scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

Movie Masala

 
category logo

‘అందాల రాక్షసి’ ఫ్యాషన్లెంతో అపురూపం!

Take a Look on Tollywood Beauty Lavanya Tripathi Fashionable Wardrobe in Telugu

celeb-fashion.png

చారడేసి కళ్లు, పువ్వంటి పెదాలు, సొట్ట బుగ్గలు, ముట్టుకుంటే కందిపోయే మోము.. ఇంతటి అపురూప లావణ్యాన్ని తన సొంతం చేసుకొని టాలీవుడ్‌లోకి అడుగుపెట్టింది ఉత్తర్‌ప్రదేశ్‌ బ్యూటీ లావణ్యా త్రిపాఠి. ‘అందాల రాక్షసి’గా తెలుగు తెరకు పరిచయమైన ఈ బ్యూటీ.. ‘భలే భలే మగాడివోయ్‌’, ‘సోగ్గాడే చిన్ని నాయన’, ‘శ్రీరస్తు శుభమస్తు’, ‘మిస్టర్‌’, ‘అంతరిక్షం’.. వంటి సినిమాల్లో రాణించి.. తాజాగా ‘అర్జున్‌ సురవరం’తో మన ముందుకొచ్చింది. ఆన్‌స్క్రీన్‌పై తన అందం, అభినయంతో పాటు చక్కనైన ఫ్యాషన్లతో అలరించే ఈ ముద్దుగుమ్మ.. ఆఫ్‌స్క్రీన్‌లోనూ అంతే ఫ్యాషనబుల్‌గా మెరిసిపోతుంది. ఈ విషయం తన సోషల్‌ మీడియా పేజీల్ని చూస్తే ఇట్టే అర్థమైపోతుంది. పండగలు, ప్రత్యేక సందర్భాల్లో, అవార్డుల ఫంక్షన్లలో.. ఇలా అకేషన్‌ ఏదైనా అప్‌డేటెడ్‌ ఫ్యాషన్లతో అదరగొట్టేయడం ఈ అందాల చందమామకు వెన్నతో పెట్టిన విద్య. అందుకే కేవలం నటిగానే కాదు.. ఈ తరం అమ్మాయిలందరికీ ఫ్యాషన్‌ ఐకాన్‌గా కూడా మారిపోయిందీ లవ్లీ గర్ల్‌. మరి, తనదైన ఫ్యాషన్లతో నేటి తరం అమ్మాయిలందరికీ ఫ్యాషన్‌ పాఠాలు నేర్పుతోన్న ఈ అందాల రాక్షసి వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్లపై మనమూ ఓ లుక్కేద్దాం రండి..

View this post on Instagram

A post shared by Lavanya T (@itsmelavanya) on

దుపట్టా ఇలా కూడా!

పండగలైనా, ప్రత్యేక సందర్భాలైనా.. ఈ రోజుల్లో చాలామంది అమ్మాయిలు లెహెంగాలకే ఓటుస్తున్నారు. అందులోనూ ట్రెడిషనల్‌గా కనిపించాలని పట్టు తరహావి ఎంచుకునే వారు కొందరైతే.. ట్రెడిషనల్‌కు మోడ్రన్‌ టచ్‌ ఇస్తూ సరికొత్తగా మెరిసిపోయే వారు మరికొందరు. అంతేకాదు.. వీటికి జతగా వచ్చే దుపట్టాలను ధరించడంలోనూ వైవిధ్యం చూపుతున్నారు ఈ తరం అమ్మాయిలు. ఈ క్రమంలో దుపట్టాను వెనక నుంచి ముందుకు ధరించడం, లేదంటే సాధారణ దుపట్టాలా వేసుకోవడం, కేప్‌లా కుట్టించుకొని ధరించడం.. ఇలా ఎవరికి నప్పినట్లుగా వారు ట్రెండ్‌ని ఫాలో అయిపోతున్నారు. మన ‘అందాల రాక్షసి’ లావణ్య కూడా తనకు నచ్చినట్లుగా తన దుపట్టాను మరింత ట్రెండీగా ధరించి మెరిసిపోయింది. పింక్‌ షేడ్స్‌తో కూడిన ప్రింటెడ్‌ లెహెంగా ధరించిన ఈ ముద్దుగుమ్మ.. దానికి క్రీమ్‌ కలర్‌ స్లీవ్‌లెస్‌ క్రాప్‌టాప్‌ను జతచేసింది. ఇక దుపట్టాను వెనుక భాగంలో ఇరువైపులా రెండు వింగ్స్‌ మాదిరిగా కుట్టించుకొని తనదైన ఫ్యాషన్‌ సెన్స్‌తో వహ్వా అనిపించిందీ అపురూప లావణ్యం. ఇలా తన అటైర్‌కు మ్యాచింగ్‌గా సింపుల్‌ మేకప్‌, మెస్సీ బన్‌ హెయిర్‌స్టైల్‌, చేతిలో మ్యాచింగ్‌ క్లచ్‌.. ఇలా యాక్సెసరీస్‌తోనూ తన అందాన్ని మరింతగా ఇనుమడింపజేసిందీ సొగసరి. మరి, మీరూ ఈసారి ఈవెనింగ్‌ పార్టీల్లో మోడ్రన్‌ లెహెంగాతో అదరగొట్టాలనుకుంటున్నారా? అయితే దుపట్టాను సాధారణంగా కాకుండా మీకు నచ్చినట్లుగా, నప్పేలా ధరించి అందరిచేతా ఫ్యాషన్‌ దివా అని పిలిపించుకోండి.

డ్రేప్‌ డ్రస్‌’ లుక్కే వేరు!

అల్ట్రా మోడ్రన్‌గా కనిపించాలనుకునే అమ్మాయిలకు ఈ ఫ్యాషన్‌ ప్రపంచంలో బోలెడన్ని ఆప్షన్లున్నాయి. అందులో డ్రేప్‌ డ్రస్‌ కూడా ఒకటి. ఈ తరహా అవుట్‌ఫిట్స్‌లోనూ చీరలు, గౌన్లు.. వంటివి ఎక్కువమంది అమ్మాయిల్ని ఆకట్టుకుంటున్నాయి. అందుకు ఆయా విభిన్న దుస్తుల్ని ధరించిన వారు ట్రెండీగా కనిపించడమే కారణం. మన సొట్టబుగ్గల బ్యూటీ లావణ్య కూడా అలాంటి అల్ట్రా మోడ్రన్‌ డ్రస్‌లోనే మన ముందుకొచ్చేసింది. రాయల్‌ బ్లూ కలర్‌ వన్‌ - షోల్డర్‌ డ్రేప్‌ డ్రస్‌ ధరించిన ఈ అందాల తార.. దానిపై గోల్డ్‌ ఎంబ్రాయిడరీ వర్క్‌ చేసిన లాంగ్‌ జాకెట్‌ను వేసుకుంది. ఇలా తన అటైర్‌కు మ్యాచింగ్‌ ఇయర్‌రింగ్స్‌, బన్‌ హెయిర్‌స్టైల్‌, బ్లాక్‌ హీల్స్‌, సింపుల్‌ మేకప్‌ని జతచేసి ఎంతో అందంగా మెరిసిపోయింది. డ్రేప్‌ తరహా అవుట్‌ఫిట్స్‌లో ఆఫ్‌-షోల్డర్‌, కోల్డ్‌ షోల్డర్‌, స్లీవ్‌ లెస్‌.. వంటివి వేసుకున్నప్పుడు అసౌకర్యంగా ఉండకుండా దానిపై కేప్‌ లేదా జాకెట్‌.. వంటివి వేసుకోవచ్చు. తద్వారా అటు కంఫర్ట్‌గా ఇటు మోడ్రన్‌గా అదరగొట్టేయచ్చు. ఫ్రెండ్స్‌తో కలిసి చేసుకునే పార్టీల్లో ఇలాంటి అవుట్‌ఫిట్స్‌ చక్కగా నప్పుతాయి. అందరిలోనూ మిమ్మల్ని ప్రత్యేకంగా నిలబెడతాయి.

వెయిల్‌’తో రిచ్‌ లుక్‌!

