నా.. ‘బిగ్‌ బాస్‌ - 3’తో ‘యాటిట్యూడ్‌ పున్ను’గా పేరు తెచ్చుకుందీ ముద్దుగుమ్మ. అయితే బిగ్‌బాస్‌ టైటిల్‌ గెలవకపోయినా తన బ్యూటిఫుల్‌ లుక్స్‌తో కుర్రకారు మతిపోగొట్టింది. ప్రస్తుతం ‘సైకిల్‌’, ‘ఒక చిన్న విరామం’ వంటి సినిమాలతో మన ముందుకు రానున్న పున్ను.. సోషల్‌ మీడియాలో మాత్రం యమ యాక్టివ్‌గా ఉంటుంది. ఈ క్రమంలోనే తన సినిమా కబుర్లతో పాటు తాను ధరించిన లేటెస్ట్‌ ఫ్యాషన్స్‌కి సంబంధించిన ఫొటోలను ఎప్పటికప్పుడు పోస్ట్‌ చేస్తుంటుందీ బిగ్‌ బాస్‌ బ్యూటీ. ఇలా తనదైన ఫ్యాషన్‌ సెన్స్‌తో నేటితరం అమ్మాయిలకు ఫ్యాషన్‌ ఐకాన్‌గా నిలుస్తోన్న పున్ను వార్డ్‌రోబ్‌లో ఎలాంటి డిఫరెంట్‌ ఫ్యాషన్‌ స్టైల్స్‌ ఉన్నాయో ఈ వారం ప్రత్యేకంగా తెలుసుకుందాం రండి..

Know More

women icon@teamvasundhara
bollywood-beauties-fashion-looks-of-lakme-fashion-week-2020

అందాల నెమళ్లు ర్యాంప్‌ వాక్‌ చేయడం ఎప్పుడైనా చూశారా?

ఫ్యాషన్‌ ప్రేమికులంతా ఎప్పుడెప్పుడా అని ఎదురుచూసిన ఫ్యాషన్‌ పండగ ‘లాక్మే ఫ్యాషన్‌ వీక్‌ -2020’ ముంబయిలో అట్టహాసంగా జరుగుతోంది. ర్యాంప్‌పై తళుకులీనే దుస్తులతో హొయలొలికిస్తూ అందాల తారలు అదరగొడుతున్నారు. కేవలం సరికొత్త ఫ్యాషన్స్‌కి మాత్రమే కాదు.. వాటిని ధరించిన బాలీవుడ్‌ భామల అందచందాలకూ వేదికైందీ లాక్మే ఫ్యాషన్‌ ర్యాంప్‌. ప్రముఖ డిజైనర్స్‌ దగ్గర్నుంచి యంగ్‌ డిజైనర్స్‌ వరకు ఎందరో ఫ్యాషనర్లు తమ కొంగొత్త ఫ్యాషన్స్‌ని ఈ వేదికగా పరిచయం చేస్తుంటారు. ఇక వాటిని ధరించిన మన ముద్దుగుమ్మల సొగసు చూడతరమా!! మరి, ఈసారి లాక్మే ఫ్యాషన్‌ వీక్‌లో ఎవరెవరు ఏయే డిజైనర్‌ దుస్తుల్లో మెరిశారో చూసేద్దామా..!!

Know More

women icon@teamvasundhara
red-is-the-best-outfit-for-valentines-day-2020

రెడ్‌ డ్రస్‌లో రెడ్‌ రోజ్‌లా మెరిసిపోండి..!

‘కోటి యుగాలైనా ప్రేమకు మాత్రం వయసైపోదు’.. అన్నాడో సినీ కవి. వయసు శరీరానికి మాత్రమే.. మనసులోని ప్రేమ ఎప్పుడూ నిత్య యవ్వనంగానే ఉంటుందనేది అందులో దాగున్న పరమార్థం. అలాంటి అందమైన ఫీలింగ్‌ను పంచుకోవడానికి, తమ ప్రియమైన వారిని కానుకలతో సర్‌ప్రైజ్‌ చేయడానికి ‘వేలంటైన్స్‌ డే’ కోసం వేయికళ్లతో ఎదురుచూస్తుంటారు లవర్స్‌. మరి, ఇలాంటి ప్రత్యేకమైన సందర్భంలో సమ్‌ వాట్‌ స్పెషల్‌గా కనిపించడం అమ్మాయిలకు వెన్నతో పెట్టిన విద్య. సాధారణంగా ప్రేమికుల రోజంటే తమ మనసులోని భావాలను తమ డ్రస్‌తోనే తెలపాలనుకుంటారు అమ్మాయిలు. అందుకే ఈ రోజున ప్రేమను వ్యక్తం చేసే ఎరుపు రంగు డ్రస్‌కే ప్రాధాన్యమిస్తుంటారు. మీరూ అదే పనిలో ఉన్నారా? అయితే ప్రస్తుతం ఫ్యాషన్‌ ప్రపంచంలో ట్రెండింగ్‌లో ఉన్న విభిన్న ఎరుపు రంగు అటైర్స్‌పై ఓ లుక్కేయండి. మీకు నచ్చిన, నప్పిన రెడ్‌ డ్రస్‌లో రెడ్‌ రోజ్‌లా రడీ అయ్యి మీ సోల్‌మేట్‌కి మీ ప్రేమను చెప్పకనే చెప్పేయండి..