క్రిస్టియన్‌ వెడ్డింగ్స్‌, రెడ్‌ కార్పెట్‌పై హొయలుపోయే ముద్దుగుమ్మల్లో చాలామంది ఎంచుకునేది వెయిల్‌ తరహా అవుట్‌ఫిట్స్‌నే. అయితే ఈ ఫ్యాషన్‌ రాన్రానూ సామాన్యుల దాకా పాకుతోంది. వెయిల్‌ సింపుల్‌గా కనిపించే డ్రస్‌కు రిచ్‌ లుక్‌ని అందిస్తుంది కాబట్టే నేటి అమ్మాయిలంతా ఈ తరహా అవుట్‌ఫిట్‌ని ఎంచుకునేందుకు ఆసక్తి చూపుతున్నారు. లావణ్య కూడా అదే చేసింది. సిల్వర్ కలర్‌ స్ట్రాప్‌లెస్‌ నీ-లెంత్‌ లేయర్డ్‌ ఫ్రాక్‌ ధరించిన ఈ అందాల తార.. డ్రస్‌ వెనుక భాగంలో పొడవాటి వెయిల్‌తో మరింత అందంగా కనిపించింది. ఇలా తన అటైర్‌కు జతగా కాస్త హెవీ మేకప్‌ వేసుకున్న ఈ ముద్దుగుమ్మ.. వదులైన హెయిర్‌స్టైల్‌, మోడ్రన్‌ నెక్‌పీస్‌, న్యూడ్‌ హీల్స్‌తో కిర్రాక్‌గా ముస్తాబైంది. అయితే మాకు ఆఫ్‌-షోల్డర్‌, స్ట్రాప్‌లెస్‌ వంటి దుస్తులు కాస్త అసౌకర్యంగా అనిపిస్తాయి అని ఫీలయ్యే వారు స్లీవ్‌లెస్‌ వెయిల్‌ గౌన్‌ ఎంచుకోవడం లేదంటే తమ డ్రస్‌పై నుంచి జాకెట్‌ లేదా కేప్‌ ధరించడం.. ఇలా మీకు ఎలా నప్పితే అలా ప్రయత్నించచ్చు. ఈవెనింగ్‌ పార్టీలు లేదంటే మీ క్రిస్టియన్‌ ఫ్రెండ్‌ పెళ్లిలో మోడ్రన్‌గా మెరిసిపోవాలనుకుంటే ఈ తరహా అవుట్‌ఫిట్స్‌తో అందంగా ముస్తాబైపోండి.

శారీ గౌన్‌’ ట్రై చేస్తారా?

ఈవెనింగ్‌ పార్టీలకు వెళ్లే అమ్మాయిలు, మహిళలు ట్రెడిషనల్‌ కంటే మోడ్రన్‌గా కనిపించడానికే ఎక్కువగా ఇష్టపడతారు. అందుకే అటు ట్రెడిషనల్‌, ఇటు మోడ్రన్‌ కలగలిసి రూపొందించిన డ్రస్సులనే ఎంచుకుంటున్నారు. అలాంటిదే డ్రేప్‌ శారీ గౌన్‌ కూడా! కావాలంటే లావణ్య అటైర్‌పై మీరూ ఓ లుక్కేయండి. క్రీమ్‌ కలర్‌ డ్రేప్‌ శారీ గౌన్‌ ధరించిన ఈ లవ్లీ బ్యూటీ.. దానికి అదే రంగులో రూపొందించిన ఆఫ్‌-షోల్డర్‌ బ్లౌజ్‌ను జతచేసింది. పైగా బ్లౌజ్‌ ముందు భాగంలో, షోల్డర్స్‌ వద్ద వచ్చిన డిజైన్‌ శారీనే హైలైట్‌ చేసిందని చెప్పుకోవచ్చు. ఇలా తన మోడ్రన్‌ అటైర్‌కు ట్రెండీ ఇయర్‌ రింగ్స్‌, సింపుల్‌ మేకప్‌, బన్‌ హెయిర్‌స్టైల్‌, న్యూడ్‌ హీల్స్‌ని జతచేసిన ఈ అందాల భామ.. అల్ట్రామోడ్రన్‌గా అదరగొట్టేసింది. మరి, మీరూ వెళ్లబోయే పార్టీ లేదంటే ఫంక్షన్‌లో మోడ్రన్‌గా మెరిసిపోవాలనుకుంటున్నారా? అయితే ఆలస్యమెందుకు.. డ్రేప్‌ శారీ గౌన్‌ ట్రై చేసేయండి మరి.. పైగా ఈ చీరను కట్టుకోవక్కర్లేదు.. ఆల్‌రడీ కుట్టి రడీగా ఉంటుంది కాబట్టి నేరుగా వేసేసుకుంటే సరి!

యాప్లిక్స్‌’ మాయాజాలం!

డ్రస్‌ ఏదైనా దానికి వన్నె తీసుకురావడంలో వాటిపై చేసిన వర్క్‌ పాత్ర ఎంతో కీలకమని చెప్పుకోవాలి. ఈ క్రమంలో ఎంబ్రాయిడరీ, సీక్విన్‌, అద్దాలు, కుందన్స్‌, స్టోన్స్‌, బీడ్స్‌.. ఇలా డ్రస్‌ను అందంగా తీర్చిదిద్దడానికి బోలెడన్ని వర్క్ స్టైల్స్‌ ప్రస్తుతం అందుబాటులో ఉన్నాయి. అయితే వీటిలో యాప్లిక్స్‌ తరహా స్టైల్‌ కూడా ఒకటి. ఈ క్రమంలో డ్రస్‌ లేదా గౌన్‌, చీర.. వంటి దుస్తులపై అక్కడక్కడా ఫ్లోరల్‌ యాప్లిక్స్‌తో డిజైన్‌ చేయడం మనం చూస్తుంటాం. అలాకాకుండా కేవలం యాప్లిక్స్‌తోనే మొత్తం డ్రస్‌ రూపొందిస్తే ఎలా ఉంటుంది.. ఇదిగో ఈ అపురూప లావణ్యమంత అందంగా ఉంటుంది మరి! క్రీమ్‌, లేత గులాబీ ఫ్లోరల్‌ యాప్లిక్స్‌ని ఒక దగ్గర చేర్చి రూపొందించిన నీ-లెంత్‌ గౌన్‌లో ముస్తాబైంది లావణ్య. డ్రస్‌ కాలర్‌, రెండు యాప్లిక్స్‌ కలిసే దగ్గర ట్రాన్స్‌పరెంట్‌గా రావడం ఈ డ్రస్‌కు ప్రధాన ఆకర్షణ అని చెప్పచ్చు. ఇలా తన ట్రెండీ డ్రస్‌కు రా పర్ల్‌ ఇయర్‌ రింగ్స్‌, లూజ్‌ పోనీ, న్యూడ్‌ హీల్స్‌ను జతచేసిన ఈ అందాల తార.. ఎంతో ఫ్యాషనబుల్‌గా మెరిసిపోయింది. అయితే అక్కడక్కడా ట్రాన్స్‌పరెంట్‌గా ఉన్నా ఎబ్బెట్టుగా, అసౌకర్యం కలగకుండా జాగ్రత్తపడాలంటే మ్యాచింగ్‌గా ఉండే బాడీకాన్‌ ఇన్నర్‌ డ్రస్‌ను ఎంచుకోవడం, దాన్ని కంఫర్టబుల్‌గా ధరించడం కూడా ముఖ్యమే. ఫ్రెండ్స్‌తో కలిసి పాల్గొనే పార్టీల్లో మీరూ ఈసారి ఈ తరహా అవుట్‌ఫిట్‌ని ఎంచుకొని అదరగొట్టేయండి. సరేనా?

గోల్డెన్‌’ బ్యూటీలా..!

ట్రెడిషనల్‌ అకేషన్స్‌లో సంప్రదాయబద్ధంగా కనిపించాలని చాలామంది అమ్మాయిలు లెహెంగాలను ఎంచుకోవడం మనకు తెలిసిందే. అయితే అందులోనూ డిజైనర్‌ లెహెంగాల విషయానికొస్తే.. రంగురంగుల లెహెంగాలను ఎంచుకోవడానికే ఆసక్తి చూపుతున్నారు. కానీ ఆ రంగులన్నింటి కంటే గోల్డ్‌ కలర్ లెహెంగాను ఎంచుకొని, ధరించి చూడండి.. ఎంత రిచ్‌గా కనిపిస్తారో! కావాలంటే లావణ్య అటైర్‌పై ఓ లుక్కేయండి. గోల్డెన్‌ లేస్‌ ఫ్యాబ్రిక్‌తో రూపొందించిన లెహెంగా ధరించిన ఈ ముద్దుగుమ్మ.. దానికి జతగా అదే తరహా ఫుల్‌ స్లీవ్స్‌ బ్లౌజ్‌ ధరించింది. ఇలా తన అటైర్‌కు మ్యాచింగ్‌గా అదే రంగు షీర్‌ దుపట్టాను జతచేసి.. గోల్డెన్‌ గర్ల్‌గా మెరిసిపోయింది. ఇక తన డ్రస్‌ టాప్‌ టు బాటమ్‌ అక్కడక్కడా స్టోన్స్‌తో డిజైన్‌ చేయడంతో లెహెంగాకు మరింత రిచ్‌ లుక్‌ వచ్చిందని చెప్పుకోవచ్చు. పెదాలను ఎరుపు రంగు లిప్‌స్టిక్‌తో తీర్చిదిద్దిన ఈ అపురూప లావణ్యం.. బన్‌ హెయిర్‌స్టైల్‌, చక్కటి ఇయర్‌ రింగ్స్‌తో ఫినిషింగ్‌ టచ్‌ ఇచ్చింది. ఇలా లెహెంగాలన్నింటిలోకెల్లా గోల్డ్‌ కలర్‌లో రూపొందించిన లెహెంగా లేదంటే గోల్డెన్‌ ఎంబ్రాయిడరీ, వర్క్‌తో రూపొందించిన ఈ తరహా దుస్తులు అతివల అందాన్ని ద్విగుణీకృతం చేస్తాయని తన డ్రస్‌తో చెప్పకనే చెప్పిందీ అందాల రాశి. మరి, మీరూ ఈసారి ఈవెనింగ్‌ పార్టీలు, పెళ్లిళ్లలో గోల్డెన్‌ లెహెంగా, చీరను ఎంచుకోండి.. ట్రెడిషనల్‌ కమ్‌ మోడ్రన్‌గా మెరిసిపోండి.. ఏమంటారు?

అందాల రాక్షసి లావణ్య త్రిపాఠి వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్ల గురించి తెలుసుకున్నారుగా! మరి, ఆలస్యమెందుకు.. మీరూ వీటిని ప్రయత్నించి ఫ్యాషన్‌ దివాగా అందరి మన్ననలందుకోండి. నలుగురికీ ఫ్యాషన్‌ పాఠాలు నేర్పండి.

గమనిక: ‘పరవాలేదు.. పరవాలేదు..’ అంటూ ‘మనసారా’ సినిమాలో తన చిలిపితనాన్ని, అమాయత్వాన్ని సినీ ప్రేక్షకులకు పరిచయం చేసిన హైదరాబాదీ బ్యూటీ ‘శ్రీ దివ్య’ ఫ్యాషనబుల్‌ వార్డ్‌రోబ్‌లోని కొన్ని డిఫరెంట్‌ ఫ్యాషన్స్‌ గురించి తెలుసుకోవాలంటే ‘సెలబ్రిటీ స్టైల్‌ఫైల్‌’ శీర్షికలో డిసెంబర్‌ 9న ప్రచురితమయ్యే ప్రత్యేక వ్యాసం చదవండి.





women icon@teamvasundhara
stylish-jackets-to-have-this-winter-to-keep-yourself-warm-in-telugu

వెచ్చదనానికి కాస్త స్టైల్‌ని జోడించేద్దాం..!

చలికాలమొచ్చిందంటే వార్డ్‌రోబ్‌లో దాచుకున్న స్వెట్టర్లు, శాలువాలు బయటికి తీస్తాం. ఇక ఈ విషయంలో కాస్త ఫ్యాషనబుల్‌గా ఆలోచించే వారైతే ఎప్పటికప్పుడు ఆదరణలో ఉన్న వింటర్‌ వేర్‌ను కొనడానికీ వెనకాడరు. ఈ క్రమంలో స్వెట్టర్లే కాదు.. వింటర్‌ జాకెట్స్‌ని ధరించే అమ్మాయిలు నానాటికీ పెరిగిపోతున్నారు. అటు చలి నుంచి రక్షణ కల్పించడంతో పాటు ఇటు మనల్ని స్టైలిష్గా కనిపించేలా చేయడంలో ఇవి ముందుంటాయి. ఇలా అతివల అభిరుచులకు తగినట్లుగానే విభిన్న ఫ్యాషనబుల్‌ వింటర్‌ జాకెట్స్‌ని కూడా మార్కెట్లోకి తీసుకొస్తున్నారు ఫ్యాషన్‌ డిజైనర్లు. ట్రెడిషనల్‌ అవుట్‌ఫిట్స్‌ దగ్గర్నుంచి ట్రెండీ అవుట్‌ఫిట్స్‌ దాకా దేనిపైనైనా వీటిని మ్యాచ్‌ చేసి స్టైలిష్‌గా మెరిసిపోవచ్చు. మరి, ప్రస్తుతం మగువల మనసు దోచుకుంటోన్న అలాంటి కొన్ని వింటర్‌ జాకెట్స్‌ గురించి ఇప్పుడు తెలుసుకుందాం..!

Know More

women icon@teamvasundhara
most-expensive-bridal-lehengas-worn-by-celebrity-brides-in-telugu

కళ్లు చెదిరే ఈ వెడ్డింగ్‌ లెహెంగాల ధరెంతో తెలుసా?

పెళ్లంటే చీరే కట్టుకోవాలి.. ఇది ఒకప్పటి మాట! ఇక ఇప్పటి అమ్మాయిలంతా తమ పెళ్లికి లెహెంగాల జపం చేస్తున్నారు. అంతేనా.. అందుకోసం ఎంత డబ్బు ఖర్చు పెట్టడానికైనా వెనకాడట్లేదంటే అది అతిశయోక్తి కాదు. మనలాంటి సామాన్యులే పెళ్లి దుస్తుల కోసం వేలకు వేలు డబ్బు ఖర్చు చేస్తుంటే.. ఇక సెలబ్రిటీల మాటేంటి? నిజానికి మన ముద్దుగుమ్మలు తమ పెళ్లికి ధరించిన బ్రైడల్‌ లెహెంగాల ధరెంతో తెలిస్తే నోరెళ్లబెట్టాల్సిందే! అంతేకాదు.. ఒకరితో ఒకరు పోటీ పడి మరీ భారీ డిజైనర్‌ లెహెంగాల్ని ఎంచుకుంటున్నారేమో అనిపిస్తుంది వారి వెడ్డింగ్‌ అటైర్స్‌ చూస్తుంటే..!

Know More

women icon@teamvasundhara
fashion-tips-for-dressing-while-breastfeeding-in-telugu
women icon@teamvasundhara
celebrities-daughters-who-chose-to-wear-their-mother’s-wedding-outfits-for-their-wedding-festivities

అమ్మ పెళ్లి చీరలో మేమంతా అలా మెరిసిపోయాం!