Know More

women icon@teamvasundhara
the-style-file-of-evergreen-beauty-trisha

ఈ అందాల ‘నాయకి’ ఫ్యాషన్స్‌ అద్భుతః!

తమ వయసుతో పాటు అందాన్ని కూడా పెంచుకుంటూ.. అద్భుతమైన అభినయంతో ప్రేక్షకులను కట్టిపడేస్తుంటారు కొందరు భామలు. అలాంటి దక్షిణాది తారల్లో ‘త్రిష’ గురించి ప్రత్యేకంగా చెప్పుకోవాలి. 1999 ‘మిస్‌ మద్రాస్‌’ పోటీల్లో విజేతగా నిలిచి.. అదే ఏడాది ‘జోడీ’ అనే తమిళ చిత్రంతో వెండితెరకు పరిచయమైందీ చెన్నై చంద్రం. ‘నీ మనసు నాకు తెలుసు’ చిత్రంతో తెలుగు తెరపై అడుగుపెట్టిన త్రిష.. ‘వర్షం’తో స్టార్‌ ఇమేజ్‌ని సొంతం చేసుకుంది. ఆపై.. ‘నువ్వొస్తానంటే నేనొద్దంటానా’, ‘అతడు’, ‘పౌర్ణమి’, ‘బాడీగార్డ్‌’, ‘నాయకి’.. వంటి సినిమాలతో వరుస విజయాలను అందుకుంది. ఇలా కేవలం తన నటనతోనే కాదు.. తన అప్‌డేటెడ్‌ ఫ్యాషన్స్‌తోనూ ఈతరం అమ్మాయిలందరికీ ఫ్యాషన్‌ పాఠాలు నేర్పుతోంది త్రిష. ఈ క్రమంలో తన ఫ్యాషనబుల్‌ లుక్స్‌ని ఎప్పటికప్పుడు ఇన్‌స్టా ద్వారా అభిమానులతో పంచుకుంటూ తన ఫ్యాషన్‌ సెన్స్‌ను చాటుకుంటోందీ చెన్నై బ్యూటీ. మరి, విభిన్న ఫ్యాషనబుల్‌ లుక్స్‌తో నిండిపోయిన త్రిష వార్డ్‌రోబ్‌లోని కొన్ని ఫ్యాషన్ల గురించి మనమూ తెలుసుకుని ఫాలో అయిపోదాం రండి..

Know More

women icon@teamvasundhara
statement-jewellery-trends-for-the-marriage-occasion

ఈ నగలతో పెళ్లి కళ మీదే!