పెళ్లంటే చాలు.. అమ్మాయిల మనసు అందంగా ముస్తాబవడం వైపే పరిగెడుతుంటుంది. ఈ క్రమంలో ప్రి-వెడ్డింగ్‌ వేడుకల దగ్గర్నుంచి పెళ్లి తంతు ముగిసే దాకా.. ప్రతి వేడుకలోనూ అటు సంప్రదాయబద్ధంగా, ఇటు అందరికంటే ప్రత్యేకంగా రడీ అయి మెరిసిపోతుంటారు వధువులు. ఇక ఈ తరం అమ్మాయిలైతే తమ పెళ్లి వేడుకల్లో అలనాడు అమ్మ ధరించిన పెళ్లి దుస్తులు, నగలకూ ప్రాధాన్యమిస్తున్నారు. తాజాగా మెగా ప్రిన్సెస్‌ నిహారిక కూడా అదే చేసింది. ‘పెళ్లి కూతురు’ ఫంక్షన్‌లో తన తల్లి పద్మజ నిశ్చితార్థం చీర ధరించి యువరాణిలా దర్శనమిచ్చింది. రాయల్‌ బ్లూ పట్టు చీరలో రాయల్‌గా మెరిసిపోయింది నిహా. అందుకే తన చిట్టితల్లిని చూసి నాగబాబు కూడా ‘ఏంజెల్‌లా ఉంది’ అంటూ మురిసిపోయారు. నిహానే కాదు.. గతంలోనూ కొంతమంది ముద్దుగుమ్మలు తమ పెళ్లి వేడుకల్లో తమ తల్లుల చీరలు, నగలు ధరించి సంప్రదాయబద్ధంగా మెరిసిపోయారు. మరి, వారెవరో, వారు ధరించిన ఆ ట్రెడిషనల్‌ అవుట్‌ఫిట్స్‌ ఏంటో తెలుసుకుందాం రండి..

Know More

women icon@teamvasundhara
stylish-hair-accessories-for-this-wedding-season

ఇలా సిగ సింగారించుకుంటే పెళ్లి కళంతా మీదే!

మామూలుగానే అందంగా, ఫ్యాషనబుల్‌గా మెరిసిపోవాలనుకునే అమ్మాయిలు.. ఇక పండగలు, ప్రత్యేక సందర్భాలంటే మరింత ప్రత్యేకంగా ముస్తాబవ్వాలనుకుంటారు. మరి, పెళ్లిళ్లలో అయితే చెప్పే పనే లేదు... తమకు మరెవరూ సాటిరారన్నట్లుగా తయారవ్వాలనుకుంటారు. అది వారి పెళ్లైనా లేదంటే బంధువులు, స్నేహితురాలి పెళ్లికి హాజరవ్వాలనుకున్నా.. తమ పెళ్లేనేమో అన్నంత హడావిడి చేస్తుంటారు. ఇందుకోసం దుస్తుల దగ్గర్నుంచి ఆభరణాల దాకా.. మేకప్‌ దగ్గర్నుంచి సిగ సింగారించుకోవడం దాకా ఏ ఒక్క దాని విషయంలోనూ రాజీపడరు. అందుకు తగినట్లుగానే డిజైనర్లు కూడా కొత్త కొత్త ఫ్యాషన్స్‌ని, యాక్సెసరీస్‌ని మార్కెట్లోకి అందుబాటులోకి తీసుకొస్తున్నారు. ఈ రోజుల్లో అమ్మాయిలైతే వారి ఫ్యాషన్స్‌కు నప్పిన హెయిర్‌స్టైల్స్‌ని ప్రయత్నించడమే కాదు.. వాటికీ వివిధ రకాల హెయిర్‌ యాక్సెసరీస్‌తో వన్నెలద్దుతున్నారు. మరి, సిగ సొగసును ఇనుమడింపచేసే అలాంటి కొన్ని హెయిర్‌ యాక్సెసరీస్‌ గురించి ఈ పెళ్లిళ్ల సీజన్‌ సందర్భంగా తెలుసుకుందాం..!

Know More

women icon@teamvasundhara
beautiful-bride-kajal-aggarwal-bridal-fashions-looks-elegant

అందాల ‘చందమామ’ వెడ్డింగ్‌ లుక్స్‌ అదుర్స్‌!

పెళ్లి నిశ్చయమైందంటే చాలు.. ఇక అమ్మాయిల మనసంతా తాము ఎలాంటి బ్రైడల్‌ లుక్స్‌ ఎంపిక చేసుకోవాలా? అన్న అంశం చుట్టూనే తిరుగుతుంటుంది. ప్రతి వేడుకలోనూ అందరికంటే భిన్నంగా, కుందనపు బొమ్మలా మెరిసిపోవాలన్న వారి ఆరాటం అంతా ఇంతా కాదు. మరి, మనలాంటి సామాన్యులమే ఇలా ఆలోచిస్తే.. సెలబ్రిటీలు ఇంకెంత హై-ఫైగా ఆలోచిస్తారు. అందుకే ప్రస్తుతం ఎక్కడ చూసినా నవ వధువు కాజల్‌ అగర్వాల్‌ బ్రైడల్‌ అటైర్స్‌కు సంబంధించిన ఫొటోలే సోషల్‌ మీడియాలో దర్శనమిస్తున్నాయి. ఎవరిని కదిపినా ‘చందమామ బ్రైడల్‌ లుక్స్‌ అదుర్స్‌!!’ అనే అంటున్నారు. తన మది దోచిన గౌతమ్‌ కిచ్లుతో ఇటీవలే ఏడడుగులు నడిచిన ఈ ముద్దుగుమ్మ.. నిశ్చితార్థం దగ్గర్నుంచి రిసెప్షన్‌ వరకూ తనదైన స్టైల్‌లో మెరిసిపోయింది. అటు భారతీయ సంప్రదాయానికి ఇటు తనదైన ఫ్యాషన్‌ సెన్స్‌ని జతచేస్తూ ప్రతి వేడుకలో తాను ధరించిన దుస్తులు ఈ తరం అమ్మాయిలకు బ్రైడల్‌ ఫ్యాషన్‌ పాఠాలు నేర్పుతున్నాయనడంలో సందేహం లేదు.

Know More

women icon@teamvasundhara
bollywood-to-be-moms-stylish-maternity-wear-in-telugu

ఈ కాబోయే అమ్మల మెటర్నిటీ ఫ్యాషన్స్‌ చూశారా?

అమ్మతనంలో ప్రతి క్షణం అపురూపమే.. ఆనందమే! అందుకే గర్భం ధరించినప్పట్నుంచే కాబోయే తల్లుల ధ్యాసంతా కడుపులోని బిడ్డ పైనే ఉంటుంది. తీసుకునే ఆహారం దగ్గర్నుంచి వేసుకునే దుస్తుల దాకా.. ప్రతి విషయంలోనూ తమ బుజ్జాయికి సౌకర్యవంతంగా ఉండే వాటినే ఎంచుకుంటుంటారు. మనలో చాలామంది కూడా గర్భం ధరించిన సమయంలో వదులుగా, కంఫర్టబుల్‌గా ఉండే దుస్తులకే అధిక ప్రాధాన్యమిస్తుంటారు. అయితే అలాంటి వాటికి తమదైన స్టైల్స్‌ని జతచేసి ఫ్యాషనబుల్‌గా మెరిసిపోతున్నారు త్వరలో అమ్మతనంలోకి అడుగిడుతోన్న కొందరు అందాల తారలు. మరి, అటు స్టైలిష్‌గా, ఇటు కంఫర్టబుల్‌గా కనిపించేలా మన ముద్దుగుమ్మలు ధరించిన ఆ సరికొత్త మెటర్నిటీ ఫ్యాషన్లేంటో మనమూ తెలుసుకుందాం రండి..

Know More

women icon@teamvasundhara
bollywood-beauties-fashionable-looks-at-lakme-fashion-week-virtual-event

ఈ ముద్దుగుమ్మలంతా ఇలా మెరిసిపోయారు!

పబ్లిక్‌ ఈవెంట్లు, ప్రత్యేక సందర్భాలంటే చాలు.. మన ముద్దుగుమ్మలు ఎంత అందంగా, ఫ్యాషనబుల్‌గా మెరిసిపోతారో ప్రత్యేకించి చెప్పనవసరం లేదు. మరి, అలాంటిది ఫ్యాషన్‌ షోలంటే మన తారలు ఇంకెంత సరికొత్తగా ముస్తాబవుతారో, మేటి డిజైనర్లు రూపొందించిన విభిన్న డిజైన్లు ధరించి కొత్త కొత్త ఫ్యాషన్లను ఫ్యాషన్‌ ప్రియులకు పరిచయం చేస్తారో కదూ!! అలాంటి ఫ్యాషన్‌ పండగలోనే పలువురు ముద్దుగుమ్మలు కళ్లు జిగేలుమనేలా మెరిసిపోయారు. ఏటా నిర్వహించే ‘లాక్మే ఫ్యాషన్‌ వీక్‌’లో భాగంగా.. ఈసారి కరోనా నేపథ్యంలో వర్చువల్‌గానే వేడుకను నిర్వహించారు. ఈ క్రమంలో కొందరు ముద్దుగుమ్మలు ఆయా డిజైనర్లు రూపొందించిన సరికొత్త ఫ్యాషన్లను ధరించి ఈ ఫ్యాషన్‌ పరేడ్‌లో భాగమయ్యారు. మరి, ఎవరెవరు ఎలాంటి దుస్తుల్లో తళుక్కుమన్నారో మనమూ తెలుసుకుందాం రండి..

Know More

women icon@teamvasundhara
style-yourself-in-these-colours-to-sport-this-festive-season-in-telugu

నవరాత్రుల్లో ఇలా ‘కలర్‌’ఫుల్‌గా మెరిసిపోదాం!

పండగొచ్చిందంటే చాలు.. సందడంతా మహిళలదే. నేటి తరం ఫ్యాషన్లను ఫాలో అవుతూనే సంప్రదాయబద్ధంగా మెరిసిపోవడంలో ఎప్పుడూ వారు ముందే ఉంటారు. అలాంటిది అమ్మవారిని ఎంతో భక్తిశ్రద్ధలతో కొలిచే దసరా నవరాత్రుల్లో మహిళల తళుకులు, సొగసుల గురించి ప్రత్యేకంగా చెప్పక్కర్లేదు. ముఖ్యంగా అమ్మవారిని రోజుకో అలంకారంలో, రోజుకో రంగు చీరతో అలంకరించి మరీ కొలవడం ఈ పండగ ప్రత్యేకత. ఈ క్రమంలోనే మనలో చాలామంది ఆయా రంగుల్లో ఉండే దుస్తుల్నే ధరించి తొమ్మిది రోజులు పండగ జరుపుకోవడం ఆనవాయితీగా వస్తోంది. అందులోనూ అటు సంప్రదాయబద్ధంగా ఉంటూనే, ఇటు నేటి తరం ఫ్యాషన్లకు ఏమాత్రం తీసిపోని విధంగా ఉన్న అవుట్‌ఫిట్స్‌నే ఎంచుకుంటున్నారంతా! మరి, ఈ దసరా శరన్నవరాత్రుల సందర్భంగా అటు రంగుకు ప్రాధాన్యమిస్తూనే.. ఇటు సంప్రదాయబద్ధంగా, ఫ్యాషనబుల్‌గా మెరిసిపోవాలంటే ఎలాంటి అవుట్‌ఫిట్స్‌ ఎంచుకోవాలో తెలుసుకుందాం రండి...

Know More

women icon@teamvasundhara
stylish-face-shields-for-women-amid-pandemic

ఫేస్ షీల్డ్‌.. కాస్త స్టైలిష్‌గా.. కాస్త కంఫర్టబుల్‌గా!

ప్రతి విషయంలోనూ అందరికంటే భిన్నంగా, తమకంటూ ప్రత్యేకతను చాటుకోవాలనుకుంటారు మగువలు. ఇక ఫ్యాషన్‌ దగ్గరికొచ్చే సరికి మాత్రం ఎందులోనూ రాజీ పడరు. ధరించే డ్రస్సుల దగ్గర్నుంచి వాటికి మ్యాచింగ్‌గా పెట్టుకునే యాక్సెసరీస్‌ వరకూ.. ప్రతిదీ స్టైలిష్‌గానే ఉండాలనుకుంటారు. ఆఖరికి ఈ కరోనా సమయంలోనూ కొంతమంది పెట్టుకునే మాస్కులు, ఫేస్‌షీల్డ్స్ విషయంలోనూ ఫ్యాషనబుల్‌గా ఉండే వాటినే ఎంచుకుంటున్నారు. ఇలా ఫ్యాషన్‌ ప్రియుల అభిరుచులకు తగినట్లుగానే ప్రస్తుతం విభిన్న రకాలైన ఫేస్‌షీల్డ్స్‌ని మార్కెట్లోకి తీసుకొస్తున్నారు డిజైనర్లు. అటు సౌకర్యవంతంగా ఉంటూనే, ఇటు స్టైలిష్‌ లుక్‌ని అందించే ఈ ఫేస్‌షీల్డ్స్‌ అందుబాటు ధరల్లోనే లభిస్తుండడంతో రాన్రానూ వీటికి ఆదరణ పెరుగుతోంది. మరి, ఈ కరోనా వేళ అటు వైరస్ నుంచి కాపాడుకోవడానికి, ఇటు ఫ్యాషనబుల్‌గా మెరిసిపోవడానికి, మరోవైపు నలుగురిలోనూ మన ప్రత్యేకతను చాటుకోవడానికి మార్కెట్లో సందడి చేస్తోన్న కొన్ని స్టైలిష్‌ ఫేస్‌షీల్డ్స్‌ గురించి ఇప్పుడు తెలుసుకుందాం రండి..

Know More

women icon@teamvasundhara
different-saree-draping-styles-for-different-occasions-in-telugu

మా శారీ స్టైల్‌ ఇది.. మరి, మీది?!

దేశ సంప్రదాయాన్ని ప్రతిబింబించే చీరకట్టు అతివల అందాన్ని ద్విగుణీకృతం చేస్తుందనడం అతిశయోక్తి కాదు. అందుకే పండగైనా, ప్రత్యేక సందర్భమైనా మహిళలంతా ముందుగా ఎంచుకునేది చీరే! అయితే సాధారణంగా చీర ఎలా కట్టుకుంటారో మనందరికీ తెలిసిందే.. కానీ ఇందులోనూ విభిన్న రకాలుగా చీరను ధరించడం ప్రస్తుతం ఓ ట్రెండ్‌గా మారిపోయింది. సంప్రదాయ మెలకువలు, పాశ్చాత్య పోకడలు కలగలిసిన ఈ చీరకట్టు మగువల అపురూప లావణ్యానికి అదనపు హంగులద్దుతుందనడంలో సందేహం లేదు. అందుకే సెలబ్రిటీల దగ్గర్నుంచి సామాన్యుల దాకా ఈ విభిన్న శారీ స్టైల్స్‌కి ఫిదా అయిపోతున్నారు. ప్రత్యేక సందర్భాల్లో వాటిని ధరించి మెరిసిపోతున్నారు.. ఇతరులకూ ఫ్యాషన్‌ పాఠాలు నేర్పుతున్నారు. మరి, అలాంటి కొన్ని విభిన్న శారీ స్టైల్స్‌ గురించి తెలుసుకుందాం రండి..

Know More

women icon@teamvasundhara
how-to-wear-kasavu-in-stylish-way-in-telugu

‘కసావు’ కాస్త స్టైలిష్‌గా ధరిస్తే.. 'ఓనమ్' కళంతా ఇలా మీలోనే!

పండగంటేనే అతివలు చేసే ఫ్యాషన్‌ సందడి అంతా ఇంతా కాదు. సంప్రదాయబద్ధమైన దుస్తులు ధరించి వారు నట్టింట నడయాడుతుంటే పండగ శోభంతా మనింట్లోనే ఉందేమో అనిపించకమానదు! అలాంటి పండగల్లో ఒకటే ఓనమ్‌. అయితే కేరళీయులు ఎక్కువగా జరుపుకొనే ఈ పండగను ఈ రోజుల్లో దేశ ప్రజలందరూ సెలబ్రేట్‌ చేసుకుంటూ భిన్నత్వంలో ఏకత్వాన్ని చాటుతున్నారు. వారి పండగ సంబరాలను సోషల్‌ మీడియా ద్వారా పంచుకుంటున్నారు. మరి, ఓనమ్‌ అనగానే తెలుపు/క్రీమ్‌, గోల్డెన్ కలర్‌ కాంబినేషన్‌లో రూపొందించిన ‘కసావు’ చీరలే గుర్తొస్తాయి. అయితే ఈ తరం అమ్మాయిలు ఈ విషయంలోనూ కాస్త కొత్తగా ఆలోచిస్తున్నారు. కసావు కలర్‌ కాంబినేషన్స్‌నే ఫ్యాషనబుల్‌గా, స్టైలిష్‌గా ధరించడానికి మొగ్గు చూపుతున్నారు. ఫలితంగా అటు ట్రెడిషనల్‌గా ఉంటూనే, ఇటు మోడ్రన్‌గా మెరిసిపోతున్నారు. మరి, ఓనమ్‌ పండగ సందర్భంగా ‘కసావు’ను కాస్త సంప్రదాయబద్ధంగా, ఇంకాస్త మోడ్రన్‌గా ఎలా ధరించచ్చో తెలుసుకుందాం రండి..