పండగ నెల దాటింది.. మళ్లీ పెళ్లిళ్ల సీజన్‌ మొదలైంది. పెళ్లంటే ఎన్నో పనులు, హడావిడి.. ఇలా క్షణం తీరిక లేకుండా గడుపుతుంటాం. అలాగని ఎన్ని పనులున్నా పెళ్లికి, ఇతర ఫంక్షన్లకు రడీ అవడం విషయంలో మాత్రం అస్సలు రాజీపడరు అమ్మాయిలు. పెళ్లి కూతురితో సమానంగా అన్ని పెళ్లి వేడుకల్లో ఆయా సందర్భానికి తగ్గట్టుగా ప్రత్యేకంగా డిజైన్‌ చేసిన దుస్తుల్లో అందంగా మెరిసిపోవాలని ఆరాటపడుతుంటారు. ఈ క్రమంలో కొందరు డ్రస్‌ విషయంలో చూపించిన శ్రద్ధ వాటికి మ్యాచ్‌ చేసే జ్యుయలరీ విషయంలో చూపించకపోవచ్చు. నగలే కదా.. ఏదో ఒకటి మ్యాచ్‌ చేస్తే సరిపోతుందనుకుంటారు.. కానీ డ్రస్‌కు తగ్గట్లుగా నగలు వేసుకోకపోతే మీ లుక్‌ మొత్తం చెడిపోయే అవకాశం ఉంటుంది. ఫలితంగా మీరెంత అద్భుతమైన కలర్‌ కాంబినేషన్‌ దుస్తుల్ని ధరించినా వృథానే..! అందుకే ప్రస్తుతం మార్కెట్లో వివిధ రకాల లేటెస్ట్‌ నగల డిజైన్స్‌ సందడి చేస్తున్నాయి. వాటిలో మీకు, మీ దుస్తులకు నప్పేట్లుగా, సందర్భానికి తగ్గట్లుగా నగల్ని ఎంచుకుంటే సూపర్బ్‌గా అదరగొట్టేయచ్చు. మరి, ప్రస్తుతం లేటెస్ట్‌ డిజైన్స్‌తో అమ్మాయిల మనసు లాగేస్తోన్న అలాంటి కొన్ని నగల గురించి తెలుసుకుందాం రండి..

Know More

women icon@teamvasundhara
eco-friendly-detachable-tote-bags

మసాబా డిజైన్‌ చేసిన ఈ డ్రస్సుల ప్రత్యేకత ఏంటో తెలుసా?

ప్రస్తుతం సమాజాన్ని పీడిస్తోన్న సమస్యల్లో ‘మితిమీరిన ప్లాస్టిక్‌ వాడకం’ కూడా ఒకటి. మనిషి జీవనవిధానంలో ప్లాస్టిక్‌ అతి ముఖ్యమైన అంశంగా మారింది. భోజనం చేసే కంచం, మంచినీళ్లు తాగే బాటిల్‌, కూర్చునే కుర్చీ, పూలకుండీ, టూత్‌ బ్రష్‌, షాంపూ బాటిల్స్‌.. ఇలా ఒకటేమిటి మనిషికి అవసరమయ్యే దాదాపు అన్ని వస్తువుల్లో ప్లాస్టిక్‌ ఉంది. వీటిలో చాలావరకు వస్తువులు రీ-సైకిల్‌ చేయడానికి ఉపయోగపడితే.. కొన్నింటిని రీ-సైకిల్‌ చేయడం వీలు కాదు. వీటి వల్ల వాతావరణానికి తీవ్ర నష్టం జరుగుతోంది. అంతేకాదు, ప్లాస్టిక్‌ వ్యర్థాలు సముద్రాల్లో కలిసి ఎన్నో సముద్ర జీవులు చనిపోవడానికి కారణమవుతున్నాయి. పైగా మితిమీరిన ప్లాస్టిక్‌ వాడకం వల్ల మనిషికి అనేక రకాల క్యాన్సర్లు కూడా వస్తున్నాయి.

Know More

women icon@teamvasundhara
television-star-anchor-suma-kanakala-style-file

women icon@teamvasundhara
nepal-sets-world-record-for-holding-the-highest-altitude-fashion-show-on-land

ఈ ఫ్యాషన్‌ షో ప్రత్యేకత ఏమిటో తెలుసా?

నేపాల్‌... భూకంపాలతో నిత్యం అల్లకల్లోలంగా ఉండే దేశం. అందుకే పక్కనే హిమాలయ పర్వతాలున్నా ఆ దేశాన్ని సందర్శించే పర్యాటకుల సంఖ్య రోజురోజుకూ తగ్గిపోతోంది. అలాంటి దేశం ఒక్కసారిగా డిజైనర్లు రూపొందించిన దుస్తులు, మోడళ్ల హొయలతో సందడిగా మారిపోయింది. ప్రపంచంలోనే అత్యంత ఎత్తైన శిఖరం మౌంట్‌ ఎవరెస్టు బేస్‌ క్యాంప్‌ సమీపంలోని కాలాపత్తర్‌ వద్ద ఈ ఫ్యాషన్‌ షోను ఏర్పాటుచేశారు. సముద్ర మట్టానికి సుమారు 5,340మీటర్ల (17515 అడుగులు)ఎత్తులో ఈ ఫ్యాషన్‌ పరేడ్‌ నిర్వహించడం విశేషం. మరి అందనంత ఎత్తులో ఈ ఫ్యాషన్‌ షో ఎందుకు ఏర్పాటుచేశారు? అసలు మోడళ్లు అక్కడకు ఎలా చేరుకున్నారు? తదితర వివరాలు తెలుసుకోవాలంటే ఈ స్టోరీ చదవండి.