Know More

women icon@teamvasundhara
try-these-tri-color-fashions-for-this-independence-day-in-telugu

‘ట్రై-కలర్స్‌’ని ఇలా సరికొత్తగా ట్రై చేద్దాం!!

ఎలాంటి సందర్భంలోనైనా దానికి తగినట్లుగా, ఫ్యాషనబుల్‌గా మెరిసిపోవాలనుకోవడం అతివల నైజం. ఈ క్రమంలోనే ఆ సమయంలో ట్రెండింగ్‌లో ఉన్న ఫ్యాషన్లకు తమ క్రియేటివిటీని జతచేసి లవ్లీ లుక్‌ని సొంతం చేసుకుంటుంటారు. మరి, అలాంటి అకేషన్‌ రానే వచ్చింది. దేశమంతా స్వాతంత్ర్య దినోత్సవ వేడుకలకు ముస్తాబవుతోంది. మరోవైపు మహిళలు ట్రై-కలర్‌ ఫ్యాషన్‌తో తమలోని దేశభక్తిని చాటేందుకు సిద్ధమవుతున్నారు. అయితే ఈసారి కరోనా నేపథ్యంలో అందరూ ఇంట్లోనే వేడుకలు చేసుకోవాలని ప్రభుత్వం పిలుపునివ్వడంతో కొందరు అమ్మాయిలు తమ వార్డ్‌రోబ్‌లో ఉన్న తిరంగా ఫ్యాషన్లను బయటికి తీస్తున్నారు. మరికొందరు ట్రై-కలర్స్‌లోనే సరికొత్త ఫ్యాషనబుల్‌ దుస్తుల్ని ఎంచుకుంటున్నారు. ఏదేమైనా.. ఈసారి ఇంట్లోనే సింపుల్‌గా జరుపుకునే స్వాతంత్ర్య వేడుకల కోసం ఎంతో సింపుల్‌గా, అదీ నేటి తరం ఫ్యాషన్‌ ట్రెండ్స్‌కి ఏమాత్రం తీసిపోని విధంగా ముస్తాబవ్వాలంటే ఎలాంటి అవుట్‌ఫిట్స్‌ని ఎంచుకోవాలో తెలుసుకుందాం రండి...

Know More

women icon@teamvasundhara
all-you-need-to-know-about-new-bride-miheeka-bajaj-elegant-wedding-lehenga

అందుకే ఈ పెళ్లి డ్రస్సు ఇప్పుడు టాక్‌ ఆఫ్‌ ది టౌన్!

ప్రముఖుల ఇంట పెళ్లనగానే అమ్మాయిలందరి కళ్లూ ఆ నవవధువు ధరించే పెళ్లి దుస్తులు, నగలనే వెంటాడతాయి. ఆమెలాగే తామూ తమ పెళ్లిలో అందంగా, అదిరిపోయే పెళ్లి దుస్తుల్లో ముస్తాబవ్వాలని ఆరాటపడుతుంటారు అమ్మాయిలంతా! మన భళ్లాల దేవుడి భార్య మిహీకా బజాజ్‌ వెడ్డింగ్‌ డ్రస్‌ని చూసి మనలో చాలామంది అలాగే అనుకొని ఉంటారు. ఆమె పెళ్లి లెహెంగా అందరినీ అంత మాయ చేసింది మరి! చూడ్డానికి ఎంతో రాయల్‌గా, అద్భుతమైన కలర్‌ కాంబినేషన్‌లో ఉన్న ఈ భారీ లెహెంగాను కొన్ని వేల పనిగంటలు వెచ్చించి పూర్తిగా చేత్తోనే డిజైన్‌ చేయడం విశేషం. అందుకే ప్రస్తుతం సోషల్‌ మీడియాలో చాలామంది ఆమె ధరించిన ఈ పెళ్లి దుస్తుల గురించే మాట్లాడుకుంటున్నారు. మరి, ఇంతకీ ఈ వెడ్డింగ్‌ లెహెంగా అసలు కథేంటో తెలుసుకుందాం రండి...

Know More

women icon@teamvasundhara
on-national-handloom-day-smriti-asked-for-pics-bollywood-obliged

మేమంతా ‘పక్కా లోకల్‌’.. మరి మీరు?

చేనేత... మనదేశ సంస్కృతీ సంప్రదాయాలకు నిలువుటద్దంలా నిలుస్తోందీ ఫ్యాషన్‌. దేశ వారసత్వ సంపదలో భాగమైన ఈ వస్త్ర పరిశ్రమ దేశ ఔన్నత్యం, వైవిధ్యం, కళాత్మకతకు పెద్ద పీట వేస్తోంది. అతివల అభిరుచులకు అనుగుణంగా ఎప్పటికప్పుడు కొత్త సొబగులు అద్దుకుంటూ సరికొత్తగా మార్కెట్లోకి అడుగుపెడుతోందీ ఫ్యాషన్‌. పాశ్చాత్య ఫ్యాషన్‌ పోకడలు రాజ్యమేలుతోన్న ప్రస్తుత తరుణంలో ఈ వస్త్ర రంగాన్ని ఆదుకోవడానికి, మన దేశ వస్త్ర కళల్ని ప్రపంచానికి పరిచయం చేసే సదుద్దేశంతో ఏటా ఆగస్టు 7న ‘జాతీయ చేనేత దినోత్సవం’ నిర్వహిస్తున్నారు. ఈ సందర్భంగా నేత కళాకారుల్ని మరింత ప్రోత్సహించే లక్ష్యంతో పలువురు సినీ ప్రముఖులు ‘వోకల్‌ ఫర్‌ లోకల్‌’ అంటూ చేనేత చీరల్లో మెరిశారు. చేనేత చీరకట్టులో వివిధ సందర్భాల్లో దిగిన ఫొటోలను తాజాగా సామాజిక మాధ్యమాల్లో పంచుకుంటూ తళుక్కుమన్నారు.

Know More

women icon@teamvasundhara
the-story-behind-miheeka-bajajs-pre-wedding-lehenga

మిహీక ధరించిన ఆ లెహెంగా ప్రత్యేకతేంటో తెలుసా?

పెళ్లంటేనే ఎన్నో వేడుకలు, సంబరాలు. మరి, వాటికి తగ్గట్లుగానే నవ వధువులు కూడా అటు సంప్రదాయబద్ధంగా, ఇటు ఫ్యాషనబుల్‌గా మెరిసిపోవాలని కోరుకుంటారు. అంతేనా.. పెళ్లిలో, ఇతర పెళ్లి వేడుకల్లో తాము ధరించే అవుట్‌ఫిట్స్‌లో ఏదో ఒక ప్రత్యేకత ఉండాలని ఆరాటపడుతుంటారు. కొత్త పెళ్లికూతురు మిహీకా బజాజ్‌ కూడా అచ్చం అలానే ఆలోచించినట్లుంది. అందుకే తన ప్రి-వెడ్డింగ్‌ సెలబ్రేషన్స్‌లో భాగంగా ఓ వేడుకలో అందమైన లెహెంగాలో మెరిసిపోయిందీ ముద్దుగుమ్మ. అయితే తాను ధరించిన ఈ అవుట్‌ఫిట్‌కు ఓ ప్రత్యేకత ఉంది. ఇప్పుడు సోషల్‌ మీడియాలో దాని గురించే చర్చంతా! మరి, ఇంతకీ ఏంటా లెహెంగా కథ? రండి.. మనం కూడా తెలుసుకుందాం..!