Know More

women icon@teamvasundhara
how-to-revamp-the-old-lehenga-in-different-styles

పాత లెహెంగాకు ఇలా కొత్త సొబగులద్దండి!

అమ్మాయిల వార్డ్‌రోబ్‌ని ‘పుష్పక విమానం’తో పోల్చచ్చు. ఎందుకంటే ఎన్ని దుస్తులు కొన్నా.. ఇంకా కొత్త వాటికి చోటుంటుందనడంలో సందేహం లేదు. ఇలాంటి ఎన్నో ఫ్యాషన్లకు చోటిచ్చే ఈ వార్డ్‌రోబ్‌లో అటు ట్రెడిషనల్‌, ఇటు మోడ్రన్‌తో పాటు ఈ రెండూ కలగలిపిన దుస్తులు సైతం ఉంటాయి. అయితే వీటిలో కొన్ని దుస్తుల్ని కొన్ని సార్లు వేసుకున్నాక పాతవైపోయాయని పక్కన పెట్టేయడం మనలో చాలామందికి కామనే. కొత్త ఫ్యాషన్లను చూసేసరికి అవి నచ్చకపోవడం ఓ కారణమైతే.. ఆ ఫ్యాషన్‌ ఇప్పుడు ఎవరూ వేసుకోవట్లేదంటూ పక్కన పడేయడం మరో కారణంగా చెప్పుకోవచ్చు. ఈ క్రమంలోనే మనలో చాలామంది పక్కన పెట్టే ఫ్యాషన్స్‌లో లెహెంగాలూ ఉంటాయి. కొత్త కొత్త లెహెంగా మోడల్స్‌ పుట్టుకొచ్చే సరికి పాతవి చేదైపోతుంటాయి చాలామంది అమ్మాయిలకు. కానీ బుర్రకు కాస్త పదునుపెట్టి ఆలోచిస్తే పాత లెహెంగాల్లోనే సరికొత్తగా, ఫ్యాషన్‌ క్వీన్‌లా మెరిసిపోవచ్చు. అందుకు మనం చేయాల్సిందల్లా పాత లెహెంగాలకు కొత్త సొబగులద్దడమే.. అంటే పాత వాటికి కొత్త ఫ్యాషన్లను జతచేస్తే అందరి కంటే అందంగా, ఫ్యాషనబుల్‌గా మెరిసిపోవచ్చు. పైగా పెళ్లిళ్ల సీజన్‌ కూడా ప్రారంభమైంది. కాబట్టి మీ వార్డ్‌రోబ్‌లో ఉన్న పాత లెహెంగాల్ని బయటికి తీయండి.. వాటికి ఇలాంటి సరికొత్త స్టైల్స్‌ని జతచేసి ఫ్యాషన్‌ గాడెస్‌లా మెరిసిపోండి..

Know More

women icon@teamvasundhara
the-celebrity-style-file-of-avunu-actress-poorna

ఈ ‘మహాలక్ష్మి’ క్లాసీ లుక్స్‌ మనమూ ఫాలో అవుదామా..!

వెండితెరపై కొందరు తారలు తమ గ్లామరస్‌ స్టైల్స్‌తో అదరగొడితే.. ఇంకొందరు తమ క్లాసీ లుక్స్‌తో ప్రేక్షకుల హృదయాల్లో నిలిచిపోతారు. అటువంటి క్లాసీ స్టార్స్‌లో ఒకరు ‘పూర్ణ’. నాట్యంలో ప్రావీణ్యురాలైన పూర్ణ.. ఓ ప్రముఖ మలయాళ ఛానల్‌ నిర్వహించిన డ్యాన్స్‌ రియాల్టీ షోలో బుల్లితెర అరంగేట్రం చేసింది. ఈ క్రమంలోనే ఓ మలయాళ చిత్రంలో నటించే అవకాశాన్ని అందిపుచ్చుకుని వెండితెరకు పరిచయమైంది. ‘శ్రీ మహాలక్ష్మి’ చిత్రం ద్వారా తెలుగునాట అడుగుపెట్టి తన నటనకు మంచి మార్కులే వేయించుకుందీ బొద్దుగుమ్మ. ఆపై ‘సీమ టపాకాయ్‌’, ‘అవును’, ‘అవును 2’, ‘రాజు గారి గది’, ‘జయమ్ము నిశ్చయమ్ము రా’.. వంటి పలు చిత్రాలతో తెలుగమ్మాయేమో అనిపించేంతలా ప్రేక్షకులకు దగ్గరైందీ కేరళ కుట్టి. ఆన్‌స్క్రీన్‌లోనే కాదు.. ఆఫ్‌స్క్రీన్‌లో కూడా తన క్లాసీ లుక్స్‌తో అదరగొడుతుందీ భామ. ఇలా తాను ధరించిన అవుట్‌ఫిట్స్‌కు సంబంధించిన ఫొటోల్ని తన ఫ్యాన్స్‌తో పంచుకోకుండా ఉండలేదీ చక్కనమ్మ. ఈ నేపథ్యంలో ఈ క్లాసీ బ్యూటీ వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్‌ స్టైల్స్‌పై మనమూ ఓ లుక్కేద్దాం రండి..!