Know More

women icon@teamvasundhara
these-stylish-hand-woven-sarees-vidya-balan-preferred-for-shakuntala-devi-digital-promotions

చీరకట్టుతో 'శారీ క్వీన్' చేసిన మ్యాజిక్ చూశారా?

విద్యాబాలన్‌.. ఒక విలక్షణ నటిగానే కాదు.. ఫ్యాషన్‌ క్వీన్‌గానూ అందరి మన్ననలందుకుంటోంది. సందర్భమేదైనా దేశ సంస్కృతీ సంప్రదాయాలకు పెద్ద పీట వేసే చీరకట్టుకే ప్రాధాన్యమిస్తుంటుందీ ముద్దుగుమ్మ. అలాంటి ట్రెడిషనల్‌ అటైర్కి ఎప్పటికప్పుడు ట్రెండింగ్‌ ఫ్యాషన్స్‌ని జతచేసి.. తనదైన మార్క్‌ని ప్రదర్శిస్తుంటుంది విద్య. ‘శకుంతలా దేవి’ సినిమా డిజిటల్‌ ప్రమోషన్లలోనూ అదే ఫార్ములాను అనుసరించిందీ బాలీవుడ్‌ బ్యూటీ. ఈ క్రమంలో నిండైన ఆహార్యంతో తాను ధరించిన దుస్తులకే వన్నె తెచ్చిన ఈ అందాల సుందరి.. ఇక్కడా ఎక్కువగా చీరకట్టుకే ఓటేసింది. అందులోనూ భారతీయ వస్త్రకళలకు పెద్ద పీట వేసేందుకు నడుం బిగించిన విద్య.. చేనేత చీరల్లో, అదీ తనదైన స్టైల్స్‌ని జోడిస్తూ మెరిసిపోయింది. మరి, ఇటీవలే ‘శకుంతలా దేవి’గా మన ముందుకొచ్చిన విద్య.. ఆ చిత్ర డిజిటల్‌ ప్రమోషన్స్‌లో ధరించిన కొన్ని స్టైలిష్‌ చీరలపై మనమూ ఓ లుక్కేద్దాం రండి...

Know More

women icon@teamvasundhara
how-to-wear-banarasi-fashion-in-different-ways-this-sravanam

శ్రావణ శుభవేళ ‘బనారసీ’ కళ!

మహిళలకు ఎంతో ప్రీతిపాత్రమైన మాసమేదంటే అది శ్రావణమే! వరలక్ష్మీ వ్రతం, మంగళగౌరీ వ్రతం.. ఇలా అమ్మవారిని ఎంతో భక్తితో సేవించే ఈ మాసంలో అతివలంతా ఎంతో సంప్రదాయబద్ధంగా ముస్తాబై ఇంటికే కొత్త కళ తీసుకొస్తారు. పరికిణీలు, లంగా-వోణీలు, చీరలు.. వంటి ట్రెడిషనల్‌ దుస్తుల్లో అందంగా రడీ అవడానికి ఒకరితో ఒకరు పోటీ పడుతుంటారు. ఇలా మగువల మనసుకు తగ్గట్లే డిజైనర్లు కూడా ట్రెడిషనల్‌ ఫ్యాబ్రిక్స్‌లోనే సరికొత్త మార్పులు చేర్పులు చేసి ఎవర్‌గ్రీన్‌ అవుట్‌ఫిట్స్‌ని అందరికీ చేరువ చేస్తున్నారు. అలాంటిదే బనారసీ ఫ్యాషన్‌ కూడా! ఇది పాత ఫ్యాషనే అయినా.. రాన్రానూ సరికొత్త హంగులద్దుకొని మార్కెట్లో సందడి చేస్తోంది.. అతివల మనసును ఆకట్టుకుంటోంది. మరి, ఈ శ్రావణ శుభవేళ అలాంటి ఎవర్‌గ్రీన్‌ బనారసీ స్టైల్స్ గురించి ఇప్పుడు తెలుసుకుందాం రండి..

Know More

women icon@teamvasundhara
vidya-balan-wears-locally-made-outfits-for-the-e-promotions-of-her-film-shakuntala-devi

ఫ్యాషన్స్‌లోనూ నేను ‘పక్కా లోకల్’!

షూటింగ్స్‌ అయినా, సినిమా ప్రమోషన్స్‌ అయినా ఫ్యాషనబుల్‌గా మెరిసిపోవడం మన ముద్దుగుమ్మలకు అలవాటే. అయితే ప్రస్తుతం కరోనా కారణంగా షూటింగ్స్‌, ప్రమోషన్స్‌ ఏమీ లేకపోవడంతో అందరూ డిజిటల్ ప్లాట్‌ఫామ్‌నే ఆశ్రయించారు. ఈ క్రమంలో కొందరు ఓటీటీ వేదికగా విడుదలవుతోన్న సినిమాలతో ప్రేక్షకుల ముందుకొస్తుంటే.. మరికొందరు తమ చిత్ర ప్రమోషన్లను ఆన్‌లైన్లోనే నిర్వహిస్తున్నారు. బాలీవుడ్‌ అందాల తార విద్యా బాలన్‌ కూడా ప్రస్తుతం అదే పనిలో ఉంది. ఈ నెల 31న ఓటీటీలో విడుదల కాబోతున్న తన సినిమా ‘శకుంతలా దేవి’ డిజిటల్ ప్రమోషన్లతో బిజీబిజీగా ఉందీ బాలీవుడ్‌ బ్యూటీ. అంతేనా.. ప్రమోషన్‌ ఆన్‌లైన్‌లోనే అయినా తన డ్రస్సింగ్‌ సెన్స్‌తో అదరగొట్టేస్తోంది. ముఖ్యంగా ఈ సినిమా ప్రమోషన్ల కోసం విద్య.. మన దేశ సంస్కృతీ సంప్రదాయాలకు అద్దం పట్టే దుస్తుల్ని ధరిస్తూ భారతీయ వస్త్ర కళల్ని ప్రపంచానికి చాటుతోంది.

Know More

women icon@teamvasundhara
us-teen-peyton-monker-makes-covid-19-themed-prom-dress-viral-on-social-media

ఈ డ్రస్‌లో ‘కరోనా కథ’ దాగుంది!

సాధారణంగా మనం ఏదైనా పని ఫలానా సమయానికి చేయాలనుకుంటే అది అనుకున్న సమయంలో పూర్తవ్వాలి. ఒకవేళ ఏదైనా కారణంతో వాయిదా పడితే మనసంతా నిరుత్సాహం ఆవహిస్తుంది. మరే పనిపైనా ధ్యాస పెట్టలేం. కరోనా మహమ్మారి అడుగుపెట్టిన తర్వాత దాదాపు అందరిదీ ఇదే పరిస్థితి. ఎందుకంటే ఈ వైరస్‌ ప్రభావంతో పెళ్లిళ్ల దగ్గర్నుంచి పెద్ద పెద్ద ఈవెంట్ల దాకా అన్నీ వాయిదా పడ్డాయి. దాంతో తమ తమ పనులు పూర్తికాక మానసిక వేదనకు గురవుతున్నారు చాలామంది. అయితే కొందరు మాత్రం ఇలాంటి పరిస్థితి నుంచి తేరుకొని తమ సృజనకు పదును పెడుతూ కొత్త కొత్త ప్రయోగాలు చేస్తున్నారు.. వారి ట్యాలెంట్‌ను సోషల్‌ మీడియా వేదికగా పంచుకుంటూ నెటిజన్ల మన్ననలు అందుకుంటున్నారు. యూఎస్‌కు చెందిన పద్దినిమిదేళ్ల యువతి కూడా తాజాగా తన ప్రతిభతో నెట్‌ప్రియుల మనసు దోచుకుంటోంది. ఇంతకీ ఎవరా యువతి? తన క్రియేటివిటీకి అందరూ ఎందుకంతలా ఫిదా అవుతున్నారు? తెలుసుకోవాలంటే ఇది చదవాల్సిందే!

Know More

women icon@teamvasundhara
fashionable-gym-wear-for-your-indoor-workout-amid-lockdown

ఈ జిమ్‌ వేర్‌తో ఇంట్లోనూ ఫ్యాషనబుల్‌గా మెరిసిపోదాం..!