Know More

women icon@teamvasundhara
the-star-shined-at-umang-2020

అదిరేటి ఫ్యాషన్‌ లుక్స్‌తో దడ పుట్టించారు!

ముంబై పోలీస్‌ శాఖ ఆధ్వర్యంలో ఏటా నిర్వహించే ‘ఉమంగ్‌ ఫెస్టివల్‌’.. ఈ సంవత్సరం కూడా ఎంతో ఘనంగా జరిగింది. పోలీస్‌ ఫోర్స్‌, పోలీస్‌ కుటుంబాల కోసం నిధుల్ని సమీకరించే సదుద్దేశంతో ఈ కార్యక్రమాన్ని నిర్వహిస్తారు. ఈ ఛారిటీ కార్యక్రమానికి బాలీవుడ్‌ నటీనటులు పెద్ద ఎత్తున హాజరుకావడమే కాకుండా తమ డ్యాన్స్‌ పెర్ఫార్మెన్స్‌తో అదరగొట్టారు. అంతేకాదు.. రెడ్‌ కార్పెట్‌పై ఈ అందాల తారలు తమ ఫ్యాషన్‌ లుక్స్‌తో చేసిన హంగామా చూడడానికి రెండు కళ్లు చాలలేదంటే అతిశయోక్తి కాదు. మరి, ‘ఉమంగ్‌ ఫెస్టివల్‌’లో వారి రెడ్‌ కార్పెట్‌ ఫ్యాషన్‌ పరేడ్‌ని మనమూ ఓ సారి చూసొద్దాం రండి..!

Know More

women icon@teamvasundhara
sara-ali-khan-style-file

ఈ పటౌడీ ప్రిన్సెస్‌.. ఓ ఫ్యాషన్‌ సెన్సేషన్‌!

సారా అలీ ఖాన్‌.. స్టార్‌ కిడ్‌గా బాలీవుడ్‌లోకి అడుగుపెట్టిందీ పటౌడీ ప్రిన్సెస్‌. తన మొదటి చిత్రం ‘కేదార్‌నాథ్‌’తో.. తనకు నట వారసత్వం ఉన్నప్పటికీ.. తానేంటో నిరూపించుకోగలనని తెలియజేసింది. ఆపై ‘సింబా’తో బ్లాక్‌బస్టర్‌ హిట్‌ అందుకుని.. ప్రస్తుతం ‘లవ్‌ ఆజ్‌ కల్‌’, ‘కూలీ నెం 1’ చిత్రాలతో ప్రేక్షకులను అలరించడానికి సిద్ధమవుతోందీ అందాల భామ. ఇలా నటించింది రెండంటే రెండు సినిమాల్లోనే అయినా.. సీనియర్‌ నటులకేమాత్రం తీసిపోనంతగా ఫ్యాన్ ఫాలోయింగ్‌ సంపాదించుకుంది సారా. ఇందుకు అసలు సిసలైన కారణం.. తన నటప్రతిభే కాదు.. తన ఫ్యాషన్‌సెన్స్‌ కూడా! ఆన్‌స్క్రీన్‌తో పాటు ఆఫ్‌స్క్రీన్‌పై సందర్భమేదైనా విభిన్న ఫ్యాషనబుల్‌ అవుట్‌ఫిట్స్‌లో దర్శనమిచ్చే ఈ ముద్దుగుమ్మ.. తనదైన ఫ్యాషన్ లుక్స్‌తో ట్రెండ్‌ సెట్టర్‌గా మారిపోయింది. ఇలా స్టైల్‌ సెన్సేషన్‌గా ఈ తరం అమ్మాయిల మనసుల్లో చోటుసంపాదించుకున్న ఈ పటౌడీ ప్రిన్సెస్‌ వార్డ్‌రోబ్‌లో ఏమేం ఫ్యాషన్స్‌ ఉన్నాయో తెలుసుకుందామా..?