ఫిట్‌నెస్‌ అనగానే మనందరికీ ముందుగా గుర్తొచ్చేది జిమ్‌. అయితే ఈ లాక్‌డౌన్‌లో జిమ్‌లన్నీ మూతపడడంతో అందరూ ఇంటినే చిన్న సైజు జిమ్‌గా మార్చేసుకొని సులభమైన కసరత్తులు చేసేస్తున్నారు. అయితే వర్కవుట్లు ఇంట్లో చేసినా, జిమ్‌కి వెళ్లినా సౌకర్యవంతమైన దుస్తులు ధరిస్తేనే ఇష్టంగా వ్యాయామాలు చేయగలం. అలాకాకుండా ఇంట్లోనే ఉంటున్నాం కదా.. ఏవైతే ఏంటి అని వర్కవుట్లకు ఉపక్రమిస్తే మనం ధరించిన దుస్తులు మనకు అసౌకర్యంగా ఉండడంతో పాటు చేసే వ్యాయామాలపై దృష్టి పెట్టలేం. కాబట్టి ఇంట్లో ఉన్నా చక్కటి జిమ్‌ వేర్‌ని ధరించడం మంచిదంటున్నారు ఫిట్‌నెస్‌ నిపుణులు. తద్వారా వర్కవుట్లు చేయాలన్న ఆసక్తి మనలో పెరగడంతో పాటు మనం స్టైలిష్‌గా, కంఫర్టబుల్‌గా మెరిసిపోవచ్చనేది వారి అభిప్రాయం. అందుకే మన బాలీవుడ్‌ బేబ్స్‌ కూడా స్టైలిష్‌ జిమ్‌ వేర్‌తో ఇంట్లోనే సౌకర్యవంతంగా, స్టైలిష్‌గా ఎక్సర్‌సైజులు చేసేస్తున్నారు. మరి, వారు ధరించిన కొన్ని ఫ్యాషనబుల్‌ జిమ్‌ వేర్‌ అవుట్‌ఫిట్స్‌పై మనమూ ఓ లుక్కేద్దాం రండి..

Know More

women icon@teamvasundhara
different-fashionable-masks-for-women-in-this-corona-time

ఇలా స్టైలిష్‌గా ‘మాస్క్‌’ చుట్టేద్దాం !

ప్రత్యేక సందర్భం ఉన్నా, లేకపోయినా అందంగా, ఫ్యాషనబుల్‌గా మెరిసిపోవాలని ఆరాటపడుతుంటారు అమ్మాయిలు. ఈ క్రమంలోనే వేసుకునే డ్రస్‌ దగ్గర్నుంచి పెట్టుకునే యాక్సెసరీస్‌ వరకు అన్నీ మ్యాచింగ్‌గా, అందరికంటే విభిన్నంగా ఉండాలని కోరుకుంటారు. ఇలాంటి ఫ్యాషన్‌ ప్రియుల మనసెరిగి డిజైనర్లు కూడా సరికొత్త ఫ్యాషన్స్‌ని ఎప్పటికప్పుడు మార్కెట్లోకి తీసుకొస్తుంటారు. ప్రస్తుతం కరోనా మహమ్మారి విజృంభిస్తోన్న నేపథ్యంలో మన లైఫ్‌స్టైల్లో భాగమైన మాస్కుల్లోనూ సరికొత్త ఫ్యాషన్లు మార్కెట్లో సందడి చేస్తున్నాయి. మరి, ఇటు వైరస్‌ నుంచి మనకు రక్షణగా, అటు ఫ్యాషనబుల్‌గా కనిపించేలా చేసే అలాంటి కొన్ని డిఫరెంట్‌ ఫేస్‌ మాస్కుల గురించి ఇప్పుడు తెలుసుకుందాం..

Know More

women icon@teamvasundhara
celebrities-wore-hazmat-suit-amid-of-covid-19-out-broke

సెలబ్రిటీల ‘కరోనా’ డ్రస్‌కోడ్‌ చూశారా?

కరోనా.. ప్రస్తుతం ప్రపంచ దేశాలను పట్టి పీడిస్తోన్న మహమ్మారి. ఇలాంటి సమయాల్లో వీలైనంత వరకు బయటకు వెళ్లకుండా ఇంట్లోనే స్వీయ నిర్బంధంలో ఉండమంటున్నారు నిపుణులు. కానీ కొందరు వృత్తిరీత్యా, ముందుగానే షెడ్యూల్‌ చేసుకున్న పనులను వాయిదా వేసుకోలేక తప్పనిసరిగా ప్రయాణాలు చేయాల్సి వస్తుంది. ఈ క్రమంలోనే కొవిడ్‌-19 బారిన పడకుండా తమని తాము కాపాడుకోవడానికి ఒక్కొక్కరూ ఒక్కో రకమైన మార్గా్న్ని ఎంచుకుంటున్నారు. అందుకు సెలబ్రిటీలు సైతం అతీతులేమీ కాదు. తాము ముందుగా నిర్ణయించుకున్న కార్యక్రమాలకు హాజరవడానికి ప్రయాణించక తప్పని పరిస్థితి వారిది. తాజాగా ఇద్దరు హాలీవుడ్‌ సెలబ్రిటీలు తమ ప్రయాణంలో భాగంగా కాస్త వినూత్నంగా ఆలోచించి ధరించిన దుస్తులు నెట్టింట్లో వైరల్‌గా మారాయి. ఆ దుస్తుల్లో వారిని చూసిన వారంతా ఇలా ఉన్నా కూడా ‘మీ ఫ్యాషన్‌ అదుర్స్‌‘, ‘మిమ్మల్ని గుర్తుపట్టలేకపోతున్నాం’ అంటూ కామెంట్లు పెడుతున్నారు. మరి, వారి విచిత్ర వేషధారణ విశేషాలేమిటో మనమూ తెలుసుకొని.. వీలైతే ఈ కరోనా స్పెషల్‌ ఫ్యాషన్‌ని పాటించేద్దాం రండి..

Know More

women icon@teamvasundhara
the-stylish-warbrobe-looks-of-mehreen-pirzada

ఫ్యాషన్స్‌లోనూ ‘హనీ ఈజ్‌ ద బెస్ట్‌’!

‘హనీ ఈజ్‌ ద బెస్ట్‌..’ ఈ డైలాగ్‌ విన్న ఎవరికైనా ‘ఎఫ్‌2’ సినిమాలో తన క్యూట్‌ లుక్స్‌తో కుర్రకారు మతులు పోగొట్టిన మెహరీన్‌ పిర్జాదా గుర్తుకురాక మానదు. ‘కృష్ణగాడి వీర ప్రేమగాథ’ చిత్రంతో సినీ ప్రపంచంలోకి అడుగుపెట్టిన ఈ ముద్దుగుమ్మ.. ‘ఫిలౌరీ’ చిత్రంతో హిందీలోనూ తన అదృష్టాన్ని పరీక్షించుకుంది. ఆపై.. ‘మహానుభావుడు’, ‘రాజా ది గ్రేట్‌’, ‘పంతం’, ‘ఎఫ్‌ 2’, ‘అశ్వథ్థామ’.. వంటి చిత్రాలతో వరుస అవకాశాలను దక్కించుకుంటూ తెలుగునాట మంచి గుర్తింపు సంపాదించుకుందీ అందాల తార. ఈ క్యూట్‌ హనీ గర్ల్‌ యాక్టింగ్‌లోనే కాదు.. అప్‌డేటెడ్‌ ఫ్యాషన్స్‌ని పాటించడంలోనూ బెస్టే అని చెప్పచ్చు. ఈ విషయం తన వార్డ్‌రోబ్‌ని చూస్తే ఇట్టే అర్థమైపోతుంది. మరి ఇండస్ట్రీలోకి అడుగుపెట్టిన అనతికాలంలోనే ఫ్యాషన్‌ విషయంలో అమ్మాయిలందరికీ ఐకాన్‌గా నిలుస్తోన్న ఈ లక్కీ గర్ల్‌ ఫ్యాషనబుల్‌ లుక్స్‌పై మనమూ ఓ లుక్కేద్దామా!

Know More