Know More

women icon@teamvasundhara
kousalya-krishnamurthy-fame-aishwarya-rajesh-fashion-trends

ట్రెండీ ఫ్యాషన్స్‌తో క్లీన్‌ బౌల్డ్‌ చేస్తోంది!

ప్రస్తుతం దక్షిణ చలనచిత్ర పరిశ్రమలో వరుస అవకాశాలతో దూసుకుపోతున్న నటీమణుల్లో ‘ఐశ్వర్యా రాజేష్‌’ ఒకరు. ఓ తమిళ కామెడీ షోకి యాంకర్‌గా వ్యవహరించి తన కెరీర్‌ను ప్రారంభించిన ఐశ్వర్య.. ‘నీతాన అవన్‌’ అనే తమిళ చిత్రంతో వెండితెరకు పరిచయమైంది. ‘కౌసల్య కృష్ణమూర్తి’గా తెలుగునాట అడుగుపెట్టి తన క్రికెట్‌ బంతులతో అభిమానుల హృదయాలను క్లీన్‌బౌల్డ్‌ చేసిందీ తమిళమ్మాయి. ఆపై ‘మిస్‌మ్యాచ్‌’ సినిమాతో ఆకట్టుకుని.. ఇప్పుడు టాలీవుడ్‌ రౌడీ విజయ్‌ దేవరకొండ సరసన ‘వరల్డ్‌ ఫేమస్‌ లవర్‌’ లో సువర్ణగా తెలుగు ప్రేక్షకులను అలరించడానికి సిద్ధమవుతోంది. ఇలా తన ప్రతిభ కేవలం నటనలోనే అనుకుంటే పొరపాటే.. తన ఫ్యాషన్స్‌తోనూ నేటి తరం యువతుల మతులుపోగొడుతోందీ డస్కీ బ్యూటీ. మరి తన వార్డ్‌రోబ్‌లో చోటుదక్కించుకున్న క్రేజీ స్టైల్స్‌లోని కొన్ని డిఫరెంట్‌ లుక్స్‌ ఏంటో చూసేద్దామా..?

Know More

women icon@teamvasundhara
traditional-outfits-to-flaunt-your-style-this-sankranthi-2020

ఈ సంక్రాంతికి కాస్త ట్రెడిషనల్‌గా.. కాస్త మోడ్రన్‌గా..!

భోగభాగ్యాలనిచ్చే భోగి.. సిరి సంపదలను తెచ్చే సంక్రాంతి.. కష్టాలు తీర్చే కనుమ.. ఇలా ఎన్నో ఆనందాలతో కొత్త సంవత్సరంలో వస్తున్న మొదటి పండగకి ప్రతి తెలుగింటి లోగిలి అందమైన ముగ్గులతో ఆహ్వానం పలకడానికి సిద్ధమవుతోంది. మరి అంతటి గొప్ప ప్రాశస్త్యం కలిగిన ఈ పండగకి మన తెలుగింటి ముద్దుగుమ్మలు ఇంకెంత అందంగా ముస్తాబవ్వాలనుకుంటారో కదా! ముచ్చటగా మూడు రోజుల పాటు జరుపుకునే ఈ పండగ సందర్భంగా ప్రతిరోజూ సరికొత్తగా మెరిసిపోవాలనుకుంటారు.. ఈ క్రమంలో అటు సంప్రదాయాన్ని పాటిస్తూనే.. ఇటు కాస్త ట్రెండీ టచ్‌ను జోడించాలనుకుంటున్నారు ఈ తరం అతివలు. అంతేకాదు.. అలాంటి సరికొత్త లుక్కున్న దుస్తుల్ని ఎంచుకుంటే ‘దివా ఆఫ్ ది ఫెస్టివల్‌’ మీరే అవుతారు కూడా! మరి అలా బుట్టబొమ్మలా తయారవ్వాలంటే ప్రస్తుతం ట్రెండింగ్‌లో ఉన్న ఈ ట్రెడిషనల్‌ కమ్‌ మోడ్రన్‌ ఫ్యాషన్స్‌ గురించి తెలుసుకోవాల్సిందే!

Know More